BCS-BIBLE_IndianStandardVersion-Nagamese-NT/Stage 3/43LUKIRVNag.SFM

\id LUK - Indian Revised Version (IRV) Nagamese
\ide UF-8
\h Luke
\toc1 Luke Pora Likha Susamachar
\toc2 Luke
\toc3 Luk
\c 1
\s Theophilus Nimite Likha
\p
\v 1 Bisi manukhan pora kotha aru kaam khan laga khisa joma kori kena likhibo nimite kosis korise, juntu amikhan majot te pura hoise
\v 2 jineka pora amikhan laga hath te dise jun khan shuru te nijor suku pora dikhise aru kotha laga sewak khan asele.
\v 3 Itu nimite ami itu bisi bhal nisena dikhi ase, bhal pora bisari kena sob kotha aru kaam khan to shuru pora apni ke hisab-kitab pora likhi ase mohan Theophilus,
\v 4 eneka hoile tumi janibo itu bostu laga asol kotha juntu apni ke sikhai dise.
\s Baptizma Diya John Jonom Laga Kotha Age Te Kowa
\p
\v 5 Aru Herod pora Judea laga raja thaka somoite Abijah laga dol pora Zachariah naam laga ekjon purohit thakise. Tai laga maiki to Aaron laga khandan pora asele aru tai laga naam Elizabeth asele.
\v 6 Aru tai duijon Isor usorte bisi bhal thakise, aru Probhu pora ki koi sob kotha to sapha pora mani thake.
\v 7 Aru tai khan bacha thaka nai, kilemane Elizabeth to bacha pabole napara maiki thakise, aru tai duijon laga umor bi bisi hoi jaise.
\p
\v 8 Etiya eneka hoise, jitia Zechariah tai Isor usorte tai laga purohit kaam khan kori asele, juntu kaan khan tailaga dol khan pora kore.
\v 9 Titia, purohit laga niom hisab te, tai ke Isor laga pobitro ghor bhitorte jaikena dhup aru dhuna julabole chithi pora basi se.
\v 10 Jitia dhuna juli jaise itu homoite sob manukhan bahar te prathana kori thakise.
\v 11 Titia Probhu laga sorgoduth tai usorte ahise, aru jun jagate dhuna julai se itu laga dyna phale khara korise.
\v 12 Jitia Zechariah itu dikhise tai bisi chinta hoise aru tai uporte bisi bhoi ahi jaise.
\v 13 Hoilebi, sorgoduth koise, “Bhoi nakoribi Zechariah, tumi laga prathana huni loise. Tumi laga maiki Elizabeth pora ekjon chokra pabo. Aru tumi tai laga naam John rakhibo.
\v 14 Aru tumi khan anond aru bhal lagibo, aru bisi manukhan tai laga jonom te khushi koribo.
\v 15 Aru tai Probhu usorte bisi dangor hobo. Tai kitia bi draikha-ros nakhabole lage, tai ama laga peth te thaka homoi pora he Pobitro Atma pora bhorta hoijabo.
\v 16 Aru tai Israel laga bacha khan ke Probhu Isor logote wapas anibo.
\v 17 Elijah laga atma aru takot pora Probhu laga kaam te tai he age korikena loi jabo. Aru jun dharmikta laga kotha namani kena ase taikhan laga mon ghuraidibo nimite aru baba khan laga mon taikhan laga bacha khan phale ghurai dibole, aru jun Probhu ahibole ase Tai nimite rasta taiyar koribole.”
\p
\v 18 Zechariah pora sorgoduth ke koise, “Moi itu kineka janibo? Kilemane moi ekta bura manu hoise aru moi laga maiki bi tai laga umor to bisi hoise.”
\v 19 Aru sorgoduth tai ke jawab di kena koise, “Moi Gabriel ase, jun Isor usorte khara kore. Ami ke tumi logote kotha kobole pathaise, aru itu bhal khobor to tumi ke kobole nimite.
\v 20 Aru itu nimite, sob kaam to nohua tak tumi chup thakibo aru kotha ulabo naparibo, kilemane tumi moi laga kotha biswas kora nai, itu sob to tai laga thik homoi te pura hobo.”
\v 21 Aru manukhan Zechariah nimite rukhi thakisele, aru taikhan chinta-bhabona korise jitia tai mondir ghor bhithor te deri korise.
\v 22 Kintu jitia tai baharte ulai ahise tai kotha kobole para nai, titia taikhan bhabise taike Isor pora kiba ekta dikhaise; aru tai manukhan ke ishara pora dikhai di thakise, aru kotha koribo naparikena he thaki jaise.
\v 23 Aru itu sob to tai laga sewa kora homoi pura aru khotom hoise, titia tai ghor te jai jaise.
\p
\v 24 Aru itu din piche, tai laga maiki Elizabeth bacha bukhi se, aru pans mohina tak tai nije ke lukai kena rakhise, aru koi thakise,
\v 25 “Isor ami uporte eneka korise, aru ami uporte Probhu he daya korise, manu usorte sorom nakhilabo nimite.”
\s Jisu Jonom Laga Kotha Age Te Kowa
\p
\v 26 Aru choi mohina huwa homoi te, Isor pora sorgoduth Gabriel ke Galilee, juntu ke Nazareth mate, itu jagate pathai se,
\v 27 ekjon kumari mahila logote, jun Joseph koikena ekjon manu logot shadi koribole laga kotha milikena asele, aru jun David ghor manu asele; aru itu kumari laga naam Mary asele.
\v 28 Aru tai logote ahikena, sorgoduth koise, “Salam tumike, jun uporte Isor laga morom ahise! Probhu tumi logote ase.”
\v 29 Aru tai itu kotha khan huni kena chinta hoise aru tai bhabi thakise itu kineka laga salam ase.
\v 30 Aru sorgoduth taike koise, “Bhoi nakoribi, Mary, tumi to Isor usorte morom paise.
\v 31 Aru tumi ekjon chokra bukhi bo, aru Tai laga naam ‘Jisu’ rakhibo.
\v 32 Tai bisi mohan hobo aru Tai ke Sobse Mohan laga Chokra eneka matibo. Aru Probhu Isor tai ke, tai laga purbo David laga singhason dibo.
\v 33 Aru Tai hodai nimite Jacob laga ghor cholai thakibo, aru Tai laga rajyo kitia bi khotom nahobo.”
\v 34 Aru Mary pora sorgoduth logote koise, “Itu kineka hobo, kilemane moi kun manu ke bi najane?”
\v 35 Aru sorgoduth he taike koise, “Pobitro Atma tumi logote ahibo, aru Sobse Mohan takot pora tumi ke bondh kori dibo. Itu nimite juntu pobitro bacha jonom hobole ase, Tai ke Isor laga Chokra matibo.
\v 36 Aru sabi tumi laga ghor manu Elizabeth bi tai laga buri umorte chokra pabole ase. Aru tai laga choi mohina chuli ase, taike ekjon bacha napa maiki koi thakisele.
\v 37 Kilemane Isor nimite eku napara nai.”
\v 38 Aru Mary koise, “Sabi moi Probhu laga ekjon mahila sewak ase. Apni ki koi ase itu nisena hobole dibi.” Titia sorgoduth jai jaise.
\s Mary Pora Elizabeth Ke Lok Koribole Juwa
\p
\v 39 Itu huwa pichete, Mary tara-tari korikena pahar bosti jaise, Judah laga sheher ekta te.
\v 40 Aru Zechariah aru Elizabeth laga ghor te ghusi kena salam dise.
\v 41 Aru eneka hoise jitia Mary pora Elizabeth ke salam dise, tai laga pet bhitor te bacha thaka to khushi pora hili se, aru Elizabeth to Pobitro Atma pora bhorta hoise.
\v 42 Aru tai khushi pora hala korikena koise; “Sob maiki bhitorte tumi ekjon asirbad thaka ase, aru jun he apni laga bhitorte ase itu bi asirbad ase.
\v 43 Aru itu moi logote kineka hoise, moi laga Probhu laga ama moi logote ahise.
\v 44 Aru sabi, apni laga salam jitia moi kan pora hunise, moi laga bhitorte bacha thaka to khushi pora hili se.
\v 45 Aru itu manu asirbad ase jun to kotha khan purah hobo koikena biswas korise, juntu kotha to Probhu pora taike koise.”
\s Stuti Laga Gana Kora \s5
\v 46 Titia Mary koise,
\q “Moi laga jibon Probhu ke mohima kore,
\q
\v 47 Aru moi laga Atma khushi kori ase jun Isor he moi laga Tran-korta ase.
\q
\v 48 Aru Tai upor pora, sobse mamuli maiki ekjon, tai laga sewak ke saise.
\q Aru sabi, etiya pora sob manukhan moike asirbad ase kobo.
\q
\v 49 Kilemane Mohan Ekjon pora moi nimite dangor kaam koridise aru tai laga naam to pobitro ase.
\q
\v 50 Aru tai laga morom to etiya pora loikena aha din tak jun manu taike bhoi kore tai logote ase.
\q
\v 51 Tai laga hath pora bisi dangor kaam korise.
\q Aru jun manu tai laga mon te phutani bhabona kore tai khan ke alag kori diye.
\q
\v 52 Aru taikhan bohikena raj kora jaga pora nichete girai dise.
\q Aru jun chutu hoiase itu khan ke uthaise.
\q
\v 53 Aru bhuka thaka khan ke bhal saman pora bhorta koridise,
\q Aru dhun manu khan ke khali koridise.
\q
\v 54 Aru tai laga sewak, Israel ke modot korise, tai laga morom to yaad korise,
\q
\v 55 Aru tai kotha korise moi khan laga baba khan ke- Abraham aru tai laga bacha khan logote hodai nimite.”
\p
\v 56 Aru Mary Elizabeth logote tin mohina tak thakise aru itu pichete tai laga ghor te jai jaise.
\s Baptizma Diya John Jonom Kora
\p
\v 57 Aru Elizabeth nimite bacha pabole laga homoi ahi jaise aru tai ekjon chokra ke jonom dise.
\v 58 Tai laga ghor manu aru usorte thaka khan Probhu pora kiman dangor aru morom kaam korise itu dikhi kena tai logote khushi korise.
\p
\v 59 Aru ath din hoi thaka homoite taikhan bachake Isor usorte sunnot koribole anise, aru tai laga baba Zechariah laga naam te rakhibole thakise.
\v 60 Hoilebi tai laga ama pora koise, “Nohobo. Taike John laga naam pora he matibo.”
\v 61 Aru tai khan koise, “Apni laga ghor manu bhitorte kun bi itu naam thaka manu nai.”
\v 62 Aru tai khan tai laga baba ke hath dikhai kena ki mati bole mon ase itu hudise.
\v 63 Tai laga baba pora likhi bole saman mangise aru likhise, koise, “Tai laga naam to John ase.” Titia tai khan sob asurit hoi jaise.
\v 64 Aru achanak pora tai laga mukh khuli se aru tai laga jiba to hili se, aru tai Isor ke asirbad dise.
\p
\v 65 Sob Judea laga jagate itu laga kotha he koi thakise, aru jiman manu tai khan usorte thakise, taikhan sob bhoi hoise.
\p
\v 66 Jun manu itu kotha khan hunise itu sob taikhan nijor laga mon te rakhise, aru koi thakise, “Itu bacha kineka hobo?” Kilemane Isor laga hath tai logote asele.
\s Zechariah Laga Bhabobani
\p
\v 67 Titia tai laga baba Zechariah ke Pobitro Atma pora bhorta hoise aru tai koise,
\q
\v 68 “Asirbad hobo Probhu, Israel laga Isor,
\q Kilemane Tai modot koribole ahise, aru Tai laga manukhan nimite ki bhabise itu purah hoise.
\q
\v 69 Aru amikhan nimite Tai laga sewak David laga porial te ekjon mukti laga seing ulai dise,
\q
\v 70 Jineka tai purana homoite pobitro bhabobadi laga mukh pora koisele.
\q
\v 71 Biya pora mukti pabo aru taikhan laga hath pora amikhan ke bachai lobo.
\q
\v 72 Tai eneka korikena amikhan laga baba khan uporte morom to dikhai dibo.
\q Aru tailaga ki pobitro vachan dise itu yaad koribo.
\q
\v 73 Aru juntu kosom Abraham amikhan laga baba logote khaise, itu dibo nimite
\q
\v 74 Aru amikhan ke dushman laga hath pora bachai kena ulai luwa nisena amikhan taike bhoi nakori kena tai laga sewa koribo,
\q
\v 75 Pobitrota te aru sapha pora tai ke hodai mohima koribo.
\q
\v 76 Aru apni ke, oh bacha, sob pora dangor bhabobadi matibo kilemane apni Probhu laga age te jabo aru rasta taiyar koribo.
\q
\v 77 Tai laga manukhan ke poritran laga gyaan dibole, taikhan laga paap pora maph pai ja-a dwara.
\p
\v 78 Aru itu sob to purah hobo kile mane amikhan laga Isor to morom aru nomro ase.
\p Itu nimite uporte thaka ujala bi amikhan ke modot koribole ahibo,
\q
\v 79 Aru jun andhera te bohi ase aru mora-laga chaya te bohikena ase taikhan uporte ujala thakibo; amikhan laga theng to shanti laga rasta te berabole dibo.”
\p
\v 80 Aru bacha to dangor hoise aru atma te takot hoise, aru tai jongol te thakise jitia tak tai nijor ke Israel manu usorte ahi dikhai diya nai.
\c 2
\s Jisu Khrista Jonom Huwa
\p
\v 1 Aru itu din khan te eneka hoise, Caesar Augustus pora ekta hukum ulaise dise, itu duniya laga manukhan sob sorkari kagos te naam likhikena nijor laga ginti kori lobole.
\p
\v 2 Aru poila din te hoile, jitia Quirinius pora Syria laga rajyopal thakise, itu homoi pora naam likha shuru hoise.
\p
\v 3 Aru sob manu nijor laga naam likhi bole nijor desh te jaise.
\p
\v 4 Aru Joseph bi Galilee pora jaise, Nazareth aru Judea laga sheher pora, David laga sheher pora juntu ke Bethlehem mate, kilemane tai bi David laga ghor manu ase aru tai laga khandan pora ahise.
\p
\v 5 Tai Mary ke loikena naam likhi bole jaise, jun tai logote shadi koribole laga kotha milai kena thakise, aru tai bacha bukhi thakise.
\p
\v 6 Aru jitia tai khan tate thakise, bacha jonom hobole homoi ahi jaise.
\p
\v 7 Aru tai chokra ke jonom dise, tai laga poila bacha, aru lamba kaprakhan pora bandikena, tai ke khair te ghumai dise, kilemane aram kora ghor te taikhan thakibole jaga thaka nai.
\s Sorgo Duth Aru Mer Rokhiya Khan
\p
\v 8 Aru itu jagate, kunba mer rokhiya khan thakise. Aru rati te taikhan kheti te mer khan ke rukhi thakise.
\p
\v 9 Aru Probhu laga sorgoduth taikhan usorte ahise, aru Probhu laga mohima taikhan uporte dise, aru taikhan bisi bhoi lagise.
\p
\v 10 Aru sorgoduth pora taikhan ke koise, “Bhoi nakoribi, huni bi, kile mane, moi dangor khushi kotha anise, aru itu sob manu nimite hobo.
\p
\v 11 Kilekoile aji laga din te, David laga sheher te, tumikhan nimite, ekjon jonom hoise, jun Tran-korta Probhu Khrista ase!
\p
\v 12 Aru tumikhan ke itu chihna di ase: tumikhan ekjon bacha kapra laga tukra khan pora bandi kena khair uporte ghumai kena pabo.”
\p
\v 13 Aru achanak pora itu sorgoduth logote bisi duth khan ulaikena ahise, aru Isor ke dhanyabad dikena koi thakise,
\q1
\v 14 “Sob pora untcha te thaka Isor ke mohima hobi,
\q1 Aru prithibi te kun logot Tai khushi pai, Taikhan uporte shanti hobole dibi.”
\p
\v 15 Aru jitia sorgoduth khan sorgo te jai jaise, rokhiya khan ekjon-ekjon ke koise, “Ahibi amikhan Bethlehem te jabo, aru ki hoise itu sabo, juntu kotha Probhu koi amikhan ke janibo dise.”
\p
\v 16 Aru tai khan joldi jaikena Mary aru Joseph ke lok paise aru khair te ghumai thaka bacha ke lok paise.
\p
\v 17 Aru jitia taikhan bacha ke sai loise, taikhan jaikena itu bacha laga sob kotha manukhan ke koise.
\p
\v 18 Jitia taikhan pora utu bacha laga kotha koise sob manu ke koise, itu huni kena tai khan sob asurit hoise.
\p
\v 19 Hoilebi Mary to itu kotha sob tai laga mon te he rakhise.
\p
\v 20 Aru saguli roikhya khan, ki kotha tai khan ke sorgoduth khan pora koise aru taikhan ki hunise itu loikena Isor ke dhanyabad di kena wapas jaise.
\p
\v 21 Aru jitia ath din pura hoise, tai laga sunnot niom kora din te, aru titia tai laga naam Jisu koikena mati dise, juntu naam sorgoduth pora matidise jitia Tai ama laga peth te hoi thakise.
\s Jisu Ke Mondir Ghor te Loi Juwa
\p
\v 22 Aru jitia sapha kora laga din paar hoise, Moses laga kanun hisab te, taike Jerusalem te Isor usorte dibole nimite anise.
\p
\v 23 -Aru itu Isor laga niom te likhi kena ase, “Jiman mota ama laga pet pora ulai ahise, tai Probhu usorte pobitro matibo”-,
\p
\v 24 Aru boli dibole nimite juntu Probhu laga niom te koise, “Ek jora kopu chiriya aru duita chutu kobutar.”
\p
\v 25 Aru sabi, Jerusalem te ekjon manu thakisele, tai laga naam Simon ase, tai dharmik jon ase aru Isor ke aradhana di thaka manu ase. Israel manu nimite shanti bisari thakise; aru Pobitro Atma tai logote thakise.
\p
\v 26 Aru Pobitro Atma pora taike dikhai dise, tai mora nadikhibo, jitia tak tai Probhu laga Khrista ke nadikhibo.
\p
\v 27 Aru tai Atma te koikena mondir te ahise; aru jitia Jisu laga ama baba pora tai ke anise; ki niom ase itu hisab te tai uporte koribole nimite.
\v 28 Aru tai laga hath te bacha ke uthaikena Isor ke dhanyabad dise, aru koise,
\q1
\v 29 “Etiya apni laga sewak ke shanti pora jabole dibi Probhu, apni laga kotha hisab te.
\q1
\v 30 Moi laga suku pora apni laga poritran dikhise,
\q1
\v 31 Apni sob to taiyar kori dise apni laga manukhan usorte:
\q1
\v 32 Porjati khan ke dikhai dibole nimite ekta ujala ahise, aru Israel manukhan nimite mohima hobole nimite.”
\p
\v 33 Aru tai ki koise itu huni kena tai laga ama aru baba asurit hoise.
\p
\v 34 Aru Simeon tai khan ke asirbad dise, aru bacha laga ama Mary ke koise, “Sabi, itu bacha ke Israel laga manu khan ke uthai dibo nimite rakhise; aru ek din asurit kaam to kotha namana khan ke dikhai dibo.
\p
\v 35 Aru ekta talwar apni laga atma te maribo- kilemane bisi manu laga mon te bhabona kosi thaka to ulai ahibo.”
\p
\v 36 Anna bi ekta bhabobadini thakise, Phanuel laga chukri aru Asher laga jati pora asele. Tai umor bi bisi hoi jaise, aru tai sat saal tak tailaga mota logote thakise,
\p
\v 37 Aru chaurasi saal tak tai ekjon bidhowa thakise. Tai kitia bi mondir chara nai, rati aru din tai prathana aru upas te he sewa kori thakise.
\p
\v 38 Aru jitia tai khan usorte ahise, tai Isor ke dhanyabad dibole suru hoise, aru sob manu khan ke itu bacha laga kotha koi dise, kilemane taikhan sob udhar pabo nimite Jerusalem te rukhi thakise.
\s Nazareth Te Wapas Aha
\p
\v 39 Aru jitia Probhu laga niom te sob kaam khotom hoise, tai khan Galilee te wapas jaise, juntu jaga Nazareth te asele, taikhan nijor laga bosti.
\p
\v 40 Aru bacha to dangor aru takot hoise, gyaan pora bhorta koikena, aru Isor laga morom Tai laga uporte thakise.
\s Jisu Jerusalem Te
\p
\v 41 Aru hodai saal, Tai laga ama baba Jerusalem te Nistar Laga Utsov nimite jai thake.
\p
\v 42 Jitia Tai baroh saal hoi jaise, taikhan hodai nisena, dhanyabad dibole nimite jaise.
\p
\v 43 Kintu jitia dhanyabad diya aru kha-luwa laga homoi to khotom koikena paar hoise, jitia taikhan ghor te jai thakise, Jisu to Jerusalem te thaki jaise. Aru tai laga ama aru baba itu jana nai.
\p
\v 44 Kintu tai khan bhabise Jisu tai khan logote he eke logote jai ase, aru eneka pora ek din laga safar kori loise. Aru itu pichete tai ke ghor manu aru sathi khan majote bisari bole shuru hoise.
\p
\v 45 Aru jitia Tai ke pa-a nai taikhan aru Jerusalem te ghuri kena jaise aru taike bisaribole shuru hoise.
\p
\v 46 Aru tin din pichete Tai ke mondir te paise, sikhai diya manu khan majote bohikena taikhan ki koi ase itu huni thakise aru kiba kibi hudi thakise.
\p
\v 47 Aru jiman manu Tai laga gyaan aru kotha hunise, sob manukhan bisi asurit hoi jaise.
\p
\v 48 Aru jitia Tai ke dikhise, taikhan sob asurit hoi jaise, Tai laga ama pora koise, “Chokra, amikhan ke kile eneka korise? Sabi, Apni laga baba aru moi bisi chinta pora Apnike bisari thakise.”
\p
\v 49 Hoilebi Tai pora koise, “Kile Moike bisari ase? Apnikhan najane naki Moi laga Baba ghor te Moi thakibole lage koikena?”
\p
\v 50 Hoilebi Tai ki koise itu kotha taikhan bujhi bole para nai.
\p
\v 51 Itu pichete taikhan logote Nazareth te ahi jaise, aru tai khan laga kotha mani kena thakise. Tai laga ama to sob kotha tai laga mon bhitorte he rakhise.
\p
\v 52 Aru Jisu tai laga gyaan aru buddhi te bisi bari kena jaise, aru Isor aru manu logot te morom paise.
\c 3
\s Baptizma Diya John Pora Rasta Jugar Kora
\p
\v 1 Jitia Tiberius Caesar pondro saal raj kori thaka homoite, aru Pontius Pilate pora Judea laga rajyopal kora homoite, aru Herod bi Galilee laga ekjon sthaniya cholawta thakise, aru tai laga bhai bi Ituraea aru Trachonitis laga cholawta thakise, aru Lysanias bi Abilene laga ekjon cholawta thakise,
\p
\v 2 Jitia Annas aru Caiaphas, moha purohit thakise, titia Isor Zechariah laga chokra jongol te thaka homoite, Isor laga kotha tai logote ahise.
\p
\v 3 Aru tai Jordan laga sob jagate jaikena prochar korise, baptizma pora mon ghura bole aru paap pora maph pabole nimite.
\p
\v 4 Aru Isaiah bhabobadi pora likha kotha kowa nisena,
\q1 “Jongol pora ekta awaj mati ase,
\q1 ‘Probhu nimite rasta taiyar koribi, aru
\q1 Tai laga rasta to sidha koribi.
\q1
\v 5 Sob bhoyam khan bhorta hoi jabo,
\q1 Aru sob pahar khan ke niche anibo,
\q1 Aru biya rasta khan sob sidha hoi jabo,
\q1 Aru tan rasta khan norom hoi jabo,
\q1
\v 6 Aru sob manu jati Isor laga poritran dikhibo.’”
\p
\v 7 Aru titia John pora baptizma lobole aha manukhan ke koise, “Saph laga khandan khan! Ahi bole thaka khong pora polabole kun tumikhan ke polabole koise?
\p
\v 8 Itu karone, mon ghurai kena bhal phol ulabi, aru nijor logote koi nathakibi, ‘Moi khan logote baba Abraham ase,’ kilemane moi tumi khan ke koi ase, Isor to Abraham nimite itu pathorkhan pora bi bachakhan uthabole pare.
\p
\v 9 Hoilebi itu kuthar to taiyar ase, gash laga jor te laga bole nimite. Itu nimite, juntu gash to phol nadhure itu kati kena jui te julai dibo.”
\p
\v 10 Titia manu khan taike hudibole shuru hoise, “Titia hoile amikhan ki koribole laga?”
\p
\v 11 Aru tai khan ke koise, “Jun logote duita kapra ase ekta kapra to dusra ke dibi jun logote nai, aru jun logote kha luwa ase itu bi eneka he koribi.”
\v 12 Aru poisa utha manukhan bi baptizma lobole ahise, aru taikhan pora koise, “Hikhok, amikhan ki koribole lage?”
\p
\v 13 Titia taikhan ke koise, “Tumikhan ke kiman poisa uthabole nimite koise itu pora aru bisi nauthabi.”
\p
\v 14 Aru tate kunba sipahi thaka khan pora hudise, “Aru amikhan ki koribole lage?” Tai taikhan ke koise. “Tumi khan joborjosti pora kun logote bi poisa nolobi, aru misa pora manu ke naphasa bi, aru ki pai itu logote he khushi thakibi.”
\p
\v 15 Etiya manukhan bisi rukhi thakise aru mon te John to Khrista hoi na nohoi itu asurit hoi kena bhabona kori thakise.
\p
\v 16 John he sob ke koise, “Moi tumikhan ke pani pora baptizma dise, kintu moi pora bi dangor ekjon ahi ase, moi Tai laga juta laga rusi khuli bole bi layak nohoi. Tai he Pobitro Atma aru jui pora sob ke baptizma dibo.
\p
\v 17 Tai laga katha Tai laga hath te ase. Itu pora ekdom sapha kori kena dhaan to dhaan ghor te joma koribo. Kintu chamra to jui thaka jui te phelabo.”
