BCS-BIBLE_IndianStandardVersion-Nagamese-NT/Stage 2/43LUKIRVNag.SFM

\id LUK - Indian Revised Version (IRV) Nagamese
\c 1
\p
\v 1 Bisi manu eitu kotha aru kam khan kori kena loi jabo nimite Isor laga ki echa thakishe eitu pura hobole manu khan eitu laga hisab kitab debole kosis korise.
\v 2 Aru eitu jun para amikhan laga hath te dise jun suru para nijor suku para dekhi kene aru baiko laga sewak khan laga.
\v 3 Aru ami eitu bisi bhal dikhi ase, hosiyar para bisari kene sob kotha suru para apuni ke hisap-kitab bhal para likhi ase mahan Theoplius,
\v 4 eneka hoile tumi khan janibo Eitu bostu laga asol kotha juntu tumi ke sekhai dise.
\p
\v 5 Aru eitu somoi te Herod, Judea laga Raja thaka somoi te Abijah koikene ekta jagate, Zachariah nam laga ekta solawta thakise. Tai laga maike toh Aaron laga khandan para asele, tailaga nam toh Elizabeth thakise.
\v 6 Aru tai duijon Isor usorte bise bhal thakise, aru Prabhu para ke koi sob kotha tu sapha para mani thake.
\p
\v 7 Aru tai khan bacha thakania, kilemane Elizabeth toh bacha pabole napara maike thakise, aru taikhan laga umor bhi besi hoi jaise.
\p
\v 8 Itia ineka hoise, jitia Zechariah tai laga thaka jagate, Isor laga ki kamase itu korithakise.
\v 9 Ekta solowta laga kam hisabte, tailaga kam toh hoile, tai toh Isor laga pobitro ghor bhitorte jaigene dhup aru dhuna julabo.
\v 10 Jetiya dhuna julijaise eitu homoi te sob manukhan bahar te prathna kori thakisele.
\v 11 Tetia sworgodoot tai usorte ahise, aru jun jaga te dhuna juliasile itu laga diana phane khara korise.
\v 12 Jetia Zechariah eitu dikhise tai bisi chinta hoise aru bhoi tu tai uporte ahi jaise.
\p
\v 13 Hoilebi, sworgodoot koise, "Bhoi nakuribi Zechariah, toi laga prathna huniloise. Toi laga miki Elizabeth ekta chokra pabo. Aru toi tailaga nam tu John rakhibo.
\p
\v 14 Aru apuni khan anand aru bhal lagibo, aru bisi manukhan laelaga jonomte khusi koribo.
\p
\v 15 Aru tai probhu usorte bisi dangor hobo. Tai kitiya draikhe-ross nakhabole laga, tai ama laga peth te thaka homoi parahe Pobitro Atma para bhorta hoijabo.
\p
\v 16 Aru tai Israel laga bachakhanke Isor, prabhu usorte anibo.
\p
\v 17 Elijah laga Atma aru takot para probhu laga kamte tai hai ahge kurigana loi jabo. Isor laga aru bhal kotha namani kene thaka baba aru bacha khan laga mon ghuria dibo, aru juntu Prabhu ahibole ase itu nimite rasta toh sapha koridibo.
\p
\v 18 Zechariah sworgodoot ke koise, "moi etu keneka janibo? Kelemane moi ekat bura manu aru moi laga maiki bhi thai laga umor toh bisi hoise.
\p
\v 19 Aru sworgodoot tai usorte ahise. "Moi Gabrial ase, jun Isor usorte khara kore toi logote kotha kobole nimite moike pothaise, aru eitu bhal khobor tu kobole nimite.
\p
\v 20 Aru eitu-nimite, sob kam tu nohua tak apuni chup thakibo aru kotha ulabo naparibo, kelimane apuni moi laga kotha biswas koranai, eitu sobtu tai laga thik homoi te pura hobo.
\p
\v 21 Aru manukhan Zechariah nimite rukhi thakisele, aru taekhan chenta-bhabana kori jitia tai Girja ghor bhithorte deri korise.
\p
\v 22 Aru jitia tai baharte ulai ahise tai kotha kobole paranai, titia taikhan bhabise tai kiba ekta Isor para dikhaise, aru tai manukhanke dikhai dise, aru kotha koribo naparigena hei thakise.
\p
\v 23 Aru eitu sob tu hoise jitea tai laga seva kora homoi tu pura hoise, Tai laga ghor te jai jaise
\p
\v 24 Aru eitu din piche, tai laga maike Elizabeth, bacha bukhise, aru panch mohina tak tae nijeke lukaikene rakhise, aru koi thakise.
\v 25 Aru Isor ami uporte ineka korise, aru ekta homoi te moi uporte te Probhu hei doya korise, aru manu usorte sorom nikhilabo nimite.
\p
\v 26 Aru choi mohina hua homoi te, Isor hei sworgodoot Gabrial ke Galilee juntu Nazareth bhai koi etu jaga te pothai se.
\v 27 Ekta sapha chukuri jun Joseph koikene ekta manu logote sadi koribole laga kotha milikena asile, aru jun David ghor manu ase; aru etu chukuri laga nam toh mary thakise.
\v 28 Aru tai logote ahigena, sworgodoot koise "Salam apuni jun bisi morom paikena ase, Prabhu apuni logote ase."
\v 29 Aru tai eitu kotha khan hunikena chinta hoise aru tai bhabi thakise kineka laga salam (eitu) dise.
\v 30 Aru sworgodoot taike koise, " bhoi nakoribe, Mary, apuni toh Isor usorte morom paise.
\v 31 Aru apuni ekta chokora bacha bukhibo, aru apuni tai laga nam to `Jisu` rakhibo.
\v 32 Tai bisi dangor hobo aru tai sob para ucha te thaka laga bacha kobo. Aru Prabhu Isor tai ke, tai laga purbons(ancestors) David laga singhasan dibo.
\v 33 Aru tai hodai nimite Jacob laga ghor te cholaithakibo, aru tailaga rajya(desh) kitiabi khotom nahobo.
\v 34 Aru Mary hei sworgodoot logote koise, "Eitu keneka hobo, kekemane moi itu manu ke najane?"
\v 35 Aru sworgodoot hei taike koise, " Pobitro Aatma upuni logote abibo, aru sob para dangor takot apuni bonkori dibo, eitu nimite junhe pobitro bacha jonom hobole ase tai hei Isor laga bacha kobo.
\v 36 Aru sabi apuni laga ghor manu Elizabeth bhi tai laga buri umor te chokora pabole ase. Aru tai laga choi mohina chuli ase, taike ekta bacha napa maiki koi thakisile.
\v 37 Kilemane Isor usorte iku napara nai."
\v 38 Aru Mary koise, " Sabi moi Prabhu laga ekta maiki sewak ase. Apunike koiase eitu nisina hobole dibi." Titiya sworgodoot jai jaise.
\p
\v 39 Mary uthaise aru joldi phar bosti jaise, Judah laga ekta jaga te.
\v 40 Aru Zechariah aru Elizabeth laga ghor te gusi kena salam dise.
\v 41 Aru enika hoise jetia Mary para Elizabeth ke salam dise, peth bhitorte bacha thaka tu khusi para hili, aru Elizabeth tu Pobitro Aatma para bhorta hoise.
\v 42 Aru tai khusi para hala kurigena koise; "Sob maiki bhitorte tumi ekta asirbad thaka ase, Aru junhe apuni laga bhitorte ase eitu bhi asirbad ase.
\v 43 Aru eitu moi logote kenika hoise, moi laga probhu laga ama moi logte ahise.
\v 44 Aru sabi, Apuni laga salam jetia moi kan te kusise, moi laga bhitorte bacha thaka tu khusi para hilise.
\v 45 Aru eitu manu asirbad ase jun tu kotha khan para hobo koigene biswas korise, juntu kotha tu Probhu para taike koise.
\v 46 Tetiya Mary koise,
\p "Moi laga jivan probhu ke mahima kore,
\p
\v 47 Aru moi laga Aatma khusi kori ase jun Isor hei moi ke bachaise.
\p
\v 48 Aru tai upor para sob se chutu maike ekda tai laga sewak ke saise.
\p Aru sabi, etiya para sob manukhan moike asirbad ase kobo.
\p
\v 49 Kilemane moi laga takot ekjon para moi nimite dangor kam koridise aru tai laga nam tu pobitro ase
\p
\v 50 Aru tai laga morom tu etiya para loigena aha din tak jun manu taike bhoi kore tai logote ase.
\q
\v 51 Tai laga hath para bisi dangor kam korise.
\q Aru jun manu tai laga mon te phutani bhabana kore tai khanke alag kori diye.
\q
\v 52 Aru taikhan bohi kena raj kora jaga para nichete giraidise.
\q Aru jun chutu hoiase etu khan ke uthaise.
\q
\v 53 Aru bhuka thaka khanke bhal saman para bhorte koridise,
\q Aru dhun manu khanke khali koridise
\q
\v 54 Aru tai Israel laga sewak ke modat korise, tai laga morom tu yad kurise
\q
\v 55 Aru tai kotha kurise moi khan laga Baba, Abraham aru tai logote ja manukhan logote hodai nimite ''
\p
\v 56 Aru Mary Elizabeth logote tin mohina tak thakise aru etu pichete tai laga ghor te jai jaise.
\p
\v 57 Aru Elizabeth bacha pabole laga homoi ahi jaise aru tai ekta chokora ke jonom dise
\p
\v 58 Tai laga ghor manu aru usorte thaka khan probhu para kiman dangor aru morom kam korise etu dikhigena tai logote khusi korise.
\p
\v 59 Aru ath(EIGHT) din hui thaka homoi te thaikhan bacha ke Isor usorte sunot/niyom koribole anise, aru tai laga baba Zechariah laga nam te rakhibole thakise.
\p
\v 60 Hoilabi tai laga ama para koise, "nohobo. Hoilabi, tai ke John laga nam para hei matibo.
\v 61 Aru tai khan koise, ' Apuni laga ghor manu bhitorte kunbhi eitu nam thaka manu nai.
\p
\v 62 Aru tai khan tai laga baba ke hath dikhai kena ke matibole mon ase eitu hudise.
\p
\v 63 Tia laga baba likhibole saman mangese aru likhise, koise, "Tia laga nam tu John ase".Tetiya tai khan sob asorit hoijaise.
\p
\v 64 Aru achanak para tailaga muk toh khuli jaise aru tai laga jeba toh khuli jaise, aru tai Isor ke asirbad dise.
\p
\v 65 Sob Judea laga jaga te eitu laga kotha he koithakise, aru jiman manukhan tai khan laga usorte thake taikhan sob bhoi ahi jaise.
\p
\v 66 Jun manu eitu kotha hunise eitu sob te taikhan laga nigor mon te rakhise, aru koise, ''Eitu bacha kineka hobo?" Kilemane Isor laga hath tai logote ase.
\p
\v 67 Tetia tai laga baba Zechariah, Pobitro Aatma para bhorta hoigena koise.
\p
\v 68 "Asirbad hobo Probhu laga, Israel laga Isor,
\v 68 kilemane tai modot koribole ahise, Aru tai laga manukhan nimite ki bhabise eitu pura hoise.
\p
\v 69 Aru tailaga sewak David laga ghor para amikhan nimite ekta bachaidibole laga ulaise,
\p
\v 70 Jineka tai purana homoite pobitro bhaubadi(prophet) laga mukh para koisele.
\p
\v 71 Biya para mukti pabo aru taikhan laga hath para amikhan ke bachai lobo.
\p
\v 72 Tai eneka korigena amikhan laga baba uporte morom tu dikhai dibo. Aru tai ki koise etu hodai yad koribo.
\p
\v 73 Aru juntu kosom Abraham moikhan laga baba logote khaise, eitu dibo nimite
\p
\v 74 Aru moikhan ke dusman laga hath para bachai kena ulai lua nisina moikhan taike bhoi nakori kena tai laga sewa koribo.
\p
\v 75 Pobitrota te aru safa para tai ke hodai mahima koribo
\p
\v 76 Aru apuni, oh bacha, sob para dangor bhaubadi matibo kilemane apuni Prabhu usorte jabo aru rasta te safa kuribo.
\p
\v 77 Tai laga manukhanke mukti laga gyan dibole nimite, aru taikhan laga pap para maph pabole nimite.
\p
\v 78 Aru itu sob tu pura hobo kile mane moikhan laga Isor tho morom aru nomra ase.
\p Etu nimite uporte thaka ujala bhi moikhan ke modot koribole ahibo.
\p
\v 79 Aru jun andhara te bohiase aru mora-laga chayate bohikena ase; moikhan laga thang toh shanti laga rasta te beraboli dibo.''
\p
\v 80 Aru bacha tu dangor hoise aru Aatma te takot hoise, aru tai jongol te takhise jetia tak tai nijor ke Israel manu usorte ahi dikhai diyanai.
\c 2
\p
\v 1 Aru eitu dinkhante eneka hoise, Caesar Augustus para ekta niom ulaise, eitu prithibi laga sob manukhan nam likhibole lage
\p
\v 2 Jetia Quirinius para Syria ke cholai thakise eitu homoi te poila nam likha te suru hoise.
\p
\v 3 Aru sob manu nizor laga nam likhibole nizor desh te jaise
\p
\v 4 Aru Joseph bhi Galilee te jaise, Nazareth aru Judia laga sahar para, David laga sahar te juntu Bethlehem koi, keli mane tai he David laga khandan para ahise.
\p
\v 5 Tai Mary ke loigena nam likibole jaise, jun tai logote shadi koribole laga kotha milaigena thakise, aru tai bacha bukhi thakise
\p
\v 6 Aru jetia tai khan tate thakise, bacha jonom hobole homoi ahise.
\p
\v 7 Aru tai bacha chokora ke jonom dise, tai laga poila bacha, aru lamba kapur para bandi loise, aru tai ke khair(manger) te gumai dise kilemane taikhan thakibole jaga thaka nai
\p
\v 8 Aru eitu jaga te saguli rakha manukhan thakise.Aru rati te taikhan kheti te saguli khanke sai kena thakise.
\p
\v 9 Aru Probhu laga sworgodoot taikhan usorte ahise, aru Probhu laga mahima taikhan uporte dise, aru taikhan bisi bhoi lagese
\p
\v 10 Aru sworgodoot para koise, aru eitu nimite, dangor khusi kotha anise, aru itu sob manu nimite hobo.
\p
\v 11 Aru aji laga dinte, David laga desh te, ekta bachai diya Krista Probhu jonom hoise.
\p
\v 12 Aru eitu apunikhan nimite hei ase, apunikhan ekta bacha kapur para bandi kena khair uporte ghumai kena pabo
\p
\v 13 Aru achanak para bhorta sworgodoot sorgo para, Isor ke dhanyabad digena koise,
\p
\v 14 Ucha te thaka Isor ke mohima hobo dibe, duniya aru manu uporte shanti hobole dibi, jun uporte tai khusi ase."
\p
\v 15 Aru jetia sworgodoot khan sorgo te jai jaise, saguli rukhi manukhan ekjun-ekjun ke koise, "Ahibi moikhan Bethlehem te jabo, aru ki hoise eitu sabo, juntu kotha Probhu koi moike janibo dise
\p
\v 16 Aru tai khan joldi korikena Mary, Joseph ke lokpaise aru khair te ghumai thaka bacha ke lok paise.
\p
\v 17 Aru jetia thaikhan bacha ke dikhise, taikhan eitu sob kotha tu jai kena, manukhan ke koise
\p
\v 18 Jetia tiakhan utu bacha laga kota koise sob manu eitu kotha tu hunigena tai khan sob asurit hoise.
\p
\v 19 Hoilebi Mary toh ki dikhise eitu sob tu tai laga mon te hei rakhise.
\p
\v 20 Aru Shaguli rakha khan, ji kotha tai khan ke koise aru taikhan hunise eitu loigena Isor ke dhanyabad digena jaise.
\p
\v 21 Aru jetia ath(8) din pura hoise, tai laga sunot/niyom kora dinte, aru tetiya tai laga nam tu Jisu koikena mati dise, aru eitu sworgodoot para ama laga peth te thaka homoi te matise.
\p
\v 22 Aru jetia safa kora laga din par hoise, Moses laga kanun hisab te, taike Jerusalem te Isor usorte dibole nimite anise
\p
\v 23 (Aru eitu Isor laga niyom te likhikena ase, "Jiman mota ama laga peth para ulai ahise, tai Isor usorte pobitro ase"),
\p
\v 24 Aru bolidan dibole nimite juntu Probhu laga niyom te koise, '' ek-jura kopu chiriya aru duita chutu kobutar."
\p
\v 25 Aru sabi, Jerusalem te ekta, manu thakisile, tai laga nam Simon asile, eitu manu safa aru Isor ke aradhana dikena thaka manu asile. Israel manu nimite shanti bisari thakise; aru pobitro Aatma tai logote thakise.
\p
\v 26 Aru pobitro Aatma para taike dikhai dise, ki tai mora tu nidikhibo, Jetia tak Isor para Probhu Khrista ke napathabo.
\p
\v 27 Aru tai ekta Aatma hoigena mondir te ahise; aru jetia Jisu laga ama baba para tai ke anise; ki niyom ase eitu hisab te tai uporte koribole nimite.
\p
\v 28 Aru tai laga hath te utaikena Isor ke dhanyabad dise,
\p
\v 29 ''Etiya apuni laga sewak ke shanti para jabole dibi Probhu, apuni laga kotha hisab te.
\p
\v 30 Moi laga chuku para apuni laga poritran dikhise,
\p
\v 31 Apuni sob tu taiyar koridese apuni laga manukhan usorte
\p
\v 32 Isor najana jatikhan dikhabole nimite ekta ujala ahise, aru Israel manukhan nimite mohima hobole nimite."
\p
\v 33 Aru tai ki koise eitu huni kena tai laga ama aru baba asorit hoise.
\p
\v 34 Aru Simeon tai khan ke asirbad korise, aru Mary tai laga ama ke koise, sabi eitu bacha ke Israel laga manu khanke uthia dibo nimite rakhise; aru ekten asorit kam tho kotha namana khan ke dikhai debo.
\p
\v 35 Aru ekta talwar apuni laga jivan te maribo-kilemane bisi manu laga mon te bhabona kosi thaka tu ulai ahibo
\p
\v 36 Anna bhi ekta bhoiwadi thakise, Phanuel laga chukuri aru Asher laga jati manu thakise.Tai umar bhi bisi hoi jaise, sat sal thak tailaga mota logote thakise,
\p
\v 37 Aru tai eighty-four sal thak ekta mota morijua maiki thakise. Tai kitiyabi mondir tu charanai, rati aru din tai prathna aru upas te hai sewa kori thakise
\p
\v 38 Aru jetia tai khan laga usorte ahise, tai Isor ke dhanyabad dibole suru hoise, aru sob ke eitu bacha laga kotha koise kinika korikena Jerusalem laga manukhan mukti pabole ase.
\p
\v 39 Aru jetia Probhu laga niyom te sob kam tu khotom hoise, tai khan Galilee jaise, Nazareth taikhan nizor laga bosti te.
\p
\v 40 Aru bacha tu dangor aru takot hoise, gyan para bhorta, aru Isor laga morom tu tai laga uporte thakise.
\p
\v 41 Aru hodai sal te tai laga ama baba Jerusalem te dhanyabad dibole nimite jai.
\p
\v 42 Jetia tai baro(12) sal hoijaise, thaikhan hodia nisena aru dhanyabad dibole nimite jaise
\p
\v 43 Aru jetia eitu dhanyabad diya laga homoi tu khotom hoise, jetia taikhan ghor jaithakise, Jisu toh Jerusalem te thaki jaise. Aru tai laga ama aru baba tu eitu najane.
\p
\v 44 Aru tai khan bhabise Jisu toh tai khan logote-hei eki logote jai ase, ekdin laga safar toh koriloise.Aru eitu pichete tai ke ghor manu aru sathi khan majote bisaribole suru hoise.
\p
\v 45 Aru jetia tai ke panai taikhan aru Jerusalem te ghurigena jaise aru taike bisaribole suru hoise.
\p
\v 46 Aru tin din pichete tai ke mondir te paise, shikai diya manu khan majoti bohigena ki koi ase eitu huni thakise aru sawal hudi thakise.
\p
\v 47 Aru jiman manu tai laga gyan aru kotha hunise, sob manukhan bisi asurit hoijaise
\p
\v 48 Aru jetia taike dekhise, taikhan sob asorit hoijaise, tai laga ama para koise "Chokora, moikhan ke kile eneka korise? Sabi, apuni laga baba aru moi bisi chinta para apunike bisari thakise.
\p
\v 49 Hoilabi tai para koise, ''kele moike bisari ase? Apunikhan najane nike moi laga baba ghor te moi thakibole lage.
\p
\v 50 Hoilebi taikhan ki koi ase itu toh bujibole paranai.
\p
\v 51 Eitu pichete taikhan logote Nazareth te ahi jaise, aru tai khan laga kotha mani kena thakise.Tai laga ama sob kotha tu mon bhitorte hei rakhise
\p
\v 52 Aru Jisu tai laga gyan aru budhi te bisi bari kena jaise, Isor aru manu logote morom paise.
\c 3
\p
\v 1 Jetia pondro sal Tiberius Caesar raj korisela aru Pontius Pilate tu Judea laga Cholawta thakise, aru Herod bhi Galilee laga ekta Cholawta thakise, aru tai laga bhai bhi Ituraea aru Trachonitis laga ekta cholawta thakise, aru Lysanias toh Abilene laga ekta cholawta thakishe.
\p
\v 2 Jetia Annas aru Caiaphas, dangor dhorom guru thakise, Isor laga kotha Zechariah laga chokora John logote ahise jetia tai jongol te thakise
\p
\v 3 Aru tai Jordan laga sob jaga te jaise, Baptisma para mon ghurabole aru pap para maph pabole nimite.
\p
\v 4 Aru Isaiah Bhaubadi para likha kotha kwa nisina,
\p "Jongol para ekta awaz mati ase, 'Probhu nimite rasta safa koribi, aru teo laga rasta tu shida koribi
\p
\v 5 Sob pahar niche khan bhorta hoi jabo, aru sob pahar khanke niche anibo, aru biya rasta khan sob sida hoi jabo, aru tan rasta khan norom hoi jabo
\p
\v 6 Aru sob mongso, Isor laga mohima dikhibo."
\p
\v 7 Aru tetia John para manukhan ke koise jun baptisma lobole ahise, " Saph laga khandan khan!
\p
\v 8 Eitu nimite mon ghurabole laga bhal phol tu ulabi, aru nizor logote koi nathakibi, moi khan logote baba Abraham ase, ' aru moi tumi khan ke koi ase, Isor toh Abraham laga bacha khanke eitu pathor para bhi uthabole pare.
\p
\v 9 Hoilebhi eitu kuthar tu tayar ase, ghas laga jar te lagabole nimite.Eitu nimite, juntu ghas tu phol nadhure eitu kati kena jui te julai dibo."
\p
\v 10 Tetiya manu khan taike hudibole suru hoise." Tetiya hoile moikhan ki koribole laga?"
\p
\v 11 Aru tai khanke koise, "Jun logote duita kapur ase ekta kapur tu dusra ke dibe jun logote nai, aru jun logote khana ase eitu bhi eneka hei koribi."
\v 12 Aru poisa utha manukhan bhi baptisma lobole ahise, aru taikhan para koise" teacher, moikhan ki koribole lage?"
\p
\v 13 Tetiya taikhan ke koise, "Apunikhan ke poisa uthabole nimite ki koise eitu aru nokoribi.''
\p
\v 14 Aru tate kunba sipayi khan thakise taikhan para hudise, " aru moikhan ki koribole lage?" Tai taikhan ke koise. "Apuni khan joborjost para kun logote bhi poisa nolobi, aru misa para manuke naphasabi, aru ki pai eitu logote hei khusi thakibi."
\p
\v 15 Etiya manukhan rukhi thakise aru mon te asurit bhabana hoise John nimite, tai khrista hoi na nahoi,
\p
\v 16 John hei sob ke koise, ''moi tumikhan ke pani para baptisma dise, kintu moi para bhi dangor ekjun ahi ase, moi tai laga juta laga lacs khulibole bhi nuware.Tai hai Pobitro Aatma aru jui para sob ke baptisma dibo.
\p
\v 17 Tai laga Parkha aru katha tai hath te ase. Ekdom safa kori kena guti toh dhan ghor te jama koribo. Kintu chamra bilak juli thaka jui te phelabo."
