See in Reader
1055 lines
144 KiB
Plaintext
1055 lines
144 KiB
Plaintext
\id ACT - Indian Revised Version (IRV) Nagamese
|
|
\c 1
|
|
\p
|
|
\v 1 Pohila kitab moi likhise, Theophulis, Jisu ki hikaise aru ki korile,
|
|
\v 2 Taike Sorgote loi juwa din tok, pobitro Atma laga takot para Tai nijor bassi luwa apostle khan ke hukum dise
|
|
\v 3 Tai bisi dukh kori kene aru jinda uthi ja pichete chalis-din tok Tai hossa para jinda ase. Koikene dikhai dese, aru Isor raijyo laga kotha taikhan ke koise.
|
|
\v 4 Tai jetia taikhan logote thakise, tai khan ke hukum dese Jerusalem chari kena najabi, kintu Baba Isor laga echa rukhi thakibi ji kotha Tai koise, ''moi kuwa kotha tumi khan huni loise
|
|
\v 5 kelemane John to pani para Baptizma dise, kintu tumikhan to olop din pichete Pobitro Atma para Baptizima pabo."
|
|
\v 6 Jetia taikhan eki loge jama korise, tai khan hudise, aru koise, ''Probhu apuni itu homoi te Israel laga raijyo wapos dibo niki?''
|
|
\v 7 Kintu Tai taikhan ke koise, ''etu tumi khan janibole din aru homoi ahanai, baba Isor hai nijor adhikar aru hokti para koribo
|
|
\v 8 Kintu tumi khan hokti pabo, jetia Pobitro Atma ahibo, aru tumikhan moi laga gawahi koribo Jerusalem te Judia aru Samaria te aru prithibi laga sob jaga te.''
|
|
\v 9 Jetia Prabhu Jisu eitu kotha khan koi thakise, taikhan upor sai thaka homoi te, Tai ke upar te utai loi jaise, aru badal ahi kena tai ke bonkori dise aru tai khan laga suku para eku nedikha hoi jaise.
|
|
\v 10 Jetia tai khan Jisu ke sorgo te loi jai thaka tu sai thakise, aru achanak, duijan manu boga kapur lagai kena tai khan usorte khara hoi thakise.
|
|
\v 11 Aru koise, Galilee laga manu khan tumikhan, kele sorgo phane sai kena khara kori ase? Eitu Jisu jun ke sorgo te loi jaise, Tai ke sorgo juwa dekha nisina aru wapas eneka aha dhikbo.''
|
|
\v 12 Tetiya taikhan Jerusalem te ahise, Olive koa pahar para, jun to Jerusalem para ekta bisram din nisina dur ase.
|
|
\v 13 Jetia taikhan ahi ponchise, taikhan upor kamra te jaise, jun jaga te sob manu bohi thakise, aru tate Peter, James, John, aru Andrew, Philip aru Thomas, Bartholomew, Mathew, Alpheus laga chokora James, Simon Zealot aru James laga bacha Judas.
|
|
\v 14 Taikhan sob ekta mon hoi kena prathana kori thakise, tate maiki khan bhi ase, aru Jisu laga amaa Mary aru Tai bhai khan bhi thakise.
|
|
\p
|
|
\v 15 Aru eitu homoi te ekso-bis nisina bhai khan jama thakise, tetia Peter hai koise,
|
|
\v 16 Hei, bhai khan, Isor kotha te ki likhi ase eitu pura hobo lagibo, je Pobitro Atma hai David laga muh para Judas nimite koi sele, jun hai manu khan ke loi ani kena Jisu ke dhoribole dise.
|
|
\v 17 Kelemane taike bi amikhan logote gonti korise, aru Isor laga kam koribole tai laga bhag bhi thakise.''
|
|
\v 18 Ekjon manu Tai laga letera kamai para kheti kinise, aru eitu jaga te tai pohila matha ulta kori kena girise, aru tai laga pet phali jaise, aru petnari sob bahaar te ulaai ahise.
|
|
\v 19 Aru Jerusalem te thaka manu sob eitu khota janise, aru tetia tai khan nijor kotha para eitu kheti laga nam ''Akeldama, ''dise ''Khoon laga Kheti.''
|
|
\v 20 ''Kelemane psalms laga kitab te likha ase, tai laga kheti khali hoi jabo, tate kun ke bhi thakibole nidibi, 'aru 'kunuba para tai laga kam tu loi lobole dibi.'
|
|
\v 21 Eitu dorkar ase, kelemane, jun manu Probhu Jisu thaka homoi para moi khan logote Tai naja tak thakise,
|
|
\v 22 Suru para John ke Baptizma dia homoi aru Jisu ke moi khan logote para utai loi naja tak-ekjon manu moi khan logote mili kena Tai uthi juwa laga gawahi koribole lage.''
|
|
\v 23 Aru taikhan duijon manu ke age te rakhise, Joseph ke Barsabbas bhi koi, aru tai ke Justus, aru Matthias bhi mate.
|
|
\v 24 Aru taikhan prathna kori koise, ''Apuni, Probhu, sob manu laga mon jane, eitu nimite duijon majote kun ke bachi loise eitu janai dibi.
|
|
\v 25 Kun he seva laga jaga lobo jun hai Judas hitu chari kene nijo jaga te jai jaise.''
|
|
\v 26 Tetiya taikhan lotery korise, aru lotery te Matthias nam te ulaaise, aru tetia tai ke egrota chela majote te tai bhi ekjon hoi jaise.
|
|
\c 2
|
|
\p
|
|
\v 1 Jetia pentecost din ahise, taikhan sob ek jagah te jama hoise.
|
|
\v 2 Aru achanak tate awaz ekta sorgo para ahise, aru jun jaga te tai khan bohi thakise eitu pura ghor tu bhorta hoi jaise.
|
|
\v 3 Tetiya tate alak-alak kotha kobole suru hoise, jui nisina, aru ekjon-ekjon uporte bohi jaise.
|
|
\v 4 Aru taikhan sob Probitro Atma para bhorta hoise aru alak kotha para kobole suru hoise, Atma para tai khan ke dusra bhasa para kobole shikai dise.
|
|
\v 5 Aru tate Yahudi manu khan jerusalem te thakise, Isor kotha jani kena thaka manu, aru akas nichete thaka sob jati yahudi dhormik khan sob jerusalem te ahi thakisele.
|
|
\v 6 Aru jetia eitu awaaz hunise, tate manu khan sob ahi kena asurit lagise kelemane tai khan nizor laga kotha para koi thaka hunise.
|
|
\v 7 Tetiya taikhan sob asorit hoi jaise ; aru tai khan koise , ''sabi, tai khan Galilee manu nohoi niki?
|
|
\v 8 Tene hoile keneka kori taikhan laga mukh para amikhan ki kotha loi kena jonom korise eitu kotha koi ase?
|
|
\v 9 Parthians aru Medes aru Elamites, aru kun Mesopotamia thake, Judia aru Cappadocia, Pontus aru Asia te,
|
|
\v 10 Phrygia aru Pamphylia, Egypt aru cirene usor te Libya, aru Rome phale jai thaka manu khan,
|
|
\v 11 Aru Yahudi proselytes, Crektans aru Arabains, tai khan Isor laga dangor aru asorit kam kora tu moi khan laga kotha para koi thaka tu hunise.''
|
|
\v 12 Tai khan sob asurit para bhabna kori kena, ekjon-ekjon ke koise, ''eitu laga ki matlab ase?''
|
|
\v 13 Kintu dusra khan para sorom khelai kena koise, '' taikhan nisa pani kori kena ase.''
|
|
\v 14 Kintu Peter egyaro jon logotte khara hoi kene jor para taikhan ke koise, ''Judia laga manu khan aru jerusalem te thaka khan, apunikhan eitu jani lobi, aru moi ki koi ase eitu bhal kori kena huni lobi.
|
|
\v 15 Kintu eitu manu khan tumi khan para bhabna kora nisina nisha pani khai kena thaka nai, kelemene etia phujur nou-baji he ase.
|
|
\v 16 Kintu eitu Kotha prophet Joel para koise.
|
|
\v 17 Eneka last-din te hobo,' Isor para koise, moi laga Atma sob manu uporte di dibo tumi khan laga lora suwali khan para prophesy koribo, aru juwan manu khan darsan pabo, aru bura manu khan sapna dikhibo.
|
|
\v 18 Aru moi laga sewak aru maiki sewak khan uporte moi laga Atma di dibo, aru tai khan prophesy kobo.
|
|
\v 19 Moi akash aru prithibi te asorit kam dekhai dibo, khoon aru jui aru dhuwa laga bhap.
|
|
\v 20 Tetiya suraj tu andhera hoi jabo aru moon tu khoon nisina dekhibo, Probhu laga dangor mohima din naha agete eitu khan sob hobo.
|
|
\v 21 Aru jun manu last homoi tak probhu laga nam loi kena thake tai bachi jabo.'
|
|
\v 22 Israel laga manu khan, eitu kotha hunibi, Nazareth Jisu eneka manu thakise jun ke Isor para tumi khan nimite pothai dise dangor aru asurit kam koribole nimite, aru eitu sob Isor para Probhu Jisu ke loi kena korise, aru eitu sob tumi khan para dekhise.
|
|
\v 23 Eitu manu,Isor para keneka bhabna korise aru Tai laga gyan para, Jisu ke beya manu hath te di dise, aru tumi khan Tai ke gojal mari kena cross te morai dise.
|
|
\v 24 Tai ekjon ase jun ke Isor mora para zinda kuri dise, mora para tai ke chari dise, kelemane Tai ke mora para aru bandhi rakhibole para nai.
|
|
\v 25 Kelemane David,Tai nimite koise,'moi probhu ke hodai moi laga chehera usorte dikhe, Tai moi laga dyna hath te thake jate moi beya rastate najai.
|
|
\v 26 Eitu karone, moi laga mon khusi ase aru moi laga jiba dhanyabad kore aru, moi laga gau bhi bisas te zinda thakibo.
|
|
\v 27 Kelemane apuni moi laga jibon mora jaga te chari nidibo, aru Apuni laga pobitro manu khan ke puchibo nidibo.
|
|
\v 28 Apuni moike jeevon laga raasta dikhai dise; aru apuni laga usorte moi ke khusi para bhorta kori dibo.'
|
|
\v 29 Hei bhai khan, moi tumi khan usorte khuli kena David para ki kam korise eitu kobole pare, tai duijan bhi morise, aru tai laga kobor aji tak moi khan logote ase.
|
|
\v 30 Eitu karone, tai ekta prophet thakise aru jane Isor tai logote kosom khaise, tumar khandan para ekjon ulabo aru uthai tumi laga sinhason te bohhai dibo.
|
|
\v 31 Aru aha din te ki hobole ase eitu sob tu dekhi kena, tai krista mora para zinda huwa laga kotha koise, 'Tai ke mora khan mojote bhi chari diyanai, aru Tai laga gau bhi puchi janai.'
|
|
\v 32 Heitu Jisu ke Isor he jinda kori dise, aru amikhan sob eitu laga gawahi ase.
|
|
\v 33 Eitu nimite Tai ke Isor laga dyna hath te bohai kena uthai dise aru baba Isor para , Tai moi khan uporte di dise jate moi khan dekhibo aru hunibole paribo.
|
|
\v 34 Kelemane David to sorgote uthia loi juwanai, kintu tai nije koise, 'Probhu hai amar Probhu ke koise, ''Ami laga dyna hath te bohibi,
|
|
\v 35 jetia tak tumi laga dusman khan ke tumi laga bhori raka jaga bonai nediye.''
|
|
\m
|
|
\v 36 Eitu karone, Isreal te jiman ghor ase eitu jani lobi Isor Tai ke Probhu aru Krista bonai dise, eitu Jisu jun ke tumikhan cross te mari dise.''
|
|
\p
|
|
\v 37 Jetia tai khan eitu kotha hunise, mon te jokhom paise, Peter aru tate thaka apostel khan ke koise, ''bhai khan, moi khan ki koribo?
|
|
\v 38 Tetiya Peter taikhan ke koise, ''mon ghurabi, moi koi ase, aru baptisma koribi, sob manu, Jisu Krista nam para aru nijor laga pap para , tetia tumi khan pobitro Atma laga asirbad pabo.
|
|
\v 39 Kelemane eitu Isor laga kusom tumi aru tumi khan laga bacha khan nimite ase aru jun manu ke Isor para mati loi anibo tai khan nimite bhi ase.''
|
|
\v 40 Tai aru bisi kotha para gawahi di kene taikhan ke somjhai se, aru koise, ''Nijor ke beya manu khan para bachai rakhibi.''
|
|
\v 41 Tetiya tai khan eitu sob huni kena batisma loise, aru tin hazar bachi luwa Atma majote tai khan ke bhi gonti kori loise.
|
|
\v 42 Aru taikhan apostle khan para ki shikai dise eitu kotha khan koi jai thakise aru ekjon-ekjon logete fellowship kori, aru roti bhangai kene prathana te thakise.
|
|
\v 43 Aru sob logote bhoi ahi jaise, aru asurit kam apostle khan para korise.
|
|
\v 44 Aru bisasi khan logote mili kena thakise, aru taikhan laga ki kam hoilebi mili kena kori thakise.
|
|
\v 45 Aru taikhan nijor dhon-sammota aru saman sob bikri kori kena kun ke lage tai khan ke bhag kori dise.
|
|
\v 46 Aru hodai din ekta babna loi kena girja te kam kore, aru ekjon-ekjon logote khusi aru mon sapha para ghor te roti bhangai kena Isor ke dhanyabad daye,
|
|
\v 47 Aru hodai Isor ke dhanyabat kore, aru sob logote morom pai kena, hodai Probhu ke kun bisas kori kena jivan pai tai khan majote gonti hoi jai.
|
|
\c 3
|
|
\p
|
|
\v 1 Eitu homoi te Peter aru John prathana koribole temple te jai thakise.
|
|
\v 2 Tetiya tate ekjon manu ama laga pet te thaka homoi para berabole napare, tai ke manu khan para hodai bukhi kena temple laga gate sundor koi kena ase tate rakhi de, jate tai temple te aha manu khan ke poisa mangi bole paribo.
|
|
\v 3 Tai jetia Peter aru John temple te juwa dekhise, taikhan ke poisa mangise.
|
|
\v 4 Kintu Peter, John logote mili kena tai ke bhal kori sai se aru, koise, ''moikhan phale saabi.''
|
|
\v 5 Tetiya eitu bera bole napara manu tai khan ke sai se, aru bhabise kiba tai khan para pabo.
|
|
\v 6 Kintu Peter koise,''sona aru chandi moi logot nae,kintu ki moi logot ase,eitu moi tumike dibo. Nazareth, Jisu Khrista naam para koi ase uthi kene berabhi.''
|
|
\v 7 Aru Peter tai laga dyna hath dhori kene khara kori bole dise,aru eitu homoi te bhori laga hardi khan te takot ahi jaise.
|
|
\v 8 Tetiya eitu manu khara hoi kena bera bole suru hoise;aru tai khan logote tempel bhitor te jaise,jump kori aru berai kena Isor ke dhanyabad dise.
|
|
\v 9 Aru sob manu taike berai kene Isor ke dhanayabad kora dekhise.
|
|
\v 10 Aru manu khan tai ke dekhi kena jani loise tai kun ase, tai tempel laga sundor dorja te bohi kena manu khan ke poisa mangi thake; manu khan tai logote ke hoise eitu dikhi kena bisi asurit hoi jaise.
|
|
\v 11 Aru eitu manu Peter aru John logotte jai thaka karone,sob manu polai ahi kena Solomom laga varanda koa kena ekta jaga ase tate joma hoise aru tai khan bisi asurit para sai thakise.
|
|
\v 12 Jetia Peter eitu dekhise, manu khan ke koise,''Isarel laga manu khan, eitu deki kena kele eman asurit lagi ase? Aru kele moi khan ke eneka sai ase,moi khan laga takot aur bhal khan bisi bhal manu thaka nisina?
|
|
\v 13 Abraham laga Isor,Isaac aru Jacob laga Isor,ami khan baba laga Isor,Tai laga sewak Jisu ke mohima kori dise,tumi khan tai laga kotha huna nai aru pilate laga usorte Tai ke sorom khelaise, jetia pilate para Jisu ke chari dibo koise eitu bhi tumi khan mana nai.
|
|
\v 14 Kintu tumi khan Pobitro aru dhormic ekjon ke lowanai, aru manu morai dia ekjon ke chari dibole binti korise.
|
|
\v 15 Kintu Jeevon-deya ke morai desi, jun ke Isor mora para aru jinda kori dise, aru moikhan utu laga witness ase.
|
|
\v 16 Etiya, Jisu laga naam aru bisas para jun ke dekhise aru jane tai ke taqot kori dise, aru Jisu laga nam te aru bisas para eitu manu ke apuni khan sob usorte pura bhal kori dese.
|
|
\v 17 Etiya,bhai khan, moi jane apuni khan najani kene kori dise, aru tumi khan laga solawta khan bhi eneka korise.
|
|
\v 18 Kintu ji kotha Isor he tai laga prophets khan muh para koi disele,Tai laga Khrista dukh pabo, aru tai eitu pura kori dise.
|
|
\v 19 Mon ghurabi,aru,tetia nijor paap para maph pabo,
|
|
\v 20 Prabhu laga asirbat apuni khan logote nutun kori kena ahibo;aru Tai apuni khan nimite bachi kena rakhi diya ekjon, Jisu Krista ke pothai dibo.
|
|
\v 21 Tai ke sorgo te loi jabo jetia tak sob kam pura nohoi,aru ji kotha Isor para tai laga pobitro bhawadi khan laga mukh para koi disele.
|
|
\v 22 Moses para koise, Probhu Isor para tumi khan nimite moi nisina ekjon ulai dibo, aru Tai ki kotha kobo eitu tumi khan sob hunibo.
|
|
\v 23 Aru kun eitu bhawadi laga kotha nuhunibo, eitu bhawadi para tai ke manu laga majo para khotom kori dibo.
|
|
\v 24 Aru Samuel para loi kene jiman prophets tai piche te ahise, jiman manu para koise sob eitu din laga kotha hai koise.
|
|
\v 25 Apuni khan prophet laga bacha khan ase,aru Isor para tumi khan laga baba khan logote koi nisina, Abraham ke koise,'aru tumi laga bijon para duniya te sob poribar asirbad pabo.'
|
|
\v 26 Jetia Isor para Tai laga sewak ke mora para zinda kori dise,Tai, taike tumi khan usorte pohila pothai dibo, tumi khan laga beya kam para ghurai kena loi anibo aru asirbad dibo.''
|
|
\c 4
|
|
\p
|
|
\v 1 Jetia Peter aru John manu khan logot kotha kori thakise, purohit aru temple laga solawta aru sadducees khan duijon logot ahise.
|
|
\v 2 Tai khan bisi chinta hoi jaise, kelemane Peter aru John Jisu mora para jinda uthi jaise koi kena manu khan ke sikhai thakise.
|
|
\v 3 Aru taikhan duijon ke dhori kena dusra din tok jail te rakhi dise, kelemane sham hoi ja karone.
|
|
\v 4 Kintu jiman manu eitu kotha hunise tai khan bisas korise; aru bisas kora manu khan sob milai kena panch hazar nisina hoi jaise.
|
|
\v 5 Aru dusra din te solawta aru kanun jana manu khan sob jerusalem te jama hoise.
|
|
\v 6 Aru Annas moha purohit bhi tate thakise, aru Caiaphas, John aru Alexandra aru jiman dangor purohit sob joma hoise.
|
|
\v 7 Aru jetia Peter aru John ke tai khan laga majote rakhise, tai khan ke hudise, ''kun laga takot aur kun laga nam para, tumi khan eitu korise?''
|
|
\v 8 Tetiya Peter, Pobitro Aatma para bhorta hoi kene, tai khan ke koise, ''tumi khan manu khan laga solawta,
|
|
\v 9 Moi khan ke ekta bimar manu ke bhal kam kori diya nimite hudi ase, keneka kori kena tai bhal hoise?
|
|
\v 10 Apuni khan aru Israel laga manu sob para jani lobi, Nazareth Jisu Khrista nam para, kun ke tumi khan cross te morai dise, kintu Isor mora para Tai ke zinda kori dese, Tai laga naam para eitu manu bhal hoi tumi khan usorte khara ase.
|
|
\v 11 Jisu Krista Eitu pathor ase jun ke tumi khan para phelai dise, ghor bana manu khan, kintu eitu pathor hai sob para bhal aru kam laga pathor hoi jaises.
|
|
\v 12 Aru Tai nohole dusra kun bhi poritran dibole naparibo, Kelemane Sorgot laga niche te kun bhi eneka nai ami khan laga pap para mukti dibole nimite.''
|
|
\v 13 Jetia taikhan Peter aru John laga mon dangor dikhise, aru janise tai khan likha para manu nohoi, tai khan asurit lagise, aru tai khan Jisu logote thakise koi kena jani jaise.
|
|
\v 14 Aru dekhise bhal hoi juwa manu tai duijon logote khara hoi thakise, taikhan eku bhi kobo para nai.
|
|
\v 15 Aru jetia apostle khan ke sabha laga bahar te pothai dise, taikhan nijor majot te kotha motase.
|
|
\v 16 Tai khan koise, ''amikhan eitu duijon ke ki kori dile bhal hobo? Kelemane Jerusalem te thaka sob jani jaise, duijon ki asorit kam kori dise, aru amikhan eitu mana koribo naparibo.
|
|
\v 17 Kintu eitu kotha aru dusra manu khan logote bisi nakobole nimite, amikhan tai duijon ke koi dibo eitu naam loi kena dusra ke aru nishikabole.''
|
|
\v 18 Peter aru John ke mati kena, tai khan hukum dise aru Jisu laga nam nokobo aru Tai laga kota nisikabole nimite koise.
|
|
\v 19 Kintu Peter aru John taikhan ke koise, ''Isor laga kotha huna tu thik ase na tumi khan laga kotha mana tu thik ase, eitu tumi khan bhabi kena sabi.
|
|
\v 20 Kelemane amikhan ki dekhise aru hunise eitu nokoi kene thakibole naparibo.''
|
|
\v 21 Tetiya Peter aru John ke dhomki di kene jabole dise, kelemane manu khan tai duijon laga asurit kam tu dekhi kena Isor ke dhanyabad di thakise aru tai duijon ke sajai dibole eku golti tai khan dekha nai.
|
|
\v 22 Kelemane jun ke asorit para changai kori dise eitu manu chalis saal laga thakise.
|
|
\v 23 Jetia tai duijon ke chari dise, Peter aru John nijor manu khan logote jai kene maha purohit aru solawta khan para ki koise eitu tai khan ke koi dise.
|
|
\v 24 Jetia taikhan eitu hunise, tai khan sob awaz uthai kena eke logote Isor ke koise, ''Probhu, apuni sorgo aru prithibi bonaise aru samundar te ji ase sob bonai dia Probhu Isor.
|
|
\v 25 Apuni ekjon ase jun hai pobitro Atma para apuni laga sewak laga muh para koise, moi khan laga baba David,'ki nimite dusra jat manu khan khong utise, aru manu khan misa kotha khan kele bhabi thake?'
|
|
\v 26 Prithivi laga raja khan uthi khara hoise, aru solowta khan eke logete jama hoise, Probhu laga birot te aru Khrista laga birot te.'
|
|
\v 27 Hosa para, Herod aru Pontius pilate, dusra jati aru Isreal laga manu khan, sob eke logote jama hoi kena apuni laga pobitro sewak jun ke apuni asirbad korise tai ke manu khan para hinsa korise.
|
|
\v 28 Aru tai khan sob jama korise aru apuni laga hath para ki koribole echa asele eitu sob pohila para hobo koi kena thakise.
|
|
\v 29 Etiya, Probhu, tai khan laga dhomki ke sabi, aru apuni laga sewak mon dangor kori kena apuni laga kotha kobole nimite takot dibi.
|
|
\v 30 Eitu karone apuni laga hath changai koribole nimite khuli dibi, aru apuni laga pobitro sewak Jisu laga nam te asurit kam koribole nimite.''
