BCS-BIBLE_IndianStandardVersion-Nagamese-NT/Stage 3/45ACTIRVNag.SFM

\id ACT - Indian Revised Version (IRV) Nagamese
\ide UTF-8
\h Acts
\toc1 Pasoni Khan Laga Kormo Khan
\toc2 Acts
\toc3 Act
\c 1
\s Pobitro Atma Laga Protigya
\p
\v 1 O Theophilus, moi laga prothom kitab te, Jisu pora ki hikai se aru ki korise,
\v 2 Tai ke sorgo te loi najuwa din tak, aru Pobitro Atma laga hokti pora Tai nijor basi luwa pasoni khan ke hukum diya khan laga likhi dise.
\v 3 Tai bisi dukh korikena aru jee uthi ja-a pichete, chalis din tak Tai hosa pora jinda hoise koikena dikhai dise, aru Isor rajyo laga kotha taikhan ke koi dise.
\v 4 Tai jitia taikhan logote thakise, tai hukum dise Jerusalem chari kena najabole, aru Baba laga itcha rukhi thakibole juntu laga kotha Tai koise, “Tumi khan itu kotha moi pora huni loise
\v 5 John to pani pora Baptizma dise, kintu tumikhan to olop din pichete Pobitro Atma pora baptizma pabo.”
\s Uthi Juwa
\p
\v 6 Jitia taikhan eke loge joma korise, titia tai khan eneka hudise, “Probhu Apni itu homoi te Israel laga rajyo wapas dibo naki?”
\v 7 Kintu Tai taikhan ke koise, “Itu tumi khan janibole din aru homoi aha nai, Baba he nijor adhikar aru hokti pora koribo.
\v 8 Kintu tumi khan hokti pabo, jitia Pobitro Atma ahibo, aru tumikhan Moi laga gawahi dibo, Jerusalem te, aru Judea aru Samaria te aru prithibi laga sob jaga te.”
\v 9 Jitia Probhu Jisu taikhan ke itu kotha khan koi dise, aru taikhan upor phale sai thakise, titia Tai ke uporte uthai loi jaise, aru badal ahi kena tai ke bondh kori dise aru tai khan laga suku pora eku nadikha hoi jaise.
\v 10 Jitia tai khan Jisu ke sorgo te loi jai thaka to sai thakise, achanak pora, duijon manu boga kapra lagai kena tai khan usorte khara hoi jaise.
\v 11 Aru koise, “Galilee laga manu khan, tumikhan kile sorgo phale sai kena khara kori ase? Jisu jun ke sorgo te loi jaise, Tai ke sorgo te loi juwa dikha nisena aru Tai wapas eneka aha dikhibo.”
\s Judas Bodli Matthias Ke Basi Luwa
\p
\v 12 Titia taikhan Jerusalem te ahise, Oliv Pahar pora, jun to Jerusalem pora ekta Bisram din nisena dur te ase.
\v 13 Taikhan ponchi kena upor kamra te jaise, aru tate Peter, James, John, aru Andrew, Philip aru Thomas, Bartholomew, Matthew, Alpheus laga chokra James, Simon Zealot aru James laga chokra Judas khan bohi thakise.
\v 14 Taikhan sob eke mon hoi kena prathana kori se, tate mahila khan bi thakise, aru Jisu laga ama Mary aru Tai bhai khan bi thakise.
\p
\v 15 Aru itu homoi te eksoh bis nisena bhai khan joma thakise, titia Peter koise,
\v 16 “Bhai khan, Isor kotha te ki likha ase itu pura hobo lagibo, Pobitro Atma dwara David laga mukh pora Judas nimite koi di sele, jun he Jisu ke dhoribole manu khan ke loi anise.
\v 17 Kilemane taike bi amikhan logote ginti korise, aru Isor laga kaam koribole tai laga bhag bi thakise.”
\v 18 - Ekjon manu tai laga letera kamai pora kheti kinise, aru itu jagate tai poila matha ulta kori kena girise, aru tai laga pet phati jaise, aru pet nari sob bahar te ulai jaise.
\v 19 Aru Jerusalem te thaka manu sob itu kotha janise, aru titia tai khan nijor kotha pora itu kheti laga naam “Akeldama,” rakhi dise juntu laga motlob ase, “Khun laga Kheti.”-
\v 20 “Kilemane Bhajan Geet laga Kitab te likha ase,
\q ‘Tai laga kheti khali hoi jabo,
\q Tate kun ke bi thakibole nadibi,’
\q Aru ‘kunba pora tai laga kaam to loi lobole dibi.’
\m
\v 21 Itu dorkar ase, kilemane, Probhu Jisu thaka homoi pora Tai naja tak kun khan amikhan logote thakise,
\v 22 shuru pora John ke baptizma diya homoi aru Jisu ke amikhan logot pora uthai loi naja tak- itu majot pora, ekjon manu amikhan logote mili kena Tai arubi jee uthi ja-a laga gawahi koribole lage.”
\v 23 Aru taikhan duijon manu ke age te rakhise, Joseph jun ke Barsabbas aru Justus bi mate, aru Matthias.
\v 24 Aru taikhan prathana korikena koise, “Apni, Probhu, sob manu laga mon jane, itu nimite duijon majote kun ke basi loise itu jonai dibi
\v 25 kun he sewa laga jaga lobo juntu Judas pora chari kena nijor jagate jai jaise.”
\v 26 Titia taikhan chithi korise, aru chithi te Matthias laga naam ulaise, aru egaroh jon chela majote tai bi ginti hoi jaise.
\c 2
\s Pobitro Atma Aha
\p
\v 1 Jitia Pentecost din ahise, taikhan sob ek jagah te joma hoise.
\v 2 Aru achanak tate awaj ekta sorgo pora ahise, aru tai khan bohi thaka pura ghor to bhorta hoi jaise.
\v 3 Titia taikhan agete juli thaka jui nisena ulaise, aru ekjon-ekjon uporte bohi jaise.
\v 4 Aru taikhan sob Pobitro Atma pora bhorta hoise aru alag kotha pora kobole shuru hoise, Atma pora tai khan ke dusra bhasa pora kobole sikhai dise.
\p
\v 5 Aru Jerusalem te Isor jana Yehudi manu khan thakise, aru taikhan akas nichete thaka sob desh pora ahikena tate thakise.
\v 6 Aru jitia itu awaj ulaise, tate manu khan sob ahi kena asurit lagise kilemane tai khan nijor laga kotha pora koi thaka hunise.
\v 7 Titia taikhan sob asurit hoi jaise; aru tai khan koise, “Sabi, itu kotha koi thaka khan Galilee manu khan nohoi naki?
\v 8 Tine hoile kineka taikhan laga mukh pora amikhan ki kotha koi kena jonom korise itu kotha koi ase?
\v 9 Parthia laga aru Mede aru Elam laga, aru kun Mesopotamia te thake, Judea aru Cappadocia, Pontus aru Asia te,
\v 10 Phrygia aru Pamphylia, Egypt aru Cyrene usorte Libya, aru Rome phale jai thaka manu khan,
\v 11 aru Yehudi aru proselyte khan, Crete manukhan aru Arab manukhan, tai khan Isor laga dangor aru asurit kaam kora to amikhan laga bhasa pora koi thaka to hunise.”
\v 12 Tai khan sob asurit pora bhabona kori kena, aru ekjon-ekjon ke koise, “Itu laga ki motlob ase?”
\v 13 Kintu dusra khan pora sorom khilai kena koise, “Taikhan nisa pani kori kena ase.”
\s Pentecost Din Te Peter Laga Susamachar
\p
\v 14 Kintu Peter egaroh jon logote khara hoi kena jor pora taikhan ke koise, “Judea laga manu khan aru Jerusalem te thaka khan, apnikhan itu jani lobi, aru moi ki koi ase itu bhal kori kena huni lobi.
\v 15 Kintu itu manu khan to apni khan pora bhabona kora nisena nisa pani khai kena thaka nohoi, kilemane etiya phojur nou-baji he ase.
\v 16 Kintu itu kotha bhabobadi Joel pora koise:
\q
\v 17 ‘Eneka hekh din te hobo, Isor pora koise,
\q Moi laga Atma sob manu uporte di dibo
\q Tumi khan laga chokra chukri khan pora bhabobani koribo,
\q Aru jawan manu khan darshan pabo,
\q Aru bura manu khan sapna dikhibo.
\q
\v 18 Aru Moi laga sewak aru mahila sewak khan uporte
\q Moi laga Atma di dibo, aru tai khan bhabobani kobo.
\q
\v 19 Moi akas
\q Aru prithibi te asurit kaam dikhai dibo,
\q Khun aru jui aru dhuwa laga bhap.
\q
\v 20 Titia suryo to andhera hoi jabo
\q Aru chand to khun nisena dikhibo,
\q Probhu laga dangor mohima din naha agete itu khan sob hobo.
\q
\v 21 Aru jun manu hekh homoi tak Probhu laga naam loi kena thake tai bachi jabo.’
\m
\v 22 Israel laga manu khan, itu kotha huni bi, Nazareth Jisu eneka manu thakise jun ke Isor pora tumi khan nimite pathai dise dangor aru asurit kaam koribole nimite, aru itu sob Isor pora Probhu Jisu ke loi kena korise, aru itu sob tumi khan pora dikhise.
\v 23 Itu manu, Isor pora kineka age pora bhabona korise aru tai laga gyaan pora, Jisu ke biya manu hath te di dise, aru tumi khan Tai ke gojal mari kena ekta krus te morai dise.
\v 24 Tai ekjon ase jun ke Isor mora pora jinda kori dise, mora pora tai ke chari dise, kilemane Tai ke mora pora aru bandhi rakhibole para nai.
\v 25 Kilemane David Tai nimite koise,
\q ‘Moi Probhu ke hodai moi laga chehera usorte dikhe,
\q Tai moi laga dyna hath te thake, moi biya rasta te najabo nimite.
\q
\v 26 Itu karone, moi laga mon khushi ase aru moi laga jiba pora dhanyabad kore.
\q Aru, moi laga gaw bi biswas te jinda thakibo.
\q
\v 27 Kilemane apni moi laga jibon mora manu laga desh te chari nadibo,
\q Aru Apni laga Pobitro Jon ke puchibo nadibo.
\q
\v 28 Apni moi ke jibon laga rasta dikhai dise;
\q Aru apni laga usorte moi ke khushi pora bhorta kori dibo.’
\m
\v 29 Bhai khan, moi apni khan usorte khuli kena David pora ki kaam korise itu kobole pare, tai morise aru taike kobor dise, aru tai laga kobor aji tak amikhan logote ase.
\v 30 Itu karone, tai ekjon bhabobadi thakise aru jani thakise Isor tai logote kosom khai se, tai laga khandan pora ekjon ulabo aru uthai kena Tai laga singhason te bohai dibo.
\v 31 Aru aha din te ki hobole ase itu sob to dikhi kena, tai Khrista mora pora jinda huwa laga kotha koise,
\q ‘Tai ke Hades te bi chari diya nai, aru Tai laga gaw bi puchi janai.’
\m
\v 32 Jisu ke Isor he jinda kori dise, aru amikhan sob itu laga gawahi ase.
\v 33 Itu nimite Tai ke Isor laga dyna hath te bohai kena uthai dise aru Baba Isor pora Tai laga Pobitro Atma amikhan uporte di dise, juntu apnikhan dikhi ase aru hunibole pari ase.
\m
\v 34 Kilemane David to sorgote uthai loi juwa nai, kintu tai nije koise,
\q ‘Probhu he moi laga Probhu ke koise, “Ami laga dyna hath te bohibi,
\q
\v 35 Jitia tak tumi laga dushman khan ke tumi laga theng rakha jaga bonai nadiye.’”
\m
\v 36 Itu karone, Israel te jiman ghor ase itu jani lobi, Isor pora Tai ke Probhu aru Khrista bonai dise, itu Jisu, jun ke tumi khan krus te morai dise.”
\p
\v 37 Jitia itu kotha hunise, taikhan mon te jokhom paise, aru Peter aru tate thaka pasoni khan ke koise, “Bhai khan, amikhan ki koribo?”
\v 38 Titia Peter taikhan ke koise, “Mon ghura bi, moi koi ase, aru baptizma koribi, sob manu, Jisu Khrista naam pora, nijor laga paap nimite, titia tumi khan Pobitro Atma laga inam pabo.
\v 39 Kilemane itu Isor laga kosom apni aru apni khan laga bacha khan nimite ase, aru Probhu Isor pora jun ke matibo, tai khan nimite bi ase.”
\v 40 Tai aru bisi kotha pora gawahi dikena taikhan ke samjai se, aru koise, “Nijor ke biya manu khan pora bachai rakhibi.”
\v 41 Titia tai khan sob huni kena baptizma loise, aru tin hajar jon thaka logote tai khan ke bi ginti kori loise.
\s Biswasi Khan Majote Sob Saman Eke Bhag Kora \s5
\v 42 Aru taikhan pasoni khan pora ki sikhai dise itu kotha khan koi jai thakise aru ekjon-ekjon logote girja kori thakise, aru roti bhangai kena prathana te thakise.
\p
\v 43 Aru sob logote bhoi ahi jaise, aru pasoni khan dwara asurit kaam korise.
\v 44 Aru biswasi khan logote mili kena thakise, aru sob kaam mili kena kori thakise.
\v 45 Aru taikhan nijor dhun-sampoti aru saman sob bikiri kori kena kun ke lage tai khan ke bhag kori dise.
\v 46 Aru hodai din ekta bhabona loi kena mondir te kaam kore, aru ekjon-ekjon logote khushi aru mon sapha pora ghor te roti bhangai kena,
\v 47 aru hodai Isor ke dhanyabad korikena, aru sob logot pora morom pai kena thakise. Aru hodai jiman Probhu logot biswas kori loi, tai khan majote ginti hoi thakise.
\c 3
\s Lengra Bhikari Bhal Huwa
\p
\v 1 Itu homoi te Peter aru John prathana koribole mondir te jai thakise.
\v 2 Titia tate ekjon manu ama laga pet pora berabole napara thakise, aru manu khan pora hodai taike bukhi kena mondir laga dorja Sundur koikena mata jagate rakhi diye, taike mondir te aha manu khan pora poisa mangibo nimite.
\v 3 Tai kitia Peter aru John ke mondir bhitorte jai thaka dikhise, taikhan ke poisa mangise.
\v 4 Kintu Peter aru John tai ke bhal kori sai se aru koise, “Amikhan phale sabi.”
\v 5 Titia itu bera bole napara manu tai khan ke sai se, aru bhabise kiba tai khan pora pabo.
\v 6 Kintu Peter koise, “Suna aru chandi moi logot nai, kintu ki moi logot ase, itu moi tumike dibo. Nazareth Jisu Khrista naam pora koi ase, uthi kena berabi.”
\v 7 Aru Peter tai laga dyna hath dhori kena khara kori bole dise, aru itu homoi te theng laga hardi khan te takot ahi jaise.
\v 8 Titia itu manu khara hoi kena bera bole shuru hoise; aru tai khan logote mondoli bhitor te jaise, kudi kena aru berai kena Isor ke dhanyabad dise.
\v 9 Aru sob manu tai ke berai kena Isor ke dhanyabad kora dikhise.
\v 10 Aru manu khan tai ke dikhi kena jani loise tai kun ase, tai jun mondir laga Sundur dorja te bhik mangi thake; aru tai logot ki hoise itu dikhi kena taikhan bisi asurit hoi jaise.
\s Peter Pora Kotha Kowa
\p
\v 11 Aru tai Peter aru John logote jai thaka karone, sob manu polai ahi kena Solomon laga veranda kowa jaga te joma hoise aru tai khan bisi asurit pora sai thakise.
\v 12 Jitia Peter itu dikhise, tai manu khan ke koise, “Israel laga manu khan, itu dikhi kena kile iman asurit lagi ase? Aru kile amikhan ke eneka sai ase, amikhan laga hokti pora nohoile amikhan bisi bhal manu huwa pora taike berabo paribole diya nisena?
\v 13 Abraham laga Isor, Isaac aru Jacob laga Isor, ami khan Baba laga Isor, Tai laga sewak Jisu ke mohima kori dise, tumi khan tai ke swekar kora nai aru Pilate laga hath te di dise, jitia Pilate pora Jisu ke chari dibo koise itu bi tumi khan mana nai.
\v 14 Tumi khan Pobitro aru dhormik ekjon ke luwa nai, aru manu morai diya ekjon ke chari dibole binti korise.
\v 15 Kintu Jibon diya ke morai dise, jun ke Isor he mora pora aru jinda kori dise- aru amikhan utu laga sakhi ase.
\v 16 Etiya, Jisu laga naam te aru biswas pora apnikhan jun ke dikhi ase tai ke takot kori dise. Jisu laga naam te aru Tai dwara thaka biswas pora itu manu ke apni khan sob usorte pura bhal kori dise.
\v 17 Etiya, bhai khan, moi jane apni khan najani kena kori dise, aru tumi khan laga cholawta khan bi eneka korise.
\v 18 Kintu ji kotha Isor he tai laga bhabobadi khan mukh pora koi dise, Tai laga Khrista dukh pabo, aru Tai itu purah kori dise.
\v 19 Mon ghura bi, aru, titia nijor paap pora maph pabo,
\v 20 Probhu laga asirbad apni khan logote notun korikena ahibo; aru Tai apni khan nimite basi kena rakhi diya ekjon, Jisu Khrista ke pathai dibo.
\v 21 Tai ke sorgo te loi najabo jitia tak sob kaam pura nohoi, aru ji kotha Isor pora Tai laga pobitro bhabobadi khan laga mukh pora koi di sele itu pura nohua tak.
\v 22 Moses pora koise, ‘Probhu Isor pora tumi khan nimite bhai khan majot pora moi nisena ekjon bhabobadi ulai dibo, aru tai ki kotha kobo itu tumi khan sob hunibo.
\v 23 Aru kun itu bhabobadi laga kotha nahunibo, itu bhabobadi pora tai ke manu laga majot pora khotom kori dibo.’
\v 24 Aru Samuel pora loi kena jiman bhabobadi khan tai piche te ahise, taikhan sob pora itu din laga kotha he koise.
\v 25 Apni khan bhabobadi laga bacha khan ase, aru Isor pora apnikhan laga baba khan logote kowa nisena, Abraham ke koise, ‘Aru tumi laga bijon pora duniya te sob parivar asishit hobo.’
\v 26 Jitia Isor pora Tai laga sewak ke mora pora jinda kori dise,Tai pora Tai ke tumi khan usorte poila pathai dise, tumi khan laga biya kaam pora ghurai kena loi anibo aru asirbad dibo nimite.”
\c 4
\s Peter Aru John Sabha Age Te
\p
\v 1 Jitia Peter aru John manu khan logote kotha kori thakise, purohit khan aru mondir laga henedhikari khan aru sadducee khan taikhan duijon logot te ahise.
\v 2 Tai khan bisi chinta hoi jaise, kilemane Peter aru John duijon to Jisu mora pora jinda uthi jaise koi kena manu khan ke sikhai thakise.
\v 3 Aru taikhan duijon ke dhori kena dusra din tak bondhi ghor te rakhi dise, kilemane saam hoi ja karone.
\v 4 Kintu jiman manu itu kotha hunise tai khan biswas korise; aru biswas kora manu khan sob milai kena panch hajar nisena hoi jaise.
\v 5 Aru dusra din te cholawta aru bura manu khan aru kanun likha khan sob Jerusalem te joma hoise.
\v 6 Aru Annas moha purohit bi tate thakise, aru Caiaphas, John aru Alexandra aru jiman dangor purohit sob joma hoise.
\v 7 Aru jitia Peter aru John ke tai khan laga majote rakhise, tai khan ke hudise, “Kun laga takot aru kun laga naam pora tumi khan itu korise?”
\v 8 Titia Peter, Pobitro Atma pora bhorta hoi kena, tai khan ke koise, “Apni cholawta khan, aru bura manu khan,
\v 9 amikhan ke ekta bemar manu ke bhal kaam kori diya nimite hudi ase, kineka kori kena tai bhal hoise?
\v 10 Apni khan aru Israel laga manu sob pora jani lobi, Nazareth Jisu Khrista naam pora, kun ke tumi khan krus te morai dise, kintu mora pora Tai ke Isor jinda kori dise, Tai laga naam pora itu manu bhal hoi kena tumi khan usorte khara ase.
\v 11 Jisu Khrista itu pathor ase jun ke tumi khan pora phelai dise, ghor bona manu khan, kintu itu pathor he sob pora bhal aru kaam laga pathor hoi jaise.
\v 12 Aru Tai nohoile dusra kun bi poritran dibole naparibo, kilemane sorgo laga nichete kun bi eneka nai ami khan laga paap pora mukti dibole nimite.”
\p
\v 13 Jitia taikhan Peter aru John laga mon dangor dikhise, aru tai khan likha pora manu nohoi koikena janise, tai khan asurit lagise, aru titia tai khan Jisu logote thakise koi kena chini bole parise.
\v 14 Aru taikhan dikhise bhal hoi juwa manu tai duijon logote khara hoi thakise, aru taikhan eku bi kobo para nai.
\v 15 Aru jitia pasoni khan ke sabha laga bahar te pathai dise, taikhan nijor majot te kotha patise.
\v 16 Tai khan koise, “Amikhan itu duijon ke ki kori di le bhal hobo? Kilemane tai duijon pora asurit kaam kori diya to Jerusalem te thaka sob jani jaise, aru amikhan itu mana koribo naparibo.
\v 17 Kintu itu kotha dusra jaga te bisi nahobo nimite, amikhan tai duijon ke koi dibo itu naam loi kena dusra ke aru nahikabole.”
\v 18 Titia taikhan Peter aru John ke mati kena anise aru Jisu laga naam te nashika bole hukum dise.
\v 19 Kintu Peter aru John taikhan ke koise, “Isor laga kotha huna to thik ase na apnikhan laga kotha mana to thik ase, itu apnikhan bhabi sabi.
\v 20 Kilemane amikhan ki dikhise aru hunise itu nokoi kena thakibole naparibo.”
\v 21 Titia Peter aru John ke dhomki di kena jabole dise, kilemane manu khan tai duijon laga asurit kaam to dikhi kena Isor ke dhanyabad di thakise aru tai duijon ke sajai dibole eku golti tai khan dikha nai.
\v 22 Kilemane jun ke asurit pora changai kori dise itu manu chalis saal pora dangor thakise.
\s Bhoi Nakoribo Karone Biswasi Khan Prathana Kora
\p
\v 23 Jitia tai duijon ke chari dise, Peter aru John nijor manu khan logote jai kena maha purohit khan aru cholawta khan pora ki koise itu tai khan ke koi dise.
\v 24 Jitia taikhan itu hunise, tai khan sob awaj uthai kena eke logote Isor ke koise, “Probhu, apni sorgo aru prithibi bonaise aru samundar te ki ase sob bonai diya Probhu Isor hoi.
\v 25 Apni ekjon ase jun he Pobitro Atma pora Apni laga sewak laga mukh pora koise, moi khan laga baba David,
\q ‘Ki nimite Porjati manu khan khong uthise,
\q Aru manu khan misa kotha khan kile bhabi thake?’
\m
\v 26
\q ‘Prithibi laga raja khan uthi khara hoise,
\q Aru cholawta khan eke logote joma hoise,
\q Probhu laga birodh te aru Khrista laga birodh te.’
\m
\v 27 Hosa pora, Herod aru Pontius Pilate, dusra jati aru Israel laga manu khan, sob eke logote joma hoi kena Apni laga pobitro sewak jun ke Apni asirbad korise tai ke manu khan pora hinsa korise.
\v 28 Aru tai khan sob joma korise aru Apni laga hath pora ki koribole itcha asele itu sob poila pora hobo koikena thakise.
\v 29 Etiya, Probhu, tai khan laga dhomki ke sabi, aru Apni laga sewak laga mon dangor kori dibi Apni laga kotha bhoi nakorikena kobole nimite.
\v 30 Itu karone Apni laga hath changai koribole nimite khuli dibi, aru Apni laga pobitro sewak Jisu laga naam te asurit kaam koribole nimite.”
\v 31 Aru jitia taikhan prathana kori khotom hoise tai khan jun jaga te thakise itu hili bole shuru hoise, aru taikhan sob Pobitro Atma pora bhorta hoi jaise, aru taikhan bhoi nakori kena Isor laga kotha manu khan ke koise.
