See in Reader
1086 lines
115 KiB
Plaintext
1086 lines
115 KiB
Plaintext
\id JHN - Indian Revised Version (IRV) Nagamese
|
||
\ide UTF-8
|
||
\h John
|
||
\toc1 John Pora Likha Susamachar
|
||
\toc2 John
|
||
\toc3 Jhn
|
||
\c 1
|
||
\s Kotha To Mangso Hoise
|
||
\p
|
||
\v 1 Shuru te Kotha asele, aru Kotha to Isor logote thakise, aru Kotha he Isor ase.
|
||
\v 2 Itu shuru pora Isor logote he thakise.
|
||
\v 3 Sob jinis Tai pora he bonaise, aru ki bonai se Tai nathaki kena eku bi bona nai.
|
||
\v 4 Tai logote jibon asele, aru jibon to manukhan laga pohor asele.
|
||
\v 5 Aru pohor to andhera te ujala korise, aru andhera to pohor ke jiti bo para nai.
|
||
\v 6 Isor pora pathai diya ekjon manu asele, jun laga naam John thakise.
|
||
\v 7 Tai gawahi hoi ahise, pohor laga kotha jonai dibole, aru sob Tai dwara biswas koribole.
|
||
\v 8 John nijor to pohor nohoi, kintu tai pohor laga gawahi dibole ahise.
|
||
\v 9 Sob manu ke pohor dibole asol pohor duniya te ahi thakise.
|
||
\v 10 Tai duniya te thakisele, aru Tai he duniya bonaise, kintu duniya pora Tai ke janibo para nai.
|
||
\v 11 Tai nijor manukhan majote ahise, kintu Tai nijor manukhan pora Taike luwa nai.
|
||
\v 12 Kintu jiman jon pora Tai ke grohon korise, Tai he taikhan ke Isor laga bacha hobole adhikar dise, jun Tai naam pora biswas kori loise.
|
||
\v 13 Taikhan jonom to khun pora bi nohoi, mangso pora bi nohoi, aru mangso itcha pora bi nohoi, kintu Isor laga itcha pora ase.
|
||
\v 14 Aru Kotha to gaw mangso hoi kena amikhan majote thakise. Amikhan Tai laga mohima dikhise, eneka mohima juntu Baba pora tai laga ekjon morom thaka Chokra ke dise, aru itu anugraha aru hosa pora bhorta ase.
|
||
\v 15 John pora Tai laga gawahi di kena eneka koise, “Itu he ekjon ase Jun nimite moi koise, ‘Jun moi laga piche ahi ase, Tai to moi pora bi bisi dangor ase, kilemane moi laga age pora Tai thakise.’”
|
||
\v 16 Aru Tai bhorta hoi thaka pora amikhan anugraha uporte anugraha paise.
|
||
\v 17 Kilemane niom to Moses dwara ani dise. Kintu anugraha aru hosa to Jisu Khrista pora he anise.
|
||
\v 18 Isor ke kun bi kitia bi dikha nai. Ekjon Isor, jun Baba laga usor te bohi ase, itu ke he Tai dikhai dise.
|
||
\s Baptizma Diya John Laga Bhabobani
|
||
\p
|
||
\v 19 John laga gawahi itu ase, Yehudi khan Jerusalem pora purohit aru Levi khan ke pathaise aru taike hudibole, “Apni kun ase?”
|
||
\v 20 Tai shikar kori kena koise- “Moi Khrista nohoi.”
|
||
\v 21 Aru taikhan hudise, “Nohoile apni kun ase? Apni Elijah ase?” Tai koise, “Moi nohoi.” Taikhan koise, “Apni bhabobadi ase?” Aru tai jawab dise, “Nohoi.”
|
||
\v 22 Arubi taikhan taike hudise, “Apni kun ase? Kilekoile amikhan ke pathai diya khan ke jowab dibo lage. Apni nijor ke kun ase koi?”
|
||
\v 23 Tai koise,
|
||
\q “Ami ekta awaj ase, juntu jongol te hala kori koi ase:
|
||
\q ‘Probhu laga rasta sidha koribi,’
|
||
\m Jineka bhabobadi Isaiah pora likhise.”
|
||
\v 24 Aru tate Pharisee khan pora kunba manu khan ke pathai se.
|
||
\v 25 Aru taikhan tai ke hudise, “Jodi apni Khrista nohoi, Elijah bi nohoi, aru bhabobadi bi nohoi, to kile apni baptizma di ase?”
|
||
\v 26 John taikhan ke jawab dise aru koise, “Moi pani pora baptizma di thaka he ase. Kintu tumi khan majote ekjon khara ase, Jun ke tumikhan najane.
|
||
\v 27 Jun moi pichete ahi ase moi Tai laga juta laga rusi bi khuli bole layak manu nohoi.”
|
||
\v 28 Itu sob to Jordan nodi laga dusra phale thaka Bethany te hoise, kun to jaga te John baptizma di thakise. \s5
|
||
\v 29 Dusra din te Jisu tai logote ahi thaka dikhikena John koise, “Sabi, Isor laga Mer bacha, kun pora itu duniya laga paap uthai loi jabole ase!
|
||
\v 30 Itu he ase, Kun laga kotha moi age pora koi dise, ‘Ekjon ami laga piche ahi ase, Jun he moi pora bi dangor ase, kilemane moi pora poila Tai thakisele.’
|
||
\v 31 Moi bi Tai ke najane. Kintu Israel manu khan logot Taike prokahit kori dibo karone moi pani pora baptizma di ahise.”
|
||
\v 32 Aru John itu gawahi di kena koise, “Atma he paro nisena sorgo pora ahikena Tai uporte bohi juwa moi dikhise.
|
||
\v 33 Moi Taike najane kintu Jun he moike pani pora baptizma dibole pathaise, Tai he moike koise, ‘Jun uporte Atma ahi thaki juwa tumi dikhibo, Tai he Pobitro Atma pora baptizma dibo thaka to ase.’
|
||
\v 34 Aru moi itu dikhi kena gawahi di ase, itu he Isor laga Chokra ase.”
|
||
\s Jisu Pora Prothom Chela Ke Mati Luwa
|
||
\p
|
||
\v 35 Dusra din te John pora tai laga duijon chela ke loikena khara thakise.
|
||
\v 36 Titia Jisu berai kena aha dikhi kena tai koise, “Sabi, Isor laga Mer bacha!”
|
||
\v 37 Titia duijon chela itu huni kena Jisu laga piche korise.
|
||
\v 38 Titia Jisu ghuri saise aru tai duijon ke dikhi kena hudise, “Tumikhan ke ki lage?” Taikhan koise, “Rabbi, Apni kot te thaki ase? - itu motlob to Hikhok- Apni kot te thake?”
|
||
\v 39 Tai koise, “Ahi kena sabi.” Taikhan jaikena Tai kot te thaki ase itu dikhise, aru itu din Tai logote thaki jaise, aru itu somoi to dos ghanta nisena asele.
|
||
\v 40 Duijon majote kun John laga kotha huni kena Jisu logote jaise, itu ekjon to Simon Peter laga bhai Andrew thakise.
|
||
\v 41 Tai Simon ke bisari kena koise, “Amikhan Messiah ke pai loise,” motlob ase Khrista.
|
||
\v 42 Aru taike loikena Jisu logot anise, aru Jisu tai ke sai kena koise, “O Jonah laga Chokra Simon, tumi ke Kefa matibo” - dusra naam ase Peter.
|
||
\s Jisu Pora Philip Aru Nathaneal Ke Matise
|
||
\p
|
||
\v 43 Dusra din Jisu to Galilee te jabole mon thakise, titia Tai Philip ke lok paise aru taike koise, “Ami laga piche koribi.”
|
||
\v 44 Philip to Bethsaida laga manu asele, juntu sheher to Andrew aru Peter laga sheher asele.
|
||
\v 45 Jitia Philip pora Nathaniel ke pai se, tai koise, “Moses laga kitab te aru bhabobadi khan he jun laga kotha likhi rakhise, itu amikhan pai loise: itu Joseph laga chokra Nazareth Jisu he ase.”
|
||
\v 46 Kintu Nathaniel taike koise, “Bhal bostu Nazareth pora ulabo naki?” Philip pora taike koise, “Ahibi aru sabi.”
|
||
\v 47 Titia Jisu pora Nathaniel Tai phale aha dikhi kena koise, “Sabi, itu hosa te Israel manu ase, tai thogai diya manu nohoi!”
|
||
\v 48 Nathaniel Taike koise, “Apni moike kineka jane?” Jisu taike jowab di koise, “Philip pora tumi ke mata age te tumi dimoru gash niche bohi thaka Moi dikhise.”
|
||
\v 49 Nathaniel Taike jowab dise, “Rabbi, Apni Isor laga Chora ase! Apni Israel laga Raja ase!”
|
||
\v 50 Jisu jowab te taike koise, “Kilemane Moi tumi ke koise, ‘Moi Tumi ke dimoru gash niche te bohi thaka dikhise’ kowa karone tumi biswas korise? Tumi itu pora bi bisi dangor kaam dikhibo.”
|
||
\v 51 Aru Jisu taike koise, “Hosa pora Moi tumi khan ke kobo, tumikhan sorgo khuli diya, aru Isor laga duth khan pora Manu laga Chokra uporte aha juwa kora dikhibo.”
|
||
\c 2
|
||
\s Cana Te Shadi Kora
|
||
\p
|
||
\v 1 Tin din pichete, tate shadi thakise, Cana laga Galilee te, aru Jisu laga ama bi tate thakise.
|
||
\v 2 Aru itu shadi te Jisu aru Tai chela khan ke bi matise.
|
||
\v 3 Jitia draikha ros khotom hoise, Tai ama pora Tai ke koise, “Taikhan logote draikha ros aru nathaka hoise.”
|
||
\v 4 Kintu Jisu taike koise, “Mahila, Moi nimite aru tumi nimite itu ki ase? Ami laga somoi puncha nai.”
|
||
\v 5 Tai ama pora nokor khan ke koise “Ki hoile bi Tai tumikhan ke koribi kobo, itu he koribi.”
|
||
\v 6 Titia pathor pora bona choita pani kolsi Yehudi khan laga niom hisab te dhulai thaka ekta jaga te rakhi thakise, ekta kolsi to dui-tin metre nisena lamba thakise.
|
||
\v 7 Jisu taikhan ke koise, “Kolsi te pani bhorai dibi.” Taikhan eneka bhorai dise.
|
||
\v 8 Aru Tai nokor khan ke koise, “Itu olop ulai lobi aru loi jai kena kha luwa sai thaka manu ke dibi.” Aru taikhan eneka korise.
|
||
\v 9 Titia kha luwa sa manu pora itu pani ke khai sai se jun to draikha ros hoise, hoilebi itu kot pora ahise jana nai, kintu nokor khan jun he pani ani dise tai khan to jani thakise, aru kha luwa sa manu shadi koribo thaka mota ke matise.
|
||
\v 10 Aru koise, “Sob manu prothom te bhal draikha ros diye, aru jitia bhal to khai loi kena nisa hoi jai itu pichete he sosta laga draikha ros diye, kintu apni to bhal ros etiya tak bi rakhi ase.”
|
||
\v 11 Jisu pora Galilee laga Cana te itu prothom chihna kori kena Tai nijor mohima dikhai dise, aru chela khan Taike biswas korise.
|
||
\v 12 Itu pichete Tai laga ama aru bhai aru chela khan ke loikena Capernaum te namise, aru tate taikhan olop din thakise.
|
||
\s Jisu Pora Mondir Ghor Sapha Kora
|
||
\p
|
||
\v 13 Yehudi khan laga Nistar din usor ahi thakise, aru Jisu Jerusalem te jaise.
|
||
\v 14 Aru mondoli bhitor te bail guru aru mer khan aru kabotar bikiri korikena toka-poisa bodla-bodli kori thaka paise.
|
||
\v 15 Aru Tai ekta chabuk bonai kena mondoli pora bail guru aru mer khan sob bahar te khedai dise, aru toka-poisa bodla-bodli kori thaka khan laga poisa sob phelai dise, aru taikhan laga mez bi ultai dise.
|
||
\v 16 Aru Tai paro bikiri kori thaka khan ke koise, “Tumikhan itu sob yate pora loi jabi. Ami laga Baba laga ghor ke bajar jaga na bona bi.”
|
||
\v 17 Titia Tai laga chela khan yaad ahise ki likha asele, “Tumi laga ghor nimite josh pora he moike khotom koribo.”
|
||
\v 18 Titia Yehudi cholawta khan Taike koise, “Apni ki chihna amikhan ke dikha bo, kilekoile Apni itu kaam khan kori ase?”
|
||
\v 19 Jisu taikhan ke jowab di koise, “Itu mondir ke khotom kori dibi, aru Moi ituke tin din te aru khara kori dibo.”
|
||
\v 20 Titia Yehudi khan laga cholawta khan koise, “Itu mondir bonabole chheyalis saal lagise, aru Apni tin din te itu khara kori dibo?”
|
||
\v 21 Kintu, Tai nijor gaw laga mondir koi thakise.
|
||
\v 22 Karone, jitia Tai mora pora punoruthan hoise, Tai chela khan yaad ahise, ki Tai itu taikhan ke koise, aru Jisu taikhan ke kowa kotha ke bi aru shastro kitab ke bi biswas kori loise.
|
||
\s Manu Logote Ki Ase Itu Jisu He Jane
|
||
\p
|
||
\v 23 Jitia Tai Nistar purbb somoi te Jerusalem te ahise, bisi manu Tai kori diya asurit kaam ke dikhi kena Tai naam pora biswas kori loise.
|
||
\v 24 Kintu Jisu Tai nijor pora taikhan ke biswas kora nai kilemane Tai taikhan sob ke jani asele,
|
||
\v 25 aru kunbi manu laga gawahi Taike kobo nalage kilemane manu bhithor te ki ase sob Tai jane.
|
||
\c 3
|
||
\s Notun Jonom Hobo Lage
|
||
\p
|
||
\v 1 Pharisee khan majote ekjon Yehudi cholawta thakise, jun laga naam Nicodemus asele.
|
||
\v 2 Tai rati te Jisu logote ahi Tai ke hudi kena koise, “Rabbi amikhan jane Apni Isor pora aha ekjon hikhok ase, kilemane Isor Tai logote na thakile kunbi Apni pora chihna dikhai diya khan koribo na paribo.”
|
||
\v 3 Jisu taike jowab di koise, “Moi hosa pora tumikhan ke koi ase, jodi kun bi notun jonom noloile, Tai Isor laga rajyo dikhi napabo.”
|
||
\v 4 Nicodemus Taike koise, “Ekjon manu, bura huwa pichete aru kineka jonom lobo paribo? Tai kineka nijor ama pet te dusra bar ghusi kena jonom lobo?”
|
||
\v 5 Jisu jowab dise, “Moi hosa pora tumikhan ke koi ase, jitia tak ekjon pani aru Atma pora jonom nolobo, tai Isor rajyo te ghusi bo naparibo.
|
||
\v 6 Jun mangso pora jonom hoise, itu mangso ase, aru jun Atma pora jonom hoise itu Atma ase.
|
||
\v 7 Moi ‘tumikhan notun jonom lobo lage’ kowa karone asurit nohobi.
|
||
\v 8 Hawa jun phale jabole mon ase, tate jai thake, aru tumi itu awaj huni thake, kintu itu kot pora ahise aru kot phale jabole ase itu najane, itu karone jun Atma pora jonom hoise, tineka he ase.”
|
||
\v 9 Nicodemus jowab dikena Taike koise, “Itu kineka hobo paribo?”
|
||
\v 10 Jisu taike koise, “Tumi Yehudi laga hikhok hoi kena bi itu kotha bujhi bo napare?
|
||
\v 11 Moi tumi ke hosa kobo, Amikhan ki jane itu he koi, aru ki dikhise itu gawahi diye, kintu tumikhan Ami laga gawahi lobo napare.
|
||
\v 12 Jitia Moi tumikhan ke duniya laga kotha koise, aru tumikhan biswas kora nai, jodi Moi sorgo laga kotha koile tumikhan biswas koribo?
|
||
\v 13 Aru kun bi sorgote juwa nai, ekla Jun he sorgo pora ahise- Manu laga Chokra.
|
||
\v 14 Aru jineka Moses pora jongol te saph ke upor uthai dise, tineka Manu laga Chokra ke bi upor te uthabo lagibo.
|
||
\v 15 Itu nimite jun Taike biswas koribo, nost nohobo kintu anonto jibon pabo.
|
||
\s Isor He Duniya ke Iman Morom Korise
|
||
\p
|
||
\v 16 Kilemane Isor duniya ke eneka morom korise, Tai nijor laga ekjon he thaka Chokra ke di dise, tinehoile jun Taike biswas koribo, khotom nahobo, kintu anondo jibon pabo.
|
||
\v 17 Kilemane Isor duniya ke khotom koribole nijor Chokra ke patha nohoi, kintu itu karone ase, Tai karone he duniya bachibole.
|
||
\v 18 Jun Tai ke biswas koribo tai ke eku golti nadibo, kintu jun Taike biswas nakoribo, itu ke golti kori dibo, kilemane Tai Isor laga ekjon thaka Chokra laga naam te biswas nakora hoise.
|
||
\v 19 Aru golti karone bisar to itu ase, puhor to duniya te ahise, kintu manu to puhor pora bi andhera ke bisi morom kore, kilemane taikhan laga kaam biya ase.
|
||
\v 20 Jun biya kaam kore, tai puhor ke ghin kore, aru puhor usorte na ahe, tai ki kaam korise itu ke khuli dikhi najabo nimite.
|
||
\v 21 Kintu jun hosa te thake, tai khan to Isor laga itcha pora he kori ase koikena dikhai dibo karone puhor usor te ahe.”
|
||
\s Baptizma Diya John Pora Jisu Laga Sakhi Diya
|
||
\p
|
||
\v 22 Itu pichete Jisu aru Tai chela aru Judea desh te jai jaise, aru Tai tate taikhan logote thaki kena baptizma di thakise.
|
||
\v 23 Aru John bi Salim usor Aenon te baptizma di thakise, kilemane tate bisi pani thaka karone, aru taikhan ahi baptizma loi thakise.
|
||
\v 24 Aru itu somoi tak te John ke bondhi ghor te loi ja nai.
|
||
\v 25 Tate John laga chela khan Yehudi manu ekjon logote Yehudi khan sapha kora niom laga kotha nimite mon namili kena thakise.
|
||
\v 26 Aru taikhan John logote ahi taike koise, “Rabbi, jun Jordan nodi paar te apni logote thakise, jun nimite apni kotha koi dise, sabi, itu manu baptizma di thakise, aru sob Tai logote ahi jai ase.”
|
||
\v 27 John jowab dise aru koise, “Sorgo pora manu ke nadile, tai ekubi napabo.
|
||
\v 28 Apni khan nijor ami laga gawahi dibo pare kilekoile moi agete pora he koi dise, ‘Moi Khrista nohoi’ kintu ‘Tai laga agete pathai diya he ase.’
|
||
\v 29 Jun logote shadi kora maiki ase tai he shadi kora mota ase. Aru shadi kora mota laga sathi khan pora tai usorte khara koribo aru tai laga awaj huni kena bisi khushi pabo, itu nisena ami laga khushi bi itu pora pura hobo.
|
||
\v 30 Tai bisi hoi jabo lage, kintu moi komti hoi jabo lage.
|
||
\p
|
||
\v 31 Jun upor pora ahise, itu he sob laga upor ase. Jun prithibi pora ahise itu prithibi laga ase, aru prithibi laga kotha koi thake. Jun sorgo pora ase, tai he sob laga upor ase.
|
||
\v 32 Aru Tai ki dikhise aru hunise itu laga gawahi dise, kintu kunbi Tai laga gawahi ke grohon kora nai.
|
||
\v 33 Jun Tai koi thaka grohon kori loi, itu manu to Isor hosa ase koikena jani loise.
|
||
\v 34 Kilemane kun ke Isor pathai, tai he Isor laga kotha khan koi diye. Kilemane Tai Atma ke napikena nadiye.
|
||
\v 35 Baba pora Chokra ke morom kore, aru sob bostu Tai hath te di dise.
|
||
\v 36 Jun Chokra ke biswas korise anondo jibon tai laga hoise, kintu jun Chokra ke biswas nakore, tai to jibon nadikhibo, kintu Isor laga khong tai uporte thaki jabo.”