\p
\v 18 Aru bisi kam te mon dangor kori dise John Isor laga kotha manukhan ke hunia dise.
\p
\v 19 Jetia John para Herod raja ke khong para hosa kotha koi dise bhai laga maike Herodias nimite, aru tai bisi biya kam kori nimite
\p
\v 20 Aru eneka kora nimite: John ke jail te bon koridise.
\p
\v 21 Etu homoi ahi jaise, jetia sob manu baptisma loise, Jisu bhi baptisma korise, aru prathna kora homoi te swargo te khuli jaise.
\p
\v 22 Aru tai uporte kopu-chorai nisina pobitro Aatma ahise, swargo para Isor kotha koise, "Tumi moi laga putro ase, jun ke moi prem kore, moi tumar uporte bisi khusi ase."
\p
\v 23 Etu homoi te Jisu tis-sal umor thakise jetia Isor kam surukorise. Tai Joseph laga bacha thakise,
\p
\v 24 Matthat laga bacha, aru Levi laga bacha, Melchi laga bacha, aru Jannai laga bacha, aru Joseph laga bacha
\p
\v 25 Mattathias laga bacha, Amos laga bacha, Nahum laga bacha, Esli laga bacha, aru Naggai laga bacha.
\p
\v 26 Maath laga bacha, Mattathias laga bacha, Semein laga bacha, Josech laga bacha aru Joda laga bacha
\p
\v 27 Joanan laga bacha, Rhesa laga bacha, Zerubbabel laga bacha, Salathiel laga bacha aru Neri laga bacha
\v 28 Melchi laga bacha, Addi laga bacha, Cosam laga bacha, Elmadam laga bacha aru Er laga bacha,
\p
\v 29 Joshua laga bacha, Eliezer laga bacha, Jorim laga bacha, Matthat laga bacha aru Levi laga bacha,
\p
\v 30 Simeon laga bacha, Judah laga bacha, Joseph laga bacha, Jonam laga bacha aru Eliakim laga bacha,
\p
\v 31 Melea laga bacha, Menna laga bacha, Mattatha laga bacha, Nathan laga bacha aru David laga bacha
\p
\v 32 Jesse laga bacha, Obed laga bacha, Boaz laga bacha, Salmon laga bacha aru Nahshon laga bacha
\p
\v 33 Amminadab laga bacha, Admin laga bacha, Arni laga bacha, Hezron laga bacha, Perez laga bacha aru Judah laga bacha
\p
\v 34 Jacob laga bacha, Isaac laga bacha.Abraham laga bacha, Terah laga bacha aru Nahor laga bacha,
\p
\v 35 Serug laga bacha Reu laga bacha, Peleg laga bacha, Eber laga bacha aru Shelah laga bacha
\v 36 Cainan laga bacha, Arphaxad laga bacha, Shem laga bacha, Noah laga bacha aru Lamech laga bacha
\p
\v 37 Methuselah laga bacha, Enoch laga bacha, Jared laga bacha, Mahalaleel laga bacha aru Cainan laga bacha'
\v 38 Enos laga bacha, Seth laga bacha, Adam laga bacha aru Isor laga bacha.
\c 4
\p
\v 1 Jetia Jisu pobitro Aatma para bhorta hoise tai Jordan nodi para ghuri jaise, Atma para taike jongol te loi jaise
\p
\v 2 Tate taike chalis din satan para porikha korise. Etu din bhitorte tai eku khanai, din khotom hua pichetee tai bhuk lagise
\p
\v 3 Satan hei tai ke kole, "Tumi jodi Isor laga putro hoi, pathor ke hukim dibi, roti hobole.''
\p
\v 4 Jisu hei tai ke kole, " Eitu likha ase, manu ekta roti para zinda nathakibo, "
\p
\v 5 Satan hei achanak Jisu ke duniya laga raijo dekhai dele.
\p
\v 6 Aru Satan hei taike kole, " moi tumike eitu sob adhikar aru mahima dibo, kelemane eitu sob moi loi loise aru moi jun ke icha kore, moi taike dibo pare.
\p
\v 7 Jodi tumi moi ke salam kore, eitu sob tumar laga hoijabo.
\p
\v 8 Kintu Jisu hai taike kole, "Isor kotha te likha ase, tumi Isor ke hei aradhana korebi, aru tai laga kam hei koribe."
\p
\v 9 Pichete Satan hei Jisu ke Jerusalem te loi jaise, aru temple uporte tai ke loi jaise aru koise, " Jodi tumi Isor laga Putro hoi, yate para neje giri jabi.
\p
\v 10 Kele eitu likha ase, tai sworgodoot ke hukum dibo, tumake bachabo karne.'
\p
\v 11 Aru, taikhan tumake hath para uthai lobo, eitu para tumar paw tu pathor te negiribo, '
\p
\v 12 Jisu hei taike kole, " Eitu likha ase, ' Tumi Isor ke porikha nokoribi"
\p
\v 13 Jetia Satan hei sob porikhiya kotom korile, tai pichetee Satan tu polai gol, aru tai ke girabole rokhi thakile.
\p
\v 14 Pasote Jisu Galilee te wapas pobitro Aatma hokti loigena ahile, aru sob jaga te tai laga khobor huni loise.
\p
\v 15 Teo synago te Isor laga kotha shikabole suru korile, manukhan hunikena bisi bhal paise.
\p
\v 16 Aru tai Nazareth te ahise, jun jaga te tai dangor hoise, aru Jihudi niyom te, tai sabbath din te synagogue te humaise, aru khara korikena awaz uthai kena porise.
\p
\v 17 Isaiah prophet laga kitab Jisu ke dise.Teo kitab tu khuli-kena ki likha ase eitu paise.
\p
\v 18 "Probhu laga Aatma moi uporte ase, tai moike mati loise gorib khanke Isor kotha kobole, tai moike prosar koribole aru bandhi rakha khanke khulibole, aru andha manu khan dikhebole, duk te dapai rakha manu ke bachabo,
\p
\v 19 Aru probhu laga din te sob manu khusi pabole
\p
\v 20 Teo kitab te bon kori, solawta ki wapas dile aru bohi jaise.Aru synagogue te thaka manukhan tai ke hei sai thakise.
\p
\v 21 Teo hei tai khanke koise, "Ahji Isor kotha tu pura hoise aru apuni khan huni loise.
\p
\v 22 Sob manu teo ke bhal koise aru asurit hoise tai laga bhal kotha hunigena ki kotha tai mukh para ulaise, aru tai khan koise, "Eitu Joseph laga chokora nohoi niki?
\p
\v 23 Teo hai taikhan ke koise, "Hosa para apuni khan moike eitu khota kobo, 'Doctor, nizor ke bhal koribi. Tumi Capernaum te ki korise ami huni loise, eneka nizor desh te hei koribi
\p
\v 24 Kintu, "Moi hosa kotha kobo, Isor manu ke nizor desh te kunbhi sanman nokore.
\p
\v 25 Moi hosa para tumikhanke koi ase bahut mota nathaka maike khan Israel te Elijah laga din te thakise, jetia akash tu tin sal choi moina bon thakise, jetia dangor famine eitu desh te ahise.
\p
\v 26 Kintu Elizah ke kunu logote pothai diana, khali Zarephath, Sidon te ekta mota nathaka maike logote
\p
\v 27 Etu homoi te bise lepersy Israel te thakise. Elisha prophet laga din te, kintu kunbi bhal huanai khali Syrian desh laga Naaman hai bhal hoise.
\p
\v 28 Aru sob synagogue te thaka manu khan khong uthile, jetia eitu kotha hunile.
\p
\v 29 Tai khan khara hoigol, aru Jisu ke thanikena tai khan laga town laga ucha pahar te tate para Jisu ke phelai dibole
\p
\v 30 Kintu loi jua homoi te, Jisu taikhan majo para ulai jaise.
\p
\v 31 Tai pichete Jisu Capernaum te jaise, aru Galilee city te sob manu khan ke sabbath din te Isor kotha hikai se
\p
\v 32 Tai khan bise asorit hoise, teo laga kotha hunigena, kele koile teo hokti para Isor kotha tu koise
\p
\v 33 Etiya synagogue te ekta manu satan Aatma para dhori hala koribo dise,
\p
\v 34 "Ha!Tumar logote amikhan ki kam ase, Nazareth laga Jisu? Moi khan ke borbat koribole ahise? Moi jane tumi kun ase-Isor laga Pobitro ekjan!"
\p
\v 35 Jisu hei satan ke hukum dise, "chup thakibi, aru tai para bahar te ulai jabi!" Aru satan hei eitu manuke taikhan majote jirai dise, satan ulai jol, tai eku nuksan kuranai.
\p
\v 36 Manu sai kena asorit lagise, aru ekjun ekjun logote kotha pati koise, "Eitu ki kotha ase, jintu para satan laga Aatma ke hukum aru hokti para taikhan ke ulai dise?"
\p
\v 37 Eitu khobor tu sob jaga te manu khan huni loise.
\p 38 Pasote Jisu synagogue chari-gena Simon laga ghor te jaise. Eitu homoi te Simon laga mother-in-law bisi bimar thakise, tai khan tai nimite prathna mangise.
\p
\v 39 Tai usorte khara hoigena, Jisu hei bimar tu khedaise, aru tai bhal hoise, aru tai uthikena sewa koribole suru hol
\p
\v 40 Jetiya sun tu namijaise, jiman manu alak alak bimar, Jisu usorte loikena ahise, aru Jisu ke tai khan uporte hath rakhi kena bhal koridese
\p
\v 41 Bohot satan bilak tai khan para ulai kena, hala korise, aru koise, "Tumi Isor laga lora ase!" Jisu hei hukum dikena satan khan ke kotha kobo diya nai, kele tai khan jani thakise tai Khrista ase.
\p
\v 42 Aru jitia din hoise, Jisu ulaigena manu nathaka jaga te jaise, aru manukhan bisari kena tai laga pitcete bisari jaise, Teo ke chari kena jabo dibole mon nai.43.Kintu Jisu hei kole, "moi aru bhi gospel prosar koribo lage, Isor laga raijo nimite, bohot jaga te, eitu karne amike duniyate pothaise."
\v 44 Teo synagogues te prosar kori kena judia laga sob jaga te jaise.
\c 5
\p
\v 1 Etiya eneka hoise, besi manu bilak Jisu ke Isor kotha hunai dibole koi thakise, eitu homoi te tai Gennesaret lake te rokhi thakise.
\v 2 Aru teo dekhise duita nau lake kiner te ahise, kintu mash mara manu bilak nau para nami kena tai khan laga jal(net) dhulai thakise.
\v 3Aru Jisu ekta nau te uthise, eitu Simon laga nau, aru taike koise, tumar laga nau olop pani te loi jabe. Aru tate bohi kena manu khanke hekaise.
\v 4 Aru jetia kotha koikena kothom korise, Tai Simon ke koise, "eitu nau tu pani besi thaka phale loi jabi aru tumar laga jal tu ekbar phelabi
\v 5 Simon he kole " Probhu, ami khan rat bhor Jal marise aru eku bhi puanai hoilebi apunar kotha te, moi jal phela bo.
\v 6 Aru jetia tai khan jal phelale, taikhan beshi mash paise, aru tai khan laga jal phati jaise.
\v 7 Dusra nau te thaka sathi khan ke koise, ahibi amikhan ke modot koribi. Aru tai khan sob milikena duita nau te mash khan bhorta korise, eitu para naw tu pani te dubibole hoise.
\v 8 Simon Peter, jetia eitu dekhise, Jisu laga paw nichete girikena koise, " Amar usor para jai jabe, kele moi ekjun papi manu ase, Probhu."
\v 9 Asorit kam tu Peter aru tai laga sathi khan dikhise, keneka eman mas dhuribo parise,
\v 10 Aru eitu nisina James aru John, Zebedee laga bacha, simon logote sathi thakise, aru Jisu hei Simon ke kole, " Bhoi nokorine; Etiya para tumikhan manu dhora jal lobo."
\v 11 Jetia tai khan laga naw mati kinar te anise, tai khan sob chari kena teo pichete jaise.
\v 12 Tai jetia ekta city te jaise, ekta manu leprosy para bhorta thakise. Aru jitia Jisu ke dekhile, tai Jisu laga paw te giri kena mangise aru koise, "Probhu, joldi apuni echa kore, apuni moike sapha koribo pare."
\v 13 Jisu hei tai ke choi kena koise, "Moi echa ase, sapha hobi." Eitu homoi te leprosy bimr taike charise.
\v 14 Aru Jisu hei taike kole kun ke bhi nokobi "Kintu puhorit logote jai kena dekhabi. Aru ekta sapha hua bolidan koribe, Moses laga nyom te koi nisina, eitu manu khan nimite ekta tistemony hobo.
\v 15 Kintu eitu asorit kam laga khobor tu sob jaga te ponchigol, aru bisi manu tai laga kotha hunibole aru bimar para changai pabole ahile.
\v 16 Kintu teo manu nathaka jaga te jai kena prathna kori thake.
\v 17 Enika ekta din te tai hikai thakise, Phorisus aru kanun hikai dia solwata khan bhi bohi thakise. Alak alak bosti para ahise, Galilee, Judea aru Jerusalem para. Isor laga hokti Jisu logote thakise, changai koribole.
\v 18 Tetiya manukhan hei ekjun paralize manuke bukhikena mat te bukhi kena anise, Jisu jun jaga te bohi thakise eitu jaga te anibole khusis korise.
\v 19 Jitia tai khan manu bisi thaka karone tai ke anibo paranai, tai khan ghor uporte uthise, aru tiles khuli kena manu khan thaka jaga te, Jisu usorte namai dise.
\v 20 Tai laga bisas dikhi kena, Jisu hei kole, " Bhai, tumar pap te maph hoise."
\v 21 Titiya kanun jana scribes aru Pharisees khan mon para koise." Teo kun ase eneka misa kobole? Kune hei pap maph kuribole pare. Khali Isor hei pare?"
\v 22 Kintu Jisu tai khan ke kole, " tumi khan mon eneka kele bhabi ase?
\v 23 Kintu kobole asani ase, " tumar pap tu maph hoise 'Na' uthikena berabi?
\v 24 Kintu tumi khan jani jabo. Isor laga Putor logote hokti ase duniya te pap para maph dibole." Aru teo paralysed manu ke kole-" Moi koi ase, uthibi, tumar laga bisna uthabi, aru ghor te jabi."
\v 25 Heitu homoi te manu majote tai khara hoigol, aru tai laga ghumai thaka bisna uthai lole, aru nizor ghor te jai jaise, Isor ke Mahima di kena.
\v 26 Sob manu khan asorit hoise, aru Isor ke Mahima dise, aru manu khan bhoi khaise, aru koise"Ami khan ketiya bhi nedekha asurit kam tu ahji dikhise."
\v 27 Eitu pichetee, Jisu baharte jai kena tax luah manu ekjon nam Levi tax luah ghor te bhoi thakise, teo tai ke kole, " Moi laga Pichete ahibi.
\v 28 Tai uthi kena aru sob charikena, Jisu laga pichete gol.
\v 29 Aru Levi ghor te jai kena, dangor ekta khana, Jisu nimite rakhile, aru tate bisi tax utha manu khan eke logote table usorte bohile.
\v 30 Kintu Pharisees aru kanun chula manu khan disciple khan logote hala kori kena, koise " Tumi khan kele tax lua manu aru papi khan logote khana khai?"
\v 31 Jisu hei tai khan ke jawab dise, " Jun manu bhal ase taike doctor nalage, kintu bimar manu ke hei lage.
\v 32 Moi dharmic manu ke mati bole ahanai, kintu papi khan mon ghura bole nimite."
\v 33 Titiya tai khai teo kole, " John laga disciple khan fasting aru prathna kore aru Pharisees khan laga disciple bhi eneka hei kore. Kintu tumar disciple khan, khana pina kore."
\v 34 Kintu Jisu hei taikhan ke kole, " Shadi te aha manu ke bhukha rakhibo pare niki, jitia tai khan loge dora tai khan logote thake?
\v 35 Kintu eneka din ahiase, jetiya dora tai khan para jai jabo, eitu din para tai khan fasting koribo."
\v 36 Aru Jisu tai khan ke ekta kahani koise." Kun bhi phata kapur logote notun kapur nisilai, Joldi eitu kore, Notun kapur bhi phati jabo, aru notun kapur tu purana kapur logote namili bo.
\v 37 Kunu bhi angur ros purana bottle te nadhale.' Eneka korile, notun ros para bottle tu bhangai dibo, aru eitu borbat hoi jabo.
\v 38 Kintu notun ros tu nuton bottle te dhali bole lage.
\v 39 Jun manu purana ros kha pichetee, notun ros tu nalage, kele tai koi, purana tu hei bhal ase."
\c 6
\v 1 Etiya Sabbath din te eneka hoise Jisu kheti majote jai thakise, aru disciple khan dhan guti ulai kena hath para sapha kori khai thakise.
\v 2 Kintu Pharisees khan koise, " Tumi khan eneka kele kore ase, Sabbath din te eneka koribole niyom nai?"
\v 3 Jisu tai khan ke kole tumi khan paranai niki. David aru tai logote thaka manu khan titiya ki korile?
\v 4 Tai Isor ghor te humale aru pobitro jaga te roti thaka tu loi kena tai koise, aru tai logote thaka khan ke bhi dise, juntu niyom para chubo napare khali Priest hei khabo pare."
\v 5 Teo taikhan ke kole, " Isor laga Putro Sabbath laga malik ase, "
\v 6 Aru ekta Sabbath te eneka hoise, teo synagogue te humai kena hikaise.Ekjun manu tate thakise, aru tai laga diayna hath tu sukai jaise.
\v 7 Kanun jana aru Pharisees khan mon te kena sai thakise, Jisu hei Sabbath din te kunba ke bhal kore na nai, eitu para golti dhoribole tai khan bisari thakise.
\v 8 Kintu teo tai khan laga bhawana jani kena eitu manu ke koise jun laga hath tu sukai jaise, "Uthibi, ami khan majote khara hoi jabi."Eitu manu tu uthi kena tai khan majote khara hoi gol.
\v 9 Tai pichetee Jisu hei tai khan ke kole, "Moi tumi khan ke hudibo, Sabbath din te Isor kam koribo lage na manu ke nuksan koribo lage, Aatma bacha koribo lage na, beya koribo lage?
\v 10 Aru Jisu hei sob manu ke saikena eitu manuke kole, "Tumar hath tu shida koribi."Tai korile, tai laga hath tu bhal hoise
\v 11 Kintu solwata khan khong para bhorta hol aru Jisu ke keneka phasabo eitu kotha patise.
\v 12 Aru eneka hoise aha din te teo ulai kena pahar uporte pratna koribole jaise, aru teo pura rati Isor logote prathna korile
\v 13 Aru jetia din hoise tai disciple khan ke mati lole, aru baro jon ke mati lole, aru apostles nam dise
\v 14 Simon (jun ke Peter nam dise)aru tai laga bhai Andrew; James aru John; Philip aru Bartholomew;
\v 15 Matthew aru Thomas; aru James Alphaeus laga chokora; aru Simon jun ke Zealot bhi matise;
\v 16 Aru Judas James laga chokora; aru Judas Iscariot, jun hai dhoka dise
\v 17 Jetiya teo pahar para tai khan logote nami kena ahise, bisi manu jama hui thakise. Aru bisi manu Judea, Jerusalem, aru samundar kinar Tyre aru Sidon para ahise.
\v 18 Tai khan Isor kotha hunibole aru bimar para bhal hobole nimite ahise. Ji bilak biya Aatma para dhori thakise tai khan bhi bhal hoise.
\v 19 Aru manu khan Jisu ke chobole kusis korise kele mane teo para changai laga hokti ulai thakise.
\v 20 Teo suku uthai kena disciple khan ke saise, aru koise, "Asirbad pabo korib manu khan, kelemane tumi khan nimite Isor raijo tu ase.
\v 21 Asirbad pabo junbilak bhuk lagi ase, kele tumi bhorta hobo, Asirbad pabo kun etiya kandi ase, tumi khan hasithakibo
\v 22 Asirbad pado jetia manu khan tumi ke ghin koribo, tumi ke chari dibo aru bodnam korikena nam tu beya koridibo, manu laga bacha nimite
\v 23 Khusi ananda para nachibi, sabi, tumar reward tu swargo te dangor ase. Kele mane taikhan laga baba khan bhi Isor manu ke hei eneka duk dise
\v 24 Kintu oh dhun taka manu khan, duniya te aram pai loise
\v 25 Oh kun manu bhorta thakise, tumi bhuk lagibo.Oh tumi etiya hasi ase, kele tumi duk koribo aru kandibo
\v 26 Oh jetia manu khan tumike bhal ase kobo, taikhan misa prophet khan kebi eneka korise.
\v 27 Kintu moi etiya tumi khan ke koi ase, tumar dusmon ke morom koribo aru bhal kam tu dekhai dibe jun tumike beya pai.
\v 28 Jun manu tumi khanke curse diye aru apunike bhal na pai tai nimite prathna koribi.
\v 29 Jun manu tumike ekh thapor mare tai ke aru alak phale bhi mari bole dibi jun manu tumar kapra ekta loi jai, aru ekta bhi tai ke lobole dibo
\v 30 Jun manu toi ke mange di thaki, aru jun manu tumar samam loi jai, wapas namang gibi
\v 31 Manu ki korile tumi khusi pai, tumi bhi eneka tai khanke kuribi.
\v 32 Kun manu tumike bhal pai aru tumi bhi eitu manu ke hei bhal paile, ki lab ase? Papi manu bhi eitu khan ke hei bhal pai jun manu tai khan ke bhal pai
\v 33 Jun manu tumi karne bhal kam kori, aru tumi bhi eitu manu nimite hei bhal kam korile, ki lab ase? Kele mane papi manu bhi eneka hai kore
\v 34 Jun manu para pabole asha ase, tai ke hei dile, ki lab ase? Papi manu para bhi papi manu ke dhar diye, ki tu diye wapas pabole
\v 35 Kintu dusman ke morom koribi aru bhal kam tu dekhai dibi, aru bodli te kiba pabo nimite asha, nokoribe, enaka korile, tumar enam tu dangor thakibo, aru tumi zinda Isor laga bacha hobo, kele koile toi papi dharmic sob ke prem kore.
\v 36 Tumi doya koribi jeneka baba Isor bhi doya kuri ase.
\v 37 Bichar nokoribi, tumike bhi bichar nokoribi. Dabai kena narakhi bhi tumike bhi nadababo, maph dibi, tumi bhi maph pabo
\v 38 Di thakibhi tumi bhi pai thakibo jun para bhal kori bhorai kena tumi khan ke dibo.Ki hisab para tumikhan dibo eitu hisab papa tumi khan bhi pabo
\v 39 Aru teo taikhan ke ekta kahani koise."Ekta andha manu para aru ekta andha manuke rasta dekhabo pare niki? Tai khan jai kena nala te nigeribo niki?
\v 40 Ekta chela guru para dangor nohoi, kintu jun manu bhal korigena siki loi tai guru nisina hoi jai
\v 41 Tumi bhai laga chutu letra chuku te thaka tu kele sai thake, kintu tumi nizor chuku laga dangor letra tu kele nasai?
\v 42 Tumar bhai ke eitu keneka kobo, kokai, tumar choku te ki letra ase eitu ami sapha kori dibo;tumar suku te dangor letra thaka tu tumi dekha nai?Tumi dusto manu! Pohila tumar choku te letra thaka tu ulai lobi, tetiya hei tumi sapha para tumar bhai laga choku te letra thaka tu ulabole paribo.
\v 43 Kele bhal ghas te beya guti toh noulai aru eitu nisina beya ghas te bhi bhal guti toh naulai
\v 44 Sob ghas tu tai laga guti para hei jani jai. Manu khan kata ghas para dimoru phol noulai, aru jongol para angur guti napai.
\v 45 Bhal manu laga mon para bhal bostu ulai diye, aru papi manu bhitor para beya hei ulai diye. Kele mon bhitor para ki ase tai muk para koi
\v 46 Tumi khan moi ke, Probhu Probhu, kele mate 'aru moi ki koi eitu kele nokore
\v 47 Aru jun manu moi logote ahe aru moi laga kotha tu hunigena kore, moi tumikhan ke dekhai dibo tai keneka ase
\v 48 Tai ghor bonai thaka ekjon manu ase aru bhal kori kena pathor uporte ghor bonai aru ban-pani ahise, aru ghor tu pani para dhakaise, kintu hilabo paranai, kele eitu ghor tu bhal kori kena bonaise.
