BCS-BIBLE_IndianStandardVersion-Nagamese-NT/Stage 3/41MATIRVNag.SFM

\id MAT - Indian Revised Version (IRV) Nagamese
\ide UTF-8
\h Matthew
\toc1 Matthew Pora Likha Susamachar
\toc2 Matthew
\toc3 Mat
\mt Matthew
\c 1
\s Jisu Khrista Laga Purbo Khandan
\p
\v 1 Abraham laga chokra, David laga chokra, Jisu Khrista laga purbo khandan laga likhikena rakha kitab.
\v 2 Abraham, Isaac laga baba hoise, aru Isaac, Jacob laga baba hoise, aru Jacob, Judah aru tai laga bhai-kokai khan laga baba hoise.
\v 3 Judah pora Perez laga baba, aru Zerah pora Tamar laga baba, Perez pora Hezron laga baba hoise, aru Hezron, Ram laga baba hoise.
\v 4 Ram, Amminadab laga baba hoise, aru Amminadab, Nahshon laga baba hoise, aru Nahshon, Salmon laga baba hoise.
\v 5 Salmon, Boaz laga baba hoise, itu to Rahab logot pora hoise, aru Boaz, Obed laga baba Ruth logot pora hoise, aru Obed, Jesse laga baba hoise.
\v 6 Jesse, Raja David laga baba hoise, aru David, Solomon laga baba, Uriah laga maiki logot pora hoise.
\v 7 Solomon pora Rehoboam laga baba hoise, aru Rehoboam pora Abijah laga baba hoise, aru Abijah pora Asa laga baba hoise.
\v 8 Asa pora Jehoshaphat laga baba hoise, aru Jehoshaphat pora Joram laga baba hoise, aru Joram pora Uzziah laga baba hoise.
\v 9 Uzziah pora Jotham laga baba hoise, aru Jotham pora Ahaz laga baba hoise, aru Ahaz pora Hezekiah laga baba hoise.
\v 10 Hezekiah pora Manasseh laga baba hoise, aru Manasseh pora Amon laga baba hoise, aru Amon pora Josiah laga baba hoise.
\v 11 Josiah pora Jechoniah aru tailaga bhai-kokai khan laga baba hoise jitia taikhan ke Babylon te loi jaise.
\p
\v 12 Babylon te loija pichete, Jechoniah pora Shealtiel laga baba hoise, aru Shealtiel pora Zerubbabel laga baba hoise.
\v 13 Zerubbabel pora Abiud laga baba hoise, aru Eliakim pora Azor laga baba hoise.
\v 14 Azor pora Zadok laga baba hoise, aru Zadok pora Achim laga baba hoise, aru Achim pora Eliud laga baba hoise.
\v 15 Eliud pora Eleazar laga baba hoise, aru Eleazar pora Matthan laga baba hoise, aru Matthan pora Jacob laga baba hoise.
\v 16 Jacob pora Joseph laga baba hoise, jun laga maiki Mary asele, jun pora Jisu ke jonom dise, aru Khrista koikena matise.
\v 17 Itu karone, sob khandan Abraham pora loikena David tak choudah khandan thakise, aru David pora loikena jun khan ke Babylon te loi jaise aru Jisu Khrista laga jonom itu tak choudah khandan thakise.
\s Jisu Khrista Jonom Huwa
\p
\v 18 Jisu Khrista laga jonom eneka pora hoise. Tai laga ama, Mary Joseph ke shadi koribole kotha milai loise, kintu tai duijon shadi nohua agete, Pobitro Atma dwara bacha pet te bukhi ja jani jaise.
\v 19 Kintu Joseph, tai laga mota, ekjon dharmik manu asele aru sob manu agete taike bodnam nadibo nimite, tai lukaikena taike chari bole bhabona kori loise.
\v 20 Jitia tai itu khan bhabi thakise, Probhu laga ekjon sorgoduth tai laga sapna te ahise, aru eneka koise, “Joseph, David laga chokra, Mary ke tumi laga maiki koribole bhoi nakoribi, kilekoile juntu ekjon bacha tai laga pet te bukhikena ase itu Pobitro Atma pora ase.
\v 21 Tai ekjon chokra bacha ke jonom dibo, aru tumi tai laga naam Jisu rakhibo, kilemane Tai he Tailaga manukhan ke taikhan laga paap pora bachai lobo.”
\v 22 Isor pora bhabobadi khan dwara kowa kotha khan pura hobole karone itu khan sob tineka he hoi jaise. Eneka likha ase,
\q
\v 23 “Huni bi, ekjon kumari maiki pora tai laga pet te bacha bukhi bo aru ekjon chokra ke jonom dibo, aru taikhan Tai laga naam Immanuel” rakhibo- itu motlob ase, “Isor amikhan logote ase.”
\p
\v 24 Itu pichete Joseph ghumai thaka pora uthijaise aru ki kotha Isor laga sorgoduth pora hukum dise tai itu manise aru Mary ke tai laga maiki bonai loise.
\v 25 Kintu tailaga maiki pora bacha jonom nohua tak, tailaga usorte ja nai aru tai bacha laga naam Jisu matise.
\c 2
\s Gyaani Manu Khan Aha
\p
\v 1 Jitia Herod raja thakise, itu somoi te Judea laga Bethlehem te Jisu jonom hoise. Aru gyaan thaka manukhan jonom laga kotha huni kena Jerusalem te ahise,
\v 2 aru eneka hudise, “Yehudi khan laga Raja hobole jonom huwa to kot te ase? Kilekoile amikhan Tai laga tara purab te dikhise, aru amikhan Tai ke aradhana koribole ahise.”
\v 3 Kintu jitia Herod raja itu hunise, tai aru tai logote Jerusalem te thaka khan sob laga mon chinta hoise.
\v 4 Itu pichete Herod raja pora mukhyo purohit aru kanun likha manukhan ke eke logote mati kena hudise, “Khrista to kun jagate jonom hobo?”
\v 5 Taikhan tai ke koise, “Judea laga Bethlehem te, kilekoile itu he bhabobadi khan pora likhise,
\q
\v 6 ‘Kintu tumi Bethlehem, Judah desh te thaka,
\q Apnikhan Judah desh laga cholawta khan pora komti nohoi,
\q Kilekoile apnikhan majot pora ekjon raja ulabo,
\q Jun Ami laga Israel manukhan ke Rokhiya kori cholai loijabo.’”
\m
\v 7 Itu pichete, Herod pora lukaikena gyaani manukhan ke kotha korise aru tara ki homoi te ulaise itu bhal pora jani loise.
\v 8 Itu pichete tai gyaani manukhan ke Bethlehem te eneka koikena pathaise, “Jabi aru bhal pora itu bacha ke bisari bi. Kitia apnikhan taike pabo, amike kobi, kilekoile Moi bi tate jaikena Tai ke aradhana koribo.”
\v 9 Raja laga kotha khan huna pichete, taikhan jai jaise, aru sabi, taikhan juntu tara purab te dikhi se itu eke tara aru dikhi se aru taikhan itu tara laga piche jaise. Itu tara taikhan age-age jai kena bacha thaka jaga uporte rukhi jaise.
\v 10 Jitia taikhan tara ke dikhi se, taikhan bisi khushi hoise aru khushi pora rukhibo napara hoise.
\v 11 Titia taikhan ghor bhitorte ghusi se chutu bacha ke Tailaga ama Mary pora dhuri thaka dikhise. Taikhan athukari kena Tai ke aradhana korise. Taikhan khushi pora taikhan laga khajana khan khuli kena suna, aru dhuna, aru bhal gundh laga tel khan daan korise.
\v 12 Kintu Isor pora taikhan laga sapna te Herod logote wapas najabi koikena hoshiar kori dise, itu nimite dusra rasta pora tai khan nijor desh te wapas jai jaise.
\s Egypt te polai Juwa
\p
\v 13 Kintu taikhan jai ja-a pichete, Isor laga sorgoduth sapna te ahikena Joseph ke koise, “Uthibi, bacha aru ama ke loikena Egypt te polai jabi aru ami nokuwa tak tate thakibi, kilekoile Herod Raja pora itu bacha ke morabole bisaribole ase.”
\v 14 Titia utu rati te, Joseph uthikena bacha aru ama ke loikena Egypt te polai jaise.
\v 15 Tai Herod namora tak tate he thakise. Juntu kotha Isor laga bhabobadi pora koi disele, itu pura hoi jaise, “Egypt pora Ami laga chokra ke mati loise.”
\s Herod Pora Bacha Khan Morai Diya
\p
\v 16 Jitia Herod gyaani manukhan pora taike thogaise koikena janise, tai bisi khong uthise. Itu nimite tailaga sipahi khan ke pathaikena jiman dui saal pora niche mota bacha Bethlehem te ase, sob ke morai dibole hukum dise. Kile koile utu somoi te Jisu jonom koikena dui saal ase koikena Herod khobor paikena thakise.
\v 17 Bhabobadi Jeremiah pora ki kotha koi dise itu khan sob pura hoi jaise, juntu eneka likha asele,
\q
\v 18 “Ramah te ekta awaj huni se,
\q Bisi mon dukh koikena kandi thakise,
\q Rachel tai laga bacha nimite kandi thaki se,
\q Aru kun ke bi tai laga mon shanti koribo diya nai kile koile tai khan nathaka hoi jaise.”
\s Nazareth Te Ghurai Aha
\p
\v 19 Aru jitia Herod mori jaise, sabi, Isor laga ekjon sorgoduth, Joseph to Egypt te thaka somoite tai laga sapna te ahise,
\v 20 aru eneka koise, “Uthikena bacha aru tai laga ama ke loikena Israel desh te jabi, kilekoile jun manu bacha ke morabole thakise taikhan mori se.”
\v 21 Itu pichete Joseph uthikena, bacha aru ama ke loi jaise, aru Israel laga desh te jaise.
\v 22 Kintu jitia tai hunise Herod laga chokra Archelaus Judea laga Raja ase, tai tate jabole bhoi hoi jaise. Hoilebi Isor pora tailaga sapna te hoshiar kori dise, aru itu jaga chari kena, tai Galilee te jaise.
\v 23 Aru Nazareth laga sheher te jaise aru tate thaki jaise. Eneka pora, juntu bhabobadi khan pora Isor laga kotha koi dise itu pura hoise, juntu asele, Tai ke Nazareth laga manu koi kena matibo.
\c 3
\s Baptizma Diya John Pora Rasta Taiyar Kora
\p
\v 1 Etiya utu somoite Baptizma diya John ahise aru Isor laga kotha prochar korikena Judea laga sunsan jaga te ahise,
\v 2 aru eneka koise, “Mon ghura bi, kile koile sorgo laga rajyo to usor te ahi jaise.”
\v 3 Kile koile bhabobadi Isaiah pora tailaga he kotha koi diya asele, eneka likha ase,
\q “Ekjon kunba sunsan jaga pora hala kori ase,
\q ‘Isor laga rasta taiyar koribi,
\q Tai laga rasta sidha koribi.”
\m
\v 4 Etiya, John to uth janwar laga chuli pora bona kapra lagai aru komor te chamra laga peti pora bandhe. Aru tai pango aru jongol laga mou pani he khai.
\v 5 Titia Jerusalem, aru pura Judea desh, aru Jordan Nodi laga sob jaga pora manukhan taike lok kori bole ahe.
\v 6 Taikhan laga paap shikar kora pichete, John pora Jordan Nodi te taikhan ke baptizma di thakise.
\v 7 Kintu tai logot bisi Pharisee aru Sadducee khan baptizma lobole ahi thaka dikhise, aru tai taikhan ke koise, “Tumikhan saph laga bacha khan, kun koise tumikhan Isor laga khong pora polabo karone?
\v 8 Itu nimite, mon ghura laga bijon apnikhan laga kaam pora dikhai dibi.
\v 9 Apnikhan laga mon te ‘Amikhan laga baba Abraham ase’ eneka nabhabi bi. Moi tumikhan ke koi ase Isor to itu pathor khan loikena Abraham laga khandan bonabo pare.
\v 10 Kintu sob gash khan kati bole kuthar to age pora taiyar hoikena ase. Juntu gash bhal phol nadhure itu gash ke katikena jui te phelai dibo.
\v 11 Moi to tumikhan ke pani pora he baptizma dibo. Kintu Jun ami laga pichete ahi ase, Tai to ami pora bi hokti thaka ase, Tai laga chapal moi dhori bole layak nai. Tai tumikhan ke Pobitro Atma aru jui pora baptizma dibo.
\v 12 Tai dhaan kati bole dao loikena ahi ase, sob dhaan khan ke dhaan ghor te joma korikena gash khan ke kitia bi khotom nohobole jui te phelai dibo.”
\s Jisu Baptizma Luwa
\p
\v 13 Itu pichete Jisu Galilee pora ulaikena baptizma lobole Jordan Nodi te John logot ahise.
\v 14 Hoilebi John to Jisu ke rukhabole bisi kosis korise, aru eneka koise, “Ami he Apni laga hath pora baptizma lobo lage, hoilebi Apni he moi logote ahise?”
\v 15 Kintu Jisu tai ke eneka koise, “Etiya karone to eneka koridi bi, kilekoile Amikhan bi dharmikta kaam sob pura korile he thik ase.” Itu pichete John pora kotha mani loise.
\v 16 Jitia Jisu baptizma loikena pani pora ulaise, sorgo pora ekta pohor ahise aru Isor laga Atma kopu chiriya nisena koikena Tai uporte rukhi jaise.
\v 17 Itu pichete, sabi, ekta awaj sorgo pora koise, “Itu Ami laga bisi morom thaka Chokra ase. Ami Tai uporte bisi khushi ase.”
\c 4
\s Jisu Ke Porikha Kora
\p
\v 1 Itu pichete Jisu ke Atma pora ekta sunsan jagate loi jaise juntu jagate saitan pora taike porikha koribo.
\v 2 Aru chalis din aru chalis rati Jisu upwas korise, itu karone Tai bhuk lagi jaise.
\v 3 Titia porikha kora jon ahikena Tai ke eneka koise, “Apni Isor laga Chokra ase koile, itu pathor khan ke roti hobole kobi.”
\v 4 Kintu Jisu tai ke jowab dikena koise, “Pobitro kitab te eneka likhi kena ase, ‘Manu khali roti dwara jinda nathakibo, kintu ki kotha Isor laga mukh pora ulai itu pora he jinda thakibo.’”
\v 5 Itu pichete saitan pora Jisu ke pobitro sheher te loi jaise aru mondir laga sob pora uporte khara koribo dise,
\v 6 aru Tai ke koise, “Apni Isor laga Chokra ase koile, yate pora nijor ke nichete phelai dibi, kilekoile eneka likha ase,
\q ‘Tai pora Tai laga duth khan ke hukum di kena Apni ke bachai lobo,’
\m Aru,
\q ‘Tai khan laga hath pora Apni ke dhuri lobo,
\q Aru Apni laga theng ke pathor pora bi jokhom nahobo.’”
\m
\v 7 Jisu tai ke eneka koise, “Aru itu bi likhikena ase, ‘Apni laga Probhu Isor ke porikha nakoribi.’”
\v 8 Aru, saitan pora Jisu ke untcha pahar te loi jaise aru Tai ke prithibi laga rajyokhan laga dangor mohima thaka dikhai dise.
\v 9 Saitan pora Tai ke koise, “Apni moike athukari kena aradhana korile, itu khan sob ami Apnike di dibo.”
\v 10 Titia Jisu koise tai ke,“Yate pora jai jabi, Saitan! Kilekoile eneka likhi kena ase,
\q ‘Tumi khan khali Probhu, tumi laga Isor ke he aradhana koribi, aru khali Tai ke he sewa koribi.’”
\p
\v 11 Titia saitan Taike chari kena jai jaise, aru sabi, sorgoduth khan ahi kena Tai ke modot korise.
\s Jisu Porisorja Shuru Kora
\p
\v 12 Jitia John ke dhurise koikena Jisu khobor paise, Tai Galilee te wapas jai jaise.
\v 13 Tai Nazareth chari kena Galilee Samundar laga usorte thaka, Capernaum te jaise, itu jaga to Zebulun aru Naphtali laga majot te ase.
\v 14 Isaiah bhabobadi dwara Isor pora kowa kotha khan pura hobole karone itu khan sob eneka he hoi jaise,
\q1
\v 15 “Zebulun laga mati aru Naphtali laga mati,
\q1 Sagar phale, Jordan paar korikena,
\q1 Porjati khan laga Galilee!
\q1
\v 16 Utu manukhan jun andhera te bohi thake tai khan dangor ekta ujala dikhise,
\q1 Aru jun khan mora laga chaya aru jagate bohi thake,
\q1 Taikhan uporte ekta pohor dikhai dise.”
\p
\v 17 Utu somoi pora he Jisu prochar koribole shuru hoise aru koise, “Mon ghura bi, kilekoile sorgo laga rajyo to usor hoise.”
\s Jisu Pora Prothom Chela khan ke Mata
\p
\v 18 Jitia Tai Galilee Samundar phale berai thakisele, Tai Simon jun ke Peter koi, aru tailaga bhai Andrew khan ke maas dhora jaal loikena samundar te phelai thaka dikhise, kilekoile taikhan maas dhora manu thakise.
\v 19 Jisu taikhan ke koise, “Ahibi, Ami laga piche koribi, aru Moi tumi khan ke manu dhori bole bonai dibo.”
\v 20 Loge-loge taikhan laga maas dhura jaal khan phelai dise aru Jisu laga piche koribole shuru hoise.
\v 21 Jitia Jisu tate pora jai thakise, tai duijon bhai ke dikhise, James, Zebedee laga chokra, aru tai laga bhai John. Tai ekta naw te taikhan laga baba Zebedee logote maas dhura jaal khan milai thakise. Jisu taikhan ke mati se,
\v 22 aru taikhan loge-loge taikhan laga naw aru baba ke chari kena Jisu piche kori loise.
\s Jisu Pora Bisi Manu Majot Te Kaam Kora
\p
\v 23 Titia Jisu Galilee laga sob jagate berai jaise, mondoli khan te sikhai se, aru rajyo laga susamachar prochar korise, aru sob kisim laga ghao bemar aru bemar manukhan ke changai korise.
\v 24 Tailaga khobor sob Syria desh te punchi jaise, aru manukhan Jisu usorte kisim-kisim bemar pora dukh pai thaka khan, gaw bhitor te bhoot huma khan, murgi-bemar thaka khan, aru jothor-rugi bemar thaka khan sob ke loikena anise. Aru taikhan ke Jisu pora changai kori dise.
\v 25 Aru Galilee, Decapolis, Jerusalem, Judea, aru Jordan pora bi dur thaka sob jaga pora manukhan Jisu logot ahise.
\c 5
\s Pahar Pora Sikhsa Diya
\p
\v 1 Bhir bisi dangor hoi ja pora, Jisu to ekta untcha pahar te uthi jaise. Tai tate boha pichete, tailaga chela khan bi tai usorte ahise.
\s Sorgo Anondo Kotha
\p
\v 2 Aru Tai mukh khuli se aru taikhan ke sikhai se, eneka koikena,
\q
\v 3 “Atma te dukhia thaka khan asishit ase,
\q2 Kilekoile sorgo laga rajyo tai khan nimite ase.
\q
\v 4 Dukh koikena thaka khan, tai khan asishit ase,
\q2 Kilekoile taikhan laga mon aram kori dibo.
\q
\v 5 Nomro koikena thaka khan asishit ase,
\q2 Tai khan prithibi laga adhikari hobo.
\q
\v 6 Dharmikta nimite bhuk aru pyaas thaka khan asishit ase,
\q2 Taikhan ke bhorta kori dibo.
\q
\v 7 Dayalu thaka manu khan asishit ase,
\q2 Taikhan daya pabo.
\q
\v 8 Mon sapha thaka khan asishit ase,
\q2 Tai khan Isor ke dikhibo.
\q
\v 9 Shanti nimite kaam kora khan asishit ase,
\q2 Taikhan ke Isor laga bachakhan koikena matibo.
\q
\v 10 Dharmikta nimite dukh pai thaka khan asishit,
\q2 Sorgo laga desh to taikhan nimite ase.
\p
\v 11 Tumi khan asishit ase jitia Ami laga naam nimite manukhan pora tumikhan ke gali dibo, dukh digdar dibo aru misa misi bodnam dibo.
\v 12 Mon te bisi khushi hobi kilekoile sorgo te tumikhan nimite bisi dangor inam rakhi kena ase. Jun bhabobadi khan tumi laga age te ahisele, taikhan ke bi eneka dukh digdar dise.
\s Nimok Aru Puhor
\p
\v 13 Tumikhan itu prithibi laga nimok nisena ase. Kintu nimok laga swadh harai se koile, kineka tai laga swadh to arubi anibo? Itu to eku kaam laga nohoi jai, kintu itu ke phelai dibo aru manu khan pora chipai dibo.
\v 14 Tumi khan itu prithibi laga puhor ase. Ekta sheher ke pahar uporte bonaile lukabo napare.
\v 15 Nohoile bi manukhan tailaga saaki julai kena kiba ekta dabba pora bondh korikena narakhe, kintu itu saaki ke khamba te rakhikena pura ghor ke ujala koribole diye.
\v 16 Tumi laga pohor ke eneka ujala kori dibi manu khan agete, titia taikhan tumi laga bhal kaam khan sob dikhi jabo aru tumi laga Baba jun sorgo te ase, Tai ke mohima dibo.
\s Kanun Purah Kori dibole Khrista Ahise
\p
\v 17 Eneka nabhabi Moi Isor laga niom aru Tai laga bhabobadi khan ke khotom kori dibo nimite ahise. Moi khotom kori dibole aha nohoi, kintu itu khan sob pura kori dibo nimite ahise.
\v 18 Kilekoile moi hosa pora tumi khan ke koi ase jitia tak prithibi aru akas khan khotom nohoi, ekta dagi nohoile ekta chutu kotha bi naharabo, jitia tak itu kotha khan sob pura nohoi.
\v 19 Itu nimite, kun pora itu niom aru hukum khan bhangabo aru dusra khan ke bi eneka koribole sikhabo, taikhan laga naam bi sorgo laga rajyo pora hatai dibo. Kintu kun pora itu hukum aru niom sob rakhe, tai ke sorgo laga rajyo te mohan matibo.
\v 20 Itu nimite Moi tumi khan ke koi ase, tumi khan laga dharmikta to niom likha khan aru pharisee khan pora bi bhal hobo lage, eneka nohoile tumi khan sorgo laga rajyo te ahibo naparibo.
\s Khong
\p
\v 21 Tumi khan poila te hunise utu purana somoite eneka koi dise, ‘Morai diya kaam nakoribi,’ aru, ‘Jun pora manu ke morai taikhan Isor laga bisar te ahibo.’
\v 22 Kintu Moi tumi khan ke koi ase, sob manu jun khan tai nijor bhai ke gusa kore, tai logot Isor laga bisar ahibo, aru nijor bhai ke eneka kowa khan to sabha age te bisi digdar hobo, ‘Tumi kaam nathaka manu!’ Aru tai norok laga jui te juli bo jodi ekjon pora tai bhai ke eneka koi, ‘Tumi murkho manu!’
\v 23 Itu karone, jitia tumi Isor laga agete daan dibole ane, aru bhai ke kiba biya korise koikena mon te ahise koile,
\v 24 tumi laga dhun khan bedi usorte chari dibi. Aru poila jaikena tumi laga bhai logote mon milai lobi, itu pichete ahikena Isor ke daan dibi.
\v 25 Kunba tumike bisar ghor te loi jabo koi ase koile, na ja-a agete tai logote kotha milai lobi, kilekoile ekbar bisar ghor te jaise koile tai pora tumike ukil laga hath te di dibo, aru ukil pora tumike sipahi khan logote di dibo aru sipahi khan pora tumi ke bondhi ghor te rakhi dibo.
\v 26 Hosa pora Ami tumikhan ke koi di ase, tumi bondhi ghor pora bahar naulabo jitia tak tumi laga dhar sob tirai nadibo.
\s Bebichar
\p
\v 27 Tumikhan eneka kowa hunise, ‘Bebichari nakoribi.’
\v 28 Kintu Moi tumikhan ke koi di ase, jun manu ekjon mahila ke biya kaam koribole bhabi loi, tai mon bhitor te bebichar kori loi.
\v 29 Jitia ekta suku pora tumi ke biya kaam koribo di ase, utu suku ke ulai kena dhur te phelai dibi. Kilekoile gaw te ekta biya saman nimite pura gaw norok te ja pora to, ekta suku nathaki kena jinda thaka he bhal hobo.
\v 30 Tumi laga ekta hath nimite paap kaam kori ase koile, itu ke kati kena phelai dibi. Kilekoile pura gaw norok te ja pora, ekta hath nathaki kena jinda thakile he bhal ase.
\s Chara-Chari Kora \s5
\v 31 Eneka bi koikena ase, ‘Jun mota tai laga maiki ke chari bole mon ase, tai pora chari diya laga chithi likhikena tailaga maiki ke dibole lage.’
\v 32 Kintu Moi tumikhan ke itu koi di ase, jun mota dusra maiki logote bebichar koribole tailaga maiki ke chari diye, tai ke bebichari maiki bonai di ase. Aru jun manu pora itu chari diye maiki ke shadi koribo, tai bi bebichar kori loise.
\s Kosom Kha-a
\p
\v 33 Aru, tumikhan poila jamana te huni kena thakibo, ‘Misa kotha nimite kosom nakhabi, kintu ji kosom Probhu logote korise itu purah koribi.’
\v 34 Kintu Moi tumi khan ke koi ase, tumi laga kosom nimite, sorgote thaka laga naam nalobi, kilekoile itu Isor laga singhason ase;
\v 35 prithibi laga naam nalobi, kilekoile itu Isor laga theng rakha jaga ase; Jerusalem laga naam nalobi, kilekoile itu mohan Raja laga desh ase.
\v 36 Aru nijor laga naam loikena kosom nakhabi, kilekoile tumi nijor laga chuli ke boga nohoile kala koribole hokti nai.
\v 37 Kintu tumi laga kotha to ‘Hoi hoile, hoi,’ aru ‘Nohoi hoile, nohoi’ he kobi. Kintu itu pora aru bisi kotha kora khan to sob biya khan pora ase.