|
||
\c 4
|
||
\s Jisu Samaria Te Juwa
|
||
\p
|
||
\v 1 Aru jitia Jisu jani loise Pharisee khan pora Tai he John pora bi bisi manu ke baptizma di kena chela bonai loise koikena,
|
||
\v 2 - kintu Jisu pora nohoi kena Tai laga chela khan he baptizma di thakise-
|
||
\v 3 Titia Tai Judea chari kena Galilee phale jai jaise.
|
||
\v 4 Kintu Tai Samaria paar korikena jabo dorkar thakise.
|
||
\v 5 Karone Tai Samaria laga nogor, Sychar te ahise, itu jaga to Jacob pora tai laga chokra Joseph ke diya jaga usorte thakise.
|
||
\v 6 Tate Jacob laga kuha bi thakise. Aru Jisu safar kora pora hairan koikena itu kuha usorte bohi jaise, aru itu somoi choi baji nisena asele.
|
||
\v 7 Titia ekjon Samaria laga mahila pani lobole ahise, aru Jisu taike koise, “Moi ke pani khila bi.”
|
||
\v 8 Itu homoite Tai chela khan to kha luwa kini bole nogor te jai kena asele.
|
||
\v 9 Titia Samaria laga mahila Taike koise, “Kineka Apni Yehudi hoi kena moi Samaria mahila ke pani khila bi koikena mangi ase?” Kilemane Yehudi khan Samaria manu khan logote eku bi lenden nakore.
|
||
\v 10 Jisu taike jowab di koise, “Jodi tumi Isor laga daan ke janile, aru kun pora tumike koi ase, ‘Moike pani khila bi,’ titia tumi Tai logote mangibo, aru Tai tumi ke jibon laga pani dibole asele.”
|
||
\v 11 Mahila pora Taike koise, “Sahab, Apni logote pani ula bole baltin nai, aru kuha bi ghalta ase. To jibon pani kot pora Apni logote ase?
|
||
\v 12 Kile, Apni to ami khan laga baba Jacob pora bi dangor ase naki, jun he itu kuha amikhan ke dise? Aru tai nijor bacha khan aru nijor pala janwar sob itu te khabole dise?”
|
||
\v 13 Jisu taike jowab di koise, “Jun bi itu pani khabo aru bi pyaas lagi jabo,
|
||
\v 14 kintu jun bi itu pani khabo jun to Moi pora dibo, tai kitia bi aru pyaas nalagibo. Kintu jun ke Moi pani dibo tai karone ekta dhara hoi anonto jibon tak bahi thaki jabo.”
|
||
\v 15 Itu mahila Taike koise, “Sahab, moi aru pyaas nalagibole aru pani lobole iman dur nahibole itu pani moike dibi.”
|
||
\v 16 Jisu taike koise, “Jabi, aru tumi laga mota ke yate loi anibi.”
|
||
\v 17 Itu mahila koise, “Moi laga mota nai.” Jisu taike koise, “Tumi ‘moi laga mota nai’ kowa to thik koise.”
|
||
\v 18 Kilemane tumi pans-ta mota thakisele, aru etiya jun logote tumi thaki ase itu bi tumi laga mota nohoi kowa, tumi hosa koise.”
|
||
\v 19 Aru mahila pora Taike koise, “Sahab, moi janise Apni ekjon bhabobadi ase.”
|
||
\v 20 Ami laga baba khan itu porbot pora aradhana kori thakise, aru Apni koi ase manukhan aradhana koribole jaga to Jerusalem he hoi.”
|
||
\v 21 Jisu taike koise, “Hey mahila, Ami laga kotha biswas koribi, tumikhan itu porbot te bi aru Jerusalem te bi Baba Isor ke aradhana koribole na para somoi ahi ase.
|
||
\v 22 Tumikhan najana ke aradhana kore, amikhan to jun ke aradhana kore jani kena kore, kilemane poritran to Yehudi pora ase.
|
||
\v 23 Kintu somoi ahi ase, aru etiya ahise, hosa te aradhana kora khan atma pora Isor ke aradhana hobo lage, Baba eneka khan ke he bisare, jun atma te aradhana kore.
|
||
\v 24 Isor to Atma ase, aru kun Tai ke aradhana koribo atma aru hosa te aradhana koribo lage.”
|
||
\v 25 Itu maiki Taike koise, “Moi jani ase Massiha ahibo kotha to, jun ke Khrista koi, jitia Tai ahibo, Tai sob kotha amikhan ke koi dibo.”
|
||
\v 26 Jisu taike koise, “Moi he tai ase, ekjon tumi logote kotha kori ase.”
|
||
\p
|
||
\v 27 Titia Tai laga chela khan Tai kunba mahila logote kotha kora dikhi kena asurit hoise, kintu kun bi Tai ki lage aru kile Jisu tai logot te kotha kori ase koikena huda nai.
|
||
\v 28 Aru tai laga pani daba chari kena, itu mahila nogor te dauri jaise, aru manu khan ke koise.
|
||
\v 29 “Ahibi aru ekjon ke sabi, moi ki korise itu sob Tai koi dise, itu Khrista kowa to nohoi na?”
|
||
\v 30 Karone taikhan nogor pora ulai Tai logote ahise.
|
||
\v 31 Itu somoi te Tai chela khan Tai ke koise, “Rabbi, kiba khabi.”
|
||
\v 32 Kintu Tai taikhan ke koise, “Tumikhan najana kiba kha luwa Ami logote ase.”
|
||
\v 33 Titia chela khan apas te kotha korise, “Kunba pora khabole kiba Taike dise, na diya nai?”
|
||
\v 34 Jisu taikhan ke koise, “Ami laga kha luwa to Moike pathai diya laga itcha ke pura kori diya to he ase.
|
||
\v 35 Kile tumikhan nokoi, ‘Kati bole aru bi char mohina baki ase’? Sabi, Moi tumikhan ke koi ase, suku uthaikena kheti ke sabi, itu khan kati bole paaki kena boga hoi jaise!
|
||
\v 36 Aru jun dhaan katikena nijor mojdur pabo, aru phol khan sob joma korikena anonto jibon karone rakhi dibo, titia jun manu bijon hissi dise aru jun dhaan katise, tai duijon mili anondo kori thaki jabo.
|
||
\v 37 Kilemane, ‘Ekjon bijon hissi dise, aru dusra kati thake’ kowa kotha to hosa ase.
|
||
\v 38 Tumikhan pora hissi kena narakha jaga te kati bole Moi tumikhan ke pathai ase. Dusra khan pora hissi dise, aru tumikhan to taikhan laga kaam ke bhag luwa he ase.”
|
||
\p
|
||
\v 39 Aru itu sheher te thaka Samaria manu khan Taike biswas kori loise, kilemane itu mahila he eneka koise, “Moi agete ki korise sob Tai moike koi dise.”
|
||
\v 40 Karone jitia Samaria manu khan Tai logote ahise, taikhan pora Taike arubi taikhan logote thakibi koikena binti korise, itu pora Tai tate dui din rukhi jaise.
|
||
\v 41 Aru Tai kotha pora bisi manu biswas kori loise.
|
||
\v 42 Titia taikhan itu mahila ke koise, “Etiya to amikhan apni kowa karone nohoi, kintu amikhan nijor kaan pora Taike huni loise, aru jani loise, Tai he hosa ase, duniya laga Tran-Korta ase.”
|
||
\p
|
||
\v 43 Aru dui din pichete Tai tate pora Galilee te jai jaise.
|
||
\v 44 Kilemane Jisu Tai nijor koisele, ekjon bhabobadi tai nijor desh te hoile sonman na pai.
|
||
\v 45 Jitia Tai Galilee te ahise, Galilee manu khan pora Taike khushi paikena grohon korise, ki kaam Tai purbb somoi te Jerusalem te korise, taikhan itu sob dikhise kilekoile taikhan bi purbb te jaisele.
|
||
\s Daruga Laga Chokra Ke Bhal Kora
|
||
\p
|
||
\v 46 Titia Tai aru Galilee te thaka Cana te ahise, kot te Tai pani pora draikha-ros bonai disele. Tate ekjon daruga laga chokra Capernaum te bemar thakisele.
|
||
\v 47 Jitia Jisu Judea pora Galilee te ahi ahise koikena tai hunise, tai binti loikena Tai logote ahise, aru tai laga chokra ke bhal kori dibi koise, kilemane tai moribole hoi thakise.
|
||
\v 48 Titia Jisu taike koise, “Jitia tak tumikhan chihna aru asurit kaam nadikhibo, titia tak biswas nokoribo.”
|
||
\v 49 Daruga pora Taike koise, “Sahab amilaga bacha namora agete ahibi.”
|
||
\v 50 Jisu taike koise, “Jabi. Tumi laga chokra jinda ase.” Itu manu Jisu taike kowa ke biswas korise, aru jai jaise.
|
||
\v 51 Kitia tai rasta te thakise, tai laga nokor khan polai ahi taike lok paise aru koise, apni laga chokra jinda hoise.
|
||
\v 52 Aru tai taikhan ke hudise, thik ki somoi te chokra to bhal hoise. Aru taikhan koise, “Juwa kali thik saat baji somoi te bukhar tai ke chari jaise.”
|
||
\v 53 Titia tai jani loise, itu somoi Jisu taike kowa thik somoi te asele, “Tumi laga chokra jinda ase.” Aru tai aru tai ghor manu sob biswas kori loise.
|
||
\v 54 Jisu pora Judea ke chari kena Galilee te ahise, titia tai itu dusra chihna kori dikhai diya asele.
|
||
\c 5
|
||
\s Bisram Din Te Pukhuri Te Changai Kora
|
||
\p
|
||
\v 1 Itu din pichete Yehudi khan laga purbb thakise, aru Jisu Jerusalem te jaise.
|
||
\v 2 Jerusalem te mer laga duar mata usorte ekta pukhuri asele, itu Ibrani kotha te Bethesda koi, tate pansta veranda bonai rakhisele.
|
||
\v 3 Tate andha, lengra, aru jothor- rugi bemar thaka khan itu pukhuri laga pani hili bole laga asha te bohi rukhi thake.
|
||
\v 4 Kilemane olop somoi pichete ekjon sorgoduth ahikena itu pukhuri te pani ke hilai diye, aru kun sob pora prothom te pani te jabo, tai laga bemar bhal hoi thake.
|
||
\v 5 Tate ekjon manu artis-saal pora bemar hoi kena thakisele.
|
||
\v 6 Jitia Jisu tai ke dikhise aru tai tate bisi din bemar pora eneka thaka jani loise, Tai koise, “Tumi bhal hoi jabole mon ase?”
|
||
\v 7 Bemar manu taike jowab dise, “Sahab, pani hila somoi te moike loi jabole kun bi nai, aru moi tate jai thaka te dusra moi pora poila jai thake.”
|
||
\v 8 Jisu taike koise, “Uthi kena tumi laga charpai uthai loi jai jabi.”
|
||
\v 9 Aru itu kowa loge-loge te itu manu bhal hoi jaise, aru nijor chatai uthai loi aha juwa korise.
|
||
\p Aru itu Bisram din asele.
|
||
\v 10 Karone Yehudi khan pora jun bhal hoise itu manu ke koise, “Aji to Bisram din ase, tumi laga charpai uthai loi juwa to niom nohoi.”
|
||
\v 11 Kintu tai taikhan ke koise, “Kun moike bhal korise, tai moike koise, ‘Tumi laga charpai uthai loi jai jabi.’”
|
||
\v 12 Titia taikhan hudise, “Tumi ke ‘tumi laga charpai uthai loi jabi’ kowa kun ase?”
|
||
\v 13 Kintu bhal hoi ja-a manu to itu kun ase jana nai, kilemane tate bhir asele, itu karone Jisu tate pora piche hati jaisele.
|
||
\v 14 Itu pichete Jisu mondoli te taike pai kena koise, “Sabi, tumi to bhal hoise! Aru itu pora bi biya tumi upor te nahibo karone aru paap nakoribi.”
|
||
\v 15 Itu manu Yehudi khan logote jaikena taike changai kori diya to Jisu ase koi dise.
|
||
\v 16 Karone Yehudi khan Jisu ke tarona di thakise, aru Taike morai dibole bisari thakise, Tai Bisram din te itu kaam kori diya karone.
|
||
\v 17 Kintu Jisu taikhan ke jowab dise, “Ami laga Baba etiya tak kaam kori ase, aru Moi bi kaam kori ase.”
|
||
\s Jisu Aru Isor To Eke \s5
|
||
\v 18 Karone Yehudi khan Taike morai dibole aru bisi jor korise, kilemane Tai Bisram din laga niom bhangai diya ekla he nohoi kintu Isor ke Tai laga Baba kowa aru Tai nijor ke Isor logot borabar kora karone.
|
||
\s Chokra Laga Adhikar
|
||
\p
|
||
\v 19 Titia Jisu taikhan ke koise, “Moi tumikhan ke hosa kobo, Chokra nijor eku koribo napare, kintu ki kaam khan Baba kori thaka Tai dikhe, itu khan he Chokra bi kori thake.
|
||
\v 20 Kilemane Baba pora Chokra ke morom kore, aru ki kaam Tai kore sob to Chokra ke dikhai diye, aru itu pora bi dangor kaam khan Chokra ke dikhai dibo aru tumikhan asurit hoijabo.
|
||
\v 21 Kilemane jineka Baba mora manu ke uthai diye aru jibon diye, tineka he Chokra bi Tai jun ke bhal pai tai ke jibon diye.
|
||
\v 22 Kilemane Baba nijor to bisar nakore, kintu bisar koribole sob kaam Chokra ke di dise.
|
||
\v 23 Karone jineka sob manu Baba ke sonman kore, tineka Chokra ke bi sonman koribo, jun Chokra ke sonman na kore, Tai ke pathai diya Baba ke bi sonman na kore.
|
||
\v 24 Moi tumikhan ke hosa kobo jun Moike huni kena Moike pathai diya ke sonman koribo, anondo jibon tai laga hoise, aru saja laga kotha nai, kintu mrityu ke paar korikena jibon te jai jaise.
|
||
\v 25 Moi tumikhan ke hosa kobo, mora manu Isor laga Chokra laga awaj hunibo, aru jun huni lobo itu khan jinda hobole somoi ahi ase, aru etiya ahise.
|
||
\v 26 Kilemane jineka Baba nijor te jibon rakhe, tineka Chokra ke bi, Tai jibon rakhibole adhikar dise.
|
||
\v 27 Aru Tai Manu laga Chokra ase karone bisar laga bi adhikar di dise.
|
||
\v 28 Tumikhan itu kotha karone asurit nohobi, kilemane kobor khan te thaka sob pora Tai awaj huni kena bahar te ulai jabo.
|
||
\v 29 Aru jun bhal kaam korise, itu khan jibon karone punoruthan hobo, jun biya kaam korise, itu khan sajai nimite punoruthan hobo, eneka somoi ahi ase.
|
||
\s Jisu Laga Sakhi
|
||
\p
|
||
\v 30 Moi nijor eku koribo napare. Jineka Moi hune, eneka bisar kore, aru Moi laga bisar hosa ase, kilemane Moi nijor itcha te nohoi kintu, Moike patha Moi Baba laga itcha te he kore.
|
||
\v 31 Jodi Moi nijor ke sakhi dile, Moi laga sakhi hosa nohoi.
|
||
\v 32 Ekjon ase kun Ami laga kotha ke sakhi diye, aru Moi jane, tai pora Ami laga sakhi diya to hosa ase.
|
||
\v 33 Tumikhan John logote manu pathaise, aru tai hosa sakhi dise.
|
||
\v 34 Kintu Moi manu pora sakhi na lage, kintu Moi tumikhan laga udhar nimite itu koi ase.
|
||
\v 35 John to joli thaka aru jiliki thaka saaki ase, aru tumikhan tai puhor te ek bar khushi pora thaki jabo mon kori sele.
|
||
\v 36 Kintu Moi laga sakhi he John laga sakhi pora dangor ase, kilemane kaam ke pura koribole Baba he Moike dise, kuntu kaam Moi kori ase, itu pora Baba he Moi ke pathaise koikena Moi ke sakhi di ase.
|
||
\v 37 Aru Moike pathai diya Baba Tai nijor Moike sakhi dise, tumikhan to kitia bi Tai awaj huna nai, aru Tai roop bi dikha nai.
|
||
\v 38 Aru tumikhan Tai laga kotha mon te narakha hoi se, karone jun ke Tai pathaise itu ke bi tumikhan biswas kora nai.
|
||
\v 39 Tumikhan pobitro kitab te anondo jibon ase bhabikena bisari thake, aru itu kotha khan he Moi ke sakhi di ase,
|
||
\v 40 Kintu tumikhan jibon pabo karone Ami logote ahibole mon nai.
|
||
\v 41 Moi manu pora adar na bisare,
|
||
\v 42 Kintu tumikhan Isor ke morom nakora itu Moi jane.
|
||
\v 43 Ami Moi laga Baba laga naam to ahise, aru tumikhan Moike grohon nakore. Jodi kunba tai nijor naam te ahile, tumikhan itu ke to grohon kori lobo.
|
||
\v 44 Kineka tumikhan biswas koribo jitia Isor pora aha sonman ke nabisare kena nijor apaste he bisari thake?
|
||
\v 45 Moi Baba usorte tumikhan ke golti lagabo eneka nabhabi bi. Tumikhan ke golti kora to Moses ase, jun ke tumikhan asha rakhise.
|
||
\v 46 Jodi tumikhan Moses kowa biswas kori thakise koile, Moike bi biswas koribo, kilemane tai Moi nimite likhise.
|
||
\v 47 Kintu jodi tumikhan tai likha ke biswas nakore, to tumikhan Ami laga kotha kineka biswas koribo?”
|
||
\c 6
|
||
\s Jisu Pora Pans Hajar Ke Kha Luwa Diya
|
||
\p
|
||
\v 1 Itu khan huwa pichete, Jisu Galilee Samundar laga dusra phale jai jaise, juntu ke Tiberias Samundar bi koi.
|
||
\v 2 Titia bisi manu Tai piche kori ahise, kilemane Tai bemari khan ke asurit chihna kaam kori diya karone.
|
||
\v 3 Aru Jisu pahar te uthise, aru Tai chela khan logote tate bohi jaise.
|
||
\v 4 -Aru titia Yehudi khan laga Nistar purbb punchi asele.-
|
||
\v 5 Jitia Jisu Tai laga suku uthaikena saise, Tai phale dangor bhir ahi thaka dikhise, aru Tai Philip ke koise, “Manu khan pora khabo karone amikhan kot pora roti kinibo paribo?”
|
||
\v 6 -Kintu Tai Philip laga mon sabole tineka he koisele, kilemane Tai nijor ki koribo lage sob jane.-
|
||
\v 7 Philip Taike jowab dise, “Dui soh dinar laga roti pora ekjon ke olop-olop di le bi na ponchibo.”
|
||
\v 8 Tai chela pora ekjon Simon Peter laga bhai, Andrew Taike koise.
|
||
\v 9 Yate ekjon lora ase, tai logote pansta roti aru duita huru maas ase, kintu iman bisi manu karone itu pora ki koribo paribo?
|
||
\v 10 Titia Jisu koise, “Manu khan ke bohai dibi.”- Itu jagah te ghas bisi thakisele. Karone manu khan ke bohai dise, aru itu khan ginti korise aru pans hajar nisena thakise.
|
||
\v 11 Titia Jisu roti loi kena dhanyabad dise aru chela khan ke sob logot bhag koribole dise, aru tineka maas ke bi, aru jiman lage iman taikhan ke dise.
|
||
\v 12 Jitia taikhan khai loise Tai laga chela khan ke koise, “Bachi thaka ke joma kori lobi, kilemane eku bi nuksan hobo nalage.”
|
||
\v 13 Karone taikhan joma kori loise, aru pans-ta roti khai kena tukra bachi thaka ke baroh-ta tukri bhorta joma kori loise.
|
||
\v 14 Titia manu khan Tai asurit kaam kori diya ke dikhi kena koise, “Itu duniya te ahibole thaka bhabobadi to hosa te bi itu ase.”
|
||
\v 15 Karone manukhan ahi Taike joborjosti dhori kena raja bonai dibole bhabi thaka Tai jani kena ek bar aru Tai ekla pahar te jai jaise.
|
||
\s Jisu Pora Samundar Pani Uporte Bera
|
||
\p
|
||
\v 16 Jitia saam hoise, Tai chela khan samundar kinar te jaise.
|
||
\v 17 Aru naw te jai kena samundar paar Capernaum phale jaise, itu somoi andhera hoise, aru Jisu titia bi taikhan logote aha nai.
|
||
\v 18 Titia andhi karone samundar te hawa maribole lagise.
