BCS-BIBLE_IndianStandardVersion-Nagamese-NT/Stage 2/482COIRVNag.SFM

\id 2CO - Indian Revised Version (IRV) Nagamese
\c 1
\p
\v 1 Paul, jun Isor laga icha para Khrista Jisu laga apostle ase, aru amikhan laga bhai Timothy para, Corinth te thakia Isor laga girjake, aru sob Isor laga manu khanke Achaia te thakia khan
\v 2 Kripa aru shanti Isor amikhan laga baba aru Prabhu Jisu Khrista para ahia apnikhan logote thakibole dibi
\v 3 Ashis laga Isor aru baba amikhan laga Prabhu Jisu Khrista, daya kuri diya baba aru sob phale dia laga Isor
\v 4 Tai amikhan laga sob dukhte amikhanke aramde, kile mane jun manu dukhte ase tai khanke amikhan aram dibole paribo nimite
\v 5 Kile koile jeneka Khrista laga dukh tey amikhan bi bhag hoi, thik etu nisena, Khrista para amikhan ke aram bi dey.
\v 6 Kintu jodi amikhan digdar pai asey, etu apunikhan laga aram aru poritran nimite asey; jodi amikhan aram pai asey, etu tu apunikhan ke aram dibo nimite asey, aru etu para apunikhan bi nomro kurikena amikhan laga dukh tey bhag hobo.
\v 7 Aru amikhan laga asha apunikhan nimite thaka tu majbot asey, amikhan laga dukh tey apunikhan bi bhag asey koikena jani asey, etu nisena aram tey bi bhag asey.
\v 8 Kile koile bhai-kokai khan, amikhan uporte Asia tey ki digdar khan hoisey, etu apunikhan najani kena thakibo dibo mon nai. Tatey amikhan dukh pa tu amikhan laga takot para bahar tey thakise aru etu nimite amikhan zinda thakibolebi asha nathaka hoi jaisele.
\v 9 Hosa para bi, amikhan nijor ke biswas nathakibo nimite, amikhan ke morai dibole hukum disele, kintu Isor tey, jun mora khan ke zinda uthai dey.
\v 10 Tai hey amikhan ke mora para bachai disey, aru Tai amikhan ke arubi bhachai lobo. Tai uporte amikhan laga asha tu rakhi disey titia Tai amikhan ke bachai thakibo,
\v 11 apunikhan bi eke logote mili kena amikhan nimite prathana tey rakibo, titia amikhan uporte bisi manu para modot kura nimite apunikhan ke bisi manukhan dhoniabad dibo.
\p
\v 12 Kile koile etu nimite amikhan mon dangor kurey: aru amikhan laga thik bhabona para etu gawahi diase, amikhan ji kam etu prithibi tey kuri sey, etu tu pobitro aru hosa mon para kurisey, aru mangso laga budhi para nohoi, kintu Isor laga kripa para, aru asol tu apunikhan logote kuri sey.
\v 13 Kile koile amikhan dusara ekubi likha nai, kintu khali apunikhan ki puribole aru buji bole para khan hey. Kintu etia ami asha asey apunikhan pura buji jabo,
\v 14 jeneka apunikhan agey para amikhan laga bisi kotha buji kena asey, titia apunikhan bi Prabhu Jisu laga din tey amikhan nimite mon dangor dikhabo, aru amikhan bi apunikhan nimite dikhabo.
\p
\v 15 Aru etu nimite mon dangor para, moi agey apunikhan logote ahibole bhabona kuri asey, titia apunikhan dusara bar asirbad pabo,
\v 16 aru Macedonia tey jai thaka homoite apunikhan ke para kuri kena jabo, aru Macedonia para wapas aha homoite bi, aru ami ke Judea tey jabole nimite rasta tey modot dibole.
\v 17 Etu karone, jitia ami eneka para bhabona kuri thaki sey, moi etu ke asani para lua nai, na ami loise? Naa apunikhan ami mangso laga bhabona para, eke somoite "Hoi, hoi" aru "Nohoi, nohoi" eneka koikena bhabona kuri asey bhabi sey?
\v 18 Kintu Isor tu hosa asey, titia amikhan laga kotha tu "Hoi" aru "Nohoi" koikena nohoi.
\v 19 Kile koile Isor laga Puttro, Jisu Khrista, jun ke ami aru Silvanus aru Timothy para apunikhan majote prochar kuri dise- etu tu "Hoi" aru "Nohoi" thaka nai.
\v 20 Kile koile Isor laga sob kosom khan "Hoi" asey Tai bhitor tey. Etu nisena Tai para hey amikhan Isor ke "Amen" koi asey Tai laga mahima nimite.
\v 21 Etia Isor hey ekjon asey jun para ami aru apunikhan ke Khrista tey takot bonai disey, aru Tai laga kam nimite amikhan ke chuni loise,
\v 22 Tai hey ekjon jun para amikhan ke Tai nimite dagi lagai disey, aru Tai Atma laga kosom amikhan laga mon tey disey.
\p
\v 23 Moi hosa para koi asey etia aru Isor ke ami laga jibon laga gawah hobo nimite mati asey. Moi Corinth tey naha laga karon tu, moi apunikhan ke sazai nohoilebi zokhom kuridibo mon nathaka nimite aha nai.
\v 24 Amikhan eneka kura tu apunikhan laga biswas ke amikhan laga nichete rakhikena cholabo nimite nohoi, kintu, amikhan sob apunikhan logote mili kena kura manukhan asey aru apunikhan laga khusi nimite asey, kile koile apunikhan laga biswas tu bisi mazboot asey.
\c 2
\p
\v 1 Moi laga mon nijor para etu bhabi loise, moi apunikhan logote mon dukh hoikena aru nahibo.
\v 2 Kile koile jodi moi apunikhan ke mon dukh kuri dey, tinehoile kun para ami ke mon khusi kurai dibo, khali utu ekjon ke charikena jun laga mon ami para bia kuri dise?
\v 3 Aru moi etu eke kotha khan likhi se, titia jitia moi ahibo, jun khan moi ke mon khusi kuri di thake taikhan nimite ami mon tey dukh nohobole karone, aru moi apunikhan sob ke pura mon para biswas ase ami laga khusi tu apunikhan sob laga khusi asey.
\v 4 Kile koile moi bisi bikhai kena aru mon tey dukh pai kena likhi sey, bisi suku pani giri kena, hoilebi apunikhan ke mon dukh kuridibo nimite nohoile, kintu ami laga morom apunikhan nimite bisi thaka tu janibo dibo nimite.
\p
\v 5 Hoilebi kunba mon-dukh koribole dise koile, tae amike mon-dukh koridia nohoi, hoilebi olop korikene sobke: ineka para ami apunikhan sobke bisi koribole nohoi.
