See in Reader
28 lines
5.0 KiB
Plaintext
28 lines
5.0 KiB
Plaintext
\id JUD - Indian Revised Version (IRV) Nagamese
|
|
\c 1
|
|
\v 1 Jude,Jisu Krista laga ekjon sewak,aru James laga bhai,kun khan ke mati loise,Baba Isor laga morom bhai khan ,aru Jisu Krista nimite rakhise:
|
|
\v 2 Daya aru shanti aru morom apuni khan logote bhorta hoi kena thakibole dibo.
|
|
\v 3 Morom thaka bhai khan,moi khan laga ananta jibon pabole laga kotha apuni khan logote likhi bole kosis korise,moi apuni khan ke mon dangor kori dibole nimite eitu likhi ahse pobitro manu khan nimite ki kam korbole dise eitu bisas aru mon pora dukh uthai kena hoile bi kori kena thakibi.
|
|
\v 4 Kelemane apuni khan majo pora kun ba manu khan lukai kena beya rasta te jaise,kun ke pohila pora khotom kori dibole nimite kio dise,beya manu khan pap laga kam pora Isor laga morom tu bodli kori dise,aru tai probhu Jisu Krista malik ahse ,koi kena namane.
|
|
\v 5 Etiya moi apuni khan ke eitu kobole nimite echa kori ahse-apuni khan eitu pura jani kena thakilebhi-Jisu pora Egypt laga jaga pora manu khan ke bachai loise,kintu pichete kun manu Teo laga kotha mananai tai khan ke khotom kori dise.
|
|
\v 6 Aru sworgodut khan kun nijor laga adhikar diya tu bhal pora cholanai,kintu tai laga asol thaka jaga tu chari dise-Isor pora tai khan ke ketiya bhi khulibole napara laga chain pora bandhi dise,andhera jaga te, jetiya tak bichar laga di ahi kena nopunche.
|
|
\v 7 Sodom aruGomorah laga city tai khan laga ahge te thaka nisina,tai khan pora kori kena thaka nisina aru tai khan bhi nijor ke beya bewobichari laga kam te dhali dise,aru ki tu Isor pora koribole diya nai eitu laga beya echa kam khan hai korise.Tai khan dusra manu khan nimite ekta saksi hoise kun norok laga juie te dukh pai kena jolibo.
|
|
\v 8 Eitu nisina hai,sapna dekhi thaka manu khan nijor laga gaw tu letera kori ahse.Kintu tai khan Isor laga adhikar tu namane,aru tai khan Sworgo te thaka Isor laga beya kotha khan kori thake.
|
|
\v 9 Kintu sworgodut Michael bhi,jetiya tai saitan logote larai kori thakise aru Moses laga gaw nimite kotha nimili kena thakise,tai uporte ekdam beya laga bichar ahni diya nai.Kintu tai koise,''Probhu hai tumi ke hatai dibo!''
|
|
\v 10 Kintu eitu manu khan tai khan ki nubuje eitu laga ulta koi kena berai thake,aru tai khan nijor laga bhabna pora ki janise,eitu hoile eku najana ekta janwar nisina hai ahse,eitu pora tai khan khotom hoi jai.
|
|
\v 11 O tai khan ke!Kelemane tai khan cain laga rasta te berai se aru murti puja kori kena kiba lab pabole nimite bisarise.Tai khan Korah pora kotha namani kena thaka logote hai harai jaise.
|
|
\v 12 Eitu khan tu hoile apuni khan morom pora jama kori kena thaka jagate lukai kena ulai thaka jongol nisina ahse,jetiya apuni khan logote sorom nathaki kena eke logote kha luwa kore-bhera rukha manu kun tai nijor hai khai.Tai khanbadal nathaki kena pani gira nisina hai ahse,aru hawa pora loi jai.Tai khan sukha mohina laga ghas te phol ulabole napara nisina hai ahse-duibar morise,aru jor pora ulai kena phelai dise.
|
|
\v 13 Tai khan samundar te beya hawa jai thaka nisina ahse,tai khan nijor laga sorom tu ulai kena dekhai ahse.Tai khan eku asha nathaki kena berai thaka tara nisina hai ahse, aru tai nimite dukh laga andhera tu hodai nimite rakhi dise.
|
|
\v 14 Kintu Enoch bhi,Adam laga pichete aha ekjon,tai khan nimite eneka bhawani korise,aru koise,''Sabi!Probhu Teo laga hazar-hazar pobitro pora thaka khan ke loi kena ahni ahse.
|
|
\v 15 Teo sob uporte bichar koribole nimite ahi ahse.Teo ahi ahse eitu manu khan nimite kun Isor ke noloi kena pap laga beya kam kori kena thakise,aru kiman Isor ke bhoi nokori kena tai laga uporte beya kotha khan korise eitu khan laga bichar koribole nimite Teo ahi ahse.''
|
|
\v 16 Tai khan dusra logote khusi pora nathaka manu,hoidai manu laga beya kotha koi thaka manu,kun nijor laga beya echa te berai thake.Tai khan laga mukh pora phutani laga kotha ulai thake,kun,nijor laga lab nimite dusra manu laga beya koth kori kena, berai thake
|
|
\v 17 Kintu apuni,morom laga bhai khan,Probhu Jisu Krista laga apostle khan pora pohila te ki koi dise eitu khan sob yad koribi.
|
|
\v 18 Tai khan apuni ke koise,''Duniya khotom hobole thaka homoi te misa kuwa manu khan ulabo aru tai khan nijor laga beya echa pichete hai jabo.''
|
|
\v 19 Eitu khan nimite sob alak hoi jai ahse;tai khan duniya laga ahse aru tai khan logote atma nai.
|
|
\v 20 Kintu apuni,morom laga bhai khan,dangor pobitro bisas pora apuni nijor ke bonai lobi,aru pobitro atma pora prathna koribi.
|
|
\v 21 Apuni nijor ke Isor laga morom te rakhibi,aru Jisu Krista laga ananta jibon aru daya nimite rukhi thakibi kun tu apuni khan nimite ahni ahse.
|
|
\v 22 Kun manu bisas nokori kena thaki ahse tai uporte bhi daya koribi.
|
|
\v 23 Kintu dusra manu khan ke juie pora ulai kena bachai loi.Isor ke bhoi koribi aru dusra khan uporte daya koribi.Aru mangso laga echa aru pap khan ke ghin koribi.
|
|
\v 24 Eitiya ekjon kun apuni ke jiri bole thaka pora bachai kena rakhe aru Teo laga mohima usorte eku goldi aru letera nathaki kena khusi pora khara koribole deye,
|
|
\v 25 moi khan laga Isor aru bachai diya probhu Jisu krista ke,mohima hobole dibi,Teo laga sundarta ,aru sob uporte raj koribole para ,aru takot,sob homoi te,etiya aru hodai tak thakibole bibo.Amen.
|