\p
\v 18 Aru taikhan ke kisim kotha sob te mon dangor kori dise aru John eneka Isor kotha prochar koridise.
\p
\v 19 Aru jitia John pora Herod raja ke tai laga bhai laga maiki Herodias logote golti kaam kora nimite kotha koise, aru tai ki biya kaam khan korise itu khan sob koi dise,
\p
\v 20 Tai itu biya kaam khan logote aru itu bi milai dise: John ke bondhi ghor te rakhi dise.
\p
\v 21 Itu homoi ahi jaise, jitia sob manu baptizma loise, Jisu bi baptizma korise, aru prathana kora homoi te sorgo khan khuli jaise.
\p
\v 22 Aru Tai uporte kopu chiriya nisena Pobitro Atma ahise, aru sorgo ekta awaj kotha koise, “Tumi Moi laga Chokra ase, jun ke moi morom kore, Moi Tumi laga uporte bisi khushi ase.”
\s Jisu Khrista Laga Khandan
\p
\v 23 Itu homoi te Jisu tis-saal umor thakise jitia Isor kaam shuru korise. Tai Joseph laga chokra thakise,
\p
\v 24 Matthat laga chokra, aru Levi laga chokra, Melchi laga chokra, aru Jannai laga chokra, aru Joseph laga chokra,
\p
\v 25 Mattathias laga chokra, Amos laga chokra, Nahum laga chokra, Esli laga chokra, aru Naggai laga chokra.
\p
\v 26 Maath laga chokra, Mattathias laga chokra, Semein laga chokra, Josech laga chokra aru Joda laga chokra,
\p
\v 27 Joanan laga chokra, Rhesa laga chokra, Zerubbabel laga chokra, Salathiel laga chokra aru Neri laga chokra,
\v 28 Melchi laga chokra, Addi laga chokra, Cosam laga chokra, Elmadam laga chokra aru Er laga chokra,
\p
\v 29 Joshua laga chokra, Eliezer laga chokra, Jorim laga chokra, Matthat laga chokra aru Levi laga chokra,
\p
\v 30 Simeon laga chokra, Judah laga chokra, Joseph laga chokra, Jonam laga chokra aru Eliakim laga chokra,
\p
\v 31 Melea laga chokra, Memna laga chokra, Mattatha laga chokra, Nathan laga chokra aru David laga chokra,
\p
\v 32 Jesse laga chokra, Obed laga chokra, Boaz laga chokra, Salmon laga chokra aru Nahshon laga chokra,
\p
\v 33 Amminadab laga chokra, Admin laga chokra, Arni laga chokra, Hezron laga chokra, Perez laga chokra aru Judah laga chokra
\p
\v 34 Jacob laga chokra, Isaac laga chokra. Abraham laga chokra, Terah laga chokra aru Nahor laga chokra,
\p
\v 35 Serug laga chokra Reu laga chokra, Peleg laga chokra, Eber laga chokra aru Shelah laga chokra,
\v 36 Cainan laga chokra, Arphaxad laga chokra, Shem laga chokra, Noah laga chokra aru Lamech laga chokra,
\p
\v 37 Methuselah laga chokra, Enoch laga chokra, Jared laga chokra, Mahalaleel laga chokra, aru Cainan laga chokra,
\v 38 Enos laga chokra, Seth laga chokra, Adam laga chokra, Isor laga chokra.
\c 4
\s Jisu Laga Porikha
\p
\v 1 Aru Jisu, Pobitro Atma pora bhorta koikena, Tai Jordan Nodi pora ghuri jaise, aru Atma pora taike jongol te loi jaise.
\p
\v 2 Tate Taike chalis din saitan pora porikha korise. Itu din khan te tai eku bi kha nai, aru porikha homoi khotom huwa pichete Tai bhuk lagise.
\p
\v 3 Saitan pora tai ke koise, “Tumi jodi Isor laga Chokra hoi, titia itu pathor ke roti hobole hukum dibi.”
\p
\v 4 Jisu tai ke koise, “Itu likha ase, manu ekta roti pora jinda nathakibo.”
\p
\v 5 Titia saitan pora Jisu ke uporte loi jaise aru ek bar te he Jisu ke duniya laga rajyo dikhai dise.
\p
\v 6 Aru saitan pora taike koise, “Moi tumike itu sob adhikar aru mohima dibo, kilemane itu sob moi loi loise aru moi jun ke itcha kore, moi taike dibo pare.
\p
\v 7 Jodi Tumi moi ke aradhana kore, itu sob Tumi laga hoija bo.”
\p
\v 8 Kintu Jisu taike koise, “Isor kotha te likha ase, tumi khali Isor ke aradhana koribi, aru Tai laga kaam he koribi.”
\p
\v 9 Pichete saitan pora aru Jisu ke Jerusalem te loi jaise, aru mondir uporte tai ke loi jaise aru koise, “Jodi Tumi Isor laga Chokra hoi, yate pora niche giri jabi.
\p
\v 10 Kile itu likha ase, tai sorgoduth ke hukum dibo, Tumi ke bachabo karone.’
\p
\v 11 Aru, taikhan Tumi laga hath pora uthai lobo, itu pora Tumi laga theng to pathor te nagiribo.’”
\p
\v 12 Jisu taike koise, “Itu likha ase, ‘Tumi Isor ke porikha nakoribi.’”
\p
\v 13 Jitia saitan laga sob porikha khan khotom hoise, itu pichete saitan jai jaise, aru Tai ke gira bole bhal homoi rukhi thakise.
\s Jisu Porisorja Kaam Shuru Kora
\p
\v 14 Pichete, Jisu Galilee te wapas Pobitro Atma laga hokti loikena ahise, aru sob jagate Tai laga khobor huni loise.
\p
\v 15 Tai mondoli khan te Isor laga kotha sikhabole shuru korise, aru manukhan pora tai sikhai diya kotha khan huni kena bisi bhal paise.
\s Nazareth Te Jisu Ke Tyag Kora
\p
\v 16 Aru tai Nazareth te ahise, jun jagate Tai dangor hoise, aru Yehudi niom te, tai Bisram din te mondoli te ghumai se, aru awaj uthai kena jor pora poribole khara kori loise.
\p
\v 17 Aru Jisu ke Isaiah bhabobadi laga kagos poribole dise. Tai kagos khulikena ki likha ase itu paise,
\q1
\v 18 “Probhu laga Atma moi uporte ase,
\q1 Tai moike tel hali di kena basi loise gorib khan ke susamachar prochar koribole,
\q1 Tai moike pathaise bandhi rakha khan ke khulai diya laga prochar koribole,
\q1 Aru andha manu khan dikhi bole,
\q1 Dukh te dabai rakha manukhan ke bachabole,
\p
\v 19 Aru Probhu laga din te sob manu khushi pabole.”
\p
\v 20 Aru Tai kagos bondh korikena cholawta ke wapas di dise aru bohise. Aru mondoli te thaka manukhan Tai ke he sai thakise.
\v 21 Titia Tai pora tai khan ke koise, “Aji Isor kotha to purah hoise aru tumi khan huni loise.”
\p
\v 22 Sob manu Tai laga bhal koise aru asurit hoise aru Tai laga mukh pora ula kotha khan huni kena tai khan koise, “Itu Joseph laga chokra nohoi naki?”
\p
\v 23 Titia Tai koise, “Hosa pora tumi khan Moi itu kotha kobo, ‘Bemar bhal kora manu, nijor ke bhal koribi. Tumi Capernaum te ki korise amikhan itu sob huni loise, aru eneka kaam khan nijor desh te bi koribi.’”
\p
\v 24 Kintu, “Moi hosa kotha kobo, bhabobadi ke nijor desh te kun bi sonman nakore.
\p
\v 25 Moi hosa pora tumikhan ke koi ase bidhowa bisi jon Israel te Elijah laga din te thakise, jitia akas to tin saal choi mohina bondh thakise, jitia dangor dukh din itu desh te ahise.
\p
\v 26 Kintu Elijah ke taikhan kun logote te bi pathai diya nai, hoilebi Zarephath, Sidon te ekjon mota nathaka maiki logote he pathaise.
\p
\v 27 Itu homoi te bisi kusto-rugi bemar Israel te thakise. Elisha bhabobadi laga din te, kintu kunbi bhal huwa nai, khali Syria desh laga Naaman ke chari kena.
\p
\v 28 Aru mondoli te thaka khan jitia itu kotha hunise, taikhan sob khong hoi jaise.
\p
\v 29 Tai khan khara hoise, aru Jisu ke tanikena nogor laga untcha pahar pora phelai dibole korise.
\p
\v 30 Kintu Tai ke manu khan majot pora loi juwa homoi te, Jisu alag rasta pora ulai jaise.
\s Biya Atma Thaka Ekjon Jisu He Bhal Kora
\p
\v 31 Itu pichete Jisu Capernaum te namise, juntu Galilee laga ekta sheher asele aru tate sob manu khan ke Sabbath din te Isor kotha hikai se.
\p
\v 32 Tai laga kotha huni kena taikhan bisi asurit hoise, kilekoile Tai adhikar thakikena Isor kotha koi thakise.
\p
\v 33 Etiya mondoli te ekjon manu bhoot atma pora dhora thakise, aru tai jor pora hala korise aru dangor awaj te koise,
\p
\v 34 “Ha! Apni logote amikhan ki kaam ase, Nazareth laga Jisu? Moi khan ke borbad koribole ahise? Moi jane Apni kun ase- Isor laga Pobitro Ekjon Ase!”
\p
\v 35 Jisu pora bhoot ke hukum dikena koise, “Chup thakibi, aru tai pora bahar ulai jabi!” Aru bhoot pora manu ke taikhan majote girai dise, aru manu ke eku nuksan nakorikena ulai jaise.
\p
\v 36 Manukhan sai kena asurit lagise, aru ekjon-ekjon logote kotha patikena koise, “Itu ki kotha ase, juntu laga adhikar aru hokti pora Tai dusto atma khan ke hukum kore aru taikhan ulai jai?”
\p
\v 37 Aru itu khobor sob jagate punchikena bisi manu huni loise.
\s Jisu Pora Bisi Bemar Manukhan Ke Changai Kora \s5
\v 38 Pichete, Jisu mondoli chari kena Simon laga ghor te jaise. Itu homoite Simon laga maiki laga ama bisi bemar thakise, itu nimite Taike ahikena anurodh korise.
\p
\v 39 Aru Jisu tate jaise aru tai usorte khara hoikena, bemar ke gali dise, aru bemar taike charise, aru tai uthikena taikhan ke sewa koribole shuru hoise.
\p
\v 40 Jitia suryo nami jaise, jiman manu alag-alag bemar thakise, Jisu usorte loikena ahise, aru Jisu ke tai khan uporte hath rakhi kena bhal koridise.
\p
\v 41 Bisi jon pora bhoot khan hala korikena ulaise, aru koise, “Tumi Isor laga Chokra ase!” Hoilebi Jisu hukum di kena bhoot khan ke kotha kobo diya nai, kile tai khan jani thakise Tai Khrista ase koikena.
\s Jisu Pora Mondoli Khan Te Prochar Kora
\p
\v 42 Aru jitia din hoise, Jisu ulai kena manu nathaka jagate jaise, kintu manukhan dangor bhir hoikena Tai ke bisari ahise. Taikhan ke Jisu pora chari kena najabo nimite manukhan kosis korise.
\v 43 Kintu Jisu taikhan ke koise, “Moi aru bi dusra sheher khan te bi Isor laga rajyo laga susamachar prochar koribo lage, itu karone Moike duniya te pathaise.”
\v 44 Tai mondoli khan te prochar korikena Judea laga sob jagate jaise.
\c 5
\s Jisu Pora Prothom Chela Khan Ke Mata
\p
\v 1 Etiya eneka hoise, bisi manu Jisu pora Isor kotha kowa hunibole Tai usorte ahi thakise, itu homoi te tai Gennesaret laga pukhuri te rukhi thakise.
\v 2 Aru Tai duita naw pukhuri kinar te ani thaka dikhise, kintu maas mara manu khan naw pora nami kena tai khan laga jal dhulai thakise.
\v 3 Aru Jisu ekta naw te uthise, itu Simon laga naw thakise, aru tai laga naw ke olop pani te loi jabole koise. Aru Tai naw te bohi kena manu khan ke hikai se.
\v 4 Aru jitia kotha koikena khotom korise, Tai Simon ke koise, “Itu naw to pani bisi thaka phale loi jabi aru tumi laga jal to ekbar pani te phelabi.”
\v 5 Simon koise, “Probhu, ami khan raat bhor jal marise aru eku bi puwa nai, hoilebi apni laga kotha te, moi jal phela bo.”
\v 6 Aru jitia tai khan jal phelai se, taikhan bisi maas dhurise, aru tai khan laga jal phati jaise.
\v 7 Dusra naw te thaka sathi khan ke modot mangise. Aru tai khan sob mili kena duita naw te maas khan bhorta korise, itu pora naw to pani te dubi bole hoise.
\v 8 Jitia Simon Peter itu dikhise, tai Jisu laga theng nichete girikena koise, “Ami usor pora jai jabi, kile moi ekjon paapi manu ase, Probhu.”
\v 9 Itu kaam dikhikena Peter aru tai laga sathi khan,
\v 10 aru itu nisena James aru John, Zebedee laga chokra khan, jun khan Simon laga sathi thakise taikhan sob kineka iman maas dhuri bo parise koikena asurit hoise. Jisu pora Simon ke koise, “Bhoi nokoribi; tumikhan etiya pora manukhan dhora jal hobo.”
\v 11 Jitia tai khan laga naw mati kinar te anise, tai khan sob chari kena Tai pichete jaise.
\s Jisu Pora Kusto-rugi Bemar Thaka Ekjon Ke Changai Kora \s5
\v 12 Tai jitia ekta sheher te jaise, ekjon manu kusto-rugi bemar pora bhorta koikena thaka dikhise. Aru jitia Jisu ke dikhise, tai Jisu laga theng te giri kena mangise aru koise, “Probhu, jodi Apni itcha kore, Apni moike sapha koribo pare.”
\v 13 Jisu tai ke chuikena koise, “Moi itcha ase, sapha hobi.” Itu homoite kusto-rugi bemar taike charise.
\v 14 Aru Jisu pora taike koise kun ke bi nokobi, kintu “Purohit logote jai kena dikha bi. Aru ekta sapha huwa laga boli koribi, Moses laga niom te kowa nisena, itu pora he manu khan nimite ekta gawahi hobo.”
\v 15 Kintu itu asurit kaam laga khobor to sob jagate punchise, aru bisi manu tai laga kotha hunibole aru bemar pora changai pabole ahise.
\v 16 Kintu Tai manu nathaka jagate jai kena prathana kori thakise.
\s Jisu Pora Jothor-rugi Ekjon Ke Changai Kora \s5
\v 17 Eneka he, ek din te, jitia Tai hikai thakise, Pharisee khan aru kanun hikai diya khan Galilee, Judea aru Jerusalem laga alag-alag bosti pora ahise aru taikhan bohi thakise. Changai koribole Isor laga hokti Jisu logote thakise.
\v 18 Titia manukhan he ekjon jothor-rugi bemar manu ke chetai te bukhi kena anise, Jisu jun jagate bohi thakise itu jaga te anibole kosis korise.
\v 19 Jitia tai khan manu bisi thaka karone taike anibo para nai, tai khan ghor uporte uthise, aru ghor laga chaat khuli kena Jisu usorte namai dise.
\v 20 Taikhan laga biswas dikhi kena, Jisu koise, “Manu, tumi laga paapkhan maph hoise.”
\v 21 Titia kanun likha khan aru Pharisee khan hudibole shuru hoise, “Tai kun ase eneka misa kobole? Kun he paap maph koribole pare, khali Isor he nohoile?”
\v 22 Kintu Jisu tai khan ke koise, “Tumi khan mon eneka kile bhabi ase?
\v 23 Kuntu kobole asan ase, ‘Tumi paap to maph hoise’ na ‘Uthikena berabi?’
\v 24 Kintu tumi khan janibole koi ase, Manu laga Chokra logote prithibi laga paap ke maph dibole hokti ase” - aru Tai jothor-rugi thaka manu ke koise- “Moi koi ase, uthibi, tumi laga chatai uthabi, aru ghor te jabi.”
\v 25 Aru itu loge-loge, itu manu khara hoi jaise, aru tai ghumai thaka chatai uthai se, aru Isor ke mohima dikena nijor ghor te jai jaise.
\v 26 Sob manu khan asurit hoise, aru Isor ke mohima dise, aru manu khan bhoi hoise, aru koise, “Ami khan kitia bi nadikha asurit kaamkhan aji dikhise.”
\s Jisu Pora Levi Ke Mata \s5
\v 27 Itu pichete, Jisu bahar te jaise. Aru Tai ekjon poisa utha manu, Levi koikena naam thaka ke masul dikri laga tombu ghor te bohi thaka dikhise. Tai jaikena koise, “Moi laga pichete ahibi.”
\v 28 Aru tai uthise aru sob chari kena, Jisu laga pichete jaise.
\p
\v 29 Aru Levi pora tailaga ghor te jai kena, ekta dangor ekta khana rakhise, Jisu nimite, aru tate poisa utha manu khan aru dusra khan bi eke logote mez usorte bohi thakise.
\v 30 Kintu Pharisee khan aru kanun likha khan chela khan logote hala kori kena koise, “Tumi khan kile poisa utha manu aru paapi khan logote khana kori ase?”
\v 31 Jisu pora tai khan ke jowab dise, “Jun manu bhal ase tai ke bemar bhal kora manu nalage, kintu bemar manu ke he lage.”
\v 32 Moi dharmik manu ke mati bole aha nai, kintu paapi khan mon ghura bole nimite ahise.”
\s Upwas Nimite Huda \s5
\v 33 Titia tai khan Tai ke koise, “John laga chela khan upwas aru prathana kore aru Pharisee khan laga chela bi eneka he kore. Kintu Apni chela khan, kha-luwa kore.”
\v 34 Kintu Jisu taikhan ke koise, “Shadi te aha manu ke bhukha rakhibo pare naki, jitia tak taikhan logote shadi koribole mota thaki ase?”
\v 35 Kintu eneka din ahi ase, jitia shadi kora manu taikhan pora jai jabo, itu din pora tai khan upwas koribo.”
\v 36 Aru Jisu tai khan ke ekta dristanto koise. “Kun bi phata kapra logote notun kapra nasilai, jodi itu kore, notun kapra bi phati jabo, aru notun kapra to purana kapra logote namilibo.
\v 37 Kun bi angur ros purana chamra jola te nadhale. Eneka korile, notun ros pora jola to biya kori dibo, aru itu borbad hoi jabo.
\v 38 Kintu notun ros to notun chamra jola te hali bo lage.
\v 39 Jun manu bi purana ros kha pichete notun ros khabole namange, kile tai koi, ‘Purana to he bhal ase.’”
\c 6
\s Jisu He Bisram Din Laga Probhu Ase
\p
\v 1 Etiya Bisram din te eneka hoise Jisu kheti majote jai thakise, aru chela khan dhaan guti ulai kena hath pora sapha korikena khai thakise.
\v 2 Kintu Pharisee khan koise, “Tumi khan eneka kile kori ase, Bisram din te eneka koribole niom nai nohoi?”
\v 3 Jisu tai khan ke koise, “Tumi khan pura nai naki David aru tai logote thaka manu khan bhug laga homoite taikhan ki korise?
\v 4 Tai Isor ghor te ghumai se aru pobitro jaga te roti thaka to loi kena khaise, aru tai logote thaka khan ke bi dise, juntu niom pora chubo aru khabo napare, khali purohitkhan he khabo pare.”
\v 5 Tai taikhan ke koise, “Isor laga Chokra He Bisram Din Laga Malik ase.”
\s Hath Sukhi Kena Thaka Manu \s5
\v 6 Aru ekta Bisram din te eneka hoise, Tai mondoli te ghumai kena hikai thakise. Ekjon manu tate thakise, aru tai laga dyna hath to sukhi kena thakise.
\v 7 Kanun likha khan aru Pharisee khan mon te Jisu ke sai thakise, jodi Tai Bisram din te kunba ke bhal kore na nai, itu pora golti dhori bole tai khan bisari thakise.
\v 8 Kintu Jisu taikhan laga bhabona jani jaise, aru Tai itu hath sukhi ja-a manu ke koise, “Uthibi, ami khan majote khara hoi jabi.” Itu manu uthi kena tai khan majote khara hoi jaise.
\v 9 Pichete Jisu tai khan ke koise, “Moi tumi khan ke hudibo, Bisram din te bhal kaam koribo lage na manu ke nuksan koribo lage, atma ke bacha bo lage na, biya koribo lage?
\v 10 Aru Jisu sob phale saikena itu manu ke koise, “Tumi laga hath to sidha koribi.” Tai korise, aru tai laga hath to bhal hoise.
\v 11 Kintu cholawta khan khong pora bhorta hoise aru Jisu ke kineka phasabo itu kotha patise.
\s Barohjon Pasoni Khan \s5
\v 12 Aru eneka hoise dusra din te Tai ulai kena pahar uporte prathana koribole jaise, aru Tai pura rati Isor logote prathana kori thakise.
\v 13 Aru jitia din hoise tai chela khan ke mati se, aru baroh jon ke basi loise, aru taikhan ke pasoni naam dise.
\v 14 Simon (jun ke Peter naam dise) aru tai laga bhai Andrew; James aru John; Philip aru Bartholomew;
\v 15 Matthew aru Thomas; aru James Alphaeus laga chokra; aru Simon jun ke Zealot bi mate;
\v 16 Aru Judas James laga chokra; aru Judas Iscariot, jun he dhoka dise.
\s Bisi Manu Majote Jisu Sikhai Diya \s5
\v 17 Jitia Tai pahar pora tai khan logote nami kena ahise, bisi dangor bhir joma hoi thakise. Aru bisi manu Judea, Jerusalem, aru samundar kinar Tyre aru Sidon pora ahise.
\v 18 Tai khan Isor kotha hunibole aru bemar pora bhal hobole nimite ahise. Kun khan dusto atma pora dhori thakise tai khan bi bhal hoise.
\v 19 Aru manu khan Jisu ke chubole kosis korise kile mane Tai pora changai laga hokti ulai thakise.
\s Sorgo Laga Anondo Kotha \s5
\v 20 Titia Tai suku uthai kena chela khan ke saise, aru koise, “Asishit ase gorib manu khan, kilemane Isor laga rajyo to tumi khan nimite ase.
\v 21 Asishit ase jun bhuk lagi ase, kilekoile tumi bhorta hobo. Asishit ase kun etiya kandi ase, kilekoile tumi khan hasi bo.
\v 22 Asishit ase jitia manu pora tumi khan ke ghin koribo, tumikhan ke chari dibo aru bodnam korikena naam biya kori dibo, Manu laga Chokra karone.
\v 23 Utu din te khushi anondo pora nachibi, sabi, tumi laga inam to sorgo te dangor ase. Kilemane taikhan laga baba khan bi bhabobadi khan ke eneka he dukh dise.
\s Jisu Pora Hai Khan Janai Dia \s5
\v 24 Kintu dhun thaka manu khan, hai ase, kilekoile tumikhan aram pai loise.
\v 25 Hai ase kun manu etiya pet bhorta ase, kilekoile tumi bhuk lagibo. Hai ase tumi kun etiya hasi ase, kilekoile tumi dukh koribo aru kandibo.
\v 26 Hai ase jitia manu pora tumikhan ke bhal ase koi, kilekoile taikhan laga babakhan bi misa bhabobadi khan ke bi eneka koi thakise.
\s Dushman Ke Morom Koribi \s5
\v 27 Kintu kun huni ase, tumikhan ke Moi koi ase, tumi laga dushman khan ke morom koribi aru jun khan pora tumikhan ke ghin kore, taikhan ke bhal kaam dikhai dibi.
\v 28 Jun manu tumi khan ke shrap diye aru tumike digdar kore, tai nimite prathana koribi.
\v 29 Jun manu tumike ekta thapor mare tai ke aru alag gaal phale bi mari bole dibi, jun manu tumi laga kapra ekta loi jai, ekta ula bi taike lobole dibi.
\v 30 Tumi ke ki mange, itu di thaki bi, aru jun manu tumi laga saman loi jai, wapas namangibi.
\v 31 Manu ki korile tumi khushi pai, tumi bi eneka tai khan ke koribi.
\v 32 Jodi apni pora jun manu tumike morom kore, tumi bi itu manu ke he morom korile, apni nimite ki labh ase? Paapi manu bi itu khan ke he morom kore jun manu tai khan ke morom diye.
\v 33 Jun manu tumi karone bhal kaam kore, aru tumi bi itu manu nimite he bhal kaam kore, tumi nimite ki labh ase? Kile mane paapi manu bi eneka he kore.
\v 34 Jun manu pora pabole asha ase, tai ke he dile, tumi nimite ki labh ase? Paapi manu pora bi paapi manu ke dhar diye, dhar diya to wapas pabole.
\v 35 Kintu dushman ke morom koribi aru bhal kaam to dikhai dibi, aru bodli te kiba pabo nimite asha nokoribi, eneka korile, tumi laga inam to dangor thakibo, aru tumi Sobse Mohan laga bachakhan hobo, kile koile Tai paapi aru dhanyabad nadiya manu khan sob ke morom kore.
\v 36 Dayalu thakibi, jineka tumi laga Baba Isor bi dayalu ase.
\s Dusra Ke Bisar Kora \s5
\v 37 Bisar nokoribi, tumike bi bisar nokoribo. Bodnam nakoribi, aru tumike bi bodnam nakoribo, maph dibi, tumi bi maph pabo.
\v 38 Di thaki bi, tumi bi pai thakibo: bhal pora dabaikena aru bhorta hoi kena dibi, aru bisi koikena tumi laga theng uporte giri bo. Ki hisab pora tumikhan dibo itu hisab te tumi khan bi pabo.”
\v 39 Aru Tai taikhan ke ekta dristanto koise. “Ekjon andha manu pora aru ekjon andha manu ke rasta dikha bo pare naki? Tai khan jai kena nalah te nagiribo naki?
\v 40 Ekjon chela to guru pora dangor nohoi, kintu jun manu bhal korikena sikhi loi tai guru nisena hoi jai.
\v 41 Tumi bhai laga suku letera ke kile sai thake, kintu tumi nijor suku laga dangor letera to nadikhe?
