See in Reader
903 lines
107 KiB
Plaintext
903 lines
107 KiB
Plaintext
\id JHN - Indian Revised Version (IRV) Nagamese
|
|
\c 1
|
|
\v 1 Suru te kotha asele, aru kotha Isor logote asele, aru kotha to Isor ase.
|
|
\v 2 Eitu to suru pora Isor logote asele.
|
|
\v 3 Sob bostu Tai pora he bonaise, aru ki bonai se Tai nathaki kene eku bhi bona nai.
|
|
\v 4 Tar logote jeevon asele, aru jeevon to manu laga joti asele.
|
|
\v 5 Aru joti to andhara ke ujala kori dai, kintu andhara to joti ke jitibo na para.
|
|
\v 6 Isor pora pothai dia ekjon asele, jun laga nam John ase.
|
|
\v 7 Tai gawahi hoi ahise, joti laga kotha jonai dibole, aru sob tai karone biswas koribole.
|
|
\v 8 John to joti nohoi, kintu tai joti laga gawahi dibole ahise.
|
|
\v 9 Sob manu ke joti dibole hosa joti duniya te ahise.
|
|
\v 10 Tai duniya te thakisele, aru Tai he duniya bonaise, kintu duniya Taike janibo para nai.
|
|
\v 11 Tai nijor manu logot ahise, aru Tar nijor manu Taike loanai kora nai.
|
|
\v 12 Kintu jiman jon Taike loise, Tai he taikhan ke Isor laga bacha hobole hosa dise, jun Tar naam pora biswas kori loise.
|
|
\v 13 Heitu jonom to khun pora bhi nohoi, manso pora bhi nohoi, aru manu icha pora bhi nohoi, kintu Isor icha pora ase.
|
|
\v 14 Aru kotha to mangso hoise amar majote thakise, amarkhan Tar mohima dikhise, mohima ekta Putro jun to Pitri pora ahise, morom pora bhorta aru hosa.
|
|
\v 15 John Tar kotha gawahi di halaa kuri, koise, "Eitu he ekta ase jun to Moi koise, jun amar piche ahi ase, 'Tai moi pora bi bisi dangor ase, kelemane Tai moi pora pohila thakise."'
|
|
\v 16 Aru Tar bhorta hoi thaka pora amikhan anugrah pora anugrah paise.
|
|
\v 17 Kelemane niyom to Moses pora ahise dise. kintu anugrah aru hosa, to Jisu Khrista pora he ahise
|
|
\v 18 Isor ke kun bhi ketiabi dekha nai. Ekta matro Isor, jun Priti laga usor te bohi ase, heitu ke he Tai dekhai dise
|
|
\v 19 John laga gawahi eitu ase, Yahudi khan Jerusalem pora purohit aru Levi khan ke pothaise Taike hudibole, "Apuni kun ase?"
|
|
\v 20 Tai mani loise, aru nohobo koa nai, kintu swikar kori koise- Moi Khrista nohoi."
|
|
\v 21 Aru taikhan taike hudise, "Nohoile tumi kun ase? apuni Elijah ase?" Tai koise, "Moi nohoi, Taikhan koise apuni bhabobadi ase? Aru tai jawab di koise, "Nohoi."
|
|
\v 22 Tetia taikhan taike koise, "Apuni kun ase? tenehole moikhan ke pathai dia khan ke jawab dibo lage? apuni nijor ke kun ase koi.
|
|
\v 23 Tai koise, bhabobadi Isaiah koa nisina, tumikhan Probhu laga rasta sidha koribi eneka ekjon jungle te hala kori koi thaka awaz heitu moi he ase.
|
|
\v 24 Aru Pharisees khan jun khan ke pothaisele.
|
|
\v 25 Taikhan taike hudise, jodi apuni Khrista nohoi, Elijah bhi nohoi, aru bhabobadi bhi nohoi to kele, baptizma di ase
|
|
\v 26 John taikhan ke jawab dise moi to pani pora baptizma di thaka he ase. Kintu tumar majote ekjon khara ase, jun ke tumikhan na jane.
|
|
\v 27 Jun he amar pichete ahi ase heitu ke moi Tar juta laga rosi bhi khulibole para manu nohoi
|
|
\v 28 Eitu kotha Jordan laga nodi uphale Bethany te hoise, jote John baptizma di thakise.
|
|
\v 29 Dusra din John, Jisu he tar logote aha dikhi kene koise, "Sabi, eitu dunya laga paap uthai loi jabole thaka Isor laga Mer ase.
|
|
\v 30 Eitu he ase, kun laga kotha moi koisele, 'Ekjon amar piche ahhi ase, jun he moi pora bhi dangor ase, kelemane Tai moi pora pohila thakisele
|
|
\v 31 Moi bhi Taike na janisele. kintu Israel manu ke dekhai dia kori dibo károne moi eitu pani pora baptizma di ahise.
|
|
\v 32 Aru John eitu gawahi di kene koise, Atma he paro nisina sorgo pora ahhi Tar upor te bohhi joa moi dekhise.
|
|
\v 33 Moi Taike na jani sele kintu jun he moike pani pora baptizma dibole pathaise, heitu he moike jun upor te Atma ahhi thaki joa tumi dikhibo, heitu he Pobitro Aatma pora baptizma dibo thaka to ase koise.
|
|
\v 34 Aru moi eitu dekhi kene gawahi dise, je eitu he Isor laga Putro ase.
|
|
\v 35 Dusra din John tar duijon chela loi tate khara asele.
|
|
\v 36 Tetia Jisu khuj-kari ahha dekhi kene tai koise sabi, Isor laga mer powali.
|
|
\v 37 Tetia duijon chela to John koa huni kene Jisu pichhe ahhi jaise.
|
|
\v 38 Tetia Jisu ghuri saise to tai duijon Tar pichhe ahhi thaka dekhise, aru hudise, tumikhan kun ke bisari ase, taikhan Taike koise Rabi Apuni kote thake?
|
|
\v 39 Tai taikhan ke koise, ahhi sabi. i taikhan ahhi kene Tai kot thakise heitu dekhise, aru heitu din Tar logote thaki jaise, aru heitu somoi dos ghanta nisina asele
|
|
\v 40 Duijon John laga kotha huni, kene Jisu logotete ahi jaise, heitu te ekjon to Simon Peter laga bhai Andrew asele.
|
|
\v 41 Tai prothom tar kokai Simon ke pai kene taike koise moikhan Messiah paaî loise, motlob ase Khrista
|
|
\v 42 Aru tai taike loi Jisu logote anise, Jisu taike saai kene koise, tumi Jonah laga Putro Simon, tumi ke Kefa matibo. (motlob pathor) Philip Aru Nathanial Mati Loa
|
|
\v 43 Dusra din Jisu Galilee te jabole asele, aru Philip ke log paise aru taike koise, Amar pichha koribi.
|
|
\v 44 Philip Bethsaida pora ahise, jote Andrew aru Peter laga nogor ase.
|
|
\v 45 Philip Nathaniel ke pai kene taike koise, Moses laga kitab te aru prophet khan he jun laga kotha likhi rakhise, heitu amikhan pai loise, heitu Joseph laga putro Nazarath Jisu he ase
|
|
\v 46 Kintu Nathaniel taike koise, Bhal bostu Nazareth pora ulabo paribo?"Philip taike koise, "Ahibe aru sabi."
|
|
\v 47 Tetia Jisu Nathaniel Tar phale ahha dekhi kene tar bikhoi ke koise, Sabi eitu hosa te Isreal manth ase. tai kopot manu nohoi.
|
|
\v 48 Nathanial Taike koise, Apuni moike keneka janise, Jisu taike jawab di koise, Philip tumi ke matia age jetia tumi dimoru gos niche bohha te, Moi tumi ke dekhise.
|
|
\v 49 Nathaniel Taike jawab dise, "Rabbi, Apuni Isor laga Putro ase!Apuni Isreal laga Raja ase.
|
|
\v 50 Jisu jawab di aru koise, "Kelemane Moi tumi ke koise, 'Moi Tumi ke dimoru gas niche te boha dekhise koa karone 'tumi biswas korise? Tumi eitu pora bhi bisi dangor kam dekhibo.
|
|
\v 51 Aru Jisu taike koise, "Hossa pora tumi khan ke kobo, je tumikhan sorgo khuli dia, aru Isor laga doot, aru Manu laga Putro uporte aha aru joa dekhibo.
|
|
\c 2
|
|
\v 1 Tin din pichete, tate sadi asele, Cana laga Galileete, aru Jisu laga ama bhi tate thaki asele.
|
|
\v 2 Aru eitu sadi te Jisu aru Tar chela khan ke bhi matisele.
|
|
\v 3 Jetia draikha-ross kothom hoise to Tar ama Taike koise, "taikhan draikha-ross aru nathaka hoise."
|
|
\v 4 Kintu Jisu taike koise, "Maiki, Moi nimite eitu ki ase aru tumi nimite? Amar somoi ponchia nai
|
|
\v 5 Tar ama nokor khan ke koise, "ki hoilebi Tai tumikhan kuri bole koile eitu koribi."
|
|
\v 6 Tetia choita pathor pani kolsi chuai Yahuti khan laga samaroh te dhulai rakha jaga heitu ekta te bis nohole bhi tis ase.
|
|
\v 7 Jisu taikhan ke koise, "kolsi te pani bhorai dibi, tetia taikhan eitu bhorai disi
|
|
\v 8 Aru Tai nokor khan ke koise, eitu olop ulai lobi aru loi jai kene kha-loa saa manu ke dibi, "Aru taikhan loi jaise.
|
|
\v 9 Tetia kha-loa sa manu eitu pani ke khai saise jun to draikha-ross hoise, aru eitu kot pora ahise najane, kintu nokor khan jun he pani ani disele heitu khan to jane, aru kha-loa sa manu sadi koribo thaka mota ke matise.
|
|
\v 10 Aru koise sob manu prothom te bhal draikha-ross dia, aru jetia bhal to khai loi kene nisa hoi jai to pasotee sosta laga draikha-ross dia, kintu apuni to bhal wala to eitia tok bhi rakhi ase."
|
|
\v 11 Jisu Galilee Cana te eitu chinha kori kene Tar nijor mohima dekhai dise, aru chela khan Taike biswas korise
|
|
\v 12 Eitu pasote Tai Tar ama aru bhai aru chela khan loi Capernaum te jaise, aru tate taikhan olop din thakise.
|
|
\v 13 Yahudi khan laga Nistar din usor asele, aru Jisu Jerusalem te jaise
|
|
\v 14 Tetia taikhan girja te bail aru shagoli aru kabotar bikri kori aru toka-poisa bodla-bodli kori thaka paise.
|
|
\v 15 Aru Tai ekta chabuk bonai kene, bail aru mer sob khedai ulaai dise, girja pora, aru toka-poisa bodla-bodli kori thaka khan laga poisa sob phekai dise, aru taikhan laga mez bhi ultai di dise.
|
|
\v 16 Aru Tai paro bikri kori thaka khan ke koise, "Tumikhan eitu sob yate pora loi jabi. Amar Pitri ghor ke bojar jaga no bonabi
|
|
\v 17 Tetia Tar chela khan yad ahise je likha asele, Tumar ghor laga "josh he Moike khai jabo."
|
|
\v 18 Tetia Yahudi khan solawta Taike koise, "Apuni ki chinha amikhan ke dikhabo, je Apuni eitu kam kora laga?"
|
|
\v 19 Jisu taikhan ke jawab di koise, "eitu girja ke nost kuri dibi, aru Moi tin din te aru khara kori dibo."
|
|
\v 20 Tetia Yahudi khan laga solawta koise, "eitu girja banabole chheya-lis saal lagise, aru Apuni tin din te eitu khara kori dibo?"
|
|
\v 21 Kintu, Tai nijor gao laga girja ke koisele.
|
|
\v 22 Karone, jetia Tai mora pora aru jee uthise, Tar chela khan yad ahise, je Tai eitu taikhan ke koisele, aru Jisu taikhan ke koa kotha ke bhi aru pobitro kitab ke bhi biswas kori loise.
|
|
\v 23 Jetia Tai Nistar purbb somoi Jerusalem te asele, bisi manu Tai kori dia asurit kaam ke dekhi kene Tar nam pora biswas kori loise.
|
|
\v 24 Kintu Jisu Tai nijor pora taikhan ke biswas kora nai kelemane Tai taikhan sob ke jani asele.
|
|
\v 25 Aru kunu bhi manu laga gawahi Taike kobo nalage kelemane manu bithor te ki ase sob Tai jane.
|
|
\c 3
|
|
\v 1 Pharisee khan majote ekjon salowta Yahudi manu naam Nicodemus asele
|
|
\v 2 Tai rati Jisu logote ahhi Tai ke hudise koise, Rabbi moikhan jane Apuni Isor pora ahha ekjon skikha manu ase, kelemane Isor Tar logotete na thakile kunu bhi Apuni chinha dikhai thaka, eitu koribo na parebo.
|
|
\v 3 Jisu taike jawab di koise, Moi tumi ke hosa kobo, jodi kunu bhi notun jonom nolole, Tai Isor laga raijyo dekhi na paabo
|
|
\v 4 Nicodemus Taike koise, manu bura hoa pasote keneka kori jonom lebo paribo? Keneka tai nijor ama pet te dusra bar ghusi kene jonom lobo pare,tai paribo?
|
|
\v 5 Jisu jawab dise, Moi tumi ke hosa kobo, jun bhi jetia loike pani aru Atma pora jonom nolobo, tai Isor raijyo te gusibo na paribo
|
|
\v 6 Jun mongso pora jonom hoise, heitu mongso ase, aru jun Atma pora jonom hoise heitu Atma ase
|
|
\v 7 Moi tumikhan ke notun jonom lobo lage koa karone asurit nohobi.
|
|
\v 8 Hawa jun phale jabole ase, tate jai thake, aru tumi heitu awaaz huni thake, kintu heitu kot pora ahise aru kot phale jabole ase heitu na jane, eitu karone jun bhi Atma pora jonom hoise teneka he ase.
|
|
\v 9 Nicodemus jawab di Taike koise, eitu keneka hobo paribo?
|
|
\v 10 Jisu taike koise, "Tumi Yahudi laga sikha manu hoi kene bhi eitu kotha bujhibo na pare?
|
|
\v 11 Moi tumi ke hosa kobo, Moi ke jane heitu he koi, aru ke dekhise heitu koi dia, kintu tumikhan Amar koi dia ke lobo napare.
|
|
\v 12 Jetia Moi tumikhan ke duniya laga kotha koise, aru tumikhan biswas koria nai, jodi Moi sorgo laga kotha koile tumikhan biswas koribo?
|
|
\v 13 Aru kun bhi sorgote joa nai ekla kun he sorgo pora ahise, mane Manu laga Putro jun sorgo te thake.
|
|
\v 14 Aru jeneka Moses he jungle te saap ke upor uthai disele, teneka Manu laga Putro ke bhi upor te uthabo lagibo.
|
|
\v 15 Eitu nimitte jun Taike biswas koribo, nost nohobo kintu anonto jeevon pabo.
|
|
\v 16 Kelemane Isor duniya ke eneka morom korise Tar nijor ekta matro Putro ke di dise, tenehole jun Taike biswas koribo, khotom nohabo, kintu anonto jeevon pabo.
|
|
\v 17 Kelemene Isor duniya ke khotom koribole nijor Putro ke potha nohoi, kintu eitu karone ase, Tar karone he duniya bachibole.
|
|
\v 18 Jun Taike biswas koribo heitu ke golti nidibo, kintu jun Taike biswas no koribo, heitu ke golti kori dibo, kelemane Tai Isor laga ekta matro Putro laga nam pora biswas no kora hoise.
|
|
\v 19 Aru golti laga karon bichar to eitu ase, joti duniya te ahise, kintu manu to joti pora bhi andhara ke bisi morom kore, kelemane taikhan laga kaam beya asele.
|
|
\v 20 Jun bhi beya kaam kore, tai joti ke ghin kore, aru joti usor te nahai, eneka nohobo lage, tar kaam khuli dekhi jai.
|
|
\v 21 Kintu jun hosa te jai, heitu khan Isor laga icha pora he kori thaka ke dekhai dibo karone joti usor te ahe.
|
|
\v 22 Eitu pasote Jisu aru Tar chela aru Judia des te jai jaise, aru Tai tate taikhan logote thaki kene baptizma di thakisele.
|
|
\v 23 Aru John bhi Salim usor Aenon te baptizma di thakisele, kelemane tate bisi pani thaka karone, aru taikhan ahhi baptizma loi thakise.
|
|
\v 24 Kelemane heitu somoi John ke dhori bon kora jaga te rakha nohoi.
|
|
\v 25 Tate John chela khan Yahudi manu ekjon logote sapha laga kotha loi lagi asele.
|
|
\v 26 Aru taikhan John logote ahi tai ke koise, "Rabbi, jun Jordan nodi paar te apuni logote asele, apuni Tar kotha koi disele, sabi, heitu manu baptizma di thakise, aru sob Tar logote ahi jai ase."
|
|
\v 27 John jawab dise aru koise, jetia tok sorgo pora manu ke nidile tetia tok tai eku na pabo
|
|
\v 28 Moi Khrista nohoi kintu Tar agete pathai dia he ase, eitu moi agote koa apuni khan he amar kotha koi dia ase.
|
|
\v 29 Jun sadi kora mota ase, heitu sadi kora mota ase, kintu sadi kora mota laga sathi khan khara Tar kotha hunibo, sadi kora mota laga awaaz pora bisi khusi pabo, eitu nisina amar khusi bhi eitu pora pura hobo.
|
|
\v 30 Tai bisi hoi jabo lage, kintu moi komti hoi jabo lage.
|
|
\v 31 Jun upor pora ahise, heitu he sob laga upor ase, jun prithivi pora ahise heitu prithivi laga ase, aru duniya laga kotha koi thake, jun sorgo pora ase heitu sob laga upor ase
|
|
\v 32 Aru ki Tai dekhise aru di thake, aru kunu heitu ke koi di thaka aru kunu bhi Tar koi di thaka ke grohon no kore.
