BCS-BIBLE_IndianStandardVersion-Nagamese-NT/Stage 1/L234_Philippians_1.SFM

\id PHP - Indian Revised Version (IRV) Nagamese
\c 1
\v 1 Paul aru Timothy,Jisu Krista laga sewak,kun manu philippi te Krista nimite thaki ahse,cholawta aru dangor manu khan majote thaki ahse.
\v 2 Probhu Jisu Krista laga anugrah aru Baba Isor laga shanti apuni khan logote thaki bole dibi.
\v 3 Moi jetiya apuni khan ke yad kore moi laga Isor ke dhanyabat diye,
\v 4 hodai,moi apuni khan nimite prathana kori thake,aru apuni khan nimite khusi pora prathana kore
\v 5 kelemane apuni Isor laga kotha nimite moi logote suru pora ahji tak ahse.
\v 6 Moi sob kam te bharosa ahse,Teo kun apuni khan logote bhal kam korise Jisu Krista naha tak eitu sob kam pura koribo.
\v 7 Moi eneka bhabana kora tu bhal ahse kelemane moi laga mon te apuni khan ahse.Apuni khan moi logote Isor laga kam te hodai thakise aru Teo nimite dukh pa homoi te moi ke chara nai aru hodai prathna pora modot kori thakise.
\v 8 Kelemane Isor tu moi laga gawah ahse,Jisu Krista pora morom kora nisina moi apuni khan ke hodai yad kori thake.
\v 9 Eitu hai moi laga prathna ahse:apuni khan laga morom bisi hoi jabo aru Isor laga gyan buji bole paribo
\v 10 eitu pora apuni ki tu bhal ahse janibo,aru Jisu naha tak apuni khan sapha hoi kena thakibo,
\v 11 Jisu Krista pora aha laga dharmic phol pora bhorta hoi jabi aru Isor laga mohima aru aradhana hodai kori thakibi.
\v 12 Moi apuni khan ke eitu jani bole dibo mon ahse,bhai khan,moi logote ki hoise eitu sob Isor laga kotha ahge jabole nimite ahse.
\v 13 Aru eitu nisina,Krista nimite moi ke chain pora bandi kena rakha homoi te sipahi aru sob manu khan ujale aha tu dekhise.
\v 14 Bisi bhai khan moi Jisu nimite chain pora bandhi kena rakha tu dekhi kena Probhu uporte bharosa korise aru tai khan dusra manu khan ke bhoi nokori kena Isor laga kotha kobole nimite mon dangor kori di ahse.
\v 15 Kunba manu beya aru khong uthi kena Krista laga kotha koi ahse,aru bhi kunba khan bhal mon loi kena Krista laga kam kori kena jai ahse.
\v 16 Homoi tu usor ahi ahse eitu nimite apuni khan morom pora sob kam koribi,aru moi yate Isor laga kotha nimite ahse koi kena jani lobi.
\v 17 Kintu kunba manu khan nijor laga lab nimite kam kori ahse,mon di kena nohoi.Tai khan bhabe yate bohi thaka homoi te moi ke tai khan dukh dibole paribo.
\v 18 Tetiya hoile ki?sob rasta pora-misa laga bhabana pora aru hosa pora-Krista laga kotha manu khan jani ahse,aru eitu te moi khusi kori ahse.Hoi, moi khusi koribo,
\v 19 kelemane moi jani ahse apuni khan laga prathna aru Jisu krista laga atma pora bachi jabo.
\v 20 Moi asha ahse aru pura bharosa kore moi ketiya bhi sorom nakhabo,aru moi mon dangor kori kena thaki ahse,etiya bhi aru hodai,Krista ke moi laga gaw pora hodai ucha te uthai thakibo,zinda thaka homoi te aru mori jailebi.
\v 21 Kelemane moi zinda thakile Krista nimite aru mori jaile eitu moi laga lab ahse.
\v 22 Kintu jodi moi gaw mangso te zinda thake,tetiya hoile eitu moi nimite bhal phol ulabole laga kam ahse.Kintu moi ki tu bachi lobo?moi najane.