\v 42 Tumi laga bhai ke itu kineka kobo, ‘Bhai, tumi laga suku te ki letera ase itu ami sapha kori dibo’; tumi laga suku te dangor letera thaka to tumi dikha nai? Tumi misa laga dikha manu ase! Poila tumi suku te letera thaka to ulai lobi, titia he tumi sapha pora tumi bhai laga suku te letera thaka to ulabole paribo.
\v 43 Kilemane bhal gash te biya phol naulai aru itu nisena biya gash te bi bhal phol naulai.
\v 44 Sob gash to tai laga phol pora he jani jai. Manu khan kata gash pora dimoru na ulai, aru jongol gash pora angur guti na ulai.
\v 45 Bhal manu laga mon pora bhal bostu ulai diye, aru paapi manu bhitor pora biya he ulai diye. Kilemane mon bhitor te ki ase, tai mukh pora koi.
\s Pathor Uporte Ghor Bonabi \s5
\v 46 Tumi khan kile Moi ke ‘Probhu, Probhu,’ mate aru Moi ki koi itu nakore?
\v 47 Aru jun manu Moi logote ahe aru Moi laga kotha to huni kena kore, Moi tumikhan ke dikhai dibo tai kineka ase.
\v 48 Tai ghor bonai thaka ekjon manu nisena ase aru bhal kori kena pathor uporte ghor bonaise aru jitia ban-pani ahise, ghor to pani pora bhorta hoi jaise, kintu ghor ke hila bo para nai, kilekoile itu ghor to bhal kori kena bonaise.
\v 49 Kintu kun manu huni kena kaam nakore, itu manu eneka ase, jun ghor bonaise hoilebi bhetimul to bhal diya nai. Aru jitia itu ghor te dangor hawa pani lagise, achanak pora itu ghor to purah bhangikena pura barbad hoi jaise.”
\c 7
\s Jisu Pora Senapoti Laga Sewak Ke Changai Kora
\p
\v 1 Jitia Jisu sob kotha to koi dise aru manu khan ke hunai dise, Tai Capernaum te ahise.
\p
\v 2 Aru ekjon Rome laga henapoti laga sewak, jun ke tai bisi morom kore, tai bemar pora mori bole thakise.
\v 3 Aru jitia henapoti Jisu laga kotha hunise, tai Yehudi laga bura manu khan Jisu logote pathai se, Jisu pora jaikena tai laga sewak ke changai koribole.
\v 4 Aru jitia taikhan Jisu usorte ahise, Tai ke anurodh korise, “Tai ekjon bhal manu ase aru apni eneka kori dile bhal ase,
\v 5 kilemane tai moi khan laga desh to morom kore, aru tai moi khan nimite mondoli bi bonai dise.”
\v 6 Itu pora Jisu tai khan logote jaise. Kintu Tai jitia ghor te punchibole usor hoise, itu henapoti pora manu ke pathaise, aru Tai ke koise, “Probhu, Apni dukh nauthabi, kilemane Moi laga ghor bhitorte Apni ahibole moi layak nohoi.
\v 7 Itu nimite moi nijor bi Apni laga usorte ahibole layak nohoi, kintu Apni ekta kotha koi dibi aru moi laga sewak changai pai jabo.
\v 8 Moi nijor bi ekta hukum chola manu ase, moi nichete sipahi khan ase. Moi ekjon ke kobo ‘Jabi’ aru tai jai; aru dusra ke kobo, ‘Ahibi’ aru tai ahe; aru moi laga sewak ke, ‘Itu koribi,’ aru tai kore.”
\v 9 Aru jitia Jisu itu kotha hunise, Tai bisi asurit hoise aru jun manu khan tai laga piche kori thakise, taikhan ke sai kena koise, “Moi tumi khan ke koi ase, Israel te Moi eneka biswas thaka manu dikha nai.”
\v 10 Aru jitia itu manukhan ke ghor te pathai dise, taikhan sewak to bhal hoi kena thaka dikhise.
\p
\v 11 Aru dusra din te eneka hoise jitia Jisu Nain laga nogor te jaise, aru Tai laga chela aru dangor bhir bi tai logote jai thakise.
\v 12 Aru jitia tai nogor laga dorja te ponchise, ekjon mora manu ke uthai loi jai thaka dikhise, jun tai ama laga ekjon he thaka bacha asele- tai bidhowa thakise-, aru nogor laga manu khan tai logote thakise.
\v 13 Jitia Probhu tai ke dikhise, Tai itu maiki ke bisi morom lagise aru tai ke koise, “Nakandibi.”
\v 14 Titia Tai uthikena mora boxsa to dhorise, aru jun manu khan itu bukhi thakise tai khan bi sidha khara hoi jaise. Titia Jisu he koise, “Jawan manu, Moi tumike koi ase, uthi bi.”
\v 15 Aru titia mora manu to bohi kena kotha kobole shuru hoise, aru Jisu pora itu chokra ke tai laga ama logot di dise.
\v 16 Aru titia sob manu bhoi lagi jaise, aru Isor ke dhanyabad dibole shuru hoise, aru koise, “Ekjon dangor bhabobadi moi khan majote ahise” aru “Isor he manu uporte morom korise.”
\v 17 Aru itu khobor Jisu laga sob jagate bhorta hoise, Judea aru usorte thaka bosti, nogor te bi khobor to punchise.
\s Baptizma Diya John Laga Khobor Bukha Manu \s5
\v 18 Aru John laga chela khan itu sob khobor to jai kena John ke koise. Titia John pora tai laga diuta chela khan ke matise,
\v 19 aru tai khan ke Probhu ke hudibole pathaise, “Ahibole thaka to apni ase naki, na dusra ekjon ke rukhibo?”
\v 20 Aru jitia taikhan Jisu usorte ahise, manu khan koise, “Baptizma Diya John pora ami khan ke itu hudibole nimite pathaise, “‘Ahibole thaka to apni ase na moi khan dusra ekjon ke rukhibo?’”
\v 21 Itu homoi te Tai bisi manu ke bemar pora changai korise, biya atma dhora manu aru suku nadikha manu khan ke bi changai korise.
\v 22 Titia Jisu pora taikhan ke koise, “Tumikhan yate pora ja pichete, John ke jai kena tumikhan ki dikhise aru hunise itu kobi. Andha manu khan dikhi pai ase, lengra khan berabole pari ase, kusto-rugi bemar thaka khan sapha hoi ase aru kaan benga khan huni ase, mora manu jinda hoi ase, aru gorib manu khan susamachar laga kotha huni bole pai ase.
\v 23 Asirbad pabo jun manu moi uporte biya na pai.”
\p
\v 24 Aru jitia John laga manu khan jai jaise, Jisu pora manu khan ke John laga kotha kobole shuru hoise, “Tumi khan balu laga jagate ki sabole jaise? Ekta hawa pora hilai diya jongol gash to?
\v 25 Kintu tumi khan bahar te ki sabole jaise? Ekjon manu norom aru daam kapra lagai kena thaka to? Sabi, jun manu daam kapra lagai ase, aru aram pora thaki ase tai khan sob raja laga ghorkhan te pabo.
\v 26 Kintu tumi khan bahar te ki sabole nimite jaise? Ekjon bhabobadi? Hoi, moi tumi khan ke koise, tai to bhabobadi pora bi dangor ase.
\v 27 Itu Tai ase jun nimite itu likha ase,
\q ‘Sabi, Moi ekjon manu ke pathai ase, tumi laga chehera usorte te,
\q2 Jun he rasta to taiyar koribo.’
\m
\v 28 Moi tumi khan ke koi ase, jun manu ama pora jonom loise, kun bi John nisena dangor nai, kintu jun Isor laga rajyo te sob se chutu ase, tai pora bi dangor ase.”
\v 29 Aru jiman manu itu kotha hunise, poisa utha manu khan, aru John logote baptizma luwa khan sob Isor pora dharmik ase koi dise.
\v 30 Kintu Pharisee khan aru bisi kanun jana Yehudi khan Isor laga itcha namanikena baptizma luwa nai.
\v 31 “Tinehoile, Moi, etiya laga jamana khan ke ki logote tulona koribo, tai khan ki nisena ase?
\v 32 Tai khan bajar te thaka bacha khan nisena ase, bohi kena ekjon-ekjon ke mati kena koi, ‘Ami tumi khan usorte basuri bojaise, tumikhan nach kora nai; moi khan mon dukh laga gana korise, hoilebi tumikhan kandanai.’
\v 33 Baptizma Diya John to ahikena roti aru angur ros bi kha nai, aru tumikhan koi ase, ‘Tai logote bhoot ase.’
\v 34 Kintu Manu laga Bacha ahikena kha luwa korise, aru tumikhan koi, ‘Sabi, taike, ekjon khakuwa aru nisa-pani kora, poisa utha khan aru paapi manu laga sathi!’
\v 35 Gyaan pora sob bhal aru biya to jani loi.”
\s Paapi Mahila Ekjon Ke Khyama Kori Diya \s5
\v 36 Ekjon Pharisee pora Jisu ke tai logote khabole matise. Tai Pharisee laga ghor te punchi se, aru Tai khabole bohise.
\v 37 Etiya sabi, itu sheher te ekjon paapi mahila thakise. Jitia tai dikhise, Jisu to Pharisee laga ghor te khabole bohi thakise, tai bhal gundh aru bisi daam laga tel anise,
\v 38 aru khara hoi kena Tai laga theng usorte, kandi kena suku pani pora Tai laga theng bhijai dise aru chuli pora mussi kena tai laga theng ke chumai dise, aru bhal gundh tel lagai dise.
\v 39 Aru jitia jun Pharisee Jisu ke matise, tai itu dikhi kena tai nije ke koise, “Itu manu jodi bhabobadi ase koile, Tai janibo thakise itu jun tai ke choi ase, itu kineka mahila ase koikena.”
\v 40 Aru Jisu taike koise, “Simon, Moi tumi ke kiba kobole itcha ase.” Aru tai koise, “Koi dibi, Probhu!”
\v 41 “Duita manu poisa dhar loise le. Ekjon pansho, aru dusra to pachas denarii loi kena thakise.
\v 42 Aru jitia tai khan logote poisa dibo nimite thaka nai, malik he duijon ke maph koridise. Itu nimite kun manu pora tai ke bisi morom koribo?
\v 43 Simon koise, “Moi hisab te jun ke tai bisi dhar to maph korise.” Titia Tai taike koise, “Tumi thik bhabona korise.”
\v 44 Aru titia Jisu itu mahila phale saikena Simon ke koise, “Tumi itu mahila ke dikhi ase. Moi tumi laga ghor te ahise. Tumi Moi ke theng dhula bole pani bi diya nai, kintu tai laga suku pani pora moi laga theng bhijai dise, aru tai laga chuli pora mussi dise.
\v 45 Tumi Moi ke ekta chuma bi diya nai, kintu Moi jitia pora yate ahise tai moi laga theng to chuma dibole chara nai.
\v 46 Tumi Moi laga matha te tel dhala nai, kintu tai Moi laga theng te bhal gundh thaka tel pora mussi se.
\v 47 Itu nimite Moi tumike koi ase, tai laga paap bisi thakise, itu sob maph koridise- kile mane tai bisi morom korise, kintu jun manu olop he maph kore, tai olop he morom kore.”
\v 48 Titia Tai pora koise, “Tumi laga paap pora khyama paise.”
\v 49 Jun manu khan tate bohi thakise tai khan ekjon-ekjon logote kobole shuru hoise, “Itu kun ase, jun paap bi maph kori bole pare?”
\v 50 Titia Jisu mahila ke koise, “Tumi laga biswas he tumi ke bachai loise. Shanti pora jabi.”
\c 8
\s Jisu Logot Safar Kora Khan
\p
\v 1 Etiya eneka hoise, Jisu alag-alag sheher aru bosti te Isor laga rajyo laga kotha prochar korikena jai thakise, Tai logote baroh jon chela khan bi thakise,
\v 2 aru kunba mahila khan bi thakise jun khan dusto atma pora changai paise aru bemar pora bhal hoise. Mary, kun ke Magdalene mate, jun laga gaw pora sat-ta bhoot khan ulaise;
\v 3 aru Joanna, Chuza laga maiki, Herod laga imandar,aru Susanna; aru dusra manu khan kun Isor laga kaam nimite tai khan logote ki ase itu di thakise.
\s Bijon Hissi Diya Laga Dristanto \s5
\v 4 Aru jitia bisi dangor bhir joma hoi thakise aru manukhan alag-alag nogor pora ahise, Tai dristanto pora tai khan ke koise:
\v 5 “Ekjon kheti kora manu bijon hissi bole jaise. Aru jitia tai bijon halise, kunba rasta te girise, aru theng pora chipai dise, aru akas te chiriya thaka khan pora khai dise.
\v 6 Aru kunba bijon pathor uporte girise, aru jitia dangor hoise, itu sukhi jaise, kilemane pathor uporte patla mati thakise.
\v 7 Aru kunba bijon kata majote girise, aru dangor bi hoise, hoilebi kata pora tai ke dabai dise.
\v 8 Kintu kunba bijon to bhal mati te girise, aru jitia itu dangor hoise, bisi guti ulaise. “Itu kowa pichete, Tai awaj uthai kena koise, “Kun manu logote hunibole khan ase, tai huni lobi.”
\s Dristanto Laga Motlob
\p
\v 9 Titia chela khan Tai ke hudise, “Itu dristanto laga ki motlob ase?”
\v 10 Tai koise, “Tumi khan ke Isor he sorgo laga rajyo jani bole dise, kintu dusra manu ke Moi dristanto pora koi, utu karone tai khan sai thakile bi nadikha aru hunile bi bujhi bole napare.’
\v 11 Etiya dristanto laga motlob eneka ase: bijon to Isor laga kotha ase.
\v 12 Rasta te gira bijon ase kun khan kotha hunise, kintu bhoot ahi kena mon pora bijon ke chingi loi jai, itu pora tai khan biswas nokoribo aru roikhya napabo.
\v 13 Aru pathor uporte bijon gira to Isor kotha khushi pora huna khan ase. Kintu tai laga rusi to bhitorte jabo napare, tai khan olop homoi nimite biswas kore, aru porikha aha homoite giri jaise.
\v 14 Aru kata bhitorte gira bijon ase jun khan kotha to hune, kintu duniya pora tani loi, dhun sampoti, rong tamash aru lalaj pora bandhi jai aru uthi bole napare.
\v 15 Kintu bhal mati te gira bijon khan taikhan ase kun khan mon dikena Isor kotha ke hunise aru mon te rakhise, aru thik pora dhuri rakhise aru pichete bhal guti dhore.
\s Tukri Bhitorte Saaki \s5
\v 16 Kun manu bi saaki jolai kena bisna nichete narakhe. Kintu itu ke uporte rakhe, aru itu pora sob manu itu laga puhor dikhi bole pai.
\v 17 Eku bostu lukai kena rakhibo naparibo, kilekoile puhor pora sob bostu dikhai dibo.
\v 18 Itu karone ki hune ase, jun manu logot bisi ase, tai arubi bisi pabo, aru kun manu logot komti ase, tai logote ki ase itu bi loi jabo.”
\s Jisu Laga Ama Aru Bhai Khan \s5
\v 19 Pichete Jisu laga ama aru bhai khan Tai usorte ahise, kintu taikhan Jisu thaka usorte jabo para nai kilemane bhir dangor thakise.
\v 20 Jisu ke manukhan khobor dise, “Apni laga ama aru bhai khan bahar te rukhi ase, Apnike sabole rukhi ase.”
\v 21 Kintu Jisu Khrista tai khan ke koise, “Ami laga ama aru bhai itu khan ase jun manu Isor kotha hune aru kore.”
\s Jisu Pora Andhi Rukhai Diya \s5
\v 22 Itu ek din eneka hoise, Tai chela khan logote ekta naw te uthise, aru tai khan ke koise, “Ahibi amikhan nodi laga dusra phale jabo.” Aru tai khan bohi kena jaise.
\v 23 Naw te jai thaka homoi te Tai ghumai jaise. Itu homoi te dangor andhi ahise. Tai khan laga naw pani te gushi bole shuru hoise aru tai khan moribo bhabi thakise.
\v 24 Tai khan Jisu ke uthaise aru, koise, “Probhu! Probhu! Moi khan sob moribole ase!” Kintu Tai uthikena hawa pani ke hukum korise, aru pura pani shanti hoi jaise.
\v 25 Jisu tai khan ke koise, “Tumi khan laga biswas to kot te ase?” Aru tai khan bhoi pora asurit hoi kena ekjon-ekjon ke koise, “Itu kun ase, Tai hawa aru pani ke hukum dise, aru tai khan manise?”
\v 26 Pichete tai khan nodi paar kori kena Gerasenes, Galilee usorte jaise.
\v 27 Aru jitia Jisu matite namise, ekjon bhoot khan pora dhora manu sheher pora ahise. Bisi din pora tai gaw te kapra nalagai kena, aru ghor te bi nathake, kintu koboristan te he thake.
\v 28 Aru jitia tai Jisu ke dikhise, tai hala korise, aru Tai agete girise aru jor pora hala korikena koise, “Moi aru Apni nimite ki kaam ase, Jisu, jinda Isor laga Chokra? Moi anurodh kori ase, moi ke dukh nadibi.”
\v 29 Jisu he dusto atma ke itu manu pora ulai jabole hukum dise. Bisi homoite morai dibo nisena kore, loha laga rusi pora bandhi kena thakile bi aru manu khan pora bandhi rakhile bi, sob rusi khan bhangai kena bhoot pora jongol te loi jai.
\v 30 Jisu pora tai ke hudise, “Tumi laga naam ki ase?” Aru tai koise, “Legion,” kilemane bisi bhoot khan tai bhitorte thakise.
\v 31 Aru taikhan ke norok te jabole hukum nadibi koikena Taike anurodh korise.
\v 32 Titia bisi gahori pahar kinar te dana khai thakise, itu pora biya atma khan gahori bhitorte jabole nimite anurodh korise. Jisu pora eneka hobole dise.
\v 33 Aru bhoot khan manu pora ulai kena gahori bhitorte ghumai jaise, aru gahori khan sob pahar nichete giri kena mori jaise.
\v 34 Gahori pala manu khan itu dikhi kena sheher te polaikena khobor dise.
\v 35 Aru manu khan ki hoise itu sabole ahise, aru jun laga gaw pora biya atma ulai jaise, taike Jisu laga theng usorte bohi thaka dikhise, sapha kapra lagai se aru dimag bhal hoise aru itu sai kena manu khan bhoi lagise.
\v 36 Aru jun manukhan itu sob dikhise taikhan khobor koridise, aru kineka bisi bhoot pora dhora manu to bhal hoise.
\v 37 Aru Gerasenes laga sob manukhan bhoi lagi kena Jisu ke jai jabole koise. Itu pichete, Tai naw te bohi kena wapas jai jaise.
\v 38 Jun manu pora biya atma khan ulai kena jaise, tai Jisu logote jabole anurodh korise, kintu Jisu pora tai ke wapas pathai kena koise,
\v 39 “Tumi nijor ghor te jabi aru Isor ki kori dise itu jai kena koi dibi.” Tai pichete tai ghor te jaise, sob sheher te Jisu pora tai nimite ki koridise itu prochar kori dise.
\s Jisu Pora Mahila Ekjon Aru Jairus Laga Chukri ke Bhal Kori Diya \s5
\v 40 Jitia Jisu ahise, sob manu khan tai ke salam korise, kile mane tai khan Tai ke rukhi thakise.
\v 41 Aru tate ekjon manu thakise tai laga naam Jairus asele, tai mondoli laga cholawta thakise. Tai Jisu laga theng te giri jaise, aru Jisu ke tai laga ghor te ahibole anurodh korise.
\v 42 Tai laga ekta baroh saal chukri moribole asele aru jitia tai rasta te jai thakise, bisi manu khan tai logote joma hoi jaise.
\v 43 Ekjon mahila baroh saal pora khun jai thakise, tai dawai diya manu logote sob taka poisa kharcha korise, kintu kun bi tai ke bhal kori bole pora nai.
\v 44 Tai piche pora jaikena manu majot pora Jisu laga kapra chuise, aru itu loge-loge te tai laga khun jai thaka bondh hoise.
\v 45 Titia Jisu koise, “Kun pora Moike chuise?” Jitia sob manu chup thakise, Peter koise, “Probhu, bisi manu khan ahi kena Apni ke chui ase.”
\v 46 Kintu Jisu he koise, “Kunba Moike chuise, Moi jani ase, Moi pora hokti ulai jaise.”
\v 47 Jitia mahila to luka bole napara hoise, tai bhoi pora kapikena Jisu usorte girise. Sob manu usorte tai koi dise ki nimite tai Jisu ke choise, aru kineka tai ekbar pora bhal hoise.
\v 48 Jisu pora taike koise, “Suwali, tumi laga biswas pora tumi bhal hoise. Shanti pora jabi.”
\p
\v 49 Tai kotha koi thaka homoite, kunba mondoli laga cholawta ghor pora ahise, aru koise, “Tumi laga suwali to mori jaise. Sikhai diya manu ke aru dukh nadibi.”
\v 50 Kintu jitia Jisu itu hunise, Tai eneka tai ke koise, “Bhoi nakoribi; khali biswas koribi, aru tai changai hoi jabo.”
\v 51 Aru jitia tai ghor te ahise, Tai kunke bi bhitorte ahibole diya nai, khali Peter, John aru James ke, aru itu bacha laga ama aru baba ke.
\v 52 Aru sob manu mon te dukh kori kena tai nimite kandi thakise, “Nakandibi, tai mora nai, kintu ghumai ase.”
\v 53 Kintu tai khan Tai ke hasi dise, suwali to morise bhabikena.
\v 54 Kintu Jisu, tai laga hath to dhorise aru matikena koise, Bacha, uthibi!”
\v 55 Titia tai laga atma to wapas ahise aru tai uthikena kiba khabole mangise.
\v 56 Tai laga ama aru baba asurit lagise, kintu ki hoise itu kunke bi nakobi eneka Jisu koise.
\c 9
\s Jisu Pora Pasoni Khan ke Pathai Diya
\p
\v 1 Aru jitia Tai barohta chela khan ke matise, Tai pora tai khan ke hokti aru adhikar dise bhoot khan ke kheda bole aru bemar ke bhal koribole,
\v 2 aru Tai taikhan ke pathaise, bemar manu ke changai koribole aru Isor rajyo laga kotha kobole nimite.
\v 3 Aru Jisu tai khan ke koise, “Eku loi najabi- tumi laga jola, lathi, poisa aru roti, duita kapra bi loi najabi.
\v 4 Juntu ghor te ghusi bo, tate he thakibi, jitia tak itu jaga to nachare.
\v 5 Jun jagate tumi khan ke namate, itu nogor pora ula homoite, tumi laga theng pora dhuli to hatai dibi, itu tai khan birodh te ekta sakhi hobo nimite.”
\v 6 Aru tai khan alag hoi kena bostikhan phale jai jaise, Isor laga kotha prochar korikena, sob jagate changai kori kena jaise.
\s Herod Pora Jisu Ke Buja Nai \s5
\v 7 Etiya Herod ekjon raja, ki hoi ase itu sob to hunise, aru tai bhabona korise, kilemane kunba pora koise John to mora pora jinda hoise,
\v 8 aru kunba koise Elijah he ahise, aru kunba pora koise, poila laga bhabobadi ekjon jinda hoise.
\v 9 Kintu Herod koise, “Moi John laga matha alag koridise, kintu itu kun ase jun laga moi iman kotha huni ase?” Itu karone Jisu ke sabole tai kosis kori thakise.
\s Jisu Pora Pans Hajar Ke Kha Luwa Diya \s5
\v 10 Aru jitia pasoni khan wapas ahise, tai khan ki korise itu sob koi dise. Titia Tai pora tai khan ke loi jaise, aru ekdom chup-chap pora Bethsaida nogor te tai khan jai jaise.
\v 11 Kintu jitia bhir khan itu hunise, tai khan Tai pichete jaise. Tai sobke matise aru Isor laga rajyo kotha tai khan logote koise, aru jun manu changai lage, tai khan ke changai korise.
\v 12 Etiya saam hobole homoi hoise, barohta chela khan Tai usorte ahikena koise, “Manu laga bhir khan ke pathai dibi, tai khan usor bosti te jai kena ghuma bole aru khabole bisaribo, kile mane moi khan eku na pa-a jagate ase.”
\v 13 Kintu Jisu tai khan ke koise, “Tumi khan manu khan ke kiba khabole dibi.” Kintu tai khan koise, “Moi khan logote pasta roti aru duita maas he ase- jodi moi khan jai kena sob manu nimite khana kina nai koile.”
\v 14 -Tate panch hajar manu thakise.- Titia Tai pora chela khan ke koise, “Tai khan ke ekta bhag te pachas manu kori kena bohibo dibi.”
\v 15 Aru tai khan eneka korise aru sob ke bohibole dise.
\v 16 Pasta roti aru duita maas to hath te loikena, Tai sorgo phale saise, asirbad dise aru duita bhag korikena chela khan ke dibole dise.
\v 17 Tai khan sob khai kena bhorta hoise, aru juntu bachi jaise itu tai khan uthaise- barohta tukri te bhangi kena diya roti tukra thakise.
\s Peter Pora Jisu Khrista Ase Koikena Shikar Kora \s5
\v 18 Aru eneka hoise jitia Jisu Tai ekla pora prathana kori thakise, aru chela khan bi Tai logote thakise, aru Tai taikhan ke hudise, “Manu khan pora Moi kun ase koi?”
\v 19 Tai khan koise, “Baptizma Diya John. Aru kunba koi Elijah, aru dusra khan pora koi purana homoi pora jinda huwa bhabobadi ekjon.”
\v 20 Titia Tai taikhan ke koise, “Kintu tumikhan Moi kun ase koi?” Titia Peter he koise, “Isor laga Khrista.”
\s Jisu Pora Tai Mora Laga Age Te Kowa \s5
\v 21 Kintu Tai pora tai khan ke itu kotha kunke bi nokobole koise.
\v 22 Tai koise, “Manu laga Chokra bisi dukh pabo aru cholawta khan Taike swekar nakoribo, mukhyo purohit khan aru kanun likha khan pora bi golti dhoribo aru Taike morai dibo, kintu Tai tin din te jinda hobo.”