\v 6 Ineka ekta manu nimite itu sajai he thik ase, juntu bisi para dise.
\v 7 Itu hoile ulta apunikhan taike maph koridibole lage, aru taelaga mon-dangor koridibole lage, tinihoile ineka ek-jonke bisi mon-dukh para khaidibo.
\v 8 Ineka hoilebi ami apunikhan para morom-mangikene koiase apunikhan laga morom tai phine thik para rakhibi.
\v 9 Kilekoile itiabi ami apunikhanke likhise, tinihoile ami apunikhanke thik para janibole paribo, apunikhan sob samankhante kotha-manikene ase.
\v 10 Junke apunikhan jineka hoilebi maph koridi ase, ami bi maph koridi ase: kilekoile ami kiba maph korise koile, junke ami itu maph koriase, apunikhan nimite ami Khrista bhitorte thakia manu hoikene itu maph koriase;
\v 11 Nahoile Satan amikhan para lab uthabo: kilekoile amikhan taelaga hatiarkhanke najanikene thakia nohoi.
\v 12 Itu para bi dangor hoise, jitia ami Khrista laga gospel laga kotha janai-dibole nimite Troas-te ahisile, aru ami usorte Malik laga ekta dorja khulisile,
\v 13 Amilaga atma bhitorte aram thakia nae, kilekoile amilaga bhai Titus-ke ami bisarikene pa-a nai: hoilebi taekhanke charikene, ami tate para Macedonia-te jaise.
\v 14 Itia Isorke dhoniabad ase, jun amikhanke hodai Khrista bhitorte jitibole dithake, aru amikhan para tailaga dimag laga bhal-gun sob jagate dikhai thake.
\v 15 Kilekoile amikhan Isor usorte Khrista laga ekta bhal-gun ase, taekhan nimite junkhan bachise, aru taikhan nimite junkhan haraise:
\v 16 Junkhan moriase taekhan nimite amikhan moria laga gun ase; aru junkhan bachikene ase taekhan nimite jibon laga gun ase. Aru kun itukhan nimite thik ase?
\v 17 Kilekoile amikhan iman bisi nohoi, junkhan Isor laga kothake misa-misi koridie: hoilebi hosa para, hoilebi Isor laga kotha hoile, Isor usorte amikhan Khrista bhitorte thakikene koiase.
\c 3
\p
\v 1 Amikhan arubi nijeke uncha koriase? Amikhan ke bhal nam laga chithi khan apunikhan nohoilebi amikhan nimite lagey naki, dusara manukhan nisena?
\v 2 Apunikhan he amikhan laga mon-bhitorte likhikene thakia chithikhan ase, sob manukhan para janiase aru puri ase,
\v 3 apunikhanke Khrista laga chithi asey koikena dikhai dise, junke amikhan para sai dise, kolom para likhikene nohoi, kintu zinda Isor laga Atma para, pathor-laga-tukrate nohoi, hoilebi mon laga mongso laga tukrate.
\v 4 Aru Khrista para amikhan Isor logote ineka biswas ase:
\v 5 Itu nohoi amikhan ji saman lagiase bhabona koriase itu amikhan nije pariase; hoilebi Isor he amikhanke paribole diase;
\v 6 Jun amikhanke notun-niom laga kamkhanke korikene paribole bi banaise; kotha para nohoi, hoilebi Atma para: kilekoile kotha moribole die, hoilebi atma jibon die.
\v 7 Hoilebi moria laga kamkhan, juntu pathorkhante likhise aru khundise, iman sonman-laga-ujala ase koile, juntu nimite Israel laga bachakhan Moses laga ujala-para-bhorta mukh phine saikene thakibole paria nae; juntu sonman-laga-ujala jaijabole asile:
\v 8 Kineka atma laga kamkhan itu parabi bisi sonman-laga-ujala nahobo?
\v 9 Kilekoile khotom koridia laga kamkhan ujala ase koile, hosate-thakia-kamkhan itu parabi bisi ujala hobo.
\v 10 Kilekoile utu juntu ujala ase koisile utu itu para bisi ujala nohoi, bujaiase itu ujala bisi dangor ase.
\v 11 Kilekoile utu juntu jaijaise utu ujala ase koile, juntu thakiase itu arubi bisi ujala ase.
\p
\v 12 Tinihoile jitia dikhiase amikhan laga ineka asa ase, amikhan sida kotha koithake:
\v 13 Aru Moses nisena nohoi, jun taelaga mukh uporte ekta kapor rakhithake, titia Isor laga bachakhan utu laga piche phine saikene nathakibo juntu khotom koridise:
\v 14 Hoilebi taekhan laga bhabonakhanke andha korikene rakhise: kilekoile aji tok bi purana niomkhanke porikene utu kaporke nahataikene rakhiase; juntu kapor Khrista bhitorte hataidise.
\v 15 Hoilebi aji tok bi, jitia Moses-ke poriase, utu kapor taekhan laga mon uporte ase.
\v 16 Ineka hoilebi jitia itu Malik phine ahibo, utu kapor hataidibo.
\v 17 Itia Malik utu Atma ase: aru jun jagate Malik laga Atma ase, tate ajad ase.
\v 18 Hoilebi amikhan sob, mukhte ekubi nalagaikene sisate sa-a nisena Malik laga sonman-laga-asiske saiase, nijebi ineka para asis-piche-asis paikene bodoli hoiase, jineka Malik laga Atma para hoiase.
\c 4
\p
\v 1 Itu karone, dikhaiase itu amikhan laga kam ase, jineka amikhan morom paise, amikhan alsi nalagie;
\v 2 Hoilebi lukaikene thakia misakhan charidise, chalak-korikene na-berabo, Ishor laga kotha thoka-baji nimite na-cholabo; hoilebi hosa-ke dikhaikene Ishor usorte sob manukhan laga mon-laga-bhabonate nijeke thik korise.
\v 3 Hoilebi jodi amikhan laga susamachar tu lukaikene ase koile, itu taikhan nimite lukaikene ase junkhan harai kena ase:
\v 4 Junkhan bhitorte itu prithibi laga isor taikhan laga dimag-ke bon koridise, junkhan biswas nakore, ineka nohoile Khrista laga sonman-laga-asis laga susamachar, jun Isor nisena ase, taikhan uporte ujala koribo.
\v 5 Kilekoile amikhan nijeke janaidia nohoi, kintu Khrista Jisu utu Prabhu; aru amikhan nije apunikhan laga noukar ase Jisu nimite.
\v 6 Kilekoile Isor hey asey, jun para koisey, "Andhar para puhor tu ujala hobo," jun amikhan laga mon-bhitorte ujala korise, Isor laga mahima laga gyan laga puhor Isor laga sonman-laga-asis laga dimagke ujala koribole Jisu Khrista usorte.