\v 23 Kelemane moi eitu duita majote phasi kena ahse.Moi laga echa eitu khan sob chari kena Jisu logote thaki bole nimite ahse,eitu hai sob pora bhal ahse,
\v 24 kintu gaw mangso te apuni khan logote thaki bole nimite te bhi dorkar ahse.
\v 25 Aru eitu khan sob bhabana kora pichete,moi jane apuni khan logote thaki kena Isor laga kam kori kena jabo,khusi pora apuni khan laga bisas dangor hobole nimite,
\v 26 eitu pora apuni khan moi ke sai kena Jisu Krista uporte bisas kori kena Teo laga nam te phutani kori bole paribo jetiya moi apuni khan ke lok kori bole aru ahibo.
\v 27 Apuni khan Jisu Krista laga kam nimite te hai bhal kam kori thakibi,moi apuni khan logote thakile bi aru natha ki le bhi,Moi apuni khan ki kori ahse eitu huni thakibo,apuni khan bisas te bhal kori kena khara kori ahse koi kena,ekjon-ekjon logote mili kena bisas pora Isor laga kotha nimite thakibi.
\v 28 Aru dusra manu khan pora apuni ke kibo eitu bhabi kena bhoi nokoribi.eitu khan sob tai khan kothom hoi juwa laga sign khan ahse,kintu apuni khan nimite jibon ahse-aru eitu Isor pora ahse.
\v 29 Kelemane eitu apuni ke free pora Jisu Krista nimite dise khali Teo ke bisas kori bole nimite nohoi, kintu Teo nimite dukh poabole karone,
\v 30 apuni khan moi kena kori kena kotha korise eitu khan sob dekhise,aru etiya apuni khan moi pora eitu khan sob huni ahse.
\c 2
\v 1 Eitu nimite,jodi Krista laga nam pora mon dangor kori diya kotha thakile,jodi morom pora mon aram kori diya kotha thakile,jodi atma laga fellowship thakile,jodi nomro daya aru morom thakile,
\v 2 teiya hoile moi bhabana kori thaka nisina moi laga khusi aru bhi bisi bhorta kori dibi,eke morom thaki kena,atma te mili kena,aru ekta bhabana loi kena.
\v 3 Nijor nimite te bhabana kori kena kam nokoribi.Kintu chutu hoi kena dusra khan ke nijor pora bhi bisi bhal bhabibi.
\v 4 Nijor pora ki bhal pai eitu nokoribi,kintu dusra manu pora ki bhal pai ahse eitu bhi sabi.
\v 5 Jisu Krista kenaka thakise eitu nijor pora bhabana kori kena sabi,
\v 6 kun,Isor nisina hoi kena prithibi te thakise,kintu Teo nijor ke Isor laga jaga te rakha rakhi bole bisara nai.
\v 7 Hoilebi ,Teo nijor ke khali kori dise aru ekta sewak nisina thakise,aru ekta manu nisina jonom loise.Aru Teo ke manu nisina hai paise,
\v 8 Teo mori bole ja homoi tak chutu hoi kena thakise,crus te mora homoi tak!
\v 9 Eitu nimite Isor bhi Teo ke ucha te uthai dise aru Teo laga nam sob nam pora bhi ucha te rakhi dise.
\v 10 Isor eneka kori dise kelemane Jisu laga nam te sob manu niche koribo,kun manu sworgote aru prithibi aru mati nichete ahse,
\v 11 aru kiman manu ahse tai khan sob Jisu Krista hai probhu ahse koi kena confess koribo,aru Baba Isor laga mohima koribo.
\v 12 Eitu nimite,morom laga bhai khan,apuni khan hodai kotha mani thaka nisina,khali moi thaka homoi te hai nohoi hoile bhi moi nathaka homoi te bhi,Isor ke bhoi kori kena nijor laga jibon nimite kam koribi.
\v 13 Kelemane Isor apuni khan logote bhal kam kori bole nimite Teo laga echa kori ahse.