\s Sampoti Sob Taikhan Eke Laga Hoise
\p
\v 32 Aru jiman manu biswas te joma hoi thakise tai khan sob mon aru bhabona sob eke hoi thakise, aru kun pora bi nijor laga dhun sompoti itu moi laga ase koi kena kowa nai kintu ekjon-ekjon logote bhag korise.
\v 33 Aru pasoni khan dangor takot pora, Probhu Jisu jinda hoise koikena gawahi di thakise, aru taikhan sob logote Isor laga morom thakise.
\v 34 Aru taikhan majote kun bi dukh nathaka hoise, kilemane kun logote kheti, ghor aru saman ase, tai itu sob bikiri kori kena itu laga daam ani di thakise.
\v 35 Aru pasoni khan laga theng nichete ani kena rakhi diye, aru taikhan kun ke ki dorkar ase itu sai kena bhag kori diye.
\p
\v 36 Titia Joseph, tai ke Barnabas koi kena pasoni khan pora mate -Mon Dangor Kori Diya Chokra bi mate-, ekjon Levite, jonom pora Cyprus jaga laga manu,
\v 37 tai laga ekta kheti thakise itu bikiri kori kena poisa anise aru pasoni khan laga theng te rakhi dise.
\c 5
\s Ananias Aru Sapphira
\p
\v 1 Etiya ekjon manu Ananias, aru tai laga maiki Sapphira duijon mili kena chutu ekta mati bikiri korise,
\v 2 Aru tai laga maiki logote kotha milai kena adha poisa rakhi loise, aru adha poisa jai kena pasoni khan laga theng te rakhi dise.
\v 3 Kintu Peter koise, “Ananias, kile Saitan pora tumi laga mon to Pobitro Atma ke misa kobole bhorta kori dise aru ki bikai se itu laga adha daam tumi kile loi rakhise?
\v 4 Jitia mati tumi logote bikiri nohoi kena thakise, titia mati to tumi laga he thakise nohoi, aru jitia bikiri hoi jaise, tumi jani kena bikiri kora nohoi? Tumi laga mon te kineka itu bhabise? Tumi manu ke misa kowa nai, kintu Isor ke he misa koi ase.”
\v 5 Jitia Ananias itu kotha hunise, tai giri kena tate mori jaise, aru jun itu kotha hunise sob bhoi lagi jaise.
\v 6 Aru tai ke uthai kena jawan khan ahi kena kapra pora bandhi dise, aru loi jai kena, mati te hali dise.
\p
\v 7 Aru tin ghanta pichete, tai laga maiki ahise, hoilebi tai to ki hoise itu najani kena thakise.
\v 8 Titia Peter taike koise, “Ami ke kobi, tumi itu mati iman pora bikiri korise na nohoi.” Titia tai koise “Hoi, iman pora he bikiri korise.”
\v 9 Titia Peter taike koise, “Tumi duijon mili kena Isor laga Atma ke porikha koribole kena bhabise? Sabi, tumi laga mota ke mati te hali diya manu khan dorja usor te khara kori ase, aru tumi ke bi uthai loi jabo.”
\v 10 Titia tai itu homoi te Peter laga theng niche te giri kena mori jaise, aru jitia jawan khan bhitor te ahise, taike mora paise, aru bahar te loi jai kena tai laga mota usorte dabai dise.
\v 11 Aru jiman manu girja te thakise aru itu kotha hunise, tai khan sob bisi bhoi lagi jaise.
\s Chihna Aru Chihna Kaam Bisi Kora
\p
\v 12 Aru pasoni khan laga hath pora chihna kaam manu usorte bisi kori thakise, aru taikhan sob eke mon hoikena Solomon laga Veranda te joma hoise.
\v 13 Kintu tai khan logote kaam koribole kun laga bi mon dangor thaka nai; hoilebi manu khan pora tai khan ke bisi sonman di thakise.
\v 14 Probhu laga naam te mota aru mahila khan bisi joma hoise, aru biswas khan logot mili kena ekta mon pora kaam korise,
\v 15 itu karone manu khan bisna uthai kena bemar manu ke rasta te loi jai kena rakhi dise, jitia Peter tate ahibo, tai laga chaya bemar manu khan uporte lagi kena changai pai jabo.
\v 16 Aru Jerusalem usorte thaka nagar khan pora manu khan bemar aru biya atma pora dukh di thaka khan loi ani joma kori dise, aru sob manu jiman ahise bhal hoi jaise.
\s Pasoni Khan ke Dhurikena Aru Chari Diya
\p
\v 17 Kintu maha purohit khara hoi jaise, aru jun manu tai logote thakise tai khan bi uthi jaise - Sadducee khan laga ekta dol-; aru tai khan itu sai kena jolon hoise
\v 18 aru pasoni khan ke dhori kena bondhi ghor te rakhi dise.
\v 19 Kintu itu rati te Probhu laga sorgoduth ahi kena bondhi ghor laga dorja khuli dise, aru taikhan ke bahar ulai dise, aru koise,
\v 20 “Jabi aru khara kori kena mondir bhitorte jiman manu ase tai khan ke jibon laga kotha koi dibi.”
\v 21 Aru jitia taikhan itu hunise, tai khan phojur te mondir bhitorte jaikena sikhai se. Kintu maha purohit aru jiman manu tai logote thakise tai khan bi ahise, aru Israel laga bacha khan laga dangor chokra khan ke sabha te eke logote matise, aru bondhi ghor pora pasoni khan ke loi ani bole nimite pathaise.
\v 22 Kintu jitia daruga khan bondhi ghor te jaise, taikhan ke pa-a nai, titia taikhan wapas jai kena khobor dise.
\v 23 Koise, “Amikhan jai kena saise, bondhi ghor bahar te sipahi khan bi tate khara kori thakise, kintu jitia amikhan khulikena bhitor te jaise, tate kun ke bi panai.”
\v 24 Jitia mondir laga cholawta aru moha purohit khan itu kotha hunise, taikhan asurit hoise, aru bhabise itu kineka hoi jaise.
\v 25 Titia kunba ahi kena taikhan ke koise, “Sabi, apnikhan kun ke bondhi ghor te hali dise, tai khan to mondir te khara kori kena manu khan ke sikhai ase.”
\v 26 Titia cholawta aru daruga khan jaise, aru tai khan ke loi anise, kintu tai khan eku kora nai, kilemane manu khan pora tai khan ke pathor maribo jodi tai khan pora pasoni khan ke dukh dise koile.
\v 27 Aru jitia tai khan ke anise, sabha usorte khara koribole dise. Titia maha purohit pora tai khan ke hudise,
\v 28 aru koise, “Amikhan koi dise apni khan itu naam loi kena nasikhabi, kintu, tumi khan Jerusalem to pura tumi khan laga kotha pora bhorta kori dise, aru itu manu laga khun moi khan uporte hali bole bisari ase.”
\v 29 Kintu Peter aru pasoni khan koise, “Manu laga kotha huna pora to amikhan Isor laga kotha he poila manibo lage.
\v 30 Ami khan laga baba khan laga Isor he Jisu ke jinda kori dise, jun ke apnikhan khuri te latkai kena morai dise.
\v 31 Isor he Tai ke Probhu aru Tran-Korta bonai kena Tai laga dyna hath te rakhi loise, aru Israel manu khan ke notun jibon dibo aru paap pora mukti pabo.
\v 32 Aru amikhan itu kotha laga gawahi ase, aru Isor Tai laga kotha mani thaka khan ke dibole Pobitro Atma bi itu kotha laga sakhi ase.
\p
\v 33 Jitia sabha khan itu kotha hunise, tai khan bisi khong uthise, aru pasoni khan ke morai dibole mon hoise.”
\v 34 Kintu sabha te ekjon Pharisee thakise, tai laga naam Gamaliel thakise, ekjon kanun jana manu, aru sob manu pora tai ke adar kore, tai khara kori kena pasoni khan ke olop deri nimite bahar te loi jabole koise.
\v 35 Aru taikhan ke koise, “Israel laga manu, moi ki koi ase itu bhal pora huni bi aru tumi khan itu manu khan logote ki koribole lage.
\v 36 Kilemane poila te, Theudas uthi kena tai kunba ekjon ase koise, aru charsoh nisena manu tai laga pichete jaise, tai ke morai dise, aru jun manu tai laga pichete jai thakise tai khan bi sob alag-alag hoi jaise.
\v 37 Itu pichete Galilee pora Judas koi kena ekjon uthise, tai bi manu khan ke chela bonai loise le, kintu tai bi harai jaise, aru jiman taike mani thakise sob alag-alag hoi jaise.
\v 38 Etiya moi apnikhan ke koi ase, itu khan pora dur thakibi aru taikhan ke chari dibi, kilemane jodi itu dhorom aru kaam to manu pora ase koile, tai khan bi khotom hoi jabo.
\v 39 Kintu jodi Isor pora ase koile, tumi khan tai khan ke kitia bi hata bo naparibo; aru tumikhan nijor Isor logote lorai kori thaka nisena hobo.”
\v 40 Titia tai khan pasoni khan ke matise aru mari kena tai khan ke Jisu laga naam aru nolobole koise, aru jabole dise.
\v 41 Tai khan sabha pora ulai jaise aru Jisu laga naam nimite, dukh paise koi kena khushi pora jaise.
\v 42 Aru itu pichete, mondir te bi aru ghor-ghor te bi jai kena Jisu Khrista laga susamachar manu khan ke prochar kori thakise.
\c 6
\s Sewa Karone Sat Jon Basi Luwa
\p
\v 1 Aru itu din te, jitia chela khan bisi hoi thakise, titia Yunani khan, Yehudi khan ke birodh kori thakise, kilemane mota mori ja maiki khan ke kha luwa bhag kora homoi te hisab na kore koikena tai khan biya pai thakise.
\v 2 Titia barohta chela khan pora tai khan pichete aha khan ke koise, “Itu amikhan nimite thik nohoi Isor laga kotha chari kena kha luwa laga bhag kori thaki te jabo nalage.
\v 3 Itu karone bhai khan, apnikhan majote sat jon bhal manu khan ke basi lobi, Pobitro Atma aru gyaan thaka, jun ke amikhan itu kaam nimite basi lobo.
\v 4 Kintu amikhan hodai prathana kori thakibo aru Isor laga kotha aru kaam te age jai thakibo.”
\v 5 Tai khan laga kotha sob manu khan pora bhal paise. Aru taikhan Stephen ke basi loise jun dhormik aru Pobitro Atma pora bhorta thakise, aru Philip, aru Prochorus, aru Nicanor, Timon, Parmenas, aru Nicolaus, Yehudi niom mani thaka Antioch pora aha ekjon.
\v 6 Taikhan ke pasoni usorte anise, aru pasoni khan pora hath di kena tai khan uporte prathana kori dise.
\p
\v 7 Titia Isor laga kotha khuli prochar hoi jaise, aru biswasi khan bisi-bisi hoi thakise aru Jerusalem te purohit khan bi bisi manu biswasi khan logot mili jaise.
\s Stephen Ke Dhori Luwa
\p
\v 8 Etiya Stephen pura takot aru anugrah te bhorta hoi kena manu usorte dangor asurit kaam kori thakise.
\v 9 Kintu mondoli te Freedmen koi kena kunba uthise, aru Cyrenia aru Alexandria manu, aru Cilicia aru Asia pora kunba ahi kena Stephen logote kotha pora lagi jaise.
\v 10 Kintu tai khan Stephen to gyaan aru Atma pora kotha kowa dikhi kena tai uporte jiti bole para nai.
\v 11 Titia taikhan poisa di kena manu khan ke kobole koise, “Amikhan Stephen pora Moses aru Isor laga biya kotha koi thaka hunise.”
\v 12 Aru tai khan pora bura khan aru kanun likha khan laga mon ulta kori dise aru Stephen ke dhurikena tai ke sabha usorte tani kena loi anise.
\v 13 Taikhan misa gawahi diya manu bi loi anise, aru koise, “Itu manu pobitro jaga aru kanun laga birodh te biya kotha kobole narukhe.
\v 14 Kilemane amikhan tai pora itu kowa hunise, Nazareth laga Jisu pora itu jaga khotom kori dibo, aru Moses ki niom amikhan ke dise itu sob bodli kori dibo.”
\v 15 Aru jiman manu sabha te bohi thakise sob Stephen ke he saise, aru tai laga chehera to sorgoduth laga chehera nisena dikhise.
\c 7
\s Stephen Laga Kotha
\p
\v 1 Titia maha purohit pora koise, “Itu khan hosa ase?
\v 2 Titia Stephen koise,
\p “Bhai khan aru baba khan, moi laga kotha huni bi: Isor laga mohima baba Abraham logote ahise jitia tai Mesopotamia te thakise, tai Haran te nathaka age pora;
\v 3 aru tai ke koise, ‘Tumi laga mati aru ghor manu khan pora ulai jabi, aru moi jun jaga tumi ke dikha bo tate jabi.’
\v 4 Titia tai Chaldea laga desh chari kena Haran te thaki jaise; aru tai laga baba mora pichete, Isor pora taike itu jagate loi anise, jun jagate tumi khan etiya thaki ase.
\v 5 Kintu Tai taike itu jaga diya nai, tai laga theng rakhibole bi diya nai. Kintu Isor pora tai ke aru tai laga khandan ke, ekta jaga dibo koi kena kosom dise, tai laga bacha nathaka hoilebi.
\v 6 Kintu Isor pora tai ke eneka koise, tai laga khandan khan dusra desh te alag manu hoi kena thakibo, aru itu jaga laga manu khan tai khan ke nokor bonai rakhibo aru charsoh saal tak bisi dukh dibo.
\v 7 ‘Aru,’ Isor koise, ‘jun jati taikhan ke nokor banabo, utu jati khan ke moi bisar koribo, titia tai khan ulai ahi kena moi ke itu jaga te mohima koribo.’
\v 8 Titia Isor pora Abraham ke sunnot laga kosom dise, titia Abraham, Isaac laga baba hoise aru ath-din te Isaac ke sunnot korise; aru Isaac pora Jacob laga baba hoise, aru Jacob pora baroh ta bacha paise aru itu khandan laga baba hoise.
\v 9 Kintu Joseph laga bhai khan tai uporte ke suku jolise, aru taike Egypt te bikiri kori dise; kintu Isor tai logote thakise.
\v 10 Aru Isor pora tai laga dukh sob pora bachai loise. Tai laga gyaan pora Egypt raja Pharaoh laga mon jiti loise, aru raja pora tai ke Egypt aru tai laga ghor uporte rajyopal bonai dise.
\v 11 Titia Egypt aru Canaan desh te akaal ahise, aru bisi dukh paise, aru amikhan laga baba khan khabole panai.
\v 12 Kintu jitia Jacob hunise Egypt te dhaan ase koi kena, tai ami khan laga baba khan ke tate pathaise.
\v 13 Aru dusra bar Joseph nijor bhai khan ke tai kun ase utu janibole dise, aru Pharaoh bi Joseph laga ghor manu khan ke jani loise.
\v 14 Titia Joseph tai laga kokai khan logote manu pathai kena Jacob aru tai logote pachatar jon loi anibole koise.
\v 15 Titia Jacob Egypt te jaise, Jacob aru amikhan laga baba khan sob tate morise.
\v 16 Aru taikhan laga mora gaw to Shechem te loi jai kena kote Abraham pora Hamor bacha khan logote poisa di kena mati kini rakhise tate kobor dise.
\v 17 Jitia Isor pora Abraham logote kosom khai kena rakha homoi ahise- itu kosom juntu Isor he Abraham logote korise- Egypt te manu bisi hoi jaise.
\v 18 Joseph ke najana ekjon raja Egypt te ulaise.
\v 19 Tai ami khan laga manu ke thogai dise, aru jiman notun jonom huwa bacha khan ase tai khan ke ulai anibole koise tate tai khan itu khan ke jinda thakibole nadibo.
\v 20 Itu homoi te Moses jonom hoise; tai Isor nimite bisi sundur thakise, aru taike tin mohina tak tai baba ghor te rakhise.
\v 21 Kintu jitia taike bahar te rakhise, Pharaoh laga suwali pora taike loi kena nijor bacha nisena palise.
\v 22 Aru Moses ke Egypt laga gyaan aru niom kanun sob sikhai dise, aru tai kotha aru kaam te bi bisi takot thakise.
\v 23 Kintu jitia tai chalis saal hoi jaise, tai nijor Israel bhai khan ke lok koribole mon korise.
\v 24 Aru jitia Israel manu ekjon ke dukh pai thaka dikhise, Moses itu manu ke modot koribole jaise, aru itu dikhi kena Moses pora itu Egypt manu ke morai dise.
\v 25 Tai bhabisele, tai laga bhai khan bujhi bo paribo, Isor he taikhan ke bachai dibo nimite tai ke pathaise, kintu taikhan itu bujhi bo para nai.
\v 26 Aru dusra din te duijon Israel manu jhagara kori thaka homoi te tai ponchise, aru ekjon-ekjon logote shanti rakhi bole koise, ‘Bhai khan, kile nijor bhai kokai majote jhagara kori ase?’
\v 27 Kintu jun tai usorte manu logot jhagara kori thakise, taike pichete dhakai kena, koise, ‘Tumi ke kun pora ami khan uporte hukum chola bole dise?
\v 28 Juwa kali ekjon Egypt manu ke morai diya nisena, moi ke bi morabole mon ase?’
\v 29 Itu kotha huni kena Moses polai jaise, aru Median laga desh te alag desh manu hoi kena thaki jaise, aru tate tai duita chokra bacha laga baba hoi jaise.
\v 30 Aru jitia chalis saal paar hoi jaise, Probhu laga sorgoduth Sinai Pahar laga jongol te jui nisena kori kena tai usorte ahise.
\v 31 Jitia Moses jui dikhise, tai itu dikhi kena bisi asurit hoise, aru usor pora sabole jaise, titia Probhu laga awaj hunise.
\v 32 ‘Moi tumi laga baba khan laga Isor ase, Abraham, Isaac aru Jacob laga Isor.’ Titia Moses kapi kena bhoi pora tate phale sabole para nai.
\v 33 Titia Probhu taike koise, ‘Tumi laga theng pora juta ulai rakhi dibi, kilemane kuntu jaga te tumi khara ase itu jaga Pobitro ase.
\v 34 Ami laga manu khan Egypt te dukh kori thaka Moi dikhise, aru taikhan kandi thaka awaj hunise, aru taikhan ke bacha bole nimite Moi ahise; itu karone ahibi, Moi tumi ke Egypt te pathabo.’
\v 35 Itu Moses, jun ke taikhan mana-nai, tai koise, ‘Kun he tumi ke moi khan uporte cholawta koribo dise?’- Tai ekjon thakise jun ke Isor pora cholawta bonaise aru bachai dibole nimite pathaise- aru sorgoduth hath pora Moses ke jongol te dikhai dise.
\v 36 Moses pora he Egypt pora tai khan ke ulai anise, aru sob asurit kaam khan Egypt laga mati te dikhai thakise aru Ghar laga Samundar te, aru jongol majot pora tai khan ke chalis saal tak cholai kena loi jaise.
\v 37 Itu Moses he ase, jun Israel khan ke koise, ‘Isor pora tumi khan nimite tumi khan laga bhai kokai khan majot pora ekjon moi nisena bhabobadi ulai dibo.’
\v 38 Itu tai ase, jongol te thaka homoite, Sinai Pahar te sorgoduth logot kotha korise, aru kun amikhan baba khan logot asele, aru utu tai ase jun pora jinda kotha pai kena amikhan ke ponchai dise.
\v 39 Itu manu laga kotha moi khan laga baba khan mani bole mon kora nai, kintu tai ke hatai dise, aru tai khan laga mon Egypt phale jai jaise.
\v 40 Aru Aaron koise, ‘Amikhan nimite murti khan bonai dibi jun amikhan ke loikena age jabo. Aru itu Moses, jun he amikhan ke Egypt pora loi anise, tai ke ki hoise amikhan najane.’
\v 41 Titia taikhan ekta goru bacha bonaise, aru hath pora bona laga murti ke kiba ani kena boli dise, aru khushi manai thakise.
\v 42 Kintu Isor taikhan ke chari kena akas aru tara khan ke puja koribole dise, jineka bhabobadi khan laga kitab te likha ase,
\q ‘Tumi khan moi ke janwar laga boli diya nai
\q Chalis saal jongol te thaka homoi te, tumi Israel manu khan kotha manise?
\q
\v 43 Apni khan Molech laga tambu ke mani loi se,
\q Aru tumikhan laga bhagwan Rephan laga tara bi, aru murti bonai kena puja koribole loi jaise karone:
\q Moi tumikhan ke Babylon pora bisi dur te loi rakhi dibo.’
\m
\v 44 Ami laga baba khan logot sakhi laga tambu ase, jineka taike dikhaise jongol te, tineka bonabole koise, aru thik tineka bonai loise.
\v 45 Itu ase tombu ghor juntu amikhan baba khan pora pai kena Joshua hath pora loi yate anise, jitia taikhan desh khan ke gheri loikena kabja kori loise, jun khan Isor he ami khan laga baba khan usor pora khedai dise, aru utu David laga homoi tak thakise,
\v 46 jun Isor itcha te paise, tai mangise Jacob laga Isor ke thakibole ekta jagah karone.
\v 47 Kintu Solomon he Isor karone ekta ghor bonai dise.
\v 48 Kintu, Mohan Isor to manu pora bonai diya ghor te nathake, bhabobadi pora kowa nisena,
\q
\v 49 ‘Sorgo to Ami laga singhason, aru prithibi Ami laga theng rakha jaga.
\q Probhu koise, tumi Moi karone ghor bonai dibo?
\q Aru Ami laga aram kora jaga to kote hobo?
\q
\v 50 Moi he nijor hath pora itu sob bona nai naki?’
\p
\v 51 Tumi khan phutani aru mon aru kaan te sunnot nakora khan, tumikhan Pobitro Atma laga hinsa kori thake, tumi khan laga baba khan kori aha nisena, tineka apni khan bi kore.
\v 52 Eneka kun bhabobadi ase jun ke tumi khan laga baba pora dukh diya nai? Taikhan pora ahibole thaka Dharmik Jon laga kotha kowa manu khan ke bi morai dise, aru tumi khan bi morai diya aru thogai diya khan hoi jaise,
\v 53 Tumi khan sorgoduth khan pora diya Isor laga niom luwa khan, hoilebi tumi khan mani bo para nai.”
\s Pathor Pora Stephen Ke Morai Diya
\p
\v 54 Jitia taikhan itu kotha hunise, sabha laga manu khan mon te bisi khong hoise, aru dath kamuri kena Stephen uporte khong uthise.
\v 55 Kintu tai Pobitro Atma te bhorta hoi kena, sorgote saise, aru Isor laga mohima aru Jisu to Isor laga dyna hath phale khara thaka dikhi paise.
\v 56 Stephen koise, “Sabi, sorgo khuli thaka dikhi ase, aru Manu laga Chokra Isor laga dyna hath phale khara kori ase.”
\v 57 Titia taikhan untcha awaj pora hala korise, aru kaan bondh korikena sob eke logot tai usorte polai ahise.
\v 58 Aru taikhan taike sheher bahar te loi jai kena taike pathor mari dise, aru gawahi khan taikhan laga kapra loise aru jawan manu ekjon naam Saul laga bhori te rakhise.
\v 59 Aru taikhan jitia Stephen ke pathor mari thakise, tai Isor ke mati kena koise, “Probhu Jisu, moi laga Atma loi lobi.”
\v 60 Titia tai athukarikena jor awaj pora koise, “Probhu, tai khan ke itu paap laga bisar nokoribi.” Itu koi kena tai ghumai jaise.
\c 8
\s Saul Pora Girja Nosto Kora
\p
\v 1 Saul bi Stephen ke morai dibole monjur korise, aru itu din te Jerusalem te thaka girja te bisi dukh digdar ahise; aru sob biswasi khan Judea aru Samaria te alag-alag jai jaise, khali pasoni khan he thakise.
\v 2 Biswasi manu khan pora Stephen ke loi mati te hali dise, aru manu khan mon dukh korise.
\v 3 Kintu Saul girja khan ke biya koribole kosis kori thakise; aru ghor-ghor te jai kena, mota aru maiki sob ke dhori kena bondhi ghor te hali dise.
\s Philip Pora Samaria Te Khrista Prochar Kora
\p
\v 4 Aru jun biswasi alag phale jai jaisele tai khan ja-a jaga sob te khushi laga khobor prochar kori thakise.
