BCS-BIBLE_IndianStandardVersion-Nagamese-NT/Stage 1/L234_James_1.SFM

\id JAS - Indian Revised Version (IRV) Nagamese
\c 1
\v 1 James,Probhu Jisu Krista aru Isor laga ekjon sewak,barota jat khan ke kun dukh te ahse:Salam!
\v 2 Sob tu khusi ahse eitu bhabibi,moi laga bhai khan,jetiya apuni alak-alak duk pai.
\v 3 Apuni jane apuni ke porikha kora tu bisas te dangor koribole nimite ahse.
\v 4 Kam pora ki dukh paise eitu pura hobole dibi,eitu pora apuni khan pura hoi jabo,aru eku pora bhi komti nathakibo.
\v 5 Jodi kunba manu gyan lage,Isor logote mangi lobi,aru Teo kun ke ki lage eitu hisab te khusi pora deye,aru tai khan ke dibo.
\v 6 Kintu tai bisas pora mangibi,mon te eku bhabna nokori kena.Kelemane kun manu bhabana kori kena mange tai tu hoile samundar laga hawa pora ekta jaga pora dusra jaga te loi ja nisina ahse.
\v 7 Eneka manu Probhu pora kiba pabo koi kena bhabana nokoribi.
\v 8 Duita mon thaka manu,eku kam te thik nai.
\v 9 Kintu gorib bhai tai laga ucha sanman nimite phutani koribi,
\v 10 kintu dhoni manu tai laga neche sanman nimite,kelemane tai jongol te ulai thaka phul nisina harai jabo.
\v 11 Kelemane sun tu gorom diye aru ghas khan ke bhi shukai diye.Ghas laga phul khan giri jai,aru tai sundur dekhi thaka tu harai jai.Eitu nisina,rasta te jai thaka homoi te dhoni manu kahn bhi harai jabo.
\v 12 Eitu manu asirbat ahse kun porikha tu jiti loi.Jetiya tai eitu porikha tu par kori loi,tai jibon laga mukut pai jabo,kun manu Isor ke morom kore tai khan nimite itu kosom di kena ahse.
\v 13 Kun bhi tai loghote porikha aha homoi te eneka nokobi,''Moi ke Isor pora porikha kori ahse,''kelemane Isor ke beya pora porikha nokore,aru Teo dusra ke bhi porikha nokore.
\v 14 Kintu sob manu nijor laga echa pora hai porikha te gire,eitu pora tai ke tani kena beya kam koribole nimite loi jai.
\v 15 Jetiya echa khan mon te ulai,eitu pap ke jonom diye,aru jetiya pap tu pura dangor hoi jai,eitu mora ke jonom deye.
\v 16 Nijor ke thokai nidibi,moi laga morom bhai khan.
\v 17 Sob bhal saman aru bhal enm upor pora ahse.Eitu sob uporte thaka joti laga Baba pora ahe.Teo ketiya bhi saya nisina bodli nohoi.
\v 18 Isor pora moi khan ke hosa laga kotha pora jonom dibole bachi loise,eitu pora moi khan Teo bona laga saman bhirtote sob se pohila phol hoi kena thakibo.
\v 19 /Apuni khan eitu jane,moi laga bhai khan:Sob manu joldi pora hunibi,asti pora kotha kobi,khong nuthibi.
\v 20 Kelemane manu laga khong Isor laga dharmic kam te nimile.
\v 21 Eitu nimite sob pap laga kam khan chari dibi.aru nomro hoi kena Isor laga kotha mon te rakhibi,eitu pora apuni laga atma bachai lobole paribo.v 22Kintu kotha huna nisina kam bhi kori bi khali huni kena nathakibi,eneka kora tu nijor ke thokai diya hai ahse.
\v 23 Jodi kunba Isor laga kotha tu hune kintu kam nokore,tai eneka manu ahse kun nijor laga chera tu jai kena ayina te sai.
\v 24 Tai nijor ke bhal pora sai loi aru jetiya bahar te ulai kena jai tai keneka thakise eitu pahori jai.