\v 14 Apuni ki kam kori ahse eitu jhagara aru complain nokori kena koribi,
\v 15 eitu pora apuni sapha aru eku dagh natha ki kena thakibo,Isor laga bhal bacha hoi kena thakibo,prithibi laga manu khan usorte ekta ujala hoi kena thakibo,eitu beya aru papi manu khan majote.
\v 16 Jibon laga kotha dhori kena thakibi jetiya tak Krista wapas nahai eitu pora moi ki kam kori kena polaise eitu te moi phutani koribole paribo aru harai najabo.
\v 17 Aru jodi apuni khan laga bisas nimite moi ke ekta bolidan nisina dhali dilebi,moi apuni khan logote khusi koribo.
\v 18 Eitu nisina apuni khan bhi moi logote khusi koribi.
\v 19 Kintu moi probhu Jisu Krista uporte bisas ahse apuni khan logote Timothy ke joldi pothai dibole nimite,eitu pora apuni khan ki kam kori ahse eitu jani kena mon dangor kori bole paribo.
\v 20 Kelemane tai nisina moi logote aru dusra kun bhi nai,apuni khan nimite hosa pora chinta kori thake.
\v 21 Kelemane tai khan sob nijor nimite hai chinta kori thake,Jisu Krista laga kam nimite eku chinta nai.
\v 22 Kintu tai keneka ahse apuni khan jane,aru ekta chokora tai laga baba nimite ki ahse ,tai moi logote Isor laga kotha nimite sewa kori kena thake.
\v 23 Eitu nimite moi ki koribo eitu sai kena jodi pora tai ke apuni khan logote pothai dibo.
\v 24 Kintu moi probhu uporte pura bharosa ahse moi nijor bhi apuni khan ke joldi sabole ahibo.
\v 25 Kintu moi bhabe Epaphoditus ke apuni khan logote joldi pohai dibole nimite dorkar ahse.Tai moi laga bhai ahse aru eke logote kam kora sathi ekjon aru ekta sipahi,aru apuni khan nimite ekjonIsor kotha koi diya manu aru ekta sewak moi laga kam aru dorkar nimite.
\v 26 Tai apuni khan logote thakibole mon juwa tu dekhi kena aru tai bisi chinta hoise kelemane tai bimar ahse koi kena apuni khan hunise.
\v 27 Tai bimar hoi kena olop pora mora nai.Kintu Isor hai tai uporte daya korise,aru khali tai ke hai nohoi,kintu moi uporte bhi,eitu pora moi dukh uporte dukh hoi nathaki bole nimite.
\v 28 Eitu nimite moi tai ke joldi pora apuni khan usorte pothai dibo,jetiya tai ke apuni khan aru dekhibo apuni bisi khusi hobo,aru eitu pora moi laga dukh komti hoi jabo.
\v 29 Eitru nimite tai ke khusi pora matibi aru tai nisina manu sanman dibi.
\v 30 Kelemane Krista laga kam nimite tai mori bole thaka pora zinda hoi kena ahse.Moi ke sewa kori bole nimite tai laga jibon dise aru apuni khan moi nimite ki kori bole para nai eitu sob tai nimite koribi.
\c 3
\v 1 Etiya, moi laga bhai khan,probhu logote khusi koribi.Eitu kotha moi apuni khan logote hodai likhi thaka tu moi nimite eku dukh nai,aru eitu pora apuni khan ke bachai kena rakhe.
\v 2 Janwar(kuta) berai thaka khan ke hosiar pora sabi,beya kam kora manu khan ke sai thakibi,kun manu gaw mangso ke beya koribole bisare eitu khan ke sai thakibi.
\v 3 Kelemane moi khan sapha kori diya manu ahse-aru moi khan Isor laga atma pora mohima kore,aru Jisu Krista laga nam te phutani kore,aru gaw mangso laga eku echa nokore.
\v 4 Hoilebi,moi nijor bhi ketiyaba gaw magso ke bharosa kori kena thaki bole pare.Jodi kunba manu tai nijor laga gaw te bharosa kore,Tetiya hoile moi apuni khan pora bhi bisi hobo.