|
|
\v 31 Aru jetia taikhan prathana kori khotom hoise tai khan jun jaga te thakise eitu hilibole suru hoise, aru taikhan sob Pobitro Aatma para bhorta hoi jaise, aru taikhan bhoi nokori kene Isor laga kotha manj khan ke koise.
|
|
\v 32 Aru jiman manu bisas te jama hoi thakise tai khan sob mon aru bhabhna sob eki hoi thakise, aru kun para bhi nijor laga dhan sampati eitu moi laga ase koi kena kuwa nai kintu ekjon-ekjon logotes bhak korise.
|
|
\v 33 Aru apostle khan takot para, Prubhu Jisu jinda hoise koikene gawahi di thakise, aru taikhan sob logote Isor laga morom thakise.
|
|
\v 34 Aru taikhan majote kunu bhi duk nathaka hoise, Kelemane kun manu logote kheti ghor aru saman ase sob bikri kori kena eitu laga daam ani di thakise.
|
|
\v 35 Aru apostle khan laga bhori nichete ani kena rakhi deye, aru taikhan kun ke ki dorkar ase eitu sai kene bhag kori deye.
|
|
\v 36 Tetiya Joseph, tai ke barnabas koi kena apostel khan para mate(mon dangor kori diya chokra bhi koi), ekta levite, jonom para cyprus jaga laga manu,
|
|
\v 37 Tai laga ekta kheti thakise eitu bikri kori kena poisa ani apostle khan laga bhori te rakhi dise.
|
|
\c 5
|
|
\p
|
|
\v 1 Etiya ekjon manu Ananias, aru tai laga maiki Sapphira diujan mili kena chutu ekta mati bikri korise,
|
|
\v 2 Aru tai laga maike logote kotha milai kene adha poisa rakhi loise, aru adha poisa jai kene apostle khan laga bhori te rakhi dise.
|
|
\v 3 Kintu Peter koise, ''Anania, kele saitan para tumi laga mon tu pobitro Aatma ke misa kobole bhorta kori dise aru ki bikai korise eitu laga adha tumi kele loi rakhise?
|
|
\v 4 Jetia mati tumi logote bikiri nohoi kena thakise, tetia tumi laga mon te ahanai, aru jetia bikiri hoi jaise, tumi thaki bole para nai? Tumi laga mon te keneka eitu bhabise? Tumi manu ke misa kuwa nai, kintu Isor ke hai misa koise.''
|
|
\v 5 Jetia Anania eitu kotha hunise, tai giri kene tate mori jaise, aru jun eitu kotha hunise sob bhoi lagi jaise.
|
|
\v 6 Aru tai ke uthai kena jawan khan ahi kena kapur para bandi dise, aru loi jai kene, mati te hali dise.
|
|
\v 7 Aru Tin ghanta pichete, tai laga maike ahise, ki hoise eitu najani kena thakise.
|
|
\v 8 Tetiya Peter taike koise''tumi eitu mati eiman para bikiri korise, ''tetia tai koise''hoi, eiman para hai bikiri korise.''
|
|
\v 9 Tetiya Peter taike koise, ''tumi duijon milli kene Isor laga Atma ke porikha koribole kena bhabise?Sabi, tumi laga mota ke mati te hali dia manu khan dorja usor te khara kori ase, aru tumi ke bhi uthai loi jabo.
|
|
\v 10 Tetiya tai eitu homoi te Peter laga bhori nichete giri kena mori jaise, aru jetia jawan khan bhitor te ahise, taike mora paise, aru bahar te loi jai kene tai laga mota usorte dabai deise.
|
|
\v 11 Aru jiman manu girja te thakise aru eitu kotha hunise tai khan sob bisi bhoi lagi jaise.
|
|
\v 12 Aru chela khan laga haath para asorit kam manu usor te kori thakise, aru taikhan sob eki mon hoi Solomon laga varanda te joma hoise.
|
|
\v 13 Kintu tai khan logote kam koribole kun laga bhi mon dangor thakanai;hoilebi manu khan para tai khan ke bisi ezat di thakise.
|
|
\v 14 Probhu laga nam te mota aru maiki bisi jama hoise, aru bisas khan logot mili kena ekta mon para kam korise,
|
|
\v 15 Eitu karne manu khan bisna utai kena bimar manu ke rasta te loi jai kena rakhi dise, jetia Peter tate ahibo, tai laga chhaya bimar manu khan uporte lagi kena bhal hoi jabo.
|
|
\v 16 Aru Jerusalem usorte thaka City para manu khan bimar aru beya Aatma para dukh di thaka khan loi ani jama kori dise, aru sob manu jiman ahise bhal hoi jaise.
|
|
\v 17 Kintu maha purohit khara hoi jaise, aru jun manu tai logote thakise tai khan bhi uthi jaise(sadducees khan laga ekta group); aru tai khan eitu sai kene jolon hoise.
|
|
\v 18 Aru Apostle khan ke dhori kene jail te rakhi dise.
|
|
\v 19 Kintu eitu raati te Probhu laga sorgo-doot ahi kena jail laga dorja khuli dise, aru taikhan ke bahar ulai dise, aru koise,
|
|
\v 20 ''Jabi aru khara kuri kena temple bhitorte jiman manu ase tai kha ke jibon laga kotha koi dibi.''
|
|
\v 21 Aru jetia taikhan eitu hunise, tai khan phujur te jai kena temple bhitorte shikaise. Kintu maha purohit aru jiman manu tai logote thakise tai khan bhi ahise, aru Isreal laga bacha colawta khan ke council te eke logote matise, aru jail para apostle khan ke loi ani bole nimite pothaise.
|
|
\v 22 Kintu jetia sahab khan jail te jaise kintu taikhan ke bisari panai, tetia taikhan wapas jai kena khobor dise.
|
|
\v 23 Koise, ''moi khan jai kena jail aru sipai khan bhi tate khara kori thakise, kintu jetia khulise, moi khan bhitote kun ke bhi panai.''
|
|
\v 24 Jetia temple laga solowta aru maha purohit khan eitu kotha hunise, taikhan asurit hoise, aru bhabise eitu keneka hoi jaise.
|
|
\v 25 Tetiya kunuba ahi kena taikhan ke koise, ''sabi, apunikhan kun ke jail te dhalidise, tai khan temple te khara kori kena manu khan ke shikai ase.''
|
|
\v 26 Tetiya solowta aru dangor sahab khan jaise, aru tai khan ke loi anise, kintu tai khan ke eku kora nai, kelemane manu khan tai khan ke pathor maribo jodi tai khan apostle khan ke dukh dile.
|
|
\v 27 Aru jetia tai khan ke anise, council usorte khara koribole dise. Tetia maha purohit para tai khan ke hudise,
|
|
\v 28 Aru koise, ''moi khan koi dise apuni khan eitu nam loi kena nishikabi, kintu, tumi khan jerusalem tu pura tumi khan laga kotha para bhorta kori dise, aru eitu manu laga khoon moi khan upote dhali bole bisari ase.''
|
|
\v 29 Kintu Peter aru Apostle khan koise, ''amikhan manu laga kotha huna para Isor laga kotha hai pohila manibo lage
|
|
\v 30 Ami khan laga baba khan laga Isor hai Jisu ke jinda kori dise, jun ke apunikhan khuri te latkai kene morai dise.
|
|
\v 31 Isor hai Tai ke Probhu aru tran-korta bonai kene Tai laga dyna hath te rakhi loise, aru Isreal manu khan ke naya jivan dibo aru pap para mukti pabo.
|
|
\v 32 Aru amikhan eitu kotha laga gawahi ase, aru Isor Tai laga kotha mani thaka khan ke dibole Pobitro Atma bhi eitu kotha laga sakhi ase.
|
|
\v 33 Jetia council khan eitu kotha hunise, tai khan bisi khong uthise, aru apostles khan ke morai dibole mon hoise.
|
|
\v 34 Kintu council te ekta manu thakise, ekjon pharisee tai laga nam Gamaliel thakise, kanun jana manu, aru sob manu para tai ke adar kore, tai khara kori kena apostle khan ke olop deri nimite bahar te loi jabole koise.
|
|
\v 35 Aru taikhan ke koise, '' Israel laga manu, moi ki koi ase eitu bhal para hunibi aru tumi khan eitu manu khan logote ki koribole lage.
|
|
\v 36 Kelemane poila te, Theudas uthi kena tai kunba ekjon ase koise, aru charso nisina manu tai laga pichete jaise, tai ke morai dise, aru jun manu tai laga pichete jai thakise tai khan bhi sob alak-alak hoi jaise.
|
|
\v 37 Eitu pichete Galilee para Judas koi kena ekjon uthise, tai bhi manu khan ke chela bonai loisele, kintu tai bhi harai jaise, aru jiman taike mani thakise sob alak-alak hoi jaise.
|
|
\v 38 Etiya moi apunikhan ke koi ase, eitu khan para dur thakibi aru taikhan ke chari dibi, kelemane jodi eitu dhorom aru kam to manu para ase koile, tai khan bhi khotom hoi jabo.
|
|
\v 39 Kintu jodi Isor para ase koile, tumi khan tai khan ke ketiabi hatabo na paribo;aru tumikhan nijor Isor logote larai kori thaka nisina hobo, ''
|
|
\v 40 Tetiya tai khan apostle khan ke matise aru mari kena tai khan ke Jisu laga nam aru nolobole koise, aru jabole dise.
|
|
\v 41 Tai khan council para ulaai jaise aru Jisu laga naam nimite, dukh paise koi kena khusi para jaise.
|
|
\v 42 Aru eitu pichete, temple te aru ghor-ghor te, jai kena Jisu Krista laga khusi kotha manu khan ke koi thakise.
|
|
\c 6
|
|
\p
|
|
\v 1 Aru eitu din te, Jetia chela khan bisi hoi thakise, tetia Grecian khan, Yahudi khan ke birot kori thakise, kelemane mota mori ja maiki khan ke kha-lua bhag kora homoi te hisaab no kore koi kena tai khan beya pai thakise.
|
|
\v 2 Tetiya barota chela kha para tai khan pichete aha khan ke koise, ''eitu moi khan nimite thik nohoi Isor laga kotha chari kene khoa-loa laga bhag kori thaki jabo na lage.
|
|
\v 3 Eitu karone bhai khan, apunikhan majote bhal manu ekjon ke bachi lobi, sat-jon manu Pobitro Atma aru gyan thaka, jun ke moi khan eitu kam nimite bachi lobo.
|
|
\v 4 Kintu amikhan hodai prathana kori thakibo aru Isor laga kotha aru kam te age jai thakibo.''
|
|
\v 5 Tai khan laga kotha sob manu khan para bhal paise. Aru taikhan Stephen ke bachi loise jun dhormik aru pobitro Atma para bhorta thakise, aru Philip, aru Prochorus, aru Nicanor, Timon, Parmenas, aru Nicolaus, Yahudi nyom mani thaka ekjon Antioch.
|
|
\v 6 Taikhan ke apostle usor te anise, aru apostle khan para hath di kene tai khan uporte prathna kori dise.
|
|
\v 7 Tetiya Isor laga kotha khuli prochar hoi jaise, aru biswasi khan bisi-bisi hoi thakise Jerusalem te aru purohit khan bhi bisi manu biswasi khan logot milli jaise.
|
|
\v 8 Etiya Stephen pura takot aru anugrah te bhorta hoi kene manu usor dangor asorit, kam kori thakise.
|
|
\v 9 Kintu Synagogue te freedmen koi kena kunba uthise, aru Cyrenian aru Alexander manu, aru Cillica aru Asia para kunuba ahi kene Stephen logote kotha para lagise.
|
|
\v 10 Kintu tai khan Stephen laga gyan aru Atma para kotha kuwa dekhi kena tai uporte jiti bole paranai.
|
|
\v 11 Tetiya taikhan poisa di kena manu khan ke kobole koise, ''moi khan Stephen para Moses aru Isor laga beya kotha koi thaka hunise.''
|
|
\v 12 Aru tai khan solawta aru kanun jana manu khan, laga mon bhi ulta kori dise aru Stephen logote jai kena, tai ke council usorte tani kena loi anise.
|
|
\v 13 Taikhan misa kotha kuwa manu loi anise, aru koise, ''eitu manu pobitro jaga aru kanun laga beya kotha kobole bon nokore.
|
|
\v 14 Kelemane amikhan tai para eitu kuwa hunise, Nazareth laga Jishu para eitu jaga ke khotom kori dibo, aru Moses ki niyom amikhan ke dise eitu sob bodli kori dibo.
|
|
\v 15 Aru jiman manu council te bohi kena thakise sob Stephen ke he sai thakisele, aru tai laga chehera ekta sorgo-doot laga chehera nisina hai dekhise.
|
|
\c 7
|
|
\p S
|
|
\v 1 Tetiya maha purohit para koise, ''eitu khan hosa ase?''
|
|
\v 2 Tetiya Stephen koise, ''hei, bhai, aru baba khan moi laga kotha hunibi:Isor laga mahima baba Abraham logote jetia tai Mesopotamia te thakise, tai Haran te nathaka agate;
|
|
\v 3 Aru tai ke koise, 'tumi laga mati aru ghor manu khan para ulai jabi, aru moi jun jaga tumi ke dikhabo tate jabi.'
|
|
\v 4 Tetiya tai Chaldians laga des chari kene Haran te thaki jaise;aru tai laga baba mora pichete, Isor hai taike eitu jaga te loi anise, jun jaga te tumi khan etiya thaki ase.
|
|
\v 5 Kintu Tai taike eitu jaga diya nai tai laga bhori rakhibole bhi deya nai. Kintu Isor para tai ke aru tai laga khandan ke, ekta jaga dibo koi kena kosom dise jodi tai laga bacha bhi thaka nai.
|
|
\v 6 Kintu Isor para tai ke eneka koise, tai laga khandan khan dusra desh te alak manu hoi kena thakibo, aru eitu jaga laga manu khan tai khan ke nokor bonai rakhibo aru charso-sal tak bisi dukh dibo.
|
|
\v 7 'Aru 'Isor koise' jun jati taikhan ke nokor banabo, utu jati kan ke moi bichar koribo, 'tetia tai khan ulai ahi kena moi ke eitu jaga te mohima koribo.'
|
|
\v 8 Tetiya Isor Abraham ke sunnot laga kosom desi, tetia Abraham Isaac laga baba hoise aru atth-din te Issac ke sunnot korise;aru Isaac Jacob laga baba hoise, aru Jacob barohta bacha paise aru eitu khandan laga baba hoise.
|
|
\v 9 Kintu Joseph laga bhai khan tai upote ke jealous hoise, aru taike Egypt te bikiri kori dise;kintu Isor tai logote thakise.
|
|
\v 10 Aru Isor tai laga sob dukh para bachai loise. Tai laga gyan para Egypt raja Pharaoh laga mon tai jiti loise, aru raja para tai ke Egypt aru tai laga ghor te bhal adhikar dise.
|
|
\v 11 Tetiya Egypt aru canaan desh te akaal ahise, aru bisi dukh paise, aru moi khan laga baba khan khabole panai.
|
|
\v 12 Kintu jetia Jacob hunise Egypt te dhan ase koi kena, tai ami khan laga baba khan ke tate pothaise.
|
|
\v 13 Aru dusra bar Joseph nijor bhai khan ke tai kun ase utu janibole dise, aru Pharoh bhi Joseph laga ghor manu khan ke jani loise.
|
|
\v 14 Tetiya Joseph tai laga kokai bhai khan ke pothai kena Jocob ke loi anibole koise, tai laga baba aru ghor manu milai kena pura seventy five manu thakise.
|
|
\v 15 Tetiya Jacob Egypt te jaise, Jocob aru moi laga baba khan sob tate mori jaise.
|
|
\v 16 Aru taikhan laga mora gau tu shechem te loi jai kene jote Abraham para Hamor bacha khan logote poisa di kene mati kini rakhise tate kobor dise.
|
|
\v 17 Jetia Isor Abraham logote kosom khai kene rakhia homoi ahise-eitu kosom juntu Isor hai Abraham logote korise- Egypt te manu bisi hoi jaise.
|
|
\v 18 Joseph ke najana ekta raja Egypt te ulaise.
|
|
\v 19 Tai ami khan laga manu ke thokai dise, aru jiman nutun jonom huwa bacha khan ase tai khan ke ulai anibole koise jate tai khan eitu khan ke jinda thakibole nidibo.
|
|
\v 20 Eitu homoi te Moses jonom hoise;tai Isor nimite bisi sundor thakise, aru taike tin mohina tok tai baba ghor te rakhise.
|
|
\v 21 Kintu jetia taike bahar te rakhise, Pharaoh laga sowali taike loi kena nijor bacha nisina palise.
|
|
\v 22 Aru Moses ke Egypt laga gyan aru niyom kanun sob shikai dise, aru tai khota aru kam te bhi bisi takot thakise.
|
|
\v 23 Kintu jetia tai chalis saal hoi jaise, tai nijor Israel bhai khan ke, lok koribole mon korise.
|
|
\v 24 Aru jetia Isreal manu ekjon ke dukh pai thaka dekhise, Moses eitu manu ke modod koribole jaise, aru eitu dekhi kena Moses para eitu Egypt manu ke morai dise.
|
|
\v 25 Tai bhabisele, tai laga manu khan bujhibo paribo, Isor hai taikhan ke bachai dibo nimite tai ke pothaise, kintu taikhan eitu bujhi bole para nai.
|
|
\v 26 Aru dusra din te dui-jan Isreal manu jhagra kori thaka homoi te tai ponchise, aru ekjon-ekjon logote shanti rakhi bole koise, 'bhai khan, kele nijor bhai kokai majote jhakra kori ase?
|
|
\v 27 Kintu jun tai usor-manu logot jhakara kori thakise, taike pichhete dhakai kene, koise, ' tumi ke kun para ami khan uporte hukum chola bole dise?
|
|
\v 28 Juwa kali ekjon Egypt manu ke morai diya nisna, moi ke bhi morabole mon asey?
|
|
\v 29 Eitu kotha huni kene Moses polai jaise, aru Median laga desh te alag desh manu hoi kena thaki jaise, aru tate tai duita chokra bacha laga baba hoi jaise.
|
|
\v 30 Aru jetia chalis saal par hoi jaise, Probhu laga sorgo-doot Sinai pahaar laga jongle te jui nisina kori kena tai usorte ahise.
|
|
\v 31 Jetia Moses jui dekhise, tai eitu dikhi kena bisi asorit hoise, aru usor para sabole jaise, tetia Probhu laga awaaz hunise.
|
|
\v 32 'Moi tumi laga baba khan laga Isor ase, Abraham, Issac aru Jacob laga Isor.' Tetia Moses kapi kena bhoi para tate phale sabole paranai.
|
|
\v 33 Tetiya Probhu taike koise, tumi laga bhori para juta ulaai rakhi dibi, kelemane kuntu jaga te tumi khara ase eitu jaga Pobitro ase.
|
|
\v 34 Moi laga manu khan Egypt te dukh kori thaka dikhise, aru taikhan kandi thaka awaaz hunise, aru taikhan ke bacha bole nimite ahise;eitu karone ahibi, Moi tumi ke Egypt te pothabo.'
|
|
\v 35 Eitu Moses, jun ke taikhan mana-nai, aru koisile, 'kun hai tumi ke moi khan uporte solawta koribo dise?' Tai ekjon thakise jun ke Isor para solawta aru bachai dibole nimite pothaise-aru sorgo-doot hath para Moses ke jongol te dekhai dise.
|
|
\v 36 Eitu Moses Egypt para tai khan ke ulai anise, aru sob asorit kam khan Egypt laga mati te dikhai thakise aru reeds laga samundar te, aru jongol majo para tai khan ke chalis sal tak cholai kena loi jaise
|
|
\v 37 Eitu Moses ase, jun Israel khan ke koisele, ' Isor tumi khan nimite ekta moi nisina prophet ulai dibo tumi khan nijor manu mojot para.'
|
|
\v 38 Eitu tai ase, jun jungle te manu khan joma thaka te, tai tate amar khandan khan logot asele, aru utu Mount Sinai pahaar te tai logot kotha korise, aru tai zinda kotha pai kene amikhan ke ponchai dise.
|
|
\v 39 Eitu manu laga kotha moi khan laga baba khan mani bole mon kora nai, kintu tai ke hatai dise, aru tai khan laga mon Egypt phale hai jai jaise.
|
|
\v 40 Aru Aaron ke koise, amikhan nimitte ekta murti bonai dibi jun ke amar age jabo, kelemane Moses amikhan ke Egypt para loi anise, utu ki hoise amikhan najane.
|
|
\v 41 Tetiya taikhan ekta goru bacha bonaise, aru haath para bona laga murti ke kiba ani kene boli dise, aru khusi manai thakise.
|
|
\v 42 Kintu Isor taikhan ke chari kene taikhan ke akaas aru taia khan ke puja koribole dise, jeneka prophets khan laga kitab te likha ase, 'tumi khan moi ke janwar laga boli deya nai chalis sal jongol te thaka homoi te tumi khan Isreal manu kotha manise?
|
|
\v 43 Apuni khan Molech laga tambu ase taia bhagavaan Rephan laga murti bonai kene puja koribole loi jaise karon Moi apunikhan ke Babylon para bisi dur te loi rakhi dibo.
|
|
\v 44 Amar baba khan logot sakhi laga tambo ase, jeneka taike dekhaise jungel te, teneka bonabole koise, aru thik teneka bonai loise.
|
|
\v 45 Ji to amar baba khan para pai kene Joshua haath para loi yate anise, jetia taikhan jati khan ke adhikar kori loise, junk khan Isor he amar baba khan usor para khedai dise, aru utu David laga homoi tok thakise.
|
|
\v 46 Jun Isor echa te paise, tai mangise, je Jacob laga Isor ke thakibole ekta jagah korone,
|
|
\v 47 Kintu Solomon Tai karone ekta ghor bonai dise.
|
|
\v 48 Kintu, mohan Isor manu para bonai diya ghor te nathake, bhawadi para kuwa nisina,
|
|
\v 49 Sorgo to Amar singhason, aru prithibi Amar bhori rakha jaga, Probhu koise, tumi Moi karne ghor bonai dibo? Aru amar aram kora jaga to kote hobo?
|
|
\v 50 Moi he nijor haath para eitu sob bona nai niki?'
|
|
\v 51 Tumi khan phutani aru sunnot no kora khan, apunikhan pobitro Atma laga hinsa kori thake, tumar baba khan kori aha, teneka apunikhan bhi kore.
|
|
\v 52 Eneka kun bhawadi ase jun ke tumi khan laga baba para dukh diya nai? Ahibole thaka bhal manu ekjan laga kotha kuwa khan ke bhi morai dise, aru tumi khan manu morai diya aru manu ke thokai diya ekjon hoi jaise,
|
|
\v 53 Tumi khan sorgo-doot khan para dia Isor laga nyom loa khan, holibi tumar khan namane.
|
|
\v 54 Jetia taikhan eitu kotha hunise, council laga manu khan mon te bisi khong hoises, aru dath kamuri kena Stephen uporte khong uthise.
|
|
\v 55 Kintu tai Pobitro Atma te bhorta hoi kene, sorgote sai, aru Isor laga mohima aru Jisu to Isor laga dahina hath phale khara thaka dekhi pai kene
|
|
\v 56 Stephen koise, ''sabi, sorgo khuli thaka dekhi ase, aru Manuh laga Putro Isor laga dyna hath phale khara kori ase.
|
|
\v 57 Tetiya taikhan uncha awaaz para halaa kori, aru kaan bond kori sob eki logot tai usor te polai ahise.
|
|
\v 58 Aru taikhan taike City bahar te loi jai kene taike pathor mari dise, aru gawahi khan taikhan laga kapur loi jawan manu ekjon naam Saul laga bhori te rakhise.
|
|
\v 59 Aru taikhan jetiya Stephen ke pathor mari thakise, tai Isor ke mati kena koise, ''Probhu Jisu, moi laga Atma loi lobi.''
|
|
\v 60 Tetiya tai athu-kori kene jor awaz para koise, ''Probhu, tai khan ke eitu pap laga bichar nokoribi.'' Eitu koi kena tai ghumai jaise.
|
|
\c 8
|
|
\p
|
|
\v 1 Saul Stephen ke morai dibole monjur korise, aru eitu din te Jerusalem te thaka girja te bisi dukh digdar ahise; aru sob bisasi khan Judea aru Samaria te alak-alak jai jaise, khali apostle khan hai thakise.
