BCS-BIBLE_IndianStandardVersion-Nagamese-NT/Stage 2/611PEIRVNag.SFM

\id 1PE - Indian Revised Version (IRV) Nagamese
\c 1
\v 1 Peter, Jisu Krista laga ekjon apostle, aru kiman manu dusra desh te jai kena thaki ahse, bachi luwa khan, Pontus, Galatia, Cappadocia, Asia, aru Bithynia te thaki ahse
\v 2 Aru kun khan ke Baba Isor gyan para mati kena rakhi ahse, atma laga kotha mani kena thakibole nimite alak kori kena rakhi ahse aru Jisu Krista laga khun para sapha kori dise. Anugrah tumi khan logote hobole dibi, aru shanti hodai tumi khan uporte bisi bhorta hoi thakibole dibi.
\v 3 Baba Isor aru Probhu Jisu Krista laga mahima hodai hobole dibi! Tai laga dangor morom te, Tai moi khan ke nutun jonom dise aru Jisu Krista ke mora para jinda kori kena moi khan ke bisas te jinda thakibole nimite ekta asha rakhi dise.
\v 4 Aru eitu Jibon ketiya bhi naharabole laga dise, aru tate eku dagi nathakibolo, aru ketiyabi harai najabo. Eitu moi khan nimite sworgote rakhi di kena ahse.
\v 5 Apani khan ke Isor laga takot aru bisas para bachai kena rakhi ahse, jetiya tak ananta jibon kun tu apuni khan nimite tayar kori kena ahse eitu last homoi te dekhai nediye.
\v 6 Apuni khan eitu sob nimite bisi khusi kori kena ahse, etiya nimite, aru olop din tak, jodi dorkar hoi, apuni khan dikdar pa homoi te mon duk pabo.
\v 7 Eitu sob tu apuni laga bisas tu dikai dibole nimitw ahse, aru eitu harai juwa laga suna para bhi bibi dam laga ashe. Jodi bhi apuni ke jui para porikha kore, apuni laga bisas mohima para pabo, aru prasansa, aru adar hobo jetiya Jisu Krista ke apuni khan dekhibo.
\v 8 Apuni khan Tai ke dekha nai, kintu Tai ke morom kore. Apuni khan etiya Tai ke dekhanai, Kintu Tai ke bisas kore aru kobole napara laga anado aru khusi para Tai ke mohima deye.
\v 9 Apuni khan etiya nizor bisas para parinam pai ahse, atma laga ananta jibon.
\v 10 Prophets khan ananta jibon ki ahse koi kena bhal para bisarise, aru tai khan morom laga bhowani apuni khan nimite koi dise.
\v 11 Tai khan janibole nimite bisarise kun ke Krista laga atma para ki koi ahse. Atma pora tai khan ke jisu Krista kena dukh pabole ahse eitu koi dise aru eitu pichete ki hobole ahse eitu khan sob tai khan ke janai dise.
\v 12 Tai khan nijor ke sewa kora nai koi kena koi dise,kintu apuni khan,Isor laga kotha prochar kora manu sworgo pora pobitro atma loi kena jetiya tai khan apuni ke eitu kotha kun tu etiya huni ahse eitu khan sob koise-eitu kotha khan sworgodut khan bhi sabole mon korise.
\v 13 Eitu nimite apuni khan laga bawana te bag thaka ke dhori lobi. Nomro hoi jabi. Apuni khan laga ahse pura Tai laga mohima te rakhibi Jetiya Jisu Krista ahibo titiya sob tu dekhai dibo.
\v 14 Ekta kotha mani kena thaka bacha nisina, pohila te najani kena thaka nisina nizor te duniya laga echa te nathakibi.
\v 15 Kintu kun apuni ke matise tai pobitro thaka nisina, apuni, bhi, apuni laga sob kam te pobitro thakibi.
\v 16 Kelemane eneka likha ahse, " Pobitro thakibi, kele mane moi pobitro ahse."