|
||
\v 19 Jitia taikhan laga naw to tin nohoile chari mile nisena chari jaise titia taikhan Jisu pani te khujkari kena naw usor te aha dikhi se aru taikhan bhoi khaise.
|
||
\v 20 Kintu Jisu taikhan ke koise, “Moi ase! Bhoi nokoribi.”
|
||
\v 21 Titia taikhan Taike naw te lobole taiyar hoise, aru joldi itu naw kot te jabole ase tate punchi jaise.
|
||
\p
|
||
\v 22 Aru dusra din bi manu khan samundar paar te thaki jaise, taikhan tate ekta naw he dikhise, aru Jisu to taikhan logote itu naw te ja-a nai, khali chela khan he jaise.
|
||
\v 23 Hoilebi, Tiberias phale pora dusra naw khan bisi ahise, kun to jaga te Probhu he roti loi Isor ke dhanyabad di kena taikhan roti khai sele.
|
||
\v 24 Jitia manu khan tate Jisu aru chela khan ke pa-a nai, taikhan aru naw te uthi jaise, aru Jisu ke bisari kena Capernaum phale ahise.
|
||
\v 25 Aru samundar paar te Taike pai kena koise, “Rabbi, Apni kitia yate ahi jaise?”
|
||
\v 26 Jisu taikhan ke jowab dise, “Moi Tumikhan ke hosa kobo, tumikhan chihna dikha karone nohoi, kintu tumikhan pet bhorta roti khabo para karone Moike bisari ase.”
|
||
\v 27 Nost hobole laga kha luwa karone kaam nakoribi, kintu juntu kha luwa anondo jibon tak thakibo, jun to Manu laga Chokra he Tumikhan ke dibole ase, itu karone porishram koribi, kilemane Baba Isor he Tai upor te mohor lagai loise.”
|
||
\v 28 Titia taikhan Taike koise, “Isor laga kaam koribole amikhan ki koribo lage?”
|
||
\v 29 Jisu taikhan ke jowab te koise, “Itu he Isor laga kaam ase: Junke Tai pathaise, Tai ke biswas koribi.”
|
||
\v 30 Karone taikhan Taike koise, “Tinehoile Apni amikhan ke ki chihna dikha bo, juntu saikena amikhan Apni ke biswas kori lobo? Apni ki koribo?
|
||
\v 31 Amikhan laga baba khan jongol te manna khaise, ‘Tai he khabole sorgo pora roti dise, eneka likha ase.’”
|
||
\v 32 Titia Jisu taikhan ke koise, “Moi tumikhan ke hosa kobo, sorgo pora roti tumikhan ke diya to Moses nohoi, kintu Moi laga Baba he hosa laga roti tumikhan ke dise.
|
||
\v 33 Kilemane Isor laga roti itu ase, jun sorgo pora ahi kena duniya ke jibon di thake.”
|
||
\v 34 Titia taikhan Taike koise, “Sahab, itu roti hodai amikhan ke di thakibi.”
|
||
\v 35 Aru Jisu taikhan ke koise, “Moi he jibon roti ase; jun Moi logote ahe tai kitia bi bhukh nalagibo, aru jun Moike biswas koribo tai kitia bi aru pyasa nohobo.
|
||
\v 36 Kintu tumikhan Moike dikhi paise, kintu biswas nakore, itu Moi tumikhan ke koi dise.
|
||
\v 37 Baba pora jun khan Moike dise, taikhan sob Moi logote ahibo aru kun Moi logote ahibo, tai ke Moi kitia bi nacharibo.
|
||
\v 38 Kilemane Moi nijor itcha te nohoi, kintu Moi ke pathai diya laga itcha pora koribole Moi ke sorgo pora niche anise.
|
||
\v 39 Aru Moi ke pathai diya Jon laga itcha itu ase, Tai kun pora Moi ke ki dise, itu khan ekjon bi naharaikena, hekh din te sob ke uthabo.
|
||
\v 40 Kilemane Ami laga Baba laga itcha itu ase, jun Chokra ke dikhibo, aru Taike biswas koribo, itu anondo jibon pabo aru Moi hekh din te taike uthai lobo.”
|
||
\p
|
||
\v 41 Titia Yehudi khan Tai birodh kotha korise, kilemane Tai koise, “Sorgo pora aha roti Moi he ase.”
|
||
\v 42 Aru taikhan koise, “Itu Joseph laga chokra Jisu nohoi, jun laga ama baba amikhan jane? Tai kile eneka koi ase, ‘Moi sorgo pora ahise’?”
|
||
\v 43 Karone Jisu taikhan ke koise, “Tumikhan apaste kotha nakoribi.
|
||
\v 44 Moike pathai diya Moi laga Baba he loi ani nadile, kun bi Moi logote ahibo naparibo, aru Moi hekh din te tai ke uthai dibo.
|
||
\v 45 Bhabobadi khan pora likha eneka ase, ‘Aru taikhan sob ke Isor pora sikhai lobo.’ Kun pora Baba laga kotha hunise aru sikhi loise tai khan he Moi logote ahibo.
|
||
\v 46 Kun bi Baba ke dikha nai, khali Tai Jun Isor pora ahise- Tai he Baba ke dikhise.
|
||
\v 47 Moi tumikhan ke hosa kobo, jun Moike biswas koribo, tai anonto jibon pabo.
|
||
\v 48 Jibon laga roti Moi ase.
|
||
\v 49 Tumi laga baba khan jongol te manna khaise, aru morise.
|
||
\v 50 Itu roti to sorgo pora nichete ahise, aru manu khan itu khabo hoile bi namoribo.
|
||
\v 51 Sorgo pora aha jibon laga roti Moi ase. Jodi kunba itu roti khabo, tai anondo jibon pabo, aru ki roti jibon karone Moi duniya ke dibole ase, itu Moi laga mangso ase.”
|
||
\p
|
||
\v 52 Itu huni kena Yehudi khan apas te kotha namila hoise, “Itu manu kineka kori Tai mangso amikhan ke khabole dibo paribo?”
|
||
\v 53 Titia Jisu taikhan ke koise, “Moi tumikhan ke hosa kobo, tumikhan Manu laga Chokra laga mangso aru Tai laga khun jodi nakhabo, tinehoile tumikhan logote jibon nathakibo.
|
||
\v 54 Jun Moi laga mangso khabo, aru Moi laga khun khabo, anonto jibon tai laga ase, aru Moi hekh din te taike uthai lobo.
|
||
\v 55 Kilemane Moi laga mangso he asol kha luwa ase, aru Moi laga khun bi asol laga khun ase.
|
||
\v 56 Jun Moi laga mangso khabo aru Moi laga khun khabo tai Moi logote ase, aru Moi tai logote ase.
|
||
\v 57 Jivit Baba he Moike pathaise, aru Moi Baba karone jivit ase, tineka jun Moike khabo, tai bi Moi karone jivit hobo.
|
||
\v 58 Itu to sorgo pora aha roti ase, tumikhan laga baba khan manna khaise aru mori jaise, jun bi itu roti khabo, tai anonto tak jinda thakibo.”
|
||
\v 59 Tai itu kotha khan sob Capernaum laga mondoli te thaka somoite manukhan ke sikhai thakise.
|
||
\s Anonto Jibon Laga Kotha
|
||
\p
|
||
\v 60 Karone Tai chela khan jitia itu hunise taikhan koise, “Itu kotha to bisi digdar kotha ase, itu khan to kun mani bole paribo?
|
||
\v 61 Jitia Tai chela khan itu kotha patise, Jisu jani kena taikhan ke koise, “Itu kotha karone tumi khan thogar lagise?
|
||
\v 62 Aru jodi Manu laga Chokra agete thaka jaga te wapas upor te juwa tumikhan dikhile kineka hobo?
|
||
\v 63 Jibon di thaka to Atma ase, gaw to eku labh nai, Moi tumikhan ke kowa khan to atma ase, aru jibon bi ase.
|
||
\v 64 Kintu tumikhan majote kunba biswas nakora ase.” Kilemane Jisu he shuru pora jani ase, kun biswas nakore aru kun Tai ke thogai dibole ase.
|
||
\v 65 Aru tai koise, “Itu karone, Moi tumi khan ke koise, jitia tak Baba pora bordan nadibo kun bi Moi logote ahibo naparibo.”
|
||
\p
|
||
\v 66 Itu kotha karone Tai chela khan bisi Taike chari kena wapas jai jaise.
|
||
\v 67 Titia Jisu pora baroh jon ke koise, “Tumikhan bi wapas jabole mon kora nai na?”
|
||
\v 68 Kintu Simon Peter Taike jowab dise, “Probhu amikhan kun logote jabo? Anondo jibon laga vachan to Apni logote ase,
|
||
\v 69 aru amikhan biswas kori ase, aru jani ase, Apni he Isor laga Pobitro Jon ase.”
|
||
\v 70 Jisu taikhan ke jowab dise, “Moi he tumikhan baroh jon ke basi loise nohoi, aru tumikhan majote ekjon saitan ase?”
|
||
\v 71 Tai Simon laga chokra Iscariot Judas laga kotha koi asele, kilemane tai he Tai ke thogai dibole jon ase, baroh jon majote ekjon tai asele.
|
||
\c 7
|
||
\s Tombu Laga Purbb Te Jisu Juwa
|
||
\p
|
||
\v 1 Itu khan huwa pichete, Jisu Galilee te berai thakise, kilemane Yehudi khan Tai ke morai dibole thaka karone Tai Judea phale berabo mon kora nai.
|
||
\v 2 Yehudi khan laga Tombu laga Purbb din bi usor ahi ponchise.
|
||
\v 3 Karone Tai bhai khan Taike koise, “Itu jaga chari kena Judea te jai jabi, Apni ki kaam kori ase itu Apni laga chela khan bi dikhi bole dibi.
|
||
\v 4 Kilemane Jun bi tai nijor naam ke untcha koribo mon kore, tai lukai kena nakore. Jodi Apni itu kaam korise koile, Apni nijor ke dikhai dibi duniya ke.”
|
||
\v 5 Kilemane Tai nijor bhai khan bi Taike biswas kora nai.
|
||
\v 6 Titia Jisu taikhan ke koise, “Moi laga somoi huwa nai, kintu tumikhan karone hodai somoi taiyar ase.
|
||
\v 7 Prithibi tumikhan ke ghin no koribo, kintu Moike ghin kore kilemane Moi taikhan laga biya kaam ke gawahi diye.
|
||
\v 8 Tumikhan purbb te jabi; Moi to etiya itu purbb te najabo, kilemane Moi laga somoi pura huwa nai.”
|
||
\v 9 Tai taikhan ke itu sob koi dise, aru Tai Galilee te thaki jaise.
|
||
\p
|
||
\v 10 Kintu Tai bhai khan juwa pichete Tai bi khula-khula nohoi, kintu lukai kena purbb te jaise.
|
||
\v 11 Titia, Yehudi khan Tai ke purbb te bisarise aru koise, “Tai kot te ase?”
|
||
\v 12 Aru manu khan majote Tai nimite kotha namila bisi ulaise. Kunba koi, “Tai bhal manu ase.” Kintu dusra khan koise, “Nohoi, kintu Tai manu khan ke ulta loi jai.”
|
||
\v 13 Hoilebi Yehudi khan ke bhoi pora kun bi Tai laga kotha khuli kena kowa nai.
|
||
\p
|
||
\v 14 Aru jitia purbb laga adha somoi jaise to Jisu mondoli te ahikena sikhabole shuru hoise.
|
||
\v 15 Aru Yehudi khan asurit hoise, koise, “Kineka itu manu pobitro kitab jane, pora likha na thaki kena bi?”
|
||
\v 16 Jisu taikhan ke jowab di koise, “Moi sikhai di thaka kotha khan to Moi pora nohoi, kintu Moi ke pathai diya pora ase.
|
||
\v 17 Jodi kunba Isor laga itcha te jabo mon korile, itu kotha to Isor pora ahise na Moi nijor khushi pora ase, tai nijor janibo.
|
||
\v 18 Kun nijor khushi pora kobo itu tai nijor ke prosansa kori ase, kintu jun taike pathai diya ke prosansa kore, itu hosa ase aru tai mon te adharmikta nathake.
|
||
\v 19 Moses tumikhan ke niom dise nohoi? Kintu tumikhan kun bi niom ke mana nai. Kile tumikhan Moike morai dibole bisari thake?”
|
||
\v 20 Bhir khan jowab di koise, “Tumi logote bhoot ase. Kun apnike morai dibole bisari ase?”
|
||
\v 21 Jisu taikhan ke koise, “Moi ekta kaam kori dise, aru tumikhan sob asurit korise.
|
||
\v 22 Moses tumikhan ke sunnot laga hukum dise, itu to, Moses pora nohoi kintu khandan khan pora ahise aru tumikhan Bisram din te sunnot kori thake.
|
||
\v 23 Jodi ekjon manu Bisram din te sunnot kori kena Moses laga niom nabhangai, to kile tumikhan Moi ke ghusa kore kilemane Moi Bisram din te manu ke bhal kora nimite?
|
||
\v 24 Chehera sai kena bisar nakoribi, kintu dharmikta pora bisar koribi.”
|
||
\s Itu He Khrista Ase Naki?
|
||
\p
|
||
\v 25 Titia Jerusalem pora aha kunba koise, “Taikhan pora morai dibole bisari thaka to itu manu nohoi?
|
||
\v 26 Kintu sabi, Tai to khula-khula kotha koi ase aru kunbi Taike eku nokoi, Tai he Khrista ase koikena cholawta khan bi jani loise?
|
||
\v 27 Itu manu kot pora ase, amikhan itu jani ase. Kintu jitia Khrista ahibo, Tai kot pora ase itu kun bi na janibo.”
|
||
\v 28 Titia Jisu mondoli bhitorte jor pora hikai se aru koise, “Tumikhan Moike jane, Moi kot pora ahise. Hoilebi Moi nijor khushi pora aha nohoi kintu Jun he Moi ke pathaise Tai hosa ase, Jun ke tumikhan najane.
|
||
\v 29 Moi Taike jane, kilemane Moi Tai pora ahise, aru Tai he Moi ke pathaise.”
|
||
\v 30 Karone, taikhan Taike dhori bole kosis korise, kintu kun bi Tai upor te hath diya nai, kilemane Tai somoi na puncha karone.
|
||
\v 31 Aru bisi manu Taike biswas kori loise, aru taikhan koise, “Jitia Khrista ahibo, Tai itu manu pora kori diya pora bi bisi asurit kaam nakoribo naki?”
|
||
\s Cholawta Khan Pora Jisu Ke Dhori bole Pathaise \s5
|
||
\v 32 Manu khan Jisu laga kotha koi thaka itu Pharisee khan jani kena, mukhyo purohit khan aru Pharisee khan Taike dhori bole daruga khan ke pathai dise.
|
||
\v 33 Titia Jisu taikhan ke koise, “Moi olop somoi karone tumikhan logote ase, pichete jun Moi ke pathaise Tai logote jai jabo.
|
||
\v 34 Tumikhan Moi ke bisaribo, aru na pabo, aru kot te Moi jabo tate tumikhan ahibo naparibo.”
|
||
\v 35 Titia Yehudi khan apaste kotha korise, “Tai kot te jabole ase, aru ki karone amikhan Taike na pabo? Tai Yunani khan ephale-uphale hoi thaka khan ke sikha bole jai jabole ase?
|
||
\v 36 Tai kowa itu ki kotha ase, ‘Tumikhan Moi ke bisaribo, kintu Moi ke na pabo, aru kot te Moi jabo tate tumikhan ahibo na paribo’?”
|
||
\s Jibon Pani Laga Nodi
|
||
\p
|
||
\v 37 Aru purbb laga ses din te, juntu dangor din ase, Jisu uthi kena jor pora koise, “Jodi kunba pyasa ase, tai Moi logote ahi kena khabi.
|
||
\v 38 Jun Moi ke biswas koribo, tinehoile pobitro kitab te kowa nisena, nodi jinda laga pani tai laga pet pora bohi ahibo.”
|
||
\v 39 Kintu Tai Atma laga kotha koi thakise, juntu biswas kora khan pabole thakise, aru Tai nijor mohima te juwa nai kilemane Pobitro Atma etiya tak Taike diya nai.
|
||
\s Manu Khan Majot Te Bhag Hoi Juwa \s5
|
||
\v 40 Titia bhir pora kunba itu huni kena, “Asol bhabobadi itu he ase” koise.
|
||
\v 41 Aru dusra koise, “Itu he Khrista ase.” Kintu kunba koise, “Khrista to Galilee pora ahibo naki?”
|
||
\v 42 Khrista to David laga khandan pora aru Bethlehem bosti kot te David thakisele, tate pora ahibo eneka pobitro kitab te kowa nohoi?”
|
||
\v 43 Titia Tai karone manu khan dui bhag hoi jaise.
|
||
\v 44 Aru kunba Taike dhori bole hoise, kintu kunbi Tai upor te hath diya nai.
|
||
\v 45 Titia daruga khan wapas mukhyo purohit khan aru Pharisee khan logote ahise, aru taikhan pora koise, “Kile tumikhan Taike loi aha nai?”
|
||
\v 46 Daruga khan jowab dise, “Kunbi Tai nisena kotha nakoi.”
|
||
\v 47 Titia Pharisee khan taikhan ke jowab dise, “Kile, tumikhan bi thogai te giri ase?
|
||
\v 48 Kunba cholawta khan aru Pharisee khan Taike biswas kori luwa nohoi na?
|
||
\v 49 Kintu niom najana itu bhir manu khan to shrapit hoise.”
|
||
\v 50 Nicodemus jun he rati te Jisu logote ahise, tai pora taikhan ke koise,
|
||
\v 51 “Amikhan laga niom hisab te manu laga kotha nahuna agete golti lagabo pare naki?”
|
||
\v 52 Taikhan taike jowab dise, “Tumi bi Galilee manu ase? Sabi aru bisaribi, kilemane Galilee pora kun bhabobadi bi na ula bo lage.”
|
||
\p
|
||
\v 53 Aru sob manu nijor-nijor ghor te jai jaise.
|
||
\c 8
|
||
\s Ekjon Mahila Ke Bebichar Kaam Te Dhora
|
||
\p
|
||
\v 1 Aru Jisu Oliv pahar te jai jaise.
|
||
\v 2 Ekdom phojur te Tai aru mondoli te ahise, aru sob manu khan ahise; Tai bohi kena taikhan ke sikhai thakise.
|
||
\v 3 Titia kanun likha khan aru Pharisee khan pora ekjon mahila ke loi anise jun ke bebichari kaam te dhorise, aru tai ke taikhan majot te khara kori dise.
|
||
\v 4 Titia taikhan Jisu ke hudise, “Hikhok, itu mahila ke bebichari kaam te dhorise.
|
||
\v 5 Aru niom te pathor pora eneka khan ke mari dibi koikena Moses he hukum di rakhise; kintu Apni ki kobo?”
|
||
\v 6 Taikhan Jisu ke porikha lobole he Taike eneka hudise, kintu eku bi nahuna nisena Tai niche jhuki kena anguli pora mati te kiba likhi thakise.
|
||
\v 7 Kintu taikhan hudi thakise, titia Tai sidha khara hoi kena koise, “Tumi laga majote kun paap kora nai, tai he sob pora poila pathor taike maribi.”
|
||
\v 8 Tai arubi niche jhuki kena anguli pora mati te likhi thakise.
|
||
\v 9 Jitia taikhan itu hunise, taikhan majot sob se bura khan pora shuru kori kena ekjon pichete ekjon korikena jai jaise. Aru tate Jisu ekla thaki jaise, aru utu mahila jun majot te khara thakise.
|
||
\v 10 Aru Jisu sidha khara hoikena tai ke koise, “Mahila, kot te ase tumi ke golti diya khan? Kunbi tumi ke golti diya nai?”
|
||
\v 11 Tai koise, “Kunbi nai, Probhu.” Jisu koise, “Moi bi tumi ke golti nadibo. Jabi aru paap nakoribi.”
|
||
\s Moi Duniya Laga Puhor Ase
|
||
\p
|
||
\v 12 Titia Jisu taikhan ke koise, “Moi he duniya laga puhor ase; jun Ami laga picha koribo, tai andhera te najabo, kintu jibon laga puhor pabo.”
|
||
\v 13 Pharisee khan Taike koise, “Apni nijor ke sakhi di ase; Apni laga sakhi hosa nohoi.”
|
||
\v 14 Jisu taikhan ke jowab di koise, “Jodi Moi nijor karone sakhi dile bi, Moi laga sakhi hosa ase. Kilemane Moi kot pora ahise aru kot te jabole ase itu Moi jane, kintu tumi khan to Moi kot pora ahise aru kot te jabole ase najane.