\s Biya Ghurai Diya
\p
\v 38 Tumikhan hunise eneka koikena ase, ‘Suku laga bodli suku, aru daat laga bodli daat.’
\v 39 Kintu Moi koi ase, tumike kunba golti kora manu ke badla lobole nakoribi. Hoilebi, jun manu tumi ke mukh laga ekta phale thapor mare, tumi laga dusra phale bi maribole dibi.
\v 40 Kunba manu bisar ghor te jabole itcha hoi aru tumi laga kapra pindhi loi, taike apni laga chador bi di dibi.
\v 41 Kunba manu khan pora tumi ke ek kilometer jabole koile, tumi tai logote dui kilometer jabi.
\v 42 Jun manu tumi ke kiba mangi le tai ke di dibi, aru jun manu tumi ke kiba dhar lobole mange, tai ke mana nakoribi.
\s Dushman Ke Morom Kora
\p
\v 43 Tumi khan hunise eneka koikena, ‘Tumi laga ghor usorte thaka manu ke morom koribi aru tumi laga dushman ke ghin koribi.’
\v 44 Kintu Moi tumi khan ke koi ase, tumi laga dushman ke morom koribi, aru jun khan tumi ke dukh-digdar di ase, taikhan nimite prathana koribi,
\v 45 eneka korile tumi khan sorgote thaka Baba laga bacha khan hobo. Kilekoile Tai laga suryo to biya manu aru bhal manu ke bi diye, aru borkhon pani to biya manu aru bhal khan ke bi diye.
\v 46 Jitia tumi khan khali morom kora khan ke morom kore, itu to ki labh pabo? Kile koile poisa utha manu khan bi eneka kore nohoi?
\v 47 Tumi khan khali tumi laga bhai khan he mane koile, itu kori kena tumi ki dangor kaam korise? Porjati khan bi dusra khan ke eneka kore nohoi?
\v 48 Itu nimite, tumi khan ekdom thik hobo lage, jineka tumi laga sorgo Baba thik ase.
\c 6
\s Dukhiya Ke Daan Diya
\p
\v 1 Etiya bhal pora bujhi lobi, tumi khan manu ke dikha bole nimite bhal kaam nakoribi, nohoile sorgo te thaka Baba pora tumikhan ke eku inam nadibo.
\v 2 Jitia tumi khan kunba ke modot kori ase koile, sob manu ke hunai kena hala nakoribi, kilekoile Pharisee khan bi manu khan ke dikha bole nimite mondoli khan te aru rasta khan te hala kore. Hosa pora Moi koi di ase, taikhan laga inam taikhan paikena ase.
\v 3 Kintu tumikhan jitia daan diye, tumi laga dyna hath ki kori ase tumi laga baya hath ke janibole nadibi,
\v 4 titia tumi daan diya to kun bi najanibo. Kintu tumi laga Baba jun sob sai ase tumi ke lukai kena inam dibo.
\s Probhu Laga Prathana
\p
\v 5 Jitia tumi khan prathana kore, dhongi khan kora nisena nahobi, kilekoile taikhan mondoli khan te aru rasta kinar khan te dikha bole karone prathana kore. Hosa pora Moi koi di ase, tai khan laga inam to taikhan pabo.
\v 6 Kintu, jitia tumi khan prathana kore, ghor bhitor dorja bondh koribi aru lukai kena tumi laga Baba ke prathana koribi. Titia tumi laga Baba jun tumike sai ase, Tai tumike inam dibo.
\v 7 Jitia tumikhan prathana kore, Porjati khan nisena bisi kotha nakobi, kilekoile taikhan bhabe eneka koile taikhan laga kotha huni lobo.
\v 8 Tai khan nisena nakoribi, kilekoile tumi laga Baba tumi ki mangi bole ase itu age pora jani ase.
\v 9 Itu nimite, eneka prathana koribi:
\q ‘Amikhan laga Baba jun sorgote ase,
\q2 Apni laga naam pobitro hoi koikena untcha hobi.
\q2
\v 10 Apni laga sorgo ahibole dibi.
\q2 Apni laga itcha hobole dibi, itu prithibi te jineka sorgo te ase.
\q2
\v 11 Amikhan ke hodai din laga kha luwa dibi.
\q2
\v 12 Ami khan laga dhar khan maph kori dibi,
\q2 Jineka ami pora ami khan laga dhar thaka khan ke maph kori dise.
\q2
\v 13 Ami khan ke porikha te giri bo nadibi, kintu sob biya khan pora amikhan ke bachai lobi.’
\m
\v 14 Kilekoile jitia tumi khan dusra khan laga golti khan maph kore, tumi laga sorgo te thaka Baba bi tumikhan ke maph kori dibo.
\v 15 Kintu jitia tumi khan dusra khan ke maph nakore, tumi laga sorgo te thaka Baba bi tumikhan laga golti maph nakoribo.
\s Upwas Aru Prathana
\p
\v 16 Jitia tumikhan upwas rakhe, dhongi khan kora nisena mon dukh laga chehera nadikhabi, kilekoile taikhan to manukhan ke dikhabo nimite taikhan laga chehera biya korikena dikhai, aru taikhan nijor laga inam pai loise.
\v 17 Kintu, jitia tumi upwas rakhe, tumi nijor laga matha te tel hali lobi aru chehera ke dholai lobi,
\v 18 titia manukhan tumike saikena najanibo tumi upwas kori ase, kintu khali tumi laga Baba he janibo; aru tumi laga Baba jun sob sai ase, Tai he tumi ke inam dibo.
\s Sorgote Sompoti Joma Koribi
\p
\v 19 Nijor nimite eku dhun joma nakoribi, juntu jagate tumi laga sob dhun puka aru kira pora khotom kori dibo, aru jun jagate chor khan bhangai kena chor kori lobo.
\v 20 Hoilebi, nijor laga sob dhun sorgote joma koribi, juntu jagate napuchibo aru puka khan pora khotom nakoribo, aru chor khan bhanga bole naparibo.
\v 21 Kilekoile jun jagate tumi laga dhun ase, tate tumi laga mon bi thakibo.
\v 22 Suku to tumi laga gaw te saaki nisena ase. Itu nimite, jitia tumi laga suku to thik thakibo, tumi laga gaw purah te puhor thakibo.
\v 23 Kintu jitia tumi laga suku te letera thakibo, tumi laga pura gaw bi letera thakibo. Itu nimite, juntu pohor tumi bhitorte ase, itu to andhera ase koile, utu andhar to kiman bi dangor ase!
\v 24 Kun manu bi duita malik ke sewa koribo naparibo, kilekoile tai ekjon malik ke morom koribo aru ke ghin koribo, nohoile ekjon ke mon dibo aru dusra ke mon nadibo. Tumi Isor aru dhun ke sewa koribo naparibo.
\s Chinta Nakoribi \s5
\v 25 Itu karone, Moi koi ase, nijor laga jibon nimite chinta nakoribi, ki khabo nohoile- nohoile tumi laga gaw nimite, nohoile ki kapra pindhibo. Kha luwa pora bi jibon to dangor nohoi naki, aru kapra pora bi tumi laga gaw he dangor nohoi naki?
\v 26 Akas uporte chiriya khan ke sabi. Tai khan kheti bi na kore, aru kheti bi na kate, nohoile tai khan laga ghor te joma nakore, kintu tumi laga sorgo te thaka Baba pora taikhan ke sob khilai. Tumikhan itu chiriya khan pora bi bisi dangor ase nohoi?
\v 27 Kintu tumi khan jun bisi chinta kore, itu pora tumi khan laga jibon ke lamba koribo pare naki?
\v 28 Tumi khan kile kapra nimite iman chinta kori ase? Kheti te phul thaka khan laga bhabi sabi, tai khan kineka phule. Taikhan eku kaam nakore, aru kapra bi nabonai.
\v 29 Titia bi Ami koi ase, Solomon ekjon dangor raja hoi kena bi, tai ke itu khan nisena kapra lagai diya nai.
\v 30 Kintu jodi Isor pora kapra pindhai dibole pare, itu kheti te thaka phul khan jun aji ase aru kali kati kena chulah te julai diye, titia hoile Tai tumi khan ke bi bisi kapra pindhai dibo naparibo naki, tumi komti biswas thaka manu khan?
\v 31 Itu nimite, bisi chinta korikena eneka nakobi, ‘Ami khan ki khabo?’ Nohoile, ‘Ami khan ki pindhibo?’
\v 32 Kilekoile itu khan nimite Porjati khan he bisare, aru sorgo te thaka Baba pora tumi khan ki lage sob jani ase.
\v 33 Kintu poila Tai laga sorgo rajyo aru dharmikta bisaribi aru itu khan sob saman tumikhan ke Tai pora dibo.
\v 34 Itu karone, kali nimite chinta nakoribi, kilekoile kali to tai nijor he chinta koribo. Hodai din te tai nijor laga biya din thake.
\c 7
\s Dusra Ke Bisar Kora
\p
\v 1 Dusra ke bisar nakoribi, tinehoile tumi ke bi bisar nakoribo.
\v 2 Ki kotha pora tumi bisar kore, tumi ke bi itu pora bisar koribo, aru ki loikena tumi hisab-kitab kore, tineka he tumi ke bi hisab-kitab hobo.
\v 3 Kintu kile tumi laga bhai laga suku te sukha pata chutu thaka to sai ase, hoilebi tumi nijor laga suku te dangor khuri thaka to nadikhe?
\v 4 Nohoile kineka tumi laga bhai ke koi, ‘Amike tumi laga suku te sukha pata chutu thaka to sapha koribo dibi,’ jitia apni nijor laga suku te ekta dangor khuri thaki kena?
\v 5 Tumi dhungi khan! Poila nijor laga suku te dangor khuri thaka to sapha kori lobi, aru itu pichete tumi khan bhal pora dikhi kena bhai laga suku te sukha pata chutu thaka to sapha koribole paribo.
\v 6 Juntu pobitro ase itu khan kutta khan ke nadibi, aru tumi laga heera moti loikena jongol gahori khan ke nadibi. Kilekoile taikhan laga theng pora chipai dibo, aru ghurikena tumi khan laga gaw ke kamuri kena tukra kori dibo.
\s Mangibi Aru Itu Pabo
\p
\v 7 Mangi bi, aru tumi khan ke dibo. Bisaribi, aru tumikhan pai jabo. Dorja te maribi, aru tumi khan nimite khuli dibo.
\v 8 Kilekoile jun mange, taikhan pai; aru jun bisare, taikhan pai; aru jun dorjate mare, taikhan nimite khuli diye.
\v 9 Nohoile bi kunba manu ase naki tumi khan majote, jun laga bacha pora khabole roti mangile, tai laga baba pora pathor diye naki?
\v 10 Nohoile bacha pora maas khabole mangile, tailaga baba pora saph dibo naki? \s5
\v 11 Itu nimite, tumi khan kiman biya hoilebi nijor bacha ke bhal saman khan diye, tinehoile tumi laga Baba kun sorgote ase, Tai aru bisi bhal saman tumikhan manga to nadibo naki?
\s Suna Daam Laga Niom \s5
\v 12 Itu nimite, sob te, dusra manu khan pora tumi ki lage, thik eneka tumi bi dusra khan ke koribi, kilekoile itu to niom pora aru bhabobadi khan pora koi diya ase.
\p
\v 13 Ekdom huru rasta pora ghusi bi. Kilemane juntu dorja bisi dangor hoi, itu to khotom kori diya rasta te loi jai, aru bisi manu itu rasta te jabole kore.
\v 14 Kilekoile jibon laga rasta to bisi huru ase aru dorja ekdom chutu ase. Itu nimite khali kunba khan he itu rasta pai.
\s Gash Aru itu Laga Phol
\p
\v 15 Misa bhabobadi khan pora hoshiar thakibi, jun khan mer nisena kapra pindhi kena dikhai, kintu bhitor te taikhan ekdom bhuk lagi thaka rong kutta janwar khan ase.
\v 16 Taikhan laga kaam laga phol pora tumikhan jani jabo. Dusra manu kata gash pora angur ke joma nakore, aru nohoile kata gash pora dimoru khan ulai naki?
\v 17 Itu nisena, sob bhal gash khan bhal phol dhure, kintu biya gash khan biya phol dhure.
\v 18 Ekta bhal gash pora biya phol dhoribo napare, nohoi lebi ekta biya gash pora bhal phol dhoribo napare.
\v 19 Juntu gash bhal phol nadhure itu gash ke katikena jui te phelai dibo lage.
\v 20 Itu pichete, tumi khan tailaga phol pora jani jabo.
\s Moi Tumikhan Ke Najane \s5
\v 21 Sob manu jun Moike ‘Probhu, Probhu’ koi, taikhan sorgo desh te huma bole nohoi, kintu jun manu sorgo te thaka Baba laga itcha kore, taikhan he huma bole paribo.
\v 22 Bisi manu khan utu din te kobo, ‘Probhu, Probhu, amikhan Apni laga naam te bhabobani kora nai naki, aru Apni laga naam te biya atma khan ke khedai diya nai naki, aru Apni laga naam te asurit kaam khan kora nai naki?
\v 23 Titia Ami khulikena taikhan ke koi dibo, ‘Moi tumi khan ke kitia bi jana nai! Moi laga usor pora jai jabi, tumi khan biya laga niom kora khan!’
\s Pathor Uporte Tumikhan Ghor Bonabi
\p
\v 24 Itu nimite, sob manu jun Ami laga kotha khan hune aru itu khan sob mane, taikhan ekjon gyaani manu nisena ase jun pathor uporte ghor bonaise.
\v 25 Bisi dangor hawa aru pani khan ahikena, aru purah pani pora bhorta kori loise, hoilebi itu ghor ke gira bole para nai, kilekoile itu ghor to pathor uporte bonaise.
\v 26 Kintu kun manu Ami laga kotha hune aru namane taikhan murkho manu ase jun balu laga uporte ghor bonai.
\v 27 Dangor borkhon khan ahe, aru pura pani bhorta hoi jai, aru hawa pora itu ghor ke hilai diye, aru itu ghor pura giri jai, aru pura ghor ke khotom kori diye.”
\p
\v 28 Itu pichete jitia Jisu itu kotha khan koikena khotom korise, Tai pora sikhai diya kotha huni kena sob manu asurit hoi jaise.
\v 29 Kilekoile Tai sikhai diya to kanun likha khan pora sikha nisena nohoi, kintu ekjon adhikar thaka manu nisena koi thakise.
\c 8
\s Jisu Pora Kusto-rugi Ekjon Ke Sapha Kora
\p
\v 1 Jitia Jisu pahar pora nami se, dangor bhir Tai laga piche korise.
\v 2 Aru sabi, ekjon kusto rugi bemar thaka manu Tai laga usorte ahise aru Tai agete matha jhukikena eneka koise, “Probhu, Apni itcha ase koile, Apni moike sapha koribole paribo.”
\v 3 Jisu tai usorte jaikena taike chuikena koise, “Moi laga itcha ase. Sapha hobi.” Aru itu loge-loge tai laga bemar sapha hoi jaise.
\v 4 Itu pichete Jisu tai ke koise, “Sabi, itu kun ke bi nakobi. Kintu jabi aru tumi laga purohit khan ke dikhai dibi aru Moses pora hukum diya kori lobi, titia itu dusra khan nimite tumi laga gawahi hobo.”
\s Henapoti Ekjon Laga Biswas
\p
\v 5 Jitia Jisu Capernaum jagate ahi loise, ekjon Rome laga henapoti Tai usorte ahise aru koise,
\v 6 “Probhu, amilaga kaam kora nokor jothor-rugi bemar koikena ghumai ase aru tai bisi dukh te ase.”
\v 7 Jisu taike koise, “Moi ahibo aru tai ke bhal kori dibo.”
\v 8 Kintu henapoti pora tai ke eneka jowab dise, “Probhu, Apnike ami laga ghor te mati bole sorom ase, kintu khali Apni laga kotha koi dibi aru ami laga nokor to bhal hoi jabo.
\v 9 Kilekoile ami bi ekjon adhikari thaka manu ase, aru ami nichete sipahi khan ase. Ami taikhan ke eneka hukum diye, ‘Jabi’, aru tai jai, aru dusra ekjon ke, ‘Ahibi,’ aru tai ahe, aru nokor ke, ‘Eneka koribi,’ aru tai kore.”
\v 10 Kintu jitia Jisu itu hunise, Tai asurit hoi jaise aru Tai laga piche aha manukhan ke koi, “Hosa pora Moi tumi khan ke koi ase, Moi kitia bi itu nisena iman dangor biswas thaka manu purah Israel desh te dikha nai.
\v 11 Kintu Moi tumi khan ke koi ase, purab aru paschim pora bisi manu ahibo, aru taikhan aram kori kena Abraham, Isaac, aru Jacob, usorte sorgo laga rajyo te bohibo.
\v 12 Kintu rajyo laga bachakhan ke andhera jagate phelai dibo, juntu jagate khali daat kamurikena kanda he thakibo.”
\v 13 Titia Jisu itu henapoti ke koise,“Jabi! Jineka tumi biswas korise, itu nisena he hobo dibi.” Aru thik utu homoite tai laga nokor bhal hoi jaise.
\s Jisu Pora Bisi Manu Ke Changai Kori Diya
\p
\v 14 Jitia Jisu Peter laga ghor te ahise, Tai Peter laga maiki laga ama bukhar pora bemar koikena ghumai thaka dikhi se.
\v 15 Jisu pora tailaga hath choise aru titia bemar taike chari kena jaise. Itu pichete tai uthikena Jisu ke kha luwa sewa koribole shuru hoi jai.
\v 16 Jitia saam hoi thakise, manukhan Jisu usorte biya atma ghumai kena thaka manukhan ke loikena anise. Tai laga kotha pora sob biya atma khan ke khedai dise aru sob bemar thaka manukhan ke changai koridise.
\v 17 Itu nisena juntu kotha khan bhabobadi Isaiah koi dise, itu khan sob purah hoi jaise, “Tai nijor he amikhan laga sob bemar khan loi loise aru amikhan laga sob ghao khan nijor bukhi loise.”
\s Jisu Laga Piche Jabo Laga Daam
\p
\v 18 Jitia Jisu tai usorte dangor bhir joma hoikena dikhise, tai dusra khan ke Galilee laga Samundar pora alag jagate jai jabi koi dise.
\v 19 Itu pichete kanun likha manu Tai logote ahise aru koise, “Hikhok, Apni kot jai ami bi Apni pichete jabo.”
\v 20 Jisu taike koise, “Shial khan chenda bhitor te thake, chiriya khan pata pora bona ghor te thake, kintu Manu laga Chokra nimite thakibole ghor nai.”
\v 21 Jisu laga ekjon chela pora tai ke koise, “Probhu, moi ke poila ekbar ghor te jaikena ami laga baba ke kobor dikena ahibole dibi.”
\v 22 Kintu Jisu taike koise, “Moi laga piche koribi, aru mora manukhan ke taikhan nijor ke kobor dibole dibi.”
\s Jisu Pora Tufan Rukhai Diya
\p
\v 23 Jitia Jisu naw bhitorte bohi loise, tailaga chela khan sob Tai piche korise.
\v 24 Aru sabi, ekta dangor andhi samundar pora uthibole shuru hoise, aru purah naw to hawa aru pani pora hiliai thakise. Kintu Jisu to ghumai thakise.
\v 25 Titia chela khan Tai usorte ahise aru eneka koikena uthai dise, “Probhu, ami khan ke bacha bi; ami khan moribole ase!”
\v 26 Jisu tai khan ke koise, “Tumi khan biswas komti thaka khan kile bhoi khai ase? Itu pichete Tai uthikena itu hawa pani ke hukum dise. Titia sob chup-chap hoi jaise.
\v 27 Kintu sob manu asurit koikena koise, “Itu ki kisim laga manu ase, hawa aru pani tak Tai laga kotha mane?”
\s Biya Atma Pora Dhori Thaka Duijon ke Jisu Pora Changai Kora
\p
\v 28 Jitia Jisu samundar paar korikena Gadarene laga desh te punchise, duijon manu jun logote biya atma ghusikena thakise, Jisu ke lok korise. Tai khan koboristan pora ulaikena ahise aru bisi khechera huwa pora manukhan itu rasta pora nabira hoise.
\v 29 Sabi, taikhan hala korikena koise, “Ami khan Apni ke ki kori dibo, Isor laga Chokra? Apni homoi napuncha agete aha laga motlob to amikhan ke bisi dukh dibole ase naki?”
\v 30 Utu somoite dur nohoi kena kunba gahori dana khai thakisele.
\v 31 Aru biya atma khan Jisu ke anurodh korikena koise, “Apni amikhan ke khedai dibole ase koile, amikhan ke gahori khan laga gaw te ghusi bo dibi.”
\v 32 Titia Jisu taikhan ke koise, “Jabi!” Itu hukum diya pichete sob biya atmakhan ulaise aru gahori laga gaw bhitorte ghusi jaise; aru sabi, itu sob gahori pahar upor pora polaikena nodi te girikena panite dubi mori jaise.
\v 33 Kintu juntu gahori sai thaka manukhan sheher te polaikena sob manukhan ke khobor dise.
\v 34 Sabi, pura sheher laga manu khan Jisu ke lok koribole ulai ahise. Jitia taikhan Jisu ke dikhise, taikhan Jisu ke anurodh korise aru itu jaga pora jai jabole koise.
\c 9
\s Jisu Pora Jothor-Rugi Ekjon Ke Bhal Kora
\p
\v 1 Titia Jisu naw te uthi loi aru nodi paar korise, aru tai nijor laga sheher te ahi jaise.
\v 2 Sabi, manukhan ekjon jothor-rugi bemar thaka manu ke chatai te ghumai thaka ke loi anise. Jitia Jisu taikhan laga biswas dikhise, tai jothor-rugi bemar manu ke koise, “Chokra, mon dangor koribi. Tumi laga paap sob maph kori dise.”
\v 3 Titia sabi, kanun likha manu khan taikhan majote koise, “Itu manu Isor laga biya kotha koi ase.”
\v 4 Kintu Jisu taikhan laga bhabona janikena koise, “Tumikhan ki hisab te mon bhitor te biya kotha bhabona kori ase?
\v 5 Kilekoile, kuntu he asan ase, ‘Tumikhan laga paap khan sob maph kori dise,’ na, ‘Uthibi aru berabi’ itu thik ase?
\v 6 Kintu tumikhan ke jonai dibole, Manu laga Chokra ke itu prithibi te adhikar dikena ase manu laga paapkhan maph koribole, ...” Itu pichete Tai itu manu ke koise, “Uthibi, tumi laga chatai lobi, aru nijor laga ghor te jabi.”
\v 7 Titia itu manu uthise aru nijor ghor te jai jaise.
\v 8 Jitia manukhan itu dikhise, taikhan asurit hoise aru Isor ke mohima dise, jun he manukhan ke eneka adhikar dise koikena.
\s Jisu Pora Matthew Ke Mata
\p
\v 9 Jitia Jisu itu jaga paar hoi kena jai thakise, tai Matthew koikena ekjon manu ke dikhi se, jun poisa utha laga jagate kaam kori thakise. Tai pora tai ke koise, “Ami laga piche koribi.” Aru tai uthise aru Jisu laga piche korise.
\p
\v 10 Aru eneka hoise, jitia Jisu bohikena ghor te bhat khabole hoise, sabi, bisi poisa utha manukhan aru paapi khan bi ahise aru Jisu aru tailaga chela khan logote milikena khaise.
\v 11 Jitia Pharisee khan itu dikhise, taikhan Jisu laga chela khan ke hudise, “Kile apnikhan laga malik to poisa utha aru paapi manukhan logote milikena khai ase?”
\v 12 Jitia Jisu itu hunise, Tai koise, “Jun laga gaw sob thik ase, taike bemar bhal kora manu nalage, khali jun khan bemar ase taikhan ke lage.
\v 13 Kintu tumikhan jabi aru sikhibi itu laga motlob ki ase: ‘Ami to tumikhan boli diya to nalage, hoilebi daya kora to Moi laga itcha ase.’ Kilekoile Ami dhormik khan ke mati bole aha nohoi, kintu paapi manu khan karone ahise.’”
\s Upwas Aru Prathana Koribo Karone Huda
\p
\v 14 Itu pichete John laga chela khan Tai logote ahikena koise, “Kile Pharisee aru amikhan upwas kore, kintu Apni laga chela khan to nakore?”
\v 15 Jisu taikhan koise, “Shadi te aha khan mon dukh koikena shadi kora jon logote thake naki? Kintu utu din ahibo jitia shadi kora jon ke taikhan pora loijabo, aru itu pichete taikhan upwas lobo.
\v 16 Kun manu bi ekta notun kapra ke purana kapra logote silai kena nalagai, kilekoile itu kapra laga silakhan sob ulai jabo, aru bisi biya pora phati jabo.
\v 17 Nohoilebi manukhan purana angur ros ke notun chamra laga jola te nadhale. Nohoile, chamra jola to phati jabo, aru angur ros to pura giri jabo aru chamra jola pura biya hoijabo. Hoilebi, taikhan notun chamra jola te notun angur ros hale, eneka hoile duita bi bhal thakibo.”
\s Suwali Ekjon Ke Jinda Uthaidiya aru Mahila Ekjon ke Changai Kora
\p
\v 18 Jitia Tai itu khan taikhan ke koi thakise, sabi, ekjon daruga ahise aru Jisu agete matha jhukise. Tai koise, “Moi laga chukri etiya mori jaise, kintu Apni ahibi aru tai uporte Apni laga hath lagai dibi, aru tai jinda hoi jabo.”
\v 19 Itu pichete Jisu uthise aru tai logote jaise, aru Tai laga chela khan bi piche ahise.
\v 20 Sabi, ekjon mahila jun baroh saal pora khun jai thaka bemar pora dukh pai thakise, tai Jisu laga piche ahikena Tailaga kapra kinar te chuise.
\v 21 Kilekoile tai nijor ke koise, “Khali Tai laga kapra chuile, ami bhal hoi jabo.”