\v 49 Kintu kun manu huni kena kam tu nokore, eitu manu tu eneka ase, jun hei ghor bonaise hoile bhi bhal kori kena mati tu nakhundi kena bonaise.Aru jetiya eitu ghor te dangor hawa pani lagise, achanak para eitu ghor tu pura barbat hoi jaise.
\c 7
\p
\v 1 Jetia Jisu sob kotha tu koi dise aru manu khanke hunai dise, teo Capernaum te humaise
\v 2 Aru ekta comander laga sewak, jun ke tai bisi morom kore, tai bimar para mori bole thakise.
\v 3 Aru jetiya commander Jisu laga kotha hunise, tai Jihudi laga solwata manu khan Jisu usorte pothai se, Jisu ke ahi kena tai laga sewak ke changai koribole.
\v 4 Aru jetiya taikhan Jisu usorte ahise, teo ke anurot korise, "Tai ekta bhal manu ase aru apuni eneka kori dile bhal ase,
\v 5 Kelemane tai moi khan laga desh tu morom kore, aru tai moi khan nimite synagogue bhi bonai dise"
\v 6 Jisu tetiya tai khan logote jaise. Kintu teo jetiya ghor te ponchibole usor hoise, eitu commander manu pothaise, aru teo ke koise, "Probhu, apuni dukh nauthabi, kelemane moi laga ghor bhitorte apuni ahibole moi laik nohoi
\v 7 Etu nimite moi nizor bhi apuni laga usorte ahibole laik nahoi, kintu apuni ekta kotha koi dibi aru moi laga sewak bhal hoi jabo.
\v 8 Moi nizor bhi ekta hukum chola manu ase, moi nichete sipahi khan ase.Moi ekjon ke kobo ' Jabi' aru tai jai; aru dusra ke kobo, 'Ahibi; aru tai ahe ; aru moi laga sewak ke, ' eitu koribi, ' aru tai kore.
\v 9 Aru jetiya Jisu eitu kotha hunise, teo, tai ke huni kena asorit hoise aru jun manu khan tai laga peche kori thakise, sai kena koise, "Moi tumi khan ke koi ase, Israel te moi eneka biswas thaka manu dikha nai" 10. Aru jun khan ke ghor te pothai dise-le, taikhan sewak tu bhal hoi kena thaka dikhise. 11.Aru dusra din te eneka hoise jetiya Jisu Nain laga town te jaise, aru teo laga chela aru manu khan tai logote jai thakise
\v 12 Aru jetiya tai town laga gate te ponchise, ekta mora manu ke uthai loi jai thakise ama laga ekta hai bacha thakise (tai motha nathaka maike thakise), aru bosti laga manu khan eke logote thakise.
\v 13 Jetiya Probhu tai ke dekhise, teo eitu maike ke dekhi kena bisi morom lagise aru eitu ama ke koise, "Nakan dibi"
\v 14 Jetiya teo uthi kena mora boxsa tu dhorise, aru jun manu khan eitu bukhi thakise thai khan bhi shida khara hoi jaise. Tetiya Jisu hei kole, "Juwan manu, Moi tumake koise "uthi bhi"
\v 15 Aru tetiya mora manu tu bohi kena kotha kobole suru hoise, aru Jisu hai ietu lora ke tai laga ama ke di dise.
\v 16 Aru tetiya sob manu bhoi lagi jaise, aru Isor ke dhunyabad dibole suru hoise, aru koise, "Ekjon dangor prophet moi khan majote ahise" aru "Isor hei manu uporte morom korise"
\v 17 Aru eitu khobor Jisu laga sob jaga te bhorta hoise, Judea aru usorter thaka bosti, town te bhi khobor tu jaise.
\v 18 Aru John laga disciple khan eitu sob khobor tu jai kena John ke koise. Tetiya John, para tai laga diuta disciples ke matise
\v 19 Tai khan ke Probhu ke hudibole pothaise, "Ahibole thaka tu apuni ase niki, na dusra ekjonke rukhibo?"
\v 20 Aru jetiya taikhan Jisu usorte ahise, manu hei koise, "John the Baptist para moi khan ke eitu kobole nimite pothaise, ' Ahibole thaka tu apuni ase, na moi khan dusra ekjon ke rukhibo?
\v 21 Eitu homai te teo bise manu ke bimar para changai korise, biya Aatma dhora manu aru chuku nedekha manu khan ke bhi bhal korise
\v 22 Tetiya Jisu hei taikhan ke kole, "Tumikhan yate par ja pichete, John ke jai kena tumikhan ki dekhise aru hunise eitu kobi. Andha manu khan dekhi pai ase, berabole napara manu khan beraibole pari ase, gau te bemar thaka khan sapha hoi ase aru huni bole napara khan huni ase mora manu zinda hoi ase, aru gorib manu khan Isor laga kotha tu huni bole paise.
\v 23 Asirbad pabo jun manu moi uporte beya na pai."
\v 24 Aru jetiya John laga manu khan jai jaise, Jisu manu khanke John laga kotha kobole suru hoise, "Tumi khan balu laga jaga te ki sabole jaise? Ekta jongol ghas, hawa para hilai dia tu?
\v 25 Kintu apuni khan bahar te ki sabole jaise? Ekta manu norom kapur lagai kena thaka tu?Sabi, jun manu dami kapur lagai ase, aru aram para thaki ase tai khan sob raja laga ghor te ase.
\v 26 Kintu apuni khan bahar te ki sabole nimite jaise? Ekta prophet? Hoi, moi apuni khanke koise, Teo prophet para bhi dangor ase.
\v 27 Eitu teo ase jun nimite eitu likha ase, Sabi, moi ekta Isor manu ke pothai ase, tumar khan usorte te, jun hai rasta tu jugud koribo!
\v 28 Moi tumi khan ke koi ase, jun manu ama para jonom loise, kun bhi John nisina dangor nohoi, kintu jun Isor laga raijo te sob se chutu ase tai para bhi dangor ase."
\v 29 Aru jiman manu eitu kotha hunise, tax utha manu khan bhi, John logote baptisma luah khan, Isor dharmic ase.
\v 30 Kintu Pharisees aru bisi kanun jana Jehudi khan Isor laga echa tu, na mani kena baptisma lua nai
\v 31 "Tene hole, moi, etiya laga manu khan ke keneka milabo, tai khan ki nisina ase?
\v 32 Tai khan bazar te thaka bacha khan nisina ase, bohi kene ekjan-ekjan ke mati kena koi, 'Ami tumi khan usorte basuri bojaise, tumikhan dance kora nai, moi khan mon dukh laga gana korise, hoilebi tumikhan kandanai.'
\v 33 John the Baptist ahikena roti aru, wine bhi khua nai, aru tumikhan koi, tai logote bhut ase,
\v 34 Kintu manu laga bacha ahikena khua lua korise, aru tumikhan koi, tai ekjon khakuah aru nisa-pani kora, tax collectors aru papi manu laga sathi!'
\v 35 Gyan para sob bhal aru biya tu jani loi
\v 36 Ekjon Pharisees para Jisu ke tai logote khobole matise. Jetiya Pharisees laga ghor te ponchi se, teo khabole bohise
\v 37 Etiya sabi, eitu city tho ekta papi maiki thakise. Jetiya tai dekhise, Jisu Pharisses laga ghor khabole bohi thakise, bhal gun aru bisi dam laga tail anise.
\v 38 Aru khara hoi kena paw usorte, kandi kena suku pani para Teo laga bhori tu bhijai se aru chuli para musi kena tai laga bhori tu chuma dise, aru sent lagai musi se
\v 39 Aru jetiya Pharisee jun hei Jisu ke mati se tai dekhi kena tai nije ke koise, "Etu manu jodi bhawadi ase, Teo janibo thakise eitu jun tai ke choi ase, etu keneka maiki ase, tai ekjon papi maiki ase'
\v 40 Aru Jisu hei tai ke kole, "Simon, moi tuma ke kiba kobole echa ase."Aru tai kole koi dibi, Probhu."
\v 41 "Duita manu poise dhar loise le. Ekjon tu pansho, aru dusra tu fifty thousand loi kena thakise.
\v 42 Aru jetia tai khan logote poisa dibo nimite thaka nai, malik hei duijon ke maph koridise. Eitu nimite kun manu para tai ke bisi morom koribo?
\v 43 Simon hei koise, "Moi hisab te jun ke tai bisi dhar tu maph korise."Tetiya Teo hei tai ke kole, "Tumi thik bhawana korise."
\v 44 Aru tetiya Jisu eitu maiki phane sai kena Simon ke koise, "Tumi eitu maiki ke dikhise. Moi tumi laga ghor te ahise. Tumi moi ke paw dhula bole pani bhi deyanai, kintu tai laga soku pani para moi laga paw tu bhijai dise, aru tai laga chuli para musi dise
\v 45 Tumi moi ke ekta chuma bhi diyanai, kintu moi jetiya para yati ahise tai moi laga paw to chuma dibole charanai
\v 46 Tumi moi laga matha te tail dhala nai, kintu tai moi laga paw tu scent thaka tail para musise.
\v 47 Etu nimite moi tumike koi ase, tai laga pap, bisi thakise, eitu sob maph kori dise-kele mane tai bisi morom korise, kintu jun manu olop hai maph kore, tai olop hai morom kore."
\v 48 Tetiya Teo hai tai ke kole, "Toi laga pap sob tu maph hoise."
\v 49 Jun manu khan tate bohi thakise tai khan ekjon-ekjan logote kobole suru hoise, "Eitu kun ase, pap bhi maph kori bole pare?"
\v 50 Tetiya Jisu maiki ke koise, "Tumi laga biswas hei tumi ke bachai loise. Shanti para jabi."
\c 8
\p
\v 1 Etia eneka hoise, Jisu alak alak bosti aru city te Isor laga Raijo laga kotha koi kena jai thakise Teo logo te baro jun disciple bhi thakise'
\v 2 Aru ekta maiki jun beya Aatma aru bimar para bhal hoise. Mary tai laga nam tu Magdalene, jun para satha satan ulai jaise;
\v 3 Aru Joanna, Chuza laga maiki, Herod laga manager, Susanna; aru dusra manu khan bhi, Isor laga kam nimite tai khan logote ki ase etu di dise
\v 4 Aru jetiya bisi manu, town bosti para ahise, teo kahani koi kena tai khan ke koise:
\v 5 "Ekta kheti kora manu guti phelabole jaise. Aru jetia tai guti phelaise kunba rasta te girise, aru paw para chipai dise, aru akash te chiriya thaka khan para khai dise.
\v 6 Aru khunba guti pathor uporte girise, aru jetia dangor hoise, eitu shuki jaise, kelemane pathor uporte patla mati thakise
\v 7 Aru kunba guti kata majote girise, aru dangor bhi hoise, hoile bhi kata para tai ke dabai dise
\v 8 Kintu kunba guti, bhal mati te girise, aru jetia eitu dangor hoise, bisi bisi guti ulaise."Etu kahani kowa pachote, Teo awaz uthai kena koise "Kun manu logote hunibole kan ase, tai hunilobi."
\v 9 Tetiya chela bilak hai Teo ke hudile, "Eitu kahani laga ki matlab ase?"
\v 10 Teo kole, "Tumi khanke Isor hei swargo laga raijo jani bole dise, kintu dusra manuke moi kahani para koi, utu karone tai khan sai thaki lebe nadikha aru huni lebhi buji bole napare.'
\v 11 Etiya kahani laga motlab ineka ase: Guti mane Isor laga kotha ase.
\v 12 Rasta te gera guti mane je bilak hunise, kintu satan hei ahi kena mon para guti he chini loile, eitu para tai khan biswas nokoribo aru roikha napabo
\v 13 Aru pathor uporte guti gira tu Isor kotha he khusi para hunile, kintu tai laga rusi tu bhitorte jabo napare, tai khan olop homoi nimite biswas kora, aru porikha aha homoi te geri jaise.
\v 14 Aru kata bhitorte gira guti bilak eneka ase, jun kotha tu hune, kintu duniya para tani loi, dhon sampote, Rong tamash aru lalaj para bandhi jai aru uthi bole napare
\v 15 Kintu mati te gira guti bilak, ji bilake mon di kena Isor kotha tu hune aru monte rakhe, bhal para guti dhore, hosa aru shanti para.
\v 16 Kunu manu light jolai kena lam bisna nichete narakhe. Kintu stand te rakhe eitu para sob manu dekhibole pai
\v 17 Kunu bostu lukai kena rakhi bo naparibo, light para sob bostu dekhijabo
\v 18 Eitu karone tu ki hune, jun manu ase, tai aru bisi pabo, aru kun manu komti ase, tai logote ki ase eitu bhi loi jabo, "
\v 19 tai pichete Jisu laga ama aru bhai khan Teo usorte ahile kintu Jisu thaka usorte jabo naparile kelemane manu bhorta thakise.
\v 20 Jisu ke manukhan khobor dile, "Tumar ama aru bhai khan bahar te rukhiase. Tumike sabole rokhi ase
\v 21 Kintu Jisu Krista tai khan ke kole, "Moi laga aru bhai eitu khan ase jun manu Isor kotha hune aru kore."
\v 22 Eitu ekdin eneka hoise, Teo disciple khan logote ekta nawka te uthise, aru tai khan ke kole "Ahibe amikhan nodi laga dusra phale jabo."Aru tai khan bohi kena jaise.
\v 23 Nawka te jai thaka homoi te Teo ghumai jaise. Etu homoi te dangor hawa pani ahise. Tai khan laga nawka te pani gusibole suru hoise aru tai khan morubo bhabi thakise.
\v 24 Tai khan Jisu ke uthaise aru, koise, " Probhu! Probhu! Moi khan sob moribole ase! " Kintu Teo uthi kena hawa pani ke hukum korise, aru pura pani tu shanti hoijaise.
\v 25 Jisu hei tai khan ke kole, "Tumi khan laga biswas tu kote ase? Aru tai khan bhoi para asorit hoi kena ekjan-ekjan ke koise, "Etu kun ase, Teo hawa aru pani ke hukum dise, aru tai khan manise?
\v 26 Pasote tai khan nodi par kori kena Gerasenes, Galilee usorte jaise.
\v 27 Aru jetiya Jisu matite namise, ekjon bhut dhora manu city para ahise. Bisi din para gua te kapura laganai, aru ghor te bhi nathake kintu kobor-stan te thake
\v 28 Aru jetiya Jisu ke dekhele, tai hala korise, Teo agote girise,, aru tai hala kori kena koise, "Moi aru tumi logote ki kam ase, Jisu, zinda Isor laga Puthro? Moi anurot kori ase, moi ke dukh nedibi."
\v 29 Jisu hei biya Aatma tu eitu manu para ula bole korone hukum dise. Bisi homoi te morai dibo nisina kore, chain para bandhi kena thakile bhi aru manu khan para bandhi rakhi lebhi, sob chain khan bhangai kene satan para jongol te loi jai
\v 30 Jisu hei tai ke hudile, "Tumar nam ki ase?" Aru tai kole, "Legion", kele mane bisi bhut Aatma tai bhitorte ase.
\v 31 Bhut bilak Teo ke anurot korile, ami khan ke khotom hobole hukum nidibi
\v 32 Etiya bisi gahori pahar kinar te dana khai thakise, bhut bilak gahori bhitorte jabole nimite anurat korise. Jisu hei gahori bhitorte jabole koi dise.
\v 33 Pichete bhut khan ulai kena gahori bhitorte humai jol, aru gahori khan sob pahar nechate geri kena mori jaise.
\v 34 Gahori pala manu khan eitu dekhi kena city te polai kena khobor dise.
\v 35 Aru manu khan ki hoise eitu sabole ahise, manu khan Jisu usorte ahikena aru manu ke dekhise jun laga gau para bhut tu ulai jaise aru tai Jisu laga paw nichite bohi thakise, sapha kapur bhi lagaise aru dimak bhi bhal hoise aru eitu sai kene manu khan bhoi lagise
\v 36 Aru jun manukhan eitu sob dekhise eitu khobor dise, aru keneka satan dhora manu tu bhal hoise.
\v 37 Aru Gerasenes laga sob manukhan bhoi lagi kena Jisu ke koise, morom para jai jabi.Teo, naw te bohi kena jai jaise.
\v 38 Jun manu para bhut khan ulai jaise tai Jisu logote jabole anurot korise, kintu Jisu hai tai ke wapas pothai kena, koise,
\v 39 Tumi nizor ghor te jabi aru Isor hei ki kori dise eitu jai kena koi dibi."Tai pichetee tai ghor te jaise, sob jaga te khobor di dise Jisu hei tai jibon te ke kori dile.
\v 40 Jetiya Jisu ahise, sob manu khan tai salam korise, kele mane tai khan Teo ke rukhi thakise.
\v 41 Aru tate ekjon manu thakise tai laga nam Jairus, tai synagogue laga solawta thakise. Jisu laga paw te giri jaise, aru Jisu ke tai laga ghor te ahibole anurot korile
\v 42 Tai laga ekta barosal laga chukuri, moribole ase aru jetiya tai rasta te jai thakise, bohot manu khan tai logote jama hoi jaise.
\v 43 Ekta maiki baro sal para khun jai thakise, tai dawai dia manu logote sob taka poisa khorcha korise, kun bhi tai ke bhal kori bole para nai
\v 44 Tai peche te jai kene manu majo para Jisu laga kapara chuise, aru eitu homoi te tai laga khun jai thaka tu bon hoise.
\v 45 Tetiya Jisu hai koise, "kun para moi ke choise?"Jetiya sob manu chup thakise, Peter koise, "Probhu, bisi manu khan ahi kena apuni ke chui ase."
\v 46 Kintu Jisu hai koile, "Kunba manu moike choise, Moi jani ase moi para hokti ulai jaise."
\v 47 Jetiya maiki tu lukabole napara hoise, tai bhoi para kapi kena Jisu usorte girise.Sob manu usorte te tai koi dise ki nimite tai Jisu ke choise, aru keneka tai ekbar para bhal hoise.
\v 48 Jisu hai taike kole, "Swali tumar biswas para tumi bhal hoise, shanti para jabi
\v 49 Teo kotha koi thaka homoi te, kunba synagogue laga solwata ghor para ahise, aru koise, "Tumi laga swali tu mori jaise Jisu ke aru dukh nidibi, "
\v 50 Kintu jetiya Jisu hunise, Teo eneka tai ke koise, "Bhoi nakoribi; khali biswas koribi, aru tai changai hoi jabo."
\v 51 Aru jetiya tai ghor te ahise, Teo kunke bhi bhitorte ahibole diyanai, khali Peter, John aru James ke, aru eitu bacha laga ama aru baba ke.
\v 52 Aru sob manu mon te duk kori kena tai nimite kandi thakise, "Nakandi bhi, tai mora nai, kintu ghumai ase."
\v 53 Kintu Teo uporte tai khan hasi dise, swali toh murise bhabi kena.
\v 54 Kintu Jisu, tai laga hath tu dhorise aru matise, koise, "Bacha, uthi bhi!"
\v 55 Tetiya tai laga Aatma tu wapas ahise aru tai uthi kena kiba khabole mangise.
\v 56 Tai laga ama baba asurit lagise, kintu Teo kihoise yate ke hoise eitu kun ke be nakobe.
\c 9
\p
\v 1 Aru jetiya tai barota disciples khan ke matise.Teo tai khan ke hokti aru adhikar dise satan ke kheda bole aru bimar ke bhal koribole,
\v 2 Aru teo taikhan ke pothaise, bimar manu ke changai koribole aru Isor raijo laga kotha kobole nimite.
\v 3 Aru Jisu hei tai khan ke kole, "eku loi najabi-tumi laga, bag, lathi, poisa aru roti, duita kapra bhi loi najabi
\v 4 Juntu ghor te gusibo, tate hei thakibi, jetiya tak eitu jaga tu nachare.
\v 5 Jun jaga te tumi khanke namate, eitu town para ula homoi te, tumi laga paw para dhuli toh hatai dibi, eitu tai khan nimite ekta testimony hobo."
\v 6 Aru tai khan alag hoi kena bosti phane jai jaise, Isor laga kotha koi kena aru sob jaga te changai kori kena jaise.
\v 7 Etiya Herod ekta Raja, ki hoi ase eitu sob tu hunise, aru tai bhabana korise, kelemane kunba para koise John tu mora para zinda hoise,
\v 8 Aru kunba tu koise Elijah hei ahise, aru kunba para tu koise, poila laga prophet ekta zinda hoise.
\v 9 Kintu Herod koise, "Moi John laga mata alag koridise, kintu eitu kun ase jun laga moi eman kotha huni ase? "Etu karone Jisu ke sabole tai khosis kori thakise.
\v 10 Aru jetiya apostle khan ahise, tai khan ki korise eitu sob koi dise.Tetiya teo tai khan ke loi jaise, aru ekdam chup-chap para Bethsaida town te tai khan jai jaise.
\v 11 Kintu jetiya manukhan eitu hunise, tai khan tai pichete jaise.Teo sob ke matise aru Isor laga raijo kotha tu tai khan logote koise, aru jun manu changai lage, tai khan ke changai korise.
\v 12 Etiya sam hobole homoi hoise, baro ta disciple khan teo usorte ahikena koise, "Manu khanke pothai dibi, tai khan usor bosti te jai kena ghuma bole aru khabole bisaribo, kele mane moi khan eku nathaka jaga te ase."
\v 13 Kintu Jisu tai khan ke kole, "Tumi khan manu khanke kiba khabole dibi."Kintu tai khan koise, "Moi khan logote pasta roti aru duita mas hai ase-jodi moi khan jai kena sob manu nimite khana kinile
\v 14 (Tate pach hazar manu thakise.) Tetiya teo disciples khan ke koise, "Tai khan ke ekta group te pachas manu kuri kena bohibo dibi"
\v 15 Aru tai khan eneka korise aru sob ke bohibole dise.
\v 16 Pasta bread aru duita mas tu hath te loi kena, teo sorgo te saise, teo asirbad dise aru duita bhag kori kena disciples khan ke dibole dise.
\v 17 Tai khan sob khai kena bhorta hoise, aru juntu bachi jaise eitu tai khan uthaise-barota tukri te bhangi kena diya roti tukra thakise.
\v 18 Aru eneka hoise Jisu jetiya tai ekla para prathna kori thakise disciples khan bhi tai logote thakise, aru teo tai khan ke hudise, "Manu khan moike kun ase koi kena koi?"
\v 19 Tai khan koise, "John the Baptist. Aru kunba koi Elijah, aru dusra khan para koi purana homoi para zinda huwa prophet."
\v 20 Tetiya teo taikhan ke koise, "Kintu tumikhan moi kun ase koi kena bhabe?" Tetiya Peter hei koise, " Isor laga pothai diya Putro.
\v 21 Kintu teo tai khan ke eitu kotha kun ke be nokobole koi nai.
\v 22 Teo koise, "Manu laga putro bohot dukh pabo aru solwata manu para chari dibo, dangor purohit aru kanun jana manu khan para bhi golti dhoribo aru teo ke morai dibo, kintu teo tin din te zinda hobo
\v 23 Aru teo sob ke koise, "Kunuba manu moi pichete ahibole echa thakile, tai nizor ke pahoribo lage aru hodai cross uthai kena moi pichete ahibo lage.
\v 24 Jun manu tai laga jivan tu bachabole kam koribo tai harai dibo ; kintu jun manu moi nimite jivan dibo tai roikha pabo.
\v 25 Jivan te ki lab ase, sob duniya tu pailebhi, nizor jivan tu nuksan korile?
\v 26 Kun manu moi laga kotha aru moi nimite sorom kore, moi bhi tai nimite sorom pabo. Jetiya teo Isor usor para pobitro sworgodoot khan ke loi ahibo.
\v 27 Kintu moi hosa kotha koi ase, kunuba manu khan yate rukhi ase, tai khan Isor laga raijo nedekha thak nomoribo."
\v 28 Eitu kotha khan kwa ath din pichetee, teo pahar uporte prathna koribole jaise, Peter, John aru James logote.
\v 29 Jetiya teo prathna kori thakise, teo laga chehera bodli hoise, aru tai laga kapra tu asorit boga hoise.