|
|
\v 2 Bisasi manu khan para Stephen ke loi mati te hali dise, aru manu khan mon-duk korise.
|
|
\v 3 Kintu Saul girjaa khan ke beya koribole kosis kori thakise; aru ghor-ghor te jai kene, mota aru maiki sob ke dhori kena jail te dhali dise.
|
|
\v 4 Aru jun bisasi alak akak phale jai jaisele tai khan khusi laga khobor koi kena jai thakise.
|
|
\v 5 Tetiya Philip Samaria City te, jai kene manu khan ke Khrista laga kotha prochar kori dise.
|
|
\v 6 Aru Philip ji kotha prochar korise, taikhan mon di kene hunise, aru tai kori dia asorit kam khan dekhise.
|
|
\v 7 Bisi manu beya Aatma thakise, tai khan para ulai jaise, jor para hala kori kena. Bisi manu paralyze aru bera bole napara bimar para bhal hoise.
|
|
\v 8 Aru eitu nogor manu khan bisi khusi korise.
|
|
\v 9 Kintu tate Simon koi kena ekjon manu thakise, tai jaddu montor kori kena samariya manu khan ke asurit koridise, aru tai nijor ke ekjon dandor manu ase koi.
|
|
\v 10 Aru sob samariya manu chutu para dangor, tai laga kotha bhal para huni thakise, koise, ''eitu manu logote Isor laga takot ase.''
|
|
\v 11 Tai laga kotha manu khan hune, kele mane bisi homoi para tai jadu montor kori kena manu khan ke asorit kaam dekhai thakise, eitu karone taikhan tai laga kotha mani thakise.
|
|
\v 12 Kintu jetia Philip ke bisas korise, tai Isor laga raijo kotha aru Jisu Krista laga nam te prochar korise, mota aru maiki khan babtisma loise.
|
|
\v 13 Tetiya Simon nijor bhi biswas korise, aru tai baptizma loi kene Philip logote thaki, aru jetiya asurit kam khan kora dekhise, tai bisi khusi paise.
|
|
\v 14 Jetia Jerusalem te thaka apostle khan samaria te Isor kotha loise koi kena hunise, tai khan nimite Peter aru John ke pothaise.
|
|
\v 15 Jetia Peter aru John tate ponchise, tai khan nimite prathna korise, jate tai khan Pobitro Atma pabo.
|
|
\v 16 Kelemane Pobitro Atma taikhan logote aha nai, kintu taikhan Probhu Jisu naam para hai baptizma loise.
|
|
\v 17 Tetiya Peter aru John taikhan upor te hath rakhi kena prathna kori dise, aru taikhan Pobitro Atma paise.
|
|
\v 18 Aru jetia Simon dekhise apostle khan manu laga upor te hath rakhile Pobitro Atma pai loa, eitu dekhi kena poisa dibole bisarise.
|
|
\v 19 Tetiya tai koise, ''moi ke bhi eitu adhikar dibi, jate moi jun uporte hath rakhibo tai Pobithro Atma pabo.''
|
|
\v 20 Kintu Peter taike koise, tumi laga poisa tumi logote khotom hoi jabo, kelemane tumi Isor laga vardaan poisa para kinibole bhabi asi.
|
|
\v 21 Tumi laga yate eku bhag aru hissa nai, kelemane prabhu usorte tumi laga mon thik nohoi.
|
|
\v 22 Eitu nimite mon ghurabi aru beya bhabna para ulabi, aru prabhu usorte prathana kuribi, jate Teo tumi laga letera mon aru beya bhabna para maph kori dibo.
|
|
\v 23 Kelemane Moi dekhi ase tumi laga beya bhabna aru paap para bandi thaka mon tu.''
|
|
\v 24 Tetiya Simon koise, ''Probhu logot moi nimite prathana koridibi, apuni para ki koi se eitu moi uporte nahibole nimite.''
|
|
\v 25 Jetiya taikhan shaki aru Isor kotha koi dise, Peter aru John wapas Jerusalem te jaise, aru Samaria manu laga bosti khan te jai kene Isor kotha prochar korise.
|
|
\v 26 Tetiya Probhu laga sorgoduth Philip logote kotha korise, aru koise, '' uthibi aru south laga rasta jun tu Jerusalem hoi kena Gaza te jai tate jabi.'' (Eitu rasta balu laga jaga para jai.)
|
|
\v 27 Tetiya tai uthi kena jaise. Aru tate Ethiopia laga ekjon hizara manu thakise, tai ekjon adhikar chola manu thakise, tai Candace rani laga dhon sa manu asele, aru tai mohima koribole Jerusalem te jai.
|
|
\v 28 Aru tai laga ghora gaari te bohi kena ghor jai thakise, aru Isaiah prophet laga kitab pori thakise.
|
|
\v 29 Tetiya Aatma para Philip ke koise, ''jai kena ghora gari usorte bohibi.''
|
|
\v 30 Tetiya Philip tai usorte polai kena jaise, aru Tai Isaiah prophet laga kitab porhi thaka hunise, aru koise, ''tumi ki pori ase eitu buji ase?''
|
|
\v 31 Tetiya tai koise, ''moi keneka janibo, jetiya tak moi ke kunba para nishikai?'' Tetiya tai Philip ke ghora gari te bohibole matise.
|
|
\v 32 Etiya jun tu kitab ethiopian para pori thakise eitu eneka ase, ''Teo ke ekta bhera bolidan dibole nisina loi jaise, aru jeneka memna ke chup kori bole nimite, eitu karone Teo tai laga mukh khula nai.
|
|
\v 33 Tai laga bichar sorom khilai di kena tai usor para loi jaise. Kun Tai laga manu khan ase koi kena kobo pare? Kelemane tai laga jibon tu eitu duniya para uthai loise.''
|
|
\v 34 Tetiya hijara para Philip ke hudise? Moi apuni ke anurodh kori ase, kun Prophet laga kotha koi ase, tai nijor laga koi ase, na dusra manu laga kotha koi ase?''
|
|
\v 35 Tetiya Philip tai muh khulise, aru Isor kotha para suru kori kena, Jisu laga kotha taike prochar korise.
|
|
\v 36 Taikhan raasta te jai thaka homoi te pani thaka jagah ponchise, tetia hijrah para koise, ''sabi, yate pani ase, moi ke baptizma lobole nimite ki para rukhai ase?''
|
|
\v 37 Tetiya Philip para koise, ''jodi tumi mon para bisas kore, baptizma lobo pare, tetiya tai koise, '' moi bisas kore Jisu Khrista Isor laga bacha ase.''
|
|
\v 38 Tetiya tai ghora gaari ke rukhi bole hukum dise. Aru Philip aru hijra duijon pani te nami kene jaise, aru Philip para tai ke baptizma dise.
|
|
\v 39 Jetia tai khan pani para ulaai ahise, Probhu laga Atma para Philip ke loi jaise, tetia hijrah taike aru dekha nai, kintu tai bisi kushi para jai jaise.
|
|
\v 40 Kintu Philip Azotus te ahise, aru pura jaga te tai jaise, jetia tak tai Caesarea ponche, tai City bosti te, jai kena Isor laga kotha prochar korise.
|
|
\c 9
|
|
\p
|
|
\v 1 Kintu Saul, Probhu laga chela khan ke morai aru bhoi khelai kena thakise, tai mahaa purohit logot jaise.
|
|
\v 2 Aru tai moha purohit logote chithi mangise Damascus City laga synagoguenimite, jodi tai rasta te jai thaka homoi te kunba manu pai, mota aru maiki hoilebi, eitu khan ke dhori kena Jerusalem te loi jaibole.
|
|
\v 3 Jetiya tai thakise, Damascus te ponchibole usor huwa homoi te, achanak parasorgo para ujala light ekta jolise;
|
|
\v 4 tetiya tai matti te giri jaise, aru eta awaaz tai ke koi thaka hunise, '' Saul, Saul, kele tumi Moike duk di ase?''
|
|
\v 5 Aru tetiya Saul koise, ''Apuni kun ase Probhu?'' Aru Probhu koise, ''Moi Jisu ase jun ke tumi duk di ase;pathor te paw marile nijor hai jokhom pabo.''
|
|
\v 6 Tetiya tai asurit hoise aru bhoi para kappi kene koise, '' Probhu moi ki koribole lage?'' Tetiya Probhu taike koise, uthibi aru city te jabi, aru tumi ki koribo lage eitu sob tumi ke koi dibo.''
|
|
\v 7 Jun manu Saul logote jai thakise taikhan chup hoi jaise, taikhan awaaz hunise, kintu kun ke bhi dekha nai.
|
|
\v 8 Tetiya Saul matti para uthise, aru tai jetiya soku khulise tai eku bhi dekhibole paranai;tetiya taikhan haath para dhori kene taike Damascus te loi jaise.
|
|
\v 9 Aru tai tin din eku dekhibole paranai, aru kha luwa bhi kora nai.
|
|
\v 10 Damascus te ekjon chela Anania koi kena thakise. Probhu tai ke vision para koise, ''Ananais!'' Tetiya tai koise, ''Sabi, moi yate ase Proabhu.''
|
|
\v 11 Tetiya Probhu taike koise, ''Uthibi, aru sidha kuwa rasta te jabi, aru judas laga ghor te jai kena ekjon manu Saul, Tarsus para, koi kena ase na nai hudibi, kelemane tai prarthna kori ase.
|
|
\v 12 Aru tai vision te ekjon manu Ananias koi kena dhikise, aru tai uporte te hath raki kena thaka dekhise, jate tai aru dekhibo.''
|
|
\v 13 Kintu Ananias koise, '' Probhu, moi eitu manu laga kotha bisi manuh para hunise, tai Jerusalem te kiman manu ke dukh dise.
|
|
\v 14 Tai moha purohit para adhikar loise aru jun manu apuni laga nam lobo tai ke jail te dhali dibo.''
|
|
\v 15 Kintu Probhu taike koise, '' jabi, kelemane tai Moi laga ekjo kam kora manu hobo, tai hai moi laga nam dusra jath manu khanke, raja khan ke aru Isreal laga bacha khan ke koi dibo;
|
|
\v 16 Kelemane Moi taike dekhai dibo, tai moi laga naam nimite ki dukh uthabo lagibo.
|
|
\v 17 Aru Ananias eitu ghor te jaise, aru tai laga haath Saul uporte rakhi kena, tai koise, ''bhai Saul, Probhu Jisu, Teo tumike raasta te ahi thaka homoi ke dikhai dise, Teo moi ke tumi usorte pothaise jate tumi aru dekhibo aru Pobitro Atma para bhorta hobo.''
|
|
\v 18 Eitu homoi te Saul laga chuku para kiba chamra nisina giri jaise, aru tai dekhibole parise, aru uthi kena bapyisma loise;
|
|
\v 19 Arutai bhat khai kena takot paise.
|
|
\p Aru chela khan logote Damascus te olop din thakise.
|
|
\v 20 Tai joldi synagogue jai kene Khrista kotha prochar korise, Tai Isor laga Putro ase koi kena.
|
|
\v 21 Aru jun manu tai laga kotha hunise sob manu assorit hoi kene koise, ''Jerusalem te Khrista naam loa thaka khan ke dukh diya tu eitu manu nohoi? Aru yate bhi taikhan ke bandi kene maha purohit khan logot loi jabole ahise.''
|
|
\v 22 Kintu Saul aru bisi mon dangor hoise, aru Damascus te thaka jews khan nimite ekta chinta hoi jaise kelemane tai Jisu laga prochar kori thakise.
|
|
\v 23 Kintu bisi din ja pichete, Yahudi khan Saul ke morai dibole kotha millai loise.
|
|
\v 24 Kintu taikhan laga bhabna Saul jani loise. Tai ke morai dibole nimites din raat gate usorte te rukhi thakise.
|
|
\v 25 Kintu tai laga chela khan rati huwa homoi te, tai ke ani kena tokri para wall par kori dise.
|
|
\v 26 Aru jetia Saul Jerusalem te ahise, tai chela khan logotte milli bole kosis korise, kintu taikhan sob taike bhoi korise, tai bhi eta chela ase koi kena bisas kora nai.
|
|
\v 27 Kintu Barnabas taike apostle khan logote loi jaise, aru koise tai keneka raasta te Probhu ke dheki paise aru Probhu para tai logote kotha koise, aru tai Damascus ke kinika kori kena mon dangor para Jisu naam prochar korise.
|
|
\v 28 Tetiya tai chela khan logote Jerusalem te aha juwa korise.Aru tai mon dangor para Probhu laga naam loise
|
|
\v 29 Tai mon dangor para Probhu naam prochar korise aru Grecian khan logot khota patise; kintu taikhan taike morai dibole kusis korise.
|
|
\v 30 Jetiya bisasi bhai khan eitu janise, taike Caesarea te loi jai kena taisus te pothai dise.
|
|
\v 31 Tetiya, Judia Galilee aru Samaria laga girja te santi thakise;aru Probhu laga bhoi te thakise aru ekjon ekjon ke Pobitro Atma para mon dangor kori dise, aru girja bhi bisi hoi jaise.
|
|
\v 32 Etiya eneka hoise, jetiya Peter City laga sob jaga te jaise, Lydda te thaka Isor manu khan usorte bhi jaise.
|
|
\v 33 Tate tai Aeneas koi kena ekjon manu ke lok paise, tai bisna te eighty years para ghumai thakise, tai paralyzed bemari thakise.
|
|
\v 34 Tetiya Peter taike koise, ''Aeneas, Jisu Khrista tumi ke bhal kori di ase, uthibi aru tumi laga bisna thik kori lobi, ''tetia tai joldi uthi jaise.
|
|
\v 35 Tetiya Lydda aru sharon te thaka manu khan taike dekhi kena mon ghuraise aru Probhu ke bisas korise.
|
|
\v 36 Joppa te Tabitha koi kena ekjao chela thakise, jun ke Dorcas koe, ''eitu maiki sob bhal kam kore aru gorib manu khan uporte bisi morom thakise.
|
|
\v 37 Kintu eneka tai bimar hoi kene, mori jaise, aru taikhan dhulai kene taike upor room te rakhise.
|
|
\v 38 Aru Lydda, Joppa usor te thakise, aru chela khan Peter tate ase koi kena hunise, taikhan duijon manu ke tai usote anurot kori kena pothai, ''moi khan logote deri nohoi kena ahibi.''
|
|
\v 39 Tetiya Peter uthi kene taikhan logot jaise, jetia tai ponchise, aru sob mota mori juwa maiki kha tai usorte khara kori kena kandise, aru Dorcas para tai jinda thaka homoi te tai khan nimite kapur bonai diya khan dikhai dise.
|
|
\v 40 Kintu Peter taikhan sob ke bahar jabo dise, aru tai athu-kori kene, prathna korise. Tetiya, tai laga gau phale sai kena koise, ''Tabitha, uthibi.'' Tetiya tai chuku khulise, aru peter ke dekhi kena, tai bohi jaise.
|
|
\v 41 Tetiya Peter tai laga hath di kena tai uthai dise;aru Isor jana manu aru mota nathaka maiki, khan ke jinda hoi juwa tu dekhai dise.
|
|
\v 42 Aru Joppa te thaka sob eitu kotha jani loise, aru bisi manu Probhu ke bisas korise.
|
|
\v 43 Peter bisi din Joppa te Simon koi kena ekjon manu ghor te thakise.
|
|
\c 10
|
|
\v 1 Tetiya ekjon manu Cornelius koi kena Caesarea te thakise, aru tai Italian Regiment laga ekjon dangor sahab thakise.
|
|
\v 2 Tai ghor manu sob loi kena ekjon Isor ke bhoi kora manu thakise;tai manu khan ke poisa kam thakile diye aru hodae Isor logote prarthna kori thake.
|
|
\v 3 Ekdin tin baji nisina te, tai sapha para sopna dekhise, ekta Isor laga sorgoduth tai logote ahi kena koise, ''Cornelius!''
|
|
\v 4 Kintu Cornalius sorgoduth ke bhoi para sai kena koise, ''ki ase malik?'' Tetiya sorgoduth para taike koise, ''Tumi laga prathana aru dukh manu ke modot kura tu Isor para dekhise.
|
|
\v 5 Eitia Joppa te manu pothai kene Simon kun ke Peter bhi mati tai ke anibi.
|
|
\v 6 Tai Simon koi kena ekjon chamra ulla kam kora manu laga ghor te ase, tai laga ghor samundar kinar te ase.''
|
|
\v 7 Jetiya sorgoduth taike kotha koa kena jai jaise, Cornelius tai laga duijon sewak ke matise, aru bisi majote ekjon bhal sipahi jun tai ke sewa kore tai ke bhi mati anise.
|
|
\v 8 Aru taikhan ke sob koth koi diya pichete, Corneliustai khan ke Joppa te pothai se.
|
|
\v 9 Etiya aru alak din ekta te, tai khan jai thaka homoi te ekta city te ponchise, Peter ghor uporte prathna koribole jaise.
|
|
\v 10 Tetiya tai bisi bhuk lagise, aru kiba khabole mon jaise, kintu jetiya manu khan bhat bonai thakise, tai ekta vision dekhise,
|
|
\v 11 Aru tai akaas para kiba ekta saman aha dekhise, dangor kapura, charta konor para bandhi kene prithibi nichete ahi thakise.
|
|
\v 12 Aru tate prithibi laga sob janwar charta thang thaka aru mati te rengi kene choli thaka jungli janwar, aru akaas laga cheria khan sob thakise.
|
|
\v 13 Aru tetiya ekta awaz tai ke koise:''uthibi, Peter, aru mari kene khabi.''
|
|
\v 14 Kintu Peter koise, ''nohobo Probhu, moi ketia bhi sapha nathakaaru letera saman khanai.''
|
|
\v 15 Kintu aru ekbar awaz ahi kena koise:''ki tu Isor para sapha kori dise, eitu ke letera ase nokobi.''
|
|
\v 16 Aru eneka ti bar hoise;tetiya saman para bhorta thaka sorgo te wapas loi jaise.
|
|
\v 17 Tetiya Peter eitu vision laga ki motlob ase koi kena bisi chinta bhabona korise, eitu homoi te, Corneliuspara kun manu ke pothai se tai khan ahi kena gate te khara hoi thakise, tai khan ahi kena Simon laga ghor kot ase eitu bisari kene ahise.
|
|
\v 18 Aru taikhan ahi kena matise, aru Simon kun ke Peter bhi koi, tai tate thaki ase na nai eitu hudise.
|
|
\v 19 Jetia Peter tai ki vision paise eitu bhabona kori thaka homoi te, Aatma para taike koise, '' sabi, kunba manu tumi ke bisari ase.
|
|
\v 20 Uthibi aru taikhan logote jabi, eku bhabna nokoribi, kele mane moi hai tai khan ke pothaise.''
|
|
\v 21 Tetiya Peter nichete jai kena tai khan ke koise, ''sabi, tumi khan kun ke bisari ase eitu moi ase. Ki nimite tumi khan moi ke bisari kena ahise?''
|
|
\v 22 Aru taikhan koise, ''Cornelius ekjon ekta bhal Isor jana manu, aru sob jews desh manu khan para tai laga bhal kotha hai koi, pobitro sorgoduth para eitu ghor te apuni logote pothaise, apuni para koa khota tu hunibole nimite.''
|
|
\v 23 Tetiya Peter taikhan ke tai logote thaki bole matise.
|
|
\p Aru dusra din te uthi kena taikhan logote jaise, aru Joppa para kunuba bhai khan bhi tai logote jaise.
|
|
\v 24 Aru dusra din te taikhan Caesarea te ponchise. Cornelius tai khan nimite rukhi thakise;tai laga sathi aru ghor manu khan ke bhi mati kena rukhi thakise.
|
|
\v 25 Jetia Peter ghor bhitorte ahise, Cornelius ahi kena tai ke lok korise, aru tai ke aradhana koribole Peter laga paw nichete girise.
|
|
\v 26 Kintu Peter taike uthai kene, koise, ''Uthibi! Moi nijor bi ekta manu hai ase.''
|
|
\v 27 Aru jetiya Peter tai logote kotha mota thakise, tai jai kenamanu bisi jama kori thaka paise.
|
|
\v 28 Tetiya tai taikhan ke koise, '' apunikhan bhi jani ase, Yahudi manuh dusra jaati khan ke lok kora aru eke logote mili kene aha juwa kora niyom nai. Kintu Isor para moi ke dikhaisearu koise kunu ke bhi letra aru sapha nai eneka nokobi.
|
|
\v 29 Eitu nimite moi apuni khan usote eku nokoi kena ahise, jetiya moi ke pothaise. Eitu karone moi hudise ki nimite moi ke lobole pothaise?''
|
|
\v 30 Tetiya Cornelius koise, ''char din ahgete eiyu homoi te, moi ghor te prathna kori thakise;aru sabiekjon manu moi usorte boka kapura lagai kena khara kori thakise.
|
|
\v 31 Aru tai koise, 'Cornelius, tumi laga prathna huni loise, aru tumi gorib manu khan ke modot kura tu Isor para Tai usorte yad kori ase.
|
|
\v 32 Eitu karone kunuba ke Joppa te potha bhi, aru Simon jun ke Peter koi. Tai ke matibi, tai samundar kinar te chamra ulla kam kora manu Simon koi kena ekjon ghor te ase
|
|
\v 33 Eitu karone moi apuni ke lobole manu pothaise. Aru apuni aha karona bisi bhal paise, aru eitu karone, amikhan ahji Isor usorte sob manu jama hoi ase, aru Probhu para apuni ke ki koise eiyu huni bole nimite jama hoise.''
|
|
\v 34 Tetiya Peter muh khuli kene koise, ''hosa para, Isor tu kun logote bhi alak para nasai kintu tai sob ke eke morom kore.
|
|
\v 35 Kintu, jun desh te hoilebi jun hai Isor ke bhoi koribo aru Tai laga echa para kam koribo tai uporte hoidai Isor laga kushi thakibo.
|
|
\v 36 Eitu kotha Israel laga manu khan nimite di pothise, shanti khusi sob Jisu Krista te hai ase-
|
|
\v 37 Eitu kotha ahise aru sob Judea te bhorta hoi jai ase tumikhan bhi jani ase, Galilee para suru kori kena, aru baptisma kora pichete John para koi dise;
|
|
\v 38 Aru Nazareth Jisu laga kotha khan, kineka kori kena Pobitro Atma aru takot para Teo ke Isor para asirbat kori dise, jiman manu saitan Aatma para bandhi rakhi se tai khan ke changai korise aru tai bhal kam korise kena thakise, kelemane Isor Teo logote ahsile.
|
|
\v 39 Jisu ki korise moi khan sob eitu jane, Jews aru Yahudi khan laga des sob jagah te, aru Jerusalem te ki-ki korise amikhan utu sob laga gawahi ase, taikhan Teo ke cross te latkai kene morai dise.
|
|
\v 40 Kintu Isor Tai ke tin din te jinda kori dise aru manu khan ke dekhai dise,
|
|
\v 41 Sob manu ke nohoi, kintu Isor pohila para bachi luwa khan ke-moi khan jun Tai logote kha luwa korise Tai mori kena jinda huwa pichete.
|
|
\v 42 Aru Tai moi khan ke sob manu khan logote jai kena Tai hai Isor para bachi luwa ekjon ase aru mora aru zinda sob jati uporte bichar kora ekjon ase koi kena manu khan ke jonai dibi koise.
|
|
\v 43 Jiman bhawadi ase sob Teo laga gawahi hai ase, jun manu Teo ke bisas kore tai laga nam te sob manu pap para maph pabo.''
|
|
\v 44 Jetia Peter eitu kotha khan koi thakise, jun manu tai laga kotha huni thakise tai khan uporte Pobitro Atma ahi jaise.
|
|
\v 45 Aru Peter logot jiman sunnot kora bisasi khan ahisetai khan asurit hoi jaise, kelemane Pobitro Atma dusra jath manu khan uporte bhi di dise.
|
|
\v 46 Kelemane dusra jath manu khan alak kotha aru Isor ke dhanyabad di thaka hunise. Tetiya Peter koise,
|
|
\v 47 ''Kunba manu tai khan ke baptisma lobole pani poara dur rakhibo paribo, moi khan Pobitro Atma pa nisina tai khan bhi paise?''