\v 25 Kintu eitu manu kun bhal pora sai kena kanun mani thake,aru eneka kori thake,khali huni kena pahorija nohoi,kintu kam bhi kore,eitu manu tai laga sob kam te asirbat pabo.
\v 26 Jodi kunba nijor ke dhorom mani kena thaka manu ahse bhabe,hoilebi tai laga jiba tu rukhai kena narakhe,aru nijor laga mon tu thokai diye,tetiya hoile tai laga dhorom tu eku kam nai.
\v 27 Dhoron kun tu sapha aru Baba Isor usor te bhal ahse eitu baba nathaka manu aru mota nathaka manu khan ke dukh pai kena thaka homoi te modot koribole nimite ahse,aru eitu prithibi pora nijor ke dag nathaki kena rakhi bole nimite ase.
\c 2
\v 1 Moi laga bhai khan,moi khan laga bisas tu probhu Jisu Krista logote bon kori kena narakhibi,mohima laga probhu,apuni kun ke bhal lage eitu ke sai kena.
\v 2 Jodi kunba manu apuni khan jama kori thaka jaga te suna aru bhal kapra lagai kena ahe,aru tate ekjon gorib manu bhi letra kapra lagai kena ahe.
\v 3 Kintu jodi apuni bhal kapra lagai kena thaka manu ke koi ahse,''Apuni yate bhal jaga te bohibi,''kintu gorib manu ke koi,''Apuni tate khara koribi''aru''moi laga paw te bohibi,''
\v 4 apuni khan nijor majote bichar kori ahse?Apuni beya bhabana loi kena bichar kora manu hoi ahse?
\v 5 Hunibi,moi laga morom bhai khan,Isor hai prithibi laga gorib manu ke bisas te dhoni hobole diya naiaru kun manu Teo ke morom kore tai khan ke Teo laga raijo te jaga diya nohoi?
\v 6 Kintu apuni gorib manu ke hisab kora nai!Eitu dhoni manu khan pora apuni ke dukh diya nohoi?Aru tai khan apuni ke bichar koribole loi ja nohoi?
\v 7 Apuni ke kuntu bhal nam pora matise eitu sorom khelai diya nai?
\v 8 Jodi,apuni,Isor laga kanun khan mani kena thake,''Apuni laga ghor usorte thaka manu ke nijor nisina morom koribo,''apuni bhal kori ahse.
\v 9 Kintu jodi apuni bhal pai thaka manu ke hai sai,apuni pap kori ahse,aru apuni ekta kanun bhangai diya manu ahse.
\v 10 Kun manu pura kanun tu mane,tai chutu jaga te jirise koi kena mani loi,tai pura kanun bhangai diya manu ahse.
\v 11 Kelemane eitu ekjon kun eneka koise,''Bewobichari nokoribi,''aru koise,''manu ke morai nidibi.''Kintu jodi apuni bewobichari nokore,kintu manu nke morai diye,tetiya hoile apuni kanun bhanga manu ahse.
\v 12
\v 13 Kelemane bichar tu eitu manu khan logote ahe ku morom tu dekhai diya nai.Morom tu bichar uporte jiti loi.
\v 14 Ki tu bhal ahse,moi laga bhai khan,jodi kunba manu koi tai logote bisas ahse,kintu kam nai?Tetiya hoile eitu bisas pora tai ke bacha bole paribo?
\v 15 Jodi ekjon bhai aru bhoini beya kapra lagai kena ahse aru khabole nimite napai kena thaki ahse.
\v 16 Etiya ekjon pora tai khan ke eneka koise,''Shanti pora jabi,bhorta hoi kena bhal pora thakibi.''Kintu jodi apuni tai khan laga gaw pora ki lage eitu nidiye,tetiya hoile ki bhal ahse?
\v 17 Eitu nisina bisas tai nijor pora,kam nathakile,mora ahse.
\v 18 Kunba pora eneka kobole pare,''Apuni logote bisas ahse,aru moi logote kam ahse.''Apuni kam nathaki kena bisas tu dekhai dibi,aru moi laga kam pora apuni ke bisas tu dekhai dibo.