\v 30 Aru sabi, duijan manu teo logote kotha koi thakise, Moses aru Elijah thakise,
\v 31 Mahima para taikhan ahise, tai jabo laga kotha tu patise, jitu Jerusalem para pura hoi jabo
\v 32 Jetiya Peter aru sathi khan ghumai thakise, aru jetiya ghumai kena uthise, tai khai teo laga mohima dekhese, aru duijan manu teo logote khara hoi thakise.
\v 33 Tai pichete eneka hoise, jetiya duijan manu Jisu usor para jai jaise, Peter hei teo ke koise, "Probhu, ami khan yati tinta pillar bonabo, ekta apuni nimite, aru ekta Moses karna, aru ekta Elijah karne, "(Tai ki koi thakise tai nazane)
\v 34 Kintu jetiya tai eitu koi thakise badal ahikena tai khan ke lukai dise, aru tai khan bhoi lagi se
\v 35 Aru akas para ekta awaz ahise, koise, "Etu amar putro ase, jun ke bachi loise; tai laga kotha huni bhi."
\v 36 Jetiya eitu kotha tu khotom hoise, Jisu ke akela dekise.Tai khan chup thakise aru ki dekhise kun ke bhi kuanai.
\v 37 Aru ekta din te eneka hoise, jetiya tai khan pahar upor para nichete ahise, bisi manu ke lok paise.
\v 38 Aru sabi, ekjan manu mojo para hala kori, koise, "Probhu, moi anurot korise, ami laga bacha ke sabi, tai moi laga ekta bacha hai ase.
\v 39 Sabi, ekta beya Aatma achanak para dori kena tai hala muk para letera thuk ulaise.Tai ke jokom kori kena biya Aatma tu ulai jaise.
\v 40 Moi apuni laga disciple khan ke beya Aatma khedabole koise le, kintu tai khan bhal khedabole paranai."
\v 41 Tetiya Jisu hei taikhan ke kole, "Biswas nathaka aru beya rasta te jai thaka manu khan, moi tumi khan logote kiman din thakibo? Tumar bacha ke yate anibi."
\v 42 Jetiya chokora tu ahi thakise, satan hei taike mati te girai kena hilai dise. Kintu Jisu hai biya Aatma ke khedai dise, aru chokra ke bhal kori dise, aru baba logote di dise.
\v 43 Tai khan Isor laga asorit kam tu dekhise. Kintu jetia manu khan ki hoise eitu dekhise tai khan asurit lagise, Jisu tai laga disciple khan ke koise.
\v 44 "Eitu kotha tu tumi khan mon bhitorte jabole dibi: kele manu laga puthro dukh pabole jaise manu laga hath para."
\v 45 Kintu tai khan eitu kotha tu buji bole paranai. Eitu kotha tu lukai kena thakise, eitu karone buji bole paranai, Jisu ke eitu kotha hudi bole bhoi lagise.
\v 46 Chela khan majote kotha ulaise, ki kun hai sob para dangor hobo
\v 47 Kintu Jisu tai khan ki monte bhabana korise eitu jani loise, aru ekta chutu bacha ke, teo usorte uthai loise,
\v 48 Aru tai khan ke koise, "Jun manu eitu bacha ke moi laga nam para mate, tai moike mate; aru jun manu moike mate, jun moi ke pothaise tai ke mate. Kun manu chutu koribo, tai hei dangor hobo."
\v 49 John hei koise, "Probhu, ami khan dekhise kunba manu apunar nam para beya Aatma khedaise aru ami khan tai ke rokhai dise, kele tai moi khan laga pichete nahoi."
\v 50 Kintu Jisu hai taikhan ke kole."Tai khan ke nurukhabi, jun manu tumikhan birot te nai, tai tumi khan logote ase."
\v 51 Etiya teo ke uthai loi jabo nimite din tu usorte hoise, teo Jerusalem te jabole bisi mon hoise.
\v 52 Tai poila ekjon chela ke pothaise, aru tai khan Samaritan bosti bhitorte ponchi kena sob kam tu tayor kurise.
\v 53 Kintu tate thaka manu khan teo ke welcome kora nai, kele mane tai Jerusalem te jabole hai mon thakise.
\v 54 Aru jetiya chela khan James aru John dekhise, tai khan koise, "Probhu, ami khan swargo para jui ahi kena tai khan ke kotom kori bole kobo naki.?
\v 55 Kintu teo ghuri kena tai khan kole, tumi khan bhitorte ki Aatma ase tumi khan najane, kintu manu laga putro jivan nosto koribole ahanai, kintu jivan dibole."
\v 56 Aru tate para alak bosti te jaise
\v 57 Tai khan rasta te jai thaka homoi te, kunba manu Jisu ke hudise, "Apuni kun jaga te jabo moi bhi apuni logote jabo."
\v 58 Jisu tai ke kole, "Siyal khan laga bhi gath ase aru akas te chiriakhan laga bhi ghor khan ase hoi labi manu laga Putro laga matha rakhibole ekubhi jaga nai."
\v 59 Tetiya Jisu aru ekjon ke koise, "Moi laga pichete ahibi, "Kintu tai kole, "Probhu, pohila moi jai kena baba ke dabai kena ahibo.
\v 60 Kintu teo koise, "Mora khan, mora khanke dapabole dibi. Kintu tumi, jai kena Isor laga raijo prochar koribi."
\v 61 Aru ekjan koise, "Moi bhi apuni laga pichete ahibo, Probhu, kintu moi pohila jai kena sob ghor manu ke jaiase kobo
\v 62 Kintu Jisu hei koise, "Jun manu kheti te hal tu dhori kena pichete te nasai, tai he Isor laga raijo nimite thik ase.
\c 10
\p
\v 1 Aru jetiya eitu sob kam pura hoise, Probhu aru seventy two manu ke mati kena Isor kam nimite asirbad korise, aru duijon-duijon kori kena tai khan ke pothaise jun jaga te Jisu tai nizor bhi jabo thakise
\v 2 Teo hei tai khan ke kole, "Kheti tu bhorta hoi ase, kintu kam kora manu olop hei ase. Eitu nimite kheti laga malik ke kobi, aru kam kora manu pathai dibole nimite.
\v 3 Nizor rasta te jai thakibe, sabi, moi tumikhanke ekta memna nisina bheriya usorte pothai ase.
\v 4 Poisa laga bag nolobi, rasta te jabo le laga bag bhi nolobi, aru nizor chapal bhi nolobi, aru rasta te jai thaka homoi te kunke bhi salam nidi bhi.
\v 5 Jun tu ghor te ahge ghusibo, pohila kobi, 'Shanti eitu ghor te thakibo!'
\v 6 Jodi ekta shanti chokora tate thake, tetiya tumi laga shanti tai uporte thakibo; jodi nohoi, eitu shanti toi logote wapas ahijabo.
\v 7 Etiya eitu ghor te hei thakibhi, ki kha luiwa diase eitu khai kena thakibi, kelemane ki kam kori ase, eitu laga lab tu pabole lage. Aru ekta ghor para alak ghor te jai nathaki bhi.
\v 8 Tumikhan juntu town te jabo, aru jodi tai khan tumi ke matile, tumi khan usorte ki khabola rakhibo eitu khabi.
\v 9 Aru jun manu bimar ase tai ke changai koribi, aru tai khan ke kobi, "Isor laga raijo tumikhan usorte ahise.'
\v 10 Kintu juntu city te tumikhan ke namate eitu laga rasta te ulai kena kobi,
\v 11 Juntu dhuli moi khan laga paw te lage eitu bhi sapha kori diya! Kintu eitu jani lobi, Isor laga raijo tu usorte ahise, '
\v 12 Moi tumikhan ke koi ase eitu din te tumikhan Sodom aru Gomorah te dukh pa para bhi bisi dukh pabo.
\v 13 Hai tumi, Chorazin! Hai tumi, Bethsaida! Jintu dangor kam tumi khan nimite koridise, eitu kam Tyre aru Sidon nimite korise koile, tai khan poila para mon ghurai kena thakibo,
\v 14 Kintu Tyre aru Sidon para bhi bisi dukh tumikhan pabo.Jintu din te Isor laga bichar hobo.
\v 15 Aru tumi Capernaum, sorgote tumi khan ke ucha nam koribo, eneka ase? Tumikhan ke ekdam niche, mora laga jaga te phelai dibo.
\v 16 Jun manu tumi khan laga kotha hune, tai kahn moike hune aru jun tumikhan ke ghin kore tai moike bhi ghin kore, aru jun moike chare, tai kun para moike potaise tai ke bhi chare."
\v 17 Aru tetiya seventy-two jon khusi para jai kena, koise, "Probhu satan khan bhi apuni laga nam te moikhan laga kotha mane."
\v 18 Tetiya teo hei taikhan ke kole, "Moi sai thakise satan sorgo para lightning nesina girise.
\v 19 Sabi, moi tumi khanke, sap aru bicho khan ke khotom koribole nimite takot dise, aru jiman dusman laga takot ase eitu sob khan ke khotom koribole nimite, aru eiku para bhi tumi khan ke jokom koribole naparibo.
\v 20 Hoilebhi tumikhan eitu nimite bisi khusi nokoribi, eitu Aatma tumi khan logote ase koi kena, kintu khusi koribi ki tumi khan laga nam tu sorgo te likha ase."
\v 21 Aru eitu homoi te Jisu pobitro Aatma para bisi khusi korise aru koise, "Moi apuni ke dunyabad di ase, sorgo aru prithibi laga baba Isor, kelemane apuni eitu sob kotha tu gyani aru bujibole para manu khan logote lukai kena rakhise, aru eitu sob kotha tu chutu bacha khan ke janibole dise.Hoi baba, eitu sob apuni usorte sabole bhal dikhe."
\v 22 Eitu sob kam aru kotha tu moi laga baba para moike dise, aru kun bhi nazane puthro tu kun ase, khali Isor baba hei jane, aru kun Isor baba ase eitu khali putro para hei jane, aru kun ke putro para matilobo tai ke hei sob tu dekhai debo.
\v 23 Tetiya teo chela khan ke ghuri kena sai se aru aste para koise, "Asirbad aru eitu chuku, jun manu dekhanai eitu bhi dekhise.
\v 24 Moi tumikhan ke koi ase, bisi purohit aru raja khan tumi khan ki dekhise eitu sabole nimite bisi echa korise, kintu tai khan eitu dekhanai, aru tumi khan ki hunise tai khan eitu hunibole mon korise kintu tai khan hunibole pa nai."
\v 25 Aru sabi, ekta Jewish laga kanun jana manu Jisu ke porikha koribole nimite khara hoise aru, koise, "Probhu moi ananto jivan pabole nimite ki koribole lage?"
\v 26 Tetiya Jisu hei tai ke koise, "Niyom hisab te ki likha ase? Tumi eitu keneka pore?"
\v 27 Tetiya tai koise, "Tumi Probhu Isor ke pura mon para morom koribi, aru tumi laga jivan para, aru takot para, aru tumi laga bhabana para, aru tumi usorte thaka manu ke tumi nizor ke kena morom kore eitu nisina morom koribi.
\v 28 Tetiya Jisu hei taike kole, "Tumi thik kotha koise.Eneka koribi, aru tumi zinda thakibo."
\v 29 Kintu tai nizor ke thik dekhabole nimite, Jisu ke koise, "Moi laga usorte thaka manu tu kun ase?"
\v 30 Tetiya Jisu hei tai ke jawab di kena koise, "Ekta manu Jerusalem para Jericho phane jai thakise. Taike chor aru dokait khan para dhuri kena marise tai laga kapur khan sob phatai dise aru tai ke adha mora charikena polai jaise.
\v 31 Tetiya achanak para ekta purohit eitu rasta phane para jai thakise, aru jetiya tai eitu manu ke dekhise, tai dusra phane para ulai kena jai jaise.
\v 32 Eitu nisina, ekta Levita, jetiya tai eitu jaga te ahikena manu ke dekhise, tai bhi dusra phane para ulai jaise.
\v 33 Kintu ekta Samaritan, tai yatra te jai thaka homoi te, eitu manu usorte ahise aru jetiya tai ke dekhise, tai bohot duk aru morom lagi jaise.
\v 34 Aru jetiya eitu manu usorte ponchise, tai laga jokhom pa khan bandi dise, tail aru wine para. Aru eitu pichete tai laga janwar uporte uthai dise, aru ekta ghor te loi jaise, aru tai ke bhal para sai dise.
\v 35 Aru dusra din te tai poisa ulai kena tate thaka manu khan ke dise aru koise, " Tai ke bhal para sabi, aru ki korcha korila, jetiya moi aru wabas ahibo, eitu homoi te moi sob didibo!
\v 36 Tumi ki bhabe tinjun bhitorte kun hei tai laga asol usor thaka manu ase jun ke dokait aru chor khan para mari kena chari dise?"
\v 37 Tetiya tai koise, "Jun manu tai ke morom korise." Tetiya Jisu hei tai ke koise."Jabi aru tumi bhi eneka hei koribi."
\v 38 Aru tai khan jai thaka homoi te, teo ekta bosti te gusise, aru tate ekta maiki Martha koi kene thakise tai hei Jisu ke tai laga ghor te matise.
\v 39 Tai laga ekta bhoini thakise Mary koi kena, aru tai Jisu laga paw usorte bohi kena Teo ki kotha koi ase eitu huni thakise.
\v 40 Kintu Martha olop beya lagise kilemane tai sob kam tu ekla kori thakise, eitu karna tai jai kena koise."Probhu, apuni eku chinta nokore niki moi laga bhoini moike kam koribole ekla chari dise? Eitu nimite tai ke kobi, moi ke modot koribole nimite."
\v 41 Tetiya Probhu hei tai ke koise, "Martha, Martha, tumi bisi alak kam nimite chinta kori ase,
\v 42 Kintu khale ekta kam tu hei bisi jaruri ase.Aru eitu Mary para bhal kam tu hei bisari loise, aru eitu tai logote para ketiya bhi loi nolobo."
\c 11
\p
\v 1 Aru eneka hoise jetiya Jisu ekta jaga te pratna kori thakise, jetiya kotom hoise, ekjon chela teo hudise, "Probhu, amikhan ke pratna shekai dibe jeneka John tai laga chela khan ke shekaise."
\v 2 Teo chela khan ke koise, "Jetiya tumikhan prathna koribo eneka kobi, 'Jehovah Isor, apunar raijo ahibo apuni laga echa pura hobo jeneka sorgot eneka prithibhi te bhi
\v 3 Ami khan ke kwa luwa hodai dibe.
\v 4 Ami khan laga pap tu maph diya, ami khan bhi dusra laga pap maph dise. Ami khan ke temptation te giri bole nidibe." Kintu biya Aatma para bachai kena rakibo."
\v 5 Aru teo taikhan ke koise, "Tumi khan logote kun sathi ase, aru tai logote rati, te jai kena koi, "Sathi, moike tinta roti dibi,
\v 6 Moi laga ekjan sathi dusra jaga para berai kena etiya ahise, Moi taike dibole eku nai'?
\v 7 Tetiya tai bhitor para amike eneka kobo pare, 'moi ke etiya dikdar nokoribi. Dorja tu bon hoise, aru moi aru bacha khan etiya ghumai ase. Moi etiya uthi kena tumike eku dibo naparibo.'
\v 8 Moi tumi ke koise, jodi bhi tai uthi kena tai laga sathi ke dibole mon nai, hoilebi tai mangi thaka karone tai ji hoilebi uthi kena tai ke jiman lage didibo.
\v 9 Moi arubi tumi ke koi ase, mangibi, aru tumi pabo; bisaribi, aru tumi pai jabo, knock, koribi khuli jabo.
\v 10 Jun manu mange tai pai; jun manu bisare tai bhi pai; aru jun manu knock kore khuli jai.
\v 11 Kun baba eneka ase, jodi bacha para mas mange taike sap dibo?
\v 12 Aru jodi tai anda mange, tai ke scorpion dibo niki?
\v 13 Eitu karne, tumi khan beya manu hoilebi nizor bacha ke bhal saman hei dibole jane, tene hoile sorgote thaka baba Isor kun manu mange tai ke pobitro Aatma nidibo niki?"
\v 14 Tetiya Jisu ekta kotha kobole nidiya biya Aatma ke khedai dise.Aru jetiya biya Aatma tu ulai jaise, eitu manu kotha kobo parise, tate thaka manu khan asurit hoise."
\v 15 Kintu kunba manukhan koise, "Teo satan ke khedai Beelzebul, nam para jun hei bhut laga raja ase."
\v 16 Aru dusra manu khan, Jisu ke porikha kori kena koise, sorgo para ekta asurit kam dikhabole koise.
\v 17 Kintu, tai khan laga bhabana jani kena Jisu hei koise, "Raijo bilak jodi alak-alak bhabana hoi, eitu bhangi jabo, aru parivar alak-alak bhabana hoile, eitu parivar bhangi jabo.
\v 18 Aru jodi saitan bhi alak-alak hoi jai, tai laga raijo keneka khara hobo? Tumikhan koi ase moi Beelzebul laga takot para saitan khedai.
\v 19 Jodi moi bhut khan ke Bleezebul (Saitan Aatma para khedai), tetiya hole tumi khan laga bacha khan kun laga Aatma para bhut khan khedai? Heitu karone, eitu khan hei tumi khan ke bichar koribo.
\v 20 Jodi moi Isor laga anguli para khedai, tetiya hoile Isor laga raijo tu tumi khan usorte ahise.
\v 21 Jitia ekta takot thaka manu para hatiyar loi kena ghor tu rokhi thake, tai laga ki-ki ase eitu naharai.
\v 22 Kintu tai para bhi bisi takot thaka manu tai ke hamla korile, tai, ke harai dibo, tai laga hatiyar bhi loi lobo, jun uporte tai bharose kore, aru ji dhon sampati tai laga ase sob bhag hoi jabo.
\v 23 Kun manu moi logote nathake, moi laga birot te ase, aru kun manu moi nathake tai alak hoi jai.
\v 24 Jetiya ekta beya Aatma ekjun manu para ulai jai, tai ekla jaga te aram pabole karone berai thake, aru koi, ' moi phoila kote para ulaise tate aru be wapas jai jabo.'
\v 25 Aru jetiya tai ahae, tai dekhe sob tu safa aru bhal kore kena rakhi ase.
\v 26 Tai jai kena aru satha beya Aatma loi kena eitu manu te ghusi jai. Pohila para bhi eitu manu laga halut(jivan) tu bisi beya hoi jai."
\v 27 Etiya eneka hoise, jetiya teo eitu khota koise, ekta maiki awaz uthai manu khan usorte Jisu ke koise, "Asirbad ase eitu ama jun apuni ke jonom dise aru duth khilaise.
\v 28 Kintu teo kole, "Holebi, asirbad pabo jun manu Isor kotha huni kena mani thake.
\v 29 Manu khan jetiya bhorta hoise, teo kobole suru hoise, "Eitu manu khan pap laga khandan ase.Tai khan kiba ekta sabo le bisari thake kintu, kuni asurit kam tu taikhan ke nedekhabo khali Jonah laga sign hei dekhibo.
\v 30 Jeneka Jonah Ninevites, khan nimite asorit kam korise, eitu nisina manu laga bacha(Jisu) manukhan nimite enika hobo.
\v 31 South laga rani bichar din te uthai kena etiya laga manu khan ke bichar koribo, kele tai duniya laga kona para Solomon raja laga gyan kotha hunibole ahisile aru sabi Solomon para be mahan ekjon yate ase.
\v 32 Nineveh laga manu khan uthai kena etiya laga manu khan ke bichar koribo, kele mane tai khan mon ghurai se Jonah prochar kora homoi te aru sabi, Jonah para be mahan ekjon yate ase.
\v 33 Kunubhi lamp tu jolai kena lukai narakhe kintu lamp stand uporte rakhe, kun manu bhitorte ahe puhor tu dekhi pai.
\v 34 Tumar chuku tu gau laga lamp ase. Jetiya tumar chuku bhal thake, tumar pura gau tu light para bhorta hoi. Kintu jetiya beya hoi jaise, tumar gau be pura andhera hoi jai.
\v 35 Heitu karone, bisi safdhan hoi jabi eitu para tumar jivan tu andhera nohobo.
\v 36 Jodi tumar gau tu ujala para bhorta hoi jai, aru kun jaga te bhi andhera nai, titiya eitu ujala para bhorta hoi jabo, jeneka tumi uporte puhor tu bhorta hoi thakibo."
\v 37 Jetiya teo koikena khotom hoise ekjon Pharisee para tai ke khabole matise. Jisu tai logote khabole bohise.
\v 38 Jetiya Pharisees dekhi kena asurit hoise, Jisu khana kha agote hath dula nai.
\v 39 Kintu Jisu hei kole, " Tumi Pharisees khan cup aru borton laga bahar tu safa kore, kintu tumi khan mon bhitorte biya aru lalchi para bhorta thake.
\v 40 Murkho manu! Jun hei tumi laga bahar tu bonai se, teo tumi laga bhitor bhi bonaise?
\v 41 Kintu tumi bhitor laga morom tu dikhai dibi, aru sabi, tumar pura jivan tu sapha hoi jabo.
\v 42 Kintu hai Pharisees khan, tumikhan kheti laga sobji aru bagan te thaka pata khan loikena dos bhag deya, kintu hosa Isor laga prem tu namane, eitu koribole dorkar ase, aru dusra bhal kam be nacharibo lage.
\v 43 Hai Pharisees khan, tumi khan Synagogues te sob se bhal jaga te bohi bole mon aru bozar te manu bhoi para salam diya tu khusi pai.
\v 44 Hai Pharisees aru kanun chola manukhan, tumi khan nedekha kobor nisina ase, eitu uporte manu khan najeni kene berai thake."
\v 45 Titiya ekjon kanun jana manu Jisu ke hudile aru koise, " Probhu, eitu koi kene ami khan ke sorom khilaise."
\v 46 Titiya teo koise, " Hai tumikhan, kanun shika manu, tumi khan manu ke bhari bukhibole diya juntu tai khan bukhi bole napare, kintu tumi khan anguli para eitu bhar tu bukhi bole mon nai.
\v 47 Hai, tumikhan, Prophet laga kobor tu bonaise hoile bhi tumi khan laga baba khan tai khan ke morise.
\v 48 Hosa koile, tumi khan laga baba khan para ki kori se eitu laga tumi khan witness ase, tai khan para morise aru tumi khan kobor bilak bonaise.
\v 49 Eitu korone Isor laga gyan para sob koi dise, moi Prophets aru prochar kora manu ke potha bo, aru tai khan ke dukh dibo aru kunba ke morai dibo?
\v 50 Eitu karone, duniya suru para jiman prophet laga khun ulai se, sob laga bichar etiya laga manukhan logote koribo.
\v 51 Abel laga khun para suru kori kena Zechariah, laga khun ulai tak, jun ke pobitro jaga te moraise. Hoi, Moi tumi khan ke koise, eitu sob hisab tu etiya laga manu khan para dibo lagibo.
\v 52 Hai kanun shikai diya manu, tumi khan gyan laga chabi tu loi kena rakhise; tumi khan be tai bhitorte najai aru kun manu jabole mon ase tai khan kebhi jabo nediye."
\v 53 Jetiya Jisu tate para ulai jaise, kanun jana manu aru Pharisees khan eitu sob kotha tu huni kena khong uthise aru teo logote jhagara korise,
\v 54 Tai khan rokhi thakise, Jisu kiba ekta golti kotha koile, teo ke phasa bo.
\c 12
\p
\v 1 Eneka homoi te, hazar-hazar manu ekelogote jama hoise, bisi manu huwa karone ekjon-ekjon uporte girise, teo, chelal khan ke pohila koise, "Pharisees khan laga chalaki para savdhan hobi, kele mane tai khan chalak ase
\v 2 Eku kotha lukai raki bole naparibo, kintu bhitorte thaka kotha tu sob ulai jabo.
\v 3 Eitu karne ki kotha andhar te koise, ujala te sob hunibo aru tumi ghor bhitorte ki kotha kan te koise eitu kotha ghor uporte awaz uthai kena kobo.
\v 4 Moi tumi khan ke koi ase sathi khan, bhoi nokoribhi jun manu tumi laga gau tho morai dibo, aru eitu pichete tai khan eku koribo naparibo.
\v 5 Kintu moi tumikhan ke koi dibo kun ke tumikhan bhoi koribole lage.Morai diya pichete, norok te phelabole jun laga takot ase, tai ke bhoi koribi.Hosa moi tumikhan ke koi ase Isor ke hei bhoi koribi.