\v 5 Titia Philip Samaria sheher te jai kena manu khan ke Khrista laga kotha prochar kori dise.
\v 6 Aru Philip ki kotha prochar korise, taikhan mon di kena hunise, aru tai kori diya asurit kaam khan dikhise.
\v 7 Bisi manu bhitorte dusto atma khan thakise, aru itu khan tai khan pora ulai jaise, jor pora hala kori kena. Bisi manu jothor-rugi aru lengra khan bi changai paise.
\v 8 Aru itu sheher manu khan bisi khushi korise.
\s Jadu Kora Simon Biswas Kora
\p
\v 9 Kintu tate Simon koi kena ekjon manu thakise, tai jadu montor kori kena Samaria manu khan ke asurit koridise, aru tai nijor ke ekjon dangor manu ase koi thake.
\v 10 Aru sob Samaria manu chutu pora dangor tak tai laga kotha bhal pora huni thakise aru koise, “Itu manu logote Isor laga takot ase.”
\v 11 Tai laga kotha manu khan hune, kile mane bisi homoi pora tai jadu montor kori kena manu khan ke asurit kaam dikhai thakise, itu karone taikhan tai laga kotha mani thakise.
\v 12 Kintu jitia taikhan Philip ke biswas korise, aru tai Isor laga rajyo kotha aru Jisu Khrista laga naam ke prochar korise, bisi mota aru maiki khan baptizma loise.
\v 13 Titia Simon nijor bi biswas korise, aru tai baptizma loi kena Philip logote thaki jaise, aru jitia asurit kaam khan kora dikhise, tai bisi khushi paise.
\p
\v 14 Jitia Jerusalem te thaka pasoni khan Samaria pora Isor kotha loise koi kena hunise, tai khan nimite Peter aru John ke pathaise.
\v 15 Jitia Peter aru John tate punchise, tai khan nimite prathana korise, tai khan Pobitro Atma pabo nimite.
\v 16 Kilemane Pobitro Atma taikhan logote aha nai, kintu taikhan Probhu Jisu naam pora khali baptizma he loi kena thaka karone.
\v 17 Titia Peter aru John taikhan uporte hath rakhi kena prathana kori dise, aru taikhan Pobitro Atma paise.
\v 18 Aru jitia Simon dikhise pasoni khan manu laga uporte hath rakhile Pobitro Atma pai ase, tai pasoni khan ke poisa dibole bisarise.
\v 19 Titia tai koise, “Moi ke bi itu adhikar dibi, tate moi jun uporte hath rakhibo tai Pobitro Atma pabo.”
\v 20 Kintu Peter taike koise, tumi laga poisa tumi logote khotom hoi jabo, kilemane tumi Isor laga bordan poisa pora kini bole bhabi ase.
\v 21 Tumi laga yate eku bhag aru hisa nai, kilemane Probhu usorte tumi laga mon thik nohoi.
\v 22 Itu nimite mon ghura bi aru biya bhabona pora ulabi, aru Probhu usorte prathana koribi, titia Tai pora tumi laga letera mon aru biya bhabona pora maph kori dibo pare.
\v 23 Kilemane moi dikhi ase tumi laga biya bhabona aru paap pora bandi thaka mon to.”
\v 24 Titia Simon koise, “Probhu logot moi nimite prathana kori dibi, apni pora ki koi se itu moi uporte nahibole nimite.”
\p
\v 25 Jitia taikhan Isor kotha koi dise aru sakhi korise, Peter aru John wapas Jerusalem te jaise, aru Samaria manu laga bosti khan te jai kena Isor laga kotha prochar korise.
\s Philip Aru Ethiopia Laga Hijira
\p
\v 26 Titia Probhu laga sorgoduth Philip logote kotha korise, aru koise, “Uthibi aru dakshin laga rasta jun to Jerusalem hoi kena Gaza te jai tate jabi.”- Itu rasta balu laga jaga pora jai.
\v 27 Titia tai uthi kena jaise. Aru tate Ethiopia laga ekjon hijira manu thakise, tai ekjon dangor adhikar chola manu thakise, tai Candace, Ethiopia laga rani laga dhun sampoti sa-a manu asele, aru tai mohima koribole Jerusalem te jai thakise.
\v 28 Aru tai laga ghora gaari te bohi kena wapas ghor te jai thakise, aru Isaiah bhabobadi laga kitab porhi thakise.
\v 29 Titia Atma pora Philip ke koise, “Jai kena ghora gari usorte bohibi.”
\v 30 Titia Philip tai usorte polai kena jaise, aru Tai Isaiah bhabobadi laga kitab porhi thaka hunise, aru koise, “Tumi ki porhi ase itu bujhi pai ase?”
\v 31 Titia tai koise, “Moi kineka janibo, jitia tak moi ke kunba pora nashikai?” Titia tai Philip ke ghora gari te bohibole matise.
\v 32 Etiya jun to kitab Ethiopia manu pora porhi thakise itu eneka thakise,
\q “Tai ke ekta mer bolidan dibole nisena loi jaise,
\q Aru jineka mer bacha pora chuli kata manu usorte chup-chap pora bohe,
\q Itu nisena, aru Tai pora Tai laga mukh khula nai.
\q
\v 33 Tai laga bisar sorom khilai di kena Tai usor pora loi jaise.
\q Kun Tai laga manu khan ase koi kena kobo pare?
\q Kilemane Tai laga jibon to itu duniya pora uthai loise.”
\m
\v 34 Titia hijira pora Philip ke hudise, “Moi apni ke anurodh kori ase, kun bhabobadi laga kotha koi ase, tai nijor laga koi ase, na dusra manu laga kotha koi ase?”
\v 35 Titia Philip tai mukh khuli se, aru Isor kotha pora shuru kori kena, Jisu laga kotha taike prochar korise.
\v 36 Taikhan rasta te jai thaka homoi te pani thaka jagah ponchise, titia hijira pora koise, “Sabi, yate pani ase, moi ke baptizma lobole nimite ki pora rukhai ase?’”
\v 37 Titia Philip pora koise, “Jodi tumi mon pora biswas kore, baptizma lobo pare.” Titia tai koise, “Moi biswas kore Jisu Khrista Isor laga chokra ase koikena.”
\v 38 Titia tai ghora gari ke rukhi bole hukum dise. Aru Philip aru hijira duijon pani te nami kena jaise, aru Philip pora tai ke baptizma dise.
\v 39 Jitia tai khan pani pora ulai ahise, Probhu laga Atma pora Philip ke loi jaise, titia hijira taike aru dikha nai, kintu tai bisi khushi pora jai jaise.
\v 40 Kintu Philip to Azotus te ahise, aru pura jaga te tai jaise, jitia tak tai Caesarea puncha nai, tai sob sheher khan te jai kena Isor laga kotha prochar korise.
\c 9
\s Saul Mon Bodli Huwa
\p
\v 1 Kintu Saul, Probhu laga chela khan ke morai dibo koikena kotha kori thakise aru tai moha purohit logote jaise
\v 2 aru tai moha purohit logote chithi mangise Damascus sheher laga mondoli khan nimite, jodi tai rasta te jai thaka homoi te kunba manu pai, mota aru mahila hoilebi, itu khan ke dhori kena Jerusalem te loi jabole.
\v 3 Jitia tai safar te jai thakise, Damascus te punchibole usor huwa homoi te, achanak sorgo pora ujala hoikena ekta puhor tai uporte jolise;
\v 4 aru titia tai mati te giri jaise, aru ekta awaj tai ke koi thaka hunise, “Saul, Saul, kile tumi Moike dukh di ase?”
\v 5 Aru titia Saul koise, “Apni kun ase Probhu?” Aru Probhu koise, “Moi Jisu ase jun ke tumi dukh di ase; pathor te theng marile nijor he jokhom pabo.”
\v 6 Titia tai asurit hoise aru bhoi pora kapi kena koise, “Probhu moi ki koribole lage?” Titia Probhu taike koise, “Uthibi aru sheher te jabi, aru tumi ki koribo lage itu sob tumi ke koi dibo.”
\v 7 Jun manu Saul logote jai thakise taikhan chup hoi jaise, taikhan awaj hunise, kintu kun ke bi dikha nai.
\v 8 Titia Saul khara hoise, aru jitia tai laga suku khuli se, tai eku bi dikhi bole napara hoise; titia taikhan tai laga hath dhori kena Damascus te loi jaise.
\v 9 Aru tai tin din eku dikhi bole para nai, aru kha luwa bi kora nai.
\p
\v 10 Damascus te ekjon chela Ananias koi kena thakise. Probhu pora tai ke darshan pora koise, “Ananais!” Titia tai koise, “Sabi, moi yate ase Probhu.”
\v 11 Titia Probhu taike koise, “Uthibi, aru Sidha kowa rasta te jabi, aru Judas laga ghor te jai kena ekjon manu Saul, Tarsus pora aha, ase na nai hudibi, kilemane tai prathana kori ase.
\v 12 Aru tai darshan te ekjon manu Ananias koi kena dikhise, aru tai uporte te hath rakhi kena thaka dikhise, itu pora tai aru dikhibo paribo.”
\v 13 Kintu Ananias koise, “Probhu, moi itu manu laga kotha bisi manu pora hunise, tai Jerusalem te kiman pobitro manu ke dukh dise.
\v 14 Tai moha purohit khan pora adhikar loise aru jun manu apni laga naam lobo tai ke bondhi ghor te hali dibo.”
\v 15 Kintu Probhu taike koise, “Jabi, kilemane tai Moi laga ekjon kaam kora manu hobo, tai he moi laga naam Porjati khan ke, raja khan ke aru Israel laga bacha khan ke koi dibo;
\v 16 kilemane Moi taike dikhai dibo, tai moi laga naam nimite ki dukh uthabo lagibo.”
\v 17 Aru Ananias itu ghor te jaise, aru tai laga hath Saul uporte rakhi kena koise, “Bhai Saul, Probhu Jisu pora tumi rasta te ahi thaka homoi te dikhai dise, Tai moi ke tumi usorte pathaise, tumi aru dikhibo aru Pobitro Atma pora bhorta hobo.”
\v 18 Itu homoi te Saul laga suku pora kiba chamra nisena giri jaise, aru tai dikhi bole parise, aru tai uthi kena baptizma loise;
\v 19 aru tai bhat khai kena takot paise.
\s Saul Pora Jisu Ke Prochar Kora
\p Aru tai chela khan logote Damascus te olop din thakise.
\v 20 Tai joldi mondoli khan te jai kena Khrista Isor laga Chokra ase koi kena prochar korise.
\v 21 Aru jun manu tai laga kotha hunise sob manu asurit hoi kena koise, “Jerusalem te Khrista naam loi thaka khan ke dukh diya to itu manu nohoi? Aru yate tai yate aha to taikhan ke bandi kena moha purohit khan logot loi jabole ahise.”
\v 22 Kintu Saul aru bisi mon dangor hoise, aru Damascus te thaka Yehudi khan nimite ekta chinta hoi jaise kilemane tai Jisu he Khrista ase koikena prochar kori thakise.
\s Damascus Pora Saul Polai Juwa
\p
\v 23 Kintu bisi din ja pichete, Yehudi khan Saul ke morai dibole kotha milai loise.
\v 24 Kintu taikhan laga bhabona to Saul jani loise. Tai ke morai dibole nimite din raat dorja usorte te rukhi thakise.
\v 25 Kintu tai laga chela khan rati huwa homoi te, tai ke ani kena tukri pora diwar niche korise aru paar kori dise.
\s Saul Jerusalem Te
\p
\v 26 Aru jitia Saul Jerusalem te ahise, tai chela khan logote mili bole kosis korise, kintu taikhan sob taike bhoi korise, tai bi ekjon chela ase koi kena biswas kora nai.
\v 27 Kintu Barnabas pora taike pasoni khan logote loi jaise, aru Probhu pora kineka taike rasta te lok paise aru ki koise, aru tai Damascus te kineka mon dangor pora Jisu laga naam prochar korise, itu sob koi dise.
\v 28 Titia tai chela khan logote Jerusalem te aha juwa korise. Aru tai mon dangor pora Probhu laga naam loise.
\v 29 Tai Greece te thaka Yehudi khan logot bi kotha korise; kintu taikhan taike morai dibole kosis korise.
\v 30 Jitia biswasi bhai khan itu janise, tai ke Caesarea te loi jai kena Tarsus te pathai dise.
\p
\v 31 Titia, Judea aru Galilee aru Samaria laga girja khan shanti te thakise; aru Probhu laga bhoi te thakise aru ekjon-ekjon ke Pobitro Atma pora mon dangor kori dise, aru girja laga ginti aru bi bisi hoi jaise.
\s Aeneas ke Bhal Kora
\p
\v 32 Etiya eneka hoise, jitia Peter sob jagate safar korise, Lydda te thaka pobitro manu khan usorte bi jaise.
\v 33 Tate tai Aeneas koi kena ekjon manu ke lok paise, tai bisna te ath saal pora ghumai thakise, aru tai jothor-rugi bemar thakise.
\v 34 Peter taike koise, “Aeneas, Jisu Khrista tumi ke changai kori di ase, uthibi aru tumi laga bisna thik kori lobi,” aru titia tai joldi uthi jaise.
\v 35 Titia Lydda aru Sharon te thaka manu khan tai ke dikhi kena mon ghuraise aru Probhu ke biswas korise.
\p
\v 36 Joppa te Tabitha koi kena ekjon mahila chela thakise, jun laga motlob ase “Dorcas.” Itu mahila sob bhal kaam kore aru gorib manu khan uporte bisi morom thakise.
\v 37 Kintu tai bemar pora mori jaise, aru taike gaw dhulai di kena upor kamra te rakhise.
\v 38 Aru Lydda jaga to Joppa usor te thakise, aru Peter tate ase koikena chela khan hunise, aru taikhan pora duijon manu ke tai logote anurodh kori kena pathaise, “Amikhan logote deri nohoi kena ahibi.”
\v 39 Titia Peter uthi kena taikhan logot jaise. Jitia tai ponchise, taikhan pora taike upor kamra te loi jaise aru tate sob bidhowa khan tai usorte khara kori kena kandi thakise, aru Dorcas pora tai jinda thaka homoi te tai khan nimite kapra bonai diya khan dikhai dise.
\v 40 Kintu Peter taikhan sob ke bahar jabo dise, aru tai athukari kena prathana korise. Titia, tai laga gaw phale sai kena koise, “Tabitha, uthibi.” Tai suku khuli se, aru Peter ke dikhi kena tai bohi jaise.
\v 41 Titia Peter tai laga hath di kena tai ke uthai dise; aru pobitro manu aru bidhowa khan ke jinda hoi juwa to dikhai dise.
\v 42 Aru Joppa te thaka sob itu kotha jani loise, aru bisi manu Probhu ke biswas korise.
\v 43 Peter bisi din Joppa te Simon koi kena ekjon manu ghor te thakise.
\c 10
\s Peter Aru Cornelius
\p
\v 1 Titia ekjon manu Cornelius koi kena Caesarea te thakise, aru tai Italy laga Regiment te ekjon dangor henapoti thakise.
\v 2 Tai aru tai laga ghor manu khan sob Isor ke bhoi kora khan thakise; aru tai manu khan ke poisa dikena modot kora manu asele, aru hodai Isor logote prathana kori thakise.
\v 3 Ek din tin baji nisena te, tai ekta sapha sapna dikhise, Isor laga ekjon sorgoduth tai logote ahi kena koise, “Cornelius!”
\v 4 Kintu Cornelius sorgoduth ke bhoi pora sai kena koise, “Ki ase, malik?” Titia sorgoduth pora taike koise, “Tumi laga prathana aru dukh manu ke modot kora to Isor pora dikhise.
\v 5 Etiya Joppa te manu pathai kena Simon, kun ke Peter bi mate, tai ke anibi.
\v 6 Tai Simon koi kena ekjon chamra ula kaam kora manu laga ghor te ase, tai laga ghor samundar kinar te ase.”
\v 7 Jitia sorgoduth taike kotha koi kena jai jaise, Cornelius tai laga duijon sewak ke matise, aru bisi majote ekjon bhal sipahi jun tai ke sewa kore tai ke bi mati anise.
\v 8 Aru taikhan ke sob kotha koi diya pichete, Cornelius tai khan ke Joppa te pathai se.
\s Peter Pora Darshan Dikha
\p
\v 9 Etiya aru alag din ekta te, tai khan jai thaka homoi te ekta sheher te ponchise, Peter ghor uporte prathana koribole jaise.
\v 10 Titia tai bisi bhuk lagise, aru kiba khabole itcha thakise, kintu jitia manu khan bhat bonai thakise, tai ekta darshan dikhise,
\v 11 aru tai akas pora kiba ekta saman aha dikhise, ekta dangor kapra, charta kinar pora bandhi kena prithibi nichete ahi thaka dikhise.
\v 12 Aru tate prithibi laga sob janwar charta theng thaka aru mati te rengi kena choli thaka jongli janwar, aru akas laga chiriya khan sob thakise.
\v 13 Aru titia ekta awaj tai ke koise: “Uthibi, Peter, aru mari kena khabi.”
\v 14 Kintu Peter koise, “Nohobo Probhu, moi kitia bi sapha nathaka aru letera saman khanai.”
\v 15 Kintu aru ekbar awaj ahi kena koise: “Ki Isor pora sapha kori dise, itu ke letera ase nokobi.”
\v 16 Aru eneka ti bar hoise; titia saman pora bhorta thaka sorgo te wapas loi jaise.
\p
\v 17 Titia Peter itu darshan laga ki motlob ase koi kena bisi chinta bhabona korise, itu homoi te, Cornelius pora kun manu ke pathai se tai khan ahi kena dorja te khara hoi thakise, tai khan ahi kena Simon laga ghor kot te ase itu bisari kena ahise.
\v 18 Aru taikhan ahi kena matise, aru Simon kun ke Peter bi koi, tai tate thaki ase na nai itu hudise.
\v 19 Itu homoite bi Peter to tai ki darshan paise itu bhabona kori thakise, titia Atma pora taike koise, “Sabi, kunba manu tumi ke bisari ase.
\v 20 Uthibi aru taikhan logote jabi, eku bhabona nokoribi, kile mane moi he tai khan ke pathaise.”
\v 21 Titia Peter niche kamra te nami kena tai khan ke koise, “Sabi, tumi khan kun ke bisari ase itu moi ase. Ki nimite tumi khan moi ke bisari kena ahise?”
\v 22 Aru taikhan koise, “Cornelius, ekjon henapoti, jun dharmik manu ase, aru sob Yehudi desh manu khan pora tai laga bhal kotha he koi, pobitro sorgoduth pora itu ghor te apni logote pathaise, apni pora kowa kotha to hunibole nimite.”
\v 23 Titia Peter taikhan ke tai logote thaki bole matise.
\p Aru dusra din te uthi kena taikhan logote jaise, aru Joppa pora kunba bhai khan bi tai logote jaise.
\v 24 Aru dusra din te taikhan Caesarea te ponchise. Cornelius pora tailaga sathi aru ghor manu khan ke bi mati kena rukhi thakise.
\v 25 Jitia Peter ghor bhitorte ahise, Cornelius ahi kena tai ke lok korise, aru tai ke aradhana koribole Peter laga theng nichete girise.
\v 26 Kintu Peter taike uthai kena, koise, “Uthibi! Moi nijor bi ekjon manu he ase.”
\v 27 Aru jitia Peter tai logote kotha kori thakise, tai jai kena manu bisi joma kori thaka paise.
\v 28 Titia tai taikhan ke koise, “Apnikhan bi jani ase, Yehudi manu dusra jati khan ke lok kora aru eke logote mili kena aha juwa kora niom nai. Kintu Isor pora moi ke dikhaise aru koise kun ke bi letera aru sapha nai eneka nokobi.
\v 29 Itu nimite moi apni khan logote eku nokoi kena ahise, jitia apni pora moi ke mati bole pathaise. Itu karone moi hudise ki nimite moi ke lobole pathaise?”
\v 30 Titia Cornelius koise, “Char din agete itu homoi te, moi ghor te prathana kori thakise; aru sabi ekjon manu moi usorte boga kapra lagai kena khara kori thakise.
\v 31 Aru tai koise, ‘Cornelius, tumi laga prathana huni loise, aru tumi gorib manu khan ke modot kora to Isor pora Tai usorte yaad kori ase.
\v 32 Itu karone kunba ke Joppa te patha bi, aru Simon jun ke Peter koi. Tai ke mati bi, tai samundar kinar te chamra ula kaam kora manu Simon koi kena ekjon ghor te ase.’
\v 33 Itu karone moi apni ke lobole manu pathaise. Aru apni aha karone bisi bhal paise, aru itu karone, amikhan aji Isor usorte sob manu joma hoi ase, aru Probhu pora apni ke ki koise itu huni bole nimite joma hoise.”
\s Porjati khan Pora Susamachar Huna \s5
\v 34 Titia Peter mukh khuli kena koise,
\p “Hosa pora, Isor to kun logote bi alag pora nasai kintu Tai sob ke eke morom kore.
\v 35 Kintu, jun desh te hoilebi jun he Isor ke bhoi koribo aru Tai laga itcha pora kaam koribo tai uporte hodai Isor laga khushi thakibo.
\v 36 Itu kotha Israel laga bachakhan nimite di pathaise, shanti laga susamachar Jisu Khrista dwara, kun he sob laga Probhu ase-
\v 37 itu kotha aha to tumikhan bi jani ase, aru sob Judea te bhorta hoi jai ase, Galilee pora shuru kori kena, aru John pora baptizma kotha koi diya pichete;
\v 38 aru Nazareth Jisu laga kotha khan, kineka Pobitro Atma aru takot pora Tai ke Isor pora asirbad kori dise, jiman manu bhoot pora bandhi rakhi se tai khan ke changai korise aru tai bhal kaam kori kena thakise, kilemane Isor tai logote asele.
\v 39 Jisu ki korise moi khan sob itu laga gawahi ase, Yehudi khan laga desh sob jagah te, aru Jerusalem te ki-ki korise amikhan utu sob laga gawahi ase. Taikhan Tai ke krus te latkai kena morai dise.
\v 40 Kintu Isor Tai ke tin din te jinda kori dise aru manu khan ke dikhai dise,
\v 41 sob manu ke nohoi, kintu Isor poila pora basi luwa khan ke- moi khan pora jun Tai logote kha luwa korise Tai mori kena jinda huwa pichete.
\v 42 Aru Tai moi khan ke sob manu khan logote jai kena Tai he Isor pora basi luwa ekjon ase aru mora aru jinda sob jati uporte bisar kora ekjon ase koi kena manu khan ke jonai dibi koise.
\v 43 Jiman bhabobadi ase sob Tai laga gawahi he ase, jun manu Tai ke biswas kore Tai laga naam te sob manu paap pora maph pabo.”
\s Porjati Khan Logot Pobitro Atma Aha
\p
\v 44 Jitia Peter itu kotha khan koi thakise, jun manu tai laga kotha huni thakise tai khan uporte Pobitro Atma ahi jaise.
\v 45 Aru Peter logot jiman sunnot kora biswasi khan ahise tai khan asurit hoi jaise, kilemane Pobitro Atma pora jati manu khan uporte bi di dise.
\v 46 Kilemane taikhan pora Porjati khan alag kotha kora aru Isor ke dhanyabad di thaka hunise. Titia Peter koise,
\v 47 “Kun pora tai khan ke baptizma lobole nadibo nimite pani pora dur rakhibo paribo naki, amikhan sob Pobitro Atma pa nisena?”
\v 48 Aru tai taikhan ke Jisu Khrista naam pora baptizma lobole koise, titia taike aru olop din tai khan logote thaki bole anurodh korise.
\c 11
\s Mondoli Te Peter Prochar Kora
\p
\v 1 Titia pasoni khan aru Judea te thaka bhai khan hunise Porjati khan bi Isor laga kotha ke mani loise koikena.
\v 2 Aru jitia Peter Jerusalem te ahise, jun khan sunnot koribo lage koi, tai khan logote kotha te laga lagi jaise;
\v 3 tai khan koise, “Apni khan sunnot nakora manu khan logote jai kena kha luwa korise!”
\v 4 Kintu Peter taikhan ke bhal pora samjai kena koise,
\v 5 Moi Joppa laga sheher te prathana kori thakise, titia moi upor pora saman nichete ahi thaka darshan te dikhise, ekta dangor kapra charta kinar pora bandi kena ahi thakise, itu moi logote ahise.