\v 19 Apuni bisas kore tate ekjon Isor ahse;apuni bhal pora jane.Saitan khan bhi eiyu jane ,aru tai khan bhoi pora kape.
\v 20 Kintu apuni janibole mon ahse,okora manu khan,bisas logote kam nathakile eku lab nai?
\v 21 Moi khan laga baba Abraham pora jetiya Issac tai laga chokora ke dan dibole nimite thakise tai laga kam pora tai kena ka manu ahse eitu jana nai niki?
\v 22 Apuni sabi bisas laga kam tai laga kam logote milise,aru tai laga kam pora bisas tu aru bisi hoi jaise.
\v 23 Isor laga kotha eneka koi kena pura hoise,''Kintu Abraham Isor ke bisas korise,aru eitu pora tai dharmic ahse koi kena manise,''aru tai ke Isor laga sathi matise.
\v 24 Apuni sabi ekta manu laga kam pora hai tai kena hase eitu jane,khali tai laga bisas pora hai nohoi.
\v 25 Kintu eitu nisina ,Rahab bhi tai laga kam pora bichar kora nai niki,jetiya tai Ior manu khan ke matise aru dusra rasta pora pothai dise?
\v 26 Ekta gaw atma nathakile mora ahse,eitu nisina bisas te kam nathakile mora ahse.
\c 3
\v 1 Apuni khan sob shikai diya manu hobole napare,moi laga bhai khan,kelemane apuni khan jane moi khan kun manu khan ke shikai tai khan bisi kara pora bichar koribo.
\v 2 Moi khan sob bisi kam pora giri jai.Jodi kunba manu tai laga kotha pora nigirile,tai ekta bhal manu ahse,aru tai laga pura gaw tu cholai kena jabole pare.
\v 3 Etiya jodi moi khan ghora laga mukh te kotha mani bole nimite rusi lagai diye,moi khan tai laga pura gaw tu chola bole pare.
\v 4 Aru ekta jahas ke bhi sabi,tai khan eman dangor ahse aru hawa pora tai khan ke loi jai,kun tu jaga te chola manu pora loi jabole mon kore tate loi jai.
\v 5 Eitu nisina jiba tu gaw laga ekta chutu bhag hai ahse,kintu bisi dangor kotha khan koi kena phutani kore.Aru sabi kenaka kori kena ekta chutu juie pora dangor jongol julai diye.
\v 6 Eitu jiba bhi juie nisina hai ahse,pap laga duniya.Eitu jiba moi khan laga gaw majote ahse,pura gaw tu dag hoi jai aru jibon te juie jolai diye.Kintu eitu juie norok pora hai ahe.
\v 7 Sob kisim laga jungle janwar,chiriya,aru mati te bera puka khan,aru samundar te thaka khan sob manu pora hi cholai.
\v 8 Kintu kun manu bhi tai nijoe laga jiba tu dhori kena rakhi bole napare.Eitu ekta aram nathaka saitan ahse,morai diya laga jeher pora bhorta.
\v 9 Eitu pora moi khan Baba Isor aru probhu ke dhanyabat diye,aru eitu pora moi khan manu ke beya koi,kun ke Isor nisina bonai dise.
\v 10 Eitu mukh pora asirbat aru shrap bhi ulai.Moi laga bhai khan,eneka kam khan noho bole lage.
\v 11 Nodi pora ula pani mitha aru tita pani ekbar te ulabole pare?
\v 12 Ekta fig laga ghas,moilaga bhai khan,olive ulabole pare niki?Aru angur laga ghas,fig ulabole pare?Nimok laga pani mitha pani hobole napare.
\v 13 Apuni khan majote ku gyani aru bhuji bole para manu ahse?Eitu manu tai laga bhal jibon aru kam pora bhal gyan tu dekhai dibi.
\v 14 Kintu jodi apuni laga mon te lalchi aru beya kam khan ahse,tetiya hosa laga kotha tu loi kena misa aru phutani nokoribi.