|
|
\v 33 Jun Tar koi thaka grohon kori loi, heitu manu Isor he hosa ase koikene jani loi.
|
|
\v 34 Kelemane kun ke Isor he pothai dise, heitu pobitro kitab he koi, kelemane Tai to Atma ke napi kene nidia
|
|
\v 35 Pitri to Putro ke prem kore, aru sob bostu Tar hath te di dise.
|
|
\v 36 Jun Putro ke biswas korise anonto jeevon tar laga hoise, kintu jun Putro ke biswas nokore heitu jeevon ne dekhibo, kintu Isor laga khong tar uporote thaki jabo.
|
|
\c 4
|
|
\v 1 Tetia Jisu jani loise je Pharisees khan hunise Tai John pora bhi bisi manu ke baptizma di kene chela bonai loise koikene
|
|
\v 2 (Jisu Tai nijor pora baptizma na dae, kintu Tar chela khan he di thakise)
|
|
\v 3 Tetia Tai Judia chhari kene aru Galilee phale jai jaise.
|
|
\v 4 Kintu Tai Samaria hoi kene jabo dorkar asele.
|
|
\v 5 Karone Tai agote Jacob he tar bacha Joseph karone ekta jaga disele, heitu usor Sychar naam ekta Samaria laga nogor te ahise.
|
|
\v 6 Aru Jacob laga kua bhi tate ase, Jisu jai thaka somoi te Tai dukh pai kene eitu kua usor te bohhi jaise, aru heitu somoi choi ghanta nisina asele
|
|
\v 7 Tetia Samaritan maiki ekjon pani lobole ahise, Jisu taike koise, Moi ke pani khelabi.
|
|
\v 8 Kelemane Tar chela khan to khoa-loa kinibole town te jaisele
|
|
\v 9 Tetia Samaritan maiki Taike koise,"Keneka Apuni Yahudi hoi kene moi Samaritan maiki ke kele, pani khelabi koikene mangi ase?" Kelemane Yahudi khan Samaritan logote eku bhi lenden nokore.
|
|
\v 10 Jisu taike jawab di koise,"Jodi tumi Isor laga daan ke janile, aru kun ase kun pora tumike koi ase Tumar logote, 'Moike pani khelaibhi, tumi Tar logote mangibo, aru Tai tumi ke jeevon laga pani dibole asele.
|
|
\v 11 Maiki Taike koise, "Sahab, Apuni logote pani ulabole baltin nai, aru kua bhi ghalta ase. To jeevon pani kot pora Apuni logote aise?
|
|
\v 12 Kele, Apuni amar baba Jacob pora dangor ase? Jun he eitu kua amikhan ke dise. aru tar nijor, bacha khan aru nijor pala janwar sob eitu te khabole dise?"
|
|
\v 13 Jisu taike jawab di koise, "Jun bhi eitu pani khabo aru pyas lagi jabo.
|
|
\v 14 kintu jun bhi heitu pani khabo jun ke Moi dibo, heitu kitiabi aru pyas na lakibo. kintu jun ke Moi pani dibo tai karone ekta dhara hoi anonto jeevon tok boi thaki jabo.
|
|
\v 15 Eitu maiki Taike koise, sahab, moike pyas na lagibo karone aru pani lobole eiman dur nahibole heitu pani moike dibi.
|
|
\v 16 Jisu taike koise, jabi, aru tumar mota ke yate loi anibi
|
|
\v 17 Heitu maiki koise, amar mota nai, Jisu taike koise, tumi amar mota nai koa, tumi thik koise.
|
|
\v 18 Kelemane tumi pans-ta mota thakisele, aru eitia jun logotete tumi thaki ase heitu tumar mota nohoi koa, eitu tumi thik koise.
|
|
\v 19 Maiki Taike koise saheb, moi janise Apuni ekta bhabobadi ase.
|
|
\v 20 Amar baba khan eitu porbot pora aradhana kori thake, aru Yahudi khan aradhana koribole Jerusalem te he jagah ase koi.
|
|
\v 21 Jisu taike koise, hei maiki Amar kotha biswas koribi, tumikhan eitu porbot te bhi nohole Jerusalem te bhi Pitri Isor ke aradhana koribole na para somoi ahhi ase
|
|
\v 22 Tumikhan najana ke aradhaná kore, moikhan to jun ke aradhana kore jani kene kore, kelemane poritran to Yahudi pora ase.
|
|
\v 23 Kintu somoi ahhi ase, aru eitia ahise, hosa te aradhana kora khan aatma pora Isor ke aradhana hobo lage, Pitri eneka khan ke he bisare, jun atma te aradhana kore
|
|
\v 24 Isor to Aatma ase, aru kun Tai ke aradhana koribo aatma aru hosa te aradhana koribo lage
|
|
\v 25 Eitu maiki Taike koise, moi janise Messiah ahibo kotha jun ke Khrista koi jetia Tai ahibo, Tai sob kotha amikhan ke koi dibo
|
|
\v 26 Jisu taike koise, "Moi to tai ase, ekjon tumi logote kotha koi."
|
|
\v 27 Tetia Tar chela khan ahhi Tai kunuba maiki logote kotha kora dekhi asurit hoise, kintu kunu bhi Taike Apuni kun logote kotha kori ase, aru ki janibo mon ase, hudia nai,
|
|
\v 28 Aru eitu maiki tar pani daba chari kene town te dauri jaise, aru manu khan ke koise.
|
|
\v 29 Ahhibi aru ekjon ke sabi, moi ki korise heitu sob Tai koi dise, eitu Khrista koa to hobo pare?
|
|
\v 30 Karone taikhan town pora ulai Tar logote ahise.
|
|
\v 31 Eitu somoi Tar chela khan Tai ke koise, he Sikha manu kiba khabi
|
|
\v 32 Kintu Tai taikhan ke koise, Moi tumikhan najana kiba bhojan ase
|
|
\v 33 Tetia chela khan apas te kotha korise, kele kunuba khabole kiba Taike dise?
|
|
\v 34 Jisu taikhan ke koise, Amar bhojan to Moike pothai dia laga ichha ke pura kori dia to he ase.
|
|
\v 35 Kele, tumikhan no koi? Je kattibole aru bhi char mohina baki ase, sabi Moi tumikhan ke koi ase soku uthai kene kheti ke sabi, heitu khan kattibole paaki bogaa hoise.
|
|
\v 36 Aru kattia khan nijor mozdur paabo, aru phol joma kori anonto jeevon karne rakhi dibo, to kattia manu aru bijon hissi dia duijon milli anondo kori thaki jabo.
|
|
\v 37 Kelemarie ekjon bijon hissi dise aru dusra katti thake koa hosa ase.
|
|
\v 38 Moi tumikhan ke jot tumi porishram no korate kattibole pothaise, dusra porishram korise, aru tumikhan ke dusra porishram kora te pravesh koribo dise.
|
|
\v 39 Aru heitu nogor te thaka Sama- tan bisi manu Taike biswas kori loise, kelemane eitu maiki he eneka koise, moi agote ki-ki korise sob Tai moike koi dise.
|
|
\v 40 Karone jetia Samaritan khan Tar logote ahise, taikhan binti korisee rate dui din thaki jaise
|
|
\v 41 Aru Tar kotha pora bisi manu biswas kori loise.
|
|
\v 42 Tetia taikhan heitu maiki ke koise eitia to amikhan apuni koa karone nohoi, kintu amikhan nijor kaan pora Taike huni loise, aru jani loise, je hosa ase eitu he Khrista, duniya laga Tran-Korta ase.
|
|
\v 43 Aru dui din pasote Tai tate pora Galilee te jai jaise. 44 Kelemane Jisu Tai nijor koisele, je bhabobadi tar nijor des te hole aadar na paac.
|
|
\v 44 Kelemane Jisu Tai nijor koisele, je bhabobadi tar nijor des te hole aadar na paac.
|
|
\v 45 Jetia Tai Gailee te ahise, Galilee khan Taike loi lose, ji kaam Tai purbb somoi Jerusalem te korise, taikhan eitu sob dekhise taikhan bhi purbb te jaisele Nawab Laga Putro Ke Susto Kora
|
|
\v 46 Tetia Tai aru Galilee Cana te ahise, jote Tai pani pora draikha- ross bonai disele, aru tate ekjon nawab manu laga putro Caper- naum te bemar thakisele.
|
|
\v 47 Jetia tai Jisu Judia pora Galilee te ahhi ase, eitu hunise, tai Tar logote ahhi binti korise, je ahhi amar putro ke susto kori dibi, kelemane tai maribole hoi ase.
|
|
\v 48 Tetia Jisu taike koise, jetia loike tumikhan chinha aru asorit kaam ne dekhibo, tetia loike ketio biswas no koribo
|
|
\v 49 Nawab manu Taike koise, saheb amar bacha mora agote ahhibi koise.
|
|
\v 50 Jisu taike koise, jabi, tumar putro jinda hoi jabo, eitu manu Jisu taike koa ke biswas korise, aru jai jaise.
|
|
\v 51 Tai rasta te ahhi asele, tetia tar noukor khan ahhi taike log paise aru koise, apunar putro jinda hoise.
|
|
\v 52 Tetia tai taikhan ke hudise, thik keneka somoi te tai bhal hoise, aru taikhan taike koise, joa kali thik saat baji somoi te tar bukhar tai ke chhari jaise.
|
|
\v 53 Tetia tar baba jani loise, heitu somoi Jisu taike koa thik somoi te asele,tumar putro jinda hoi jabo koa, aru tai aru tar ghor manu sob biswas kori loise.
|
|
\v 54 Jisu Judia pora Galilee te ahhi chinha kori dikhai dia eitu dusra bar ase.
|
|
\c 5
|
|
\v 1 Eitu pasote tate Yahudi khan laga ekta purbb asele, aru Jisu Jerusalem te jaise.
|
|
\v 2 Jerusalem te mer laga duar usor ekta pukhri asele, eitu Hebrew kotha te Bethesda koi, tate pansta varanda bonai rakhisele
|
|
\v 3 Tate andha, langra, aru jothor rogi bisi manu eitu pukhri laga paani hilaa ke asha te bohhi rukhi thake.
|
|
\v 4 Kelemane olop somoi pasote ekta sorgo-doot ahhi eitu pukhri te paani ke hilaai dia, aru kun sob pora prothom paani te jabo heitu ji bemar thaki lebhi bhal hoi thake.
|
|
\v 5 Tate ekjon manu artis-saal pora bemar hoi kene thaki asele
|
|
\v 6 Jetia Jisu heitu ke tate bisi din bemar pora eneka thaka dekhi aru jani kene, taike koise, kele tumi susto pabole monn thakise?
|
|
\v 7 Bemar manu taike jawab dise, saheb, paani hilaa somoi te moike loi jabole kunu bhi nai, aru moi tate jai thaka te dusra moi pora pohila jai thake
|
|
\v 8 Jisu taike koise, uthi kene tumar charpai uthai loi jai jabi
|
|
\v 9 Aru joldi heitu manu bhal hoi jaise, aru nijor charpai uthai loi ahha joa korise, aru heitu din bisram din asele.
|
|
\v 10 Karone Yahudi khan jun bhal hoise heitu ke koise, aji to bisram din ase, tumi tumar charpai uthai loi joa to uchit nohoi.
|
|
\v 11 Tai taikhan ke koise, kun moike bhal kori dise, moike koise, tumar charpai uthai loi jai jabi.
|
|
\v 12 Tetia taikhan taike koise, tumi ke tumar charpai uthai loi jabi koa heitu kun ase?
|
|
\v 13 Kintu susto hoa manu to heitu kun ase na jane, kelemane tate bhirr asele, eitu karone Jisu tate pora pichhe hati jaisele.
|
|
\v 14 Eitu pasote Jisu girja te taike paai kene koise, sabi, tumi to bhal hoise, aru eitu pora bhi bipot tumar upor te nahibo karone, aru paap no koribi.
|
|
\v 15 Eitu manu Yahudi khan logote jai kene koi dise kun taike bhal korise, heitu Jisu ase koikene.
|
|
\v 16 Karone Yahudi khan Jisu ke tarona di thakise, aru Taike morai dibole bisari thakise, Tai bisram din te eitu kaam kori dia karone.
|
|
\v 17 Kintu Jisu taikhan ke jawab dise, Amar Pitri etia loike kam kori ase, aru Moi bhi kam kori ase.
|
|
\v 18 Karone Yahudi khan Taike morai dibole aru bisi jor korise, kelemane Tai bisram din he nohoi kintu Isor ke Tar Pita koi, Tai nijor Isor ke barabar kora karone.
|
|
\v 19 Tetia Jisu taikhan ke koise, Moi tumikhan ke hosa kobo Putro Tar nijor eku koribo napare kintu Pitri he ki-ki kore, heitu khan ke dekhi Putro bhi heitu ke he kori thake
|
|
\v 20 Kelemane Pitri Putro ke prem kore, aru ji kaam Tai kore sob Taike dekhai dia, tumikhan ke asurit koribole, eitu pora bhi dangor Taike dikhai dibo.
|
|
\v 21 Kelemene jeneka Pitri mora manu ke uthai aru jinda kori dia. teneka Putro bhi jun ke bhal pai heitu ke jinda kori dia.
|
|
\v 22 Kelemane Pitri kunu ke bichar nokore, kintu bichar koribole sob kaam Putro ke di dise.
|
|
\v 23 Karone sob manu Pitri ke aadar kore, teneka Putro ke bhi aadar koribi, jun bhi Putro ke aadar no kore, laike pothas dia Pitri ke bhi aadar no korise.
|
|
\v 24 Moi tumikhan ke hosa kobo jun Moike huni kene Moike pothai dia ke aadar koribo, anonto jeevon tar laga hoise, aru saza laga kotha nai, kintu mora paar kori jeevon te jai jaise.
|
|
\v 25 Moi tumikhán ke hosa kobo mora manu Isor laga Putro laga awaaz huni lobo, aru jun huni lobo heitu khan jinda hobole somoi ahhi ase, aru etia ahise.
|
|
\v 26 Kelemane jeneka Pitri nijor jeevon rakhe, teneka Putro ke bhi, Tar jeevon rakhibole adhikaar dise.
|
|
\v 27 Aru Tai Manu laga Putro ase karone bichar laga bhi adhikaar di dise.
|
|
\v 28 Tumikhan eitu kotha karone asurit nohobi, kelemane kobor te hui thaka sob Tar awaaz huni lobo.
|
|
\v 29 Aru jun bhal kaam korise, heitu khan jeevon karne punarutthan hobo, jun beya kaam korise, heitu khan sazaai nimitte punarutthan hobo, eneka somoi ahhi ase.
|
|
\v 30 Moi nijor eku koribo na pare jeneka hunise bichar kore, aru Amar bichar hosa ase, kelemane Moi nijor ichha te nohoi kintu, moike potha Amar Pitri ichha ke he kore.
|
|
\v 31 Jodi Moi nije ke sakhi dile, Amar sakhi hosa nohoi,
|
|
\v 32 Tate Amar bikhoi ke sakhi dia ekta ase, aru Moi jane, je Amar sakhi dia to hosa ase.
|
|
\v 33 Tumikhan John logote manu pothaise, aru tai hosa sakhi dise.
|
|
\v 34 Kintu Moi manu pora sakhi na lage, kintu Moi tumar uddhar nimitte eitu koi ase
|
|
\v 35 Tai to joli thaka aru jiliki thaka deepak ase, aru tumikhan tar puhor te ekbar khusi pora thaki jabo mon hoisele.
|
|
\v 36 Kintu Amar ji sakhi ase, John sakhi pora dangor, kelemane ji kaam ke pura koribole Pitri he Moike dise, mane, ji kam Moi kori ase, heitu pora Pitri he Moi ke pathaise koikene Amar sakhi di ase
|
|
\v 37 Aru Moike pothai dia Pitri Tai nije Moike sakhi dise, tumikhan to ketia bhi Tar awaaz hunia nai, aru Tar roop bhi dekha nai.
|
|
\v 38 Aru tumikhan Tar kotha tumar mon te na rakhe, karon jun ke Tai pothaise heitu ke biswas nokore.
|
|
\v 39 Tumikhan pobitro kitab te anonto jeevon pai, heitu bhabi kene bisari thake, aru Amar sakhi to heitu he ase.
|
|
\v 40 Kintu tumikhan jeevon paabo karone Amar logote nahe.
|
|
\v 41 Moi manu pora aadar ni bisare
|
|
\v 42 Kintu tumikhan Isor ke prem no kora eitu Moi jane.
|
|
\v 43 Ami Amar, Pitri naam to ahise, aru tumikban Moike grohon nokore, jodi kunuba tar nijor naam te ahhile, tumikhan heitu ke to grohon kori lobo.
|
|
\v 44 Tumikhan Isor pora ahha aadar ke ni bisare, kintu nije apaste bisari thaka khan, keneka biswas kori lobo tumikhan?
|
|
\v 45 Moi Pitri usor te tuma ke golti lagabo na bhabibi, tumikhan ke golti kora to ase, heitu Moses jun ke tumikhan bharosa rakhisele.
|
|
\v 46 Jodi tumikhan Moses kwa biswas korile, Moike bhi biswas koribo, kelemane tai Amar bikhoi likhise.
|
|
\v 47 Kintu jodi tumikhan tai likha ke biswas no Kore, to tumikhan Amar kotha kenaka biswas koribo?
|
|
\c 6
|
|
\v 1 Eitu khan hoa pasote, Jisu dusara phane jaise Galilee laga samundar, mane Tiberia samundar bhi koa.
|
|
\v 2 Tetia bisi manu Tar pichha kori ahise, kelemane Tai bimari khan te asorit chinha kaam kori dia ke dekha karone.
|
|
\v 3 Aru Jisu pahaar te uthise, aru Tar chela khan logote tate bohhi jaise.
|
|
\v 4 (Aru tetia Yahudi khan laga Nistar purbb usor asele.)
|
|
\v 5 Tetia Jisu Tar soku uthai bhirr tar logote ahha khan dekhise, Tai Philip ke koise, manu khan ke khabo karone "amikhan kot pora roti kinibo paribo?"