\v 22 Kintu Jisu piche ghurise aru taike saikena koise, “Chukri, mon dangor kori lobi; apni laga biswas pora bhal hoi se.” Aru utu homoite itu mahila ke changai paise.
\v 23 Jitia Jisu utu daruga laga ghor te punchi se, basuri baja manukhan aru manu bisi joma hoikena hala kori thaka dikhise.
\v 24 Tai koise, “Jai jabi, kilekoile itu chukri mora nai, kintu tai ghumai ase.” Kintu itu manukhan Jisu ke hasi di thakise.
\v 25 Jitia joma koikena thaka manukhan sob ke baharte pathai dise, Tai ghor bhitorte ghusi se aru itu chukri ke hath pora dhurise, aru itu chukri uthi jaise.
\v 26 Aru itu laga khobor utu jaga sob te punchi jaise.
\s Jisu Pora Andha Duijon Ke Bhal Kora
\p
\v 27 Jisu jitia berai jai thaki se, duijon andha manu tai piche kori se. Tai khan hala korikena koise, “Ami khan ke daya koribi, David laga Chokra!”
\v 28 Jitia Jisu ghor te punchi se, andha khan tai usorte ahi se. Jisu taikhan ke koise, “Tumi khan biswas kore na nai ami itu koribo pare koi kena?” Tai khan koise, “Hoi, Probhu.”
\v 29 Aru Jisu tai khan laga suku chuise, aru koise, “Tumi khan laga biswas hisab te hoi jabi,”
\v 30 aru tai khan laga suku khuli jaise. Jisu pora tai khan ke kara pora hukum di kena eneka koise, “Sabi itu kotha khan kun ke bi janibo nadibi.”
\v 31 Kintu itu duijon manu bahar te ulai jai se aru sob jaga te itu laga khobor koi dise.
\s Jisu He Gunga Ke Bhal Kora
\p
\v 32 Tai duijon jai thaka somoite, sabi, ekjon bhoot atma ghumai kena ghunga thaka manu ke Jisu usorte anise.
\v 33 Jitia bhoot atma ke khedai dise, tai kotha koribole parise. Sob manu dikhi kena asurit hoise, aru koise, “Eneka asurit kaam to kitia bi Israel desh te dikha nai!”
\v 34 Kintu Pharisee khan eneka koise, “Bhoot atma laga cholawta huwa nimite, tai bhoot atma ke kheda bole pari ase.”
\s Dhan Bisi Pakki kena Ase, Kintu Kati bole Manu Komti
\p
\v 35 Jisu sob sheher khan aru bosti khan te berai kena jai se. Tai mondoli khan te jai kena rajyo laga susamachar khan sikhai thaki se aru sob biya bemar khan ke bhal korise.
\v 36 Jitia Tai manu joma koikena thaka dikhise, Tai bisi morom lagise, kilekoile taikhan bisi dukh aru chinta hoikena thaki se, jineka mer khan laga ekjon rokhiya nathaka nisena.
\v 37 Itu pichete Jisu taikhan laga chela khan ke koise, “Dhan bisi pakki kena ase, kintu kati bole manu komti ase.
\v 38 Itu nimite, joldi Probhu ke prathana kori bi, titia Tai kaam koribole manu khan ke pathai dibo.”
\c 10
\s Barohjon Pasoni
\lh
\v 1 Jisu tailaga barohta chela khan sob ke matise aru taikhan ke atma khan khedabole aru sob bemar khan bhal koribole adhikar dise.
\v 2 Etiya itu barohta chela khan laga naam khan eneka thakise. Poila, Simon -jun ke Peter koikena mate-, aru tai laga bhai Andrew; James, Zebedee laga chokra, aru tailaga bhai John;
\v 3 Philip, aru Bartholomew; Thomas, aru Matthew ekjon poisa utha manu; James, Alphaeus laga chokra, aru Thaddaeus;
\v 4 Simon ekjon Zealot, aru Judas Iscariot, jun Jisu ke thoga bo.
\s Jisu Pora Barohjon Pasoni Ke Pathai Diya
\p
\v 5 Itu barohta chela khan ke Jisu pora pathai dise. Tai bujhai kena koise, “Porjati manu khan laga rasta te najabi, aru Samaria nogor bhitor te naghusi bi.
\v 6 Kintu harai ja-a mer khan jun ase Israel laga ghor, taikhan logot jabi;
\v 7 aru jitia tumi khan jai, prochar korikena kobi, ‘Sorgo laga rajyo usor ahi ase.’
\v 8 Bemar khan ke bhal koribi, mora khan ke uthai dibi, kusto bemar thaka khan ke sapha kori dibi, aru biya atma khan ke khedai dibi. Eku daam naterai kena paise, eku daam noloikena dibi.
\v 9 Suna, chandi, nohoile pitol khan eku nabukhibi.
\v 10 Eku jola nadhuribi jai thaka somoite, nohoile duita kapra, nohoile chapal, nohoile lathi nadhuribi, kilekoile kaam kora khan ke hajira pabo lage.
\v 11 Kuntu sheher nohoile bi bosti te tumikhan jai, utu jagate ekjon bhal manu ke bisaribi, aru jitia tak tumi chari kena najai, tailaga ghor te he thakibi.
\v 12 Jitia tumi tailaga ghor te ghuse, taike salam koribi.
\v 13 Aru itu ghor to thik hoile, tumikhan laga shanti tate thakibo dibi. Kintu jodi ghor to thik nohoi, tinehoile shanti to wapas tumikhan laga hobo.
\v 14 Jitia utu bosti nohoile bi nogor laga manu khan pora tumikhan ke ghusi bole nadiye, aru tumikhan laga kotha nahune, tinehoile itu jaga chari bi aru tumi laga theng te dhula khan jharikena jai jabi.
\v 15 Hosa pora Moi koi ase, jitia Isor laga bisar kora din ahibo, itu din te itu sheher nohoile bi bosti to Sodom aru Gomorrah pora bi bisi lobole napara laga saja pabo.
\s Tarona Kora Ahibo
\p
\v 16 Sabi, Ami tumi khan ke ekta mer nisena rong kutta janwar khan majote pathai ase, itu nimite saph nisena gyaani thakibi aru kabotar nisena norom thakibi.
\v 17 Eneka manukhan pora hoshiar koikena thakibi! Kilekoile tai khan tumikhanke sabhakhan te loijabo, aru taikhan laga mondoli bhitorte tumikhan ke marikena sajai dibo.
\v 18 Itu pichete Ami nimite tumikhan ke rajyopal aru raja khan laga agete anibo, dusra khan aru Porjati khan ke ekta gawahi nisena dikhai dibole.
\v 19 Jitia taikhan tumikhan ke taikhan hath te di dibo, titia tumikhan ki kobo lage itu karone chinta nakoribi, kilekoile thik somoite ji kobo lage itu sob tumikhan ke koi dibo.
\v 20 Kilekoile tumikhan pora nakobo, kintu Baba laga Atma pora he tumikhan nimite koidibo.
\v 21 Bhai pora he kokai ke phasai dibo, aru baba pora nijor bacha ke. Bacha khan ama baba khan logote jhagara koribo aru taikhan ke morai dibole koribo.
\v 22 Moi laga naam nimite tumikhan ke sob pora ghin koribo. Kintu jun khan dukh digdar khan paikena khotom nohua tak thakibo, tai khan sob bachi jabo.
\v 23 Jitia tai khan pora itu sheher te tumikhan ke biya pora digdar dibo, dusra jagate polai jabi, kilekoile Ami hosa pora tumikhan ke koi ase, Manu laga Chokra naha agete tumikhan Israel laga sob sheher khan te jaikena khotom koribole naparibo.
\p
\v 24 Ekjon chela tailaga guru pora dangor nohoi, nohoilebi ekjon nokor malik pora dangor nohoi.
\v 25 Ekjon chela tailaga guru nisena hoile itu he thik ase, aru ekjon nokor tailaga malik nisena. Jitia taikhan itu ghor laga malik ke Beelzebul koikena mate koile, kiman bi biya pora tailaga ghor manu khan ke matibo!
\s Bhoi Nakoribi \s5
\v 26 Itu karone taikhan ke bhoi nakhabi, kilekoile lukaikena thaka eku nai juntu ke janai nadibo, aru juntu janai dibole pare, ituke lukai kena rakhibo naparibo.
\v 27 Ji kotha Ami pora tumikhan ke andhera te koi ase, tumikhan pora din te koidibi, aru ji kotha tumikhan norom pora kan te huni pai ase, ghor laga sobse untcha jagate uthikena jor pora sob ke hunai dibi.
\v 28 Jun khan manu ke morai diye itu khan ke bhoi nakoribi kilekoile taikhan tumikhan laga jibon ke morai dibole napare. Hoilebi, Tai ke bhoi koribi Jun he tumikhan laga gaw aru jibon ke bi khotom kori dibole pare.
\v 29 Ekta chutu chandi pora duita ghor chiriya ke kini bole napare naki? Titia bi tumikhan laga Baba pora najanikena ekta chiriya bi matite giribole nadiye.
\v 30 Kintu tumikhan laga matha te chuli thaka khan sob ginti korikena ase.
\v 31 Itu karone bhoi nakoribi. Tumikhan ke ghor laga chiriya pora bi bisi morom kore.
\v 32 Itu karone jun manu sob manukhan laga agete Moi laga naam shikar koribo, Ami bi tailaga naam sorgo te thaka Ami laga Baba agete shikar dibo.
\v 33 Kintu jun manu pora sob manu laga agete Ami laga naam noloi, Ami bi tailaga naam sorgote thaka Ami laga Baba agete nolobo.
\s Shanti Nohoi, Kintu Talwar
\p
\v 34 Ami itu prithibi te shanti dibole aha nohoi. Ami shanti loikena aha nai, kintu talwar loikena ahise.
\v 35 Kilekoile Ami aha to chokra ke tailaga baba pora alag kori dibole, aru ekjon chukri ke tailaga ama pora alag kori dibole, aru ekjon buari ke tailaga sasuma pora alag kori dibole ahise.
\v 36 Ekjon mota laga dushman khan nijor ghor manu khan he hobo.
\v 37 Jun manu tai nijor baba aru ama ke Ami pora bisi morom kore tai Ami laga chela hobo naparibo; aru jun tai njior chokra nohoilebi chukri ke Ami pora bi bisi morom kore, tai Ami laga chela hobo naparibo.
\v 38 Jun manu tailaga nijor krus to uthaikena moi laga piche nahe, tai Ami laga chela hobo naparibo.
\v 39 Jun manu tai nijor jibon to bacha bole itcha kore tai harai jabo. Kintu jun manu Moi nimite tai laga jibon diye, tai to aru wapas pabo.
\s Inam
\p
\v 40 Jun manu tumi ke grohon kore, tai Moi bi grohon kore, aru jun tumi ke grohon kore tai Jun pora Ami ke pathaise, Tai ke bi grohon kore.
\v 41 Jun manu ekjon bhabobadi khan ke grohon kore, tai bhabobadi laga inam pabo, aru jun manu dhormik manu ke grohon kore, tai dhormik manu laga inam pabo.
\v 42 Jun khan itu chutu dukhiya ekjon ke Ami laga chela ase koikena ek kup thanda pani khilai dibo, hosa pora Ami koi ase, tai to hosa pora bi tailaga inam to naharabo.”
\c 11
\s Baptizma Diya John Laga Khobor Diya Manu
\p
\v 1 Eneka hoise jitia Jisu tai laga barohjon chela khan ke niom khan bujhai diya pichete, tai tate pora ulaikena taikhan laga sheher te jaikena prochar koribole aru sikhai dibole jai jaise.
\v 2 Titia John bondhi ghor te thakise, tai Khrista laga kotha huni paise, aru tai tailaga chela khan ke ekta jankari dibole pathai se
\v 3 aru Tai ke koise, “Apni ahibole thaka ekjon manu to ase, na ami khan dusra ke bisaribo?”
\v 4 Jisu pora jowab di kena taikhan ke koise, “Jabi aru John ke koidibi tumi khan ki hunise aru dikhi se.
\v 5 Andha manu khan dikhibole paise, lengera khan berabole parise, kusto bemar thaka khan sapha hoi jaise, behera khan hunibole paise, morija khan jinda hoise, aru gorib manu khan susamachar huni loise.
\v 6 Jun manu Ami ke dikhikena biya pa nai tai to asis paise.”
\p
\v 7 Jitia taikhan jaise, Jisu pora bhir ke John laga kotha koribole shuru hoise, “Tumi khan balu laga jagate ki sabole jaise- pani te ulai thaka ghas ke hawa pora hilai diya to?
\v 8 Aru tumikhan tate ki sabole jaise- ekjon manu norom kapra lagai kena thaka ke? Hosa bi, jun khan norom kapra lagai, taikhan to raja khan laga ghor te he thake.
\v 9 Aru tumi khan ki sabole tate jaise- ekjon bhabobadi? Hoi, Ami tumi khan ke koi ase, tai ekjon bhabobadi pora bi bisi ase.
\v 10 Itu tai ase, jun karone eneka likhi kena ase,
\q ‘Sabi, Ami pora tumikhan laga chehera agete Ami laga khobor diya manu pathai ase, jun pora tumi khan nimite rasta taiyar koribo.’
\m
\v 11 Ami hosa pora tumikhan ke koi ase, tumikhan majote Baptizma diya John nisena kun ama pora bi jonom diya nai. Hoilebi sorgo laga rajyo te thaka sob pora kaam nathaka manu bi tai pora bisi dangor ase.
\v 12 Baptizma diya John laga din pora loikena etiya tak, sorgo laga rajyo to mara-mari khan pora dukh paise, aru jhagara pora joborjosti korikena chingi loise.
\v 13 Kilekoile John naha agete sob bhabobadi khan aru niom khan laga bhabobani hoi thakise;
\v 14 aru jodi tumikhan lobole itcha ase koile, tai to Elijah ase jun ahibole thakise.
\v 15 Jun laga kan khan ase, taikhan ke hunibole dibi.
\v 16 Ki logote itu yug laga manukhan ke tulona koribo? Bachakhan bajar te bohikena thaka nisena, jun ekjon pora ekjon ke mati thake
\v 17 aru koi, ‘Amikhan pora apnikhan karone basuri bajai se, aru apnikhan nacha nai. Amikhan mon dukh hoise aru apnikhan suku pani bi ula nai.’
\v 18 Kilekoile John to pani aru kha luwa khaikena aha nohoi, aru tai khan koise, ‘Tai logot te bhoot ase.’
\v 19 Manu laga Chokra to pani aru kha luwa kori kena ahise aru taikhan koise, ‘Sabi, tai to bisi khai aru ekjon sharabi ase, poisa utha aru paapi manu khan laga sathi ase!’ Kintu gyaan to tai laga bacha pora he dikhai dibo.”
\s Mon Naghura Sheher Khan Nimite Mon Dukh Ase.
\p
\v 20 Pichete Jisu jun to jagate tai laga asurit kaam khan dikhai dise, itu sheher khan laga manukhan ke gali dibole shuru korise, kilekoile taikhan mon ghuraikena thaka nai.
\v 21 “Chorazin, tumi ke hai ase! Bethsaida, tumi ke hai ase! Juntu kaam tumi khan nimite korise, eneka kaam Tyre aru Sidon nimite korise koile, taikhan poila pora bosta laga kapra aru jui laga koila lagai kena mon ghuri lobole thakise.
\v 22 Kintu Moi tumikhan ke koi ase, bisar laga din te tumikhan pora to Tyre aru Sidon nimite he bisi aram hobo.
\v 23 Tumi, Capernaum, tumikhan ke sorgo uporte uthibole nadibo, na uthibo dibo? Tumikhan ke Hades te namai dibo. Kilekoile tumikhan ke koi diya nisena jodi Sodom te bi asurit aru dangor kaam korise koile, taikhan aji bachikena thakibo thakise.
\v 24 Kintu Moi tumikhan ke koi ase, bisar laga din te tumikhan pora bi Sodom nimite he aram hobo.”
\s Moi Logot Ahibi, Aru Moi Aram Dibo
\p
\v 25 Itu somoite Jisu pora jowab dise aru koise, “Ami Apni ke mohima di ase, Baba, Sorgo aru prithibi laga Probhu, kilekoile Apni itu khan gyaani aru buja manukhan pora lukaikena rakhise, aru chutu bacha khan ke dikhai dise.
\v 26 Hoi, Baba, kilekoile itu to Apni laga suku agete thik ase.
\v 27 Sob kaam khan moi laga bharosa te Baba pora rakhi dise; aru kun bi Chokra ke najane khali Baba he nohoile, aru kun bi Baba ke najane khali Chokra he nohoile, aru utu manu jun ke Chokra pora basikena dikhai dibo.
\v 28 Ami usorte ahibi, jun manu itu prithibi laga dukh chinta bukhi bo napari kena dabi kena ase, aru Moi tumikhan ke aram dibo.
\v 29 Ami laga kotha khan lobi aru Ami pora sikhibi, kilekoile Ami laga mon to nomro aru shanti ase, aru tumi laga jibon nimite aram pabo.
\v 30 Kilekoile Ami laga kotha khan aram ase aru ami laga boja bisi halka ase.”
\c 12
\s Jisu He Bisram Din Laga Probhu Ase
\p
\v 1 Utu somoite Jisu Bisram din te dhaan kheti paar hoikena jai thaki se. Tai laga chela khan bhuk lagi thaka pora dhaan laga guti ulaikena khabole shuru korise.
\v 2 Jitia Pharisee khan itu dikhise, taikhan Jisu ke koise, “Sabi, Apni laga chela khan Bisram nimite niom te nathaka kaam kori ase.”
\v 3 Kintu Jisu taikhan ke koise, “Tumikhan kitia bi purah nai juntu David pora korise, jitia tai aru tai logot thaka manu khan bhuk lagise?
\v 4 Tai Isor laga ghor te jaise aru Isor nimite rakhikena thaka roti khaise, juntu tai nimite nohoile tai logote thaka manukhan nimite khabole niom te nai, kilekoile khali purohit khan he tate pora khabo pare.
\v 5 Nohoile tumi khan niom te purah nai naki Bisram laga din te mondir te thaka purohit khan Bisram din laga niom bhangai kintu taikhan ke itu golti ase koikena nadhure?
\v 6 Kintu Moi tumikhan ke koi ase, mondir pora bi dangor jon to yate ase.
\v 7 Jodi tumi khan itu laga motlob janikena thaki ase, ‘Moi daya kora he itcha ase aru bolidan diya nohoi,’ koile tumikhan golti nathaka khan ke golti ase koi kena namatibo.
\v 8 Kilekoile Manu laga Chokra he Bisram Din laga Probhu ase.”
\s Hath Sukhikena Thaka Manu
\p
\v 9 Itu pichete Jisu tate pora ulaise aru taikhan laga mondoli te ghusi se.
\v 10 Sabi, tate ekjon manu thakise jun laga hath sukhikena thaki se. Pharisee khan pora Jisu ke eneka koikena hudise, “Bisram din te bemar bhal kori diya to niom ase naki?” Taikhan Jisu ke golti dibole nimite hudise.
\v 11 Jisu taikhan ke koise, “Kun manu tumikhan majote ase, jun logote khali ekta mer he ase, aru jitia utu mer to Bisram din te ekdom niche chenda te giri jai koile, tai utu mer ke nauthabo naki?
\v 12 Tinehoile mer pora bi manukhan kiman bi kimti ase! Itu nimite Bisram din te bhal kaam kora thik niom ase.”
\v 13 Itu pichete Jisu utu manu ke koise, “Tumi laga hath ke sida koribi.” Jitia tai hath sida korise, aru jineka dusra hath nisena, itu hath bi bhal hoi jaise.
\v 14 Kintu Pharisee khan tate pora ulai jaise aru jaikena taikhan kineka korikena Jisu ke morai dibo itu kotha khan kori thakise.
\s Isor Laga Basi Luwa Sewak
\p
\v 15 Jitia Jisu itu khan janibole paise, Tai tate pora ulai jaise. Bisi manu Tai piche korise, aru Tai sob ke bhal kori dise.
\v 16 Aru manukhan ke Tai janai dibole hoshiar koridise,
\v 17 titia Isor pora bhabobadi Isaiah dwara kowa kotha khan pura hobole karone itu khan sob tineka he hoi jaise,
\q
\v 18 “Sabi, itu Ami laga sewak ase jun ke Ami basi loise;
\q Ami laga morom thaka ekjon, junke Moi laga jibon pora khushi ase.
\q Moi Tai uporte Moi laga Atma rakhi dibo,
\q Aru Tai pora Porjati khan ke ajad kori dibo.
\q
\v 19 Tai biya napabo nohoile bi jor pora nakandibo;
\q Nohoile bi kun bi rasta khan te Tai laga awaj nahunibo.
\q
\v 20 Tai ekta tera koikena thaka pani-ghas bi bhangai nadibo;
\q Tai khotom hobole thaka jui ke bi bhutibole nadibo,
\q Jitia tak Tai bisar ke age loikena jiti noloi,
\v 21 aru Tailaga naam uporte he Porjati khan asha thakibo.”
\s Pobitro Atma Uporte Biya Kotha Kowa
\p
\v 22 Itu pichete kunba ekjon andha aru gunga, bhoot pora bandi kena thaka, Jisu usorte loi anise. Jisu pora taike changai kori dise, aru tai kotha koribole aru sabole pari jaise.
\v 23 Sob manukhan dikhikena asurit hoise aru koise, “Itu manu to David laga Chokra ase nohoi?”
\v 24 Kintu jitia Pharisee khan asurit kaam to hunibole paise, taikhan koise, “Itu manu to Saitan laga raja, Beelzebul laga takot pora kaam kori ase, nohoile bhoot khan khedai dibo naparibo.”
\v 25 Kintu Jisu taikhan laga bhabona jani thakise aru taikhan ke koise, “Juntu rajyo taikhan nijor majote apatti thake, itu rajyo to bhangi jai, aru juntu sheher nohoile bi ghor to nijor majote apatti thake, itu bhangi jai.
\v 26 Itu nimite jodi Saitan pora Saitan ke khedai dile, tai nijor birodh te bhag koikena ase. Kineka korikena tailaga rajyo to khara koribo?
\v 27 Aru jodi Moi Beelzebul laga hokti loikena bhoot khan ke khedai, tinehoile ki hokti pora tumikhan laga bacha khan bhoot khan ke khedai? Itu karone, taikhan pora tumikhan ke bisar koribo.
\v 28 Kintu jodi Ami Isor laga Atma pora bhoot khan ke khedai diye, tinehoile Isor laga rajyo tumikhan uporte ahikena ase.
\v 29 Nohoile kineka ekta takot thaka manu ke age nabandi kena utu ghor te ghusi kena saman khan chor koribo paribo? Poila takot manu ke bandibo lagibo itu pichete he tai laga saman khan chor koribo paribo.
\v 30 Jun Ami logote nohoi tai Ami ke apatti kore, aru jun Ami logote joma nakore taikhan sob ephale-uphale hoi jabo.
\v 31 Itu karone Moi tumikhan ke koi ase, sob paap aru hinsa kotha kora khan maph kori dibo, kintu jun manu Atma ke hinsa kore taike maph nadibo.
\v 32 Jun manu pora Manu laga Chokra ke apatti koribo tai maph pabo. Kintu jun manu Pobitro Atma ke apatti koribo, tai kitia bi maph napabo, itu yug te bi, aru ahibole thaka yug te bi.
\s Phol Pora Gash Jani Loi \s5
\v 33 Ekta bhal gash to bhal phol dhuri bo, nohoile biya gash pora to biya phol he dhuri bo, kile koile phol pora he gash ke janibole pare.
\v 34 Saph laga bacha khan, tumikhan biya hoikena, kineka bhal kotha koi? Kile koile mon bhitor te ki ase, mukh pora itu he koi.
\v 35 Bhal manu laga mon te bhal saman khan joma kora nimite bhal khan he ulai, aru biya manu laga mon te biya saman khan joma kora nimite biya khan he ulai.
\v 36 Moi apnikhan ke koi ase jun manu misa-misi kotha kobo, taikhan bisar din te itu laga hisab-kitab dibo lagibo.
\v 37 Tumi khan laga kotha para he apni laga bisar hobo, aru tumi laga kotha pora he tumi bodnam hobo.”
\s Jonah Laga Chihna
\p
\v 38 Itu pichete kunba Pharisee aru kanun likha khan Jisu ke eneka koise, “Hikhok, Apni pora ekta chihna amikhan sabole itcha ase.”
\v 39 Kintu Jisu taikhan ke jowab dise aru koise, “Ekta biya aru bebichar jamana laga manu khan he chihna sabole bisare. Kintu eku bi chihna dikhai nadibo khali bhabobadi Jonah laga chihna he sabo dibo.”
\v 40 Kile koile Jonah to tin din aru tin rati ekta dangor maas laga pet bhitor te thaki se, itu nisena Manu laga Chokra bi tin din aru tin rati prithibi laga bhitor te thakibo.
\v 41 Nineveh te thaka manu khan bisar din te itu jamana laga manukhan logote khara koribo aru bodnam dibo. Kile koile taikhan to Jonah laga kotha huni kena mon ghurai se, aru sabi, ekjon Jonah pora bi bisi dangor yate khara ase.
\v 42 Sheba laga Rani bisar din te itu jamana laga manu khan logote uthi kena bodnam dibo. Tai prithibi laga sob pora dur jaga pora ahikena Solomon laga gyaani kotha hunibole ahise, aru sabi, ekjon Solomon pora bi dangor yate khara ase.
\s Biya Atma Ghurai Aha \s5
\v 43 Jitia ekta letera atma manu laga gaw pora bahar ulai jai, tai pani nathaka jaga pora paar kore aru aram koribole bisare, kintu jaga napai.
\v 44 Itu pichete tai koi, ‘Juntu jaga pora moi ulai kena ahise itu ghor te wapas jabo.’ Jitia tai ghuri ahe, tai ghor to khali aru sob sapha paise aru ghor te sob thik tak rakhi kena thaka dikhise.
\v 45 Titia tai tate pora ulai kena tai pora bi bisi biya sat-ta atmakhan ke loikena ahise aru eke logote thaki jaise. Titia itu manu laga halat to poila pora bi aru bisi biya hoi jai. Thik itu nisena itu jamana laga manu khan ke bi eneka hobo.