\v 15 Eitu upor pora aha laga gyan nohoi.Kintu,eitu prithibi,aru atma nathaka,aru saitan laga kam ahse.
\v 16 Kun jaga te lalchi aru kiba pabole laga echa thake,tate beya kam koribole aru chinta thake.
\v 17 Kintu upor pora aha gyan tu pohila sapha ahse,shanti aru morom ahse,ahste,sob logote mila bole para,daya pora bhorta aru bhal phol,sob kam te bhal aru eku chalak nokore.
\v 18 Kintu dharmic laga phol shanti pora ulai kun manu shanti manu khan maojote ahne.
\c 4
\v 1 Apuni khan majote kothe pora larai jhakara khan ahe?Eitu apuni khan laga echa pora nohoi kun tu apuni khan laga manu khan majote larai kori kena thake?
\v 2 Apuni echa kore,kintu apuni napai.Apuni thokai di kena morai,aru eitu apuni bukhibole napare.Apuni larai jhakara kore.Apuni eitu napai kelemane apuni namange.
\v 3 Apuni mange kintu apuni napai kelemane apuni bhal pora namange,apuni nijor laga echa nimite hai kore.
\v 4 Tumi bewobichari kori thaka khan!Apuni najane niki prithibi logote sathi kori thaka tu Isor laga birot te ahse?Eitu nimite kun manu prithibi logote sathi kori kena thakibo tai Isor laga dusman ahse.
\v 5 Apuni bhabe niki Isor kotha tu ene koi ahse,''Eitu atma moi khan laga bhitorte thaki bole diya tu bisi lalchi kori ahse''?
\v 6 Kintu Isor bisi morom diye,Isor kotha te koi ahse,''phutani kori thaka manu ke Isor tu hatai diye,kintu chutu hoi kena thaka khan ke asirbat kore.''
\v 7 Isor logote ahibi.Aru saitan ke khedai dibi,tetiya tai apuni pora polai jabo.
\v 8 Isor usorte ahibi,aru Teo bhi apuni laga usorte ahibo.Apuni khan laga hath sapha koribi,papi manu khan,aru mon khan sapha kori lobi,duita mon hoi thaka khan.
\v 9 Mon dukh kori kena kandi bi!Apuni hasi thaka tu dukh te bodli koribi aru khusi pai thaka tu chinta te bodli kori lobi.
\v 10 Probhu laga usorte nijor ke chutu koribi,aru Teo apuni ke utai dibo.
\v 11 Ejon-ekjon laga beya kotha nokoribi,bhai khan.Kun manu tai laga bhai birot te kotha kore aru kanun laga birot te kotha kori kena bichar kore aru kanun ke bichar kore.Kintu jodi apuni kanun ke bichar kore,apuni kanun mani thaka manu nohoi,kintu ekta bichar kora manu ahse.
\v 12 Khali ekjon hai kanun diya aru bichar kore.Teo hai ahse kun bachabole pare aru khotom bhi koribole pare.Kintu apuni kun ahse,kun nijor laga usorte thaka manu ke bichar kore?
\v 13 Etiya hunibi,apuni kun eneka koi,''Aji nohoile kali moi khan eitu jaga te jabo,aru olop sal tate thakibo,kam koribo,aru poisa kamabo.''
\v 14 Apuni khan kun kali ki hobole ahse eitu najane,Apuni laga jibon tu ki ahse?kelemane apuni ekta dhuwa nisina ahse kuntu olop deri nimite ulai aru pichete harai jai.
\v 15 Hoilebi ,apuni eneka kobole lage,''Jodi probhu echa kore,tetiya moi khan eitu koribo.''
\v 16 Kintu etiya apuni laga kori bole thaka kam khan nimite apuni phutani kori ahse.
\v 17 Kun manu bhal kam koribole jane hoile bhi nokore,tai nimite eitu pap ahse.
\c 5
\v 1 Etiya ahibi,apuni khan ku dhoni ahse,kandi kena hala koribi kelemane apuni logote dukh ahibole ahse.