\v 6 Moi itu ke bhal pora sai kena bhabona korise. Moi duniya te charta theng thaka janwar dikhise, aru jongli janwar, mati te jai thaka janwar aru akas laga chiriya khan dikhise.
\v 7 Aru moi ke ekta awaj pora koise, “Uthibi, Peter; mari kena khabi!”
\v 8 Kintu moi koise, “Nohobo, Probhu; moi kitia bi pobitro aru sapha nathaka saman moi laga mukh te ghusa nai.”
\v 9 Kintu dusra bar aru ekta awaj pora moi ke koise, “Ki saman Isor pora sapha ase koise, itu ke letera nokobi.”
\v 10 Aru eneka tin bar hoise, titia sob saman akas te aru uthai loi jaise.
\v 11 Aru itu homoi te, moi thaka ghor te tin jon manu ahikena khara hoise; tai khan ke Caesarea pora moi logot pathaise.
\v 12 Titia Atma pora moike tai khan logote jabole koise, kintu tai khan kun ase itu moi ke koi diya nai, titia choi jon bhaikhan moi logote jaise, aru moi khan itu manu laga ghor te jaise.
\v 13 Titia tai pora amikhan ke koise kineka ekjon sorgoduth pora tai laga ghor te khara kori kena tai ke koise, “Joppa te manu ke pathabi aru Simon ke loi anibole kobi.
\v 14 Tai tumi ke Isor kotha koi dibo, aru itu kotha huni kena tumi aru tumi laga ghor manu khan sob poritran pabo.”
\v 15 Aru jitia moi kotha koi thakise, Pobitro Atma taikhan logote ahi jaise, jineka shuru te amikhan logote ahi sele.
\v 16 Titia moike Probhu laga kotha yaad ahise, kineka tai John ke koise, “John pani pora baptizma diye; kintu tumi khan Pobitro Atma pora baptizma lobo.”
\v 17 Jodi Isor taikhan ke daan dise jineka amikhan ke bi dise, juntu pora amikhan Probhu Jisu Khrista ke biswas kore, to moi kun ase, Isor laga kotha namanibole?”
\v 18 Jitia taikhan itu kotha hunise, tai khan eku jowab diya nai, kintu tai khan Isor ke dhanyabad dise, aru koise, “Tinehoile Isor pora Porjati khan ke bi notun jonom dise.”
\s Antioch Te Khristan Mata
\p
\v 19 Stephen ke morai diya homoi te biswasi khan dukh pa-a pora alag-alag jaga te jai jaise, taikhan Isor laga kotha koi kena Phoenicia, Cyprus, aru Antioch te khali Yehudi khan logote prochar kori thakise.
\v 20 Kintu taikhan kunba Cyprus aru Cyrene laga manu thakise, aru tai khan Antioch te ahise aru Yunani manu khan logote bi kotha korise, aru taikhan ke Probhu Jisu laga prochar korise.
\v 21 Aru Probhu laga hath taikhan uporte thakise; aru bisi manu, biswas kori kena, Probhu logot ahise.
\v 22 Titia tai khan laga kotha Jerusalem te thaka girja khan pora hunise, aru taikhan Barnabas ke Antioch te pathai dise.
\v 23 Jitia tai ahi kena Isor laga anugraha dikhise, tai khushi paise; aru tai khan laga mon dangor kori kena arubi pura mon pora Probhu logote thaki bole koise.
\v 24 Kilemane tai ekjon biswas te thaka aru Pobitro Atma pora bhorta kori kena thaka ekjon bhal manu thakise, aru bisi manu Probhu ke grohon korise.
\v 25 Titia Barnabas to Saul ke bisaribole Tarsus te jaise.
\v 26 Aru jitia taike paise, taike Antioch te loi anise. Aru eneka hoise, pura saal tai khan eke logote thakise aru girja te manu khan ke sikhai thakise, aru titia Antioch te poila bar chela khan ke Khristan khan koikena matise.
\p
\v 27 Aru itu homoi te bhabobadi khan kunba Jerusalem pora Antioch te ahise.
\v 28 Aru taikhan majot, Agabus koikena ekjon khara hoi kena jineka pura duniya te bisi dangor akaal ahibole ase, Atma pora taike dikhai diya nisena bhabobani koise. Itu sob Claudius laga din te hoise.
\v 29 Titia chela khan, jun khan jabo paribo, tai khan jai kena Judea te thaka bhai khan ke modot pathai dibo nimite kotha korise.
\v 30 Aru taikhan eneka korise; Barnabas aru Saul laga hath pora tate thaka bura khan ke poisa pathai dise.
\c 12
\s James Shahid Huwa Aru Peter ke Bondhi ghor Te Rakha
\p
\v 1 Itu homoi te raja Herod pora girja manu kunba khan ke dhuri se aru bisi digdar dise.
\v 2 Aru tai John laga bhai James ke talwar pora morai dise.
\v 3 Aru jitia Yehudi khan itu karone bisi khushi pa-a janise, tai Peter ke bi dhori bole jaise. Aru itu homoi to khomir nadhala laga roti kha laga din khan thakise.
\v 4 Jitia tai Peter ke dhori loise, taike bondhi ghor te hali dise, aru charta sipahi khan ke tai uporte sa bole rakhi dise; tai Peter ke Nistar din te manu khan usorte ulai kena ani bole bhabi thakise.
\v 5 Itu homoi te, Peter ke bondhi ghor te rakhi thakise, kintu girja manu khan mon pora tai nimite hodai Isor logot prathana kori thakise.
\s Peter Ke Bachaise \s5
\v 6 Aru ek rati age jitia Herod taike bisar koribole nimite anibole thakise, Peter duijon sipahi majote ghumai thakise, loha laga rusi duita pora bandi kena thakise, aru dorja usorte duijon sipahi tai ke rukhi thakise.
\v 7 Titia, achanak pora Probhu laga sorgoduth tai usorte ahise, aru bondhi ghor bhitorte ujala pora bhorta hoi jaise. Tai Peter laga kona te marise, aru taike uthaikena koise, “Joldi uthibi,” aru tai ke bandhi kena rakha luha rusi giri jaise.
\v 8 Titia sorgoduth taike koise, “Kapra lagabi aru sandal to lagai lobi.” Peter eneka korise. Sorgoduth taike koise, “Bahar laga ki kapra ase itu lagabi aru moi laga piche ahibi.”
\v 9 Titia Peter sorgoduth laga pichete jaise. Kintu tai jana nai itu sob to hosa pora sorgoduth he kori ase. Tai darshan he dikhi ase bhabise.
\v 10 Jitia taikhan poila thaka duijon sipahi aru bahar te thaka duijon sipahi ke paar korise, tai khan loha laga ekta dorja usorte punchise juntu khuli kena taikhan sheher te jabo paribo; aru itu nijor pora khuli jaise. Titia tai khan ulai kena rasta nichete jaise, aru sorgoduth taike chari kena jai jaise.
\v 11 Aru jitia Peter itu sob hosa pora hoise koikena jani loise, tai koise, “Etiya moi hosa pora jani loise Probhu moi ke Herod laga hath pora bachai lobole nimite Tai laga sorgoduth ke pathai dise, aru Yehudi manu khan ki bhabona kori thakise itu pora moi ke ulai kena anise.”
\v 12 Jitia tai itu buji jaise, tai John, kun ke Mark bi mate tai laga ama Mary laga ghor te jaise, tate bisi manu khan joma kori kena prathana kori thakise.
\v 13 Aru jitia Peter dorja te marikena awaj dise, ekjon chukri sewak Rhoda koi kena dorja khuli bole ahise.
\v 14 Jitia tai Peter laga awaj janise, khushi pora dorja khuli bole pahorise; aru tai, polai kena kamra te ahise; aru taikhan ke Peter dorja te khara kori kena ase koise.
\v 15 Titia taikhan pora koise, “Tumi pagli hoise.” Kintu tai Peter ahise koikena jor pora koi dise. Titia taikhan koise, “Itu tai laga sorgoduth hobo.”
\v 16 Kintu Peter to dorja te mari thakise, aru jitia tai khan dorja khuli se, taikhan tai ke dikhi kena bisi asurit hoise.
\v 17 Kintu tai taikhan ke hath pora chup thakibole dikhai dise, aru kineka kori kena Probhu pora tai ke bondhi ghor pora ulai dise itu tai khan ke koise, “Jai kena itu kotha James aru bhai khan ke kobi.” Aru tate pora tai dusra jagate jai jaise.
\v 18 Aru jitia din hoise, sipahi khan Peter logote ki hoise eku bi jana nai.
\v 19 Aru jitia Herod Peter ke bisari kena pa nai, tai sipahi khan ke hudise aru tai khan ke morai dibole hukum dise. Itu pichete tai Judea pora jai kena Caesarea te thakise.
\s Herod Mora \s5
\v 20 Aru Herod to Tyre aru Sidon laga manu khan uporte bisi khong thakise. Itu karone tai khan joma hoi kena eke logote taike lok koribole ahise. Taikhan Blastus koikena Raja laga kaam kora ekjon ke kotha korise aru taikhan ke modot koribole phuslai loise. Titia taikhan shanti thakibole nimite mangise, kilemane tai khan laga desh te kha luwa kiman jai, sob itu raja laga desh pora he jai thakise.
\v 21 Kotha korikena rakha din te, Herod raja laga kapra lagai kena tai nijor ke taiyar korise. Tai laga singhason te bohikena taikhan ke kotha korise.
\v 22 Kintu manu khan hala kori koise, “Itu Isor laga awaj ase, manu laga nohoi!”
\v 23 Titia itu homoi te Probhu laga sorgoduth joldi taike mari dise, kilemane tai Isor ke mohima diya nai; aru puka pora taike khai kena morai dise.
\p
\v 24 Aru Isor laga kotha bisi-bisi hoi jaise.
\p
\v 25 Aru jitia Barnabas aru Saul tai khan laga kaam pura kori loise, tai khan Jerusalem te jaise, aru John kun ke Mark bi mate tai ke bi loi anise.
\c 13
\s Barnabas Aru Saul Ke Pathai Diya
\p
\v 1 Aru Antioch girja te bhabobadi khan aru hikhok khan bi thakise. Barnabas aru Simon -jun ke Niger koi-, aru Cyrene laga Lucius, - Herod tetrarch pora pala bhai- aru Saul.
\v 2 Jitia tai khan Isor ke aradhana korikena aru upwas kori thakise, Pobitro Atma pora koise, “Tumi khan Barnabas aru Saul ke Ami nimite alag rakhi dibi, Moi tai khan nimite ki kaam ase itu koribole karone.”
\v 3 Titia taikhan upwas rakhise aru duijon uporte hath dikena prathana kori dise, aru tai duijon ke pathai dise.
\s Cyprus Te Barnabas Aru Saul
\p
\v 4 Barnabas aru Saul ke Pobitro Atma pora Seleucia te pathai dise; aru tai khan naw te uthi kena Cyprus majuli te jaise.
\v 5 Aru jitia duijon Salamis sheher te ponchise, tai khan Yehudi khan laga mondoli te jai kena Isor laga kotha prochar korise. Aru duijon ke modot koribole John aru Mark bi thakise.
\v 6 Aru jitia tai khan Paphos laga sob jaga te jaise, tate ekjon jadu kora manu ke lok paise, Yehudi laga misa bhabobadi, tai laga naam Bar Jesus thakise.
\v 7 Itu jadu kora manu to proconsul Sergius Paulus logote thakise, tai gyaan thaka manu asele. Tai Barnabas aru Saul ke matise, kilemane tai Isor laga kotha hunibole mon thakise.
\v 8 Kintu Elymas “Jadu kora manu” -tai ke eneka naam pora he mate- taikhan ke birodh korise; tai proconsul ke biswas pora hatai dibole kosis korise.
\v 9 Titia Saul, jun ke Paul koikena mate, taike Pobitro Atma pora bhorta hoise, aru tai ke bhal pora saise
\v 10 aru koise, “Tumi saitan laga bacha, tumi sob biya kaam pora bhorta hoi ase aru tumi logote sob letera bhabona he ase. Tumi dharmikta laga sob kisim kaam laga dushman ase. Tumi Probhu laga sidha rasta to tera koribole kitia bi norokhibo, hoi na nohoi?
\v 11 Etiya sabi, Probhu laga hath tumi uporte ase, aru tumi suku andha hoi jabo. Tumi olop din nimite suryo to nadikhibo.” Itu homoi te Elymas uporte andhera ahi jaise, aru tai manu khan ke tailaga hath dhurikena loi jabole modot mangise.
\v 12 Jitia proconsul pora ki hoise itu dikhise, tai biswas korise, kilemane tai Isor laga kotha sikhai diya to asurit lagise.
\s Pisidia Antioch Te Paul Aru Barnabas
\p
\v 13 Aru titia Paul aru tai laga sathi khan Paphos pora naw te uthi kena jaise aru Pamphylia te thaka Perga te ahi jaise. Kintu John taikhan ke chari kena aru Jerusalem te wapas ahi jaise.
\v 14 Kintu Paul aru tai laga sathi khan Perga te jaise aru Antioch laga Pisidia te ponchise. Tai khan Bisram laga din te mondoli te jai kena bohise.
\v 15 Bhabobadi aru kanun laga kotha porha pichete, mondoli laga cholawta khan pora koise, “Bhai khan, yate laga manu khan nimite kiba bhal kotha ase koile, kobi.”
\v 16 Titia Paul khara korise aru hath pora dikhai kena koise, “Israel manu aru Isor ke bhoi kori kena thaka khan, huni bi.
\v 17 Israel manu laga Isor pora moi khan laga baba khan ke basi loise aru bisi kori dise jitia tai khan Egypt te thakise, aru Tai laga hath to uthai kena tai khan ke tai pora ulai loi anise.
\v 18 Aru chalis saal tak Tai jongol te taikhan logote thakise.
\v 19 Aru jitia Tai Cannan laga sat-ta desh ke khotom kori dise, Tai itu jaga amikhan laga manu khan ke dise.
\v 20 Itu sob charsoh pachas saal upor hoise. Itu sob huwa pichete, Isor tai khan ke bisar dise jitia tak bhabobadi Samuel aha nai.
\v 21 Titia tai khan raja mangise, aru Isor pora tai khan ke Kish laga chokra Saul dise, ekjon Benjamin laga jat pora, chalis saal tak raja hobole dise.
\v 22 Kintu Isor pora Saul ke raja laga jaga pora hatai diya pichete, tai khan nimite David ke raja bonai dise. Aru David nimite bi Isor pora koise, ‘Moi laga mon usorte te thaka ekjon Jesse laga chokra David ke paise, tai moi laga itcha kaam sob koribo.’
\v 23 Itu manu laga khandan pora Isor Israel te bachai diya, Jisu ke pathai se, Tai Israel manu khan ke kosom diya nisena.
\v 24 Itu sob to shuru hoise jitia, Jisu naha agete, John poila Israel manu khan ke baptizma di kena mon ghura bole koise.
\v 25 Aru jitia John laga kaam khotom kori thakise, tai koise, ‘Moi ke tumi khan kun ase bhabe? Moi itu nohoi. Kintu huni bi, ekjon ahi ase, aru tai laga theng laga juta bandhi bole bi moi layak nai.’
\v 26 Hey bhai khan, Abraham khandan laga bacha khan, apni khan majote kun Isor ke bhoi kore, amikhan nimite he itu notun jibon laga kotha to pathai dise.
\v 27 Kun khan Jerusalem te thaki ase, aru tai khan laga cholawta khan Tai ke chini bole para nai, aru bhabobadi khan kowa to pura kori dise, jun to ase, hodai Bisram din te Tai ke hinsa aru bodnam kori kena puri thake.
\v 28 Aru taikhan Tai ke morai dibole eku golti napai le bi, taikhan Pilate ke Jisu morai dibole koise.
\v 29 Jitia Tai nimite ki likha ase itu sob pura hoise, taikhan krus pora Tai ke namai ani kena kobor te rakhi dise.
\v 30 Kintu Isor Tai ke mora pora aru bi jinda kori dise.
\v 31 Aru Tai logote Galilee pora Jerusalem te kun manu khan ahise bisi din tak Tai ke dikhise. Aru itu manu khan Tai laga gawahi manu khan ke koi kena berai.
\v 32 Aru itu nimite amikhan itu kotha to koi kena prochar kore juntu Isor pora amikhan laga baba khan ke kosom disele.
\v 33 Isor he sob kotha to amikhan nimite, taikhan laga bachakhan nimite pura kori dise, Jisu ke jinda kori diya pora. Bhajan Geet te likhi kena thaka nisena:
\q ‘Tumi Moi laga chokra ase, aji pora Moi tumi laga Baba hoise.’
\m
\v 34 Tai ke mora pora jinda kori diya motlob ase Tai laga gaw to kitia bi napuchibo, Isor to eneka koise:
\q Moi tumi ke Pobitro aru hosa asirbad dibo juntu moi David ke kosom disele.’
\m
\v 35 Itu nimite tai dusra Bhajan Geet te aru koi kena ase,
\q ‘Apni kitia bi Pobitro ekjon ke puchibole nadibo.’
\m
\v 36 Kilemane David tai laga homoi te Isor laga itcha pora Tai nijor manu ke sewa kori thakise aru mori jaise, aru tai baba khan logot moidam te dise, aru puchi jaise.
\v 37 Kintu Tai Junke Isor jinda kori dise, Taike puchibole diya nai.
\v 38 Kintu apni khan jani lobi, manu khan, bhai khan, itu manu pora he apni khan paap to maph pabo, aru sob biya pora ajadi pabo jun to Moses laga kanun pora bi apnikhan ke dibole para nai.
\v 39 Aru jun Tai ke biswas kore tai bachi jabo.
\v 40 Itu karone hoshiar thakibi bhabobadi khan pora ki koise itu apni khan logote nohobole nimite:
\q
\v 41 ‘Sabi, hinsa kora khan, asurit hoi kena nijor harai jabi;
\q Moi apni khan laga homoi te kaam kori ase,
\q Itu kaam juntu tumi khan kitia bi biswas nakore, jodi bi kunba apni khan ke ahikena koi dile bi.’”
\p
\v 42 Aru jitia Paul aru Barnabas jaise, manu khan tai khan ke anurodh korise itu kotha ahi kena aru Bisram din te koi dibole.
\v 43 Aru jitia mondoli laga sabha khotom hoise, Yehudi khan aru Yunani bhasa kotha koithaka Yehudi khan Paul aru Barnabas pichete jaise, aru taikhan pora duijon ke Isor laga morom to koi thakibole nimite koise,
\p
\v 44 Aru Bisram laga dusra din te, pura sheher eke logote joma hoise Probhu laga kotha huni bole nimite.
\v 45 Kintu jitia Yehudi khan pora dangor bhir dikhise, taikhan suku jolise aru Paul laga biya kotha koise aru tai ke sorom khilai dise.
\v 46 Kintu Paul aru Barnabas mon dangor kori kena koise, “Isor kotha apni khan logote poila kobole bisi dorkar thakise. Kintu Isor kotha to hatai diya dikhi kena tumi khan Tai laga rajyo te jabole layak nai, sabi, amikhan Porjati khan logot jai ase.
\v 47 Itu karone Probhu he moike hukum dise, aru koise,
\q ‘Moi tumi khan ke biswas nathaka khan laga ekta puhor bonai dise,
\q Itu pora tumi khan prithibi laga sob kona te jai kena anonto jibon laga kotha to koi dibo.’”
\m
\v 48 Jitia Porjati khan itu kotha hunise, tai khan khushi paise aru Probhu laga kotha ke dhanyabad dise. Aru jiman manu anonto jibon pabole ase itu khan biswas kori loise.
\v 49 Aru Probhu laga kotha sob usor-usor jaga te prochar hoi jaise.
\v 50 Kintu kanun luwa manu aru dorkar thaka maiki, aru sheher te manu majote naam thaka khan ke Yehudi khan pora Paul aru Barnabas ke digdar dibole korise, aru duijon ke taikhan laga desh pora bahar ulai dise.
\v 51 Kintu Paul aru Barnabas tai khan usor pora theng laga dhula sapha korise. Aru tate pora Iconium laga sheher te jaise.
\v 52 Aru chela khan Pobitro Atma pora bhorta hoi kena khushi pora thakise.
\c 14
\s Paul Aru Barnabas Iconium Te
\p
\v 1 Etiya Iconium te eneka hoise, Paul aru Barnabas pora Yehudi khan laga mondoli te jaise aru kineka tai duijon kotha koise, itu huni kena bisi Yehudi aru Porjati manu khan biswas korise.
\v 2 Kintu kotha namana Yehudi khan pora manu khan laga bhabona biya kotha pora bhorta kori kena nijor bhaikhan laga dushman kori dise.
\v 3 Kintu tai khan tate olop din thakise, aru Isor laga kotha mon dangor pora koise, aru Isor he Paul aru Barnabas laga hath pora Tai laga asurit kaam manu khan ke dikhai dise.
\v 4 Kintu sheher te thaka manu khan bhag hoi jaise; kunba Yehudi phale jaise, aru kunba pasoni khan phale jaise.
\v 5 Aru jitia biswas nakora khan aru Yehudi aru taikhan laga cholawta khan mili kena duijon ke hinsa kori kena pathor maribole bisarise,
\v 6 tai duijon itu jani loise aru tate pora Lycaonia, Lystra aru Derbe aru itu usor te thaka sheher te polai jaise,
\v 7 aru taikhan Isor laga kotha prochar kori thakise.
\s Lystra Te Paul Aru Barnabas
\p
\v 8 Aru Lystra te ekjon lengra manu bohise, tai laga theng te khara hobole olop bi takot thaka nai, ama laga pet pora he lengra jonom hoise, tai kitia bi bera nai.
\v 9 Itu manu Paul kotha kowa hunise, titia Paul itu manu ke bhal hoi jabole mon kori thaka laga biswas dikhi kena tai ke bhal pora sai thakise.
\v 10 Aru titia tai untcha awaj pora koise, “Uthi kena tumi laga theng te khara hobi.” Titia itu manu uthi kena bera bole shuru hoise.
\v 11 Jitia manu khan Paul ki korise itu dikhise, tai khan laga awaj uthaise aru Lycaonia laga bhasa te koise, “Isor khan manu laga gaw loi kena amikhan majote ahise.”
\v 12 Aru taikhan Barnabas ke “Zeus,” matise, aru Paul ke “Hermes,” kile mane tai he kotha bisi koi thakise.
\v 13 Titia Zeus mondir laga purohit jun to sheher usorte thakise, bail guru aru phul laga mala loi kena dorja usorte ahise; tai aru tate laga manu khan boli dibole mon jaise.
\v 14 Kintu jitia pasoni Barnabas aru Paul itu hunise, tai khan laga kapra phatai kena manu khan laga majote jai kena jor pora kandise.
\v 15 Aru koise, “Manu khan, tumi khan kile eneka kori ase? Amikhan bi apni khan nisena bhabona thaka manu he ase. Amikhan apni khan ke Isor laga kotha prochar koribole ahise, itu kotha huni kena Isor pora itcha nakora kaam khan chari bole, sorgo, prithibi aru samundar te jiman jinis ase sob Tai pora he bonai se.
\v 16 Poila homoi te, manu khan ke nijor khushi pora berabo disele.
\v 17 Kintu, Tai manu khan ke chari diya nai, Tai sorgo pora pani dise aru phul ulai kena khabole nimite bhal mohina dise aru sob bhal kaam kori dise.”
\v 18 Itu kotha koi kena, Paul aru Barnabas tai khan ke boli dibole rukhaise.
\s Lystra Te Paul Ke Pathor Mara
\p
\v 19 Titia Antioch aru Iconium pora kunba Yehudi khan tate ahise aru manu khan laga mon te biya kotha hali dise. Aru titia Paul ke pathor mari kena sheher laga bahar te tani ulai dise, tai khan bhabise Paul mori jaise.
\v 20 Kintu chela khan tai usorte khara kori thakise, titia tai uthi kena sheher te jaise. Aru dusra din te, Barnabas logote Derbe te jaise.
\v 21 Aru jitia tai duijon Isor laga kotha koi kena bisi chela bonaise, tai khan Lystra te jaise, aru Iconium aru tate pora Antioch te jaise.
\v 22 Aru tai khan chela khan ke biswas te hodai mon dangor hoi kena thakibole sikhaise, aru koise, “Amikhan Isor laga rajyo te jabole bisi dukh koribole lagibo.”