|
|
\v 6 (Kintu Tai tar mon sabole teneka he koisele, kelemane Tai nijor ki koribo lage sob jane. )
|
|
\v 7 Philip Taike jawab dise," dui so dinar laga roti pora ekjon ke olop-olop di lebhi no ponchibo."
|
|
\v 8 Tar chela pora ekjon Simon Peter laga bhai, Andrew Taike koise.
|
|
\v 9 Yate ekjon lora ase, tar logote pansta roti aru duita chhoto mas ase, kintu eman bisi manu karone eitu pora ki koribo paribo?
|
|
\v 10 Tetia Jisu koise, manu khan ke bohhai dibi, heitu jagah te ghas bisi asele, karone manu khan ke bohaai dise, aru heitu khan ginti korise aru pans hazaar nisina asele.
|
|
\v 11 Tetia Jisu roti loi kene aru dhanyabad di Tar chela khan ke tate bohaa khan ke batibole dise, aru teneka mas ke bhi, aru jiman lage eiman dise.
|
|
\v 12 Jetia taikhan khai loise Tai Tar chela khan ke koise, bachi thaka ke joma kori lobi, kelemane eku bhi nuksan hobo na lage
|
|
\v 13 Karone taikhan joma kori loise, arm pans-ta roti khai kene tukra bachi thaka ke baro-ta tokri bhorta joma kori loise.
|
|
\v 14 Tetia manu khan Tai asorit kaam kori dia ke dekhi kene koise, duniya te ahibole thaka bhabobadi to hosa te eitu ase.
|
|
\v 15 Karone manukhan ahhi Taike jobor josti dhori kene rajaa bonai dibole bhabi thaka, Tai jani kene ekbar aru Tai ekla pahaar te jai jaise.
|
|
\v 16 Jetia saam hoise, to Tar chela khan samundar kinar te jaise.
|
|
\v 17 Aru nao te jai kene samundar paar Capernaum phale jaise, eitu somoi andhera hoise, aru Jisu tetia bhi taikhan logote ahha nai.
|
|
\v 18 Tetia andhi karon samundar te hawa maribole lagise.
|
|
\v 19 Jetia taikhan laga nao to tin nohole chari mile nisina chari jaise tetia taikhan Jisu pani te khujkan kene nao usor te ahha deki se aru taikhan bhoi khaise.
|
|
\v 20 Kintu Jisu taikhan ke koise, Moi ase bhoi no konbi.
|
|
\v 21 Tetia taikhan Taike nao te lobole taiyar hoise, aru joldi heitu nao jote jabole ase ponchi jaise.
|
|
\v 22 Aru dusra din bhi manu khan samundar paar te thaki jaise, taikhan late ekta nao he dekhise, aru dusra nao dekha nai, tate Tar chela khan he jaise, aru Jisu Tar chela khan logote heitu nao te joa nai, matro Tar chela khan he jaise.
|
|
\v 23 Aru bhi Tiberia phale pora dusra nao bhi ahise, jote Probhu he roti loi Isor ke dhanyabad di kene taikhan roti khaisele.
|
|
\v 24 Jetia manu khan tate Jisu aru Tar chela khan ke na paise to taikhan aru nao te uthi jaise, aru Jisu ke bisari Capernaum phale ahise.
|
|
\v 25 Aru samundar paar te Taike paai kene Taike koise, hei Sikha manu Apuni ketia yate ahhi jaise.
|
|
\v 26 Jisu taikhan ke jawab dise, Moi Tumikhan ke hosa kobo, tumikhan chinha dekha karone nohoi, kintu tumikhan roti khai tripto paa karone Moike bisari ase.
|
|
\v 27 Nost hobo laga bhojan karne porishram no koribi, kintu ji anonto jeevon tok thakibo, bhojan jun to Manu laga Putro he Tumikhan ke dibole ase, heitu karone parishram koribi, kelemane Pitri Isor he Tar upor te mohor lagai loise.
|
|
\v 28 Tetia taikhan Taike koise, Isor kaam koribole amikhan ki koribo lage?
|
|
\v 29 Jisu taikhan ke jawab te koise, Isor kaam to jun ke Tai pothaise heitu ke biswas kora to he Isor laga kaam ase.
|
|
\v 30 Karone taikhan Taike koise, tenehole Apuni amikhan ke ki chinha dikhai ase, je amikhan dekhi Apuni ke biswas koribole,
|
|
\v 31 Amar purbo-purush khan jungle te manna khaise, je Tai he khabole sorgo pora roti dise, eneka likha ase.
|
|
\v 32 Tetia Jisu taikhan ke koise, Moi tumikhan ke hosa kobo, sorgo pora roti tumikhan ke dia to Moses nohoi, kintu Amar Pitri he hosa laga roti tumikhan ke dise.
|
|
\v 33 Kelemane Isor laga roti heitu ase, jun he sorgo pora ahhi kene duniya ke jeevon di thake.
|
|
\v 34 Tetia taikhan Taike koise, he Probhu eitu roti hodai amikhan ke di thakibi.
|
|
\v 35 Aru Jisu taikhan ke koise, he jeevon roti, jun Mor logote ahe heitu ketio bhukh na lagibo, aru jun Moike biswas koribo heitu ketio aru pyaasa nohobo:
|
|
\v 36 Kintu tumikhan Moike dekhi paise, kintu biswas no kore, eitu Moi tumikhan ke koi dise
|
|
\v 37 Pitri he jun Moike dise, heitu sob Mor logotete ahhibo aru kun Mor logotete ahibo, heitu ke Moi ketio na chharibo.
|
|
\v 38 Kelemane-Moi nijor ichha te nohoi, kintu Moike pothai dia laga ichha pura koribole sorgo pora niche ahise.
|
|
\v 39 Aru Moike pothai. dia laga ichha to eitu ase, je Tai ji-ji Moi ke dise heitu ekta ke bhi ne herai kene, hek din te heitu khan sob uthai dibo.
|
|
\v 40 kelemane Amar Pitri ichha eitu ase, jun Putro ke dekhibo, aru Taike biswas koribo, heitu anonto jeevon pabo aru Moi hekh din te taike uthai lobo.
|
|
\v 41 Tetia Yahudi khan Tar birudh kotha korise, kelemane Tai koise, je sorgo pora ahha roti Moi he ase koa karones
|
|
\v 42 Aru taikhan koise, eitu Jisu nohoi? Joseph laga putro, jun laga ama-baba jun amikhan jane, tai kele eneka koi ase? je Moi sorgo pora ahise.
|
|
\v 43 Karone Jisu taikhan ke koise, Tumikhan apaste bulmat no koribi.
|
|
\v 44 Moike pothai dia Amar Pitri he loi ani nidile, kun bhi Mor logote ahibo na paribo, aru Moi hekh din te heitu ke uthai lobo.
|
|
\v 45 Taikhan sob Isor pora Sikhi lobo koikene eneka bhabobadi khan kitab te likha ase, jun holebhi Pitri laga kotha huni aru Sikhi loise heitu khan Mor logote ahibo.
|
|
\v 46 Jun Isor pora ahise, heitu he nohole kun bhi Pitri ke dekha nai.
|
|
\v 47 Moi tumikhan ke hosa kobo, jun bhi Moike biswas koribo heitu anonto jeevon paabo.
|
|
\v 48 Jeevon roti Moi ase.
|
|
\v 49 Tumar purbo-purush khan jungle te manna khaise, aru morise.
|
|
\v 50 Eitu roti to manu khai kene bhi no morit;o laga sorgo pora ahha roti ase.
|
|
\v 51 Sorgo pora ahha jeevon roti Moi ase, jodi kunuba eitu roti pora khabo, tai anonto jeevon paabo, aru ji roti jeevon karone Moi duniya ke dibole ase, heitu Amar mongso ase.
|
|
\v 52 Karone Yahudi khan taikhan apas te vivad korise, je eitu manu keneka kori Tar mongso amikhan ke khabole dibo paribo?
|
|
\v 53 Tetia Jisu taikhan ke koise, Moi tumikhan ke hosa kobo, tumikhan Manu laga Putro laga mongso jodi na khabo, aru Tar khun na khabo, (drink) tenehole jeevon tumar ontor te nai.
|
|
\v 54 Jun Amar mongso khabo, aru Amar khun pi'ega, heitu anonto jeevon tar laga ase, aru Moi hekh din te heitu ke uthai lobo.
|
|
\v 55 Kelemane Amar mongso asol te khawa laga ase, aru Amar khun bhi asol te pia laga khun ase.
|
|
\v 56 Jun Amar mongso khabo aru Amar khun, khabo to tai Amar ontor te, aru Moi tar ontor le thake.
|
|
\v 57 Jeevit Pitri he Moike pothaise, aru Moi Pitri karone jeevit ase, teneka jun Moike khabo, heitu bhi Moi karone jeevit hobo.
|
|
\v 58 Eitu to sorgo pora ahha roti ase, tumar purbo-purush khan manna khaise aru mori jaise, jun bhi eitu roti khabo anonto jeevit thakibo.
|
|
\v 59 Tai Capernaum te manukhan ke sikhai thaka somoi te taikhan laga synagogue te koise.
|
|
\v 60 Karone Tar chela khan jetia eitu hunise to koise, eitu kotha to bisi dikter kotha ase, eitu kun hunibole paribo?
|
|
\v 61 Jetia Tar chela khan eitu kotha karne kotha patise, Jisu eitu jani kene taikhan ke koise, "kotha karone tumi khan thokar lagise?
|
|
\v 62 Aru jodi tumikhan Manu laga Putro Tai jot agote thakisele, tate upor te joa dekhile keneka hobo?
|
|
\v 63 Jeevon di thaka to Atma ase, gao to eku labh nai, Moi tumikhan ke koa khan to atma ase, aru jeevon bhi ase.
|
|
\v 64 Kintu tumar majote kunuba biswas no kora ase, kelemane Jisu he suru pora jani ase, je kun biswas nokore Aru kun Taike dhori dibole ase.
|
|
\v 65 Aru tai koise, eitu karone Moi tumikhan ke koisele, je jetia loike Pitri pora vardaan nidile kun bhi Amar logote ahibo na paribo.
|
|
\v 66 Eitu kotha karone Tar chela pora bisi manu Taike chhari kene wapos jai jaise.
|
|
\v 67 Tetia Jisu baroh jon ke koise, "Tumikhan bhi wapos jabole mon koranai? tumikhan bhi.
|
|
\v 68 Kintu Simon Peter Taike jawab dise, he Probhu amikhan kun logote jabo? Anonto jeevon laga vachan to Apuni logote ase.
|
|
\v 69 Aru amikhan biswas kori ase, aru jani ase, je Apuni he jinda Isor laga Putro Khrista ase.
|
|
\v 70 Jisu taikhan ke jawab dise, kele Moi he tumikhan baroh jon ke bassi loise nohoi? Kintu tumar majote ekjon soitan ase.
|
|
\v 71 Tai Simon laga putro Iscariot Judas laga kotha he koise, kele- mane eitu he Taike dhori dibo to ase, aru Tai baroh jon te ekjon ase.
|
|
\c 7
|
|
\v 1 Eitu khan hoa pachote Jisu Galilee te berai thakise, kelemane Yahudi khan Taike morai dibole thaka karone Tai Judia phale berabo mon kora nai.
|
|
\v 2 Yahudi khan laga tambu laga purbb usor ahi ponchise.
|
|
\v 3 Karone Tar bhai khan Taike koise, Judia te jai jabi, je Tumi ki kaam kori ase heitu Tumar chela khan bhi dekhibole dibi.
|
|
\v 4 Kelemane Jun bhi tar nijor nam ke uncha koribo monn kore, to lukai kene nokore. Jodi Tumi eitu kam korise koile Tumi nijor ke dikhai dibi duniya ke
|
|
\v 5 Kelemane Tar nijor bhai khan bhi Taike biswas kora nai.
|
|
\v 6 Tetia Jisu taikhan ke koise, Amar somoi hoa nai, kintu Tumar karone hodai somoi taiyar ase.
|
|
\v 7 Prithibi tumikhan ke ghin no koribo, kintu Moike ghin kore kelemane Moi tarkhan laga beya kam ke gawahi dai.
|
|
\v 8 Tumikhan purbb te jabi; Moi to eitia eitu purbb te najabo, kelemane Amar somoi pura hoa nai."
|
|
\v 9 Jetia Tai taikhan ke eitu sob koise, Tai Galilee te thaki jaise.
|
|
\v 10 Kintu Tar bhai khan joa pasote Tai bhi khula-khula nohoi, kintu lukaa-lukki nisina purbb te jaise.
|
|
\v 11 Tetia, Yahudi khan purbb te bisarise aru koise, "Tai kote ase?"
|
|
\v 12 Aru taikhan Tar bikhoi kunuba Tai bhal manu koi aru kunuba nohoi kintu Tai manu ke thokai thaka he ase koi,
|
|
\v 13 Hoilebhi Yahudi khan ke bhoi pora kun bhi Tar kotha khuli nokoi.
|
|
\v 14 Aru jetia purbb laga adha somoi jaise to Jisu girja te ahhi updesh dibole hoise.
|
|
\v 15 Aru Yahudi khan asurit hoise, koise, "keneka eitu manu pobitro kitab jani, pora lekha na thaki kena?"
|
|
\v 16 Jisu taikhan ke jowab di aru koise, "Amar updesh to Moi pora nohoi, kintu Moike pothai dia pora ase.
|
|
\v 17 Jodi kunuba Isor laga ichha te jabo mon korile, heitu kotha to Isor pora ahise, na Moi nijor khusi pora ase.
|
|
\v 18 Jun bhi nijor khusi pora kobo, to heitu tar nijor ke prosonsa kori thake, kintu jun bhi taike pothai dia ke prosonsa korile heitu hosa aru tar mon te adhorm na thake.
|
|
\v 19 Moses tumikhan ke niyom dise nohoi? kintu tumikhan kunubhi niyom ke na mane, kele tumikhan Moike morai dibole bisari thake?"
|
|
\v 20 Bhirr khan jawab di koise, "Tumar logote soitan ase. Kun Tuma ke morai dibole bisari ase?
|
|
\v 21 Jisu taikhan ke koise, Moi ekta kam kori dise, aru tumikhan sob asurit korise.
|
|
\v 22 Moses tumikhan ke sunot laga hukum disele, eitu to, Moses pora nohoi kintu khandan khan pora ahise aru tumikhan bisram din te sunot kori thake:
|
|
\v 23 Joti manu khan bisram din te sunot kori kene Moses laga niyom na bhangai, to kela tumikhan Moi ke gusa kure kelamene Moi bisram din manu ke bhal kure nemete.
|
|
\v 24 Upor saai kene bichar no koribi, kintu thik pora bichar koribi.
|
|
\v 25 Tetia Jerusalem pora ahha kunuba koise, mari dibole bisari thaka to "eitu manu nohoi?
|
|
\v 26 Kintu sabi, Tai to khula-khula kotha koi ase aru kunu bhi Taike eku nokoi, Tai he asol te Khrista, koikene solawta khan bhi jani loise?
|
|
\v 27 Ji hoile bhi eitu manu kot pora ase, amikhan eitu to jane, kintu jetia Khrista ahibo to Tai kot pora ase eitu kun bhi na janibo.
|
|
\v 28 Tetia Jisu girja pora manu ke sikha te Tai jor pora koise, tumikhan Moike jane, je Moi kot pora ahise, hoilebhi Moi nijor khusi pora ahha nohoi kintu jun he Moike pothaise heitu hosa ase, tumikhan heitu ke na jane.
|
|
\v 29 Kintu Moi Taike jane, kelemane Moi Tar pora ahise, aru Tai he Moike pothaise."
|
|
\v 30 Karone, taikhan Taike dhoribole koshis korise, kintu kunbhi Tar upor te hath dia nai, kelemane Tar somoi no poncha karone.
|
|
\v 31 Aru bisi manu Taike biswas kori loise, aru taikhan koise, jetia Khrista ahibo to Tai eitu manu kori dia pora bhi bisi asorit kaam koribo?"
|
|
\v 32 Manu khan Jisu bikhoi kotha koi thaka eitu Pharisee khan jani kene, prodhan purohit aru Pharisees khan Taike dhoribole adhikari khan ke pothai dise.
|
|
\v 33 Tetia Jisu taikhan ke koise, "Moi olop somoi karone tumikhan logote ase, pasote jun Moike pothaise Tar logote jai jabo.
|
|
\v 34 Tumikhan Moike bisaribo, aru na paabo, aru jote Moi jabo tate tumikhan ahibo na paribo.
|
|
\v 35 Tetia Yahudi khan apaste kotha korise, Tai kote jabole ase, je amikhan Taike na paabo, Tai Yunani khan ephale-uphale hoi thaka khan ke sikha bole jai jobole ase?
|
|
\v 36 Tai koa eitu ki kotha ase, je tumikhan Moike bisaribo, kintu Moike na paabo, aru jot Moi jabo tate tumikhan ahibo na paribo?
|
|
\v 37 Aru purbb laga ses din, je dangor din ase, Jisu uthi kene jor te koise, "jodi kunuba pyasa ase to Mor logote ahhi kene khabi.
|
|
\v 38 Jun Moike biswas koribo, tenehole pobitro kitab te koa nisina, nodi jinda laga pani tar pet pora boi ahibo."
|
|
\v 39 Kintu Tai Taike biswas kora khan pabole thaka Atma laga kotha he koise, aru Jisu eitia loike nijor mohima te joa Pobitro Atma eitia loike dia nai.
|
|
\v 40 Eitu karone bhirr pora kunuba, eitu huni kene asol bhabobadi eitu he ase koise.
|
|
\v 41 Aru dusra koise, eitu he Khrista ase, kintu kunuba koise, Galilee pora Khrista ahibo?
|
|
\v 42 Khrista to David laga vansh pora aru Bethlehem bosti jot David thakisele, tate pora ahibo eneka pobitro kitab te koa nohoi
|
|
\v 43 Tetia Tar karone manu khan dui bhag hoi jaise.
|
|
\v 44 Aru kunuba Taike dhoribole hoisele, kintu kunu bhi Tar upor te haath dia nai.
|
|
\v 45 Tetia adhikaari khan, prodhan purohit aru Pharisees khan logotete aru wapas ahise, to taikhan koise kele, tumikhan Taike loi ahha nai?
