BCS-BIBLE_IndianStandardVersion-Nagamese-NT/Stage 2/41MATIRVNag.SFM

\id MAT - Indian Revised Version (IRV) Nagamese
\c 1
\p
\v 1 Abraham laga bacha, David laga bacha, Jisus Khrista laga khandan khan laga likhi kena rakha kitab.
\v 2 Abraham, Isaac laga baba hoise, aru Isaac, Jacob laga baba hoise, aru Jacob, Judah aru tai laga bhai-kokai khan laga baba hoise.
\v 3 Judah aru Tamar laga bacha khan Perez aru Zerah ase, aru Perez, Hezron laga baba hoise, aru Hezron, Ram laga baba hoise.
\v 4 Ram, Amminadad laga baba hoise, aru Amminadad, Nahshon laga baba hoise, aru Nahshon, Salmon laga baba hoise.
\v 5 Salmon, Boaz laga baba Rahab logot para hoise, aru Boaz, Obed laga baba Ruth logot para hoise, aru Obed, Jesse laga baba hoise.
\v 6 Jesse, Raja David laga baba hoise, aru David, Solomon laga baba Uriah logot para hoise.
\v 7 Solomon, Rehoboam laga baba hoise, aru Rehoboam, Abijah laga baba hoise, aru Abijah, Asa laga baba hoise.
\v 8 Asa, Jehoshaphat laga baba hoise, aru Jehoshaphat, Joram laga baba hoise, aru Joram, Uzziah laga baba hoise.
\v 9 Uzziah, Jotham laga baba hoise, aru Jotham, Ahaz laga baba hoise, aru Ahaz, Hezekiah laga baba hoise.
\v 10 Hezekiah, Manasseh laga baba hoise, aru Manasseh, Amon laga baba hoise, aru Amon, Josiah laga baba hoise.
\v 11 Josiah, Jechoniah aru tailaga bhai-kokai khan laga baba hoise jitia taikhan ke Babylon te loijaise.
\v 12 Babylon te loija pichete, Jechoniah, Shealtiel laga baba hoise, aru Shealtiel, Zerubbabel laga baba hoise.
\v 13 Zerubbabel, Abiud laga baba hoise, aru Eliakim, Azor laga baba hoise.
\v 14 Azor, Zadok laga baba hoise, aru Zadok, Achim laga baba hoise, aru Achim, Eliud laga baba hiose.
\v 15 Eliud, Eleazar laga baba hoise, aru Eleazar, Matthan laga baba hoise, aru Matthan, Jacob laga baba hoise.
\v 16 Jacob, Joseph laga baba jun laga maiki Mary ase, jun para Jisu ke jonom dise, aru Khrista koi kena ma-te.
\v 17 Etu karone, sob khandan Abraham para loikena David tok chaudah(fourteen) khandan thakise, aru David para loikena junkhan ke Babylon te loijaise aru Jisu Khrista laga jonom etu tok chaudah(fourteen) khandan thakise.
\v 18 Jisu Khrista laga jonom eneka para hoise. Tai laga ama, Mary, aru Joseph ke sadi kuribole kotha milai loise, kintu tai duijon sadi nohua agete, Pobitro Atma para bacha pet te bukhi ja jani jaise.
\v 19 Kintu Joseph, tai laga mota, ekta dharmik manu thakise aru sob manu agete taike bodnam nadibo nimite, etu nimite tai lukai kena tai ke charibole bhabona kuri loi se.
\v 20 Jitia tai etu khan bhabi thakise, sabi, prabhu laga ekta sworgo-duth tai laga sapana te ahise, eneka koise, "Joseph, David laga bacha, Mary ke tumi laga maiki hobole bhoi nakuribi, kile koile juntu ekta bacha tailaga pet te bukhi kena ase etu Pobitro Atma para ase.
\v 21 Tai ekta chokora ke jonom dibo, aru tumi tai laga nam Jisu rakhibo, kile koile tai para tailaga manukhan ke pap para bachai lobo.
\v 22 Etu khan eneka huwa tu Isor laga kotha pura hobo nimite juntu tai laga prophet khan para koise,
\v 23 "Hunibi, ekta mota-nachua-chukuri tai laga pet te bacha bukhibo aru ekta chokora ke jonom dibo, aru taikhan tai laga nam Immanuel"- etu mane, "Isor amikhan logote ase."
\v 24 Etu pichete Joseph humai thaka para uthi jaise aru ji kotha Isor laga sworgo-duth para hukum dise tai etu mani se aru tai Mary ke tai laga maiki banai loise.
\v 25 Kintu tailaga maiki bacha jonom nahua tok, tai laga osorte ja nai aru tai bacha laga nam Jisu matise.
\c 2
\p
\v 1 Etia, jitia Jisu Judea laga Bethlehem te jonom hoise juntu somoite Herod raja thakisele, Sabi, gyan thaka manukhan jonom laga kotha huni kena Jerusalem te ahise,
\v 2 enika koise, "Jew-jati khan laga raja jonom hua tu kote ase? Kile koile amikhan tai laga tara purab te dikhi se, aru amikhan tai ke aradhana kuribole ahise."
\v 3 Kintu jitia Herod Raja etu hunise, tai aru tai logote taka pura Jerusalem bisi bia paise. \s5
\v 4 Etu pichete Herod raja para sob dangor pujari aru gyani manukhan ke eke logote mati kena jama kurise, aru tai hudise taikhan ke, "Kote ase Khrista jun jonom hobo thaka tu?"
\v 5 Taikhan tai ke koise, "Judea laga Bethlehem te, kile koile etu he prophet khan para likhi se,
\q
\v 6 'Kintu Bethlehem laga manukhan, Judah deste thaka khan,
\q apunikhan Judah desh laga mantrikhan para komti nohoi,
\q kile koile apunikhan bhitor para ekta raja ulabo,
\q jun ami laga Isreal manukhan ke cholai loijabo.'" \s5
\m
\v 7 Etu pichete, Herod para lukai kena gyani manukhan ke kotha kurise aru tara tu ki somoi te ulaise itu bhal para jani loise.
\v 8 Etu pichete tai para gyani manu khan ke Bethlehem te eneka koikena pathaise. "Jabi aru bhal para itu bacha ke bisari bi. Kitia apunikhan tai ke paijai, ami ke kobi, kile koile ami bi tate jaikena tai ke aradhana kuribo."
\v 9 Jitia gyani manukhan Raja laga kotha khan huna pichete, tai khan jai jaise, aru sabi, taikhan juntu tara age din te dikhi se etu eki tara aru dikhi se aru taikhan etu tara laga piche jaise. Etu tara taikhan age-age jai kena etu bacha thaka jaga oporte rukhi jaise.
\v 10 Jitia tai khan etu tara ke dikhi se, tai khan bisi khusi hoise aru khusi para rukhibo napara hoise.
\v 11 Tetiya taikhan ghor bhitor te ghusi se aru taikhan ama Mary laga haat te chutu bacha dikhise. Taikhan athukari kena tai ke aradhana kurise. Taikhan khusi para taikhan laga kazana khulikena suna, aru agarbati, aru bhal goon laga tiel khan dan dise.
\v 12 Kintu Isor para tai khan laga sopana-te Herod logote wapas najabi koikena hosiar kuri dise, tetiya gyani manukhan tai khan laga nijor desh te dusara rasta para jai jaise. \s5
\p
\v 13 Kintu taikhan jai-ja piache, Isor laga sworgo-duth sopana te ahikena Joseph ke koise, "Uthibi, bacha aru ama ke loikena Egypt te polai jabi aru ami nakua tok tate thakibi, kile koile Herod Raja etu bacha ke mora bole bisaribo."
\v 14 Tetiya utu rati te, Joseph uthi kena bacha aru ama ke loikena Egypt polai jaise.
\v 15 Tai Herod namura tok tate he thaki se. Juntu kotha Isor laga prophet para koi disele, etu kotha pura hoi jaise, eneka koise, "Egypt para ami laga bacha ke mati loise." \s5
\p
\v 16 Jitia Herod gyani manukhan para taike thokai se koi kena janise, tai bisi khong uthi se. Etu nimite tailaga sipahi khan ke pathai kena jiman dui sal para niche mota bacha Bethlehem te ase etu sob ke morai dibole hukum dise. Kile koile utu somoi te Jisu jonom hoikena dui sal ase koikena Herod khobor paikena thakise.
\v 17 Prophet Jeremiah para ki kotha koi dise etu khan sob pura hoi jaise, eneka koi kena,
\q
\v 18 "Ramah te ekta awaz huni sele,
\q bisi mondukh hoikena kandi thakise,
\q Rachel tai laga bacha nimite kandi thaki se,
\q aru kunke bi tai laga mon ke shanti kuribo dia nai kile koile tai khan morise." \s5
\p
\v 19 Etia, jetia Herod muri jaise, sabi, Isor laga ekta sworgoduth, Joseph Egytp te thaka somoi te tai laga sopona te ahise,
\v 20 eneka koise, "Uthi kena bacha aru tai laga ama ke loikena Isreal desh te jabi, kile koile jun manukhan bacha ke morabole thaki se tai khan sob muri se."
\v 21 Etu pichete Joseph uthi kena, bacha aru ama ke loi jaise, aru Isreal laga desh te jaise.
\v 22 Kintu jetia tai hunise Herod laga bacha Archelaus Judea laga Raja hoise koi kena, tai tate jabole bhoi hoi jaise. Jitia Isor para tai laga sopona te hosiar korai dise, tai Galilee laga jaga te jaise.
\v 23 Aru Nazareth laga seher te jaise aru tate thaki loise. Eneka para, juntu prophets khan para Isor laga kotha koi dise etu pura hoise, aru tai ke Nazarene koi kena matibo.
\c 3
\p
\v 1 Etia utu somoi te John Baptist Isor laga kotha prochar kuri kena Judea laga sunsan jaga te ahise,
\v 2 enka koise,"Mon ghurabi, kile koile sworgo-raijo osor te ase."
\v 3 Kile koile prophet Isaiah para koi dia kotha tai koisele, eneka koise,
\q "Ekjon kunba sunsan jaga para hala kuri kena koise,
\q 'Isor laga rasta tayari kuribi,
\q tai laga rasta tu sidha kuribi.'" \s5
\m
\v 4 Etia, etu John laga kapor uth-janwar laga culi para bana lagai aru komor ke chamara laga rusi para bande.
\v 5 Tetiya Jerusalem, aru pura Judea, aru Jordan Nodi laga sob jaga para manukhan tai ke lok kuri bole ahe.
\v 6 Taikhan ke John para Jordan nodi te baptisma de, tai khan laga pap khan koidia pichete.
\v 7 Kintu jitia tai bisi Pharisees aru Sadducees khan ke Baptisma lobole ahi thaka dikhi se, tai taikhan ke koise,"Tumikhan saap laga bacha khan ase, kun koise apanikhan pap para polabole paribo koikena Isor laga sajai dia din te.
\v 8 Etu nimite, mon ghura laga bhijon tu apunikhan laga kaam para dikhai dibi.
\v 9 Apnikhan laga monte amikhan Abraham ke amikhan laga baba ase nabhabibi. Moi apunikhan ke koi ase Isor tu etu pathor khan ke bi Abraham laga khandan banabo pare.
\v 10 Kintu sob ghas khan katibole kuthar tu age para taiyari hoikena ase. Juntu ghas tu bhal guti nadhure etu ghas ke katikena jui te phelai dibi.
\v 11 Moi tu apunikhan ke pani parahe baptisma dibo. Kintu jun amilaga pichete ahi ase, tai tu ami para bi hokti ase, tai laga chappal tok lagabole moi dhuribole awkat nai. Tai apunikhan ke Pobitro Aatma aru jui para baptisma dibo.
\v 12 Tai dhan katibole dao loikena ahi ase, dob dhan khan ke tokori te jama kurikena ghas khan ke kitia bi khotom nohobole jui te phelai dibo. \s5
\p
\v 13 Etu pichete Jisu Galilee para ulaikena baptisma lobole nimite Jordan nodi te John ke lok kuribole ahi se.
\v 14 Hoilebi John tu Jisu ke rukhabole bisi kosis kurise eneka koikena, "Ami he apuni laga haat para baptisma lobo lage, hoilebi apuni he moi logote ahi se?
\v 15 Kintu Jisu tai ke enika koise, "etia karone tu kuridibi, kile koile ami khan nimite dharmikta kam khan pura kurile thik ase." Etu pichete John para kuri dise.
\v 16 Jisu jitia baptisma loikena pani para ulaise, sworg para ekta ujala nisena ahi kena Isor laga Atma dove chiria nisena hoikena tai oporte rukhi jaise.
\v 17 Etu pichete, sabi, ekta awaz sworg para koise,"Etu ami laga bisi-morom laga bacha ase. Ami tai oporte bisi khusi ase."
\c 4
\p
\v 1 Etu pichete Jisu ke Atma para ekta khali jaga te loi jaise juntu jaga te saitan para taike porikha kuribo.
\v 2 Jitia Jisu para chalis din aru chalis rati eku bi nakhai kena thakise,etu karne tai bhuk lagise.
\v 3 Etu pichete saitan ahikena Tai ke enika koise, "Apni tu Isor laga bacha ase koile, etu pathor khan ke roti hobole kobi."
\v 4 Kintu Jisu tai ke jawab dise aru koise, "Pobitro kitab te Eneka likhi kena ase, manu khali khai kena jinda nathakibo, kintu ji kotha Isor laga muk para ulai etu para he jinda thakibo.
\v 5 Etu pichete saitan para Jisu ke pobitro town te loi jaise aru mondir laga sob para oporte kara kurai se,
\v 6 aru tai ke koise, "Apuni Isor laga bacha ase koile, nijor ke yate para nicete phelai dibi, kile koile scripture te enika likhi kena ase,
\q 'Isor para tai laga duth khan ke hukum dikena apuni ke bachai lobo,
\m aru,
\q 'tai khan laga haat para apuni ke dhuri lobo,
\q aru apuni laga theng pathor para bi jokhom bi nahobo." \s5
\m
\v 7 Jisu tai ke enika koise, "Scripture te etu bi likhi kena ase, 'Apuni laga Isor ke porikha nakuribi.'"
\v 8 Aru, saitan Jisu ke sob para uncha ekta pahar te loi jai aru tai ke prithibi laga sob sundar aru sob dangor nam khan dikhai dise.
\v 9 Saitan para tai ke koise, "Apni moike athukari kena puja kurile, etu khan sob ami apunike didibo."
\v 10 Tetiya Jisu koise tai ke,"Yate para jai jabi, Saitan! Kile koile scripture te likhi kena ase,
\q 'Tumi khan Parabhu apuni laga Isor ke he aradhana kuribi, aru apuni khan khali tai ke he seva kuribi.'"
\p
\v 11 Tetiya saitan taike chari kena jai jaise, aru sabi, sworg laga duth ahi kena tai ke modot kuri se. \s5
\p
\v 12 Jitia Jisu para John ke dhurikena loi ja hunise, tai Galilee te wapas lukai jaise.
\v 13 Tai Nazareth ke chari kena Capernaum te jaise aru thaki se, juntu jaga Galilee nodi laga osorte ase, etu tu jaga tu Zebulun aru Naphtali laga bhitor te ase.
\v 14 Etu khan sob pura hoise juntu kotha Prophet Isiah para koidisele, eneka koikena,
\q1
\v 15 "Zebulun laga mati aru Naphtali laga mati,
\q1 nodi fane, Jordan para kurikena,
\q1 Gentiles khan laga Galilee!
\q1
\v 16 Utu manukhan jun andhera te bohithake tai khan dangor ekta ujala dikhise,
\q1 aru junkhan mora laga chaya aru jaga te bohi thake,
\q1 taikhan oporte ekta pohor dikhai dise." \s5
\p
\v 17 Utu somoi para he Jisu prochar kuribole suru hoise aru koise,"Mon ghurabi, kile koile sworgo laga jaga tu osor hoi ase."
\v 18 Jitia tai Galilee nodi fane berai thakisele, Simon jun Peter koikena mate, aru tai laga bhai Andrew, mass dhora jaal nodi te phelai thaki se, kile koile tai khan mass dhora manu thaki se.
\v 19 Jisu tai khan ke koise,"Ahibi, ami piche kuribi, aru moi tumi khan ke manu dhuribole bonai dibo."
\v 20 Loge-loge taikhan laga mass dhora jaal khan phelai dise aru Jisu laga piche kuribole suru hoise.
\v 21 Jitia Jisu tate para jai thaki se, tai dui jon bhai kokai ke dikhise, James, Zebede laga chokora, aru tai laga bhai John. Tai ekta naoka te taikhan laga baba Zebedee logote mass dhora jaal khan milai thakise. Jisu tai khan ke mati se,
\v 22 aru taikhan loge-loge taikhan laga naoka aru baba ke charikena Jisu piche kuri loise. \s5
\p
\v 23 Tetiya Jisu Galilee laga sob jaga te berabo jaise, Isor laga synagogues te sikhai thaki se, aru pobitro jaga laga gospel ke porchar kuri se, aru sob kisim laga ghao bemar aru sob bemari manu khan ke changai kuri kena berai jaise.
\v 24 Tai laga khobor khan sob Syria laga desh te huni loise, aru manukhan Jisu osorte kisim-kisim bimar aru dukh pai thaka khan, aru jun khan laga gao bhitor te bhoot humai thakia, aru pakala manukhan, aru theng-haat hilibo napara, etukhan sob ke loikena ani se. Taikhan ke Jisu para changai kuri dise.
\v 25 Aru Galilee para, Decapolis te dosta town para, aru Jerusalem para, aru Judea, aru Jordan para bi dur thaka, etu sob manukhan Jisu laga piche ahibole lagi se.
\c 5
\p
\v 1 Jitia Jisu eman bisi manukhan ke dikhi se, tai ekta uncha pahar te uthi jaise. Tai bohia pichete, tai laga chela khan tai osorte ahise.
\v 2 Etu pichete tai mukh khuli se aru taikhan ke sikhai se, eneka koikena,
\p
\q
\v 3 "atma te dukhia thaka khan, etu khan asis pai kena ase,
\q2 kile koile sworg laga desh tai khan nimite ase.
\q
\v 4 Dukh hoi kena thaka khan, tai khan asis pai kena ase,
\q2 kile koile tai khan laga mon aram kuri dibo. \s5
\q
\v 5 Nomro hoi kena thaka khan asis pai kena ase,
\q2 kile koile tai khan dhunia te malik hoikena thakibo.
\q
\v 6 Hosa aru bhal kaam nimite bhuk aru pias ase, tai khan asis pai kena ase,
\q2 kile koile tai khan ke bhorta kuridibo.
\q
\v 7 Morom thaka manu khan asis pai kena ase,
\q2 kile koile tai khan morom tu pai jabo.
\q
\v 8 Mon sapa thaka khan asis pai kena ase,
\q2 kile koile tai khan Isor ke dikhibo. \s5
\q
\v 9 Shanti nimite kura khan asis pai kena ase,
\q2 kile koile tai khan ke Isor laga bacha koikena matibo.
\q
\v 10 Hosa nimite dukh pai thaka khan asis pai kena ase,
\q2 kile koile sworgo laga desh tu tai khan nimite ase. \s5
\p
\v 11 Apni khan asis te ase jitia ami laga nam nimite manukhan apuni khan ke gali bo, dukh dikdar dibo aru misa misi bodnam dibo.
\v 12 Mon te bisi khusi hobi kile koile sworg te apuni nimite bisi dangor enam rakhi kena ase. Jun prophet khan apuni laga age te ahisele, tai khan ke bi eneka dukh dikdar dise. \s5
\p
\v 13 Apni khan etu prithibi laga nimok nisena ase. Kintu nimok laga swad natha kile, kineka kuri kena nimok laga swad tu anibo? Etu tu eku kaam laga nohoi, kintu etu ke phelai dibo aru manu khan para chipai dibo.
\v 14 Apni khan etu prithibi laga Ujala ase. Ekta bosti pahar oporte bonaile luka bo napare.
\v 15 Nohoile bi manu khan tai laga saki julai kena kiba ekta para bon kurikena narakhe, kintu etu saki ke oporte rakhi kena pura ghor ke ujala kuri de.
\v 16 Apni laga pohor eneka kuri kena pura ujala kuridibo manu khan agete, tetiya tai khan apuni laga bhal kaam khan sob dikhi jabo aru apuni laga Baba jun sworgo te ase tai ke mohima dibo. \s5
\p
\v 17 Eneka nabhabi bi je moi Isor laga niom aru tai laga prophets khan ke khotom kuri dibo nimite ahise. Moi khotom kuridibole aha nohoi, kintu etu khan sop pura kuri dibo nimite ahise.
\v 18 Kile koile moi hosa para apuni khan ke koi ase jitia tok prithibi aru akas khan khotom nohoi, ekta dagi nohoilebi ekta chutu kotha etu khan ekta bi naharabo, jitia tok etu kotha khan sob pura nohoi.
\v 19 Etu nimite, jun khan etu sob niom khan hukum aru sikai dia para ekta niom bi bhangi loi, tai khan laga nam bi Isor laga desh para hatai dibo.
\v 20 Etu nimite ami apunikhan ke koi ase, sworg laga desh te ahibo nimite apuni khan niom hika master khan aru pharisees khan para bi bhal hobo lage. \s5
\p
\v 21 Apuni khan poila te huni se utu purana somoite enka koi dise,'Morai dia kaam nakuribi,' aru, 'Jun manu para manu ke morai tai khan Isor laga porikha khotom hua din te pabo.'
\v 22 Kintu moi apuni ke koi ase sob manu jun khan tai nijor bhai ke gusa hoikena ase tai tu Isor laga porikia para bisi dikdar te hobo, aru jun khan tai bhai ke eneka koi, 'tumi kam nathaka manu!' Manu khan agete bisi dikdar te hobo; aru jun eneka koi,'Tumi okora manu!' Tai norok laga jui te jabo.
\v 23 Etu karone, jitia apuni laga dhon khan Isor laga age te dan dibole aney aru apuni laga bhai-kokai ke kiba bia kurise koi kena monte ahise koile,
\v 24 apuni laga dhon khan tate chari dibi. Aru pohila jakena apuni laga bhai-koikai logote mon milai lobi, etu pichete ahi kena Isor ke dan dibi.
\v 25 Kunba apunike court te loi jabo koi ase koile, court te jabole agete tai logote kotha milai lobi, kile koile ekbar court te jaise koile tai para apunike ukil laga haat te didibo, aru ukil apunike sipahi khan logote didibo aru sipahi khan apuni ke jial te gusai dibo.
\v 26 Hosa para ami apunikhan ke koi diase, apuni jial para bahar na ulabo jitia tok apuni laga dhar sob tirai nadibo. \s5
\p
\v 27 Apuni khan eneka kua huni kena ase, 'Bebichari nakuribi.'
\v 28 Kintu ami apunikhan ke koi diase jun manu ekta maiki ke bia kam kuribole bhabi loi, tai mon bhitor te bebichar kori loi. \s5
\v 29 Jitia ekta suku para apuni ke bia kam kuribo diase koile, utu suku ke ulai kena phelai dibi. Kile koile gao te ekta bia saman nimite pura gao norok te ja para tu, ekta suku nathaki kena jinda thakile he bhal ase.
\v 30 Apni laga ekta haat nimite apuni paap kam kuri ase koile, etu ke kati kena phelai dibi apuni laga gao para. Kile koile pura gao norok te ja para, ekta haat nathaki kena jinda thakile he bhal ase.
\v 31 Eneka bi koi kena ase,'Jun mota tai laga maiki ke chari bole mon ase koile, etu mota ke chari dia laga chithi likhi kena tai laga maiki ke dibole.'
\v 32 Kintu Moi tumi khan ke etu koi di ase jun mota dusara maiki logote bybichar kuri bole tai laga maiki ke chari diye, tai tu bybichar kura maiki ase. Aru jun manu etu mota chari dia maiki ke sadi kuri loi, tai bybichar kuri loi. \s5
\p
\v 33 Aru, apuni khan poila zamana laga somoi te huni kena thaki bo,'Misa kotha nimite kosom nakhabi, kintu ji kosom Prabhu logote kuri se etu pura koribi.'
\v 34 Kintu Moi apuni khan ke koi ase, apuni laga kosom nimite, sworgo te thaka laga nam nalobi, kile koile etu Isor thaka jaga ase;
\v 35 nohoilebi prithibi laga namte, kile koile etu Isor laga theng rakha jaga ase; nohoilebi Jerusalem laga namte, kile koile etu bisi dangor Raja khan laga desh ase.
\v 36 Nohoilebi nijor laga naam loikena kosom nakhabi, kile koile apuni nijor laga chuli ke boga nohoilebi kala kuribole hokti nai.
\v 37 Kintu apuni laga kotha tu 'Hoi hoile, Hoi kobi,' nohoile 'Nohoi hoile, Nohoi kobi.'Kintu etu para bisi kotha kura khan tu sob bia khan para ase. \s5
\p
\v 38 Apni khan huni se eneka koi kena ase, 'Suku laga bodla Suku para, aru Daat laga bodla daat para.'
\v 39 Kintu Moi koi ase, apuni ke kunba golti kura manu ke badla lobole nakuribi. Hoilebi, jun manu apuni ke muk laga ekta phane thapor mari se koi le, apuni laga dusara phane bi maribole dibi.