\v 6 Aru pastha ghor te thaka chiriya dui poisa te bikri nokore niki? Hoilebi eitu khan ke be Isor napahore.
\v 7 Tumikhan matha laga chuli bhi ekta-ekta hisab ase.Bhoi nokoribi.Ghor te takha cheriya para bhi bisi dam laga ase.
\v 8 Moi aru bhi tumikhan ke kobo, jun manu moike manukhan usorte confess kore, manu laga bacha tai bhi sworgodoot usorte tai khan ke confess koribo,
\v 9 Kintu jun manu moike manukhan usorte moike namatibo, moi bhi sworgodoot usorte tai ke namatibo.
\v 10 Jun manu moi laga bodnam koribo tai maph pabo, kintu kun manu pobitro Aatma, namanibo tai maph napabo.
\v 11 Eitu karne jetiya tai khan tumi ke synagogues te loi jabo, aru kanun jana manu aru solawta khan tumi khan ke kotha hudibo, tetiya tumikhan ki kobo lage eitu karone chinta nokoribi,
\v 12 Tumi khan ki kobo lage Pobitro Aatma eitu homoi te sob sikhai dibo."
\v 13 Tetiya kunba ekjon manu majo para Jisu ke koise, "Probhu, moi laga bhai ke kobi tai laga dhan sampati bhag kori kena moi ke dibole."
\v 14 Kintu Jisu hei taike koile, "Bhai, tumikhan uporte bhag aru bichar koribole moi ke kun koise?
\v 15 Teo manukhan ke koise, "Lalchi aru beya echa para nizor ke bachai kena rakhibi, sob thakilebi manu laga jivan dhun sampati para nohoi."
\v 16 Jisu taikhan ke ekta kahani koise, " Ekjon dhoni manu laga mati ke bhal khati ulaise,
\v 17 Eitu manu mon te bhabi kena, koise, moi ki kori, kheti bisi hoise aru rakhibole jaga nai?
\v 18 Kintu tai koise, ' moi eneka koribo: dhan ghor tu bhangai kena dangor ghor bonabo aru tete moi laga dhan aru sob bhal saman rakhibo.
\v 19 Aru moi laga mon ke kobo, " Oh mon, bisi sal nimite kha luwa jama kori kena rakhise. Khana pina kuri kena, khusi, koribe."'
\v 20 Kintu Isor hei taike koise, " Okora manu, aji rati tumi laga Aatma uthai lobo, aru ki dhan sampati tumi jama kori kena rakhise, eitu jun laga hobo?'
\v 21 Jun manu nizor nimite dhun sampati jama kore, kintu Isor phane dhoni nahoi."
\v 22 Tetiya Jisu hei tailaga chela khan ke koise, " Eitu nimite mai tumi khan ke koi ase, nizor laga jivan nimite chinta nokoribe, ki khabo aru ki phindibo, nizor gau nimite chinta nokorib.
\v 23 Kele mane jibon tu khua luwa para bhi dangor ase, aru tumi laga kapur para bhi dangor tu tumi laga gau ase.
\v 24 Sabi akash te uri thaka chiriya khan ke, tai khan kheti bhi nakate. Aru tai khan laga dhan rakhibole jaga bhi nai, kintu Isor hei tai khan ke khabole diye.Tene hoile tumi khan chiriya para bhi dam laga ase.
\v 25 Kintu apuni khan bhitorte kun hei chinta kori kena jivan tu lamba koribole paribo?
\v 26 Aru jodi tumi khan eitu chutu kam tu bhi koribole napare, tene hoile dusra kam nimite kele chinta kori ase?
\v 27 Sabi keti te lili phul tu kenaka dangor hoi. Tai khan kheti be nakore aru jama be nakore.Hoilebi moi tumi ke koi ase, Solomon ekta dangor raja hoilebi lili phul nisina bhi hobo napare.
\v 28 Kintu kheti laga ghas khan aji ase kali tu phelai dibo, hoilibi Isor hei eitu khan sondur para bonai se, Oh biswas natakha manu khan, eitu khan para bhi tumi khanke sundur nobonabo niki!
\v 29 Aru tumikhann ki khana pina koribo eitu nimite chinta nokoribi, aru bhagor nahobi.
\v 30 Prithibi laga manu khan eitu khan pichete hei berai thake, kintu eitu tumi nimite dorkar ase, eitu Baba Isor hei sob jane.
\v 31 Pohila Isor laga raijo dharmic jivan bisaribi tetiya sob pai jabo.
\v 32 Komti manu, hoilebi bhoi nokoribi, karone Baba Isor para tumi khanke raijo dibole khusi ase.
\v 33 Tumi khan logote ke ase sob tu bekiri kori kena gorib khan ke de dibi. Jun jaga te chor nahai aru puka bhi nakhai, Sworgote tumi laga dhun sompoti jama kori eitu jaga te ketiya bhi naharabo.
\v 34 Kele koile jun jaja te tumi laga dhun sompoti thake, eitu jaga te mon tu hodai thake.
\v 35 Tumi laga komor tu bandhi lobi, aru lamp tu jolai rakhibi,
\v 36 Aru eneka manukhan nisina hobi jun malik ke shadi para wapas aha tu rukhi thake, aru jetiya tai ahi kena dorwaza tu mari, tai khan phot kori kena dorwaza tu khuli bole pare.
\v 37 Asirbad ase eitu sewak khan jun malik aha homoi te rukhi kena thake. Hosa para moi tumi khan ke koi ase, teo taikhan ke sala diboe aru tai khan logote bohikena eke logote khabo.
\v 38 Aru malik ji homoi te ahilebhi, tai khan sewak khan ke rukhi thake, dekile, eitu sewak tu asirbad ase.
\v 39 Kintu eitu jani lobi, jodi malik tu jani tai laga ghor te chor ketiya ahibole ase, titiya tai ketiya bhi ghor tu chor hobole nidibo.
\v 40 Tumi khan be tayar kori thakibi, kelemane manu laga Putro ki homoi te ahibo tumi kobo napare.
\v 41 Titiya Peter hei koiase, " Probhu, apuni eitu kahani moi khan ke koi ase na, sob ke bhi koi ase?
\v 42 Probhu hei koise, " tenehoile kun tai khan majote bisawsi sewak ase jun ke malik para appoint koribo tai laga dusra sewak khan ke sabole, tai khan laga kha luwa thik homoi te dibole?
\v 43 Asirbad ase eitu sewak jetiya tai laga malik ahi kena tai ke kam kora dikhe.
\v 44 Moi hosa koi ase tai eitu sewak ke tai laga sob dhun sompoti tu sabole didibo.
\v 45 Kintu jodi sewak tai laga mon te bhabe, ' Moi laga malik tu ahibole bisi homoi loi ase, ' aru sewak khan ke maribole suru hoi, kha luwa kori kena, nisa te giri thake,
\v 46 Aru titiya tai laga malik achanak para ahi jabo, jun tu homoi te tai bhavana kori thaka nai, titiya malik hei tai ke kati phelai dibo aru tai laga bodoli dusra bhal ke kam tu dibo.
\v 47 Aru jun siwak tai malik laga echa tu jane, kintu malik laga echa nisina eku korikena nathake, tetiya hoile tai ke mari kena bisi duk dibo.
\v 48 Kintu jun manu eku najane, hoilebi mar kha laga kam tu kori thakise tai khan olop hei mar khabo. Kintu jun manu ke bisi diya hoise, tai khan logote para bisi pabo lage, aru jun manu ke kam bisi diya hoise, tai logote para eitu sob kam laga hisab mangebo.
\v 49 Moi eitu duniyate jui phelabole ahise. Moi eitu hei echa ase eitu suru hoi jaise.
\v 50 Moi baptism laga baptized kori bole ase, aru moi chinta te ase jetiya tak eitu khotom nahoi!
\v 51 Tumi khan bhabise niki moi eitu prithibi te shanti dibole ahise? Nahoi, moi hosa koi ase, kintu sob alak-alak hoi jabo.
\v 52 Eitya para ghorte panch jon bhi alak-alak hoi jabo tinjon bhitorte te duijon aru duijon bhitorte tinjon dusman hoi jabo.
\v 53 Tai khan alak hoi jabo, Baba para bacha khan ke charibo, aru bacha khan bhi baba ke charibo; ama para chukuri ke charibo aru chukuri bhi ama laga dusman hobo, Sas para buwari ke charibo aru, buwari hei Sas ke charibo."
\v 54 Etiya Jisu manu khan ke koise, " Tumi khan jetiya pachim phale badal utha dikhe, ' Borukhun ahise, aru eitu ahijai.
\v 55 Aru jetiya dakchin laga hawa mare, tumikhan koi, ' Bisi gorom ahibo, ' aru eitu hoi jai.
\v 56 Oh mon beya manu khan! Akash prithibi te ki dikhe eitu kobole jane, kintu tumi khan kele kobole najane aha din te ki hobo.
\v 57 Aru tumi khan hosa tu ki ase eitu bichar nokore?
\v 58 Tumi dusman logote case koribole ja homoi te, rasta te case tu fasla koribole echa kore nohole tumike tani kena bicha ghor te loi jabo sapha para tumi ke daruga hat te di dibo, aru daruga para tumike jail te hali dibo.
\v 59 Moi tumi ke koi ase, tumi laga hisab kitab pura nokora tak tumi ula bole naparibo."
\c 13
\p
\v 1 Titiya kunba manu khan eitu homoi te thakise aru teo ke koise eitu khan Galileans ase jun ke Pilate para sacrifice kora homoi te tai khan laga khun bhi milai dise.
\v 2 Jisu tai khan ke koise, " tumi khan bhabi se niki eitu Galileans khan dusra Galileans para bisi pap ase niki kele mane tai khan eneka dukh paise?
\v 3 Nohoi, moi tumi khan ke hosa kobo jodi tumi khan mon noghurai, tumi khan bhi eneka hei khotom hoi jabo.
\v 4 Aru atharo jon manu Siloam tower tu giri kena morise, tumi khan bhabise niki tai khan bisi ase Jerusalem te thaka manu khan para bhi?
\v 5 Nohoi, moi tumi khan ke koi ase.Jodi tumi khan mon noghurai tai khan nesina khotom hoi jabo."
\v 6 Tetiya Jisu kahani koise, "Ekta manu tai laga bagan te ghas rupaisile, aru tai eitu ghas te phal bisarikena jaise, kintu eiku panai.
\v 7 Tetiya tai bagan sa manu ke koise, "Sabi, tin sal moi eitu ghas te phal bisari kena ahise, kintu eiku panai.Kati dibi.Eitu mati tu kele niuksan koribo?"
\v 8 Tetiya sewak para malik ke koise, 'Probhu, eitu sal nimite chari debi, moi aru ekbar bhal para eitu ghas tu mol dikene sabo.
\v 9 Jodi eitu ghas para thik homoi te phal deye, toh bhal ase, kintu jodi eitu para bhal phal nediyae tene hoile, apuni eitu ghas tu kati dibo!"
\v 10 Aru tetiya Jisu Sabbath din te synagogues te hikai thakise,
\v 11 Aru tate ekta maiki athora sal para komjor laga Aatma thakise tai laga komor tu tera thakise aru ekdam shida koribo napari kena thakise.
\v 12 Aru jetiya Jisu tai ke dekhise, teo tai ke usorte mati kena koise, "Maiki, tumi laga komjori para tumi mukti paise."
\v 13 Tetiya teo laga hath te tai uporte rakhise, aru eitu homoi te tai shida hoi jaise aru tai Isor ke dhunyabad dise.
\v 14 Kintu synagogue te thake solawta khan Jisu para moike ke Sabbath din te bhal kora nimite eitu dekhi kene bhal panai aru manukhan ke koise, "Choi din tak kam koribole dorkar ase.Eitu homoi te hei bhal hobole ahibi, kintu Sabbath din te nahibi."
\v 15 Kintu Probhu hei tai khan ke koise, "Mon letera manukhan! Tumi khan Sabbath din te tumi khan laga guru, saguli khan ke tai laga ghor para ulai kena pani khabole loi najai niki?
\v 16 Eitu maiki, Abraham laga suwali ase, jun ke saitan para atharo sal tak bandhi kena rakhise tene hoile tai ke Sabbath din te kuli nidibo lage niki?"
\v 17 Jetiya teo eitu kotha kori kena kotom hoise, jun Jisu ke husa kori thakise tai khan sorom lagi jaise, kintu sob manu khan khusi kori kena dhanyabad di thakise jintu kam teo kori kena dikhai dise.
\v 18 Tetiya Jisu hei koise, "Isor laga raijo tu kena ase, aru moi eitu ke ki logote tulona koribo?
\v 19 Eitu ekta sorso guti nisina ase jeneka ekta manu hei loi kena tai laga kheti te phelaise, aru eitu dangor hoikena ghas hoi jaise, aru tate chiriya khan bhi ahikena ghor bonai thakise."
\v 20 Aru teo koise, "Isor laga raijo tu ki te tulona koribo?
\v 21 Ekta ama para tin tukuri chawal guri majote khomir dhali dise, jetiya tak eitu phuli janai, "
\v 22 Aru Jisu town bosti te jai kena hikai thakise aru Jerusalem te jabo nimite tyar kori thakise.
\v 23 Etiya ekjon para teo ke koise, Probhu, jun Aatma paise tai khan olop jon hei ase niki?" Tetiya teo taikhan ke koise,
\v 24 "Eitu chutu-chutu rasta te jabole nimite dukh pabo, kelemane moi tumi khan ke koi ase, bisi manu eitu te gusi bole kosis koribo, kintu jabole naparibo.
\v 25 Jetiya ghor laga malik para darwaza tu bon koridibo, tetiya tumi dorza tu mari kena kobo, Probhu, moi khan nimite khulubhi, kintu tai tumi khan ke kobo, 'Moi tumi khan ke najane, tumi khan kot para ase.'
\v 26 Tetiya tumi hei kobo, 'Moi khan apuni logote bohi kena eke logote khai sile, aru moi khan laga jaga te ahikena shikai dise.'
\v 27 Tetiya teo kobo, 'Moi tumi khan ke koi ase, moi tumi khan kot para ahise najane.Moi usor para dur hoi jabi sob beya kam kora khan!'
\v 28 Eitu jaga te, kandi thakibo, aru dat chubabo aru jetiya Abraham, Isaac aru Jacob aru sob prophet khan ke Isor laga sorgo raijo te dekhibo, kintu tumi khan ke phelai dibo
\v 29 Tai khan east, west, north aru south para ahikena Isor laga raijo te bohibo
\v 30 Aru sabi, kun manu pichete thakise tai khan aghe te ase tai pichete hoi jabo."
\v 31 Eitu homoi te, kisuman Pharises khan teo usorte ahi koise, "Ami khan ke charibhi aru yate para jai jabi, kele mane Herod tumi ke morai dibole bisarise."
\v 32 Jisu hei tai khan ke koise, "Jai kena siyal ke kobi, 'Sabi, moi bhut khan ke khedai dise aru bemar khan ke aji aru kali bhal korise, aru tin din pichete moi laga jaga te ponchi jabo, '
\v 33 Jeneka hoile bhi moi kori thaki bole aji, kali bhi aru aha din te bhi, kele Jerusalem te prophet khan harai ja tu bhal nai.
\v 34 Oh Jerusalem, Jerusalem, kun hei prophet khan ke morai diya aru tumi khan usorte ahile pathor para mari kena pothai diye.Moi kiman echa korise tumi khan laga bacha khan ke eke logote rakhibole nimite jeneka ekta murgi tai laga bacha khan ke pakhi nichete rakhe. Kintu tumi khan eitu echa nokore
\v 35 Sabi, tumi khan laga ghor tu khali hoi jaise.Kele moi kobo, tumi khan moi ke aru nedikhibo eitu homoi naha tak, jetiya tumi khan kobo, 'Asirbad pabo jun Probhu laga nam te ahise, "
\c 14
\p
\v 1 Etiya eneka hoise, Jisu ekta Pharisees laga ghorte Sabbath din te khana kabole nimite jaise, aru tai khan teo ke bhal para sai thakise.
\v 2 Aru tate ekta manu thakise jun gau phula bimar para duk pai thakise
\v 3 Tetiya Jisu Pharisees aru kanun jana manu khan ke hudi kena koise, "Sabbath din te changai koribole pare na nai?"
\v 4 Kintu tai khan eku kuwa nai tetiya Jisu taike dhorise aru changai kori dise, aru taike pothai dise.
\v 5 Tetiya teo tai khan ke koise, "Tumi khan majote kunba, tai laga bacha nahole bhi tai laga janwar Sabbath din te pani te girile jai le poth kori kene uthai nolobo niki?"
\v 6 Tai khan eitu kotha te eku jawab dibo paranai.
\v 7 Tetiya teo taikhan ke kahani koi thakise jun ke ghor te khabole matisile, tai khan keneka kori kena bhal jaga te bohibole pabo, eitu Jisu hei dekhe kena koise,
\v 8 Jetiya tumikhan ke shadi khabole mate, tumi khan bhal jaga te nobohai, kintu tumi khan para bhi kunba bhal manu ke mati kena tate bohi bole nimite eitu jaga tu rakhi dise,
\v 9 Aru jetiya tumi aru dusra manu mati kena thaka tu bhi ahijai, tai tumi ke kobo, tumi laga jaga tu tai ke dibi, ' tetiya sorom para tai ke eitu jaga tu dikena tumi chotu jaga te hei bohi jai.
\v 10 Jetiya, tumi ke mate, jabi aru sob se chotu jaga te hei bohibi, jetiya jun para tumike matise tai ahibo, tai tumike kobo, 'Sathi, uporte ahibi.'Tetiya toi laga sanman tu dusra manu bohi thaka usorte bisi hoi jabo.
\v 11 Jun manu nizor ke dangor kori bole bisare tai chutu hoi jabo, aru jun manu tai nizor ke chutu kore tai ke uthai dibo
\v 12 Tetiya tai eitu manu ke kobo jun hei tai ke matise, "Jetiya tumi kha lauwa koribo, tumi laga bhal, sathi, ghor manu khan aru dhoni manu ke namatibi, nohoile tai khan bhi tumi ke matibo, aru tumi ki tai khan nimite korise eitu hei pabo.
\v 13 Kintu jetiya tumi kha luwa kore, garib, berabole napara, andha auru bimar manu ke matibo,
\v 14 Tumi khan asirbat pabo,kelemane tai khan tumi ke ghurai kena eku dibole naparibo.Kintu tumi khan ke Jisu Krista wapas lobole aha homoi te bisasi khan logote sob kam laga enam dibo.''
\v 15 Jetiya jun table te bohi thakise eitu khan hunise, tai Jisu ke koise, "Asirbad ase jun Isor laga raijo te roti khabo!"
\v 16 Kintu Jisu hei taike koise, "Ekta manu dangor kha lauwa bonai kena manu khan ke matise.
\v 17 Aru jetiya khabole homoi ahise, tai laga sewak khan ke pothai kena jun manu khan ke matise tai khan ke koise, 'Ahibi sob tu tayar hoi jaise.'
\v 18 Kintu tai khan sob nizor bahana koribole suru hoise.Pohila ekjon para koise, 'Moi ekta kheti kinese, aru moi tate jai kena sabo lagibo.Morom para beya napabi.'
\v 19 Aru ekjon para koise, moi pasta guru kinise, moi taikhan ke kheti te loi jaikena ekbar sabo.Morom para beya napabi.'
\v 20 Aru dusra ekjon para koise, 'Moi shati korise, aru eitu nimite moi ahibole naparibo.'
\v 21 Tetiya sewak khan hei sob kotha tu tai laga malik ke ahikena koise.Ghor laga malik khong uthi kena, sewak khan ke koise, 'Bahar te joldi jabi aru bosti rasta para gorib manu, berabole napara, chuku andha aru bimar manu ke loi anibi.'
\v 22 Tetiya sewak khan para koise, 'Probhu apuni ki koise eneka kori dise, aru bhi bisi jaga bachi kena ase.'
\v 23 Tetiya malik hei tai laga sewak khan ke koise, 'Bahar te jabi aru rasta kinar aru jun jaga para hoile tai khan ke mati kena loi anibi, moi laga ghor tu bhorta hobo lage.
\v 24 Moi tumi khan ke koi ase, jun manu khan ke moi pohila mati sile tai khan moi ki kha luwa bonaise eitu khabo le napabo.'"
\v 25 Etiya bisi manukhan Jisu laga bichete jai thakise, teo ghuri kena tai khan ke koise,
\v 26 Jun manu moi logote ahibole echa ase kintu tai nizor laga baba, ama, maiki, bacha, bhai, bhoini aru nizor jivan tu ghin nokore, tai moi laga chela hobole naparibo.
\v 27 Jun manu tai nijor laga crus uthai kena moi pichete nahai tai moi laga chela hobole naparibo.
\v 28 Jun manu ekta ghor bonabole echa kore, tai pohila bohi kena keman poise ase eitu konti nokore- tai logote poise thik ase na nai eitu ghor tu bonai kena khotom koribole?
\v 29 Jetiya, tai ghor laga foundation tu uthai dibo, aru ghor tu khotom koribole naparile, sob manu sai kena tai ke hasi dibo,
\v 30 Aru kobo, eitu manu ghor tu bonai kena suri korise kintu khotom koribole paranai.'
\v 31 Aru ekta raja, dusra raja logote larai kori bole ase, tai pohile bohi kena nasabo niki, tai laga dus hazar manu para dusra raja laga bis hazar logote larai koribo paribona nai?
\v 32 Kintu, tai dur te thak homoi te, ekjon manu ke shanti para kotha kori kena larai tu rukhai dibo.
\v 33 Eitu nisina, jun manu tai laga sob dhun sampati chari kena nahile moi laga chela hobole naparibo
\v 34 Eitu nimite nimak tu bhal ase, kintu nimak tu tai laga swat tu harai dile ki nimite lab hobo?
\v 35 Eitu mati nimite bhi kam nai aru kheti te mole kori bole bhi kam nahibo.Tai khan eitu phelai dibo.Jun manu logote hunibole kan ase, tai huni lobi."
\c 15
\p
\v 1 Aru eitu homoi te sob poisa utha aru papi manu khan Jisu laga kotha hunibole nimite ahise.
\v 2 Kintu Pharisees aru kanun jana manu khan ekjon-ekjon logote, koi thaki, "Eitu manu papi khan ke mate aru, tai khan logote bohi kena khai."
\v 3 Tetiya Jisu hei eitu kahani koi kena, koise,
\v 4 "Yate kun ase, jun logote ekso saguli ase kintu ekta harai jaise, tai eitu ninty-nine ke jongol te chari kena jun tu harai kena ase eitu ke bisari bole najabo niki?
\v 5 Aru jetiya tai eitu saguli tu pai jai, tai laga pithi te uthai kena khusi para loi ane.
\v 6 Jetiya tai ghor te ahijai, tai sob ke mate, tai laga sathi aru usorte thaka manu khan ke, tai khan ke koi, 'Khusi koribi moi logote, moi laga harai kena thaka saguli pai jaise.'
\v 7 Moi tumi khan ke koi ase, sorgote bhi eneka khusi koribo jetiya ekta papi manu mon ghurai kena ahibo, eitu ninty-nine para bhi bisi jun manu mon ghurabole mon nai.
\v 8 Aru kun maiki, jun logote dosta chandi laga poisa ase, jodi tai eitu harai deye, tai lamp tu jolai kena aru ghor tu jharu mari sob sapha kuri kena jetiya tak napai nibisaribo niki?
\v 9 Aru jetiya tai eitu poisa tu pai loi tai laga sathi aru ghor usorte thaka manu khan ke mati kena, koi 'Moi logote khusi koribi, kele mane moi laga harai juwa poisa tu moi paise.'
\v 10 Eitu nisina, moi tumi khan ke koi ase, aru Isor laga sworgodoot majote bhi khusi hoi jetiya ekta papi manu mon ghurai kena ahe."
\v 11 Tetiya Jisu hei koise, "Ekta manu laga duita chokora thakise,
\v 12 Aru chutu chokora para baba ke koise, 'Baba, moi laga dhun sampati te ki bhag ase eitu moike dibi.'Tetiya tai laga baba para dui bhag kori kene dui jon ke di dise.
\v 13 Aru bisi din nohoi kena, chutu chokra tai laga ki ase eitu sob jama kori kena dur jaga te jai jaise, aru tate tai laga sob dhun sampati cholai kena khotom kori dise.