\v 2 Apuni laga dhan khan puchi jaise,aru apuni laga kapra kahn puka pora khai dise.
\v 3 Apuni laga suna aru chandi khan beya hoi jaise aru eitu mamor lagi kena thaka khan pora apuni laga gawahi dibo.Apuni laga gaw tu juie pora khai diya nisina hoi jabo.Apuni last din nimite apuni laga dhan khan jama kori kena rakhi ahse.
\v 4 Sabi,kam kora manu khan laga thanka pora kandi ahse-kun manu apuni laga kheti te kam korise tai khan laga thanka apuni khan pora nidi kena rakhise,mohan probhu laga kan te kheti kora manu khan laga kandi thaka tu ponchise.
\v 5 Apuni khan eitu prithibi laga khusi aru aram pora takise.Apuni khan morai diya laga di nimite nijor laga mon tu tan kori kena rakhise.
\v 6 Apuni khan dharmic manu ke beya kotha kori kena morai dise.Teo apuni khan ke eneka koribole rukha nai.
\v 7 Nomro hoi kena thakibi ,bhai khan,jetiya tak probhu nahai.Sabi,kheti kora manu khan mati pora tai khan kam kora laga kheti ulabole nimite rokhi thake.Tai nomro hoi kena rokhi thake,joldi aru deri hoilebhi jetiya tak pani nigire.
\v 8 Apuni ,bhi,nomro koribi.Apuni laga mon tu takot kori lobi,kelemane probhu aha tu usor hoi ahse.
\v 9 Manu laga beya ekjon-ekjon logote nokobi,bhai khan,eneka korile apuni logote bichar nokoribo.Sabi,bichar kora ekjon dorja te khara kori ahse.
\v 10 Ekta example lobi,bhai khan,bhawadi khan keneka dukh pai kena nomro hoi kena thakise,probhu laga nam te kun kotha korise.
\v 11 Sabi,kun manu asirbat paise tai uporte khusi ahse.Apuni khan Job pora dukh pa tu hunise,aru apuni khan probhu laga ki echa ahse eitu jane,Teo kena morom kore aru kiman dayalu ahse.
\v 12 Kintu eitu khan sob pora bhi upor,moi laga bhai khan,apuni kosom nakhabi,sworgo aru prithibi laga nam pora,aru dusra laga kosom khai kena.Kintu,apuni laga ''Hoi tu''Hoi hobole dibi'' aru apuni laga ''Nohoi tu'' Nohoi hobole dibi,''eitu pora apuni khan bichar te nigiribo.
\v 13 Kunba manu apuni khan majote dukh pai ahse niki?Tai prathna koribi.Kunba manu khusi ahse niki?tai gana kori kena mohima dibi.
\v 14 Kunba manu apuni khan majote bimar ahse niki?tai girja laga cholawta khan ke matibi,aru tai uporte prathna koribole dibi.Probhu laga nam te tai uporte tail lagai dibi.
\v 15 Bisas laga prathna ekta bimar manu ke bhal koribo,aru probhu pora tai ke uthai dibo.Jodi tai pap korise,Isor hai tai ke maph kori dibo.
\v 16 Ejon -ekjon logote pap shikar koribi,aru ek dusra nimite prathna koribi,eitu pora apuni changai hoi jabo.Ekta dharmic manu laga prathna bisi takot ahse aru eitu kam kore.
\v 17 Elijah bhi moi khan nisina ekta manu thakise.Tai mon di kena pani nigiri bole nimite prathna korise,aru tin sal choi mohina tak eitu jaga te pani giranai.
\v 18 Tetiya Elijaharu prathna korise,aru sworgo pora pani dise,aru prithibi pora phol ulaise.
\v 19 Moi laga bhai khan,jodi kunba manu apuni kahan majote hosa tu najani kena thaki ahse,aru kunba pora tai ke loi ahne
\v 20 eitu manu janibole lage kun manu papi ekjon rasta harai kena berai ahse tai laga atma ke mora pora bachai kena ahne,tai keman pap korise eitu khan sob maph hoi jabo.