\s Jisu Laga Ama Aru Bhai Khan
\p
\v 46 Jitia Jisu bhir khan ke kotha koi thakise, sabi, Tai laga ama aru bhai khan bahar te khara kori Jisu ke lok kori bole bisari thaki se.
\v 47 Ekjon Tai ke koise, “Sabi, Apni laga ama aru bhai khan bahar te khara ase, Apni ke kotha koribole bisari ase.”
\v 48 Kintu jun manu tai ke khobor disele Jisu tai ke koise, “Kun Moi laga ama ase aru kun Moi laga bhai khan ase?”
\v 49 Titia chela khan phale Tai laga anguli ishara korikena Jisu koise, “Sabi, itu khan Ami laga ama aru bhai khan ase!
\v 50 Kile koile jun manu Moi laga sorgote thaka Baba laga itcha kore, itu he Moi laga bhai, aru Moi laga bhoini, aru Moi laga ama ase.”
\c 13
\s Bijon Laga Dristanto
\p
\v 1 Utu din te Jisu ghor pora ulaikena nodi kinar te bohi thaki se.
\v 2 Dangor bhir joma hoikena Tai usorte bohi jaise, itu nimite Tai naw uporte uthi se, aru sob manu nodi kinar te khara korise.
\v 3 Itu pichete Jisu taikhan ke dristanto khan bisi koise. Tai koise, “Sabi, ekjon kheti kora manu dhaan bijon hali bole jaise.
\v 4 Jitia tai kheti te bijon phelai thaki se, kunba bijon rasta kinar te giri se, aru chiriya khan ahikena sob khai dise.
\v 5 Kunba bijon to bisi pathor thaka jagate giri se, aru joldi uthi jaise, kilekoile mati olop thakise.
\v 6 Kintu jitia gham ulaise, itu ulai thaka ghas ke julai dise, kilekoile itu ghas laga shikor thaka nai, itu karone sob sukhi jaise.
\v 7 Kunba bijon khan kata ghas majot te giri se. Aru itu ghas to olop dangor hoise, hoilebi kata ghas pora morai dise.
\v 8 Kunba bijon khan bhal matite giri se aru bhal ghas hoikena bhal guti dhurise, kunba eksoh guti, kunba te saathi guti aru kunba te trista guti dhurise.
\v 9 Jun manu laga kaan ase, tai khan ke hunibole dibi.”
\s Dristanto Laga Motlob Huda
\p
\v 10 Jisu laga chela khan ahise aru Tai ke hudise, “Apni kile bhir khan ke dristanto pora kotha koi ase?”
\v 11 Jisu taikhan ke koise, “Tumikhan ke sorgo rajyo laga bujhi bo napara kotha khan bujhi bole gyaan dikena ase, kintu taikhan ke diya nai.
\v 12 Kilekoile jun manu logot olop ase, tai ke aru bi dibo, aru tai logote bhorta thakibo. Kintu jun manu logote nai, tai logote ki ase itu bi loi lobo.
\v 13 Itu karone Moi taikhan ke dristanto pora kotha kore: Taikhan dikhi ase, kintu taikhan sabole napare; aru taikhan huni ase, kintu taikhan huni kena bi bujhi bo napare.
\v 14 Taikhan nimite to Isaiah laga bhabobani to purah hoise, juntu eneka koi ase,
\q ‘Tumi khan hosa pora bi hunibo, kintu janibole naparibo;
\q Tumikhan hosa pora bi dikhibo, kintu bujhi bo le naparibo.
\q
\v 15 Kilekoile itu manukhan laga mon to khali hoise,
\q Aru taikhan hunibole tan kori loise,
\q Aru taikhan laga suku bondh kori loise,
\q Eneka korile taikhan suku pora nasabo nimite,
\q Nohoile taikhan kaan pora nahunibo nimite,
\q Nohoile taikhan laga mon pora nabujibo nimite,
\q Kile koile eneka korikena taikhan aru bi mon naghurabo nimite,
\q Aru Moi taikhan ke bhal kori nadibo nimite.’
\p
\v 16 Kintu asis te ase tumikhan laga suku, kilekoile taikhan dikhi ase; aru tumikhan laga kaan, kilekoile taikhan huni ase.
\v 17 Moi hosa pora koi ase tumikhan ke bisi bhabobadi aru pobitro manu khan to tumikhan ki dikhi ase, itu khan sabole mon thakise, hoilebi taikhan dikhibole panai. Tumikhan ki kotha huni ase, taikhan bi hunibole mon thakise, kintu taikhan hunibole panai.
\s Bijon Laga Motlob Bujhai Diya \s5
\v 18 Itu nimite kheti kora manu bijon phela laga dristanto itu laga ki motlob ase huni bi aru bujhibi.
\v 19 Jitia kunba manu rajyo laga kotha hune kintu bujhi bole napare, tinehoile biya jon ahe aru ki tailaga monte bijon hali kena ase itu chingi kena loi jai. Itu bijon to rasta kinar te phelai diya bijon ase.
\v 20 Juntu bijon pathor uporte phelai se, itu to eneka manu ase jun kotha huni loi aru loge-loge khushi pora grohon kore,
\v 21 kintu kotha khan tailaga mon bhitor te najai, itu nimite khali olop somoi nimite he rakhe. Jitia itu kotha nimite biya aru dukh-digdar pa-a somoi ahe, tai ek bar te he giri jai.
\v 22 Juntu bijon kata ghas khan majote phelai se, itu to eneka manu ase jun kotha to hune, hoilebi itu jamana laga kaam aru dhun sompoti ke mon diya nimite kotha ke dabai kena rakhe, aru itu kotha pora bhal guti nadhure.
\v 23 Juntu bijon bhal matite phelai se, itu to eneka manu ase jun kotha to hune aru bujhi loi. Tai dangor koikena bhal guti dhure, kunba te eksoh guti dhore, kunba te sathi aru kunba te trista.”
\s Aru Bijon Dusra Laga Dristanto
\p
\v 24 Jisu taikhan ke dusra dristanto koise. Tai koise, “Sorgo laga rajyo to ekjon manu nisena ase jun tai laga kheti te bhal bijon phelai.
\v 25 Kintu jitia manu khan ghumai jai, tailaga dushman khan ahikena gehu laga kheti te biya ghas laga bijon khan phelai aru jai-jai.
\v 26 Jitia kheti te gehu khan dangor koikena guti ulabole shuru hoise, titia biya ghas khan bi dangor hoi jai.
\v 27 Itu mati malik laga nokorkhan ahi kena tai ke koi, ‘Sahab, apni to bhal bijon kheti te lagai se nohoi? Nohoile kineka korikena itu biya ghas khan ulaise?’
\v 28 Itu pichete tai pora taikhan ke koise, ‘Dushman pora eneka kore.’ Nokor khan taike koise, ‘To apni itcha ase koile amikhan jaikena jongol khan sapha kori dibo?’
\v 29 Mati malik pora taikhan ke koi, ‘Nai. Kilekoile jitia tumikhan biya ghas khan tanibo, tai logote gehu laga ghas bi tani kena ulai dibo pare.
\v 30 Itu nimite duijon ke bi eke logote dangor koribo dibi, kheti kata somoi naha tak. Jitia kheti kata somoi hobo titia moi kata manukhan ke kobo, “Poila biya ghas khan tani kena ulai lobi aru eke logote bandhi kena rakhibi julai dibo nimite, kintu gehu khan ke dhaan ghor te joma kori rakhibi.’”
\s Sorso Bijon Aru Khomir
\p
\v 31 Itu pichete Jisu aru ekta dristanto taikhan ke koise. Tai koise, “Sorgo laga rajyo to ekta sorso laga bijon nisena ase jineka ekta manu pora loikena kheti te phelai de.
\v 32 Itu bijon to hosa pora bi sob se huru ase sob bijon majote. Kintu jitia tai dangor hoi, bagan laga ghas khan pora bi tai he dangor hoi jai. Tai ekta dangor ghas hoi jai, aru akas laga chiriya khan ahe aru itu ghas laga daal khan te ghor bonaikena thake.”
\v 33 Jisu taikhan ke aru alag dristanto koise. “Sorgo laga rajyo to khomir nisena ase, jineka ekta maiki pora itu khomir ke loikena tin bhak atta te milai diye jitia tak itu atta to phuli najai.”
\s Aru Dristanto Pora Kotha Kora
\p
\v 34 Itu khan sob kotha Jisu pora manu khan ke dristanto pora he koi dise; aru Tai ekta kotha bi dristanto nacholai kena kowa nai.
\v 35 Itu khan sob age te bhabobadi pora koi diya kotha khan sob purah hobole nimite, Tai koi dise,
\q “Dristanto khan pora he Moi mukh khuli bo.
\q Ki kotha itu prithibi laga bhetimul te lukaikena ase itu khan sob Moi koi dibo.”
\s Dusra Bijon Dristanto Laga Motlob Bujhai Diya
\p
\v 36 Itu pichete Jisu manu khan ke chari kena ghor te jaise. Tailaga chela khan Tai logote ahikena, eneka koise, “Amikhan ke kheti te biya ghas laga dristanto to bujhai dibi.”
\v 37 Jisu taikhan ke koise, “Jun bhal bijon to phelai, tai to Manu laga Chokra ase.
\v 38 Prithibi to kheti ase; aru bhal bijon khan to rajyo lage bacha khan ase. Biya ghas to biya jon laga bacha khan ase,
\v 39 aru jun dushman pora biya hissi se itu khan saitan ase. Kheti kata somoi to yug khotom huwa somoi ase, aru kheti kata manukhan to sorgoduth khan ase.
\v 40 Itu karone, jineka biya ghas khan ke joma kori kena jui te julai dise, yug ses huwa din te bi eneka hobo.
\v 41 Manu laga Chokra pora Tai laga sorgoduth khan ke pathabo, aru taikhan pora Tai laga rajyo pora paap aru biya kaam kora khan ke joma korikena bahar te ulai dibo.
\v 42 Taikhan pora itu khan sob ke jui laga chulah te phelai dibo, juntu jaga te kandi thaka aru daat kamuri thaka he hobo.
\v 43 Itu pichete dharmik manu khan Baba laga rajyo te suryo nisena ujala hobo. Jun laga kan ase, tai hunibo dibi.
\s Lukai Rakha Sompoti Laga Dristanto
\p
\v 44 Sorgo laga rajyo to ekta kheti te khajana lukaikena thaka nisena ase, jitia ekjon manu pora itu pai, tai itu ke aru bi lukai diye. Kilekoile tai mon khushi hoi jai, aru tailaga dhun sompoti sob bikiri korikena itu kheti kini loi.
\s Bisi Kimti Moti Laga Dristanto
\p
\v 45 Aru, sorgo laga rajyo to ekjon vyapari manu kimti laga moti khan bisari thaka nisena ase.
\v 46 Jitia tai bisi kimti thaka ekta moti pai, tai laga sob dhun sompoti bikiri kori kena itu kini loi.
\s Jal Laga Dristanto
\p
\v 47 Aru bi, sorgo laga rajyo to samundar te jaal phela nisena ase, aru sob kisim laga maas dhura nisena ase.
\v 48 Jitia jal to maas pora bhorta hoi jaise, taikhan itu loikena samundar kinar te rakhe. Itu pichete taikhan bhal maas basi kena boxsa te joma kore, aru kaam nathaka maas khan sob phelai diye.
\v 49 Thik eneka, itu yug ses huwa din te bi eneka hobo. Sorgoduth khan ahibo aru biya manukhan ke dhormik khan pora alag kori dibo.
\v 50 Taikhan ke jui laga chulah te julai dibo, juntu jagate khali kandi thaka aru daat kamuri thaka he hobo.
\s Notun Aru Purana Sampoti
\p
\v 51 Apnikhan itu khan sob bujise na nai?” Jisu laga chela khan Tai ke koise, “Hoi.”
\v 52 Itu pichete Jisu taikhan ke koise, “Itu karone sob niom likha manukhan jun sorgo rajyo laga chela hoi jaise, itu khan utu manu ase jun ekta ghor laga malik nisena ase.”
\s Nazareth Te Jisu Ke Birodh Kora
\p
\v 53 Itu pichete jitia Jisu itu dristanto khan koikena khotom hoise, Tai tate pora ulai jaise.
\p
\v 54 Aru Tai nijor jagate jaise aru mondoli te manukhan ke sikhai thakise. Jisu laga kotha huni kena taikhan asurit hoi jaise aru koise, “Kot pora itu manu iman asurit gyaan aru hokti paise?
\v 55 Itu manu to ekjon barhoi laga chokra nohoi? Tai laga ama to Mary nohoi? Tai laga bhai khan James, Joseph, Simon aru Judas khan nohoi?
\v 56 Tai laga bhoini khan to amikhan logote ase nohoi? To kineka kori kena Tai itu khan jani paise?”
\v 57 Taikhan Jisu ke biya paise. Kintu Jisu taikhan ke koise, “Ekjon bhabobadi ke tai nijor desh aru tai nijor parivar pora bi sonman nakore.”
\v 58 Tai asurit kaam khan bisi kora nai kile koile taikhan laga biswas nathaka nimite.
\c 14
\s Baptizma Diya John Mora
\p
\v 1 Utu somoite, Herod raja Jisu laga khobor hunibole paise.
\v 2 Tai laga nokor khan ke koise, “Itu Baptizma diya John ase; tai mora pora jinda hoise. Itu karone itu hokti khan tai logote kaam kori ase.”
\v 3 Kilekoile Herod to John ke dhurikena thaki se, tai ke bandi se aru bondhi ghor te Herodias, tai laga bhai Philip laga maiki pora kowa nimite rakhi se.
\v 4 Kilekoile John pora tai ke koise, “Apni itu maiki ke lobole niom hisab te nai.”
\v 5 Herod to John ke morai dibole mon thaki se, kintu tai manu khan ke bhoi lagi thaki se, kilekoile manu khan pora John to ekjon bhabobadi ase koikena mani thaki se.
\v 6 Kintu jitia Herod raja laga jonom din ahi sele, Herodias laga chukri sob manu majote nach korikena Herod raja ke khushi kori dise.
\v 7 Itu dikhi kena, Herod raja kosom khaise tai ki mangibo itu sob tai ke dibo.
\v 8 Herodias pora tai laga chukri ke age pora ki mangi bo itu sob sikhai dise, itu chukri Herod ke koise, “Moi ke ekta thali te Baptizma diya John laga matha dibi.”
\v 9 Herod itu huni kena bisi mon dukh hoise, kintu tai sob manu age te kosom kha nimite, tai ki mangise itu taike di dibole hukum di dise.
\v 10 Tai manu ke pathai se aru John laga matha kati dise.
\v 11 Itu pichete John laga matha thali te rakhi kena itu chukri ke dise kun jaikena tai laga ama ke dise.
\v 12 Itu pichete John laga chela khan ahi kena tai laga gaw loi jaise aru mati bhitor te hali dise. Itu pichete, tai khan jai kena ki hoise itu sob Jisu ke koi dise.
\s Jisu Pora Pans Hajar Ke Kha Luwa Diya
\p
\v 13 Jitia Jisu itu khobor hunise, tai utu jaga pora ulaikena naw te kunbi nathaka jaga te Tai ekla jai jaise. Jitia manu khan itu huni paise, taikhan laga sheher chari kena theng pora Jisu laga piche kori jaise.
\v 14 Aru Jisu manu laga dangor bhir thaka dikhise. Taikhan ke bisi morom lagi se aru bemar khan ke bhal korise.
\v 15 Jitia saam hobole shuru hoise, Tai laga chela khan Taike koi, “Itu jaga te kunbi nathake aru eku bi napai, aru ene bi deri hoise. Manukhan ke jabole dibi, titia taikhan nijor bosti te jai kena kha luwa khabole kini lobo.”
\v 16 Kintu Jisu taikhan ke koise, “Taikhan najai le bi hobo. Taikhan ke kiba khabole dibi.”
\v 17 Tai laga chela khan Tai ke koise, “Amikhan logote eku bi nai, khali pansta roti aru duita maas he ase.”
\v 18 Jisu koise, “Itu khan loikena anibi.”
\v 19 Itu pichete Jisu manukhan ke olop ghas thaka jagate bohibole koise. Tai itu pansta roti aru duita maas loise, aru sorgo phale saikena, asirbad dise aru itu roti bhangai kena Tai laga chela khan ke dise, aru taikhan pora sob manukhan ke bhag kori dise.
\v 20 Aru sob pet bhorta khai se. Pichete chela khan jaikena bachi kena thaka roti barohta tukri te joma kori se.
\v 21 Tate 5,000 manu nisena mota manukhan khaise, bacha aru maiki khan ke chari kena.
\s Jisu Pani Uporte Bera
\p
\v 22 Aru itu huwa loge-loge, Tai laga chela khan ke naw bhitor te bohibo dise aru taikhan ke nodi laga dusra phale pathai dise. Aru Jisu to taikhan logot najai kena manukhan ke nijor ghor te jai jabole koise.
\v 23 Jitia Tai sob manukhan ke pathai dise, Tai ekla pahar uporte jaise aru prathana kori se. Tai saam tak itu jaga te ekla thakise.
\v 24 Kintu utu somoite hawa bisi mara nimite naw to samundar laga majote punchi jaise, kile koile itu hawa to ulta phale mari thakise.
\v 25 Rati laga char bajite pani uporte berai kena Jisu taikhan logote ahise.
\v 26 Kitia Tai laga chela khan Tai ke pani uporte bera dikhise, taikhan bisi bhoi khai kena koise, “Itu ekjon bhoot ase,” aru bisi bhoi pora hala korise.
\v 27 Kintu Jisu taikhan ke koise, “Mon dangor koribi, itu Moi ase! Bhoi nakoribi.”
\v 28 Peter pora Jisu ke jowab dise aru koise, “Probhu, jodi itu Apni ase, titia ami ke pani upor pora Apni logot ahibole hukum dibi.”
\v 29 Jisu koise, “Ahibi.” Titia Peter naw pora uthi se aru Jisu usorte pani uporte berai kena jaise.
\v 30 Kintu jitia Peter pora dangor hawa mara dikhi se, tai bhoi khai jaise. Jitia tai dubi bole shuru hoise, tai hala kori kena koise, “Probhu, ami ke bacha bi!”
\v 31 Loge-loge te Jisu Tai laga hath sida kori se, aru Peter ke dhuri loise, aru tai ke koise, “Tumi komti biswas manu, tumi kile chinta kori se?”
\v 32 Itu pichete Jisu aru Peter naw bhitor te jaise, aru hawa mara to rukhi jaise.
\v 33 Itu pichete naw bhitor te chela khan Jisu ke aradhana korise, eneka koi kena, “Hosa pora bi Apni to Isor laga Chokra ase.”
\s Jisu Pora Gennesaret Te Bemar Manu Changai Kora
\p
\v 34 Jitia tai khan nodi paar kori loise, taikhan Gennesaret koi kena ekta jaga te ahise.
\v 35 Jitia tate laga manukhan Jisu ke chini loise, taikhan usorte thaka sob manukhan ke khobor kori dise, aru sob bemar manukhan ke Jisu logot loi anise.
\v 36 Taikhan Jisu laga kapra chubo nimite bhik mangi kena Tai ke hudi se, aru jiman manu Taike chuise, tai khan sob bhal hoi jaise.
\c 15
\s Purana Niom Aru Hukum
\p
\v 1 Itu pichete Pharisee aru niom likha manukhan Jerusalem pora Jisu usorte ahise. Taikhan koise,
\v 2 “Kile Apni laga chela khan bura khan banai diya niom khan bhangai thake? Kile taikhan hath nadholai kena roti khai.”
\v 3 Jisu taikhan ke jowab di kena koise, “Tinehoile kile tumikhan bi nijor laga niom nimite Isor laga niom khan bhangai?
\v 4 Kile koile Isor pora hukum dise, eneka koise, ‘Nijor laga baba aru ama ke sonman dibi,’ aru ‘Jun tai nijor baba aru ama laga biya kotha koi, tai hosa pora bi moribo.’
\v 5 Kintu tumikhan koi, ‘Jun khan nijor baba nohoile bi ama ke koi, “Ki modot apnikhan moi pora pabole ase itu khan etiya pora Isor ke daan dibo,’”
\v 6 utu manu to tai laga baba ke sonman nadi le bi hobo. Eneka kori kena tumikhan Isor laga kotha ke hisab nathaka kori dise, tumikhan laga niom manibo nimite.
\v 7 Dhungi khan! Isaiah pora thik koise, jitia tumikhan nimite tai bhabobani korise,
\q
\v 8 ‘Itu manukhan Moi ke mukh pora he sonman kore,
\q Kintu taikhan laga mon to Moi pora bisi dur te ase.
\q
\v 9 Taikhan Moi ke aradhana kora to misa-misi ase,
\q Kile mane manu pora bana niom khan taikhan nijor laga niom nisena sikhai thake.’”
\s Ki Pora Manu Ekjon Letera Kore
\m
\v 10 Itu pichete Tai joma koikena thaka manukhan mati kena koise, “Huni bi aru bujhi bi-
\v 11 Ki saman manu laga mukh te ghuse itu pora manu ke letera nakore. Kintu, ki to mukh pora bahar te ulai, itu pora he manu ke letera kori diye.”
\v 12 Itu pichete chela khan ahi kena Jisu ke koise, “Apni jane na nai itu Pharisee khan jitia Apni laga kotha hunise, taikhan khushi pa nai koikena?”
\v 13 Jisu pora taikhan ke koise, “Sob gash juntu sorgote thaka Ami laga Baba pora rupa nai, itu khan sob ke mati bhitor pora tani kena phelai dibo.”
\v 14 Taikhan ke ekla chari bi, taikhan nijor andha koikena andha manu ke rasta dikhai ase. Jitia ekta andha manu pora dusra andha manu ke rasta dikhai, tai duijon bi nala te giri bo.”
\v 15 Peter jowab di kena Jisu ke koise, “Itu dristanto laga motlob to bujhai dibi.”
\v 16 Jisu koise, “Tumi etiya tak nabuji kena ase?
\v 17 Tumi najane, ki jinis mukh bhitor pora ghusi kena pet te jai, itu he pichete latrine kori kena bahar ulai koikena?
\v 18 Kintu ji kotha khan mukh pora ulai itu khan mon pora ulai. Itu khan pora he manu ke letera kore.
\v 19 Kilekoile mon pora he biya bhabona, manu morai diya, bebichari, chor kora, misa gawahi, aru hinsa kora itu khan ulai.
\v 20 Itu khan pora he manukhan ke letera kore. Kintu hath nadholai kena kha pora manu ke letera nakore.”
\s Canaan Laga Mahila Ekjon Laga Biswas
\p
\v 21 Itu pichete Jisu tate pora ulai jaise, aru Tyre aru Sidon sheher phale jaise.
\v 22 Sabi, tate ekjon Canaan laga mahila utu jaga pora ulai kena ahise. Tai hala kori kena koise, “Moi uporte daya koribi, Probhu, David laga Chokra! Moi laga chukri gaw bhitor te bisi biya bhoot pora bandhi kena ase.”
\v 23 Kintu Jisu tai ke ekta jowab bi diya nai. Tai laga chela khan ahi kena Tai ke anurodh koise, “Itu mahila ke khedai dibi, kile koile tai amikhan phale hala kori ase.”
\v 24 Kintu Jisu jowab di kena koise, “Kunba nimite moi ke patha nohoi, kintu Israel laga ghor laga harai ja mer khan nimite ase.”
\v 25 Kintu itu mahila ahise aru athukari kena Tai agete matha niche kori kena koise, “Probhu, ami ke modot koribi.”
\v 26 Tai jowab di kena koise, “Bacha khan laga roti loikena kutta khan ke phelai kena diya to thik nohoi.”
\v 27 Tai koise, “Hoi, Probhu, kintu kutta bacha khan bi tai malik laga thali pora tukra gira khan khai.”
\v 28 Itu pichete Jisu itu mahila ke koise, “Maiki, tumi laga biswas to bisi dangor ase; tumi laga ki khushi ase thik eneka he hobo dibi.” Aru tai laga chukri utu somoi te bhal hoi jaise.
\s Jisu Pora Bemar Manukhan Ke Changai Kora
\p
\v 29 Jisu utu jaga ke chari kena Galilee Samundar usorte jaise. Itu pichete Tai pahar uporte jaise aru tate bohise.
\v 30 Bisi manu joma koikena Tai usorte ahise. Taikhan logote lengra, andha, juthor rugi bemar thaka, aru gunga khan, aru kisim bemar thaka manukhan ke loikena ahise. Taikhan Jisu laga theng usorte anise aru Jisu pora taikhan ke bhal kori dise.
\v 31 Titia manukhan sob asurit hoise jitia taikhan kotha koribo napara khan kotha korise, lengera khan berai se, aru andha khan dikhi bole paise. Taikhan sob Israel laga Isor ke mohima dise.
\s Jisu Pora Char Hajar Ke Kha Luwa Diya
\p
\v 32 Tailaga chela khan ke mati kena Jisu koise, “Itu manukhan nimite moi laga mon te morom ase, kile koile taikhan tin din pora moi logote thakise aru taikhan ke khila bole eku bi nai. Moi taikhan ke nakhilai kena pathai dibole mon nai, nohoile matha ghuri kena giri jabo pare.”
\v 33 Tai laga chela khan Taike koise, “Itu nisena khali jaga te kote pora amikhan iman bisi roti bisari kena manukhan ke khila bo?”
\v 34 Jisu taikhan ke koise, “Tumikhan logote kiman roti ase?” Taikhan koise, “Sat-ta, aru chutu maas khan olop ase.”
\v 35 Itu pichete Jisu manukhan ke mati te bohibi koikena hukum dise.
\v 36 Tai sat-ta roti aru maas ke loise, aru dhanyabad diya pichete, Tai roti to bhangai kena Tai laga chela khan ke dise. Aru chela khan pora manukhan ke bhag kori dise.
\v 37 Sob khaise aru pet bhorta hoise. Aru taikhan bacha roti sob joma korise aru sat-ta tukri bhorta hoise.