\s Tumi laga Krus Uthaikena Moi Piche Ahibi \s5
\v 23 Aru Tai sob ke koise, “Kunba manu Moi pichete ahi bole itcha thakile, tai nijor ke pahoribo lage aru hodai krus uthaikena moi pichete ahibo lage.
\v 24 Jun manu tai laga jibon to bachabole kaam koribo tai harai dibo; kintu jun manu moi nimite jibon dibo, tai jibon pabo.
\v 25 Jibon te ki labh ase, sob duniya to paile bi, nijor jibon to nuksan korile?
\v 26 Kun manu moi laga kotha aru moi nimite sorom kore, jitia Manu laga Chokra Tai nijor laga mohima aru Baba laga mohima aru pobitro sorgoduth khan laga mohima pora ahibo, itu homoi te itu manu nimite moi bi sorom hobo.
\v 27 Kintu moi hosa kotha koi ase, kunba manu khan yate rukhi ase, tai khan Isor laga rajyo nadikha tak namoribo.”
\s Chehera Aru Kapra Bodli Huwa \s5
\v 28 Itu kotha khan kowa ath din pichete, Tai pahar uporte prathana koribole jaise, Peter, John aru James khan ke loikena.
\v 29 Jitia Tai prathana kori thakise, Tai laga chehera bodli hoise, aru Tai laga kapra to asurit laga boga hoise.
\v 30 Aru sabi, duijon manu Tai logote kotha koi thakise, Moses aru Elijah thakise,
\v 31 Mohima pora taikhan ahise, tai jabo laga kotha to patise, juntu Jerusalem te pura hoi jabo.
\v 32 Jitia Peter aru sathi khan ghumai thakise, aru jitia ghumai kena uthise, tai khai Tai laga mohima dikhise, aru duijon manu Tai logote khara hoi thakise.
\v 33 Pichete eneka hoise, jitia duijon manu Jisu usor pora jai thakise, Peter Taike koise, “Probhu, ami khan yate tinta khamba bonabo, ekta apni nimite, aru ekta Moses karone, aru ekta Elijah karone.” -Tai ki koi thakise tai najane.-
\v 34 Kintu jitia tai itu koi thakise badal ahikena tai khan ke lukai dise, aru tai khan bhoi lagise.
\v 35 Aru akas pora ekta awaj ahise, koise, “Itu Ami laga Chokra ase, jun ke Moi basi loise; Tai laga kotha huni bi.”
\v 36 Jitia itu kotha khotom hoise, taikhan Jisu ekla thaka dikhise. Tai khan chup thakise aru ki dikhise kun ke bi kowa nai.
\s Dusto Atma Pora Dhori Thaka Chokra Ekjon Ke Changai Kora \s5
\v 37 Aru ek din te eneka hoise, jitia tai khan pahar upor pora nichete ahise, dangor bhir ke lok paise.
\v 38 Aru sabi, ekjon manu majot pora hala kori, koise, “Hikhok, moi anurodh korise, ami laga bacha ke sabi, tai moi laga ekjon bacha he ase.
\v 39 Sabi, ekjon atma achanak pora dhori kena tai laga mukh pora letera thuk ulaise. Taike jokhom kori kena ulai jaise.
\v 40 Moi Apni laga chela khan ke atma khedabole koise, kintu tai khan khedabole para nai.”
\v 41 Titia Jisu he taikhan ke koise, “Biswas nathaka aru biya rasta te jai thaka manu khan, Moi tumi khan logote kiman din thakibo? Tumi laga bacha ke yate anibi.”
\v 42 Jitia chokra ke ani thakise, atma pora taike mati te girai kena bisi hilai dise. Kintu Jisu pora dusto atma ke ghali dise, aru chokra ke bhal kori dise, aru tai baba logot di dise.
\v 43 Tai khan Isor laga asurit kaam to dikhise. Kintu jitia manu khan ki hoise itu dikhise tai khan asurit lagise, Jisu tai laga chela khan ke koise,
\s Jisu Pora Arubi Tai Moribole Laga Janai Diya \s5
\v 44 “Itu kotha tumi khan mon bhitorte jabole dibi: kilekoile Manu laga Chokra ke manu laga hath te thogai pora di dibole ase.”
\v 45 Kintu tai khan itu kotha bujhi bole para nai. Itu kotha taikhan pora lukai kena thakise, itu karone taikhan bujhi bole para nai, aru taikhan Jisu ke itu kotha hudibole bhoi lagise.
\s Sob Pora Dangor Kun Hobo \s5
\v 46 Pichete chela khan majote kotha ulaise, ki kun he sob pora dangor hobo.
\v 47 Kintu Jisu tai khan laga monte ki bhabona kori ase itu jani loise, aru ekjon chutu bacha ke Tai usorte uthai loise,
\v 48 aru tai khan ke koise, “Jun manu itu bacha ke Moi laga naam pora grohon kore, tai Moi ke grohon kore; aru jun manu Moi ke grohon kore, jun Moi ke pathaise Tai ke bi grohon kore. Kun manu nijor ke chutu koribo, tai he dangor hobo.”
\s Kun Amikhan Laga Birodh Te Nohoi Amikhan Logot Ase \s5
\v 49 John koise, “Probhu, ami khan dikhise kunba manu Apni laga naam pora bhoot khedai se aru ami khan tai ke rukhai dise, kilekoile tai moi khan logot nohoi.”
\v 50 Kintu Jisu pora taikhan ke koise, “Tai khan ke narukhabi, jun manu tumikhan birodh te nai, tai tumi khan logote ase.”
\s Jisu ke Samaria Te Ninda Kora \s5
\v 51 Etiya Tai ke uthai loi jabo nimite din to usorte hoise, Tai Jerusalem te jabole bisi mon hoise.
\v 52 Tai poila ekjon chela ke pathaise, aru tai khan Samaria bosti bhitorte punchi kena sob kaam taiyar korise.
\v 53 Kintu tate thaka manu khan Tai ke grohon kora nai, kilemane tai Jerusalem te jabole he mon thakise.
\v 54 Aru jitia chela khan James aru John ke dikhise, tai khan koise, “Probhu, ami khan sorgo pora jui ahi kena tai khan ke khotom koribole kobo naki?”
\v 55 Kintu Tai ghuri kena tai khan ke gali dise,
\v 56 aru taikhan tate pora alag bosti te jaise.
\s Jisu Laga Piche Kora Daam Ase \s5
\v 57 Tai khan rasta te jai thaka homoite, kunba ekjon Jisu ke koise, “Apni kun jagate jabo moi bi apni logote jabo.”
\v 58 Jisu taike koise, “Siyal khan laga bi gath ase aru akas te chiriya khan laga bi ghor ase, hoile bi Manu laga Chokra laga matha rakhibole eku bi jaga nai.”
\v 59 Titia Jisu aru ekjon ke koise, “Moi laga pichete ahibi.” Kintu tai koise, “Probhu, poila moi jai kena tai laga baba ke kobor dikena ahibo.”
\v 60 Kintu Tai koise, “Mora khan pora mora khan ke kobor dibole dibi. Kintu tumi, jai kena Isor laga rajyo prochar koribi.”
\v 61 Aru ekjon koise, “Moi bi Apni laga pichete ahibo, Probhu, kintu moi poila jaikena sob ghor manu ke jai ase kobo.”
\v 62 Kintu Jisu koise, “Jun manu kheti te hal dhori kena pichete te nasai, tai he Isor laga rajyo nimite thik ase.”
\c 10
\s Jisu Pora Bahatar Jonke Pathai Diya
\p
\v 1 Aru jitia itu sob kaam pura hoise, Probhu pora aru bi bahatar manu ke mati kena Isor kaam nimite asirbad korise, aru duijon-duijon kori kena taikhan ke pathaise jun jagate Jisu nijor bi jabo thakise.
\v 2 Tai koise, “Kheti to bhorta hoise, kintu kaam kora manu olop he ase. Itu nimite kheti laga Probhu ke kobi, kaam kora manu pathai dibole nimite.
\v 3 Nijor rasta te jai thakibi, sabi, Moi tumi khan ke ekta mer khan nisena rong kutta usorte pathai ase.
\v 4 Poisa laga jola nolobi, rasta te jabole laga jola bi nolobi, aru nijor chapal bi nolobi, aru rasta te jai thaka homoite kunke bi salam nadibi.
\v 5 Jun to ghor te poila ghusi bo, poila kobi, ‘Shanti itu ghor te thakibi!’
\v 6 Jodi shanti laga chokra tate ase koile, titia tumi laga shanti tai uporte thakibo; jodi nohoi, itu shanti tumi logote wapas ahijabo.
\v 7 Etiya itu ghor te he thakibi, ki kha luwa di ase itu khai kena thakibi, kilemane ki kaam kori ase, itu laga labh to pabole lage. Aru ekta ghor pora alag ghor te jai nathaki bi.
\v 8 Tumikhan juntu nogor te jabo, aru jodi tai khan tumi ke matile, tumi khan usorte ki khabole rakhibo itu he khabi.
\v 9 Aru jun manu bemar ase tai ke changai koribi, aru tai khan ke kobi, ‘Isor laga rajyo tumikhan usorte ahise.’
\v 10 Kintu juntu sheher te tumikhan ke namate itu laga rasta te ulai kena kobi,
\v 11 ‘Juntu dhuli moi khan laga theng te lage itu bi sapha kori ase tumikhan birodh te! Kintu itu jani lobi, Isor laga rajyo to usorte ahise.’
\v 12 Moi tumikhan ke koi ase itu din te tumikhan Sodom aru Gomorrah te dukh pa pora bi bisi dukh pabo.
\s Mon Naghura Sheher Karone Hai \s5
\v 13 Hai ase tumi, Chorazin! Hai ase tumi, Bethsaida! Jintu dangor kaam tumi khan nimite koridise, itu kaam Tyre aru Sidon nimite korise koile, tai khan poila pora mon ghurai kena thakibo.
\v 14 Kintu Tyre aru Sidon pora bi bisi dukh tumikhan pabo, juntu din te tumikhan logote Isor laga bisar hobo.
\v 15 Aru tumi Capernaum, tumike sorgo te uthai loi najabo na, na uthai loi jabo? Tumikhan ke ekdom niche, Hades te phelai dibo.
\v 16 Jun manu tumi khan laga kotha hune, tai khan Moi ke hune aru jun tumikhan ke ghin kore tai khan Moi ke ghin kore, aru jun Moike grohon nakore, tai kun pora Moike pathaise, Tai ke bi grohon nakore.”
\s Bahatar Jon Wapas Aha \s5
\v 17 Aru titia bahatar jon khushi pora jai kena koise, “Probhu, bhoot khan bi Apni laga naam te amikhan laga kotha mane.”
\v 18 Titia Tai koise, “Moi sai thakise Saitan sorgo pora bijili nisena girise.
\v 19 Sabi, Moi tumi khan ke saph aru bichoo khan ke khotom koribole nimite takot dise, aru jiman dushman laga takot ase itu sob khan ke khotom koribole nimite, aru eku pora bi tumi khan ke jokhom koribole naparibo.
\v 20 Hoilebi tumikhan itu atma khan pora tumi khan laga kotha mani ase koikena he khushi nakoribi, kintu khushi koribi ki karone tumi khan laga naam to sorgo te likha ase.”
\s Jisu Pora Pobitro Atma Te Anondo Kora \s5
\v 21 Aru itu homoi te Jisu ke Pobitro Atma pora bisi khushi korise aru koise, “Moi Apni ke dhanyabad di ase Baba, sorgo aru prithibi laga Probhu, kilemane Apni itu sob kotha to gyaani aru bujhi bole pora manu khan logote lukai kena rakhise, aru itu sob kotha to chutu bacha khan ke janibole dise. Hoi Baba, itu sob Apni usorte sabole bhal dikhe.”
\v 22 Itu sob kaam aru kotha to Moi laga Baba pora Moike dise, aru kun bi najane Chokra to kun ase, khali Baba he jane, aru kun Baba ase itu khali Chokra pora he jane, aru kun ke Chokra pora mati lobo tai ke he sob to dikhai dibo.”
\v 23 Titia Tai chela khan ke ghuri kena saise aru aste pora koise, “Asishit ase itu sukukhan, jun manu pora nadikhe tumikhan ke sabo dise.
\v 24 Moi tumikhan ke koi ase, bisi bhabobadi aru raja khan tumi khan ki dikhise itu sabole nimite bisi itcha korise, kintu tai khan itu dikha nai, aru tumi khan ki hunise tai khan itu hunibole mon korise kintu tai khan hunibole pa nai.”
\s Samaria Manu Laga Dristanto \s5
\v 25 Aru sabi, ekjon Yehudi laga kanun jana manu Jisu ke porikha koribole nimite khara hoise aru, koise, “Probhu moi anonto jibon pabole nimite ki koribole lage?”
\v 26 Titia Jisu he taike koise, “Niom hisab te ki likha ase? Tumi itu kineka porhe?”
\v 27 Titia tai koise, “Tumi Probhu Isor ke pura mon pora morom koribi, aru tumi laga jibon pora, aru takot pora, aru tumi laga bhabona pora, aru tumi usorte thaka manu ke tumi nijor ke kineka morom kore itu nisena morom koribi.
\v 28 Titia Jisu taike koise, “Tumi thik kotha koise. Eneka koribi, aru tumi jinda thakibo.”
\v 29 Kintu tai nijor ke thik dikha bole nimite, Jisu ke koise, “Moi laga usorte thaka manu to kun ase?”
\v 30 Titia Jisu tai ke jowab di kena koise, “Ekjon manu Jerusalem pora Jericho phale jai thakise. Taike chor aru dokait khan pora dhuri kena marise aru tai laga kapra khan sob phatai dise aru taike adha mora chari kena polai jaise.
\v 31 Titia achanak pora ekjon purohit itu rasta pora jai thakise, aru jitia tai itu manu ke dikhise, tai dusra phale jai jaise.
\v 32 Itu nisena, ekjon Levi, jitia tai itu jagate ahikena manu ke dikhise, tai bi dusra phale jai jaise.
\v 33 Kintu ekjon Samaria laga manu, tai safar kori thaka homoite, itu manu usorte ahise aru jitia taike dikhise, tai bisi mon dukh hoise aru morom lagi jaise.
\v 34 Aru jitia itu manu usorte punchise, tai laga gaw te jokhom khan bandi dise, tel aru angur ros pora. Aru itu pichete tai laga janwar uporte uthai dise, aru ekta ghor te loi jaise, aru tai ke bhal pora sai dise.
\v 35 Aru dusra dinte tai poisa ulai kena tate thaka manu khan ke dise aru koise, “Tai ke bhal pora sabi, aru ki khorcha korile bi, jitia moi aru wapas ahibo, itu homoite moi sob di dibo.’
\v 36 Tumi ki bhabe, taikhan tin jon bhitorte kun he tai laga asol usor thaka manu ase jun ke dokait aru chor khan pora mari kena chari dise?”
\v 37 Titia tai koise, “Tai ke morom kora jon pora.” Titia Jisu taike koise, “Jabi aru tumi bi eneka he koribi.”
\s Martha Aru Mary \s5
\v 38 Aru tai khan jai thaka homoite, Tai ekta bosti te ghusi se, aru tate ekjon mahila Martha koikena thakise, tai pora Jisu ke tai laga ghor te matise.
\v 39 Tai laga ekjon bhoini Mary koikena thakise, aru tai Jisu laga theng usorte bohikena Tai ki kotha koi ase itu huni thakise.
\v 40 Kintu Martha olop biya lagise kilemane tai sob kaam to ekla kori thakise, itu karone tai jai kena koise, “Probhu, Apni eku chinta nakore naki moi laga bhoini moike kaam koribole ekla chari dise? Itu nimite tai ke kobi, moi ke modot koribole nimite.”
\v 41 Titia Probhu tai ke koise, “Martha, Martha, tumi bisi alag kaam nimite chinta kori ase,
\v 42 kintu khali ekta kaam he bisi dorkar ase. Aru Mary pora itu bhal kaam bisari loise, aru itu tai logot pora kitia bi loi najabo.”
\c 11
\s Probhu Laga Prathana
\p
\v 1 Aru eneka hoise jitia Jisu ekta jagate prathana kori thakise, jitia khotom hoise, ekjon chela Tai ke hudise, “Probhu, amikhan ke prathana sikhai dibi jineka John tai laga chela khan ke sikhaise.”
\v 2 Tai chela khan ke koise, “Jitia tumikhan prathana koribo eneka kobi,
\q ‘Sorgo te thaka amikhan laga Baba, Apni laga naam honmanio hobole dibi,
\q2 Apni laga rajyo ahibole dibi.
\q
\v 3 Hodai laga kha luwa ami khan ke dibi.
\q
\v 4 Ami khan laga paap pora amikhan ke maph kori dibi,
\q2 Ami khan bi dusra laga paap maph diya nisena
\q2 Jun khan amikhan ke baki ase.
\q Ami khan ke porikha te giri bole nadibi.’”
\p
\v 5 Aru Tai taikhan ke koise, “Tumi khan logote kun sathi ase, aru tai logote rati te jai kena koi, “Sathi, moi ke tin ta roti dhaar dibi,
\v 6 kilekoile moi laga ekjon sathi dusra jaga pora berai kena etiya ahise, moi taike dibole eku nai’?
\v 7 Titia tai bhitor pora amike eneka kobo pare, ‘Moi ke etiya digdar nokoribi. Dorja to bondh hoise, aru moi aru bacha khan etiya ghumai ase. Moi etiya uthi kena tumike eku dibo naparibo.’
\v 8 Moi tumi ke koi ase, jodi bi tai uthi kena tai laga sathi ke dibole mon nai, hoilebi tai mangi thaka karone, tai ji hoilebi uthi kena tai ke jiman lage itu di dibo.
\v 9 Moi aru bi tumi ke koi ase, mangibi, aru tumi pabo; bisaribi, aru tumi pai jabo, dorja te khat-khata bi, itu khuli jabo.
\v 10 Jun manu mange tai pai; jun manu bisare tai pai; aru jun manu khatai, taike khuli diye.
\v 11 Tumi khan majote kun baba eneka ase naki, jodi tai laga bacha pora maas mangile, taike saph dibo?
\v 12 Aru jodi anda mangile, tai ke bichoo dibo naki?
\v 13 Itu karone, tumi khan biya manu hoilebi nijor bacha ke bhal saman he dibole jane, tine hoile sorgote thaka Baba Isor ke kun manu pora mange, tai ke Pobitro Atma nadibo naki?”
\s Jisu Aru Beelzebul \s5
\v 14 Titia Jisu ekta gunga kori diya bhoot ke khedai thakise. Aru jitia bhoot to ulai jaise, itu manu kotha kobo parise, aru tate thaka manu khan asurit hoise.
\v 15 Kintu kunba manukhan koise, “Tai bhoot ke Beelzebul laga naam pora khedai ase jun he bhoot khan laga raja ase.”
\v 16 Aru dusra manu khan, Jisu ke porikha kori kena koise, sorgo pora ekta asurit kaam dikha bole koise.
\v 17 Kintu, tai khan laga bhabona jani kena Jisu pora koise, “Juntu rajyo alag-alag bhabona hoikena ase, itu bhangi jabo, aru ekta ghor alag-alag bhabona hoile, itu ghor bhangi jabo.
\v 18 Aru jodi Saitan bi alag-alag hoi jai, eneka hoile tai laga rajyo kineka khara hobo? Tumikhan koi ase Moi Beelzebul laga takot pora bhoot khan ke khedai.
\v 19 Jodi Moi bhoot khan ke Beelzebul takot pora khedai ase koile, titia hoile tumi khan laga bacha khan kun laga atma pora bhoot khan ke khedai? Itu karone, itu khan he tumi khan ke bisar koribo.
\v 20 Jodi Moi bhoot khan ke Isor laga anguli pora khedai, titia hoile Isor laga rajyo to tumi khan usorte ahise.
\v 21 Jitia ekta takot thaka manu pora hathiar loi kena ghor to rukhi thake, tai laga ki ase itu naharai.
\v 22 Kintu tai pora bi bisi takot thaka manu tai ke hamla korile, tai ke harai dibo, tai laga hathiar bi loi lobo, jun uporte tai bharosa kore, aru ji dhun sompoti tai laga ase, sob bhag hoi jabo.
\v 23 Kun manu Moi logote nathake, Moi laga birodh te ase, aru kun manu Moi logote nathake, tai alag hoi jai.
\s Dusto Atma \s5
\v 24 Jitia ekta dusto atma ekjon manu pora ulai jai, tai sukha jagate aram pabole karone berai thake, aru koi, ‘Moi poila kot pora ulaise tate aru bi wapas jai jabo.’
\v 25 Aru jitia tai ahe, tai sob sapha aru bhal kore kena rakhi thaka dikhe.
\v 26 Tai jai kena tai pora bi aru bisi biya sat-ta dusto atma loi kena itu manu bhitorte ghusi jai. Aru poila pora bi itu manu laga jibon to bisi biya hoi jai.”
\s Hosa Laga Asis \s5
\v 27 Etiya eneka hoise, jitia Tai itu kotha koi thakise, ekjon mahila awaj uthai kena manu khan usorte Jisu ke koise, “Asishit ase itu ama jun Apni ke jonom dise aru dudh khilai se.”
\v 28 Kintu Tai koise, “Hoilebi, asishit hobo jun manu Isor kotha huni kena mani thake.”
\p
\v 29 Manu laga bhir jitia bisi hoise, Tai kobole shuru hoise, “Itu manu khan paap laga khandan ase. Tai khan kiba ekta sabole bisari thake, kintu, asurit kaam to taikhan ke nadikhabo, khali Jonah laga chihna he nohoile.
\v 30 Jineka Jonah to Nineveh manu khan nimite ekta chihna hoise, itu nisena Manu laga Chokra bi manukhan nimite eneka hobo.
\v 31 Dakshin laga Rani bisar din te uthi kena etiya laga manu khan ke bisar koribo, kile tai duniya laga kona pora Solomon raja laga gyaan kotha hunibole ahisele aru sabi Solomon pora bi mohan ekjon yate ase.
\v 32 Nineveh laga manu khan uthaikena etiya laga manu khan ke bisar koribo, kilemane tai khan mon ghuraise Jonah prochar kora homoi te aru sabi, Jonah pora bi mohan ekjon yate ase.
\s Tumi Laga Puhor \s5
\v 33 Kun bi saaki to jolai kena lukai narakhe kintu saaki rakha jagate rakhe, aru kun manu bhitor te ahe, puhor to dikhi pai.
\v 34 Tumi suku to gaw laga diya ase. Jitia tumi laga suku bhal thake, tumi laga pura gaw to pohor pora bhorta hoi. Kintu jitia biya hoi jaise, tumi laga gaw bi pura andhar hoi jai.
\v 35 Itu karone, bisi hoshiar hoi jabi itu pora tumi laga jibon to andhar nohobo nimite.
\v 36 Jodi tumi laga gaw to ujala pora bhorta hoi jai, aru kun jagate bi andhar nai, titia itu puhor pora bhorta hoi jabo, jineka tumi uporte puhor to bhorta hoi thakibo.”
\s Pharisee khan Aru Purohitkhan Karone Hai Kotha \s5
\v 37 Jitia Tai kotha kora khotom hoise ekjon Pharisee pora Tai ke khana khabole matise. Aru Jisu tai logote khabole bohise.
\v 38 Aru Pharisee khan itu dikhi kena asurit hoise, kilemane Jisu to khana kha agete, Tailaga hath dhula nai.
\v 39 Kintu Probhu taike koise, “Tumi Pharisee khan kup aru borton laga bahar to sapha kore, kintu tumi khan mon bhitorte biya aru lalchi pora bhorta thake.
\v 40 Murkho manukhan! Jun he tumi laga bahar to bonai se, tai he tumi laga bhitor bi bonaise nohoi?
\v 41 Kintu tumi bhitor laga morom to dikhai dibi, aru sabi, tumi laga jibon te sob to sapha hoi jabo.
\p
\v 42 Kintu Pharisee khan, tumikhan ke hai ase. Tumikhan kheti laga sobji aru bagan te thaka pata khan loikena dos bhag diye, kintu Isor laga morom to namane. Kintu itu koribole dorkar ase, aru dusra bhal kaam bi nacharibo lage.
\v 43 Pharisee khan, tumi khan ke hai ase. Tumikhan mondoli te sob se bhal jaga te bohi bole mon kore aru bajar te manu bhoi pora salam diya to khushi pai.
\v 44 Tumikhan ke hai ase, tumi khan nadikha laga kobor nisena ase, itu uporte manu khan najanikena berai thake.”
\p
\v 45 Titia ekjon kanun jana manu Jisu ke koise, “Probhu, itu koikena, Apni ami khan ke sorom khilai ase.”
\v 46 Titia Tai koise, “Hai tumikhan, kanun laga hikhok khan! Tumi khan manu khan ke bhari bhar bukhi bole diye juntu tai khan bukhi bole napare, kintu tumi khan laga anguli pora nijor bi itu bhar to bukhi bole mon nai.
\v 47 Tumikhan ke hai ase, bhabobadi khan laga kobor to bonaise, hoilebi tumi khan laga baba khan pora he tai khan ke moraise.
\v 48 Hosa koile, tumi khan laga baba khan pora ki korise itu laga tumi khan sakhi ase, tai khan pora morai dise aru tumi khan kobor khan bonaise.
\v 49 Itu karone Isor laga gyaan pora sob koi dise, ‘Moi taikhan logot bhabobadi khan aru pasoni khan ke patha bo, aru tai khan pora Moi patha khan ke dukh dibo aru kunba ke morai dibo.’
\v 50 Itu karone, duniya shuru pora jiman bhabobadi khan laga khun giraise, sob laga bisar etiya laga jamana khan logote koribo.
\v 51 Abel laga khun pora shuru kori kena Zechariah laga khun tak, jun ke pobitro jagate moraise. Hoi, Moi tumi khan ke koi ase, itu sob hisab to etiya laga jamana pora dibo lagibo.
\v 52 Kanun hikhok khan ke hai ase. Tumi khan gyaan laga chabi to loi kena rakhise; tumi khan nijor bi itu bhitorte najai aru kun manu jabole mon kore, tumikhan pora tai khan ke bi jabo nadiye.”