\v 40 Kunba manu court te jabole icha hoi aru apuni laga kapra pindhi loi, tai ke apuni laga chador bi di dibi.
\v 41 Kunba manu khan para apuni ke kilometer jabole koile, apuni tai ke dui kilomete tok loi jabi.
\v 42 Jun manu apuni ke kiba mangyi le tai ke di didibi, aru jun manu apuni ke kiba dhar lobole mange, tai ke mana nakuribi. \s5
\p
\v 43 Apni khan huni se eneka koi kena ase, 'Apni laga ghor osor te thaka manu ke morom kuribi aru apuni laga dusman ke ghin kuribi.'
\v 44 Kintu Moi apuni kanke koi ase, apuni laga dusman ke morom kuribi, aru jun khan apuni ke dukh-dikdar di ase tai khan nimite prathana kuribi,
\v 45 eneka kuri le apuni khan sworg te thaka Baba laga bacha hobo. Kile koile tai laga suraj tu bia manu aru bhal manu ke bi diye, aru borkhon pani tu bia manu aru bhal ke bi diye.
\v 46 Jitia apuni khan khali morom kura khan ke morom kurile, etu tu ki laab pabo? Kile koile tax utha manu khan bi eneka kure nohoi?
\v 47 Apni khan khali apuni laga bhai-kokai khan he mane koile, etu kuri kena apuni ki dangor kaam kurise? Gentiles khan bi dusara khan ke eneka kure nohoi?
\v 48 Etu nimite, apuni khan ekdom thik hobo lage, jineka apuni laga sworgo Baba thik ase.
\c 6
\p
\v 1 Etia bhal para buji lobi, apuni khan manu ke dikhabole nimite bhal kaam nakuribi, nohoile sworgo te thaka Baba para apuni ke eku enam nadibo.
\v 2 Jitia apuni khan kunba ke modot kuri ase koile, apuni khan sob manu ke hunai kena hala nakuribi, kile koile pharasis khan bi manu khan ke dikhabole nimite hala kure Isor laga ghor nohoilebi rasta te. Hosa para moi koi di ase, tai khan laga enam tu pai kena ase.
\v 3 Kintu apuni khan jitia dan de, apuni laga daina haat ki kuri ase apuni laga baiya haat ke janibole nadibi,
\v 4 tetiya apuni laga dan dia tu kun bi najanibo. Tetiya apuni laga Baba jun lukai kena sai ase apuni ke lukai kena enam dibo.
\v 5 Jitia apuni khan prathana kure, pharesie khan nisena nahobi, kile koile tai khan manu khan agete dikhabole nimite prathana kure. Hosa para Ami koi diase, tai khan laga enam tu taikhan pabo.
\v 6 Kintu, jitia apuni khan prathana kure, ghor bhitor para dorja bon kuri bi aru lukai kena apuni laga baba ke prathana kuribi. Tetiya apuni laga Baba jun lukai kena apuni ke sai ase, apuni ke enam dibo.
\v 7 Jitia apuni khan prthana kure, Gentiles khan nisena ekta kotha bar-bar koi nathakibi, kile koile tai khan bhabe eneka koi le tai khan laga kotha huni lobo.
\v 8 Etu nimite, tai khan nisena nakuribi, kile koile apuni laga Baba apuni ki mangi bole ase etu age para jani ase.
\v 9 Etu nimite, eneka prathana kuribi: 'Ami khan laga Baba jun sworgo te ase, Apni laga nam uncha hobi.
\v 10 Apni laga sworgo ahibole dibi. Apuni laga icha hobole dibi etu prithibi te jeneka sworgo te ase.
\v 11 Ami khan ke hodai din laga kaloa dibi.
\v 12 Ami khan laga dhar khan maaf kuri dibi, jineka ami para ami khan laga dhar thaka khan ke maaf kuri dise.
\v 13 Ami khan ke porikhia te giribo nadibi, kintu sob bia khan para ami khan ke bachai lobi.'
\v 14 Kile koile jitia apuni khan dusara khan laga golti khan maaf kuri le, apuni laga sworgo Baba bi apuni khan ke maaf kuri dibo.
\v 15 Kintu jitia apuni khan dusara khan ke maaf nakurile, apuni laga sworgo Baba bi apuni khan laga golti maaf nakuribo.
\v 16 Jitia apuni Isor nam te nakhai kena thake, apuni khan Pharasis khan nisena mondukh laga cehera nadikhabi, kile koile tai khan manu khan ke dikhabo nimite tai khan laga cehera bia kuri kena dikhai, hoilebi tai khan laga enam tu pabo.
\v 17 Kintu, jitia apuni Isor nam te nakhai kena thake, nijor laga matha te tel hali lobi aru cehera ke dholai lobi,
\v 18 tetiya manu khan apuni ke sai kena najanibo je apuni fasting kuri ase koi kena, kintu khali apuni laga Baba nimite jun lukai kena ase; aru apuni laga Baba jun lukai kena sai ase, tai he apuni ke enam dibo.
\v 19 Nijor nimite etu dhuni laga dhon jama nakuribi, juntu jaga te apuni laga sob dhon puka aru kira para khotom kuridibo, aru jun jaga te chor khan bhangai kena chor kori lobo.
\v 20 Hoilebi, nijor laga sob dhon sworgo te jama kuribi, juntu jaga te napuchibo nohoilebi puka khan para khotom kuribo naparibo, aru chor khan bhanga bole naparibo.
\v 21 Kile koile jun jaga te apuni laga dhon ase, tate apuni laga mon bi thakibo.
\v 22 Suku tu apuni laga gao te sakhi nisena ase. Etu nimite, jitia apuni laga suku tu thik thakibo, apuni laga gao te bi pura ujala hobo.
\v 23 Kintu jitia apuni laga suku tu letera thakibo, apuni laga pura gao bi letera thakibo. Etu nimite, juntu ujala apuni bhitor te thaka tu andhera ase koile, etu andhar tu kiman bi dangor ase!
\v 24 Kun manu bi duita malik ke seva kuribo naparibo, kile koile tai ekta malik ke morom kuribo aru ekta malik ke ghin kuribo pare, nohoile bi ekjon ke mon dibo aru ekjon ke mon nadibo. Apni Isor aru dhon ke seva kuribo naparibo.
\v 25 Etu karone, Moi koi ase, nijor laga jibon nimite chinta nakuribi, apuni ki khabo nohoilebi ki pindhibo- nohoilebi apuni laga gao nimite, ki kapur uribo. Kalua parabi Jibon tu dangor nohoi neki, aru kapur parabi apuni laga gao he dangor nohoi naki?
\v 26 Akas oporte chiria khan ke sabi. Tai khan kheti bi na kure, aru kheti bi na kate, nohoilebi tai khan laga ghor te jama nakure, kintu apuni laga sworgo te thaka baba tai khan ke sob khilai. Apni etu chiria khan para bi bisi dangor ase nohoi?
\v 27 Kintu apuni khan jun bisi chinta kuri thake, apuni khan laga jibon ke lamba kuribo pare naki?
\v 28 Apni khan kile kapur nimite eman chinta kuri ase? Kheti te phuli thaka phool khan ke bhabibi, tai khan keneka phule. Tai khan eku kaam nakure, aru tai khan kapur nabanai.
\v 29 Tetiya bi Ami apuni khan ke koi ase, Solomon ekta dangor raja hoi kena bi tai ke etu khan sob nisena kapur lagai dia nai.
\v 30 Kintu jitia Isor para kapur pindhai dibole pare etu kheti te thaka phool khan jun aji ase aru kali kati kena julai de, tai apuni ke etu khan para bi bisi kapur pindhai dibo naparibo naki, tumi komti bisas thak manu khan?
\v 31 Etu nimite, bisi chinta hoikena eneka nakobi,'Ami khan ki khabo?' Nohoilebi, 'Ami khan ki pindhibo?'
\v 32 Kile koile etu khan nimite Gentiles khan he bisare, kile koile apuni laga sworgo Baba apuni khan ke ki lage sob jani ase.
\v 33 Kintu pohila Tai laga sworgo raijo aru dharmicta ke bisaribole kuri bi aru etu khan sob saman apuni ke Tai para dibo.
\v 34 Etu nimite, kali nimite chinta nakuribi, kile koile kali tu tai nijor he chinta kuribo. Hodai din tai nijor laga bia din thake.
\c 7
\p
\v 1 Dusara ke bichar nakuribi, tinehoile apuni ke bi bichar nakuribo.
\v 2 Ki kotha para apuni bichar kure, apuni ke bi etu para bichar kuribo, aru ki loikena apuni hisab-kitab kuribo, thik teneka apuni bi etu nisena hisab-kitab pabo.
\v 3 Kintu apuni kile apuni laga bhai-kokai laga suku te chutu moila thaka tu sai ase, hoilebi apuni nijor laga suku te dangor moila thaka tu nadikhe?
\v 4 Nohoilebi apuni keneka enka apuni laga bhai ke koi,'Ami ke apuni laga suku te chutu moila thaka tu safa kuribo dibi,' jitia apuni nijor laga suku te ekta dangor moila thaki kena?
\v 5 Tumi pharisees khan! Poila nijor laga suku te dangor moila thaka tu safa kuri lobi, aru etu pichete apuni khan bhal para dikhi kena dusara laga chutu moila safa kuribole paribo.
\v 6 Juntu pobitro ase etu khan kukur khan ke nadibi, aru apuni laga hira-moti khan jongol gahori khan ke nadibi. Nohoile tai khan laga theng para chipai dibo, aru etu pichete ghori kena apuni khan ke kamuri kena apuni khan laga gao ke bhag-bhag kuridibo.
\v 7 Mangi bi, aru apuni khan ke dibo. Bisaribi, aru apuni pai jabo. Dorja te maribi, aru apuni khan nimite khuli dibo.
\v 8 Kile koile jun sob khan mange, tai khan pai jai; aru jun bisare, tai khan pai jai; aru jun dorja te mare, tai khan nimite kuli dibo.
\v 9 Nohoilebi kunba manu ase naki apuni khan majote, jun laga bacha para khabole loaf mangile, tai laga baba para pathor de naki?
\v 10 Nohoilebi bacha para mass khabole mangile, tai laga baba para sapp dibo naki?
\v 11 Etu nimite, apuni khan kiman bia hoilebi nijor bacha ke bhal saman khan de, tine hoile apuni laga Baba jun sworg te ase tai aru bisi bhaal saman apuni ke mangise etu nadibo naki?
\v 12 Etu nimite, sob te, apuni ke kilage dusara khan para, thik eneka apuni bi dusara khan ke kuribi, kile koile etu tu moses para koi dia niom ase.
\v 13 Ekdon chutu rasta para gusi bi. Kile mane juntu dorja bisi dangor aru juntu rasta bisi dangor hoi, etu tu khotom kuri dia rasta te loi jai, aru bisi manu etu rasta te jabole kure.
\v 14 Kile koile juntu dorja ekdon chutu aru juntu rasta bisi chutu hoi, etu tu jibon laga rast te loi jai, aru kunba manu khan he etu rasta te jai.
\v 15 Misa kua prophets khan para hosiar thakibi, jun khan saguli laga nisena kapur pindhi kena dikhai, kintu bhitor te tu taikhan ekdom bhuk lagi thaka sial janwar ase.
\v 16 Tai khan laga kam laga guti para apuni khan jani jabo. Manu khan kata laga ghas para angur ke jama nakure, nohoile fig guti khan kata laga ghas para ulai naki?
\v 17 Etu nisena, sob bhaal ghas khan bhal guti dhure, kintu bia ghas khan bia guti dhure.
\v 18 Ekta bhal ghas bia guti dhuribo napare, nohoilebi ekta bia ghas bhal guti dhuribo napare.
\v 19 Jun tu ghas bhal guti nadhure etu ghas ke kati kena jui te phelai dibo lage.
\v 20 Etu pichete, apuni khan tai laga guti para jani jabo.
\v 21 Sob manu jun 'Prabhu, Prabhu' eneka koi, etu khan sworgo laga desh te humabole nohoi, kintu khali jun manu sworgo te thaka Baba laga icha kura khan he humabole paribo.
\v 22 Bisi manu khan utu din te kobo,'Prabhu, Prabhu, ami khan apuni laga nam te prophesy kura nai naki, aru apuni laga nam te bia aatma khan ke khedai dia nai naki, aru apuni laga nam te asurit kam khan kura nai neki?
\v 23 Tetiya Ami khuli kena tai khan ke koi dibo,'Moi tumi khan ke kitia bi jana nai! Moi laga osor para jai jabi, tumi khan saitan laga niom kura khan!'
\v 24 Etu nimite, sob manu jun Ami laga kotha khan hune aru etu khan sob mane, tai khan ekta gyani manu ase jun khan pathor oporte ghor bonai.
\v 25 Bisi dangor hawa aru pani khan ahi kena, aru pura pani para bhorta kurilebi, etu ghor ke girabole napare, kile koile etu ghor tu pathor oporte bonai se.
\v 26 Kintu sob manu jun Ami laga kotha hune aru namane tai khan okora manu jun balu laga oporte ghor bonai.
\v 27 Dangor borkhon khan ahe, aru pura pani bhorta hoi jai, aru hawa para etu ghor ke hilai de, aru etu ghor pura giri jai, aru pura ghor ke khotom kuri de."
\v 28 Etu pichete jitia Jisu etu kotha khan koi kena khotom kurise, tai sikhai dia kotha huni kena sob manu asorit hoi jaise.
\v 29 Ksile koile tai khan laga sikhai dia manu nisena nohoi, kintu ekta adhikar thaka manu nisena sikhai dise.
\c 8
\p
\v 1 Jitia Jisu pahar opor para namiloise, bisi manu jama hoi kena Tai laga piche kuri se.
\v 2 Aru Sabi, ekjon leprosy bimar thaka manu Tai laga osorte ahi se aru Tai agete matha jukhi kena, eneka koise,"Prabhu, Apni icha ase koile, apuni moike sapa kuribole paribo."
\v 3 Jisu tai osorte jai kena tai ke choi kena, koise,"Moi laga icha ase. Sapha hobi." Aru tai loge-loge tai laga bimar para sapha hoi jaise.
\v 4 Etu pichete Jisu tai ke koi se, "Sabi, etu kunke bi nakobi. Kintu jabi aru tumi laga mondir laga pandit khan dikhai dibi aru Moses kineka hukum dise jai kena apuni tofa para niom kuri lobi, tetiya etu dusara khan nimite apuni laga gawahi hobo.
\v 5 Jitia Jisu Capernaum jaga te gusi loise, ekta Roman sipahi laga sahab Tai osorte ahi se aru hudi se,
\v 6 aru koise, "Prabhu, ami laga kam kura nokor paralyze hoi kene humai ase aru tai bisi dukh te ase."
\v 7 Jisu tai ke koise, "Moi ahibo aru tai ke bhal kuri dibo."
\v 8 Kintu Roman sipahi laga sahab para tai ke eneka jawab dise,"Prabhu, apuni ekjon nam thaka manu ase ami laga ghor te matibole sorom ase, kintu khali apuni laga kotha koi dibi aru ami laga nokor tu bhal hoi jabo.
\v 9 Kile koile ami bi ekjon adhikari te rakhi kena thaka manu ase, aru ami nichete sipahi kan ase. Ami tai ke eneka hukum de,'Jabi', aru tai jai, aru dusara ekjon ke,'Ahibi,' aru tai ahe, aru nokor ke,'Eneka kuribi,' aru tai kure."
\v 10 Kintu jitia Jisu etu huni se, Tai ashurti hoi jai aru tai piche aha manu khan ke koi,"Hosa para Moi apuni khan ke koi ase, Ami kitia bi etu nisena eman dangor biswas thaka manu pura Isreal des te dikha nai.
\v 11 Kintu Moi tumi khan ke koi ase, purab(east) aru pashchim(west) para bisi manu ahibo, aru tai khan aram kuri kena Abraham, Isaac, aru Jacob, osorte sworgo laga raijo te bohibo.
\v 12 Kintu raijo laga bacha khan ke andhera jaga te phelai dibo, juntu jaga te khali daat kamuri kena kandi thakibo."
\v 13 Tetiya Jisu etu Roman laga sahab ke koi se,"Jabi! Jeneka tumi biswas kuri se, etu nisena he hobo dibi." Aru thik utu homoite tai laga nokor bhal hoi jaise.
\v 14 Jitia Jisu Peter laga ghor te ahi jaise, Tai Peter maiki laga ama ke bukhar para bimar hoikena humai thaka dikhi se.
\v 15 Jisu tai laga haat choise aru tai laga bimar sob bhal hoi jaise. Etu pichete etu ama uthi kena Jisu ke kha-lua seva kuribole suru hoi jai.
\v 16 Jetia saam hobole suru hoi thaki se, manukhan Jisu osorte gao te bia aatma humai kena thaka manu khan ke loi kena ahise. Tai laga kotha para sob bia aatma khan khedai dise aru sob miar thaka manu khan ke bhal kuri dise.
\v 17 Etu nisena juntu kotha khan koi disele Isaiah prophet etu khan sob pura hoi jaise, eneka koise"Tai nijor he amikhan laga sob bimar khan loi-loise aru amikhan laga sob ghao khan nijor bukhi loise."
\v 18 Jitia Jisu tai osorte bisi manu jama hoi kena dikhi se, tai dusara khan Galilee laga nodi tu alak jaga para kuri kena jai jabi koi de.
\v 19 Etu pichete ekjon para-likha thaka manu Tai logote ahise aru koise, "Teacher, Apuni kot jai ami bi apuni pichete jabo."
\v 20 Jisu tai ke koise,"Shial khan chenda bhitor te thake, ciria khan pata para bona ghor te thake, kintu Manu laga Bacha nimite thakibole ghor nai."
\v 21 Jisu laga ekjon chela para tai ke koi se,"Prabhu, moi ke pohila ekbar ghor te jaikena ami laga baba ke kobor dikena ahibo."
\v 22 Kintu Jisu tai ke koise,"Moi laga piche kuribi, aru mori ja manu khan tai nijor ke kobor dibole dibi."
\v 23 Jitia Jisu nao bhitor te gusi loise, tai laga chela khan sob tai piche gusi loise.
\v 24 Sabi, ekta dangor tufan nodi para uthibole suru hoise, aru pura naoka hawa aru pani para hilibole hoise. Kintu Jisu tu humai thaki se.
\v 25 Tetiya tai laga chela khan tai osorte ahi se aru eneka koi kena uthai dise,"Prabhu, ami khan ke bacha bi; ami khan muribole ase!"
\v 26 Jisu tai khan ke koise,"Tumi khan biswas komti thaka khan kile bhoi khai ase? Etu pichete Tai uthi kena etu hawa- pani ke hukum dikena rukhai dise. Etu pichete sob thanda hoi jaise.
\v 27 Kintu sob manu ashurit hoi kena koise, "Etu ki kisim laga manu ase, hawa aru pani tok tai laga kotha mane?"
\v 28 Jitia Jisu nodi par kurikena Gadarenes laga desh te punchi se, duijon manu jun laga gao bhitor te bia aatma gusi kena thaki se tai khan Jisu ke lok kure. Tai khan koborstan para ulai kena ahi se aru bisi khechara hoi kena thaka nimite manu khan etu rasta para jabole napare.
\v 29 SABI, tai khan hala kuri kena koise, "Ami khan Apni ke ki kuri dibo, Isor laga Bacha? Apni aha laga motlob tu amikhan ke bisi dukh dibole ase neki homoi napuncha agete?"
\v 30 Utu somoite bisi gahori khan dana khai thaki sele, tai khan para bisi dur bi nohoi.
\v 31 Aru bia aatma khan Jisu ke anurut kuri kena koise, "Apni amikhan ke khedai dibole ase koile, ami khan ke etu gahori khan laga gao te gusibo dibi."
\v 32 Tetiya Jisu tai khan ke koise, "Jabi!" Etu hukum dia pichete sob bia aatma khan koise aru gahori khan laga gao bhitor te gusi jaise; aru sabi, etu sob gahori khan pahar opor para polaikena nodi te gusi kena muri jaise.
\v 33 Kintu juntu gahori sai thaka manu khan city te polai kena sob manu khan ke khobor dide.
\v 34 SABI, pura city laga manu khan Jisu ke lok kuribole olai ahe. Jitia tai khan Jisu ke dikhe, tai khan Jisu ke anurut kure aru taikhan laga jaga para jai jabole koi.
\c 9
\p
\v 1 Tetiya Jisu naoka te uthi loi aru nodi par kure, aru tai nijor laga city te ahijai.
\v 2 Sabi, manu khan ekjon paralyzed manu chatai te ghumai thaka ke loi anise. Jitia Jisu tai khan laga biswas dikhise, tai paralyzed manu ke koise,"Chokora, mon dangor kuribi. Tumi laga pap sob maaf kuri dise."
\v 3 Tetiya Sabi, para-likha manu khan tai khan majote koise,"Etu manu Isor laga kotha ke bia koi ase."
\v 4 Kintu Jisu tai khan laga bhabona janikena ase aru koise, "Apni khan ki hisap te mon bhitor te bia kotha bhabona kuri ase?
\v 5 Kile koile, kuntu he aram para kobo pare, 'Apni khan laga paap khan sob maaf kuri dise,' na,'Uthibi aru berabi' etu thik ase?
\v 6 Kintu apuni khan ke janai dibole, Manu laga Bacha ke etu dhunia te adhikar dikena ase manu laga pap maf kuribole, ... " Etu pichete Tai paralyze manu ke koi se, "uthi bi, tumi laga chatai lobi aru nijor laga ghor te jabi."
\v 7 Tetiya etu manu uthi se aru nijor ghor te jai jaise.
\v 8 Jitia manukhan etu dikhi se, tai khan ashurit hoise aru Isor ke mahima dise, jun he manu khan ke eneka adhikar dise koikena.
\v 9 Jitia Jisu etu jaga ke par hoi kena jai thaka homoite, tai Matthew koikena ekjon manu ke dikhi se, jun ekta poisa utha laga jaga te kam kuri thaki se. Tai para tai ke koise, "Ami laga piche kuribi." Aru tai uthi se aru piche kuri se.
\v 10 Aru eneka hoise, jitia Jisu bohikena ghor te bhat khabole loise, sabi, bisi poisa utha manukhan aru papi khan bi ahise aru Jisu aru tai laga chela khan logote milekena khai se.
\v 11 Jitia Pharisees khan dikhi se, tai khan Jisu laga chela khan ke hudise, "Kile apuni khan laga master, poisa utha aru papi manukhan logote mili kena khai ase?"
\v 12 Jitia Jisu etu hunise, tai koise, "Manu khan jun laga gao sob thik ase, tai khan doctor ke nalage, khali jun khan bimar ase tai khan ke lage.
\v 13 Kintu apunikhan jabi aru sikhibi etu laga matlab: 'Ami apunikhan bolidan dia tu nalage hoilebi daya kura tu moi laga icha ase.'Kile koile ami dharmic khan ke matibole aha nai, kintu papi manu khan karne ahise."
\v 14 Etu pichete John laga chela khan Tai logote ahi kena koise,"Kile Pharisees aru amikhan fasting kure, kintu apuni khan laga chela khan tu nakure?"
\v 15 Jisu tai khan koise,"Sadi te aha khan mon dukh hoi kena doolha logote thake naki? Kintu utu din ahibo jitia doolha ke tai khan para loi jabo, aru etu pichete tai khan fasting lobo.
\v 16 Kun manu bhi ekta notun kapra ke purana kapoor logote silai kena nalagai, kile koile etu kapor laga sila khan sop olai jabo, aru bisi bia para phati jabo.
\v 17 Nohoilebi manu khan purana angur-ross ke notun chamara-jhola te nahale. Nohoile, chamara-jhola tu phati jabo, aru angur-ross tu pura giri jabo aru chamara-jhola pura bia hoijabo. Hoilebi, taikhan notun chamara-jhola te notun angur-ross haley, enka hoile duta bi bhal thakibo."
\v 18 Jitia tai etu khan taikhan ke koi thaki se, sabi, ekta dangor sahab ahise aru Jisu agete matha jukhi se. Tai koise, "Moi laga chukuri etia muri jaise, kintu apuni ahibi aru tai oporte apuni laga haat lagai dibi, aru tai zinda hoi jabo."
\v 19 Etu pichete Jisu uthi se aru tai logote jaise, aru tai laga chela bi piche kurise.
\v 20 Sabi, ekta maiki jun baro sal para khon jai thaka bimar para dukh pai thaki se ahi kena Jisu laga piche tai laga kapor kinar te choise.
\v 21 Kile koile tai nijor ke koise,"Khali tai laga kapoor choile, ami bhal hoi jabo."
\v 22 Kintu Jisu piche ghuri se aru tai ke sai kena koise,"Chukuri, mon dangor kurilobi; apuni laga bisas para bhal hoi se." Aru etu maiki utu somoite bhal hoi jaise.
\v 23 Jitia Jisu utu sahab laga ghor te punchi se, tai ekjon basuri boja manu aru bisi manu jama hoikena hala kuri thakia dikhise.
\v 24 Tai koise,"Jai jabi, kile koile etu chukuri mora nai, kintu tai humai ase." Kintu etu manukhan Jisu ke hasi di thakise.