|
|
\v 46 Adhikaari khan jawab dise, kunu bhi Tar nisina kotha no koi.
|
|
\v 47 Tetia Pharisees khan taikhan ke jawab dise, kele, tumikhan bhi dhokha te puri jaise?
|
|
\v 48 Sardaar aru Pharisee khan kunuba Taike biswas kori loise?
|
|
\v 49 Kintu niyom najana eitu bhirr manu khan to srapit hoise.
|
|
\v 50 Nicodemus Jun he raati te Jisu logote ahise, aru taikhan te ekjon asele koise taikhan ke.
|
|
\v 51 Kele amar niyom to agote manu laga kotha nuhuni aru kaam ke najani kene golti lagai thake?
|
|
\v 52 Taikhan taike jawab dise, tumi bhi Galilee manu ase? Sabi aru bisaribi, kelemane Galilee pora kunu bhabobadi bhi naulai.
|
|
\v 53 Aru sob manu nijor-nijor ghor jai jaise.
|
|
\c 8
|
|
\v 1 Jisu Olive pahar te jai jaise.
|
|
\v 2 Ekdom phujur Tai aru girja te ahese, aru sob manu khan ahese; Tai bohi kene taikhan ke sikhai thakise.
|
|
\v 3 Tetia likha khan aru Pharisee khan maiki loi anise jun he byabichar kora te dhorise, aru tai ke taikhan majo te khara kori dise.
|
|
\v 4 Taikhan Taike hudise, "sikha manu, eitu maiki byabichar kora te dhorise.
|
|
\v 5 Aru niyom te pathor pora eneka khan ke mari dibi koikene Moses he hukum di rakhise, kintu Apuni to eitu te ki koi ase?
|
|
\v 6 Taikhan Jisu ke porikha lobole he Taike eneka hudise, kintu Jisu eku bhi nuhuna nisina niche jhuki kene Tar anguli pora kiba likhi thakise.
|
|
\v 7 Kintu taikhan Taike hudi thakise, to Tai sidha khara hoi kene koise, tumar majote kun paap kura nai, tai he sob pora poila pathor taike maribi.
|
|
\v 8 Aru Tai niche jhuki kene anguli pora matti te likhi thakise.
|
|
\v 9 Tetia taikhan eitu hunise, taikhan ekta-ekta kori jaise, sobse pora bura suru kuri kene. aru Jisu he ekla thaki jaise, aru maiki to majote he thakise.
|
|
\v 10 Jisu sidha khara kuri tar ke koise, "Maiki, kote ase tumar ke golti dia khan? kun bhi tumi ke golti dia nai?
|
|
\v 11 Tar koise, "Kunu bhi nai Probhu," Jisu koise, "Moi bhi tumi ke golti nidibo. Jabi aru paap no koribi."
|
|
\v 12 Tetia Jisu aru taikhan ke, koise, "Moi he duniya laga puhor ase; jun Amar pichha koribo heitu andhara te najabo kintu jeevon puhor paabo."
|
|
\v 13 Pharisees khan Taike koise, "Apuni nijor ke sakhi di ase; Tumar sakhi hosa nohoi."
|
|
\v 14 Jisu taikhan ke jawab di koise, "Jodi Moi nijor karone sakhi dele bhi, Amar sakhi hosa ase. Kelemane Moi kot pora ahise aru kote jabole ase heitu Moi jane, kintu tumikhan to Moi kot pora ahise aru kote jabole ase najane.
|
|
\v 15 Tumikhan to mongso anusar bichar kore; Moi kunu ke bhi bichar no kore.
|
|
\v 16 Joti Moi bichar kori, Amar bichar hosa ase kelemane Moi ekla nohoi, kintu Moi Pitri logotete ase, jun Moike pothaise.
|
|
\v 17 Aru tumar niyom te bhi likha ase duijon laga sakhi to hosa ase koikene.
|
|
\v 18 Moi nije ke sakhi di ase, aru Pitri jun Moike pothaise heitu bhi Ami ke sakhi di ase
|
|
\v 19 Tetia taikhan Taike koise, "Tumar Pitri kote ase? " Jisu koise, "Tumikhan Moike bhi aru Amar Pitri ke bhi najane; jodi tumikhan Ami ke janile, Amar Pitri ke bhi janibole asele."
|
|
\v 20 Tai eitu kotha girja ghor te bhandar jaga pora koi thakise, aru kun bhi Taike dhoria nai kelemane Tar somoi eitia bhi ponchia nai.
|
|
\v 21 Karone aru Tai taikhan ke koise, "Moi to jai jabo, aru tumikhan Moike bisaribo aru Tumikhan nijor paap pora mori jabo. Moi kote jabo, tate tumikhan ahibo na paribo."
|
|
\v 22 Karone Yahudi khan koise, "Tai nije no moribo, Tai kuribo? Kelemane Tai koi ase, 'Jot Moi jabo tumikhan tate ahibo na paribo'?"
|
|
\v 23 Karone Jisu taikhan ke koise, "Tumikhan to niche pora ase; Moi to upor pora ase. Tumikhan to eitu prithibi laga; Moi to eitu prithibi laga nohoi.
|
|
\v 24 Eitu karone, Moi koise tumikhan nijor paap pora mori jabo. Kelemane Moi he heitu koikene tumikhan biswas no korile, tumi khan nijor paap pora mori jabo.
|
|
\v 25 Tetia taikhan Taike koise, "Apuni kun ase?" Jisu taikhan ke koise, "Ki Moi tumikhan ke suru pora koise eitu ase.
|
|
\b
|
|
\v 26 Moi bisi kotha kobole aru bichar kuribole ase tumikhan karone. kintu Moike pothai dia to hosa; aru Tai pora ji huni loise, eitu khan Moi prithibi ke koi thake.
|
|
\v 27 Taikhan bujanai je Tai Pitri karone taikhan ke koise.
|
|
\v 28 Tetia Jisu taikhan ke koise, "manu laga Putro jetia upor joa dekhibo, tetia tumikhan jani lobo, je Moi he heitu ase, aru Moi nije eku nokore, kintu jeneka Pitri he Moike sikhai, heitu he Moi koi thake.
|
|
\v 29 Aru Moike pothai dia to Moi logote thake, Tai Moike ekla na chare, kelemane Moi hodai Tar ichha ke he kori thake."
|
|
\v 30 Jetia Jisu eitu kotha koi dise, to bisi manu Taike biswas kori loise.
|
|
\v 31 TetiaTai Taike biswas kori loa Yahudi khan ke koises tumikhan Amar kotha mani thakile tumikhan Amar laga hosa chela hoise;
|
|
\v 32 aru tumikhan hosa ke jani lobo, aru hosa he tumikhan ke azad kori dibo."
|
|
\v 33 Taikhan Taike koise, "Amikhan Abraham laga khandan ase, ketia bhi kunu laga nokorbi kura nai; keneka Apuni koise, 'Tumikhan ke azad kori dibo'?"
|
|
\v 34 Jisu jawab dise, Moi tumikhan ke hosa kobo, jun bhi paap te thakise to tai paap laga dasi ase.
|
|
\v 35 Aru dasi to hodai ghor te na thake, kintu Putro to hodai thake.
|
|
\v 36 Karone, joti Putro tumi ke azad korile, tumi hosa ke azad hoise.
|
|
\v 37 Tumikhan Abraham laga khantan ase eitu Moi jane, kintu tumikhan moike morai dibole bisari asele kelemane Amar kotha tumar mon te jagah na thaka karone.
|
|
\v 38 Moi koise ki Amar Pitri pora dekhise; karone tumikhan bhi tumar baba pora ke hunise, eitu he kori bhi."
|
|
\v 39 Taikhan Taike jawab di aru koise, "Amar baba Abraham ase. Jisu taikhan ke koise, "Jodi tumi Abraham laga bacha hoile, tumi Abraham laga kam khan koribi.
|
|
\v 40 Je, eitia tumikhan Moike morai dibole bisari ase, ekta manu kun tumi khan ke hosa koi dise Moi ji Isor pora hunise. Abraham teneka kam kora nai.
|
|
\v 41 Tumi khan, tumar baba khan laga kaam kori thake. "Taikhan Taike koise, "Amikhan byabichar pora jonom loa nohoi; amar khan baba ekta ase;Isor."
|
|
\v 42 Jisu taikhan ke koise, "Jodi Isor Tumar baba hoile, tumikhan Moike morom koribo, kelemane Moi Isor pora ahise, Moi nije pora ahha nohoi, kintu Tai Moike pothaise.
|
|
\v 43 Kele tumikhan Amar kotha bujhibo na pare? Karone Tumikhan Amar kotha khan na huna nimite ase.
|
|
\v 44 Tumikhan to tumar baba, saitan, aru tumikhan tar icha ke he koribole bhal pai, tai to suru pora khun kora ase aru tar mon hosa te khara na thaka karone tai hosa nai tai logot. Ketia tai misa koi, tai nijor mon pora koi thake, kelemane tai misa ase aru misa laga baba ase.
|
|
\v 45 Kintu, Moi hosa koi, tumi moike biswas no kore.
|
|
\v 46 Kun Moike paap korabo pare? jodi Moi hosa koi, to tumikhan Moike kele biswas no kore?
|
|
\v 47 Jun Isor pora ahise tai Isor kotha khan huni; kintu tumikhan taikhan kohta nahuna karone, kelemane tumikhan Isor laga nohoi."
|
|
\v 48 Tetia Yahudi khan Taike jawab di koise, "Amikhan hasa koa nohoi je Apuni Samaritan ase aru ekta saitan logote ase?"
|
|
\v 49 Jisu koise, "Moi logote saitan nai, kintu Moi Amar Pitri ke sonman kori, aru tumikhan Moike sonman koribi.
|
|
\v 50 Kintu Moi na bisari nijor mahima; eitu bisari aru bichar kori ekta ase.
|
|
\v 51 Hosa, hosa, Moi tumi kobo, juti kunba Amar kotha huni eitu ketia bhi mora na dekhibo.
|
|
\v 52 Tetia Yahudi khan Taike koise, "Etia amikhan jani loise, Tumi logote saitan ase. Abraham aru prophet khan bhi mori jaise; aru Apuni koise, 'Jodi jun Amar kotha ke rakhi lobo, eitu mora na dekhibo.
|
|
\v 53 Apuni amar Pitri Abraham pora dagor ase nahoi Jun mori jaise, aru tum? prophet khan bhi mori jaise. Apuni nije ke kun koikene bhabi ase?
|
|
\v 54 Jisu jawab dise, "Jodi Moi nije ke mahima korile, Amar mahima eku nai, kintu Moike mahima kora Amar Pitri he ase, jun ke tumikhan tumar Isor koi.
|
|
\v 55 Tumikhan Taike najane, kintu Moi Taike jane, aru jodi Moi koi, Moi tai ke najane koile, tumar nisina Moi bhi misa hoise, kintu Moi Taike jane aru Tar kotha ke mane.
|
|
\v 56 Tumar Pitri Abraham to Moi laga din ke dekhibole asha te anando kori ase, aru Tai dekhi paise aru khusi korise."
|
|
\v 57 Tetia Yahudi khan Taike koise, "Apuni ponchas sal bhi hoanai, aru Apuni Abraham dekhise?"
|
|
\v 58 Jisu taikhan ke koise, "Hosa, hosa Moi tumikhan ke kobo, Abraham agot pora, Moi thakise."
|
|
\v 59 Tetia taikhan Taike mari dibole pathor uthaisele; kintu Jisu Tai nije lukai kene girja pora bahar ulaai jaise.
|
|
\c 9
|
|
\v 1 Tetia Jisu jai thakisele, to jonom pora andha ekjon ke Tai log paise.
|
|
\v 2 Aru Tar chela khan Taike hudise, "Rabbi, kun paap nimite, eitu manu na tar baba ama khan, karone jonom pora tai andha hoise.?"
|
|
\v 3 Jisu jawab dise, "Eitu manu laga paap bhi nahoi, Tar baba-amaa khan laga bhi nahoi, kintu tai karone Isor laga kaam dekhai dibole.
|
|
\v 4 Amar khan kaam to kun Moike pothaise Tar laga kaam kori thakibo lage, jetia loi ke din ase, kelemane rati ahi ase.
|
|
\v 5 Jetia loi ke Moi duniya te thakise, Moi he duniya laga joti ase."
|
|
\v 6 Jetia Tai eitu sob koi dia hoise, Tai mati te thuki kene thuk pora buka bonai loise, aru eitu buka pora andha manu laga soku te lagai dise.
|
|
\v 7 Aru Jisu taike koise, "Jabi, dhui lobi siloam pokhir te," (motlob ase pothai dia). Karone tai jaise, aru dhui dise, aru dekhibo parise.
|
|
\v 8 Karone tar usor suboria khan agote taike dekha khan taike dekhi kene koise, "Eitu manu to rasta te bohhi bhikh mangi thaka to nohoi?"
|
|
\v 9 Kunuba koise, "Eitu tai ase. "dusra koise, "nohoi, kintu tar nisina ase. "kintu tai koise, "Eitu moi ase."
|
|
\v 10 Tetia taikhan taike koise, "Keneka tumar soku khuli jaise?"
|
|
\v 11 Tai jawab dise, "Jun laga naam Jisu koi Tai mati buka bonai kene amar soku te lagai dise, aru moike koise, 'Jabi Siloam te aru dhui dibi, moi jai kene dhui dise, aru moi dekhi ase.
|
|
\v 12 Taikhan taike koise, "Tai kote ase?" Tai jawab dise, "Moi na jane."
|
|
\v 13 Taikhan jun andha asele heitu ke Pharisee khan logote loi anise.
|
|
\v 14 Eitu Sabbath din jetia Jisu mati pora buka bonai kene tar soku bhal kori disele.
|
|
\v 15 Tetia Pharisee khan bhi taike aru hudise. tumar soku keneka khuli jaise, Tai taikhan ke koise, "Tai amar soku te mati lagai dise aru eitia moi dikhise."
|
|
\v 16 Karone kunuba Pharisee koise, "Eitu manu to Isor pora nohoi kelemane Tai Sabbath din ke na mane. "Kintu kunuba koise, "Keneka paapi manu eneka asorit kam kori dikhabo paribo?" Aru taikhan bhag hoise.
|
|
\v 17 Taikhan aru andha manu ke hudise, "Tumi Tai karone ki kobo, je tumar soku khuli dises?" Andha manu koise, "Tai to prophet ase.?
|
|
\v 18 Kintu Yahudi khan eitu manu agote andha thakisele aru eitia dekhibo pari ase koi kena biswas kura nai tar baba amaa ke mati na hudia loi ke
|
|
\v 19 Aru taikhan tar amaa baba ke hudise, koise, "Eitu tumar chokora ase, Jun he jonom pora andha asele? aru keneka kori eitia dekhi ase?
|
|
\v 20 Tar amaa baba taikhan ke jawab di koise, Amikhan jane eitu amar chokora ase aru jonom pora andh paa to ase.
|
|
\v 21 Kintu amikhan eitu najane tai keneka kori eitia dekhibo Pari ase, aru kun tar soku khuli dises, amikhan najane tai nije koi dibo.
|
|
\v 22 Tar amaa baba Yahudi khan ke bhoi pora teneka koise, kelemane Yahudi khan agot pora eneka koi kene ase jodi kunba Khrista naam kobo, heitu manu laga naam synagogue pora ulaai dibo.
|
|
\v 23 Eitu karone, tar baba amaa koise, "Tai jawan hoise taike hudi bi."
|
|
\v 24 Aru taikhan dusara par eitu andha thaka manu ke mati ani kene aru taike koise, Isor ke mahima koribi, amikhan jane heitu to paapi manu ase.
|
|
\v 25 Tai jawab di koise, "Moi na jane juti Tai paapi manu ase. Ekta kotha Moi jani ase; je Moi andha asele, aru eitia dekhi ase.
|
|
\v 26 Tetia taikhan taike koise, "Tai tuma ke ki korise? keneka kori tai tumar soku khuli dise?
|
|
\v 27 Tai taikhan ke koise, "Moi apuni khan ke koi dise, aru apunikhan hunia nai,!Kele apunikhan aru hunibo mon kori ase? Apunikhan bhi Tar chela hobole ase?
|
|
\v 28 Tetia taikhan taike gali di kene koise, tumi to Tar chela ase, kintu amikhan to Moses laga chela ase.
|
|
\v 29 Amikhan jane agote Isor Moses logote kotha korise kintu eitu manu to amikhan najaneTai kot pora ahise.
|
|
\v 30 Tai taikhan ke jawab di koise, "Eitia to asorit ase, je apunikhan Tai kot pora ahise najana, eitia amar soku bhal kori dise.
|
|
\v 31 Amikhan jane Isor paapi manu ke nahune, kintu kun Isor ke thik mane aru Tar icha kore, eitu khan ke hune.
|
|
\v 32 Prithibi suru pora eitia loiki kunu bhi jonom pora andha manu soku bhal kuri dia huna nai.
|
|
\v 33 Jodi eitu manu Isor pora aha nohoile, Tai eku bhi koribo na paribo."
|
|
\v 34 Taikhan taike jawab di koise, "Tumi to hosa ke paap pora jonom hoise, aru tumi amikhan ke sikhabole ase?" Titia aru taikhan tar naam ulaai dise.
|
|
\v 35 Jisu hunise, je taikhan heitu manu ke synagogue pora ulaai dise koikene, aru jetia Tai taike log paise, "Tai taike hudise, tumi Manu laga Putro ke biswas kore?"
|
|
\v 36 Tai jawab di koise, "Aru Tai kun ase, Probhu, je moi Taike biswas koribo karone?"
|
|
\v 37 Aru Jisu taike koise, "Taike dekhi loise, aru tumar logote kotha kori thaka eitu he Tai ase.
|
|
\v 38 Tetia tai koise, Probhu, moi biswas korise, aru tai Taike aradhana korise.
|
|
\v 39 Jisu koise, "Moi eitu prithibi ke bichar koribole ahise jun manu na dekhe eitu ke dekhibole, aru Jun manu dekhi thake eitu ke andha kori dibole."