\p
\v 53 Jitia Jisu tate pora ulai jaise, kanun likha khan aru Pharisee khan itu sob kotha to huni kena khong uthise aru Tai logote jhagara korise,
\v 54 tai khan rukhi thakise, Jisu kiba ekta golti kotha koile, Tai ke phasabo koikena.
\c 12
\s Pharisee Khan Laga Khomir Nimite Hoshiar
\p
\v 1 Eneka homoite, hajar-hajar manu eke logote joma hoise, bisi manu huwa karone ekjon-ekjon uporte girise, Tai chela khan ke poila koise, “Pharisee khan laga chalaki pora hoshiar hobi, kilemane tai khan chalak ase.
\v 2 Eku kotha lukai rakhi bole naparibo, kintu bhitorte thaka kotha to sob ulai jabo.
\v 3 Itu karone ki kotha andhar te koise, ujala te sob hunibo aru tumi ghor bhitor te ki kotha khan ki koise itu kotha ghor uporte awaj uthai kena kobo.
\s Bhoi Nakoribi \s5
\v 4 Moi tumi khan ke koi ase moi laga sathi khan, bhoi nakori bi jun manu tumi laga gaw to morai dibo, aru itu pichete tai khan eku koribo naparibo.
\v 5 Kintu Moi tumikhan ke koidibo kun ke tumikhan bhoi koribole lage. Morai diya pichete, norok te phela bole jun laga takot ase, tai ke bhoi koribi. Hosa Moi tumikhan ke koi ase, Isor ke he bhoi koribi.
\v 6 Aru pansta ghor laga chiriya khan ke dui poisa pora bikiri nakore naki? Hoilebi itu khan ke bi Isor napahore.
\v 7 Tumikhan matha laga chuli bi ekta-ekta pora ginti korikena ase. Bhoi nokoribi. Tumikhan to ghor te thaka chiriya pora bi bisi daam laga ase.
\s Manu Khan Agete Khrista Ke Shikar Kora \s5
\v 8 Moi aru bi tumikhan ke kobo, jun manu Moike manukhan usorte paap shikar kore, Manu laga Chokra bi sorgoduth usorte tai khan ke shikar koribo,
\v 9 kintu jun pora manukhan usorte Moike namati bo, Moi bi sorgoduth usorte tai ke namati bo.
\v 10 Jun manu Moi laga bodnam koribo tai maph pabo, kintu kun manu Pobitro Atma ke bodnam koribo tai kitia bi maph napabo.
\v 11 Itu karone jitia tai khan tumikhan ke mondoli khan te, aru cholawta khan aru adhikari khan usorte loi jabo, titia tumikhan laga safai te ki kobo lage itu karone chinta nokoribi,
\v 12 tumi khan ki kobo lage Pobitro Atma pora itu homoi te sob sikhai dibo.”
\s Murkho Dhuni Ekjon Laga Dristanto \s5
\v 13 Titia kunba ekjon manu majot pora Jisu ke koise, “Probhu, moi laga bhai ke kobi tai laga dhun sompoti bhag kori kena moi ke dibole.”
\v 14 Kintu Jisu taike koise, “Manu, tumikhan uporte bhag aru bisar koribole Moi kun koise?
\v 15 Tai manukhan ke koise, “Lalchi aru biya itcha pora nijor ke bachai kena rakhibi, sob thakile bi manu laga jibon dhun sompoti bisi thaka para nohoi.”
\v 16 Jisu taikhan ke ekta dristanto koise, “Ekjon dhuni manu laga mati ke bhal kheti ulaise,
\v 17 Itu manu mon te bhabikena korise, moi ki koribo, kheti bisi bhal hoise aru rakhibole jaga nai?’
\v 18 Kintu tai koise, ‘Moi eneka koribo: dhaan ghor to bhangai kena dangor ghor bonabo aru tate moi laga dhaan aru sob bhal saman rakhibo.
\v 19 Aru moi laga mon ke kobo, “Oh mon, bisi saal nimite kha luwa joma korikena rakhise. Kha luwa korikena, khushi koribi.’”
\v 20 Kintu Isor he taike koise, ‘Murkho manu, aji rati tumi laga atma uthai lobo, aru ki dhun sompoti tumi joma kori kena rakhise, itu kun laga hobo?’
\v 21 Eneka he hobo utu manu logote jun nijor nimite dhun sompoti joma kore, kintu Isor phale dhuni nohoi.”
\s Eku Chinta Nakoribi \s5
\v 22 Titia Jisu tailaga chela khan ke koise, “Itu nimite Moi tumi khan ke koi ase, nijor laga jibon nimite chinta nokoribi, ki khabo aru ki pindhibo, nijor gaw nimite chinta nokoribi.
\v 23 Kilemane jibon to kha luwa pora bi dangor ase, aru tumi laga kapra pora bi dangor to tumi laga gaw ase.
\v 24 Sabi akas te uri thaka chiriya khan ke, tai khan kheti bi nakate. Aru tai khan laga dhaan rakhibole jaga bi nai, kintu Isor he tai khan ke khabole diye. Tinehoile tumi khan chiriya pora bi daam laga ase.
\v 25 Kintu tumi khan majot te kun he chinta korikena jibon to lamba koribole paribo?
\v 26 Aru jodi tumi khan itu chutu kaam bi koribole napare koile, tine hoile dusra kaam nimite kile chinta kori ase?
\v 27 Sabi kheti te lili phul to kineka dangor hoi. Tai khan kheti bi nakore aru joma bi nakore. Hoilebi Moi tumi ke koi ase, Solomon ekta dangor raja hoilebi lili phul nisena sundur hobo para nai.
\v 28 Kintu kheti laga ghas khan juntu aji ase aru kali to chulah te phelai dibo, hoilebi sabi, Isor pora itu khan sundur pora bonai se, O biswas natakha manu khan, itu khan pora bi tumi khan ke sundur nabonabo naki!
\v 29 Aru tumi khan ki kha luwa koribo itu nimite chinta nokoribi.
\v 30 Prithibi laga manu khan itu khan pichete he berai thake, kintu itu tumi nimite dorkar ase koikena Baba he sob jane.
\v 31 Poila Isor laga rajyo bisaribi, titia sob tumikhan ke hali dibo.
\v 32 Komti manukhan, bhoi nokoribi, kilemane Baba pora tumi khan ke rajyo dibole khushi ase.
\v 33 Tumi khan logote ki ase sob bikiri kori kena gorib khan ke de dibi. Jun jagate chor nahibo aru puka pora nakhabo, sorgote tumi laga dhun sompoti joma kora to kitia bi naharabo.
\v 34 Kilekoile jun jagate tumi laga dhun sompoti thake, itu jaga te mon to hodai thake.
\s Tumi Taiyar Thakibi \s5
\v 35 Tumi laga komor to bandhi lobi, aru saaki to jolai rakhibi,
\v 36 aru eneka manukhan nisena hobi jun pora malik shadi pora wapas aha ke rukhi thake, aru jitia tai ahi kena dorwaja te mare, tai khan phot kori dorwaja to khuli bole pare.
\v 37 Asirbad ase itu sewak khan jun malik aha homoite rukhi kena thake. Hosa pora moi tumi khan ke koi ase, Tai laga pet te kapra bandikena taikhan ke khabole jagate bohai dibo, aru Tai ahikena nijor pora taikhan ke kha luwa khabole dibo.
\v 38 Aru malik ki homoi te ahile bi, tai sewak khan pora rukhi thaka dikhile, itu sewak to asirbad ase.
\v 39 Kintu itu jani lobi, jodi malik to tai laga ghor te chor kitia ahibo itu jani loi, titia tai kitia bi ghor te chor hobole nadibo.
\v 40 Tumi khan bi taiyar kori thakibi, kilemane Manu laga Chokra ki homoi te ahibo tumi kobo napare.”
\p
\v 41 Titia Peter koise, “Probhu, Apni itu dristanto moi khan ke koi ase na, sob ke bi koi ase?”
\v 42 Probhu koise, “Tinehoile kun tai khan majote gyaani imandar sewak ase jun ke malik pora basi lobo tai laga dusra nokor khan ke sabole, tai khan laga kha luwa thik homoi te dibole?
\v 43 Asirbad ase itu sewak jitia tai laga malik ahikena tai ke kaam kora dikhe.
\v 44 Moi hosa koi ase tai itu sewak ke tai laga sob dhun sompoti to sabole di dibo.
\v 45 Kintu jodi sewak tai laga monte bhabe, ‘Moi laga malik to ahibole bisi homoi loi ase,’ aru sewak khan ke maribole shuru hoi, aru kha luwa korikena, aru nisa te giri thake,
\v 46 aru titia tai laga malik achanak pora ahijai, jun to homoite tai bhabona kori thaka nai, titia malik pora tai ke kati phelai dibo aru tai laga bodli dusra bhal ke kaam to di dibo.
\v 47 Aru jun sewak tai malik laga itcha to jane, kintu malik laga itcha nisena eku korikena nathake, titia hoile taike marikena bisi dukh dibo.
\v 48 Kintu jun manu eku najane, hoilebi mar kha laga kaam to kori thakise tai khan olop he mari khabo. Kintu jun manu ke bisi dikena ase, tai khan logote pora bisi pabo lage, aru jun manu ke kaam bisi dikena ase, tai logote pora itu sob kaam laga hisab mangibo.
\s Shanti Nohoi Kintu Bhag Hobo \s5
\p
\v 49 Moi itu duniya te jui phela bole ahise, aru Moi itu he itcha ase itu shuru hoi jaikena thakibo nimite.
\v 50 Moi baptizma pora baptizma koribole ase, aru Moi chinta te ase jitia tak itu pura nohoi!
\v 51 Tumi khan bhabise naki Moi itu prithibi te shanti dibole ahise? Nohoi, Moi hosa koi ase, kintu sob bhag hoi jabo.
\v 52 Etiya pora ghor te pans jon bi bhag hoi jabo- tin jon bhitorte te duijon aru duijon bhitor te tin jon dushman hoi jabo.
\v 53 Tai khan alag hoi jabo, baba pora bacha khan ke chari bo, aru bacha khan bi baba ke chari bo; ama pora chukri ke chari bo aru chukri bi ama laga dushman hobo, saas pora buari ke chari bo aru, buari bi saas ke chari bo.”
\s Homoi Anubad Kora \s5
\v 54 Etiya Jisu manu khan ke koise, “Tumi khan jitia paschim phale badal utha dikhe, ‘Borkhon ahise, aru itu ahi jai.
\v 55 Aru jitia dakshin laga hawa mare, tumikhan koi, ‘Bisi gorom ahibo, aru itu hoi jai.
\v 56 O Dhungi khan! Akas prithibi te ki dikhe itu kobole jane, kintu kile tumikhan aha din te ki hobole ase itu kobo napare?
\s Dushman Logot Faisla Kora \s5
\v 57 Aru tumi khan nijor bi hosa to ki ase itu bisar nakore?
\v 58 Tumi dushman logote bisar koribole ja homoite, rasta te he itu jhagara to faisla koribole itcha koribi, nohoile tumike tanikena bisar ghor te loi jabo, tumi ke daruga hath te di dibo, aru daruga pora tumike bondhi ghor te hali dibo.
\v 59 Moi tumi ke koi ase, tumi poisa laga sob hisab kitab pura nakora tak tumi ulabole naparibo.”
\c 13
\s Mon Ghura bi Nahoile Harai Jabo
\p
\v 1 Titia kunba manu khan itu homoi te Tai ke koise Pilate pora bolidan kora homoite tai itu Galilee manukhan ke morai dikena taikhan laga khun bi milai dise.
\v 2 Jisu tai khan ke koise, “Tumi khan bhabise naki itu Galilee manu khan dusra Galilee manu khan pora bi bisi paapi khan ase kilemane tai khan eneka dukh paise?
\v 3 Nohoi, Moi tumi khan ke hosa kobo. Jodi tumi khan mon naghurai, tumi khan bi eneka he khotom hoi jabo.
\v 4 Aru atharo jon manu kun khan uporte Siloam laga minar giri kena mari dise, tumi khan bhabise naki Jerusalem te thaka manu khan pora bi taikhan he bisi paapi thakise?
\v 5 Nohoi, Moi tumi khan ke koi ase. Jodi tumi khan mon naghuraile, tai khan nisena khotom hoi jabo.”
\s Phol Nadhora Dimoru Gash Laga Dristanto \s5
\v 6 Titia Jisu ekta dristanto koise, “Ekjon manu tai laga bagan te dimoru gash rupaisile, aru tai itu gash te phol bisarikena jaise, kintu eku pa-a nai.
\v 7 Titia tai bagan sa-a manu ke koise, ‘Sabi, tin saal moi itu gash te phol bisari kena ahise, kintu eku pa-a nai. Itu ke kati dibi. Itu mati to kile nuksan koribo?’
\v 8 Titia sewak pora malik ke koise, ‘Probhu, itu saal nimite chari dibi, moi aru ekbar bhal pora itu gash to mol di kena sabo.
\v 9 Jodi itu gash pora itu somoi nisena te phol diye, to bhal ase, kintu jodi itu pora bhal phol diya nai koile, apni itu gash to kati dibi!’”
\s Mahila Ekjon ke Komjur Atma Thaka \s5
\p
\v 10 Aru titia Jisu Bisram din te mondoli khan te hikai thakise,
\v 11 Aru tate ekjon mahila atharo saal pora komjur laga atma thakise, tai laga komor to tera thakise aru ekdom sidha koribo napari kena thakise.
\v 12 Aru jitia Jisu tai ke dikhise, Tai usorte mati kena koise, “Mahila, tumi laga komjur pora tumi mukti paise.”
\v 13 Titia Tai tai laga hath itu mahila uporte rakhise, aru itu homoite tai sida hoi jaise aru tai Isor ke dhanyabad dise.
\v 14 Kintu mondoli te thaka cholawta khan bhal pa-a nai aru Jisu pora Bisram din te changai kaam kora nimite manukhan ke koise, “Choi din tak kaam koribole dorkar ase. Itu homoite he bhal hobole ahibi, kintu Bisram din te nahibi.”
\v 15 Kintu Probhu tai khan ke koise, “Dhongi khan! Tumi khan Bisram din te tumi khan laga guru, saguli khan ke tai laga ghor pora ulai kena pani khabole loi najai naki?
\v 16 Itu mahila, Abraham laga suwali ase, jun ke Saitan para atharo saal tak bandhi kena rakhise, tine hoile tai ke Bisram din te khuli nadibo lage naki?”
\v 17 Jitia Tai itu kotha kori kena khotom hoise, jun Jisu ke ghusa kori thakise tai khan sorom lagi jaise, kintu sob manu khan khushi kori kena dhanyabad di thakise juntu kaam Tai kori kena dikhai diya karone.
\s Sorso Bijon Aru Khomir \s5
\v
\p
\v 18 Titia Jisu koise, “Isor laga rajyo to kineka ase, aru Moi itu ke ki logote tulona koribo?
\v 19 Itu ekta sorso guti nisena ase jineka ekjon manu pora loi kena tai laga kheti te phelai se, aru itu dangor gash hoi jaise, aru tate chiriya khan bi ahikena ghor bonaise.”
\v 20 Aru Tai koise, “Isor laga rajyo to ki logote tulona koribo?
\v 21 Ekjon mahila pora tin tukri chawal majote khomir hali dise, jitia tak itu phuli janai.”
\s Huru Dhorjo \s5
\v
\p
\v 22 Aru Jisu nogor aru bostikhan te jai kena hikai thakise aru Jerusalem te jabo nimite taiyar kori thakise.
\v 23 Etiya ekjon pora Tai ke koise, “Probhu, jun poritran pai ase tai khan olop jon he ase naki?” Titia Tai taikhan ke koise,
\v 24 “Itu chutu rasta te jabole nimite dukh koribi, kilemane Moi tumi khan ke koi ase, bisi manu itu te ghusi bole kosis koribo, kintu ghusi bole naparibo.
\v 25 Jitia ghor laga malik pora dorwaja to bondh kori dibo, titia tumi dorja to marikena kobo, ‘Probhu, moi khan nimite khuli bi.’ Kintu tai tumi khan ke kobo, ‘Moi tumi khan ke najane, aru tumi khan kot pora ase.’
\v 26 Titia tumi he kobo, ‘Amikhan Apni logote bohikena eke logote khai sele, aru Apni amikhan laga jagate ahikena sikhai dise.’
\v 27 Titia Tai kobo, ‘Moi tumi khan ke koi ase, Moi tumi khan kot pora ahise najane. Moi usor pora dur hoi jabi sob biya kaam kora khan!’
\v 28 Itu jagate, kanda he thakibo, aru dath chababo aru jitia Abraham, Isaac aru Jacob aru sob bhabobadi khan ke Isor laga rajyo to dikhibo, kintu itu pora tumi khan ke bahar te phelai dibo.
\v 29 Tai khan purab, paschim, uttor aru dakshin pora ahikena Isor laga rajyo te bohibo.
\v 30 Aru sabi, kun manu pichete thakise tai khan age te ase, aru kunba jun age te ase, tai khan pichete hoi jabo.”
\s Jerusalem Karone Mon Dukh Hoi Kanda \s5
\v 31 Itu homoi te, kunba Pharisee khan Tai usorte ahikena koise, “Ami khan ke chari bi aru yate pora jai jabi, kile mane Herod tumi ke morai dibole bisari ase.”
\v 32 Jisu tai khan ke koise, “Jai kena utu siyal ke kobi, ‘Sabi, Moi bhoot khan ke khedai dise aru bemar khan ke aji aru kali bhal korise, aru tin din pichete Moi laga lakshya punchi jabo.’
\v 33 Jineka hoile bi Moi kaam kori thakibo, aji, kali aru aha din te bi, kilekoile Jerusalem te bhabobadi khan harai ja-a to bhal nai.
\v 34 Oh Jerusalem, Jerusalem, kun he bhabobadi khan ke morai diye aru tumi khan usorte ahile pathor pora mari kena pathai diye. Moi kiman itcha korise tumi khan laga bacha khan ke eke logote rakhibole nimite jineka ekta murgi tai laga bacha khan ke pakhi nichete rakhe. Kintu tumi khan itu itcha nakore.
\v 35 Sabi, tumi khan laga ghor to khali hoi jaise. Kile Moi kobo, tumi khan Moike aru nadikhibo itu homoi naha tak, jitia tumi khan kobo, ‘Asirbad pabo jun Probhu laga naam te ahise.’”
\c 14
\s Bisram Din Te Ekjon Ke Changai Kora
\p
\v 1 Etiya eneka hoise, Jisu ekjon Pharisee khan laga ghor te Bisram din te khana khabole nimite jaise, aru tai khan Taike bhal pora sai thakise.
\v 2 Aru tate ekjon manu thakise jun gaw phula bemar pora dukh pai thakise.
\v 3 Titia Jisu Pharisee khan aru Yehudi kanun jana manu khan ke hudi kena koise, “Bisram din te changai koribole pare na nai?”
\v 4 Kintu tai khan eku kowa nai, titia Jisu taike dhorise aru changai kori dise, aru taike pathai dise.
\v 5 Titia Tai pora tai khan ke koise, “Tumi khan majote kunba tai laga bacha nahoile bi tai laga janwar Bisram din te pani te giri le jai kena phot uthai nolobo naki?”
\v 6 Tai khan itu kotha te eku jowab dibo para nai.
\s Shadi Bhojan Laga Dristanto \s5
\v 7 Titia Tai arubi taikhan ke ekta dristanto koi se, jun khan ke khabole matisele, tai khan kineka kori kena bhal jagate bohibole pabo, itu kosis kori thakise.
\v 8 Jitia tumikhan ke shadi te khabole mate, tumi khan bhal jagate nabohibi, kilekoile tumi khan pora bi kunba bisi sonman thaka manu ke mati kena thakibo pare,
\v 9 aru jitia tumi aru dusra manu jun ke khana te matise, tai tumikhan ke kobo, ‘Tumi laga jaga to tai ke dibi,’ aru titia sorom pora tai ke itu jaga to di kena tumi chutu jagate he bohi jai.
\v 10 Jitia, tumi ke mate, jabi aru sobse chutu jagate he bohibi, jitia jun pora tumike matise tai ahibo, tai tumike kobo, ‘Sathi, uporte ahibi.’ Titia tumi laga sonman to dusra manu bohi thaka usorte bisi hoi jai.
\v 11 Jun manu nijor ke dangor koribole bisare tai chutu hoi jabo, aru jun manu tai nijor ke chutu kore tai ke uthai dibo.”
\p
\v 12 Titia tai itu manu ke kobo jun he taike matise, “Jitia tumi kha luwa koribo, tumi laga bhal sathi khan, bhai khan aru dhuni manu ke namatibi, nohoile tai khan bi tumi ke matibo, aru tumi tai khan nimite ki korise itu he apni pabo.
\v 13 Kintu jitia tumi kha luwa kore, gorib khan, berabole napara, andha aru bemar manu khan ke mati bi,
\v 14 aru tumi khan asirbad pabo, kilemane tai khan tumi ke ghurai kena eku dibole naparibo. Kintu tumi khan ke Jisu Khrista wapas lobole aha homoite biswasi khan logote sob kaam laga inam dibo.”
\p
\v 15 Jitia jun ekjon mez te bohi thakise aru itu khan huni thakise, tai Jisu ke koise, “Asishit ase jun Isor laga rajyo te roti khabo!”
\v 16 Kintu Jisu taike koise, “Ekjon manu dangor kha luwa bonai kena manu khan ke matise.
\v 17 Aru jitia khabole homoi ahise, tai laga sewak khan ke pathai kena jun manu khan ke matise tai khan ke koise, ‘Ahibi, sob to taiyar hoi jaise.’
\v 18 Kintu tai khan sob nijor bahana koribole shuru hoise. Poila ekjon pora koise, ‘Moi ekta kheti kinise, aru moi tate jai kena sabo lagibo. Morom pora biya napabi.’
\v 19 Aru ekjon pora koise, moi pansta guru kinise, moi taikhan ke kheti te loi jaikena ekbar sabo. Morom pora biya napabi.’
\v 20 Aru dusra ekjon pora koise, ‘Moi ekjon maiki logote shadi korise, aru itu nimite moi ahibole naparibo.’
\v 21 Titia sewak khan sob kotha to tai laga malik ke ahikena koise. Ghor laga malik khong uthi kena, sewak khan ke koise, ‘Bahar te joldi jabi aru bosti rasta pora gorib manu, berabole napara, suku andha aru bemar manu ke loi anibi.’
\v 22 Titia sewak khan pora koise, ‘Probhu Apni ki koise eneka kori dise, aru bi bisi jaga bachi kena ase.’
\v 23 Titia malik tai laga sewak khan ke koise, ‘Bahar te jabi aru rasta kinar aru jun jaga pora hoile tai khan ke mati kena loi anibi, Moi laga ghor to bhorta hobo lage.
\v 24 Moi tumi khan ke koi ase, jun manu khan ke Moi poila matisele tai khan Moi ki kha luwa bonaise itu khabole napabo.’”
\s Chela Hobole Daam Ase \s5
\p
\v 25 Etiya bisi manukhan Jisu laga pichete jai thakise, Tai ghuri kena tai khan ke koise,
\v 26 “Jun manu Moi logote ahibole itcha ase kintu tai nijor laga baba, ama, maiki, bacha, bhai, bhoini aru nijor jibon to ghin nakore, tai Moi laga chela hobole naparibo.
\v 27 Jun manu tai nijor laga krus uthai kena Moi pichete nahe tai Moi laga chela hobole naparibo.
\v 28 Jun manu ekta ghor bonabole itcha kore, aru tai poila bohikena kiman poisa ase itu ginti nakore- tai logote poisa thaka to ghor khotom koribo paribole nimite punchibo na nai?
\v 29 Jitia, tai ghor laga bhetimul to uthai dibo, aru ghor to khotom koribole naparile, sob manu saikena taike hasi dibo,
\v 30 aru kobo, itu manu ghor to bonabole shuru korise kintu khotom koribole para nai.’
\v 31 Aru ekjon raja, dusra raja logote lorai kori bole ase, tai poila bohikena nasabo naki, tai laga dos hajar manu pora dusra raja laga bis hajar logote lorai koribo paribona nai?
\v 32 Kintu, tai dur te thaka homoi te, ekjon manu ke shanti pora kotha kori kena lorai to rukhai dibo.
\v 33 Itu nisena, jun manu tai laga sob dhun sompoti chari kena nahile, tai Moi laga chela hobole naparibo.
\s Swadh Nathaka Nimok \s5
\v 34 Itu nimite nimok to bhal ase, kintu nimok laga swadh harai dile kineka itu ke aru swadisht bonabo?
\v 35 Itu ke mati nimite bi aru kheti te mol bonabole bi kaam nathake. Tai khan itu ke phelai dibo. Jun manu logote hunibole kan ase, tai khan huni bi.”
\c 15
\s Harai Juwa Mer Laga Dristanto
\p
\v 1 Aru itu homoi te sob poisa utha aru paapi khan Jisu laga kotha hunibole nimite ahise.
\v 2 Kintu Pharisee khan aru kanun likha khan ekjon-ekjon logote koi thakise, “Itu manu paapi khan ke mate, aru tai khan logote bohi kena khai.”
\v 3 Titia Jisu he itu dristanto taikhan ke koise,
\v 4 “Yate kun ase, jun logote eksoh mer ase kintu tai ekta haraise koile, tai ninyanve ke jongol te chari kena jun to haraise itu ke bisari bole najabo?
\v 5 Aru jitia tai itu mer to pai jai, tai laga pithite uthai kena khushi pora loi ane.
\v 6 Jitia tai ghor te ahijai, tai sobke mate, tai laga sathi aru usorte thaka manu khan ke koi, ‘Moi logot khushi koribi, moi laga harai ja-a mer paise.’
\v 7 Moi tumi khan ke koi ase, sorgote bi eneka khushi koribo jitia ekjon paapi manu mon ghurai kena ahibo, itu ninyanve thaka pora bi bisi khushi hobo, kilekoile taikhan to mon ghura bole eku nai.
\s Harai Juwa Poisa Laga Dristanto \s5
\p
\v 8 Aru kun mahila, jun logote dosta chandi poisa thakise, jodi ekta harai diye, titia tai saaki jolai kena ghor jharu marikena sob sapha kori bisaribo nohoi jitia tak itu poisa napai?