|
||
\v 15 Tumikhan to mangso hisab bisar kore; Moi kunke bi bisar no kore.
|
||
\v 16 Jodi Moi bisar kore, Ami bisar kora hosa ase kilemane Moi ekla nohoi, kintu Moi Baba logote ase, jun Moi ke pathaise.
|
||
\v 17 Aru tumikhan niom te bi likha ase duijon laga sakhi to hosa ase koikena.
|
||
\v 18 Moi nijor ke sakhi di ase, aru Baba jun Moi ke pathaise Tai bi Ami ke sakhi di ase.”
|
||
\v 19 Titia taikhan Taike koise, “Tumi laga Baba kot te ase?” Jisu koise, “Tumikhan Moi ke bi aru Moi laga Baba ke bi najane; jodi tumikhan Ami ke janile, Ami laga Baba ke bi janibole asele.”
|
||
\v 20 Tai itu kotha mondoli ghor te bhandar jaga pora koi thakise, aru kun bi Taike dhora nai kilemane Tai somoi puncha nai.
|
||
\p
|
||
\v 21 Aru Tai taikhan ke koise, “Moi to jai jabo, aru tumikhan Moi ke bisaribo aru tumi khan nijor paap pora mori jabo. Moi kote jabo, tate tumikhan ahibo na paribo.”
|
||
\v 22 Karone Yehudi khan koise, “Tai nijor ke namorabo na? Itu karone Tai koi ase, ‘Kot Moi jabo tumikhan tate ahibo na paribo’?”
|
||
\v 23 Karone Jisu taikhan ke koise, “Tumikhan to niche pora ase; Moi to upor pora ase. Tumikhan to itu prithibi laga ase; Moi itu prithibi laga nohoi.
|
||
\v 24 Itu karone, Moi koise tumikhan nijor paap pora mori jabo. Kilemane MOI ASE itu koikena tumikhan biswas no korile, tumi khan nijor paap pora mori jabo.”
|
||
\v 25 Titia taikhan Taike koise, “Apni kun ase?” Jisu taikhan ke koise, “Ki Moi tumikhan ke shuru pora koise itu ase.”
|
||
\v 26 Moi bisi kotha kobole aru bisar koribole ase tumikhan karone. Kintu Moi ke pathai diya to hosa ase; aru Tai pora Ami ki hunise, itu he Moi prithibi ke koi thake.”
|
||
\v 27 Taikhan bujhi bo para nai Tai Baba laga kotha taikhan ke koise koikena.
|
||
\v 28 Titia Jisu taikhan ke koise, “Jitia tumikhan pora Manu laga Chokra ke upor latkai dibo, titia tumikhan jani lobo MOI ASE, aru Moi nijor eku nakore, kintu jineka Baba he Moi ke sikhai, itu he Moi koi thake.
|
||
\v 29 Tai Moi ke pathai se aru Tai Moi logote thake, Tai Moi ke ekla nachare, kilemane Moi hodai Tai itcha he kori thake.”
|
||
\v 30 Jitia Jisu itu kotha koi dise, bisi manu Tai ke biswas kori loise.
|
||
\s Hosa He Tumi Khan Ke Ajad Kori Dibo
|
||
\p
|
||
\v 31 Titia Jisu pora Taike biswas kori luwa Yehudi khan ke koise, “Tumikhan Ami laga kotha mani thakile tumikhan Ami laga hosa chela hoise;
|
||
\v 32 aru tumikhan hosa ke jani lobo, aru hosa he tumikhan ke ajad kori dibo.”
|
||
\v 33 Taikhan Tai ke koise, “Amikhan Abraham laga khandan ase, kitia bi kun laga nokor thaka nai; kineka Apni koise, ‘Tumikhan ke ajad kori dibo’?”
|
||
\v 34 Jisu jowab dise, “Moi tumikhan ke hosa kobo, jun bi paap te thakise tai paap laga sewak ase.
|
||
\v 35 Aru sewak to hodai ghor te nathake, kintu Chokra to hodai thake.
|
||
\v 36 Karone, jodi Chokra pora tumi khan ke ajad kori dile, tumikhan hosa pora ajad hoise.
|
||
\v 37 Tumikhan Abraham laga khandan ase itu Moi jane, kintu tumikhan Moi ke morai dibole bisari ase, kilemane Ami laga kotha karone tumikhan mon te jagah nai.
|
||
\v 38 Moi pora kowa kotha khan sob Moi laga Baba logote dikhise; karone tumikhan bi tumikhan baba pora ki hunise, itu he koribi.”
|
||
\s Saitan Laga Bachakhan \s5
|
||
\v 39 Taikhan Taike jowab dise aru koise, “Amikhan laga baba to Abraham ase.” Jisu taikhan ke koise, “Jodi tumikhan Abraham laga bachakhan hoile, tumikhan Abraham laga kaam khan koribi.
|
||
\v 40 Etiya tumikhan Moi ke morai dibole bisari ase, ekjon manu kun tumi khan ke hosa koi dise juntu kotha khan Moi ke Isor pora hunai se. Abraham tineka kora nai.
|
||
\v 41 Tumi khan to tumi khan baba khan laga kaam kori thake.” Taikhan pora Tai ke koise, “Amikhan bebichar kaam pora jonom luwa nohoi; ami khan Baba ekjon he ase; Isor.”
|
||
\v 42 Jisu taikhan ke koise, “Jodi Isor tumikhan laga Baba hoile, tumikhan Moi ke morom koribo, kilemane Moi Isor pora ahise, Moi nijor pora aha nohoi, kintu Tai Moi ke pathaise.
|
||
\v 43 Kile tumikhan Ami laga kotha bujhi bo napare? Tumikhan Ami laga kotha nahuna nimite ase.
|
||
\v 44 Tumikhan to tumikhan baba, bhoot laga ase, aru tumikhan tai itcha he koribole bhal pai. Tai shuru pora khun kora ase aru tai hosa te khara nathaka karone tai logote hosa nai. Kitia tai misa koi, tai nijor mon pora koi thake, kilemane tai misa ase aru misa khan laga baba ase.
|
||
\v 45 Kintu, Moi hosa koi, tumi Moi ke biswas nakore.
|
||
\v 46 Kun Moi ke paap laga galti dibo pare? Jodi Moi hosa koi, to tumikhan Moi ke kile biswas nakore?
|
||
\v 47 Jun Isor pora ahise tai Isor kotha khan huni; kintu itu nimite tumikhan to taikhan laga kotha nahune, kilemane tumikhan Isor laga nohoi.”
|
||
\s Abraham Age Te Moi Ase \s5
|
||
\v 48 Titia Yehudi khan Tai ke jowab di koise, “Amikhan hosa kowa nohoi Apni Samaria manu ase aru Apni logote ekjon bhoot ase?”
|
||
\v 49 Jisu koise, “Moi logote bhoot nai, kintu Moi Ami laga Baba ke sonman kore, aru tumikhan Moi ke bodnam kori ase.
|
||
\v 50 Kintu Moi nijor mohima na bisare; itu bisari thaka aru bisar kori thaka ekjon ase.
|
||
\v 51 Hosa pora Moi tumikhan ke kobo, jodi kunba Ami laga kotha hune, tai kitia bi mrityu nadikhibo.”
|
||
\v 52 Titia Yehudi khan Taike koise, “Etiya amikhan jani loise, Tumi logote bhoot ase. Abraham aru bhabobadi khan bi mori jaise; aru Apni koise, ‘Jodi jun Ami laga kotha ke rakhi lobo, tai mrityu nadikhibo.’
|
||
\v 53 Apni amikhan laga Baba Abraham kun mori jaise, tai pora dangor ase naki? Bhabobadi khan bi mori jaise. Apni nijor ke kun koikena bhabi ase?”
|
||
\v 54 Jisu jowab dise, “Jodi Moi nijor ke mohima korile, Ami laga mohima eku nai; kintu Moi ke mohima kora Ami laga Baba he ase- jun ke tumikhan Isor koi kena mate.
|
||
\v 55 Tumikhan Tai ke najane, kintu Moi Tai ke jane. Aru jodi Moi koi, ‘Moi Tai ke najane’, tumi nisena Moi bi misa hoise, kintu Moi Tai ke jane aru Tai laga kotha mane.
|
||
\v 56 Tumi khan laga baba Abraham to Moi laga din dikhi bole asha te anondo kori ase, aru Tai dikhi paise aru khushi korise.”
|
||
\v 57 Titia Yehudi khan Tai ke koise, “Apni pachas saal bi huwa nai, aru Apni Abraham ke dikhise?”
|
||
\v 58 Jisu taikhan ke koise, “Hosa pora Moi tumikhan ke kobo, Abraham age pora, MOI ASE.”
|
||
\v 59 Titia taikhan Taike mari dibole pathor uthaise; kintu Jisu Tai nijor lukai kena mondir pora bahar ulai jaise.
|
||
\c 9
|
||
\s Jonom Pora Andha Thaka ke Jisu Changai Kora
|
||
\p
|
||
\v 1 Jitia Jisu jai thaka homoite, jonom pora andha thaka ekjon ke Tai lok paise.
|
||
\v 2 Aru Tai chela khan Taike hudise, “Rabbi, kun paap korise, itu manu na tai baba ama khan karone jonom pora tai andha hoise?”
|
||
\v 3 Jisu jowab dise, “Itu manu laga paap bi nohoi, Tai baba-ama khan laga bi nohoi, kintu tai karone Isor laga kaam dikhai dibole nimite.
|
||
\v 4 Din thaka homoi te he kun Moi ke pathaise Tai laga kaam kori thakibo lage. Kilemane rati ahi ase.
|
||
\v 5 Jitia Moi prithibi te ase, Moi he prithibi laga puhor ase.”
|
||
\v 6 Jitia Tai itu sob koi diya hoise, Tai mati te thuki kena buka bonai loise, aru itu buka pora andha manu laga suku te lagai dise.
|
||
\v 7 Aru Jisu taike koise, “Jabi, aru Siloam pukhuri te dhui lobi, ” -juntu laga motlob ase “pathai diya.” Karone tai jaise, aru dhui dise, aru dikhibo parikena wapas ghurai ahise.
|
||
\v 8 Karone tai laga ghor usor manukhan kun khan pora tai ke agete bhikh mangi thaka dikhi thakise, etiya taike dikhi kena koise, “Itu manu to rasta te bohi bhikh mangi thaka to nohoi?”
|
||
\v 9 Kunba koise, “Itu tai ase.” Dusra koise, “Nohoi, kintu tai nisena ase.” Kintu tai koise, “Itu moi ase.”
|
||
\v 10 Titia taikhan taike koise, “Kineka tumi laga suku khuli jaise?”
|
||
\v 11 Tai jowab dise, “Jun laga naam Jisu ase Tai mati buka bonai kena moi laga suku te lagai dise, aru moike koise, ‘Siloam te jabi aru dhui dibi.’ Aru moi jai kena dhui dise, aru moi dikhi bo paise.”
|
||
\v 12 Taikhan taike koise, “Tai kot te ase?” Tai jowab dise, “Moi najane.”
|
||
\p
|
||
\v 13 Taikhan jun andha asele itu ke Pharisee khan logote loi anise.
|
||
\v 14 Itu Bisram din asele jitia Jisu mati pora buka bonai kena tai laga suku bhal kori disele.
|
||
\v 15 Titia Pharisee khan bi taike aru hudise. Tai taikhan ke koise, “Tai ami laga suku te mati lagai dise aru etiya moi dikhise.”
|
||
\v 16 Karone kunba Pharisee khan koise, “Itu manu to Isor pora nohoi kilemane Tai Bisram din ke na mane.” Kintu kunba koise, “Kineka paapi manu eneka asurit kaam kori dikha bo paribo?” Aru taikhan bhag hoise.
|
||
\v 17 Taikhan aru andha manu ke hudise, “Tumi Tai karone ki kobo, kun tumi laga suku khuli dise?” Andha manu koise, “Tai to bhabobadi ase.”
|
||
\v 18 Kintu Yehudi khan itu manu age te andha thakise aru etiya dikhibo pari ase koi kena biswas kora nai, jitia tak tai baba ama ke mati ani kena huda-hudi kora nai.
|
||
\v 19 Aru taikhan tai ama baba ke hudise, koise, “Itu tumikhan laga chokra jonom pora andha asele? Aru kineka kori etiya dikhi ase?”
|
||
\v 20 Tai ama baba taikhan ke jowab di koise, “Amikhan jane itu amikhan laga chokra ase aru jonom pora andha thakise.
|
||
\v 21 Kintu amikhan itu najane tai kineka kori etiya dikhibo pari ase, aru kun tai laga suku khuli dise. Tai jawan hoise, taike hudi bi. Tai nijor koi dibo.”
|
||
\v 22 Tai ama baba khan Yehudi khan ke bhoi pora tineka koise, kilemane Yehudi khan age pora eneka koi kena ase jodi kunba Khrista naam kobo, itu manu laga naam mondoli pora ulai dibo.
|
||
\v 23 Itu karone, tai baba ama koise, “Tai jawan hoise, taike hudi bi.”
|
||
\v 24 Aru taikhan dusra bar itu andha thaka manu ke mati ani kena tai ke koise, “Isor ke mohima koribi. Amikhan jane itu to paapi manu ase.”
|
||
\v 25 Tai jowab di koise, “Moi najane jodi Tai paapi manu ase. Ekta kotha moi jani ase; moi andha asele, aru etiya dikhi ase.”
|
||
\v 26 Titia taikhan taike koise, “Tai tumi ke ki korise? Kineka kori tai tumi laga suku khuli dise?”
|
||
\v 27 Tai taikhan ke koise, “Moi poila pora apni khan ke koi dise, aru apni khan huna nai! Kile apni khan aru hunibo mon kori ase? Apnikhan bi Tai chela hobole mon ase naki?”
|
||
\v 28 Titia taikhan taike gali di kena koise, “Tumi to Tai laga chela ase, kintu amikhan to Moses laga chela ase.
|
||
\v 29 Amikhan jane Isor pora Moses logote prothom te kotha korise kintu itu manu to amikhan najane Tai kot pora ahise.”
|
||
\v 30 Tai taikhan ke jowab di koise, “Etiya to asurit hoi ase, Tai kot pora ahise moi najane, hoilebi tai pora he ami laga suku bhal kori dise.
|
||
\v 31 Amikhan jane Isor paapi manu ke nahune, kintu kun Isor ke thik mane aru Tai itcha kore, itu khan ke Tai hune.
|
||
\v 32 Prithibi shuru pora etiya tak kun bi jonom pora andha manu suku bhal kori diya huna nai.
|
||
\v 33 Jodi itu manu Isor pora aha nohoile, Tai eku bi koribo naparibo.”
|
||
\v 34 Taikhan taike jowab di koise, “Tumi to hosa ke paap pora jonom hoise, aru tumi amikhan ke sikhabole ase?” Titia aru taikhan tai ke khedai dise.
|
||
\p
|
||
\v 35 Aru itu manu ke taikhan mondoli pora ulai dise koikena Jisu hunise. Jitia Jisu tai ke lok paise, Tai hudise, “Tumi Manu laga Chokra ke biswas kore?”
|
||
\v 36 Tai jowab di koise, “Aru Tai kun ase, Probhu, moi Tai ke biswas koribo karone?”
|
||
\v 37 Aru Jisu taike koise, “Tumi Tai ke dikhi loise, aru tumi logote kotha kori thaka itu he Tai ase.”
|
||
\v 38 Titia tai koise, “Probhu, moi biswas korise” aru Tai ke aradhana korise.
|
||
\v 39 Jisu koise, “Moi itu prithibi ke bisar koribole ahise, jun manu nadikhe taikhan dikhi pabole, aru jun manu dikhe taikhan ke andha kori dibole.”
|
||
\v 40 Kunba Pharisee jun khan Tai logote asele taikhan itu kotha huni kena tai ke koise, “Amikhan bi andha ase naki?”
|
||
\v 41 Jisu taikhan ke koise, “Jodi tumikhan andha thakise koile, tumi laga paap na thakibole asele, kintu etiya tumikhan koi ase, ‘Amikhan dikhi ase,’ karone tumi khan laga paap thaki jabo.”
|
||
\c 10
|
||
\s Moi Bhal Mer Roikhya Jon Ase
|
||
\p
|
||
\v 1 “Hosa pora Moi tumikhan ke kobo, kun mer rakha dorja pora na ghusikena dusra rasta pora ghusi bo itu to chor aru dokait ase.
|
||
\v 2 Kintu jun dorja pora ghusi bo tai he mer laga roikhya ase.
|
||
\v 3 Tai karone dorja te rukhi thaka manu pora dorja khuli dibo. Aru mer khan tai laga awaj hunibo, aru tai nijor mer khan laga naam mati kena bahar te loi jai thake.
|
||
\v 4 Aru jitia tai mer khan ke bahar kori loise, tai itu khan laga age jai thake, aru mer khan piche ahi thake, kilemane itu khan tai laga awaj jane.
|
||
\v 5 Aru taikhan najana manu laga piche najabo, kintu polai jabo, kilemane taikhan itu khan laga awaj nachine.”
|
||
\v 6 Jisu pora itu dristanto taikhan ke koise, kintu taikhan Tai ki koise itu laga motlob bujhi bo para nai.
|
||
\p
|
||
\v 7 Titia Jisu taikhan ke aru koise, “Hosa pora Moi tumikhan ke kobo, Moi he mer khan laga dorja ase.
|
||
\v 8 Moi pora agete jiman ahise, sob chor aru dokait ase, kintu mer khan pora taikhan ke huna nai.
|
||
\v 9 Moi he dorja ase, jodi kunba Moi dwara ghusi bo, tai poritran pabo, aru bhitor bahar aha juwa koribo, aru dana pabo.
|
||
\v 10 Chor khali chor koribole nohoi kintu morai dibole aru biya koribole ahe. Moi aha to taikhan jibon pabole aru itu ke bi bisi bhorta thaka jibon dibo karone ahise.
|
||
\v 11 Moi bhal mer roikhya ase. Bhal mer roikhya to mer khan karone nijor jibon di diye.
|
||
\v 12 Hoile bi ekjon hajira kora manu to roikhya nohoi, aru mer khan laga malik bi nohoi. Tai kitia rong kutta aha dikhe, mer khan ke chari kena polai jai, aru rang-kutta he mer khan ke dhori loi jai, aru mer khan ke ephale-uphale polabo diye.
|
||
\v 13 Kilemane tai hajira kora manu ase itu karone polai jai, tai mer khan karone chinta na thake.
|
||
\v 14 Moi bhal mer roikhya ase, aru Moi nijor mer khan ke jane, aru Moi laga mer khan bi Moi ke jane.
|
||
\v 15 Jineka Baba Moi ke jane, Moi bi Baba ke jane, aru Moi mer khan karone Moi laga nijor jibon di ase.
|
||
\v 16 Aru Ami laga dusra mer khan bi ase jun khan itu mer ghor te nathake. Taikhan ke bi Moi anibo lage, aru taikhan Moi laga awaj hunibo, aru titia sob mer khan ekta hoijabo aru mer roikhya bi ekjon he thakibo.
|
||
\v 17 Moi laga Baba Moi ke itu nimite morom kore: kilemane Moi nijor laga jibon dise aru bi wapas loi lobo karone.
|
||
\v 18 Kun bi itu Moi pora chingibo napare, kintu Moi he nijor ke di ase. Ami laga jibon dibole aru loi lobole bi Moi adhikar ase, itu hukum Moi laga Baba pora paise.”
|
||
\p
|
||
\v 19 Itu kotha karone Yehudi khan laga majote aru kotha namila hoise, aru apas te bhag hoise.
|
||
\v 20 Aru bisi manu koi, “Tai logote bhoot ase, aru tai pagala ase. Kile apni khan tai laga kotha huni ase?”
|
||
\v 21 Aru dusra koise, “Itu kotha eneka manu laga nohoi jun logote bhoot thakise. Bhoot pora andha laga suku khuli dibo pare naki?”
|
||
\s Moi Aru Baba To Ekjon He Ase
|
||
\p
|
||
\v 22 Aru itu somoi te Jerusalem te Samarpan laga Purbb asele. Aru itu thanda din thakise,
|
||
\v 23 aru Jisu to Solomon laga veranda kowa jagate aha juwa kori thakise.
|
||
\v 24 Titia Yehudi khan Tai ke gheri loise, aru koise, “Apni kiman deri amikhan ke chinta te rakhibole ase? Jodi Apni Khrista ase koile amikhan ke koi dibi.”
|
||
\v 25 Jisu taikhan ke jowab dise, “Moi tumikhan ke koi dise, aru tumikhan biswas kora nai. Ki kaam Moi laga Baba naam te kori ase, itu he Moi laga sakhi di ase.