|
|
\v 48 Aru tai taikhan ke Jisu Khrista naam para baptizma lobole koise, tetia taike aru olop din taikhan logote thaki bole anurodh korise.
|
|
\c 11
|
|
\v 1 Tetai Apostle aru Judia te thaka bhai khan hunise je dusra jath manu khan bi Isor laga kotha ke mani loise.
|
|
\v 2 Aru jetia Peter Jerusalem te ahise, jun manu sunnot korise tai khan logotte khota laga-lagi korise;
|
|
\v 3 Tai khan koise, '' apuni sunnot nokora manu khan logot jai kene kha- luwa korise!''
|
|
\v 4 Kintu Peter taikhan ke bhal para samjai; kena koise,
|
|
\v 5 Moi Joppa laga nogor te prathna kori thakise aru moi upor para saman nichete ahi thaka vision te dekhise, ekta dangor kapur charta konar para bandi kena ahi thakise, eitu moi logote ahise.
|
|
\v 6 Moi eitu ke bhal para sai kena bhabana korise. Moi duniyate charta thang thaka janwar dekhise, aru jungli janwar, mati te jai thaka janwar aru akas laga cheria khan dekhise.
|
|
\v 7 Aru moi ke ekta awaz para koise, ''uthibi, Peter; mari kena khabi.
|
|
\v 8 Kintu moi koise, '' nohobo, probhu; moi ketiyabi pobitro aru sapha nathaka saman moi laga mukh te jusa nai.''
|
|
\v 9 Kintu dusra bar aru ekta awaz para moi ke koise, '' ki saman Isor para sapha ase koise, eitu ke letera nokobi.''
|
|
\v 10 Aru eneka tin bar hoise, tetia sob saman akaas te aru uthai loi jaise.
|
|
\v 11 Aru eitu homoi te, moi thaka jaga te tin jon manu khara hoi thakise;tai khan ke Caesarea para moi usorte pothaise.
|
|
\v 12 Tetiya Aatma para moike tai khan logote jabole koise, kintu tai khan kun ase eitu moi ke koi diya nai, tetiya choi jon bhai moi logote jaise, aru moi khan eitu manu laga ghor te jaise.
|
|
\v 13 Tetiya tai amikhan koise keneka kori kena sorgoduth tai laga ghor te khara kori kena tai ke koise, ''Joppa te manu ke pothabi aru Simon ke loi anibole kobi.
|
|
\v 14 Tai tumi ke Isor kotha koi dibo, aru eitu kotha kena para tumi aru tumi laga ghor manu khan sob poritran paabo.''
|
|
\v 15 Aru jetia moi kotha koi thakise, Pobitro Atma taikhan logote ahi jaise, jeneka suru te amikhan logote ahi siele.
|
|
\v 16 Tetiya moi Probhu laga kotha yad ahise, keneka tai John ke koise, ''John pani para baptisma diye;kintu tumi khan Pobitro Atma para baptisma lobo.''
|
|
\v 17 Jodi Isor taikhan ke bhi daan dise jeneka amikhan moi kun ase, Isor laga kotha namanibo nimite?''
|
|
\v 18 Jetia taikhan eitu kotha hunise, tai khan eku jawab diya nai, kintu tai khan Isor ke dhanyabad, aru koise, ''tene hoile Isor para dusra jath khan ke bhi notun jonom dise.''
|
|
\v 19 Stephen ke morai dia homoi te biswasi khan dukh paa para alak alak jai jaise taikhan Isor laga kotha koi kena Phoenicia, Cyprus, aru Antioch te khali Yahudi khan logote prochar kori thakise.
|
|
\v 20 Kintu taikhan kunuba Cyprus aru Cyrene manu thakise, tai khan Antioch te ahise aru Greek manu khan logote bhi kotha motase, Probhu Jisu laga kotha tai khan ke prochar korise.
|
|
\v 21 Aru Probhu laga hath taikhan uporte thakise; aru bisi manu, bisas kori kena, Probhu logote ghurai ahise.
|
|
\v 22 Tetiya tai khan laga kotha Jensalem te thaka girja khan para hunise, aru taikhan Barnabas ke Antioch te pothai dise.
|
|
\v 23 Jetia tai ahi kena Isor laga morom tu dekhise, tai khusi paise;aru tai khan laga mon dangor kori kena pura mon para Probhu logote thaki bole koise.
|
|
\v 24 Kelemane tai ekjon bisas te thaka aru Pobitro Atma para bhorta kori kena ekjon bhal manu thakise, aru bisi manu Probhu ke grohon korise.
|
|
\v 25 Tetiya Barnabas Saul ke bisari kena taisus te jaise.
|
|
\v 26 Aru jetia taike paise, taike Antioch te loi anise. Aru eneka hoise, aru pura sal tai khan eke logote thakise aru gija te manu khan ke shikai thakise, aru tetiya Antioch te pohila chela khan ke christians matise.
|
|
\v 27 Aru eitu homoi te prophets kunuba Jerusalem para Antioch te ahise.
|
|
\v 28 Aru taikhan majote ejon, Agabus asele, khara kori kene Aatma para dikhai dia koise, pura prithibi te bisi dangor akaal ahibole ase, aru eitu Claudius laga din te hoise.
|
|
\v 29 Tetiya, chela khan, jun hai pare, tai khan jai kena Judia te thaka bhai khan ke madot pothai dibo nimite kotha korise
|
|
\v 30 Aru taikhan eneka koris;e Barnabas aru Saul laga haath para tate thaka bura khan ke poisa pothai dise.
|
|
\c 12
|
|
\v 1 Eitu homoi te raja Herod kun manu girja te ase tai khan ke hath lagai kena digdar dibo nimite bisi beya kam korise.
|
|
\v 2 Tai John laga bhai James ke talwar para morai dise
|
|
\v 3 Aru tai jetia dekhise Yahudi khan eitu karone bisi khusi hoise, tai peter ke bhi dhori bole jaise. Aru eitu din Roti te khomir nadhala din te thakise.
|
|
\v 4 Jetia tai Peter ke dhori loise, taike jail te dhali dise, aru charta sipahi khan ke tai uporte sa bole rakhi dise;tai Peter ke passover laga din te manu khan usorte ulai kena ani bole bhabi thakise.
|
|
\v 5 Eitu homoi te, Peter ke jail te rakhi thakise, kintu girja manu khan mon para tai nimite hodai Isor logot prarthna kori thakise.
|
|
\v 6 Aru eitu rati ahge te jetia Herod taike bicar koribole nimite anibole thakise, Peter duita sipahi majote ghumai thakise, duita chain para bandi kena, jetiya duita sipahi dorja usorte tai ke sai kena rokhi thakise.
|
|
\v 7 Tetiya, achanak para Probhu laga sorgoduth tai usorte ahise, aru jail bhitorte ujala para bhorta hoi jaise.Teo Peter ke side para mari kena tai ke uthai se, aru koise, ''joldi uthibi, ''aru tai ke bandhi kena rakha chain giri jaise.
|
|
\v 8 Tetiya sorgoduth taike koise, ''kapur lagabi aru sandal tu lagai lobi, ''bahar laga ki kapur ase eitu lagabi aru moi laga piche ahibi.''
|
|
\v 9 Tetiya Peter sorgoduth laga pichete jaise. Kintu tai jana nai eitu sob tu hosa para sorgoduth hai kori ase koi kena. Tai sapna hai dekhi ase bhabise.
|
|
\v 10 Jetia taikhan pohila aru dusra sipahi ke par korise, tai khan city usorte loha laga ekta gate ase tate ponchise;eitu nijor para khuli jaise, aru tai khan ulai kena rasta nichete jaise.
|
|
\v 11 Aru jetiya Peter eitu hosa ase jani loise, tai koise, ''etiya moi hosa para jani loise Probhu moi ke Herod, laga hath para bachai lobole nimite Teo laga sorgoduth ke pothai dise, aru jews manu khan ki bhabna kori thakise eitu para moi ke ulai kena anise.''
|
|
\v 12 Jetiya tai eitu kotha janise, tai John kun ke Mark bhi mate tai laga ama Mary, ghor te jaise, tate bisi manu khan jama kori kena prathna kori thakise.
|
|
\v 13 Aru jetiya Peter dorja te nock korise, ekta chukuri sewak Rhoda koi kena dorja khli bole ahise.
|
|
\v 14 Jetia tai Peter laga awaaz janise, khusi para dorja khulibole pahorise;aru tai, polai kena room te ahise;Peter dorja te khara kori kena ase koi kena koise.
|
|
\v 15 Tetiya taikhan para taike koise, ''tumi pagla hoise, '' kintu taikhan ke bisi koise. Tetiya taikhan koise, '' eitu tai laga Aatma hobo.''
|
|
\v 16 Kintu Peter dorja tu mari thakise, aru jetiya tai khan dorja khulise, tai ke dekhi kena bisi asurit hoise.
|
|
\v 17 Kintu tai taikhan ke haat para chup thakibole dekhai dise, aru kenaka kori kena Probhu para tai ke jail para ulai dise eitu tai khan ke koise, ''jai kena eitu kotha James aru bhai khan ke kobi.'' Aru tate para tai dusra jaga te jai jaise.
|
|
\v 18 Aru jetiya di hoise, sipahi khan Peter logote ki hoise eku bhi jana nai
|
|
\v 19 Aru jetia Herod Peter ke bisarise kena paa nae, tai sephai khan ke hudise aru tai khan ke morai dibole hukum dise.Judea para tai jai kena Caesarea te thakise.
|
|
\v 20 Aru Herod Tyre aru Sidon manu khan uporte bisi khong thakise. Eitu karone tai khan joma hoi kene ahise, aru Blastus koi kene Raja laga kaam kora ekjon manu logote mili kena, modot kori bole jaise.Tetiya taikhan shanti thakibole nimite mangise, kelemane tai khan laga desh te kha luwa raja laga desh para hai jai thakise.
|
|
\v 21 Kotha kori kena rakha din te, Herod raja laga kapur lagai kena tai nijor ke tayar korise. Tai laga sinhason te bohi thakise, aru taikhan logotte kotha korise.
|
|
\v 22 Kintu manu khan halaa kori koise, ''eitu Isor laga awaaz ase, manu laga nohoi!''
|
|
\v 23 Tetiya eitu homoi te Probhu laga sorgoduth joldi taike mari dise, kelemane tai Isor ke mohima deya nai;aru puka para taike khai kene morai dise.
|
|
\v 24 Kintu Isor laga kotha bisi-bisi hoi jaise.
|
|
\v 25 Aru jetia Barnabas aru Saul tai khan laga kam pura kori loise, tai khan Jerusalem te jaise, aru John kun ke Mark bhi mate tai ke bhi loi anise.
|
|
\c 13
|
|
\v 1 Eitu Antioch girja te thaka khan, prophets, sekhai diya manu thakise. Barnabas aru Simon( jun ke Niger koe), aru Cyrene laga Lucius, (Herod tetrarch laga pala bhai khan) aru Saul.
|
|
\v 2 Jetiya tai khan Isor ke aradhana aru fasting kori thakise, Pobitro Atma para koise, ''tumi khan Barnabas aru Saul ke pothai dibi, moi tai khan nimite ki kam ase eitu koribole nimite.''
|
|
\v 3 Tetiya taikhan fasting aru prarthna kori kena aru duijon uporte hath di kena, tai khan ke phothai dise.
|
|
\v 4 Barnabas aru Saul ke pobitro Atma para Seleucia te pothai dise;aru tai khan naw te uthi kena Cyprus island te jaise.
|
|
\v 5 Aru jetia duijon Salamis te ponchise, tai khan jews laga synagogue te jai kena Isor laga kotha prochar korise. Aru duijon ke modod koribole John aru Mark bhi thakise.
|
|
\v 6 Aru jetiya tai khan Paphos laga sob jaga tejaise, ekta jadu kora manu lok paise, Jewish laga misa bhawadi, tai laga nan Bar jesus thakise.
|
|
\v 7 Eitu jadu kora manu proconsul te, Sergius Paulus logote thakise, tai ekjon gyan thaka manu thakise. Tai Barnabas aru Saul ke matise, kelemane tai Isor laga kotha hunibole mon thakise.
|
|
\v 8 Kintu Elymas'' jadu kora manu''(tai ke eneka nam para hai mate) taikhan ke rukhai dise;tai proconsul manu khan ke bisas para hatai dibole kusis korise.
|
|
\v 9 Tetiya Saul, tai ke Paul bhi koe, Pobitro Aatma para bhorta thakise, eitu manu ke bhal para saise.
|
|
\v 10 Aru koise, ''tumi saitan laga bacha, tumi sob beya kam para bhorta hoi ase aru tumi logote sob letera bhabona hai ase. Tumi bhal kam kora laga dusman ase. Tumi Probhu laga sidha rasta tu tera koribole ketiya bhi norokhibo, hoi na nohoi?
|
|
\v 11 Etiya sabi, Probhu laga hath tumi upor te ase, aru tumi suku andha hoi jabo. Tumi olop din nimite suraj tu nedikhibo.''Eitu homoi te Elymas uporte andhera ahi jaise, aru tai manu khan usorte hath di kena loi jabole modot mangise.
|
|
\v 12 Jetiya proconsul ki hoise eitu dekhise, tai bisas korise, kelemane tai Isor laga kotha shikai diya tu asurit lagise.
|
|
\v 13 Aru tetia Paul aru tai laga saathi khan Paphos para naw te uthise kena jaise aru Pamphylia Perga te ahi jaise. Kintu John taikhan ke chari kena Jerusalem te aru ahi jaise.
|
|
\v 14 Kintu Paul aru tai laga sathi khan Perga te jaise aru Antioch Pisidia te ponchise. Tai khan sabbath laga din te synagogue te jai kena bohise.
|
|
\v 15 Bhawadi aru kanun laga kotha para pichete, synsgogue laga cholawta khan para, koise, ''bhai khan, yate laga manu khan nimite kiba bhal kotha ase koile, kobi.''
|
|
\v 16 Tetiya Paul khara korise aru haath para dekhai kene koise, '' Israel manu aru Isor ke bhoi kori kena thaka khan, hunibi.
|
|
\v 17 Israel manu laga Isor moi khan laga baba khan ke bachi loise aru bisi kori disejetiya tai khan Egypt te thakise, aru Teo laga hath tu uthai kena tai khan ke tae para ulai loi anise.
|
|
\v 18 Aru chalis saal tok Tai jongol te taikhan logote thakise.
|
|
\v 19 Aru jetiya Teo Cannan laga sata desh tu khotom kori dise, Teo eitu jaga moi khan laga manu khan ke dise.
|
|
\v 20 Eitu sob charsou ponchas saal tak hoise. Eitu sob huwa pichete, Isor tai khan ke bichar dise jetiya tak Bhawadi Samuel ahanai.
|
|
\v 21 Tetiya tai khan raja mangise, aru Isor para tai khan ke Kish laga chokora Saul dise, manu ekjon Benjaminin laga jat para, chalis sal tak raja thakise.
|
|
\v 22 Kintu Isor para Saul ke raja laga jaga para hatai diya pichete, tai khan nimite David ke raja bonai dise.aru David nimite bhi Isor para koise, 'moi laga mon usorte te thaka ekjon Jesse laga chokora David ke paise, tai moi laga echa kam sob koribo.'
|
|
\v 23 Eitu manuh laga khandan para Isor Isreal te bachai diya, Jisu ke pothai se, Tai Isreal manu khan ke kosom dia nisina.
|
|
\v 24 Eitu sob tu suru hoise jetiya, Jisu naha ahgete, John pohila Isreal manu khan ke baptisma loi kena mon ghura bole koise.
|
|
\v 25 Aru jetia John tai laga kam khotom kori thakise, tai koise, 'moi ke tumi khan kun ase bhabe?moi eitu nohoi.kintu hunibi, ekjon ahi ase, aru tai laga paw te laga juta bandhi bole bhi moi lyke nai.'
|
|
\v 26 Hei bhai khan, Abraham khandan laga bacha khan, aru apuni khan majote kun Isor ke bhoi kore, moi khan nimite notun jibon laga kotha tu pothai dise.
|
|
\v 27 Kun manu Jerusalem te thaki ase, aru tai khan laga cholawta khan, Teo ke chini bole para nai, aru bhawadi laga kotha khan pura kori dise jun tu hoidai sabbath din te Teo ke hinsa aru bodnam kori kena pori thake.
|
|
\v 28 Aru taikhan Tai ke morai dibole eku golti na pai lebhi, taikhan Pilate ke Jisu ke morai dibole koise.
|
|
\v 29 Jetiya Tai nimite ki likha ase eitu sob pura hoise, taikhan cross para Tai ke namai ani kene kobor te rakhi dise.
|
|
\v 30 Kintu Isor Tai ke mora para aru bhi jinda kori dise.
|
|
\v 31 Aru Tai logote Galilee para Jerusalem te kun manu khan ahise bisi din tok Tai ke dekhise.aru eitu manu khan Tai laga gawahi manu khan ke koi kena berai.
|
|
\v 32 Aru eitu nimite moi khan eitu kotha tu koi kena prochar kore juntu Isor para moi khan laga baba khan ke kosom disele.
|
|
\v 33 Isor hai sob kotha tu moi khan, aru tai khan laga bacha khan nimite pura kori dise, Jisu ke jinda kori kena. dusra geetmala te likhi kena thaka nisina:'tumi moi laga chokora sae, ahji para moi tumi laga baba hoise.'
|
|
\v 34 Teo ke mora para jinda kori diya matlab ase Teo laga gau tu ketiya bhi nopochibo, Isor tu eneka koise:moi tumi ke Pobitro aru hosa asirbat dibo juntu moi David ke kosom disele.'
|
|
\v 35 Eitu nimite Tai geetmala te aru koi kene ase, 'apuni ketiya bhi Pobitro ekjon ke puchibole nidibo.'
|
|
\v 36 Kelemane David tai laga homoi te Isor laga echa para tai nijor manu ke sewa kori thakise aru mori jaise, aru tai baba khan logot moidam te dise, aru puchi jaise.
|
|
\v 37 Kintu Tai ke Isor jinda kori dise utu ke puchibole diya nai.
|
|
\v 38 Kintu apuni khan jani lobi, eitu manuh para hai apuni khan paap tu maph pabo, aru sob beya para azadi pabo jun tu Moses laga kanun para bhi apunike dibole napare.
|
|
\v 39 Aru jun Tai ke bisas kore tai bachi jabo.
|
|
\v 40 Eitu karone hoshiar thakibi Prophets khan para ki koise eitu apuni khan logote nohobole nimite:
|
|
\v 41 'Sabi, hinsa kora khan, asurit hoi kena nijor harai jai;moi apuni khan laga homoi te kam kori ase, eitu kam juntu tumi khan ketiya bhi bisas nokore, jodi bhi kunba apuni khan ke ahi kena koi diye.'''
|
|
\v 42 Aru jetia Paul aru Barnabas jaise, manu khan tai khan ke anurot korise eitu kotha ahi kena aru sabbath din te kobole.
|
|
\v 43 Aru jetia synagogue laga sabha khotom hoise, bisi Yahudi aru jun Yahudi niyom loise tai khan Paul aru Barnabas pichete jaise, aru taikhan para duijon ke Isor laga morom tu koi thakibole nimite koise,
|
|
\b
|
|
\b
|
|
\v 44 Aru bisram din te, pura city eke logote jama hoise Probhu laga kotha huni bole nimite.
|
|
\v 45 Kintu jetia Yahudi khan bise manu dekhise, taikhan sukhu jolise aru Paul laga biya kotha koise aru tai ke sorom khelai dise.
|
|
\v 46 Kintu Paul aru Barnabas mon dangor kori kena koise, ''Isor kotha apuni khan logote pohila bole bisi dorkar thakise.kintu Isor kotha tu hatai diya dekhi kena tumi khan Teo laga raijo te jabole lyke nai, sabi, amikhan dusra jat khan logot jai ase.
|
|
\v 47 Eitu karone Probhu he moike hukum dise, aru koise, 'Moi tumi tumi khan ke biswas nathaka khan laga eta puhor bonai dise, eitu para tumi khan prithibi laga sob kona te jai kena anonto jivan laga kotha tu koi dibo.'''
|
|
\v 48 Jetiya dusra jat manu khan eitu kotha hunise, tai khan khusi paise aru Probhu laga kotha ke dhanyabat dise. aru jiman manu anonto jeevon pabole ase eitu khan biswas kori loise,
|
|
\v 49 Aru Probhu laga kotha sob usor-usor jaga te prochar hoi jaise.
|
|
\v 50 Kintu kanu luwa manu aru dorkar thaka maiki, aru city te manu majote nam thaka khan ke Yahudi khan para Paul aru Barnabas ke digdar dibole korise, aru duijon ke taikhan laga des para bahaar ulaai dise.
|
|
\v 51 Kintu Paul aru Barnabas tai khan usor para paw laga dhuli sapha korise.aru tate para Iconium laga nogor te jaise.
|
|
\v 52 Aru chela khan pobitro Atma para bhorta hoi kena khusi para thakise.
|
|
\c 14
|
|
\v 1 Eitia Iconium te eneka hoise, Paul aru Barnabas duijon Yahudi khan laga synagogue te jaise aru kotha koise tate bisi manu yahudi aru dusra jat manu khan huni kena bisas korise.
|
|
\v 2 Kintu kotha namana Yahudi khan para manu khan laga bhabona beya kotha para bhorta kori kena nijor bhai laga dusmon kori dise.
|
|
\v 3 Kintu tai khan tate olop din thakise, aru Isor laga kotha mon dangor para koise, aru Isor hai Paul aru Barnabas laga hath para Teo laga asurit kam manu khan ke dekhai dise.
|
|
\v 4 Kintu city te thaka manu khan bhag hoi jaise; kunuba Yahudi phale jaise, aru kunuba apostle khan phale jaise.
|
|
\v 5 Aru jetia bisas nokora khan aru Yahudi aru taikhan laga solawta khan mili kene duijon ke hinsa kori kena pathor maribole bisarise,
|
|
\v 6 Duijon eitu jani loise aru tate para Lycaonia, Lystra aru Derbe aru eitu usor City te polai jaise,
|
|
\v 7 Aru taikhan tate Isor laga kotha prochar kori thakise.
|
|
\v 8 Aru Lystra te ekjon manu bohise, tai laga paw te takot thaka nai, ama laga pet para hai lengra jonom hoise, tai ketiya bhi bera nai.
|
|
\v 9 Eitu manu Paul kotha kuwa hunise, tetia Paul eitu manu ke bhal hoi jabole mon kori thaka laga bisas dekhi kene tai ke bhal para sai thakise.
|
|
\v 10 Aru tetiya tai uncha awaz para koise, ''uthi kene tumi laga paw te khara hobi.'' tetiya eitu manu uthi kene bera bole suru hoise.
|
|
\v 11 Jetia manu khan Paul ki korise eitu dekhise, tai khan laga awaz uthai, Lycaonia laga bhasa te koise, ''bhagwan khan manu laga gau loi kena moi khan majote ahise.''
|
|
\v 12 Aru taikhan Barnabas ke''Zeus, ''matise, aru Paul ke ''Hermes, '' kele mane tai hai asol kotha kuwa manu thakise.
|
|
\v 13 Tetiya Zeus mandir laga purohit jun to City usor te thakise, guru aru phool laga malaa loi kena gate usorte ahise; tai aru tate laga manu khan boli dibole mon jaise.
|
|
\v 14 Kintu jetiya apostle, Barnabas aru Paul, eitu hunisetai khan laga kapur phatai kena manu khan laga majote jai kena, jor para kandise.
|
|
\v 15 Aru koise, ''manu khan, tumi khan kele eneka kori ase? Moi khan bhi apuni khan nisina bhabna thaka manu hai ase.moi khan apuni ke Isor laga kotha kobole ahise, eitu kotha huni kena Isor para echa nokora kam khan charibole, sorgo, prthibi aru samundar te jiman saman ase sob Teo para hai bonai se.
|
|
\v 16 Pohila homoi te, manu khan ke nijor khusi para berabo disele.