\v 9 Aru jitia tai pai loi, tai laga sathi aru ghor usorte thaka manu khan ke matikena, koi ‘Moi logote khushi koribi, kile mane moi laga harai juwa poisa to moi paise.’
\v 10 Itu nisena he, Moi tumi khan ke koi ase, aru Isor laga sorgoduth majote bi khushi hoi jitia ekjon paapi manu mon ghurai kena ahe.”
\p
\v 11 Titia Jisu he koise, “Ekjon manu laga duita chokra thakise,
\v 12 aru chutu chokra pora baba ke koise, ‘Baba, moi laga dhun sompoti te ki bhag ase itu moike dibi.’ Titia tai laga baba pora dui bhag kori kena duijon ke di dise.
\v 13 Aru bisi din nohoi kena, chutu chokra tai laga ki ase itu sob joma kori kena dur jagate jai jaise, aru tate tai laga sob dhun sompoti cholai kena khotom kori dise.
\v 14 Jitia tai logote ki thakise itu sob khotom hoi jaise, titia itu pura desh te dangor akaal ahi jaise, aru tai bisi dukh paise.
\v 15 Titia tai kaam bisari kena ekta manu laga ghor te jaise, aru itu manu pora taike kheti te gahori ke dana khila bo nimite pathai dise.
\v 16 Tai bisi bhuk laga pora gahori dana hoilebi khabo bhabi kena jaise, kintu tai khabole eku pa-a nai.
\v 17 Jitia tai nijor laga halat dikhise, tai koise, ‘Moi laga baba ghor te kiman jon hajira manu khan thakise tai khan bi pet bhorta kori kena khabole pai thakibo, kintu moi yate, bhuka pora moribole ase!
\v 18 Moi uthi kena moi laga baba ghor te jabo, aru tai ke kobo, “Baba, moi sorgo aru apni agete paap korise.
\v 19 Moi apni laga chokra kobole layak nai; moike bi apni laga ekjon hajira manu nisena he bonai kena rakhibi.’”
\v 20 Titia tai uthi kena baba laga ghor te jaise. Jitia tai dur te he thakise, tai laga baba pora dikhise aru morom pora bhorta hoi jaise, aru polai kena taike dhuri se aru chuma dise.
\v 21 Titia chokra pora koise, ‘Baba, moi sorgo aru apni usorte paap korise. Moi apni laga chokra kobole layak nai.’
\v 22 Kintu baba pora tai laga sewak khan ke koise, ‘Sobse bhal kapra joldi anibi, aru tai ke lagai dibi, aru tai laga anguli te anguthi lagai dibi, aru notun chapal bi lagai dibi.
\v 23 Aru sobse bhal guru laga bacha to ani kena maribi, aru moi khan sob kha luwa kori kena khushi koribo!
\v 24 Kilemane moi laga chokra to mori jaisele, kintu etiya jinda hoise; tai harai jaise, kintu etiya pai loise.’ Titia tai khan sob khushi korise.
\v 25 Itu homoite tai laga dangor chokra kheti te thakise. Jitia tai ghor usorte ponchise, tai manukhan gana korikena nachi thaka awaj hunise.
\v 26 Titia tai ekjon sewak ke matikena ki hoi ase itu hudise.
\v 27 Titia sewak pora koise, ‘Tumi laga bhai wapas ahise aru tumi laga baba pora sobse bhal guru laga bacha katise. Kilemane baba pora tumi laga bhai ke bhal korikena wapas pai loise.’
\v 28 Kintu dangor chokra to khong uthise aru bhitorte jabole mon kora nai, itu karone tai laga baba bahar te ulai kena taike ahibole nimite matise.
\v 29 Kintu dangor chokra pora tai laga baba ke koise, ‘Sabi, iman saal moi apni nimite kaam korise, aru kitia bi kanun bhanga nai, hoilebi apni moike ekta chutu saguli bi diya nai amilaga sathi khan logote jai kena khushi koribole,
\v 30 kintu jitia apni laga itu chokra ahise, jun he apni laga dhun sompoti sob to biya kaam kori kena phelai dise, tai nimite apni sobse bhal guru laga bacha to katise.’
\v 31 Titia baba taike koise, ‘Bacha, tumi hodai moi logote ase, aru itu sob to tumi laga he ase.
\v 32 Kintu itu kha luwa kori kena khushi koribole nimite dorkar thakise, kilemane tumi laga itu bhai mori jaisele; kintu etiya jinda hoise; tai harai jaisele, hoilebi etiya tai ke pai loise.’”
\c 16
\s Adharmik Imandar Laga Dristanto
\p
\v 1 Titia Jisu chela khan ke koise, “Ekjon dhuni manu thakise aru tai laga ekjon imandar thakise, kintu tai malik laga poisa khorcha kori ase koikena kunba pora malik ke koi dise.
\v 2 Titia dhuni manu taike mati kena hudise, ‘Eneka kotha khan tumi laga moi kile huni ase? Tumi ki kaam korise itu sob hisab kitab moike dibi, kilemane tumi etiya pora moi nimite kaam koribole naparibo.’
\v 3 Titia itu imandar pora tai nijor ke koise, ‘Moi etiya ki koribo, moi laga malik pora kaam to moi pora loi lobole ase? Moi iman takot nai mati khundikena kaam koribole aru moi bhik mangi bole sorom lage.
\v 4 Moi ki koribole lage moi jane, jitia moike kaam pora ulai dibo, manukhan taikhan laga ghor te moike matibo.’
\v 5 Titia sewak pora jiman manu malik pora dhar loikena thakise sob ke tai matise, aru poila ekjon ke hudise, ‘Tumi moi laga malik ke kiman dibole ase?’
\v 6 Tai koise, ‘Moi eksoh botol oliv tel dibole ase.’ Titia tai ke koise, ‘Tumi laga hisab lobi aru joldi bohikena likhibi pachas.’
\v 7 Aru dusra ke hudise, ‘Aru tumi kiman dibole ase?’ Tai koise, ‘Eksoh jola chawal.’ Taike koise, ‘Itu hisab lobi, aru joldi pora likhibi assi.’
\v 8 Titia malik pora itu biya imandar jun chalaki pora kaam korise, tai ke bhal paise. Kilekoile, itu yug laga chokra khan to taikhan nijor yug laga chokra khan, jun khan jyoti laga ase, taikhan pora bi bisi chalak ase.
\v 9 Moi tumi khan ke koi ase, paap laga dhun sompoti pora sathikhan bonai, aru jitia itu pora eku kaam nadiye, taikhan pora tumikhan ke kitia bi khotom nohua jagate grohon kori lobo.
\v 10 Jun manu olop te bi biswas hoi kena thake tai bisi te bi eneka he thake, aru jun manu olop te bi thoga baji kore tai bisi te bi eneka he kore.
\v 11 Jodi tumi khan itu sapha nathaka dhun to bhal pora cholai kena rakhibo napare, tine hoile itu hosa dhun to tumi khan ke kun pora dibo?
\v 12 Aru tumi khan dusra manu laga dhun to bhal kori kena nacholaile, titia tumi nijor laga dhun to kineka chola bo?
\v 13 Ekjon nokor pora duita malik laga kaam koribo naparibo, eneka korile tai ekjon ke ghin koribo aru ekjon ke morom koribo, aru nohoile ekjon ke chari kena dusra ke jai jabo. Tumi khan Isor aru dhun sompoti eke logote sewa koribole naparibo.
\s Kanun Aru Isor Laga Rajyo \s5
\v 14 Aru jitia Pharisee jun khan poisa ke morom kore, itu kotha khan hunise taikhan Jisu uporte biya paise.
\v 15 Titia Jisu pora tai khan ke koise, “Tumi khan manu usorte nijorke bhal dikhai, kintu Isor he tumikhan laga mon to jane. Jun manu usorte dangor hobole bisare tai Isor usorte komjur hoi jai.
\v 16 Bhabobadi khan aru kanun khan John laga homoi tak he thakise. Itu homoi para Isor laga rajyo laga susamachar prochar hoise, aru sob manu itu janibo nimite joborjosti jaise.
\v 17 Sorgo aru prithibi hara bo nimite asan ase, kintu kanun te ki likhi kena ase, itu laga ekta chutu bhag bi naharabo.
\s Shadi Kora Khan Chara Chari Kora Aru Duibar Shadi Kora \s5
\v 18 Kun manu tai laga shadi maiki ke chari diye aru dusra maiki ke shadi kore, tai bebichari kaam korise, aru jun manu mota pora chari diya maiki logote shadi kore, tai bi bebichari kaam kori ase.
\s Dhuni Manu Aru Lazarus \s5
\v 19 Etiya ekjon dhuni manu thakise, tai daam begoni rong kapra aru bhal mihin kapra lagai kena thakise, aru hodai din khushi aru moja pora thake.
\v 20 Kintu ekjon gorib manu Lazarus koi kena tai laga mukhyo diwar te thakise aru tai laga gaw pura te biya ghaw pora bhorta koikena thake,
\v 21 aru itu dhuni manu laga thali pora ki gire itu khan khabole nimite rukhi thake. Kintu kutta khan bi ahikena tai laga ghaw to chati thake.
\v 22 Etiya itu gorib manu to mori jaise, aru taike sorgoduth pora Abraham laga usorte loi jaise. Aru itu dhuni manu bi mori jaise aru taike kobor te di dise,
\v 23 aru mora manu khan laga desh pora tai laga suku to uthai kena Abraham ke dikhise aru tai laga usorte Lazarus ke bohi thaka dikhise.
\v 24 Titia itu dhuni manu kandi kena koise, ‘Baba Abraham, moi uporte morom koribi aru Lazarus ke yate pathai dibi, tai laga anguli pora hoilebi moi ke pani di kena jiba ke thanda kori dibole, kilemane moi itu jui te juli kena dukh pai ase.’
\v 25 Kintu Abraham pora koise, ‘Bacha, yaad koribi tumi laga jibon te sob bhal saman he paise, aru Lazarus to sob biya he paise. Kintu etiya tai yate aram pora ase, aru tumi dukh te ase.
\v 26 Itu sob to charikena, tumi aru amikhan majote ekta dangor khai ase, itu thaka pora manu yate pora tumi logote jabo naparibo aru tai khan bi tate pora yate ahibo naparibo.’
\v 27 Titia dhuni manu koise, ‘Moi apnike anurodh kori ase, baba, apni kunba ke moi laga baba ghor te pathai dibi-
\v 28 kilekoile moi laga pansta bhai ase, tai khan ke hoshiar kori dibi, tai khan bi itu dukh khotom nohua jagate nahibo nimite.’
\v 29 Kintu Abraham koise, ‘Tai khan logote Moses aru dusra bhabobadi khan bi ase; tai khan ke taikhan laga kotha hunibo dibi.’
\v 30 Kintu dhuni manu pora koise, ‘Nohoi Baba Abraham, kintu kunba mora pora uthi kena jaile he, tai khan mon ghura bo.’
\v 31 Kintu Abraham taike koise, ‘Jodi tai khan Moses aru bhabobadi khan laga kotha mana nai koile, mora manu uthi jaile bi taikhan mon naghurabo.’”
\c 17
\s Paap Koribole Porikha
\p
\v 1 Jitia Jisu he chela khan ke koise, “Paap koribi dibole porikha to ahibo, kintu jun manu itu khan loi kena ahe, tai ke hai ase!
\v 2 Eneka manu dusra ke dukh diya pora nijor gola te pathor bandhi kena pani nichete phelai dile he bhal hobo.
\v 3 Nijor ke bhal pora sai lobi. Jodi tumi laga bhai paap kori ase, tinehoile tai ke rukhai dibi; aru jodi tai mon ghurai loile, taike maph dibi.
\v 4 Jodi bi tai tumi logote sath bar paap kaam kore ek din te, aru sath bar wapas ahi kena koi, ‘Moi ke maph dibi, titia tumi tai ke maph koribo lage!”
\s Amikhan Laga Biswas Dangor Kori Diya \s5
\p
\v 5 Pasoni khan pora Probhu ke koise, “Moi khan laga biswas dangor kori dibi.”
\v 6 Titia Probhu he koise, “Tumi khan laga biswas ekta sorso guti nisena thakile bi, tumi khan itu mulberry gash ke kobo, ‘Nijor laga niche shikor pora ulai jabi, aru jai kena samundar te ulabi,’ aru tumi laga kotha manibo.
\v 7 Aru yate kun manu tai laga sewak kheti te kaam kori thaka homoite, nohoile bi saguli rukha homoi te taike kobo, ‘Joldi ahikena kha luwa koribi’?
\v 8 Kintu, tai itu manu ke eneka nokobo naki, ‘Moi kiba khabole nimite taiyar koribi, aru tumi laga kapra ke peti bandi lobi jitia moi ke kha luwa di ase, aru itu pichete tumi kha luwa koribi’?
\v 9 Tailaga sewak ke ki hukum dise itu tai kori diya nimite malik pora taike dhanyabad dise naki?
\v 10 Itu nisena tumikhan bi, jitia tumi khan ke ki hukum diya sob kori loise, tumi khan eneka kobo lage, ‘Moi khan layak nathaka sewak ase. Moi khan ke ki koise itu he korise.’”
\s Dos Jon Kusto-rugi Bemar Thaka Manu Khan ke Jisu Pora Changai Kora \s5
\p
\v 11 Aru itu homoi te jitia Jisu Jerusalem te jaise, Tai Samaria aru Galilee phale pora jai thakise.
\v 12 Jitia tai ekta bosti te ponchise, dos jon kusto-rugi bemar thaka khan ke lok paise. Tai khan durte khara kori thakise.
\v 13 Aru tai khan awaj uthai kena, koise, “Jisu, Probhu, amikhan uporte morom koribi.”
\v 14 Jitia Tai taikhan ke dikhise, Jisu tai khan ke koise, “Jabi aru nijor ke purohit khan ke dikhabi.” Aru jitia taikhan jai thakise, tai khan sob sapha hoi jaise.
\v 15 Titia ekjon tai khan majot pora, bhal howa dikhi kena ghuri kena saise aru jor awaj pora Isor ke mohima korise.
\v 16 Tai Jisu laga theng nichete giri jaise, aru Tai ke dhanyabad dise. Tai Samaria laga manu thakise.
\v 17 Titia Jisu taike koise, “Dos jun manu bhal huwa nai naki? Nou jun to kot te ase?
\v 18 Tai khan majote aru Isor ke dhanyabad dibole kun bi wapas aha nai naki, khali itu manu he nohoile jun alag desh pora ase?”
\v 19 Jitia Jisu he taike koise, “Uthibi aru jabi. Tumi laga biswas pora tumike bhal korise.”
\s Rajyo Laga Kotha \s5
\v 20 Jitia Pharisee khan pora Taike hudise Isor laga rajyo kitia ahibo, Tai koise, “Isor laga rajyo to koi kena nahe.
\v 21 Aru eneka nokobo, ‘Sabi, yate ase!’ Nohoile ‘Tate ase!’ Kintu sabi, Isor laga rajyo to tumikhan majote ase.”
\p
\v 22 Titia Tai laga chela khan ke koise, “Eneka din ahibo, jitia tumi khan Manu laga Chokra ke sabole itcha koribi, kintu tumi khan dikhi napabo.
\v 23 Titia tai khan pora tumike kobo, ‘Sabi tate!’ Nohoile ‘Sabi yate!’ Tumi tai khan laga pichete napola bi,
\v 24 jitia akas te bijili mara homoi te ekta jaga pora dusra jagate ujala dikhe itu nisena Manu laga Chokra bi eneka hobo.
\v 25 Kintu poila Tai bisi dukh pabo lagibo itu jamana manu khan hath pora.
\v 26 Jineka Noah laga homoi te hoisele, eneka din Manu laga Chokra laga homoite bi eneka hobo.
\v 27 Taikhan kha luwa kori thakise, shadi kori thakise, aru jibon to duniya laga khushi pora moja kori thakise, utu din tak jitia Noah dangor naw bhitorte ghusi jaise, aru dangor hawa pani ahi kena manu ke khotom kori dise.
\v 28 Aru eneka din Lot laga homoi te bi hoise- tai khan kha luwa nisa-pani te moja kori thakise, ekjon-ekjon logote luwa-diya kori thakise, kunba ghor bonai thakise aru kunba kheti kori thakise:
\v 29 kintu jitia Lot Sodom pora ulai ahise, akas pora jui ahi kena sob manu ke khotom kori dise.
\v 30 Aru eneka he din ahibo jitia Manu laga Chokra to sob manu khan usorte dikhai dibo.
\v 31 Aru itu din te, jun manu ghor uporte ase aru tai laga saman khan ghor te ase, tai ke itu saman lobole nimite nichete jabo nadibi; aru jun manu kheti te kaam kori ase, itu ke ghuri kena pichete sabole nadibi.
\v 32 Lot laga maiki ke yaad koribi.
\v 33 Jun manu tai laga jibon bacha bole bisare tai harai dibo, kintu jun manu nijor jibon to Isor nimite harai diye tai bachi bo.
\v 34 Moi tumi khan ke koi ase, itu rati te duijon ghumai thakibo. Ekjon ke uthai lobo, aru ekjon ke chari jabo.
\v 35 Aru itu nisena duita mahila eke jagate dhaan khundi thakibo. Ekjon ke uthai loijabo aru ekjon ke chari jabo.
\v 36 Duijon manu kheti te kaam kori thakibo, ekjon ke loijabo aru ekjon ke chari jabo.”
\v 37 Titia taikhan pora Jisu ke koise, “Kot te Probhu?” Aru Tai pora taikhan ke koise, “Jun jagate manu laga gaw thake, tate pucha mangso kha chiriya khan bi joma kori kena thake.”
\c 18
\s Bidhowa Maiki Laga Dristanto
\p
\v 1 Titia Tai taikhan ke dristanto koise kineka tai khan prathana kori thakibo lage aru kitia bi mon chutu nokoribo lage.
\v 2 Aru koise, “Ekta sheher te ekjon kanun chola manu thakise aru tai Isor ke bhoi nakore aru manu khan ke bi hisab nakore.
\v 3 Aru itu sheher te ekta bidhowa mahila thakise, aru tai, itu manu usorte hodai ahi thake, aru koi, ‘Moi laga dushman khan logot pora moike niyai dibi.’
\v 4 Bisi din pora tai itu mahila laga kaam kori dibo mon thaka nai, kintu itu mahila bisi kowa nimite tai nijor ke koise, ‘Moi Isor ke bhoi nakore aru manu ke hisab nakore,
\v 5 kintu itu mahila moike hodai digdar diya nimite, moi tai nimite niyai kori dibo, eneka kori dile tai aru hodai ahi kena moike digdar nokoribo.’”
\v 6 Titia Probhu koise, “Huni bi itu thik nathaka ukil pora ki koise.
\v 7 Etiya Isor jun ke bachai loise taike sajai nadibo naki? Jun tai usorte din aru rati kandi thake? Tai khan laga kotha hunibo nimite deri rukhi thakibo naki?
\v 8 Moi tumi khan ke koi ase, tai joldi pora niyai to ani dibo. Jitia Manu laga Chokra ahibo, Tai itu duniya te biswas pabo na napabo?”
\s Pharisee Aru Khajana Tula Khan \s5
\v 9 Aru Tai itu dristanto bi koise jun tai khan nijor ke dharmik manu ase koi thake aru dusra ke ghin kori thake,
\v 10 “Duijon manu prathana koribole nimite jaise- ekjon Pharisee, aru ekjon poisa utha manu.
\v 11 Aru itu Pharisee khara korikena tai nijor logote eneka prathana kori thakise, ‘Isor, moi Apnike dhanyabad di ase moi dusra manu khan nisena nohoi- chor, biya manu, paap kaam kori kena thaka manu aru poisa utha manu khan nisena bi nohoi.
\v 12 Moi hapta te duibar upwas loi. Moi ki pai itu laga dos bhag bi diye.’
\v 13 Kintu poisa utha manu, durte khara kori kena, tai nijor matha bi sorgo phale sa nai, kintu tai laga chati to marikena, koise, ‘Isor, moi uporte daya koribi, moi paapi manu.’
\v 14 Moi tumi khan ke koi ase, itu Pharisee, jun poisa utha manu thakise, tai Isor usorte mohima paikena nijor ghor te jaise. Kilemane jun manu tai nijor ke untcha uthabole bisare tai chutu hoi jabo, kintu jun manu nijor ke chutu kore tai ke uthai dibo.”
\s Bacha Khan Moi Usorte Ahibole Dibi \s5
\v 15 Etiya manu khan Tai usorte bacha khan ke loikena anise, Jisu pora tai khan ke chubo nimite. Kintu jitia chela khan pora itu dikhise, taikhan ke ahibo diya nai.
\v 16 Kintu Jisu tai khan ke matise aru koise, “Chutu bacha khan ke Moi usorte ahibo dibi, aru tai khan ke narukhabi. Kilemane Isor laga rajyo to tai khan nisena nimite ase.
\v 17 Moi hosa pora tumikhan ke koi ase, jun pora ekta bacha nisena hoi kena Isor rajyo ke swekar nakore, tai ji hoilebi tate gusibo naparibo.”
\s Dhuni Cholawta \s5
\p
\v 18 Etiya ekjon cholawta manu Tai ke hudise, “Bhal hikhok, moi anonto jibon pabo nimite ki koribo lage?”
\v 19 Titia Jisu taike koise, “Moike kile bhal koi ase? Kun bi bhal nai, khali Isor he bhal ase.
\v 20 Isor laga kanun tumi khan jane bebichar nokoribo, manu ke nomorabi, chor nokoribi, manu laga misa kotha nokobi, baba, ama ke morom koribi.”
\v 21 Kintu cholawta manu he koise, “Moi jawan pora itu sob manikena ahise.”
\v 22 Jitia Jisu tai kowa kotha hunise, Tai koise, “Ekta kotha etiya bi tumi mana nai: Tumi laga ki ase itu sob bikiri kori dibi aru gorib khan ke bhag kori dibi, titia tumi laga dhun sompoti sorgote thakibo- aru Moi laga pichete ahibi.”
\v 23 Jitia cholawta manu Jisu laga kotha hunise, tai bisi mon dukh paise kilekoile tai bisi dhuni manu thakise.
\v 24 Titia Jisu taike sai kena koise, “Dhuni manu sorgote jabole kiman digdar ase!
\v 25 Biji laga chenda pora ekta uth jabole asan ase, hoilebi dhuni manu Isor laga rajyote jabole nimite asani nohoi.
\v 26 Jun itu kotha hunise tai khan koise, “Tinehoile kun he poritran pabo?”
\v 27 Kintu Jisu koise, “Juntu kaam manu napare, Isor he pare.”
\v 28 Titia Peter he koise, “Sabi ami khan sob chari kena Apni laga piche ahise.”
\v 29 Titia Jisu tai khan ke koise, “Hosa pora Moi tumi khan ke koi ase jun manu tai laga ghor, maiki, bhai, ama, baba, bacha ke Isor laga rajyo nimite charise,
\v 30 itu duniya te aru bisi napabo- aru ahibole duniya te, anonto jibon pabo.”
\s Jisu Pora Tai Moribo Laga Kotha Kowa \s5
\p
\v 31 Titia Tai baroh jon ke alag kori kena koise, “Sabi, ami khan Jerusalem te jabo, aru bhabobadi khan pora Manu laga Chokra nimite ki likhise, itu sob purah hobole ase.
\v 32 Karone Tai ke Porjati khan hath te di dibo, aru Tai ke bodnam koribo, aru bisi sorom khila bo, aru Tai uporte thuk phelabo.
\v 33 Aru Tai ke chabuk pora maribo, aru morai dibo, aru tisra din te, Tai aru bi jee uthijabo.”
\v 34 Kintu chela khan itu kotha bujhi panai, aru itu kotha taikhan pora lukai rakhise, aru ki kotha koise itu bujhi bo para nai.
\s Jisu Pora Suku Andha Ekjon Ke Changai Kora \s5
\v 35 Etiya eneka hoise, jitia Jisu Jericho te ahise, ekjon andha manu rasta kinar te bohikena bhik mangi thakise.
\v 36 Tai manu khan hala korikena jai thaka to hunise, tai hudise itu ki hoi ase.
\v 37 Tai khan andha manu ke koise, “Nazareth laga Jisu itu rasta pora jai ase.”
\v 38 Titia tai kandikena jor pora koise, “Jisu, David laga Chokra, moi uporte morom koribi.”
\v 39 Jun manu tai agete jai thakise khong pora taike chup thakibole koise. Kintu tai bisi hala kori thakise, “David laga Chokra, moi uporte morom koribi.”
\v 40 Titia Jisu khara kori kena itu manu ke usorte anibole koise. Aru jitia tai usorte ahise, Jisu taike hudise,
\v 41 “Moi tumi nimite ki koribole tumi itcha ase?” Tai koise, “Probhu, moi suku pora sabole itcha ase.”
\v 42 Titia Jisu he taike koise, “Tumi laga suku khuli bi. Tumi laga biswas pora tumi bhal hoise.”
\v 43 Itu homoite tai sabo parise aru Jisu pichete jaise, Isor ke mohima di kena, sob manu khan jitia itu dikhise, tai khan Isor ke dhanyabad dise.
\c 19
\s Jisu Aru Zacchaeus
\p
\v 1 Aru titia Jisu ahise aru Jericho phale jaise.
\v 2 Etiya ekjon manu Zacchaeus koikena thakise, aru tai poisa utha manu khan majote sobse dangor aru dhuni manu thakise.
\v 3 Tai Jisu kun ase koikena sabole itcha korise, kintu bhir dangor huwa pora sabo para nai, aru tai khata manu thakise.
\v 4 Titia tai Jisu ke sabole nimite polai jai kena ekta sycamore gash te uthise, kilemane Jisu itu rasta pora he jabo thakise.
\v 5 Jitia Jisu itu jagate ahise, Jisu tai ke sai kena koise, “Zacchaeus, joldi nami kena ahibi, aji Moi tumi laga ghor te jaikena thakibo.”
\v 6 Titia tai joldi korikena nichete nami ahise, aru khushi pora Jisu ke tai laga ghor te ahibole matise.
\v 7 Jitia manu khan itu dikhise, tai khan sob biya paise aru, koise, “Jisu ekjon paapi manu laga ghor te jaise.”