\v 5 Moi ke ath din te sapha kori dise,Israel manu khan nimite,Benjamin laga jat khan nimite,aru ekta Hebrew pora ekjon Hebrew manu nimite;aru niyom kanun sai kena,ekta pharisee khan karone.
\v 6 Moi laga echa nimite,Moi girja khan ke dukh di thakisekanun laga niyom te nijor ke dharmic kobole nimite,Moi eku beya nathaka manu thakise.
\v 7 Kintu moi nimite lab thakise,etiya Jisu Krista usorte eitu khan sob tu nuksan hai ahse.
\v 8 Kintu hosa te,etiya probhu Jisu Krista laga gyan usorte sob saman khan moi nimite eku lab nai.Teo nimite moi sob saman khan chari dise-aru eitu khan sob eku kam laga nai-eitu pora moi Krista ke pabole nimite
\v 9 aru Teo logote thaki bole nimite,moi nijor laga niyom pora dharmic thaki bole nimite nohoi,kintu Jisu Krista kogote bisas pora thaki bole nimite-bisas pora Isor logote dharmic hoi kena thaki bole nimite.
\v 10 Etiya moi bhi jani bole mon ahse Teo mora pora zinda huwa laga takot aru Teo keneka dukh paise,Teo logote mori kena Teo nisina hobole nimite,
\v 11 jodi moi bhi mora pora zinda hobole para laga sabole parile.
\v 12 Moi eitu khan sob pai loise koi kena nohoi,aru moi bhal ahse koi kena nohoi,kintu moi ke Jisu Krista pora dhori kena rakha nisina moi bhi eneka hai kori ashe.
\v 13 Bhai khan,moi etiya bhi nijor pora kiba paise koi kena nabhabe.Kintu ekta kam moi kore:pichete ki ahse eitu pahori kena ahgete ki ahse eitu nimite hai bhabana kore,
\v 14 Jisu Krista nimite moi khan ke Isor pora mati luwa nisina moi enam pabole nimite kusis kori ahse.
\v 15 Eitu nimite moi khan buji bole para manu nisina eitu khan bhabi kena thakibo;jodi apuni khan alak bhabi thake,Isor pora apuni khan ke eitu bhi dekhai dibo.
\v 16 Hoilebi,moi khan kun jaga te ponchi kena thakilebi,moi khan logote ki ahse eitu dhori kena thakibo.
\v 17 Moi keneka ahse eitu nisina thakibi,bhai khan.Apuni khan moi khan logote thaka nisina bhal pora sai kena berabi.
\v 18 Bisi manu berai ahse-kun nimite moi apuni khan ke hodai koi thake,etiya bhi moi apuni khan ke kandi kena koi ahse-tai khan Krista laga crus laga dusman ahse.
\v 19 Tai khan beya pora khotom hoi jabo,kelemane tai khan laga isor tu pet ahse,aru tai khan laga phutani kori thaka tu sorom khai jabo.Tai khan prithibi laga saman khan nimite bhabana kori thake.
\v 20 Kintu moi khan laga ghor tu sworgote ahse,aru eitu jaga pora moi khan laga tran korta ke rukhi thake,probhu Jisu Krista ke.
\v 21 Teo moi khan laga purana gaw ke Teo laga pobitro gaw nisina bonai dibo,teo laga mohan takot pora aru sob saman Teo ke hai aradhana koribo.
\c 4
\v 1 Eitu nimite ,moi laga bhai khan kun ke moi morom kore aru bhabi thake,moi laga khusi aru moi laga mukut,eitu nisina probhu logote bisas te bhal pora khara hoi kena thakibi,morom laga sathi khan.
\v 2 Moi Euodia khan ke anuroth kori ahse,aru moi Syntyche khan ke bhi anuroth kori ahse,probhu logote ekta bhabna hoi kena thakibi.