\v 25 Jitia jama hoikena thaka manu khan sob ke bahar te pathai dise, tai ghor bhitor te gusi se aru etu chukuri ke haat para dhurise, aru etu chukuri uthi jai se.
\v 26 Aru etu laga khobor utu jaga sob te huni loise.
\v 27 Jisu jitia berai jai thaki se, duijon andha manu tai piche kuri se. Tai khan hala kurikena koise,"Ami khan ke daya kuribi, David laga bacha!"
\v 28 Jitia Jisu ghor te punchi se, andha manu tai osorte ahi se. Jisu taikhan ke koise,"Tumi khan biswas kure na nai ami etu kuribo pare koi kena?" Tai khan koise,"Hoi, Prabhu."
\v 29 Pichete Jisu tai khan laga suku ke choise, aru koise,"Tumi khan laga biswas hisab te hoi jabi,"
\v 30 aru tai khan laga suku khuli jaise. Pichete Jisu tai khan ke kara para hukum di kena eneka koise,"Sabi etu kotha khan kun kebi janibo nadibi."
\v 31 Kintu etu duijon manu bahar te olai jai aru sob jaga etu laga khobor koi de.
\v 32 Jitia etu duijon manu jai thaka somoite, sabi, ekjon gunga manu jun laga gao bhitor te bia aatma humai kena thaka ke loikene Jisu osort ahise.
\v 33 Jitia bia aatma tai gao para khedai dise, tai khotha kuribole parise. Sob manu khan dikhi kena asorit hoise, aru koise, "Eneka asorit kam tu kitia bi Isreal desh te dikha nai!"
\v 34 Kintu Pharisees para eneka koise, "Bia aatma laga solawta hua nimite, tai bia aatma ke khedai dise."
\v 35 Jisu sob town aru bosti khan te berai kena jai se. Tai etu jaga khan laga mandir khan te jai kena Isor laga raijo laga kotha khan sikai thaki se aru sob bia bemar khan ke bhal kuri dise.
\v 36 Jitia tai manu jama hoikena taka dikhise, tai bisi morom lagise, kile koile tai khan bisi dukh aru mon-bia hoikena thaki se, jeneka saguli khan laga ekta malik nathaka nisena.
\v 37 Etu pichete Jisu taikhan laga chela khan ke koise, "dhan khan bisi paki kena ase, kintu katibole manu komti ase.
\v 38 Etu nimite, joldi Prabhu ke prathana kuri bi, tetiya tai katibole manu khan ke pathai dibo."
\c 10
\p
\v 1 Jisu tai laga barota chela khan sob ke mati se aru tai khan ke bia atma khan ke khedai dibole, aru sob bimar khan ke bhal kuribole adhikar dise.
\v 2 Etia etu barota chela khan laga nam khan eneka thaki se. Poila, Simon(jun ke Peter koi kena matey), aru tai laga bhai Andrew; James, Zebedee laga bacha, aru tai laga bhai John;
\v 3 Philip, aru Bartholomew; Thomas, aru Matthew ekjon tax lua manu; James, Alphaeus laga bacha, aru Thaddaeus;
\v 4 Simon ekjon Zealot, aru Judas Iscariot, jun Jisu ke thoka bo. \s5
\p
\v 5 Etu barota chela khan ke Jisu parapathi dise. Tai bujai kena koise,"Gentiles manu khan laga rasta te najabi, aru Samaritians khan laga town bhitor te nagusi bi.
\v 6 Kintu harai ja meer jun Isreal te ghor ase tai logote jabi;
\v 7 aru jitia tumi khan jai, prochar kuri kena kobi, 'Sorgo laga raijo osor ahi ase.'
\v 8 Bimar khan ke bhal kuribi, mora khan ke uthai dibi, lepers khan ke sapa kuri dibi, aru bia atma khan ke khedia dibi. Free para paise, free para dibi.
\v 9 Sona, chandi, nohoilebi pitol khan eku nabukhibi.
\v 10 Eku jhola nadhuribi jai thaka somoite, nohoilebi duita kapra, nohoilebi chapal, nohoilebi lathi nadhuribi, kile koile kam kura khan ke hajira pabo lage. \s5
\v 11 Kuntu city, nohoilebi bosti te apuni jaile, utu jaga te ekta bhal manu bisaribi, aru jitia tok apuni chari kena najai, tai laga ghor te thakibi.
\v 12 Jitia apuni tai ghor te gusey, taike shanti apuni oporte thakibi koikena salam kuribi.
\v 13 Jitia etu ghor manu khan para apuni ke gusibole de, tai khan apuni laga asis tu pabo. Kintu jitia tai khan apuni ke gusibole nade, apuni laga asis tu wapas apuni he pai jabo. \s5
\v 14 Jitia utu bosti nohoilebi town laga manu khan para apuni ke gusibole nade nohoile bi apuni laga kotha nahune, tinehoile utu jaga tu charibi aru apuni laga theng te dhula khan hilai kena chari kenejabi.
\v 15 Hosa para koi ase, jitia Isor laga bichar kura din ahibo, utu din te etu city nohoilebi bosti tu Sodom aru Gomorrah para bi bisi lobole napra laga sajai pabo. \s5
\p
\v 16 Sabi, Ami apuni ke ekta mer saguli nisena sial januwar khan majote pathai ase, etu nimite sap nisena gyani thakibi aru kabotar nisena norom thakibi.
\v 17 Eneka manu khan para hosiar hoi kena thakibi! Kile koile tai khan apuni ke panchayat te loi jabo, aru sob samaj laga majote apuni ke mari kena sajai dibo.
\v 18 Etu pichete apuni ke Ami nimite raja aru mantri khan laga agete anibo, dusara khan aru Gentiles khan ke ekta gawahi nisena dikhai dibole. \s5
\v 19 Jitia tai khan apuni ke di dibo, ki kobo lage aru keneka kobo lage koi kena chinta nakuribi, kile koile thik somoite ji kobole lagibo etu khan sob pai jabo.
\v 20 Kile koile apuni para nakobo, kintu Baba laga Atma para he apuni nimite koidibo. \s5
\v 21 Bhai para hey kokai khan ke phasai dibo, aru ekta baba nijor bacha ke. Bacha khan ama baba khan logote jhagara kuribo aru tai khan ke morai dibole kuribo.
\v 22 Moi laga nam nimite tumi khan ke sob para ghin kuribo. Kintu jun khan dukh dikdar khan paikena khotom nahua thak takibo, tai khan sob bachi jabo.
\v 23 Jitia tai khan para etu city te apunikhan ke bia para dikdar dibo, dusara jaga te polai jabi, kile koile ami hosa para apuni ke koi ase, Manu laga Chokora naha agete apuni Isreal laga sob city khan te jai kena khotom kuribole naparibo. \s5
\p
\v 24 Ekta chela tai laga guru para dangor nohoi, nohoilebi ekta nokor malik para dangor nohoi.
\v 25 Ekta chela tai laga guru nisena hoile etu he thik ase, aru ekta nokor tai laga malik nisena. Jitia taikhan etu ghor laga malik ke bhoot laga solauta koi kena matey koile, kiman bi bia para tai laga ghor manu khan ke matibo! \s5
\v 26 Etu karone tai khan ke bhoi nakhabi, kile koile dikhai dibole para ke bon kuri kena rakhibo naparibo, aru juntu janai dibole para tu lukai kena rakhibo naparibo.
\v 27 Ji kotha Ami para apuni ke andhera te koise, apuni khan din te koi dibi, aru ji kotha apuni norom para kan te huni paise, ghor laga sob se uncha jaga te uthikena jor para sob ke hunai dibi. \s5
\v 28 Jun khan manu ke morai de etu khan ke bhoi nakuribi kile koile tai khan apuni laga jibon ke morai dibole napare. Hoilebi, utu ke bhoi kuribi jun he apunilaga gao aru jibon ke bi khotom kuri dibole pare.
\v 29 Ekta chutu candi para duita ghor chiria ke kinibole napare naki? Tetiya bi apuni laga Baba para janikena ekta chiria bi mati te girbole nade.
\v 30 Kintu apuni laga matha te chuli thaka khan sob ginti kuri kena ase.
\v 31 Etu karone bhoi nakuribi. Apunikhan ke tu chiria para bi bisi morom kure. \s5
\v 32 Etu karone jun manu sob manukhan laga agete Moi laga nam hunai dibo, Ami bi tai laga nam sorgo te thaka Ami laga Baba agete hunai dibo.
\v 33 Kintu jun manu sob manukhan laga agete Ami laga nam nakoi, Ami bi tai laga nam sorgo te thaka Ami laga Baba agete koi nadibo. \s5
\p
\v 34 Ami etu prithibi te shanti dibole aha nohoi. Ami shanti loikena aha nai, kintu tarwal loikena ahise.
\v 35 Kile koile Ami aha tu chokora ke tai laga baba para alak kuri dibo, aru ekta chukuri ke tai laga ama para alak, aru ekta buari ke tai laga sasuma para alak kuribole.
\v 36 Ekta mota laga dusman khan nijor ghor manu khan he hobo. \s5
\v 37 Jun manu tai nijor baba aru ama ke moi para bisi morom kore tai Ami laga chela hobo naparibo; aru jun tai njior chokora nohoilebi chukurike moi para bisi morom kure tai tu Ami laga chela hobo naparibo.
\v 38 Jun manu tai laga nijor kross tu uthai kena moi laga pichehe, tai Ami laga chela hobo naparibo.
\v 39 Jun manu tai nijor jibon tu bacha bole echa kure tai harai jabo. Kintu jun manu moi nimite tai laga jibon tu deye tai tu aru wapas pabo. \s5
\p
\v 40 Jun manu tumi ke ahibole diye tai moike bi ahibole diye, aru jun tumi ke grohon kure tai Ami ke jun pathai se tai ke bi grohon kure.
\v 41 Jun manu prophet ase koi kena tai ke prophet mane tai tu prophet laga enam pabo, aru jun manu dharmik manu ke dharmiik ase koikena ahibole de tai tu dharmik manu para enam pabo. \s5
\v 42 Jun khan etu chutu dukia ekjun ke Ami laga chela ase koi kena ek cup pani khelai diye, hosa para Ami koi ase apuni ke, tai tu hosa para bi tai laga enam tu naharabo." \s5
\c 11
\v 1 Eneka hoise jitia Jisu tai laga barojon chela khanke niom khan bujai dia pichete, tai tate para ulai kena taikhan laga city te jaikena prosar kuribole aru sikai dibole jai jaise.
\v 2 Etia jitia John jail te thaka somoite Khrista laga kaam kura khan huni paise, tai tailaga chela khan ke ekta jankari dibole pathai dise
\v 3 aru Tai ke koise, "Apuni ahibole thaka ekjon manu tu ase, na ami khan dusara ke bisaribo?" \s5
\v 4 Jisu para jawab dikena tai khan ke koise, "Jabi aru John ke koidibi apuni khan ki hunise aru dikhi se.
\v 5 Andha manu khan dikhibole paise, lengera khan berabole parise, lepers bemar thaka khan sapa hoi jaise, behera khan hunibole paise, mori ja manu khan ke zinda kuri dise, aru susamachar to gorip manu khan hunai dise.
\v 6 Jun manu ami ke dikhi kena bia panai tai tu asis paise." \s5
\p
\v 7 Jitia tai khan jaise, Jisu jama hoi thaka manu khan ke John laga kotha kuribole suru hoise, "Apuni khan balu laga jagate ki sabole jaise-pani te ula gash ke hawa para hilai dia?
\v 8 Kintu apuni khan tate ki sabole jaise-ekta manu norom kapur lagai kena thaka? Hosa bi, jun norom kapur lagai kena raja laga ghor khan te thaka khan. \s5
\v 9 Kintu apuni khan ki sabole tate jaise-ekta prophet? Hoi, Ami apuni khan ke koi ase, aru tai ekta prophet para bi bisi ase.
\v 10 Etu tai ase, jun karone eneka likhi kena thaki se,
\q 'Sabi, Ami apuni khan laga chera agete ami laga khobor dia manu pathai ase, jun para apuni khan nimite rasta tayari kuri bo apuni khan naja agete.' \s5
\m
\v 11 Ami hosa para apuni khan ke koi ase, apuni khan majote John Baptist nisena kun ama para bi jonom dia nai. Hoilebi sorgo laga raijo te thaka sob para kam nathaka manu bi tai para bisi dangor ase.
\v 12 John Baptist laga din para loikena etia tak, sorgo laga raijo tu mara mari khan para dukh paise, aru jhagara para he jobor josti loi. \s5
\v 13 Kile koile John naha agete sob prophet khan aru niom khan prophesy hoi thaki se;
\v 14 aru jodi apuni khan lobole icha ase koile, tai tu Elijah ase jun ahibole thaki se.
\v 15 Jun laga kan ase tai khan ke hunibole dibi. \s5
\v 16 Ki logote etu somoi laga manu khan ke hisab kuribo? Etu tu ekta bacha bazar te bohikena thaka nisena, jun ekjon para ekjon ke mati thake
\v 17 aru koi, 'ami khan apuni karne basuri bajai se, aru apuni khan nacha nai. Ami khan mon dukh hoise aru apuni khan suku pani bi ula nai.'
\v 18 Kile koile John tu modu aru khalua khai kena aha nohoi, aru tai khan koise, 'Tai logo te bhoot ase.'
\v 19 Manu laga chokora tu modu aru khalua kuri kena ahise aru tai khan koise, 'Sabi, tai tu bisi khai aru ekta sarabi ase, tax lua aru papi manu khan laga sati ase!' Kintu gyan tu tai laga bacha para he dikhai dibo." \s5
\p
\v 20 Pichete Jisu jun tu jaga te tai laga ashurit kaam khan dikhai di se le etu cities laga manu khan ke gali dibole suru kuri se, kile koile tai khan mon ghurai kena thaka nai.
\v 21 "Mon dukh lage apunikhan ke, Chorazin! Mon dukh lage apunikhan ke, Bethsaida! Jodi enika asorit kam juntu apuni khan ke kuri disele ene ka kam Tyre aru Sidon nimite kuri se koile, tai khan poila para bosta laga kapur aru jui laga koila lagai kena mon ghuri lobole thaki se.
\v 22 Kintu moi apuni khan ke koi ase, bichar laga din te apuni khan para bi Tyre aru Sidon nimite he bisi aram hobo. \s5
\v 23 Apuni, Capernaum khan, tumi khan ke sorgo oporte uthi bole nadibo, icha hoilebi? Apuni khan ke anikena Hades te namai dibo. Kile koile jodi Sodom te ashurit aru dangor kam jeneka apuni khan ke kuri diya nisena kuri se koile, tai khan aji bachi kena thakibo thaki se.
\v 24 Kintu Moi apuni khan ke koi ase, bichar laga din te apuni khan para bi Sodom nimite he aram hobo." \s5
\p
\v 25 Etu somoite Jisu para jawab dise aru koise, "Ami apuni ke mohima di ase, Baba, Sorgo aru prithibi laga Prabhu, kile koile apuni etu khan gyani aru buja manu khan para lukai kena rakhi se, aru chutu bacha khan ke dikhai dise.
\v 26 Hoi, Baba, kile koile etu tu apuni laga suku agete thik ase.
\v 27 Sob kam khan moi laga bharosa te Baba para rakhi dise; aru kun bi Chokara ke najane khali Baba hey, aru kun bi Baba ke najane khali Chokora hey, aru utu manu he hobo jun ke Chokora para chuni kena dikhai dibo. \s5
\v 28 Ami osorte ahibi, jun manu etu prithibi laga duk chinta bukibonapari kene dabikene ase, aru Moi apuni khan ke aram kurai dibo.
\v 29 Ami laga kotha khan lobi aru Ami logote para sikhibi, kile koile Ami nomro aru shanti ase monte, aru apuni laga jibon nimite aram pabo.
\v 30 Kile koile Ami laga kotha khan aram ase aru ami laga bhoj khan bisi halka ase." \s5
\c 12
\p
\v 1 Utu somoite Jisu Sabbath din te dhan kheti hoikena jai thaki se. Tai laga chela khan bhuk lagi thaki se aru tai khan dhan laga guti khan ulai kena khabole suru hoise.
\v 2 Kintu jitia Pharisees khan etu dikhi se, tai khan Jisu ke koise, "Sabi, apuni laga chela khan niom nathaka kam kuri ase Sabbath dinte." \s5
\v 3 Kintu Jisu tai khan ke koise, "Apuni khan kitia bi pura nai jitu David para kuri se, jitia tai bhuk lagi thaki se, aru manu khan jun tai logote thaki se?
\v 4 Tai Isor laga ghor te jaise aru Isor nimite rakhi kena thaka ruti khai se, juntu tai nimite khabole niom nai, nohoilebi tai logote thaka manu khan nimite bi, kintu khali priests nimite ase. \s5
\v 5 Nohoilebi apuni khan niom te pura nai naki Sabbath laga din te mondir te thaka prieste khan Sabbath laga niom bhangai kintu tai khan ke golti nadhure nohoi?
\v 6 Kintu Ami apuni ke koi ase mondir para bi dangor yate ase. \s5
\v 7 Jodi apuni khan etu laga matlab janikena thaki se, 'Ami morom dia tu icha ase aru bolidan dia tu nohoi,' koile apuni khan golti nathaka khan ke golti ase koi kena namatibo.
\v 8 Kile koile Manu laga Chokora he Sabbath laga Prabhu ase." \s5
\p
\v 9 Etu pichete Jisu tate para ulai se aru tai khan laga synagouge te gusi jaise.
\v 10 Sabi, tate ekjon manu thaki se jun laga haat khan sukhai kena thaki se. Pharisees khan para Jisu ke eneka koikena hudi se, "Sabbath din te bimar bhal kuri dia tu niom ase neki?" Tetiya tai khan Jisu ke golti dibole paribo. \s5
\v 11 Jisu taikhan ke koise, "Kun manu apunikhan majote ase, jun logote khali ekta mer he ase koikena, aru jitia utu mer tu ekdom niche chenda te Sabbath din te giri jai koile, tai utu mer ke uthai kena nabachabo naki?
\v 12 Tinhoile mer para bi manu khan kiman bi kimti ase! Etu nimite Sabbath din te bhal kam kura thik niom ase." \s5
\v 13 Etu pichete Jisu utu manu ke koise, "tumi laga haat uthai kena sida kuribi." Utu manu sida kuri se, aru tai laga haat tu bhal hoi jaise, jeneka tai laga dusara haat nisena.
\v 14 Kintu Pharisees khan tate para ulai jai aru jaikena taikhan keneka kuri kena Jisu ke morai dibo etu khotha khan kure. \s5
\p
\v 15 Jitia Jisu etu khan janibole paise, Tai tate para ulai jai. Bisi manu Tai piche kuri se, aru Tai sob ke bhal kuri dise.
\v 16 Aru Tai manu khan ke Tai laga kam janibole nadibi koikena taikhan ke hosiar kuri de,
\v 17 tetiya juntu Isor kotha prophet Isaiah para he koidia khan hosa hoi jabole, enika koikena, \s5
\q
\v 18 "Sabi, etu Ami laga chela ase jun ke Ami para chuni loise;
\q Moi laga morom thaka ekjon, junke moi laga jibon para khusi ase.
\q Moi tai oporte moi laga Atma raki dibo,
\q Aru tai para Gentiles khan ke azad kuri dibo.
\q \s5
\v 19 Tai bia napabo nohoilebi jor para nakandibo;
\q Nohoilebi kun bi rasta khante tai laga awaz nahunibo.
\q
\v 20 Tai ekta tera hoikena thaka pani-ghas bi bhangai nadibo;
\q Tai khotom hobole thaka jui ke bi bhuti bole nadibo,
\q Jitia tok Tai bichar ke age loikena jiti naloi,
\v 21 aru Tai laga nam oporte hey Gentiles khan asha thakibo." \s5
\p
\v 22 Etu pichete kunba ekjon andha aru gunga, bhot para bandi kena thaka, Jisu osorte loi anise. Jisu para tai ke bhal kuri de, aru tai kotha kuribole aru sabole pari jai.
\v 23 Sob manu khan dikhi kena asorit hoise aru koise, "Etu manu tu David laga Chokora ase nohoi?" \s5
\v 24 Kintu jitia Pharisees khan asurit kam tu hunibole paise, taikhan koise, "Etu tu Saitan laga raja Beelzebul laga takot nohoile bhoot khedai dibo naparibo."
\v 25 Kintu Jisu taikhan laga bhabona jani thakise aru taikhan ke koise, "Juntu raijo taikhan nijor majote aputi thake koile etu raijo tu bhangi jabo, aru juntu city nohoilebi ghor tu ekjon-ekjon majote aputi thake koile etu bhangi jabo. \s5
\v 26 Etu nimite jodi Saitan para tai nijor saitan ke khedai dile. Kenka kuri kena tai laga raijo tu khara kuribo?
\v 27 Aru jodi Moi Beelzebul laga hokti loikena saitan ke khedai, tinehoile ki hokti para apuni khan laga bacha khan saitan ke khedai? Etu para he taikhan apuni khan ke bichar kuribo. \s5
\v 28 Kintu jodi Ami Isor laga Atma para saitan ke khedai de, tinehoile Isor laga raijo apunikhan oporte ahi kena ase.
\v 29 Nohoile kineka ekta takot thaka manu ke agey nabandhi kena utu ghor te gusi kena saman khan chor kuribo paribo? Pohila takot manu ke bandhibo lagibo etu pichete he tai laga samankhan chor kuribo paribo.
\v 30 Jun Ami logote nohoi tai Ami ke aputi kure, aru jun Ami logote jama nakure tai khan sob ephale-uphale hoi jabo. \s5
\v 31 Etu karone Moi apunikhan ke koi ase, sob pap aru hinsha kotha kura khan maph kuri dibo, kintu jun manu Atma ke hinsa kure tai ke maph nadibo.
\v 32 Jun manu, Manu laga Bacha ke aputi kuribo tai ke maph kuribo. Kintu jun manu Pobitro Atma ke aputi kurise koile, tai ke kitia bi maph nadibo, etu yug te bhi, aru ahibole thaka yug te bhi. \s5
\v 33 Ekta bhal ghas tu bhal guti dhuribo, nohoile bia ghas para tu bia guti he dhuribo, kile koile ekta ghas ke tai laga guti para he janibole pare.
\v 34 Sap laga bacha khan, tumikhan bia hoikena, keneka bhal kotha koi? Kile koile mon bhitor te ki ase, mukh para etu he koi.
\v 35 Bhal manu laga mon te bhal saman khan joma kura nimite bhal khan he ulai, aru bia manu laga mon te bia saman khan joma kura nimite bia khan he ulai. \s5
\v 36 Moi apunikhan ke koi ase jun manu misa-misi kotha kobo, taikhan bichar din te etu laga hisab-kitab dibo lagibo.
\v 37 Apunikhan laga kotha para he apuni laga bichar hobo, aru apuni laga kotha para he apuni bodnam hobo." \s5
\p
\v 38 Etu pichete kunba Pharisees aru gyani manu khan Jisu ke jawab dise, eneka koikena, "Sikhai-dia-manu, apuni laga asurit kam amikhan sabole icha ase."
\v 39 Kintu Jisu taikhan ke jawab dise aru koise, "Ekta bia aru byebichar jamana laga manu khan tu asurit kam ke sabole bisare. Kintu eku bi asorit kam dikhai nadibo khali prophet Jonah ke asurit kam kura tuhe dikibo dibo."
\v 40 Kile koile Jonah tu tin din aru tin rati ekta dangor mass laga pet bhitor te thaki sele, etu nisena Manu laga Chokora bi tin din aru tin rati prithibi laga bhitor te thakibo. \s5
\v 41 Nineveh te thaka manu khan bichar din te etu zamana laga manukhan logote khara kuribo aru bodnam dibo. Kile koile taikhan tu Jonah laga kotha hunikena mon ghurai se, aru sabi, ekjon Jonah para bi bisi dangor yate khara ase. \s5
\v 42 Sheba laga Rani bichar din te etu zamana laga manu khan logote uthi kena bodnam dibo. Tai prithibi laga sob para dur jaga para ahikena Solomon laga gyani kotha hunibole ahise, aru sabi, ekjon Solomon para bi dangor yate khara ase. \s5
\v 43 Jitia ekta bia atma ekta manu ke chari kena jai, tai pani nathaka jaga para par kure aru aram kuribole bisare, kintu jaga napai.
\v 44 Etu pichete tai koi, 'Juntu jaga para moi ulai kena ahise etu ghor te wapas jabo.' Jitia tai ghuri ahe, tai ghor tu khali aru sob sapa aru milai kena thaka dikhe.
\v 45 Tetiya tai tate para ulai kena tai para bi bisi bia satta atam ke loikena ahe aru eke logote thake. Etu pichete utu manu jun laga bhitor para atma jaise, tai pohila para bhi bisi bia hoi jai. Thik etu nisena etu zamana laga manu khan ke bi enka hobo. \s5
\p
\v 46 Jitia Jisu para jama thaka manu khan ke koi thaki sele, sabi, Tai laga ama aru bhai-kokai khan bahar te khara kuri Jisu ke kotha kuri bole bisari thaki se.