\v 14 Jetiya tai logote ki thakise eitu sob khotom hoi jaise, aru eitu pura desh te dangor akal ahijaise, aru tai bisi dukh pai thakise
\v 15 Tetiya tai kam bisari kena ekta manu laga ghor te jaise, aru eitu manu para taike kheti te gahori ke dana khila bo nimite pothai dise.
\v 16 Tai ke bisi bhuk lagi thakise aru tai gahori dana hoile bhi khabo bhabi kena jaise, kintu tai khabole eiku panai.
\v 17 Jetiya tai nizor laga halat dekhise, tai koise, 'Moi laga baba ghorte kiman ta sewak thaki ase tai khan bhi pet bhorta kori kena khabole pai thakibo, kintu moi yate, bhuka para muri bole ase!
\v 18 Moi uthi kena moi laga baba ghor te jabo, aru tai ke kobo, "Baba, moi sorgo aru apuni agete pap korise.
\v 19 Moi apuni laga chokora kobole laik nai; moike bhi apuni laga ekta sewak nisina hei bonai kena rakhibi."
\v 20 Tetiya tai uthi kena baba laga ghor te jaise. Jetiya tai dur te hei thakise, tai laga baba para dekhise aru morom para bhorta hoi jaise, tai, aru tai polai jai kena tai ke dhuri chuma dise.
\v 21 Tetiya chokora para koise, 'Baba, moi sorgo aru apuni usorte pap korise.Moi apuni laga chokora kobole laik nai.'
\v 22 Kintu baba para tailaga sewak khan ke koise, 'Sob se bhal kapura joldi anibi, aru tai ke lagai dibi, aru tai laga anguli te anguti lagai dibi, aru nutun chapal bhi lagai dibi.
\v 23 Aru sob se bhal guri tu ani kena maribi, aru moi khan sob kha luwa kori kena khusi koribi!
\v 24 Kelemane moi laga chokora tu mori jaisile, kintu eitya zinda hoise; tai harai jaise, kintu etiya pai loise!Tetiya tai khan sob khusi korise.
\v 25 Eitu homoi te tai laga dangor chokora kheti te thakise.Jetiya tai ghor usorte ponchise, tai manukhan gana kori kena nachi thaka hunise.
\v 26 Tetiya tai ekta sewak ke mati kena ki hoi ase eitu hudise.
\v 27 Tetiya sewak para koise, 'Tumi laga bhai wapas ahise aru tumi laga baba para sob se bhal guru katise.Kelemane baba para tumi laga bhai ke bhal kori kena wapas pai loise
\v 28 Kintu dangor chokora tu khong uthise aru bhitorte jabole mon kora nai, eitu karone tai laga baba bahar te ulai kena tai ke ahibole nimite matise.
\v 29 Kintu dangor chokora para tai laga baba ke koise, 'Sabi, eman sal moi apuni nimite kam korise, aru ketiyabi kanun bhanganai, hoilebi apuni moike ekta chutu sagole bhi deyanai moi laga sathi khan logote jai kena khusi koribole,
\v 30 Kintu jetiya apuni laga eitu chokora ahise, jun hai apuni laga dhun sampati sob tu beya kam kori kena phelai dise, tai nimite apuni sob se bhal guru tu katise.'
\v 31 Tetiya baba hei taike koise, ' Bacha tumi hodai moi logote ase, aru eitu sob tu tumi laga hei ase.
\v 32 Kintu eitu kha luwa kori kena khusi koribole nimite dorkar thakise, kelemane tumi laga eitu bhai mori jaisile; kintu etiya zinda hoise; tai harai jaisile, hoilebi etiya tai ke pai loise.'"
\c 16
\p
\v 1 Tetiya Jisu hai chela khan ke koise, "Ekta dhoni manu thakise aru tai laga ekta sewak bhi thakise, kintu tai poisa korcha kori ase koikena kunba para malik ke koi dise.
\v 2 Tetiya dhoni manu tai ke mati kena hudise, 'Eneka kotha khan tumi laga moi kele huni ase? Tumi ki kam korise eitu sob hisab kitab moike dibi, kelemane tumi aru moi nimite kam koribole naparibo.'
\v 3 Tetiya eitu sewak para tai nizor ke koise, 'Moi etiya ki koribo, moi laga malik para kam tu moi para loi lobole ase? Moi eman takot nai khundibole nimite aru moi sorom lage bhik mangibole nimite
\v 4 Moi ki koribole lage moi jane, jetiya moike kam para ulai dibo, manukhan taikhan laga ghorte moike matibo.'
\v 5 Tetiya sewak para jiman manu malik para dhar loi kena thakise sob ke tai matise, aru poila ekjon ke hudise, 'Tumi malik ke kiman dibole ase?
\v 6 Tai koise, 'Moi ekso bottle olive tail dibole ase.'Tetiya tai ke koise, 'Tumi laga bill lobi aru joldi bohi kena, likhibi pachas.'
\v 7 Aru dusra ke hudise, 'Aru tumi keman dibole ase?' Tai koise, ekso bag chawal.'Taike koise, 'Eitu bill lobi, aru joldi para likhibi eighty.'
\v 8 Tetiya malik para eitu beya sewak jun chalaki para kam kora nimite tai ke bhal paise, aru tai ke koise, kintu joti laga bacha khan ahji laga bacha khan para bhi gyan thaka ase.
\v 9 Moi tumi khan ke koi ase, pap laga dhan sampati para sathi bonai, aru jetiya etu kothom hoi jai, duk pa jaga te loi jai.
\v 10 Jun manu olop te bhi bisas hoi kena thake tai bisi te bhi eneka hai thake, aru jun manu olop te bhi thoka baji kore tai bisi te bhi eneka hei kore.
\v 11 Jodi tumi khan eitu sapha nathaka dhan tu bhal para cholai kena rakhipo napare, tene hoile eitu hosa dhan tu tumi khan ke kun para dibo?
\v 12 Aru tumi khan dusra manu laga dhan tu bhal kori kena nocholai le, tetiya tumi nizor laga dhan tu kena cholabo?
\v 13 Ekta sewak para duita malik laga kam koribo naparibo, eneka korile tai ekjon ke ghin koribole lagibo aru ekjon ke morom koribole lagibo, aru nohoile ekjon ke chari kena dusra hei jai jabo.Tumi khan Isor aru dhan sampati eke logote sewa koribole naparibo.
\v 14 Aru tate thaka Pharisees, jun poisa ke morom kore, eitu kotha khan jetiya hunise, taikhan Jisu uporte beya paise.
\v 15 Tetiya Jisu hai tai khan ke koise, "Tumi khan manu usorte nizor ke bhal dikhai, kintu Isor tumikhan laga mon tu jane.Jun manu usorte dangor hobole bisare tai Isor usorte komjor hoi jai.
\v 16 Prophet laga nyom khan John laga homoi tak hai thakise.Eitu homoi para Isor laga raijo laga kotha tu prochar hoise, aru sob manu eitu jani bo nimite joborjost jaise.
\v 17 Sworgo aru prithibi harabo nimite asan ase kintu ki kanun te shikai ase eitu harai najabo.
\v 18 Kun manu tai laga shadi kori kena thaka maiki ke chari diya aru dusra maike ke shadi kore tai pap kam kori ase, aru jun manu mota para chari diya maiki logote shadi kore tai bhi pap kam kori ase.
\v 19 Etiya ekta dhoni manu thakise, tai dami aru bhal kapur lagai kena asile, hodai din khusi aru moza para thake.
\v 20 Kintu ekta gorib manu Lazarus koi kena thakise aru tai laga gau tho beya ghaw para bhorta kori kena dhoni manu laga gate usorte bohi thake,
\v 21 Aru eitu dhoni manu laga plate para ki giribo eitu khabole nimite rokhi thake.Kintu kuta khan bhi ahi kena tai laga ghaw tu, chati thake.
\v 22 Etiya eitu gorib manu tu mori jaise, aru tai ke sworgodoot para Abraham laga usorte loi jaise.Aru eitu dhoni manu bhi mori jaise aru tai ke kobor te di dise,
\v 23 Aru ketiya bhi khotom nohuwa jaga para tai laga chuku tu uthai kena Abraham ke dekhise aru tai laga usorte Lazarus ke bohi thaka dekhise.
\v 24 Tetiya eitu dhoni manu kandi kena koise, 'Baba Abraham, moi uporte morom koribi aru Lazarus ke pothai dibi, yate tai laga anguli para hoilebi moi ke pani di kena jiba tu thanda kori dibo, kelemane moi eitu jui te juli kena duk pai ase.
\v 25 Kintu Abraham para koise, 'Bacha yad koribi tumi laga jivante sob bhal saman hai paise, aru Lazarus tu sob beya hai paise.Kintu etiya tai yate aram para ase, aru tumi dukh te ase.
\v 26 Eitu sob tu sai kena, tumi aru moikhan majote ekta dangor rasta bon korikena ase, jun manu yate para tumi logote jabo naparibo aru tai khan bhi tate para yate ahibo naparibo.'
\v 27 Tetiya dhoni manu hai koise, 'Moi apunike anurot kori ase, baba, apuni kunba ke moi laga baba ghor te pothai dibi.
\v 28 Moi laga panshta bhai ase, tai khan ke warning dibole, kelemane tai khan bhi eitu duk khotom noha jaga te nahibo.'
\v 29 Kintu Abraham koise, 'Tai khan logote Moses aru dusra prophet khan bhi ase, ' tai khan laga kotha hunbo dibi.'
\v 30 Kintu dhoni manu para koise, 'Nohoi baba Abraham, kintu kunba manu mora para uthai kena jaile, tai khan mon ghurabo.'
\v 31 Kintu Abraham taike koise, 'Jodi tai khan Moses aru prophet khan laga kotha namane, tene hoile, mora manu uthi jai lebhi tai khan mon nughurabo."
\c 17
\p
\v 1 Jetiya Jisu hai chela khan ke koise, "Dukh ketiya bhi nahibo eneka kun bhi kobo napara, kintu jun manu eitu dukh tu loi kena ahe tai tu sazai pabo!
\v 2 Eneka manu dusra ke dukh diya para nizor gola te pathor bandhi kena pani nichete phelai dile hai bhal hobo.
\v 3 Nizor ke bhal korikena sai lobi.Jodi apuni laga bhai pap kuri ase, tene hoile tai ke rukhai dibi; aru jodi tai mon ghurai, maph kori dibi.
\v 4 Jodi bhi tai tumi logote sath bar pap kam kore ek din te, aru sath bar wapas ahi kena tumi ke, maph, mange, 'Tumi tai ke maph kori dibi!"
\v 5 Apostles khan Probhu ke koise, "Moi khan laga biswas tu uthai dibi."
\v 6 Tetiya Probhu hai koise, "Tumi khan laga biswas ekta sorso guti nisina thakilebhi, tumi khan eitu mulbery ghas ke kobo, 'Niche gar para ulai jabo, aru jai kena samundar te ulabi, 'aru eitu tumi laga kotha manibo.
\v 7 Aru yate kun manu hai tai laga sewak kheti te kam kori thaka homoi te nohoile bhi saguli rukha homoi te tai ke kobo, kheti para ahibi, 'Joldi ahikena kha luwa koribi'?
\v 8 Kintu, tai eitu manu ke eneka nokobo niki, 'Moi kiba khobole nimite tayar koribi, aru tumi laga kapur tu bandi lobi jetiya moi kha luwa kore, aru eitu pichete tumi kha luwa koribi'?
\v 9 Toi laga sewak ke ki hu hukum dise eitu kori diya nimite malik para dhunyabad, dise niki?
\v 10 Eitu nisina tumikhan bhi, jetiya tumi khan ke hukum dise eitu kori loise, tumi khan eneka kobo lage, "Moi khan liak nathaka sewak ase.Moi khan ke ki koise eitu hai korise.'"
\v 11 Aru eitu homoi te jetiya Jisu Jerusalem te jaise, teo Samaria aru Galilee phane para jai thakise.
\v 12 Jetiya tai ekta bosti te ponchise, dosta bimar manu lok paise.Tai khan dur te khara kori thakise.
\v 13 Aru tai khan awaz uthai kena, koise, "Jisu, Probhu, moi khan uporte morom koribi."
\v 14 Jetiya teo taikhan ke dekhise, Jisu tai khan ke koise," Jabi aru nizor ke solowta khan ke dikhabi."Aru jetiya tai khan jai jaise, tai khan sapha hoi jaise.
\v 15 Tetiya ekjon tai khan majote para, bhal hoise eitu dekhise, ghuri kena saise aru chor awaz para Isor ke mahima korise.
\v 16 Tai Jisu laga paw nichete giri jaise, aru teo ke dhanyabad dise.Teo ekta Samaritan manu thakise.
\v 17 Tetiya Jisu hai taike koise, "Dos jun manu bhal huwanai niki? Nojun tu kot ase?
\v 18 Tai khan majote aru Isor ke dhunyabad dibole kun bhi wapas aha nai niki, khali eitu manu jun alak desh para ase?"
\v 19 Jetiya Jisu hai taike koise, "Uthibi aru jabi.Tumi laga biswas para tumike bhal korise."
\v 20 Jetiya Pharisees khan para hudise Isor laga raijo tu ketiya ahibo, teo taikhan ke koise, "Isor laga raijo tu koi kena nahai.
\v 21 Aru eneka nokobo, 'Sabi, yate ase!' nohoile, 'tate ase!' Kintu sabi, Isor laga raijo tu tumikhan majote ase."
\v 22 Tetiya teo tai laga chela khan ke koise, "Eneka din ahibo, jetiya tumikhan manu laga bacha, ke sabole echa koribe, kintu tumi khan dekhi napabo
\v 23 Tetiya tai khan para tumike kobo, 'Sabi tate!' Tumi tai khan laga pichete nopolabi,
\v 24 Jetiya akash te light mara homoi te ekta jaga para dusra jaga te ujala dekhe eitu nisina manu laga bacha bhi eneka hobo.
\v 25 Kintu pohila tai bisi dukh pabo lagibo etiya laga manu khan hath para.
\v 26 Jeneka Noah laga homoi te hoisile, eneka din manu laga bacha thaka homoi te bhi hobo.
\v 27 Tai khan kha luwa kori thakise, shadi kori thakise, aru jivan tu duniya laga khusi para moza kori thakise, juntu din te Noah dangor naw bhitorte gusi jaise, dangor hawa pani ahi kena manu ke khotom kori dise
\v 28 Aru, eneka din Lot laga homoi te bhi hoise-tai khan khai thakise, moza kori thakise, ekjon ekjon logote luwa diya kori thakise, kunba ghor bonai thakise aru kunba kheti kori thakise:
\v 29 Kintu jetiya Lot Sodom para ulai ahise, akash para jui ahi kena sob manu ke khotom kori dise.
\v 30 Aru eneka hai din ahibo jetiya manu laga bacha tu sob manu khan usorte dekhai dibo.
\v 31 Aru eitu din te, jun manu ghor uporte ase aru tai laga saman khan ghor te ase, tai ke eitu saman lobole nimite nichete jabo nidibi; aru jun manu kheti te kam kori ase, eitu ke ghuri kena pichete sabole nidibi.
\v 32 Lot laga maiki ke yad ase na nai
\v 33 Jun manu tai laga jivan bacha bole bisare tai harai dibo, kintu jun manu nizor jivan tu Isor nimite harai dibi tai wapas pai lobo.
\v 34 Moi tumi khan ke koi ase, eitu rati te duijon ghumai thakibo.Ekjon ke uthai lobo, aru ekjon tu chari jai jabo."
\v 35 Aru eitu nisina duita maiki ek logote kori thakibo. Ekjon ke uthai loi jabo aru ekjon thaki jabo."
\v 36 Duijon manu kheti te kam thakibo, ekjon ke loi jabo aru ekjon chari jabo
\v 37 Tetiya taikhan para Jisu ke koise, "Kote Probhu?"Tetiya teo taikhan ke koise, "Jun jaga manu laga gau thake, tate chiriya khan bhi jama kori kena thake."
\c 18
\p
\v 1 Tetiya teo taikhan ke kahani koise keneka tai khan prathna koribo lage aru ketiya bhi mon chutu nokoribo lage.
\v 2 Aru koise, "Ekta city te ekjon kanun chola manu thakise aru tai Isor ke bhoi nokore aru manu khan ke bhi hisab nokore.
\v 3 Aru eitu city te ekta mota mori juwa maiki thakise, aru tai, eitu manu usorte hodai ahi thake, aru koi, 'Moi laga dusman khan para moike niyai dibi.'
\v 4 Bisi din para tai eitu maiki laga kam koridibo mon thaka nai, kintu eitu maiki bisi kuwa nimite tai nizor ke koise, 'Moi jodi bhi Isor ke bhoi nokore aru manu ke hisab nokore,
\v 5 Kintu eitu maiki moi ke hodai dikdar diya nimite, moi tai nimite niyai kori dibo, eneka kori dile tai ari hodai ahi kena moi ke dikdar nokoribo."'
\v 6 Tetiya Probhu koise, "Hunibi eitu kanun chola manu para ki koise.
\v 7 Etiya Isor hai jun ke bachai loise tai ke sajai nidibo niki?Jun tai usorte din aru rati khandi thaki? Tai khan laga kotha hunibo nimite deri rukhi thakibo niki?
\v 8 Moi tumi khan ke koi ase, tai joldi para niyai tu ani dibo nisina.Jetiya manu laga putro ahibo, teo eitu duniya te bisas tu pabo?"
\v 9 Aru teo etu khane bhi koise jun tai khan nizor ke bhal manu ase koi thakise aru dusra ke ghin kori thakise.
\v 10 "Duita manu pratna koribole nimite jaise-ekjon Pharisee, aru ekjon poisa utha manu
\v 11 Aru eitu Pharisee khara kori kena tai nizor logote eneka prathna kori thakise, 'Isor, moi apunike dhanyabad di ase moi dusra manu khan nisina nohoi-chor, beya manu, pap kam kori kena thaka manu aru poisa utha manu khan nisina bhi nahoi.
\v 12 Moi hapta te duibar fasting loi.Moi ki pai eitu laga dos bhag bhi deye.'
\v 13 Kintu poisa utha manu, dur te khara kori kena, tai nizor mata bhi sorgo phane sanai, kintu tai laga chati tu mari kena, koise, 'Isor, moi uporte morom koribi, moi ekta papi manu.'
\v 14 Moi tumi khan ke koi ase, eitu Pharisee para jun poisa utha manu thakise tai ke Isor usorte mahima pai kena nizor ghor te jaise.Kelemane jun manu tai nizor ke ucha uthabole bisare tai chutu hoi jabo, kintu jun manu nizor ke chutu kore tai ke uthai dibo."
\v 15 Etiya manu khan teo usorte bacha khan ke loi kena anise aru teo tai khan ke chui dibo.Kintu jetiya chela khan para eitu dekhise tai khan ke ahibo diya nai
\v 16 Kintu Jisu tai khan ke matise aru koise, "Chutu bacha khan ke moi usorte ahibo dibi, aru tai khan ke nurukhabi.Kelemane Isor laga raijo tu bacha khan nisina ase.
\v 17 Moi hosa tumi khan ke koi ase, ji bilak bacha nisina hoi kena Isor raijo nibisare tai khan ketiyabhi tate jabo naparibo."
\v 18 Etiya ekta cholawta manu teo ke hudise, "Bhal teacher, moi sorgote jabole ki koribo lagibo?"
\v 19 Tetiya Jisu hai taike koise, "Moi ke kele bhal koi ase? Kun bhi bhal nai khali Jehova Isor hai bhal ase.
\v 20 Isor laga kanun tumi khan jane baibichar nokoribo, manu ke nomorabi, chor nokoribi, manu laga misa kotha nokobi, baba, ama ke morom koribi."
\v 21 Kintu cholawta manu hai koise, "Moi juwan para eitu sob mani kena ahise."
\v 22 Jetiya Jisu tai kuwa kotha hunise, teo tai ke koise, "Ekta kotha etiya bhi tumi mana nai: Tumi laga ki ase eitu sob bikiri koridibi aru gori khan ke bhag kori dibi, tetiya tumi laga dhan sampati sorgote thakibo-aru moi laga pichete ahibi."
\v 23 Jetiya cholawta manu Jisu laga kotha hunise, tai bisi mon dukh paise kele tai ekjon dhoni manu thakise.
\v 24 Tetiya Jisu tai ke, sai kena koise, "Dhoni manu sorgote jabole kiman dikdar ase!
\v 25 Biji laga chenda para camel jabole asani ase, hoile bhi dhoni manu Isor laga raijo te jabole nimite asani nohoi
\v 26 Ji bilak eitu kotha hunise tai khan koise, "Tene hoile kun hai roikha pabo?"
\v 27 Kintu Jisu hai koise, "Juntu kam manu naparibo kintu Isor hai paribo."
\v 28 Tetiya Peter hai koise, "Sabi ami khan sob chari kena apuni laga pichete ahise."
\v 29 Jisu hai tai khan ke koise, "Hosa para moi tumi khan ke koi ase jun manu tai laga ghor, maiki, bhai, ama, baba, bacha ke Isor laga raijo nimite charise,
\v 30 Eitu duniyate bisi napabo aru sorgo raijo najabo eneka kun ase
\v 31 Barojun ke alak kori kena teo tai khan ke koise, "Sabi, ami khan Jerusalem te jabo, aru prophets khan para manu laga bacha khan nimite ki likhise eitu hobole nimite.
\v 32 Karone tai ke dusra jati hath te di dibo, aru teo ke bodnam kori, aru bisi sorom khilabo, aru tai uporte thuk phelabo.
\v 33 Aru teo ke chabuk para maribo, aru morai dibo, aru tin din te teo zinda hoi jabo."
\v 34 Kintu chela khan eitu eku buji panai, aru eitu kotha tu tai khan para lukai rakhise, aru ki kotha koise eitu bujibo paranai.
\v 35 Etiya eneka hoise, jetiya Jisu Jericho te ahise, ekta andha manu rasta kinar te bohi kena bhig mangi thakise
\v 36 Tai manu khan hala kori kena jai thaka tu hunise, tai hudise eitu ki hoi ase.
\v 37 Tai khan andha manu ke koise, "Nazareth laga Jisu eitu rasta para jai ase."
\v 38 Tetiya tai kandi kena koise, "Jisu, David laga chokara, moi uporte morom koribi."
\v 39 Jun manu tai agate jai thakise khong para koise, tai chup thakibole.Kintu tai bisi hala kuri thakise, "David laga chokara, moi uporte morom koribi."
\v 40 Tetiya Jisu khara kori kena eitu manu ke usorte anibole koise.Aru jetiya tai usorte ahise, Jisu tai ke hudise,
\v 41 "Moi tumi nimite ki koribole tumi echa ase? "Tai koise, "Probhu, moi chuku para sabole echa ase."
\v 42 Tetiya Jisu hai tai ke koise, "Tumi chuku khulibi.Tumi laga biswas para tumi bhal hoise."
\v 43 Eitu homoi te tai sabo parise aru Jisu pichete jaise, Isor ke mahima dikena, sob manu khan jetiya eitu dekhise, tai khan Isor ke dhanyabad dise.
\c 19
\v 1 Aru tetiya Jisu ahise aru Jericho phane jaise.
\v 2 Etiya ekta manu Zacchaeus koi kena thakise, aru tai poisa utha manu khan majote sob se dangor aru dhoni manu thakise.
\v 3 Tai Jisu ke sabole echa korise, teo kun ase koi kena, kintu manu bisi huwa para sabo para nai, aru tai ekta khata manu thakise.
\v 4 Tetiya tai polai jai kena ekta sycamore ghas te uthise.Jisu ke sabole nimite, tetiya Jisu eitu rasta para hei jabo thakise.
\v 5 Jetiya Jisu eitu jaga te ahise, Jisu tai ke sai kena koise, "Zacchaeus, joldi nami kena ahibe, aji moi tumi laga ghor te jai kena thakibo."
\v 6 Tetiya tai joldi kori kena nichete nami ahise, aru khusi para Jisu ke tai laga ghor te ahibole matise.
\v 7 Jetiya manu khan eitu dekhise, tai khan sob beya paise aru, koise, "Jisu ekta papi manu laga ghor te jaise."
\v 8 Aru tetiya Zacchaeus uthi kena Probhu ke koise, "Sabi, Probhu moi laga adha saman khan gorib ke di dibo, aru jodi moi kunba ke thokaise, tai laga bhag para bisi aru char bhag milai kena dibo."