\v 3 Hoi,moi apuni khan ke hudise,moi laga hosa sathi khan,eitu maiki khan ke modot kori bole nimite kun dukh pora Isor laga kotha prochar korise,moi logote kam kora manu khan aru Clement ke loi kena,kun laga nam tu jibon laga kitab te likhi kena ahse.
\v 4 Probhu logote hodai khusi koribi.Aru bhi moi kobo,hodai khusi koribi.
\v 5 Apuni nomro hoi kena thaka tu manu khan ke jani bole dibi.Probhu ahibole nimite usor hoise.
\v 6 Kiba ekta kori bole nimite bisi joldi nokoribi.Kintu,sob kam te prathna aru dhanyabat di kena anuroth koribi,apuni ki bhabi ahse eitu Isor ke jani bole dibi,
\v 7 aru Isor laga shanti,kun tu sob bujibole nimite diye,Jisu krista uporte bisas koribole nimite apuni khan laga mon aru bhabna bhal kori kena sai dibo.
\v 8 Etiya,bhai khan,ki kotha khan hosa ahse,aru kuntu sapha ahse,aru bhal ahse,aru ki tu thik ahse,aru ki kotha khan bhal pora kobole pare,jodi tate kiba bhal ahse koile,aru jodi manu ke uthai diya laga kotha ahse koile,eitu kotha khan sob bhabna koribi.
\v 9 Apuni khan ki kotha khan shikise aru paise aru hunise aru moi logote dekhise,eitu khan koribi,aru Isor laga shanti apuni khan logote thakibo.
\v 10 Kintu moi probhu logote bisi khusi kori ahse kelemane apuni khan moi nimite bisi bhabna kori kena thaki ahse.Apuni khan pohila pora bhi moi nimite bisi bhabna kori thake,hoile bhi apuni khan modot kori bole nimite bhal homoi tu panai.
\v 11 Moi kiba dorkar ahse koi kena eitu kotha khan kora nai.Kelemane moi logote ki hoile bhi keneka thaki bole lage eitu khan sob bhal pora jani ahse.
\v 12 Moi jane gorib huwa tu keneka ahse,aru moi eitu bhi jane bisi thaka tu keneka ahse.Moi sob rasta pora keneka thakibole lage aru nijor ke keneka bhuk pora bachai kena rakibole lage eitu laga kotha khan sob jani loise,aru dorkar thaka homoi te keneka pabo lage eitu bhi jani loise.
\v 13 Moi sob kam Teo laga nam pora koribole pare kelemane Teo moike takot dise.
\v 14 Hoilebi ,apuni khan moi dukh pai thaka homoi te bhal pora sai dise.
\v 15 Kintu philippians laga manu apuni khan Isor laga kotha suru pora jani ahse,jetiya moi Macedonia te jaise,kun girja pora bhi moi ke di kena modot kora nai khali apuni khan pora hai korise.
\v 16 Jetiya moi Thessalonica te thakise,moi nimite apuni khan pora ekbar para bhi bisi modot pothai dise.
\v 17 Moi manu khan pora kiba pabole nimite nibisare.Kintu,moi apuni khan bhal hoi kena thaka tu hai besare.
\v 18 Kintu moi pura pai loise,aru bisi paise.Moi ke Epaphroditus pora ki pothai dise eitu sob bhal kori kena paise.Ekta bhal scent gundhai thaka nisina,Isor pora ekta khusi pa laga bolidan.
\v 19 Kintu moi laga Isor pora Teo laga putro Jisu Krista nam te Teo laga dhan hisab te sob laga dorkar pura kori dibo.
\v 20 Etiya moi khan laga Baba Isor ke hodai nimite mohima dibi.Amen.
\v 21 Jisu Krista te thaka sob dharmicmanu khan ke salam dibi.Moi logote thaka bhai khan pora bhi apuni khan ke salam di ahse.
\v 22 Yate laga sob dharmic manu khan pora apuni khan ke salam di ahse,aru Caesar laga ghor manu khan ke bhi salam di ahse.
\v 23 Apuni khan laga atma logote Probhu Jisu Krista laga anugrah thaki bole dibi.Amen.