\v 38 Sob milaikena char hajar mota khan thaki se, maiki aru bacha khan ke chari kena.
\v 39 Itu pichete sob ke nijor ghor te pathai dise aru Jisu ekta naw te uthi kena Magadan te jaise.
\c 16
\s Pharisee Aru Sadducee Khan Pora Chihna Mangise
\p
\v 1 Pharisee aru Sadducee ahi kena Jisu ke porikha koribo nimite Tai ke akas pora kiba ekta asurit kaam kori kena taikhan ke dikhai dibi koise.
\v 2 Kintu Jisu taikhan ke jowab dise, aru koise, “Jitia saam hoi, tumikhan koi, din to bhal hobo, kile koile akas to lal ase.
\v 3 Aru phojur te, aji din biya hobole ase, kile koile akas to lal ase aru niche hoi ase. Tumikhan akas te sai kena din kobo pare, kintu tumikhan bhal biya din laga somoi sai kena kobo napare?
\v 4 “Biya aru bebichar yug laga manukhan he chihna khan sabole bisare, kintu chihna khan dikhai nadibo khali Jonah laga chihna he pabo.” Itu pichete Jisu tate pora ulai jai.
\s Pharisee Aru Sadducee Laga Khomir
\p
\v 5 Jitia chela khan nodi paar kori kena dusra phale punchi jaise, taikhan roti lobole pahori se.
\v 6 Jisu taikhan ke koise, “Sai thakibi aru Pharisee aru Sadducee khan laga khomir pora hoshiar hoi jabi.”
\v 7 Titia chela khan nijor majote kotha kori thakise, eneka koikena, “Itu eneka hoise kile koile amikhan roti lobole pahori se.”
\v 8 Jisu taikhan laga bhabona jani thaki se aru koise, “Tumi biswas komti thaka khan, kile tumikhan nijor majote roti pahora nimite ase koi kena kotha kori ase?
\v 9 Tumikhan etiya bi buja nai nohoile bi yaad nai kineka Moi pansta roti 5,000 manu nimite dise, aru kiman ta tukri bachi kena joma korise?
\v 10 Nohoi le bi sat-ta roti 4,000 manu nimite dise, aru kiman ta tukri bachi kena joma korise?
\v 11 Kineka kori kena tumikhan buja nai Moi roti laga kotha kowa nohoi koi kena? Pharisee aru Sadducee laga khomir pora hoshiar thakibi.”
\v 12 Itu pichete taikhan bujhi jaise Jisu to roti te khomir thaka pora hoshiar hoija bi kowa nohoi, kintu Pharisee aru Sadducee khan laga kotha sikhai diya pora hoshiar thakibi koi thaki sele.
\s Peter Pora Jisu Ke Khrista Shikar Kora
\p
\v 13 Itu pichete jitia Jisu Caesarea Philippi kowa jaga laga usorte ahise, Jisu Tai laga chela khan ke hudise, “Manukhan pora Manu laga Chokra ke kun koikena mate?”
\v 14 Taikhan koise, “Kunba koi John Baptizma diya jon, kunba, Elijah, aru kunba Jeremiah, aru ekjon bhabobadi.”
\v 15 Jisu taikhan ke koise, “Kintu tumikhan Moi kun ase koikena bhabe?”
\v 16 Simon Peter pora jowab di kena koise, “Apni to Khrista ase, jinda Isor laga Chokra.”
\v 17 Jisu tai ke jowab di kena koise, “Tumi asis paise, Simon Bar Jonah, kile koile mangso aru khun pora tumi ke dikhai diya nohoi, kintu Moi laga Baba jun sorgote ase Tai pora he dikhai dise.
\v 18 Moi itu bi tumi ke koi ase, tumi Peter ase, aru itu pathor uporte Moi laga girja bonabo. Aru Hades laga hokti pora itu girja ke eku koribo naparibo.
\v 19 Moi tumi ke sorgo rajyo laga chabi khan dibo. Tumi jun ke prithibi te bandhi bo, sorgote bi itu bandhi bo, aru juntu prithibi te chari bo, sorgote bi itu chari dibo.”
\v 20 Itu pichete Tai chela khan ke hukum dise kun ke bi Tai to Khrista ase nokobi koikena.
\s Jisu He Nijor Moribole Aru Punoruthan Laga Kotha Kowa
\p
\v 21 Utu somoi pora loikena, Jisu Tai laga chela khan ke Tai Jerusalem te jabo lagibo, aru tate bura manukhan, aru mukhyo purohit khan aru kanun likha khan pora Taike bisi dukh dibo aru morai dibo, aru tin din pichete mora pora jee uthibo laga kotha khan koi diya shuru hoise.
\v 22 Itu pichete Peter pora Jisu ke kinar te loi jai se aru gali dibole shuru hoise, eneka koikena, “Itu khan Apni pora dur hobo dibi, Probhu; itu khan Apni ke hobole nadibi.”
\v 23 Kintu Jisu ghuri kena Peter ke koise, “Moi laga pichete jabi, Saitan! Tumi Ami laga rasta bondh kori ase, kile koile tumi Isor laga kaam nimite hisab nakore, kintu manu khan laga kaam ke hisab kore.”
\s Nijor Krus Uthaikena Jisu Pichete Jabi \s5
\v 24 Itu pichete Jisu tai laga chela khan ke koise, “Jun Amilaga piche koribo mon ase, tai nijor ke chari bo lagibo, nijor laga krus lobi, aru Moi laga piche koribi.
\v 25 Kile koile jun manu tai nijor jibon to bachabole kore tai harai dibo, aru jun manu Ami nimite nijor jibon to harai dibo tai pa bo.
\v 26 Kile koile ekjon manu laga ki labh ase jitia tai sob duniya to pai jai, kintu nijor jibon to harai diye? Ekjon manu jibon pabo nimite tai ki daam dibo paribo?
\v 27 Kile koile Manu laga Chokra to Tai laga Baba laga mohima pora sorgoduth khan logote ahibo. Itu pichete Tai sob manu ke taikhan laga kaam hisab te inam dibo.
\v 28 Moi hosa pora apnikhan ke koise, tumikhan majote kunba yate khara ase jun namora agete Manu laga Chokra ke Tai laga rajyo loikena akas te ahi thaka dikhibo.”
\c 17
\s Chehera Aru Kapra Bodli Huwa
\p
\v 1 Choi din pichete Jisu tai logote Peter, James aru tai laga bhai John ke loise, aru taikhan nijor pora ekta untcha pahar uporte jaise.
\v 2 Aru Jisu nijor ke taikhan agete alag ekjon kori kena dikhai se. Tai laga chehera suryo nisena ujala dikhaise, aru Tai laga kapra khan puhor nisena boga hoi jaise.
\v 3 Sabi, tate taikhan logote Moses aru Elijah ulai kena Jisu logote kotha kori thakise.
\v 4 Peter jowab di kena Jisu ke koise, “Probhu, amikhan yate thaka to bhal ase naki. Apni itcha ase koile, Moi itu jaga te aram koribole chaat bonabo- ekta Apni nimite, aru ekta Moses nimite, aru ekta Elijah nimite.”
\v 5 Jitia tai kotha kori thaki se, sabi, ekta ujala badal taikhan ke bondh kori dise, aru itu badal pora ekta awaj ulaikena eneka koise, “Itu Moi laga bisi morom Chokra ase, jun uporte moi bisi khushi ase. Tai laga kotha huni bi.”
\v 6 Jitia chela khan itu hunise, taikhan bisi bhoi korikena mati te giri se aru nijor chehera mati phale saise.
\v 7 Itu pichete Jisu ahise aru taikhan ke chui kena koise, “Uthibi aru bhoi nakoribi.”
\v 8 Itu pichete taikhan suku uthai kena saise, kintu taikhan khali Jisu he nohoile dusra kun ke bi dikha nai.
\p
\v 9 Taikhan jitia pahar upor pora nami ahi thaki se, Jisu taikhan ke hukum dise, eneka koikena, “Itu laga sapna kun ke bi nakobi jitia tak Manu laga Chokra mora pora arubi jinda nohoi jai.”
\v 10 Tai laga chela khan Tai ke eneka koi kena hudise, “Tine hoile kile kunba niom likha manukhan Elijah he poila ahibo lage koi?”
\v 11 Jisu taikhan ke jowab di kena koise, “Elijah hosa pora bi ahibo aru sob to thik kori dibo.
\v 12 Kintu Moi tumikhan ke koi ase, Elijah to poila pora ahi jai se, kintu taikhan tai ke chini bole para nai. Ulta, tai uporte ki koribole itcha thakise taikhan itu kori dise. Thik eneka he, Manu Laga Chokra bi taikhan laga hath te bisi dukh pabo.”
\v 13 Titia he chela khan bujise Tai John Baptizma laga kotha taikhan ke kori thakise koikena.
\s Jisu Pora Biya Atma Thaka Chokra Ke Bhal kora
\p
\v 14 Jitia taikhan manu joma hoi thaka jaga te ahise, ekjon manu Tai usorte ahise, Tai agete athukari se,
\v 15 aru koise, “Probhu, moi laga chokra uporte daya koribi, kile koile tai pagla hoikena ase, aru bisi dukh pai ase. Kile koile tai khali jui uporte giri thake, aru khali panite ghusi thake.
\v 16 Moi tai ke Apni laga chela khan usorte ani sele, kintu taikhan bhal koribole para nai.”
\v 17 Jisu jowab di kena koise, “Biswas nathaka aru biya jamana laga manu khan, aru kiman deri nimite Moi tumi khan logote thakibo lagibo? Kiman deri tumikhan ke dhorjo koribo? Tai ke Moi laga samne te anibi.”
\v 18 Jisu pora bhoot atma ke khedai dise, aru itu atma tai laga gaw pora ulai jaise, aru utu somoite itu chokra to bhal hoi jaise.
\p
\v 19 Itu pichete Jisu laga chela khan lukai kena Tai ke koise, “Kile amikhan bhoot ke kheda bole para nai?”
\v 20 Jisu taikhan ke koise, “Kile mane tumikhan laga biswas komti thaka nimite. Moi hosa pora tumikhan ke koi ase, jodi tumikhan sorso guti nisena hoilebi biswas thakile, tumikhan itu pahar ke kobo, ‘Yate pora hati kena tate jabi,’ aru itu hati jabo, aru tumikhan nimite eku bi napara kaam nohobo.
\v 21 Kintu itu khan sob to, prathana aru upwas pora nohoile dusra eku pora naparibo.”
\s Jisu Tai Nijor Moribole aru Punoruthan Laga Kotha Kowa
\p
\v 22 Jitia taikhan Galilee te thakise, Jisu Tai laga chela khan ke koise, “Manu laga Chokra ke manukhan laga hath di dibo,
\v 23 aru taikhan pora Tai ke morai dibo, aru tin din te Tai ke mora pora uthai dibo.” Itu huni kena chela khan bisi mon dukh hoise.
\s Mondoli Laga Khajana
\p
\v 24 Jitia taikhan Capernaum jaga te punchi se, ekjon manu jun dui taka chandi poisa utha manu Peter usorte ahise aru koise, “Apnikhan laga Hikhok to dui taka chandi poisa to diye na nai?”
\v 25 Tai koise, “Hoi.” Jitia Peter ghor te ghusi loise, Jisu tai ke poila kotha korise, eneka koikena, “Tumi ki bhabe, Simon? Kun logot pora prithibi laga raja khan poisa uthai? Taikhan laga bacha khan pora na dusra khan pora?”
\v 26 Jitia tai koise, “Dusra khan pora,” Jisu tai ke koise, “Tinehoile bacha khan nimite ene to eku daam nai.”
\v 27 Kintu amikhan nimite poisa utha manu ke paap koribo nadibo, itu nimite nodi te jabi, ekta maas dhura kata phelabi aru juntu maas ke poila pai itu ke loikena anibi. Jitia tumi maas laga mukh khuli loi, tate charta chandi pabo. Lobi aru jai kena poisa utha manu ke tumi aru Ami nimite bi dibi.”
\c 18
\s Sob Pora Dangor
\p
\v 1 Utu somoite Jisu laga chela khan Tai usorte ahise aru koise, “Tinehoile kun sorgo laga rajyote sob se dangor ase?”
\v 2 Jisu pora Tai usorte ekta bacha ke mati kena taikhan majote bohise,
\v 3 aru koise, “Moi hosa pora tumikhan ke koi ase, jitia tak apni chutu bacha khan nisena nohoi, tumikhan ekjon bi sorgo laga rajyo te ghusi bole naparibo.
\v 4 Itu karone, jun manu nijor ke ekta bacha nisena chutu koribo, tai he sorgo laga rajyo te sob se dangor ase.
\v 5 Jun manu chutu bacha khan ke itu nisena Moi laga naam te ahibole diye tai Moi ke pai jai.
\v 6 Kintu jodi itu bacha khan majote ekjon bi Moi ke biswas kore, aru kunba manu utu bacha ke paap kaam koribole diye koile, utu manu nimite dangor pathor tai laga gola te bandhi kena nodi te dubi le he bhal hobo.
\s Paap Laga Porikha
\p
\v 7 Itu prithibi laga manukhan ke bisi morom lage, juntu kaam khan nimite taikhan paap kori ase. Itu khan sob purah hobo lage, kintu utu manukhan uporte aru dangor sajai hobo jun itu paap kaam hobole di ase.
\v 8 Jodi tumi laga hath nohoile theng nimite tumi ke girai de koile, itu ke kati dibi aru tumi laga gaw pora phelai dibi. Tumi nimite duita hath aru theng thaki kena norok te ja pora to gaw te hath nohoile theng nathaki kena sorgo te ja to he bhal hobo.
\v 9 Jodi tumi laga suku nimite paap koribo diye koile, ulai dibi aru tumi laga gaw pora phelai dibi. Kile koile tumi nimite duita suku thaki kena norokte ja pora to gaw te ekta suku thaki kena sorgo te ja he bhal hobo.
\s Harai Juwa Mer Laga Dristanto \s5
\v 10 Hoshiar thakibi, itu chutu bacha khan eku kaam nai koikena nabhabi bi. Kile koile Moi tumikhan ke koi ase, taikhan laga sorgoduth khan pora Moi laga sorgote thaka Baba laga chehera hodai sai thake.
\v 11 Kile koile Manu laga Chokra to harai ja khan nimite ahise.
\v 12 Tumikhan ki bhabona ase? Jodi ekjon manu logote eksoh mer khan ase, aru ekta harai jaise koile, tai ninyanve mer khan ke pahar te chari kena, ekta harai ja ke bisaribo nohoi?
\v 13 Jodi tai pai jai, Moi hosa pora koi ase, utu ninyanve mer khan pora bi harai ja ekta pai ja-a nimite bisi khushi hobo.
\v 14 Thik itu nisena, Sorgo te thaka Baba laga itcha nohoi itu khan nisena ekjon chutu hoile bi harai jabole.
\s Jodi Bhai-Kokai Pora Birodh Paap Kore
\p
\v 15 Jodi tumi laga bhai pora tumi uporte paap kori se koile, jabi aru tai laga golti koidibi, tai aru tumi ekla duijon majote. Jodi tai tumi laga kotha hune koile, tumi laga bhai ke jiti loise.
\v 16 Kintu jodi tai tumi laga kotha nahune koile, ekjon duijon ke tumi logote loi jabi, eneka hoile duijon tinjon manu pora ki hoise, itu khan taikhan laga mukh pora jani jabo.
\v 17 Aru jodi taikhan laga kotha khan bi nahune koile, girja ke itu laga kotha to koi dibi. Jodi tai girja laga bi kotha nahune koile, tai ke ekjon Porjati aru poisa utha manu nisena chari di bi.
\v 18 Moi hosa pora koi ase tumikhan ke, ki jinis khan prithibi te bandibo itu sorgo te bi hobo; aru ji jinis khan prithibi te chari bo itu sorgo te bi hobo.
\v 19 Aru bi Moi hosa pora tumikhan ke koise, jodi duijon majote mon mili kena ki karone hoile bi mangise koile, taikhan nimite Moi laga Baba jun sorgo te ase itu khan kori dibo.
\v 20 Kile koile juntu jagate duijon tinjon Moi naam te joma kore, taikhan majote Moi ase.”
\s Khyama Nadiya Nokor Laga Dristanto
\p
\v 21 Itu pichete Peter ahise aru Jisu ke koise, “Probhu, kiman bar moi laga bhai ami uporte paap kaam koribo aru tai ke maph dibo? Sat bar tak?”
\v 22 Jisu tai ke koise, “Moi tumi ke sat bar tak koribo kowa nai, kintu sattar laga sat bar tak.
\v 23 Itu karone sorgo laga rajyo to ekjon raja nisena jun tai laga kaam kora manu logote hisab-kitab koribole itcha kori loise.
\v 24 Jitia tai hisab-kitab koribole shuru hoise, tai usorte ekjon nokor ke loi anise, jun tai logot pora dos hajar talent pabo thakise.
\v 25 Kintu tai logote eku pora bi baki tirabole thaka nai, itu pora malik pora tai aru tai laga maiki bacha khan aru taikhan logot ki thakise itu sob bikiri kori di kena dhar tirabole hukum dise.
\v 26 Itu huni kena nokor mati te girise aru malik agete athukari kena koise, ‘Malik, ami ke olop somoi dibi, aru ami apni ke sob tirai dibo.’
\v 27 Aru malik tai laga kotha huni kena morom lagi jaise, aru tai laga dhar maph kori dise aru tai ke chari dise.
\v 28 Kintu, jitia itu nokor baharte ulaise, tai logote ek sou denarii dhaar luwa nokor ke dikhise. Tai utu nokor ke gola te jor pora dhori kena eneka koise, ‘Moi laga ki dhar ase itu tirabi.’
\v 29 Itu pichete utu nokor nichete girise aru tai ke kandi kena maph mangi se, eneka koikena, ‘Ami ke olop somoi dibi, aru ami apni ke sob tirai dibo.’
\v 30 Kintu utu age laga nokor to eneka koribole itcha thaka nai. Ulta, tai jaise aru bondhi ghor bhitor te hali dise, jitia tak tai laga dhar natirai.
\v 31 Itu karone jitia dusra nokor khan itu dikhi se, taikhan bisi mon biya hoise, aru jaikena malik ke ki hoise itu sob koi dise.
\v 32 Itu pichete itu nokor laga malik tai ke mati se, aru koise, ‘Tumi mon kala thaka nokor, moi tumi laga dhar khan sob maph kori dise, kile koile tumi kandi kena moi ke maph manga nimite.
\v 33 Tumi bi nijor manu ke daya koribo para nai, jineka moi tumi uporte daya korise?’
\v 34 Aru malik gusa thakise aru tai ke sajai diya manu laga hath te dise, jitia tak tai baki khan natirai.
\v 35 Itu nisena Moi laga sorgo te thaka Baba bi tumi khan ke eneka koribo, jitia tak tumikhan nijor bhai kokai khan ke maph nakoribo.”
\c 19
\s Shadi Kora Chara-Chari Laga Sikha
\p
\v 1 Aru eneka hoise, jitia Jisu itu khan koikena khotom hoise, tai Galilee pora ulaise, aru Jordan laga paar thaka Judah jaga te ahise.
\v 2 Aru bisi manukhan tai laga piche-piche ahise; aru Tai tate taikhan ke changai korise.
\p
\v 3 Pharisee khan bi tai usorte ahise, tai ke porikha koribole lagise, aru taike koise, “Ki nimite hoile bi ekjon manu tailaga maiki ke chari bole niom ase na nai?
\v 4 Aru Tai jowab te taikhan ke koise, “Tumikhan purah nai, Tai jun prothom te sristi bonaise, tai khan ke mota aru mahila bonaise?
\v 5 Aru koise, ‘Itu nimite ekjon manu baba aru ama ke chari bo, aru tailaga maiki logote jabo: aru tai duijon ekta sharir hoija bo.’
\v 6 Eneka pora taikhan aru duita nohoi, hoile bi ekta sharir hoi jai. Itu nimite Isor ki eke logote milai dise, manukhan itu ke alag nakoribi.”
\v 7 Taikhan koise, “Tinehoile kile Moses koise chara-chari laga ekta kagos likhi bole, aru tai ke chari dibole?”
\v 8 Tai taikhan ke koise, “Kilekoile tumikhan laga mon to bisi tan ase itu nimite Moses pora tumi khan laga maiki chari di bole koise: hoile bi agete eneka thaka nai.
\v 9 Aru Moi tumikhan ke koi ase, jun bi tai laga maiki ke chari bo, khali bebichar kotha karone chari kena, aru dusra ke shadi koribo, tai bebichar laga kaam kore: aru jun utu pora chari diye maiki ke shadi koribo, tai bebichar laga kaam kore.”
\v 10 Tai laga chela khan tai ke koise, “Ekjon manu tai laga maiki logote eneka ase koile, shadi nakora he bhal ase.”
\v 11 Hoile bi tai taikhan ke koise, “Sob manukhan itu kotha ke lobole naparibo, khali taikhan ke chari kena jun khan ke itu dise.
\v 12 Kilekoile tate kunba hijira khan asele, jun khan taikhan laga ama laga pet pora he eneka jonom hoise: aru tate kunba hijira thakise jun khan ke manukhan pora hijira bonaise: aru tate kunba hijira khan thakise jun khan sorgo laga desh nimite nije ke hijira bonaise. Tai jun itu ke lobole pare, taike lobole dibi.”
\s Bachakhan Moi Usorte Ahibo Dibi
\p
\v 13 Itu piche, dusra khan pora Tai usorte chutu-chutu bacha khan ke anise, Tai laga hath taikhan uporte rakhi kena prathana kori dibo nimite, kintu chela khan pora taikhan ke gali dise.
\v 14 Hoile bi Jisu koise, “Bacha khan ke ahibole dibi, Ami logote ahibole taikhan ke narukhabi, kilekoile sorgo laga rajyo taikhan nisena pora he ase.”
\v 15 Aru Tai pora tai khan uporte hath khan rakhise, aru tate pora jai jaise.
\s Dhuni Jawan
\p
\v 16 Sabi, ekjon manu Jisu usorte ahise aru koise, “Hikhok, moi anonto jibon pabo nimite ki bhal kaam koribo lagibo?”
\v 17 Jisu tai ke koise, “Tumi kile Moi ke bhal to ki ase koikena hudi ase? Khali Ekjon he bhal ase, kintu jodi tumi sorgote ghusi bole mon ase koile, Isor laga niom khan mani bi.”
\v 18 Itu manu Tai ke koise, “Kuntu niom?” Jisu koise, “Morai nadibi, bebichar kaam nakoribi, chor nakuribi, misa gawahi nadibi,
\v 19 Ama aru baba ke sonman koribi, aru ghor usorte thaka manu ke morom koribi jineka nijor ke kora nisena.”
\v 20 Itu jawan manu Tai ke koise, “Itu khan sob ami mani loise. Aru bi ami ki koribo lage?”
\v 21 Jisu tai ke koise, “Jodi tumi pura thik hobole itcha ase koile, jabi, tumi logote ki ase sob bikiri kori dibi aru gorib manu khan ke di dibi, aru sorgote tumi laga dhun sompoti pabo; aru ahibi, Ami laga piche koribi.”
\v 22 Kintu jitia itu jawan Jisu ki koise huni loise, tai mon dukh hoi kena jaise, kile koile tai logote bisi dhun sompoti thaki se.
\p
\v 23 Jisu tai laga chela khan ke koise, “Moi hosa pora tumikhan ke koi ase, ekjon dhuni manu nimite sorgo laga rajyo te ghusi bole digdar ase.
\v 24 Arubi Moi tumikhan ke koi ase, ekjon dhuni manu Isor laga rajyote gusa pora to ekta uth biji laga chenda bhitor pora paar korikena ghusa to he asan hobo.”
\v 25 Jitia chela khan itu hunise, taikhan bisi asurit hoise, eneka koikena, “Tinehoile kun khan he bachi bo?”
\v 26 Kintu Jisu taikhan ke sai se aru koise, “Manukhan nimite itu napara kaam ase, kintu Isor nimite sob pare.”
\v 27 Itu pichete Peter jowab di kena Tai ke koise, “Sabi, amikhan sob chari kena Apni laga piche korise. Amikhan nimite ki thakibo?”
\v 28 Jisu taikhan ke koise, “Moi hosa pora tumikhan ke koi ase, notun jamana te jitia Manu laga Chokra pora Tai laga singhason te bohibo, tumikhan jun Ami laga piche kori se, tumikhan bi barohta singhason te bohibo, aru Israel desh laga barohta jat ke bisar koribo.
\v 29 Sob manu jun ghor khan, nohoile bhai kokai khan, nohoile didi bhoini khan, nohoile baba, nohoile ama, nohoile nijor maiki, nohoile bacha khan, nohoile kheti khan, Ami laga naam nimite chari diye koile, taikhan ki chari dise itu pora bi eksoh bar bisi pabo aru namora jibon to pai lobo.
\v 30 Kintu bisi manu jun agete ase taikhan piche hoi jabo, aru piche khan age hoi jabo.
\c 20
\s Angur Kheti Te Hajira Kora
\p
\v 1 Sorgo rajyo to ekjon mati malik nisena ase, jun phojur te bahar ulai kena tai laga kheti nimite manu bisari bole jaise.
\v 2 Jitia tai kaam kora manukhan logote ek din te ek taka pora kotha milai loi, tai kaam kora manukhan ke kheti te pathaise.
\v 3 Aru tai nou baji nisena te baharte jaise, aru dusra hajira kora manu khan ene bajar te khara thaka dikhise.
\v 4 Aru taikhan ke koise, ‘Tumikhan bi angur bagan te jabi, aru ki thik ase ami tumikhan ke dibo.’
\v 5 Aru tai khan jaise. Arubi tai baroh baji nisena te bahar te jaise aru eneka he korise.
\v 6 Aru pans baji nisena te tai baharte jaise, aru dusra khan ke ene khara thaka dikhise, aru taikhan ke koise, ‘Tumikhan pura din kile yate ene khara ase?’
\v 7 Taikhan taike koise, ‘Kilekoile kun manu bi amikhan ke hajira te luwa nai.’ Tai ke koise, ‘Tumi khan bi angur bagante jabi.’