\v 9 Tetiya Jisu hei tai ke koise, 'Ahji poritran tumi laga ghor te ahise, kelemane tai bhi Abraham laga bacha ase.
\v 10 Kelemane manu laga putro harai thaka manu ke bisaribole aru bachabole ahise.
\v 11 Aru tai khan eitu kotha huni thakise, Jisu ekta kahani koise, kelemane tai Jerusalem te jabole nimite usor hoise, aru tai khan bhabise Isor laga raijo tu tate joldi ahibole ase.
\v 12 Tetiya teo koise, ekta bhal ghor te jonom huwa manu dur ekta desh te tai laga raijo pabo nimite jaise, aru eitu pichete tai wapas ahi jaise.
\v 13 Tetiya tai laga dosta sewak khan ke matise, aru tai khan ke dosta suna laga poisa, dikena tai khan ke koise, 'Eitu poisa loi kena tumi khan ki kam koribo pare eitu kori kena thakibi moi naha tak.'
\v 14 Kintu manu khan tai ke bhal panai aru tai laga pichete ekjon ke pathai kena tai ke, koise.'Eitu manu moi khan uporte raj kora tu moi khan ke nalage.'
\v 15 Aru jetiya eitu manu wapas ahi jaise, tai laga raijo tu pai kena, tetiya tai koise jun manu ke moi poisa dise tai khan ke mati kena loi tai usorte loi anibi, tate tai sabo kun para bisi kam kori kena lap paise.
\v 16 Pohila ekjon tai usorte ahi kena, koise, 'Probhu, apuni poisa diya para moi aru eitu laga dus bhag dise kori dise.'
\v 17 Tetiya eitu bhal manu para taike koise, 'Bhal kam korise, sewak.Kelemane tumi olop diya homoi te bhi bhal kam kori kena thakise, tumi eitu dosta city uporte adhikar por cholabo
\v 18 Aru dusra ula bhi ahise, aru koise, 'Probhu apuni para panch poisa diya tu moi panch bhag bisi kori dise.'
\v 19 Teiya eitu bhal manu tai ke koise, 'Tumi bhi bhal kam korise eitu nimite panchta city uporte tumi adhikar para cholabo.'
\v 20 Aru dusra sewak ahise, aru koise, 'Probhu, eitu apuni diya laga poisa ase, moi eitu loi kena kapur para bandhi rakhise,
\v 21 Moi apuni ke bhoi lagi thakise kelemane apuni hisab kitab thik rakha manu ase.Apuni ke jama nokore eitu uthai aru kitu norupai eitu hei kate.'
\v 22 Tetiya eitu bhal manu para tai ke koise, 'Tumi laga mukh para hei moi tumike bichar koribo, tumi beya sewak! Tumi jani thakise moi ekta thik thaka manu ase, moi ki jama nokore eitu loi, aru ki nadhale eitu kate?
\v 23 Tetiya hoile tumi eitu poisa tu kela bank te jama koranai, aru jetiya moi ahibo, eitu homoi te laap para bisi ulai lobo thakise?'
\v 24 Tetiya tai jun manu usorte khara kori thakise tai khan ke koise, 'Tai logote para poisa tu loi lobi, aru jun logote dos bhag ase tai ke di dibi.'
\v 25 Kintu tai khan koise, 'Probhu, eitu manu logote dos bhag aseto.'
\v 26 Moi tumi khan ke koi ase, jun manu logote bisi ase tai ke aru bisi di dibo, kintu jun manu logote eku nai, ki tai logote ase eitu bhi loi lobo.
\v 27 Kintu eitu moi laga dusman khan, jun manu moi ke tai khan uporte raj koribole dibo mon thaka nai, yate loi kena anibi aru moi usorte morai dibi."'
\v 28 Jetiya tai eitu khan koise, tai Jerusalem phane jai jaise.
\v 29 Aru jetiya teo Bethphage aru Bethany usorte ahijaise, Olivet koikena ekta pahar te, teo duita chela khan ke pothaise,
\v 30 Koise, "Moi juwa pohila tumi khan eitu bosti te jabi.Jetiya tate punchibo, tumi khan tate ekta gadha bandi kena dekhibo aru eitu uporte aji tak kun bhi bohanai.Tai ke khuli kena yate loi ahibi.
\v 31 Jodi kunba tumikhan ke hude, 'Kele tai ke khuli ase? Tumi khan eitu kobo, 'Probhu eitu dorkar ase."'
\v 32 Aru jun ke eitu karone pothaise ji koise eneka hei dekhi paise
\v 33 Jetiya tai khan eitu gadha tu kuli thakise, Malik ahikena tai khan ke koise, "Kele eitu gadha ke kuli ase?"
\v 34 Tetiya tai khan para koise, "Probhu eitu dorkar ase."
\v 35 Tetiya tai khan Jisu usorte anise, aru tai khan laga kapur gadha uporte phelai dise aru Jisu ke gadha uporte bohibole dise.
\v 36 Aru jetiya tai khan jai thakise, manu khan kapur ulai kena rasta te rakhi dise
\v 37 Jetiya Jisu mount Olives usorte ahi ponchise, aru borta chela aru manu khan dhanyabad dibole suru hoise, manu khan Jisu laga dangor kam khan dekhi kena hala kori Isor ke mahima dise.
\v 38 Koise, "Asirbad ase eitu raja jun manu Probhu laga nam te ahise! Sorgote shanti hobo aru sob ucha jagate mahima dibo!"
\v 39 Kintu kunba Pharisees manu khan majote para koise, "Probhu, chela khan ke chup thakibole kobi."
\v 40 Tetiya Jisu hei koise, "Moi tumi khan ke koi ase jodi tai khan chup thake, pathor khan hala koribo."
\v 41 Aru jetiya Jisu Jerusalem usorte ponchise teo sai kena kandise,
\v 42 Aru koise, "Ahji tumi khan uporte shanti eitu janile kiman bhal ase, kintu tumi khan eitu dekhi bole paranai
\v 43 Tumi khan daya nazana karone eitu din te dusman khan para tumi khan ke sob phale para dhoribo aru dewall bonai kena dabai dibo.
\v 44 Tumi aru tumi laga bacha khan ke mati te gerai dibo.Tai khan ekta pathor bhi tumi khan uporte para nacharibo, kelemane eitu ahibo thaka homoi tu tumi khan janibole paranai."
\v 45 Jetiya Jisu temple bhitorte kusise, teo bhitorte bazar kori thaka manu khan ke khedaise.
\v 46 Tai khan ke koise, "Eitu likha ase, 'Moi laga ghor tu prathna laga ghor hobo, 'Kintu tumikhan chor laga ghor bonai dise."
\v 47 Aru Jisu hei temple te shikai thakise.Eitu homoi te dangor cholawta kanun jana manu aru Pharisees khan Jisu ke mora bole rukhi thakise,
\v 48 Kintu kinika para tai ke dhoribo eitu tai khan koribo paranai, kelemane sob manu Jisu laga kotha tu hunikena bohi thakise.
\c 20
\v 1 Ekdin Jisu ekta jaga te manu khan ke temple te shikai thakise aru gospel tho prochar kori thakise, dangor purohit kanun jaga manu aru cholawta khan ahise.
\v 2 Tai khan teo ke koishe, "Ami khanke adhikar para eitu kori ase, aru kun para eitu koribole adhikar dise.
\v 3 Jisu hei tai khan ke koise, 'Moi bhi tumikhan ke ekta kotha hudibo, aru tumi khan moi ke kobi.
\v 4 John laga baptisma:sorgo para hoise na manu para hoise?"
\v 5 Tai khan ekjon ekjon logote kotha pati kena, koise, "Jodi moi khan koi, 'sorgo para ase, 'Teo kobo, 'Tene hoile tumi khan tai ke kele bisas koranai?'
\v 6 Kintu amikhan jodi koi, 'Manu para ase, ' Sob manu amikhan ke pathor maribo, kele John tu ekta prophet ase koi kena bisas kore."
\v 7 Tai khan Jisu ke koise eitu kot para ahise tai khan najane.
\v 8 Tetiya Jisu tai khan ke koise, "Moi bhi tumi khan ke nokobo ki adhikar para moi eitu khan kori ase."
\v 9 Tetiya teo manu khan ke eitu kahani koise, "Ekta manu kheti, aru tai eitu kheti kora manu khan ke di dise, aru tai dusra desh te bisi din nimite jai jaise.
\v 10 Aru jetiya homoi ahise tai ekta sewak ke kheti kora manu khan usorte pothai dise, jate tai khan kheti te ki phol ulaise eitu tai ke dibo kintu kheti kora manu khan eitu sewak ke marise aru khali hath pothai dise.
\v 11 Aru ekta manu ke pothaise, kintu tai ke bhi marise aru bisi sorom khilai dise, aru tai ke khali hath pothai dise.
\v 12 Tetiya aru ekjon ke pothaise, kintu tai ke bhi jokom kori kena, bahar te phelai dise.
\v 13 Tetiya kheti laga malik para koise, 'Moi ki koribo? Moi bisi morom kori thaka bacha ke pothai dibo.Eneka korile tai khan tai ke adar koribo.
\v 14 Kintu jetiya kheti kora manu khan para tai ke dekhise, tai, khan ekjon- ekjon logote kotha patise, aru koise, 'Eitu malik laga chokora ase ahibi tai ke morai dibo, jate eitu sob kheti tu moi khan laga hoi jabo.'
\v 15 Aru tai khan laga chokora ke kheti para bahar te phelai dise aru morai dise. Titiya hoile kheti laga malik para tai khan ke ki koribo?
\v 16 Tai ahikena eitu kheti kora manu khan ke khotom kori dibo aru eitu kheti tu dusra manu khan ke di dibo." Kintu jetiya tai khan eitu hunise, tai khan koise, " Enika kitiyabi hobo nidibo!"
\v 17 Titiya Jisu tai khan ke sai kena, hoise, " Tene hoile eitu ki likha ase:
\b 'Juntu pathor ghor bona manu khan para phelai dise, eitu pathor ghor tu khara kori kena rakha pathor hoi jaise'?
\m
\v 18 Jun manu eitu pathor te gire, tai bhangai kena tukra hoijabo. Kintu jun manu uporte eitu gire, tai ke mihin kori dibo."
\v 19 Titiya kanun jana manu aru dangor purohit khan eitu homoi te teo uporte hath laga bole bisarise, kelemane tai khan jani jaise eitu kahani tai khan nimite hei koise. Kintu tai khan manu khan ke bhoi lagi thakise.
\v 20 Eitu korone teo ke tai khan bhal kori kena sai thakise, aru tai pichate manu laga dise jun Isor kotha tu mani kena thaka nisina dise, tate tai khan Jisu laga kotha te joldi bisari pabo, aru taikhan raja aru adhikar para chola solwata khan laga hath te di dibole paribo.
\v 21 Titiya tai khan para teo ke koise, " Prabhu, moi khan jane apuni hosa kotha tu hei shikai, aru kun logote bhi alak para bebohar nokore, aru Isor laga kotha tu hosa para shikai.
\v 22 Moi khan Caesar ke tax diya tu kanun te thik ase, na nai?"
\v 23 Kintu Jisu tai khan laga chalaki tu jani jaise, aru tai khan ke koise,
\v 24 " Moike eitu poisa tu denarius. Kun laga chehera aru kotha tate likha ase? Titiya tai khan koise, " Caesar's laga."
\v 25 Titiya teo tai khan ke koise." Eitu nimite jitu Caesar laga ase eitu Caesar ke hei dibi aru jintu Isor ke dibo lage eitu Isor ke hei dibi."
\v 26 Eitu kotha para tai khan Jisu ke manu majote para dhoribole paranai, kintu Jisu laga Jawab te ekjon-ekjon bhitorte koi thakise, aru tai khan chup-chap hoi jasie.
\v 27 Titiya kunba Sadducees jun ji uthai eitu bisas nokore Jisu usorte ahikena, hudise,
\v 28 Koise, " Probhu, Moses para moi khan ke likhise, jodi kunba laga bhai ase aru tai maiki thaki kena morijaise, aru tai bacha nai, tene hoile eitu mori ja laga bhai tu maiki ke lobo pare aru tai laga mori ja bhai nam te bacha jonom kori kena khandan ulabo pare.
\v 29 Tate satha bhai thakise, aru dangor wala para miki shadi korise, kintu bacha nathiki kena mori jaise;
\v 30 Aru second para moike ke loise kintu tai bhi bacha nathaki kena mori jaise.
\v 31 Aru third para bhi maiki ke loise kintu tai eneka hei mori jaise, aru eitu nisina sath nombor para bhi loise kintu tai bhi bacha nathaki kena mori jaise.
\v 32 Aru last te maiki bhi mori jaise.
\v 33 Eitu nimite ji utha din te, kun laga tai maiki hobo? Kelemane sath jon laga tai miki thakise."
\v 34 Titiya Jisu tai khan ke koise, " Eitiya laga khan shadi kore aru sadhi kori bo nimite di diye.
\v 35 Hoilebi taikhan junkhan eitu prithibi te thakibole nimite hisab hoise, aru morikena arubi jinda hoise, sadi bhi nakore, saditebi nadia;
\v 36 Kelemane tai khan kitiyabi nomoribo, tai khan sworgodoot nisina hoi jabo. Aru tai khan jinda thaka Isor laga bacha ase kobo.
\v 37 Aru moses para bhi eitu juli thaka ghas para muri ja utha tu dekhai dise, jetiya tai Prabhu Abraham laga Isor, Issac laga Isor aru Jacob laga Isor ke matise.
\v 38 Eitiya teo mora laga Isor nahoi kintu zinda khan laga ase, kekemane moi khan sob tai logote zinda ase."
\v 39 Titiya kunba kanun jana manu para Jisu ke koise, " Prabhu, apuni bhal para koise."
\v 40 Kelemane tai khan aru teo ke hudibole himat kora nai.
\v 41 Titiya Jisu tai khan ke koise, " Tai khan kena kobo pare, Christa tu David laga bacha ase koi kena?
\v 42 David tai nizor bhi Psalms laga kitab te koi kena ase, Probhu para moi laga Probhu ke koise, moi laga diyna hath te bohibi,
\v 43 Jetiya tak moi dusman khan ke tumi laga paw nichete gribole nediye.'
\m
\v 44 David tai nizor para Christa ke 'Probhu' mate, tene hoile teo tai laga bacha keneka hobo?"
\v 45 Jetiya sob manu khan hunithakise, teo tai laga chela khan ke koise,
\v 46 Eitu kanun jana manu khan para hosiyar thakibi, jun manu lamba kapur te birabole bisare, aru bazar te sob para bhal jaga tu hei bisare, aru sob se synagouges te ucha jaga te bohibole bisare, aru kha luwa jaga te bhi bhal hei bisare.
\v 47 Mota mori ja maiki khan ke dukh diye aru dikhabole nimite lamba prathna kore. Eitu khan nisina pichete dangor shajai pabo."
\c 21
\p
\v 1 Etiya Jisu uporte sai kena ekta dhuni manu ke dekhise, tai laga dhun tu dan te rakhi thakise.
\v 2 Aru tetiya teo ekta gorib mota nathaka maiki ke dekhise tai logote duita poisa thaka tu dan te di thakise.
\v 3 Tetiya Jisu tu koise, "Hosa para moi tumi khan ke koi ase, eitu gorib mota nathaka maiki hei sob para bisi dise.
\v 4 Jiman manu dan dise tai khan logote bisi thaka hisab te hei dise.Kintu eitu maiki, tai logote eku nai, hoilebi tai ki ase eitu sob di dise."
\v 5 Etiya kunba manu khan temple laga kotha koi thakise, keneka kori kene eitu temple tu sundur pathor aru manu khan laga dan para kena bonise, teo koise,
\v 6 "Eitu tumi khan etiya dekhi thaka tu, eneka din ahibo, jetiya ekta pathor bhi nabachibo aru bhangi keneka phelai dibo."
\v 7 Tetiya taikhan teo ke, koise, "Probhu, eitu sob tu ketiya hobo, aru eneka din ahibole ase koi kena moi khan keneka janibo?"
\v 8 Tetiya teo koise, "Hosiyar thakibi aru kun para bhi tumike thokai dibo nidibi.Bisi manu moi laga nam loi kena ahibo, aru kobo, 'Moi Jisu ase, ' aru homoi tu usorte ahise, ' Tai khan laga pichete najabi.
\v 9 Jetiya tumi khan larai aru jhagara laga kotha khan hunibo, bhoi nokoribi, kelemane eitu khan sob pohila hobo lagibo, kintu eneka sob hoilebi last homoi tu joldi nahibo."
\v 10 Tetiya Jisu hei tai khan ke koise, "Ekta desh para ekta desh uporte uthibo, aru ekta raijo para dusra raijo logote larai koribo.
\v 11 Aru dangor mati helibo, khabole nababo aru alak kisim bimar ulabo.Ekdom beya ghetna khan hobo aru sorgo laga asurit kam khan dekhibo
\v 12 Kintu eitu khan huwa agete, manu khan tumi khan ke hath dibo aru bisi duk pabo synagogues aru jail te bhi dhali dibo, raja aru dangor cholawta manu usorte anibo moi laga nam luwa nimite
\v 13 Tumi khan ke ghawahi dibole nimite ekta bhal homoi hobo.
\v 14 Eitu nimite nizor mon tu shanti rakhibi aru homoi naha agote ki kobo lagibo eitu nimite chinta nokoribi
\v 15 Kintu moi tumikhan ke kotha kobole aru gyan dibo, tate tumi khan usorte kun ahibo tai khan tumi laga kotha mana koribole naparibo.
\v 16 Kintu tumi khan laga nizor ama baba para tumike chari dibo, aru bhai ghor manu, sathi khan bhi chari dibo, aru kunba ke tu tai khan morai bi dibo.
\v 17 Moi laga nam nimite tumi khan ke sob manu para beya pabo.
\v 18 Kintu tumi laga matha te thaka ekta chuli bhi naharabo.
\v 19 Kintu tumi khan nomro aru bisas te thakile tumi khan laga Aatma tu pai lobo.
\v 20 Kintu jetiya Jerusalem tu sipahi para gheri kena dekhibo, tetiya jani lobo, khotom hobole homoi tu ahise.
\v 21 Aru Judea te thaka khan pahar te polai jabi, eitu jaga majote thakile chari kena jai jabi, aru jun manu eitu desh bhitorte nai tai khan ke gushi bole nidibi.
\v 22 Eitu din tu niyai kora laka homoi ase, ki tu likha ase eitu para hobole nimite.
\v 23 Kintu oh jun bacha bukhi ase, aru jun bacha khan ke sai ase! Eitu jaga te dangor duk ahibole ase, aru manu khan uporte Isor laga khong ahibole ase.
\v 24 Tai khan nizor talwar laga dhar para giri jabo, aru dusra desh te tai khan ke dhori kena loi jabo, aru Jerusalem tu dusra jati manu para raj cholabo jetiya tak eitu alak jati manu khan ke bhabe eitu pura nahoi.
\v 25 Aru asorit kam tu sun, moon aru stai khan te dekhibo, aru samundar laga pani pahar nisina uthibo aru manu khan sai kena bhoi lagi jabo.
\v 26 Eitu dunyia te ki ahibole ase eitu khan bhabi kena bhoi para manu khan giri jabo, kelemane sorgo laga takot tu hilai debo.
\v 27 Titiya tai khan dekhibo manu laga Putro badal te takot aru dangor mohima loi kena ahi thaka tu.
\v 28 Jetiya eitu sob hoi thakibo, khara koribi aru mata tu uporte uthai lobi, kelemane tumi anandta jivan te jabole nimite usor hoise."
\v 29 Titiya teo taikhan ke ekta kahani koise: " Sabi eitu fig ghas ke, aru sob ghas khan ke.
\v 30 Jitiya ghaste phul ulai jai, tumi khan dekhi aru nizor para jani jai ke gorom din ahise.
\v 31 Eitu nisina, jitiya tumikhan eitu sob hoi thaka dikhibo titiya jani Isor laga raijo tu usorte ahise.
\v 32 Hosa para moi tumi khan ke koi ase, eitiya laga manu khan kothom hoi najabo jetiya tak eitu sob pura nahoi.
\v 33 Sworgo aru prithibi harai jabo, kintu moi laga kotha ki koise eitu ketiyabi naharabo.
\v 34 Nizor ke bhal kori kena rakhibi, nisa pani khai kena tumi khan laga mon tu bhari koribole nidibi, aru jivan laga kiman chinta bhabana ase eitu para mon duk nokoribo, kelemane eitu din achanak para bon hoi jabo.
\v 35 Ekta jal phela nisina, jiman manu duniyate thaki ase tai khan uporte ahibo.
\v 36 Kintu savdhan thakibi sob homoi te, prathana te takot koribi jate eitu sob ki hobole ase eitu khan para pabole paribo. Aru manu laga Putro usorte khara koribole paribo."
\v 37 Aru eitu din khan te teo temple te shikai thakise, aru rati te teo Olivet pahar uporte jai kena thake.
\v 38 Aru tetiya morning te manu khan joldi ahi kena Jisu laga kotha temple te hunibole nimite ahise.
\c 22
\p
\v 1 Etiya khomir nediya roti laga festival, jetiya tai khan Egypt para ulai asile.
\v 2 Dangor purohit aru kanun jana manukhan kena Jisu ke morai dibo eitu laga upai bisari thakise, kele tai khan manu khan ke bhoi lage.
\v 3 Saitan Judas bhitorte ghusi jaise, jun laga nam Iscariot bhi ase, tai bhi chela bhitorte ekjon thakise.
\v 4 Eitu pichete Judas jai kena kotha patise, dangor purohit aru captain khan logote keneka kori kena Jisu ke dhoribo eitu upai besarise.
\v 5 Tai khan khusi paise, aru tai ke poisa dibole nimite kotha milaise.
\v 6 Judas kotha tu mani kena, Jisu ke kena manu nathaka homoi te dhoribo eitu upai bisari thakise.
\v 7 Jetiya khomir nediya roti khua laga din ahise, eitu din te bhera saguli bolidan koribole niyom ase
\v 8 Jisu para Peter aru John ke pothai kena koise, "Jai kena ami khan nimite udhar puwa nam para kha luwa rakhibi, moi khan mili kena khabo."
\v 9 Tai khan teo ke koise, "Probhu kun jaga te jai kena amikhan jugut koribo?"
\v 10 Teo tai khan ke koise, "Sabi, jetiya tumikhan city te ponchibo, ekta manu pani laga baltin loikena thaka lok pabo.Tai laga pichete jabi jun tu ghor te tai ghuse.
\v 11 Tetiya ghor laga malik ke jai kena kobi.'Probhu para apunike koi ase, "Bahar manu thaka room tu kot ase, jun jaga te moi laga chela khan ke loi kena udhar puwa nam laga kha luwa koribo?"
\v 12 Tetiya tai tumikhan ke uporte loi jai kena dangor ekta bhal room dekhabo.Jai kena tate hei tayar koribi."
\v 13 Aru jetiya tai khan jaise, aru Jisu para tai khan ke ki koise eneka hei paise.Tetiya tai khan udhar puwa laga kha luwa jai kena tayar korise
\v 14 Aru jetiya homoi tu ahise, Jisu bohi jaise aru teo laga chela khan bi bohi jaise.
\v 15 Tetiya teo tai khan ke koise, "Moi dukh napa agate tumi khan logote bohi kena eitu udhar laga khana khabole mon thakise
\v 16 Moi tumi khan ke koi ase, moi eitu nakhabo jetiya tak eitu sob pura nohoi Isor laga raijo te."
\v 17 Jetiya Jisu cup tu loise, aru dhanyabad dise, Teo koise, "Eitu lobi, aru ekjon ekjon logote bhag kori lobi.
\v 18 Moi tumi khan ke koi ase, jetiya tak Isor laga raijo tu nahai moi eitu angur ros tu grohon nokoribo."
\v 19 Jetiya tai roti tu loise aru dhanyabad dise, teo bhang korikena tai khan ke di kena koise, "Eitu moi laga gua ase aru tumi khan nimite diya hoise eitu moi ke yad korikena lobi.
\v 20 Teo cup tu loi kena koise, "Eitu cup tu moi laga khun laga notun niyom ase, tumi khan nimite ulai diya hoise.
\v 21 Kintu sabi, kun manu moike dhoka dibo tai ami khan logote bohiase.