\v 17 Eitu nimite Jodi apuni. " Baba mate' eitu ekjon kun manu laga kam sai kena bichar kore, apuni laga sob kam te Tai ke bhoi kori kena thakibi.
\v 18 Apuni khan jane harai ja laga suna chandi pora apuni khan ke bachai luwa nai kintu apuni laga okora kam aru ki tu tumi khan laga baba khan pora shikise.
\v 19 Kintu, apuni khan ke Jisu Krista laga khun para bachai loise, aru Tai ekta jokom aru dagi nathaka memna nisina ahse.
\v 20 Tai ke eitu duniya suru nohuwa ahge pora bachi kena rakhi dise, kintu Tai ke eitu last homoi te apuni khan ke dekhai dise.
\v 21 Tai nimite apuni khan Isor ke bisas kore, kun Tai ke mora para jinda kori dise aru sob mohima dise, eitu pora apuni laga bisas aru ahsa Isor uporte hodai thakibole nimite.
\v 22 Apuni khan atma hosa kotha parea sapha kori loise. Aru eitu sob nizor kokai bhai ke morom kori kena thakibole nimite; eitu nimite ekjon-ekjon ke sapha mon para morom kori kena thakibi.
\v 23 Apuni khan nutun jonom hoise, harai ja laga bijon pora nahoi, kintu ketiya bhi nahara laga bijon pora, aru hodai jinda thaka Isor laga kotha para.
\v 24 Kelemane, " Sob gaw mangso ghas nisina ahse, aru tai laga sob mohima jongol te ulai thaka phul nisina ahse, eitu ghas shuki jai, aru phul khan giri jai,
\v 25 Kintu Probhu laga kotha hodai nimite thake," Eitu Isor laga kotha apuni khan nimite koi dise.
\c 2
\v 1 Eitu nimite sob beya kam khan chari dibi, aru sob thokai diya kam aru manu logote dusmani kori thaka khan aru kiman beya bhabna mon te rakhi ahse eitu khan chari dibi.
\v 2 Ekta nutun jonom kori kena thaka bacha nisina, atma laga asol duth nimite echa koribi, eitu pora apuni laga ananta jibon pabole aru bisi echa hobo,
\v 3 Jodi apuni Probhu laga morom teste kori kena saise.
\v 4 Tai logote ahibi kun ekta jinda pathor ahse jun ke manu khan pora chari disele, Kintu Isor hai Tai ke bachi loise aru Isor nimite sob pora dam laga ahse.
\v 5 Apuni khan bhi ekta jinda pathor pathor nisina ahse kun ke atma laga ghjor bonai dise, eitu pora moi khan Isor laga pobitro puhorit bobo aru Jisu Jrista ekta atma laga balidan kori kena thakisbo.
\v 6 Eitu nimite, Isor laga kotha te eneka koi ahse: " Sabi, Moi Zion te kunar laga pathor dhali ahse, bachi kena aru bisi dam laga kun manu Teo ke bisas kore tai ketiya bhi sorom nakhabo."
\v 7 Apuni khan kun bisas kore tai nimite sanman pabo. Kintu jun kotha namane, " Eitu dise, eitu kunar laga pathor matha hoi jaise"-
\v 8 Aru " Ekta rasta bon kori diya pathor aru kuntu tai khan ke giribole diye." Tai khan giri kelemane tai khan Isor laga kotha namane- aru eitu nimite hai tai khan ke bachi loise.
\v 9 Kintu apuni ekta bachi luwa manu ahse, ekta bhal purohit, ekta pobitro desh, Isor laga manu khan, eitu pora apuni khan Teo laga asurit kam khan manu ke koi dibo kun hai apuni ke andhera para mati kena ujala te loi ahnise.
\v 10 Ekta homoi te apuni khan Teo laga manu thaka nai, Kintu etiya apuni khan Isor laga manu hoi jaise. Apuni khan pohila te morom paise.
\v 11 Mororm laga bhai khan, Moi apuni khan ke dusra desh laga manu khan ke mata nisina mangso laga echa para dur thakibole nimite matise, kun tu pora apuni laga atma logote larai kori ahse.