\v 23 Aru sob girja te taikhan ke cholai loi jabo nimite dangor manu basi dise, aru upwas rakhikena prathana korise, aru tai khan ke Isor hath te dise, jun ke tai khan biswas korise.
\s Paul Aru Barnabas Syria Laga Antioch Te Wapas Ahise \s5
\v 24 Aru itu pichete duijon Pisidia paar kori kena Pamphylia te ahi jaise.
\v 25 Jitia tai khan Perga te Isor kotha koi dise, tate pora tai khan Attalia te jaise.
\v 26 Tate pora duijon naw te uthi kena Antioch te jaise, tate tai khan Isor laga anugrah kaam koribole pathai sele, aru duijon itu kaam pura kori dise.
\v 27 Jitia tai khan Antioch te ahise aru girja manu khan ke joma korise, Isor pora ki korise, aru kineka Porjati khan nimite biswas laga dorja to khuli dise itu sob taikhan ke koi dise.
\v 28 Aru duijon to chela khan logote bisi din tak tate thakise.
\c 15
\s Jerusalem Laga Sabha
\p
\v 1 Etiya kunba manu Judea pora ahi kena Antioch te thaka bhai khan ke sikhai kena koise, “Jitia tak tumi khan Moses laga niom te diya nisena sunnot nakore, tumi khan nabachibo.”
\v 2 Itu kotha kowa nimite Paul aru Barnabas logote manu khan mon mila nai aru tai khan uporte khong uthise. Paul aru Barnabas aru tate kunba khan ke Jerusalem te jabole basi loise aru jai kena pasoni aru bura manu khan ke tai khan ki koise itu hudibole nimite pathaise.
\v 3 Titia taikhan ke girja pora pathaise, aru Phoenicia aru Samaria pora juwa homoi te Porjati khan mon ghura laga kotha koi di thakise. Sob bhai khan itu khobor paikena bisi khushi korise.
\v 4 Jitia tai khan Jerusalem te ponchise, tai khan ke girja laga pasoni aru bura khan pora ahi bole dise, aru Isor pora tai khan majot ki kori dise itu sob manu khan ke koi dise.
\v 5 Kintu kunba biswas kora manu, kunkhan Pharisee khan logote mili kena thakise, khara kori kena koise, “Tai khan karone to sunnot koribole dorkar ase aru Moses laga kanun mani kena thakibole nimite sikhai dibole lage.”
\v 6 Titia pasoni aru bura manu khan eke logote joma hoi kena itu kotha patise.
\v 7 Jitia itu kotha bisi dangor hoi jaise, Peter khara kori kena tai khan ke koise,
\p “Bhai khan, Isor poila te apni khan majote te moi ke basi loise, moi laga mukh pora Porjati khan Isor laga kotha hunibo aru biswas koribo nimite.
\v 8 Isor, Tai manu laga mon jane, aru sob gawahi diye, Pobitro Atma pora bhorta kori diye, jineka Tai moi khan uporte bi korise;
\v 9 aru Isor dwara Porjati khan aru amikhan majote eku alag bhabona nai, aru tai khan laga mon biswas pora sapha kori dise.
\v 10 Itu nimite tumi khan kile Isor ke bisar kori ase, chela khan laga gola uporte amikhan aru amikhan laga baba khan pora kitia bi uthabole napara bhar to kile hali bole bisari ase?
\v 11 Kintu amikhan biswas kore Probhu Jisu laga anugrah aru morom pora poritran pabo, kineka tai khan paise ami khan bi pabo.”
\p
\v 12 Aru tate thaka sob manu khan chup hoi jaise jitia Paul aru Barnabas pora Porjati khan majote Isor pora ki asurit kaam kori dise itu tai khan ke koise.
\v 13 Aru jitia tai khan kotha kori kena khotom hoise, James pora koise,
\p “Bhai khan, moi laga kotha huni bi.
\v 14 Simon pora poila koise kineka Isor pora Porjati khan ke modot kori dise aru tai khan majot pora Tai laga naam ula bole nimite.
\v 15 Aru bhabobadi khan itu kotha to manise, jineka itu likha ase,
\q
\v 16 ‘Itu pichete moi aru bi ahibo,
\q Aru moi David laga bhangi juwa tombu uporte ghor bonabo;
\q Aru biya hoija khan sob wapas bhal kori kena khara kori dibo,
\q
\v 17 Kilemane manu khan Probhu ke bisaribo,
\q Aru sob Porjati khan moi laga naam matibo.
\q Itu Probhu pora koi ase, jun he itu sob kaam to kori dise.
\v 18 Itu sob kaam shuru pora manu khan ke jonai dise.
\m
\v 19 Itu karone, moi laga bhabona eneka ase, amikhan Porjati khan Isor phale aha to digdar nokoribo lage.
\v 20 Kintu taikhan ke likhikena taikhan murti puja kora aru mangso laga itcha kaam kora, aru janwar laga gola kati kena khun kha itu sob nakoribole koi dibo.
\v 21 Moses laga kotha sob sheher te ase, poila khandan pora loi kena, aru jun manu tai laga naam loi kena mondoli khan te prochar kore, aru tai laga naam hodai Bisram din te loi thake.”
\s Porjati Biswasi Nimite Sabha Laga Chithi
\p
\v 22 Titia sob pasoni khan, bura khan aru girja manu khan itu kotha khan bhal paise, aru basi luwa khan ke Paul aru Barnabas logote Antioch te pathai dibole tai khan sai loise. Titia Judas, kun ke Barsabbas bi mate, aru Silas tai khan biswasi bhai khan majote cholawta thakise, tai ke pathaise.
\v 23 Aru taikhan hath pora chithi likhi dise: “Pasoni aru bura khan pora, amikhan jun apni khan laga bhaikhan ase, jun khan Antioch, Syria, aru Cilicia te ase, aru Porjati khan ke salam di ase!
\v 24 Amikhan hunise, kunba manu amikhan majot pora ulai jaise, aru amikhan ke eku huda nai, aru apni khan ke ulta kotha sikhai kena Atma te dukh pabole dise.
\v 25 Itu nimite, amikhan eke logote lok kori kena apnikhan ke pathabole bhal manu basi bo, jun khan logote amikhan bisi morom kora Barnabas aru Paul duijon bi pathabole ase.
\v 26 Itu manukhan nijor laga jibon di kena Probhu Jisu Khrista laga naam nimite dukh uthai thake.
\v 27 Itu karone Judas aru Silas ke pathai ase, tai khan bi itu kotha khan nijor mukh pora apnikhan ke koi dibo.
\v 28 Kilemane Pobitro Atma pora amikhan nimite itu he bhal ase bhabise, apni khan uporte eku kaam nathaka laga bhar pora dukh nadibo nimite:
\v 29 murti puja ke boli diya pora apni khan dur thakibo, aru khun para, aru gola kati kena morai diya pora, aru biya paap pora. Jodi apni khan pora itu khan sob pora dur thakise koile, apni khan nijor nimite bhal ase. Bhal pora thakibi.”
\p
\v 30 Jitia taikhan ke jabole dise, taikhan Antioch te ahi punchi se; aru sob manu khan ke joma kora pichete, chithi tai khan ke dise.
\v 31 Aru jitia tai khan porhise, taikhan bisi mon dangor kori diya kotha dikhi kena tai khan bisi khushi korise.
\v 32 Judas aru Silas, duijon bi bhabobadi thakise, aru tate thaka bhai khan ke nijor kotha pora manu khan laga biswas aru mon dangor kori dise.
\v 33 Aru tate olop din tate thaki kena, taikhan ke kun bhaikhan pora pathai se, taikhan logot wapas shanti pora pathai dise.
\v 34 Kintu Silas, tate aru thakibole mon thakise.
\v 35 Aru Paul aru Barnabas to Antioch te thaki jaise, Isor laga kotha manu khan ke sikhai thakise- dusra khan bi duijon logote thakise.
\s Paul Aru Barnabas Alag Huwa
\p
\v 36 Kintu olop din pichete, Paul pora Barnabas ke koise, “Ahibi amikhan poila jun sheher te jai kena Isor kotha prochar korise tate laga bhai khan ke jai kena lok koribo, aru tai khan kineka ase itu sabo.”
\v 37 Barnabas tai khan logote John kun ke Mark bi mate tai ke loi jabole mon thakise.
\v 38 Kintu Mark ke loi juwa to thik nohoi eneka Paul pora bhabise, tate pora John to Pamphylia te jaise aru tai khan ki kaam nimite jaise itu kaam te tai aru age na ja hoise.
\v 39 Itu nimite tai duijon majot kotha mila nai, aru tate pora tai duijon alag hoi jaise, aru Barnabas pora Mark ke loi kena naw pora Cyprus te jai jaise.
\v 40 Kintu Paul pora Silas ke basi loise aru tate bhai khan pora duijon ke Isor laga anugraha te rakhi kena sob kaam di dise.
\v 41 Aru tai Syria aru Cilicia te jaise, aru girja khan ke mon dangor kori dise.
\c 16
\s Paul Aru Silas Logot Timothy
\p
\v 1 Titia tai Derbe aru Lystra te jai se; aru sabi, tate ekjon chela Timothy koi kena thakise, tai ekjon biswasi aru Yehudi mahila laga chokra asele; kintu tai laga baba to Yunani manu thakise.
\v 2 Lystra aru Iconium te thaka bhai khan tai laga bhal kotha he koise.
\v 3 Paul taike loi jabole mon thakise; aru tai ke sunnot kori dise kilemane itu jaga te Yehudi khan thakise, aru tate laga manu khan sob jani thakise tai laga baba Yunani manu ase koikena.
\v 4 Aru taikhan sheher khan te ja-a homoi te, tai khan girja khan te manu khan ke Isor kotha mani bole sikhaise, juntu kotha Jerusalem te thaka pasoni aru girja laga bura khan pora taikhan ke kobole faisla kori dise.
\v 5 Itu pora girja khan biswas te takot hoi thakise, aru hodai din manu bi bisi-bisi hoi jaise.
\s Macedonia Khan Pora Mata
\p
\v 6 Paul aru tai laga sathi khan Phrygia aru Galatia laga jaga phale he jaise, kilemane Pobitro Atma pora taikhan ke Asia te prochar koribole mana korise.
\v 7 Jitia tai khan Mysia usorte ahise, tai khan Bithynia te jabole kosis korise, kintu Jisu laga Atma pora tate jabole mana korise.
\v 8 Itu karone taikhan Mysia paar kori kena Troas sheher te jaise.
\v 9 Itu rati te Paul ekta darshan dikhise: ekjon manu Macedonia te khara kori thakise, aru tai ke mati kena koise, “Ahi kena ami khan ke Macedonia te modot koribi.”
\v 10 Jitia Paul itu darshan dikhise, itu homoi te amikhan joldi Mecedonia te jaise, kilemane taikhan ke susamachar koi dibole Isor amikhan ke matise.
\s Lydia Mon Ghurai Luwa
\p
\v 11 Aru amikhan Troas pora naw te uthi kena sidha Somothrace te jaise, aru dusra din Neapolis te ahi jaise.
\v 12 Aru tate pora Mecedonia laga sob pora dangor sheher Philippi te punchise, Rome manukhan laga jaga, aru amikhan tate olop din thakise.
\v 13 Aru Bisram din te amikhan sheher bahar te ulai kena nodi kinar phale, prathana koribole jagah ase bhabi kena tate jaise. Titia amikhan bohi se aru tate mahila khan joma hoikena thaka khan logote kotha korise.
\v 14 Tate ekjon mahila Lydia koi kena asele, Thyatira te tai begoni rong kapra bikiri kori thake, tai Isor ke mohima kore, aru tai amikhan laga kotha hunise. Probhu he itu mahila laga mon khuli kena Paul laga kotha bhal pora hunibole dise.
\v 15 Aru jitia tai aru tai laga ghor manu sob baptizma loise, tai amikhan ke hudi kena koise, “Jodi apni khan moi Isor usorte biswasi ase koi kena bisar kore, ahi kena moi laga ghor te thaki bi.” Aru amikhan tai laga ghor te rukhibole jaise.
\s Paul Aru Silas Bondhi ghor Te \s5
\v 16 Itu homoi te, amikhan prathana koribole ekta jagate jai thakise, titia amikhan ekjon jawan jyotishee kora mahila ke lok paise. Tai itu kaam kori kena tai laga malik khan ke bisi poisa kamaikena di thakise.
\v 17 Itu mahila Paul aru amikhan laga pichete ahi kena hala korise, aru koise, “Itu manu khan sob se Mohan Isor laga sewak khan ase. Tai khan pora apnikhan logot prochar kora to poritran pabole rasta ase.”
\v 18 Tai bisi din eneka koi thakise, kintu tai eneka kowa to Paul ke bhal panai, aru tai ghurai kena atma ke koise, “Moi Jisu Khrista naam pora tumi ke hukum di ase tai pora ulai jabi,” aru itu homoi te atma ulai jaise.
\p
\v 19 Kintu jitia tailaga malik khan poisa aha rasta to bondh hoi ja dikhise, taikhan Paul aru Silas ke dhori kena bajar laga adhikari khan usorte loi anise.
\v 20 Aru jitia taikhan ke bisar kora manu khan usorte anise, tai khan koise, “Itu manu khan amikhan laga sheher ke biya kori ase. Tai khan Yehudi manu ase.
\v 21 Moi khan ki kanun manibo napare itu sikhai ase aru Rome laga kanun lobole koi ase.”
\v 22 Titia manu khan Paul aru Silas uporte khong korise, aru bisar kora manu khan pora tai duijon laga kapra phatai kena pitabole hukum dise.
\v 23 Aru tai duijon ke bisi marise, aru bondhi ghor te bondh koridise aru bondhi ghor laga adhikari ke bhal pora duijon ke rukhibole hukum dise.
\v 24 Jitia tai itu hukum paise, bondhi ghor laga adhikari pora tai duijon laga theng bandhi kena bondh kora bhitor kamra te rakhi dise.
\s Bondhi Ghor Adhikari Mon Ghurai Luwa \s5
\v 25 Aru adha rati te Paul aru Silas prathana kori kena Isor laga gana gayi thakise, aru bondhi ghor te thaka dusra koidi khan tai khan ke huni thakise.
\v 26 Achanak pora dangor mati hili se, aru bondhi ghor laga khamba khan hili jaise; aru itu homoi te dorja khan khuli jaise, aru manukhan ke bandhi rakha loha rusi sob khuli jaise.
\v 27 Titia adhikari ghumai thaka pora uthi jaise aru dorja khan sob khula dikhise; aru tai laga talwar ulai kena nijor ke morai dibole korise, kilemane tai bhabise bondhi ghor te thaka manu khan sob polai jaise.
\v 28 Kintu Paul jor pora hala kori kena koise, “Nijor ke jokhom nadibi, kilemane amikhan sob yate ase.”
\v 29 Titia bondhi ghor laga adhikari pora saaki mangi kena bhitor te polai ahise, aru bhoi pora kapikena, Paul aru Silas laga theng te giri jaise,
\v 30 aru tai duijon ke bahar te loi ani kena koise, “Sahab khan, poritran pabole moi ki koribo lage?”
\v 31 Titia duijon koise, “Probhu Jisu ke biswas koribi, titia tumi aru tumi laga ghor manu sob bachi jabo.”
\v 32 Titia duijon taike aru tai laga ghor manu sob ke Probhu laga kotha hunai dise.
\v 33 Titia bondhi ghor laga sipahi pora itu rati te duijon ke loi jaise, aru tai khan laga jokhom sapha kori dise, tai laga sob ghor manu aru tai itu homoi te baptizma loise.
\v 34 Aru duijon ke tai laga ghor te loi anise aru kha luwa dise, aru tai Isor ke biswas korise koi kena tai laga sob ghor manu bisi khushi korise.
\p
\v 35 Aru jitia din hoise, titia sahab khan pora sipahi khan ke pathaise aru koise, “Tai khan ke jabole dibi.”
\v 36 Titia sahab pora jai kena itu kotha Paul ke koise, “Bisar kora manu pora moi ke apni khan ke chari dibole koise. Itu nimite bahar te ulabi, aru shanti pora jabi.”
\v 37 Kintu Paul taikhan ke koise, “Amikhan Rome laga manu ase, hoilebi bisar laga niom nacholai kena ami duijon ke marise, aru bondhi ghor te hali dise. Etiya to moi khan ke lukai kena pathai dibole mon ase? Eneka nohoi! Kintu, tai khan nijor ahi kena amikhan ke bahar te loi jabole dibi.”
\v 38 Titia sipahi khan bisar kora manu khan ke jai kena itu kotha koise, aru jitia Paul aru Silas Roman manu ase koi kena janise, tai khan bhoi lagi jaise.
\v 39 Titia bisar kora manu khan ahi kena tai khan ke maph mangise, aru duijon ke bahar te ulai kena anise, aru sheher pora jai jabole koise.
\v 40 Titia duijon bondhi ghor pora ulai kena Lydia laga ghor te jaise. Aru jitia Paul aru Silas duijon bhai khan ke dikhise, tai khan laga mon dangor kori di kena sheher pora jai jaise.
\c 17
\s Thessalonica Te Paul Aru Silas
\p
\v 1 Jitia tai khan Amphipolis aru Apollonia laga sheher paar kori kena jaise, aru Thessalonica laga sheher te ahi ponchise, tate Yehudi khan laga ekta mondoli thakise.
\v 2 Aru Paul, tai laga nijor niom hisab pora taikhan logote jaise, aru tin Bisram din tak taikhan logote Isor laga kotha koi thakise.
\v 3 Aru tai pobitro kitab khuli kena taikhan ke bujhai thakise ki Khrista dukh pabo aru mora pora jinda hoi jabo, aru itu eneka hobole dorkar thakise. Aru tai koise, “Itu Jisu kun laga kotha koi kena moi prochar kori ase Tai he Khrista ase.”
\v 4 Tate kunba Yehudi khan Paul aru Silas laga kotha huni kena tai duijon logote milai loise, aru taikhan logote kunba Yunani khan aru kunba maiki khan bi mili jaise.
\v 5 Kintu biswas nakora Yehudi khan mon julise, aru bajar pora biya manu ke joma kori loise, aru bisi manu lagai kena sheher te hala korise. Aru jitia Jason laga ghor bhangai dise, aru Paul aru Silas ke manu khan dhori kena loi anibole bisari se.
\v 6 Kintu jitia taikhan duijon ke pa nai, taikhan Jason aru kunba biswasi bhai khan ke dhori kena sheher laga adhikari khan usorte loi jaise, aru hala kori kena koise, “Itu manu khan jun duniya ke ulta kori di ase, tai khan bi yate ahikena ase.
\v 7 Jason pora tai laga ghor te manu kun khan rakhise kun khan Caesar laga kotha mana nai, aru tai khan koi ase Jisu koi kena dusra raja ase.”
\v 8 Aru itu kotha huni kena bisi manu khan aru sheher laga adhikari khan sob chinta hoise.
\v 9 Kintu taikhan Jason aru tai laga saathi khan pora poisa loise, aru tai khan ke jabole dise.
\s Berea Te Paul Aru Silas
\p
\v 10 Titia biswasi bhai khan itu rati te Paul aru Silas ke Berea te pathai dise. Aru jitia duijon tate ponchise, tai duijon Yehudi khan laga mondoli te jaise.
\v 11 Aru Thessalonica te thaka manu khan to dusra jaga laga manu khan pora bi bhal thakise, kile mane taikhan hodai din Isor laga kotha te ki likha ase itu sai kena bhal mon pora grohon kori thakise.
\v 12 Itu nimite bisi manu tate biswas korise, aru tate laga Yunani niom mani thaka mahila khan aru kunba mota manu khan bi biswas korise.
\v 13 Kintu jitia Thessalonica laga Yehudi khan Paul pora Berea te Isor laga kotha koi ase koi kena janise, tai khan jai kena manu khan laga mon te biya kotha hali dise aru mon biya kori bole dise.
\v 14 Itu homoi te, biswasi bhai khan joldi Paul ke samundar phale pora jabole dise, kintu Silas aru Timothy tate thaki jaise.
\v 15 Aru jun manu Paul ke loi jaise tai khan Athens laga sheher pora aru dur te taike loi jaise. Aru jitia tai khan Silas aru Timothy duijon ke Paul pora tai usorte te joldi ahibole dibi koi kena khobor paise, tai khan nijor laga ghor te jai jaise.
\s Paul Athens Te
\p
\v 16 Jitia Paul Athens te Silas aru Timothy ke rukhi thakise, tai itu sheher te murti bhorta thaka dikhi kena tai laga atma pora bisi mon dukh hoise.
\v 17 Titia tai mondoli te jai kena Yehudi aru hosa Isor ke aradhana kora manu khan logote kotha korise, aru hodai tai jitia bajar te jai tate bi manu lok pai le itu laga kotha kori thakise.
\v 18 Titia Epicurean aru Stoic laga pondit kunba ahi kena tai logot kotha lagi thakise, aru kunba koise, itu ke najana manu ki kobole mon kori ase? Dusra koise tai dusra jaga laga dhorom manu ase, kilemane tai Jisu laga kotha aru jee utha laga kotha prochar kori ase.
\v 19 Tai khan Paul ke Aropagus laga usorte loi jaise aru koise, “Tumi ki koi ase aru sikhai ase itu amikhan bi jani bole paribo?
\v 20 Kilemane amikhan laga kan pora kitia bi nahuna kotha huni bole pai ase. Itu nimite, amikhan bi jani bole mon ase itu kotha laga ki motlob ase.”
\v 21 -Etiya sob Athens laga manu aru dusra desh pora ahi kena thaka manu khan dusra eku kaam nakori kena kiba notun kotha hunile itu laga kotha koikena bohi thake.
\s Paul Pora Sabha Manu Khan Majot Te Prochar Kora \s5
\v 22 Titia Paul Areopagus majote khara hoi kena koise,
\p “Tumi Athens laga manu khan, moi dikhi ase tumi khan sob kaam te bhal ase.
\v 23 Jitia moi tumi khan laga puja kori thaka saman khan sai kena paar kori thakise, tumi khan pathor pora bona bedi te eneka likhi kena rakha dikhise, “Ekjon najana Isor nimite.” Itu karone jun ke apnikhan najani kena puja kori thaki ase, itu laga kotha tumi khan ke moi kobo.
\v 24 Isor jun he prithibi aru tate thaka sob bonai dise, Tai sorgo aru prithibi laga Isor ase, manu pora bonai diya laga mondoli te nathake.
\v 25 Aru Tai manu laga hath laga sewa nalage, aru manu pora eku nibisare, kilemane Tai he sob ke jibon aru saas diye aru manu ki lage Tai itu sob diye.
\v 26 Aru Tai ekjon manu pora he ekta desh aru jiman manu etiya thaki ase itu sob ke bonai dise, ki homoi te kineka dibole lage aru kun manu laga jat kote thakibole lage itu sob Tai pora bonai kena rakhi dise,
\v 27 Eneka korile manu khan Tai ke bisaribo aru tai khan Isor phale mon dibo aru Tai usorte ahibo. Kintu Tai amikhan pora kitia bi dur thaka nai.
\v 28 Kilemane amikhan Tai logote jinda ase aru ami khan laga ki ase itu sob to Tai laga he ase, jineka apni khan laga majote kitab likha ekjon pora koise,
\p ‘Ami khan sob Tai laga bachakhan he ase.’
\v 29 Itu karone, amikhan Isor laga bacha ase, amikhan eneka bhabona koribole nalage ki tai laga sobhab to suna, chandi, aru pathor nisena ase- itu khan jinis to manu laga bhabona pora bonai.
\v 30 Itu nimite Isor poila te manu laga paap dhyan nakori kena chari dise, kintu etiya Tai sob manu ke paap pora mon ghura bole hukum dise.
\v 31 Kilemane, ek din te rakhi kena ase, juntu din te, Tai pora basi luwa ekjon pora itu duniya ke dhormikta pora bisar koribo. Isor he Jisu ke mora pora jinda kori kena Tai hosa Isor ase koi kena dikhai dise.”
\p
\v 32 Aru jitia Athens laga manu khan mori kena jinda huwa kotha hunise, kunba tate thaka khan Paul ke hinsa korise; kintu kunba koise, “Amikhan itu kotha apni pora aru hunibo.”
\v 33 Itu pichete Paul taikhan laga majot pora ulai jaise.