|
|
\v 17 Kintu, Teo manu khan ke chari diya nai, Teo sorgo para pani dise aru phol ulai kena khabole nimite bhal mohina dise aru sob bhal kam kori dise.''
|
|
\v 18 Eitu kotha koi kena, Paul aru Barnabas tai khan ke boli dibole rukhaise.
|
|
\v 19 Tetiya Antioch aru Iconium para kunuba Yahudi tate ahise aru manu khan laga mon te beya kotha dhali dise.aru tetiya Paul ke pathor mari kena city laga bahar te tani ulai dise, tai khan bhabise Paul tu mori jaise.
|
|
\v 20 Kintu chela khan tai usorte khara kori thakise, tetia tai uthi kene City te jaise. aru dusra din te, Barnabas logote Derbe te jaise.
|
|
\v 21 Aru jetia tai duijon Isor laga kotha koi kena bisi chela bonaise, tai khan Lystra te jaise, aru Iconium aru tate para, Antioch te jaise.
|
|
\v 22 Aru tai khan chela khan ke bisas te hodai mon dangor hoi kena thakibole shikaise, aru koise, ''moi khan Isor laga raijo te jabole bisi dukh koribole lagibo.''
|
|
\v 23 Aru sob girja te taikhan ke cholai loi jabo nimite dangor manu bachi dise, aru fasting prathna korise, aru tai khan ke Isor hath te dise, jun ke tai khan bisas korise.
|
|
\v 24 Aru eitu pichete duijon Pisidia par kori kena Pamphylia te ahi jaise.
|
|
\v 25 Jetiya tai khan Perga te Isor kotha koi dise, tate para tai khan Attalia te jaise.
|
|
\v 26 Tate para duijon nao te uthi kene Antioch te jaise, tate tai khan Isor laga moron aru anugrah kaam koribole pothai sele, aru duijon eitu kaam pura kori dise.
|
|
\v 27 Jetiya tai khan Antioch te ahisearu girja manu khan ke jama korise, Isor para ki korise tai khan ke sob koi dise, aru kenaka kori kena dusra jat manu khan nimite bisas laga dorja tu khuli dise.
|
|
\v 28 Aru duijon bisasi chela khan logote bisi din tak tate thakise.
|
|
\c 15
|
|
\v 1 Etiya kunba manu Judea para ahi kene Antioch te thaka bhai khan ke, shikai kena, koise, ''jetiya tak tumi khan Moses laga niyom te dia nisina sunnot nokore, tumi khan jibon napabo.''
|
|
\v 2 Eitu kotha kuwa nimite Paul aru Barnabas logote manu khan mon mila nai aru tai khan uporte khong uthise. Paul aru Barnabas aru tate laga kunba khan ke jerusalem te jobole bachi loise aru jai kena apostle aru umor hoi juwa manu khan ke tai khan ki koise eitu hudibole nimite pothaise.
|
|
\v 3 Tetiya taikhan ke, girja para pothaise, Phoinicia aru Samaria para juwa homoi te dusra jat manu khan mon ghura laga kotha koi thakise.sob bhai khan majote bisi khusi hoise.
|
|
\v 4 Jetiya tai khan Jerusalem te ponchise, tai khan ke girja laga apostle aru umor hoi juwa manu khan para ahi bole dise, aru Isor para tai khan majote ki kori dise eitu sob manu khan ke koi dise.
|
|
\v 5 Kintu kunba bisas kora manu, aru Pharisees khan logote mili kena thaka khan, khara kori kena koise, ''tai khan ke sunnot koribole dorkar ase aru Moses laga kanun mani kena thakibole nimite shikai dibole lage.''
|
|
\v 6 Tetiya apostle aru bura manu khan eke logote jama hoi kene eitu kotha motase.
|
|
\v 7 Jetia eitu kotha bisi danjor hoi jaise, Peter khara kori kena tai khan ke koise, ''bhai, kokai khan, Isor pohila te apuni khan majote te moi ke bachi loise, aru moi laga mukh para dusra jat manu khan Isor laga kotha hunibo aru bisas koribo.
|
|
\v 8 Isor, Teo manu laga mon jane, aru sob gawahi diye, Pobitro Atma para bhorta kori diye, jeneka Teo moi khan uporte bhi korise;
|
|
\v 9 Aru Isor dusra jat manu aru moi khan majote eku alak bhaba nai, aru tai khan laga mon bisas para sapha kori dise.
|
|
\v 10 Eitu nimite tumi khan kele Isor ke bicar kori ase, chela khan laga gola aru moi khan laga baba khan para ketiya bhi utha bole napara bhar tu kele dhali bole bisari ase?
|
|
\v 11 Kintu amikhan bisas kore Probhu Jisu laga anugrah aru morom para jibon pabo, keneka tai khan paise ami khan bhi pabo.''
|
|
\v 12 Aru tate thaka sob manu khan chup hoi jaise jetiya Paul aru Barnabas para dusra jat manu khan majote Isor para ki asurit kam kori dise eitu tai khan ke koi dise.
|
|
\v 13 Aru jetiya tai khan kotha kori kena khotom hoise, James para koise, ''bhai, kikokai, moi laga kotha hunibi.
|
|
\v 14 Simon para pohila koise keneka kori kena Isor hai dusra jat manu khan ke modot kori dise aru tai khan majo para Tai laga nam ula bole nimite.
|
|
\v 15 Aru prophets khan eitu kotha tu manise, jeneka eitu likha ase,
|
|
\v 16 'Eitu pichete moi aru bhi ahibo, aru moi David laga bhangi juwa tombu uporte, ghor bonabo;aru beya hoi ja khan sob wapas bhal kori kena khara kori dibo,
|
|
\v 17 Kelemane manu khan Probhu ke bisaribo, aru sob dusra jat manu khan moi laga nam matibo.'eitu Probhu para koi ase, jun hai eitu sob kam tu kori dise.
|
|
\v 18 Eitu sob kam suru para manu khan ke jonai dise.
|
|
\v 19 Eitu karone, moi laga bhabona eneka ase, moi khan dusra jat manu khan Isor phale aha tu digdar nokoribo lage.
|
|
\v 20 Kintu amikhan taikhan ke likhi kena koi dibo murti puja noko ribole, beya pap kam kora, aru janwar laga gola nakati kena khun kha eitu sob nohobole koi dibo.
|
|
\v 21 Moses laga kotha sob city te ase, pohila khandan para loi kena, aru jun manu tai laga nam loi kena synagogue te prochar kore, aru tai laga nam hodai sabbath din te loi thake.''
|
|
\v 22 Tetiya sob apostle, bura khan aru girja manu khan sob eitu kotha bhal paise, aru bachi luwa manu Antioch te Paul aru Barnabas logote pothai dibole tai khan saise.tetiya Judas kun ke Barsabas bhi mate, aru Silas tai khan bisasi bhai khan majote cholawta thakise tai ke pothaise.
|
|
\v 23 Aru taikhan hath para chithi likhi dise: '' apostle aru bura khan para, apuni khan laga bhai, jun Antioch, Syria, aru Cilcia te ase, aru dusra jat manu khan apuni kahan ke.salam di ase!
|
|
\v 24 Amikhan hunise, kunba manu moi khan majo para ulai jaise, aru moi khan ke eku huda nai, aru apuni khan ke ulta kotha shikai kena Aatma te dukh pabole dise.
|
|
\v 25 Eitu nimite, amikhan eke logote lok kori kena bhal bachi luwa manu Barnabas aru Paul logote pothai dibo,
|
|
\v 26 Jun manu nijor laga jibon di kena Probhu Jisu Khrista laga naam nimite duk uthai thake.
|
|
\v 27 Eitu karone Judas aru Silas ke pothai ase, tai khan bhi apuni khan ke eitu kotha hai nijor mukh para apuni khan ke koi dibo
|
|
\v 28 Kelemane Pobitro Aatma aru amikhan nimite eitu hai bhal ase, apuni khan ke eku kam nathaka laga bhar para dangor dukh nidibo:
|
|
\v 29 Murti puja te boli dia para apuni khan dur thakibo, aru khun para, aru gola nakati kena morai diya para, aru beya pap para.jodi apuni khan eitu para dur thake, apuni khan bhal thakibo.bhal para thakibi.''
|
|
\v 30 Jetia taikhan ke jabole dise, taikhan Antioch te ahi ponchi se; aru sob manu khan ke joma kora pichete, chithi tai khan ke dise.
|
|
\v 31 Aru jetiya tai khan porise, mon dangor kori diya kotha dekhi kena tai khan bisi khusi korise.
|
|
\v 32 Judas aru Silas, duijon nije bhi prophet thakise, tate thaka bhai khan ke nijor kotha para manu khan laga bisas aru mon dangor kori dise.
|
|
\v 33 Aru tate olop din thaki kena, tai khan jun jaga para ahise tate shanti para pothai dise.
|
|
\v 34 Kintu Silas, tate aru thaki bole bhal paise.
|
|
\v 35 Paul aru Barnabas Antioch te thaki jaise, Isor laga kotha manu khan ke shikai kena pro(dusra khan bhi tai khan logote thakise).
|
|
\v 36 Kintu olop din pichete, Paul para Barnabas ke koise, ''ahibi moi khan pohila jun city te jai kena Isor kotha prochar korise tate laga bhai khan ke jai kena lok koribo, aru tai khan keneka ase eitu sabo.''
|
|
\v 37 Barnabas tai khan logote John kun ke Mark bhi mate tai ke loi jabole mon thakise.
|
|
\v 38 Kintu Paul Mark ke loi juwa tu thik nohoi bhabise, tate para John Pamphylia te jaise aru tai khan ki kam nimite jaise eitu kam te tai aru ahge janai.
|
|
\v 39 Eitu para tai duijon majote kotha mila nai, tate para tai duijon alak hoi jaise, aru Barnabas Mark ke loi jai kena Cyprus te naw para jai jaise.
|
|
\v 40 Kintu Paul Silas ke bachi loise aru jaise, aru tate bhai khan para duijon ke Isor laga daya te rakhi kene sob kam di dise.
|
|
\v 41 Aru tai Syria aru Cilicia te jaise, aru girja khan ke mon dangor kori dise.
|
|
\c 16
|
|
\v 1 Tetiya tai Derbe aru Lystra te jaisele; aru sabi, tate ekjon chela Timothy koi kena thakise, tai ekjon bisasi aru yahudi maiki laga chokora;kintu tai lga baba Greek manu thakise.
|
|
\v 2 Lystra aru Iconium te thaka bhai khan tai laga bhal kotha hai koi.
|
|
\v 3 Paul taike loi jabole mon thakise;tai ke loi jai kena sunnot kori dise kelemane eitu jaga te yehudi khan thakise, kelemane tate laga manu khan sob jane tai laga baba Greek manu thakise.
|
|
\v 4 Aru taikhan city te jai thaka homoi te, tai khan girja te manu khan ke Isor kotha mani bole shikaise, Jerusalem te thaka apostle aru girja laga bura khan para taikhan ke mani thakibole.
|
|
\v 5 Eitu para girja khan biswas te takot hoi thakise, aru hodai din manu bhi bisi-bisi hoi jaise.
|
|
\v 6 Paul aru tai laga sathi khan Phrygia aru Galatia laga gaga te jaise, kelemane Pobitro Aatma para taikhan ke Asia te prosar koribole mana korise.
|
|
\v 7 Jetiya tai khan Mysia usorte ahise, tai khan Bithynia te jabole kushis korise, kintu Jisu laga Atma para tate jabole mana korise.
|
|
\v 8 Eitu karone taikhan Mysia paar kori kena Troas nogor te jaise.
|
|
\v 9 Eitu rati te Paul ekta sopona dekhise:ekta manu Macedonia te khara kori thakise, aru tai ke mati kena koise, ''ahi kena moi khan ke Macedonia te modot koribi.''
|
|
\v 10 Jetiya Paul eitu bsapna dekhise, eitu homoi te moikhan joldi Mecedonia te jabo bhabi loise, kelemane taikhan ke su-samachar koi dibole Isor moikhan ke matise.
|
|
\v 11 Aru moikhan Troas para naw te uthi kene sidha Somothrace te jaise, aru dusra din Neapolis te ahi jaise.
|
|
\v 12 Aru tate para Mecedonia laga sob para dangor City Philippi te ponchise, Roman laga jaga, aru moi khan tate olop din thakise.
|
|
\v 13 Aru bisram din te moikhan City bahar te ulaai kene nodi kinar phale, prathana koribole jagah ase bhabi kene tate jaise.tate moi khan jama kori kena bohhi thaka maiki khan logote kotha korise.
|
|
\v 14 Tate ekjon maiki Lydia koi kena thakise, Thyatira te tai purple kapur bikri kori thake, tai Isor ke mohima kore, moi khan laga kotha hunise. Probhu hai eitu maiki laga mon khuli kene Paul laga kotha bhal para hunibole dise.
|
|
\v 15 Aru jetia tai aru tai laga ghor manu sob baptizma loise, tai moikhan ke hudi kena, koise, ''jodi apuni khan moi Isor usorte bisasi ase koi kena bichar kore, ahi kena moi laga ghor te thaki bi.''tai moi khan ke binti korise.
|
|
\v 16 Eitu homoi te, moikhan prarthna koribole ekta jaga te jai thakise, tetia moikhan ekjon juwan maiki manu laga bhavisia koa Atma lok paise.tai laga malik ke manu laga bhavisa koi kena bisi dhun kori dise.
|
|
\v 17 Eitu maiki Paul aru moi khan laga pichete ahi kena hala korise, aru koise, ''eitu manu khan sob se ucha te thaka Isor laga sewak ase. tai khan hosa rasta aru jibon laga kotha koi ase.''
|
|
\v 18 Tai bisi din eneka koi thakise, kintu, tai eneka koi thaka tu bhal panai, aru tai laga bhitor te Aatma thaka ke, koise, '' moi Jisu Khrista naam para tumi ke hukum di ase tai para ulaai jabi, '' aru eitu homoi te Aatma ulaai jaise.
|
|
\v 19 Kintu jetia tai malik poisa aha rasta tu bon hoi ja dikhise, taikhan Paul aru Silas ke dhori kene bazar laga dangor sahab khan usorte loi anise.
|
|
\v 20 Aru jetiya taikhan ke bicar kora manu khan usorte anise, tai khan koise, ''eitu manu khan moi khan laga city beya kori ase.tai khan yehudi manu ase.
|
|
\v 21 Moi khan ki kanun manibo napare eitu shikai ase aru roman laga kanun lobole koi ase.''
|
|
\v 22 Tetiya manu khan Paul aru Silas uporte khong uthise, aru bichar kora manu khan para tai duijon laga kapra phatai kena luha para maribole nimite hukum dise.
|
|
\v 23 Aru jetiya tai duijon ke disi marise, tai duijon ke jail te bon kori dise aru jail te thaka sipahi ke bhal para sai thaki bole hukum dise.
|
|
\v 24 Jetiya tai eitu hukum paise, sipahi para tai duijon laga paw bandhi kena jail laga bhitor te dhali dise.
|
|
\v 25 Aru adha rati te Paul aru Silas prathana kori kena Isor laga gana kori thakise, aru jail te thaka dusra manu khan tai kahn ke huni thakise.
|
|
\v 26 Achanak para dangor mati helise, aru jail laga main pos bhi hilli jaise;aru eitu homoi te dorja khan khuli jaise, aru sob manu ke bandhi raka chain khan khuli jaise.
|
|
\v 27 Tetiya jail laga sipahi ghumai thaka para uthi jaise aru jail laga dorja khula dekhise;tai nijor laga talwar ulai kena mori bole thakise, kelemane tai bhabise jail te thaka manu khan sob polai jaise.
|
|
\v 28 Kintu Paul jor para halaa kori kena, koise, ''nijor ke jokom nidibi, kelemane moi khan sob yate ase.''
|
|
\v 29 Tetiya jai laga sipahi saaki mangi kena bhitor te polai ahise, aru bhoi para kappi kene, Paul aru Silas laga paw te giri jaise,
|
|
\v 30 Aru tai duijon ke bahar te loi ani kene koise, '' sahab, poritran pabole moi ki koribo lage?''
|
|
\v 31 Tetiya duijon koise, ''Probhu Jisu ke bisas koribi, tetia tumi, aru tumar ghor manu sob bachi jabo.''
|
|
\v 32 Tetiya duijon taike aru tai laga ghor manu sob ke Probhu laga kotha hunai dise.
|
|
\v 33 Tetiya jail laga sipahi para eitu rati te duijon ke loi jaise, aru tai khan laga jokom sapha kori dise, tai laga sob ghor manu aru tai eitu homoi te baptisma loise.
|
|
\v 34 Aru duijon ke tai laga ghor te loi ahnise aru kha luwa dise, aru tai Isor ke bisas korise koi kena tai laga sob ghor manu bisi khusi korise.
|
|
\v 35 Aru jetia din hoise, tetia sahab khan para siphi khan ke pothaise, aru koise, ''tai khan ke jabole dibi.''
|
|
\v 36 Tetiya jail-sahab para jai kena eitu kotha Paul ke, koise, ''bicar kora manu para moi ke apuni khan ke pothai dibole koise.eitu nimite ahibi, aru shanti para jabi.''
|
|
\v 37 Kintu Paul taikhan ke koise, ''moi khan Roman hoilebi sob manu usorte duijon ke bodnam kori kena marise, aru jail te dhali dise.etiya moi khan ke lukai kena pothai dibole mon ase? Eneka nohoi! Kintu, tai khan nijor ahi kena moi khan ke loi jabi.''
|
|
\v 38 Tetiya sipahi khan bichar kora manu khan ke jai kena eitu kotha koise, aru jetiya Paul aru Silas roman manu ase koi kena janise, tai khan bhoi lagise.
|
|
\v 39 Tetiya bicar kora manu khan ahi kena tai khan ke maph mangise taikhan ahi kene duijon logot maph mangise aru duijon ke bahaar te ulaai kene ahnise, aru nogor para jai jabole koise.
|
|
\v 40 Tetiya duijon jail para ulaai kene Lydia laga ghor te jaise. Aru jetia Paul aru Silas bhai khan ke dekhise, tai khan laga mon dangor kori di kena nogor para jai jaise.
|
|
\c 17
|
|
\p
|
|
\v 1 Jetiya tai khan Amphipolis aru Apollonia laga city par kori kena jaise, tai khan Thessalonica laga city te ahi ponchise, tate Yahudi khan laga ekta synagogue thakise.
|
|
\v 2 Aru Paul, tai laga nijor niom te, taikhan logote jaise, aru tinta bisram din te taikhan logote Isor laga kotha koi thakise.
|
|
\v 3 Aru tai Isor kotha khuli kena Krista dukh pabo aru mora para jinda hoi jabo eitu dorkar ase koi kena porise. Aru tai koise, ''Eitu Jisu kun laga kotha koi kena moi prochar kori ase Teo Krista ase.''
|
|
\v 4 Kintu kunba yahudi tai khan laga niyom te eitu thik nohoi koi kene jani le bhi Paul aru Silas laga pichete jaise,aru tate greek niyom mani thaka khan bhi thakise, aru kunuba maiki khan bhi logote milli jaise.
|
|
\v 5 Kintu bisas nokoraYahudi khan mon julise, aru bazaar para beya manu ke jama kori loise, aru bisi manu lagai kena City te halaa korise. Aru jetiya Jason laga ghor bhangai dise,Paul aru Silas ke manu khan usorte dhori kena loi anibole bisarise.
|
|
\v 6 Kintu jetia taikhan duijon ke pa nai, taikhan Jason aru kunuba bisasi bhai khan ke dhori kena City laga sahab khan usorte loi jaise,aru hala kori kena koise,''Eitu manu khan jun duniya ulta kori dise tai khan bhi yate ahi kena ase.
|
|
\v 7 Jason jun manu ke tai laga ghor te rakhise tai khan Caesar laga kotha mana nai,aru tai khan koi ase Jisu koi kena ekjon raja- ase.''
|
|
\v 8 Aru eitu kotha huni kene bisi manu khan aru City laga sahab khan sob chinta hoise.
|
|
\v 9 Kintu taikhan Jason aru tai laga saathi khan para poisa loi kena,tai khan ke jabole dise.
|
|
\v 10 Tetiya biswasi bhai khan eitu raati te Paul aru Silas ke Berea te pothai dise. Aru jetia duijon tate ponchise, duijon Yahudi khan laga synagogue te jaise.
|
|
\v 11 Tate thaka Thesolonica khan dusra jaga laga manu khan para bhal thakise, kile mane taikhan hodai-din Isor laga kotha bhal bhawana para hune,aru Isor laga kotha te ki likha ase eitu sai kene bhal mon para grohon kori thakise.
|
|
\v 12 Eitu nimite bisi manu tate isas korise,aru tate laga Greek niyom mani thaka maiki aru kunba mota manu khan bhi bisas korise.
|
|
\v 13 Kintu jetia Thesolonica laga Yahudi khan Paul Beria te Isor laga kotha koi ase koi kena janise,tate tai khan jai kena manu khan laga mon te beya kotha dhali dise aru mon beya kori bole dise.
|
|
\v 14 Eitu homoi te,biswasi bhai khan joldi Paul ke samundar phale para jabole dise, kintu Silas aru Timothy tate thaki jaise.
|
|
\v 15 Aru jun manu Paul ke loi jaise tai khan Athens laga city para aru dur te tai ke loi jaise. aru jetiya tai khan Silas aru Timothy duijon ke Paul para tai usorte te joldi ahibole dibi koi kena khobor dise,tai khan nijor laga ghor te jai jaise.
|
|
\v 16 Jetia Paul Athen te Silas aru Timothy ke rukhi thakise,tai laga atma para eitu City te murti bhorta thaka dekhi kene bisi mon dukh hoise.
|
|
\v 17 Tetiya tai synagogue te jai kene Yahudi aru hosa Isor ke aradhana kora manu khan logote kotha korise,aru hodai tai jetiya bozar te jai tate bhi manu lok pai le eitu laga kotha kori thakise.
|
|
\v 18 Tetiya Epicurean aru Stoic laga pandit kunuba ahi tai logot kotha lagi thakise, aru kunuba koise, eitu ke najana manu ki kobole mon kori ase? Dusra koise tai dusra jaga laga dhorom manu ase, kelemane tai Jisu laga kotha aru jee utha laga kotha prosar kori ase.
|
|
\v 19 Tai khan Paul ke Aropagus laga usorte loi jaise aru ,koise,''tumi ki koi ase aru shikai ase eitu moi khan bhi jani bole paribo?
|
|
\v 20 Kelemane moi khan laga kan para ketiya bhi nuhuna kotha huni bole pai ase.eitu nimite,moi khan bhi jani bole mon ase eitu kotha laga ki motlob ase.''
|
|
\v 21 (Eitya sob Athenians laga manu aru dusra desh para ahi kena thaka manu khan dusra eku kam nokore kintu kotha kori thakibo aru nohoile kiba nutun kotha huni le eitu kotha bohi kena manu khan ke koi thakibo.)
|
|
\v 22 Tetiya Paul Areopagus majote khara hoi kene koise, ''tumi Athens laga manu khan,moi dekhi ase tumi khan sob kam te bhal ase.
|
|
\v 23 Jetiya moi tumi khan laga puja kori thaka saman khan sai kena par kori thakise,tumi khan pothor para bonai rakha ekta jaga te eneka likhi kena rakha dikhise,''Ekta najana Isor nimite.'' eitu karone jun ke apunikhan najani kene puja kori thaki ase, eitu laga kotha tumi khan ke moi kobo.
|
|
\v 24 Isor jun he prithibi aru tate thaka sob bonai dise, Teo sorgo aru prithibi låga Isor ase,manu para bonai diya laga temple te nathake.
|
|
\v 25 Aru teo manu laga hath laga seva nalage,aru manu para eku nibisare,kelemane Teo hai sob ke jibon aru sas aru manu ki lage Teo tai khan ke eitu diye.
|
|
\v 26 Aru Teo ekjon manu para hai ekta desh aru jiman manu etiya thaki ase eitu sob ke bonai dise,ki homoi te keneka dibole lage aru kun manu laga jat kote thakibole lage eitu sob Teo para bona kena rakhi dise,
|
|
\v 27 Eneka korile manu khan Teo ke bisaribo aru tai khan Isor phale mon dibo aru Teo usorte ahibo.kintu Teo moi khan para ketiya bhi dur thaka nai.