\v 12 Dusra jat manu khan logote apuni khan bhal kam kori kena dekhai dibi, eitu pora jodi tai khan apuni pora beya kam kori thaka nisina kotha kore, tai khan apuni laga bhal kam tu dekhibo aru Isor aha laga din te Teo ke mohima dibo.
\v 13 Manu pora ki adhikar cholai ahse eitu Probhu laga pora mani kena thakibi. Prithibi laga raja khan ke mani kena thakibi,
\v 14 Aru cholawra khan ke, kun tai ke pothai se beya kam kora manu khan ke sajai debole nimite aru kun bhal kam kore tai ke prasansa koribole nimite.
\v 15 Kelemane eitu Isor laga echa ahse, eitu pora apuni ki bhal kam kori ahse eitu dekhi kena okora manu khan laga kam nathaka kotha ke chup koribole paribo.
\v 16 Ekta azad manu nisina, apuni laga azadi ke beya kam khan bon koriboe nimite nocholabi, kintu Isor laga sewak nisina thakibi.
\v 17 Sob manu ke sanman koribi. Bhai kokai ke morom koribi. Isor ke bhoi koribi. Aru raja ke saman koribi.
\v 18 Sewak khan, malik ke sob kam pora sewa koribi. Khali bhal aru morom kora malik ke hai sewa nokoribi, kintu kun malik beya ahse tai ke bhi sewa koribi.
\v 19 Kelemane kun Isor ke bhoi kori kena sob dukh dikdar pora kam khan kori thake tai ke hai sob saman kori kena ucha uthai dibo.
\v 20 Apuni khan laga ki lab ahse jodi apuni pap kori kena aru eitu laga sajai bhi pai? Kintu jodi apuni bhal kam kori kena eitu pora sajai pa homoi te dukh pai, eneka korile hai apuni Isor usorte mahima pabole yoge ahse.
\v 21 Kelemane eitu nimite hai apuni ke matise, aru Krista bhi apuni nimite dukh paise. Teo laga jobon pora apuni khan bhal rasta te berabole nimite dekhai dise.
\v 22 " Teo eku pap kam kora nai, aru Teo laga mukh pora ketiya bi beya kotha ulanai."
\v 23 Jetiya Teo ke beya kotha khan koisile, Teo wapas tai khan ke beya koyha koi kena jawab deyanai. Jetiya Teo dukh paise, Teo tai khan ke wapas dukh pabole nimite domki deyanai, kintu Teo kun bhal pora bichar kore tai ke nijor jibon tu di dise.
\v 24 Teo moi `khan laga pap tu uthai kena nizor gaw tu cross te moribole dise, eitu pora moiu khan pap te eku bhag nathakibole nimite, aru moi khan dharmic jibon loi kena jinda thakibo. Teo laga ahaw pora moi khan changai paise.
\v 25 Kelemane apuni khan harai ja bhera nisina berai thakise, kintu etiya apuni bhera rukha manu logote wapas ahi jaise aru apuni khan laga atma bachai deya malik usorte ahise.
\c 3
\v 1 Eitu nisina, shadi kora maiki khan nizor laga mote logote bhal kori kena thakibi eneka korile kunba mota kun Isor laga kotha namani kena ahse, tai khan ke eku kotha nokoi kena jiti lobole paribo, tai khan maiki laga adat sai kena.
\v 2 Jitiya tai khan apuni laga bhal kam aru adat khan dekhibo.
\v 3 Apuni laga sundur tu bahar laga saman pora nedekhabi, suna laga mala lagai kena, aru bhal sundur kapur khan lagai kena.
\v 4 Kintu apuni laga bhal aru bhitor mon tu hai dekhai dibi, aru ketiya bhi khotom nokora sundur aru shanti laga pora thaka atma tu dekhai debi, eitu hai Isor usorte bisi dam laga ahse.