|
||
\v 26 Kintu tumikhan biswas nakore kilemane tumikhan Ami laga mer nohoi.
|
||
\v 27 Ami laga mer khan Ami laga awaj hune; Moi taikhan ke jane, aru taikhan Ami laga piche ahe.
|
||
\v 28 Aru Moi taikhan ke anondo jibon diye, aru taikhan kitia bi namoribo, aru kun bi taikhan ke Amilaga hath pora chingi loi jabo naparibo.
|
||
\v 29 Ami laga Baba, Jun he itu sob Moi ke dise, Tai sob pora dangor ase, aru kun bi Baba laga hath pora taikhan ke chingibo naparibo.
|
||
\v 30 Moi aru Moi laga Baba ekjon ase,
|
||
\v 31 Titia Yehudi khan Tai ke maribole pathor uthaise.
|
||
\v 32 Jisu taikhan ke jowab dise, “Moi pora tumikhan ke Moi laga Baba laga bhal kaam bisi dikhai dise. Kuntu kaam karone tumikhan Moike pathor maribole hoise?”
|
||
\v 33 Yehudi khan Taike jowab dise, “Bhal kaam karone amikhan Apni ke pathor maribole nohoi, kintu Isor ke ninda kora, aru tumi manu hoi kena, nije ke Isor bonai thaka karone.”
|
||
\v 34 Jisu taikhan ke jowab dise, “Itu tumi khan niom te likha nai, ‘Moi koise, “Tumikhan bi Isor ase’”?
|
||
\v 35 Jodi Tai tumikhan ke Isor koile, jun khan logote Isor laga kotha ponchise, - aru pobitro kitab laga kotha khan to bhangi jabole nohoi,-
|
||
\v 36 tumikhan Taike koi ase jun Baba he alag bonai kena duniya te pathai dise, ‘Tumi ninda kori ase,’ kilemane Moi koise, ‘Moi Isor laga Chokra ase’?
|
||
\v 37 Jodi Moi Ami Baba laga kaam na kore, to Moi ke biswas nakoribi.
|
||
\v 38 Kintu jodi Moi kaam kori thakile bi, tumikhan Moi ke biswas nokorile, kaam to saikena biswas kori lobi, titia tumikhan jani lobo aru biswas kori lobo Baba pora Moi bhitor te ase aru Moi Tai bhitor te ase.”
|
||
\v 39 Karone taikhan aru bi Taike dhori bole korise, kintu Tai taikhan hath pora ulai jaise.
|
||
\p
|
||
\v 40 Aru Tai Jordan paar jaga, kot te John prothom baptizma di thakisele, tate jai kena thaki jaise.
|
||
\v 41 Titia bisi manu Tai logote ahi koise, “John to eku chihna dikha diya nai, kintu John pora itu manu laga ki kotha koise, itu sob hosa ase.”
|
||
\v 42 Aru tate bisi manu Taike biswas kori loise.
|
||
\c 11
|
||
\s Lazarus Mora Laga
|
||
\p
|
||
\v 1 Titia ekjon bemar thaka manu Lazarus koikena thakise. Tai, aru bhoini Mary aru Martha khan laga bosti naam to Bethany thakise.
|
||
\v 2 Aru itu Mary he asele jun pora agete itra tel loikena Probhu ke abhishek korikena tai laga chuli pora Jisu laga theng mussi dise, aru bemar Lazarus to tai laga bhai asele.
|
||
\v 3 Karone tai bhoini khan pora manu pathai kena koise, “Probhu, kun ke Apni morom kore, tai bemar ase.”
|
||
\v 4 Jitia Jisu itu kotha hunise, Tai koise, “Itu bemar to mori jabole laga bemar nohoi, kintu Isor ke mohima aru Manu laga Chokra ke mohima hobo karone ase.”
|
||
\v 5 Jisu to Martha aru tai bhoini aru Lazarus ke bi morom kori thakisele.
|
||
\v 6 Aru jitia Tai hunise Lazarus bemar ase koikena, Jisu kot te thakise tate dui din aru rukhi jaise.
|
||
\v 7 Titia itu pichete, Tai laga chela khan ke koise, “Ahibi, amikhan Judea te aru jabo.”
|
||
\v 8 Tai chela khan Tai ke koise, “Rabbi, aji kali Yehudi khan Apni ke pathor maribole bisari ase, aru Apni tate jabole ase?”
|
||
\v 9 Jisu jowab dise, “Kile din te baroh ghanta nathake naki? Jodi kunba din te beraile tai thogar na khai, kilemane tai duniya laga ujala ke pai thaka karone.
|
||
\v 10 Kintu jodi kunba rati te beraile, puhor tai logote nathaka karone thogar khai.”
|
||
\v 11 Tai itu khan kotha koi diya pichete, eneka koise, “Amikhan laga sathi Lazarus ghumai ase, kintu Moi tai ke uthai dibole jabo.”
|
||
\v 12 Titia Tai chela khan koise, “Probhu, jodi tai ghumi ase koile, tai basi jabo.”
|
||
\v 13 Jisu tai mori bole laga kotha he koise, kintu taikhan to aram pora ghumai thaka kotha he bhabise.
|
||
\v 14 Titia Jisu taikhan ke sidha koi dise, “Lazarus mori jaise.
|
||
\v 15 Moi khushi ase, tumikhan karone, Moi tate thaka nai, itu karone tumi khan biswas kori lobo. Kintu amikhan tai logote jabo.”
|
||
\v 16 Titia Thomas, jun ke Didymus bi koi, tai sathi chela khan ke koise, “Ahibi amikhan bi jabo Jisu logote moribo karone.”
|
||
\s Moi Punoruthan Aru Jibon Ase
|
||
\p
|
||
\v 17 Karone jitia Jisu ahise, Tai janise Lazarus ke kobor te rakhi diya char din hoise.
|
||
\v 18 Aru Bethany to Jerusalem usor ase, dui kos he dur nisena te ase.
|
||
\v 19 Aru Yehudi khan bisi Martha aru Mary logote ahise, tai bhai karone mon aram kori dibole.
|
||
\v 20 Jitia Martha hunise Jisu ahi ase, tai lok pabole jaise, kintu Mary to ghor te bohi thakise.
|
||
\v 21 Martha pora Jisu ke koise, “Probhu, jodi Apni yate thakile, moi laga bhai namoribole asele.
|
||
\v 22 Kintu etiya bi, moi jane Apni Isor ke ki mangile Isor pora itu Apni ke dibo.”
|
||
\v 23 Jisu taike koise, “Tumi laga bhai aru jinda hoi jabo.”
|
||
\v 24 Martha Taike koise, “Moi jane tai aru jee uthibo hekh din te.”
|
||
\v 25 Jisu taike koise, “Moi, he punoruthan aru jibon ase; jun Moike biswas koribo, jodi tai morile bi, jinda hobo;
|
||
\v 26 Aru jun bi jinda thake aru Moi ke biswas kore tai kitia bi namoribo. Tumi itu kotha biswas kore?”
|
||
\v 27 Tai Jisu ke koise, “Hoi, Probhu, Moi biswas ase Apni Khrista ase, Isor laga Chokra, jun duniya te ahibole thaka jon ase.”
|
||
\s Jisu Kandise \s5
|
||
\v 28 Aru tai itu koi diya pichete, tai jai jaise aru lukai kena tai bhoini ke koise, “Hikhok yate ahi ase, aru apni ke mati ase.”
|
||
\v 29 Tai itu huna logote uthi kena Tai logote jaise.
|
||
\v 30 Titia tak Jisu to bosti te puncha nai, kintu kot te Martha Tai ke lok korise tate he thakise.
|
||
\v 31 Titia jun Yehudi khan tai laga ghor te thakise aru tai laga mon aram kori di thakisele, taikhan Mary to joldi uthi kena juwa dikhise, aru tai kobor te jai kena kandibole jai ase bhabise aru tai laga piche korise.
|
||
\v 32 Jitia Mary to Jisu thaka jagate ponchise, tai Jisu ke dikhi kena Tai theng te giri kena koise, “Probhu, jodi Apni yate thakile, amilaga bhai namoribole asele.”
|
||
\v 33 Kitia Jisu tai kanda dikhise, aru Yehudi khan tai logote aha khan kanda dikhise, Tai Atma te bisi bhabise aru mon chinta hoise;
|
||
\v 34 aru Tai koise, “Tumikhan taike kot te rakhise?” Taikhan Taike koise, “Probhu, ahi kena sabi.”
|
||
\v 35 Jisu kandise.
|
||
\v 36 Titia Yehudi khan koise, “Sabi kiman morom kore ase Lazarus ke!”
|
||
\v 37 Kintu taikhan kunba koise, “Tai agete andha manu laga suku bhal kori diya Tai itu manu na hoi, itu manu ke namoribo dibo para nai?”
|
||
\s Jisu Pora Lazarus Ke Mora Pora Jinda Uthai Diya \s5
|
||
\v 38 Aru Jisu bisi mon dukh hoi kobor te ahise, itu ekta gufa asele, aru ekta pathor pora dhaki rakhi thakise.
|
||
\v 39 Jisu koise, “Pathor ke hatai dibi. Martha, mori juwa laga bhoini, Jisu ke koise, “Probhu, etiya to pucha gundai thakibo, char din hoise.”
|
||
\v 40 Jisu taike koise, “Kile, Moi tumi ke kowa nohoi, jodi tumi biswas korile, tumi Isor laga mohima dikhibo?”
|
||
\v 41 Titia taikhan pathor ke hatai dise, Jisu Tai suku upor uthai koise, “Baba, Moi Apni ke dhanyabad di ase, Apni Ami laga prathana huni luwa karone.
|
||
\v 42 Moi jane, Apni Moi ke hodai hune kintu Ami usor te thaka khan karone Apni he Moi ke pathaise, itu jani kena biswas koribo karone Moi itu koi dise.”
|
||
\v 43 Titia Tai itu koi diya pichete, Tai jor pora hala kori koise, “Lazarus, ulai ahibi!”
|
||
\v 44 Titia mora manu ulai ahise; aru bhori aru hath kapra pora bandi kena aru Tai mukh ekta gamcha pora dhaki asele, Jisu taikhan ke koise, “Khuli dibi aru tai ke jabo dibi.”
|
||
\s Jisu ke Morai Dibole Buddhi
|
||
\p
|
||
\v 45 Titia bisi Yehudi khan jun Mary logote ahise aru Jisu kaam kori diya dikhi kena biswas kori loise.
|
||
\v 46 Kintu taikhan kunba Pharisee khan logote jai kena Jisu kaam kori diya sob koi dise.
|
||
\p
|
||
\v 47 Karone mukhyo purohit khan aru Pharisee khan sabha te joma hoi kotha korise, “Amikhan ki korile bhal hobo? Itu manu bisi asurit kori ase.
|
||
\v 48 Jodi amikhan Taike eneka kori thakibo dile, sob manu Taike biswas kori jabo, aru Rome laga sipahi ahikena amikhan laga jagah aru jati duita ke bi amikhan laga hath pora loi lobo.”
|
||
\v 49 Aru taikhan laga majote ekjon manu naam Caiaphas asele, itu saal pora moha purohit kaam kori asele, taikhan ke koise, “Tumikhan eku najane.
|
||
\v 50 Sob desh nost huwa pora to ekjon mori juwa he bhal hobo, itu bi tumikhan na bhabe.”
|
||
\v 51 Itu tai nijor pora kowa nohoi. Kintu itu saal pora tai moha purohit kaam korise, itu karone tai bhabobani korise Jisu he itu jati manu karone moribo;
|
||
\v 52 Aru khali itu jati karone he nohoi, kintu Isor laga khandan khan, ephale-uphale hoi thaka khan sob ke bisari ekta koribole ase.
|
||
\v 53 Titia taikhan itu din pora Tai ke morai dibole bisari thakise.
|
||
\p
|
||
\v 54 Karone, Jisu Yehudi khan majote khula nabera hoise, kintu tate pora jongol usor te Efraim koikena thaka ekta desh te Tai chela ke loi tate thaki jaise.
|
||
\v 55 Aru Yehudi laga Nistar usor asele, titia bosti pora bisi manu nijor ke pobitro koribole Nistar age te Jerusalem jaise.
|
||
\v 56 Titia taikhan tate Jisu ke bisarise, aru mondoli te joma hoi kena koise, “Apnikhan ki bhabi ase? Tai itu purbb te nahibo?”
|
||
\v 57 Aru mukhyo purohit khan aru Pharisee khan pora hukum di rakhise, Tai kot te ase itu janile khobor dibole, Taike dhori bole karone.
|
||
\c 12
|
||
\s Bethany Te Mary Pora Jisu Ke Abhishek Kora
|
||
\p
|
||
\v 1 Titia, Nistar laga choi din agete Jisu Bethany te ahise, utu jaga juntu te Lazarus thake, kun ke Tai mora pora jinda korise.
|
||
\v 2 Taikhan Tai karone rati laga kha luwa bonai dise, aru Martha sewa korise, kintu Lazarus bi tate ekjon mez te Jisu logote bohi asele.
|
||
\v 3 Titia Mary pora adha litra tel bisi daam laga tel ani kena Jisu laga theng te lagai dise, aru tai nijor chuli pora Tai theng ke mussi dise, aru litra tel laga sugandh pora pura ghor bhorta hoise.
|
||
\v 4 Kintu Tai laga chela ekjon, Judas Iscariot, jun Tai ke thogabole ase, koise,
|
||
\v 5 “Kile itu tel tin sou dinar pora bikiri kori kena dukhiya khan ke diya nai?”
|
||
\v 6 Tai itu kowa to dukhiya khan nimite chinta karone kowa nohoi, kintu tai chor asele. Taikhan laga poisa jola bi tai logote ase, aru tate ki halibo tai itu pora chor kori kena loi thakise.
|
||
\v 7 Karone Jisu koise, “Tai ekla ke chari dibi. Ami laga moidam diya din karone rakhibo dibi.
|
||
\v 8 Kilemane dukhiya khan tumi khan laga logote hodai thakibo, kintu Moi tumi khan logote hodai na thakibo.”
|
||
\s Lazarus Ke Morai Dibole Buddhi
|
||
\p
|
||
\v 9 Titia bisi Yehudi manu khan janise Jisu tate ase, aru taikhan ahise, Jisu ekla karone aha nohoi, kintu jun ke Tai mora pora jinda korise, Lazarus, ke bi sabole ahise.
|
||
\v 10 Kintu prodhan purohit khan Lazarus ke bi morai dibole bhabisele;
|
||
\v 11 kilemane Yehudi khan bisi manu tai karone jai jaise, aru Jisu ke biswas kori loise.
|
||
\s Jitikena Jerusalem Te Juwa
|
||
\p
|
||
\v 12 Dusra din dangor bhir purbb te ahise. Jitia taikhan hunise Jisu Jerusalem te ahi ase,
|
||
\v 13 Taikhan palm gash laga daal ulai ani kena Taike lok koribole ahise aru jor pora koise, “Hosanna! Probhu laga naam loi aha Israel laga Raja, dhoinyo ase.”
|
||
\v 14 Titia Jisu ekta gadha puwali pai kena itu uporte bohi jaise; jineka likha ase,
|
||
\v 15 “Bhoi nokoribi, Zion laga suwali, sabi, tumi laga Raja ahi ase, gadha bacha upor te bohi kena.”
|
||
\v 16 Tai chela khan buji bo para nai shuru te; kintu jitia Jisu mohima hoise, taikhan bhabona ahise, itu Tai nimite likha asele, aru manu khan Tai uporte eneka kori diya bhabona ahise.
|
||
\v 17 Titia bhir khan gawahi dise taikhan bi Tai logote he thakise jitia Tai Lazarus ke kobor pora ulabi koi kena matise aru mora pora jinda kori dise.
|
||
\v 18 Karone dangor bhir Tai ke lok koribole ahise, kilemane taikhan hunise Tai itu chihna dikhaise.
|
||
\v 19 Titia Pharisee khan apaste kotha korise, “Sabi, tumikhan eku bi koribo na paribo; sabi, duniya Tai piche jai ase.”
|
||
\s Yunani Manu Kunba Pora Jisu ke Bisara
|
||
\p
|
||
\v 20 Titia aradhana koribole purbb te aha khan majote kunba Yunani khan bi asele.
|
||
\v 21 Karone taikhan Philip logote ahise, jun Galilee te Bethsaida thaka jaga laga manu ase, aru tai ke hutise, “Sahab, amikhan Jisu ke sabole mon korise.”
|
||
\v 22 Philip ahikena Andrew ke koise; Andrew Philip logote jaise, aru taikhan Jisu ke koi dise.
|
||
\v 23 Kintu Jisu taikhan ke jowab dise aru koise, “Itu somoi Manu laga Chokra ke mohima hobole ahise.
|
||
\v 24 Hosa Moi tumikhan ke kobo, jitia tak ekta gehu dana mati te giri kena namore, itu eneka he thake; kintu jodi itu mori jai, titia bisi dana ulai thake.
|
||
\v 25 Jun nijor jibon morom kore tai harai dibo; kintu jun itu duniya te nijor jibon morom nokoribo, tai anondo jibon karone bachibo.
|
||
\v 26 Jodi kun Moi ke sewa kore, tai ke Ami laga piche ahibole dibi; aru Moi kun jaga te thakibo tate Amilaga sewak bi thakibo. Jodi kun Moi ke sewa koribo, Baba bi tai ke sonman koribo.
|
||
\s Manu Laga Chokra ke Uthai Dibo Lagibo \s5
|
||
\v 27 Etiya Ami laga Atma bisi chinta ase aru Moi ki kobo? Baba, Moi ke itu somoi pora bachabi’? Kintu itu somoi karone he Moi ahi ponchise.
|
||
\v 28 Baba, mohima hobi Apni laga naam.” Titia sorgo te ekta awaj ahi koise, “Moi itu agete mohima korise, aru bi mohima kori dibo.”
|
||
\v 29 Titia tate khara thaka khan huni koise bijili marise. Dusra pora koise, “Sorgoduth Tai logote kotha kori ase.”
|
||
\v 30 Jisu koise, “Itu awaj Moi karone nohoi, kintu tumikhan nimite ase.
|
||
\v 31 Etiya itu prithibi ke bisar kori ase; Etiya itu prithibi laga raja ke hatai dibo.
|
||
\v 32 Jitia Moike itu prithibi pora uthai loi jabo, Moi logote sob manu ke tani loi jabo.
|
||
\v 33 Kintu Tai koise itu dikha bole kineka pora tai moribo.
|
||
\v 34 Titia bhir khan Taike koise, “Amikhan niom te likha janise, Khrista hodai thakibo. Kineka Apni koi ase, ‘Manu laga Chokra ke upor loi jabo? Kun itu Manu laga Chokra ase?’”
|
||
\v 35 Aru Jisu Taikhan ke koise, “Olop somoi karone puhor tumi khan logote ase. Jitia tak tumikhan logote puhor ase titia tak berai thakibi, andhera tumikhan logote napuncha agete, aru jun andhera te berai thake, tai kot te jai najane.
|
||
\s Manu Khan Laga Abiswas \s5
|
||
\v 36 Jitia tak tumikhan logote puhor ase, puhor ke biswas koribi titia tumikhan puhor laga bacha khan hobo.”
|
||
\p Jisu itu khan koise aru taikhan pora luki jaise.
|
||
\v 37 Aru Tai Taikhan ke bisi asurit chihna dikhaise, hoilebi taikhan Tai ke biswas kora nai.
|
||
\v 38 Itu sob hoise Isaiah bhabobadi pora kowa pura hobole karone itu khan sob hoise:
|
||
\q “Probhu, kun amikhan koidiya kotha biswas korise,
|
||
\q Aru Probhu laga hath kun ke dikhai dise?”
|
||
\m
|
||
\v 39 Karone Taikhan biswas koribo para nai, Isaiah bi koise,
|
||
\q
|
||
\v 40 “Tai he taikhan laga suku andha kori dise, aru Tai he taikhan laga mon tan kori dise;
|
||
\q Nohoile taikhan suku pora sabo pare aru mon pora bujhi bo pare,
|
||
\q Aru taikhan ghuri bo,
|
||
\q Aru Moi taikhan ke bhal kori dibo.”
|
||
\m
|
||
\v 41 Isaiah itu kotha koise kilemane tai Jisu laga mohima dikhise aru Tai nimite koise.
|
||
\v 42 Kintu eneka hoilebi, bisi cholawta khan Jisu ke biswas kori loise; kintu Pharisee khan karone, taikhan grohon kora nai, taikhan mondoli pora ulai dibo bhoi pora khuli dikhai diya nai.