|
|
\v 40 Kunuba Pharisee khan Tar logote asele taikhan eitu kotha huni, "Taike koise, amikhan bhi andha ase?"
|
|
\v 41 Jisu taikhan ke koise, "Jodi tumikhan andha ase, hoile tumar paap na thakibole asele, kintu eitia tumikhan koi ase, amikhan dekhi ase karone tumar paap thakise."
|
|
\c 10
|
|
\v 1 "Hosa, hosa, Moi tumikhan ke kobo, kun bhi mer rakhia gate pora na ghusi kene, kintu dusra rasta pora ghusibo eitu khan chor aru dakoit ase.
|
|
\v 2 Kintu jun gate pora ghusibo heitu mer roikhya ase.
|
|
\v 3 Tai karone gate khuli dibo, aru mer bilak tar awaaz hunibo, aru tai nijor mer laga nam mati kene bahar loi jai thake.
|
|
\v 4 Aru jetia tai tar mer ke bahar kori loise, tai eitu khan laga age jai thake, aru mer khan pichhe ahi thake, kelemane eitu khan tar awaz jani thaka karone.
|
|
\v 5 Aru taikhan Najana manu laga pichhe te najabo, kintu polai jabo, kelemane heitu khan najana manu laga awaz najane,"
|
|
\v 6 Jisu eitu parable taikhan ke koise, kintu taikhan Tai ki koise heitu laga motlob bujhibo paria nai.
|
|
\v 7 Tetia Jisu taikhan ke aru koise, "Moi tumikhan ke hosa hosa kobo, Moi he mer laga gate ase.
|
|
\v 8 Moi pora agote jiman ahise sob chor aru dakoit ase, kintu mer bilak taikhan ke hunia nai.
|
|
\v 9 Moi he gate ase, jodi kunuba Moi pora ghusibo koile to tai Poritran pabo, aru bhitor bahar aha joa koribo, aru dana paabo.
|
|
\v 10 Chor khali chor koribole nohoi kintu morabo aru beya kuribole. Moi to eitu karone ahise, je taikhan jeevon pabole aru eitu ke bisi pabo karone.
|
|
\v 11 Moi bhal mer roikhia ase. Bhal mer roikhya to mer bilak karone nijor jaan die,
|
|
\v 12 Jun roikhya nohoi, aru mer malik bhi nohoi. Kintu nokor, jetia wolf aha dekhile merke chari kene polai jai, aru wolf he mer ke dhori loi, aru ephale-uphale kori thake.
|
|
\v 13 Kelemane tai nokor manu ase eitu karone polai jai, tai mer korone chinta na thake.
|
|
\v 14 Moi bhal mer roikhya ase, aru Moi nijor mer ke jane, aru Amar mer khan bhi Moike jane.
|
|
\v 15 Jeneka, Pitri Moike jane, Moi bhi Pitri ke jane, aru Moi mer karone Amar nijor jeevon di ase.
|
|
\v 16 Aru Amar dusra mer bhi ase jun eitu mer-jaga te na thake taikhan ke bhi Moi anibolage, aru taikhan'Amar awaz hunibo, aru tetia sob ekta mer jaga te aru mer roikhya bhi ekta te hobo.
|
|
\v 17 Amar Pitri Moike prem kore; kelemane Moi heitu wapos loi lobo karone Amar nijor jeevon di ase.
|
|
\v 18 Kun bhi eitu Moi pora shingibo na pare, kintu Moi he nije ke di ase dibole aru loi lobole bhi Moi adhikar ase, eitu hukum Moi laga Pitri pora paise."
|
|
\v 19 Eitu kotha karone Yahudi khan laga majote aru kotha ne milla hoise, aru apas te alag hoise.
|
|
\v 20 Aru bisi manu koi, "Tar logote saitan ase, aru Tai pagala ase. Kele Apunikhan Tar kotha huni ase?"
|
|
\v 21 Aru dusra koise, "Eitu kotha eneka manu laga nohoi jun logote saitan thakise. Kene ka soitan pora andha laga soku khuli dibo?"
|
|
\v 22 Aru eitu somoi Jerusalem te samarpan laga Purbb asele. Aru eitu thanda din laga niyom asele,
|
|
\v 23 aru Jisu solomon laga varanda koa girja te aha joa kori asele.
|
|
\v 24 Tetia Yahudi khan Taike gheri loise, aru Taike koise, "Apuni kiman der amikhan ke duvidha te rakhibole ase? jodi Apuni Khrista ase to amikhan ke koi dibi."
|
|
\v 25 Jisu taikhan ke jawab dise, "Moi tumikhan ke koi dise, aru tumikhan biswas kora nai. Ji kam Moi Amar Pitri naam te kori ase, eitu he Amar sakhi di ase.
|
|
\v 26 Kintu tumikhan biswas nokore; kelemane lumikhan Amar laga mer nohoi, jeneka Moi koisele.
|
|
\v 27 Amar laga mer Amar awaz hunes; Moi taikhan ke jane, aru taikhan Amar pichhe ahhi thake.
|
|
\v 28 Aru Moi taikhan ke anonto jeevon dai, aru taikhan ketia bhi na mori bo nohobo, aru kun bhi taikhan ke Amar hath pora chingi loi jabo na naparibo.
|
|
\v 29 Amar Pitri, Jun he heitu sob moike dise, heitu sob pora dangor, aru kun bhi Pitri laga hath pora heitu ke chingibo.
|
|
\v 30 Moi aru Amar Pitri ekta ase,
|
|
\v 31 Tetia Yahudi khan Taike pathor maribole pathor uthaisele.
|
|
\v 32 Jisu taikhan ke jawab dise, "Moi Amar Pitri pora tumikhan ke bhal kam dekhai dise eitu kun to kaam karone tumikhan Moike pathor maribole hoise?
|
|
\v 33 Yahudi khan Taike jawab dise, "Bhal kam karone amikhan Apuni ke pathor maribole nohoi, kintu Isor ke ninda kora, aru kelemane Tumi,manu hoi kene, nije ke Isor bonai thaka karone."
|
|
\v 34 Jisu taikhan ke jawab dise, "Eitu tumar khan niyom te likha nai, 'Moi koise, "tumikhan bhi Isor ase'''?
|
|
\v 35 Jodi Tai tumikhan ke Isor koile, kun khan logote Isor baiko ponchise, (aru pobitro kitab laga kotha khan to bhangi jabole nohoi),
|
|
\v 36 tumikhan Taike koi ase jun Pitri he pobitro bonai kene duniya te pothai dise, 'Tumi ninda, 'kelemane Moi koi ase, 'Moi Isor laga Putro'?
|
|
\v 37 Jodi Moi Ami Pitri laga kaam no kore, to Moike biswas no koribi.
|
|
\v 38 Kintu Moi kori ase, joti tumikhan Moike biswas nokorile, kaam to saai biswas koribi, to tumikhan jani lobo aru biswas kori lobo, je Pitri Moi ontor te aru Moi Tar ontor te."
|
|
\v 39 Karone taikhan Taike aru dhoribole hoise, Kintu Tai taikhan hath pora ulaai jaise.
|
|
\v 40 Aru Tai ekbar Jordan par jaga kote John prothom baptizma di thakisele tate jai kene thaki jaise.
|
|
\v 41 Tetia bisi manu Tar logote ahhi koise, "John to eku chinha dikha dia nai, kintu John Tar bikhoi kotha ji-ji koise, eitu sob hosa ase."
|
|
\v 42 Aru tate bisi manu Taike biswas kori loise.
|
|
\c 11
|
|
\v 1 Titea ekjon naam Lazarus koa bemar asele. Tai Bethany bosti laga ase, Mary aru tar bohini Martha.
|
|
\v 2 Aru Mary eitu to agote itra tel pora Probhu ke abhishek kori kene tar chuli pora Tar bhori ke mussi dia heitu he ase, aru bemar Lazarus tar bhai ase.
|
|
\v 3 Korone tar bohini manu pothai koise, "Probhu, kun ke apuni morom kore eitu bemar ase.
|
|
\v 4 Jetia Jisu eitu kotha hunise, Tai koise, "eitu bemar to mori jabole laga bemar nohoi, kintu Isor ke mahima aru Manu laga Putro ke mahima hobo korone ase."
|
|
\v 5 Aru Jisu Martha aru tar bohini aru Lazarus ke bhi morom kore.
|
|
\v 6 Aru jetia Tai hunise Lazarus bemar ase koikene, Jisu jot thakisele tate dui din aru thaki jaise.
|
|
\v 7 Tetia eitu pasote, Tai Tar chela khan ke koise, "ahibi amikhan Judia te aru jabo,"
|
|
\v 8 Tar chela khan Taike koise, "Rabbi, aji-kali Yahudi khan Apuni ke pathor maribole bisari ase, aru Apuni tate jabole ase?"
|
|
\v 9 Jisu jawab dise, "kele din te baroh ghanta nohoi? Jodi kunuba dinte, jaile tai thokar na khae, kelemane tai duniya laga ujjala ke pai thaka karone.
|
|
\v 10 Kintu jodi kunuba rati te jaile, to puhor tar logote na thaka karne thokar khae."
|
|
\v 11 Tai eitu khan kotha koi dia, pasote, Tai taikhan ke koise, amikhan laga sathi Lazarus ghumi ase, kintu Moi taike uthai dibole jabo."
|
|
\v 12 Tetia Tar chela khan koise, "Prabhu, jodi tai ghumi ase to bachi jabo."
|
|
\v 13 Jisu tar mori bole laga kotha he koise, kintu taikhan to aram pora ghumi thaka kotha he bhabise.
|
|
\v 14 Tetia Jisu taikhan ke saf koi dise, "Lazarus mori jaise.
|
|
\v 15 Moi khusi ase, tumikhan karone, je moi tate thaka nai karone tumikhan biswas kori lobo, kintu amikhan tar logote jabo.
|
|
\v 16 Tetia Thomas, jun ke Didymus bhi koi, tar sathi chela khan ke koise, "Ahibi amikhan bhi jabo Jisu logote moribo karone."
|
|
\v 17 Karone jetia Jisu ahise, to Tai janise, je taikhan taike kobor te rakhi dia char din hoise.
|
|
\v 18 Aru Bethany to Jerusalem usor ase dui kos he dur nisina te ase.
|
|
\v 19 Aru Yahudi khan bisi manu Martha aru Mary logote ahise, tar bhai karone mon aram kuri dibole.
|
|
\v 20 Tetia Martha, jetia hunise Jisu ahhi ase, log pabole jaise, kintu Mary to ghor te bohhi ase.
|
|
\v 21 Martha Jisu ke koise, "Probhu, jodi Apuni yate thakile, amar bhai na moribole asele.
|
|
\v 22 Kintu eitia bhi, Moi jane Apuni Isor ki mangi lebi Isor eitu Apuni ke dibo."
|
|
\v 23 Jisu taike koise, "Tumar bhai aru jinda hoi jabo."
|
|
\v 24 Martha Taike koise, "Moi jane tai aru ji uthibo hekh din te."
|
|
\v 25 Jisu taike koise, "Moi, he ji utha aru jeevon ase; jun Moike biswas koribo, jodi tai morilebi, jinda hobo;
|
|
\v 26 Aru jun bhi jinda thaki Moi ke biswas koribo moribo, tumi eitu kotha biswas kori?"
|
|
\v 27 Tai Jisu ke koise, "Hoi, Probhu, Moi biswas ase Apuni Khrista, Isor laga Putro, jun duniya te ahibole thaka."
|
|
\v 28 Aru tai eitu koi dia hoise, to tai jai jaise aru lukai kene tar bohini ke koise, "Sikha manu yate ahi ase, aru apuni ke mati ase."
|
|
\v 29 Tai eitu hunia loge uthi kene jaise, aru Tar logote ahi jaise.
|
|
\v 30 Etia loike Jisu bosti te poncha nai, kintu jote Martha Taike log korise tate he thakise.
|
|
\v 31 Tetia Yahudi khan, jun khan tar ghor te asele eitu khan tar mon aram kuri thakisele, tetia Mary joldi uthi kene joa dekhise, to tai kobor te jai kene kandibole jai ase eitu bhabi tar pichhe ahise.
|
|
\v 32 Jetia Mary Jisu jote asele tate ponchise, to tai Jisu ke dekhi Tar bhori te giri kene koise, "Probhu, joti Apuni yate thakile, amar bhai no moribole asele."
|
|
\v 33 Ketia Jisu tar kandia dekhise, aru Yahudi khan tar logote aha khan kandia dekhise to Tai Atma te bisi bhabise aru mon chinta hoise;
|
|
\v 34 aru Tai koise, "Tumikhan tai ke kote rakinse? "Taikhan Taike koise, "Probhu, ahi kene sabi."
|
|
\v 35 Jisu kandise.
|
|
\v 36 Tetia Yahudi khan koise, "Sabi kiman morom kore ase Lazarus ke!
|
|
\v 37 Kintu taikhan kunuba koise, "Tai agote andha manu laga soku bhal kori dia Tai eitu manu na hoi, eitu manu ke bhi moribo na dibo para nai?"
|
|
\v 38 Aru Jisu bisi mon dukh hoi kobor te ahise, eitu ekta gupha asele, aru ekta pathor pora dhaki rakhisele.
|
|
\v 39 Jisu koise, "Pathor ke hatai dibi, "Martha, mori joa laga bohini, Jisu ke koise, "Probhu, etia tu bocha gunthabo, chari din hoise."
|
|
\v 40 Jisu tarke koise, "Kele Moi tumi ke koa nohoi, jodi tumi biswas korile, tumi Isor laga mohima dekhibo?"
|
|
\v 41 Tetia taikhan pathor ke hatai dise, Jisu Tar soku upor uthai koise, "Pitri, Moi Tuma ke dhanyabad di ase, Apuni Amar prathana huni loa karone.
|
|
\v 42 Moi jane, je Apuni Moi ke hodai hune kintu Amar usor te thaka khan karone Apuni he Moi ke pothaise eitu jani kene biswas koribo karone Moi eitu koi dise.
|
|
\v 43 Tetia Tai eitu koi dia hoise, Tai jor pora hala kori koise, "Lazarus ulai ahibi."
|
|
\v 44 Tetia mora manu uiai ahise; aru bhori hath kapru pora bandi kene aru "tar mukh ekta gamcha pora dhaki asele, Jisu taikhan ke koise, khuh dibi aru ke jabo dibi."
|
|
\v 45 Tetia bisi Yahuti khan jun Mary logote ahise aru Jisu kam kuri dia dekhi kena, biswas kori loise.
|
|
\v 46 Kintu kunuba Pharise khan logote jai kene Jisu kam kori dia sob koi dise.
|
|
\v 47 Karone prodhan purohit aru Pharise khan sabha te joma hoi kotha korise, "Aamikhan ki korile bhal hobo? eitu manu bisi asorit kori ase.
|
|
\v 48 Jodi amikhan Taike eneka kori thakibo dile, sob manu Taike biswas kori jabo, aru Rome sipahi ahi amikhan laga jagah aru jati duita ke bhi ahi loi lobo.
|
|
\v 49 Aru taikhan laga majote ekjon manu nam Caipha ase, eitu sal pora prodhan purohit kam kori asele, taikhan ke koise tumikhan eku najane.
|
|
\v 50 Sob manu nost hoa pora ekjon mori joa he bhal hobo, eitu bhi tumikhan na bhabe."
|
|
\v 51 Eitu tar nijor pora koa nohoi, kintu eitu sal pora tai maha purohit kaam kori ase, eitu karone tai prophesied korise, je Jisu he eitu jati manu karone moribo;
|
|
\v 52 Aru khali heitu jati karone he nohoi, kintu Isor laga khandan khan, ephale-uphale hoi thaka khan sob ke bisari ekta koribole ase.
|
|
\v 53 Tetia taikhan eitu din pora Tai ke morai dibole bisari thakise.
|
|
\v 54 Karone Jisu eitia pora Yahudi khan majote khula ne bera hoise, kintu tate pora jungle usor te Efraim eneka ekta des te Tar chela ke loi tate thaki jaise.
|
|
\v 55 Aru Yahudi laga Nistar usor asele, tetia bosti pora bisi manu nije ke pobitro koribole Nistar agote Jerusalem jaise.
|
|
\v 56 Tetia taikhan tate Jisu ke bisarise, aru girja te joma hoi kene koise, apunikhan ki bhabi ase? Tai eitu purb te nahhibo?
|
|
\v 57 Aru prodhan purohit aru Pharisee khan pora hukum di rakhise, je Tai jot ase janile khobor dibi Taike dhoribole.
|
|
\c 12
|
|
\v 1 Tetia, Nistar, laga choe din agote Jisu Bethany te ahise, jote Lazarus, Jisu Tai he mora pora jinda korise, thakise.
|
|
\v 2 Taikhan Tai karone rati laga kha loa bonai dise, aru Martha seva korise, kintu Lazarus bhi tate ekjon table te Jisu logote bohi asele,
|
|
\v 3 Tetia Mary to adha litra bisi dam tel ani kene Jisu bhori te lagai dise, aru tar nijor chuli pora Tar bhori ke mussi dise, aru litra tel laga gun pora pura ghor bhorta hoise.
|
|
\v 4 Kintu Judas iscariot ekjon Tar chela ase, jun Taike thokabole ase, koise.
|
|
\v 5 "Eitu litra tel tin sou dinar pora bikrikori kene kele dukhia khan ke dia nai?"
|
|
\v 6 Tetia Tai eitu koise, dukhia khan ke chinta karone koa nohoi, kintu tai chor asele, aru taikhan laga poisa jhola bhi tar logote ase, aru tate ji halibo tai heitu ke ulaai kene loi loe.
|
|
\v 7 Karone Jisu koise, "Ekala tar ke chari dibi. Tai Amar moidam dia din karone rakhibo dibi,
|
|
\v 8 Kelemane dukhia khan tumar logote hodae thakibo, kintu Moi tumar logote hodae na thakibo."
|
|
\v 9 Tetia bisi Yahudi manu khan janise je Jisu tate ase, aru taikhan ahise, ekla Jisu karne aha nohoi, kintu jun ke Tai mora pora jinda kurise heitu Lazarus ke bhi sabole ahise.