\v 47 Ekjon Tai ke koise, "Sabi, apuni laga ama aru bhai-kokai khan bahar te kara ase, apuni ke kotha kuribole bisari ase." \s5
\v 48 Kintu jun manu tai ke khobor disele Jisu tai ke koise, "Kun moi laga ama ase aru kun moi laga bhai-kokai ase?
\v 49 Etu pichete Jisu tai laga chelakhan laga oporte haat tu uthai kena koise, "Sabi, etu khan ami laga ama aru bhai-kokai khan ase!
\v 50 Kile koile jun manu moi laga sworgote thaka Baba laga icha kure, etu manu tu ami laga bhai, aru bhoini, aru ama ase." \s5
\c 13
\p
\v 1 Utu din te Jisu ghor para ulai kena jaise aru nodi kinar te bohi thaki se.
\v 2 Bisi manu jama hoikena Tai osorte bhoi thaka nimite, Tai nao oporte uthi kena bohi se, aru sob manu nodi kinar te khara kuri se. \s5
\v 3 Etu pichete Jisu taikhan ke kahani khan bisi koise. Tai koise, "Sabi, ekjon kheti kura manu dhan bhijon dhalibole jaise.
\v 4 Jitia tai kheti te bhijon phelai thaki se, kunba bhijon tu rasta kinar te giri se, aru chiria khan ahikena sob khai dise.
\v 5 Kunba bhijon tu bisi pathor thaka jaga te giri se, aru joldi uthi jai kile koile mati komti thaka nimite.
\v 6 Kintu jitia gham ulai, etu ulai thaka ghas ke julai die kile koile etu ghas khan laga root thaka nai, aru taikhan sob sukhi jai.
\v 7 Kunba bhijon khan kata ghas te giri se. Aru etu ghas tu olop dangor hoi asile hoilebi kata ghas para morai dise.
\v 8 Kunba bhijon khan tu bhal mati te giri se aru bhal ghas hoikena bhal guti dhuri se, kunba ghas tu ekso(hundred) guti, kunba ghas te sathti(sixty) guti aru kunba te tista(thirty) guti.
\v 9 Jun manu kaan ase, tai khan ke hunibole dibi." \s5
\p
\v 10 Jisu laga chela khan ahise aru Tai ke hudise, "Apuni kile manu khanke kahani para kotha koi ase?"
\v 11 Jisu taikhan ke koise, "Apunikhan ke tu Sorgo raijo laga bujibo napara kotha khan bujibole gyan di kena ase, kintu taikhan ke tu dia nai.
\v 12 Kile koile jun manu ase, tai ke aru bi dibo, aru tai logote bhorta thakibo. Kintu jun manu logote nai, tai ji ase etu bi loilobo.
\v 13 Etu korone Moi taikhan ke kahani para kotha kure: Taikhan dikhi ase, kintu taikhan nasai; aru taikhan hunibole pare, kintu taikhan nahune, nohoilebi nabuje.
\v 14 Tiakhan nimite tu Isaiah laga prophecy tu pura hoise, juntu eneka koi ase,
\q 'Apuni khan hosa para bi hunibo, kintu bujibole bi nohoi;
\q Apunikhan hosa para bi dikhibo, kintu janibole bi nohoi. \s5
\q
\v 15 Kile koile etu manukhan laga mon tu alchi hoise,
\q Aru taikhan hunibole tan ase,
\q Aru taikhan laga suku bon kuri kena ase,
\q Eneka hoile tai laga suku para sabole nakuribo,
\q Nohoilebi kaan para hunibole,
\q Nohoilebi mon para bujibole,
\q Aru Moi taikhan ke bhal kuri dibo.' \s5
\p
\v 16 Kintu asis te ase apunikhan laga suku, kile koile taikhan dikhe; aru apunikhan laga kaan, kile koile taikhan hune.
\v 17 Moi hosa para koi ase apunikhan ke bisi prophet aru dharmick manu khan apunikhan ke tu dikhe etu khan sabole mon thaki se, aru etu khan dikhi bole panai. Taikhan hunibole mon thaki se, kintu hunibole panai.
\v 18 Etu nimite kheti kura manu bhijon phela laga kahani etu laga ki matlab ase hunibi aru bujibi.
\v 19 Jitia kunba manu raijo laga kotha khan hune kintu bujibole napare, tinehoile bia khan ahe aru jitu tai laga monte bhijon dhali kena ase etu chingi kena loi jai. Etu guti tu rasta kinar te phelai dia bhijon ase. \s5
\v 20 Juntu bhijon pathor oporte phelai se, etu tu eneka manu ase jun kotha huni loi aru loge-loge khusi para loi,
\v 21 kintu kotha khan tai laga mon bhitor te najai, etu nimite khali olop somoi nimite he rakhe. Jitia etu kotha nimite bia aru dukh-digtar pa somoi ahe, tai ekbar te giri jai. \s5
\v 22 Juntu bhijon kata ghas khan majote phelai se, etu tu eneka manu ase jun kotha tu hune, hoilebi etu zaman laga kam aru dhon-sompoti ke mon dia nimite kotha ke dabai kena rakhe, aru etu kotha para jibo te bhal guti nadhure.
\v 23 Juntu bhijon bhal mati te phelai se, etu tu eneka manu ase jun kotha tu hune aru buji loi. Tai dangor hoikena bhal guti dhure, kunba te ekso(hundred) guti dhure, kunba te sathi(sixty) aru kunba te trista(thirty)." \s5
\p
\v 24 Jisu taikhan ke dusara khani koi. Tai koise, "Sorgo laga raijo tu ekjon manu nisena ase jun tai laga kheti te bhal bhijon phelai.
\v 25 Kintu jitia manu khan humai jai, tai laga dusman khan ahi kena gehu laga kheti te bia ghas laga bhijon khan phelai aru jai-jai.
\v 26 Jitia kheti te gehu khan dangor hoikena guti ulabole suru hoise, tetiya bia ghas khan bi dangor hoi jai. \s5
\v 27 Etu mati malik laga naokor ahi kena tai ke koi, 'Sahab, apuni tu bhal bhijon kheti te lagai se nohoi? Nohoile kineka kuri kena etu bia ghas khan ulaise?'
\v 28 Etu pichete tai para taikhan ke koise, 'Dusman para eneka kuri.' Naokor khan tai ke koise, 'Toh apuni icha ase koile amikhan jaikena jongol khan sapha kuri dibo?'
\v 29 Mati malik para taikhan ke koi, 'Nai. Kile koile jitia tumikhan bia ghas khan tana somoite, tumikhan tai logote gehu laga ghas bi tani kena olai dibo pare.
\v 30 Etu nimite duijon kebi eke logote dangor kuribo dibi kheti kata somoi naha tak. Jitia kheti kata somoi hobo tetiya moi kata manukhan ke kobo, "Pohila bia ghas khan tani olai lobi aru eke logote bandhi kena rakhibi julai dibo nimite, kintu gehu khan ke dhan ghor te jama kuri rakhibi."" \s5
\p
\v 31 Etu pichete Jisu aru ekta kahani taikhan ke koise. Tai koise, "Sorgo laga raijo tu ekta sorso laga bhijon nisena ase jeneka ekta manu para loi kena kheti te phelai de.
\v 32 Etu bhijon tu hosa para bi sob se huru ase sob bhijon majote. Kintu jitia tai dangor hoi, bagan laga ghas khan para bi tai hey dangor hoi. Tai ekta dangor ghas hoi jai, aru akas laga chiria khan ahey aru etu ghas laga daal khan te ghor banai kena thake." \s5
\v 33 Jisu taikhan ke aru alak kahani koi. "Sorgo laga raijo tu dawai(Yeast) nisena ase, jeneka ekta maiki para etu dawai ke loi kena tin bhak aata te milai de jitia tok etu aata tu pholi najai." \s5
\p
\v 34 Etu khan sob kotha Jisu para manu khan ke khahani para he koi dise; aru Tai ekta kotha bi kahani nohoi kena kua nai tai khan ke.
\v 35 Etu khan jitu prophet para koi dia kotha khan sob pura hobole nimite Tai para koi dise,
\q "Moi laga muk kahani para hey khulibo.
\q Ji kotha etu prithibi te lukai kena ase etu khan sob Moi koi dibo." \s5
\p
\v 36 Etu pichete Jisu manu khan ke chari kena ghor te jai. Tai laga chela khan Tai logote ahey, eneka koi kena, "Amikhan ke Kheti te bia ghas laga kahani tu bujai dibi."
\v 37 Jisu taikhan ke koise, "Jun bhal bhijon tu phelai, tai tu Manu laga Chokora ase.
\v 38 Prithibi tu Kheti ase; aru bhal bhijon khan tu raijo laga bacha khan ase. Bia ghas tu bia laga bacha khan ase,
\v 39 aru Dhusman khan jun bia tu phelai se etu khan saitan khan ase. Kheti kata tu somoi khotom hua din ase, aru kheti kata manu khan tu sorgoduth ase.
\v 40 Etu karone, jeneka bia ghas khan ke joma kuri kena jui para julai dise, thik teneka somoi ses hua din te bi eneka hobo.
\v 41 Manu laga Chokora tai sorgoduth khan ke pathabo, aru taikhan para Tai laga raijo para paap aru bia kam kura khan ke jam kuribo.
\v 42 Taikhan para etu khan sob ke jui laga chulah te phelai dibo, juntu jaga te kandi thaka aru daat kamuri thaka hey hobo.
\v 43 Etu pichete dharmik manu khan Baba laga raijo te suraj nisena ujala hobo. Jun laga kan ase, tai ke hunibo dibi. \s5
\p
\v 44 Sorgo laga raijo tu ekta khajaana kheti te lukai kena thaka nisena ase, jitia ekta manu pai jai aru pichete arubi lukai de. Kile koile tai etu pai kena mon khusi hoi jai, tai jai kena tai laga dhon-sompoti sob bikiri kuri kena etu kheti tu kini loi.
\v 45 Aru, sorgo laga raijo tu ekta vyaapari kura manu jun dami sunaa-chandi bisari thaka nisena ase.
\v 46 Jitia tai ekta dam bisi thaka sunaa-chandi pai jai, tai jai kena tai laga sob dhon-sompoti bikiri kuri kena etu kini loi. \s5
\p
\v 47 Arubi, sorgo laga raijo tu samundar te jaal phelai, aru sob kisim laga mass khan dhura nisena ase.
\v 48 Jitia bhorta hoi jai, mass dhura manukhan loikena samundar kinar te rakhe. Etu pichete taikhan bohey aru bhal-bhal mass chuni kena mass rakha boxsa te joma kure, aru kam nathaka mass khan sob phelai de. \s5
\v 49 Thik eneka, somoi ses hua din te bi eneka hobo. Sorgoduth khan ahibo aru bia manukhan ke dharnik khan para alak kuridibo.
\v 50 Taikhan ke jui laga chulah te julai dibo, juntu jaga te khali kandi thaka aru daat kamuri thaka he hobo. \s5
\p
\v 51 Apunikhan etu khan sob bujise na nai?" Jisu laga chela khan Tai ke koise, "Hoi."
\v 52 Etu pichete Jisu taikhan ke koise, "Etu karone sob niom likha manukhan jun sorgo raijo laga chela hoi jaise, etu khan utu manu ase jun ekta ghor laga malik nisena ase."
\v 53 Etu pichete jitia Jisu kahani koikena khotom hoise, Tai utu jaga para jai-jaise. \s5
\p
\v 54 Etu pichete Jisu Tai nijor jaga te jai aru Isor kotha kura ghor laga manukhan ke sikhai de. Jisu laga kotha huni kena taikhan asorit hoi jaise aru koise, "Kote para etu manu eman asorit gyan aru hokti paise?
\v 55 Etu manu tu ekjon kath-mistiri laga chokora nohoi? Tai laga ama laga nam tu Mary nohoi? Tai laga bhai-kokai khan James, Joseph, Simon aru Judas khan nohoi?
\v 56 Tai laga didi-bhoini khan tu amikhan logote ase nohoi? Toh kineka kuri kena Tai etu khan jani paise?"
\v 57 Taikhan Jisu ke bia pai. Kintu Jisu taikhan ke koise, "Ekjon prophet ke tai nijor desh aru tai nijor parivar para bi sonman nakure."
\v 58 Tai asorit kam khan bisi nakure tate kile koile taikhan laga bisas nathaka nimite.
\c 14
\p
\v 1 Utu somoite, Herod raja Jisu laga khobor hunibole paise.
\v 2 Tai laga noukor khan ke koise, "Etu John Baptist ase; tai mora para zinda hoise. Etu karone etu hokti khan tai logote kam kuri ase."
\v 3 Kile koile Herod tu John ke dhuri kena thaki se, tai ke bandi se aru jail te Herodias, tai laga bhai Philip's laga maiki nimite rakhi se.
\v 4 Kile koile John para tai ke koise, "Apuni etu maiki ke lobole niom hisab te nai."
\v 5 Herod tu John ke morai dibole mon thaki se, kintu tai manu khan ke bhoi lagi thaki se, kile koile manu khan para John ke ekta prophet ase koikena mani thaki se.
\v 6 Kintu jitia Herod raja laga jonom din ahi sele, Herodias laga chukuri sob manu majote nachi dance kuri kena Herod raja ke khusi kurai dise.
\v 7 Etu dikhi kena, Herod raja kosom khaise tai ji mangibo etu sob tai ke dibo. \s5
\v 8 Herodias para tai laga chukuri ke agey para ki mangi bo etu sob sikhai dise, etu chukuri Herod ke koise, "Moi ke ekta thali te John Baptist laga matha dibi."
\v 9 Herod etu huni kena bisi mon dukh hoise, kintu tai sob manu agey te kosom kha nimite, tai hukum di kena etu chukuri ke dise.
\v 10 Tai laga manu ke pathai se aru John laga matha kati dise.
\v 11 Etu pichete John laga matha thali te rakhi kena etu chukuri ke dise aru etu chukuri jaikena tai laga ama ke dise.
\v 12 Etu pichete John laga chela khan ahi kena tai laga gao loi jaise aru mati bhitor te dalidiye. Etu pichete, tai khan jai kena Jisu ke koi diye. \s5
\p
\v 13 Jitia Jisu khobor huney, tai utu jaga para wapas nao te kunbi nathaka jaga te ekla jai. Jitia manu khan etu huni paise, taikhan laga city chari kena theng para Jisu piche jai.
\v 14 Etu pichete Jisu ahey aru bhorta manukhan ke dikhe. Taikhan ke morom lagikene aru taikhan laga bimar khan bhal kuri de.
\v 15 Jitia sham hobole suru hoise, Tai laga chela khan Taike koi, "Etu jaga te kunbi nathake aru eku bi napai, aru eney bi deri hoise. Manukhan ke jabole dibi, tetiya taikhan nijor bosti te jai kena bhat khabole kini lobo." \s5
\v 16 Kintu Jisu taikhan ke koise, "Taikhan najai lebi hobo. Taikhan ke kiba khabole dibi."
\v 17 Tai laga chela khan Tai ke koise, "Amikhan logote eku bi nai khali pansta ruti aru duita mas hey ase."
\v 18 Jisu koise, "Etu khan loikena anibi."
\v 19 Etu pichete Jisu manukhan ke pata te bohibi koise. Tai etu pansta ruti aru duita mas ke loise. Aru sorgo oporte sai se, aru asirbad dise aru etu ruti ke bhangai kena Tai laga chela khan ke dise, aru tai laga chela khan sob manukhan ke bhak kuri dise.
\v 20 Taikhan sob pet bhorta kuri kena khai se. Etu pichete Tai laga chela khan jaikena bachi kena thaka ruti khan barota tokri te jama kuri se.
\v 21 Tate 5000 manu nisena mota manukhan khaise, bacha aru ama khan ke chari kena. \s5
\p
\v 22 Etu pichete logey-logey Tai laga chela khan ke nao bhitor te gusibo dise aru taikhan ke agey nodi laga dusara phine pathai dise. Jisu najai kena manukhan ke nijor ghor te pathai thakise.
\v 23 Jitia Tai manukhan ke pathai dia khotom hoise, Tai pahar oporte nijor jaise aru prathana kuri se.
\v 24 Kintu utu somoite nao tu samundar laga majote punchi kena thakise, hawa bisi mara nimite, kile koile etu hawa tu ulta phane mari thakise.
\v 25 Rati laga char bajite Jisu taikhan logote ahise, pani oporte berai kena.
\v 26 Kitia Tai laga chela khan Tai ke pani oporte bera dikhi paise, taikhan bisi bhoi khai kena koise, "Etu ekta bhoot ase," aru taikhan bhoi para kandi se.
\v 27 Kintu Jisu taikhan ke koise, "Mon dangor kuribi, etu Moi ase! Bhoi nakuribi."
\v 28 Peter para Jisu ke jawab dise aru koise, "Prabhu, jodi etu apuni ase koile, ami ke pani opor para Apuni laga osorte ahibole hukum dibi."
\v 29 Jisu koise, "Ahibi." Tetiya Peter nao para uthi se aru Jisu osorte pani oporte birai kena jaise.
\v 30 Kintu jitia Peter dangor hawa mara dikhi kena bhoi khai jaise. Jitia tai dubibole suru hoise, tai kandi kena koise, "Prabhu, ami ke bacha bi!"
\v 31 Jisu logey-logey Tai laga haat sida kuri se, aru Peter ke dhuri loise, aru tai ke koise, "Tumi komti bisas manu, tumi kile chinta kuri se?"
\v 32 Etu pichete Jisu aru Peter nao bhitor te jaise, aru hawa mara tu thanda hoi jaise.
\v 33 Etu pichete nao bhitor te chela khan Jisu ke aradhana kurise, eneka koi kena, "Hosa para bi Apuni tu Isor laga Chokora ase." \s5
\p
\v 34 Jitia tai khan nodi par kuri loise, taikhan Gennesaret koi kena ekta jaga te ahise.
\v 35 Jitia tate laga manukhan Jisu ke chini loise, taikhan osorte thaka sob manukhan ke khobor kuri dise, aru taikhan Jisu osorte sob bimari manukhan ke loi anise.
\v 36 Taikhan Jisu laga chutu kapor chobo nimite bhik mangi kena Tai ke hudi se, aru jiman manu Taike choisey tai khan sob bhai hoi jaise.
\c 15
\p
\v 1 Etu pichete Pharisees aru niom likha manukhan Jerusalem para Jisu usorte ahey. Taikhan koi,
\v 2 "Kile Apuni laga chela khan burakhan banai dia niom khan bhangai thake? Kile koile jitia taikhan ruti khai taikhan haat nadhulai kena khai."
\v 3 Jisu taikhan ke jawab di kena koise, "Tinohoile kile apunikhan bi nijor laga niom nimite Isor laga niom khan bhangai?
\v 4 Kile koile Isor para hukum dise, eneka koise, 'Nijor laga baba aru ama ke sonman dibi,' aru 'Jun tai nijor baba aru ama laga bia kotha koi, tai hosa para bi muribo.'
\v 5 Kintu apunikhan koi, 'Junkhan nijor baba nohoilebi ama ke koi "Ji modot apunikhan moi para pabole ase etu khan etia para Isor ke daan dibo,"'
\v 6 utu manu tu tai laga baba ke sonman nadilebi hobo. Eneka kuri kena apunikhan Isor laga kotha ke hisap nathaka kuri dise, apnuikhan laga niom manibo nimite.
\v 7 Apunikhan misa-kua manu ase! Isaiah para thik koise, jitia apunikhan nimite tai prophesy kuri sele,
\q
\v 8 'Etu manukhan Moi ke mukh para hey sonman kure,
\q Kintu taikhan laga mon tu Moi para bisi dur te ase.
\q
\v 9 Taikhan Moi ke aradhana kuratu misa-misi ase,
\q Kile mane manu para bana niom khan taikhan nijor laga niom nisena sikhai thake."' \s5
\m
\v 10 Etu pichete Tai jama hoikena thaka manukhan mati kena koise, "Hunibi aru bujibi-
\v 11 Ji saman manu laga mukh te gusey etu para manu ke letera nakure. Kintu, ki tu mukh para bahar te ulai, etu para hey manu ke letera kuri de."
\v 12 Etu pichete chela khan ahi kena Jisu ke koise, "Apuni najane naki etu Pharisees khan jitia Apuni laga kotha tu hunise taikhan khusi panai koikena?"
\v 13 Jisu taikhan ke koise, "Sob ghas khan juntu sorgote thaka moilaga Baba para rupa nai, etu khan sob ke mati bhitor para tani kena phelai dibo."
\v 14 Taikhan ke ekla charibi, taikhan nijor andha hoikena andha manu ke rasta dikhai ase. Jitia ekta andha manu para dusara andha manu ke rasta dikhai ley, tai duijon bi nala te giribo."
\v 15 Peter jawab dikena Jisu ke koise, "Etu kahani laga matlab tu bujai dibi."
\v 16 Jisu koise, "Tumikhan etia bi nabuji kena thaki ase?
\v 17 Tumi etia bi buja nai, jitu mukh bhitor para gusi kena pet te jai aru etu pichete latrine kuri kena bahar ulai nohoi?
\v 18 Kintu ji kotha khan mukh para ulai etu khan mon para ulai. Etu khan para hey manu ke letera kure.
\v 19 Kile koile mon para hey bia bhabona, manu morai dia, bybichar chor-manu, misa gawahi, aru hinsa kura etu khan ulai.
\v 20 Etu khan para hey manukhan ke letera kure. Kintu haat nadholai kena kha para manu ke letera nakure." \s5
\p
\v 21 Etu pichete Jisu tate para ulai jaise, aru Tyre aru Sidon city laga jaga phane jaise.
\v 22 Sabi, ekjon Canaanite laga maiki utu jaga para ulai kena ahise. Tai hala kuri kena koise, "Moi oporte daya kuribi, Prabhu, David laga Chokora! Moi laga chukuri gao bhitor te bisi bia saitan khan para bandhi kena ase."
\v 23 Kintu Jisu tai ke ekta jawad bi dia nai. Tai laga chela khan ahi kena Tai ke mangi kena koise, "Etu maiki ke pathai dibi, kile koile tai amikhan ke hala kuri ase."
\v 24 Kintu Jisu jawab di kena koise, "Kunba nimte moi ke patha nohoi, kintu Isreal laga ghor laga harai ja bhera nimite ase."
\v 25 Kintu etu maiki ahey aru athukari kena Tai agete matha niche kuri kena koi, "Prabhu, ami ke modot kuribi."
\v 26 Tai jawab dikena koise, "Bacha khan laga ruti loikena kuta khan ke phelai kena dia etu tu thik nohoi." \s5
\v 27 Tai koise, "Hoi, Prabhu, kintu chutu kuta khan bi tai laga malik laga thali para tukura gira khan khai."
\v 28 Etu pichete Jisu etu maiki ke koise, "Maiki, apuni laga bisas tu bisi dangor ase; apuni laga ji khusi ase thik eneka hey hobo dibi." Aru tai laga chukuri utu somoite bhal hoi jaise. \s5
\p
\v 29 Jisu utu jaga ke chari kena Galilee laga nodi osorte jaise. Etu pichete Tai pahar oporte jaise aru tate bohise.
\v 30 Bisi manu jama hoikena Tai osorte ahise. Taikhan logote langera, andha, hilibole napara, aru gunga khan, aru kisim bimar thaka manukhan ke loikena ahise. Taikhan Jisu laga theng osorte anise aru Jisu para taikhan ke bhal kuri dise.
\v 31 Tetiya manukhan sob asorit hoise jitia taikhan kotha kuribo napara khan kotha kurise, lengera khan berai se, aru andha khan dikhibole paise. Taikhan sob Isreal laga Isor ke mahima dise. \s5
\p
\v 32 Jisu Tailaga chela khan ke mati kena koise, "Etu manukhan nimite moi laga mon te morom ase, kile koile taikhan tin din para moi logote thakise aru eku bi nai taikhan ke khilabole. Moi taikhan ke nakhilai kena pathai dibole mon nai, nohoile matha ghurai kene giri jabo pare."
\v 33 Tai laga chela khan Taike koise, "Etu nisena khali jaga te kotey para amikhan eman bisi ruti bisari kena manukhan ke khilabo?"
\v 34 Jisu taikhan ke koise, "Kimanta ruti ase tumikhan logote?" Taikhan koise, "Saatta, aru chutu mass khan olop ase."
\v 35 Etu pichete Jisu manukhan ke mati te bhoibi koikena hukum dise.
\v 36 Tai saata ruti aru mass khan ke loise, aru dhoniabad dia pichete, Tai ruti tu bhangai kena Tai laga chela khanke dise. Tai laga chela khan manukhan ke khabole dise.
\v 37 Sob manu khaise aru pet bhorta hoise. Aru taikhan adha khai kena bachia ruti sob saata tokri te jamu kurise.
\v 38 Jun khan khaise etu khan char hazar mota khan thaki se, maki aru bacha khan ke chari kena.
\v 39 Etu pichete Jisu manukhan ke nijor ghorte pathai dise aru nao te uthi kena Magadan koikena ekta jaga te jai.
\c 16
\p
\v 1 Pharisees aru Sadducees ahi kena Jisu ke porikha kuribo nimite Tai ke akas para kiba ekta asorit kam kuri kena dikhai dibi.