\v 8 Eneka para jitia saam hoise, angur bagan laga malik pora imandar ke koise, ‘Hajira kora khan ke mati bi, aru taikhan laga hajira dibi, piche te aha pora prothom ula tak.’
\v 9 Aru jitia taikhan ahise jun khan ke pans baji nisena te hajira te rakhise, taikhan ke ekta poisa dise.
\v 10 Hoile sobse poila ahikena kaam kora khan bhabise taikhan bisi pabo; kintu taikhan bi ek taka he paise.
\v 11 Aru taikhan ghor laga malik ke biya paikena kiba kibi kobole lagise.
\v 12 Koise, ‘Itu khan piche te ahikena ek-ghanta he kaam korise, hoile bi apni taikhan ke bi amikhan nisena he korise, jun khan sob kaam korise aru din laga gorom loise.’
\v 13 Hoile bi tai taikhan bhitorte ekjon ke jowab dise, aru koise, ‘Sathi, Ami tumikhan ke eku bi golti kora nai: tumi ami logote ek poisa te monjur hoise nohoi?
\v 14 Tumi laga ki ase lobi, aru nijor rasta jabi: Ami piche aha khan ke bi iman he dibo, jiman tumikhan ke dibo.
\v 15 Na ami laga ki ase itu pora ami khushi koribo naparibo naki? Na tumi suku juli ase, kilekoile ami bhal ase?’
\v 16 Eneka pora piche khan poila hobo, aru poila piche hobo: kilekoile bisi ke matise, hoile bi olop ke he bisarise.”
\s Jisu He Tai Moribole Laga Tin Bar Kowa
\p
\v 17 Aru Jisu Jerusalem te jai thaka homoite rasta te Tai laga barohta chela khan ke alag pora loise aru taikhan ke koise,
\v 18 “Sabi, Amikhan Jerusalem te jai ase: aru Manu laga Chokra ke mukhyo purohit khan laga hath te aru niom likha khan laga hath te di dibo. Aru taikhan Tai ke morabole laga faisla hunai dibo,
\v 19 aru Tai ke sorom dikena morabole, aru krus te mari dibole nimite Porjati khan laga hath te di dibo: aru tisra din te Tai aru bi jee uthibo.”
\s Ama Laga Anurodh
\p
\v 20 Itu pichete, Zebedee laga chokra khan taikhan laga ama logot Tai usorte ahise, aru matha niche korikena Tai pora ekta kiba mangise.
\v 21 Aru Tai koise, “Apni ki mangi ase?” Tai taike koise, “Monjur hobi Apni laga desh te amilaga itu duita chokra, ekjon Apni laga dyna phale, aru ekjon Apni laga baya phale bohibo dibi.”
\v 22 Hoile bi Jisu jowab dise aru koise, “Tumikhan nabuje tumikhan ki mangi ase. Tumikhan utu kup pora khabole paribo juntu pora Ami khabole ase, aru eneka baptizma lobole paribo jineka baptizma pora ami baptizma lobole ase?” Taikhan taike koise, “Amikhan paribo.”
\v 23 Aru Tai taikhan ke koise, “Jineka hoile bi tumikhan Ami laga kup pora khabole ase, aru eneka baptizma lobole ase jineka baptizma pora Ami baptizma lobole ase: hoile bi Ami laga dyna aru baya phale bohibole to Ami dibole laga nohoi, hoile bi itu taikhan ke dibole ase jun khan nimite Amilaga Pormeshwar Baba pora jaga bonai kena rakhise.”
\v 24 Aru jitia utu dos jon itu hunise, taikhan itu duita bhai uporte nije ke dangor banabole kosis kora nimite bisi biya paise.
\v 25 Hoile bi Jisu taikhan ke tai usorte matise, aru koise, “Tumikhan jani ase Porjati laga rajakhan taikhan uporte takot cholai thakise, aru taikhan jun khan dangor ase taikhan dusra khan uporte takot cholai thakise.
\v 26 Hoilebi tumikhan bhitorte eneka hobole nohoi: hoilebi jun bi tumikhan bhitorte dangor hobole mon ase, taike tumikhan laga nokor hobole dibi.
\v 27 Aru tumikhan bhitorte jun pora sob se age hobole mon ase, taike tumikhan laga nokor hobole dibi.
\v 28 Thik jineka Manu laga Chokra sewa lobole aha nohoi, hoile bi sewa koribole ahise, aru bisi nimite tailaga jibon ke daan dibole ahise.”
\p
\v 29 Aru taikhan jitia Jericho pora ulaise, ekta dangor bhir Tai piche korise.
\v 30 Aru, rasta kinar te bohikena thaka duita andha manu, jitia taikhan hunise Jisu tate pora jai ase, hala koribole lagise, koise, “Probhu, David laga Chokra, amikhan uporte daya koribi.”
\v 31 Aru bisi manukhan taikhan ke gali koribole lagise chup thakibi koikena, kintu taikhan aru bi bisi jor pora hala koribole lagise, koise, “Amikhan uporte morom koribi, Oh Probhu, David laga Chokra.”
\v 32 Aru Jisu thik tate rukhise, aru taikhan ke matise, aru koise, “Tumikhan ki lagi ase juntu ami tumikhan nimite koribole paribo?”
\v 33 Taikhan Tai ke koise, “Probhu, amikhan laga suku khuli dibi.”
\v 34 Itu nimite Jisu taikhan uporte morom lagise, aru taikhan laga sukukhan chuise: aru ek bar te taikhan laga suku pora dikhi bole paise, aru taikhan Tai laga piche korise.
\c 21
\s Jiti Kena Juwa
\p
\v 1 Jitia Jisu aru tai laga chela khan Jerusalem te punchi se aru Bethphage te ahise, Oliv Pahar te, titia Jisu duita chela ke pathai se,
\v 2 taikhan ke eneka koikena, “Tumikhan laga usorte thaka bosti te jabi, aru tumikhan loge-loge ekta gadha aru tai laga puwali ke bandi kena thaka dikhibo. Taikhan ke khuli kena Ami logote anibi.
\v 3 Jodi kunba manu itu nimite kiba hudise koile, eneka koi dibi, ‘Probhu pora lagi ase,’ aru utu manu pora apnikhan ke eku bi nakobo.”
\v 4 Aru juntu kotha bhabobadi khan pora koi disele, itu khan purah hoise. Tai eneka koise,
\q
\v 5 “Zion laga chukri khan ke koidibi,
\q ‘Sabi, tumi laga Raja tumi logote ahi ase,
\q Nomro hoikena gadha uporte-
\q Ekta jawan gadha laga puwali uporte.”’
\m
\v 6 Itu pichete chela khan jaise aru jineka Jisu pora koise, thik eneka he korise.
\v 7 Taikhan gadha aru tai laga puwali ke loikena anise aru taikhan laga uporte chador urai dise, aru Jisu taikhan uporte bohise.
\v 8 Jerusalem te jai thaka somoite, bisi manukhan nijor laga bahar kapra bichai dise, aru kunba khan to gash laga pata kati kena rasta pura te bichai dise.
\v 9 Itu pichete Jisu laga agete aru pichete jai thaka manukhan hala korise, eneka koikena,
\q “Hosanna David laga Chokra ke!
\q Asis te ase jun Probhu laga naam loikena ahi ase!
\q Hosanna sob pora uporte!”
\m
\v 10 Jitia Jisu Jerusalem te ahise, pura sheher Tai ke dikhi kena asurit hoise aru koise, “Itu kun ase?”
\v 11 Aru manukhan jowab dise, “Itu Jisu ase Galilee laga Nazareth te thaka ekjon bhabobadi.”
\s Jisu Pora Mondir Sapha Kora
\p
\v 12 Itu pichete Jisu Jerusalem laga mondir te jaise. Tai tate saman bikiri kora aru kini thaka khan sob ke khedai dise, aru poisa bodli kora khan laga mez ulta kori dise aru chiriya bikiri kora manukhan ke bahar te khedai dise.
\v 13 Jisu taikhan ke koise, “Eneka likhi kena ase, ‘Moi laga ghor to Prathana laga ghor koikena matibo,’ kintu tumikhan ituke chor laga ghor bonai dise.”
\v 14 Itu pichete suku andha aru theng lengra khan Jisu logote girja te jaise, aru Tai taikhan ke bhal kori dise.
\v 15 Kintu jitia mukhyo purohit aru niom likha manukhan Jisu laga asurit kaam khan kora, aru bacha khan mondir bhitor te, “Hosanna David laga Chokra ke,” koikena hala kora huni se, taikhan bisi ghusa hoise.
\v 16 Taikhan Jisu ke koise, “Taikhan ki koi ase Apni huni ase na nai?” Jisu taikhan koise, “Hoi! Kintu tumikhan kitia bi purah nai naki, ‘Chutu bacha khan laga mukh pora prosansa koribole Apni sikhai dise’?”
\v 17 Itu pichete Jisu taikhan ke chari kena Bethany nogor te jaise aru itu rati tate ghumai se.
\s Jisu Dimoru Gash Ke Shrap Diya
\p
\v 18 Phojur te jitia Jisu Jerusalem nogor te wapas jaise, Tai bhuk lagi jaise.
\v 19 Rasta kinar te ekta dimoru gash dikhise, Tai ghas usorte jaise aru khali pata khan he dikhise. Tai itu gash ke koise, “Aji pora tumi laga gash te kitia bi phol nadhuribi,” aru loge-loge itu gash sukhi jaise.
\v 20 Jitia Tai laga chela khan dikhise, taikhan asurit lagi kena koise, “Kineka kori kena itu gash phat sukhi jaise?”
\v 21 Jisu taikhan ke jowab di kena koise, “Moi hosa pora koi ase, jodi tumikhan duita mon nohoi kena biswas thakile, khali itu gash ke kora nisena he nohoi kintu tumikhan ekta pahar ke bi kobole paribo, ‘Uthi bi aru samundar te ghusi bi, aru eneka he hobo.
\v 22 Jodi tumi biswas kore, tumi prathana te ki mangibo itu pai jabo.”
\s Jisu Laga Adhikar Huda
\p
\v 23 Jitia Jisu girja ghor te ahi kena sikhai thaki se, mukhyo purohit aru girja laga bura manukhan Tai usorte ahise, eneka koikena, “Ki hisab pora apni eneka kori ase, aru kun pora apni ke adhikar dise?”
\v 24 Jisu taikhan ke jowab di kena koise, “Moi bi tumikhan ke ekta kotha hudibo. Jodi tumikhan itu laga jowab dise koile, Ami bi tumikhan laga jowab dibo.
\v 25 John pora manukhan ke baptizma diya to kun laga adhikar pora dise? Sorgo pora na manukhan pora?” Taikhan nijor majote eneka kotha koise, “Jodi amikhan ‘Sorgo pora’ koile, Tai amikhan ke kobo, ‘To kile tumikhan tai ke biswas kora nai?’
\v 26 Kintu jodi amikhan ‘manukhan pora’ koise koile, itu manukhan pora amikhan ke biya pabo, kile koile taikhan sob John ke ekjon bhabobadi ase koikena mane.”
\v 27 Itu pichete taikhan Jisu ke jowab di kena koise, “Amikhan najane.” Jisu bi taikhan ke koise, “Ami bi tumikhan ke Ami kun laga adhikar pora kori ase itu nakobo.
\s Duijon Chokra Laga Dristanto \s5
\v 28 Kintu tumikhan ki bhabe? Ekjon manu laga duita chokra thakise. Tai poila dangor chokra ke koise, ‘Chokra, aji jaikena angur laga kheti te kaam koribi.’
\v 29 Tai laga chokra pora jowab di kena koise, ‘Moi nakoribo,’ kintu olop somoi pichete tai jaikena kaam korise.
\v 30 Itu pichete tai laga dusra chokra ke bi tineka koise. Kintu tai jowab di kena koise, ‘Moi jabo, malik,’ kintu tai ja nai.
\v 31 Duijon chokra majote kun pora baba laga itcha kori se?” Taikhan koise, “Poila chokra pora.” Jisu taikhan ke koise, “Hosa pora Moi koi ase, tumikhan pora bi poisa utha manu aru bebichari kora khan he poila Isor laga rajyo te ghusi bo.
\v 32 Kile koile John to tumi khan logote dharmikta pora ahise, kintu tumikhan tai ke biswas kora nai. Kintu poisa utha manu khan aru bebichar kora khan he tai ke biswas kori se. Kintu tumikhan, itu dikhikena bi, tumikhan mon ghura nai aru taike biswas kora nai.
\s Kisan Laga Dristanto
\p
\v 33 Huni lobi aru dusra dristanto ke. Tate ekjon manu thakise, ekjon mati malik. Tai angur laga kheti kori se, tai bera lagai dise, aru angur ros chipai kena ulabole laga gadda khundi se, aru kheti ke sabole nimite untcha chang ghor bonai se, aru dusra manu khan angur laga kheti koribo nimite bhara dise. Itu pichete tai dusra desh te jai jaise.
\v 34 Jitia angur kati bole somoi ahise, tai kunba nokor khan ke pathai kena kheti kora khan ke tai laga kheti laga angur mangi bole pathai.
\v 35 Kintu jitia utu kheti kora khan nokor khan ke lok paise, taikhan ekjon nokor ke marise, aru ekjon ke morai dise, aru ekjon ke pathor marikena morai dise.
\v 36 Arubi, malik pora dusra nokor khan ke pathaise, poila patha pora bi bisi pathai, kintu kheti kora manu khan utu nokor khan poila te kora nisena itu nokor khan ke bi kore.
\v 37 Itu pichete, utu malik tai nijor laga chokra ke pathai, eneka koikena, ‘Tai khan Moi laga chokra ke sonman koribo.’
\v 38 Kintu jitia kheti kora manukhan tailaga chokra ke dikhise, kheti kora khan nijor majote koi, ‘Malik hobole thaka to itu ase. Ahibi, amikhan tai ke morai dibo aru tai laga sompoti laga malik hoi jabo.’
\v 39 Eneka hoikena taikhan pora taike dhori loise, aru angur laga kheti te loikena morai de.
\v 40 Etiya, jitia utu kheti laga malik ahe, Tai pora utu kheti kora manukhan ke ki koribo?”
\v 41 Taikhan Jisu ke koise, “Tai utu manukhan ke biya pora khotom kori dibo, aru kheti to dusra khan ke kheti koribole di dibo, aru taikhan pora Tai ke kheti kata somoite taikhan laga kheti te ula bostu ani dibo.”
\v 42 Jisu taikhan ke koise, “Tumikhan kitia bi Isor kotha pura nai,
\q ‘Ekta pathor jun ke ghor bona manu pora phelai diye,
\q Itu pathor he sob ghor laga asol pathor hoi jai.
\q Itu to Isor pora he ase,
\q Aru itu to amikhan laga suku te ekdom bhal ase?’
\m
\v 43 Itu karone Ami tumikhan ke koi ase, tumikhan logot pora Isor laga rajyo to loijabo aru utu desh ke di dibo jun bhal phol dhure.
\v 44 Jun khan itu pathor uporte giri bo tai bhangi kena mihin hoi jabo. Kintu jun manu uporte itu giri bo, tai ke chipai dibo.”
\v 45 Jitia mukhyo purohit aru Pharisee khan Tai laga dristanto hunise, taikhan bujhi jaise Tai taikhan laga kotha kori ase koikena.
\v 46 Taikhan Jisu ke dhori bole bisari thaki se, kintu taikhan manukhan ke bhoi khai thakise, kile koile manukhan Jisu ke ekjon bhabobadi ase koikena mani thakise.
\c 22
\s Shadi Bhojan Laga Dristanto
\p
\v 1 Jisu jowab dise aru taikhan ke dristanto pora kotha korise, eneka koi kena,
\v 2 “Sorgo laga rajyo eneka ase jineka ekjon raja pora tai chokra laga shadi nimite kha luwa khan taiyar korise.
\v 3 Raja pora nokor khan ke pathaikena shadi te mata manukhan ke bisaribole dise, kintu kunbi aha nai.
\v 4 Aru bi raja pora tai laga dusra nokorkhan ke eneka koikena pathaise, ‘Jai kena shadi te mata manukhan ke kobi, “Sabi, Ami pora kha luwa bonai kena ase. Moi laga bhal guru aru mosto saguli khan ke morai dise, aru sob to taiyar hoi kena ase. Shadi laga kha luwa koribole ahibi.’”
\v 5 Kintu taikhan mon diya nai aru jai jaise, kunba kheti koribole, aru kunba nijor dukan te jai jaise.
\v 6 Aru kunba to raja laga nokor khan ke dhori loise, aru sorom dibole laga kaam korise, aru morai dise.
\v 7 Raja bisi khong uthise, aru tai laga sipahi khan ke pathaise aru tai laga nokor ke morai diya manukhan ke morai dise aru taikhan laga sheher ke julai dise.
\v 8 Itu pichete tai laga nokor khan ke koise, ‘Shadi laga kha luwa taiyar hoise, kintu jun manukhan ke mati se, tai khan shadi te ahibole thik nohoi.
\v 9 Itu nimite rasta khan te jabi aru tumikhan jun ke lok pai taikhan sob ke shadi laga bhat khabole mati bi.’
\v 10 Itu pichete raja laga nokor khan rasta khan te jaise aru jiman bhal aru biya manukhan ke lok paise, taikhan sob ke joma korikena anise, aru shadi laga ghor te manukhan pora bhorta hoise.
\v 11 Kintu jitia raja ahikena manukhan ke saise, tai ekjon manu ke shadi laga kapra napindi kena thaka dikhise.
\v 12 Aru raja pora tai ke koise, ‘Sathi, tumi shadi laga kapra napindi kena kineka yate ahise?’ Kintu itu manu eku bi kobole para nai.
\v 13 Itu pichete raja pora tai laga nokor khan ke koise, ‘Itu manu laga theng aru hath bandhi bi, aru andhera jaga te phelai dibi, juntu jaga te tai khali kandi thakibo aru daat kamuri thakibo.’
\v 14 Bisi manukhan ke mati sele, kintu khali kunba khan ke he basi loise.”
\s Caesar Ke Khajana Diya
\p
\v 15 Itu pichete Pharisee khan jaise aru Jisu ke Tai nijor laga kotha pora phasai dibole taikhan kotha kori thakise.
\v 16 Itu pichete taikhan laga chela aru Herod laga manukhan ke milai kena Jisu logote pathaise. Taikhan koise, “Hikhok, amikhan jane Apni to hosa ase, aru Apni Isor laga hosa rasta pora sikhai diye. Kun laga kotha bi apni hisab nakore, kile koile Apni to manu laga chehera nasai.
\v 17 Tinehoile amikhan ke kobi, Apni ki bhabe? Caesar ke poisa diya to thik niom ase na nai?”
\v 18 Kintu Jisu taikhan laga biya chal jani jaise aru koise, “Tumi dhongi khan kile Moike porikha kori ase?
\v 19 Ami ke poisa diya laga chandi to dikha bi.” Itu pichete taikhan chandi anikena Jisu ke dise.
\v 20 Jisu taikhan ke dikhai kena koise, “Itu kun laga noksa aru naam ase?”
\v 21 Taikhan Jisu ke koise, “Caesar laga.” Itu pichete Jisu taikhan ke koise, “Tinehoile ki to Caesar laga ase itu tai ke dibi, aru ki to Isor laga ase itu khan Isor ke dibi.”
\v 22 Jitia taikhan itu hunise, taikhan asurit hoise. Itu pichete taikhan Jisu ke chari kena jaise.
\s Sadducee Khan Pora Punoruthan Laga Huda
\p
\v 23 Eke din te kunba Sadducee khan, jun khan punoruthan te biswas nakore, taikhan Jisu usorte ahise. Tai khan Jisu ke eneka hudise,
\v 24 “Hikhok, Moses pora koise, ‘Jodi kunba manu bacha nathaki kena mori jai, tai laga bhai to tai laga maiki ke shadi koribo lage aru tai laga kokai nimite bacha jonom dibo lage.’
\v 25 Etiya, taikhan majote satta bhai kokai khan thaki se. Poila dangor kokai to shadi korise aru mori jai. Bacha nathaki kena, aru tai laga maiki ke tai laga bhai nimite rakhi dise.
\v 26 Itu pichete dusra bhai bi eneka he korise, aru dusra bhai bi, eneka kori kena pura sat-ta bhai koikai shadi kori se.
\v 27 Sob bhai kokai khan mori ja pichete, utu maiki bi mori jai.
\v 28 Etiya, mori kena jinda huwa din te, sat-ta bhai kokai majote, tai kun laga maiki hobo? Kile koile taikhan sob itu maiki ke shadi kori sele.”
\v 29 Kintu Jisu taikhan ke jowab di kena koise, “Tumikhan golti ase, kile mane tumikhan shastro najane aru Isor laga hokti bi najane.
\v 30 Kile koile mori kena jinda huwa manukhan shadi nakore aru shadi nimite nadiye. Hoilebi, taikhan duth khan nisena sorgote thake.
\v 31 Kintu, mori kena jee utha laga kotha to, tumikhan Isor laga kotha koi diya te pura nai naki, eneka koikena thaka,
\v 32 ‘Moi Abraham, Isaac, aru Jacob laga Isor ase?’ Isor to mora manukhan laga Isor nohoi, kintu jinda manukhan laga Isor ase.”
\v 33 Jitia joma hoikena thaka manukhan Jisu laga sikhai diya kotha hunise, taikhan asurit hoise.
\s Dangor Hukum
\p
\v 34 Kintu jitia Pharisee khan Jisu pora Sadducee khan laga mukh chup kori diya hunise, taikhan eke logote mili kena joma hoise.
\v 35 Taikhan majote, ekjon ukil, Jisu ke porikha koribole ekta kotha hudise-
\v 36 “Hikhok, sob niom laga majote, kuntu niom he sob pora dangor ase?”
\v 37 Jisu koise, “‘Tumi laga Isor ke pura mon pora, aru pura atma, aru pura bhabona pora morom koribi.’
\v 38 Itu he sob pora dangor aru poila niom ase.
\v 39 Aru dusra niom to eneka ase- ‘Nijor ke morom kora nisena tumi laga ghor usor manukhan ke bi morom koribi.’
\v 40 Jiman niom aru bhabobadi khan laga kotha khan ase, itu duita niom uporte khara ase.”
\s Khrista Kun Laga Chokra Ase?
\p
\v 41 Etiya, jitia Pharisee khan sob joma hoikena thaka somoite, Jisu taikhan ke ekta kotha hudise.
\v 42 Tai koise, “Tumikhan Khrista ke ki bhabe? Tai kun laga Chokra ase?” Taikhan koise, “David laga Chokra.”
\v 43 Jisu taikhan ke koise, “Tinehoile kineka korikena David to atma te Tai ke probhu koikena mate, eneka koikena,
\q
\v 44 ‘Probhu pora moi laga Probhu ke koise,
\q “Moi laga dyna hath te bohibi,
\q Jitia tak Moi tumi laga dushman khan ke tumi laga theng nichete na ane’”?
\m
\v 45 Jodi David pora Khrista ke ‘Probhu’ matise, tinehoile kineka Tai David laga chokra hobo?”
\v 46 Kun bi Jisu ke ekta jowab bi dibole para nai, aru utu din pora kun bi Tai ke ekta kotha bi nahuda hoise.
\c 23
\s Pharisee Aru Purohit Khan Karone Sat-ta Hai Kotha Khan
\p
\v 1 Itu pichete Jisu tai laga chela aru joma hoikena thaka manukhan ke kotha korise.
\v 2 Tai koise, “Niom likha khan aru Pharisee khan Moses boha jagate bohe.
\v 3 Itu karone taikhan ki hukum diye tumikhan itu koribi, aru sai thakibi. Kintu taikhan laga kaam hisab te nakoribi, kile koile taikhan mukh pora koi, hoile bi kaam pora nakore.
\v 4 Taikhan juntu saman bhari hoi itu khan bandhi diye aru bukhi bole digdar hoi jai, aru manukhan laga kandha te rakhi diye. Kintu taikhan nijor laga anguli bi uthabole itcha nakore.
\v 5 Taikhan dikha bole nimite he bhal niom khan kore. Kile koile taikhan matha te chamra laga boksa dangor bonai kena bandhe, aru taikhan kapra laga rusi khan dangor kore.
\v 6 Taikhan bisi sonman pa-a jaga te kha luwa kora khushi pai, aru mondoli te bisi sonman pa jagate bohe.
\v 7 Aru bajar te taikhan ke ekdom salam diya aru ‘Rabbi’ koi kena manukhan pora mata khushi pai.
\v 8 Kintu tumikhan ke ‘Rabbi,’ koikena matibo dibo nalage kile koile khali ekjon he Hikhok ase, aru tumikhan sob bhai kokai ase.
\v 9 Aru tumikhan ke ‘Baba’ koikena matibo nadibi, kile koile tumikhan laga khali ekjon he Baba ase, jun sorgo te ase.
\v 10 Tumikhan ke ‘Hikhok’ koi matibo nadibi, kile koile tumikhan laga hikhok to Khrista he ase.
\v 11 Kintu tumikhan majote kun bisi dangor ase tai to tumi laga nokor hobo.
\v 12 Jun khan nijor ke uthai thake tai ke nomro kori dibo, aru jun khan nijor ke nomro koribo tai ke uthai dibo.
\p
\v 13 Kintu, O niom likha khan aru Pharisee khan, tumi dhongi khan ke hai ase! Tumikhan dusra manukhan nimite sorgo rajyo bondh kori diye. Kile koile tumikhan nijor naghuse, aru ghusi bole thaka dusra khan ke bi ghusi bole nadiye.
\v 14 O niom likha khan aru Pharisee khan, tumi dhongi khan ke hai ase! Kile koile tumikhan bidhowa khan ke thogai kena taikhan laga ghor chingi loi. Itu pichete girja te jaikena manukhan ke dikha bole lamba prathana kore. Tumikhan uporte sob se biya sajai hobo.
\v 15 O niom likha khan aru Pharisee khan, tumi dhongi khan ke hai ase! Kile koile tumikhan samundar pora aru dusra desh khan te jaikena tumikhan laga dhorom mani bole mon ghura bo diye, aru jitia tai tumikhan laga niom to mani loi, tumikhan tai ke poila pora bi aru bisi norok laga bacha bonai de.