\v 34 Kintu kunba tai logote mili jaise aru tai ki kotha koise itu biswas korise, itu majote Dionysius jun Areopagus laga ekjon manu, aru Damaris koi kena ekjon mahila, aru dusra manu khan bi tai khan logote thakise.
\c 18
\s Paul Corinth Te
\p
\v 1 Itu pichete Paul Athens pora Corinth te jaise.
\v 2 Tate tai ekjon Yehudi manu Aquila koikena lok paise, tai Pontus laga manu thakise, aru tai olop din agete Italy pora tai laga maiki Priscilla ke loi kena ahise, kilemane Claudius pora Yehudi manu khan ke Rome pora jai jabole hukum dise. Paul tai khan usorte jaise,
\v 3 aru kilemane tai khan ki kaam kore itu Paul bi kora nimite, tai khan logote thaki kena kaam korise, kilekoile tai khan sob tambu bona manu asele.
\v 4 Aru Paul to mondoli te jai kena hodai Bisram din te tai khan logote kotha kori thakise. Tai Yehudi aru Yunani manu khan ke Isor laga kotha mani kena thakibole nimite koi thakise.
\v 5 Jitia Silas aru Timothy duijon Macedonia pora ahise, Paul Isor laga kotha te pura mon di kena thakise, aru Yehudi manu khan ke Jisu Khrista laga gawahi koi thakise.
\v 6 Kintu Yehudi manu khan tai laga kotha mana nai aru tai ke sorom khilai dise, Paul tai laga kapra jharikena tai khan ke koise, “Tumi khan laga khun tumi khan nijor matha uporte ahi bole dibi; moi eku golti kora nai. Etiya pora moi Isor najana manu usorte he jabo.”
\v 7 Aru tai tate pora ulai kena ekjon manu Titus Justus laga ghor te jaise, tai Isor ke mohima kora ekjon thakise. Tai laga ghor mondoli laga usorte thakise.
\v 8 Crispus, mondoli laga ekjon cholawta, Probhu ke biswas kori loise, aru tai laga ghor manu sob bi biswas korise; aru Corinth te kiman manu Isor laga kotha hunise tai khan bi biswas kori kena baptizma loise.
\v 9 Aru Probhu he rati te Paul ke sapna te koise, “Bhoi no koribi, kintu moi laga kotha koi thakibi aru kitia bi chup na thakibi.
\v 10 Kilemane moi tumi logote ase, aru kun bi tumi ke ahi kena eku koribole naparibo, aru tumike nuksan nakoribo, kilemane itu sheher te moi laga manu bisi ase.”
\v 11 Aru Paul tate ek saal aru choi mohina thakise, Isor laga kotha manu khan ke sikhai thakise.
\p
\v 12 Kintu jitia Gallio pora Achaia laga rajyopal hoise, sob Yehudi manu khan mili kena Paul laga birodh te khara hoise aru tai ke dhori kena bisar kora jaga te loi anise;
\v 13 tai khan koise, “Itu manu ami khan laga niom birodh te jai kena Isor laga kotha sikhai ase aru mani bole koi ase.”
\v 14 Aru jitia Paul pora kotha kobole mukh khuli se, Gallio pora Yehudi khan ke koise, “Tumi Yehudi khan, jodi itu kotha golti aru paap kaam kora laga ase koile, moi tumi khan nimite bisar koribo.
\v 15 Kintu tai koi thaka kotha kunba laga naam nimite aru tumi khan laga niom laga ase koile, tumi khan nijor hai sai lobi. Moi itu kotha khan nimite bisar koribole mon nai.”
\v 16 Titia Gallio bisar laga jaga pora taikhan ke jabole dise.
\v 17 Aru tai khan sob Sosthenes usorte jaise, mondoli laga ekjon cholawta, aru tai ke bisar kora jaga te jai kena marise. Kintu Gallio to itu khan nimite eku chinta kora nai.
\s Paul Antioch Te Wapas Aha
\p
\v 18 Etiya Paul, bisi din tate thaka pichete, tate laga bhai khan ke chari kena Syria te jaise, Priscilla aru Aquila bi tai logote thakise. Tai Cenchrea te tai nijor laga chuli kati dise kilemane tai kosom khaise.
\v 19 Aru jitia tai khan Ephesus te ahise, Paul pora Priscilla aru Aquila ke tate chari dise, kintu tai nijor jai kena Yehudi khan logote kotha kori thakise.
\v 20 Jitia tai khan Paul ke tate aru olop din thakibole koise, tai mana nai.
\v 21 Kintu tai anurodh kori kena tai khan ke koise, “Isor itcha hoile moi aru bi ahibo.” Tate pora tai naw te uthi kena Ephesus te jai jaise.
\p
\v 22 Aru jitia Paul Caesarea te namise, tai jai kena Jerusalem girja te manu khan ke salam dise aru tate pora tai Antioch te jaise.
\v 23 Aru olop din tate thaka pichete, Paul tate pora ulai jai kena Galatia aru Phrygia laga desh te kiman biswasi manu khan ase tai khan laga mon dangor kori dise.
\s Ephesus Te Apollos Pora Himot Korikena Kotha Kowa
\p
\v 24 Tate Apollos koi kena ekjon manu thakise, tai jonom pora Alexandria laga manu thakise, kintu tai Ephesus te ahise. Tai to Isor laga kotha bhal pora jana aru kobo para ekjon gyaani manu thakise.
\v 25 Apollos ke Probhu laga rasta te thik pora mani kena thaki bole koi dise. Atma te bhal kori kena thakibole nimite, aru mon di kena Jisu laga kotha manu khan ke sikhai thake, kintu tai John pora diya baptizma he jane.
\v 26 Itu nimite Apollos mondoli te jai kena mon dangor pora kotha koi thakise. Kintu jitia Priscilla aru Aquila tai laga kotha hunise, tai ke kinar te loi jai kena Isor laga kotha aru bi bhal pora bujhai dise.
\v 27 Jitia tai Achaia jaga ke paar kori kena jabole itcha korise, titia biswasi bhai khan pora tai laga mon dangor kori dise aru taike bhal pora grohon koribi koikena Achaia te thaka chela khan ke ekta chithi likhi dise. Jitia tai tate punchise, tai Isor laga anugrah pora biswasi khan ke bisi modot dise.
\v 28 Aru Apollos pora manu khan usorte mon dangor korikena Yehudi khan ke kotha pora jiti se aru pobitro kitab te likhikena thaka pora Jisu he Khrista ase koi kena dikhai dise.
\c 19
\s Ephesus Te Paul
\p
\v 1 Aru jitia Apollos Corinth te thakise, Paul to upor phale thaka desh paar korikena Ephesus laga sheher te punchise, aru tate kunba chela khan ke lok paise.
\v 2 Aru Paul tai khan ke koise, “Tumi khan biswas kora homoi te Pobitro Atma paise?” Kintu tai khan tai ke koise, “Nai, amikhan Pobitro Atma ase koi kena huna bi nai.”
\v 3 Titia Paul koise, “Tine hoile tumi khan ki pora baptizma loise?” Tai khan koise, “John laga baptizma pora.”
\v 4 Titia Paul koise, “John pora mon ghura laga baptizma pora tumi khan ke baptizma dise. Tai manu khan ke koise tumi khan John laga pichete ekjon ahi ase Tai ke biswas koribi, Tai Jisu ase.”
\v 5 Jitia manu khan itu kotha hunise, tai khan sob Probhu Jisu laga naam te baptizma loise.
\v 6 Aru jitia Paul taikhan laga uporte hath rakhi dise, Pobitro Atma taikhan laga uporte ahi jaise titia taikhan alag kotha pora bhabobani kobole shuru hoise.
\v 7 Tate tai khan sob milai kena baroh jon manu thakise.
\p
\v 8 Aru Paul mondoli te jai kena tin mohina tak Isor laga kotha mon dangor kori kena koise, manu khan ke Isor laga rajyo kotha bhujai kena biswas koribole koi dise.
\v 9 Kintu kunba Yehudi khan mon tan kori kena kotha mana nai, tai khan manu khan usorte biya kotha kobole shuru hoise. Titia Paul tai khan ke chari kena chela khan ke loi jaise, aru hodai din Tyrannus hall te jai kena kotha koi thakise,
\v 10 Aru eneka dui saal tak hoi thakise, itu karone Asia te kiman manu thakise tai khan sob Probhu laga kotha hunise, Yehudi aru Yunani manu khan bi.
\s Sceva Laga Chokra Khan \s5
\v 11 Isor pora Paul laga hath pora kitia bi nadikha asurit kaam khan korise,
\v 12 itu karone manukhan rumal nohoile kapra loikena tai gaw ke chui dibo, aru bemar bhal hoi thake, aru biya atma khan bi gaw chari kena bahar ulai jai thakise.
\v 13 Titia kunba Yehudi khan itu jaga phale beraikena jadu-tona, jhara-jhari kori thakise. Taikhan bi jun manu logot dushto atma thakise utu khan ke Probhu Jisu laga naam lobole kosis korikena eneka koise, “Moi tumi ke Paul pora prochar kori thaka Jisu laga naam pora bahar te ulai jabole hukum di ase.”
\v 14 Aru Yehudi laga maha purohit kaam kora Sceva laga sat jon chokra khan tineka kaam kori thakise.
\v 15 Aru dushto atma koise, “Moi Jisu ke jane aru Paul ke bi jane, kintu tumi kun ase?”
\v 16 Titia jun logot te dusto atma thakise, utu manu taikhan uporte uthi kena taikhan ke marise aru harai dise, aru manukhan sob utu ghor pora lengta hoikena, bisi jokhom paikena polai jaise.
\v 17 Aru utu kotha Ephesus te thaka Yehudi aru Yunani khan sob jani jaise, aru taikhan sob bhoi lagi jaise, aru Probhu Jisu naam ke prosansa kori thakise.
\v 18 Aru jun biswas kori loise utu khan pora bisi manu ahi kena nijor-nijor he taikhan ki biya kaam korise itu sob laga paap shikar korise.
\v 19 Aru jadu-tona kori thaka khan nijor-nijor jadu laga kitab khan joma kori sob manu pora dikhikena jolai dise, aru jitia utu daam hisab kori saise, itu chandi poisa te pachas hajar toka nisena thakise.
\v 20 Karone Probhu laga kotha pora jiti kena biswasi khan bisi hoi jaise.
\s Ephesus Te Gondugol Huwa
\p
\v 21 Aru jitia Paul Ephesus te tai laga sewkai kaam khotom korise, tai Atma te bhabi loise jitia tai Jerusalem te jabo, titia tai Macedonia aru Achaia te bi jabo; aru koise, “Ami tate juwa pichete, aru Rome te bi jai kena sabo lagibo.”
\v 22 Itu karone tai sewa te thaka Timothy aru Erastus duijon ke Macedonia te pathai kena tai olop homoi karone Asia te thaki jaise.
\p
\v 23 Aru itu homoite, Ephesus te Isor laga Rasta laga kotha nimite dangor gondugol hoise.
\v 24 Demetrius koikena chandi laga kaam kora ekjon thakise aru tai chandi pora Artemis laga mondir te murtikhan bisi bonaise, aru itu pora kaam kora khan bisi labh hoi thakise.
\v 25 Aru tai pora tai nisena kaam kori thaka khan sobke mati anikena koise, “Hey sahab khan, apnikhan bi jani ase, amikhan itu kaam kora pora bisi poisa pai thake.
\v 26 Aru apnikhan bi dikhi aru huni ase, khali Ephesus te he nohoi kintu pura Asia te eneka koi kena Paul pora bisi manu ke biswas kori loi ase, tai koi ase juntu hath pora bonaise utu Isor nohoi.
\v 27 Itu karone khali ami laga kaam ke he nohoi, kintu Asia te, aru pura duniya te puja kori thaka maha devi Artemis laga mondir ke bi bodnam kori di ase, aru devi laga naam bi harai jabole bhoi hoise.”
\v 28 Jitia manu khan itu kotha hunise, taikhan bisi khong uthise, aru bisi jor pora hala kori koise, “Ephesus laga Artemis mohan ase.”
\v 29 Eneka hoi kena pura sheher te hala hoi jaise; titia taikhan mili kena ahise aru Gaius aru Aristarchus jun Paul logote safar kori thaka manukhan asele, tai duijon ke dhori kena moncho ghor te loi anise.
\v 30 Aru Paul to tate jabole bisi mon korise, kintu chela khan pora taike jabo diya nai.
\v 31 Titia kunba Asia te thaka adhikari khan pora taikhan laga sathi khan ke khobor pathai kena Paul ke moncho ghor te najabi koise.
\v 32 Aru bhir te thaka kunba pora kiba kobo, aru dusra pora kiba kobo eneka hoi thakise, itu pora bhir te manu khan bisi matha ghurai thakise. Tate bisi manu itu bi jani kena thaka nai taikhan kile tate joma thakise.
\v 33 Aru Yehudi khan pora Alexander ke age te loi rakhi dise, aru Alexander tai laga hath uthai kena manu khan ke bujhai dibole korise.
\v 34 Kintu jitia tai Yehudi manu ase koikena jani loise, sob mili kena dui ghanta tak, “Ephesus laga Artemis mohan ase” eneka hala kori thakise.
\v 35 Aru titia sheher laga cholawta he sob manu ke chup kori kena koise, “Hey Ephesus manu khan, Ephesus laga sheher to maha devi laga mondir rakhi thaka jaga ase koikena, aru murti nisena sabole juntu akas pora ahise itu kun manu najane?
\v 36 Karone utu jinis khan to nohoi kobo napare, titia hoile chup-chap hoi jabole lage, aru eku koribole dorkar nai.
\v 37 Kilemane itu duijon mondir te chor dokaiti kora nohoi aru tumi laga devi laga upor te eku biya kotha kowa nohoi, hoilebi tumikhan pora taikhan ke dhori anise.
\v 38 Karone Demetrius aru tai logote kaam kora khan he kunba logot kotha namila thakile, bisar kora jaga aru sabha to khula ase, taikhan tate pora bisar koribo dibi.
\v 39 Kintu jodi apnikhan itu te bi aru kiba ase koile, thik homoi te sabha pora bisar kori lobo lage.
\v 40 Kilemane aji gondugol kora nimite ami upor golti dibole bhoi ase, itu eku motlob nathaki kena gondugol kora itu laga jowab dibole naparibo.”
\v 41 Aru tai itu kotha koi kena sabha ke chari dise.
\c 20
\s Macedonia Aru Greece Te Paul
\p
\v 1 Jitia gondugol to khotom hoise, Paul chela khan ke mati anise aru taikhan ke samjai dise, aru taikhan ke bidai korikena tai Macedonia te jai jaise.
\v 2 Titia tai utu desh khan paar korikena khotom huwa pichete, tai Greece te ahi jaise.
\v 3 Aru tai tate tin mohina thakise aru tate pora Syria te jabole thakise, kintu Yehudi khan taike morai dibole thaka jani kena, Macedonia phale pora he wapas jabole bhabi loise.
\v 4 Aru Berea manu Sopater laga chokra, aru Thessalonica pora Aristarchus aru Secundus aru Derbe pora Gaius aru Timothy aru Asia pora Tychicus aru Trophimus taikhan tai logote jaise.
\v 5 Kintu itu khan amikhan agete jai kena Troas te rukhi thakise.
\v 6 Aru khomir nahala roti laga utsov din pichete amikhan Philippi pora naw te uthi kena pans din pichete Troas te taikhan logot ponchise, aru saat din tak tate thakise.
\s Eutychus Ke Mora Pora Jinda Uthai Diya
\p
\v 7 Titia hapta laga prothom din jitia biswasi chela khan eke loge mili kena roti bhangai sele. Paul dusra din te jabole thakise, itu karone tai taikhan logot adha rati tak kotha kori thakise.
\v 8 Upor kamra kot te amikhan joma thakisele tate bisi saaki khan jolai rakhise.
\v 9 Aru Eutychus koikena jawan ekjon khirki te bohi thakise, aru Paul bisi deri kotha koi thaka pora, tai ghumai kena tin tola upor pora nichete girikena morise.
\v 10 Kintu Paul niche jai kena tai usorte tai laga gaw ke lamba korise, aru tai ke dhurise. Aru tai koise, “Bhoi nokoribi, kilemane tai laga jibon etiya bi tai logot he ase.”
\v 11 Titia tai aru upor jai kena roti bhangai khaise aru phojur tak kotha kori thakise, aru itu pichete jai jaise.
\v 12 Aru taikhan utu chokra jinda pa karone ekdom shanti paise.
\p
\v 13 Titia amikhan naw pora Assos te jaise, aru tate pora naw te Paul ke utha bole thakise, kilemane tai nije pora he tai berai kena jabo koise, aru tai he eneka koribole amikhan ke koise.
\v 14 Aru tai Assos te ahi amikhan ke lok paise, aru amikhan taike uthai kena Mitylene te ahi jaise.
\v 15 Aru tate pora naw te uthi kena dusra din Chios usor te ahi jaise, utu din amikhan Samos ponchise, aru Tragyllium te thaki kena dusra din Miletus te ahi Jaise.
\v 16 Kilemane Paul Asia te homoi phelabo mon kora nai, tai naw pora Ephesus paar koribole mon korise, kilemane parile Pentecost din tai Jerusalem te thakibo mon korikena tara-tari kori thakisele.
\s Ephesus Laga Bura Khan Logot Paul Pora Kotha Kowa
\p
\v 17 Tai Miletus pora khobor pathai kena Ephesus girja laga bura khan ke matise.
\v 18 Aru jitia taikhan tai logot ahise, tai koise,
\p “Moi juntu din pora Asia te ahise, utu prothom din pora kineka moi tumi logote thakise, apnikhan jani ase.”
\v 19 Moi nomrota korise aru suku pani girikena aru Yehudi khan pora chalak korikena moi ke dukh di thakile bi moi Probhu laga sewa kori thakise.
\v 20 Aru moi apnikhan ke sikha khan te, manu usorte nohoile ghor te hoilebi tumi bhal nimite kaam nakori kena chari diya nai.
\v 21 Yehudi aru Yehudi hobi, moi taikhan ke mon ghurai kena Isor phale ahibole aru Jisu ke biswas koribole sikhai ahise.
\v 22 Aru sabi, etiya moi Atma laga kotha mani kena Jerusalem te jai ase hoilebi tate moi logote ki hobo moi najane.
\v 23 Juntu sheher te jai le bi Pobitro Atma pora ami laga gawah kori di thakise, aru khali bandha aru dukh he moike rukhi ase koikena.
\v 24 Kintu moi nijor jibon karone eku chinta na thake, kintu Probhu Jisu pora ji kaam moike koribole dise, utu Isor anugrah laga susamachar ke khushi pora manu ke jonai dibole aru itu pura koribole he bhabi thake.
\v 25 Aru sabi, moi jani ase, moi Isor rajyo kotha loi kena sob jagate prochar koribo, aru apnikhan etiya pora ami laga chehera aru nadikhibo.
\v 26 Itu moi aji apnikhan ke sakhi di ase, moi ekjon golti nathaka manu laga khun phale hoile golti nai.
\v 27 Kilemane Isor laga itcha phale sob kotha moi apni khan ke koi diya hoise.
\v 28 Itu karone apnikhan nije bi hoshiar thakibi aru Pobitro Atma pora apnikhan ke sabole mer khan dise. Hoshiar pora Isor laga girja ke roikhya koribi, jintu Isor Tai Nijor laga bacha khun pora kinise.
\v 29 Kilemane moi jani ase moi juwa pichete rong kutta khan tumi laga majote ahibo, aru tumi khan ke nachari bo jun khan etiya bisi ase.
\v 30 Aru moi jani ase tumikhan nijor bhitor pora bi misa kowa ulabo aru biswasi khan ke taikhan phale kori loi lobo.
\v 31 Karone hoshiar koikena thakibi, aru bhabona koribi, moi tin saal tak rati din suku pani girai kena sob manu ke sikhaise.
\v 32 Aru bhai khan moi etiya apnikhan ke di ase, Isor aru tai anugrah laga kotha juntu pora tumikhan ke uthidibo pare aru sapha kori diya khan logote milaikena tai laga miras pabo thaka khan ase.
\v 33 Moi kun laga suna, chandi, kapra khan lalos kora nohoi.
\v 34 Apnikhan jani ase, moi nijor hath pora sewa korikena nijor aru jun moi logot thakise, taikhan ke ki lage sob kori ahise.
\v 35 Moi apnikhan ke sob rasta sikhai dise, kineka sewa korikena dukhia khan ke modot koribo lage, aru Probhu Jisu kotha mon te bhabona koribole, juntu Tai nijor pora koise: “Lu-a pora to diya jon he bisi asishit ase.”
\p
\v 36 Aru jitia tai itu kotha koi diya hoise, tai athukari kena taikhan logote prathana kori loise.
\v 37 Titia taikhan sob bisi kandise, aru Paul ke dhori kena taike chuma dise.
\v 38 Taikhan bisi mon dukh huwa to Paul laga kotha karone hoise, aru kitia bi tai laga chehera nadikhibo kowa karone, aru taikhan taike loi jai kena jahaaj tak punchai dise.
\c 21
\s Paul Jerusalem Te Juwa
\p
\v 1 Aru taikhan pora alag koikena amikhan jahaaj te uthi kena sidha rasta jaise aru Cos te ponchise, aru dusra din Rhodes te, aru tate pora Patara te ahi jaise.
\v 2 Tate pora ekta jahaaj Phoenicia te jabole thaka paise, itu pora amikhan bi tate uthi kena jaise.
\v 3 Cyprus sheher ke dikhikena aru paar korise aru amikhan Syria phale jaise, aru Tyre te nami jaise, kilemane tate jahaaj laga saman namabole thakise.
\v 4 Aru tate kunba biswasi chela khan lok pai kena amikhan saat din tate thakise. Aru taikhan Atma dwara Paul ke Jerusalem te najabole koise.
\v 5 Jitia amikhan laga din pura hoi jaise titia taikhan pora alag hoikena amikhan logote taikhan maiki khan aru bacha khan sob loikena amikhan ke sheher bahar te loi jai dise, amikhan sob tate pora athukari kena prathana korise,
\v 6 titia alag hoi kena amikhan jahaaj te uthi jaise, aru taikhan nijor-nijor ghor te jai jaise.
\p
\v 7 Aru jitia amikhan Tyre pora safar khotom hoise, amikhan Ptolemais te ponchise. Aru bhai khan ke salam jonai kena taikhan logote ek din thakise.
\v 8 Dusra din amikhan tate pora ahi Caesarea te ponchise, aru prochar kora Phillip jun saat jon laga majote ekjon asele, tai ghor te ahi kena tai logot thakise.
\v 9 Itu manu laga shadi nakorikena thaka charjon suwali thakise, aru utu khan sob bhabobani koi thakise.
\v 10 Aru tate bisi din thaki jaise, titia bhabobadi ekjon Agabus koikena Judea pora ahise.
\v 11 Jitia tai amikhan logot ahise tai Paul laga peti loi nijor hath theng ke bandi kena koise, “Jun manu itu komor bandha peti laga malik ase taike ‘Jerusalem te Yehudi khan pora tai ke eneka bandi kena Isor najana khan laga hath te dibo, eneka Pobitro Atma koi ase.’”
\v 12 Itu kotha huni kena amikhan aru tate thaka khan sob pora Paul ke Jerusalem te najabi koikena rukhaise.
\v 13 Kintu Paul koise, “Apni khan ki kori ase, kandi-kandi kena ami laga mon dukhai ase? Moi to taiyar ase, khali bandibole nimite nohoi, hoilebi Probhu Jisu naam karone moribole bi taiyar ase.”
\v 14 Jitia amikhan janise Paul to namanibo, titia amikhan chup thaki jaise aru titia moi khan koise, “Ami khan Isor laga itcha hobo dibi.”
\p
\v 15 Aru utu din pichete amikhan saman bandhi kena Jerusalem te jai jaise.
\v 16 Caesarea te kunba chela khan amikhan logote ahise, aru taikhan Mnason koikena Cyprus manu ekjon jun purana chela asele, tai ke amikhan logote thakibole loi anise.
\s Paul Pora James ke Lok Kora
\p
\v 17 Aru jitia amikhan Jerusalem te ponchise, biswasi bhai khan bisi khushi pora amikhan ke swekar korise.
\v 18 Aru dusra din te Paul amikhan ke James laga ghor te loi jaise, tate girja bura khan sob joma thakise.