\v 2 Kintu Jisu taikhan ke jawab dise, aru koise, "Jitia sham hoi, apunikhan koi, din tu bhal hobo, kile koile akas tu lal ase. \s5
\v 3 Aru phujur te, aji din bia hobole ase, kile koile akas tu lal ase aru niche hoi ase. Oh apunikhan misa-kua manukhan, apunikhan akas te sai kena din kobo pare, kintu apunikhan bhal-bia din laga somoi sai kena kobo napare?
\v 4 Bia aru beobichar zamana laga manukhan hey asorit kam khan sabole bisare, kintu asorit kam khan dikhai nadibo khali Jonah logote ji asorit kam tu he pabo. "Etu pichete Jisu tate para ulai jai. \s5
\p
\v 5 Jitia Jisu laga chela khan nodi laga utu phane punchi jai, taikhan ruti lobole pahori se.
\v 6 Jisu taikhan ke koise, "Sai thakibi aru Pharisees, Sadducees khan laga khomeer para hosiar hoi jabi."
\v 7 Tetiya chela khan nijor majote kotha kuri thakise, eneka koikena, "Etu eneka hoise kile koile amikhan ruti lobole pahori se."
\v 8 Jisu taikhan laga bhabona jani thaki se aru koise, "Tumi bisas komti thaka khan, kile tumikhan nijor majote ruti pahora nimite ase koi kena kotha kuri ase?
\v 9 Apunikhan etia bi buja nai nohoilebi yaad nai panchta ruti 5000 manu nimite, aru kimanta tokri bachi kena jama kurise?
\v 10 Nohoilebi saata ruti 4000 manu nimite, aru kimanta tokri bachi kena jama kurise?
\v 11 Kineka kuri kena apunikhan buja nai Moi ruti laga kotha kuwa nohoi koi kena? Pharisees aru Sadducees laga khomeer para hosiar thakibi."
\v 12 Etu pichete taikhan buji jaise Jisu tu ruti te khomeer thaka para hosiar hoijabi kuwa nohoi, kintu Pharisees aru Sadducees khan laga kotha sikai dia para hosiar thakibi koi thaki sele. \s5
\p
\v 13 Etu pichete jitia Jisu Caesarea Philippi koikena jaga laga osorte ahise, Jisu Tai laga chela khan ke hudise, "Manukhan kunke Manu laga Chokora koikena mate?"
\v 14 Taikhan koise, "Kunba koi John Baptist laga, kunba, Elijah, aru kunba Jeremiah, nohoilebi ekjon prophet."
\v 15 Jisu taikhan ke koise, "Kintu apunikhan Moi kun ase koikena bhabe?"
\v 16 Simon Peter para jawab dikena koise, "Apuni tu Khrista ase, zinda Isor laga Chokora."
\v 17 Jisu tai ke jawab dikena koise, "Apuni asis paise, Simon, Jonah laga chokora, kile koile mangso aru khon para apuni ke dikhai dia nohoi, kintu Moi laga Baba jun sorgote ase Tai para hey.
\v 18 Moi etu bi apuni ke koi ase apuni Peter ase, aru etu pathor uporte Moi laga girja bonabo. Aru mora laga hokti para etu girja ke eku kuribo naparibo.
\v 19 Moi apuni ke sorgo raijo laga chabi khan dibo. Apuni jitu prithibi te bandhi bo sorgote bi etu bandhi bo, aru jitu prithibi te charibo sorgote bi etu chari dibo."
\v 20 Etu pichete Jisu chela khan ke hukum dise taikhan kun kebi Tai tu Khrista ase nokobi. \s5
\p
\v 21 Utu somoi para Jisu chela khan ke Tai Jerusalem te jabo lagibo kobole suru hoi jaise, aru tate- bura manukhan, aru dangor pujarikhan aru niom likha manukhan para bisi dukh dibo aru morai dibo, aru tin din pichete mora para uthibo.
\v 22 Etu pichete Peter Jisu ke kinar te loi jai se aru gali dibole suru hoise, eneka koikena, "Etu khan Apuni para dur hobo dibi, Prabhu; etu khan Apuni ke hobole nadibi."
\v 23 Kintu Jisu ghuri kena Peter ke koise, "Moi laga pichete jabi, Saitan! Tumi ami laga rasta bon kuri ase, kile koile tumi Isor laga kam nimite hisab nakure, kintu manu khan laga kam ke hisab kure." \s5
\v 24 Etu pichete Jisu tai laga chela khan ke koise, "Jun amilaga piche kuribo mon ase, tai nijor ke chari bo lagibo, nijor laga kross lobi, aru Moi laga piche kuribi.
\v 25 Kile koile jun manu tai nijor jibon tu bachabole kure tai harai dibo, aru jun manu Ami nimite nijor jibon tu harai dibo tai tu pai jabo.
\v 26 Kile koile ekjon manu laga ki lab ase jitia tai pura dhunia tu pai jai kintu nijor jibon tu harai de? Ekta manu jibon pabo nimite tai ki dam dibo lagibo?
\v 27 Kile koile Manu laga Chokora Tai laga Baba laga mahima para sorgoduth khan logote ahibo. Etu pichete Tai sob manu ke taikhan laga kam hisab te enam dibo.
\v 28 Moi hosa para apunikhan ke koise, apunikhan majote kunba yate khara ase jun namura agete Manu laga Chokora ke Tai laga raijo loikena akas te ahi thaka dikhibo.
\c 17
\p
\v 1 Choi(six) din pichete Jisu tai logote Peter, James aru tai laga bhai John ke loise, aru taikhan nijor para ekta uncha pahar oporte loi anise.
\v 2 Aru Jisu nijor ke taikhan agete alak ekjon kuri kena dikhai se. Tai laga chehera suraj nisena ujala dikhaise, aru Tai laga kapur khan puhor nisena boga hoi jaise. \s5
\v 3 Sabi, tate taikhan logote Moses aru Elijah ulai kena Jisu logote kotha kuri thakise.
\v 4 Peter jawab dikena Jisu ke koise, Prabhu, amikhan yate thaka tu bhal ase naki. Apuni icha ase koile, Moi etu jaga te aram kuribole chaat bonabo- ekta Apuni nimite, aru ekta Moses nimite, aru ekta Elijah nimite." \s5
\v 5 Jitia tai kotha kuri thaki sele, sabi, ekta ujala badal taikhan ke bon kuri dise, aru sabi, etu badal para ekta awaz ulai, eneka koikena, "Etu Moi laga bisi morom thaka chokora ase, jun oporte moi bisi khusi ase. Tai ke hunibi."
\v 6 Jitia chela khan etu hinise, taikhan nijor chehera uporte giri se aru bisi bhoi khaise.
\v 7 Etu pichete Jisu ahise aru taikhan ke chui kena koise, "Uthibi aru bhoi nakhabi."
\v 8 Etu pichete taikhan suku uthai kena saise, kintu taikhan kunke bi dikha nai khali Jisu ke. \s5
\p
\v 9 Taikhan jitia pahar upor para nami ahi thaki sele, Jisu taikhan ke hukum dise, eneka koikena, "Etu laga sapna kunke bi nakobi jitia tok Manu laga Chokora mora para zinda nahua tak."
\v 10 Tai laga chela khan Tai ke eneka koi kena hudise, "Tini hoile kile kunba niom-likha manukhan Elijah hey pohila ahibo lage koi?"
\v 11 Jisu taikhan jawab dikena koise, "Elijah hosa parabi ahibo aru sob tu thik kuridibo.
\v 12 Kintu Moi apunikhan ke koi ase, Elijah tu pohila para ahi se, kintu taikhan taike chini bole para nai. Ulta, taikhan
\v 13 Etu pichete chela khan bujise Tai John Baptist laga kotha taikhan ke kuri thakise koikena. \s5
\v 14 Jitia taikhan manu joma hoi thaka jaga te ahise, ekjon manu Tai osorte ahise, Tai agete athukari se,
\v 15 aru koise, "Prabhu, moi laga chokora oporte daya kuribi, kile koile tai pakala hoikena ase, aru bisi dukh pai ase. Kile koile tai khali jui oporte giri thake, aru kali panite gusi thake.
\v 16 Moi tai ke Apuni laga chela khan osorte ani sele, kintu taikhan bhal kuribole para nai." \s5
\v 17 Jisu jawab dikena koise, "Biswas nathaka aru bia zamana laga manu khan, aru kiman deri nimite Moi apunikhan logote thakibo lagibo? Kiman deri apunikhan logote dhorjo thakibo? Tai ke moi laga samne te anibi."
\v 18 Jisu bhot atma ke khedai dise, aru etu atma tai laga gao para ulai jaise, aru utu somoite etu chokora tu bhal hoi jaise. \s5
\p
\v 19 Etu pichete Jisu laga chela khan lukai kena Tai ke koise, "Kile amikhan saitan kheda bole para nai?"
\v 20 Jisu taikhan ke koise, "Kile mane apunikhan laga bisas komti nimite. Moi hosa para apunikhan ke koi ase, jodi apunikhan sarso guti nisena bisas thakile, tumikhan etu pahar ke kobo, 'Yate para hati kena tate jabi,' aru etu hati jabo, aru apunikhan nimite eku bi naparia kam nohobo.
\v 21 Kintu etu khan sobtu, prathana aru upuvas para, nohoile dusra eku para naparibo." \s5
\p
\v 22 Jitia taikhan Galilee te asele, Jisu tailaga chela khan ke koise, "Manu laga Chokora ke manukhan laga haat di dibo,
\v 23 aru taikhan para Tai ke morai dibo, aru tin din te Tai ke mora para uthai dibo." Tai laga chela khan bisi mon dukh hoise. \s5
\p
\v 24 Jitia taikhan Capernaum jaga te punchi se, ekjon manu jun dui-taka chandi tax utha manu Peter usorte ahise aru koise, "Apunikhan laga Teacher tu dui-taka chandi Tax diye nohoi naki?
\v 25 Tai koise, "Hoi." Jitia Peter ghor te gusi loise, Jisu tai ke poila kotha kurise, eneka koikena, "Tumi ki bhabe, Simon? Kun logot para prithibi laga raja khan tax aru poisa khan uthai? Taikhan laga bacha khan para na dusara khan para?"
\v 26 Jitia tai koise, "Dusara khan para," Jisu tai ke koise, "Tinihoile bacha khan nimite ene free ase."
\v 27 Kintu amikhan nimite tax utha manuke pap kuribo nadibo, etu nimite nodi te jabi, ekta mas dhura kata phelabi aru juntu mas ke pohila pai etu ke loikena ahibi. Jitia tumi mas laga mukh khuli loi, tumi ke char ta chandi pabo. Lobi aru jai kena tax utha manuke tumi aru Ami nimite dibi."
\c 18
\p
\v 1 Utu somoite Jisu laga chela khan Tai usorte ahise, eneka koikena, "Tinihoile kun sorgo laga raijote sobse dangor ase?"
\v 2 Jisu tai nijeke bacha nisena mati kena, taikhan majote bohise,
\v 3 aru koise, "Moi hosa para apunikhan ke koi ase, jitia tok apuni chutu bacha khan nisena nohoi koile, apunikhan ekjon bi sorgo laga raijo te gusibole naparibo. \s5
\v 4 Etu karone, jun manu nijor ke etu bacha khan nisena chutu kuribo, tai hey sorgo laga raijote sob se dangor ase.
\v 5 Jun manu chutu bachakhan ke etu nisena Moi laga namte ahibole dey tai Moi ke pai jai.
\v 6 Kintu jodi etu bacha khan majote ekjon bi Moi ke bisas kure, aru kunba manu utu bacha ke pap kam kuribole diye koile, utu manu nimite dangor pathor golate bandhi kena nodi te dubai dia hey bhal hobo. \s5
\p
\v 7 Etu prithibi laga manukhan ke bisi morom lage, juntu kamkhan nimite taikhan pap kuri ase. Etu khan sob pura hobo lage, kintu utu manukhan oporte aru dangor sazai hobo jun etu pap kam hobole diase.
\v 8 Jodi apuni laga haat nohoile theng nimite apuni ke girai de koile, etu ke kati dibi aru apuni laga gao para phelai dibi. Apuni nimite duita haat aru theng thaki kena norok te ja para tu gaote haat nohoile theng nathaki kena sorgo te ja tu hey bhal hobo. \s5
\v 9 Jodi apuni laga suku nimite pap kuribo diye koile, ulai dibi aru apuni laga gao para phelai dibi. Kile koile apuni nimite duita suku thaki kena norokte ja para tu gao te ekta suku thaki kena sorgo te ja tu hey bhal hobo. \s5
\v 10 Hosiar thakibi, etu chutu bacha khan eku kam nai koikena nabhabi-bi. Kile koile Moi apunikhan ke koi ase sorgo te taikhan laga sorgoduth khan Moi laga Baba jun sorgote ase tai laga chehera hodai sai thake.
\v 11 Kile koile Manu laga Chokora tu harai ja khan nimite ahise. \s5
\v 12 Apuni ki bhabona ase? Jodi ekjon manu logote ekso(one hundred) bhera ase, aru taikhan majote ekta harai jaise koile, tai ninyanve(ninty-nine) bhera khan ke pahar te chari kena, ekta jun harai jaisele etu ke jaikena bisaribo nohoi?
\v 13 Jodi tai pai jai, moi hosa para koi ase, tai utu ninyanve(ninty-nine) bhera para bi harai ja ekjon nimite mon te bisi khusi hobo.
\v 14 Thik etu nisena, Sorgo te thaka Baba laga icha nohoi je ekta chutu hoilebi taikhan harai jabo lage koikena. \s5
\p
\v 15 Jodi apuni laga bhai apuni oporte pap kuri se koile, jabi aru tai laga golti koidibi, tai aru tumi ekla duijon majote. Jodi tai tumi laga kotha huney koile, tumi tumilaga bhai ke jiti loise.
\v 16 Kintu jodi tai tumi laga kotha nahune koile, ekjon duijon tumi logote loi jabi, eneka hoile dijon tinjon manu para ki tu hoisele etu khan taikhan laga mukh para jani jabo. \s5
\v 17 Aru jodi taikhan laga kotha khan bi nahune koile, girja ke karon tu koi dibi. Jodi tai girja laga bi kotha nahune koile, tai ke ekta gentile aru tax utha manu nisena charidibi.
\v 18 Moi hosa para koi ase apunikhan ke, ji saman khan prithibi te bandibo etu sorgo te bi hobo; aru ji saman khan prithibi te charibo etu sorgo te bi hobo.
\v 19 Arubi Moi hosa para apunikhan ke koise, jodi duijon majote mon mili kena ji karone hoilebi mangise koile, taikhan nimite Moi laga Baba jun sorgote ase etu khan kuri dibo.
\v 20 Kile koile juntu jagate duijon tinjon Moi nam te jama kure, taikhan majote Moi ase." \s5
\p
\v 21 Etu pichete Peter ahise aru Jisu ke koise, "Prabhu, kiman bar moi laga bhai ami oporte pap kam kuribo aru tai ke maph dibo? Saath bar tok hobo?"
\v 22 Jisu tai ke koise, "Moi tumi ke saath bar tok kuribo kua nai, kintu sattar seventy laga saat bar tok. \s5
\v 23 Etu karone sorgo laga raijo tu ekta raja nisena jun tai laga kam kura manu logote hisab-kitab kurubole icha kuri loise.
\v 24 Jitia tai hisab-kitab kuribole suru hoise, tai usorte ekta naokor ke loi anise, jun tai logot para dos hazar talent pabo thakise.
\v 25 Kintu tai logote eku para bi baki tirabole thaka nai, tai laga malik taikhan ke bikiri kuri dibole hukum dise, tai logote tai laga maiki aru bacha khan ke bi aru ji ase etu khan sob, aru eneka para dhar sob tirai lobo. \s5
\v 26 Huni kena etu naokor nichete girise, malik agete athukari kena koise, 'Malik, ami ke olop somoi dibi, aru ami apuni ke sob tirai dibo.'
\v 27 Utu naokor laga malik tai laga kotha huni kena morom lagi jaise, aru tai laga dhar maph kuri dise aru tai ke chari dise. \s5
\v 28 Kintu etu naokor bahar ulai jaise aru tai logote kam kura naokor ke dikhise, utu naokor tai laga ekso(hundred) taka dhar thaki se. Tai utu nokor ke gola chipai kena duri se aru eneka koise, 'Moi laga ki dhar ase etu tirabi.'
\v 29 Etu pichete utu naokor nichete girise aru tai ke kandi kena maph mangi se, eneka koikena, 'Ami ke olop somoi dibi, aru ami apuni ke sob tirai dibo.' \s5
\v 30 Kintu utu agey laga naokor tu eneka kuribole icha thaka nai. Ulta, tai jaise aru jail bhitor te hali dise, jitia tok tai laga dhar natirai.
\v 31 Etu karone jitia dusara naokor khan dikhi se, taikhan bisi mon bia hoise. Taikhan jaise aru taikhan laga malik ke, ki hoisele etu khan sob koi dise. \s5
\v 32 Etu pichete etu naokor laga malik tai ke mati se, aru taike koise, 'Tumi mon-kala thaka naokor, moi tumi laga dhar khan sob maph kuri dise, kile koile tumi kandi kena moi ke maph manga nimite.
\v 33 Tumi bi nijor manu ke daya kuribo napare, jeneka moi tumi oporte daya kura nisena?' \s5
\v 34 Tai laga malik gusa thakise aru tai ke sazai dia manu laga haat te dise jitia tok tai baki khan natira tak.
\v 35 Etu nisena moi laga sorgo Baba tumi khan ke eneka kuribo, jitia tok tumikhan nijor bhai-bhoini khan ke maph nakura tak." \s5
\c 19
\p
\v 1 Aru ineka hoise, jitia Jisu itukhan koikene khotom hoise, tae Galilee para ulaise, aru Jordan laga piche thakia Judah jaga laga kinarkhante ahise.
\v 2 Aru bisi manukhan tae piche-piche ahise; aru tae tate taekhanke bhal korise. \s5
\p
\v 3 Phariseekhanbi tae usorte ahise, taeke porikha koribole lagise, aru taeke koise, Ji nimite hoilebi ekta manu taelaga maikike charibole niom ase?
\v 4 Aru tae jawab dise aru taekhanke koise, Apunikhan puria nae, tae jun taekhanke banaise surute taekhanke mota aru maiki banaise, \s5
\v 5 Aru koise, Itu nimite ekta manu baba aru amake charibo, aru taelaga maiki logote jaikene lagibo: aru tae duijon ekta mongso hoijabo?
\v 6 Ineka para taekhan aru duita nohoe, hoilebi ekta mongso. Itu nimite Isor ki eki logote milaidise, manukhan ituke alag nakoribi.
\v 7 Taekhan taeke koise, Tinihoile kile Moses koise chara-chari laga ekta kagoj likhibole, aru taeke charidibole?
\v 8 Tae taekhanke koise, Kilekoile apunikhan laga bisi mon-tan ase itu nimite Moses apunikhanke apunikhan laga maiki charidibole koise: hoilebi suru para ineka thakia nae.
\v 9 Aru ami apunikhanke koiase, Junbi taelaga maikike charibo, khali rendi laga kotha charikene, aru dusrake sadi koribo, tae rendi-baji laga kam koriase: aru jun utu maikike sadi koribo junke charidise tae rendi-baji laga kam koriase.
\v 10 Taelaga chelakhan taeke koise, Ekta manu taelaga maiki logote ineka ase koile, sadi nakoria he bhal ase.
\v 11 Hoilebi tae taekhanke koise, Sob manukhan itu kothake lobole naparibo, khali taekhanke charikene junkhanke itu dise.
\v 12 Kilekoile tate kunba hijrakhan ase, junkhan taekhan laga ama-lag-pet para he ineka jonom hoise: aru tate kunba hijrakhan ase, junkhanke manukhan para hijra banaise: aru tate kunba hijrakhan ase, junkhan swarg laga desh nimite nijeke hijra banaise. Tae jun ituke lobole pare, taeke lobole dibi. Jesus Blesses Little Children Jisu Chutu-Chutu Bachakhanke Asis Dise. \s5
\p
\v 13 Itu piche tate tae usorte chutu-chutu bachakhanke anise, tinihoile tae taelaga hathkhan taekhan uporte rakhibo, aru parthana koribo: aru chelakhan taekhanke galidise.
\v 14 Hoilebi Jisu koise, Bachakhanke koribole dibi, aru taekhanke narukhabi, ami logote ahibole: kilekoile swarg laga desh taekhan nisena para he ase.
\v 15 Aru tae taekhan uporte hathkhan rakhise, aru tate para jaijaise. \s5
\p
\v 16 Sabi, ekta manu Jisu osorte ahise aru koise, "Sikha manu, kitiabi namura jibon pabo nimite moi ki bhal kam kuribo lagibo?"
\v 17 Jisu tai ke koise, "Tumi kile moi ke bhal kam tu ki ase koikena hudi ase? Khali ekjon hey bhal ase, kintu jodi apuni sorgote gusibole mon ase koile, Isor laga niom khan manibi."
\v 18 Etu manu Tai ke koise, "Kuntu niom?" Jisu koise, "Morai nadibi, bybichar kam nakuribi, chor nakuribi, misa gawahi nadibi,
\v 19 Ama aru baba ke sonma kuribi, aru ghor osorte thaka manu ke morom kuribi jeneka nijor ke kura nisena."
\v 20 Etu juwan manu Tai ke koise, "Etu khan sob ami mani loise. Arubi ami ki kuribo lage?"
\v 21 Jisu tai ke koise, "Jodi apuni pura thik hobole icha ase koile, jabi, apuni logote ki ase sob bikiri kuridibi aru gorib manu khan ke di-dibi, aru sorgote apuni laga dhon-sompoti pabo; aru ahibi, Ami laga piche kuribi."
\v 22 Kintu jitia etu juwan manu Jisu ki koise huni loise, tai mon dukh hoi kena jaise, kile koile tai logote bisi dhon-sompoti thaki se. \s5
\p
\v 23 Jisu tai laga chela khan ke koise, "Moi hosa para apunikhan ke koi ase, ekta dhoni manu nimite sorgo laga raijote gusibole digdar ase.
\v 24 Arubi Moi apunikhan ke koi ase, ekta dhoni manu Isor laga raijote gusa para tu ekta uth bigi laga chenda bhitor para par kurikena gusa tu hey asani hobo."
\v 25 Jitia chela khan etu huni paise, taikhan bisi asorit hoise, eneka koikena, "Tinihoile kun khan bachi jabo?"
\v 26 Kintu Jisu taikhan ke sai se aru koise, "Manukhan nimite etu namunkin ase, kintu Isor nimite sob munkin ase."
\v 27 Etu pichete Peter jawab dikena Tai ke koise, "Sabi, amikhan sab chari kena Apuni laga piche kurise. Amikhan nimite tate ki thakibo?"
\v 28 Jisu taikhan ke koise, "Moi hosa para apunikhan ke koi ase, nutun zamana te jitia Manu laga Bacha tai laga sinhaasan tron te bohibo, apunikhan jun Ami laga piche kuri sele, apunikhan bi barota sinhaasan tron te bohibo, aru Isreal desh laga barota jaat ke bichar kuribo.
\v 29 Sob manu jun ghor khan, nohoilebi bhai-kokai, nohoilebi didi-bhoini, nohoilebi baba, nohoilebi ama, nohoilebi nijor maiki, nohoilebi bacha khan, nohoilebi kheti khan, Ami laga nam nimite chari diye koile, taikhan ji chari dise etu parabi ekso(hundred) bar bisi pabo aru namora jibon tu dhuri lobo.
\v 30 Kintu bisi manu jun agete ase taikhan piche hoi jabo, aru piche khan agey hoi jabo.
\c 20
\p
\v 1 Sorgo raijo tu ekta mati malik jun phujur te bahar ulai kena tai laga kheti nimite manu bisari bole jai.
\v 2 Jitia tai kam kura manukhan logote ekdin te ektaka para kotha milai loi, tai kam kura manukhan ke kheti te pathai.
\v 3 Aru tae nou baji nisenate baharte jaise, aru dikhise dusrakhan enei bazarte khara ase.
\v 4 Aru taekhanke koise, Apunikhanbi angur-bagante jabi, aru ki thik ase ami apunikhanke dibo. Aru taekhan jaise.
\v 5 Arubi tae baharte jaise ek-bar baroh-baji nisenate aru ek-bar tin baji nisenate, aru ineka he korise.
\v 6 Aru panch baji nisenate tae baharte jaise, aru dusrakhanke enei khara ase dikhise, aru taekhanke koise, Apunikhan pura din kile iyate enei khara ase?
\v 7 Taekhan taeke koise, Kilekoile kun manubi amikhanke hajirate loa nae. Tae taekhanke koise, Apunikhanbi angur-bagante jabi; aru ki thik ase, apunikhan itu pabo.
\v 8 Ineka para jitia sam hoise, angur-bagan laga malik taelaga kam-koria-manuke koise, Hajira-koria-manukhanke matibi, aru taekhan laga hajira dibi, piche para suru korikene poila tok.
\v 9 Aru jitia taekhan ahise junkhanke panch-baji nisenate hajirate rakhise, taekhan paise sob manu ekta-ekta poisa.
\v 10 Hoilebi jitia poila ahise, taekhan bhabise taekhan bisi pabo; aru taekhanbi sob manu ekta-ekta poisa paise.