\p
\v 7 Hoilebi amikhan logote itu dhon mati-kolsikhan bhitorte ase, tinihoile itu iman dangor takot Isor laga hobo, aru amikhan laga nohoi.
\v 8 Amikhan sob phine digdar ase, ineka hoilebi mon-dukh nae; amikhan ulta-pulta hoikene ase, hoilebi bhabona haraikene nohoi;
\v 9 Dukh, hoilebi charidia nohoi; niche korise, hoilebi khotom nohoi;
\v 10 Hodae Malik Jisu laga moria gaoke bukhikene thakiase, titia Jisu laga jibon bi amikhan laga gaote dikhibole pabo.
\v 11 Kilekoile amikhan junkhan jinda ase Jisu nimite hodae moribole nisena hoijae, titia amikhan laga moribole-thakia-gaote Jisu laga jibon bi dikhibole pabo.
\v 12 Itu nimite moria amikhan bhitorte kam koriase, hoilebi apunikhan bhitorte jibon.
\v 13 Amikhan logote eki biswas laga atma ase, likhikene thakia nisena, Ami biswas korise, aru itu nimite ami koise; amikhan bi biswas koriase aru itu nimite koiase;
\v 14 Janiase tae jun Malik Jisuke uthaise amikhanke bi Jisu para uthabo, aru amikhanke apunikhan logote inamte dibo.
\v 15 Kilekoile etu khan sob samankhan apunikhan nimite ase, tinihoile iman dangor morom-laga-asis bisi laga dhoniabad paikene Isor laga sonman-laga-asis logote arubi milibo.
\p
\v 16 Itu nimite amikhan alsi nalage; kintu amikhan laga mangso laga gao tu bura hoi jai asey, hoilebi, amikhan laga bhitor laga atma tu din-din tey notu hoi asey.
\v 17 Kilekoile amikhan laga olop dukhkhan, juntu olop homoe nimite he ase, amikhan nimite bisi bhal laga aru kitiabi-khotom-nahobole bisi dangor nimite kam koriase;
\v 18 Amikhan utu samankhanke nadikhie juntu dikhiase, hoilebi utu samankhanke juntu dikhibole napae: kilekoile utu samankhan juntu dikhibole pae utu olop homoe nimite he ase; hoilebi utu samankhan juntu dikhibole napae utu hodae nimite ase.
\c 5
\p
\v 1 Kilekoile amikhan janiase amikhan laga prithibi laga itu tripol-laga-ghor haraise koile, amikhan logote Isor laga ekta ghor ase, ekta ghor juntu hathkhan para banaidia nohoi, swargkhante kitiabi-khotom-nahobole laga.
\v 2 Kilekoile itu bhitorte amikhan dukh-para-hala koriase, bisi lagiase amikhan laga utu ghor para kapor lagaidibole juntu swarg para ase:
\v 3 Ineka para amikhanke kapor lagaidise koile amikhanke lengta napabo.
\v 4 Kilekoile amikhan junkhan itu tripol-laga-ghorte ase dukh paikene hala koriase, bisi bhari ojon bukhikene: itu nimite nohoi amikhan lengta hobo, hoilebi kapor lagailobo, titia jibon moribole-thakia-gaoke khaidibo.
\v 5 Itia tae jun amikhanke ineka koribole dise itu Isor ase, jun amikhanke Atma bisaribole nimite ekta bhabona bi dise.
\v 6 Itu nimite amikhan hodae mon-dangor korikene ase, itu janikene, jiman tok amikhan itu ghorte thakikene gao bhitorte ase, amikhan utu Malik logote nae:
\v 7 (Kilekoile amikhan biswas para beraiase, dikhikene nohoi:)
\v 8 Amikhan mon-dangor ase, ami koiase, aru bhabiase itu gaote nathakibo, aru Malik logote thakibo.
\v 9 Itu nimite amikhan kam koriase, titia, thakilebi nohoile nathakilebi, amikhanke tae manilobo.
\v 10 Kilekoile amikhan sob Khrista laga phaisla-laga-jaga agete khara hobole lagibo: tinihoile sob manu itu pabo juntu tae nijer gaote korise, jineka tae korise, itu bhal hoilebi nohoile bia hoilebi.
\p
\v 11 Itu nimite Malik laga bhoe janikene, amikhan manukhanke manibole diase; hoilebi amikhanke Isor usorte dikhaidise; aru ami itu bi biswas koriase amikhanke apunikhan laga mon-laga-bhabonakhan bhitorte bujaidise.
\v 12 Kilekoile amikhan apunikhan usorte arubi bhal hobole nimite ineka koria nohoi, hoilebi amikhan nimite asis-laga-sonman pabole diase, titia apunikhan taekhanke kiba jawab dibole paribo junkhan dikhabole nimite sonman-laga-asis koriase, aru mon-bhitor para nohoi.
\v 13 Kilekoile amikhan pagala hoile, itu Isor logote ase: nohoile amikhan dimag-thakia hoile, itu apunikhan nimite ase.
\v 14 Kilekoile Khrista laga morom amikhanke ineka koribole diase; kilekoile amikhan ineka para phaisla kore, ekjon sob nimite morise koile, tinihoile sob morise:
\v 15 Aru kilekoile tae sob nimite morise, titia taekhan junkhan jinda ase itia para nijer nimite jinda nathakibo, hoilebi tae usorte jun taekhan nimite morise, aru arubi uthise.
\v 16 Itu nimite itia para amikhan mongso hisabte kun manuke bi najane: hoe, amikhan Khristake mongso hisabte janise koilebi, ineka hoilebi itia para amikhan taeke aru najane.
\v 17 Itu nimite kunba manu Khrista bhitorte ase koile, tae ekta notun saman ase: purana samankhan par hoise; sabi, sob samankhan notun hoise.
\v 18 Aru sob samankhan Isor laga ase, jun nijeke Jisu Khrista nimite amikhan logote milai loise, aru amikhanke milaidibole laga kam koribole dise;
\v 19 Itu bujaidibole, Khrista bhitorte Isor asile, prithibike nijer logote milailobole, taekhan laga galtikhan taekhan usorte narakhibole; aru amikhanke itu prithibike milaidibole nimite didise.
\p
\v 20 Itia tinihoile amikhan Khrista laga janaidia-manukhan ase, jineka Isor amikhanke cholaikene apunikhanke morom para koiase: amikhan Khrista laga namte apunikhan logote parthana koriase, apunikhan Isor logote milibi.
\v 21 Kilekoile tae amikhan nimite taeke papi banaise, jun pap jania nae; titia amikhan tae bhitor para Isor usorte hosate-thakia hobole paribo.
\c 6
\p
\v 1 Itu nimite amikhan, tae logote milikene kam-koriakhan, apunikhanke bi morom para koiase apunikhan Isor laga morom-laga-asiske misa-misi nalobi.