\v 5 Kelemane pohila te pobitro maiki khan kun Isor ke mohima kore tai khan eneka korise, tai khan laga mota ke pura di dise.
\v 6 Eitu nisina Sarah pora Abraham laga kotha mani kena tai ke probhu matise. Apuni khan bhi tai laga bacha ahse joldi apuni khan ki bhal ahse eitu kore aru jodi apuni khan dukh aha tu bhoi nokore.
\v 7 Eitu nisina, shadi kora mota khan nizor maiki logote mili kena thakibi, aru tai khan komjor ahse koi kena tai khan ke bhal pora sabi, apuni laga maiki ke. Apuni khan tai khan ke saman dibi aru jibon te asirbad ana ekjon ahse koi kena tai khan logote bhal pora thakibi eneka korile apuni laga prathana te ketiyabi dekdar nahobo.
\v 8 Kintu etiya, apuni khan sob, ekta bhabna hoi jabi, nomro koribi, kokai bhai ke morom koribi, mon tu shanti rakhibi, aru chutu hoi kena thakibi.
\v 9 Manu pora beya kam korile wapas aru beya kam korikena nedekhabi aru apunike sorom khelai diya kotha koile aru wapas tai ke sororm nekhelabi. Kintu manu pora ki koilebi, tai ke asirbad dibi, kelemane eitu nimite apuni ke mati loise, eitu pora apuni asirbad pabo.
\v 10 Kelemane, " Kun manu jibon tu morom kore aru bhal din dekhibole mon ahse tai nizor laga jiba ke beya kotha pora rukhai kena rakibi aru tai laga mukh pora beya kotha ula bole nidibi.
\v 11 Kintu tai nizor ke beya kam pora dur hoi kena thakibole dibi aru ki bhal kam ahse eitu koribi. Tai ke shanti bisari bole dibi aru eitu te thakibole nimite kushis koribi.
\v 12 Probhu laga chuku dramic manu ke hai sai thake, aru Teo laga kan tai khan pora ki koi eitu hune kintu kun manu Probhu laga birot te beya kam kore Teo laga chehera tai khan usorte thake."
\v 13 Kun manu apuni dukh koribole dibo nimite kam kore jodi apuni bhal kam jore ahse?
\v 14 Kintu apuni dharmic aru bhal kori kena dukh pai thakilebhi, apuni asirbad ahse. eitu nimite tai khan apuni ke bhoi khelalebi bhoi nokoribi, aru chinta nokoribi.
\v 15 Kintu, hodai Probhu Krista ke apuni laga man te pobitro rakhibi. Aru hodai jawab dibole nimite tayar thakibi jodi manu khan apuni ke Isor apuni nimite ke ahse eitu kotha hudile.
\v 16 Kintu eneka sob kotha khan apuni nomro aru manu ke saman di kena koribi. Jitiya tai khan apuni ke kotha hude eitu homoi te apuni laga babna sapha rakhibi, aru kun manu apuni laga bhal jibon dekhi kena apuni sorom khelai tai Krista apuni logote ahse koi kena sorom hoi jabo.
\v 17 Kelemane eitu bhal ahse, jodi Isor echa kore, apuni beya kori kena thaka pora bhal kam kori kena dukh pai thaka tu hai bhal ahse.
\v 18 Kelemane Krista bhi pap nimite bisi dukh paisile. Teo ekjon dramic thakise kintu moi khan nimite dukh paise, kun bhal pora thaki ahse, eitu pora moi khan kun bhal pora thaki ahse, eitu pora moi khan ke Teo Isor usorte anibole nimitw Teo ke gaw mangso te morai dise, kintu atma pora Teo ke jinda kori dise.
\v 19 Aru atma pora, Teo atma khan logote prochar koribole jaise kun eitya jail te thaki ahse.
\v 20 Tai khan kotha namani kena hai tai khan nimite noah laga dun te rokhi thakisele, jetiya eitu din te dangor ekta naw bonai thakise, Isor hai olop manu ke bachai loise- eitu hoile athta atma-pani pora bachai dise.