\v 8 Aru titia Zacchaeus uthikena Probhu ke koise, “Sabi, Probhu moi laga adha saman khan gorib ke di dibo, aru jodi moi kunba ke thogaise, tai laga bhag pora bisi aru char bhag milaikena dibo.”
\v 9 Titia Jisu taike koise, ‘Aji poritran itu ghor te ahise, kilemane tai bi Abraham laga bacha ase.
\v 10 Kilemane Manu laga Chokra to harai kena thaka manu khan ke bisaribole aru bacha bole ahise.
\s Dos jon Sewak Laga Dristanto \s5
\v 11 Aru taikhan itu kotha huni thakise, Jisu ekta dristanto kobole shuru hoise, kilemane tai Jerusalem te jabole nimite usor hoise, aru tai khan bhabise Isor laga rajyo to tate joldi ahibole ase.
\v 12 Titia Tai koise, ekta bhal ghor te jonom huwa manu dur ekta desh te tai laga rajyo pabo nimite jaise, aru itu pichete tai wapas ahi jabole thakise.
\v 13 Itu karone tai laga dosta sewak khan ke matise, aru tai khan ke dosta suna laga poisa di kena koise, ‘Itu poisa loikena tumi khan ki kaam koribo pare itu kori kena thakibi moi naha tak.’
\v 14 Kintu manu khan taike bhal panai aru tai laga pichete ekjon ke pathai kena tai ke koise, ‘Itu manu moi khan uporte raj kora to moi khan nalage.’
\v 15 Aru jitia tai rajyo paikena wapas ahi jaise, titia tai koise jun manu ke tai poisa dise tai khan ke mati kena tai usorte loi anibole, tate tai sabo kun pora bisi kaam kori kena labh paise.
\v 16 Poila ekjon tai usorte ahi kena koise, ‘Malik, apni poisa diya pora moi aru itu laga dos bhag dise kori dise.’
\v 17 Titia itu bhal manu pora taike koise, ‘Bisi bhal korise, bhal sewak. Kilemane tumi olop diya te bi bhal kaam kori kena thakise, tumi itu dosta sheher uporte adhikar chola bo.’
\v 18 Aru dusra jon bi ahise, aru koise, ‘Malik, apni pora panch poisa diya to moi pans bhag bisi kori dise.’
\v 19 Titia itu bhal manu taike koise, ‘Tumi bi bhal kaam korise itu nimite pansta sheher uporte tumi adhikar chola bo.’
\v 20 Aru tisra sewak ahise, aru koise, ‘Malik, itu apni diya laga poisa ase, moi itu loi kena kapra pora bandhi rakhise,
\v 21 kilekoile, moi apnike bhoi lagi thakise. Kilemane apni hisab kitab thik rakha manu ase. Apni ki joma nakore itu uthai aru ki narupai itu he kate.’
\v 22 Titia itu manu pora taike koise, ‘Tumi laga mukh pora he moi tumike bisar koribo, tumi biya sewak! Tumi jani thakise naki moi ekjon joborjosti kori thaka manu ase, aru moi ki joma nakore itu loi, aru ki nadhale itu kata manu ase?
\v 23 Titia hoile tumi itu poisa to kile poisa-ghor te joma kora nai, aru jitia moi ahibo, itu homoi te bisi labh hobo thakise?’
\v 24 Titia tai jun manu usorte khara kori thakise tai khan ke koise, ‘Tai logot pora poisa to loi lobi, aru jun logote dos bhag ase taike di dibi.’
\v 25 Kintu tai khan koise, ‘Malik, tai logote dos bhag ase.’
\v 26 ‘Moi tumi khan ke koi ase, jun manu logote bisi ase tai ke aru bi bisi dibo, kintu jun manu logote eku nai, ki tai logote ase itu bi loi lobo.
\v 27 Kintu itu moi laga dushman khan, jun manu moike tai khan uporte raj koribole dibo mon thaka nai, yate loikena anibi aru moi usorte morai dibi.’” \s5
\s Jerusalem Te Juwa
\p
\v 28 Jitia tai itu khan koise, Tai Jerusalem phale jai se.
\p
\v 29 Aru jitia Tai Bethphage aru Bethany usorte ahise, Olivet koikena ekta pahar te, Tai duijon chela ke pathaise,
\v 30 aru koise, “Tumi khan itu age te thaka bosti te jabi. Jitia tate punchibo, tumi khan tate kun pora bi naboha ekta ghora laga bacha ke bandi kena thaka dikhibo. Ituke khulikena yate loi anibi.
\v 31 Jodi kunba tumikhan ke hude, ‘Kile ituke khuli ase?’ Tumi khan itu kobi, ‘Probhu ke itu dorkar ase.’”
\v 32 Aru jun khan ke itu karone pathaise, taikhan pora thik eneka he dikhi paise.
\v 33 Jitia tai khan itu ghora bacha ke khuli thakise, malik ahikena tai khan ke koise, “Kile itu ghora bacha ke khuli ase?”
\v 34 Titia tai khan pora koise, “Probhu ke itu dorkar ase.”
\v 35 Titia tai khan Jisu usorte anise, aru tai khan laga kapra gadha uporte phelai dise aru Jisu ke gadha uporte bohibole dise.
\v 36 Aru jitia tai khan jai thakise, manu khan kapra ulai kena rasta te rakhi dise.
\v 37 Jitia Jisu Oliv pahar usorte ahi ponchise, aru chela aru manu khan dhanyabad dibole shuru hoise. Manu khan Jisu laga dangor kaam khan dikhi kena hala korikena Isor ke mohima dikena
\v 38 koise, “Asishit ase itu raja jun manu Probhu laga naam te ahise! Sorgo te shanti hobo aru sob untcha jagate mohima dibo!”
\v 39 Kintu kunba Pharisee manu khan majot pora koise, “Hikhok, Apni laga chela khan ke chup thakibole kobi.”
\v 40 Titia Jisu koise, “Moi tumi khan ke koi ase jodi tai khan chup thake, pathor khan pora he hala kori jabo.”
\p
\v 41 Aru jitia Jisu Jerusalem sheher usorte ponchise, Tai kandise,
\v 42 aru koise, “Aji tumi khan pora kineka shanti ahe itu jani thakile! Kintu tumi khan laga suku pora lukaikena ase.
\v 43 Tumi khan uporte eneka din khan ahibo jitia dushman khan pora tumi khan ke sob phale pora dhori rakhibo aru dewar bonai kena tumikhan ke sob kinar pora dabai dibo.
\v 44 Tumi aru tumi laga bacha khan ke mati te girai dibo. Tai khan ekta pathor bi tumikhan uporte nacharibo, kilemane itu laga homoi te ki dikhai dise, itu tumi khan janibole para nai.” \s5
\s Jisu Pora Mondir Ghor Sapha Kora
\p
\v 45 Jitia Jisu mondoli bhitorte ghusi se, Tai bhitorte bajar kori thaka manu khan ke khedai se,
\v 46 Tai khan ke koise, “Itu likha ase, ‘Moi laga ghor to prathana laga ghor hobo,’ kintu tumikhan chor laga ghor bonai dise.”
\p
\v 47 Aru Jisu mondoli te sikhai thakise. Itu homoite mukhyo purohit khan aru kanun likha khan aru Pharisee khan Jisu ke mora bole rukhi thakise,
\v 48 kintu kineka pora Tai ke dhoribo itu tai khan koribo para nai, kilemane sob manu Jisu laga kotha to huni kena bohi thakise.
\c 20
\s Jisu Laga Adhikar Huda
\p
\v 1 Ek din jitia Jisu ekta jagate manu khan ke mondoli te sikhai thakise aru susamachar prochar kori thakise, mukhyo purohit khan aru kanun jana manu aru cholawta khan Tai logot ahise.
\v 2 Tai khan pora Taike eneka koise, “Ami khan ke kobi ki adhikar pora Apni itu kori ase, aru kun ase jun pora itu koribole Apni ke adhikar dise.”
\v 3 Jisu tai khan ke koise, “Moi bi tumikhan ke ekta kotha hudibo, aru tumi khan Moi ke kobi.
\v 4 John laga baptizma: sorgo pora hoise na manu pora hoise?”
\v 5 Tai khan ekjon-ekjon logote kotha patikena, koise, “Jodi moi khan koi, ‘Sorgo pora ase,’ Tai kobo, ‘Tine hoile tumi khan tai ke kile biswas koranai?’
\v 6 Kintu amikhan jodi koi, ‘Manu pora ase’ koile, sob manu amikhan ke pathor maribo, kilekoile taikhan John to ekjon bhabobadi ase koikena biswas kore.”
\v 7 Tai khan Jisu ke koise itu kot pora ahise tai khan najane koikena.
\v 8 Titia Jisu taikhan ke koise, “Moi bi tumi khan ke nokobo ki adhikar pora Moi itu khan kori ase.”
\s Kheti Kora Manu Laga Dristanto \s5
\p
\v 9 Titia Tai manu khan ke itu dristanto koise, “Ekjon manu kheti te angur gash hali se, aru tai itu kheti kora manu khan ke di dise, aru tai dusra desh te bisi din nimite jai jaise.
\v 10 Aru jitia homoi ahise tai ekjon sewak ke kheti kora manu khan logot pathaise, kheti te ki phol ulaise, itu taike dibole nimite. Kintu kheti kora manu khan itu sewak ke marise aru khali hath pathai dise.
\v 11 Aru dusra manu ke pathaise, kintu taike bi marise aru bisi sorom khilai dise, aru taike khali hath pathai dise.
\v 12 Titia aru ekjon ke pathaise, kintu taike bi jokhom kori kena bahar te phelai dise.
\v 13 Titia kheti laga malik pora koise, ‘Moi ki koribo? Moi bisi morom kori thaka bacha ke pathai dibo. Eneka korile tai khan tai ke adar koribo pare.’
\v 14 Kintu jitia kheti kora manu khan pora taike dikhise, tai khan ekjon-ekjon logote kotha patise, aru koise, ‘Itu uttoradhikari ase. Ahibi tai ke morai dibo, titia itu sob kheti to moi khan laga hoijabo.’
\v 15 Aru tai khan pora chokra ke kheti pora bahar te phelai dise aru taike morai dise. Titia hoile kheti laga malik pora tai khan ke ki koribo?
\v 16 Tai ahi kena itu kheti kora manu khan ke khotom kori dibo aru itu kheti to dusra manukhan ke di dibo.” Kintu jitia tai khan itu hunise, tai khan koise, “Eneka kitia bi hobo nadibo!”
\v 17 Titia Jisu tai khan ke saikena koise, “Tinehoile itu likhi kena rakha to ki ase:
\q ‘Juntu pathor ghor bona manu khan pora phelai dise, itu pathor he ghor ke khara kori kena rakha pathor hoi jaise’?
\m
\v 18 Jun manu itu pathor te giribo, tai bhangi kena tukra hoija bo. Kintu jun manu uporte itu gire, taike mihin kori dibo.”
\s Caesar Ke Khajana Diya \s5
\p
\v 19 Titia kanun likha aru mukhyo purohit khan itu homoi te Tai uporte hath laga bole bisarise, kilemane taikhan jani jaise Jisu to itu dristanto taikhan nimite he koise. Kintu taikhan manukhan ke bhoi kori thakise.
\v 20 Itu karone Taike taikhan bhal korikena sai thakise, aru Tai pichete manu lagai dise, jun dharmik thaka nisena dikhai thakise kintu Jisu laga kotha khan te golti bisari thakise, aru taikhan laga cholawta khan laga aru rajyopal laga hath te di dibole karone.
\v 21 Titia taikhan pora Taike koise, “Probhu, moi khan jane Apni hosa kotha he sikhai, aru kun logote bi alag pora bebohar nakore, aru Apni Isor laga kotha to hosa pora sikhai.
\v 22 Moi khan Caesar ke poisa diya to kanun te thik ase, na nai?”
\v 23 Kintu Jisu taikhan laga chalaki jani jaise, aru taikhan ke koise,
\v 24 “Moike itu denarius dikha bi. Kun laga chehera aru kotha tate likha ase?” Titia tai khan koise, “Caesar laga.”
\v 25 Titia Tai koise, “Itu nimite ji to Caesar laga ase itu Caesar ke dibi aru ji to Isor ke dibo lage itu Isor ke dibi.”
\v 26 Itu kotha pora tai khan Jisu ke manu majot pora dhori bole para nai, kintu Jisu laga jowab te sob asurit hoi thakise, aru tai khan chup-chap hoi jaise.
\s Sadducee Khan Pora Punoruthan Laga Hudise \s5
\p
\v 27 Titia kunba Sadducee khan, kun khan jun jee utha te biswas nakore, Jisu usorte ahikena hudise,
\v 28 “Probhu, Moses pora moi khan ke likhise, jodi kunba laga bhai ase aru tai maiki chari kena mori jaise, aru tai bacha nai, tine hoile itu mori ja laga bhai to maiki ke lobo pare aru tai laga mori ja bhai naam te bacha jonom kori kena khandan ulabo pare.
\v 29 Tate sat-ta bhai thakise, aru dangor wala pora maiki ke shadi korise, kintu bacha nathakikena mori jaise;
\v 30 aru dusra pora maiki ke loise kintu tai bi bacha nathaki kena mori jaise.
\v 31 Aru tisra jon pora bi maiki ke loise, kintu tai bi eneka he mori jaise, aru itu nisena sath jon bi maiki ke loise, kintu tai bi bacha nathaki kena mori jaise.
\v 32 Aru hekh te maiki bi mori jaise.
\v 33 Itu nimite jee utha din te, tai kun laga maiki hobo? Kilemane tai sath jon laga bi maiki thakise.”
\v 34 Titia Jisu taikhan ke koise, “Itu yug laga chokra khan shadi kore aru shadi koribo nimite di diye.
\v 35 Hoilebi jun khan itu yug te thakibole nimite layak hoise, aru mori kena jee uthibo, taikhan to shadi bi nakore, aru shadi te bi nadiye;
\v 36 kilemane tai khan kitia bi namoribo, tai khan sorgoduth hoi jabo; aru tai khan jinda thaka Isor laga bachakhan ase kobo, kilemane taikhan jee utha laga chokra khan ase.
\v 37 Aru Moses pora bi juli thaka gash pora mori ja uthai diya dikhai dise, jitia tai Probhu ke Abraham laga Isor, Isaac laga Isor aru Jacob laga Isor matise.
\v 38 Etiya Tai to mora laga Isor nohoi kintu jinda khan laga ase, kilemane moi khan sob tai logote jinda ase.”
\v 39 Titia kunba kanun likha khan pora Jisu ke koise, “Probhu, Apni bhal pora koise.”
\v 40 Kilemane tai khan aru Tai ke hudibole himot kora nai.
\s Khrista Kun Laga Chokra Ase \s5
\p
\v 41 Titia Jisu tai khan ke koise, “Tai khan kineka kobo pare, Khrista to David laga chokra ase?
\v 42 David nijor pora Bhajan Geet laga kitab te likhise,
\q Probhu pora moi laga Probhu ke koise,
\q ‘Moi laga dyna hath te bohibi,
\q
\v 43 Jitia tak moi dushman khan ke tumi laga theng nichete giribole nadiye.’
\m
\v 44 David tai nijor pora Khrista ke ‘Probhu’ mate, tinehoile Tai kineka tai laga chokra hobo?”
\s Kanun Likha Khan Karone Hoshiar Koribi
\p
\v 45 Jitia sob manu khan huni thakise, Tai pora chela khan ke koise,
\v 46 “Itu kanun likha khan pora hoshiar thakibi, jun khan lamba kapra te berabole bisare, aru bajar te sob pora bhal jaga bisare, aru mondoli te sob pora untcha jagate bohibole bisare, aru kha luwa jaga te bi bhal he bisare.
\v 47 Bidhowa khan laga ghor khan khotom kori diye aru dikha bole nimite lamba prathana kore. Itu khan nisena pichete dangor sajai pabo.”
\c 21
\s Bidhowa Laga Daan
\p
\v 1 Etiya Jisu uporte saise aru dhuni manukhan pora taikhan laga dhun laga daan di thaka dikhise.
\v 2 Aru titia Tai ekjon gorib bidhowa aha dikhise aru tai logot duita poisa thaka ke daan te di dise.
\v 3 Titia Jisu koise, “Hosa pora Moi tumi khan ke koi ase, itu gorib bidhowa he sob pora bisi daan dise.
\v 4 Jiman manu daan dise tai khan logote bisi thaka hisab te dise. Kintu itu bidhowa, tai logote eku nai, hoilebi tai ki ase itu sob di dise.”
\s Mondir Ghor Nosto Hobole Age Te Jisu Pora Koi Diya
\p
\v 5 Aru jitia kunba manu khan mondir laga kotha koi thakise, kineka sundur pathorkhan aru manukhan laga daan pora mondir ke bonaise, Tai koise,
\v 6 “Itu tumi khan etiya dikhi thaka to, eneka din ahibo, jitia ekta pathor bi nabachibo aru juntu ekta uporte ekta ase, itu sob ke girai dibo.”
\v 7 Titia taikhan Taike, koise, “Hikhok, itu sob to kitia hobo, aru eneka din ahibole ase koikena moi khan kineka janibo?”
\v 8 Titia Tai koise, “Hoshiar thakibi aru kun pora bi tumike thogai dibo nadibi. Bisi manu Moi laga naam loikena ahibo, aru kobo, ‘Moi Jisu ase,’ aru ‘Homoi to usorte ahise.’ Tai khan laga piche najabi.
\v 9 Jitia tumi khan lorai aru jhagara laga kotha khan hunibo, bhoi nokoribi, kilemane itu khan sob poila hobo lagibo, kintu eneka sob hoilebi hekh homoi to itu khan huwa loge-loge te nahibo.”
\s Jati Majot Birodh Hobo
\p
\v 10 Titia Jisu taikhan ke koise, “Ekta desh pora dusra desh birodh te uthibo, aru ekta rajyo pora dusra rajyo logote lorai koribo.
\v 11 Aru dangor mati hili bo, khabole napabo aru alag kisim bemarkhan ulabo. Ekdom biya ghatna khan hobo aru itu logot te sorgo pora asurit chihna khan dikhibo.
\v 12 Kintu itu khan huwa agete, manukhan pora tumikhan laga uporte hath uthabo aru bisi dukh dibo, tumikhan ke mondoli khan aru bondhi ghor khan te bi hali dibo, raja khan aru rajyopal khan usorte anibo moi laga naam luwa nimite.
\v 13 Itu khan huwa pora tumi khan gawahi dibole nimite ekta bhal homoi hobo.
\v 14 Itu nimite nijor mon to shanti rakhibi aru homoi naha agete ki safai dibo lagibo itu nimite chinta nokoribi,
\v 15 kintu Moi tumi khan ke kotha kobole aru gyaan dibo, aru tate tumi khan usorte kun ahibo taikhan tumi laga kotha mana koribole naparibo.
\v 16 Kintu tumikhan laga nijor ama baba pora tumi ke chari dibo, aru bhai khan, aru ghor manu khan, sathi khan bi chari dibo, aru kunba ke to tai khan morai dibo.
\v 17 Moi laga naam nimite tumikhan ke sob manu pora ghin koribo.
\v 18 Kintu tumi laga matha te thaka ekta chuli bi naharabo.
\v 19 Kintu tumikhan nomro aru biswas te thakile tumi khan laga atma labh lobo.
\s Jerusalem Nosto Hobo Laga Jisu Age Te Kowa
\p
\v 20 Kintu jitia Jerusalem ke sipahi khan pora gherikena thaka dikhibo, titia jani lobo, khotom hobole homoi to ahise.
\v 21 Aru Judea te thaka khan pahar te polai jabi, itu jaga majote thakile chari kena jai jabi, aru jun manu itu desh bhitorte nai taikhan ke gushi bole nadibi.
\v 22 Itu din to niyai kora laga homoi ase, ki to likha ase itu pora hobole nimite.
\v 23 Kintu hai ase jun khan bacha bukhi ase, aru jun bacha khan ke sai ase! Itu jagate dangor dukh ahibole ase, aru manu khan uporte Isor laga khong ahibole ase.
\v 24 Taikhan nijor talwar laga dhar pora giri jabo, aru dusra desh te taikhan ke dhori kena loi jabo, aru Jerusalem to Porjati khan pora raj chola bo jitia tak Porjati khan laga homoi pura nohoi.
\s Manu Laga Chokra Aha
\p
\v 25 Aru chihna khan to suryo, chand aru tara khan ke dikhibo, aru prithibi te thaka desh khan sob samundar laga pani khan bisi hili thaka nisena dangor chinta hobo.
\v 26 Itu duniya te ki ahibole ase itu khan bhabikena bhoi pora manukhan behosh hoi jabo, kilemane sorgo laga takot to hilai dibo.
\v 27 Titia tai khan Manu laga Chokra badal te takot aru dangor mohima loi kena ahi thaka dikhibo.
\v 28 Jitia itu sob hoi thakibo, khara koribi aru matha to uporte uthai lobi, kilemane tumi ke bachai lobole usor hoise.”
\s Dimoru Gash Pora Sikha
\p
\v 29 Titia Tai taikhan ke ekta dristanto koise: “Sabi itu dimoru gash ke, aru sob gash khan ke.
\v 30 Jitia gash te phul ulai jai, tumi khan dikhi kena nijor pora jani jai gorom din ahi ase.
\v 31 Itu nisena, jitia tumikhan itu sob hoi thaka dikhibo, titia tumikhan jani lobi Isor laga rajyo usorte ahise.
\v 32 Hosa pora Moi tumi khan ke koi ase, etiya laga manu khan khotom hoi najabo jitia tak itu sob pura nohoi.
\v 33 Sorgo aru prithibi harai jabo, kintu Moi laga kotha ki koise itu kitia bi naharabo.
\s Tumikhan Nijor Hoshiar Koribi
\p
\v 34 Nijor ke bhal kori kena rakhibi, nisa pani khai kena tumi khan laga mon ke bhari koribole nadibi, aru jibon laga kiman chinta bhabona ase itu pora mon dukh nokoribo, kilemane itu din achanak pora bondh hoi jabo.
\v 35 Ekta jal phela nisena, jiman manu duniya te thaki ase taikhan uporte ahibo.
\v 36 Kintu sob homoi te hoshiar thakibi, prathana te takot koribi itu sob ki hobole ase itu khan pora polabole paribo nimite, aru Manu laga Chokra usorte khara koribole paribo nimite.”
\p
\v 37 Aru itu din khan te Tai mondir te sikhai thakise, aru rati te Tai Olivet pahar uporte jai kena thakise.
\v 38 Aru bisi phojurte manukhan Jisu laga kotha hunibole mondir te punchise.
\c 22
\s Jisu Ke Morai Dibole Buddhi Kora
\p
\v 1 Etiya Khomir Nadiya Roti Laga Utsov din, juntu ke Nistar mate, itu din usor ahi thakise.
\v 2 Mukhyo purohit khan aru kanun likha khan Jisu ke kineka morai dibole itu laga upai bisari thakise, kilekoile tai khan manu khan ke bhoi lagi thakise.
\s Judas Pora Jisu Ke Thogai Diya
\p
\v 3 Titia Saitan pora Judas bhitor te ghusi jaise, jun laga naam Iscariot bi asele, tai bi chela bhitorte ekjon thakise.
\v 4 Itu pichete Judas jaikena mukhyo purohit khan aru henedhikari khan logote kineka korikena Jisu ke dhoribo itu upai bisarise.
\v 5 Tai khan khushi paise, aru taike poisa dibole nimite kotha milaise.
\v 6 Aru itu koribole Judas mani loise, aru Jisu ke kineka pora manu nathaka homoi te dhoribo itu upai bisari thakise.
\s Chela Khan Logot Te Nistar Purbb
\p
\v 7 Aru khomir nadiya roti kha laga din ahise, itu din te Nistar laga mer ke bolidan koribole niom ase.
\v 8 Jisu pora Peter aru John duijon ke pathai kena koise, “Jaikena ami khan nimite Nistar naam pora kha luwa rakhibi, amikhan mili kena khabo.”
\v 9 Taikhan pora Taike koise, “Probhu kun jagate jaikena amikhan taiyar koribo?”
\v 10 Tai pora koise, “Sabi, jitia tumikhan sheher te ponchibo, ekjon manu pani laga baltin loikena thaka lok pabo. Tai laga piche jabi jun to ghor te tai ghuse.
\v 11 Titia ghor laga malik ke jaikena kobi, ‘Hikhok pora apni ke koi ase, “Bahar manu thakibole laga kamra to kot ase, jun jagate Moi laga chela khan ke loikena Nistar naam laga khana koribo?’”
\v 12 Titia tai tumikhan ke uporte loi jaikena dangor ekta bhal kamra dikha bo. Jaikena tate he taiyari koribi.”
\v 13 Aru tai khan jaikena Jisu kineka koise eneka he paise. Titia tai khan Nistar laga kha luwa jai kena taiyar korise.
\s Probhu Bhoj Sthapit Kora
\p
\v 14 Aru jitia homoi to ahise, Jisu bohi jaise aru Tai laga pasoni khan bi bohi jaise.
\v 15 Titia Tai koise, “Moi dukh napa agete tumi khan logote bohikena itu Nistar laga khana khabole mon thakise.
\v 16 Moi tumi khan ke koi ase, Moi itu nakhabo jitia tak itu sob Isor laga rajyo te pura nohoi.”
\v 17 Titia Jisu kup to loise, aru dhanyabad dikena koise, “Itu lobi, aru ekjon-ekjon logote bhag kori lobi.
\v 18 Moi tumikhan ke koi ase, etiya pora Isor laga rajyo naha tak, Moi itu angur ros laga pani napibo.”
\v 19 Jitia Tai roti to loise aru dhanyabad dise, Tai bhag korikena taikhan ke dise aru koise, “Itu Moi laga gaw ase juntu tumikhan karone dise. Moi ke yaad kori bole eneka koribi.”
\v 20 Tai kup to loi kena koise, “Itu kup to Moi laga khun te notun niom bonai ase, juntu tumikhan nimite bohi ulai ase.
\v 21 Kintu sabi, kun manu Moike dhoka dibo tai amikhan logote bohi ase.
\v 22 Manu laga Chokra ke ki hobole ase itu sob eneka he hobo. Kintu O jun manu pora Taike thogabole ase, tai hai paise!”