\v 11 Aru taekhan jitia itu paise, taekhan ghor laga malik-ke bia paikene kiba-kibi kobole lagise.
\v 12 Koise, Pichekhan kam korise hoilebi ek-ghanta, aru apuni taekhanke amikhan nisena he banaise, junkhan sob kam korise aru din laga gorom loise.
\v 13 Hoilebi tae taekhan bhitorte ekjonke jawab dise, aru koise, Sathi, Ami apunike ekubi galti koria nae: apuni ami logote ek-poisate monjur hoa nohoe?
\v 14 Apunilaga ki ase lobi, aru nijer rasta jabi: Ami piche ahiakhankebi iman he dibo, jiman apunike dibo.
\v 15 Itu niom nohoe amilaga ki ase itu para ami ki khusi itu he koribo? Na apuni suku-juliase, kilekoile ami bhal ase?
\v 16 Ineka para pichekhan poila hobo, aru poila piche: kilekoile bisike matise, hoilebi olopke he bisarise. Jesus Speaks A Third Time About His Death Jisu Tisra Bar Taelaga Moria Laga Kotha Koise \s5
\p
\v 17 Aru Jisu Jerusalemte jaithakia homoete rastate taelaga barohta chelakhanke alag para loise aru taekhanke koise,
\v 18 "Sabi, amikhan Jerusalemte jaiase: aru Manu-laga-Chokorake dangor-pujarikhan laga hathte aru niom-hika-masterkhan laga hathte thokabo, aru taekhan taeke morabole laga phaisla hunabo,
\v 19 aru taeke sorom dibole nimite, aru maribole nimite, aru kruste khondibole nimite Gentile-jatikhan laga hathte didibo: aru tin din laga dinte tae arubi uthibo." \s5
\p
\v 20 Itu piche tae usorte Zebedee laga bachakhan laga ama ahise taelaga chokorakhan logote, taeke puja korise, aru tae para ekta kiba mangise.
\v 21 Aru tae taeke koise, Apuni ki mangiase? Tae taeke koise, Monjur hobi apunilaga deshte amilaga itu duita chokora, ekjon apunilaga dahina phine, aru ekjon apunilaga baia phine bohibo.
\v 22 Hoilebi Jisu jawab dise aru koise, Apunikhan nabujie apunikhan ki mangiase. Apunikhan utu cup para khabole paribo juntu para ami khabole ase, aru ineka baptisma lobole paribo jineka baptisma para ami baptisma hobole ase? Taekhan taeke koise, Amikhan paribo.
\v 23 Aru tae taekhanke koise, Jineka hoilebi apunikhan amilaga cup para khabole ase, aru ineka baptisma lobole ase jineka baptisma para ami baptisma lobole ase: hoilebi amilaga dahina phine bohibole, aru amilaga baia phine, ami dibole laga nohoe, hoilebi itu taekhanke dibole ase jun nimite amilaga Pormeswar Baba banaikene rakhise
\v 24 Aru jitia utu dos-jon itu hunise, taekhan itu duita bhai uporte nijeke dangor banabole kosis koria nimite bisi bia paise.
\v 25 Hoilebi Jisu taekhanke tae usorte matise, aru koise, Apunikhan janiase Gentile-jatilaga rajakhan taekhan uporte takot cholaithake, aru taekhan junkhan dangor ase taekhan dusrakhan uporte takot cholaithake.
\v 26 Hoilebi apunikhan bhitorte ineka hobole nohoe: hoilebi junbi apunikhan bhitorte dangor hobole ase, taeke apunikhan laga kam koribole dibi.
\v 27 Aru apunikhan bhitorte junbi neta hobole ase, taeke apunikhan laga noukar koribole dibi.
\v 28 Thik jineka Manu-laga-Chokora kam korabole nimite ahia nohoe, hoilebi kam koribole, aru bisi nimite taelaga jibonke tirabole dibo. Jesus Heals Two Blind Men Jisu Duita Andha Manuke Bhal Korise \s5
\p
\v 29 Aru taekhan jitia Jericho para ulaise, ekta bisi joma-thakia-manukhan tae piche-piche ahise.
\v 30 Aru, sabi, rasta kinarte bohikene thakia duita andha manu, jitia taekhan hunise Jisu tate para jaiase, hala koribole lagise, koise, Amikhan uporte morom ahibi, Oh Malik, David laga Chokora.
\v 31 Aru bisi manukhan taekhanke gali koribole lagise, kilekoile taekhan chup thakibole lage: hoilebi taekhan arubi bisi hala koribole lagise, koise, Amikhan uporte morom ahibi, Oh Malik, David laga Chokora.
\v 32 Aru Jisu thik tate rukhise, aru taekhanke matise, aru koise, Apunikhan ki lagiase juntu ami apunikhan nimite koribole paribo?
\v 33 Taekhan taeke koise, Malik, amikhanke sukukhan khulibole paribole dibi.
\v 34 Itu nimite Jisu taekhan uporte morom lagise, aru taekhan laga sukukhan chuise: aru ek-barte taekhan laga sukukhan dikhibole paise, aru taekhan tae piche-piche ahise.
\c 21
\p
\v 1 Jitia Jisu aru tai laga chela khan Jerusalem te punchi se aru Bethphage te ahise, Olive ghas laga paharte, tetiya Jisu duita chela ke pathai se,
\v 2 taikhan ke eneka koikena, "Apunikhan laga osorte thaka bosti te jabi, aru apunikhan logey-logey ekta gadha aru tai laga bacha ke bandi kena thaka dikhibo. Taikhan ke khuli kena Ami logote anibi.
\v 3 Jodi kunba manu etu nimite kiba hudise koile, eneka koi dibi, 'Prabhu para lagi ase,' aru utu manu para apunikhan ke ekubi nakobo." \s5
\v 4 Aru juntu kotha prophet khan para koi disele, etu khan pura hoise. Tai eneka koise,
\q
\v 5 "Zion laga chukuri khan ke koidibi,
\q 'Sabi, apuni laga Raja apuni logote ahi ase,
\q Nomro hoikena gadha uporte-
\q Ekta jawan gadha laga uporte."' \s5
\m
\v 6 Etu pichete chela khan jaise aru taikhan jeneka Jisu para koise, thik eneka hey kurise.
\v 7 Taikhan gadha aru tai laga bacha loikena asnise aru taikhan laga uporte chador urai dise, aru Jisu taikhan oporte bohise.
\v 8 Jerusalem te jai thaka somoite, bisi manukhan nijor laga chador ke bichai dise, aru kunba khan tu ghas laga pata ke kati kena pura rasta te bichai dise.
\v 9 Etu pichete Jisu laga agete aru pichete jai thala manukhan hala kurise, eneka koikena,
\q "Hosanna David laga chokora ke!
\q Asis te ase jun Prabhu laga nam loikena ahiase!
\q Hosanna sob para uporte!"
\m
\v 10 Jitia Jisu Jerusalemte ahise, pura city Tai ke dikhi kena asorit hoise aru koise, "Etu kun ase?"
\v 11 Aru manukhan jawab dise, "Etu Jisu ase Galilee laga Nazareth te thaka ekjon prophet." \s5
\p
\v 12 Etu pichete Jisu Jerusalem laga girja te jaise. Tai tate junkhan saman bikiri kura aru kini thaka manukhan sob ke khedai dise, aru poisa bodli kura khan laga table ke phelai dise aru chiria bikiri kura manukhan ke bahar te khedai dise.
\v 13 Jisu taikhan ke koise, "Eneka likhi kena ase, 'Moi laga ghor tu Prathana laga ghor ase koikena kobo,' kintu tumikhan chor laga ghor bonai dise."
\v 14 Etu pichete suku andha aru theng lengera khan Jisu logote girjate jaise, aru Tai taikhan ke bhal kuri dise. \s5
\v 15 Kintu jitia dangor priest aru niom likha manukhan Jisu laga asorit kam khan kura, aru bacha khan girja bhitor te, "Hosanna David laga chokora ke," hala kura huni kena taikhan bisi gusa hoise.
\v 16 Taikhan Jisu ke koise, "Taikhan ki koiase apuni huni ase na nai?" Jisu taikhan koise, "Hoi! Kintu apunikhan kitia bi pura nai, 'Chutu bacha khan laga mukh para prashansa kuribole apunikhan sikhai dise'?"'
\v 17 Etu pichete Jisu taikhan ke chari kena Bethany town te jaise aru rati te humai se. \s5
\v 18 Phujur te Jitia Jisu Jerusalem town te wapas jaise, Tai ke bhuk lagi jaise.
\v 19 Rasta kinar te ekta fig ghas dikhise, Jisu ghas usorte jaise aru khali pata khan hey dikhise. Tai etu ghas ke koise, "Aji para tumi laga ghas te kitia bi guti nadhuribi," aru logey-logey etu ghas sukhi jaise. \s5
\v 20 Jitia Tai laga chela khan dikhise, taikhan asorit lagi kena koise, "Kineka kuri kena etu ghas phat sukhi jaise?"
\v 21 Jisu taikhan ke jawab dikena koise, "Moi hosa para koi ase, "Jodi apunikhan duita mon nohoikena bisas thakile, khali etu ghaske kura nisena hey nohoi kintu apunikhan ekta pahar kebi kobole paribo, 'Uthi bi aru samundar te gusibi, aru eneka hey hobo.
\v 22 Jodi apuni biswas kure, apuni prathanate ji mangibo etu pai jabo." \s5
\p
\v 23 Jitia Jisu girja ghor te ahi kena sikhai thaki se, dangor priest aru girja laga bura manukhan Tai usorte ahise, eneka koikena, "Ki hisab para apuni eneka kuri ase, aru kun para apuni ke adhikar dise?"
\v 24 Jisu taikhan ke jawab dikena koise, "Moi bi apunikhan ke ekta kotha hudibo. Jodi apunikhan etu laga jawab dise koile, Ami bi apunikhan laga jawab dibo. \s5
\v 25 John para manukhan ke baptisma dia- etu kun laga adhikar para dise? Sorgo para na manukhan para?" Taikhan nijor majote eneka koikena hudise, "Jodi amikhan 'Sorgo para' koile, Tai amikhan ke kobo, 'Toh kile apunikhan tai ke biswas kura nai?'
\v 26 Kintu jodi amikhan 'manukhan para' koise koile, etu manukhan para amikhan ke bia pabo, kile koile taikhan sob John ke ekjon prophet ase koikena mane."
\v 27 Etu pichete taikhan Jisu ke jawab dikena koise, "Amikhan najane." Jisu bi taikhan ke koise, "Ami bi apunikhan ke ami kun laga adhikar para kuri ase etu nakobo. \s5
\v 28 Kintu apunikhan ki bhabe? Ekta manu laga duita chokora thakise. Tai pohila dangor chokora ke koise, 'Chokora, aji jaikena angur laga kheti te kam kuribi.'
\v 29 Tai laga chokora para jawab dikena eneka koise, 'Moi nakuribo, 'kintu olop somoi pichete tai jaikena kam kurise.
\v 30 Etu pichete tai laga dusara chokora kebi tineka koise. Kintu tai jawab dikena koise, 'Moi jabo, malik,' kintu tai ja nai. \s5
\v 31 Duijon chokora majote kun para baba laga icha kuri se?" Taikhan koise, "Pohila chokor para." Jisu taikhan ke koise, "Hosa para Moi koi ase, apunikhan para bi tax laga poisa utha manu aru rendibaji kura khan hey pohila Isor laga raijo te gusibo.
\v 32 Kile koile John tumi khan logote aha tu dharmik nisena ahise, kintu apunikhan tai ke bisas kura nai. Kintu tax poisa utha manu khan aru rendibaji kura khan hey tai ke biswas kuri se. \s5
\p
\v 33 Hunibi lobi aru dusara khani ke. Tate ekjon manu thakise, ekjon mati malik. Tai angur laga kheti kuri se, tai bera lagai dise, aru angur laga pani chipai kena ulabole laga gadda kundi se, aru kheti ke sabole nimite uncha chang ghor bonai se, aru dusar manu khan angur laga kheti kuribo nimite bhara dise. Etu pichete tai dusara desh te jai jaise.
\v 34 Jitia angur kati bole laga somoi ahise, tai tailaga kunba naokor khan ke pathai kena kheti kura khan ke tai laga kheti laga angur mangibole pathai. \s5
\v 35 Kintu jitia utu kheti kura khan tai laga naokor khan ke lok pai, taikhan ekjon naokor ke mare, aru ekjon ke morai de, aru ekjon ke pathor marikena morai de.
\v 36 Arubi, malik para dusara naokor khane ke pathai, pohila patha parabi bisi pothai, kintu kheti kura manu khan utu naokor khan pohila kura nisena etu naokor khan ke bi kure.
\v 37 Etu pichete, utu malik tai nijor laga chokora khan ke pothai, eneka koikena, 'Tai khan moilaga chokora ke sonma kuribo.'
\v 38 Kintu jitia kheti kura manukhan tailaga chokora ke dikhe, kheti kura khan nijor majote koi, 'Malik hobole thaka tu etu ase. Ahibi, amikhan tai ke morai dibo aru tai laga sompoti laga malik hoi jabo.'
\v 39 Eneka hoikena taikhan taike dhuri loi, angur laga kheti te loikena murai de.
\v 40 Etia, jitia utu khati laga malik ahey, tai para utu kheti kura manukhan ke ki kuribo?"
\v 41 Taikhan Jisu ke koise, "Tai utu manukhan ke bia para khotom kuridibo, aru dusara kheti kura manukhan ke kheti kuribole dide, jun kheti kura manukhan tai ke kheti kata somite taikhan laga kheti laga guti dibo."
\v 42 Jisu taikhan ke koise, "Apunikhan kitia bi Isor kotha pura nai,
\q 'Ekta pathor jun ke ghor bona manu para phelai diye,
\q Etu pathor he sob para ghor laga asol pathor hoi jai.
\q Etu tu Isor para hey ase,
\q Aru etu tu amikhan laga suku te ekdon bhal ase'? \s5
\m
\v 43 Etu karone Ami apunikhan ke koiase, apunikhan para Isor laga raijo tu loilobo aru utu desh ke bibo jun bhal guti dhure.
\v 44 Jun khan etu pathor uporte giri bo etu tu bhangi kena mihin hoi jabo. Kintu jun manu uporte giribo, tai ke chipai dibo." \s5
\v 45 Jitia dangor priest aru Pharisees khan Tai laga kahani hunise, taikhan buji jaise je Tai taikhan laga kotha kuri thakise.
\v 46 Taikhan Jisu ke dhruibole bisari thaki se, kintu taikhan manukhan ke bhoi khai thakise, kile koile manukhan Jisu ke ekjon prophet ase koikena mani thakise. \s5
\c 22
\p
\v 1 Jisu jawab dise aru taikhan ke kahani para kotha kurise, eneka koi kena,
\v 2 Sorgo laga raijo eneka ase jeneka ekta raja para tai chokora laga sadi nimite khalua khan taiyari kura nisena ase.
\v 3 Raja para junke tai laga chokora laga sadi te mati sele, tai laga naokor khan ke matikena thaka manukhan matibole pathai, kintu taikhan nahey.
\v 4 Arubi raja para tai laga dusara naokor ke eneka koikena pathaise, 'Jai kena sadi te matia manukhan ke kobi, "Sabi, Ami para khalua bonai kena ase. Moi laga bhal guru aru mosto saguli khan ke morai dise, aru sob tu tiyari hoi kena ase. Sadi laga khalua kuribole ahibi."'
\v 5 Kintu taikhan dhiyan dia nai aru jai-jaise, kunba tu kheti kuribole, aru kunba tu nijor dukante jai-jaise.
\v 6 Aru kunba tu raja laga naokor khanke dhuri loise, aru taikhan ke sorom hobole laga kam kuri dise, aru morai dise.
\v 7 Etu raja bisi khong uthise, aru tai laga sipahi khan ke pathaise aru tai laga naokor ke morai dia manukhanke morai dise aru taikhan laga desh julai dise.
\v 8 Etu pichete tai laga naokor khan ke koise, 'Sadi laga khalua taiyari hoise, kintu jun manukhan ke mati sele, etu khan sadi te ahibole thik nohoi."
\v 9 Etu nimite rasta khan te jabi aru apuni jun ke lok pai taikhan sob ke sadi laga bhat khabole matibi.'
\v 10 Etu pichete raja laga naokor khan rasta khan te jai aru jiman bhal aru bia manukhan ke lok pai, taikhan sob ke jama kurikena anise, aru sadi laga ghor te manukhan para pura bhorta hoise.
\v 11 Kintu jitia raja ahikena manukhan ke sai, tai ekjon manu ke sadi laga kapur napindhi kena thaka dikhe.
\v 12 Aru raja para tai ke koise, 'Sati, apuni sadi laga kapur napindhi kena kineka yatey ahise?' Kintu etu manu ekubi kobole para nai.
\v 13 Etu pichete raja para tai laga naokor khan ke koi, 'Etu manu laga theng aru hat bandhi bi, aru andhera jaga te phelai dibi, juntu jaga te tai khali kandi thakibo aru daat kamuri thakibo.'
\v 14 Bisi manukhan ke mati sele, kintu khali kunba khan ke hey chuni loise." \s5
\p
\v 15 Etu pichete Pharisees khan jaise aru Jisu ke Tai nijor laga kotha para pasai dibole taikhan kotha kuri thakise.
\v 16 Etu pichete taikhan laga chela aru Herod laga manukhan ke milai kena Jisu logote pathaise. Taikhan koise, "Hikai dia manu, amikhan jane je apuni tu hosa ase, aru apuni Isor laga rasta hosa para sikhai de. Kun laga kotha bi apuni hisab nakure, kile koile apuni tu manu laga chehera nasai.
\v 17 Tinihoile amikhan ke kobi, Apuni ki bhabe? Caesar ke tax dia tu thik niom ase na nai? \s5
\v 18 Kintu Jisu taikhan laga bia chal jani jaise aru koise, "Apunikhan kile moike porikha kuri ase, tumikhan misa-kua manu?
\v 19 Ami ke tax dia laga chandi tu dikhabi." Etu pichete taikhan chandi anikena Jisu ke dise. \s5
\v 20 Jisu taikhan ke dikhai kena koise, "Kun laga noksa aru nam ase?"
\v 21 Taikhan Jisu ke koise, "Caesar laga." Etu pichete Jisu taikhan ke koise, "Tinihoile jitu Caesar laga ase etu tai ke dibi, aru jitu Isor laga ase etu khan Isor ke dibi."
\v 22 Jitia taikhan etu hunise, taikhan asurit hoise. Etu pichete taikhan Jisu ke chari kena jaise. \s5
\p
\v 23 Utu eki dinte kunba Sadducees khan, jun khan mori kena zinda hua tu misa ase kua khan, Jisu osorte ahise. Tai khan Jisu ke hudise,
\v 24 eneka koikena, "Hikai dia manu, Moses para koise, 'Jodi kunba manu bacha nathaki kena muri jai, tai laga bhai tu tai laga maiki ke sadi kuribo lage aru tai laga kokai nimite bacha jonom dibo lage.'
\v 25 Etia, taikhan majote sata bhai-kokai khan thaki se. Pohila dangor kokai tu sadi kurise aru muri jai. Bacha khan nathaki kena, aru tai laga maiki ke tai laga bhai nimite rakhi de.
\v 26 Etu pichete dusara bhai bi eneka hey kurise, aru dusara bhai bi, eneka kuri kena pura sata bhai-koikai sadi kuri se.
\v 27 Sob bhai-kokai khan muri ja pichete, utu maiki tu muri jai.
\v 28 Etia, muri kena zinda hua dinte, sata seven bhai-kokai majote tai kun laga maiki hobo? Kile koile taikhan sob etu maiki ke sadi kuri sele."
\v 29 Kintu Jisu taikhan ke jawab dikena koise, "Apunikhan golti ase, kile koile apunikhan Isor laga sakti nohoile bi Tai laga kotha khan najane.
\v 30 Kile koile muri-kena-zinda hua manukhan sadi bi nakure aru sadi nimite bi nade. Hoilebi, taikhan ekta duth nisena sorgote thake. \s5
\v 31 Kintu mura manukhan nimite muri-kena-zinda hua kotha tu, apunikhan ke Isor laga kotha koi dia pura nai, eneka koikena,
\v 32 Moi Abraham laga Isor ase, Isaac laga Isor, aru Jacob laga Isor'? Isor tu mura manukhan laga Isor nohoi, kintu zinda manukhan laga."
\v 33 Jitia jama hoikena thaka manukhan Jisu laga sikhai dia kotha hunise, taikhan asorit hoise. \s5
\p
\v 34 Kintu jitia Phariseens khan Jisu para Sadducees khan laga muk chup kuri dise, taikhan eke logote mili kena jama hoise.
\v 35 Taikhan majote, ekjon ukil, Jisu ke porikha kuribole ekta kotha hudise-
\v 36 "Hikai dia manu, sob niom laga majote, kuntu niom sob para dangor ase?" \s5
\v 37 Jisu tai ke koise, "'Apuni laga Isor ke pura mon para, aru pura atma, aru pura bhabona para morom kuribi.
\v 38 Etu hey sob para dangor aru pohila niom ase. \s5
\v 39 Aru etu laga niche niom tu eneka ase- 'Nijor ke morom kura nisena apuni laga ghor osor manukhan kebi morom kuribi.'
\v 40 Jiman niom aru prophet khan laga kotha khan ase, etu duita niom oporte khara ase. \s5
\p
\v 41 Etia, jitia Pharisees khan sob jama hoikena thaka somoite, Jisu taikhan ke ekta kotha hudise.
\v 42 Tai koise, "Apunikhan Khrista ke ki bhabe? Tai kun laga chokora ase?" Taikhan koise, "David laga Chokora." \s5
\v 43 Jisu taikhan ke koise, "Tinehoile kineka kurikena David tu atma te Tai ke prabhu koikena mate, eneka koikena,
\q
\v 44 'Prabhu para moi laga Prabhu ke koise,
\q "Moi laga daina haat te bohibi,
\q Jitia tok Moi tumi laga dusman khan ke tumi laga theng nichete na-ana tak"'? \s5
\m
\v 45 Jodi David para Khrista ke 'Prabhu' mate, tinehoile kenaka Tai David laga chokora hobo?"
\v 46 Kunbi Jisu ke ekta jawab bi dibole para nai, aru utu din para kunbi Tai ke ekta kotha bi nahuda hoise.
\c 23
\p
\v 1 Etu pichete Jisu tai laga chela aru jama hoikena thaka manukhan ke kotha kurise.
\v 2 Tai koise, "Niom-hikha manu aru Pharisees khan Moses laga boha jagate bohey.
\v 3 Etu karone taikhan ji hukum de apunikhan etu kuribi, etu khan kuribi aru sai thakbi. Kintu taikhan laga kam hisabte nakuribi, kile koile taikhan muk para koi, hoilebi kam para nakure.
\v 4 Taikhan juntu saman bhari hoi etu khan uporte haley aru bukhibole digtar hoi jai, aru taikhan manukhan laga kandha te rakhi dey. Kintu taikhan nijor laga anguli bi uthabole icha nakure
\v 5 Taikhan manukhan ke dikhabole bhal nimite niom khan kure. Kile koile taikhan matha te chamra laga baksa dangor kure, aru taikhan kapur laga rusi khan dangor kure. \s5
\v 6 Taikhan bisi sonma pa jaga te khalua khusi pai aru Isor kotha kura ghor te bisi sonman pa jagate bohey.
\v 7 Aru bajar te ekdom alak para manukhan salam dia aru 'Rabbi' koi kena manukhan para mata khusi pai. \s5
\v 8 Kintu tumikhan ke "Rabbi,' koikena matibo dibo nalage kile koile khali ekjon hey sikhai dia manu ase, aru tumikhan sob bhai-kokai ase.
\v 9 Aru tumikhan ke 'baba' koikena matibo nadibi, kile koile tumikhan logote khali ekjon hey Baba ase, jun sorgo te ase.
\v 10 'Sikha manu' koi matibo nadibi, kile koile tumikhan laga ekjon sikha manu tu Khrista hey ase.
\v 11 Kintu apunikhan majote kun bisi dangor ase tai tu apuni laga naokor hobo.
\v 12 Jun khan nijor ke uthai thake tai ke nomro kuri dibo, aru jun khan nijor ke nomro kuribo tai ke uthai dibo. \s5
\p
\v 13 Kintu, niom-likha manu aru Pharisees khan, misa-misi manukhan, apunikhan ke morom lage! Apunikhan dusara manukhan nimite sorgo raijo bon kuri de. Kile koile apunikhan nijor naguse, aru gusibole thaka dusara khan ke bi gusibole nade.
\v 14 Niom-likha manu aru Pharisees khan, misa-misi manukhan, apunikhan ke morom lage! Kile koile apunikhan mota nathaka maiki khan ke thokai kena taikhan laga ghor chingi loi. Etu pichete girjate jaikena manukhan ke dikhabole lamba prathana kure. Apunikhan uporte sobse bia sazai hobo.