\v 2 Kilekoile tae koise,
\q "Ami apunikhanke hunise ekta homoete maniloise,
\q aru bachaidia laga dinte ami apunikhanke modot korise"
\m Sabi, bachaidia-laga-din itia ase. Sabi, etia poritran laga din asey.
\v 3 Ekubi galti hobole nadibi, titia itu kamte bodnam nahobo:
\v 4 Hoilebi sob samankhan amikhan nijeke Isor laga kam-koria-manukhan ase koikene manilobo, bisi rukhibole-parikene, dukhkhante, dorkarkhante, digdarkhante,
\v 5 Markhante, jailkhante, gondogolte, hajirate, choukidarte, nakhaikene thakiate;
\v 6 Mon-sapha para, dimag para, rukhikene, Pobitro-Atma para, hosa laga morom para,
\v 7 Hosa laga kotha para, Isor laga takot para, dahina hathte aru baia hathte hosate-thakia hatiarkhan para,
\v 8 Sonman aru sorom para, bhal khobor aru bia khobor para: thoka-baji nisena, aru hoilebi hosate;
\v 9 Najania nisena, aru hoilebi bhal para janiase; moria nisena, aru, sabi, amikhan jinda ase; mar-kha-a nisena, aru moraidia nisena;
\v 10 Mon-dukh koria nisena, ineka hoilebi hodae khusi para; dukhia nisena, ineka hoilebi bisikhanke dhoni banaise; ekubi nathakia nisena, aru ineka hoilebi sob samankhan thakiase.
\p
\v 11 Oh Corinth laga manukhan, apunikhan usorte amikhan laga mukh khulikene ase, amikhan laga mon-dangor ase.
\v 12 Apunikhan amikhan bhitorte chutu nohoi, hoilebi apunikhan laga nijer petkhan bhitorte nijeke chutu korise.
\v 13 Itia itu bhitorte ekta inam nimite, (ami bachakhanke koidia nisena,) apunikhan bi mon-khulibi.
\v 14 Apunikhan biswas-nakoriakhan logote upor-niche korikene namilibi: kilekoile hosate-thakiakhan hosate-nathakiakhan logote ki milibole paribo? Aru ujala andhar logote ki milibole paribo?
\v 15 Aru Khrista Saitan logote ki kotha milaikene rakhibo? Nahoile tae jun biswas koriase biswas-nakoria logote ki bhag ase?
\v 16 Aru Isor laga mondir murtikhan logote ki kotha milaikene rakhise? Kilekoile amikhan zinda Isor laga mondir ase; Isor koidia nisena;
\q "Ami taekhan bhitorte thakibo, aru taekhan bhitorte berabo;
\q Aru ami taekhan laga Isor hobo,
\q1 aru taekhan amilaga manukhan hobo."
\m
\v 17 Itu nimite,
\q "taekhan majo para ulaikene ahibi,
\q1 Aru apunikhan alag hobi," Prabhu koise,
\q "aru niom-para-moila saman nachubi,"
\q1 "aru ami apunikhanke manilobo."
\q
\v 18 "Aru apunikhan usorte ekta Baba hobo,
\q aru apunikhan amilaga chokorakhan aru chukurikhan hobo,"
\m Sob para Shakti thaka Prabhu para koise.
\c 7
\nb
\v 1 Itu nimite itu kosomkhan thakia nimite, bisi bhal lagia moromkhan, mongso aru atma laga sob moilakhan para nijeke sapha korilobo, Isor laga bhoete thik para pobitro korilobo.
\p
\v 2 Amikhanke manilobi; amikhan kun manuke bi galti koria nae, amikhan kun manuke bi misa-misi koria nae, amikhan kun manuke bi thoka-baji koria nae.
\v 3 Ami apunikhanke galti janabole nimite itu koa nohoi: kilekoile ami poila koise, apunikhan amikhan laga mon bhitorte ase apunikhan logote moribole aru jinda thakibole nimite.
\v 4 Ami bhoe nakorikene apunikhan logote kotha koiase, ami apunikhan laga nam-utcha koribole bisi ase: ami mon-aram hoikene ase, amikhan laga sob dukh aru digdarte ami bisi khusi paikene ase.
\p
\v 5 Kilekoile, jitia amikhan Macedonia-te ahise, amikhan laga mongso aram nae, hoilebi amikhan sob phine digdar paikene ase; baharte loraikhan asile, bhitorte bhoekhan.
\v 6 Eneka hoilebi Isor, jun taekhanke aram die junkhan niche girikene ase, Titus ahikene amikhanke aram dise;
\v 7 Aru khali taelaga ahia nimite he nohoi, hoilebi utu morom-laga-inam para juntu para apunikhan para tae bhitorte aram dise, jitia tae amikhanke koise ami nimite apunikhan laga mon-laga-bhabona, apunikhan laga mon-dukh, apunikhan laga gorom-bhabona; itu nimite ami arubi bisi khusi hoise.
\v 8 Kilekoile ami ekta chithi para apunikhanke mon-dukh koribole dile bi, ami galti-bhabona lagia nae, olop homoe nimite lagilebi.
\v 9 Itia ami khusi lagiase, apunikhan mon-dukh koria nimite nohoi, hoilebi apunikhan mon-dukh lagikene pap-para-maph mangise: kilekoile apunikhanke bhal nimite mon-dukh lagibole dise, titia apunikhan amikhan para ekubi jokhom napabo.
\v 10 Kilekoile bhal mon-dukh pap-para-bachaidia laga maph mangibole kam kore juntu laga maph mangibole nae: hoilebi itu prithibi laga mon-dukh morabole kam kore.
\v 11 Kilekoile sabi thik itu he, juntu bhal nimite apunikhan mon-dukh koriasile, kiman hosiar para apuni bhitorte kam korise, hoe, nijeke kineka sapha koridise, hoe, kineka khong hobole dise, hoe, kiman bhoe, hoe, kineka lagia-bhabona, hoe, kineka mon-para-lagia, hoe, kineka bodla! Itukhan sob bhitorte apunikhan sapha ase nije dikhaidise.
\v 12 Itu nimite, ami apunikhanke poila likhilebi, ami tae nimite koria nohoi jun galti korise, tae nimite bi likhia nohoi jun galti nimite dukh paise, hoilebi Isor usorte amikhan apunikhan nimite kiman bisi bhabona korithake itu apunikhan bujibole paribo.
\v 13 Itu nimite apunikhan laga aramte amikhan aram paise: hoe, aru Titus laga khusi nimite amikhan arubi bisi khusi hoise, kilekoile apunikhan sob para taelaga atma arubi notun-takot paise.
\v 14 Kilekoile apunikhan nimite ami tae usorte kiba phutani korilebi, ami sorom lagia nae; hoilebi jineka amikhan apunikhanke sob hosakhan koidise, ineka amikhan laga phutani bi, juntu ami Titus usorte korisile, itu hosa paise.