|
|
\v 10 Kintu prodhan purohit khan Lazarus ke bhi morai dibole bhabisele;
|
|
\v 11 kelemane Yahudi khan bisi manu tar karne jai jaise, aru Jisu ke biswas kori loise.
|
|
\v 12 Dusra din bisi bhir manu khan ahise purbb te, taikhan hunise Jisu Jerusalem te ahhi ase.
|
|
\v 13 Taikhan palm gos laga dal ulai loi ani kene Taike log koribole ahise hala kuri koise, "Hosanna Probhu laga nam loi aha Israel laga Raja, dhoinyo ase. "
|
|
\v 14 Tetia Jisu ekta gadha bacha pai kene heitu te bohi jaise; jeneka likha ase.
|
|
\v 15 "Bhoi no koribi, Zion laga soali, sabi, tumar Raja ahi ase, gadha bacha upor te bohhi kene.
|
|
\v 16 Tar chela khan bujhibo paria nai suru te; kintu jetia Jisu mohima hoise to taikhan bhabona ahise, eitu Tar nimite likha asele, aru manu khan Tar uporte eneka koridia bhabona ahise.
|
|
\v 17 Tetia bhir khan gawahi dise taikhan Tar logote asele jetia Tai Lazarus ke matise kobor pora ulai kene mora pora jinda kori loise koikene
|
|
\v 18 Karone bhir manu khan Taike log koribole ahise, kelemane taikhan hunise Tai eitu chinha dikhaise.
|
|
\v 19 Tetia Pharisee khan apaste kotha korise, "Sabi, tumikhan eku bhi koribo na paribo; sabi, prithibi Tar pichhe ahi ase."
|
|
\v 20 Tetia aradhana koribole purbb te aha khan majote kunuba Yunani bhi asele.
|
|
\v 21 Karone eitu manu Philip logote ahise, jun to Galilee jagah Bethsaida te thaka, tai ke hutise, koise, "Saheb, amikhan Jisu ke sabole mon korise."
|
|
\v 22 Philip ahi Andrew ke koise; Andrew aru Philip, he Jisu ke koi dise.
|
|
\v 23 Kintu Jisu taikhan ke jawab dise koise, "Eitu somoi Manu laga Putro ke mohima hobole ahise.
|
|
\v 24 Hosa, hosa,Moi tumikhan ke kobo, jetia loike ekta gehu dana matti te giri kene no moria, loike heitu ekla he thakie; kintu jodi heitu mori jaile, tetia bisi dana ulaai thake.
|
|
\v 25 Jun nijor jeevon morom kore eitu harai dibo; kintu jun eitu duniya te nijor jeevon morom nokoribo, tai anonto jeevon karone bachibo.
|
|
\v 26 Jodi kun Moike seva koribo, Amar pichhe ahhibi; aru Moi jot thakibo tate Amar sevak bhi thakibo. Joti kun Moike seva koribo, Pitri bhi taike sonman koribo.
|
|
\v 27 Etia Amar Atma bisi chinda ase aru Moi ki kobo? Pitri, Moike eitu somoi te bachabi'? kintu eitu somoi karone he Moi ahi ponchise.
|
|
\v 28 Pitri, mohima hobi Tumar naam. "Tetia sorgote ekta awaaz ahi koise, "Moi heitu agote mohima korise, aru bhi mohima kori dibo."
|
|
\v 29 Tetia tate khara thaka khan huni koise bijali marise. Dusra pora koise. "Sorgo doot Tar logote kotha kori ase."
|
|
\v 30 Jisu koise, "Eitu awaaz Moi karone nohoi, kintu tumikhan nimite.
|
|
\v 31 Etia eitu prithibi ke bichar kori ase; Eitia eitu prithibi laga raja ke hatai dibo.
|
|
\v 32 Jetia Moike eitu prithibi pora uthai loi jabo, Moi Amar manu sob ke tani loi jabo.
|
|
\v 33 Kintu Tai koise eitu dikha bole keneka pora tai moribo.
|
|
\v 34 Tetia bhir khan Taike koise, "Amikhan hunisele niyom te, Khrista hodae thakibo. Keneka Apuni koi ase, 'Manu laga Putro ke upor loi jabo'? Kun eitu Manu laga Putro ase?"
|
|
\v 35 Aru Jisu Taikhan ke koise, "Olop somoi karone puhor tumar logote ase. Jetia loike puhor tumar logote ase birai thakibi, andhara tumar logote ponchia agete, aru jun andhara te berai thake, tai kote jae najane.
|
|
\v 36 Jetia loike tumar logote puhor ase, biswas koribi puhor ke tetia tumikhan puhor laga chokra khan hobo. "Jisu eitu khan koise aru taikhan pora lukki jai jaise.
|
|
\v 37 Aru Tai Taikhan ke bisi asorit chinha dekhaise, hoilebhi taikhan Taike biswas kora nai.
|
|
\v 38 Agote Isaiah bhabobadi koa sob-hobole, juntu tai koise; "Probhu, kun amar koidia biswas korise, Aru Probhu laga auzar kun ke dekhai dise?"
|
|
\v 39 Karone Taikhan biswas koribo para nai, Isaiah bhi koise.
|
|
\v 40 "Tar hai taikhan soku andha kuri dise, aru tar taikhan mon tan kuri dise; nahole taikhan soku pora sai aru mon pora bujibo pare taikhan, aru ghuribi,aru Moi taikhan ke bhal kuri dibo.
|
|
\v 41 Isaiah eitu kotha koise kelemane tai Jisu laga mohima dekhise aru Tar nimite koise.
|
|
\v 42 Kintu inaka hoilebi, bisi solawta khan Jisu ke biswas kori loise; kintu Pharisees khan karone, taikhan swekar kura nai taikhan synagogue pora ulaai dibo bhoi pora khuli dekhai dia nai.
|
|
\v 43 Kelemane taikhan Isor prosansa pora, manu laga prosonsa he bhal pai.
|
|
\v 44 Tetia Jisu jor pora koise, "Kun Moike biswas kori, biswas Moike ke he nohoi kintu Moike photai dia ke bhi biswas koribi,
|
|
\v 45 aru jun Moike dekhise Moike phothai dia ke bhi dekhise.
|
|
\v 46 Moi duniya te puhor hoi ahise, jun moike biswas kore tai andhara te na thakibo.
|
|
\v 47 Jodi kunuba Amar kotha huni kene na mane, Moi tai ke bichar no kore; kelemane Moi duniya ke bichar koribole aha nohoi, kintu duniya ke bachabole he ahise.
|
|
\v 48 Jun Moike aswekar kore, aru Amar kotha grohon no kore, heitu ke bichar koribole ekta ase, motlob ji kotha Moi koi dise heitu he hekh din te taike bichar koribo.
|
|
\v 49 Kelemane Moi nijor pora kotha koa nohoi, kintu Pitri jun he Moike pothaise eitu he Moike hukum dise je ki jonai dibo lage aru ki kobo lage.
|
|
\v 50 Moi jane Tar laga hukum anonto jeevon ase, eitu Moi thik pora jani ase, eitu karone Moi ki koi ase eitu Pitri he Moike koi dia ke he koi thake."
|
|
\c 13
|
|
\v 1 Etia Nistar purbb din agote, Jisu Tai jani loise, eitu duniya chhari Pitri logote jabole somoi ahise. Tai nijor manu khan jun eitu duniya te ase, heitu khan ke Tai morom kori ahise, aru teneka hekh tok morom korise.
|
|
\v 2 Aru jetia raati laga kha loa hoise, Iscariot Judas Simon laga chokra mon te soitan ghusi kene dhekise, Jisu ke dhokai dibole.
|
|
\v 3 Tai jani loise Pitri he sob jiniskhan Tar ke dise, aru Isor pora ahise aru Isor logote jabole ase.
|
|
\v 4 Tai kha loa somoi te uthi kena Tai nijor kapur ullai rakhi kene. Ekta gamcha loi Tar nijor komor bandi loise.
|
|
\v 5 Tetia Tai borton te pani hali kene chela khan laga bhori dhui kene aru gamcha Tar komor te bandi thaka ke loi taikhan laga bhori mussi jaise.
|
|
\v 6 Jetia Tai Simon Peter logote ponchise, Peter Taike koise, "Probhu, Apuni amar bhori dhubo?"
|
|
\v 7 Jisu taike jawab di koise, "Moi ki kori ase eitu eitia tumi najane, kintu eitu pasote tumi jani jabo."
|
|
\v 8 Peter Taike koise, "Apuni ke amar bhori dhubo nidibo," Jisu taike koise, "Jodi Moi tumike nudhule, tumi Moi phale eku bhi hisa nai."
|
|
\v 9 Simon Peter Taike koise, "Probhu, khali amar bhori he nohoi, kintu haath aru matha bhi dhui dibi."
|
|
\v 10 Jisu taike koise, "Jun goadhua hoise heitu khali bhori he dhuile hoise, baki sob sapha ase, aru tumikhan sapha ase; kintu tumikhan sob nohoi."
|
|
\v 11 (Kelemane Jisu jania kun Taike dhori bole ase; eitu korone Tai koise," Tumikhan sob sapha nohoi.)
|
|
\v 12 Jetia Tai taikhan laga bhori dhuwa hoise to Tai nijor kapur lagai loise aru bohi jaise, aru taikhan ke koise,"Tumikhan bujhise Moi ke ki korise tumikhan karone?
|
|
\v 13 Tumikhan Moike 'Sikha manu'aru'Probhu,'aru tumikhan thik koi ase, kelemane Moi heitu he ase.
|
|
\v 14 Jodi Moi Sikha manu aru Probhu, hoi kene tumar bhori dhuile, to tumi khan bhi ekjon-ekjon laga bhori dhubo lage.
|
|
\v 15 Kelemane Moi tumikhan ke motlab dikhai dise, tumikhan bhi teneka kori thakibi.
|
|
\v 16 Hosa,hosa, Moi tumikhan ke kobo, noukor tar malik pora dangor nohoi; aru jun ke pothaise eitu tai ke pothai dia pora dangor nohoi.
|
|
\v 17 Jodi tumikhan eitu jani, tumikhan dhoinyo hobo aru mani thakile.
|
|
\v 18 Moi tumikhan sob laga kotha koa nohoi; Moi jun ke basi loise taikhan ke jane, kintu pobitro kitab he pura hobo karone ase; Jun Amar logote roti khaise, eitu he Moi ke laat marise.
|
|
\v 19 Moi tumikhan ke etia eitu nohoa agote koi dibo karone eitu jetia hobo, tumikhan biswas kuribo Moi ase.
|
|
\v 20 Hosa, hosa, Moi tumikhan ke kobo, jun grohon kuribo Moi potha ke, Moike grohon korase, aru jun Moike grohon korise, tai Moike potha ke grohon kori loise."
|
|
\v 21 Jetia Jisu eitu sob koa hoise,Tai Atma bisi dukh hoise. Tai gawa-di koise,"Hosa, hosa, Moi tumikhan ke kobo tumar majote ekjon Moike thokai dibo."
|
|
\v 22 Chela khan ekjon-ekjon ke saise, asurit hoi kene koise eitu kun hobo.
|
|
\v 23 Kintu Tar chela te ekjon, jun ke Jisu morom kore, eitu Jisu laga 'usor. Table te matha niche kuri bohi asele.
|
|
\v 24 Karone Simon Peter taike ishara koise, "Tai kun laga kotha koi ase amikhan ke koi dibi koikene."
|
|
\v 25 Tetia tai teneka Jisu chati usor te niche kori kene Jisu koise, "Probhu, eitu kun ase?"
|
|
\v 26 Jisu koise, "Eitu jun ke Moi roti bhejai kene dibo eitu he tai ase," Aru Tai ekta roti uthai aru bhejai kene Simon laga putro Iscariot Judas ke dise.
|
|
\v 27 Aru tai eitu roti loa pasote Soitan tar mon te ghussi jaise, tetia Jisu taike koise, Tumi ki koribole ase joldi koribi."
|
|
\v 28 Kintu table usor te bohha khan kunu bhi Tai eitu kotha taike kele koise eitu bujhibo paria nai.
|
|
\v 29 Kunuba bhabise, Judas hath te paisa laga jhola thaka karone, Jisu tai ke koise,"Kiba kinibi amar khan lage festival karne, "nohole dukhia khan ke kiba dibole.
|
|
\v 30 Jetia tai roti loise to joldi bahar ulaai jaise, aru eitu somoi rati asele.
|
|
\v 31 Karone, jetia Judas ulaai jaise, Jisu koise, Tetia Manu laga Putro mohima hoise, aru Tar pora Isor mohima hoise.
|
|
\v 32 Isor pora tar ke mohima kuribo Tai nijor aru Taike joldi mohima hobo dibo.
|
|
\v 33 Chutu bacha khan, Moi olop somoi tumar logote ase. Tumikhan Moike bisaribo, aru Moi Yahudi khan ke koa nisina, 'Moi jot jai ase, tate tumikhan ahhibo na panbo, Eitia Moi pora tumikhan ke koi ase.
|
|
\v 34 Moi tumikhan ke notun hukum di ase, je tumikhan ekjun-ekjun morom koribi; Moi tumikhan ke morom kora nisina, tumi bhi ekjun-ekjun ke morom koribi.
|
|
\v 35 Eitu karone sob manu pora tumikhan Amar chela koikene jani lobo, jodi tumikhan ekjun-ekjun morom kurile.
|
|
\v 36 Simon Peter Taike koise, "Probhu, Apuni kote jabole ase, Jisu taikhan koise, "Moi kote jabole ase, tumi etia Amar pichhe nahibi, kintu pasote tumi Amar pichhe te ahhibo."
|
|
\v 37 Peter Taike koise, "Probhu, kele, moi etia Tumar pichhe ahibo na pare? Moi to Tumar karone nijor jeevon bhi dibo."
|
|
\v 38 Jisu taike koise, "Tumi Moi nimitte tumar nijor jeevon dibo? Hosa, hosa, Moi tumi ke kobo, jetia loike tumi tini bar Moike najane kori no lobo; murga hala nokoribo.
|
|
\c 14
|
|
\v 1 Tumar mon chinta no hobi.Tumi Isor ke biswas koribi, Moi ke bhi biswas kuribi.
|
|
\v 2 Amar Pitri ghor te jagah bisi ase, jodi nohoi, to Moi tumikhan ke koi dibole, kelemane Moi tumar karone jagah taiyar koribole jai ase.
|
|
\v 3 Aru jodi Moi jai kene tumar karone jagah taiyar kori loile, Moi aru ahhi tumikhan ke loi jabo, aru jote Moi thakibo tate tumikhan ke bhi thakibo dibo.
|
|
\v 4 Tumikhan eitu rasta Jane Aru Jot Moi jai ase."
|
|
\v 5 Thomas Jisu ke koise, "Probhu, amikhan najane Apuni kote jai ase, tenehole moikhan keneka rasta janibo?
|
|
\v 6 Jisu taike koise, "Moi he rasta, aru hosa jeevon; kunu bhi Pitri logote jabo na pare Moi pora nohole.
|
|
\v 7 Jodi tumikhan Moike janile, Amar Pitri ke bhi janibole asele, aru etia pora jani loise, aru Taike dekhi loise.
|
|
\v 8 Philip Jisu ke koise, "Probhu, amikhan ke Pitri dikhai dibi, tetia amikhan karne kafi hobo."
|
|
\v 9 Jisu taike koise, "Moi eman din pora tumar logote ase eitia bhi tumi Moike jana nai, Philip? Jun Moike dekhise tai Pitri ke bhi dekhise. Keneka tumi koi ase, 'Pitri ke amikhan ke dikha bhi'?
|
|
\v 10 Tumi biswas na kuri Moi Pitri logot te aru Pitri Amar logot? Ji kotha Moi tumikhan ke koise, Moi nijor khusi pora koa nohoi, kintu Pitri he Amar logote thaki kaam kori thake.
|
|
\v 11 Biswas kuri bhi Moi Pitri logote , aru Pitri Amar logote biswas kuribi nohole kaam khan karone bhi Moike biswas koribi.
|
|
\v 12 Hosa, hosa, Moi tumikhan ke kobo, jun Moike biswas koribo, tai Moi ji kaam korise, tai bhi koribo, aru tai eitu pora bhi bisi dangor kam koribo kelemane Moi Pitri logote jai ase.
|
|
\v 13 Tumikhan Amar naam pora ki mangibo, eitu khan kuribo, karone Putro nimite Pitri ke mahima hobo karone.
|
|
\v 14 Jodi tumikhan Amar naam pora ji mangibo, Moi eitu kori dibo.
|
|
\v 15 Jodi tumikhan Moike morom korile, Amar hukum khan manibo.
|
|
\v 16 Aru Moi Pitri ke binti koribo, aru Tai tumar karone aru dusra ekta modot kora pothai dibo, heitu hodai tumikhan logote thaki jabo
|
|
\v 17 hosa laga Atma. Prithibi grohon na kori kelemane prithibi tai ke ne dekhe, aru na jane. Kintu tumikhan to jane, kelemane tai tumar logote thake aru tumar ontor te thake.
|
|
\v 18 Moi tumikhan ke anath hobo nidibo; Moi tumar logote ahibo.
|
|
\v 19 Olop homoi karone eitu duniya Moike na dekhibo, kintu tumikhan to Moike dekhibo, kelemane Moi jinda ase, aru tumikhan bhi.
|
|
\v 20 Heitu din tumikhan janibo. je Moi Priti logote, aru tumikhan Amar logote aru tumar logote Moi.
|
|
\v 21 Jun logote Amar hukum khan ase aru rakhi thaki, itu khan ase Moike morom kora, aru jun moike morom kore Pitri bhi taike morom koribo, aru Moi taike morom kuribo aru Moi nijor taike dekhai dibo.
|
|
\v 22 Judas(Iscariot nohoi) Jisu ke koise, "Probhu, Apuni nijor ke amikhan ke dekhai dibo, kintu prithibi ke nohoi itu keneka hobo?"
|
|
\v 23 Jisu jawab di taike koise, "Joti kunu bhi morom kore, tai Amar kotha rakhibo. Moi laga Priti taike morom koribo, Ami duijon bhi tar logote ahibo aru tar logote Amar ghor banai lobo.