|
||
\v 43 Kilemane taikhan Isor prosansa pora to manu laga prosansa he bhal pai thakise.
|
||
\s Prithibi Bachabole Jisu Ahise
|
||
\p
|
||
\v 44 Titia Jisu jor pora koise, “Kun Moi ke biswas kore, Moi ke he biswas kora nohoi kintu Moi ke pathai diya ke biswas kore,
|
||
\v 45 aru jun Moi ke dikhise Moi ke pathai diya ke bi dikhise.
|
||
\v 46 Moi prithibi te puhor hoi ahise, jun Moi ke biswas kore tai andhera te na thakibo.
|
||
\v 47 Jodi kunba Moi laga kotha huni kena na mane, Moi tai ke bisar nakore; kilemane Moi prithibi ke bisar koribole aha nohoi, kintu prithibi ke bachabole he ahise.
|
||
\v 48 Jun Moi ke grohon nakore, aru Moi laga kotha ke grohon nakore, tai ke bisar koribole ekjon ase, motlob ji kotha Moi koi dise itu he hekh din te taike bisar koribo.
|
||
\v 49 Kilemane Moi nijor pora kotha kowa nohoi, kintu Baba jun he Moi ke pathaise, Tai he Moi ke hukum dise ki jonai dibo lage aru ki kobo lage.
|
||
\v 50 Moi jane Tai laga hukum anonto jibon ase, itu Moi thik pora jani ase- itu karone jineka Baba pora Moi ke kotha koi, eneka he Moi ke koi di thake.”
|
||
\c 13
|
||
\s Jisu Pora Chela Khan Laga Theng Dhulai Diya
|
||
\p
|
||
\v 1 Etiya Nistar purbb din agete, Jisu jani jaise Tai itu duniya chari kena Baba logote jabole somoi ahise. Kun khan Tai logote duniya te thakise, itu khan ke Tai morom kori ahise, aru tineka hekh tak morom korise.
|
||
\v 2 Aru jitia rati laga kha luwa hoise, Iscariot Judas, Simon laga chokra laga mon te bhoot ghusi se, Jisu ke thogai bole nimite.
|
||
\v 3 Tai jani thakise Baba he sob jinis khan Tai ke dise, aru Tai Isor pora ahise aru Isor logote wapas jabole ase.
|
||
\v 4 Tai kha luwa somoi te uthi kena Tai nijor kapra ulai rakhi kena ekta gamcha loise aru Tai laga nijor komor bandi loise.
|
||
\v 5 Titia Tai borton te pani hali kena chela khan laga theng dhui dise aru gamcha Tai komor te bandi thaka ke loise aru taikhan laga theng mussi dise.
|
||
\v 6 Jitia Tai Simon Peter logote ponchise, Peter Taike koise, “Probhu, Apni ami laga theng dhubo?”
|
||
\v 7 Jisu taike jowab di koise, “Moi ki kori ase itu etiya tumi najane, kintu itu pichete tumi jani jabo.”
|
||
\v 8 Peter Taike koise, “Apni ke ami laga theng dhubo nadibo,” Jisu taike koise, “Jodi Moi tumike nadholaile, tumi Moi phale eku bi hisa nai.”
|
||
\v 9 Simon Peter Taike koise, “Probhu, khali ami laga theng he nohoi, kintu hath aru matha bi dhui dibi.”
|
||
\v 10 Jisu taike koise, “Jun gaw dhui loise tai to khali theng he dhuile hoise, dusra sob sapha ase, aru tumikhan sapha ase; kintu tumikhan sob nohoi.”
|
||
\v 11 - Kilemane Jisu jani thakise kun Taike dhori bole ase; itu karone Tai koise,“Tumikhan sob sapha nohoi.”-
|
||
\v 12 Jitia Tai taikhan laga theng dhuwa hoise, Tai nijor kapra lagai loise aru bohi jaise, aru taikhan ke koise, “Tumikhan bujhi se Moi tumikhan karone ki korise?
|
||
\v 13 Tumikhan Moike ‘Hikhok,’ ‘Probhu,’ eneka koi aru tumikhan thik koi ase, kilemane Moi itu he ase.
|
||
\v 14 Jodi Moi Hikhok aru Probhu hoi kena tumi khan laga theng dhuile, tumi khan bi ekjon-ekjon laga theng dhubo lage.
|
||
\v 15 Kilemane Moi tumikhan ke motlob dikhai dise, tumikhan bi tineka kori thakibi.
|
||
\v 16 Hosa pora Moi tumikhan ke kobo, ekjon nokor to tai malik pora dangor nohoi; aru khobor diya manu ekjon khobor pathai diya manu pora dangor nohoi.
|
||
\v 17 Jodi tumikhan itu khan jane, aru mani thakile tumikhan asishit hobo.
|
||
\v 18 Moi tumikhan sob laga kotha kowa nohoi; Moi jun ke basi loise taikhan he jane- kintu pobitro kitab he pura hobo karone ase: ‘Kun Ami logote roti khaise, itu he Moi ke laat marise.’
|
||
\v 19 Moi tumikhan ke etiya itu nohua age te koi diya to, itu kitia hobo, tumikhan biswas koribo MOI ASE.
|
||
\v 20 “Hosa pora Moi tumikhan ke kobo, kun Moi patha diya ke grohon kore, tai Moi ke grohon kori ase, aru jun Moi ke grohon korise, tai Moi ke patha Jon ke grohon kori loise.”
|
||
\s Tumikhan Ekjon Pora Moike Thogai Dibo
|
||
\p
|
||
\v 21 Jitia Jisu itu sob kowa hoise, Tai Atma te bisi dukh hoise. Tai gawahi di kena koise, “Hosa pora Moi tumikhan ke kobo tumi khan majote ekjon Moi ke thogai dibole ase.”
|
||
\v 22 Chela khan ekjon-ekjon ke saise, asurit hoi kena itu kun hobo hudise.
|
||
\v 23 Kintu ekjon chela jun ke Jisu morom kore, tai Jisu laga usorte mez te matha niche kori bohi thakise.
|
||
\v 24 Karone Simon Peter taike ishara kori kena koise, “Tai kun laga kotha koi ase amikhan ke koi dibi.”
|
||
\v 25 Titia tai Jisu laga chati usor te niche kori kena Jisu ke koise, “Probhu, itu kun ase?”
|
||
\v 26 Jisu koise, “Itu jun ke Moi roti bhijai kena dibo itu he tai ase.” Aru Tai ekta roti uthai kena bhijai se aru Simon laga chokra Iscariot Judas ke dise.
|
||
\v 27 Aru tai itu roti luwa pichete Saitan tai laga mon te ghusi jaise, titia Jisu taike koise, “Tumi ki koribole ase joldi koribi.”
|
||
\v 28 Kintu mez usor te boha khan kunbi Tai itu kotha kile koise itu bujibo para nai.
|
||
\v 29 Kunba bhabise, Judas hath te poisa laga jola thaka karone, Jisu tai ke koise, “Kiba kinibi ami khan lage purbb karone,” nohoile dukhiya khan ke kiba dibole.
|
||
\v 30 Jitia tai roti loise, tai joldi bahar te ulai jaise, aru itu somoi rati asele.
|
||
\s Notun Hukum Ekta
|
||
\p
|
||
\v 31 Karone, jitia Judas ulai jaise, Jisu koise, “Etiya Manu laga Chokra mohima hoise, aru Tai dwara Isor mohima hoise.
|
||
\v 32 Isor pora tai ke mohima koribo Tai nijor aru Taike joldi mohima hobo dibo.
|
||
\v 33 Chutu bacha khan, Moi olop somoi tumi khan logote ase. Tumikhan Moi ke bisaribo, aru Moi Yehudi khan ke kowa nisena, ‘Moi kot te jai ase, tate tumikhan ahibo na paribo. Etiya Moi pora tumi khan ke koi ase.
|
||
\v 34 Moi tumi khan ke notun hukum di ase, tumi khan ekjon-ekjon ke morom koribi; Moi tumikhan ke morom kora nisena, tumi bi ekjon-ekjon ke morom koribi.
|
||
\v 35 Itu karone sob manu pora tumi khan to Moi laga chela ase koikena jani lobo, jodi tumikhan ekjon-ekjon ke morom korile.
|
||
\s Peter He Jisu Ashikar Kora
|
||
\p
|
||
\v 36 Simon Peter Taike koise, “Probhu, Apni kote jabole ase?” Jisu taikhan koise, “Moi kote jabole ase, tumi etiya Moi laga piche ahibo naparibo, kintu pichete tumi Ami laga piche ahibo.”
|
||
\v 37 Peter Taike koise, “Probhu, kile, moi etiya Apni laga piche ahibo na pare? Moi to Apni karone nijor jibon bi dibo.”
|
||
\v 38 Jisu taike koise, “Tumi Moi nimite tumi nijor jibon dibo? Hosa pora Moi tumi ke kobo, jitia tak tumi tin bar Moi ke najane nokoi, titia tak murga hala nokoribo.”
|
||
\c 14
|
||
\s Moi He Rasta, Hosa Aru Jibon Ase
|
||
\p
|
||
\v 1 “Tumi laga mon chinta no hobi. Tumi Isor ke biswas koribi, aru Moi ke bi biswas koribi.
|
||
\v 2 Ami laga Baba ghor te jagah bisi ase, jodi nohoi, to Moi tumikhan ke koi dibo, kilemane Moi tumikhan karone jagah taiyar koribole jai ase.
|
||
\v 3 Aru jodi Moi jai kena tumi khan karone jagah taiyar kori loile, Moi aru ahikena tumikhan ke loi jabo, aru kot te Moi thakibo tate tumikhan ke bi thakibo dibo.
|
||
\v 4 Tumikhan Moi kot te jai ase itu rasta jani kena ase.”
|
||
\v 5 Thomas pora Jisu ke koise, “Probhu, amikhan najane Apni kot te jai ase, tinehoile amikhan kineka rasta janibo?”
|
||
\v 6 Jisu taike koise, “Moi he rasta ase, aru hosa ase aru jibon ase; kun bi Baba logote jabo napare Moi pora nohoile.
|
||
\v 7 Jodi tumikhan Moi ke janile, Moi laga Baba ke bi janibole asele. Aru etiya pora tumikhan jani loise, aru Taike dikhi loise.”
|
||
\v 8 Philip pora Jisu ke koise, “Probhu, amikhan ke Baba dikhai dibi, itu he amikhan karone kafi hobo.”
|
||
\v 9 Jisu taike koise, “Philip, Moi iman din tumikhan logote ase tumi etiya bi Moi ke janibo para nai? Jun Moi ke dikhise tai Baba ke bi dikhise. Kineka tumi koi ase, ‘Amikhan ke Baba dikhai di bi’?
|
||
\v 10 Tumi khan biswas nakore Moi Baba logot aru Baba Moi logote ase kowa to? Ki kotha Moi tumikhan ke koise, Moi nijor khushi pora kowa nohoi, kintu Baba he Ami logote thake aru Ami dwara Tai laga kaam kori thake.
|
||
\v 11 Moi Baba logote ase koikena biswas koribi, aru Baba Ami laga logote ase koikena biswas koribi, nohoile kaam khan saikena hoile bi Moi ke biswas koribi.
|
||
\v 12 Hosa, pora Moi tumikhan ke kobo, jun Moi ke biswas koribo, tai Moi ki kaam korise, tai bi koribo, aru tai itu pora bi bisi dangor kaam koribo kilemane Moi Baba logote jai ase.
|
||
\v 13 Tumikhan Ami laga naam pora ki mangibo, itu khan sob Moi koribo, Chokra nimite Baba ke mohima hobo karone.
|
||
\v 14 Jodi tumikhan Moi laga naam pora mangibo, Moi itu kori dibo.
|
||
\s Jisu Pora Pobitro Atma Laga Protigya Dise \s5
|
||
\v 15 Jodi tumikhan Moi ke morom kore, Ami laga hukum khan manibo,
|
||
\v 16 Aru Moi Baba ke prathana koribo, aru Tai tumikhan karone aru dusra ekjon Modot Diya Jon pathai dibo, Tai hodai tumikhan logote thaki jabo-
|
||
\v 17 itu hosa laga Atma ase. Duniya pora Tai ke jani bole para nai kilemane itu Tai ke nadikhe, aru najane. Kintu tumi khan to jane, kilemane Tai tumi khan logote thake aru tumi khan bhitor te thake.
|
||
\v 18 Moi tumikhan ke anath hobo nadibo; Moi tumi khan logote wapas ahibo.
|
||
\v 19 Olop homoi karone itu duniya te Moi ke nadikhibo, kintu tumikhan to Moi ke dikhibo. Kilemane Moi jinda ase, tumikhan bi jinda thakibo.
|
||
\v 20 Utu din tumikhan janibo Moi Baba logote ase, aru tumi khan Ami logote aru tumi khan logote Moi ase.
|
||
\v 21 Kun pora Ami laga hukum khan loi ase aru cholai thake, tai khan he Moi ke morom kora khan ase, aru kun Moi ke morom kore, Baba bi taike morom koribo, aru Moi taike morom koribo aru tai ke Moi nijor dikhai dibo.”
|
||
\v 22 Judas -Iscariot nohoi- Jisu ke koise, “Probhu, kile Apni nijor ke amikhan logot dikhai dibo, kintu prithibi ke nohoi, itu kineka hobo?”
|
||
\v 23 Jisu jowab dikena taike koise, “Jodi kun bi Moi ke morom kore, tai Ami laga kotha rakhibo. Moi laga Baba taike morom koribo, Ami duijon bi tai logote ahibo aru tai logote Ami laga ghor bonabo.
|
||
\v 24 Jun Moi ke morom nakore, tai Ami laga kotha khan ke narakhe, aru ki kotha tumikhan huni loise, itu Ami laga kotha nohoi kintu Baba laga ase, Jun pora Moi ke pathaise.
|
||
\p
|
||
\v 25 Moi itu khan sob kotha koi dise, tumi khan logote thaka somoi te.
|
||
\v 26 Kineka, Modot Diya Jon, Pobitro Atma, jun Baba he Ami laga naam pora pathai dibo- Tai sob tumikhan ke sikhai dibo, aru ki Moi tumikhan ke koise itu sob tumikhan ke aru bi mon te ahibo dibo.
|
||
\v 27 Moi tumikhan ke shanti rakhi dibo; Moi tumi ke Ami laga shanti di ase. Moi diya to prithibi pora diya nisena nohoi. Tumi laga mon chinta no hobi aru bhoi nokoribi.
|
||
\v 28 Tumi hunise Moi tumike kowa, ‘Moi jai ase, aru Moi tumi logote wapas ahibo.’ Jodi tumikhan Moi ke morom kore, tumikhan itu pora khushi hobo lage, Moi Baba logote jai ase, kilemane Moi nohoi kintu Baba he dangor ase.
|
||
\v 29 Itu sob huwa age te Moi tumikhan ke koi di ase, jitia itu sob hoi jabo, titia tumikhan biswas kori lobo.
|
||
\v 30 Moi tumikhan logote bisi kotha nakoribo, kilemane itu prithibi laga cholawta ahi ase. Tai Moi ke eku koribo na paribo,
|
||
\v 31 kintu Moi Baba ke morom kora prithibi ke jonai dibo karone aru jineka Baba he Moi ke hukum dise itu khan sob kori thake, uthibi Amikhan yate pora jai jabo.”
|
||
\c 15
|
||
\s Moi Asol Angur Gash Ase
|
||
\p
|
||
\v 1 “Moi asol angur gash ase, aru Ami laga Baba to bagan kora jon ase.
|
||
\v 2 Moi pora ula daal juntu te jodi phol na ulai, Tai itu hatai diye; aru kuntu daal pora phol dibo, Tai itu pora aru bisi phol dibo karone bhal pora sai rakhi diye.
|
||
\v 3 Moi tumikhan ke koi diya kotha pora tumikhan sapha hoise.
|
||
\v 4 Ami logote thakibi, aru Moi bi tumi logote thakibo. Jodi daal to gash te nathakile nijor phol dibo napare, tineka tumikhan bi Ami logote nathakile phol dibo naparibo.
|
||
\v 5 Moi angur gash ase aru tumikhan daal khan ase. Jun Ami logote thake aru Moi tai logote thake, tai bisi phol dibo, kilemane tumikhan Moi pora alag hoi kena eku koribo napare.
|
||
\v 6 Jodi kunba Ami logote nathake, tai ke phelai dibo, aru ekta daal nisena, sukhi jabo, aru manu pora itu joma korikena jui te di dibo, aru itu khan ke jolai diye.
|
||
\v 7 Jodi tumikhan Moi logote thake, aru Ami laga kotha tumi khan logote thake, tumi ki lage itu mangibi, titia itu tumikhan karone kori dibo.
|
||
\v 8 Tumi laga phol bisi ulaile Baba laga mohima hobo, aru itu pora tumikhan Ami laga chela koribo paribo.
|
||
\v 9 Jineka Baba Moike morom korise, tineka Moi bi tumikhan ke morom korise. Ami laga morom te thakibi.
|
||
\v 10 Jodi tumi Ami laga hukum manile, Ami laga morom te thakibo, jineka Moi Baba laga kotha mani ahise aru Taike morom kori ahise.
|
||
\v 11 Moi itu kotha tumikhan ke itu karone koise, Ami laga anond tumikhan logote thakibole, aru tumi laga anond pura hobo karone.
|
||
\v 12 Itu Ami laga hukum ase, tumikhan ekjon-ekjon ke morom koribi jineka Moi tumikhan ke morom kore.
|
||
\v 13 Kunba tai sathi khan karone nijor jibon diya- itu pora dangor morom aru nai.
|
||
\v 14 Tumi Ami laga sathi ase jodi tumi Moi diya hukum mani thakile.
|
||
\v 15 Aru Moi tumi khan ke nokor khan namatibo, kilemane nokor tai malik ki kore najane. Kintu Moi tumikhan ke sathi koise, kilemane Moi ki kotha Ami laga Baba pora hunise itu sob tumi khan ke koi dise.
|
||
\v 16 Tumi khan Moi ke basi luwa nohoi, kintu Moi he tumi khan ke basi loise, aru tumi khan ke tel lagai kena pobitro kori loise, tumi khan phol dhora to hodai thakibole karone. Eneka hoile, tumikhan Ami laga naam te Baba ke mangibo, aru Tai itu tumikhan ke dibo.
|
||
\v 17 Itu hukum Moi tumi khan ke di ase, tumikhan ekjon-ekjon ke morom koribi.
|
||
\s Duniya Pora Ghin Koribo \s5
|
||
\v 18 Jodi duniya pora tumikhan ke ghin kori le bi tumikhan jani ase, itu tumi khan age te Moi ke ghin korise.
|
||
\v 19 Jodi tumikhan duniya laga ase, titia duniya pora tai nijor nisena morom koribole thakise. Kintu tumikhan duniya laga nohoi, kintu Moi he itu duniya pora tumikhan ke basi loise, kilemane duniya tumikhan ke ghin kore.
|
||
\v 20 Ami pora kowa kotha yaad koribi, ‘Ekjon nokor tai laga malik pora dangor nohoi.’ Jodi taikhan pora Amike dukh dise koile, taikhan pora tumikhan ke bi dukh dibo; jodi taikhan Ami laga kotha manile tumi khan laga kotha bi manibo.
|
||
\v 21 Kintu Moi karone itu sob tumikhan uporte koribo, kilemane taikhan Moike pathai diya ke najane.
|
||
\v 22 Jodi Moi nahile aru taikhan ke nokoile, taikhan laga paap nathakibo asele, kintu etiya taikhan nijor paap karone eku bahana nai.
|
||
\v 23 Jun Moi ke ghin korise tai Ami laga Baba ke bi ghin korise.
|
||
\v 24 Jodi Moi kun pora bi koribo napara kaam kori dikhai diya nai koile taikhan laga paap nathakibo asele, kintu etiya taikhan Moi kori diya khan ke dikhise, aru Moi aru Moi laga Baba ke bi ghin korise.
|
||
\v 25 Aru itu taikhan laga niom te likha ase, ‘Taikhan Moike eku golti nathaki kena ghin korise,’ itu pura hoi jabo karone hoise.
|
||
\v 26 Jitia Modot Diya Jon ke Moi tumikhan logote pathabo Jun ase Baba pora aha hosa Atma, itu he Ami ke gawah dibo.
|
||
\v 27 Kintu tumikhan bi gawah ase kilemane shuru pora tumikhan Ami logote ase.
|
||
\c 16
|
||
\p
|
||
\v 1 “Tumi khan nagiribo karone Moi etiya sob koi ase.