\v 21 Eitu etiya moi khan nimite bachai deya laga ekta baptism laga chin ahse- jeneka moi khan laga gaw pora moila dulai eneka nohoi, kintu Isor usorte bhal bhabna loi kena thakibole nimite aru eitu sob tu Jisu Krista jinda huwa laga nam te.
\v 22 Krista tu Jisu laga dyna hath ahse. Teo sworgo te jaise. Sworgodut, aru adhikar, aru sob takot Teo usorte ahibole lage.
\c 4
\v 1 Eitu nisina, jeneka Krista mangso te dukh paise, eitu nisina apuni bhi nizor ke enea bhabna pora tayar koribi kelemane kun manu mangso pora dukh paise tai ap pora bachai loise.
\v 2 Eitu nimite, ekjon manu, tai mangso pora jinda thaka homoi te, manu laga echa pora jinda nathake kintu Isor pora ki echa kore eitu te hai jinda thake.
\v 3 Kelemane apuni laga pura homoi tu Isor najana manu pora kori thakise eneka hai korise, duniya laga khusi kori kena thakise, nisa hoi kena beraise, nisa pora khusi korise, duniya laga rong tamasha te thakise aru sob beya letera kam kori kena thakise.
\v 4 eitu nimite, apuni khan tai khan apuni laga, eitu nimite tai khan apuni laga beya kota koi thake.
\v 5 Tai khan ki kotha aru kam korise eitu laga sob hisab dibole lagibo jetiya Teo mora aru jinda khan laga bichar koribole nimite homoi ahibo.
\v 6 Eitu nimite Isor laga kotha mora manu khan logote bhi prochar kori dise, kelemane, tai kahn ke manu laga gaw mongso hisab te bichar korise koilebhi, tai khan atma te jinda thakibo jeneka Isor ahse.
\v 7 Kintu eitu sob laga khotom huwa laga homoi ahi ahse. Eitu nimite nizor laga bhabna sapha rakhibi, aru kenika prathana kori ahse eitu nisina nizor laga sob kam khan saida rakhibi.
\v 8 Aru eitu sob kotha te, nizor laga bhai kokai logote morom pora thakibi, kelemane morom pora hai sob pap tu bon koridiye.
\v 9 Aru kunba manu apuni logote modot mangi kena ahile tai ke eku beya nokoi kena bhal pora sabi.
\v 10 kelemane sob manu bhi asirbad pai kena ahse, ekjon-ekjon ke modot koribole nimite eitu cholabi, ari Isor laga morom thaka nisina sob kam te bisas pora koribi.
\v 11 Jodi kunba manu kotha kore, tai laga kotha tu Isor laga kotha hai kobole dibi. Jodi kunba sewa kore, Isor pora ki di ahseeitu laga hisab te hai koribole dibi. Eitu khan koribi kelemane eitu sob kam te Isor laga mohima hobole dibi. Jisu Krista laga namte aru eitu pora Jisu Krista laga mohima aru takot hodai nimite hobole dibi. Amen.
\v 12 Morom bhai khan, juie pora apuni khan logote porikha kora nisina apuni khan eitu dekhi kena alak bhabna nokoribi, kiba ekta alak kahm apuni logote hoi thaka nisina.
\v 13 Kintu, apuni khan kiman Krista laga dukh te bhag lobo khusi koribi, kelemane eneka korile apuni khan Teo ke aru dekhai diya hooi te Teo laga mohima sai kena ananda hobo.
\v 14 Jodi apuni ke Krista laga nam te sorom khelai deye, apuni asirbad ahse, kelemane mohima laga atma aru Isor laga atma apuni uporte thaki ahse.
\v 15 Kintu apuni khan kun bhi manu morai deya ekjon nisina, ekta chor nisina pap kam kori kena thaka manu nisina, aru manu laga majote jai kena kotha dhali diya manu nisina eneka laga kam khan kori kena dukh napabi.
\v 16 Kintu kunba manu christian hoi kena dukh pabo, tai sorom nokoribi, hoilibi, Isor laga nam loi kena Teo ke mohima koribi.