|
|
\v 24 Jun Moike morom no kore, tai Amar kotha khan ke na rakhe, aru ji kotha tumikhan huni loise, eitu Amar kotha nohoi kintu Pitri laga ase, jun Moike pothaise.
|
|
\v 25 Moi eitu khan sob kotha koi dise, tumar logote thaka somoi.
|
|
\v 26 Keneka, Aram dibo Pobitro Atma jun Pitri he Amar naam pora pothai dibo tai sob tumikhan ke sikhai dibo, aru ji Moi tumikhan ke koise eitu sob tumikhan ke ako mon te ahibo dibo.
|
|
\v 27 Moi tumikhan ke santi rakhi dibo; Moi tumike dise Amar santi. Moi tumikhan na dibo jeneka prithibi dia. Tumar mon chinta no hobi aru bhoi nokoribi.
|
|
\v 28 Tumi hunise Moi tumike koa,' Moi jai ase, aru Moi tumar logote ahibo.' Jodi tumikhan Moike morom kori, to tumikhan eitu pora khusi hobo lage, Moi Pitri logote jai ase, kelemane Pitri Moi pora dangor ase.
|
|
\v 29 Eitu sob hoa age Moi tumikhan ke koi di ase, jetia eitu sob hoi jabo, tetia tumikhan biswas kori lobo.
|
|
\v 30 Moi tumikhan logote bisi kotha no koribo, kelemane eitu prithibi laga solawta ahhi ase. Tai Moike eku koribo na paribo,
|
|
\v 31 kintu Moi Pitri ke morom kora prithibi ke jonai dibo karone aru jeneka Pitri he Moike hukum dise eitu khan sob kori thake, Uthibi Amikhan yate pora jai jabo.
|
|
\c 15
|
|
\v 1 "Moi asol draikha ase, aru Amar Pitri kisan ase.
|
|
\v 2 Moi pora ulaa, ji daal hobi jodi phol nidile Tai heitu katti dibo, aru ji daal phol dibo Tai heitu ke aru bisi phol dibo karone bhal pora sai rakhi dibo,
|
|
\v 3 Moi tumikhan ke koi dia kotha pora tumikhan sapha hoise.
|
|
\v 4 Amar logote thakibi, tetia Moi bhi tumar logote thakibo, jodi daal gas te na thakile nijor phol dibo napare, teneka tumikhan bhi Amar logote na thakile phol dibo na paribo.
|
|
\v 5 Moi draikha aru tumikhan daal ase. Jun Amar logote thake aru Moi tar logote thake, tai bisi phol dibo, kelemane tumikhan Moi pora alag hoi kene eku koribo na pare.
|
|
\v 6 Jodi kunuba Amar logote na thake to daal nisina phekai dibo, aru sukhi jabo, aru manu eitu joma kori jui te di dibo, aru eitu khan ke jolai dia.
|
|
\v 7 Tumikhan Amar logote ase, aru Amar kotha tumar logote thakile, ki lage eitu mangibi, tetia eitu tumikhan karone kori dibo.
|
|
\v 8 Tumar phol bisi ulaile Pitri laga mohima hobo, aru eitu pora tumikhan Amar chela koribo paribo.
|
|
\v 9 Jeneka Pitri Moike morom korise, teneka Moi bhi tumikhan ke morom korise. Amar morom te thakibi.
|
|
\v 10 Jodi tumi Amar kukum manile Amar morom te thakibo, jeneka Moi pitri laga kotha mani aha aru Taike morom kori aha nisina.
|
|
\v 11 Moi eitu kotha tumikhan ke eitu karone koise, Amar anand tumar logote thakibole, aru tumar anand pura hobo karone.
|
|
\v 12 Eitu Amar hukum ase, tumikhan ekjun-ekjun ke morom kuribi jenaka Moi tumarkhan ke morom kuri.
|
|
\v 13 Kunuba tar sathikan karone nijor jeevon dia eitu pora dangor morom aru nai.
|
|
\v 14 Tumi Amar sathi ase jodi tumi Moi dia hukum mane. thakile.
|
|
\v 15 Aru to Moi tumikhan ke noukor khan namatibo, kelemane noukor tar malik ki kore najane. Kintu Moi tumikhan ke sathi koise, kelemane Moi ji kotha Amar Pitri pora hunise heitu sob tumikhan ke koi dise.
|
|
\v 16 Tumikhan Moike basi loa nohoi, kintu Moi he tumikhan ke basi loise, aru tumikhan ke niyukt kori loise, tumar phol dhoribole aru thakibole, tumikhan Amar naam te Pitri ke mangibo Tai eitu tumikhan ke dibo.
|
|
\v 17 Eitu hukum Moi tumikhan ke di ase, je tumikhan ekjun-ekjun ke morom koribi.
|
|
\v 18 Jodi prithibi tumikhan ke ghin kori lebhi tumikhan jani ase, eitu tumar agote Moike ghin korise.
|
|
\v 19 Jodi tumikhan duniya laga ase, to duniya tumar nijor ase koi kene morom koribole asele, kintu tumikhan duniya laga nohoi, kintu Moi he eitu duniya pora tumikhan ke basi loise, kelemane duniya tuma ke ghin kore.
|
|
\v 20 Bhabhibi tuma ke Moi koa, 'ekta noukor tar malik pora dangor nohoi. Joti taikhan Moike duk dile, taikhan pora tumikhan ke bhi duk dibo; jodi taikhan Amar kotha manile tumar kotha bhi manibo.
|
|
\v 21 Kintu Moi karone eitu sob tumikhan uporte koribo, kelemane taikhan Moike pothai dia ke na jane.
|
|
\v 22 Jodi Moi nahile aru taikhan ke no koile, taikhan laga paap na thakibo asele, kintu etia taikhan nijor paap karon eku bahana nai.
|
|
\v 23 Jun Moike ghin korise tai Amar Pitri ke bhi ghin korise.
|
|
\v 24 Jodi Moi kunu ke bhi koribo napara kaam kori dikhai dia nai, hoile taikhan laga paap na thakibo asele, kintu eitia taikhan Moi kori dia khan ke dekhise, aru Moi aru Amar Pitri ke bhi ghin korise.
|
|
\v 25 Aru heitu taikhan laga niyom te likha asele, taikhan moike eku golti nathaki kene ghin korise, eitu pura hobo karone hoise.
|
|
\v 26 Jetia modot dia jun to Moi tumikhan logote pothabo mane Pitri pora aha hosa Atma eitu he Ami ke gawa dibo.
|
|
\v 27 Kintu tumikhan bhi gawa ase kelemane suru pora tumarkhan Amar logote ase.
|
|
\c 16
|
|
\v 1 "Moi eitu khan koi dise Tumikhan ke karone tumikhan na giribole.
|
|
\v 2 Tai khan tumikhan, ke synagogue pora ulaai dibo. Kintu somoi ahi ase, tumikhan ke morai dia khan bhabibo, ami Isor ke seva te daan di ase koikene.
|
|
\v 3 Taikhan tenaka sob kuribo kelemane taikhan Pitri aru Moike na jana.
|
|
\v 4 Kintu Moi tumikhan ke eitu khan sob koi dibo jetia taikhan laga somoi ahibo, tumikhan bhabona ahibo je Moi tumikhan ke koi dia, suru pora Moi tumikhan ke eitu karone koi dia nai, je Moi tumar logote thaka karone.
|
|
\v 5 Kintu Moi eitia Moike pothai dia logote jai ase, kintu kunu bhi Moike Apuni kote jabole ase hudia nai?'
|
|
\v 6 Kintu Moi tumikhan ke eitu kotha koa karone, tumikhan duk hoise.
|
|
\v 7 Kintu Moi tumikhan ke hosa kobo, Moi jaile tumikhan karone bhal hobo. Karone jodi Moi najaile, aram to tumar logote nahibo, kintu jodi Moi jaile, Moi tai ke tumarkhan karone pothai dibo.
|
|
\v 8 Aru jetia tai ahhibo, modot kura wala prithibi ke sabit kuribo paap ke misa kura, dhormik karone aru bichar karone thik kuribo.
|
|
\v 9 Paap karone , taikhan Moike biswas no kora nai;
|
|
\v 10 aru dhormik kotha kelemane Moi Pitri logote jai ase aru tumikhan Moike aru na dekhibo;
|
|
\v 11 aru bichar kotha, kelemane eitu duniya laga solawta khan ke bichar kuri loise.
|
|
\v 12 Moi etia bhi tumikhan ke bisi kotha kobole ase, kintu tumikhan etia eitu dhorjo koribo na paribo.
|
|
\v 13 Hoilebi jetia tai, hosa Atma, ahibo, tai tumikhan ke sob hosa rasta dekhai dibo, kelemane Tai nijor pora eku bhi nokoi, kintu tai ke huni loise Tai heitu he kobo, Tai ahibole thaka sob tumikhan ke koi dibo.
|
|
\v 14 Tai Moike mohima kori dibo, kelemane Tai Amar kotha ke loi tumikhan ke jonai dibo.
|
|
\v 15 Sob bostu Pitri laga ase eitu Moi laga ase. Eitu karone Moi koise, je Atma Amar kotha sob tumikhan ke jonai dibo.
|
|
\v 16 Olop somoi pasote tumikhan Moike ne dekhibo, aru olop somoi pasote tumikhan Moike aru dikhibo."
|
|
\v 17 Tetia Tar chela te kunuba ekjun-ekjun kotha korise, "Tai amikhan ki koi ase, 'Olop pasote tumikhan Moike na dekhibo, aru olop somoi pasote tumikhan Moike aru dekhibo,'aru, 'Kelemane Moi Amar Priti logotete jai ase'?
|
|
\v 18 Karone taikhan koise, "Eitu ki tai koi ase,'Olop somoi'? amikhan na jane."
|
|
\v 19 Jisu janise, je taikhan Taike hudibole mon kori ase, aru Tai koise tumikhan apaste te olop somoi pasot tumikhan moike na dekhibo, aru olop somoi pasot tumikhan aru Moi ke dekhibo koa laga kotha ke huda-hudi kori ase'?
|
|
\v 20 Hosa, hosa, Moi tumikhan ke kobo, tumikhan kandi aru duk koribo, kintu prithibi to anand koribo, tumikhan mon duk koribo, kintu tumar mon duk anand te ahi jabo.
|
|
\v 21 Jetia maiki jonom dibole somoi ahai to tai mon duk kori thake, kelemane tar dukh somoi aha karone, kintu jetia tai bacha ke jonom pai loi, to tar duk sob pahurijai kelemane ekjon eitu duniya te aha karone.
|
|
\v 22 Karon tumikhan etia mon duk kori ase, kintu Moi tumikhan ke aru log pabo, aru tumar mon khusi pabo, aru tumar anand kun bhi chingi loi najabo.
|
|
\v 23 Aru heitu din tumikhan Moike kiba bhi na hudibo. Hosa, hosa, Moi tumikhan ke kobo, jodi tumi Amar naam pora Pitri logote kiba mangile, Tai tumikhan ke dibo.
|
|
\v 24 Etia tok tumikhan Amar naam te eku bhi manga nai, Mangibi, aru tumi paijabo karone tumar khusi pura hobo.
|
|
\v 25 Moi eitu tumikhan ke dristant pora koi ase, kintu Moi tumikhan ke dristant nohoi kene khula- khuli pora Pitri laga kotha kobole somoi ahhi ase.
|
|
\v 26 Heitu din tumikhan Amar naam pora mangibo, aru Moi tumikhan karone Pitri pora mangibo, eneka Moi koa nohoi.
|
|
\v 27 Kelemane pitri nijor tumikhan ke morom kore, aru tumikhan Moike morom korise, aru Moi Pitri pora ahaa, eitu tumikhan biswas kora karone.
|
|
\v 28 Moi Pitri pora ahise, aru Moi duniya te ahise. Ako, Moi duniya chari kene Pitri logote jabole ase."
|
|
\v 29 Tar chela khan koise, "Sabi, etia to Apuni dristant pora nohoi kintu khula-khuli koi ase.
|
|
\v 30 Etia amikhan jani loise, je Apuni sob jane, aru kunu bhi Apuni ke hudibo na para. Eitu khan nimite, amikhan biswas kori ase Apuni Isor pora ahise."
|
|
\v 31 Jisu taikhan ke hudise, "Tumikhan etia biswas kori ase?
|
|
\v 32 Sabi, eitu somoi ahhi ase, hoi ahhi jaise, jetia tumikhan sob ephale- uphale hoi kene nijor ghor te jai jabo, aru Moike ekla chhari dibo. Hoile bhi Moi ekla nohoi kelemane Pitri Mor logote ase.
|
|
\v 33 Moi tumikhan ke eitu kotha koi dise karone tumikhan Moi pora santi paabo. eitu prithibi te dukh paabo, kintu anand koribi, Moi prithibi upor te jiti loise."s
|
|
\c 17
|
|
\v 1 Jisu eitu sob kotha koi dia pasote Tar suku upor uthai sorgo sai, kene koise, "Pitri, somoi ahi ponchise, Putro pora Tuma ke mohima koribo karone Putro ke mohima kori dibi.
|
|
\v 2 Jeneka Apuni he sob manu ke Tar hath te adhikaar dise eitu te jun khan ke Apuni Taike dise, sob ke anonto jeevon dibi.
|
|
\v 3 Aru taikhan ke Apuni he hosa Isor ase, aru dusra kunu nai, aru Apuni he pothai dia Jisu Khrista itu he anonto jeevon ase, janibo dibi.
|
|
\v 4 Moi eitu prithibi te Tumar ke mohima kuri dise. Moi kam khotom hoise je Apuni he Moike koribole dia.
|
|
\v 5 Etia, Pitri eitu duniya bona agote Moi Tumar logote mohima hobole thaka heitu ke etia Tumar logotet mohima hobole dibi.
|
|
\v 6 Moi Tumar nam taikhan ke dekhai dia kori dise, jun khan Apuni he duniya pora Moike dise, taikhan Tumar asele aru Apuni he taikhan ke Moike dise aru taikhan Tumar kotha mani loise.
|
|
\v 7 Etia taikhan jani loise, sob to Apuni Moike dise, sob Tumar pora ahise koikene,
|
|
\v 8 kelemane ji kotha Apuni Moike dise. Moi taikhan ke koi dise, aru taikhan grohon kori loise, aru Moi, Tumar pora aha hosa ke jani loise, aru Apuni he Moike pothaise heitu ke biswas kori loise.
|
|
\v 9 Moi taikhan karone prathana kori ase. Moi eitu duniya karne kora nai, kintu jun khan Apuni Moike dise, kelemane taikhan Tumar ase.
|
|
\v 10 Aru Amar laga ke ase, sob Tumar ase aru ke Tumar ase, sob Amar ase, aru Moi eitu pora mohima hoise.
|
|
\v 11 Etia Moi duniya te bisi din na thakibo, kintu eitu khan to duniya laga manu ase, aru Moi to Tumar logote ahi ase. Pobitro Pitri, Apuni naam pora rakhi lobi je Apuni Moi ke dise karone taikhan bhi ekta hobo dibi jeneka Amarkhan bhi ekta ase.
|
|
\v 12 Jetia loike Moi taikhan logote ase, Moi Tumar nam pora, ji Apuni Moike dise heitu khan roikhya kori aru taikhan kunu ke bhi harai dia nai, ekla khotom hobo thaka ke nohole, jeneka pobitro kitab te likha pura hobo karone hoise.
|
|
\v 13 Kintu etia Moi Tumar logote ahi ase, aru Amar anand taikhan monte pura hobo karne Moi eitu duniya te thaka somoi te koi dise.
|
|
\v 14 Moi Tumar kotha taikhan ke koi dise, aru prithibi taikhan ke ghin korise, kelemane jeneka Moi prithibi laga nohoi teneka taikhan bhi prithibi laga nohoi.
|
|
\v 15 Moi taikhan ke eitu duniya pora uthai loi jabi, koikene prathana kora nohoi, kintu taikhan ke beya khan pora bachai rakhibi koikene binti kori ase.
|
|
\v 16 Taikhan prithibi laga nohoi, Jeneka Moi prithibi laga nohoi .
|
|
\v 17 Taikhan ke Tumar hosa pora pobitro kori lobi Tumar kotha hosa ase.
|
|
\v 18 Jeneka Apuni Moike duniya te pothaise, teneka Moi bhi taikhan ke duniya te pothai dise.
|
|
\v 19 Aru taikhan karone Moi nije ke pobitro rakhise, taikhan bhi hosa pora pobitro hobo karone.
|
|
\v 20 Moi khali eitu karone binti kora nohoi, kintu taikhan ke bhi, jun khan taikhan kotha pora Moike biswas koribo sob karne binti ase
|
|
\v 21 taikhan ke bhi ekta hobole, jenaka Apuni, Pitri, Moi Tumar logote aru Apuni Amar logote thaka nisina taikhan bhi Amar logote thakibole Apuni he Moike pothaise koikene duniya ke biswas hobole dibi.
|
|
\v 22 Aru mohima Apuni he Moike dise, Moi taikhan ke di dise, karone taikhan bhi ekta hobole, jeneka Amikhan ekta ase.
|
|
\v 23 Moi taikhan logote, aru Apuni Amar logote, taikhan ekta hobole, aru Apuni he Moike pothai se koikene duniya he janibole, aru Apuni Moike morom kora nisina, taikhan ke bhi morom korise.
|
|
\v 24 Pitri, Amar icha ase jun khan Apuni Moike dise, eitu khan bhi jote Moi thakibo tate Mor logote thakibole, tenehole taikhan Moi laga eitu mohima ke dekhibo, mane duniya bona agote Apuni Moike prem kori ahise.
|
|
\v 25 Dharmik Pita, duniya Apuni ke jana nai, kintu Moi Apuni ke jane; aru eitu khan to Apuni he Moike pothaise jani loise.
|
|
\v 26 Aru Moi Tumar naam taikhan ke koi dise, aru koi thakibo, ji morom Apuni he Moike dise, eitu morom taikhan monte thakibole, aru Moi taikhan logote thakibole.