\v 15 Aru taelaga bhitor-laga-morom apunikhan nimite arubi bisi hoise, jitia tae apunikhan sob laga kotha-maniakhanke bhabona korithake, kineka bhoe aru hili-hilikene apunikhan taeke maniloise.
\v 16 Itu nimite ami khusi lagiase sob samankhante ami apunikhanke biswas koribole pare.
\c 8
\p
\v 1 Itu uporte, bhai-kokaikhan, amikhan apunikhanke bhabona koribole diase Isor laga morom-laga-asis juntu Macedonia laga girjakhan uporte dise;
\v 2 Kineka digdar laga bisi porikhate taekhan bisi khusi para ase aru taekhan bisi dukhia hoilebi khulikene dithake.
\v 3 Kilekoile taekhan jiman pariase diase, ami nije janiase, hoe, aru taekhan paria parabi bisi taekhan nije khusi para diase;
\v 4 Amikhan logote bisi morom-mangikene parthana koriase amikhan taekhan laga khusi-para-dia samankhanke lobole lage, aru Isor-laga-manukhan kam-koria jagate amikhan punchaidibo.
\v 5 Aru ineka taekhan korise, amikhan bhabona koria nisena nohoi, hoilebi poila taekhan nijeke Malik logote dise, aru Isor laga monjur para amikhanke dise.
\v 6 Iman tok amikhan Titus nimite bhabona korise, jineka tae suru korise, ineka para tae apunikhan bhitorte morom-laga-asiske pura koribo.
\v 7 Itu nimite, jineka apunikhan sob samante bisi hoikene ase, biswaste, aru kothate, aru dimagte, aru sob hosiar aru mon dikene kamkhante, aru amikhan nimite apunikhan laga moromte, sabi kineka para apunikhan morom-laga-asiste bi bisi hobole paribo.
\v 8 Ami niom-laga-kotha para koidia nohoi, hoilebi dusrakhan laga mon-khula saikene, aru apunikhan laga mon-sapha laga morom bujabole nimite.
\v 9 Kilekoile apunikhan amikhan laga Malik Jisu Khrista laga morom-laga-asiske janiase, jineka, tae dhoni hoilebi, apunikhan nimite tae dukhia hoise, titia apunikhan taelaga dukhia para dhoni hobole paribo.
\v 10 Aru iyate ami nije para bujaidiase: kilekoile itu apunikhan nimite thik ase, junkhan poila suru korise, khali koribole nimite he nohoi, hoilebi poila hobole ek-sal agete.
\v 11 Itu nimite itia utu kamke pura koribi; jineka koribole laga bhabona asile, ineka ituke pura hobole bi dibi apunikhan logote ji ase utu para.
\v 12 Kilekoile poila ekta koribole bhabona thakile, ekta manu logote ki ase itu para ituke koribole pare, aru tae logote ki nae itu para nohoi.
\v 13 Amilaga motlob itu nohoi dusra manukhanke aram dibo, aru apunikhan digdar pabo:
\v 14 Hoilebi eki nisena hobole nimite, kilekoile itia itu homoete apunikhan laga bisi para taekhan laga lagia dile, titia taekhan laga bisi para apunikhan laga lagia dibole paribo: titia tate eki nisena hobo:
\v 15 Likhikene thakia nisena:
\q "Tae jun bisi joma korise ekubi phelabole nae,
\q1 aru tae jun komti joma korise komti hoa nae."
\m
\v 16 Hoilebi Isorke dhoniabad ase, jun Titus laga mon-bhitorte apunikhan nimite ineka he bisi bhabona koribole dise.
\v 17 Kilekoile hosa para tae utu kothakhanke maniloise; hoilebi bisi sida hoa nimite, taelaga nijer khusi para tae apunikhan usorte jaise.
\v 18 Aru tae logote amikhan utu bhaike pathaise, jun laga bhal-nam sob girjakhante gospel nimite ase;
\v 19 Aru khali itu he nohoi, hoilebi junke girjakhan para bi bisarise itu morom-laga-asis loikene amikhan logote berabole, juntu amikhanke utu Malik laga morom-laga-asis para kam koribole dise, aru amikhan apunikhan nimite toiari korikene bhabona koriase janaidibo:
\v 20 Itu charikene, itu bisi thakia bhitorte juntu amikhan korikene hoise kun manu bi amikhanke bodnam dibole nalage:
\v 21 Hosa samankhan nimite dithakibo, khali Malik usorte he nohoi, hoilebi manukhan laga usorte bi.
\v 22 Aru amikhan taekhan logote amikhan laga bhaike pathaiase jun nimite amikhan bisi bar bisi samankhante thik dikhabole parise, hoilebi itia arubi bisi bhal aru thik, utu mon-dangor korikene juntu ami apunikhan bhitorte ase.
\v 23 Kunba Titus nimite hutise koile, tae amilaga sathi aru amike modot koria manu ase apunikhan nimite: nohoile amikhan laga bhai-kokaikhan nimite hutise koile, taekhan girjakhan laga khobor-janaidia-manukhan ase, aru Khrista laga morom-laga-asis ase.
\v 24 Itu nimite apunikhan taekhanke dikhaidibi, aru girjakhan agete, apunikhan laga morom bujaidibi, aru apunikhan laga namte amikhan laga dangor-kothakhan dikhaidibi.
\c 9
\p
\v 1 Aru Isor laga kam-koria-manukhan laga kam hoile, ami apunikhanke itu likhibole dorkar nohoi:
\v 2 Kilekoile ami apunikhan laga khula-bhabonakhanke janiase, juntu ami apunikhan nimite dangor korikene koithakie Macedonia-te junkhan thakiase taekhan-ke, Achaia ek-sal age para toiari korikene ase; aru apunikhan laga mon-para-lagia bisike hilaidise.
\v 3 Ineka hoilebi ami utu bhai-kokaikhanke pathaise, hobole pare apunikhan nimite amikhan ji dangor-kothakhan koise itu phine misa-misi hobo; motlob, ami koidia nisena, apunikhan toiari thakibole pare:
\v 4 Hobole pare Macedonia-te thakia taekhan ami logote ahise koile, aru apunikhan toiari hoikene nathakile, amikhan (itu amikhan koa nohoi, apunikhan) itu nimite iman dangor-kotha koa nimite sorom hobo.
\v 5 Itu nimite ami bhabise itu dorkar ase bhai-kokaikhanke janaidibole, taekhan poila para apunikhan usorte jabole lage, aru poila para apunikhan dia samankhanke toiari rakhibole, juntu apunikhan poila para janiase, itu toiari hoikene ase, mon-khusi para diakhan, aru joborjosti para nohoi.