\v 17 kelemane Isor laga ghor pora hai polila bichar koribo. Jodi eitu moi khan logote pora suru hoi, tene hoile Isor kotha namani kena thaka khan logote kena bichar koribo?
\v 18 Aru " Jodi dramic manu khan bachu bole tan ahse koile, papi manu aru Isor ke bhoi nokora manu logote ki hono?"
\v 19 Eitu nimite kun Isor laga echa te thaki kena dukh pabo tai khan nizor laga atma tu kun sob bonai dise Teo ke hai di dibo.
\c 5
\v 1 Eitu nimite, Moi umor thaka cholowta khan mon dangor kori di ahse, Moi, bhi ekjon cholowta aru Krista laga dukh te bhag luwa ekjon gawah ahse, aru moi bhi Teo ke dekhai diya homoi te Teo laga mohima sabole nimite thakibo.
\v 2 Isor laga bhera khan ke jolai kena loi jai manu ekjon hobi, ekta dangor manu pora sewa kora nisina nohoi- aru apuni eneka koribole lage koi kena nahoi, kintu apuni nizor laga echa pora kori bole nimite , Isor pora apuni ke sewa koribole nimite deya nisina- sorom kabole laga lab nimite nahoi kintu nizor laga mon echa pora.
\v 3 Manu khan uporte apuni ekta malik nisina hukum nocholabi kun apuni laga barosa te thaki ahse. Kintu, apuni laga bhera khan ke bhal kam tu hai dekhai dibi.
\v 4 Aru jetiya asol bhera rukha laga malik ahibo aru nizor ke dekhai dibo, tetiya apuni ketiya bhi beya nohuwa mohima laga mukut pabo.
\v 5 Eitu nisina, jawan manu khan apuni khan apuni khan pora dangor unor te dangor thaka manu khan laga kotha mani kena thakibi. Apuni khan sob, morom laga kapur pora nizor ke lagai lobi aru ekjon-ekjon laga sewa koribi. Kelemane Isor phutani kora manu ke bhal napai tai ke asribad deye.
\v 6 Eitu nimite Isor laga takot hath nichete nizor ke chutu kori lobi eitu pora apuni ke Teo thik homoi te uthai kena rakhi dibi.
\v 7 Apuni laga sob dukh chinta Teo uporte di dibi, kelemane Teo hai apuni nimite chinta kore.
\v 8 Shanti rakhibi, aru sai thakibi. Apuni laga dusman Saitan ekta hala kori ke thaka baug nisina churi ahse, kun ke khabole paribo eitu nimite sai ahse.
\v 9 Tai usort khara hoi jabi. Apuni laga bisas tu takot korilobi. Apuni jani ahse apuni laga bisasi manu khan eitu prithibi te apuni khan dukh pai ahse tai khan bhu eneka hai dukh pai ahse.
\v 10 Kintu apuni khan olop din dukh pa pichete, sob asirbad deya laga Isor kun apunike Teo laga ananda jibon aru Krista logote thakibole nimite matise, sob tu bhal kori dibo, apuni ke bonai lobo aru apunike takot dibo.
\v 11 Eitu sob adhikar Teo laga hodai aru hodai nimite hobole dibi. Amen.
\v 12 Moi Silvanus ekjon bisas te thaka bhai ahse koi kena mane, aru moi apuni khan nimite bhal kori kena bujibole likhi dise. Moi apuni khan laga mon dangor kori di ahse aru moi apuni khan logote ki likhise eitu hai Isor laga hosa asirbad ahse. Aru apuni khan eitu te hai khara kori bi.
\v 13 Eitu maiki kun Babylon te ahse, kun ke apuni logote mati loise, apuni khan ke salam di ahse. Aru Mark, moi laga chokra, apuni khan ke salam di ahse.
\v 14 Ekjon-ekjon ke morom laga chuma pora salam dibi. Krista logote kun ahse tai khan logote hodai arirbad thakibole dibi.