|
|
\v 28 Kelemane amikhan Teo logote jinda ahse aur ami khan laga ki ase eitu sob tu teo laga hai ase, jeneka apuni khan laga majote kitab likha ekjon para koise, 'ami khan sob Teo laga bacha hai ase.'
|
|
\v 29 Eitu karone, moi khan Isor laga bacha ase,moi khan eneka bhabona koribole nalage ki Teo laga echa suna,chandi,aru pathor nisina ase-aru Teo manu laga bhabona para bonai rakhi diya nisina nohoi.
|
|
\v 30 Eitu nimite Isor pohila te manu laga pap dhyan nokori kene chari dise, kintu etiya Teo sob manu ke pap para mon ghura bole hukum dise.
|
|
\v 31 Kelemane Teo bachi luwa ekjon para eitu duniya ke dharmik para ekta din te bichar koribo.Isor hai Jisu ke mora para jinda kori kena Teo hosa Isor ase koi kena dekhai dise.''
|
|
\v 32 Aru jetia Athens laga manu khan mori kene jinda hua kotha hunise,kunba tate thaka khan Paul ke hinsa korise; kintu kunuba koise, ''amikhan eitu kotha apuni para aru hunibo.''
|
|
\v 33 Eitu pichete Paul taikhan laga majo para ulaai jaise.
|
|
\v 34 Kintu kunba tai logote mili jaise aru tai ki kotha koise eitu bisas korise,eitu majote Dionysius Areopagite laga ekjon manu, aru Damaris koi kena ekjon maiki, aru dusra manu khan bhi tai khan logote thakise.
|
|
\c 18
|
|
\v 1 Eitu pichete Paul Athens para Corinth te jaise.
|
|
\v 2 Tate tai ekjon Yahudi manu Aquila koikene ekjon ke lok paise,tai Pontus laga manu thakise,aru tai olop din ahgete Italy para tai laga maiki Priscilla ke loi kene ahise,kelemane Claudius para yahudi manu khan ke Rome para jai jabole hukum dise.Paul tai khan usorte jaise,
|
|
\v 3 Aru kelemane tai khan ki kam kore eitu kam Paul bhi kora nimite,tai khan logote thaki kena kam korise,tai khan tambu bona manu thakise.
|
|
\v 4 Aru Paul synagogue te jai kena hodai bisram din te tai khan logote kotha kori thakise.tai yahudi aru Greek manu khan ke Isor laga kotha mani kena thakibole nimite koi thakise.
|
|
\v 5 Jetia Silas aru Timothy duijon Macedonia para ahise, Paul Isor laga kotha te pura mon di kena thakise,aru yahudi manu kha ke Jisu Krista laga gawahi koi thakise.
|
|
\v 6 Kintu yahudi manu khan tai laga kotha mana nai aru tai ke sorom khelai dise,Paul tai laga kapra sapha kori kena tai khan ke koise,''tumi khan laga khoon tumi khan nijor matha uporte ahi bole dibi;moi eku golti kora nai.etiya para moi Isor najana manu usorte hai jabo.''
|
|
\v 7 Aru tai tate para ulaai kene ekjon manu Titius Justus laga ghor te jaise,tai Isor ke mahima kora ekjon thakise.tai laga ghor synagogue laga usorte thakise.
|
|
\v 8 Crispus, synagogue laga ekjon solawta,Probhu ke bisas korise,aru tai laga sob ghor manu khan bhi bisas korise;aru Corinthains te kiman manu Isor laga kotha hunise tai kkhan bhi bisas kori kena baptisma loise.
|
|
\v 9 Aru Probhu hai rati te Paul ke sapana te koise,'' bhoi no koribi, kintu moi laga kotha koi thakibi aru ketiya bhi chup na thakibi.
|
|
\v 10 Kelemane Moi tumi logote ase, aru kun bhi tumi ke ahi kena eku koribole naparibo, aru tumike nuksan no koribo, kelemane eitu City te moi laga manu bisi ase.''
|
|
\v 11 Aru Paul tate ek sal aru choi mohina thakise,Isor laga kotha manu khan ke shikai thakise.
|
|
\v 12 Kintu jetiya Gallio Achaia laga governor hoise, sob Yahudi manu khan milli kene Paul laga birot te khara hoise aru tai ke dhori kena bichar kora jaga te loi anise;
|
|
\v 13 Tai khan koise,''Eitu manu ami khan laga niyom birot te jai kena Isor laga kotha shikai ase aru mani bole koi ase.''
|
|
\v 14 Aru jetia Paul kotha kobole mukh khulise,Gallio para yahudi khan ke koise,''tumi yahudi khan, jodi eitu kotha golti aru paap kam kora laga ase koile,moi tumi khan nimite bichar koribo.
|
|
\v 15 Kintu tai koi thaka kotha kunuba laga naam nimite aru tumi khan laga niyom laga ase koile,tumi khan nijor hai sai lobi.moi eitu kotha khan nimite bichar koribole mon nai.''
|
|
\v 16 Tetiya Gallio bichar laga jaga para taikhan ke jabole dise.
|
|
\v 17 Tetiya tai khan sob Sosthenes usorte jaise,synagogue laga ekjon solawta,aru tai ke bichar kora jaga te jai kena marise. kintu Gallio manu khan ki kori ase eitu nimite eku chinta kora nai.
|
|
\v 18 Etiya Paul, bisi din tate thaka pichete,tate laga bhai khan ke chari kena Syria te jaise,Priscilla aru Aquila bhi tai logote thakise. Cenchrea te tai nijor laga chuli katti dise kelemane tai kosom khai sile.
|
|
\v 19 Aru jetiya tai khan Ephesus te ahise,Paul Priscilla aru Aquila ke tate chari dise,kintu tai nijor jai kena yahudi khan logote kotha kori thakise.
|
|
\v 20 Jetia tai khan Paul ke tate aru olop din thakibole koise, tai mana nai.
|
|
\v 21 Kintu tai anurot kori kena tai khan ke koise,''Isor echa hoile moi aru bhi ahibo.''tate para tai naw te uthi kena Ephesus te jai jaise.
|
|
\v 22 Aru jetia Paul Caesarea te namise,tai jai kena jerusalem girja te manu khan ke salam dise aru tate para tai Antioch te jaise.
|
|
\v 23 Aru olop din tate thaka pichete,Paul aru tate para ulaai jai kene Galatia aru Phrygia laga desh te kiman bisasi manu khan ase tai khan laga mon dangor kori dise.
|
|
\v 24 Tate Apollos koi kena ekjon manu thakise,tai jonom para Alexandrian thakise,kintu tai Ephesus te ahise. Isor laga kotha bhal para jana aru kobo para ekjon gyani manu thakise.
|
|
\v 25 Apollos ke Probhu loga raasta te thik para mani kena thaki bole koi dise.Atma te bhal kori kena thakible nimite,aru man di kena Jisu laga kotha manu khan ke shikai thake,kintu tai John para diya baptisma hai jane.
|
|
\v 26 Eitu nimite Apollos synagogue te jai kena mon dangor para kotha koi thakise.kintu jetiya Priscilla aru Aquila tai laga kotha hunise,tai ke kinar te loi jai kena Isor laga kotha aru bhi bhal para bujai dise.
|
|
\v 27 Tetiya tai Achaia paar kori kena jabole echa korise,tate laga bisasi bhai khan taike bhal para lobi koikene chela khan ke ekta chithi likhi dise. jetiya tai tate Ponchise,tai Isor laga anugrah para biswasi khan ke bisi modot dise.
|
|
\v 28 Aru Apollos manu khan usorte mon dangor para yahudi khan ke kotha para jiti bole diya nai,aru Isor laga kotha para Jisu hai Krista ase koi kena dikhai dise.
|
|
\c 19
|
|
\v 1 Aru jetia Apollos Corinth te thakise, Paul upor laga desh para par hoi kena Ephesus laga city te ponchise,aru tate kunba chela khan ke lok paise.
|
|
\v 2 Aru Paul tai khan ke koise,''tumi khan bisas kora homoi te Pobitro Atma paise?''kintu tai khan tai ke koise,''nai,moi khan Pobitro Atma ase koi kena hunia bhi nai."
|
|
\v 3 Tetiya Paul koise,''tene hoile tumi khan ki para baptisma loise?''tai khan koise,''John laga baptisma para.''
|
|
\v 4 Tetiya Paul koise,'' John mon ghura laga baptism para tumi khan ke baptisma dise.tai manu khan ke koise tumi khan John laga pichete ekjon ahi ase Teo ke bisas koribi,Teo,Jisu ahse.''
|
|
\v 5 Jetiya manu khan eitu kotha hunise,tai khan sob Probhu Jisu laga nam te baptisma loise.
|
|
\v 6 Aru jetia Paul taikhan laga upor te haath rakhi dise, Pobitro Atma taikhan laga upor te ahi jaise tetia taikhan alak kotha para prophesy kobole suru hoise.
|
|
\v 7 Tate tai khan sob milai kena baro jon manu thakise.
|
|
\v 8 Aru Paul synagogue te jai kena tin mohina Isor laga kotha mon dangor kori kena koise,manu khan ke Isor laga raijo kotha bhujai kena bisas koribole koi dise.
|
|
\v 9 kintu kunuba yahudi khan mon tan kori kena kotha mana nai,tai khan manu khan usorte beya kotha kobole suru hoise.tetiya Paul tai khan ke chari kena chela khan ke loi jaise, aru hodai din Tyrannus laga ghor te jai kena kotha koi thakise,
|
|
\v 10 Aru dui saal eneka kori thakise, eitu karone Asia te kiman manu thakise tai khan sob Probhu laga kotha hunise, Yahudi aru greek manu khan bhi hunise.
|
|
\v 11 Isor hai Paul laga hath para ketiya bhi nabhaba asurit kam korise,
|
|
\v 12 Eitu karone manukhan rumal nohole kapur loi tai gau ke chhui dibo, aru loi ani bemare manu ke chhui dile bemar bhal hoi thake, aru beya atma bhi ulaai jai thakise.
|
|
\v 13 Tetiya kunuba Yahudi berai jaddu-tona kori jhara-jhari kori thaka khan bhi Probhu Jisu naam loi, jun manu te dushtAtma aset utu khan ke moi tumi ke Paul koi thaka Jisu naam para kosom khai koise, eneka kori thakise.
|
|
\v 14 Aru Yahudia Jaga maha purohit kam kora Sceva laga saat jon bacha asele aru utu khan sob teneka kam kori thakise.
|
|
\v 15 Aru beya atma koise, moi Jisu ke jane aru Paul ke bhi jane, kintu tumi kun ase?
|
|
\v 16 Tetiya jun logotte beya atma thakisele utu manu taikhan upor te uthi marise aru taikhan ke harai dise, aru utu ghor para lenta hoi jokhom hoi kene polai jaise.
|
|
\v 17 Aru utu kotha Ephesus te thaka Yahudi aru Greek khan sob jani jaise, aru taikhan sob te bhoi laga ahi jaise, agru Probhu Jisu naam prosonsa kori thakise.
|
|
\v 18 Aru jun biswas kori loise utu khan para bisi manu ahi kene nijor-nijor beya kam kora ke sweekar kori aru koi thakise.
|
|
\v 19 Aru jaddu-tona kori thaka khan nijor-nijor jaddu laga kitab, khan joma kori sob manu usor te jolai dise, aru jetia utu daam hissab saise, to chandi poisa te ponchas hazaar toka ase.
|
|
\v 20 Karone Probhu laga kotha para jitti kene bisi hoi jaise.
|
|
\v 21 Jetia utu khan sob hoi juwa pichete, Paul Atma te bhabi loise, je moi Mecedonia aru Achaia hoi kene Jerusalem te jabo, aru koise, je tate juwa pichete aru Rome te bhi jai kene saabo lagibo.
|
|
\v 22 Eitu karone tai seva te thaka Timothy aru Erastus duijon ke Mecedonia te pothai kene tai olop homoi karone Asia te thaki jaise.
|
|
\v 23 Aru eitu homoi Isor kotha raasta loi dangor gondogul hoise,
|
|
\v 24 Kelemane naam Demetrius koikene sonari ekjony jun Chandi para Artemis laga mondir bonai thake, aru kam kora khan ke kam di kene bisi labh hoi thake.
|
|
\v 25 Tai taikhan tai nisina kam kori thaka khan sob mati ani kene koise, hei bhai khan apunikhan bhi jani ase, amikhan eitu kam kora para bisi poisa pai thake.
|
|
\v 26 Aru apunikhan bhi dekhi aru huni ase, khali Ephesus te he nohoi kintu pura Asia te eneka koi kene Paul para bisi manu ke biswas kori loi ase, koi ase junto haath para bonaise utu Isor nohoi.
|
|
\v 27 Eitu karone khali amar kam ke he nohoi, kintu Asia te, aru pura dunya te puja kori thaka mahaa devi Artemis laga mondir ke bhi bodnaam kori utu laga naam bhi herai jabole bhoi hoise.
|
|
\v 28 Jetia manu khan eitu kotha hunise to bisi khong uthise, aru bisi jor para halaa kori koise, Ephesus laga Artemis mahaan.
|
|
\v 29 Eneka hoi kene pura City te halaa hoi jaise; tetia taikhan milli kene ahi Gaius aru Aristaichus jun Paul logotte berai thake, utu duijon ke dhori kene theater te loi anise.
|
|
\v 30 Aru jetia Paul manu usor te jabole monn korise, kintu biswasi chela khan taike jabo dia nae.
|
|
\v 31 Tetiya kunuba Asia te thaka sahab laga sathi khan ke khobor pothaise je theater te ekla najabole
|
|
\v 32 Karone kunuba kiba koe, aru dusra kiba eneka hoi thakise, kelemane bisi manu eitu bhi na jane, je taikhan kele! Tate ahi joma thakise.
|
|
\v 33 Aru Yahudi khan he Alexander ke bisi manu te dekhai dise, aru Alexander tai hath uthai kene manu khan ke somjhai bujhai dibole hoisele.
|
|
\v 34 Kintu jetia tai Yahudi manu ase koikene jani loise, to sob milli kene dui ghanta tok Ephesus laga Artemis mahaan eneka koi thakise.
|
|
\v 35 Aru tetia utu City laga solawta he sob manu ke chup korai kene koise, hei Ephesus manu khan Ephesus laga City to Mahaa Devi laga mondir ase, aru Zeus para utu laga murti ahise eitu kun najane?
|
|
\v 36 Karone utu kotha nohoi kobo napare, to chup thakibo lage, aru taia-taii te eku koribo na lage.
|
|
\v 37 Kelemane eitu duijon mondir te chor dakoiti kora nohoi aru tumar Devi laga upor te eku beya kotha koa nohoi-lebhi dhori anise
|
|
\v 38 Karone Demetrius aru tai logot kam kora khan he kunuba logot kotha nimala thakile, bichar koribole, sabha to khula ase taikhan tate para bichar koribo dibi.
|
|
\v 39 Kintu jodi apunikhan eitu te bhi aru kiba ase, to thik homoi te sabha para bichar kori dibo lage.
|
|
\v 40 Kelemane aji gondogul kora, amar upor golti dibo bhoi ase, eitu eku motlob na thaki kene gondogul kora eitu laga jawab dibole na paribo.
|
|
\v 41 Aru tai eitu kotha koi kene sabha ke chari jai jaise.
|
|
\c 20
|
|
\v 1 Jetia gondogul khotom hoise, Paul chela khan mati ani taikhan ke somjai dise, aru bidaai loi kene Mecedonia te Jai jaise.
|
|
\v 2 Tetiya tai utu des hoi kene juwa te tai bisi kotha taikhan ke somjhai dise. atu Greece te ahi jaise.
|
|
\v 3 Aru tai tate tin mohina thakise aru tai jetia Syria te jabole asele, Yahudi khan taike morai dibole thaka jani kene wapos Mecedonia te aru jabole bhabi loise.
|
|
\v 4 Aru Berea manu Sopater laga bacha, aru Thessalonian para Aristaichus aru Secundus aru Derbe para Gaius aru Timothy aru Asia para Tychicus aru Trophimus taikhan Asia tok tai logot jaise.
|
|
\v 5 Heitu khan moikhan agete jai kene Troas te rukhi thakise.
|
|
\v 6 Aru amikhan khomir nahala roti laga festival din pichete Phillippi para nao te uthi kene pans din pichete Troas te taikhan logot ponchise, aru saat din tok tate thakise.
|
|
\v 7 Tetiya haptah laga prothom din jetia biswasi chela khan eki loge milli kene roti bhangai sele, aru Paul dusra din jabole asele, eitu karone tai taikhan logot adha-raati tok kotha kori thakise.
|
|
\v 8 Upor kamara jote amikhan joma thakisele tate bisi saaki bhi jolai rakhise.
|
|
\v 9 Aru Eutychus koikene jawan ekjon khirki te bohi asele, aru tupuni lagi kene ghumai thakise, aur Paul bisi deri kotha koi thakise, tetia tai tupuni para ekdom ghumai kene tini talaa upor para niche girise.
|
|
\v 10 Kintu Paul niche jai kene tai ke sai kene koise, bhoi nokoribi kelemane tai jeevon eitia bhi tai logot ase
|
|
\v 11 Tetiya tai aru upor jai kene roti bhangai khaise aru phujur tok kotha kori thakise, aru eitu pichete jai jaise.
|
|
\v 12 Aru taikhan utu chokra jinda paa karone ekdom santi paise.
|
|
\v 13 Teita moikhan nao para Assos te jaise, aru tate para nao te Paul ke uthai dibole, kelemane tai nije berai kene ahiase, aru tai he eneka koribole moikhan ke koise.
|
|
\v 14 Aru tai Assos te ahi amikhan ke log paise, aru moikhan taike uthai kene Mitylene te ahi jaise.
|
|
\v 15 Tate para nao te uthi kene dusra din Chios usor te ahi jaise, utu din moikhan Samos ponchise, aru Tragyllium te thaki kene dusra din Miletus te ahi Jaise.
|
|
\v 16 Kelernane Paul Asia te homoi phelabo mon koranae, tai nao para Ephesus paar koribole mon korise, kelemane parile Pentecost din tai Jerusalem te thakibo mon korikene taia-taii kori thakisele.
|
|
\v 17 Tai Miletus para khobor pothai kene Ephesus girja laga bura khan ke matise
|
|
\v 18 Aru jetia taikhan tai logot ahise, tai koise, moi jetia para Asia te ahise, prothom din para keneka kori moi tumar logote thakisele, apunikhan jani ase.
|
|
\v 19 Moi nomrota aru soku pani giri aru porikhya tebhi, Yahudi khan laga dook di thakilebhi moi Probhu laga seva kori thakise.
|
|
\v 20 Aru moi apunikhan ke sikha te, manu usor te nohole ghor te hoilebi tumar bhal nimite kam nokori kene charia dia nae.
|
|
\v 21 Yahudi aru Greek hobi moi taikhan ke mon ghurai kene Isor phale ahibole aru Jisu ke biswas koribole sikhai ahise.
|
|
\v 22 Aru sabi, eitia moi Atma laga kotha mani kene Jerusalem te jai ase hoilebi tate moi logote ki hobo na jane.
|
|
\v 23 Jot City jai lebhi Pobitro Atma koa to, bandi kene aru dukh he moike rukhi thake koe.
|
|
\v 24 Kintu moi nijor jeevon karone eku chinta na thake, kintu Probhu Jisu para ji kam nimitte moike koribole dise, utu Isor anugrah laga kotha su-samachar ke khusi para manu ke jonai dibole koa, utu pura koribole he bhabi thake.
|
|
\v 25 Aru hossa ase, moi jani ase, je moi Isor raijyo kotha loi sob te prosar kora koise, apunikhan eitia para moike aru ne dekhibo.
|
|
\v 26 Eitu moi aji apunikhan ke koi ase, je moi sob manu laga khoonphale hole golti nathaka ase.
|
|
\v 27 Kelemane Isor laga ichha phale sob kotha moi apuni khan ke koi dia hoise,
|
|
\v 28 Karone apunikhan nije bhi aru Pobitro Atma he apunikhan ke saai thakibole dia utu bisi thaka ke bhi hoshiar hobo dibi, jito Isortai nijor bacha khoon para kini rakhise, utu girja ke roikhya koribi.
|
|
\v 29 Kelemane moi jani ase moi juwa pichetee jungli kara-kukur tumar majote ahibo, aru utu khan tumar bisi thaka khan ke na charibo.
|
|
\v 30 Aru tumar nijor bhitor parabhi missa koa ulaabo aru biswasi khan ke taikhan phale kori loi lobo.
|
|
\v 31 Karone hoshiar hoi kene thakibi, aru bhabona koribi, je moi tin saal tok raati din soku pani girai kene sob manu ke sikhaise.
|
|
\v 32 Aru bhai khan moi eitia apunikhan ke koi ase, Isor aru tai anugrah laga kotha junto tuma ke di kene koribo para aru pobitro khan logotte milli kene tai miras ke paabo thaka te di dise.
|
|
\v 33 Moi kunu laga sona, chandi, ba kapur khan lalos kora nohoi,
|
|
\v 34 Hoe apunikhan jani ase, moi nijor haath para seva korikene nije aru jun moi logot thakise, taikhan ke ki lage sob kori ahise
|
|
\v 35 Moi apunikhan ke sob raasta sikhai dise, je keneka seva korikene dukhia khan ke modot koribo paribo, aru Probhu Jisu kotha bhabona koribole, Tai koise, loa para dia to dhoinyo ase.
|
|
\v 36 Aru jetia tai eitu kotha koi dia hoise, to tai athu-kari kene taikhan logotte prarthan kori loisee
|
|
\v 37 Tetiya taikhan sob bisi kandise, aru Paul ke dhori kene taike chuma khaise.
|
|
\v 38 Tai koise taikhan ke, apunikhan aru ketia bhi amar mukh ne dekhibo koa karone sob mon dukh hoise, aru taikhan taike loi jai kene jahaaz tok ponchai dise.
|
|
\c 21
|
|
\v 1 Tetiya amikhan alag hoise to amikhan jahaaz te uthi kene sidha raasta te ahi Cos ponchise, dusra din Rhodes te, aru tate para Pataia te ahi jaise.
|
|
\v 2 Tate para ekta jahaz Phoinicia te jabole thaka paise, amikhan tate uthi kene jai jaise,
|
|
\v 3 Tetiya amikhan Cyprus dikhai dise, tetia amikhan baya hoi kene Siria phale loi jaise, aru Tyre te nami jaise, kelemane late jahaar. laga saman namabole asele.
|
|
\v 4 Aru tate kunuba biswasi chela khan pai kene saat din tate thakise, taikhan Atma para Paul ke koise Jerusalem te na jabi koikene.
|
|
\v 5 Jetia amar din pura hoi jaise tetia taikhan para alag hoi kene amikhan jai aru taikhan niior maiki aru bacha sob loi amikhan ke City bahaar te loi jai dise, amikhan sob tate para athu-kari kene prathana korise.
|
|
\v 6 Tetiya alag hoi kene amikhan jahaaz te uthi jaise, aru taikhan nijor-nijor ghor te jai jaise.
|
|
\v 7 Aru jetia amikhan Tyre para khotom hoi kene Ptolemais te ponchise; aru bhai khan ke salaam jonai taikhan logote ek din thakise.
|
|
\v 8 Dusra din amikhan tate para ahi Caesarea te ponchise, aru prosar kora Phillip jun saat jon laga majote ekjon asele, tai ghor te ahhe kene tai logot thakise.
|
|
\v 9 Heitu manu tai charijon kunwari sowali asele, aru utu khan sob prophesi koi thake.
|
|
\v 10 Aru tate bisi din thaki jaise, tetia prophet ekjon naam Agabus koikene Judia para ahise.
|
|
\v 11 Jetia tai amikhan logot ahise tai Paul laga peti loi nije hath theng ke bandi kene koise, je jun manu eitu komor banda peti laga malik ase Jerusalem te Yahudi khan utu manu ke eneka bandi kene Isor najana khan laga hath te dibo, eneka Pobitro Atma koi ase koise.