\p
\v 6 Hoilebi itu ami koiase, Tae jun olop bijon-phelabo olop katibo; aru tae jun bisi bijon-phelabo bisi katibo.
\v 7 Sob manu jineka tae nijer mon-bhitorte bhabiase, ineka taeke dibole dibi; bia-paikene nohoi, nohoile dorkar nimite bi nohoi: kilekoile Isor khusi-para-dia-ke morom kore.
\v 8 Aru Isor sob morom-laga-asiske apunikhan phine bisi koridibole pare; tinihoile apunikhan, hodae sob samankhan bisi hoikene, bisi para bhal kam koribole paribo:
\v 9 Likhikene thakia nisena:
\q "Tae durte dibole dise; tae dukhiakhanke dise;
\q1 taelaga hosate-thakiakhan hodae nimite ase."
\m
\v 10 Itia tae jun bijon-phelabole manuke bijon dibole kam koriase apunikhan laga ruti khabole nimite bi kam koriase, aru apunikhan phelaidia bijonke bisi hobole diase, aru apunikhan laga hosate-thakia gutikhanke arubi hobole diase;
\v 11 Sob samante bisi hoikene sobke bisi para dibole paribo, juntu nimite amikhan para Isorke dhoniabad janabo.
\v 12 Itu kamke thik para koribole nimite amikhan khali Isor-laga-manukhanke he dibole nohoi, hoilebi bisi manukhan Isorke bisi dhoniabad bi kobi;
\v 13 Jitia itu kamke bujikene taekhan Isor laga nam-utcha koribo apunikhan Khrista laga gospel usorte ineka para kam koria nimite, aru taekhanke apunikhan mon-khulikene dia nimite, aru sob manukhan usorte;
\v 14 Aru apunikhan nimite taekhan laga parthana para, juntu bisi piche tok apunikhan logote thakibo Isor laga morom-laga-asiske apunikhan bhitorte bisi para dikhaidia nimite.
\v 15 Isorke dhoniabad ase taelaga bujabole-naparia inam nimite.
\c 10
\p
\v 1 Itia ami Paul nije Khrista laga niche aru norom hoikene apunikhan para morom mangiase, jun apunikhan laga majote thakile dorpok hoikene thake, hoilebi usorte nathakile apunikhanke bhoe nakore:
\v 2 Hoilebi ami apunikhan para morom mangiase, hobole pare ami jitia usorte thake utu mon-dangor korikene bhoe-nalagikene thakia nohoi, ineka hoilebi ami bhabiase kunba usorte ami bia paikene bhoe-nakoribo, junkhan amikhanke bhabiase jineka amikhan mongso-hisabte beraithake.
\v 3 Kilekoile amikhan mongso bhitorte thakikene berailebi, amikhan piche lorai nakore:
\v 4 (Kilekoile amikhan laga lorai laga hatiarkhan gao-mongso nimite nohoi, hoilebi Isor laga takot para takot dhurikene thakiakhanke tanikene niche giraidibole laga ase;)
\v 5 Misa-misi bhabonakhanke niche koridie, aru sob dangor samankhanke juntu nijeke uporte uthaithake Isor laga dimagke bia paikene niche koridie aru sob bhabonake dhurikene aru bandikene Khrista laga kotha manibole nimite koridie;
\v 6 Aru ekta toiari korikene ase sob kotha-namania para bodla lobo, jitia apunikhan kotha-manikene pura hobo.
\v 7 Apunikhan samankhan laga bahar phine saiase? Kunba manu biswas koriase tae Khrista laga ase koile, taeke nije itu arubi bhabibole dibi, kilekoile, jineka tae Khrista laga ase, ineka amikhan bi Khrista laga ase.
\v 8 Kilekoile ami phutani korilebi olop kiba itu amikhan laga kam nimite ase, juntu Malik amikhanke dise hikabole nimite, aru bia koribole nimite nohoi, ami sorom koribole nalage:
\v 9 Tate ami ineka dikhibole nalage jineka ami apunikhanke chithikhan para bhoe dikhabole kosis koriase.
\v 10 Kilekoile taelaga chithikhan, taekhan koithake, mosto aru bisi takot laga ase; hoilebi taelaga gao usorte ahile komjur ase, aru taelaga kotha bhangia ase.
\v 11 Utuke ineka bhabibole dibi, titia, jineka amikhan nathakile chithi laga kothate ase, ineka amikhan usorte thakile kamte bi ase.
\v 12 Kilekoile amikhan nijeke utu ginti logote banabole bhoe lage, nohoile amikhan utu kunba logote milabole bhoe lage junkhan nije laga kamke bhal koithake: hoilebi taekhan nijeke nijer bhitorte ojon korikene, aru taekhan nijer majote nijeke milailebi, dimag nae.
\v 13 Hoilebi amikhan utu samankhan nimite phutani nakoribo juntu amikhan laga ojon nohoi, hoilebi Isor laga ojon laga niom hisabte juntu amikhanke bhag korikene dise, ekta ojon apunikhan usorte bi punchibole.
\v 14 Kilekoile amikhan laga ojon par korikene amikhan nijeke naphelae, jineka amikhan apunikhan usorte punchia nae: amikhan Khrista laga gospel-laga-kotha janaidibole nimite bi apunikhan usor tok ahia nae:
\v 15 Utu samankhan nimite phutani koria nae junkhan amikhan laga ojon baharte ase, motlob, dusra manukhan laga kamkhante; hoilebi bhabona thakise, jitia apunikhan laga biswas bisi hobo, titia amikhan bi apunikhan nimite bisi hobo amikhan laga bisi hoa laga niomte,
\v 16 Apunikhan laga pichete thakia jagakhante gospel laga kothakhan janaidibo, aru dusra manukhan toiari korikene rakhia samankhanke nijer hathte loikene phutani nakoribo.
\q
\v 17 "Hoilebi tae jun nam-utcha koriase, taeke Malik bhitorte nam-utcha koribole dibi."
\m
\v 18 Kilekoile tae nohoi jun nijer laga kam bhal ase koiase taeke manilobo, hoilebi taeke jun laga kam Prabhu bhal ase koiase.
\c 11
\p
\v 1 Isor nimite amilaga okorate apunikhan amike olop manilobi: aru hosa para ami logote milibi.
\v 2 Kilekoile ami apunikhan uporte bhal nimite suku-juliase: kilekoile ami apunikhanke ekta mota logote milaidise, titia ami apunikhanke ekta bhal chukuri nisena Khrista usorte dibole paribo.
\v 3 Hoilebi ami bhoe lage, jineka para hoilebi, jineka utu sap taelaga chalak kotha para Eve-ke jhukaise, ineka apunikhan laga bhabonakhan bi Khrista bhitorte thakia sida-sidi para misa-misi hoijabo.