\v 15 Niom-likha manu aru Pharisees khan, misa-misi manukhan, apunikhan ke morom lage! Kile koile apunikhan samundar para kure aru dusara desh khan tey jaikena apunikhan laga dhorom manibole mon ghurabo de, aru jitia tai apunikhan laga niom tu mani loi, apunikhan tai ke poila para bi aru bisi norok laga bacha bonai de. \s5
\p
\v 16 Apunikhan ke morom lage, apunikhan andha hoike rasta dikai, apunikhan jun koi, 'Jun manu girja laga nam loikena kosom khai, etu eku nohoi. Kintu jun manu girja laga suna-chandi laga nam loikena kosom khai, tai etu kosom rakhibo lage.'
\v 17 Apunikhan okora aru andha manukhan! Kuntu sob para dangor ase, suna-chandi na utu girja jun para suna-chandi khan ke pobitro bonai?
\v 18 Aru, 'Jun manu Isor boha jaga laga kosom khai, etu eku nohoi. Kintu jun manu Isor boha jaga te dan thaka laga kosom khai, tai etu kosom mani bo lagibo.'
\v 19 Apunikhan okora aru andha manukhan! Kuntu sob para dangor ase, utu dan khan na Isor boha jaga jun para etu dan ke pobitro bonai de?
\v 20 Etu karone, jun manu Isor boha jaga laga kosom khai, tai etu aru etu logote thaka sob saman khan laga kosom khai loi.
\v 21 Jun ekjon girja laga kosom khai, tai etu girja aru girja ghor te thaka manukhan taka laga kosom khai loi.
\v 22 Aru jun sorgo laga kosom khai, tai Isor laga sinhasan aru Tai usorte boha khan sob laga kosom khai loi. \s5
\p
\v 23 Niom-likha manu aru Pharisees khan, misa-misi manukhan, apunikhan ke morom lage! Kilekoile apunikhan pudina, aru pata, aru dhonia laga tithe dithake, aru bisi ojon thakia niom, phaisla, maph, aru biswas laga kothakhanke charidie: itukhanke koribole lage, aru dusrakhankebi nakorikene thakibole nalage.
\v 24 Apuni andha netakhan, junkhan makhi dikhile ghin lage, aru ekta ut-janwarke khailoe.
\v 25 Apunikhan nimite kimanbi bhoe ase, niom-hika-masterkhan aru Phariseekhan, apuni misa-misikhan! Kilekoile apunikhan cup aru thali laga bahar phine sapha korithake, hoilebi bhitorte joborjosti loa aru bisi para bhorta ase.
\v 26 Apuni andha Pharisee, poila cup aru thali laga bhitorte ki ase ituke sapha koribi, tetiya itukhan laga baharkhanbi nije para sapha hoijabo.
\v 27 Apunikhan nimite kimanbi bhoe ase, niom-hika-masterkhan aru Phariseekhan, misa-misi manukhan! Kilekoile apunikhan chuna maria pathor-laga-kobor nisena ase, juntu bahar para sundor dikhie, hoilebi bhitorte moria-manukhan laga hardikhan, aru sob moilakhan para bhorta ase.
\v 28 Thik ineka nisena apunikhanbi bahar para manukhan usorte hosate-thakia nisena dikhie, hoilebi bhitorte misa-misi aru pap para bhorta ase.
\v 29 Apunikhan nimite kimanbi bhoe ase, niom-hika-masterkhan aru Phariseekhan! Kilekoile apunikhan utu prophetkhan laga koborkhan banaise, aru utu hosate-thakia-manukhan laga pathor-laga-koborke malish korise,
\v 30 Aru koise, Amikhan laga babakhan laga homoete amikhan thakise koile, amikhan itu prophetkhanke khon koribole nimite taekhan logote bhag lobole thakia nae.
\v 31 Ineka para apunikhan nijeke janaidiase, apunikhan taekhan laga bachakhan ase junkhan itu prophetkhanke moraise.
\v 32 Itu nimite apunikhan laga babakhan laga hisabke apunikhan bhorta koribi.
\v 33 Apunikhan sapkhan, apunikhan sapkhan laga khandan, kineka para apunikhan norok laga sajai para polabole paribo?
\v 34 Etu nimite, sabi, Ami apunikhan ke prophets aru gyani aru niom-likha manukhan ke pathai ase. Kunba khan ke apunikhan para morai dibo aru krus oporte maribo, aru kunba khanke apunikhan Isor laga kotha kura ghorte apunikhan para chamara laga rusi para maribo aru ekta town para ekta town laga bahar te khedai dibo
\v 35 Ineka para apunikhan uporte prithibite jiman hosate-thakiakhan ase taekhan laga khon ahibo, hosate-thakia Abel laga khon para suru korikene Barachias laga chokora Zacharias laga khon tok, junke apunikhan mondir aru puja-laga-jaga laga majote moraidisile.
\v 36 Hosa para ami apunikhanke koidiase, Itukhan sob aji-kali laga khandan uporte ahibo.
\v 37 Jerusalem, Jerusalem, apuni junkhan prophet khan ke morai de aru junkhan ke pathai sele etu khan ke pathor phelai! Kiman bar Moi apunikhan laga bacha khan ke milai dibole icha thakise, jeneka ekta murgi ama tai laga bacha khan ke tai laga pakhi bhitor te jama kure, kintu apunikhan ahibole icha thaka nai!
\v 38 Sabi, apunikhan laga ghor para apunikhan ke ekla chari dise.
\v 39 Kile koile Moi apunikhan ke koiase, etia para apunikhan ami ke nadhikibo jitia tok apunikhan eneka nakoi, 'Tai asis te ase jun Prabhu laga nam para ahise."'
\c 24
\p
\v 1 Jisu girja laga bahar ulai kena nijor rasta te jai thakise. Tai laga chela khan Tai usorte ahikena girja ghor dikhai thakise.
\v 2 Kintu Tai jawab dise aru taikhan ke koise, "Apunikhan etu khan sob dikhi ase na nai? Hosa para Moi koi ase, sob pathor khan ke mati te phelai dibo. Ekta pathor bi ekjon-ekjon uporte hobole nadib, sob ke khotom kuri dibo." \s5
\p
\v 3 Jitia Tai Olives ghas laga uncha pahar te bohi thakise, Tai laga chela khan lukai kena ahise, eneka koikena, "Amikhan ke kobi, etu khan kitia hobole ase? Apuni aru ahibole thaka aru etu dhunia laga somoi khotom hobole laga dintu, kineka para amikhan ke dikhai dibo?"
\v 4 Jisu jawab dise aru koise, "Hosiar thakibi, kun para bi tumi khanke thoka bole nadibi.
\v 5 Kile koile bisi manu ami laga nam loikena ahibo. Taikhan kobo, 'Moi Khrista ase,' aru bisi manukhan ke thokai dibo. \s5
\v 6 Apunikhan larai aru larai hua laga khobor pabo. Hoilebi apunikhan chinta nakuribi, kile koile prithibi kotom nahua agete etu khan sob pura hobo lage.
\v 7 Ekta desh para ekta desh ke hinsa kuribo, aru ekta raijo para ekta raijo ke hinsa kuribo. Utu somoi te bisi jagate khabole nathakibo aru mati hilibo.
\v 8 Kintu etu khan sob tu dukh-dikdar ahibole laga suruwat ase.
\v 9 Etu pichete taikhan apunikhan ke sazai dibo aru morai dibo. Apunikhan ke pura desh para Ami laga nam nimite ghin kuribo.
\v 10 Etu pichete bisi manu laga bisas harai jabo, aru ekjon-ekjon ke thoka bo aru ghin kuribo.
\v 11 Misa laga prophet khan bisi ulabo aru bisi manu ke thokai dibo.
\v 12 Kile koile niom namana khan bisi hoijabo, aru bisi manu laga morom tu thanda hoi jabo.
\v 13 Kintu jun manu khotom nahua tok bisas te thakibo, taikhan hey bachi bo.
\v 14 Etu sorgo raijo laga bhal khobor tu pura prithibi te ekta gawahi hoikena pura desh te prochar kuribo. Etu pichete ses din ahibo. \s5
\p
\v 15 Etu karone, jitia apunikhan ghin laga kam para khotom kuri dia dikhibo, juntu kotha prophet Daniel para koi disele, apunikhan pobitro jagate khara kuri kena dikhibo" (pura manukhan buji lobi)
\v 16 "etu pichete jun khan Judea te ase taikhan ke pahar uporte plabole dibi,
\v 17 jun manu ghor oporte ase, tai ke ghor laga saman khan lobole nichete jabole nadibi,
\v 18 aru jun kheti te ase tai ke ghorte jai kena chador lobole nadibi. \s5
\v 19 Kintu, utu din te jun khan pet te bacha nohoilebi dood khai thaka bacha khan logote ase, taikhan bisi dukh pabo!
\v 20 Prathana kuribi eneka tu thanda din nohoile bisram din te etu khan nahobole nimite.
\v 21 Etu pichete dangor dukh-digtar din ahi jabo, etu somoite kitia bia napa laga dukh khan pabo, aru etu nisena dukh kitia bi aru nahibo.
\v 22 Jitia tok utu din khotom nahobo, ekjon manu bi nabachibo. Kintu chuni lua manukhan laga prathana para hey etu din tu khata hobo. \s5
\v 23 Etu pichete jodi kunba para apuni ke koi, 'Sabi, Khrista yate ase!' Nohoilebi, 'Utate Tai ase!' Taikhan ke biswas nakuribi.
\v 24 Kile mane misa Khrista aru misa prophets khan ahibo aru asorit kam khan kurikena dikhabo, apunikhan ke thoka bole, pari le Isor para chuni kena thaka khan ke bi.
\v 25 Sabi, Ami apunikhan ke etia para hey etu khan koi dise.
\v 26 Etu karone, jodi taikhan apuni ke koi, 'Sabi, Tai ekubi nathaka jaga te ase,' eneka jagate najabi. Nohilebi, Sabi, Tai tu ghor bhitor te ase,' eneka khan biswas naukuribi.
\v 27 Kile koile jeneka bijili purab para ujala hoi aru phat kuri kena pashchim tok juley, thik etu nisena Manu laga Chokora bi eneka ahibo.
\v 28 Juntu jaga te januwar khan muri kena thake, etu jaga te mangso kha chiria khan jama hoi. \s5
\p
\v 29 Kintu logey-logey dukh-digtar din khan pichete, suraj tu andhera hoi jabo, aru chand tu ujala nadia hoi jabo, aru tara khan akas para giri jabo, aru sorgo laga hokti tu hili jabo.
\v 30 Etu pichete Manu laga Chokora aha din laga chin akas te dikhai dibo, aru sob prithibi laga jati khan kandibo. Taikhan Manu laga Chokora ke pura hokti aru dangor mahima paraakas laga badal te aha dikhiboidi.
\v 31 Tai para Tai laga sorgoduth khan ke dangor bajana para awaz kuri kena prithibi te pathabo, aru taikhan Isor para chuni lua manukhan ke prithibi laga char kona para jama kuri lobo. \s5
\p
\v 32 Etu kahani tu fig laga ghas para siki lobi. Jitia tai laga daal khan logey-logey norom hoi jai aru pata khan sukhi kena giri jai, tetiya tumi khan etu ghorom din ahi ase koi kena jani jai.
\v 33 Thik eneka, jitia apunikhan etu sob khan dikhibo, apunikhan jani jabi Tai gate usorte punchi ase. \s5
\v 34 Moi hosa para apunikhan ke koiase, etu zamana laga manukhan khotom nahobo jitia tok etu khan sob pura nahobo.
\v 35 Akas aru prithibi tu harai jabo, kintu Moi laga ekta chutu kotha bi naharabo.
\v 36 Kintu utu din aru somoi aha laga kotha kun bi najane, sorgoduth khan bi nohoi, nohoilebi Tai laga Chokora, khali Baba ekela hey jane. \s5
\v 37 Kineka Noah laga din khan nisena, Manu laga Chokora bi eneka hobo.
\v 38 Kile koile utu somite bi Noah nao bhitor te gusia din tok manukhan mudu khai thakise, sadi kuri thakise aru sadi kurai di thakise,
\v 39 aru taikhan eku jani kena thakanai aru jitia baan-pani ahise, taikhan sob ke pani para loi jaise- etu nisena Manu laga Chokora bi etu nisena ahibo.
\v 40 Etu pichete duijon manu khetite thakibo- ekjon ketu loijabo, aru ekjon ke charidibo.
\v 41 Duijon maiki mill te cawul khondi thakibo- ekjon ketu loijabo, aru ekjon ketu charidibo.
\v 42 Etu karone nijor jagate taiyar hoikena thakibi, kile koile apuni najane kuntu dinte apuni laga Prabhu ahibo.
\v 43 Kintu etu jani kena thakibi, jodi ghor laga malik tu kuntu somoite chor ahibo koikena jane koile, tai tu taiyar hoikena thakibole asele aru etu chor ke tai laga ghor bhitor te gusibole nadibo thakise.
\v 44 Etu karone apunikhan bi taiyar thakibi, kile koile Manu laga Chokor tu apunikhan nabhaba somoite ahibo. \s5
\p
\v 45 Etu nimite, kun sob para thik aru gyan thaka naokor ase, jun ke tai laga malik para tai oporte bisas thaki kena tai laga khalua thik somoite dibole aru ghor laga kam nimite rakhi se?
\v 46 Utu naokor asis pabo jitia tai laga malik para ahikena tai ke kam kuri thaka dikhibo.
\v 47 Hosa para moi apunikhan ke koi ase utu malik tai laga sob saman khan utu naokor laga oporte rakhi dibo. \s5
\v 48 Kintu jodi etu bia naokor mon bhitor te koi, 'Moi laga malik tu deri para ahibo,'
\v 49 aru dusara naokor khan ke mari bole suru hoijai, aru mudu kha manukhan logote mili kena mudu khai,
\v 50 etu pichete tai laga malik din te, tai nabhaba aru tai najana somoite ahibo.
\v 51 Etu pichete tai laga malik tai ke sazai dibo aru misa kua manu khan logote pathai dibo, juntu jaga khali kandi thaka aru daat kamuri thaka hobo.
\c 25
\p
\v 1 Etu pichete, sorgo laga raijo tu dosta chukuri nisena ase jun taikhan laga sakhi loikena taikhan laga mota hobole thaka khan ke lok kuribole jaise.
\v 2 Panch jon tu okora thakise aru panch jon tu gyani thakise.
\v 3 Kile koile jitia utu panchta chukuri taikhan laga sakhi tu loise, kintu taikhan tel lobole pahori jaise.
\v 4 Kintu utu panchta gyani chukuri khan tu daba te tel hali kena taikhan laga sakhi logote loi jaise. \s5
\v 5 Etia, jitia tikhan laga sadi kuribole thaka mota ahibole deri hoise, taikhan sob neen lagi kena humai jaise.
\v 6 Kintu rati laga majote tate ekta kanda hunise, 'Sabi, sadi laga mota khan! Jabi aru taikhan ke lok kuribi.'
\v 7 Etu pichete chukuri khan sob uthi kena taikhan laga sakhi julai se.
\v 8 Utu okora chukuri khan gyani chukuri khan ke koise, 'Moikhan ke apunikhan laga tel olop dibi kile mane moikhan laga sakhi tu bhuti jabole ase,'
\v 9 Kintu utu gyani chukuri khan jawab dikena koise, 'Amikhan aru apunikhan nimite bi napuncha hoijabo, etu para tu jaikena tel bikiri kura manu para nijor nimite kini lobi.' \s5
\v 10 Jitia taikhan kinibole jaise, sadi kura mota khan punchi jaise, aru junkhan taiyari thakise etu khan taikhan logote sadi kuribole jaise, aru dorja bon hoi jaise.
\v 11 Etu pichete utu okora chukuri khan ahi kena koise, 'Malik, malik, amikhan nimite bi khuli bi.'
\v 12 Kintu tai jawab dikena koise, 'Hosa para Ami apunikhan ke koiase, Ami apunikhan ke najane.'
\v 13 Etu karone saikena thakibi, kile koile kuntu din nohoilebi kuntu somoi te hobo apunikhan najane. \s5
\p
\v 14 Kile mane etu ekjon manu safar te jai thaka nisena ase. Tai nijor laga naokor khan ke mati se aru taikhan ke Tai laga dhon khan dise.
\v 15 Ekjon ke panchta vardan dise, dusara ke duita dise, aru ekjon dusara ke ekta vardan dise. Tai sob ke taikhan laga kam hisab te dise, aru joldi kuri kena taikhan laga safar nimte ulai jai.
\v 16 Jun manuke panchta verdan disele tai jaikena kam te cholai se aru tai arubi panchta verdan bisi paise.
\v 17 Etu nisena jun ke duita verdan disele tai bi duita verdan arubi paise.
\v 18 Kintu juntu naokor ke ekta verdan disele, tai jaikena mati khondi kena chenda te tai laga malik para dia poisa khan lukai diye. \s5
\v 19 Etia, bisi din pichete utu naokor khan laga malik wapas ahey aru taikhan ke hisab khan mange.
\v 20 Juntu tu naokor panchta verdan paisele, tai ahi kena arubi panchta verdan bisi kurikena tai laga malik ke dise. Tai koise, 'Malik, apuni amike panchta verdan dise. Kintu sabi, moi etu dui guna bisi kuridise.'
\v 21 Tai laga malik tai ke koise, 'Bisi bhal kurise, bhal aru emandar naokor ase! Tumi bisi emandari para kam khan kurise. Moi tumi ke sob kam khan sabole zimiedari diase. Ahibi aru tumi laga malik laga khusi te khusi kuribi.' \s5
\v 22 Ekta naokor jun ke duita verdan disele tai ahikena koise, 'Malik, apuni amike duita verdan dise. Kintu sabi, moi aru duita bisi verdan kuri dise.'
\v 23 Tai laga malik taike koise, 'Bisi bhal kurise,bhal aru emandar naokor ase! Tumi bisi emandari para kam khan kurise. Moi tumi ke sob kam khan sabole zimiedari diase. Ahibi aru tumi laga malik laga khusi te khusi kuribi.'
\v 24 Etu pichete jun tu naokor ke ekta vardan disele tai ahikena koise, 'Malik, moi jani ase apuni bisi kara manu ase. Apuni juntu jaga te bhijon naphelai tate guti khan jama kure, aru juntu jaga te kheti nakure tate kheti katey.
\v 25 Moi bhoi khai thakise, etu karone moi jaikena mati bhitor te lukai kena rakhi se. Sabi, apuni ki dise etu yate ase.'
\v 26 Kintu tai laga malik jawab dikena tai ke koise, 'Tumi mon kala aru alchi naokor, tumi jani ase, moi juntu jaga te bhijon naphelai tate guti khan jama kure, aru juntu jaga te kheti nakure tate kheti katey.
\v 27 Etu karone tumi Ami laga poisa tu ekta bankte dise koile bhal hobole thakise, aru jitia moi wapas ahibo moi laga poisa logote interestbi pabo thakise. \s5
\v 28 Etu karone, tai laga haat para verdan khan loi lobi aru jun logote dos ta verdan ase tai ke di-dibi.
\v 29 Kile koile jun manukhan bisi ase- tai ke aru bi dibo- ekdom bhorta para arubi dibo. Kintu jun manukhan logote ekubi nai, taikhan lokote ji ase etu khan bi tai para chingi loi lobo.
\v 30 Etu kam nathaka naokor ke andhera jaga te phelai dibi, juntu jaga te khali kandi thaka aru daat kamuri thaka hey hobo.' \s5
\p
\v 31 Jitia Manu laga Chokora tai laga mahima aru pura duth khan logote ahibo, etu pichete Tai laga mahima laga jaga te bohibo.
\v 32 Tai laga agete sob desh khan jama hobo, aru Tai manukhan ke ejon para dusarjon ke alak kuribo, jeneka ekta bhera sa manu para bhera aru saguli ke alak kuri diye.
\v 33 Tai bhera khan ke Tai laga daina haat phane rakibo aru saguli khan ke baiya haat phane rakhibo. \s5
\v 34 Etu pichete Raja para tai laga daina haat te thaka manukhan ke koise, 'Ahibi, Moi laga Baba para apunikhan ke asis di kena ase, juntu raijo apunikhan nimite prithibi bona somoite rakhi sele, etu apunikhan laga hoise.
\v 35 Kile koile Moi bhoka thakise aru apunikhan Moi ke khelai se; Moi piyas lagi thakise aru tumikhan Moi eke pani khabole dise;
\v 36 Moi lengta thakise aru apuni moi ke pindhibole dise; Moi bimar aru jailte thakise aru apuni moi ke sabole ahise.' \s5
\v 37 Etu pichete dharmic khan Tai ke jawab dikena kobo, 'Prabhu, amikhan kitia Apuni bhok lagi thaka dikhi se aru khelai se? Nohoilebi Piyas laga moite Apuni ke pani dise?
\v 38 Aru amikhan kitia Apuni ke nachina manu ase koikena loi jaise? Nohoilebi lengta dikhi kena kapur pindhai dise?
\v 39 Aru amikhan kitia apuni ke bimar ase nohoilebi jailte ase koikena Apuni usorte ahise?
\v 40 Etu pichete Raja para jawab dikena taikhan ke kobo, 'Hosa para Moi apunikhan ke koiase, ji kam apuni Moi laga manukhan nimite kuri se, apuni Moi nimite hey kuri se.'
\v 41 Etu pichete Tai bi kobo Tai laga baiya haat phane thaka manukhan ke, 'Moi laga usor para dur hoi jabi, tumi pap manukhan, khotom nahua jui te jabi juntu jaga bia atma aru tai laga duth khan nimite bonai se,
\v 42 kile koile Moi bhok lagi thakise, kintu tumikhan Moi ke ekubi khabole dia nai; Moi piyas lagi thakise, kintu tumikhan Moi eke pani bi khabole dia nai;
\v 43 Moi nachina manu thakise, kintu apunikhan moi mata nai; lengta thakise, kintu tumikhan moi ke kapur pindhai dia nai; bimar aru jailte thakise, kintu tumikhan moi ke sabole ahanai.'
\v 44 Etu pichete taikhan bi jawab dikena kobo, 'Prabhu, amikhan kitia Apuni ke bhuka, piyasa, bahar manu, lengta, bimar, jail te, eneka kura dikhise aru Apuni ke seva kura nai?
\v 45 Etu pichete Tai jawab dikena kobo, 'Hosa para Moi apunikhan ke koiase, ji kam apuni Moi laga manukhan nimite kuribole mana nai, apuni Moi ke bi mana nai.'
\v 46 Etu khan kitia bi khotom nahua sazai pabi, kintu dharnic khan anonto jibon pabo." \s5
\c 26
\p
\v 1 Jitia Jisu sob kotha khan koi kena khotom kuri se, Tai chela khan ke koise,
\v 2 "Apunikhan jani kena ase dui din pichete Passover laga din ahi ase, aru Manu laga Chokora ke krus te morai dibole di-dibo." \s5
\v 3 Etu pichete maha purohit aru cholawta khan sobse dangor purohit laga ghorte eke logote jama hobo, jun laga nam Caiaphas ase.
\v 4 Taikhan sob eke logote kinekuri kena Jisu ke dhuribo aru chalak para Tai ke morai dibo, etu bhabona kuri thaki se.
\v 5 Kile koile taikhan eneka koi thakise, "Khalua kura somoite nohoi, kile mane etu para manukhan majote jhagara nahobole nimite." \s5
\p
\v 6 Jitia Jisu Bethanyte ekjon bemar manu Siomon koikena tai laga ghor te thaka somoite,
\v 7 aru Tai tablete bohi thaka somite, ekjon maiki Jisu osorte daam laga tel jar te loikena ahise, aru tai Jisu laga matha te dhali dise.
\v 8 Kintu jitia Jisu laga Chela khan etu dikhise, taikhan gusa hoikena koise, "Eneka nuksan kura laga matlab tu ki ase?
\v 9 Etu ke bisi dam para bikiri kurikena gorip manukhan ke dibo paribole thakise."
\v 10 Kintu Jisu, etu sob jani kena, taikhan ke koise, "Tumikhan kile etu maiki ke digtar di ase? Tai moi nimite bhal kam kuri dise.
\v 11 Kile koile apunikhan logote gorip manukhan tu hodai thakibo, kintu moi apunikhan logote hodai nathakibo. \s5
\v 12 Kitia etu maiki moi laga gao uporte te halidi sele, tai moi koborte nadhala agete tel halikena taiyari kuri thakise.
\v 13 Hosa para moi apunikhan ke koiase, jitia etu bhal khobor pura prithibi te prochar hobo, etu maiki para ki kurise tai laga yad te etu kotha bi kuri." \s5
\p
\v 14 Etu pichete barojon chela majote ekjon chela, jun laga nam Judas Iscariot thakise, tai maha purohit logote jaise,
\v 15 aru koise, "Apuni moike ki dibole icha kuri ase, jodi moi apunikhan nimite Jisu ke thokai kena de?" Tetiya taikhan tista chandi laga sikka ulai kena taike dise.
\v 16 Aru utu somoi para Judas kineka kurikena Jisu ke thokai dibo, etu bisari thakise. \s5
\p
\v 17 Etia, khomir nathaka ruti laga pohila dinte Jisu laga chela khan eneka koi kena ahise, "Apuni kuntu jaga te amikhan ke Passover laga khalua kuribole jaga taiyari kuribo?"