\v 19 Titia tai taikhan ke salam jonai kena Isor pora tai laga sewkai dwara ki kaam Porjati khan logote korise, itu khan sob ekta-ekta korikena sob koi dise.
\v 20 Taikhan itu huni kena Isor ke mohima korise, aru tai koise, “Bhai khan itu sabi, Yehudi khan majote hajar manu bi biswas kori loise, aru taikhan sob bhal pora niom mani thake.
\v 21 Tai khan ke manu khan pora apni laga kotha koi dise, apni Porjati khan laga jagah te thaka Yehudi khan ke Moses laga niom ke namanibi koikena hikai ase, aru bacha khan laga sunnot nakorile bi hobo eneka sikhai ase hunise.
\v 22 Tinehoile amikhan ki koribo? Taikhan apni yate ahi ponchise koikena jani thakibo pare.
\v 23 Karone ekta kaam koribi amikhan logote kiba koribole kosom luwa char jon ase.
\v 24 Taikhan ke loikena taikhan logote nijor ke bi pobitro kori lobi, aru taikhan matha chuli pura kati bole kharcha dibi. Titia sob manu jani lobo taikhan pora tumi khan laga ki kotha koi ase itu sob misa ase, kintu tumi khan to thik pora thaki ase aru niom manikena thaki ase koikena jani lobo.
\v 25 Kintu Porjati khan ke jun biswas kori loise utu khan ke amikhan age pora likhi dise, murti ke boli diya laga bostu aru khun, aru gola mussri kena mangso kha-a aru bebichar kora, itu sob pora bachi thakibi koise.”
\v 26 Titia Paul dusra din manu khan ke loi taikhan logote sapha kori loise, aru girja te jai kena ekjon-ekjon laga kiman din tak sapha koribo lage koi dise aru sob nimite daan korise.
\s Mondoli Te Paul Ke Dhori Loise
\p
\v 27 Kintu jitia saat-din khotom hobole hoise, kunba Yehudi khan Asia pora ahikena taike mondir te dikhise, aru manu khan ke chukli mari kena taike dhori loise.
\v 28 Taikhan hala korikena koise, “Hey Israel khan, amikhan ke modot dibi, itu manu pora sob jagah te manukhan ke manukhan, niom khan aru itu jaga laga birodh kotha koi ase aru sikhai ase, aru tai Yunani manu khan ke bi girja te anikena pobitro jaga ke letera kori dise.”
\v 29 Agete Paul ekbar Trophimus koikena Ephesus laga manu logote berai thaka dikhise, aru taikhan bhabise Paul he utu ke girja te loi anise eneka bhabi thakise.
\v 30 Titia itu sheher te gondugol hoise, sob polai ahi kena Paul ke dhuri loise, aru taike tani bahar te loi jaise, aru joldi mondir laga dorja khan bondh kori dise.
\v 31 Aru taikhan taike morai dibole thaka homoite, pura Jerusalem te hungama hoi ase koikena itu khobor mukhyo henedhikari logote ponchise.
\v 32 Titia tai joldi sipahi khan aru henapoti khan loikena niche phale polaikena taikhan logot punchise, aru jitia manu khan mukhyo henedhikari aru sipahi khan ke dikhise, taikhan Paul ke mari thaka pora rukhi jaise.
\v 33 Titia mukhyo henedhikari usorte ahi kena taike dhori loise, aru duita luha rusi pora taike bandi lobole koi dise, aru hudise itu manu kun ase aru tai ki korise.
\v 34 Aru bhir te kunba kiba-kibi koise, aru kunba dusra kiba koi thakise, aru bisi hala kora karone tai thik pora eku bujhi bo para nai, itu karone taike bondhi kora jagate loi jabole hukum dise.
\v 35 Jitia tai siri te ponchise, manu khan bisi khong kora karone sipahi khan taike uthai kena loi jaise.
\v 36 Kilemane bisi manu tai piche-piche hala kori thakise, “Taike morai dibi!”
\s Paul Pora Manu Khan Logot Kotha Korise
\p
\v 37 Jitia taikhan Paul ke bondhi rakha jagate loi jabole thakise, tai mukhyo henedhikari ke koise, “Moi apni ke kiba kotha kobo paribo?” Tai koise, “Tumi Yunani kotha kobo pare?
\v 38 Olop din agete, ekjon Egypt manu, jun pora chukli mari kena gondugol kori dise, aru char-hajar ‘Hathiara manu khan ke’ jongol te loi jaise, utu manu to tumi nohoi?”
\v 39 Kintu Paul koise, “Moi to Tarsus laga Yehudi ase Cilicia sheher te jonom huwa manu ase. Aru moi utu khas sheher laga ekjon manu ase. Itu nimite, apni logote anurodh kori ase, moike manu khan logot kotha koribole dibi.”
\v 40 Jitia tai agya dise, Paul siri te khara hoi kena kotha kobole tai hath uthaise, aru manu khan chup hoi jaise, aru jitia taikhan chup hoise, titia tai Yehudi bhasa te kotha koise. Tai koise,
\c 22
\p
\v 1 “Bhai khan, aru baba khan, moi etiya nijor laga safai te apnikhan usorte kotha kobole ase, itu ke huni bi.”
\v 2 Aru jitia tai Yehudi bhasa te koise, taikhan arubi ekdom chup thaki jaise. Titia tai aru koise,
\p
\v 3 “Moi Yehudi ase Cilicia laga Tarsus sheher te jonom luwa, itu sheher pora Gamaliel laga theng te bohi kena ami khan laga baba khan laga niom thik pora sikhi loise, aru Isor phale jor dikena aji apnikhan jineka kori ase tineka kori ahisele.
\v 4 Aru mota, maiki, hobi, itu dhorom Rasta te juwa khan ke bondhi ghor te di kena morai bi di thakise,
\v 5 itu kotha cholawta, bura khan aru sabha bi sakhi dibo pare, moi taikhan pora ami laga bhai khan Damascus te thaka khan logote chithi likhi diya utu bi loise, karone moi jai kena tate kunba thakile dhori kena Jerusalem te ani taikhan ke sajai dibo bhabise.
\v 6 Itu homoi moi Damascus punchibole usor hoi asele, titia din nisena homoi asele, aru sorgo pora achanak ekta dangor puhor ahi moi usorte thaki jaise.
\v 7 Aru moi mati te giri jaise, aru ekta awaj moike kowa hunise, ‘Saul, Saul, kile tumi Moike digdar kori ase?
\v 8 Karone moi hudise, ‘Probhu Apni kun ase?’ Aru Tai moike koise, ‘Moi Nazareth Jisu ase, jun ke tumi dukh digdar di ase.’
\v 9 Aru jun manu moi logot ahise, taikhan bi puhor to dikhise aru bhoi korise, kintu taikhan moi ke kotha kowa laga awaj to huna nai.
\v 10 Titia moi koise, ‘Moi ki koribo lage Probhu?’ Aru Probhu moike koise, ‘Uthi kena Damascus te jabi, aru tate tumi ki-ki koribo lage itu sob tumi ke koi dibo.’
\v 11 Aru utu puhor bisi huwa karone moi eku dikhibo para nai, titia moi laga sathi khan laga hath dhurikena he moi Damascus te ahise.
\v 12 Titia Ananias koikena ekjon asele, tai niom mani thaka ekjon asele, aru tate thaka Yehudi khan bisi sonman kori thaka manu ase.
\v 13 Tai ami laga usor te ahikena koise, ‘Bhai Saul, apni laga suku dikhi bi.’ Aru itu homoite moi dikhibole parise aru taike dikhise.
\v 14 Titia tai koise, ami laga baba khan laga Isor he tumi ke basi loise, tumi he tai itcha ke janibole aru Dharmikta Jon ke sabo paribole aru tai nijor mukh pora kowa awaj ke hunibole.
\v 15 Kilemane tumi ki dikhise aru ki hunise itu sob manu ke koi dibole tai sakhi bonai dise.
\v 16 Tinehoile apni etiya bi kile bohi ase? Uthi kena baptizma loi lobi, aru prathana kori kena tai naam pora tumi laga paap dhui dibi.’
\v 17 Titia moi aru Jerusalem te ahi kena mondir te prathana kori asele, titia moi Atma te bhorta hoi kena darshan dikhise.
\v 18 Aru moi Probhu ke dikhise, Tai moike koise, ‘Joldi Jerusalem chari kena jabi, kilemane taikhan Ami laga kotha tumi gawahi diya ke namanibo.’
\v 19 Karone moi koise, ‘Probhu, moi pora biswasi khan mondoli te dhurikena bondhi ghor te diya aru mari thaka taikhan jani ase.
\v 20 Aru jitia Apni nimite mori juwa Stephen ke khun giraikena morai di thakise, tate moi bi thakise, aru jun manu khan pora taike morai dise utu khan laga kapra ke moi rukhi thakise.’
\v 21 Titia Tai moike koise, ‘Jabi, kilemane moi tumike yate pora dur Porjati khan logot pathai dibo.’
\s Paul Aru Mukhyo Henedhikari
\p
\v 22 Aru taikhan itu kotha kowa tak taike huni thakise. Itu pichete taikhan awaj uthaikena hala kori koise, “Eneka manu ke prithibi pora hatai dibi, kilemane tai jinda thakibole thik nohoi.”
\v 23 Titia taikhan hala kori kena taikhan laga kapra khan ulai phelaise, aru upor hawa te dhul urai thakise,
\v 24 titia mukhyo henedhikari pora Paul ke bondh kora jagate loi jabole hukum dise, aru manu khan kile taike iman ghusa kori ase itu janibole taike chabuk pora mari kena bhal pora hudibole koise.
\v 25 Aru taikhan jitia taike chabuk maribole taiyar korise, Paul pora tai usorte khara thaka henapoti ke koise, “Rome manu ke eku golti nathaki kena bi chabuk maribole niom te ase?”
\v 26 Jitia henapoti itu kotha hunise tai mukhyo henedhikari logote jai kena koise, “Apni eneka kile kori ase? Tai Rome laga nagrik ase.”
\v 27 Titia henedhikari tai logot te ahikena koise, “Moike kobi, tumi Rome laga nagrik ase?” Paul koise “Hoi”.
\v 28 Itu huni kena mukhyo henedhikari pora koise, “Moi to Rome laga nagrik hobole bisi toka poisa pora kinise.” Kintu Paul koise, “Moi to jonom pora he Rome laga nagrik ase.”
\v 29 Titia jun taike maribole thakise, taikhan loge- loge tai usor pora joldi hati jaise. Aru kitia mukhyo henedhikari bi Paul to Rome laga nagrik ase koikena janise, tai bi bhoi khaise kilekoile tai pora Paul ke dhori kena bandh kora karone.
\s Sabha Age Te Paul
\p
\v 30 Dusra din Yehudi khan pora ki nimite Paul ke doshi korise, itu janibole mukhyo henedhikari pora Paul ke khuli dise, aru mukhyo purohit khan aru sabha khan ke joma koribole hukum dise, aru Paul ke loikena taikhan agete khara kori dise.
\c 23
\p
\v 1 Titia Paul sabha laga adhikari khan phale dhyan pora sai kena koise, “Bhai khan, moi aji tak ekjon bhal nagrik nisena thakise, ami sapha mon pora Isor usorte bhal pora ahise.”
\v 2 Titia moha purohit Ananias pora jun khan Paul usorte khara ase taikhan pora Paul laga mukh te marikena bondh kori dibole hukum dise.
\v 3 Titia Paul taike koise, “Isor pora apni ke mari dibole ase, chuna pora boga kori rakha dewar khan. Isor apni ke saja dibo, apni niom pora ami ke bisar koribole bohi ase, aru kile niom birodh te moike maribole hukum di ase?”
\v 4 Kintu jun khan tai usorte khara asele taikhan koise, “Kile apni Isor laga moha purohit ke ninda kori ase?”
\v 5 Titia Paul koise, “Bhai khan, tai moha purohit ase koi kena moi jana nai. Kile koile likha ase,
\q Tumi pora tumi laga cholawta laga biya kotha nakobo.”
\p
\v 6 Kintu jitia Paul dikhise sabha laga ekta bhag Sadducee khan aru dusra bhag Pharisee khan ase, tai sabha te jor pora koise, “Bhai khan, moi Pharisee ase aru Pharisee khan laga chokra ase, aji moike bisar kora to mori ja-a khan jee uthibo laga asha laga kotha kowa nimite he ase.”
\v 7 Aru jitia tai itu koi dise, Pharisee aru Sadducee khan laga majote kotha namila hoise, aru sabha to dui bhag hoi jaise.
\v 8 Kilemane Sadducee khan punoruthan, sorgoduth aru atma khan te biswas nakore: kintu Pharisee khan to itu sob bi hosa ase koikena mani thake.
\v 9 Titia bisi jor pora hala hoi jaise aru Pharisee khan jaga pora uthi kena apatti kori koise, “Amikhan itu manu laga eku dosh pa-a nai. Kintu jodi ekta atma pora, nohoile bi, ekjon sorgoduth pora taike kotha koikena ase koile?”
\v 10 Titia taikhan bisi jhagara hoi jaise, aru henedhikari bhabise taikhan Paul ke tukra kori dibo, aru itu laga bhoi pora tai sipahi khan ke pathaise, aru joborjosti sabha pora taike bondh kora jaga te loi jabole hukum dise.
\p
\v 11 Kintu utu rati te tai usorte Probhu ahi kena khara hoi kena koise, “Mon dangor hobi, kilemane tumi Jerusalem te Ami laga gawahi dise, tineka tumi Rome te bi Ami laga gawahi dibo lagibo.”
\s Paul Ke Morai Dibole Buddhi Kora
\p
\v 12 Jitia din ulaise, kunba Yehudi khan mili kena, jitia tak Paul ke loikena morai nadibo, titia tak eku bi na khabo koikena kosom korise.
\v 13 Jun khan kotha milai thakise itu khan chalis-jon pora bi bisi thakise.
\v 14 Titia taikhan mukhyo purohit khan aru bura khan logote jai kena koise, “Amikhan jitia tak Paul ke morai nadibo titia tak eku bi nakhabo koikena kosom khaise.
\v 15 Karone apnikhan aru sabha khan mili kena mukhyo henedhikari logot khobor pathai dibi aru Paul ke bhal pora kotha hudibi kobi, aru eneka koikena tai pora Paul apnikhan logot anibo. Aru amikhan to tai yate napuncha agete taike morai dibole taiyar ase.”
\v 16 Kintu jitia Paul didi laga chokra pora taikhan Paul ke maribole rukhi thaka janise, tai Paul ke bondh kora jagate ahikena tai ke itu kotha koi dise.
\v 17 Titia Paul ekjon henapoti ke mati anikena koise, “Itu chokra ke mukhyo henadhikari logote loi jabi, tai kiba kobole ase.”
\v 18 Karone tai taike loikena mukhyo henedhikari logot jaise aru koise, “Bondhi ghor te thaka Paul pora moike matise aru moike itu lora apni logote loi ani dibi koikena anurodh korise. Tai apni logote kiba kobole ase koise.”
\v 19 Titia mukhyo henedhikari pora tai hath dhurikena kinar te alag loi jai kena hudise, “Tumi moi ke ki kobole ase?”
\v 20 Aru tai koise, “Yehudi khan mili kena Paul laga kotha ke aru bhal pora hudibole kali sabha te tai ke loi anibole bhabona pora apni logot anurodh koribole ase.
\v 21 Kintu taikhan laga kotha namanibi, kilemane taikhan chalis-jon pora bi bisi manu taike morai nadiya tak ekubi kha luwa nakoribo koikena kosom khai kena ase, aru taikhan apni pora hukum pabole etiya bi rukhi thaki ase.”
\v 22 Titia mukhyo henedhikari pora lora ke koise, “Itu kotha tumi moike kowa khan kun ke bi nokobi.”
\s Rajyopal Felix Usorte Paul Ke Pathaise \s5
\v 23 Aru tai henapoti duijon ke mati ani kena koise, “Aji rati nou-baji te duisoh sipahi aru sat-ta ghora chola sipahi aru duisoh jathi-dhora sena khan loi kena Caesarea te jabole taiyar kori dibi.
\v 24 Aru Paul ke jabole nimite ghora taiyar koribi aru taike bachai kena rajyopal Felix logot loijabi.
\v 25 Tai eneka chithi bi likhi dise:
\p
\v 26 “Claudius Lysias pora Rajyopal Felix ke salam jonai ase.
\v 27 Itu manu to Yehudi khan pora taike dhori kena morai dibole thaka te moi jani loise, tai Rome laga nagrik ase, moi joldi sipahi loijai kena taike bachai loise.
\v 28 Aru taikhan kile taike golti lagai ase, itu janibole mon hoi kena moi tai ke sabha te loi jaise.
\v 29 Aru moi jani paise taikhan nijor niom kotha laga kotha namila pora taike golti kora he ase, aru taike morai dibole aru bandhi bole eneka eku bi golti pa-a nai.
\v 30 Aru jitia Yehudi khan taike morai dibole kotha milai thakise, itu kotha moike jonai dise, titia moi taike joldi apni logote pathai dise, aru tai golti diya khan ke bi taikhan laga kotha apni laga usor te kobole koi dise.”
\p
\v 31 Titia sipahi khan taikhan ke kowa nisena rati te Paul ke Antipatris te loi jai dise.
\v 32 Dusra din te sipahi bisi khan wapas jai jaise, kintu ghora chola sipahi khan ke Paul logot jabole dise.
\v 33 Jitia sipahi khan Caesarea te ponchise, taikhan pora rajyopal ke chithi dise aru Paul ke bi tai usorte khara kori dise.
\v 34 Aru rajyopal pora chithi porhi kena hudise tai kun desh laga ase. Aru jitia tai jani loise tai Cilicia desh pora ase,
\v 35 tai koise, “Jitia tumi laga golti diya khan ahibo, titia moi tumi laga kotha hunibo.” Aru taike Herod bisar kora jagah te rakhi dibi koikena hukum dise.
\c 24
\s Caesar Te Felix Age Te Paul
\p
\v 1 Pans-din pichete mukhyo purohit Ananias aru kunba bura khan aru ekjon ukil jun laga naam Tertullus asele, taikhan arubi ahikena rajyopal ke Paul birodh te kotha koise.
\v 2 Aru jitia Paul ke rajyopal agete anise, Tertullus taike golti di kena eneka koise, “Apni karone amikhan bisi shanti thaki ase, aru itu desh te apni laga gyaan pora bodli korise;
\p
\v 3 Amikhan laga sob jagah te aru hodai itu karone khushi pora apni ke dhanyabad kori thake.
\v 4 Hoilebi, apni laga homoi aru bi nolobole, ami apni logot te anurodh ase, morom kori ami khan laga ekta kotha huni bi.
\v 5 Kilemane itu manu to mara-mari kore aru duniya te thaka Yehudi khan laga sob jagah te birodh aru gondugol kori thaka Nazareth manu ekjon cholawta ase, amikhan jani paise.
\v 6 Tai mondir ke bi apobitro koribole bisarisele, itu nimite amikhan tai ke dhuri loise, aru ami laga niom pora taike bisar koribo thakise.
\v 7 Kintu henapoti pora Lysias te ahi kena joborjosti ami khan laga hath pora taike dhori loi jaise.
\v 8 Taike golti diya khan ke apni usorte ahi kobole koise, kintu apni nijor hudile jani jabo amikhan taike ki karone golti di ase.”
\v 9 Aru Yehudi khan bi mili kena taike itu sob kotha to hosa ase koi dise.
\p
\v 10 Titia rajyopal Paul ke kotha kobole nimite koise, titia Paul koise, “Ami bujhi ase apni bisi saal pora itu jati khan laga bisar kori ahi thakise, itu karone moi khushi pora ami laga sob kotha apni ke kobole ase.
\p
\v 11 Kilemane apni nijor jani jabo moi jitia pora aradhana koribole Jerusalem te ahise, baroh-din pora bisi huwa nai.
\v 12 Aru taikhan moike mondir aru mondoli aru sheher te kun logot te bi kotha namila, nohoile gondugol lagi thaka pa-a nai.
\v 13 Aru taikhan ki kotha loi moike bodnam lagai ase, itu kun bi sakhi dibo naparibo.
\v 14 Kintu moi apni ke hosa kotha koi ase, taikhan juntu Rasta ke ekta dol mati ase, eneka laga rasta pora Isor ke sewa kori ahi se. Ki kanun te ase aru ki bhabobadi khan pora likhise, itu sob te moi bhal pora mani kena ahise.
\v 15 Aru ami Isor ke mon dangor laga itu asha ase, juntu itu manu khan nijor bi rukhi ase, juntu to ase mori kena jinda hobole thaka, dharmik aru adharmik khan sob bi.
\v 16 Itu karone moi Isor phale bi aru manu phale bi sapha bhabona bhal thakibo karone kosis kori thakise.
\v 17 Aru bisi saal pichete moi nijor jati khan ke poisa dibole anise, dukh thaka jati khan ke daan dibole anise.
\v 18 Taikhan ami itu kori thaka dikhise, mondir pora sapha kori loi kena, bhir nohoile gondugol bi thaka nai.
\v 19 Aru kunba Yehudi khan Asia pora ahise, taikhan ami laga birodh te thakile, taikhan apni usor te ahi kena kobo lage.
\v 20 Nohoile, yate itu manu thaka khan bi jodi moi kiba golti kaam kora paise koile moi Yehudi sabha usorte khara thaka homoite koi dibi,
\v 21 khali ekta kotha karone ase, juntu moi sob manu usorte koisele, ‘Mora khan aru jee uthibo, itu kotha ke loi aji moike apni usorte khara kori bisar kori ase.’”
\s Senapoti Hathte Paul Ke Rakhise
\p
\v 22 Jitia Felix itu kotha hunise, tai aru poritran Rasta ke bhal pora janibo mon hoi kena, taikhan ke rukhai dise. Tai koise, “Jitia sipahi laga senapoti Lysias Jerusalem pora ahibo, moi tumi laga bisar koribo.”
\v 23 Aru tai henapoti ke koikena Paul ke bondhi ghor te rakhise, hoilebi tai ke bi bandi narakhikena khula chari dibole koise, aru tai sathi khan tai logote ahibole bi mana nakoribi koise.
\p
\v 24 Aru olop din pichete Felix tai laga Yehudi maiki Drusilla logote wapas ahise, jun Yehudini asele, aru tai Paul ke mati bole pathaise aru tai Paul dwara hunise Jisu Khrista ke biswas laga kotha.
\v 25 Aru jitia Paul pora taike dhormikta aru nijor ke rukhabo para aru aha din te bisar hobole thaka kotha khan thik pora koi dise, Felix bisi bhoi koikena koise, “Itu bar to jai jabi. Jitia moi homoi pabo titia tumi ke aru matibo.”
\v 26 Tai Paul pora poisa bi pabo bhabikena tai hodai Paul ke mati ani kotha kori thakisele.
\v 27 Kintu dui saal pichete Porcius Festus he Felix jagah te rajyopal hoi jaise, kintu Felix to Yehudi khan ke khushi koribole mon asele, aru tai Paul ke bondh kora jaga te he aru bi thaki bole dise.
\c 25
\s Paul Pora Caesar Logot Anurodh Kora
\p
\v 1 Titia, Festus itu jagate ahi se, aru tin din pichete, tai Caesarea pora Jerusalem te jaise.
\v 2 Titia mukhyo purohit khan aru Yehudi laga cholawta khan Festus logot Paul birodh te golti lagaise, aru anurodh korise.
\v 3 Aru Paul laga birodh te ekta upkar Festus ke mangise - ki Festus pora Paul ke Jerusalem te matibo nimite- eneka hoile taike loi ja-a homoite kunba khan rasta te rukhai kena taike morai dibole bhabona thakise.
\v 4 Kintu Festus koise Paul to Caesarea te bondhi ase, aru tai nijor bi joldi tate jabole ase.
\v 5 Tai koise, “Itu karone tumi khan majote kun cholawta ase taikhan moi logote jabole dibi. Jodi itu manu kiba biya kaam korise koile, taikhan tai ke golti dibole kobi.”
\p
\v 6 Aru tai dos din nisena taikhan logote thaki kena tai Caesarea te ahi jaise, aru dusra din bisar jagate bohi kena Paul ke loi anibole hukum dise.
\v 7 Aru jitia Paul ahise, Jerusalem pora aha Yehudi khan ahi tai age piche khara hoikena taike bisi biya golti lagaise jun to taikhan nijor bi sakhi koribo napare.