|
||
\v 2 Tai khan tumi khan ke mondoli khan pora ulai dibo. Kintu somoi ahi ase, jitia tumi khan ke morai diya khan bhabi bo taikhan Isor ke sewa te daan di ase.
|
||
\v 3 Taikhan tineka sob koribo kile mane tai khan Baba aru Moi ke najana.
|
||
\v 4 Kintu Moi tumi khan ke itu khan sob koi dibo, eneka hoile jitia taikhan laga somoi ahibo, tumikhan bhabona ahibo Moi tumi khan ke koi diya to. Kintu Moi shuru te itu kotha tumikhan ke kowa nai, kilekoile Moi tumikhan logote he thaka karone.
|
||
\s Pobitro Atma Laga Kaam \s5
|
||
\v 5 Kintu Moi etiya Moi ke pathai diya logote jai ase, kintu kun bi eneka Moi ke huda nai, ‘Apni kot te jabole ase?’
|
||
\v 6 Kintu Moi tumikhan ke itu kotha kowa karone, tumikhan mon dukh hoise.
|
||
\v 7 Kintu Moi tumikhan ke hosa kobo, Moi jaile tumikhan karone bhal hobo. Karone jodi Moi najaile, Modot Diya Jon to tumikhan logote nahibo, kintu Moi ja pichete he, Moi Tai ke tumi khan karone pathai dibo.
|
||
\v 8 Aru jitia Tai ahibo, Modot Diya Jon pora prithibi ke paap laga golti, dhormik kaam laga aru Isor pora bisar kora sob prithibi ke jonai dibo-
|
||
\v 9 Paap khan bi, kilemane taikhan Moi ke biswas nakora karone;
|
||
\v 10 aru dhormik kotha bi, kilemane Moi Baba logote jai ase aru tumikhan Moike aru nadikhibo;
|
||
\v 11 aru bisar kotha bi, kilemane itu duniya laga cholawta khan ke bisar kori loise.
|
||
\v 12 Moi etiya bi tumikhan ke bisi kotha kobole ase, kintu tumikhan etiya itu dhorjo koribo naparibo.
|
||
\v 13 Hoilebi jitia, Hosa laga Atma ahibo, Tai tumikhan ke sob hosa rasta dikhai dibo, kilemane Tai nijor pora eku bi nokobo. Kintu Tai ki hune, Tai itu he kobo, aru ki ahibole ase itu sob tumikhan ke koi dibo.
|
||
\v 14 Tai Moike mohima koribo, kilemane Tai Ami laga kotha loikena tumikhan ke jonai dibo.
|
||
\v 15 Sob bostu kuntu Baba laga ase, itu sob Moi laga ase. Itu karone, Moi koise Atma pora Moi laga kotha loikena tumikhan ke sob jonai dibo.
|
||
\s Tumi Laga Mon Dukh Sob Khushi te Bodli Hobo \s5
|
||
\v 16 Olop somoi pichete tumikhan Moike nadikhibo, aru olop somoi pichete tumikhan Moike aru dikhibo.”
|
||
\v 17 Titia Tai chela te kunba ekjon-ekjon kotha korise, “Tai amikhan ke ki koi ase, ‘Olop pichete tumikhan Moike nadikhibo, aru olop somoi pichete tumikhan Moike aru dikhibo,’ aru ‘Kilemane Moi Ami laga Baba logote jai ase’?
|
||
\v 18 Karone taikhan koise, “Itu Tai ki koi ase, ‘Olop somoi’? Amikhan na jane.”
|
||
\v 19 Jisu janise taikhan Taike hudibole mon kori ase, aru Tai koise, “Tumikhan apaste ‘olop somoi pichete tumikhan Moi ke na dikhibo, aru olop somoi pichete tumikhan aru Moi ke dikhibo’ kowa laga kotha ke huda-hudi kori ase?
|
||
\v 20 Hosa pora Moi tumikhan ke kobo, tumikhan kandibo aru dukh koribo, kintu duniya to khushi koribo. Tumikhan mon dukh koribo, kintu tumi khan mon dukh kora to khushi te bodli hoi jabo.
|
||
\v 21 Jitia maiki jonom dibole somoi ahi jai, tai mon dukh kori thake, kilemane tai dukh somoi ahi se, kintu jitia tai bacha ke jonom pai loi, tai dukh sob pahori jai kilemane ekjon itu duniya te jonom huwa karone.
|
||
\v 22 Karone tumikhan etiya mon dukh kori ase, kintu Moi tumikhan ke aru lok pabo, aru tumikhan mon khushi pabo, aru tumi khan laga anond kun bi chingi loi najabo.
|
||
\v 23 Aru itu din te tumikhan Moike eku bi namangibo. Hosa, Moi tumikhan ke kobo, jodi tumikhan Ami laga naam pora Baba logote kiba mangile, Tai tumikhan ke dibo.
|
||
\v 24 Etiya tak tumikhan Ami laga naam te eku bi manga nai. Mangibi, aru tumi pai jabo, aru tumi laga khushi pura hoi jabo.
|
||
\s Moi Prithibi Jiti Loise
|
||
\p
|
||
\v 25 Moi itu tumikhan ke dristanto pora koi ase, kintu Moi tumikhan ke dristant nohoi kena khula- khuli pora Baba laga kotha kobole somoi ahi ase.
|
||
\v 26 Itu din te tumikhan Ami laga naam pora mangibo, aru Moi tumikhan karone Baba pora mangibo kowa nohoi,
|
||
\v 27 Kilemane Baba nijor tumikhan ke morom kore, kilekoile tumikhan Moike morom korise, aru Moi Baba pora ahise koikena tumikhan biswas korise.
|
||
\v 28 Moi Baba pora ahise, aru Moi duniya te ahise. Aru bi, Moi duniya chari kena Baba logote jabole ase.”
|
||
\v 29 Tai chela khan koise, “Sabi, etiya to Apni dristanto pora nohoi kintu khula-khuli koi ase.
|
||
\v 30 Etiya amikhan jani loise Apni sob jane koikena, aru kunbi Apni ke eku hudibole dorkar nai.Itu khan nimite, amikhan biswas kori ase Apni Isor pora ahise.”
|
||
\v 31 Jisu taikhan ke hudise, “Tumikhan etiya biswas kori ase?
|
||
\v 32 Sabi, itu somoi ahi ase, hoi ahi jaise, jitia tumikhan sob ephale-uphale hoi kena nijor ghor te jai jabo, aru Moike ekla chari dibo. Hoilebi Moi ekla nohoi kilemane Baba Moi logote ase.
|
||
\v 33 Moi tumikhan ke itu kotha koi dise karone tumikhan Moi pora shanti pabo. Itu prithibi te dukh pabo, kintu mon dangor koribi, Moi prithibi upor te jiti loise.”
|
||
\c 17
|
||
\s Moha Purohit Laga Prathana
|
||
\p
|
||
\v 1 Jisu pora itu sob kotha koi diya pichete Tai suku upor sorgo phale sai kena koise, “Baba, somoi ahi ponchise, Chokra pora Apni ke mohima koribo karone Chora ke mohima kori dibi-
|
||
\v 2 Apni pora he sob manu uporte Tai ke adhikar dise aru itu pora he jun khan Apni pora Taike dise, taikhan sob ke anonto jibon pabo nimite.
|
||
\v 3 Itu he anonto jibon ase: taikhan pora Apni he hosa Isor ase koikena janibole, dusra kun nai, aru Jisu Khrista ke Jun Apni pathai dise.
|
||
\v 4 Moi itu prithibi te Apni ke mohima kori dise. Moi kaam khotom hoise juntu Apni Moike koribole dise.
|
||
\v 5 Etiya, Baba itu duniya bona age te Moi Apni logote mohima te thaka nisena, etiya Apni logote mohima hobole dibi.
|
||
\v 6 Moi Apni laga naam taikhan ke dikhai dise, jun khan Apni he duniya pora Moike dise. Taikhan Apni laga asele aru Apni he taikhan ke Moi logote dise aru taikhan Apni laga kotha mani loise.
|
||
\v 7 Etiya taikhan jani loise, sob to Apni Moike dise, sob Apni pora ahise koikena,
|
||
\v 8 kilemane ki kotha Apni Moike dise, Moi taikhan ke koi dise. Aru taikhan itu grohon kori loise, aru Moi, Apni pora aha jani loise, aru Apni he Moi ke pathaise itu ke biswas kori loise.
|
||
\v 9 Moi taikhan karone prathana kori ase. Moi itu duniya karone kora nai, kintu jun khan Apni Moike dise, kilemane taikhan Apni laga ase.
|
||
\v 10 Aru Ami laga ki ase, sob Apni laga ase aru ki Apni laga ase, sob Ami laga ase, aru Moi itu pora mohima hoise.
|
||
\v 11 Etiya Moi duniya te bisi din nathakibo, kintu itu khan to duniya laga manu ase, aru Moi to Apni logote ahi ase. Pobitro Baba, Apni naam pora rakhi lobi jun khan Apni Moi ke dise, taikhan ekta hobo dibi jineka Amikhan bi ekta ase.
|
||
\v 12 Jitia tak Moi taikhan logote ase, Moi Apni laga naam pora, ki Apni Moike dise itu khan roikhya korise. Aru taikhan kun ke bi harai diya nai, khali khotom hobo thaka ke nohoile, jineka pobitro kitab te likha ase itu pura hobo karone.
|
||
\v 13 Kintu etiya Moi Apni logote ahi ase, aru Ami laga khushi taikhan monte pura hobo karone Moi itu duniya te thaka somoi te koi dise.
|
||
\v 14 Moi Apni laga kotha taikhan ke koi dise, aru duniya pora taikhan ke ghin korise, kilemane jineka Moi duniya laga nohoi tineka taikhan bi duniya laga nohoi.
|
||
\v 15 Moi taikhan ke itu duniya pora uthai loi jabi koikena Apni ke prathana kora nohoi, kintu taikhan ke biya jon pora bachai rakhibi koikena binti kori ase.
|
||
\v 16 Taikhan duniya laga nohoi, jineka Moi duniya laga nohoi.
|
||
\v 17 Taikhan ke hosa dikena alag kori lobi. Apni laga kotha to hosa ase.
|
||
\v 18 Jineka Apni Moike duniya te pathaise, tineka Moi bi taikhan ke duniya te pathai dise.
|
||
\v 19 Aru taikhan karone Moi nijor ke alag rakhise, taikhan bi nijor ke hosa pora alag rakhibo karone.
|
||
\v 20 Moi khali itu karone binti kora nohoi, kintu taikhan ke bi, jun khan taikhan kotha pora Moike biswas koribo sob karone binti ase,
|
||
\v 21 taikhan ke bi ekta hobole dibi, jineka Apni, Baba, Moi logote ase, aru Ami Apni logote ase, eneka taikhan bi Amikhan logote thakibole, eneka pora duniya biswas koribo Apni he Amike pathaise koikena.
|
||
\v 22 Aru mohima juntu Apni Moike dise, Moi taikhan ke di dise, karone taikhan bi ekta hobole nimite, jineka Amikhan ekta ase.
|
||
\v 23 Moi taikhan logote aru Apni Ami logote- taikhan ekta hobole, aru Apni he Moike pathaise koikena prithibi he janibole, aru Apni Moike morom kora nisena, taikhan ke bi morom korise.
|
||
\v 24 Baba, Ami laga itcha ase jun khan Apni Moike dise, tai khan bi kot te Moi thakibo tate Moi logote thakibole, tinehoile taikhan Moi laga mohima ke dikhibo, kilekoile duniya bona age te Apni Moike morom kori ahise.
|
||
\v 25 Dharmik Baba, prithibi Apni ke jana nai, kintu Moi Apni ke jane; aru itu khan to Apni pora Moike pathaise koikena jani loise.
|
||
\v 26 Aru Moi Apni naam taikhan ke koi dise, aru koi thakibo, juntu morom Apni Moike dise, itu morom taikhan monte thakibole, aru Moi taikhan logote thakibole.”
|
||
\c 18
|
||
\s Thogai Diya Aru Jisu Ke Dhura
|
||
\p
|
||
\v 1 Titia Jisu itu kotha koi diya pichete, Tai chela khan ke loi Kidron Bhoyam kinar pora jaise, tate ekta bagan asele, juntu jaga te Tai aru chela khan jaise.
|
||
\v 2 Titia Judas, jun Taike thogai dibole ase, tai bi itu jagah jani thakise, kilemane poila bi Jisu Tai khan ke loi tate jai thakisele.
|
||
\v 3 Titia Judas, sipahi aru mukhyo purohit aru Pharisee aru adhikari khan sakhi, mashal, aru hathiar khan loikena ahise.
|
||
\v 4 Titia Jisu, itu sob jinis Tai upor ahibo thaka jani kena, Tai taikhan logote ahikena hudise, “Tumikhan kun ke bisari ase?”
|
||
\v 5 Taikhan Taike jowab dise, “Nazareth Jisu ke.” Jisu taikhan ke koise, “Moi ase.” Kintu Judas, Taike thogai dibole aru dhoribo thaka manu bi sipahi khan logote khara thakise.
|
||
\v 6 Karone jitia Tai taikhan ke koise, “Moi ase,” taikhan piche te hati kena mati te giri jaise.
|
||
\v 7 Titia Tai aru taikhan ke aru hudise, “Kun ke tumikhan bisari ase?” Aru taikhan koise, “Nazareth Jisu ke.”
|
||
\v 8 Jisu jowab dise, “Moi tumikhan ke koise Moi ase. Jodi tumikhan Moike bisari ase koile, poila itu khan ke jabo dibi.”
|
||
\v 9 Itu pura kori bole karone hoise jun to kotha Tai age te koisele; “Apni Moike diya khan, Moi ekjon ke bi harai diya nai.”
|
||
\v 10 Titia Simon Peter logote talwar thakise, aru tai itu ke ulai kena moha purohit nokor laga dyna kaan kati dise. Itu nokor laga naam Malchus asele.
|
||
\v 11 Karone Jisu Peter ke koise, “Tumi laga talwar nijor jaga te rakhi dibi. Juntu kup Baba he Moike dise, Moi itu pora khabo na lage naki?”
|
||
\s Moha Purohit Age Te Jisu
|
||
\p
|
||
\v 12 Titia sipahi khan aru taikhan laga sahab aru Yehudi khan laga adhikari khan Jisu ke dhori loise aru Taike bandhi loise.
|
||
\v 13 Aru prothom te, Taike loikena Annas logote jaise, jun Caiaphas laga sasur asele, jun he itu saal pora moha purohit kaam kori asele.
|
||
\v 14 Aru poila din te Yehudi khan ke nirdes diya, jun koise sob manu nost huwa pora ekjon mori juwa he bhal ase kowa to itu Caiaphas he asele.
|
||
\s Peter Pora Jisu Ke Tyag Kora
|
||
\p
|
||
\v 15 Kintu Simon Peter aru dusra ekjon chela bi Jisu ke piche kori ahise. Aru itu chela to moha purohit logote chihnaki thakisele, karone tai Jisu logote moha purohit laga veranda te jaise;
|
||
\v 16 kintu Peter to dorja laga bahar te khara hoise. Titia dusra chela jun he moha purohit logote chihnaki ase, bahar jaikena dorja rukhi thaka mahila ke koi kena Peter ke bhitor loi anise.
|
||
\v 17 Titia itu nokorni jun he dorja ke sai thakise, tai Peter ke koise, “Apni bi itu manu laga chela nohoi?” Tai koise, “Moi to nohoi.”
|
||
\v 18 Itu jaga te nokorkhan aru adhikari khan khara asele, aru taikhan thanda laga karone jui thapi thakise, aru Peter bi taikhan logote khara kori jui thapi thakise.
|
||
\s Moha Purohit Pora Jisu Ke Huda
|
||
\p
|
||
\v 19 Titia moha purohit Jisu ke tai chela khan laga kotha aru tai laga updesh laga kotha hudise.
|
||
\v 20 Jisu taike jowab dise, “Moi khuli kena jogot ke koi dise, Moi hodai mondoli te aru mondir te, kot te Yehudi khan joma kori thake, tate sikhai thakise, aru eku bi lukai kena kowa nai.
|
||
\v 21 Kile tumikhan Moi ke hudi ase? Hudi bi jun hunise Moi taikhan ke kowa kotha khan. Sabi, taikhan sob jani ase Moi ki koise.”
|
||
\v 22 Jitia Jisu itu koise, tate thaka ekjon adhikari khara kori thaka pora Jisu ke thapor mari koise, “Kile Apni moha purohit ke eneka jowab dibo?”
|
||
\v 23 Jisu taike jowab dise, “Jodi Moi biya kotha koile, itu biya kotha laga sabut dibi, kintu jodi itu thik ase koile tumi Moi ke kile marise?”
|
||
\v 24 Titia Annas pora Tai hath bandi kena moha purohit Caiaphas logote pathai dise.
|
||
\s Peter Pora Jisu Ke Arubi Tyag Kora
|
||
\p
|
||
\v 25 Simon Peter khara hoikena jui thapi thakisele. Titia taikhan koise, “Apni bi Tai chela te ekjon nohoi?” Tai koise, “Moi to nohoi.”
|
||
\v 26 Maha purohit laga ekta nokor jun laga kaan Peter he kati dise, itu khandan manu ekjon koise, “Apni bi Tai logote thaka moi bagan te apni ke dikha nohoi?”
|
||
\v 27 Peter aru nohoi koise aru itu kowa logote, ekta murga hala korise.
|
||
\s Pilate Usorte Jisu
|
||
\p
|
||
\v 28 Titia taikhan Jisu ke Caiaphas logote prodhan sorkari kendra te loi jaise. Kintu itu somoi phojur asele, aru taikhan prodhan sorkari kendra te loi juwa nai kilemane Nistar khabole thaka karone letera hoi jabo bhoi pora.
|
||
\v 29 Pilate taikhan logote ahikena koise, “Tumikhan itu manu ke ki golti lagai kena yate anise?”
|
||
\v 30 Taikhan taike jowab di koise, “Jodi Tai biya kaam nakorile, amikhan Taike apni usor te loi nahibole asele.”
|
||
\v 31 Karone Pilate taikhan ke koise, “Loi jabi tumikhan Taike, aru tumikhan laga niom hisab pora Taike bisar koribi.” Yehudi khan taike koise, “Amikhan laga niom te kun ke bi morabole adhikar nai.”
|
||
\v 32 Jisu Tai nijor kineka kori moribole ase, Tai nijor koi diya ke pura hobo karone itu eneka hoise.
|
||
\s Moi Laga Rajyo To Itu Duniya Laga Nohoi
|
||
\p
|
||
\v 33 Titia Pilate prodhan sorkari kendra jaga te ahi kena Jisu ke matise, aru Taike koise, “Apni Yehudi laga Raja ase?”
|
||
\v 34 Jisu taike jowab dise, “Itu kotha tumi nijor koi ase, na kunba Ami laga kotha tumi ke koise?”
|
||
\v 35 Pilate jowab dise, “Moi Yehudi ase, na nohoi? Tumi laga jati aru mukhyo purohit khan he Apni ke moi laga hath te dise. Apni ki korise?”
|
||
\v 36 Jisu jowab dise, “Moi laga rajyo itu duniya laga nohoi. Jodi itu duniya laga hoile, manu pora Moike dhori kena Yehudi khan ke nadibo karone, Ami laga nokor khan lorai koribo asele. Kintu Moi laga rajyo to yate nohoi.”
|
||
\v 37 Karone Pilate Taike koise, “Tinehoile, Tumi ekjon Raja ase?” Jisu koise, “Apni thik koise, Moi raja ase. Kilemane itu karone, Moi jonom loise aru ahise, hosa laga gawahi dibo nimite. Karone, jun manu hosa te thake Ami laga awaj huni thake.”
|
||
\v 38 Pilate Taike koise, “Hosa to ki ase?” Aru tai itu koi kena Yehudi khan logote aru jaise aru koise, “Moi to Tai uporte eku golti paa nai.
|
||
\v 39 Kintu tumikhan niom te Nistar te moi pora ekjon ke tumikhan karone chari dibole ase, karone moi tumikhan Yehudi laga Raja ke chari dile tumi laga itcha hobo?”
|
||
\v 40 Titia taikhan aru bisi hala kori koise, “Itu manu nohoi kintu Barabbas ke dibi.” Barabbas ekjon dokait asele.
|
||
\c 19
|
||
\s Jisu Krus Te Morabole Dise
|
||
\p
|
||
\v 1 Titia Pilate pora Jisu ke loi jaikena chabuk maribo dise.