\v 18 Jisu koise, "Cityte jaikena kunba ekjon manu logote jabi aru taike kobi, 'Malik para koise, "Moi laga somoi usor hoi ase. Moi apuni laga ghor te Passover khalua moi laga chela khan nimite rakhibo.""
\v 19 Jisu laga chela khan Jisu para ki koise, etu hey kurise aru taikhan Passover nimite khalua taiyari kuri loise. \s5
\p
\v 20 Etia, jitia sham hoise, Jisu tailaga barojon chela khan logote khabole bohise.
\v 21 Jitia taikhan khai thakise, Jisu koise, "Hosa para moi apunikhan ke koiase, apunikhan majote ekjon para moike thokai dibo."
\v 22 Taikhan huni kena bisi mon dukh hoise, aru sob chela khan hudibole suru hoise, "Prabhu, hosa para moi nohoi?" \s5
\v 23 Jisu jawab dikena koise, "Etu ekjon kun moi logote mili kena ekta thali te khaise, tai para hey moike thoka bo.
\v 24 Manu laga Chokora jabo lagibo, jineka tai nimite likhi kena ase. Kintu utu manu ke bisi daya lage jun Manu laga Chokora ke thoka bole ase! Tai nimite tu etu manu jonom nahua tu hey bhal hobo."
\v 25 Etia Judas, kun jisu ke thokabole ase, jawab dikena koise, "Rabbi, hosa para tu moi nohi? Jisu taike koise, "Tumi nijor para hey koi dise." \s5
\p
\v 26 Jitia taikhan khai thakise, Jisu ruti ke loikena, asirbad dise, aru tukura kurise. Tai chela khan ke dikena koise, "Lobi, aru khabi. Etu moi laga gao ase." \s5
\v 27 Jisu cup tu loise aru dhoniabad dise, aru taikhan ke dise, eneka koikena, "Etu cup para khabi, tumi khan sob.
\v 28 Kile koile etu kosom kuri kena thaka moi laga khon ase juntu sob manu khan laga pap khan sapa kuri dibo.
\v 29 Kintu moi apunikhan ke koiase, Moi kitia bi aru etu ghas laga guti para ula nakhabo, jitia tok utu din moi apunikhan logote moi Baba laga raijo te nakha tok." \s5
\p
\v 30 Jitia taikhan atma laga gana kuri loise, taikhan ulai kena Olive ghas laga pahar te jaise.
\v 31 Etu pichete Jisu taikhanke koise, "Tumikhan sob aji rati moi nimite bisas te giri jabo, kile koile eneka likhi kena ase,
\q 'Moi bhera sa manu ke morai dibo
\q Aru sob bhera khan alak-alak jaga paolai jabo.'
\m
\v 32 Kintu Moi mora para uthi ja pichete, Moi tumi khan laga agete Galilee te jai-jabo." \s5
\m
\v 33 Kintu Peter jawab dikena Jisu ke koise, "Jodi sob manu Apuni ke charilebi, moi Apuni ke kitia bi nacharibo."
\v 34 Jisu tai ke koise, "Hosa para moi apunike koiase, aji rati te, murga phujur te hala nakura agete, apuni moike tin bara najane kobo."
\v 35 Peter Jisu ke koise, "Jodi moi apuni logote muribo lage koilebi, moi kitia bi apuni ke najane nakobo." Aru sob chela khan bi eneka eke kotha koise. \s5
\p
\v 36 Etu pichete Jisu taikhan logote Gethsemane koikena ekta jaga te jaise, aru chela khan ke koise, "Yate bohi thakibi moi jaikena tate prathana kuribo."
\v 37 Jisu Peter aru Zebedee laga duita chokora ke Tai logote loi jaise aru bisi chinta hoikena mon dukh kuri sey.
\v 38 Etu pichete Jisu taikhan ke koise, "Moi laga jibon tu bisi mon dukh ase, mora ke bi. Yate thakibi aru moi ke sai thakibi." \s5
\v 39 Jisu olop agey phale jaise, matha niche kurikena prathana kurise. Tai koise, "Moi laga Baba, jodi apuni icha hoile, etu cup tu moi osor para hatai dibi. Kintu, moi laga icha para nohoi, hoilebi apuni laga icha para hey."
\v 40 Tetiya Jisu ahi kena chela khan ke humai thak dikhse, aru Peter ke koise, "Tumikhan moi nimite ek ghonta bi rukhibole para nai?
\v 41 Sai thakibi aru prathana kuri thakibi, tetiya tumi khan porikha te nagiribo nimite. Atma tu hosa para bi icha ase, kintu mangso tu komjor ase." \s5
\v 42 Tai aru dusara bar prathana kuribole jaise, Tai koise, "Moi laga Baba, jodi etu moi nakha tok moi usor para par nohoi koile, Apuni laga icha hobi."
\v 43 Tai arubi ahi kena taikhan ke humai thaka dikise, kile koile taikhan laga suku neen para bhari hoikena thakise.
\v 44 Taikhan ke aru chari kena jaise aru tisra bar prathana kuribole jaise, agete ki koise, etu hey aru koise.
\v 45 Etu pichete Jisu ahikena Tai laga chela khan ke koise, "Tumikhan aru bi humai kena aram kuri ase? Sabi, somoitu ahi ase aru Manu laga Chokora ke thokai kena papi manu laga haat dibole ase.
\v 46 Uthibi, ami khan jabo. Sabi, kun moike thokabole ase, tai usote ahi ase." \s5
\p
\v 47 Jitia Tai kotha kuri thakise, tetiya, Judas, barojon chela majote ekjon ahise. Tai logote bisi manukhan taluwar aru jathi dhuri kena thakise, maha purohit aru manukhan laga cholawta khan para pathai se.
\v 48 Tetiya etu manu kun Jisu ke thokai dibole thakise tai para isara kurikena koise, "Kunke moi chuma dibo, tai he ase. Tai ke duribi."
\v 49 Loge-loge tai Jisu usorte ahise aru koise, "Salam, Rabbi! Aru tai Jisu ke chuma dise.
\v 50 Jisu taike koise, "Sathi, tumi ki kuribole ahise etu kuri lobi." Etu pichete taikhan ashise, Jisu uporte haat lagaise, aru duri loise. \s5
\v 51 Hunbi, ekjon kun Jisu usorte thaki sele tai laga haat khuli se, aru tai laga taruwal ulai kena dangor purohit laga naokor ke marise aru tai laga kaan kati kena ulai dise.
\v 52 Etu pichete Jisu taike koise, "Tumi laga taruwal kote para ulai se tate gusai kena rakibi, kun manu taruwal uthabo tai etu taruwal para khotom hoi jabo.
\v 53 Nohoilebi tumi khan bhabe Moi Baba ke mati bo naparibo, aru tai barojon duth khan ekbar bar para pathai dibo koikena?
\v 54 Kintu eneka hoile Isor kotha ki likha ase etu kineka pura hobo, etu sob pura hobo lagibo?" \s5
\v 55 Utu somoite Jisu manukhan ke koise, "Apunikhan tarwal aru jathi loikena mai ke dhuribole ahise naki, jeneka ekta chor nisena? Hodai moi girjate bohikena sikhai thake, aru apunikhan utu somoite moi ke dhura nai.
\v 56 Kintu etu khan sob pura hoise, tineka hoile prophet khan para likhi kena thaka khan pura hobo nimite." Etu pichete sob chela khan Jisu ke chari kena polai jaise. \s5
\p
\v 57 Jun Jisu ke dhuri kena loi jaise, taikhan Caiaphas ekjon dangor purohit laga usorte loi jaise, juntu jaga te niom-likha manu aru cholawta khan jama hoikena thakise.
\v 58 Kintu Peter dur para Jisu laga pichey kurise aru maha purohit laga bichar kura jaga te jaise. \s5
\v 59 Etia maha purohit aru tailaga pura cholawta khan misa gawahi bisari kena Jisu ke morai dibo koikena bisari thakise.
\v 60 Taikhan ekta bi panai, bisi misa gawahi khan bi agete ahise. Kintu pichete duijon agete ahise,
\v 61 Aru koise, "Etu manu koise, 'Moi etu Isor laga girja ghor ke bhangai kena aru tin din te bonai dibo pare."' \s5
\v 62 Utu dangor purohit khara kuri kena Tai ke koise, "Apuni logote eku jawab nai? Etu khan ki ase taikhan para apuni uporte gawahi di thaka tu?"
\v 63 Kintu Jisu chup chap thakise. Utu dangor purohit Tai ke koise, "Moi zinda Isor laga nam para apuni ke hukum diase, apuni amikhan ke kobi je apuni Khrista ase, Isor laga Chokora."
\v 64 Jisu taikhan ke jawab dise, "Apuni nijor para hey koi dise. Kintu moi apuni ke koi ase, etia para apunikhan Manu laga Chokora ke hokti laga daina haat te bohi thaka dikhibo, aru akas laga badal uporte aha dikhibo." \s5
\v 65 Etu pichete maha purohit tai laga kapur phatai dise, eneka koikena, "Etu manu bia kotha kurise! Amikhan ke kile etia bi gawahi lage? Sabi, etia amikhan sob bia kotha huni loise.
\v 66 Tumi khan laga ki bhabona ase?" Taikhan jawab dikena koise, "Tai tu mora hey thik hobo." \s5
\v 67 Etu pichete taikha Jisu laga chera te thuki se aru Tai ke marise, aru kunba khan tu thapor marise,
\v 68 eneka koi kena, "Amikhan ke prophesy kuribi, tumi Khrista. Kun ase utu kun Apuni ke mari ase?" \s5
\p
\v 69 Etia, Peter bahar te ghor laga kinar te bohi thakise, aru ekjon chukuri naokor tai usorte ahise aru koise, "Apuni bi Jisu logote Galilee te thakise."
\v 70 Kintu tai sob laga usorte nohoi koise, eneka koi kena, "Apunikhan ki laga kotha kuri ase moi najane." \s5
\v 71 Jitia tai gate laga bahar te ulai jaise, aru dusara ekjon chkuri naokor taike dikhi se aru manukhan ke koise, "Etu manu bi Nazareth Jisu logote thaki se."
\v 72 Tai arubi nohoi koi kena kosom khaise, "Moi etu manu ke najane!" \s5
\v 73 Aru olop deri pichete jun khan khara kuri thakise ahikena Peter ke koise, "Hosa para bi apunibi taikhan majote ekjon ase, apuni laga kotha kura para hey buji jaise."
\v 74 Etu pichete tai hao dise aru kosom khaise, "Ami etu manu ke najane," aru logey-logey Murga hala kurise.
\v 75 Etu pichete Peter Jisu para ki hoisele etu yad kuri se, "Murgi hala nakura agete tumi moi ke tin bar nahoi koikena charibo." Eneka hoikena tai bahar te ulaise aru bia para kandi se. \s5
\c 27
\p
\v 1 Etia, jitia phujur hoise, sob maha purohit aru manukhan laga solawta khan mili kena Jisu ke morai dibole kotha milai thakise.
\v 2 Tai khan Jisu ke bandi kena loi anise, aru Pilate ekjon raajyapal laga haat te dise. \s5
\p
\v 3 Etu pichete Judas, jun para Jisu ke thokai se, Jisu ke bodnam kura dikhi se, aru tai mon ghurai kena tista(thirty) chandi laga sikka maha purohit aru solawta khan wapas kuri de,
\v 4 eneka koi kena, "Moi ekjon masoon khon ke thokai dise." Kintu taikhan koise, "Utu ki ase amikhan nimite? Nijor para sai lobi."
\v 5 Tetia tai chandi laga sikha khan girja te phelai de, aru bahar ulai jai, aru jai kene nijor ke phasi lagai kene muri jai.
\v 6 Tetia maha purohit chandi laga sikha loikene koise, "Etu chandi laga sikha khan tijori te rakibole niom nai, kilemane etu sikha khon laga dam te diya hoise."
\v 7 Taikhan sob eki logote milikene kota kurise aru etu poisa loikene mati kinise aru etu jagatu nachina manu khan laga kobor nimite hobo.
\v 8 Etu karone utu din para etu mati ke, "Khon laga mati" koikena rakhi se. \s5
\v 9 Jerimiah prophet para ki kotha koi disele etu sob pura hoijaise, eneka koikena, "Taikhan tista thirty chandi laga sikha loise, aru Israel laga bacha khan para tai uporte etu dam rakhi dise,
\v 10 aru taikhan etu loi kene mati kini loise, Prabhu para jeneka moike koidia nisena." \s5
\p
\v 11 Tetiya Jisu raajyapal osorte khara kurise aru tai para Jisu ke hudise, eneka koikena, "Apuni Jehudi khan laga Raja ase neki?" Jisu taike jawab dise, "Apuni hey koise."
\v 12 Kintu jitia maha purohit aru manukhan laga solawta para Jisu ke doshi dise, Tai eku jawab dia nai.
\v 13 Etu pichete Pilate Jisu ke koise, "Apuni uporte bodnam khan anikena dia tu apuni huna nai naki?
\v 14 Kintu Jisu taike jawab dia nai, ekjon ke bi dia nai jun Tai ke bodnam dise, tetiya raajyapal etu dikhi kene bisi asurit lagise. \s5
\v 15 Etia dangor khalua laga niom hesab te manu khan nimite govenor para tai khan ke jial para chari dibole mon kure taikhan bachi lobo pare.
\v 16 Etu somoi te taikhan logote ekjon bisi biya kaidee Barabbas koi kene thakise.
\v 17 Jitia tai khan sob eki logote joma hoise, Pilate taikhan kekoise tumi khan nimite kun ke chari dibo Barabbas na Jisu junke Khrista koikena mate?
\v 18 Kile koile Pilate jani takise taikhan Jisu ke ghin kura nimite tai laga haat te dise.
\v 19 Kintu jitia tailaga bichar kura laga jaga te bohi thakise tai laga maiki para kotha pothai kene koise etu golti nathaka manu logote eku nakuribi kile mane moi aji jisu laga sobna dekikene bisi duk pai ase.
\v 20 Tetiya dangor purohit aru manu khan laga cholawta para tate joma kura manu khan ke Barabbas ke chari dibole nimite koise, aru budli te jisu ke morai dibole nimite
\v 21 tetiya govenor jawab dikene taikhan ke koise etu duijon bitor te tumikhan kun ke chari dibole echa ase taikhan koise Barabbas
\v 22 Pilate taikhan ke koise tinehoile moi etu jisu kun Khrista ase koi tai logote kikuribo taikhan sob jawab dise taike krus te murai dibi."
\v 23 Tetiya tai koise, "Kile, Tai kilaga golti kam kurise?" Kintu taikhan jor para hala kuri kene koise, "Tai ke krus te mari dibi."
\v 24 Jitia Pilate dikise tai aru eku kuribole napara hoise aru etu para manu khan majot te jakara ulai ase tai janiloise manu khan osorte hath dhulaise aru koise moilaga golti nai etu manu laga khon nimite tmikhan nijor para hey sai lobi."
\v 25 Sob manu khan jawab dikene koise, "Tai laga khon moi khan laga khan logote ahibole dibi
\v 26 Tetiya Barabbas ke taikhan nimite chari dise kintu tai jisu ke mari kene duk dia pechete tai ke krus te morai dibo khan nimite didise
\v 27 tetiya govenor laga sipahi khan jisu ke sipahi khan laga head quater te loijaise jun jaga te sipahi khan joma kurikene thakise
\v 28 Taikhan jisu laga kapor ulaidise aru sundur rong laga kapor taike lagaidise
\v 29 tai bhar kota laga biscute tai nimite bonai dise aru matate lagai dise aru daina hath te ekta lathi duribole dise.
\v 30 Taikhan jisu osorte ahatu loise aru taike surom kilai dise koise hey jehudi laga raja matha te mari takise.
\v 31 Jitia taikhan Jisu ke sorom khelai dise, taikhan kapur ulai loise aru tailaga nijor kapur aru lagai dise, aru krus te mari dibole nimite loi jaise. \s5
\p
\v 32 Jitia taikhan bahar ulaise, taikhan ekjon Cyrene para Simon koikena ke pai, jun ke taikhan para Kross bukhibole de.
\v 33 Taikhan Golgotha koikena ekta jaga te ahey, etu matab tu "Matha laga hardi laga jaga."
\v 34 Taikhan Jisu ke dawai milai kena thaka mudu khabole dey. Kintu jitia Tai etu khai sai, Tai etu nakhai.
\v 35 Jitia taikhan Jisu ke kross te mari dise, taikhan Jisu laga kapur khan juwa khili kena bhak kuri loise,
\v 36 aru taikhan tate bohi kena Jisu ke raksha kuri thakise.
\v 37 Aru Jisu laga matha uporte taikhan eneka likhi dise, "Etu Jisu ase, Jehudi jat laga raja."
\v 38 Etu pichete utu duita chor ke Jisu logote kross te mari dise, ekjon Tai laga daina phale aru ekjon ke Tai laga baiya phale.
\v 39 Jun manu etu par kurikena jai taikhan Jisu ke dikhi kena sorom khilai de aru taikhan laga matha hilai kena haat milai,
\v 40 aru eneka koikena, "Tumi jun Isor laga grija ke bhangai kena tin din pichete bonaidibo thakise, nijor ke bachabi! Jodi tumi Isor laga putro ase koile, krus para nami kena ahibi!"
\v 41 Etu nisena maha purohit khan bi Jisu ke sorom khilai dise, aru taikhan logote kanoon jana manu aru solawta khan bi thakise, aru koise,
\v 42 Tai dusar maukhan ke bachai dise, kintu nijor ke bachabole napare. Tai Israel desh laga Raja ase. Tai ke krus para nami kena ahibo dibi, aru etu pichete amikhan Tai ke bisas kuribo.
\v 43 Tai Isor uporte bharosa kure, Isor ke Tai ke bachabole dibi etia, jodi Isor Tai ke lage koile. Kile mane Tai koise, 'Moi Isor laga putro ase.'"
\v 44 Etu nisena chur duita jun Jisu logote krus te mari dise, tai bi Jisu ke sorom khelai dia laga kotha koise. \s5
\p
\v 45 Aru jitia choi ghonta hoise pura jaga tu andhera ahi jaise aru pura nau ghonta nahua tok andhera thaki se.
\v 46 Jitia nau ghonta hoi jaise, Jisu ekdon jor para kandi se, eneka koi kena, "Eli, Eli, lama sabachthani?" Etu mane, "Moi laga Isor, moi laga Isor, kile moi ke chari dise?"
\v 47 Jitia tate khara kuri thaka manu khan etu kotha hunise, taikhan koise, "Tai Elijah ke mati ase." \s5
\v 48 Tetiya ekjon manu polai jaikena norom kapur te tita laga ross para bhorta hoikena thaka loikena anise, aru ekta lamb ghar laga khuri te lagai se, aru tai ke dikena Jisu ke khela bole dise.
\v 49 Tetiya tate thaka manukhan para koise, "Tai ke ekla charidibi. Moi khan sob jodi Elijah ahikena Tai ke bachai na nai."
\v 50 Etu pichete Jisu arubi hala kuri kena jor para kandise aru Tai laga atma ke chari dise.
\v 51 Etu somoite, girja laga parda upor para loikena niche tok dui bhak hoikena phati jaise, aru mati hili jaise, aru pathor khan bi bhangi kena adha hoi jaise.
\v 52 Kobor khan khuli jaise, aru bisi dharmik manukhan laga gao khan jun humai thakise taikhan zinda hoi jaise.
\v 53 Taikhan Jisu zinda hua pichete kobor para ulai kena ahise, pobitro city te gusise, aru bisi manu ke dikha dise.
\v 54 Aru jitia dangor sipahi aru kun tai logote thaki kena Jisu ke sai thakise, mati hila aru ki hoise etu dikhise, taikhan bisi bhoi lagise aru koise, "Hosa para etu manu Isor laga putro thakise."
\v 55 Aru bisi maiki khan jun Jisu laga pichete Galilee para birai thakisele taikhan tate thakise aru dur para Jisu ke sai thakise.
\v 56 Taikhan majote Mary Magdalene, Joseph aru James laga ama Mary, aru Zebedee laga bacha khan laga ama bi thakise. \s5
\p
\v 57 Jitia sham hoise, ekjon dhoni manu Joseph koi kena, Arimathea laga jaga para ahise, tai bi ekjon jun Jisu laga chela thakise.
\v 58 Tai Pilate usorte jaikena Jisu laga gao tu mangi se. Etu pichete Pilate para hukum dikena tai ke dise. \s5
\v 59 Joseph gao tu loise, aru sapa kapur para bandi dise.
\v 60 Aru tai nijor laga notu kobor te rakhi dise, juntu tai pathor kati kena rakhi thakisele. Etu pichete tai ekta dangor chaka nisena pathor para kobor tu bon kuri dise aru tai jai jaise.
\v 61 Mary Magdalene aru dusara Mary bi tate thakise, kobor laga utu phane bohi thakise. \s5
\p
\v 62 Dusar din te, juntu din tu taiyari kura din pichete thakise, maha purohit aru Pharisees khan eke logote Pilate usorte jama thakise.
\v 63 Taikhan kosie, "Sir, moikhan yad ase jitia utu thokai dia manu zinda thaka somite, tai koise, "Tin din pichete moi zinda hobo.'
\v 64 Etu karone hukum dibi, tin din tok etu kobor tu bhal kuri kena pehera dibole nimite, nohoile Tai laga chela khan ahikena chur kori loi jabo, aru manu khan ke kobo, "Tai mora para zinda hoi jaise.' Aru pohila para bi etia laga kotha tu bisi hoi jabo."
\v 65 Pilate taikhan ke koise, "Ekta sipahi ke lobi. Jabi aru tumi kenaka para pehera laga bo paribo, etu nisena kuribi."
\v 66 Tetiya tikhan jaikena kobor ke bhal para pehera dise, pathor te chin marikena sipahi khan ke raksha kuribo dise.
\c 28
\p
\v 1 Etia bisram din khotom hobole hoise, jitia hapta laga pohila din ahi thakise, Mary Magdalene aru dusara Mary kobor sabole ahi se.
\v 2 Hunibi, tate ekta dangor mati hilise, kile koile prabhu laga ekta duth sorgo para nichete namise, ahise aru pathor ke ghurai kena hatai dise, aru etu uporte bohise.
\v 3 Tai laga chehera tu bijili nisena, aru tai laga kapur tu borob nisena boga thakise.
\v 4 Kobor laga sipahi khan dikhi kena bhoi para hili jaise aru taikhan mora manu nisena hoi jasie. \s5
\v 5 Kintu utu duth kotha kurikena maiki khan ke koise, "Bhoi nakuribi, kile koile moi jani ase apunikhan Jisu ke bisari bole ahise, jun ke krus te mari disele.
\v 6 Tai yate nai, kintu zinda hoise, jeneka tai para koise. Ahi kena sabi juntu jagate Tai ke rakhi sele.
\v 7 Joldi jabi aru chela khan ke koise, 'Tai tu mora para zinda hoise. Sabi, Tai Galilee te tumikhan para agey jai ase. Tate tumikhan Tai ke dikhibo.' Sabi, Moi apunikhan ke koi dise."
\v 8 Maiki khan bhoi aru bisi khusi para kobor ke chari kena joldi jaise, aru chela khan kobole nimite polai kena jaise.
\v 9 Sabi, Jisu taikhan ke lok pai, eneka koikena, "Salam!" Utu maiki khan ahikenam, Tai laga theng dhuri kena Tai ke aradhana kuri se.
\v 10 Etu pichete Jisu taikhan ke koise, "Bhoi nakuribi. Jabi jaikena moi laga bhai-kokai khan ke Galilee te jabole. Tate taikhan Moi ke dikhibo." \s5
\p
\v 11 Etia, jitia maiki khan jai thakise, tetiya, kunba sipahi khan city te jaise aru maha purohit ke ki hoise, etu khan sob koi dise.
\v 12 Jitia taikhan solawta khan ke lok kurise aru ki hosie etu laga kotha taikhan logote kurise, taikhan sipahi khan ke bisi poisa dise,
\v 13 aru taikhan ke koise, "Eneka kobi, 'Tai laga chela khan rati te ahikena Tai laga gao chur kurise, jitia moikhan humai thaki se.' \s5
\v 14 Jodi etu khobor raajyapal tok punchi jai, moikhan tai logote kotha kuribo aru tumikhan uporte digtar ahibo nadibo."
\v 15 Jitia sipahi khan poisa loise aru taikhan para ki koise etu hey koise. Etu laga kotha bisi Jehudi maukhan para hunise aru aji tok etu kotha koi thake. \s5
\p
\v 16 Kintu egharo jon chela Galilee te jaise, ekta pahar te jun jaga te Jisu para ahibole koise.
\v 17 Jitia taikhan Jisu ke dikhise, taikhan Tai ke aradhana kurise, kintu kunba taikhan majote bhabona kurise.
\v 18 Jisu taikha usorte ahise aru taikhanlogote kotha kurise aru koise, "Sob sorgo aru prithibi laga adhikar Moi ke dise.
\v 19 Etu nimite jabi aru sob desh te moi laga chela bonabi. Taikhan ke Baba, Putro aru Pobitro Atma laga man para baptisma dibi.
\v 20 Taikhan ke Moi ki hukum dise etu khan sikhai dibi. Sabi, Moi tumi khan logote hodai ase, etu prithibi khotom hoilebi."