\p
\v 16 Tumikhan ke hai ase, tumikhan andha hoikena rasta dikhai thaka khan, tumikhan jun koi, ‘Jun manu mondir laga naam loikena kosom khai, itu eku nohoi. Kintu jun manu mondir laga suna chandi laga naam loikena kosom khai, tai itu kosom rakhibo lage.’
\v 17 Tumi murkho aru andha manu khan! Kuntu sob pora dangor ase, suna chandi na utu mondir jun pora suna chandi khan ke pobitro bonai?
\v 18 Aru, ‘Jun manu bedi laga kosom khai, itu eku nohoi. Kintu jun manu Isor laga bedi te daan thaka laga kosom khai, tai itu kosom mani bo lagibo.’
\v 19 O Tumi khan murkho aru andha manu khan! Kuntu sob pora dangor ase, utu daan khan na Isor laga bedi jun pora itu daan ke pobitro bonai diye?
\v 20 Itu karone, jun manu Isor laga bedi laga kosom khai, tai itu aru itu logote thaka sob saman khan laga kosom khai loi.
\v 21 Jun ekjon mondir laga kosom khai, tai itu mondir aru mondir ghor te thaka manu sob laga kosom khai loi.
\v 22 Aru jun sorgo laga kosom khai, tai Isor laga singhason aru Tai usorte boha khan sob laga kosom khai loi.
\p
\v 23 O niom likha khan aru Pharisee khan, tumi dhongi khan ke hai ase! Kilekoile tumikhan pudina, aru pata, aru dhaniya laga dos bhag di thake, aru bisi ujon thaka niom, faisla, maph, aru biswas laga kotha khan ke chari diye- itu khan bi koribole laga asele, hoilebi dusra khan bi nakorikena nacharibo lage.
\v 24 Tumikhan andha cholawta khan, jun khan makhi dikhile ghin lage, aru ekta uth-janwar ke khai loi.
\p
\v 25 O niom likha khan aru Pharisee khan, tumi dhongi khan ke hai ase! Kile koile tumikhan kup aru thali laga bahar phale sapha kori thake, hoile bi bhitorte to joborjosti pora luwa aru lalchi pora bhorta ase.
\v 26 Tumi andha Pharisee, poila kup aru thali laga bhitor te ki ase itu ke sapha koribi, titia itu khan laga bahar khan bi nijor pora sapha hoija bo.
\p
\v 27 O niom likha khan aru Pharisee khan, tumi dhongi khan ke hai ase! Kilekoile tumikhan chuna mara pathor laga kobor nisena ase, juntu bahar pora sundur dikhe, hoile bi bhitor te mora manukhan laga hardi khan, aru sob moila khan pora bhorta ase.
\v 28 Thik eneka nisena tumi khan bi bahar pora manukhan usorte hosa te thaka nisena dikhe, hoilebi bhitorte misa misi aru paap pora bhorta ase.
\p
\v 29 O niom likha khan aru Pharisee khan, tumi dhongi khan ke hai ase! Kilekoile tumikhan utu bhabobadi khan laga kobor khan bonaise, aru utu dharmikta te thaka manukhan laga pathor laga kobor ke sundur pora korise,
\v 30 Aru koise, ‘Amikhan laga baba khan laga homoi te amikhan thakise koile, amikhan itu bhabobadi khan laga khun phelai diya te bhag nolobole thakise.’
\v 31 Eneka pora tumikhan nije pora he koi ase tumikhan taikhan laga bacha khan ase jun khan pora bhabobadi khan ke morai dise.
\v 32 Itu nimite tumikhan laga baba khan laga hisab ke tumikhan bhorta koribi.
\v 33 Tumikhan saph khan, saph laga khandan khan, kineka pora tumikhan norok laga sajai pora polabole paribo?
\v 34 Itu nimite, sabi, Ami tumikhan ke bhabobadi aru gyaani aru niom likha khan ke pathai ase. Kunba khan ke tumikhan pora morai dibo aru krus uporte maribo, aru kunba khan ke tumikhan Isor laga kotha kora ghor te tumikhan pora chabuk pora maribo aru ekta sheher pora dusra sheher laga bahar te khedai dibo.
\v 35 Eneka pora tumikhan uporte prithibi te jiman hosa te thaka khan ase taikhan laga khun ahibo, hosa te thaka Abel laga khun pora shuru korikena Barachias laga chokra Zacharias laga khun tak, junke tumikhan pobitro jaga aru bedi majot te morai di sele.
\v 36 Hosa pora ami tumikhan ke koi di ase, itu khan sob aji-kali laga yug uporte ahibo.
\s Jerusalem Nimite Koi Diya
\p
\v 37 Jerusalem, Jerusalem, tumi jun khan bhabobadi khan ke morai diye aru jun khan ke tumikhan logot pathai diye tai khan ke bi tumikhan pathor mari dise! Kiman bar Moi tumi laga bacha khan ke milai dibole itcha thakise, jineka ekta murgi ama tai laga bacha khan ke tai laga pakhi niche te joma kore, kintu tumikhan ahibole itcha thaka nai!
\v 38 Sabi, tumikhan laga ghor pora tumikhan ke ekla chari dise.
\v 39 Kile koile Moi tumikhan ke koi ase, etiya pora tumikhan Ami ke nadikhibo jitia tak tumikhan eneka nakoi, ‘Tai asis te ase jun Probhu laga naam pora ahise.’”
\c 24
\s Mondir Nosto Hobo Age Te Kowa
\p
\v 1 Jisu mondir laga bahar te ulai kena nijor rasta te jai thakise. Tai laga chela khan Tai usorte ahikena mondir ghor dikhai thakise.
\v 2 Kintu Tai jowab dise aru taikhan ke koise, “Tumikhan itu sob dikhi ase na nai? Moi hosa pora koi ase, itu sob pathor khan mati te phelai dibo. Ekta pathor bi ekta uporte thakibo nadibo, sob ke bhangai kena girai dibo.”
\s Yug Hekh Huwa Chihna
\p
\v 3 Jitia Tai Oliv Pahar te bohi thakise, Tai laga chela khan lukai kena ahise, eneka koikena, “Amikhan ke kobi, itu khan kitia hobole ase? Apni aru ahibole thaka aru itu duniya laga somoi khotom hobole laga din to, kineka pora amikhan ke dikhai dibo?”
\v 4 Jisu jowab dise aru koise, “Hoshiar thakibi, kun pora bi tumi khan ke thoga bole nadibi.
\v 5 Kile koile bisi manu ami laga naam loikena ahibo. Taikhan kobo, ‘Moi Khrista ase,’ aru bisi manukhan ke thogai dibo.
\v 6 Tumikhan lorai aru lorai huwa laga khobor pabo. Hoilebi tumikhan chinta nakoribi, kile koile prithibi khotom nohua agete itu khan sob purah hobo lage.
\v 7 Ekta desh pora dusra desh ke birodh koribo, aru ekta rajyo pora dusra rajyo ke hinsa koribo. Utu somoi te bisi jagate khabole nathakibo aru matikhan bisi hili bo.
\v 8 Kintu itu khan sob to bacha jonom hobole nimite bikhabole shuru huwa he ase.
\v 9 Itu pichete tumikhan ke taikhan pora saja dibo aru morai dibo. Tumikhan ke sob desh khan pora Ami laga naam nimite ghin koribo.
\v 10 Itu pichete bisi manu laga biswas harai jabo, aru ekjon-ekjon ke thoga bo aru ghin koribo.
\v 11 Misa bhabobadi khan bisi ulabo aru bisi manu ke thogai dibo.
\v 12 Kile koile niom namana khan bisi hoija bo, aru bisi manu laga morom to thanda hoi jabo.
\v 13 Kintu jun hekh tak biswas te thakibo, taikhan he bachi bo.
\v 14 Itu sorgo rajyo laga bhal khobor to pura prithibi te ekta gawahi hoikena pura desh te prochar koribo. Itu pichete hekh din to ahibo.
\s Ghin Laga Letera Bostu
\p
\v 15 Itu karone, jitia tumikhan ghin laga kaam pora khotom kori diya dikhibo, juntu kotha bhabobadi Daniel pora koi disele, tumikhan pobitro jagate khara kori kena dikhibo”- kun puri ase tai bujhi lobi,-
\v 16 “itu pichete jun khan Judea te ase taikhan ke pahar uporte polabole dibi,
\v 17 jun manu ghor uporte ase, tai ke ghor laga saman khan lobole nichete jabole nadibi,
\v 18 aru jun kheti te ase tai ke ghor te jai kena chador lobole nadibi.
\v 19 Kintu, utu din te jun khan pet te bacha nohoile bi dudh khai thaka bacha khan logote ase, taikhan bisi dukh pabo!
\v 20 Prathana koribi eneka to thanda din nohoile Bisram din te itu khan nahobole nimite.
\v 21 Itu pichete dangor dukh digdar din ahi jabo, itu somoite kitia bi napa laga dukh khan pabo, aru itu nisena dukh kitia bi aru nahibo.
\v 22 Jitia tak utu din khotom nahobo, ekjon manu bi nabachibo. Kintu basi luwa manukhan laga prathana pora he itu dukh din khan ke khata kori dibo.
\v 23 Itu pichete jodi kunba pora tumi ke koi, ‘Sabi, Khrista yate ase!’ Nohoile bi, ‘Tai tate ase!’ Taikhan ke biswas nakoribi.
\v 24 Kile mane misa Khrista aru misa bhabobadi khan ahibo aru asurit kaam khan korikena dikha bo, tumikhan ke thoga bo, pari le Isor pora basi kena thaka khan ke bi.
\v 25 Sabi, Ami tumikhan ke etiya pora he itu khan koi dise.
\v 26 Itu karone, jodi taikhan pora tumikhan ke koi, ‘Sabi, Tai eku bi nathaka jaga te ase,’ eneka jagate najabi. Nohoile bi, ‘Sabi, Tai ghor bhitor te ase,’ eneka khan biswas nakoribi.
\v 27 Kile koile jineka bijili purab pora ujala hoi aru phat kori kena paschim tak jule, thik itu nisena Manu laga Chokra bi eneka ahibo.
\v 28 Juntu jaga te janwar khan mori kena thake, itu jaga te mangso kha chiriya khan joma hoi.
\s Manu Laga Chokra Aha
\p
\v 29 Kintu loge-loge dukh digdar din khan pichete, suryo to andhera hoi jabo, aru chand to ujala nadiya hoi jabo, aru tara khan akas pora giri jabo, aru sorgo laga hokti to hili jabo.
\v 30 Itu pichete Manu laga Chokra aha din laga chihna akas te dikhai dibo, aru sob prithibi laga jati khan kandibo. Taikhan Manu laga Chokra ke purah hokti aru dangor mohima pora akas laga badal te aha dikhibo.
\v 31 Tai pora Tai laga sorgoduth khan ke dangor bajana pora awaj kori kena prithibi te pathabo, aru taikhan Isor pora basi luwa manukhan ke prithibi laga char kona pora joma kori lobo.
\s Dimoru Gash Laga Sikha
\p
\v 32 Itu dristanto to dimoru laga gash pora sikhi lo bi. Jitia tai laga daal khan norom hoi jai aru notun pata khan ulai ahe, titia tumi khan jani jai gorom din ahi ase.
\v 33 Thik eneka, jitia itu khan dikhibo, tumikhan jani jabi Tai dorja usorte punchi ase.
\v 34 Moi hosa pora tumikhan ke koi ase, itu yug khotom nohobo jitia tak itu khan sob pura hoi najai.
\v 35 Akas aru prithibi to harai jabo, kintu Moi laga ekta chutu kotha bi naharabo.
\s Itu Din Aru Homoi Kun Bi Najane \s5
\v 36 Kintu kitia utu din aru somoi ahibo, kun bi najane, sorgoduth khan bi najane, nohoile Chokra bi najane, khali Baba ekla he jane.
\v 37 Kineka Noah laga din te hoise itu nisena Manu laga Chokra aha din bi eneka hobo.
\v 38 Kile koile utu somoite bi, Noah pora naw bhitor te naghusa din tak, manukhan nisa-pani khai thakise, shadi kori thakise aru shadi kori di thakise,
\v 39 aru taikhan eku jani kena thaka nai aru jitia ban-pani ahise, taikhan sob ke pani pora loi jaise- itu nisena Manu laga Chokra aha din bi itu nisena ahibo.
\v 40 Itu pichete duijon manu kheti te thakibo- ekjon ke loijabo, aru ekjon ke chari dibo.
\v 41 Duijon maiki mil te chawal khundi thakibo- ekjon ke loijabo, aru ekjon ke chari dibo.
\v 42 Itu karone nijor jagate taiyar hoikena thakibi, kile koile tumi najane kuntu dinte tumi laga Probhu ahibo.
\v 43 Kintu itu jani kena thakibi, jodi ghor laga malik to kuntu somoi te chor ahibo itu jani thakile, tai to taiyar hoikena thakibole asele aru itu chor ke tai laga ghor bhitor te ghusi bole nadibo thakise.
\v 44 Itu karone tumikhan bi taiyar thakibi, kile koile Manu laga Chokra to tumikhan nabhaba somoite ahibo.
\p
\v 45 Itu nimite, kun sob pora thik aru gyaan thaka nokor ase, jun ke tai laga malik pora biswas rakhi kena tai kha luwa thik somoite dibole aru ghor laga kaam sabole nimite rakhikena ase?
\v 46 Utu nokor asis pabo jitia tai laga malik ahikena tai ke kaam kori thaka dikhibo.
\v 47 Hosa pora Moi tumikhan ke koi ase utu malik pora Tai laga ki ase itu sob utu nokor laga jimedari te rakhi dibo.
\v 48 Kintu jodi itu biya nokor mon bhitor te koi, ‘Moi laga malik to deri pora ahibo,’
\v 49 aru tai dusra nokor khan ke mari bole shuru hoijai, aru modhu kha manukhan logote mili kena nisa-pani khai,
\v 50 aru tai nabhaba aru najana somoite tai laga malik ahi jai.
\v 51 Itu pichete tai laga malik tai ke saja dibo aru dhungi manu khan logote rakhidibo, aru tate khali kanda aru daat kamura he hobo.
\c 25
\s Dos Jon Kumari Chukri Khan Laga Dristanto
\p
\v 1 Aru, sorgo laga rajyo to dosta chukri nisena ase jun taikhan laga saaki loikena taikhan laga mota hobole thaka khan ke lok koribole jaise.
\v 2 Pans jon to murkho thakise aru pans jon to gyaani thakise.
\v 3 Kile koile utu pansta chukri taikhan laga saaki to loise, kintu taikhan tel lobole pahori jaise.
\v 4 Hoilebi utu pansta gyaani chukri khan to daba te tel hali kena taikhan logot saaki bi loi jaise.
\v 5 Jitia taikhan logot shadi koribole thaka mota ahibole deri hoise, taikhan sob neendh lagi kena ghumai jaise.
\v 6 Kintu rati laga majote tate ekta awaj hunise, ‘Sabi, shadi koribo thaka mota ahise! Jabi aru taikhan ke lok koribi.’
\v 7 Itu pichete chukri khan sob uthi kena taikhan laga sakhi julai se.
\v 8 Kintu murkho chukri khan gyaani chukri khan ke koise, ‘Amikhan ke apnikhan laga tel olop dibi kile mane amikhan laga saaki to bhuti jabole ase,’
\v 9 Kintu utu gyaani chukri khan jowab di kena koise, ‘Amikhan aru apnikhan nimite bi napuncha hoija bo, itu pora to jaikena tel bikiri kora manu pora nijor nimite kini lobi.’
\v 10 Jitia taikhan kini bole jaise, shadi kora mota khan punchi jaise, aru jun khan taiyar thakise taikhan logote shadi koribole jaise, aru dorja bondh koridise.
\v 11 Itu pichete utu murkho chukri khan ahi kena koise, ‘Malik, malik, amikhan nimite bi dorja khuli bi.’
\v 12 Kintu tai jowab di kena koise, ‘Hosa pora Moi tumikhan ke koi ase, Moi tumikhan ke najane.’
\v 13 Itu karone saikena thakibi, kile koile kuntu din nohoile bi kuntu somoi te hobo tumikhan najane.
\s Bordan Laga Dristanto
\p
\v 14 Kile mane itu to ekjon manu safar te jai thaka nisena ase. Tai nijor laga nokor khan ke mati se aru taikhan ke Tai laga dhun khan dise.
\v 15 Ekjon ke pansta bordan dise, dusra ke duita dise, aru ekjon dusra ke ekta bordan dise. Tai sob ke taikhan laga kaam hisab te dise, aru joldi kori kena taikhan laga safar nimite ulai jai.
\v 16 Jun manu ke pansta bordan disele tai jaikena kaam te cholai se aru tai aru bi pansta bordan bisi paise.
\v 17 Itu nisena jun ke duita bordan disele tai bi duita bordan aru bi paise.
\v 18 Kintu juntu nokor ke ekta bordan disele, tai jaikena mati khundi kena malik pora diya poisa to rupai dise.
\v 19 Etiya, bisi din pichete nokor khan laga malik to wapas ahe aru taikhan ke bordan diya laga hisab khan mange.
\v 20 Pansta bordan pa-a nokor ahi kena aru bi pansta bordan bisi korikena tai laga malik ke dise. Tai koise, ‘Malik, apni amike pansta bordan dise. Kintu sabi, moi itu dui guna bisi koridise.’
\v 21 Tai laga malik tai ke koise, ‘Bisi bhal korise, bhal aru imandar nokor! Tumi bisi imandar pora kaam khan korise. Moi tumi ke sob kaam khan sabole jimedari di ase. Ahibi aru tumi laga malik logote khushi koribi.’
\v 22 Dusra nokor jun ke duita bordan disele tai ahikena koise, ‘Malik, apni amike duita bordan dise. Kintu sabi, moi aru duita bisi bordan kori dise.’
\v 23 Tai laga malik taike koise, ‘Bisi bhal korise, bhal aru imandar nokor ase! Tumi bisi imandar pora kaam khan korise. Moi tumi ke sob kaam khan sabole jimedari di ase. Ahibi aru tumi laga malik logot te khushi koribi.’
\v 24 Itu pichete ekta bordan pa-a nokor ahikena koise, ‘Malik, moi jani ase apni bisi kara manu ase. Apni juntu jaga te bijon naphelai ta te guti khan joma kore, aru juntu jaga te kheti nakore tate kheti kate.
\v 25 Moi bhoi khai thakise, itu karone moi jaikena mati bhitor te lukai kena rakhi se. Sabi, apni ki dise itu yate ase.’
\v 26 Kintu tai laga malik jowab di kena tai ke koise, ‘Tumi mon kala aru alsi kora nokor, tumi jani ase, moi juntu jaga te bijon naphelai ta te guti khan joma kore, aru juntu jaga te kheti nakore tate kheti kate.
\v 27 Itu karone moi laga poisa to poisa ghor te dise koile bhal hobole thakise, aru jitia moi wapas ahibo moi laga poisa logote munafa bi pabo thakise.
\v 28 Itu karone, tai laga hath pora bordan khan loi lobi aru jun logote dos ta bordan ase tai ke di dibi.
\v 29 Kile koile jun manukhan bisi ase- tai ke aru bi dibo- ekdom bhorta pora aru bi dibo. Kintu jun manukhan logote eku bi nai, taikhan logote ki ase itu khan bi tai pora chingi loi lobo.
\v 30 Itu kaam nathaka nokor ke andhera jaga te phelai dibi, juntu jaga te khali kandi thaka aru daat kamuri thaka he hobo.’
\s Hekh Din Laga Bisar
\p
\v 31 Jitia Manu laga Chokra tai laga mohima aru pura sorgoduth khan logote ahibo, itu pichete Tai laga mohima laga jaga te bohibo.
\v 32 Tai laga agete sob desh khan joma hobo, aru Tai manukhan ke ekjon pora dusra jon ke alag koribo, jineka roikhya pora mer aru saguli ke alag kori diye.
\v 33 Tai mer khan ke Tai laga dyna hath phale rakhibo aru saguli khan ke baya hath phale rakhibo.
\v 34 Itu pichete Raja pora Tai laga dyna hath te thaka manukhan ke koise, ‘Ahibi, Moi laga Baba pora tumikhan ke asis di kena ase, juntu rajyo tumikhan nimite prithibi bona somoite rakhi sele, itu tumikhan laga hoise.
\v 35 Kile koile Moi bhuka thakise aru tumikhan Moi ke khilai se; Moi pyaas lagi thakise aru tumikhan Moi ke pani khabole dise;
\v 36 Moi lengta thakise aru tumi moi ke pindhi bole dise; Moi bemar aru bondhi ghor te thakise aru tumi moi ke sabole ahise.’
\v 37 Itu pichete dharmik khan Tai ke jowab di kena kobo, ‘Probhu, amikhan kitia Apni bhuk lagi thaka dikhi se aru khilai se? Nohoile Apni pyaas laga homoite Apni ke pani dise?
\v 38 Aru amikhan kitia Apni ke nachina manu ase koikena loi jaise? Nohoile bi lengta dikhi kena kapra pindhai dise?
\v 39 Aru amikhan kitia Apni ke bemar ase nohoile bi bondhi ghor te ase koikena Apni usorte ahise?
\v 40 Itu pichete Raja pora jowab di kena taikhan ke kobo, ‘Hosa pora Moi tumikhan ke koi ase, ki kaam tumi Moi laga bhai khan nimite kori se, tumi Moi nimite he kori se.’
\v 41 Itu pichete Tai bi kobo Tai laga baya hath phale thaka manukhan ke, ‘Moi laga usor pora dur hoi jabi, tumi paap manukhan, khotom nohua jui te jabi juntu jaga biya atma aru tai laga duth khan nimite bonai se,
\v 42 kile koile Moi bhuk lagi thakise, kintu tumikhan Moi ke eku bi khabole diya nai; Moi pyaas lagi thakise, kintu tumikhan Moi ke pani bi khabole diya nai;
\v 43 Moi nachina manu thakise, kintu tumikhan Moike mata nai; kapra laga nai, kintu tumikhan Moi ke kapra pindhi diya nai; bemar aru bondhi ghor te thakise, kintu tumikhan Moi ke sabole aha nai.’
\v 44 Itu pichete taikhan bi jowab di kena kobo, ‘Probhu, amikhan kitia Apni ke bhuka, pyasa, bahar manu, lengta, bemar, bondhi ghor te, eneka kora dikhise aru Apni ke sewa kora nai?
\v 45 Itu pichete Tai jawab di kena kobo, ‘Hosa para Moi tumikhan ke koi ase, ji kaam tumi Moi laga manukhan nimite kora nai, tumi Moi nimite bi kora nai.’
\v 46 Itu khan kitia bi khotom nohua saja pabo, kintu dharmik khan anonto jibon pabo.”
\c 26
\s Jisu Ke Morai Dibole Bhabona
\p
\v 1 Jitia Jisu sob kotha khan koi kena khotom kori se, Tai chela khan ke koise,
\v 2 “Tumikhan jani kena ase dui din pichete Nistar din ahi ase, aru Manu laga Chokra ke krus te morai dibole di dibo.”
\v 3 Itu pichete mukhyo purohit aru bura khan sob ahikena moha purohit Caiaphas laga ghor te eke logote joma hoise.
\v 4 Taikhan sob kineka kori kena Jisu ke dhoribo aru chalak pora Tai ke morai dibo, itu bhabona kori thaki se.
\v 5 Kile koile taikhan eneka koi thakise, “Khana hoi thaka laga somoite nohoi, nohoile itu nimite manukhan majote jhagara ulabo pare.”
\s Bethany Te Jisu Ke Abhishek Kora
\p
\v 6 Jitia Jisu Bethany te ekjon bemar manu Simon koikena tai laga ghor te thaki se,
\v 7 aru Tai mez te bohi thakise, ekjon mahila Jisu usorte bisi daam laga tel ke ekta mati laga kolsi te hali kena anise, aru tai Jisu laga matha te hali dise.
\v 8 Kintu jitia Jisu laga chela khan itu dikhise, taikhan ghusa hoikena koise, “Eneka nuksan kora laga motlob to ki ase?
\v 9 Itu ke bisi daam pora bikiri korikena gorib manukhan ke dibo paribole thakise.”
\v 10 Kintu Jisu, itu sob jani kena, taikhan ke koise, “Tumikhan kile itu mahila ke digdar di ase? Tai moi nimite bhal kaam kori dise.
\v 11 Kile koile tumikhan logote gorib manukhan to hodai thakibo, kintu Moi tumikhan logote hodai nathakibo.
\v 12 Kitia itu mahila pora Moi laga gaw uporte te tel hali dise, tai Moike kobor te nadhala agete taiyar kori di ase.
\v 13 Hosa pora Moi tumikhan ke koi ase, jitia itu bhal khobor pura prithibi te prochar hobo, itu mahila pora ki korise tai laga yaad te itu kotha koribo.”
\s Judas Pora Jisu Ke Thogai Diya
\p
\v 14 Itu pichete baroh jon chela majote ekjon chela, Judas Iscariot, tai mukhyo purohit khan logot jaise,
\v 15 aru koise, “Apni khan moike ki dibole itcha kori ase, jodi moi apnikhan nimite Jisu ke thogai diye?” Titia taikhan trista chandi laga sikka ulai kena taike dise.
\v 16 Aru utu somoi pora Judas to kineka korikena Jisu ke thogai dibo itu bisari thakise.
\s Chela Khan Logot Nistar Purbb
\p
\v 17 Etiya, khomir nathaka roti nakha-a laga poila din te Jisu laga chela khan eneka koi kena ahise, “Apni kuntu jaga te amikhan Nistar purbb laga khana koribole nimite jaga taiyar koribo dibo itcha ase?”
\v 18 Jisu koise, “Sheher te jaikena kunba ekjon manu logote jabi aru taike kobi, ‘Malik pora koise, “Moi laga somoi usor hoi ase. Moi tumi laga ghor te Nistar purbb khana Moi laga chela khan nimite rakhibo.”’”
\v 19 Aru chela khan eneka he korise aru taikhan Nistar purbb nimite khana taiyar kori loise.