\v 4 Kilekoile tae jun ahiase dusra Jisu laga kotha koise koile, juntu laga kotha amikhan koa nae, nohoile apunikhan dusra ekta atma paise koile, juntu apunikhan poila pa-a nae, nohoile dusra gospel, juntu apunikhan poila mania nae, hobole pare apunikhan bhal para taeke manilobo.
\v 5 Kilekoile ami lagiase ami bisi bhal apostlekhan para bisi chutu ase.
\v 6 Hoilebi ami kothate bisi kara hoilebi, ineka hoilebi dimagte nohoi; hoilebi amikhan apunikhan laga majote sob samankhanke thik para dikhai dibole parise.
\v 7 Ami galti korise nijeke sorom dikene tinihoile apunikhan laga nam-utcha hobo, kilekoile ami apunikhanke Isor laga gospel laga kotha ekubi dam naloikene janaidise?
\v 8 Ami dusra girjakhanke chor korise, taekhan para hajira loise, apunikhan laga kam koribole nimite.
\v 9 Aru jitia ami apunikhan logote asile, aru lagiasile, ami kun manu para ekubi loa nae: kilekoile ami ji lagiasile utu bhai-kokaikhan junkhan Macedonia para ahise dise: aru sob samankhan nimite ami apunikhan usorte digdar hobole dia nae, aru ami nije logote he rakhibo.
\v 10 Jineka Khrista laga hosa ami bhitorte ase, Achaia jaga laga kun manu bi amike itu phutani para rukhabole naparibo.
\v 11 Ki nimite? Kilekoile ami apunikhanke morom nakore? Isor janiase.
\v 12 Hoilebi ami ki koriase, itu ami korithakibo, titia ami taekhan nisena nahobo junkhan ineka koriase; titia ji nimite taekhan nam-utcha koriase, taekhan amikhanke bi ineka he koriase pabo.
\v 13 Kilekoile inekakhan misa-misi prophetkhan ase, thoka-baji laga kam koriakhan ase, nijeke Khrista laga apostlekhan banaiase.
\v 14 Aru aschurit nohoi; kilekoile Satan nijeke ujala laga ekta duth banaise.
\v 15 Itu nimite itu aschurit nohoi taelaga montrikhan nijeke hosate-thakia montrikhan nisena banaile; junkhan laga khotom taekhan laga kamkhan nisena he hobo.
\p
\v 16 Ami arubi koiase, Kun manu bi amike ekta okora nabhabibi; nohoile, ekta okora nisena amike manilobi, tinihoile nijer nimite ami olop phutani koribole paribo.
\v 17 Itu ami ki koiase, itu ami Malik laga niomte koa nohoi, hoilebi ekta okora nisena, itu phutani laga bhabonate.
\v 18 Dikhiase bisi mongso laga pichete nam-utcha koriase, ami bi nam-utcha koribo.
\v 19 Kilekoile apunikhan okorakhanke khusi para maniloe, dikhiase apunikhan nije chalak ase.
\v 20 Kilekoile apunikhan maniloe, ekta manu apunikhanke noukar banaise koile, ekta manu apunikhanke khaidise koile, ekta manu apunikhan para loile, ekta manu nijer nam-utcha korise koile, ekta manu apunikhan laga mukhte thapor marise koile.
\v 21 Ami bia pa-a nisena koiase, jineka amikhan komjur asile. Ineka hoilebi kunba bhoe-nakoria ase koile, (ami okora nisena koiase,) ami bi bhoe nalage.
\v 22 Taekhan Hebrew-jatikhan ase? Ami bi ase. Taekhan Israel-jati para ase? Ami bi ase. Taekhan Abraham laga bijon para ase? Ami bi ase.
\v 23 Taikhan Khrista laga montrikhan ase? (Ami okora nisena koiase) ami bisi ase; kamkhanke bisi, mar-khan ojon parabi bisi, jail-khan bhitorte bisi bar, moriakhan bisi bar.
\v 24 Jew-jatikhan para panch bar ami chalis bet-laga-mar khaise ekta charikene.
\v 25 Tin bar amike lathikhan para marise, ekbar amike pathor marise, tin bar ami pani-jahaj bhangikene dukh paise, ekta rati aru ekta din ami niche bhitorte asile;
\v 26 Bisi bar beraithakise, panikhan para bhoi, chorkhan para bhoi, amilaga nijer desh-laga-manukhan para bhoe, papikhan para bhoe, taun bhitorte bhoe, jongolkhante bhoe, samundar bhitorte bhoe, misa-misi bhai-kokaikhan laga majote bhoe;
\v 27 Alsi lagikene aru bikhaikene, bisi bar sai thakikene, bhuk lagikene aru piyas lagikene, bisi bar kha-a-loa nakorikene, thanda lagikene aru lengta hoikene.
\v 28 Itukhan charikene bi, juntu ami uporte hodae ahiase, sob girjakhan laga bhabona.
\v 29 Kun komjur ase, aru ami komjur nohoi? Kun bia paiase, aru ami julia nohoi?
\v 30 Ami nam-utcha lagiase koile, ami utu samankhan nimite nam-utcha koribo juntu amilaga komjurkhan ase.
\v 31 Amikhan laga Malik Jisu Khrista laga Isor aru Baba, jun hodae-hodae nimite asis paikene ase, janiase ami misa koa nohoi.
\p
\v 32 Damascus-te raja Aretas laga niche thakia solawnta Damascenes taunke sipoikhan para dhurikene rakhise, amike dhuribole nimite bisi bhabona korikene:
\v 33 Aru amike ekta tukuri bhitorte rakhikene pathor-laga-bera laga ekta khirki para amike niche koridise, aru taelaga hathkhan para polaise.
\c 12
\p
\v 1 Nam-utcha korikene thakia ami nimite thik nohoi, ami Malik laga sapanakhan aru dikhaidiakhante ahibo.
\v 2 Choudah sal para age ami Khrista bhitorte thakia ekta manuke janiasile, (gaote bhitorte ase, ami kobole napare; nohoile gao laga baharte ase, ami kobole napare: Isor janiase;) ineka ekjonke tisra swargte dhurise.
\v 3 Ami ineka ekta manu janiasile, (gao bhitorte ase, na gao baharte ase, ami kobole napare: Isor janiase;)
\v 4 Taeke kineka para swarg-laga-bagante dhurise, aru bujabole naparia kothakhan hunise, juntu ekta manu kobole niom nohoi.
\v 5 Ineka ekjon nimite ami nam-utcha koribo: hoilebi nijer laga nam-utcha ami nakoribo, hoilebi amilaga biakhan laga.
\v 6 Kilekoile amilaga nam-utcha koribole mon hoilebi, ami okora hobole nohoi; kilekoile ami hosa kobo: kilekoile itia ami pariase, nohoile kunba manu ami kineka dikhiase, nohoile amike kineka huniase itu para uporte bhabibole pare.