\v 8 Titia tai nijor kotha koise, “Moi Yehudi khan niom laga birodh, nohoile girja ke birodh, nohoile Caesar laga birodh te eku bi golti kora nohoi.”
\v 9 Kintu Festus Yehudi khan ke khushi koribo itcha pora Paul ke koise, “Tumi Jerusalem te jai kena ami laga bisar jaga usorte itu kotha loi bisar korile tumi itcha hobo?”
\v 10 Titia Paul koise, “Moi etiya bi Caesar bisar jaga usorte khara ase, ami laga bisar yate hobo lage, apni bi jani ase, moi Yehudi khan logot eku golti kora nohoi.
\v 11 Jodi moi golti ase, aru itu nimite moike morai dibole layak ase koile moi morile bi apatti nai. Kintu ki kotha loikena moike doshi di ase, jodi ekta bi hosa nohoi koile, kunbi moike taikhan hathte dibo naparibo, moi Caesar logot anurodh koribo.”
\v 12 Titia Festus pora sabha khan ke kotha kori kena koise, “Tumi Caesar logote kotha mila bole kori ase. Karone tumi Caesar logote jabo!”
\s Agrippa Aru Bernice Age Te Paul
\p
\v 13 Aru olop din juwa pichete Raja Agrippa aru Bernica Caesarea te ahi Festus ke adar dise.
\v 14 Aru duijon tate bisi din thaka pichete, Festus Paul laga kotha raja ke koi dise. Tai koise, “Felix pora yate kunba ekjon ke bondh kora jagate rakhi ase.
\v 15 Aru jitia moi Jerusalem te jaise, Yehudi khan laga mukhyo purohit khan aru bura khan tai birodh te golti kotha moike koise, bisar kori taike saja dibole.
\v 16 Kintu moi taikhan ke koise, Rome laga niom te to hoile, kun ke golti lagai ase, tai ke bisar kora dinte taike golti lagai diya khan usor nijor sob kotha kobole homoi nadi kena taike saja diya niom nai.
\v 17 Karone jitia taikhan yate ahi kena joma hoise, moi deri nakori kena dusra din, bisar jagate bohikena utu manu ke loi anibole hukum dise.
\v 18 Jitia taike golti diya manu khan khara koikena tai laga golti koise, taikhan eku biya golti dibo para nai, jineka moi bhabise tineka huwa nai.
\v 19 Kintu taikhan nijor dhorom kotha aru mori juwa Jisu koikena ekjon asele, Paul koi utu jinda ase, itu kotha loi kotha namila he ase.
\v 20 Aru itu laga motlob moi bhal pora bujhi bole para nai, karone moi taike hudi se jodi tai itu kotha ke bisar koribole Jerusalem te jabole mon kore na nai.
\v 21 Kintu Paul koise tai Caesar logote anurodh koribo, itu karone moi taike Caesar logot pathai nadiya tak taike bondh kora jagate thakibole hukum dise.”
\v 22 Titia Agrippa pora Festus ke koise, “Moi nijor utu manu laga kotha hunibo itcha ase. Festus jawab dise, “Kali apni tai kotha hunibole pabo.”
\p
\v 23 Karone dusra din Agrippa aru Bernica duijon dhum-dham pora bhal kapra lagai kena aru sheher laga daruga khan aru dusra cholawta logote sabha te ahise. Aru jitia Festus hukum dise, titia Paul ke loi anise.
\v 24 Festus koise, “Raja Agrippa aru jun yate ahi bohi ase, apnikhan bi itu manu ke dikhi ase, itu manu nimite yate thaka Yehudi khan sob aru Jerusalem te thaka sob moi logote binti korise tai jinda thakibole nalage koise.
\v 25 Kintu tai moribo lage eneka eku kaam kora moi pa-a nai, aru tai nijor moi Caesar logot anurodh koribo koise, to moi taike pathai dibole faisla kori loise.
\v 26 Kintu tai laga kotha ami Caesar logot kineka likhibo thik na pa-a karone, moi taike apnikhan aru khaas pora Raja Agrippa apni usorte loi anise, pichete kiba likhi bole pabo bhabona korikena.
\v 27 Kilemane ekjon manu ke ki nimite bondhi nisena pathai ase itu thik pora nalikhile, itu to moi hisab te thik nohobo.”
\c 26
\s Agrippa Agete Paul Laga Kotha
\p
\v 1 Titia Agrippa pora Paul ke koise, “Tumi nijor laga kotha kobole homoi di ase.” Titia Paul tai hath uthaikena tai nijor laga safai diya kotha koise.
\p
\v 2 “Raja Agrippa, ji-ji kotha Yehudi khan moike bodnam lagai ase, aji apni usorte utu laga sob jowab dibole homoi pa-a karone moi bisi khushi hoi ase;
\v 3 kilemane Yehudi khan laga niom te kotha namila kora sob apni jani thaka karone, aru moike morom kori nomro pora moi laga kotha hunibole anurodh kori ase.
\v 4 Jineka ami chokra thaka homoi te Jerusalem pora nijor jati khan logote ahise, itu sob Yehudi khan jane.
\v 5 Taikhan jodi gawahi dibole mon thakile to shuru pora taikhan moike jani ase, moi Pharisee hoi kena taikhan laga dhorom te sob pora kara te choli ahise.
\v 6 Aru etiya moi yate khara koikena bisar huwa to Isor ami laga baba khan ke ki kosom dise utu asha kora karone ase.
\v 7 Itu kosom ke pabo karone asha pora ami khan baroh-jati khan pura mon lagai kena raat-din Isor ke sewa kori ahise. Raja Agrippa, itu asha nimite he Yehudi khan moike golti lagai ase.
\v 8 Jitia Isor mora manu ke jinda kore, kile apnikhan itu to biswas koribole nohoi bhabe?
\v 9 Hosa ase, moi bi Nazareth Jisu naam birodh te bisi kaam koribo lage bhabi ahi se.
\v 10 Aru moi Jerusalem te eneka korise, mukhyo purohit khan pora hukum loi pobitro khan ke dhori bondhi ghor te haali kena morai diya te moi laga bi itcha thakise.
\v 11 Aru moi sob mondoli te taikhan ke dukh di-di kena joborjosti kori thakise, khali itu he nohoi kintu bisi gusa hoi kena bahar laga sheher te bi jai kena taikhan ke dukh digdar di thakise.
\s Paul Nijor Mon Bodli Huwa Laga \s5
\v 12 Jitia itu koribole moi moha purohit khan pora hukum loi kena Damascus te jai thakise;
\v 13 aru titia rasta he, O Raja, din laga homoi te akas pora moi dikhise suryo pora bi bisi ujala, moi aru ami laga logote jai thaka khan usorte chamkise.
\v 14 Aru jitia amikhan sob matite giri jaise, moi ekta awaj Ibrani bhasa te moike kowa hunise, ‘Saul, Saul tumi kile Moike digdar kori ase? Tumi dhar thaka te laat marile tumi karone bisi dukh hobo.’
\v 15 Karone moi koise, ‘Probhu, Apni kun ase?’ Aru Probhu pora koise, ‘Moi Jisu ase jun ke tumi digdar kori thake.’
\v 16 Kintu uthibi aru tumi laga theng te khara hobi; kilemane Moi aji tumi ki dikhise itu manu ke kobole aru aha kali bi dikha bole thaka khan ke gawahi dibole dikhai dise;
\v 17 aru Moi tumi ke Yehudi aru Isor najana khan logote pathabo, aru taikhan hath pora tumi ke bachai thakibo,
\v 18 tumi pora taikhan laga suku khulidibo aru taikhan andhar pora ujala te ani dibole, aru Saitan laga takot pora Isor phale ghurai anibole, paap pora khyama pabole, aru biswas pora pobitro khan logote ki jaga ase utu pabole.’
\v 19 Karone, Raja Agrippa, moi itu sorgo darshan laga kotha ke namani kena chari diya nohoi;
\v 20 kintu poila moi Damascus te thaka khan ke koi dise, aru Jerusalem te thaka khan ke bi, aru Judea sob te bi, aru Isor najana khan ke bi taikhan laga paap pora Isor phale ghuri ahibole, aru mon bodli huwa kaam khan kori bole koi dise.
\v 21 Kilemane itu karone Yehudi khan mondir pora moike dhori loise, aru morai dibole hoise le.
\v 22 Kintu Isor laga modot pora aji tak yate khara hoi kena chutu, dangor sob usorte gawahi di aru Moses aru bhabobadi khan pora aha din te ki hobole ase itu kotha kowa khan he nohoile dusra eku kowa nai-
\v 23 itu kotha Khrista bisi dukh koribo aru mora pora tai he prothom jee uthibo, Tai Yehudi khan aru Porjati khan logote puhor laga prochar koribo.
\p
\v 24 Jitia Paul tai nijor kotha koi dise, Festus jor pora hala kori koise, “Paul, tumi pagla hoise; bisi sikha karone tumi ke pagla bonai dise.”
\v 25 Kintu Paul koise, “O mohan Festus, moi pagla nohoi, kintu hosa aru buddhi laga kotha koi ase.
\v 26 Raja bi itu sob jani ase, moi eku bhoi nakori kena koi ase, aru itu kotha tai najana eneka ekta bi kowa nai koikena moi bhabi ase; itu ghatna to manu khan nathaka te kora nohoi.
\v 27 Raja Agrippa, apni bhabobadi khan ke biswas kore? Hoi, moi jane, apni biswas kori ase.”
\v 28 Titia Agrippa Paul ke koise, “Olop homoi te, tumi aram pora moike Khristan bonai dibole ase?”
\v 29 Paul koise, “Isor logote moi anurodh kori ase, olop nohoile bisi homoi pichete hoilebi, aji apni logote bohi ami laga kotha huni thaka sob bi moi nisena hobole dibi, hoilebi jineka moike rusi pora bandhikena ase itu nisena nohoi.”
\p
\v 30 Jitia tai itu kotha koise, titia Raja aru rajyopal aru Bernice, aru taikhan logote bohi thaka sob khara hoi jaise;
\v 31 aru taikhan alag jai kena nijor te kotha korise, aru koise, “Itu manu moribole aru bandibole eneka eku biya kaam kora nohoi.”
\v 32 Titia Agrippa pora Festus ke koise, “Jodi itu manu Caesar logot anurodh nakorile, taike chari dile bi hobole asele.”
\c 27
\s Paul Jahaaj Pora Rome Te Juwa
\p
\v 1 Aru jitia amikhan Italy te jabole faisla kori loise, taikhan Paul aru dusra bondh kora manu khan ke Julius koikena Augustus Regiment laga henapoti ekjon laga hath te di dise.
\v 2 Titia amikhan Adramyttium pora ekta jahaaj Asia samundar phale jabole thaka te uthi jaise. Aru amikhan safar korise. Thessalonica pora Macedonia laga ekjon Aristarchus koikena bi amikhan logote asele.
\v 3 Aru dusra din te amikhan Sidon sheher te ahise, aru Julius pora Paul ke bisi morom korise aru tai sathi logote berabo dise, aru tai ki lage sob taike di thakise.
\v 4 Aru amikhan tate pora jabole ulaise hoilebi hawa bisi jor pora mara karone jahaaj to Cyprus phale loi kena jaise.
\v 5 Aru amikhan Cilicia aru Pamphylia samundar paar kori Lycia laga sheher Myra te ahi jaise.
\v 6 Tate henapoti he Alexandria laga ekta jahaaj Italy te jabole thaka pai kena amikhan ke tate uthai dise.
\v 7 Amikhan bisi din aste-aste jai thakise, aru bisi digdar pora Cnidus ponchise, kintu hawa bisi mara pora amikhan age jabole para nai, itu pora jahaaj ke loikena Crete phale loi jaise, juntu Salmone usorte ase.
\v 8 Amikhan bisi digdar pora safar korise aru Lysea sheher usorte Bhal Jaga eneka te ponchise.
\p
\v 9 Etiya bisi homoi jaise, pani te berabole digdar hoise, aru etiya to Yehudi khan laga upwas din bi paar hoise, karone Paul taikhan ke hoshiar koribole,
\v 10 koise, “Hey manu khan, amikhan etiya yate pora jaise koile digdar aru bisi nuksan bi hobo pare, khali saman aru jahaaj he nohoi, kintu manu jibon bi jabo pare.”
\v 11 Hoilebi henapoti pora Paul laga kotha namani kena jahaaj laga malik khan laga kotha he manise.
\v 12 Aru utu jaga to thanda din te tate thakibole thik nohua karone bisi manu parile Phoenix te he thakile bhal hobo bhabise. Phoenix to Crete usorte ekta jaga ase, dakshin-paschim aru uttor-paschim phale bi jabo para jagah ase.
\s Samundar Te Tufan \s5
\v 13 Titia dakshin pora halka-halka hawa ahise, jahaaj chola khan bhabise taikhan ki lage itu sob taikhan logot ase. Itu pora taikhan Crete phale jabole jahaaj khuli dise.
\v 14 Kintu bisi deri nohoi kena dangor hawa pani laga tufan tate pora ahi taikhan ke lagise.
\v 15 Jitia tufan pora jahaaj ke dhorise, taikhan aru age jabo napari kena hawa pora jahaaj ke kote loi jabole ase, loijabo dise.
\v 16 Titia Cauda naam laga ekta majuli te bisi digdar pora punchise aru chutu naw ke dhori rakhibo parise.
\v 17 Titia taikhan chutu naw ke uthai ani se aru niche pora bandi loise. Syrtis laga balu matite lagi bole bhoi pora jahaaj kapra khan khuli dise, aru jahaaj ke hawa pora loi jabo dise.
\v 18 Kintu dusra din tak amikhan ke tufan pora bisi digdar di thakise, itu karone taikhan jahaaj pora saman khan samundar te phelai dise.
\v 19 Aru tin din pichete amikhan nijor hath pora jahaaj laga saman uthai kena samundar te phelai dise.
\v 20 Aru jitia bisi din tak suryo aru tara khan ula nai aru tufan bi bisi mari thakise, titia amikhan bachibole asha sob chari dise.
\v 21 Titia bisi din pora kha-luwa nakora karone, Paul khara korikena taikhan ke koise, “Sabi, apnikhan ami laga kotha mani kena Crete pora najaile bhal hobole asele, tinehoile amikhan eneka digdar aru nuksan nohobo asele.
\v 22 Kintu etiya moi apnikhan ke mon dangor rakhibole koi ase, kilemane khali jahaaj ke he nohoile, kun ke bi digdar nohobo.
\v 23 Kilemane moi jun laga ase, aru jun ke sewa kore, tai sorgoduth aji rati moi logote ahise.
\v 24 Aru koise, ‘Paul, tumi bhoi nakoribi. Tumi Caesar agete khara hobo lagibo, aru sabi Isor tumi ke morom korikena tumi logote juwa manukhan sob etiya bi tumi logote he ase.’
\v 25 Karone manu khan mon dangor hobi! Kilemane moi Isor ke biswas kore, jineka Tai koise tineka hobo.
\v 26 Hoilebi amikhan ekta majuli te loi jai kena rakhibo pare.”
\p
\v 27 Titia choudah rati hoise, aru amikhan Adriatic Samundar majote loi jai kena thaki jaise, aru adha rati te jahaaj chola khan bhabise taikhan to kunba mati usorte ahi punchise.
\v 28 Aru taikhan pani laga galta ke naapi sai sele bisi lamba galta thakise, ekta hath to choi feet ase, aru olop jai kena aru sai sele, pondro hath paise.
\v 29 Titia pathor te lagibo bhoi pora taikhan piche phale pora loha longor charta phelai dise, aru phojur hobole prathana kori thakise.
\v 30 Aru jahaaj chola manu khan jahaaj charikena polabole bhabise, taikhan jahaaj pora longor phelai diya nisena bahana pora chutu naw ke niche samundar te girai dise.
\v 31 Titia Paul pora henapoti aru sipahi khan ke koise, “Jodi itu khan jahaaj te na thakile apnikhan kitia bi bachibole naparibo.”
\v 32 Titia sipahi khan jai kena chutu naw laga rusi khan kati girai dise.
\v 33 Aru jitia phojur hobole hoise, Paul sob manu ke kiba khabole koise. Tai koise, “Aji choudah din hoise apnikhan eku na khai kena bhukha thaki ase.
\v 34 Karone moi apnikhan ke koi ase, kiba khai lobi, kilemane eneka korile bachibo paribo, tumi laga matha pora ekta chuli bi na giri bo.”
\v 35 Aru jitia tai utu koi dise, tai roti loi kena Isor ke dhanyabad dise, aru taikhan khai loise.
\v 36 Titia taikhan bi sob mon dangor hoi kena kha luwa kori loise.
\v 37 Aru amikhan jahaaj te thaka khan sob 276 jon asele.
\v 38 Karone jitia taikhan kha luwa kora hoise, taikhan jahaaj ke halka koribole gehu uthaikena samundar te phelai dise.
\s Jahaaj Bhangi Jaise \s5
\v 39 Jitia din hoise, taikhan kuntu jaga te ase janibole para nai, kintu ekta mati jagah dikhise, aru jahaaj ke tate loi jai kena rakhibole bhabise.
\v 40 Titia taikhan longor khan ke samundar te chari dise, aru jahaaj cholai thaka khuri bandi thaka ke khuli dise, aru jahaaj laga kapra khan age phale thaka ke uthai kena hawa pora kinar te loija bole dise,
\v 41 Kintu jahaaj to jai kena samundar laga duita pani laga takot pora dhuri loise, aru jahaaj mati te lagi kena thaki jaise, aru piche phale pani pora mari kena bhangai dise.
\v 42 Aru koidi manu khan pani khilikena polai jabo bhoi pora sipahi khan taikhan ke morai dibole bhabise.
\v 43 Kintu henapoti pora Paul ke bachai dibo mon asele, itu karone taikhan ke rukhai dise, aru jun pani khilibo jane, jap mari kena poila sukha mati te jai jabole hukum dise.
\v 44 Aru baki khan takhta pora aru kunba jahaaj bhanga tukra pora jabole hukum dise, aru sob bachi kena sukha mati te punchise.
\c 28
\s Paul Malta Te
\p
\v 1 Titia amikhan bachi kena ulai ahise, itu majuli laga naam Malta ase eneka jani loise.
\v 2 Aru tate laga manu khan bi amikhan ke bisi morom korise, aru pani gira karone bisi thanda thakise, tai khan jui jolai amikhan ke jui thapibo dise.
\v 3 Kintu jitia Paul khuri mutha uthai kena jui te haali se, tate ekta saph gorom pai kena khuri pora ulaise, aru tai hath te bandhi loise.
\v 4 Titia tate laga manu khan saph tai hath te bandi thaka dikhise aru taikhan majote kotha korise, “Ki hoilebi itu manu morai diya manu ase, tai samundar pora to bachi kena ahise, hoilebi niom pora taike jinda thakibo nadibo.”
\v 5 Kintu tai hath hilai kena saph ke jui te phelai dise, aru tai eku huwa nai.
\v 6 Kintu taikhan bhabise tai gaw phuli jabo, nohoile giri kena mori jabo. Kintu bisi deri tak sai thakibole taike eku huwa nai, titia, taikhan laga bhabona alag hoise, aru tai ekta Isor ase bhabona korise.
\p
\v 7 Itu jagah usorte Publius koikena itu majuli laga prodhan cholawta asele, aru itu jaga laga mati bisi laga tai malik thakise, aru tai amikhan ke tai ghor te loijai kena tin-din bhal pora rakhi sewa korise.
\v 8 Aru eneka hoise Publius laga baba bukhar aru pet-jai thaki sele, Paul tai ghor te jai kena Isor ke prathana kori dise, aru tai uporte hath rakhi tai ke bhal kori dise.
\v 9 Jitia eneka hoise, itu dikhi kena utu jaga laga manu khan jun bemar ase sob loi ani bhal hoi kena jaise.
\v 10 Aru taikhan amikhan ke bisi sonman dise, aru jitia amikhan tate pora jabole hoise, amikhan ki-ki lage sob ani jahaaj te rakhi dise.
\s Dusra Jaga Khan Te Safar Kora
\p
\v 11 Tin mohina pichete, amikhan Alexandria laga ekta jahaaj te uthi kena jaise, jun thanda din te ahi tate thakise, itu jahaaj te “Jurwa Bhagwan” laga nuksa lagikena thaka asele.
\v 12 Aru amikhan ahi Syracus sheher te ponchise, aru tate tin din thakise.
\v 13 Tate pora amikhan Rhegium te ghuri ahise, aru ek din pichete dakshin phale pora hawa ahise, aru dusra din Puteoli te punchise.
\v 14 Tate amikhan biswasi bhai khan paise aru taikhan kowa karone taikhan logote saat din thaki jaise. Eneka pora amikhan Rome phale jaise.
\v 15 Aru jitia tate biswasi bhai khan Appius Bajar aru Tinta Taverns kowa te amikhan ke lok koribole ahise. Jitia Paul taikhan ke dikhise, tai Isor ke dhanyabad dise, aru tai mon bi bisi mon dangor hoise.
\p
\v 16 Jitia amikhan Rome te ahi punchise, Paul ke sai thaka ekta sipahi logote alag te thakibole agya dise.
\s Paul Rome Te
\p
\v 17 Tin din pichete tai Yehudi laga cholawta khan ke matise. Aru jitia taikhan ahi joma hoise, tai koise, “Bhai khan, ami pora moi laga manu birodh te nohoile khandan khan laga niom birodh te eku bi kora nohoi, hoilebi moike Jerusalem pora bondhi bonai kena Rome manu laga hath te di dise.
\v 18 Taikhan huda-hudi kori kena moike chari bole hoisele, kilemane moi pora moribole laga eku bodnam pa nai.
\v 19 Kintu jitia Yehudi khan itu birodh te koise, moike Caesar logote anurodh koribo lagise, hoilebi moi nijor jati manu ke bodnam dibole kora nohoi.
\v 20 Karone moi apnikhan ke lok kori kena kotha koribole mati anise, manu khan moi ke rusi pora bandi rakha to Israel manu laga asha karone ase.”
\v 21 Titia taikhan taike koise, “Amikhan Judea pora apni laga naam te eku chithi bi pa-a nai, aru bhai khan pora kunbi ahi kena apni laga eku biya kotha kowa nai.
\v 22 Kintu apni laga bhabona ki ase, utu hunibo mon kori ase, kilemane sob jagah itu kotha mana khan birodh ase, amikhan jane.”
\p
\v 23 Titia taikhan ek din tai logote ahi lok koribo koi kena jai jaise, aru bisi manu tai logote ahi joma hoise, titia tai phojur pora saam tak Isor rajyo laga kotha bhal pora bujhi bo karone Moses laga niom aru bhabobadi khan laga kitab te likha khan to bhal pora samjhai dise.
\v 24 Titia kunba tai laga kotha ke biswas kori loise, kintu kunba to biswas kora nai.
\v 25 Titia taikhan majote kotha namila hoise, aru taikhan Paul pora itu kowa pichete jai jaise, “Pobitro Atma he bhabobadi Isaiah pora ami laga baba khan ke thik koise.
\v 26 Tai koise, ‘Jai kena itu manu khan ke koi dibi,
\q “Tumikhan huna to huni thakibo, kintu eku bi na bujhi bo;
\q Aru tumikhan sa-a to sai thakibo kintu eku bi najanibo.
\q
\v 27 Kilemane itu khan laga mon tan hoise
\q Taikhan laga kaan bi nahune,
\q Aru taikhan suku bi bondh kori loise.
\q Eneka nohobo lage taikhan suku pora dikhi loi,
\q Aru kaan pora huni loi,
\q Aru mon pora bujhi loi kena ghuri ahile,
\q Moi taikhan ke bhal kori dibo.’”
\m
\v 28 Itu karone tumikhan jani lobi, Isor itu poritran laga kotha Porjati khan logote di dise, aru taikhan itu huni lobo.”
\v 29 Aru jitia Paul itu kotha koi dise, Yehudi khan apas te kotha namila hoise, aru jai jaise.
\p
\v 30 Titia, Paul bhara ghor loi kena dui-saal tate thakise, aru jun taike lok koribole ahe, khushi pora taikhan ke grohon kori thakise.
\v 31 Aru tai bhoi nakori kena Isor rajyo laga kotha prochar kori aru Probhu Jisu Khrista laga kotha ke sikhai thakise, aru kun bi taike rukhabole kosis kora nai.