|
||
\v 2 Aru sipahi khan kata mukut bonaise. Aru Jisu laga matha te hali dise aru begoni rong laga kapra Taike pindhai dise.
|
||
\v 3 Aru Tai usor te ahi kena, salam korise aru Taike thapor marikena koise, “Yehudi laga Raja!”
|
||
\v 4 Titia Pilate aru bahar ahikena Taikhan ke koise, “Sabi, moi Tai pora eku golti pa-a, nai karone tumikhan ke jonai dibole Taike loikena tumikhan logote ahi ase.”
|
||
\v 5 Titia Jisu kata mukut aru begoni rong kapra lagai kena bahar te ulai ahise. Pilate taikhan ke koise, “Sabi, itu manu yate ase!”
|
||
\v 6 Jitia mukhyo purohit khan aru adhikari khan Jisu ke dikhise, taikhan jor pora hala kori koise, “Taike krus te morai dibi, Taike krus te morai dibi!” Pilate taikhan ke koise, “Tumikhan he Taike loi jai kena morai dibi, kilemane moi to Tai pora eku golti paa nai.”
|
||
\v 7 Yehudi khan tai ke jowab dise, “Amikhan bi niom ase, aru itu niom hisab te Tai moribo lage, kilemane Tai nijor ke Isor laga Chokra kowa karone.”
|
||
\v 8 Karone jitia Pilate itu kotha hunise, tai aru bisi bhoi khai jaise.
|
||
\v 9 Aru tai prodhan sorkari kendra te jaise, aru Jisu ke koise, “Apni kot pora ahise?” Kintu Jisu taike eku jowab diya nai.
|
||
\v 10 Titia Pilate Taike koise, “Apni moike eku nakobo? Apni najane moi Apni ke chari dibole bi adhikar ase, aru Apni ke latkai dibole bi adhikar ase?”
|
||
\v 11 Jisu taike koise, “Apni ke upor pora hokti nadile Ami logote eku adhikar na thakibole asele, karone jun Moike dhori kena tumi laga hath te dise itu manu laga paap bisi hoise.”
|
||
\v 12 Itu jowab pora Pilate Tai ke chari dibole bhabi loise, kintu Yehudi khan hala kori koise, “Jodi apni itu manu ke chari dile, apni Caesar laga sathi nohoi. Kun tai nijor ke raja koribo kosis kore, tai Caesar birodhi ase.”
|
||
\v 13 Jitia Pilate itu kotha hunise, tai Jisu ke loi bahar ulaise, aru bisar kora singhason te bohise, utu jagah ke “Pavement” mate, kintu Ibrani kotha te “Gabbatha” koi.
|
||
\v 14 Itu somoi to Nistar laga taiyari kora din asele, aru choi ghanta somoi asele, aru tai Yehudi khan ke koise, “Sabi, tumikhan laga Raja!”
|
||
\v 15 Kintu taikhan hala kori, “Taike loi jabi, Taike loi jabi; Taike krus te morai dibi!” Pilate taikhan ke koise, “Kile tumi khan laga Raja ke moi krus te dibo?” Mukhyo purohit khan koise, “Ami khan Caesar nohoile dusra raja nai.”
|
||
\v 16 Titia tai Jisu ke krus te dibole taikhan hath te di dise, karone taikhan Jisu ke loi jaise.
|
||
\s Krus Te Morai Diya
|
||
\p
|
||
\v 17 Aru Tai nijor krus loi kena ekta jagah te jaise juntu ke “Matha laga Hardi jaga” koi, jun to Ibrani kotha te “Golgotha” koi.
|
||
\v 18 Tate taikhan Jisu ke krus te dise, aru dusra duijon ke bi ekjon ephale aru dusra uphale korise, aru Jisu ke majote dise.
|
||
\v 19 Aru Pilate ekta dosh potro likhi kena krus te dise, aru eneka likha asele: NAZARETH LAGA JISU, YEHUDI KHAN LAGA RAJA.”
|
||
\v 20 Karone, bisi Yehudi khan itu porhise, kilemane Jisu ke latkai diya jaga to sheher usor te thakise. Aru itu chihna ke Ibrani, Latin aru Yunani pora kotha te likhi rakhise,
|
||
\v 21 Titia mukhyo purohit khan aru Yehudi khan Pilate ke koise, “Eneka na likhibi, ‘Yehudi laga Raja,’ kintu Tai he nijor he koi, ‘Moi Yehudi laga Raja ase.’””
|
||
\v 22 Pilate jowab dise, “Ki Moi likhise, itu likhi dise.”
|
||
\p
|
||
\v 23 Jitia sipahi khan Jisu ke krus te latkai dise aru Tai kapra khan char bhag kori sob sipahi ekta-ekta bhag loise, aru Tai kurta bi, kintu kurta to silai nathaka, upor pora niche tak bona asele.
|
||
\v 24 Karone tai khan apas te kotha korise, “Amikhan itu kurta to naphatai kena chithi kheli koribo, kun naam te ulabo tai he loi lobo.” Kilemane pobitro kitab te likha ase,
|
||
\q “Taikhan Ami laga kapra bhangai loise
|
||
\q Aru Moi laga kurta loi chithi kheli loise.”
|
||
\m Karone sipahi khan itu kori loise.
|
||
\v 25 Tate Jisu krus usorte Tai laga ama aru ama laga bhoini, Clopas laga maiki Mary, aru Mary Magdalene khara asele.
|
||
\v 26 Jitia Jisu Tai laga ama aru Tai morom kori thaka chela khara thaka dikhi kena Tai laga ama ke koise, “Mahila, sabi, apni laga chokra!”
|
||
\v 27 Titia Tai chela ke bi koise, “Sabi, apni laga ama!” Aru itu somoi pora chela pora tai ke nijor ghor te loi jaise.
|
||
\s Jisu Mora
|
||
\p
|
||
\v 28 Itu pichete, pobitro kitab te likha khan sob pura hoise janikena Jisu koise, “Moi pyaas lagise.”
|
||
\v 29 Tate ekta daba te tenga pani bhorta rakhi asele, taikhan kopas te tenga pani bhijai kena Tai mukh te dise.
|
||
\v 30 Jitia Jisu itu tenga pani loise, Tai koise, “Itu pura hoise.” Aru Tai matha niche kori Tai atma di dise.
|
||
\s Jisu Laga Panjar Te Jathi Ghusai Diya
|
||
\p
|
||
\v 31 Titia Yehudi khan, kilemane itu taiyar kora din asele, karone gaw to Bisram din te krus te narakhi bole - kilemane itu Bisram din to khas din asele,- Pilate logote hudise theng bhangai dibole aru taikhan ke namai dibole.
|
||
\v 32 Titia sipahi khan ahi prothom laga theng bhangai dise, aru dusra laga bi jun ke Jisu logote latkai disele.
|
||
\v 33 Kintu jitia Taikhan Jisu usorte ahise, Tai mori juwa dikhikena Tai laga theng bhangai diya nai.
|
||
\v 34 Hoilebi, sipahi ekjon tai laga jathi loikena Tai laga pet te ghusai dise, aru khun aru pani ulaise.
|
||
\v 35 Aru jun dikhise tai gawahi dise, aru tai laga gawahi to hosa ase. Tai jane tai hosa koise, karone tumikhan bi biswas koribi.
|
||
\v 36 Kilemane pobitro kitab te “Tai laga hardi ekta bi na bhangabo, itu pura hobo karone eneka hoise.”
|
||
\v 37 Aru, dusra pobitro kitab te koise, “Taikhan nijor jathi pora mari diya ke nijor sabo.”
|
||
\s Jisu Ke Kobor Diya
|
||
\p
|
||
\v 38 Itu sob huwa pichete, Arimathia laga manu Joseph, jun Jisu laga chela asele, -kintu Yehudi khan ke bhoi pora lukai thakise-, Pilate logote ahi Jisu laga gaw ke loi jabole mangise. Pilate taike dibole hukum dise. Karone Joseph ahikena Jisu laga gaw loi jaise.
|
||
\v 39 Nicodemus bi ahisele, agete jun manu rati te Jisu logote ahisele. Tai myrrh aru aloe khan anise, aru itu to milai kena eksoh pound nisena thakise.
|
||
\v 40 Titia taikhan Jisu laga gaw loi kena Yehudi laga moidam diya niom hisab te mihin kapra loi mitha sugandh tel pora milai loise.
|
||
\v 41 Aru kun jaga te Jisu ke latkai dise, tate ekta bagan thakise, aru itu bagan te ekta notun kobor thakise, kitia bi nachola laga thakise.
|
||
\v 42 Aru itu din Yehudi khan laga taiyari din asele, aru itu kobor bisi dur bi nohoi, karone taikhan Jisu ke tate he rakhi dise.
|
||
\c 20
|
||
\s Punoruthan Huwa
|
||
\p
|
||
\v 1 Hapta laga prothom din te, arubi andhera thaka homoi te, Mary Magdalene kobor te ahise, aru kobor pora pathor ke hatai diya dikhi paise.
|
||
\v 2 Titia tai dauri ahikena Simon Peter aru dusra chela jun ke Jisu morom kore, taikhan ke koise, “Manu khan Probhu ke kobor pora uthai loi jaise, aru amikhan najane Tai ke kote loi rakhi dise.”
|
||
\v 3 Titia Peter aru dusra chela duijon ulai kena kobor te jaise.
|
||
\v 4 Aru duijon polai jai asele, hoilebi dusra chela he Peter pora age kobor te ponchise.
|
||
\v 5 Aru tai jhuki kena bhitorte saise, aru mihin kapra thaka paise, kintu tai bhitor te juwa nai.
|
||
\v 6 Titia Simon Peter tai piche-piche ahise, aru kobor bhitor te jaise. Tai mihin kapra tate thaka paise
|
||
\v 7 aru Tai matha bandi rakha kapra dikhise. Itu kapra to mihin kapra logote nohoi kintu alag jaga te bhal pora lipai kena thaka paise.
|
||
\v 8 Titia dusra chela jun prothom kobor te ponchi se, aru bhitor jaise aru dikhi kena biswas korise.
|
||
\v 9 Kilemane taikhan etiya tak Tai mora pora jee uthi jabo lage, eneka pobitro kitab te kowa ke bujha nai.
|
||
\v 10 Titia chela khan nijor ghor te wapas jai jaise.
|
||
\s Mary Magdalene Logot Te Jisu Ahise
|
||
\p
|
||
\v 11 Kintu Mary to kobor bahar te khara kandi thakise, aru jhuki kena kobor bhitor te sai se.
|
||
\v 12 Aru sorgoduth duijon ujala kapra pindhi kena kuntu jagate Jisu laga gaw rakhise, tate ekjon matha phale aru dusra Tai theng phale thaka paise.
|
||
\v 13 Titia taikhan tai ke koise, “Mahila, kile tumi kandi ase?” Tai taikhan ke koise, “Kilemane ami laga Probhu ke uthai loi jaise, aru taikhan Taike kot te rakhi dise moi najane.”
|
||
\v 14 Tai itu koi kena piche phale saise, aru Jisu ke ta te khara dikha paise, kintu tai itu Jisu ase koikena jana nai.
|
||
\v 15 Jisu taike koise, “Mahila kile tumi kandi ase? Tumi kun ke bisari ase?” Tai maali ase bhabi kena Taike koise, “Sahab, jodi apni Tai ke loi jaise koile Taike kot te rakhi dise moike koi dibi tinehoile moi Taike loi jabo.”
|
||
\v 16 Jisu tai ke koise, “Mary.” Tai piche ghuri kena Taike koise Ibrani kotha pora koise, “Rabboni”- mane “Hikhok”.
|
||
\v 17 Jisu taike koise, “Moike na chubi, kilemane Moi etiya Baba logot upor te juwa nai kintu Ami laga bhai khan logote jaikena koi dibi, Moi Ami laga Baba aru tumikhan laga Baba, Ami laga Isor aru tumikhan laga Isor, Tai logote uporte jai ase.”
|
||
\v 18 Mary Magdalene ahi kena chela khan ke koise, “Moi Probhu ke dikhise,” aru Tai he taike itu sob kotha koise koikena.
|
||
\s Jisu Chela Khan Logot Ahi Dikhaise
|
||
\p
|
||
\v 19 Karone, hapta laga prothom din laga saam te chela khan joma korise, taikhan Yehudi khan ke bhoi pora dorja bondh kori rakhise, titia Jisu ahi taikhan majote khara hoise, aru taikhan ke koise, “Shanti hobi tumikhan.”
|
||
\v 20 Aru itu kowa pichete Tai hath aru Tai panjar taikhan ke dikhai dise. Titia taikhan Probhu ke dikhi anondo korise.
|
||
\v 21 Titia Jisu koise, “Shanti hobi tumikhan. Jineka Baba he Moike pathaise tineka Moi tumikhan ke pathai ase.”
|
||
\v 22 Aru jitia Jisu itu koi dise, Tai pora taikhan ke phuki dise, aru koise, Tumi khan “Pobitro Atma grohon kori lobi.
|
||
\v 23 Tumikhan kun laga paap ke khyama kori dise, taikhan khyama pai jabo; aru tumikhan jun laga paap rakhi dibo, itu paap khan thaki jabo.”
|
||
\s Jisu Aru Thomas
|
||
\p
|
||
\v 24 Kintu Jisu taikhan logote aha somoi te Thomas Didymus to chela thaka nai.
|
||
\v 25 Dusra chela koise taike, “Amikhan Probhu ke dikhise.” Kintu tai taikhan ke koise, “Jitia tak moi Tai hath te gojal daag nadikhibo, aru nijor anguli pora gojal laga chenda te hath na nadhalibo, moi biswas nakoribo.”
|
||
\p
|
||
\v 26 Aru ath din pichete Tai chela khan ghor te joma thakisele, aru Thomas bi taikhan logote thakise. Jisu ahise aru dorja bondh thakise, aru taikhan majote khara koikena koise, “Shanti hobi tumikhan.”
|
||
\v 27 Titia Tai Thomas ke koise, “Tumi laga anguli yate loi anibi aru Ami laga hath sabi. Aru tumi laga hath loi yate anibi, aru Ami laga panjar te halibi aru abiswasi nathakibi, kintu biswas koribi.”
|
||
\v 28 Aru Thomas Taike koise, “Ami laga Probhu aru ami laga Isor.”
|
||
\v 29 Jisu taike koise, “Kilemane tumi Moike dikhi kena biswas korise. Asishit ase jun khan dikhi nai, aru biswas kori loise.”
|
||
\s Itu Kitab Laga Kotha
|
||
\p
|
||
\v 30 Jisu aru bi bisi chihna Tai chela khan usor pora kori dise, itu kitab te nalikha aru bi bisi ase,
|
||
\v 31 kintu itu sob likhi rakhise, kilemane, Jisu he Khrista, jun Isor laga Chokra ase itu biswas koribole, aru biswas pora Tai naam te jibon pabo karone ase. Amen.
|
||
\c 21
|
||
\s Sat Jon Chela Logot Te Jisu Ula
|
||
\p
|
||
\v 1 Itu huwa pichete, arubi Jisu Tai nijor chela khan ke dikhai dise Tiberias laga samundar kinar te. Tai eneka taikhan ke dikhai dise:
|
||
\v 2 -Simon Peter aru Didymus kowa Thomas, aru Galilee laga Cana pora Nathaniel aru Zebedee laga duijon chokra aru Tai chela khan kunba eke logote asele.
|
||
\v 3 Simon Peter taikhan ke koise, “Moi maas dhori bole jai ase.” Taikhan koise, “Amikhan bi apni logote jabo.” Titia taikhan joldi jai kena ekta naw te bohi jaise, kintu itu rati taikhan eku bi pa-a nai.
|
||
\v 4 Jitia phojur hoise, Jisu samundar kinar te khara thakise, hoilebi chela khan itu Jisu ase koikena jana nai.
|
||
\v 5 Karone Jisu taikhan ke koise, “Jawan khan, khabole kiba ase?” Taikhan Taike koise, “Nai.”
|
||
\v 6 Titia Tai taikhan ke koise, “Naw laga dyna phale tumikhan jal hali dibi, titia tumikhan kiba pabo.” Titia taikhan jal hali dise, aru maas bisi dhori luwa karone tanibo para nai.
|
||
\v 7 Titia juntu chela ke Jisu morom kore, tai pora Peter ke koise, “Itu Probhu ase.” Jitia Simon Peter itu kotha hunise, tai laga bahar kapra pindhi loise- kilemane tai kapra nalagai kena thakise- aru samundar te jap marise.
|
||
\v 8 Kintu dusra chela khan chutu naw te ahise- kilemane taikhan kinar te jabole bisi dur nohoi, dui-sou hath lamba nisena he ase- aru taikhan maas bhorta thaka jal ke tani ani loise.
|
||
\v 9 Jitia taikhan joldi mati te ahi jaise, taikhan jui laga koila te maas rakhi thaka, aru roti dikhise.
|
||
\v 10 Jisu taikhan ke koise, “Tumikhan etiya dhori luwa pora maas olop anibi.”
|
||
\v 11 Simon Peter naw te jai kena dangor maas pora bhorta thaka jal ke mati te tani anise; tate bisi thakise hoilebi jal to phata nai.
|
||
\v 12 Jisu pora taikhan ke koise, “Ahibi aru nashta kori lobi.” Kintu ekjon chela khan bi Taike hudibo mon dangor kora nai, “Apni kun ase?” Kilemane Tai he Probhu ase koikena taikhan jani loise.
|
||
\v 13 Jisu ahise aru roti aru maas loi kena taikhan ke dise.
|
||
\v 14 Itu tin bar asele Jisu Tai mora pora ji uthija pichete chela khan ke nijor dikhai dise.
|
||
\s Jisu Aru Peter
|
||
\p
|
||
\v 15 Jitia nashta kori loise, Jisu Simon Peter ke koise, “Simon Peter, Jonah laga chokra, tumi itu khan pora bi Moi ke bisi morom kore?” Peter Tai koise, “Hoi Probhu moi Apni ke morom kora Apni jane.” Jisu taike koise, “Ami laga mer khan ke khila bi.”
|
||
\v 16 Tai taike aru koise dusra bar, “Simon Jonah laga chokra, tumi Moike morom kore?” Peter Taike koise, “Hoi Probhu, Apni he jane moi Apni ke morom kore.” Jisu taike koise, “Ami laga mer khan ke roikhya koribi.”
|
||
\p
|
||
\v 17 Tai taike koise tin bar, “Simon Jonah laga chokra, tumi Moike morom kore?” Peter udas hoise kilemane Jisu taike tin bar kowa karone, “Moi ke morom kore?” Tai koise, “Probhu, Apni he sob jane, moi Apni ke morom kore.” Jisu taike koise, “Ami laga mer khan ke khila bi.
|
||
\v 18 Hosa pora Moi tumi ke kobo, tumi jawan somoi te tumi nijor komor bandi kot te jabole mon kore tate jai thakisele, kintu jitia tumi bura hoi jabo, tumi hath uthaikena dusra pora tumi ke kapra pindhai aru tumi kot te jabole mon nakore tate loijabo.”
|
||
\v 19 Titia Jisu itu kowa motlob to Peter kineka moribo aru Isor ke mohima koribole ase, itu dikhai dibole kowa hoise, aru Tai Peter ke koise, “Ami laga piche koribi.”
|
||
\s Jisu Pora Bisi Morom Kora Chela \s5
|
||
\v 20 Titia Peter ghuri piche sai se, aru jun ke Jisu morom kore itu chela jun bhoj kora somoite thik Jisu laga chati usor te jhuki kena hudise, “Probhu, Apni ke thogai dibole thaka kun ase?”
|
||
\v 21 Karone Peter taike dikhi kena Jisu ke koise, “Kintu Probhu, itu manu kineka hobo?”
|
||
\v 22 Jisu taike koise, “Jodi Moi kobo Moi aru naha tak, taike thakibole dibo mon korile tumi ki hoise? Tumi Ami laga piche koribi.”
|
||
\v 23 Karone itu chela namoribo koikena bhai khan majote kotha kori thakise, kintu Jisu taike itu chela namoribo kowa nai kintu, “Jodi Moi aru naha tak taike thakibole dibo mon korile, tumi ki hoise?”
|
||
\p
|
||
\v 24 Itu chela he ase jun pora itu kotha ke gawahi dise, aru itu kotha ke likhi diya hoise, aru tai laga gawahi hosa ase, itu amikhan jani ase.
|
||
\v 25 Kintu aru bi bisi kaam ase, Jisu kori diya, jodi itu sob kotha ekta-ekta kori likhi jabo koile, ami laga bhabona te kitab likhi bole itu duniya te jagah na pabo.
|