\v 23 Chela khan majote kotha patise ami khan majote kun pora eneka kaam koribo.
\s Sob Pora Dangor Kun Ase
\p
\v 24 Pichete chela khan majot jhagara ulaise kun he taikhan majote sob pora dangor hobo laga kotha te.
\v 25 Titia Tai koise, “Porjati laga rajakhan pora taikhan ke raj kore, aru taikhan uporte adhikari chola khan ke ‘bhal kori diya khan’ eneka mate.
\v 26 Kintu tumi khan eneka nakoribo lage. Tumi khan majote kun manu dangor bhabi thake tai sob pora chutu hobo lage; aru jun manu age te ase, tai to ekjon sewa kori thaka manu nisena hobo lage.
\v 27 Kintu bhabi sabi kun he dangor ase, khabole boha manu na sewa kora manu? Kun khabole bohi ase tai nohoi? Kintu Moi tumi khan majote ekjon sewak nisena ase.
\v 28 Kintu tumi khan Moi laga porikha te Moi logote ase.
\v 29 Moi tumi khan ke di ase jineka Amilaga, Baba pora Moi ke ekta rajyo dise,
\v 30 itu nisena tumi khan bi Moi laga rajyo te kha luwa koribo, aru tumi khan singhason te bohi kena Israel laga baroh jati uporte bisar koribo.
\s Peter Pora Ashikar Nakora Age Te Jisu Koi Diya
\p
\v 31 Aru Probhu koise, “Simon, Simon, sabi Saitan he tumike gehu dana nisena chani loise.
\v 32 Kintu Moi tumi nimite prathana korise, itu pora tumi laga biswas to naharabo; aru tumi, jitia ghurai ahibo, tumi laga bhai khan ke mojbut koribi.”
\v 33 Kintu Peter koise, “Probhu, moi Apni logot jabole taiyar ase, bondhi ghor te bi aru moribole bi.”
\v 34 Kintu Tai koise, “Moi hosa koise, Peter, murgi hala nakora agete tumi Moi ke najane koi kena tin bar misa kobo.”
\s Jisu Logot Pobitro Kitab Te Likha Pura Hobo
\p
\v 35 Jisu pora tai khan ke koise, “Jitia Moi tumikhan ke poisa laga jola, dorkar laga saman, aru juta noloikena jabole dise, titia kiba napuncha thakise naki?” Tai khan koise, “Eku komti huwa nai.”
\v 36 Titia Tai pora taikhan ke koise, “Kintu etiya, kun manu poisa laga jola ase tai loi lobi, aru itu nisena, ki saman laga jola ase, tai loi lobi, aru kun manu logote talwar nai tai nijor kapra bikiri korikena kini lobi.
\v 37 Moi tumi khan ke koi ase, ji kotha Moi nimite likha ase itu pura hobo lagibo, ‘aru Tai ke kanun nathaka khan logote ginti koridise.’ Kilemane ji kotha moi nimite koise itu sob pura hoi ase.”
\v 38 Aru tai khan koise, “Probhu, sabi! Yate duita talwar ase.” Itu nimite Tai taikhan ke koise, “Itu kafi ase.”
\s Oliv Pahar Te Prathana Kora
\p
\v 39 Aru bahar te ulai kena, adat pora kori thaka nisena, Tai Oliv Pahar te jaise, aru chela khan bi tai laga pichete jaise.
\v 40 Jitia taikhan ekta jagate ahise, Tai pora taikhan ke koise, “Prathana koribi tumi khan porikha te nagiribo karone.”
\v 41 Titia taikhan pora olop dur te jai kena, Tai mati te athukari kena prathana korise,
\v 42 aru koise, “Baba, jodi Apni itcha kore, itu kup to Moi pora hatai dibi. Kintu Ami laga itcha nohoi, Apni laga itcha hobole dibi.”
\v 43 Titia sorgoduth khan ahikena Jisu ke modot korise.
\v 44 Tai dukh pora prathana kora homoi te Tai laga posina khun hoi kena mati te giri thakise.
\v 45 Aru Jitia Tai prathana kori kena uthise, Tai laga chela khan usorte jaise, aru taikhan mon dukh pora ghumai thaka dikhise,
\v 46 itu nimite Tai pora taikhan ke koise, “Tumi khan kile ghumai ase? Uthibi aru prathana koribi, itu pora tumikhan porikha te nagiribo.”
\s Jisu Ke Thogai Kena Dhora
\p
\v 47 Aru jitia Tai kotha koi thakise, tate bisi manu ahi jaise, aru jun laga naam Judas thakise, baroh jon chela majot ekjon, tai age korikena manukhan ke loi anise. Tai Jisu usorte chuma dibole ahise.
\v 48 Kintu Jisu taike koise, “Tumi Manu laga Chokra ke chuma di kena thogai ase?”
\v 49 Aru jiman chela khan Jisu usorte khara asele, taikhan ki hobole ase jani jaikena Jisu ke koise, “Probhu, ami khan talwar ulai kena taikhan logote lorai koribo naki?”
\v 50 Titia maha purohit laga sewak ke chela ekjon pora dyna kan to kati phelai dise.
\v 51 Kintu Jisu taikhan ke koise, “Eneka nokoribi!” Aru Jisu he kan wapas lagaikena changai kori dise.
\v 52 Aru Tai ke dhori bole aha manu khan, mukhyo purohitkhan, aru mondoli laga henedhikari khan aru cholawta khan ke Tai koise, “Tumikhan talwar aru hathiar khan loikena ekjon chor manu ke dhura nisena ahise naki?
\v 53 Moi jitia mondir te hodai din tumi khan logote thakise, tumikhan moi uporte hath utha nai. Kintu etiya homoi tumikhan laga ase, aru andhar laga hokti ase.”
\s Peter Pora Jisu Ke Ashikar Kora
\p
\v 54 Aru taikhan Jisu Khrista ke dhurikena maha purohit laga ghor bhirorte loi jaise. Aru Peter bi tai khan laga pichete jai thakise.
\v 55 Itu pichete taikhan ghor baharte jui jolai kena eke logote bohise, aru Peter bi taikhan logot bohi thakise.
\v 56 Aru ekjon mahila sewak, Peter ke jui usorte bohi thaka dikhi kena koise, “Itu manu bi Jisu logote thakise.”
\v 57 Kintu Peter koise nohoi, “Mahila, moi Tai ke najane.”
\v 58 Aru olop pichete ekjon pora taike dikhise, aru koise, “Tumi bi Jisu logote beraise.” Kintu Peter koise, “Bhai moi nohoi.”
\v 59 Ek ghanta pichete aru ekjon ahikena koise, “Hosa pora, itu manu bi Tai logote thakise, tai bi ekjon Galilee laga manu ase.”
\v 60 Kintu Peter koise, “Bhai, moi najane tumi ki kotha koi ase.” Itu kotha koi thaka homoi te, ekta murga hala kori se.
\v 61 Titia Jisu ghuri kena Peter ke saise, aru titia Peter Jisu kowa kotha to mon te ahise, jitia Jisu koisele, “Tumi tin bar Moi ke ashikar kobo aru titia murga hala koribo.”
\v 62 Titia Peter bahar te jaikena tai laga mon tita hoikena bisi kandise.
\s Jisu Ke Hinsa Kora
\p
\v 63 Aru titia sipahi khan Jisu ke biya kotha koikena mari bole shuru hoise.
\v 64 Tai khan Jisu laga suku te kapra bandi kena, koise, “Bhabobani koribi! Kun pora tumi ke marise koi sabi?”
\v 65 Aru tai khan bisi bodnam aru biya kotha korikena Jisu ke sorom khilai se.
\s Sabha Te Jisu Ke Khara Kora
\p
\v 66 Aru jitia din hoise, bura manukhan ahi kena joma hoise, aru mukhyo purohit khan aru kanun likha khan, aru Jisu ke sabha te loi jaise,
\v 67 aru koise, “Jodi tumi Khrista hoi, ami khan ke kobi.” Kintu Tai koise, “Jodi Moi tumikhan ke koi, tumikhan kitia bi biswas nokoribo;
\v 68 aru Moi tumikhan ke hudile, tumikhan kitia bi Moi ke jowab dibole naparibo.
\v 69 Kintu etiya pora Manu laga Chokra ke Isor laga dyna hath te bohi thaka dikhibo.”
\v 70 Titia taikhan koise, “Itu karone, tumi Isor laga Chokra hoi naki?” Aru Tai koise, “Tumi khan he koi ase, Moi nohoi.”
\v 71 Taikhan koise, “Amikhan itu kotha agete aru ki jani bole gawahi lagi ase? Ami khan tai laga nijor mukh pora itu kotha huni loise.”
\c 23
\s Pilate Age Te Jisu
\p
\v 1 Titia sob manu uthi kena Jisu ke Pilate laga agete anise.
\v 2 Aru taikhan shuru hoise, aru koise, “Itu manu desh ke biya kori ase, aru Caesar ke saman dibole mana kore, aru tai nijor ke Khrista, ekjon raja ase koi.”
\v 3 Titia Pilate pora Tai ke hudise, “Tumi Yehudi manu laga Raja ase naki?” Kintu Tai jawab dise, “Tumi nijor itu koi ase.”
\v 4 Titia Pilate pora mukhyo purohit khan aru manukhan ke koise, “Moi itu manu uporte eku golti nadikhe.”
\v 5 Kintu taikhan itu mana nai aru, koise, “Tai manukhan ke loikena pura Judea te sikhai kena berai thake, Galilee pora shuru kori kena aru itu jaga te bi sikhai.”
\s Herod Age Te Jisu \s5
\v 6 Aru jitia Pilate itu hunise, titia tai hudise Jisu to Galilee laga ase naki koikena.
\v 7 Jitia tai janise Jisu uporte kanun chola bo nimite Herod laga hath te he adhikar ase, tai Herod usorte Tai ke pathai dise, Herod tai nijor bi Jerusalem te thakise.
\v 8 Aru jitia Herod pora Jisu ke dikhise, tai bisi khushi paise, kilemane tai Jisu ke bisi din pora sabole mon thakise, aru tai Jisu pora kiba ekta asurit chihna kora to sabole mon thakise.
\v 9 Titia tai Jisu ke bisi kotha hudise, kintu Tai eku jowab diya nai.
\v 10 Titia mukhyo purohit khan aru kanun likha khan khara hoise, aru Tai ke biya bebohar korikena sorom khilai se.
\v 11 Titia Herod aru tai laga sipahi khan bi milikena Jisu ke bisi ninda korise aru sorom khilai se. Tai ke raja laga bhal kapra lagai dise, aru Pilate usorte wapas pathai dise.
\v 12 Thik itu din te Pilate aru Herod bhal sathi hoi jaise, kintu olop din agete tai duijon bhitorte kotha namila thakisele.
\p
\v 13 Titia Pilate pora mukhyo purohit khan, cholawta khan aru kanun likha khan ke matise,
\v 14 aru taikhan ke koise, “Tumi khan itu manu ke moi logote anise aru koise tai pora manukhan ke phuslai ase, aru tumikhan usorte Ami taike hudise, kintu tumikhan Tai uporte ki arop lagai ase, moi itu manu uporte eku biya dikha nai.
\v 15 Aru Herod bi Tai uporte eku golti dikhanai, itu karone tai bi Jisu ke amikhan logote pathai dise, aru sabi, tai ke mora laga sajai dibole nimite eneka eku kaam kora nai.
\v 16 Itu nimite moi taike sajai dibo, aru chari dibo.”
\v 17 Kilemane Jerusalem te jitia dangor utsov hoi, niom pora duijon bhitorte ekjon bondhi ghor te thaka manu ke chari bole lage.
\s Jisu Krus Te Morai Dibole Pilate Pora Hukum Diya \s5
\v 18 Kintu taikhan sob hala korikena koise, “Itu, manu ke sajai dibi aru bodli te Barabbas ke chari dibi!”
\v 19 -Barabbas ke bondhi ghor te rakhise kilemane tai manu ke morai disele aru sheher te jhagara ulabole dise.-
\v 20 Aru Pilate pora manukhan ke aru kotha koise, tai Jisu ke chari bole mon thakise.
\v 21 Kintu taikhan aru bi hala korikena koise, “Krus te morai dibi, krus te morai dibi.”
\v 22 Pilate pora tin bar taikhan logote koise, “Kile, itu manu pora ki biya kaam korise? Moi Tai uporte eku golti dikha nai juntu pora Tai ke morai dibo lagise. Itu karone Tai ke sajai dikena chari dibo.”
\v 23 Taikhan sob awaj uthaikena khong pora mangise, aru jor pora hala kori thakise Jisu ke krus te morabo lage koikena.
\v 24 Itu pichete Pilate taikhan laga kotha mani loise.
\v 25 Barabbas ke bondhi ghor pora ajad kori dise, jun manu ke morai diya aru biya kaam kora ekjon dokait thakise. Kintu Jisu ke taikhan hath te di dise.
\s Krus Te Morai Diya
\p
\v 26 Manukhan Jisu ke bahar te loi jaise, aru ekjon manu Simon, Cyrene desh pora aha ke dhurikena, tai uporte krus dikena Jisu pichete te jabo dise.
\p
\v 27 Itu homoi te, bhir te manukhan aru maiki khan bisi mon dukh pora Tai usorte kandi thakise, aru Tai laga piche kori thakise.
\v 28 Jisu pora ghurikena taikhan ke koise, “Jerusalem laga suwali khan, Moi nimite nakandibi, kintu tumikhan nijor nimite aru bacha khan nimite kandibi.
\v 29 Kilemane sabi, eneka din ase jitia taikhan kobo,’ ‘Asishit ase itu bacha napa mahila khan aru jun laga pet pora bacha jonom huwa nai, aru dudh khila nai.
\v 30 Aru tai khan pahar ke kobo, ‘Ami khan uporte giri bi,’ aru pahar khan girikena ‘ami khan ke bondh kori dibi.’
\v 31 Jodi gash pata khan hara thaka homoi te eneka kore, tine hoile gash sukhi ja-a somoite ki halat hobo?”
\p
\v 32 Aru duijon dokait ke Jisu logote loi jaikena krus te morai dise.
\p
\v 33 Jitia itu jaga te ponchise, itu jaga laga naam to “Matha laga Hardi,” mate, taikhan tate Jisu ke krus te mari dise, aru duijon dokait ke bi Jisu laga dyna aru baya phale krus te mari dise.
\v 34 Titia Jisu koise, “Baba, taikhan ke maph kori dibi, tai khan ki korise itu taikhan najane.” Pichete taikhan Jisu laga kapra to chithi kheli kena bhag korise.
\v 35 Sob manu rukhi kena sai thakise. Aru titia cholawta manu khan Jisu ke sorom khilai kena koise, “Tai dusra ke bachaise. Etiya nijor ke bachai lobi, jodi Tai Isor laga Khrista, basi luwa jon to ase koile.”
\v 36 Sipahi khan bi Jisu ke sorom khilai se, aru tita pani dise,
\v 37 aru koise, “Apni jodi Yehudi khan laga raja ase koile, nijor ke bachai lobi.”
\v 38 Tai uporte ekta kotha likhi dise, “Jisu Yehudi khan laga Raja.”
\p
\v 39 Titia ekjon dokait Jisu usorte krus te thaka pora sorom khilai se Jisu ke koise, “Tumi Khrista nohoi naki? Tumi nijor ke bachai lobi aru amikhan ke bi bachai lobi.”
\v 40 Kintu dusra ekjon pora tailaga sathi ke koise, “Tumi Isor ke bhoi nalage naki, amikhan biya kaam kora nimite nijor sajai pai ase?
\v 41 Aru itu ami khan pabo lage, amikhan ki biya kaam korise itu hisab te he sajai pai ase. Kintu itu manu eku golti kora nai.”
\v 42 Titia tai koise, “Jisu, moi ke yaad koribi jitia Apni porom desh te jabo.”
\v 43 Titia Jisu taike koise, “Moi hosa koise, tumi aji Ami logote porom desh te thakibo.”
\s Jisu Mora
\p
\v 44 Kintu tin baji homoi te, achanak itu sob jaga te andhera ahi jaise.
\v 45 Suryo andhar hoi jaise aru Jerusalem mondir laga purdah phati jaise.
\v 46 Itu pichete jor pora awaj ulaikena Jisu koise, “Baba Apni laga hath te Moi laga Atma di ase.” Itu koikena Tai laga saas to chari dise.
\v 47 Aru jitia henedhikari pora itu dikhise, tai Isor ke mohima dise, aru koise, “Hosa pora Tai ekjon dharmik manu thakise.”
\v 48 Jiman bhir itu sabole ahise, taikhan ki hoise itu dikhise, aru nijor chati te marikena jai jaise.
\v 49 Kintu jun manu Tai ke bhal pora jane, aru jiman mahila khan Galilee pora Tai logot ahise taikhan dur pora ki hoi ase itu sai thakise.
\s Jisu Ke Kobor Diya
\p
\v 50 Itu homoite ekjon manu Joseph koikena jun sabha te ekjon hisa thaka manu asele aru tai bhal aru dharmik manu asele.
\v 51 -Tai sabha laga dusra manukhan logote kotha mila nai.- Tai Arimathea sheher laga Yehudi manu thakise, aru tai bi Isor laga rajyo ahibole nimite rukhi thakise.
\v 52 Tai Pilate, usorte jaikena Jisu laga gaw mangise.
\v 53 Aru tai krus pora gaw namaise, aru sapha mihin kapra pora Jisu laga gaw to bandi dise, aru pathor katikena kobor bonai rakha jagate Jisu ke rakhise, jun jagate kitia bi manu ke rakha nai.
\v 54 Titia Jugut Din punchise, aru Bisram din shuru hobole asele.
\v 55 Aru Galilee pora jiman khan Jisu piche kori thakise, taikhan jaikena kobor ke saise jun jagate Jisu laga gaw rakhise.
\v 56 Aru mahila khan wapas jai kena mitha sugandh tel aru dawai khan Jisu laga gaw te lagabole nimite jugut korise. Aru taikhan niom hisab te Bisram din to pobitro rakhikena aram korise.
\c 24
\s Punoruthan
\p
\v 1 Etiya hapta laga poila din te, taikhan kobor usorte ahise, mitha sugandh tel aru dawai jugut korikena anise.
\v 2 Kintu taikhan dikhise kobor bondh kori kena rakha pathor to hataikena ase,
\v 3 kintu taikhan bhitorte jaikena Probhu Jisu laga gaw to dikha nai.
\v 4 Aru eneka hoise, jitia kobor te Jisu laga gaw dikhanai, tai khan asurit hoise. Aru achanak pora, duijon manu boga kapra lagai kena taikhan usorte khara hoise.
\v 5 Aru, mahila khan bhoi lagikena matha niche korikena matite girise, itu manukhan pora mahila khan ke koise, “Tumikhan jinda manu ke mora khan majote kile bisari ase?
\v 6 Tai yate nai, kintu jinda hoise! Yaad koribi kineka Tai tumikhan ke koisele Galilee te thaka homoi te,
\v 7 koisele Manu laga Chokra kineka paapi manu hath te di dibo aru Tai ke krus te morai dibo, aru tin din te Tai aru bi jinda hoi jabo.”
\v 8 Titia mahila khan itu kotha mon te yaad ahise,
\v 9 aru jitia kobor pora wapas jaise, taikhan jai kena egaroh jon chela aru sob manukhan ke khobor di dise.
\v 10 Aru Mary Magdalene, Joanna, aru Mary James laga ama aru mahila khan jaikena chela khan ke khobor di dise.
\v 11 Kintu itu khobor to chela khan misa bhabise, aru mahila khan kowa kotha to biswas kora nai.
\v 12 Hoile bi Peter, khara koikena, Jisu laga kobor te polai kena jaise, aru usor pora sai se aru khali Jisu ke bandi rakha kapra he dikhise. Aru tai bahar te ulaikena ki hoise itu bhabise.
\s Emmaus Te Juwa Rasta Te
\p
\v 13 Etiya sabi itu din te, duijon manu ekta bosti te jai thakise. Jerusalem pora sath mil dur thaka Emmaus bosti te.
\v 14 Itu din khan te ki hoise itu khan sob laga kotha khan koikena jai thakise.
\v 15 Aru eneka hoise, tai khan kotha patikena jai thaka homoite, Jisu tai khan usorte ahi kena taikhan eke logote jai thakise.
\v 16 Kintu taikhan suku pora Jisu ke chini bole para nai.
\v 17 Titia Jisu taikhan ke koise, “Tumi khan ki kotha patikena mon dukh pora jai ase?” Tai khan khara hoi jaise, mon dukh pora.
\v 18 Kintu ekjon Cleopas pora Jisu ke koikena hudise, “Apni Jerusalem te ekla ahise naki aru ki hoise itu najane?”
\v 19 Titia Jisu taikhan ke koise, “Yate ki hoise?” Taikhan koise, “Nazareth Jisu laga kotha, kun ekjon manu thakise, aru asurit kaam aru kotha para Isor usorte aru sob manu nimite Tai ekjon dangor bhabobadi thakise,
\v 20 Aru mukhyo purohit khan aru cholawta khan pora Tai ke dhorise aru bodnam korikena krus te morai dise.
\v 21 Kintu moi khan biswas kori thakise Tai he Israel manu ke mukti dibo. Kintu itu sob pura hoi kena, aji tin din hoi jaise.
\v 22 Kintu kunba mahila khan kobor te joldi jaikena, amikhan ke ahi kena asurit kotha koise.
\v 23 Aru taikhan Jisu laga gaw to kobor bhitor te dikhanai, taikhan sorgoduth khan ke darshan korise koise aru Tai jinda ase koise.
\v 24 Kintu amikhan logote thaka kunba kobor sabole jaise aru jineka mahila khan pora koise eneka he dikhise, kintu Jisu ke tate dikhanai.”
\v 25 Titia Jisu taikhan ke koise, “O murkho aru mon chutu kori thaka khan jun khan bhabobadi khan pora ki koise itu sob ke biswas kore!
\v 26 Itu dorkar thaka nai naki Khrista dukh paikena, aru bi Isor laga mohima te huma bole?”
\v 27 Moses pora suru korikena aru kiman bhabobadi khan thakise, taikhan ke ki pobitro kotha te Tai nimite likha ase itu bujhi bole dise.
\v 28 Taikhan jabole thaka bosti te ponchise, aru Jisu age te jabo nisena korise.
\v 29 Kintu taikhan pora Tai ke anurodh korikena koise, “Amikhan logote thakibi, aji laga din to khotom hobole hoise.” Aru Jisu taikhan logote thakibole jaise.
\v 30 Aru eneka hoise, jitia taikhan eke logote bohise, Tai roti loise, aru asirbad korise, aru bhangi kena taikhan ke dise.
\v 31 Titia taikhan laga suku khuli se, aru taikhan Tai ke chini paise, aru Jisu taikhan usor pora Atma hoikena jai jaise.
\v 32 Taikhan ekjon-ekjon logote kotha patise, “Moi khan laga mon to joli thaka nai naki, jitia Tai amikhan logote ahi thakise, aru jitia Isor laga kotha to puri kena hunai sile?”
\v 33 Itu homoi te taikhan uthise, aru Jerusalem te wapas jaise. Egaroh chela khan eke logote joma hoi thakise, aru dusra khan bi eke logote thakise.
\v 34 Aru koise, “Hosa pora Probhu jinda hoise, aru Simon usorte ahise.”
\v 35 Titia rasta te ki hoise itu sob taikhan ke koi dise, kineka Jisu amikhan ke dikhai dise jitia Tai roti bhangise.
\s Jisu Tai Laga Chela Khan Ke Dikhaise
\p
\v 36 Jitia taikhan itu kotha khan koi thakise, Jisu taikhan majote ahikena khara hoikena koise, “Tumikhan uporte shanti thakibi.”
\v 37 Kintu taikhan asurit hoise, aru bisi bhoi lagise, taikhan bhabise ekjon atma taikhan laga usorte ahise.
\v 38 Titia Jisu taikhan ke koise, “Tumi khan kile bhoi lagise, aru kile mon te alag bhabona kori ase?
\v 39 Ami laga hath aru theng to sabi, itu Moi he ase. Moi ke chui kena sabi kile atma to mangso aru hardi nathake, kintu Moi logot itu khan thaka tumikhan dikhi ase.”
\v 40 Jitia Tai itu kotha koise, Tai laga hath aru theng taikhan ke dikhai dise.
\v 41 Aru itu homoite taikhan bisi asurit aru khushi pora biswas nakora nisena hoi jaise, Tai aru taikhan ke koise, “Tumi khan logote kiba khabole ase naki?”
\v 42 Titia taikhan Jisu ke jolai rakha maas khabole dise,
\v 43 aru taikhan usorte Jisu itu loikena khaise.
\p
\v 44 Titia tai koise, “Itu Ami laga kotha ase, Ami jinda thaka homoite tumikhan ke ki koisele, Moses laga kitab te aru bhabobadi khan aru Bhajan Geet te Ami nimite ki likha ase, itu sob pura hobo lage.”
\v 45 Titia Isor laga kotha bujhi bole tai khan laga dimag khuli dise, itu pichete Jisu taikhan ke koise,
\v 46 “Itu nimite kotha likha ase: Khrista dukh pabo, aru mora pora tin din te jee uthibo;
\v 47 aru mon ghura bole aru paap pora khyama pabole sob desh te prochar koribo, Jerusalem pora shuru hobo.
\v 48 Tumikhan itu sob laga gawahi hobo.
\v 49 Moi tumikhan ke Baba pora ki kosom dise, itu te pathai ase. Kintu tumi khan itu sheher chari kena najabi jitia tak sorgo laga takot tumikhan uporte nahe.”
\s Sorgo Te Uthi Juwa
\p
\v 50 Aru Jisu taikhan ke olop dur Bethany te loi jaise, aru Tai laga hath uthaikena, taikhan ke asirbad korise.
\v 51 Etiya eneka hoise, jitia Tai pora taikhan ke asirbad kori thakise, itu somoi te badal ahikena Jisu ke uthaikena sorgote loi jaise.
\v 52 Tai khan Jisu ke mohima kori thakise, aru khushi anondo pora Jerusalem te wapas jaise,
\v 53 aru taikhan mondir te jaikena Isor ke dhanyabad aru aradhana kori thakise.