\v 7 Aru hobole pare ami utu bisi dikhaidia-khan paikene ojon para bisi nam-utcha koribo itu nimite, amilaga mongso bhitorte amike ekta kata dikene ase, Saitan laga khobor-janaidia amike maribole thakibole nimite, nohoile ami ojon para bisi nam-utcha koribo.
\v 8 Itu nimite ami tin bar Malik para morom-laga-parthana korise, tinihoile itu ami para jabole paribo.
\v 9 Aru tae ami usorte koise, Amilaga morom-laga-asis he apuni nimite thik ase: kilekoile komjurte amilaga takot he thik koridie. Itu nimite bisi khusi para ami amilaga komjurkhan nimite nam-utcha koribo, tinihoile Khrista laga takot ami uporte thakibole paribo.
\v 10 Itu nimite ami komjurkhan bhitorte, galikhan bhitorte, dorkarkhan bhitorte, dukhkhan bhitorte, digdarkhan bhitorte Khrista nimite khusi hobo: kilekoile jitia ami komjur ase, titia amilaga takot ase.
\p
\v 11 Nam-utcha korikene ami ekta okora hoise; apunikhan amike ineka koribole dise: kilekoile ami apunikhan nimite bhal hobole lagisile: kilekoile eku nohoilebi ami sob para bhal apostlekhan laga pichete ase, ami eku nohoilebi.
\v 12 Hosa para ekta bhal apostle bujabole nimite apunikhan majote kam korise sob rukhibole parikene, bujaikene, aru aschurit kamkhan korikene, aru dangor kamkhan korikene.
\v 13 Kilekoile ki ase juntu nimite apunikhan dusra girjakhan para chutu ase, khali itu charikene ami apunikhanke nije digdar koria nae? Etu galti nimite amike maph koribi.
\p
\v 14 Sabi, tisra bar ami apunikhan logote ahibole toiari ase; aru ami apunikhanke digdar nadibo: kilekoile ami apunikhan para kiba nalage, hoilebi apunikhanke; kilekoile bachakhan ama-babakhan nimite joma koribole nalage, hoilebi ama-babakhan bachakhan nimite.
\v 15 Aru ami bisi khusi para kharcha koribo aru apunikhanke kharcha koribole dibo; ami apunikhanke jiman bisi morom kore, itu para komti amike morom korilebi.
\v 16 Hoilebi ineka hobole dilebi, ami apunikhanke digdar dia nae: ineka hoilebi, chalak korikene, ami apunikhanke galti adat-te dhurise.
\v 17 Taekhan kunbake ami apunikhan usorte pathaikene ami apunikhan para ekta lab uthaise?
\v 18 Ami Titus nimite bhabona korisile, aru tae logote ami ekta bhaike pathaise. Titus apunikhan para ekta lab uthaise? Amikhan ekta atmate berai thakia nohoi? Amikhan ekta rastate he berai thakia nohoi?
\p
\v 19 Arubi, apunikhan bhabiase amikhan apunikhan usorte galti-laga-motlob diase? Amikhan Khrista bhitorte thakikene Isor usorte koiase: hoilebi amikhan sob samankhan korithake, bisi bhal lagiakhan, apunikhanke hikabole nimite.
\v 20 Kilekoile ami bhoe lage, hobole pare, jitia ami ahibo, ami apunikhanke ineka napabo jineka ami bhabiase, aru ami apunikhanke usorte ineka pabo jineka ami apunikhanke bhabona koria nae: hobole pare tate jhagarakhan, suku-julia, khongkhan, mara-marikhan, chukulikhan, bodnamkhan, phutanikhan, gondogolkhan hobo:
\v 21 Aru hobole pare, jitia ami arubi ahibo, amilaga Isor amike apunikhan laga majote norom koridibo, aru ami bisi nimite bisi mon-dukh koribo junkhan pap koriloise, aru niom-para-moila aru rendi-baji aru thelibole laga kamkhan juntu taekhan korise itu nimite maph mangia nai.
\c 13
\p
\v 1 Itu tisra bar ase ami apunikhan logote ahibo. Dui jon nohoile tin jon janaidia laga mukh para sob kotha thakibo.
\v 2 Ami apunikhanke poila koise, aru apunikhanke age koidiase, ami thakia nisena, dusra bar; aru itia nathakia nimite ami taekhanke likhiase junkhan itia para pap korise, aru dusra sobke, jitia, ami arubi ahise koile, ami nacharibo:
\v 3 Kilekoile apunikhan janibole bisariase Khrista ami bhitorte koiase, juntu apunikhan phine komjur nohoi, hoilebi apunikhan bhitorte takot ase.
\v 4 Kilekoile taeke komjur hoikene kruste khundise koilebi, tae Isor laga takot para jinda ase. Kilekoile amikhan bi tae bhitorte komjur ase, hoilebi amikhan tae logote Isor laga takot para apunikhan phine jinda thakibo.
\v 5 Nijeke porikha koribi, apunikhan biswas bhitorte ase na nae; apunikhan nije-ke-nije porikha koribi. Apunikhan nije-ke-nije najane, kineka Jisu Khrista apunikhan bhitorte ase, jiman tok apunikhan bisi bia nahobo?
\v 6 Hoilebi ami biswas ase apunikhan bujibo amikhan bisi bia nohoi.
\v 7 Itia ami Isor logote parthana koriase apunikhan ekubi bia nakoribo; itu nohoi amikhan ekdom thik dikhabole lage, hoilebi apunikhan itu koribole lage juntu hosa ase, amikhan bisi bia nisena hoilebi.
\v 8 Kilekoile amikhan hosake bia paikene ekubi koribole napare, hoilebi hosa nimite pare.
\v 9 Kilekoile amikhan khusi lagiase, jitia amikhan komjur ase, aru apunikhan logote takot ase: aru amikhan itu bi bhabona koriase, apunikhan laga ekdom thik ase.
\v 10 Itu nimite ami nathakikene itukhan likhiase, hobole pare ami thakile kara para cholabo, utu takot para juntu amike Malik hikabole nimite dise, aru khotom koribole nimite nohoi.
\p
\v 11 Seste, bhai-kokaikhan, jaiase. Thik hobi, bhal aram para thakibi, ekta bhabona korikene thakibi, shanti para thakibi; aru morom laga aru shanti laga Isor apunikhan logote thakibo.
\v 12 Ekjon-dusra-jonke ekta pobitro chuma para salam janaidibi.
\p
\v 13 Sob Isor-laga-manukhan apunikhanke salam koriase.
\v 14 Malik Jisu Khrista laga morom-laga-asis, aru Isor laga morom, aru Pobitro-Atma laga miliakhan, apunikhan sob logote thakibole dibi. Amen.