\p
\v 20 Jitia saam hoise, Jisu tai laga barohjon chela khan logote khabole bohise.
\v 21 Aru jitia taikhan khai thakise, Jisu koise, “Hosa pora Moi tumikhan ke koi ase, tumikhan majot te ekjon pora Amike thogai dibo.”
\v 22 Taikhan huni kena bisi mon dukh hoise, aru sob chela khan hudibole shuru hoise, “Probhu, hosa pora moi nohoi na?”
\v 23 Jisu jowab di kena koise, “Itu ekjon kun Moi logote mili kena ekta thali te khaise, tai pora he Moike thogai di bo.
\v 24 Manu laga Chokra jabo lagibo, jineka Tai nimite likhi kena ase. Kintu utu manu ke bisi hai ase jun pora Manu laga Chokra ke thoga bole ase! Tai nimite to jonom nohua he bhal hobole ase.”
\v 25 Etiya Judas, kun Jisu ke thogabole thakise, jowab di kena koise, “Rabbi, hosa pora moi nohoi na? Jisu taike koise, “Tumi nijor pora he koi dise.”
\s Probhu Bhoj Sthapon Kora
\p
\v 26 Jitia taikhan khai thakise, Jisu roti loikena asis dikena bhangai se. Aru chela khan ke di kena koise, “Lobi, aru khabi. Itu Moi laga gaw ase.”
\v 27 Jisu kup to loise aru dhanyabad dise, aru taikhan ke eneka koikena dise, “Tumi khan sob itu kup pora pi lobi.
\v 28 Kile koile itu Moi laga khun dwara vachan ase, itu pora sob manu paap pora khyama pabo.
\v 29 Kintu Moi tumikhan ke koi ase, Baba laga rajyo te Moi itu notun angur phol laga ros tumikhan logot napia tak, itu angur ros to aru napibo.”
\s Peter Ashikar Koribole Thaka Jisu Pora Age Pora Koi Diya
\p
\v 30 Jitia taikhan atma laga gana kori loise, taikhan ulai kena Oliv Pahar te jaise.
\v 31 Itu pichete Jisu taikhan ke koise, “Tumikhan sob aji rati moi nimite biswas te giri jabo, kile koile eneka likhi kena ase,
\q ‘Moi mer roikhya kora manu ke morai dibo
\q Aru sob mer khan alag-alag jaga te polai jabo.’
\m
\v 32 Kintu Moi mora pora uthi ja pichete, Moi tumi khan laga age Galilee te jabo.”
\m
\v 33 Kintu Peter jowab di kena Jisu ke koise, “Jodi sob manu Apni ke chari le bi, moi Apni ke kitia bi nacharibo.”
\v 34 Jisu tai ke koise, “Hosa pora Moi tumike koi ase, aji rati te, murga phojur te hala nakora agete, tumi Moike tin bar najane kobo.”
\v 35 Peter Jisu ke koise, “Jodi moi Apni logote moribo lage koile bi, moi kitia bi Apni ke najane nakobo.” Aru sob chela khan bi eneka eke kotha koise.
\s Gethsemane Te Jisu Prathana
\p
\v 36 Itu pichete Jisu taikhan logote Gethsemane koikena ekta jaga te jaise, aru chela khan ke koise, “Yate bohi thakibi Moi jaikena tate prathana koribo.
\v 37 Jisu pora Peter aru Zebedee laga duita chokra khan ke Tai logote loi jaise aru bisi chinta hoikena mon dukh kori jaise.
\v 38 Itu pichete Jisu taikhan ke koise, “Moi laga atma to bisi mon dukh ase, mori jabo nisena tak. Yate thakibi aru Moi ke rukhi thakibi.”
\v 39 Aru Jisu olop agete jaise, aru matha niche korikena prathana korise. Tai koise, “Moi laga Baba, jodi Apni itcha hoile, itu kup to Moi usor pora hatai dibi. Kintu, Moi laga itcha pora nohoi, hoile bi Apni laga itcha pora he.”
\v 40 Titia Jisu ahi kena chela khan ke ghumai thaka dikhise, aru Peter ke koise, “Tumikhan Moi nimite ek ghanta bi rukhibole para nai?
\v 41 Sai thakibi aru prathana kori thakibi, titia tumi khan porikha te nagiribo nimite. Atma to hosa pora bi itcha ase, kintu mangso to komjur ase.”
\v 42 Tai aru dusra bar prathana koribole jaise, Tai koise, “Moi laga Baba, jodi itu Moi nakha tak Moi pora paar nohoi koile, Apni laga itcha hobi.”
\v 43 Tai aru bi ahi kena taikhan ke ghumai thaka dikhise, kile koile taikhan laga suku neendh pora bhari hoikena thakise.
\v 44 Taikhan ke aru chari kena aru tin bar ula prathana koribole jaise, aru age nisena he koise.
\v 45 Itu pichete Jisu ahikena Tai laga chela khan ke koise, “Tumikhan aru bi ghumai kena aram kori ase? Sabi, somoi to ahi ase aru Manu laga Chokra ke thogai kena paapi manu laga hath te dibole ase.
\v 46 Uthi bi, ami khan jabo. Sabi, kun moike thoga bole ase, tai usorte ahi ase.”
\s Jisu Ke Thogai Kena Dhori Luwa
\p
\v 47 Jitia Tai kotha kori thakise, titia, Judas, baroh jon chela majote ekjon ahise. Tai logote bisi manukhan talwar aru lathi dhori kena thakise, mukhyo purohit aru cholawta khan pora pathai se.
\v 48 Titia itu manu kun Jisu ke thogai dibole thakise tai pora ekta chihna korikena koise, “Kun ke moi chuma dibo, tai he ase. Tai ke dhori bi.”
\v 49 Loge-loge tai Jisu usorte ahise aru koise, “Salam, Rabbi!” Aru tai Jisu ke chuma dise.
\v 50 Jisu taike koise, “Sathi, tumi ki koribole ahise itu kori lobi.” Itu pichete taikhan ahise, Jisu uporte hath lagaise, aru dhuri loise.
\v 51 Sabi, ekjon kun Jisu usorte thaki sele tai laga hath khuli se, aru tai laga talwar ulai kena moha purohit laga nokor ke marise aru tai laga kaan kati dise.
\v 52 Titia Jisu taike koise, “Tumi laga talwar kote pora ulai se tate wapas rakhibi, kun manu talwar uthabo tai itu talwar pora khotom hoi jabo.
\v 53 Nohoi le bi tumi khan bhabe Moi Baba ke mati bo naparibo, aru Tai baroh sorgoduth khan laga legion ek bar pora pathai dibo koikena?
\v 54 Kintu eneka hoile Isor kotha ki likha ase itu kineka purah hobo, yate ki hoi ase itu sob nohoile?”
\v 55 Utu somoite Jisu manukhan ke koise, “Tumikhan talwar aru lathi loikena Moi ke dhori bole ahise naki, jineka ekta chor ke dhuribole aha nisena? Hodai Moi mondir te bohi kena sikhai thakise, aru tumikhan utu somoite Moi ke dhura nai.
\v 56 Kintu itu khan sob purah hoise, tineka hoile bhabobadi khan pora likhi kena thaka khan pura hobo nimite.” Itu pichete sob chela khan Jisu ke chari kena polai jaise.
\s Jisu Caiaphas Age Te
\p
\v 57 Jun khan Jisu ke dhori kena loi jaise, aru Caiaphas ekjon maha purohit laga usorte loi jaise, juntu jaga te kanun likha khan aru bura manu khan joma hoikena thakise.
\v 58 Kintu Peter dur pora Jisu laga piche korise aru moha purohit laga bisar kora jaga te jaise.
\v 59 Etiya moha purohit aru tailaga sabha manu khan Jisu ke morai dibo koikena misa gawahi dibole manu bisari thakise.
\v 60 Taikhan ekjon bi pa-a nai, itu laga agete bisi misa laga gawahi dibole khan thakisele. Kintu pichete khali duijon he agete ahise,
\v 61 Aru koise, “Itu manu koise, ‘Moi itu Isor laga girja ghor ke bhangai kena aru tin din te bonai dibo pare.’”
\v 62 Utu dangor purohit khara kori kena Tai ke koise, “Apni logote eku jowab nai? Itu khan ki ase taikhan pora Apni uporte gawahi di thaka to?”
\v 63 Kintu Jisu chup chap thakise. Aru dangor purohit Tai ke koise, “Moi jinda Isor laga naam pora apni ke hukum di ase, Apni amikhan ke kobi Apni Isor laga Chokra, Khrista to ase na nohoi.”
\v 64 Jisu taikhan ke jowab dise, “Tumi nijor pora he koi dise. Kintu Moi tumi ke koi ase, etiya pora tumikhan Manu laga Chokra ke Hokti laga dyna hath te bohi thaka dikhibo, aru akas laga badal uporte aha dikhibo.”
\v 65 Itu pichete moha purohit tai laga kapra phataise, aru koise, “Itu manu Isor laga bodnam korise! Amikhan aru ki etiya gawahi lage? Sabi, etiya amikhan sob Isor laga bodnam huni loise.
\v 66 Tumi khan laga ki bhabona ase?” Taikhan jowab di kena koise, “Tai to mora he thik hobo.”
\v 67 Itu pichete taikhan Jisu laga chehera te thuki se aru Tai ke marise, aru kunba khan to thapor marise,
\v 68 eneka koi kena, “Amikhan ke bhabobani koribi, tumi Khrista. Kun pora tumi ke mari ase?”
\s Peter Pora Jisu Ke Ashikar Kora
\p
\v 69 Etiya, Peter to ghor bahar te bohi thakise, aru ekjon nokor chukri tai usorte ahise aru koise, “Tumi bi Jisu logote Galilee te thakise.”
\v 70 Kintu tai sob laga usorte nohoi koise, “Tumi ki laga kotha kori ase moi najane.”
\v 71 Jitia tai dorja laga bahar te ulaise, dusra ekjon nokorni taike dikhi se aru manukhan ke koise, “Itu manu bi Nazareth Jisu logote thaki se.”
\v 72 Tai aru bi nohoi koi kena kosom khaise, “Moi itu manu ke najane!”
\v 73 Aru olop deri pichete jun khan tate khara thakise, taikhan ahikena Peter ke koise, “Hosa pora tumi bi taikhan majote ekjon ase, tumi laga kotha kora pora he bujhi jaise.”
\v 74 Itu pichete tai kosom dise aru khaise, “Ami itu manu ke najane,” aru loge-loge murga hala korise.
\v 75 Itu pichete Peter Jisu pora ki hoise le itu yaad kori se, “Murga hala nakora agete tumi Moi ke tin bar najane kobo.” Eneka hoikena tai bahar te ulaise aru bisi mon tita hoikena kandi se.
\c 27
\s Pilate Logot Jisu Ke Diya
\p
\v 1 Kitia phojur hoise, sob moha purohit khan aru bura khan mili kena Jisu ke morai dibole kotha milai thakise.
\v 2 Tai khan Jisu ke bandi kena loi jaise, aru rajyopal Pilate laga hath te dise.
\s Judas Fansi Kora
\p
\v 3 Itu pichete Judas, jun pora Jisu ke thogai se, Jisu ke bodnam kora dikhi se, aru tai mon ghurai kena trista chandi laga sikka moha purohit khan aru bura khan ke eneka koikena wapas kori dise,
\v 4 “Moi ekjon eku golti nathaka laga khun ke thogai dise.” Kintu taikhan koise, “Utu ki ase amikhan nimite? Nijor pora sai lobi.”
\v 5 Titia tai chandi laga sikka khan mondir te phelai dise, aru bahar te ulai jai kena nijor ke fansi lagai kena mori jaise.
\v 6 Titia moha purohit khan chandi laga sikka khan loikena koise, “Itu chandi laga sikka khan tijori te rakhibole niom nai, kilemane itu sikka khun laga daam te diya hoise.”
\v 7 Taikhan sob eke logote mili kena kotha korise aru itu poisa loikena mati kinise aru itu jaga to nachina manu khan laga kobor nimite rakhise.
\v 8 Itu karone, aji tak itu mati ke, “Khun laga Kheti” koikena rakhi ase.
\v 9 Jeremiah bhabobadi pora ki kotha koi disele itu sob purah hoi jaise, “Taikhan trista chandi laga sikka loise, aru Israel laga bacha khan pora tai uporte itu daam rakhi dise,
\v 10 aru taikhan itu loi kena mati kini loise, Probhu pora jineka moike koi diya nisena.”
\s Pilate Age Te Jisu
\p
\v 11 Titia Jisu rajyopal usorte khara korise aru tai pora Jisu ke hudise, eneka koikena, “Apni Yehudi khan laga Raja ase naki?” Jisu taike jowab dise, “Apni he koise.”
\v 12 Kintu jitia moha purohit aru bura khan pora Jisu ke doshi dise, Tai eku jowab diya nai.
\v 13 Itu pichete Pilate Jisu ke koise, “Apni uporte bodnam khan ani kena diya to Apni huna nai naki?
\v 14 Kintu Jisu taike jowab diya nai, Tai ke bodnam kora khan ke bi, titia rajyopal itu dikhi kena bisi asurit lagise.
\s Ginti Napara Manu Khan Pora Barabbas Ke Bachaise \s5
\v 15 Etiya dangor kha luwa laga niom hisab te manu khan nimite rajyopal pora tai khan ke bondhi ghor pora chari dibole mon kore taikhan basi lobo pare.
\v 16 Itu somoi te taikhan logote ekjon bisi biya koidi Barabbas koi kena thakise.
\v 17 Jitia tai khan sob eke logote joma hoise, Pilate taikhan ke koise, “Tumi khan nimite kun ke chari dibo? Barabbas na Jisu jun ke Khrista mate?”
\v 18 Kile koile Pilate jani thakise taikhan Jisu ke ghin kora nimite tai laga hath te dise.
\v 19 Kintu jitia tai bisar kora jaga te bohi thakise, tai laga maiki pora kotha pathai kena koise, “Itu golti nathaka manu logote eku nakoribi, kile mane moi aji Jisu laga sapna dikhi kena bisi dukh pai ase.”
\v 20 Titia mukhyo purohit khan aru bura khan pora tate joma thaka manu khan ke Barabbas ke chari dibole nimite koise, aru bodli te Jisu ke morai dibole mangise.
\v 21 Titia rajyopal jowab di kena taikhan ke koise, “Itu duijon majot te moi pora jun ke kun ke chari dibole tumikhan laga itcha ase?” Taikhan koise, “Barabbas.”
\v 22 Pilate taikhan ke koise, “Tinehoile moi itu Jisu kun Khrista ase koi tai logote ki koribo?” Taikhan sob jowab dise, “Taike krus te morai dibi.”
\v 23 Titia tai koise, “Kile, Tai ki laga golti kaam korise?” Kintu taikhan jor pora hala kori kena koise, “Tai ke krus te mari dibi.”
\s Jisu Ke Krus Te Morai Dibole Pilate Pora Hukum Diya \s5
\v 24 Jitia Pilate dikhise tai aru eku koribole napara hoise, aru manu khan pora dangor jhagara ulai dibo koikena jani loise, itu pora tai manu khan usorte hath dhulaise aru koise, “Itu manu laga khun nimite moi laga eku golti nai, tumikhan nijor pora he sai lobi.”
\v 25 Sob manu khan jowab di kena koise, “Tai laga khun to amikhan aru amikhan laga bacha khan uporte ahibole dibi.”
\v 26 Titia Barabbas ke taikhan nimite chari dise kintu tai Jisu ke mari kena dukh diya pichete Tai ke krus te morai dibo khan nimite di dise.
\s Jisu Ke Ninda Kora
\p
\v 27 Titia rajyopal laga sipahi khan Jisu ke rajyopal logote loi jaise jun jaga te sipahi khan joma korikena thakise.
\v 28 Taikhan Jisu laga kapra ulai dise aru sundur rong laga kapra Taike pindhai dise.
\v 29 Aru kata laga mukut bonaikena Tai laga matha te lagai dise aru dyna hath te ekta lathi dhori bole dise.
\v 30 Taikhan Jisu usorte athukari loise aru taike sorom khilai dise, aru matha te mari di kena eneka koise, “Hey Yehudi laga Raja!”
\v 31 Jitia taikhan Jisu ke sorom khilai dise, taikhan kapra ulai loise aru tailaga nijor kapra aru lagai dise, aru krus te mari dibole nimite loi jaise.
\s Krus Te Morai Diya
\p
\v 32 Jitia taikhan bahar te ulai ahise, ekjon Cyrene pora Simon koikena paise, jun ke taikhan krus bukhi bole dise.
\v 33 Taikhan Golgotha koikena ekta jaga te ahise, itu motlob to “Matha Hardi laga Jaga.”
\v 34 Taikhan Jisu ke dawai milai kena thaka draikha ros khabole dise. Kintu jitia Tai itu jiba te chati sai se, Tai itu khabo para nai.
\v 35 Jitia taikhan Jisu ke krus te mari dise, taikhan Jisu laga kapra khan chithi khili kena bhag kori loise,
\v 36 aru taikhan tate bohi kena Jisu ke rukhi thakise.
\v 37 Aru Jisu laga matha uporte taikhan eneka likhi dise, “Itu Jisu ase, Yehudi jati laga Raja.”
\v 38 Itu pichete utu duita chor ke Jisu logote krus te mari dise, ekjon Tai laga dyna phale aru ekjon ke Tai laga baya phale.
\v 39 Jun manu itu paar korikena jai taikhan Jisu ke dikhi kena sorom khilai diye aru taikhan laga matha hilai kena hath milai,
\v 40 aru eneka koikena, “Tumi jun Isor laga mondir ke bhangai kena tin din pichete bonaidibo thakise, nijor ke bachabi! Jodi Tumi Isor laga Chokra ase koile, krus pora nami kena ahibi!”
\v 41 Itu nisena moha purohit khan bi Jisu ke sorom khilai dise, aru taikhan logote kanun jana manu aru cholawta khan bi thakise, aru koise,
\v 42 “Tai dusra manukhan ke bachai dise, kintu Nijor ke bachabole para nai. Tai Israel desh laga Raja ase. Tai ke krus pora nami kena ahibo dibi, aru itu pichete amikhan Tai ke biswas koribo.
\v 43 Tai Isor ke biswas kore, Isor ke Tai ke bachabole dibi etiya, jodi Isor Tai ke lage koile. Kile mane Tai koise, ‘Moi Isor laga Chokra ase.’”
\v 44 Itu nisena chor duita jun Jisu logote krus te mari dise, tai bi Jisu ke sorom khilai diya laga kotha koise.
\s Jisu Mora
\p
\v 45 Aru jitia choi ghanta hoise pura jaga te andhera ahi jaise aru pura nou ghanta nohua tak andhera thaki se.
\v 46 Jitia nou ghanta hoi jaise, Jisu ekdom jor pora kandise, eneka koi kena, “Eli, Eli, lama sabachthani?” Itu mane, “Ami laga Isor, Ami laga Isor, Apni kile Moi ke chari dise?”
\v 47 Jitia tate khara kori thaka manu khan itu kotha hunise, taikhan koise, “Tai Elijah ke mati ase.”
\v 48 Titia ekjon manu polai jaikena norom kapra te tenga ros pani pora bhorta hoikena thaka loikena anise, aru ekta lamba ghar laga khuri te lagai se, aru tai ke di kena Jisu ke khila bole dise.
\v 49 Tate thaka manukhan pora koise, “Tai ke ekla chari di bi. Moi khan sabo jodi Elijah ahikena Tai ke bachai na nai.”
\v 50 Itu pichete Jisu aru bi hala kori kena jor pora kandise aru Tai laga atma ke chari dise.
\v 51 Itu somoite, mondir laga purdah upor pora loikena niche tak dui bhag hoikena phati jaise, aru mati hili jaise, aru pathor khan bi bhangi kena adha hoi jaise.
\v 52 Kobor khan khuli jaise, aru bisi pobitro manukhan laga gaw khan jun ghumai thakise taikhan jinda hoi jaise.
\v 53 Taikhan Jisu jinda huwa pichete kobor pora ulai kena ahise, pobitro sheher te ghusi se, aru bisi manu ke dikhai dise.
\v 54 Aru jitia sipahi aru kun tai logote thaki kena Jisu ke sai thakise, mati hila aru ki hoise itu dikhise, taikhan bisi bhoi lagise aru koise, “Hosa pora itu manu to Isor laga Chokra thakise.”
\v 55 Aru bisi maiki khan jun Jisu laga pichete Galilee pora berai thakisele taikhan tate thakise aru dur pora Jisu ke sai thakise.
\v 56 Taikhan majote Mary Magdalene, Joseph aru James laga ama Mary, aru Zebedee laga chokra khan laga ama bi thakise.
\s Jisu Ke Kobor Dise
\p
\v 57 Jitia saam hoise, ekjon dhuni manu Joseph koi kena Arimathea pora ahise, tai bi Jisu laga chela thakisele.
\v 58 Tai Pilate usorte jaikena Jisu laga gaw to mangi se. Itu pichete Pilate pora hukum di kena tai ke dise.
\v 59 Aru Joseph pora Jisu laga gaw to loise, aru mihin  kapra pora bandhi dise.
\v 60 Aru tai nijor laga notun kobor te rakhi dise, juntu tai pathor kati kena rakhi thakisele. Itu pichete tai ekta dangor chaka nisena pathor pora kobor to bondh kori dise aru tai jai jaise.
\v 61 Mary Magdalene aru dusra Mary bi tate thakise, kobor laga utu phale bohi thakise.
\s Koboristan Te Rukhi Thaka Sipahi khan
\p
\v 62 Dusra din, juntu din to Taiyar Kora din pichete thakise, maha purohit khan aru Pharisee khan eke logote Pilate usorte joma hoikena thakise.
\v 63 Taikhan koise, “Sahab, amikhan yaad ase jitia utu thogai diya manu jinda thaka somoite, tai koise, ‘Tin din pichete moi jinda hobo.’
\v 64 Itu karone hukum dibi, tin din tak itu kobor to bhal kori kena pehera dibole nimite, nohoile Tai laga chela khan ahikena chor kori loi jabo, aru manu khan ke kobo, ‘Tai mora pora jinda hoi jaise.’ Aru poila pora bi etiya laga kotha to bisi hoi jabo.”
\v 65 Pilate taikhan ke koise, “Ekjon sipahi ke lobi. Jabi aru tumi kineka pora pehera laga bo paribo, itu nisena koribi.”
\v 66 Titia taikhan jaikena kobor ke bhal pora pehera dise, pathor te mohor marikena sipahi khan ke rukhibo dise.
\c 28
\s Punoruthan Huwa
\p
\v 1 Etiya Bisram din khotom hobole hoise, jitia hapta laga poila din ulai thakise, Mary Magdalene aru dusra Mary kobor sabole ahi se.
\v 2 Aru sabi, tate bisi dangor mati hili se, kile koile Probhu laga ekjon sorgoduth sorgo pora nichete namise, aru pathor ke ghurai kena hatai dise, aru itu uporte bohi jaise.
\v 3 Tai laga chehera to bijili nisena, aru tai laga kapra to borop nisena boga thakise.
\v 4 Kobor rukhi thaka sipahi khan dikhi kena bhoi pora hili jaise aru taikhan mora manu nisena hoi jaise.
\v 5 Kintu utu sorgoduth kotha korikena maiki khan ke koise, “Bhoi nakoribi, kile koile moi jani ase tumikhan Jisu ke bisari bole ahise, jun ke krus te mari disele.
\v 6 Tai yate nai, kintu jinda hoise, jineka Tai pora koise. Ahi kena sabi juntu jagate Tai ke rakhi sele.
\v 7 Joldi jabi aru chela khan ke kobi, ‘Tai to mora pora jinda hoise. Sabi, Tai Galilee te tumikhan age jai ase. Tate tumikhan Tai ke dikhibo.’ Sabi, Moi tumikhan ke koi dise.”
\v 8 Mahila khan dangor bhoi aru khushi pora kobor ke chari kena joldi jaise, aru chela khan ke kobole nimite polai kena jaise.
\v 9 Sabi, Jisu taikhan ke lok paise, eneka koikena, “Salam!” Utu mahila khan ahikena Tai laga theng dhuri kena Tai ke aradhana kori se.
\v 10 Itu pichete Jisu taikhan ke koise, “Bhoi nakuribi. Jabi jaikena Moi laga bhai-kokai khan ke Galilee te jabole kobi. Tate taikhan Moi ke dikhibo.”
\s Sipahi khan Laga Khobor
\p
\v 11 Jitia mahila khan jai thakise, titia, kunba sipahi khan sheher te jaise aru moha purohitkhan ke ki hoise sob koi dise.
\v 12 Jitia taikhan bura khan ke lok korise aru taikhan ke bi ki hoise itu koi dise, aru taikhan sipahi khan ke bisi poisa dise,
\v 13 aru koise, “Eneka kobi, ‘Tai laga chela khan rati te ahikena Tai laga gaw chor korise, jitia amikhan ghumai thaki se.’
\v 14 Jodi itu khobor rajyopal tak punchi jai, amikhan tai logote kotha koribo aru tumikhan uporte digdar ahibo nadibo.”
\v 15 Titia sipahi khan poisa loise aru taikhan pora ki koise itu he koise. Itu laga kotha bisi Yehudi manukhan pora hunise aru aji tak itu kotha koi thake.
\s Dangor Adhikar
\p
\v 16 Kintu egaroh jon chela Galilee te jaise, ekta pahar te jun to Jisu pora ahibole koise.
\v 17 Jitia taikhan Jisu ke dikhise, taikhan Tai ke aradhana korise, kintu kunba taikhan majote bhabona korise.
\v 18 Jisu taikhan usorte ahise aru kotha korise aru koise, “Sob sorgo aru prithibi laga adhikar Moi ke dise.
\v 19 Itu nimite jabi aru sob desh te Moi laga chela bonabi. Taikhan ke Baba, Chokra aru Pobitro Atma laga naam pora baptizma dibi.
\v 20 Taikhan ke Moi ki hukum dise itu khan sikhai dibi. Sabi, Moi tumi khan logote hodai ase, itu jamana laga hekh din tak.”