|
|
\v 12 Tetiya utu kotha hunise tetia amikhan aru utu jagah te thaka khan sob taike Jerusalem te na jabi koikene rukhai sele.
|
|
\v 13 Kintu Paul koise apunikhan ki kori ase kandi-kandi kene amar mon dukhai ase? Moi to Probhu Jisu naam karne khali bandibole
|
|
\v 14 Jetia tai mania nae to amikhan eitu koi kene chup thaki jaise. Paul Santi Nimite Kaam Kora
|
|
\v 15 Aru utu din pichete amikhan saman bandi kene Jemslaem te jai jaise.
|
|
\v 16 Caesaria te kunuba chela khan amikhan logotte ahise, aru Mnason koikene Cyprus manu ekjon purana chela asele, tai amikhan ke tai logotte thakibole loi anise.
|
|
\v 17 Aru jetia amikhan Jerusalem te ponchise, to biswasi bhai khan bisi khusi para amikhan ke loi loise.
|
|
\v 18 Aru dusra din Paul amikhan ke loi James ghor te jaise, tate girja bura khan sob joma thakise.
|
|
\v 19 Tetiya tai taikhan ke salaam jonai kene ji kam Isor tai laga kam te Isor najana khan logotte korise ekta-ekta kori sob koi dise.
|
|
\v 20 Taikhan eitu huni kene Isor ke mohima korise, aru tai koise hei bhai apunikhan bhi jani ase, Yahudi khan hazaar manu bhi biswas kori loise, aru taikhan sob bhal para niyom mani thake.
|
|
\v 21 Kintu manu khan apuni laga kotha koi ase, je apuni Isor najana khan laga jagah te thaka Yahudi khan ke Moses laga niyom ke na manibi koikene koi ase, aru bacha khan laga sunnot no korile bhi hobo eneka sikhai ase hunise.
|
|
\v 22 Tenehole ki koribo? Taikhan apuni yate ahi ponchise koikene jani thakibo pare.
|
|
\v 23 Karone ekta kam koribi amikhan logotte kiba koribole kosom dia char-jon ase.
|
|
\v 24 Taikhan ke loi kene taikhan logotte nijor ke bhi pobitro kori lobi, aru taikhan matha chuli katibole kharcha dibi, tetia sob jani lobo, je taikhan tumar ke koi dia kotha hossa nohoi, kintu tumar he niyom mani choli thaka eitu jani lobo
|
|
\v 25 Kintu Isor najana khan ke jun biswas kori loise utu khan ke amikhan aage para likhi dise, je murti ke boli dia laga bostu aru khun, aru gola mussri kene mongso khowa aru byabichar eitu sob para bachi thakibi koise.
|
|
\v 26 Tetiya Paul dusra din manu khan ke loi taikhan logotte pobitro kori loise, aru girja te jai kene ekjon-ekjon laga kiman din tok pobitro hobo pare aru daan koribo lage taikhan ke koi dise.
|
|
\v 27 Kintu jetia saat-din khotom hobole hoise, to Yahudi khan Asia para ahi taike dekhise, to manu khan ke chukali mari kene taike dhori loise.
|
|
\v 28 Aru halaa kori koise, hei Israel khan modod dibi, eitu manu sob jagah te sob manu ke aru niyom aru eitu jagah ke birudh kotha koa aru sikhai thaka to eitu manu ase, aru tai Yunani manu khan ke bhi loi girja te ani pobitro jaga ke letra kori dise.
|
|
\v 29 Agote Paul ekbar Trophimus koikene Ephesus ekjon logot City te berai thaka taikhan eitu dekhi Paul utu ke loi girja te jaise bhabi kene koise.
|
|
\v 30 Tetiya eitu City gondogul hoise, sob polai ahi Paul ke dhori loise, aru taike tani bahar loi jaise, aru joldi girja laga dorja khan bond kori dise.
|
|
\v 31 Aru taikhan taike morai dibo bhabise, tetia eitu khobor sena laga sahab logote ponchise, je pura Jerusalem te hungama hoi ase koise.
|
|
\v 32 Tetiya tai joldi sipahi khan aru centurion khan loi niche taikhan logot ponchise, aru jetia manu khan sahab aru sipahi khan dekhise to taikhan Paul ke mari thaka para chari dise.
|
|
\v 33 Tetiya sahab usorte ahi kene taike dhori loise, aru duita chain para taike bandi lobole koi dise, aru hudise! Eitu manu kun ase? Aru tai ki kori dise?
|
|
\v 34 Aru bisi manu te kunuba kiba-kibe koe, aru kunuba dusra kiba koi thakise, aru bisi halaa kora karone tai thik para eku bujhibo paranae, eitu karone taike manu ke bon kori rakha jaga te loi jabole hukum dise.
|
|
\v 35 Jetia tai siri te ponchise to eneka hoise, manu khan bisi khong kora karone sipahi khan taike uthai kene loi jabole lagise.
|
|
\v 36 Kelemane bisi manu tai pichhe-pichhe hoi kene taike morai dibi koi halaa kori thakise.
|
|
\v 37 Jetia taikhan Paul ke manu ke bon kori rakha jaga te loi jabole asele, tai sahab ke koise, moi apuni ke kiba kotha kobo paribo? Tai koise, tumi Yunani kotha kobo pare?
|
|
\v 38 Tenehole olop din agote Egypt manu ekjon, manu khan ke chugli mari kene gondogul kori dise, aru char-hazaar hatyara manu ke loi jungle juwa utu tumi nohoi?
|
|
\v 39 Kintu Paul koise moi to taisus laga Yahudi ase dangor Cilicia City laga jonom manu ase, aru moi apuni logot anurudh kori ase, moike manu khan logot kotha koribole dibi.
|
|
\v 40 Jetia tai agya dise, Paul siri te khara hoi kene kotha kobole tai hath uthaisele to manu khan chup hoi jaise, aru jetia taikhan chup-chap thaki jaise, to tai Yahudi bhasa te kotha koise.
|
|
\c 22
|
|
\v 1 Hei "baba aru bhai khan moi eitia bachibo kotha apunikhan usor te kobole ase, utu ke hunibie
|
|
\v 2 Aru jetia tai Yahudi bhasa te koise, taikhan aru ekdom chup thaki jaise tai aru koise.
|
|
\v 3 Moi Yahudi ase Cilicia laga taisus City te jonom loa, eitu City para Gamaliel laga bhori te bohhi amar baba khan niyom thik para Sikhi loise, aru Isor phale jor di kene aji apunikhan jeneka kori ase teneka kori ahisele.
|
|
\v 4 Aru mota, maiki, hobi, eitu dhorom raasta te juwa khan ke bandi jail te di kene morai bhi di thakise.
|
|
\v 5 Eitu kotha solawta, bura khan aru sabha bhi sakhi dibo paare, moi taikhan para amar manu Damascus te thaka khan logote chithi likhi dia utu bhi loise, karone moi jai kene tate kunuba thakile dhori Jerusalem te ani taikhan ke sazaai dibo bhabise.
|
|
\v 6 Heitu homoi moi Damascus ponchibole usor hoi asele din te nisina sorgo para achanak ekta dangor puhor ahi moi usor te thaki jaise.
|
|
\v 7 Aru moi mati te giri jaise, aru ekta awaaz moike koa hunise, 'Saul, Saul, kele! Tumi Moike digdar kori ase!
|
|
\v 8 Karone moi hudise, hei Probhu Apuni kun ase? Aru Tai moike koise, Moi Nazareth Jisu, jun ke tumi digdar kori thake.
|
|
\v 9 Aru jun manu moi logot ahise, taikhan bhi puhor to dekhi se aru bhoi korise, kintu taikhan moi ke khota koa laga awaaz to hunanai
|
|
\v 10 Tetiya moi koise, moi ki koribo lage Probhu? Aru Probhu moike koise, uthi kene Damascus te jabi, aru tate tumi ki-ki koribo lage utu sob tumi ke koi dibo,
|
|
\v 11 Aru utu puhor bisi hua karone moi eku dekhibo paranae, tetia moi amar sati khan laga haath dhori Damascus te ahise.
|
|
\v 12 Tetiya naam Anania koikene ekjon asele, tai niyom mani thaka ekjon asele, aru tate thaka Yahudi khan bisi sonman kori thaka manu ase.
|
|
\v 13 Tai amar usor te ahi koise, bhai Saul tumar soku dekhebi, Aru utu homoi moi dekhibole parise aru taike dekhise.
|
|
\v 14 Tetiya tai koise, amar baba khan laga Isor he tumi ke bassi loise, je tumi he tai ichha ke janibole aru dhormik laga kam ke pabole aru tai muk para koa awaaz ke hunibole.
|
|
\v 15 Kelemane tumi ki dekhise aru ki hunise utu sob manu ke koi dibole tai shaki bonai dise.
|
|
\v 16 Tenehole apuni eitia bhi kele bohhi ase? Uthi kene baptizma loi lobi, aru prathana kori kene tai naam para tumar paap dhui dibi.
|
|
\v 17 Tetiya moi aru Jerusalem te ahi kene girja te prathana kori asele, tetia moi Atma te bhorta hoi thakise.
|
|
\v 18 Aru moi Probhu ke dekhise, tai moike koise, joldi Jerusalem chari kene jabi, kelemane taikhan Amar kotha tumi gawahi dia ke na manibo.
|
|
\v 19 Karone moi koise, biswasi khan synagogue te dhori jail te dia aru mari thaka taikhan jani ase.
|
|
\v 20 Aru jetia Tumar nimite mori juwa Stephen laga khoongirai dia te moi bhi tate thakise, aru jun manu taike morai dise utu khan laga kapur ke rakhi thakise.
|
|
\v 21 Tetiya Tai moike koise, jabi kelelmane moi tumike yate para dur Isor najana khan logot pothai dibo,
|
|
\v 22 Aru taikhan eitu kotha koa tok taike huni thakisele, tetia halaa kori koise, eneka manu ke morai dibi tai prithibi te jinda thakibole kam nohoi.
|
|
\v 23 Tetiya taikhan halaa kori kapur khan ulaai phekai dise, aru upor hawa te dhul urrai thakise.
|
|
\v 24 Tetiya sahab sipahi khan ke bon kora jaga te loi jabi koikene hukum dise, aru manu khan kele taike eiman gussa kori ase eitu janibole taike dandaa mari kene bhal para hudibole koise.
|
|
\v 25 Aru taikhan jetia taike rosi te bandi loise, to Paul utu centurion ke jun usor te khara asele, koise, Roman manu hoilebi tai golti nathaki kene maribole niyom ase?
|
|
\v 26 Jetia centurion eitu kotha hunise tai ssahab logotte jai kene koise apuni eneka kele kori ase? Eitu manu to Roman manu ase.
|
|
\v 27 Tetiya sahab tai logotte ahi koise moike "kobi, kele, tumi Roman manu ase?" Tai koise "hoi".
|
|
\v 28 Eitu huni sahab koise, moi to Roman laga manu hobole bisi toka poisa para kini kene parise, aru Paul koise moi to jonom para he Roman ase.
|
|
\v 29 Tetiya jun taike maribole thaki_ sele, taikhan tai usor para joldi hati jaise, aru sahab bhi Paul Roman manu ase eitu janise, to tai Paul ke dhori kene bandhia karone bhoi khaise.,
|
|
\v 30 Dusra din Yahudi khan ki nimite Paul ke doshi kori ase, eitu janibole tai Paul laga bandha khuli dise, aru solawta aru taikhan sob ke council te joma koribole hukum dise, aru Paul ke loi taikhan agete khara kori dise.
|
|
\c 23
|
|
\v 1 Tetiya Paul mahaa council phale dhyan para saai kene koise, hei amar bhai khan moi aji loike amar biswas Isor usor te bhal para ahise.
|
|
\v 2 Tetiya mahaa purohit Ananias, jun Paul usor te khara ase taikhan ke koise Paul muh mari kene bond kori dibole hukum dise.
|
|
\v 3 Tetiya Paul taike koise, chuna para bogaa kori rakhia wall Isor apuni ke sazaai dibo, apuni niyom para ami ke bichar koribole bohhi ase, aru kele niyom against moike maribole hukum di ase?"
|
|
\v 4 Jun usor te khara asele koise, kele! Apuni Isor laga solawta ke gali di ase?
|
|
\v 5 Tetiya Paul koise, hei bhai khan tai solawta ase koi kene moi jania nae nohole likha ase, je tumi tumar bura khan ke beya kotha no kobi.
|
|
\v 6 Kintu jetia Paul tate Sadducees aru kunuba Pharisees thaka jani tai council te jor para koise, hei bhai khan moi Pharisee ase aru Pharisees laga bacha ase, aji moike golti nokori bichar kora to mora manu aru mori kene jie uttha hobo aru asha ase, eitu laga kotha nimitte he ase.
|
|
\v 7 Aru jetia tai eitu koi dise, to Phariseess aru Saducees khan laga majote kotha ni milaa hoise, aru council dui bhag hoi jaise.
|
|
\v 8 Kelemane Saducees khan koe mori kene jei uttha nae, sorgo-doot aru atma bhi nae: kintu Pharicees khan to utu sob bhi ase koe.
|
|
\v 9 Tetiya bisi jor para halaa hoi jaise to Pharisee laga jaga para uthi kene apatti kori koise amikhan eitu manu laga eku dosh paa nae, jodi ekta Atma, ba sorgo-doot taike koise koile amikhan Isor laga kotha te jujibo nalage.
|
|
\v 10 Tetiya taikhan bisi jhagra hoi jaise to sipahi laga sahabh bhabise, je manu khan Paul ke tukra kori dibo bhoi para tai sipahi khan ke pothaise, niche jai kene jobor-josti taike bon kora jaga te loi jabole hukum dise.
|
|
\v 11 Kintu utu raati Isor tai usor te ahi khara hoi kene koise, Paul bhoi no koribi, kelemane tumi Jerusalem te Amar gawahi dise, teneka tumi Rome te bhi Amar gawahi dibo lagibo,
|
|
\v 12 Jetia din ulaise to kunuba Yahudi khan milli kene Paul ke jetia loike morai nidibo, tetia loike eku bhi na khabo koikene kosom khai thaki ase.
|
|
\v 13 Jun khan kotha millai thakise utu khan chalis-jon para bhi bisi ase.
|
|
\v 14 Tetiya taikhan solawta aru bura khan logotte jai kene koise, amikhan jetia loike Paul ke morai nidibo tetia loike eku bhi na khabo koikene kosom khai thakise.
|
|
\v 15 Karone apunikhan aru council khan milli sephai laga sahabh logot khobor pothai dibi aru Paul kotha bhal para hudibo, koi kene kali apunikhan usor te Paul ke loi anibole, kintu yate ponchia agete taike morai dibole amikhan taiyar thakise.
|
|
\v 16 Kintu jetia Paul didi laga chokara taikhan Paul ke maribole rukhi thaka janise, tai Paul ke bon kora jaga te ahi koise.
|
|
\v 17 Tetiya Paul ekjon centurion ke mati ani koise, eitu lora ke sephai laga sahabh logotte loi jabi, tai kiba kobole ase.
|
|
\v 18 Karone tai taike loi manu ke bon kori rakha jaga logot ani dise aru koise, jail te thaka Paul moike eitu lora ke apuni logotte loi ani dibi koikene anurodh korise, tai apuni logotte kiba kobole ase koise.
|
|
\v 19 Tetiya sephai laga sahabh tai hath dhori kinar te alag loi jai kene hudise, tumi moi ke, ki kobole ase?
|
|
\v 20 Aru tat koise Yahudi khan milli kene Paul laga kotha ke aru bhal para hudlbole kali council te tai ke loe anibole bahana para apuni logot anurodh koribole ase.
|
|
\v 21 Kintu taikhan laga kotha na manibi, kelemane taikhan chalis-jon para bhi bisi manu taike morai nidia tok eku bhi khoa-loa no koribo koikene kosom khai kene thakise, aru taikhan apuni para hukum pabole etia bhi rukhi thaki ase.
|
|
\v 22 Tetiya sephai laga sahabh utu lora ke koise eitu kotha tumi moike koa khan kunu ke bhi no kobi koikene mana kori taike jabo dise.
|
|
\v 23 Aru tai centurion duijon ke mati ani kene koise aji raati nou-baji te duiso sipahi aru seventy ghor chola sephai aru duiso jathi-dhora sena loi kene Caesarea te jabole taiyar kori dibi.
|
|
\v 24 Aru Paul ke jabole nimite ghora taiyar koribe aru taike bachai kene governor Felix logot loijabi
|
|
\v 25 Tai eneka chithi bhi likhi dise.
|
|
\v 26 Claudius Lysias para governor Felix ke salaam jonaise.
|
|
\v 27 Eitu manu Yahudi khan taike dhori kene morai dibole thaka te moi jani loise, je tai Roman manu ase, to moi joldi sephai loijai kene taike bachai loise.
|
|
\v 28 Aru taikhan kele! Taike golti lagai ase, eitu janibole mon hoi kene moi tai ke council te loe jaise.
|
|
\v 29 Aru moi jani paise taikhan nijor niyom kotha laga kotha nemela para taike golti kora he ase, aru taike morai dibole aru bandi bole eneka eku bhi golti paa nae,
|
|
\v 30 Aru jetia Yahudi khan taike morai dibole laga jaga te thaka aru tai ke bisari thaka eitu kotha moike jonai dise, tetia moi taike joldi apuni logote pothai dise, aru tai golti dia khan ke bhi taikhan laga kotha apunar usor te kobole koi dise
|
|
\v 31 Tetiya sipahi khan taikhan ke koa nisina raati te Paul ke Antipatris te loi jai dise.
|
|
\v 32 Dusra din taikhan ghora chola sephai khan ke tai logot jabole di kene Paul ke bon kora jaga te wapos aru anise,
|
|
\v 33 Jetia taikhan Caesarea te ponchise to governor ke chithi dise aru Paul ke bhi tai usor te khara kori dise.
|
|
\v 34 Aru jetia governor chithi porhi kene hudise tai kun des laga ase? Aru jetia tai jani loise tai Cilicia des para ase.
|
|
\v 35 Tai koise jetia tumar golti dia khan ahibo, tetia moi tumar kotha hunibo, aru taike Herod bichar kora jagah te rakhi dibi koikene hukum dise.
|
|
\c 24
|
|
\v 1 Tetiya pans-din pichete mahaa purohit Ananias aru kunuba bura khan aru ekjon vakil naan Tertullus koikene asele, ahi governor ke Paul birudh te kotha koise.
|
|
\v 2 Aru jetia Paul ke mati anise to Tertullus taike golti di kori eneka koise, mahaan governor apuni karone amikhan bisi araam para thaki ase, aru eitu des te apunar gyan para bodole korise.
|
|
\v 3 Amar sob jagah te aru hodae eitu karone khusi para apuni ke dhanyabad kori thake.
|
|
\v 4 Hoilebe apuni logotte anurudh ase, morom kori amar ekta kotha hunibi, koise.
|
|
\v 5 Kelemane eitu manu mahra- mari kori aru dunya te Yahudi khan laga birudh sob jagah te gondogul kori thaka Nazareth manu ekta solawta ase amikhan jani paise.
|
|
\v 6 Tai amar girja ke bhi apobitro koribole bisarisele, kintu moikhan taike dhori loise, aru amar niyom para taike bichar koribo thakisele.
|
|
\v 7 Kintu sephai laga sahabh Lysias ahi jobor-josti amar haath para taike dhori loi jaise.
|
|
\v 8 Taike golti dia khan ke apuni usorte ahi kobole koise, kintu apuni nije hudile jani jabo amikhan taike ki karone golti di ase.
|
|
\v 9 Aru Yahudi khan bhi milikene taike eitu sob kotha to hossa ase, koidise.
|
|
\v 10 Tetiya governor Paul ke kotha kobole nimitte koise, tetia Paul koise, apuni bisi saal para eitu jaati khan laga bichar kori ahi thakise, eitu karone moi khusi para amar sob kotha apuni ke kobole ase.
|
|
\v 11 Kelelmane apuni nije jani jabo moi jetia para aradhana koribole Jerusalem te ahise, baroh-din para bisi hoa nae.
|
|
\v 12 Aru taikhan moike girja aru synagogue aru City te kunu logot kotha nimila kori nohole gondogal lagai thaka paa nae.
|
|
\v 13 Aru taikhan ji kotha loi moike bodnam lagai ase, eitu kunu bhi sakhi dibo na paribo.
|
|
\v 14 Kintu moi apuni ke ji hossa ase utu kobo, moi amar baba khan laga raasta para Isor ke seva kori ahisele, kintu taikhan utu ke golti koise, kintu moi niyom te likha ke biswas kori thake.
|
|
\v 15 Aru Isor ke bharosa kori thaki asele, je utu to mora manu mori kene jinda hobo biswas kora aru biswas nakora hoilabi.
|
|
\v 16 Eitu karone moi Isor phale bhi aru manu phale bhi amar sapha bhabona bhal thakibo karone kosis kori thakise.
|
|
\v 17 Aru bisi saal pichetee moi nijor jaati khan ke poisa dibole anise, duk thaka jati khan ke daan dibole ahise.
|
|
\v 18 Eitu homoi kunuba Yahudi Asia para ahi moi girja te pobitro kori dia pichete moike paise, aru tate bisi manu thaka nae, aru eku gondogul bhi thaka nae.
|
|
\v 19 Taikhan amar birudh te thakile, taikhan apuni usor te ahi kene kobo lage.
|
|
\v 20 Nohole nyate ahi thaka khan bhi jodi moi kiba golti kam kota paise koile moi council usor te thaka te koi dibi.
|
|
\v 21 Khali ekta kotha karne ase, junto moi sob manu usor te koisele, je mora khan aru jee uthibo, eitu kotha ke loi aji moike apuni usor te khara kori bichar kori ase.
|
|
\v 22 Kintu jetia Filix eitu kotha hunise, to tai aru poritran raasta ke bhal para janibo mon hoi kene, jetia sephai laga sahabh Lysias ahibo to moi tumar bichar koribo koi kene sabha ke sess kori dise.
|
|
\v 23 Aru tai Paul ke bhal para saai thakibole centurion ke koi dise, taike charidibi, aru tai sathi khan logot berabole, taike seva kora te kunu ke bhi mana no koribi koise.
|
|
\v 24 Aru olop din pichetee Filex tai laga Yahudi maiki Drusilla jun yahudini asele loi ahise, tai Paul ke mati ani Jisu Khrista ke biswas laga kotha huni loise.
|
|
\v 25 Aru jetia tai dhormikota te nomora koribo para aru aha din te bichar kotha khan thik para koi dia hoise, to Felix bisi bhoi hoi kene eitu bar to "jai jabi. jetia moi homoi paabo tetia tumi ke aru matibo koise".
|
|
\v 26 Tai Paul para poisa bhi paabo biswas thaka karone tai hodae Paul ke mati ani kotha kori thakisele.
|
|
\v 27 Kintu dui saal pichete Porcius Festus ahi Felix jagah ke loi loise, Felix Yahudi khan ke khusi koribole Paul ke bon kora jaga te he chari jaise.
|
|
\c 25
|
|
\v 1 Tetiya Festus utu jaga te aha tin din pichete tai Caesarea para Jerusalem te jaise.
|
|
\v 2 Tetiya mahaa purohit aru Yahudi laga solawta khan Paul birudh te golti lagaise, aru anurodh korise.
|
|
\v 3 Aru Festus Jerusalem te loi ani dibi koikene anroudh korise, kelemane taike loi aha homoi raasta te taike morai dibole joma hoi kene thakise.
|
|
\v 4 Kintu Festus koise, Paul Caesarea te bondi ase, aru tai nije bhi joldi tate jabole ase:
|
|
\v 5 Karone tai koise, tumar majote solawta ase, taikhan ke moi logotte jabole dibi aru jodi eitu manu kiba beya kam korise, tenehole taike golti dibi.
|
|
\v 6 Aru tai dos din nisina taikhan logotte thaki kene tai Caesarea te ahi jaise, aru dusra din bichar jaga te bohhi kene Paul ke loi anibole hukum dise.
|
|
\v 7 Aru jetia tai ahise, to Jerusalem para aha Yahudi khan ahi tai age, pichhe khara hoi taike bisi beya-beya golti lagaise jun to taikhan nije be prove koribo na pare,
|
|
\v 8 Tetiya tai nijor kotha koise, moi Yahudi khan niyom laga birudh nohole girja ke birudh nohole Caesar laga birudh te eku bhi golti kora nohoi.