\v 22 Manu laga putro ki koribole ase teo koribo.Kintu oh jun manu para eneka koribo tai hou paise!"
\v 23 Chela khan majote kotha patise ami khan majote kun para eneka kam tu koribo.
\v 24 Tai pichete tai khan majote jagara ulaise aru koise kun hei tai khan majote sob para dangor hobo.
\v 25 Tetiya teo tai khan ke koise, "Dusra jati laga raja tai khan uporte cholawta kura tu"bhal ase koi.'
\v 26 Kintu tumi khan eneka nohoi.Tumi khan majote kun manu dangor bhabi thake tai sob para chotu hobo lage; aru jun manu dangor nam pai tai manu ke sewa koribo lage.
\v 27 Kintu bhabi sabi kun hei dangor ase, khabole boha manu na sewa kora manu? Kun khabole bohi ase tai nohoi? Kintu moi tumi khan majote ase ekjon sewak nisina
\v 28 Kintu tumi khan moi laga porikha te moi logote ase.
\v 29 Moi tumi khan ke di ase jeneka moi laga, baba Isor para raijo moi ke dise,
\v 30 Eitu nisina tumi khan bi moi laga raijo te kha luwa koribo, aru tumi khan singhasan te bohi kena Israel laga barota jati uporte bichar koribo
\v 31 Aru Probhu koise, Simon, Simon, sabi saitan hei tumi ke guti nisina alak kori dibo
\v 32 Kintu moi tumi nimite prathana korise, eitu para tumi laga bisas tu naharabo; aru tumi, jetiya ghuri ahibo, tumi laga bhai khan ke mozbot koribi."
\v 33 Kintu Peter hei koise, "Probhu, moi tumi logote jabole jugut ase, jail te bhi aru mori bole bhi."
\v 34 Kintu teo koise, "Moi hosa koise, Peter, murgi hala nokoribo agete tumi moi ke najane koi kena tin bar misa kobo."
\v 35 Jisu tai khan ke koise, "Jetiya moi tumi khan ke poisa laga bag, dorkar laga saman, aru juta, noloi kena jabole dise tetiya kiba, noponcha thakise niki?"Tai khan koise, "Eku komti huwa nai"
\v 36 Tetiya tai khan ke koise, "Kintu etiya, kun manu poisa laga bag ase tai loi lobi, aru eitu nisina, ki saman laga bag ase, tai loi lobi, aru kun manu logote talwar nai tai nizor kapur bikiri kori kena kini lobi.
\v 37 Moi tumi khan ke koi ase, jitu kotha moi nimite likha ase eitu para hobo lagibo, 'aru teo ke sob para chutu bonai dise, 'aru ji kotha moi nimite koise eitu sob para hoi ase."
\v 38 Aru tai khan koise, "Probhu, sabi! Yate duita talwar ase, "aru teo taikhan ke koise, "Eitu kafi ase."
\v 39 Aru bahar te ulai kena, niyom hisab te, olive pahar te jaise, aru chela khan bhi tai laga pichete jaise.
\v 40 Jetiya tai khan ekta jaga te ahise, teo tai khan ke koise, "Prathna koribi tumi khan porikha te nigiribo karone."
\v 41 Teo tai khan para olop dur te jai kena, mati te kneel down kori kena prathna korise,
\v 42 Aru koise, "Baba Isor, jodi apuni echa kore, eitu cup tu ami para hatai dibi.Kintu moi laga echa nohoi, apunar echa hobole dibi."
\v 43 Tetiya swargodut ahikena Jisu ke, modot korise
\v 44 Teo dukh para prathana kori homoi te.Teo laga posina khun hoi kena mati te giri thakise
\v 45 Aru Jetiya teo prathana kori kena uthise, teo chela khan usorte ahise, aru dekhise chela khan mon dukh para ghumai thakise,
\v 46 Tetiya teo tai khan ke koise, "Tumi khan kele ghumai ase?Uthibi aru prathna koribi, eitu para tumi khan porikha te nigiribo."
\v 47 Aru jetiya teo kotha koi thakise, sabi, bisi manu tate ahise, aru jun laga nam Judas thakise, barojon chela majote ekjon, manu khan ke loi anise.Tai Jisu usorte chuma dibole ahise.
\v 48 Kintu Jisu tai ke koise, "Tumi manu laga putro ke chuma di kena dhoribole ase?"
\v 49 Aru jiman manu khan kinar para Jisu ke sai kena koise, "Probhu, ami khan talwar ulai kena tai khan logote larai koribo niki?"
\v 50 Tetiya maha purohit laga sewak ke, chela ekjon para dyna kan tu kati phelaise.
\v 51 Kintu Jisu tai khan ke koise, "Eneka nokoribi!" Aru Jisu hei kan tu lagai kena, changai kori dise.
\v 52 Aru Jisu hei dhoribole aha manu khan ke koise, dangor purohit, aru temple laga sipai khan aru cholawta khan ke, "Tumi khan ekta daku ke, talwar aru lathi para dhoribole ahise niki?
\v 53 Moi jetiya temple te hodai din tumi khan logote thakise, tumi khan moi uporte hath utha nai.Kintu etiya tumar homoi ahise, aru andhar laga hokti."
\v 54 Aru tai khan Jisu Khrista ke dhori kena maha purohit ghor te loi jaise.Aru Peter bhi tai khan laga pichete jai thakise.
\v 55 Eitu pichete tai khan ghar bharte jui jolai kena eke logote bohise, aru Peter bhi lukai kena bohi thakise.
\v 56 Aru ekta maiki sewak, Peter ke jui usorte bohi thaka dekhi kena koise, "Eitu manu bhi Jisu logote thakise."
\v 57 Kintu Peter koise nohoi, "Maiki, moi teo ke najane."
\v 58 Aru olop pichete ekjon para tai ke dekhise, aru koise, "Tumi bhi Jisu logote beraise."Kintu Peter koise, "Bhai moi nohoi."
\v 59 Ek ghanta pichete aru ekjon ahikena koise, "Hosa para, eitu manu bhi teo logote thakise, tai bhi ekta Galile laga manu ase."
\v 60 Kintu Peter hei koise, "Bhai, moi najane tumi ki kotha koi ase."Eitu kotha koi thaka homoi te, murgi hala kori se.
\v 61 Tetiya ghuri kena Jisu hei Peter ke saise, aru tetiya Peter Jisu kuwa kotha tu mon te ahise, Jisu hei ki koisile, "Tumi tin bar moi ke misa kobo aru tetiya murgi hala koribo."
\v 62 Tetiya Peter bahar te jai kena tita mon para bisi kandise.
\v 63 Aru tetiya sipai khan Jisu ke beya kotha koi kena mari bole suru hoise.
\v 64 Tai khan Jisu laga chuku te kapra bandi kena, koise, "Prophesy koribi!Kun para tumi ke marise?"
\v 65 Aru tai khan bisi bodnam aru beya kotha kori kena Jisu ke sorom khilaise.
\v 66 Aru jetiya din ahise, cholawta manu khan ahi kena jama hoise, maha purohit aru kanun jana manu, aru Jisu ke bichar laga jaga te loi jaise,
\v 67 Aru koise, "Jodi tumi Khrista hoi, ami khan ke kobi."Kintu teo tai khan ke koise, "Jodi moi tumi khan ke koi, tumi khan ketiyabi bisas nokoribo;
\v 68 Aru moi tumi khan ke hudile, tumi khan ketiyabi moi ke jawab dibole naparibo
\v 69 Kintu etiya para manu laga putro ke Isor laga dyna hath te bohi thaka dikhibo."
\v 70 Tetiya tai khan koise, "Hetu karone tumi Isor laga putro hoi niki?"Aru teo tai khan ke koise, "Tumi khan hei koise moi hei hoi."
\v 71 Tai khan koise, "Amikhan aru ki jani bole baki ase? Ami khan tai laga nizor muk para eitu kotha huni loise."
\c 23
\p
\v 1 Tetiya sob manu uthi kena Jisu ke Pilate laga agete anise.
\v 2 Aru tai khan suru hoise, aru koise, "Eitu manu desh tu biya kori ase, aru Caesar ke saman dibole mana kore, aru tai nizor ke Christa, ekta raja ase koi."
\v 3 Tetiya Pilate para teo ke hudise, koise, "Tumi Jehudi manu laga raja ase niki?"Kintu teo tai ke koise, "Tumi nizor para koise."
\v 4 Tetiya Pilate maha purohit aru manu khan ke koise, "Moi eitu manu uporte eiku goldi nedikhe."
\v 5 Kintu tai khan eitu mana nai aru, koise, "Teo manu khan ke loi kena pura Judea te shikai kena berai thake, Galilee para suru kori kena aru eitu jaga te bhi shikai."
\v 6 Aru jetiya Pilate eitu hunise, tetiya tai hudise Jisu tu Galilean ase niki.
\v 7 Jetiya tai janise Jisu uporte kanun cholabo nimite Herod laga hath te hei adhikar ase, tai Herod usorte teo ke pothai dise, Herod tai nizor bhi Jerusalem te thakise.
\v 8 Aru jetiya Herod para Jisu ke dekhise, tai bisi khusi paise, kele mane tai Jisu ke bisi din para sabole mon thakise, aru tai Jisu para keba ekta asurit kam kora tu sabole mon thakise.
\v 9 Tetiya tai Jisu ke bisi kotha hudise, kintu teo eiku jawab diya nai
\v 10 Tetiya maha purohit aru kanun jana manu khan khara hoise, aru teo ke beya bebohar kori kena sorom khelaise.
\v 11 Tetiya Herod aru tai laga sipahi khan mili kena Jisu ke sorom khelaise.Teo ke raja laga bhal kapur lagai dise, aru Pilate usorte wapas pathai dise.
\v 12 Thik eitu din te Pilate aru Herod bhal sathi hoi jaise, kintu olop din aghete tai duizon bhitorte khota nimili thakisile.
\v 13 Tetiya Pilate para maha purohit cholawta aru manu khan ke matise,
\v 14 Aru tai khan ke koise, "Tumi khan eitu manu ke moi usorte loi kena ke beya rasta te loi jai ase, kintu tumi khan teo uporte ki arop lagai ase, moi eitu manu uporte eku beya dikhanai.
\v 15 Aru Herod bhi teo uporte eiku goldi dekhanai, utu karone tai Jisu ke moi khan logote pothai dise, aru sabi, morai diya laga sajai dibole nimite eneka eiku kam teo koranai.
\v 16 Eitu nimite moi taike sajai dibo, aru chari dibo."
\v 17 Kelemane Jerusalem te jetiya dangor feast hoi utu homoi te duijon bhitorte ekjon jail te thaka manu ke charibole lage.
\v 18 Kintu tai khan sob hala kori kena, koise, "Eitu, manu ke sajai dibi aru bodli te Barabbas ke chari dibi!"
\v 19 Aru Barabbas ke jail te dhalise kelemane tai manu ke morai disele aru city te beya kam khan kori kena thakise.
\v 20 Aru Pilate manu khan ke koise, Jisu ke charibole mon thakise.
\v 21 Kintu tai khan aru bhi hala kori kena, koise, teo ke crus te morai dibi, crus te morai dibi."
\v 22 Pilate hei tin bar tai khan logote koise, "kele, ki beya kam Jisu hei korise?Moi teo uporte eiku golti dekha nai teo ke morai dibole.Heitu karone tai ke sajai dikena chari dibo."
\v 23 Tai khan sob awaz uthai kena khong para mangise Jisu ke crus te morabo lage, hala kori thakise.
\v 24 Eitu pichete Pilate hei tai khan laga kotha tu mani loise.
\v 25 Barabbas ke Pilate hei jail para khuli dise, tai manu morai diya aru beya kam kora ekta dokait thakise.Kintu Jisu ke tai khan hath te di dise.
\v 26 Manu khan Jisu ke bahar te loi jaise, aru ekjon manu Simon, Cyrene ekta desh para ahi thakise, crus tu tai uporte dikena Jisu pichete te jaise.
\v 27 Heitu homoi te bisi manu khan, aru maiki manu khan bisi mon dukh para teo usorte kandi thakise, aru teo laga pichete jai thakise.
\v 28 Jisu hei ghuri kena tai khan ke, koise, "Jerusalem laga swali khan, moi nimite nakandibi, kintu tumi khan nizor nimite aru bacha khan nimite kandibi.
\v 29 Kintu sabi, eneka din ase jetiya tai khan kobo, 'Asirbad ase eitu bacha napa maiki khan aru jun laga pet para bacha jonom huwanai, aru duth khelanai.'
\v 30 Aru tai khan pahar ke kobo, 'Ami khan uporte giribi, aru pahar khan giri kena ami khan ke bon kori dibi.'
\v 31 Jodi kacha ghas te eneka kore, tene hoile shuka ghas laga ki halat hobo?"
\v 32 Aru duijan dokait ke Jisu logote loi jai kena crus te morai dise.
\v 33 Jetiya eitu jaga te ponchise, eitu jaga laga nam tu"Mata laga hardi, "tate Jisu ke crus te dise, aru duita dokait ke bhi Jisu laga dyna aru baya phane crus te mari dise.
\v 34 Tetiya Jisu hei koise, "Baba Isor, tai khan ke maph koridibi, tai khan ki korise eitu tai khan najane."Pichete tai khan Jisu laga kapur tu lotery kheli kena bhag korise.
\v 35 Sob manu rokhi kena sai, thakise. Aru tetiya cholawta manu khan Jisu ke sorom khelai kena koise, "Teo dusra ke bachaise.Etiya nizor ke bhi bachai lobi, jodi tai ase, Isor bachi luwa."
\v 36 Sipai khan bhi Jisu ke sorom khelaise, aru tita pani dise,
\v 37 Aru koise, "Apuni jodi Jehudi khan laga raja ase koile, nizor ke bachai lobi."
\v 38 Teo uporte ekta kotha likhi dise, "Jisu Jehudi khan laga raja ase."
\v 39 Tetiya ekjon dokait Jisu usorte Cross te thaka para sorom khelai se Jisu ke, koise, "Tumi Khrista nohoi niki? Tumi nijoke bachai lobi aru Ami khan kevi bachai lobi."
\v 40 Kintu dusra ekjon para tai laga sathi ke koise, "Tumi Isor ke bhoi nalage, ami khan beya kam kora nijor sajai paiase?
\v 41 Aru eitu ami khan pabo lage, ami khan ki beya kam korise eitu hisab te hei sajai pai ase. Kintu eitu manu eiku golti koranai."
\v 42 Tetiya tai koise, "Jisu, moi ke yad koribi jetiya apuni sorgote jabo."
\v 43 Tetiya Jisu hei tai ke koise, "Moi hosa koise, tumi aji moi logote porom desh te thakibo."
\v 44 Kintu tin baji homoi te, achanak eitu sob jaga te andhera ahi jaise.
\v 45 Sun tu andhar hoi jaise aru Jerusalem temple laga porda tu phati jaise.
\v 46 Eitu pichete kandi kena, Jisu hei koise, "Baba apuni laga hath te moi laga Aatma tu di ase, "Jisu eitu koikena, teo laga sas tu chari dise.
\v 47 Aru jetiya sipai eitu ki hoise eitu dekhise, tai Isor ke mohima dise, aru koise, "Hosa para teo ekjon dharmic manu thakise."
\v 48 Jiman manu eitu sabole ahise, ki hoise eitu tai khan dekhise, tai khan nizor chati te mari kena jaise.
\v 49 Kintu jun manu teo ke bhal para jane, aru jiman maiki manu Galilee para teo logote berai thakisile, dur para, ki hoise eitu sai thakise.
\v 50 Eitu homoi te ekjon manu Joseph koi kena, ekjon cholawta thakise tai ekjon bhal aru dharmic manu.
\v 51 (Tai kanun jana manu khan logote kotha milanai) Tai ekjon Arimathea, city laga Jihudi manu thakise, aru tai bi Isor laga raijo nimite rokhi thakise.
\v 52 Tai Pilate, usorte jai kena Jisu laga gau tu mangise.
\v 53 Aru crus para gau tu namaise, aru sapha norom kapur para Jisu laga gau tu bhandi dise, pathor kati kena kobor bonai rakha jaga te Jisu ke rakhise, jun jaga te ketiyabi manu ke rakha nai.
\v 54 Etiya jugut koribole din tu ahise, aru Sabbath din tu suru hobole homoi ahise.
\v 55 Aru Galilee para jiman maiki manu Jisu pichete berai thakise, aru tai khan Jisu laga kobor tu saise aru jun jaga te teo ke rakhise.
\v 56 Aru maiki khan wapas jai kena bhal sent aru tail Jisu gau te lagabole nimite jugut korise. Aru tai khan niyom hisab te Sabbath din tu pobitro rakhi.
\c 24
\p
\v 1 Etiya hapta laga pohila din te, tai khan kobor usorte ahise, bhal scent aru tail jugut kori kena tai khan anise.
\v 2 Kintu tai khan dekhise kobor bon kori kena rakha pathor tu khuli kena ase,
\v 3 Kintu tai khan bhitorte jai kena Probhu Jisu laga gau tu dekha nai.
\v 4 Aru enika hoise, jetiya Jisu laga gau tu kobor te dekhanai tai khan asurit hoise, achanak, duijon manu boga kapra lagai kene tai khan usorte khara hoise.
\v 5 Aru, maiki khan bhoi lagi kena matha niche kori kena mati te girise, Angel khan para moike khan ke koise, " Tumi khan zinda manu ke mora khan majote kele bisarise?
\v 6 Teo yate nai, kintu zinda hoise! Yad koribe kenika teo tumi khan ke koisile Galilee te thaka homoi te,
\v 7 Koisile manu laga Putro kenika papi manu hath te didibo aru Teo ke cross te morai dibo, aru tin din te Teo aru bhi zinda hoi jabo."
\v 8 Titiya maiki khan eitu koth mon te yad ahise,
\v 9 Aru jitiya khobor para wapas jaise, tai khan jai kena egharo jon chela aru sob manu ke khobor di dise.
\v 10 Aru Mary Magdalene, Joanna, aru Mary James laga ama aru maiki khan jai kene chela khan ke khobor di dise.
\v 11 Kintu eitu khobor tu chela khan misa bhabise, aru maiki khan kuwa kotha tu besas kora nai.
\v 12 Peter, khara hoi kena, Jisu laga kobor te polai kena jaise, aru usor para saise aru khali Jisu ke bandi rakha kapra hei dekhise. Aru tai bahar te ulai kena ki hoise eitu bhabise.
\v 13 Etiya sabi eitu din te, duijon manu ekta bosti te jai thakise. Jerusalem para sath mile dure Emmaus bosti te.
\v 14 Tai khan Jisu laga kahani koi kena jai thakise.
\v 15 Aru eneka hoise, tai khan kotha pati kena jai thaka homoi te, Jisu tai khan usorte ahi kena eke logote jai thakise.
\v 16 Kintu tai khan chuku para Jisu ke chinibo paranai.
\v 17 Titiya Jisu tai khan ke koise, " tumi khan ki kotha pati kena mon dukh para jai ase?" Tai khan khara hoi jaise, mon dukh para.
\v 18 Kintu ekjon Cleopas Jisu ke koi kena hudise, " Apuni Jerusalem para ekla hei ahi ase niki aru ki hoi ase eitu bhi najane niki?"
\v 19 Titiya Jisu tai khan ke koise, " Ki khobor?" Tai khan koise, " Nazarene Jisu laga kotha, thakise asurit kam aru kotha para Isor usorte aru sob manu usorte tai ekjon dangor prophet thakise,
\v 20 Aru maha prophet aru cholawta manu khan para dhorise aru bodnam kori kena cross te morai dise.
\v 21 Kintu moi khan bisas kori thaki se Teo hei Israel manu ke mukti dibo. Kintu eitu sob pura hoi kena, aji tin din hoi jaise.
\v 22 Kintu kunba maiki khan kobor te joldi jai kena, moi khan ke ahi kena asurit kotha koise
\v 23 Aru tai khan Jisu laga gau tu kobor bhitorte dekhanai, tai khan koise ami khan vision dekha nisina sworgodoot hei koise Teo zinda hol.
\v 24 Kintu ami khan logote thaka kunba khan kobor te sabole jaise aru jeneka maiki khan para koise eneka hei dekhise, kintu Jisu ke tate dekhanai."
\v 25 Titiya Jisu tai khan ke koise, " O okara manu aru mon chutu kori kena prophet khan para ke koise eitu namana manu khan!
\v 26 Eitu dorkar thaka nai niki krista duk pai kena, aru bhi Isor laga mohima te humabo?"
\v 27 Moses para suru kori kena aru kiman prophet khan thakise, tai khan ke ki Isor kotha te Teo nimite likha ase eitu buji bole dise
\v 28 Tai khan kote jabole ahisile eitu bosti te ponchise, aru Jisu aghete jabo nisina korise.
\v 29 Kintu Teo ke anurot kori kena, koise, "Ami khan logote thakibi, aji laga din tu kothom hobole hoise." Aru Jisu tai khan logote thakibole jaise.
\v 30 Aru ekeka hoise, jetiya tai khan eke logote bohise, Teo roti loise, aru asirbad korise, aru bhangi kena tai khan ke dise.
\v 31 Titiya tai khan laga chuku tu khulise, aru tai khan Teo ke chini paise, aru Jisu tai khan usor para Aatma hoi kena jai jaise.
\v 32 Ti khan ekjon-ekjon logote kotha patise, " Moi khan laga mon tu joli thaka nai niki, jetiya Teo ami khan logote ahi thakise, aru jitiya Isor laga kotha tu puri kena hunai sile?"
\v 33 Eitu homoi te tai khan uthise, aru Jerusalem te wapas jaise. Egharojon chela eke logote jama hoi thakise, aru dusra khan bhi eke logote thakise.
\v 34 Aru koise hosa para Probhu jinda hoise, aru Simon usorte ahise."
\v 35 Aru rasta te ki hoise eitu sob tai khan ke koi dise, keneka Jisu ami khan ke dekhai dise jetiya Teo ruti bhangise.
\v 36 Jetiya eitu kahani koi thakise, Jisu tai khan majote ahi kena khara hoi kena koise, tumi uporte shanti thakibo."
\v 37 Kintu tai khan asurit lagise, aru bisi bhoi lagise, tai khan bhabise ekta Aatma tai khan laga usorte ahise.
\v 38 Titiya Jisu tai khan ke koise, " Tumi khan kele bhoi lagise, aru kele mon te alak bhawana kori ase?
\v 39 Ami lga hath aru paw tu sabi aru eitu moi hai ase. Moi ke chui kena sabi kele atama tu mangso aru hardi nathake, kintu moi pohila nisina hei ase.
\v 40 Jitiya Teo eitu kotha koise, Teo tai khan ke hath aru paw dikhai dise.
\v 41 Aru eitu homoi te tai khan bisas nokora nisina hoi jaise, Teo aru tai khan ke koise, " Tumi khan logote kiba khabole ase niki?"
\v 42 Titiya tai khan Jisu ke jolai rakha mas khabole dise,
\v 43 Aru Teo tai khan usorte loi kena khaise.
\v 44 Aru tai khan ke koise, " Eitu moi laga kotha ase moi jinda thaka homoi te tumi khan ke koisile, Moses laga kitab te ki moi nimite likha ase, aru bhawvadi aru gana te ki likha ase eitu para hoise."
\v 45 Titiya Teo tai khan laga dimak Isor kotha bujibole khuli dise, aru tai khan ke koise,
\v 46 Eitu kotha likha ase: Krista dukh uthabo, aru mora para tin dinte zinda hobo;
\v 47 Mon ghurabole aru pap para khoma pabole sob desh te porchar koribo, Jerusalem para suru hobo.
\v 48 Tumi khan eitu laga gawahi hobo.
\v 49 Moi tumi khan ke baba Isor para ki kosom dise pothai ase. Kintu tumi khan eitu city chari kena najabi jitiya tak sorgo para takot napabo."
\v 50 Aru Jisu tai khan ke olop dur Bethany te loi jaise, aru hath uthai kena tai khan ke asirbad korise.
\v 51 Etiya eneka hoise, jitiya Teo tai khan ke asirbad kori thakise badal ahikena Jisu ke uthai kena sorgo te loi jaise.
\v 52 Ti khan Jisu ke mahima kori thakise, aru khusi ananda para Jerusalem te wapas jaise,
\v 53 Aru tai khan temple te jai kena Isor ke dhanyabad aru aradhana kori thakise. Amen