|
|
\v 9 Kintu Festus Yahudi khan ke khusi koribo ichha para Paul ke koise, Tumi Jerusalem te jai kene amar bichar jaga usor te eitu kotha loi bichar korile tumar ichha hobo?
|
|
\v 10 Tetiya Paul koise, moi eitia bhi Caesar bichar jaga usorte khara ase, amar bichar yate hobo lage, apuni bhi jani ase, moi Yahudi khan logot eku golti kora nohoi.
|
|
\v 11 Jodi moi golti thaka ba morai dia kam korile moi mori lebhi aputti nae kintu ji kotha loi moike doshi di ase, jodi ekta bhi hossa nohoi to kunu bhi moike taikhan hath te dibo naparibo, moi Caesar logot anurudh koribo.
|
|
\v 12 Tetiya Festus council khan ke kotha kori kene koise, tumi Caesar logotte kotha milabole kori ase? Karone tumi Caesar logote jabi!"
|
|
\p
|
|
\v 13 Aru olop din juwa pichete Raja Agripaa aru Bernica Caesarea te ahi Festus ke adar dise.
|
|
\v 14 Aru duijon tate bisi din thaka pichete Festus Paul kotha Raja ke koi dise, koise Felix yate kunuba ekjon ke bon kora jaga ta rakhi jaise.
|
|
\v 15 Aru jetia moi Jerusalem te jaise, to Yahudi khan laga prodhan purohit aru burah khan tai birudh te golti kotha moike koise, bichar kori taike saaja dibole.
|
|
\v 16 Kintu moi taikhan ke koise, Rome laga niyom te kunu ke bhi golti lagai bichar kora te taike golti thaka kora khan usor nijor sob kotha kobole homoi nidi kene taike saaja dia niyom nohoi koi, hukum dise.
|
|
\v 17 karone jetia Taike yate ahi kene joma hoise to moi deri nokori kene dusra din bichar jaga te bohi utu manu ke loi anibole hukum dise.
|
|
\v 18 Jetia tai golti dia manu khan khara hoi tai golti koise, kintu taikhan eku beya golti dibo para nae, jeneka moi bhabise teneka hoa nae.
|
|
\v 19 Kintu taikhan nijor dhorom kotha aru mori juwa Jisu koikene ekjon asele, Paul koe utu jinda ase, eitu kotha loi kotha nimila kora he ase.
|
|
\v 20 Aru eitu laga motlob moi bhal para bujhibole para nae, karone moi taike hudisele, je eitu kotha ke bichar koribole tumi Jerusalem te jabole monn koribo?
|
|
\v 21 Kintu Paul koise tai Caesar logotte anurudh koribo koise, eitu karone moi taike Caesar logot pothai nidia tok taike bon kora jaga te sai thakibole hukum dise.
|
|
\v 22 Tetiya Agrippa Festus ke koise, moi nije utu manu laga kotha hunibo ichha ase, tai koise kali apuni tai kotha hunibole paabo.
|
|
\v 23 Karone dusra din Agrippa aru Bernica duijon dhum-dham para bhal kapur lagai kene aru City laga dangor manu khan loi council laga jaga te ahise, tetia Festus hukum di Paul ke loi anise.
|
|
\v 24 Festus koise Raja Agrippa aru jun yate ahi bohhi ase, apunikhan bhi eitu manu ke dekhi ase, eitu manu nimite yate thaka Yahudi khan sob aru Jemsalem te thaka sob moi logot binti korise, je tai jinda thakibole nalage koise.
|
|
\v 25 Kintu tai moribo lage, eneka eku kam kora moi poa nae, aru tai nije moi Caesar logot anurudh koribo koise, to moi taike pothai dibole fhaisla kori loise.
|
|
\v 26 Kintu moi tai kotha amar Caesar logot keneka likhibo thik na paa karone, moi taike apunikhan aru khaas Raja Agrippa apuni usor loi anise, saikene pichete kiba likhibole paabo koikene.
|
|
\v 27 Kelemane bon thaka manu ke pothai dibole asol ki nimite ase, utu ni likhi pothaile thik nohobo.
|
|
\c 26
|
|
\v 1 Tetiya Agrippa Paul ke koise, eitia tumi tumar nijor kotha kobole hukum dise, tetia Paul tai hath uthai kene tai nijor kotha koise.
|
|
\v 2 Hei Raja Agrippa ji-ji kotha Yahudi khan moike bodnam lagai ase, aji apuni usorte utu laga sob jawab dibole homoi paa karone moi bisi khusi hoi ase.
|
|
\v 3 Kelemane Yahudi khan laga niyom te kotha namila kora sob apuni jani thaka karone, aru moike morom kori nomro para moi laga kotha hunibole anurudh kori ase.
|
|
\v 4 Jeneka amar bacha homoi te Jerusalem para nijor jaati khan logotte choli ahisele, eitu sob Yahudi khan jane.
|
|
\v 5 Taikhan jodi gawahi dibole mon thakile to suru para taikhan moike jani ase, je moi Pharisee hoi kene taikhan laga dhorom te sob para karaa te he choli ahisele.
|
|
\v 6 Aru eitia moike yate khara kori moike bichar kora to Isor amar baba khan ke ji kosom dise utu asha karone ase.
|
|
\v 7 Heitu kosom ke pura hobo karone asha para amar baroh-jaati khan pura mon lagai kene raat-din Isor ke seva kori ahise, hei Raja Agrippa eitu asha nimitte Yahudi khan moike golti kori ase.
|
|
\v 8 Jetia Isor mora manu ke jinda kori thake, to apunikhan kele utu biswas na bhabe.
|
|
\v 9 Hossa ase, moi bhi Nazareth Jisu naam birudh te bisi kam koribo lage bhabi ahisele.
|
|
\v 10 Aru moi Jerusalem te eneka korise, maha purohit khan para hukum loi pobitro khan ke dhori jail te haali kene, aru morai dia te bhi moi bhi eacha hoise.
|
|
\v 11 Aru moi sob synagogue te taikhan ke duk di-di kene jobor-josti kori thakise, khali eitu he nohoi kintu bisi gussa hoi kene bahar laga City te bhi jai kene taikhan ke dukh digdar di thakise.
|
|
\v 12 Jetia eitu koribole moi maha purohit khan para hukum loi kene Damascus te jai thakisele.
|
|
\v 13 Tetiya hei Raja sahab din laga homoi te akaas para moi dikhise, suraj para bhi bisi ujjala, moi aru amar logote jai thaka khan usor te chamki thakise.
|
|
\v 14 Aru jetia moikhan sob niche mati te giri thakise, to moi ekta awaz Hebrew bhasa te moike koa hunise koise, Saul, Saul tumi kele Moike digdar kori ase? Tumi dhar thaka te laat maribole tumar karne bisi duk hobo.
|
|
\v 15 Karone moi koise, hei Probhu Apuni kun ase? Aru Tai koise, Moi Jisu ase jun ke tumi digdar kori thake.
|
|
\v 16 Kintu uthibi aru tumar bhori te khara hobi kelemane Moi aji tumi ji dekhise utu manu ke kobole aru aha kali bhi dekhabole thaka khan ke gawahi dibole dekhai dise.
|
|
\v 17 Aru Moi tumi ke Yahudi aru Isor najana khan logotte pathabo, aru taikhan haath para tumi ke bachai thakibo.
|
|
\v 18 Je tumar para taikhan soku ke khuli andhar para ujala te ani dibole, aru Satan laga takot para Isor phale ghurai anibole, paap para khyama pabole, aru bisas para pobitro khan logotte ji jaga ase utu pabole.
|
|
\v 19 Karone hei Raja Agripaa moi utu sorgo darshan laga kotha ke na mani kene chari dia nohoi;
|
|
\v 20 Kintu pohila moi Damascus te thaka khan ke koi 'dise, aru Jerusalem te thaka ke bhi, aru Judia sob te bhi, aru Isor najana khan ke bhi taikhan laga paap para ghuri Isor phale ahibole, aru mon bodoli hoa kotha khan sob koi dise
|
|
\v 21 Kelemane eitu karone Yahudi khan girja para moike dhori loise, aru morai dibole hoisele.
|
|
\v 22 Kintu Isor laga modot para aji tok yate khara hoi kene chutu, dangor sob usor te gawahi di aru Moses aru prophets khan he ahibole thaka kotha koa khan he nohole eku koa nae.
|
|
\v 23 Heitu kotha Khrista bisi dukh kori, aru mora para tai suru te jee uthi kene Tai Yahudi khan aru Isor najana khan logotte puhor laga prochar koribo.
|
|
\v 24 Jetia Paul tai nijor kotha koi dise, to Festus jor para halaa kori koise, hei Paul tumi pagla hoise, bisi sikha karone tumi ke pagla bonai dise.
|
|
\v 25 Kintu tai koise, hei mahaan Festus moi pagla nohoi, kintu hossa aru budhi laga kotha koi ase.
|
|
\v 26 Raja bhi eitu sob jani ase, moi eku bhoi nokori kene koi ase, aru eitu kotha tai najana eneka ekta bhi koa nai koikene moi bhabi ase, eitu ghotona manu na thaka te kora nohoi.
|
|
\v 27 Raja Agrippa apuni prophets khan ke to biswas kore? Hoe moi jane, je apuni biswas kori ase.
|
|
\v 28 Tetiya Agrippa Paul ke koise, tumi olop homoi te araam para moike Khristan bonai dibole ase?
|
|
\v 29 Paul koise, Isor logot amar anurudh ase, je olop, bisi homoi hoilabi aji apuni logote bohhi amar kotha hunia sob bhi jeneka moike rossi para bandhi thaka nisina nohoi, kintu moi nisina hobole dibi.
|
|
\v 30 Jetia tai eitu kotha koise, tetia Raja aru governor aru Bernice, aru taikhan logote bohhi thaka sob khara hoi jaise.
|
|
\v 31 Aru taikhan alag jai kene nijor te kotha korise, aru koise eitu manu moribole aru bandi bole eneka eku beya kam kora nohoie
|
|
\v 32 Tetiya Agrippa Festus ke koise, jodi eitu manu Caesar logot anurudh no korile, taike chari dile bhi hobole asele.
|
|
\c 27
|
|
\v 1 Aru jetia moikhan Italy te jabole phaisla kori loise, to taikhan Paul aru dusra bon kora manu khan ke Julius koikene Augustus Regiment laga centurion ekjon laga hath te di dise.
|
|
\v 2 Karne Adramyttium laga ekta jahaaz Asia samundar phale jabole thaka te uthi jaise, aru Thessalonica para Macedonian ekjon Aristaichus koikene tai bhi moikhan logotte asele.
|
|
\v 3 Aru dusra din moikhan Sidon ahise, aru Julius Paul ke morom kori tai sathi logote berabo dise, aru tai ki lage sob taike di thakise.
|
|
\v 4 Aru moikhan tate para jabole ulaise hoilebi hawa moikhan laga age para maria karone jahaaz loi Cyprus phale loi kene jaise
|
|
\v 5 Aru moikhan Cilicia aru Pam- phylia samundar paar kori Lycia City Myra te ahi jaise.
|
|
\v 6 Tate centurion he Alexandrian ekta jahaaz Italy jabo thaka ke pai kene moikhan ke tate uthai dise.
|
|
\v 7 Moikhan bisi din aste-aste jae thakise, aru bisi digdar para Cnidus ponchise, hawa karon moikhan age jabole para nae, moikhan Jahaaz loi Crete phale loi jai Salmone usor te ahise.
|
|
\v 8 Moikhan bisi digdar para ahi Lysea City usor bhal-jaga eneka te ponchise.
|
|
\v 9 Eitia bisi homoi jaise, pani te berabole digdar hoise, aru eitia to fasting din bhi paar hoise, karone Paul taikhan ke somjhai dise.
|
|
\v 10 Koise, hei manu khan moikhan eitia yate para jaise, koile digdar aru bisi nuksan bhi hobo pare, khali saman aru jahaaz he nohoi, kintu manu jeevon bhi jabo pare.
|
|
\v 11 Hoilebi centurion Paul laga kotha na mani kene jahaaz laga malik khan kotha manise.
|
|
\v 12 Aru utu jaga te thanda din tate thakile thik nohobo karone bisi manu parile Phoinix te thanda din tate thakile bhal hobo bhabise, utu Crete usor te ekta jaga ase, south-west aru north-west, jun phale bhi jabo para jagah ase
|
|
\v 13 Tetiya south para halka-halka hawa ahi asele, to taikhan ki koribole ase eitu koribo paribo bhabi kene taikhan Crete phale jabole jahaaz khuli dise.
|
|
\v 14 Kintu bisi deri nohoi kene hurricane koa dangor hawa pani tate para ahi taikhan ke lagise.
|
|
\v 15 Jetia jahaaz te lagise, to age jabo na para karone jahaaz ke kote loi jabole ase jabo dise.
|
|
\v 16 Tetiya Clauda naam ekta chutu jaga te dhakai loi bisi digdar para chutu nao ke dhori loise.
|
|
\v 17 Tetiya taikhan utu ke uthai ani upai kori jahaaz ke niche para bandi loise, Syrtis ballu te lagibole bhoi para jahaaz kapur khan khuli dise, aru jahaaz ke hawa para loi jabo dise.
|
|
\v 18 Aru jetia moikhan hawa para bisi digdar dise, dusra din taikhan jahaaz ke halka kori loise.
|
|
\v 19 Aru tin din pichetee moikhan nijor haath para jahaaz laga saman uthai phekai dise.
|
|
\v 20 Aru jetia bisi din tok suraj aru taia bhi dekhai dia nae, aru hawa pani bhi ahi kene bisi mari thakise, to amikhan bachibole asha sob chari.
|
|
\v 21 Tetiya bisi din para khoa-loa no kora karone, Paul khara hoi taikhan ke koise, sabi manu khan apunikhan amar kotha mani kene Crete para na jaile bhal hobole asele, tenehole amikhan eneka digdar aru nuksan nohobo asele.
|
|
\v 22 Kintu eitia moi apunikhan ke mon dangor rakhibole koi ase, kelemane khali jahaaz ke he nohole, kunu ke bhi digdar nohobo.
|
|
\v 23 Kelemane moi jun laga ase; aru jun ke seva kore, tai doot aji raati moi logotte ahise.
|
|
\v 24 Aru koise, hei Paul tumi bhoi no koribi, tumi Caesar agete khara hobo lagibo, aru sabi Isor tumar logote juwa sob tumake di dise.
|
|
\v 25 Karne manu khan mon dangor hobi, kelemane moi Isor ke biswas kore, jeneka Tai koise teneka hobo,
|
|
\v 26 Hoilebhi amikhan samundar laga chutu jagah te loi jai kene rakhibo pare,
|
|
\v 27 Tetiya chouda-14h raati hoise, aru moikhan Mediterinian samundar majote loi jai kene thaki jaise, aru adha raati te jahaaz chola khan bhabise moikhan kunuba jagah matti usor te ahi punchi ase koikene.
|
|
\v 28 Aru taikhan pani laga galta ke naapi sai sele to paise bisi lamba galta thakise, ekta hath to choi feet ase, aru olop jai kene aru sai sele to pondoroh hath paise.
|
|
\v 29 Tetiya pathor te lagibo bhoi para taikhan pichhe phale para charita Iohaa longor phekai dise, aru din hobole prathana kori thakise.
|
|
\v 30 Aru jahaaz chola mallah khan jahaaz para polabole bhabise, taikhan jahaaz para longor phekai dia nisina bahana para chutu nao ke niche samundar te girai dise.
|
|
\v 31 Tetiya Paul centurion aru sipahi khan ke koise, jodi eitu khan jahaaz te na thakile apunikhan ketiabi bachibole na paribo.
|
|
\v 32 Tetiya sipahi khan jai kene chutu nao laga rosi khan katti girai dise.
|
|
\v 33 Aru jetia phujur hobole hoise to Paul sob manu ke kiba khabole koise, aru koise aji chouda-14 din hoise apunikhan eku na khai kene bhukha thaki ase.
|
|
\v 34 Karone moi apunikhan ke koi ase, kiba khai lobi, kelemane eneka korile bachibo paribo, tumar matha para ekta chuli bhi ni giribo.
|
|
\v 35 Aru jetia tai utu koi dise, tai roti loi kene Isor ke dhanyabad dise, aru taikhan agete khai thakise.
|
|
\v 36 Tetiya taikhan bhi sob mon dangor hoi kene kha-loa kori loise.
|
|
\v 37 Aru moikhan jahaaz te thaka khan sob dui-sou chhehattai 276 jon ase
|
|
\v 38 Karone jetia taikhan khoa-loa kora hoise, taikhan jahaaz ke halka koribole gehu ke uthai samundar te phekai dise.
|
|
\v 39 Jetia din hoise, taikhan jagah ke janibole para nae, kintu ekta jagah te paise eitu karone jahaaz ke tate loi jai kene rakhibole bhabise.
|
|
\v 40 Tetiya taikhan anchor khan ke samundar te chari dise, aru jahaaz cholai thaka khuri bandhi thaka ke khuli dise, aru jahaaz laga kapur khan age phale thaka ke uthai kene hawa para kinar te loijabole dise,
|
|
\v 41 Kintu jahaaz jai kene samundar laga duita current te jaise, aru jahaaz matti te lagi kene thaki jaise, aru pichhe phale pani para mari kene bhangai dise.
|
|
\v 42 Aru bon kora khan pani kheli kene polai jabo bhoi para sipahi khan taikhan ke morai dibole bhabisele.
|
|
\v 43 Kintu centurion Paul ke bachai dibo monn asele, eitu karone taikhan ke ukhai dise, aru jun pani khelibo jane, jap mari kene poila sukha matti te jai jabole hukum dise,
|
|
\v 44 Aru baki khan takhta para aru kunuba jahaaz bhanga tukra para jabole hukum dise, aru sob bachi kene sukha matti te ahi jaise.
|
|
\c 28
|
|
\v 1 Tetiya moikhan bachi kene ulaai ahise, to eitu samunder majote mati ekta Malta jaga ase koikene jani loise.
|
|
\v 2 Aru tate laga manu khan bhi amikhan ke bisi morom korise, aru pani gera karone bisi thanda asele, taikhan jui jolai moikhan ke jui tapibo dise.
|
|
\v 3 Kintu jetia Paul khuri mutha uthai kene jui te haali asele, utu homoi ekta saap gorom pai kene ulaise, aru tai hath bandhi loise.
|
|
\v 4 Tetiya tat laga manu khan saap tai haath te bandi thaka dikhise aru taikhan majote kotha korise, ji hoilebi eitu manu morai dia ase, tai samundar para to bachi kene ahise, hoilebi nyom to taike jinda na charibo.
|
|
\v 5 Kintu tai hath hilaai kene saap ke jui te phelai dise, aru tai eku hoa nae.
|
|
\v 6 Kintu taikhan bhabise tai gau phuli jabo, nohole giri kene mori jabo, kintu bisi deri tok sai thakible taike eku hua nai tetia, taikhan laga bhabona alag hoise, koise, eitu to ekta isor ase.
|
|
\v 7 Heitu jagah usor te Publius koikene solawta manu asele, tai amikhan ke tai ghor te loijai kene tin-din bhal para rakhi seva kori dise.
|
|
\v 8 Aru eneka hoise Publius laga baba bukhar aru pet-jai thaki sele Paul tai ghor te jai kene Isor ke prathana kori dise, aru tai uporte hath rakhi tai ke bhal kori dise.
|
|
\v 9 Jetia eneka hoise to eitu dekhi utu jaga laga manu khan jun bemar ase sob loi ani bhal hoi kene jaise.
|
|
\v 10 Aru taikhan amikhan ke bisi samman dise, aru jetia amikhan tate para jabole hoise to amikhan ji-ji lage sob ani jahaaz te rakhi dise.
|
|
\v 11 Tin-mohina pichetee, amikhan Alexandrian laga ekta jahaaz te utthi kene jaise, jun to thanda din te ahi tate thakisele, jurwa bhaguwan dui matha koa jahaaz.
|
|
\v 12 Aru amikhan ahi Syracus ponchise, aru tate tin din thakise.
|
|
\v 13 Tate para amikhan Rhegium te ghuri ahise, aru ekdin pichetee south phale para hawa ahise, aru dusra din Puteoli te ponchise,
|
|
\v 14 Tate moikhan biswasi bhai khan paise am taikhan koa karone taikhan logot saat din thaki jaise, tetia moikhan Rome phale jaise.
|
|
\v 15 Aru jetia tate biswasi bhai khan Appius bazaar tinta Taverns, koa te amikhan ke log koribole ahise, Paul taikhan ke dekhi kene Isor ke dhonyabad disc, aru tai mon bhi bisi mon dangor hoise.
|
|
\v 16 Jetia amikhan Rome te ahi ponchise, Paul ke to taike sai thaka ekta sipahi logotte alag te thakibole agya dise.
|
|
\v 17 Tin din pichetee tai Yahudi laga solawta khan ke matise aru jetia taikhan ahi joma hoise, to tai koise, hei bhai khan moi amar manu laga birudh nohole khandan khan laga niyom ke birudh te eku bhi kora nohoi, hoilebi moike Jerusalem para bondi bonai kene Rome manu laga haath te di dise.
|
|
\v 18 Taikhan huda-hudi kori kene moike charibole hoisele, kelemane moi para moribo laga eku bodnam paa nae.
|
|
\v 19 Kintu jetia Yahudi khan eitu birudh te koise, to moike Caesar logotte anurudh koribo lagise, hoilebi moi nijor jaati manu ke bodnam dibole kora nohoi,
|
|
\v 20 Karone moi apunikhan ke log kori kene kotha koribole mati anise, manu khan moi ke chain para bandi rakhia eitu kele koile Israel manu laga asha karone ase.
|
|
\v 21 Tetiya taikhan taike koise, amikhan Judia para apuni laga naam te eku chithi bhi paa nae, aru bhai khan para kunu bhi ahi kene apuni laga eku beya kotha koa nae.
|
|
\v 22 Kintu apunar bhabna ki ase, utu hunibo monn kori ase, kelemane sob jagah eitu kotha mania khan birudh ase, moikhan jane.
|
|
\v 23 Tetiya taikhan, ekdin tai logote ahi log koribo koi kene jai jaise, aru bisi manu tai logote ahi joma hoise, tetia tai phujur para sam tok Isor raijyo laga kotha bhal para bujhibo karone, Moses laga niyom aru prophet khan laga kitab te likha khan to bhal para somjhai dise.
|
|
\v 24 Tetiya kunuba tai koa ke biswas kori loise, kintu kunuba to biswas kora nae.
|
|
\v 25 Tetiya taikhan majote kotha ni milla hoise, tetia Paul ekta kotha koi kene jai jaise, koise Pobitro Atma he prophet Isaiah para amar baba khan ke thik koise.
|
|
\v 26 Koise, jai kene manu khan ke koi dibi, "tumikhan huna to huni thakibo, kintu ketio nu bujhibo; "tumikhan saa to sai thakibo kintu ketio najanibo;
|
|
\v 27 Kelemane eitu khan laga mon tan hoise taikhan laga kaan bhi nuhune, aru taikhan soku bhi bond kori loise, eneka nohobo lage je taikhan soku para dekhi loi, aru kaan para huni loi, aru mon para bujhi loi kene ghuri ahile, Moi taikhan ke bhal kori dibo.
|
|
\v 28 Eitu karone tumikhan jani lobi, Isor eitu poritran laga kotha Isor najana khan logotte di dise, aru taikhan eitu huni lobo.
|
|
\v 29 Aru jetia Paul eitu kotha koi dise to Yahudi khan apas te kotha namila hoise, aru jai jaise.
|
|
\v 30 Tetiya Paul pura dui-saal karone bhara ghor loi kene thakise, aru jun bhi taike log koribole ahise, khusi para taikhan ke log kori thakise.
|
|
\v 31 Aru tai bhoi nokori kene Isor raijyo laga kotha prosar kori aru Probhu Jisu Khrista laga kotha ke sikhai thakise, aru kunu bhi taike rukhabole kosis kora nae.
|