|
|
\c 18
|
|
\v 1 Tetia Jisu eitu kotha koi dia pasote, Tai chela khan ke loi Kidron pahar kinar para jaise, tate ekta bagan asele, tate Tai aru Tar chela khan jaise.
|
|
\v 2 Tetia Judas, jun Taike thokai dibole thaka, bhi heitu jagah jane, kelemane Jisu Tar chela khan loi tate jai thake.
|
|
\v 3 Tetia Judas, sipahi laga group aru prodhan purohit aru Pharisees aru sonteri khan loi lanterns, torches, aru hathiar loi ahise.
|
|
\v 4 Tetia Jisu, eitu sob Tar upor ahibo thaka jani kene, Tai taikhan logote ahi taikhan ke hudise," Tumikhan kun ke bisari ase?"
|
|
\v 5 Taikhan Taike jawab dise, "Nazareth Jisu ke. "Jisu taikhan ke koise, "Moi ase, "Kintu Judas, Taike thokai dibole aru dhoribo, thaka manu bhi sipahi khan logote khara thakise.
|
|
\v 6 Karone jetia Tai taikhan ke koise, "Moi ase, "Taikhan piche te hati kene mati te giri jaise.
|
|
\v 7 Tetia Tai aru taikhan ke aru hudise, "Kun ke tumikhan bisari ase?" Aru taikhan koise, "Nazareth Jisu ke."
|
|
\v 8 Jisu jawab dise, "Moi tumikhan ke koise Moi ase. Jodi tumikhan Moike bisari ase, to agote eitu khan ke jabo dibi."
|
|
\v 9 Eitu pura kuri bole karone hoise jun to kotha Tai agote koisele; "Apuni Moike dia khan, Moi ekjon ke bhi harai dia nai."
|
|
\v 10 Tetia Simon Peter, jun logote talwar asele, eitu ulaai kene mahaa purohit noukor laga kaan katti dise, heitu noukor laga naam Malchus asele.
|
|
\v 11 Karone Jisu Peter ke koise, tumar talwar nijor jaga te rakhi dibi. juntu cup Pitri hai Moike dise, Moi eitu pora khabo na lage?
|
|
\v 12 Tetia sipahi khan aru taikhan laga sahab aru Yahudi khan laga solawta Jisu ke dhori loise aru Taike bandhi loise.
|
|
\v 13 Aru Taike loi prothom Annas logote jaise, tai Caiaphas laga sasur asele, jun he heitu saal pora mahaa purohit kaam kori asele.
|
|
\v 14 Aru eitu Caiaphas agote Yahudi khan ke nirdes disele, je sob manu nost hoa pora ekjon mori joa he bhal ase, koa tai he asele.
|
|
\v 15 Kintu Simon Peter Jisu pichha kori ahi asele, dusra ekjon chela bhi asele. Aru eitu chela to mahaa purohit, logote chinaki thakisele, karone tai Jisu logote mahaa purohit laga varanda te jaise.
|
|
\v 16 Kintu Peter to dorja laga bahaar te khara asele, tetia dusra chela jun he mahaa purohit logote chinaki asele bahar ahi dorja rukhia ke koi kene Peter ke bhitor loi anise.
|
|
\v 17 Tetia eitu maikinoukor jun he dorja ke sai thake Peter ke koise, apuni bhi eitu manu laga chela nohoi? "Tai koise, "Moi to nohoi."
|
|
\v 18 Tetia noukor khan aru sahab khan thanda laga karone jui jolai tapi asele, aru Peter taikhan logote khara jui tapi thakise.
|
|
\v 19 Tetia mahaa purohit Jisu ke tar chela khan laga kotha aru tar updesh laga kotha hudise.
|
|
\v 20 Jisu taike jawab dise, "Moi khuli kene jogote ke koi dise, Moi hodai synagogue te aru girja te jot Yahudi khan joma thake tate shikai thakise, aru eku bhi lukai kene koa nai.
|
|
\v 21 Kele apuni Moike hudi ase? Hudibi jun hunise Moi taikhan koa. Sabi, taikhan sob jani ase ki Moi koise."
|
|
\v 22 Jetia Jisu eitu koise, to tate thaka ekjon sahap khara kuri Jisu ke thapar mari koise, "Kele Apuni mahaa purohit ke eneke jawab dibo?
|
|
\v 23 Jisu taike jawab dise,"Jodi Moi beya kotha koile, to eitu beya kotha laga sabut dibi, kintu jodi eitu thik ase hoile tumi Moike kele marise.?"
|
|
\v 24 Tetia Anna Tar hath bandi kene mahaa purohit Caiaphas logote pothai dise.
|
|
\v 25 Simon Peter khara hoi jui tapi thakisele. Tetia taikhan taike koise, "Apuni bhi Tar chela te ekjon nohoi? "Tai nohoi korise," Moi to nohoi."
|
|
\v 26 Mahaa purohit laga ekta noukor jun laga kaan Peter he kati disele eitu khandan manu ekjon, koise, "Apuni bhi Tar logote thaka moi bagaan te apuni ke dekha nohoi?
|
|
\v 27 Peter aru hohoi koise aru joldi murga hala kori dise.
|
|
\v 28 Tetia taikhan Jisu ke Caiaphas logote sorkar jagah te loi jaise kintu eitu somoi phujur asele, aru taikhan sorkar jagah te loi joa nai kelemane Nistar khabole thaka karone letra hoi jabo bhoi pora.
|
|
\v 29 Pilate taikhan logote ahi koise, "Tumikhan eitu manu ke golti lagai kene aru yate anise?"
|
|
\v 30 Taikhan taike jawab dikoise, "Jodi Tai beya kaam no korile, amikhan Taike apuni usor te loi nahibole asele."
|
|
\v 31 Karone Pilate taikhan ke koise, "Loi jabi tumikhan Taike, aru tumar niyom hisab pora Taike bichar koribi, "Karone Yahudi khan taike koise, amar niyom te kunu ke bhi morabole adhikar nai."
|
|
\v 32 Jisu Tai nijor keneka kori moribole ase, Tai nijor koi dia ke pura hobo karone eitu eneka hoise.
|
|
\v 33 Tetia Pilate aru sorkar bichar laga kamra te jai kene Jisu ke matise, aru Taike koise, "Apuni Yahudi laga Raja ase?"
|
|
\v 34 Jisu taike jawab dise, "Eitu kotha apuni nije koi ase, na kunuba Amar kotha apuni ke koise?"
|
|
\v 35 Pilate jawab dise, "Moi Yahudi nohoi, Moi? Tumar jati aru prodhan purohit khan he Apuni ke amar hath te dise, Apuni ki kori dise?
|
|
\v 36 Jisu jawab dise, "Amar raijyo eitu duniya laga nohoi. Jodi eitu duniya laga hoile, manu pora Moike dhori kene Yahudi khan ke nidibo karone, Amar noukor khan larai koribo asele kintu Amar raijyo eitu duniya laga nohoi."
|
|
\v 37 Karone Pilate Taike koise, "Tenehole Tumi Raja ase? "Jisu koise, "Apuni thik koise, Moi raja ase. Kelemane eitu karone, Moi jonom loise aru ahise, je hosa laga gawahi dibo. karone, jun manu hosa te thake Amar awaz huni thake."
|
|
\v 38 Pilate Taike koise, "Hosa to ki ase? "Aru tai eitu koi kene Yahudi khan logote aru jaise aru koise, moi to Tar pora eku golti paa nai.
|
|
\v 39 Kintu tumar niyom eitu Nistar te moi pora ekjon ke tumar karone chari dibole ase, karone moi tumar Yahudi laga Raja ke chari dile tumar ichha hobo?"
|
|
\v 40 Tetia taikhan aru bisi halaa kori koise, "Eitu manu nohoi kintu Barabbas ke dibi, "Kintu Barabbas dakoit asele.
|
|
\c 19
|
|
\v 1 Tetia Pilate Jisu ke loi jai chabuk maribo dise.
|
|
\v 2 Aru sipahi khan katta mukut, taikhan Jisu laga matha te hali dise, aru baigni rong laga kapara Taike pindhai dise.
|
|
\v 3 Aru Tar usor te ahi Yahudi laga Rajaa salam koi kene Taike thapor marise.
|
|
\v 4 Tetia Pilate aru bahar ahi kene Taikhan ke koise, sabi, moi Tai pora eku golti paa nai karone tumikhan ke jonai dibole Taike loi tumikhan logote ahi ase.
|
|
\v 5 Tetia Jisu katta mukut aru baigni rong kapara lagai kene ahise. Pilate taikhan ke koise, "Sabi, manu to!"
|
|
\v 6 Jetia maha purohit aru sahap khan Jisu ke dekhi, taikhan jor pora hala kori koise, "Taike atkai dibi, latkai dibi Taike!" Pilate taikhan ke koise, "Tumikhan he Taike loi jai kene latkai dibi, kelemane moi to Tar pora eku golti paa nai."
|
|
\v 7 Yahudi khan taike jawab dise, "Amikhan bhi niyom ase, aru eitu niyom hisab te Tai moribo, lage, kelemane Tai nijor ke Isor laga Bacha koa karone."
|
|
\v 8 Karone jetia Pilate eitu kotha hunise, to tai aru bisi bhoi khai jaise.
|
|
\v 9 Aru tai sorkar laga bichar kamra te jaise, aru Jisu ke koise, "Apuni kot pora ahise? "Kintu Jisu taike eku jawab dia nai.
|
|
\v 10 Tetia Pilate Taike koise, "Apuni moike eku no kobo? Apuni moi na jane ke Moi chari dibole bhi hokti ase, aru Apuni ke latki dibole hokti ase?"
|
|
\v 11 Jisu taike koise, "Jodi apuni ke upor hokti nadile Amar logote eku adhikar na thakibole asele, karone jun Moike dhori kene tumar hath te dise eitu manu laga paap bisi hoise.
|
|
\v 12 Eitu jawab pora, Pilate Tai ke chari dibole bhabi sele, kintu Yahudi khan hala kori koise, "Jodi apuni eitu manu ke chhari dile, apuni Caisar laga mitro nohoi, kun tar nijor ke rajaa koribo, eitu Caesar birodhi ase."
|
|
\v 13 Jetia Pilate eitu kotha hunise, to tai Jisu ke loi bahar ulaise ani bichar ason te bohaise jagah ke mati"Pavement, "Kintu Ibrani, kotha te "Gabbatha koi."
|
|
\v 14 Eitu somoi Nistar laga taiyari din asele, aru choi ghanta somoi nisina asele, aru tai Yahudi khan ke koise, "Sabi, tumar Rajaa!"
|
|
\v 15 Kintu taikhan hala kori, "Taike loi jabi, Taike loi jabi; Taike latkai dibi!" Pilate taikhan ke koise, "Kele tumar Raja ke moi cross te dibo? "Prodhan purohit koise, "Amarkhan Caesar nohole kunu rajaa nai."
|
|
\v 16 Tetia tai Jisu ke cross te dibole taikhan hath te di dise, karone taikhan Jisu ke loi jaise.
|
|
\v 17 Aru Tai nijor cross loi kene ekta jagah te jaise mati "Skull koa, "Jun to Ibrani kotha te Golgotha koa ekta jagah te jaise.
|
|
\v 18 Tate taikhan Jisu ke cross te dise, aru dusra duijon ke bhi ekjun ephale aru dusra uphale kori, aru Jisu ke majote dise.
|
|
\v 19 Aru Pilate ekta dosh patra likhi kene cross te dise, aru eneka likha Jisu YAHUDI KHAN LAGA RAJAA."
|
|
\v 20 Karone, bisi Yahudi khan porhise, kelemane jote Jisu ke latkai dise eitu nogor usor te. Aru eitu chin to likha ase Ibrani, Latin aru Greek pora,
|
|
\v 21 Tetia mahaa purohit khan aru Yahudi khan Pilate ke koise,"Enaka na likhibi ,'Yahudi laga Raja, "Kintu Tai he nijor hai koi, 'Moi Yahudi laga Raja ase."''
|
|
\v 22 Pilate jawab dise, "Ki Moi likhise Moi likhi dise."
|
|
\v 23 Jetia sipahi khan Jisu ke cross te latkai dise aru Tar kapor khan char bhag kori sob sipahi ekta-ekta bhag kori loi loise, aru Tar kurta bhi, kintu kurta to bina siaai, upor pora niche tok bona asele.
|
|
\v 24 Karone tai khan apas te kotha kori, "Amikhan eitu kurta to na phatai kene chitti kheli kori kun nam te ullabo tai he loi lobo eneka koise, "Kelemane sastro te lekha taikhan amar kapor bhangai kori loise aru amar kurta loi chitti kheli loise eneka likha pura hobo karone enka hoise, karone sepahi khan taikhan kori loise,
|
|
\v 25 Kintu Jisu cross usor te Tar ama aru tar bohini clopa laga maiki Mary,aru Mary Magdalene khara asele.
|
|
\v 26 Jetia Jisu Tar ama ke aru jun ke Tai morom kore thake Tar chela Tate khara thaka dekhi ama ke koise, "Maiki, sabi, tumar putro.
|
|
\v 27 Tetia Tai chela ke bhi koise, "Sabi, tumar ama!" aru tetia itu chela eitu somoi pora taike loi tar nijor ghor te jaise.
|
|
\v 28 Eitu pasot, jani loise etia sob pura hoise sastro te likha khan, Jisu koise, "Moi pyaas lagise."
|
|
\v 29 Tate ekta daba te tenga pani bhorta rakhi asele, taikhan kopas te tenga pani te bhejai kene tar muk te dise.
|
|
\v 30 Karone jetia Jisu eitu tenga pani loise, Tai koise,"Eitu pura hoise, aru tar matha niche kori tar pran dise.
|
|
\v 31 Tetia Yahudi khan, kelemane eitu taiyari din asele, karone gao to cross narakhi bisram din te (kelemane bisram to khas din asele), Pilate logote hudise theng bhangai dibole aru taikhan ke namai dibole.
|
|
\v 32 tetia sipahi khan ahi prothom laga theng bhangai dise, aru dusra ke bhi jun ke Jisu logote latkai disele.
|
|
\v 33 Kintu jetia Taikhan Jisu usor te ahise, aru Tai mori joa dekhise to tar theng bhangai dia nai.
|
|
\v 34 Keneka, sipahi ekjon tar jathi loi tar pet te ghusai dise, aru joldi khun aru pani ulaise.
|
|
\v 35 Aru jun dekhise tai gawahi dise, aru tar gawa to hosa ase. Tai jane tai hosa koise, karone tumikhan bhi biswas koribi.
|
|
\v 36 Kelemane sastro, "Te tar hardi ekta bhi na bhangabo, eneka koa ke pura hobo karone eneka hoise."
|
|
\v 37 Aru, dusra sastro te koise, "Taikhan nijor jathi pora maridia ke nijor saabo."
|
|
\v 38 Eitu hoa pasot, Joseph Arimathia manu, jisu laga chela asele, (kintu Yahudi khan ke bhoi pora lukai thaki asele), Pilate logote ahi Jisu laga goa ke loi jabole mangise. Pilate taike dibole hukum dise. Karone Joseph ahi Jisu laga goa loi jaise.
|
|
\v 39 Nicodemus bhi ahisele, agote jun manu raati te Jisu logote ahisele. Tai anise myrrh aru aloes milai ekso pounds nisina anise.
|
|
\v 40 Tetia taikhan Jisu laga goa loi kene Yahudi laga moidam dia niyom anusar linen kapur loi bhalgun pora milai loise.
|
|
\v 41 Aru Jisu ke latkai dise tate ekta bagan asele, aru eitu bagan te ekta notun kobor asele, tate agote ketio kunu ke bhi rakhia nai.
|
|
\v 42 Aru eitu din Yahudi khan laga taiyari din asele, aru eitu kobor bisi dur bhi nohoi, karone taikhan Jisu ke tate rakhi dise.
|
|
\c 20
|
|
\v 1 Saptah laga prothom din, joldi jetia andhera asele, Mary Magdalene kobor te ahise, aru kobor pora pathor ke hatai dia dekhi paise.
|
|
\v 2 Tetia tai dauri ahi Simon Peter aru dusra chela jun ke Jisu laga priyo ase taikhan ke koise, "Manu khan Probhu ke kobor pora uthai loi jaise, aru amikhan najane Tai ke kote loi rakhi dise."
|
|
\v 3 Tetia Peter aru dusra chela duijon ulaai kene kobor te jaise.
|
|
\v 4 Aru duijon polai jai asele, to dusra chela Peter pora age kobor te ponchise.
|
|
\v 5 Aru tai jhuki kene bhitor saisele, to linen kapur thaka paise, kintu tai bhitor te joa nai.
|
|
\v 6 Tetia Simon Pete tar piche-piche ahise, aru kobor bhitor te jaise. Tai linen kapur tate thaka paise
|
|
\v 7 aru gamcha eitu Tar matha bandi rakhia to linen kapur logote nohoi kintu alag jaga te paise.
|
|
\v 8 Tetia dusra chela jun protham kobor te ponchisele, bhitor jaise aru dekhi kene biswas korise.
|
|
\v 9 Kelemane taikhan etia loike Tai mora pora jee uthi jabo lage, eneka pobitro kitab te koa ke bujhia nai.
|
|
\v 10 Tetia chela to nijor ghor te jai jaise.
|
|
\v 11 Kintu Mary to kobor bahar te khara kandi thakise, aru jhuki kene kobor bhitor te saai sele.
|
|
\v 12 Aru sorgo-doot duijon ujala kapara pindhi jote Jisu laga gao rakhise, tate ekjon matha phale aru dusra Tar bhori phale thaka paise.
|
|
\v 13 Tetia taikhan tar ke koise, "Maiki, kele tumi kandi ase? "Tar taikhan ke koise, "Kelemane amar Probhu ke uthai loi jaise, aru Taikhan Taike kote rakhi dise moi najane."
|
|
\v 14 Tai eitu koi kene pichhe phale saisele, to Jisu tate khara dekha paise, kintu tai eitu Jisu koikene jania nai.
|
|
\v 15 Jisu taike koise, "Maiki kele tumi kandi ase? Tumi kun ke bisari ase? "Tar maali bhabi kene Taike koise, "Sahab, jodi Apuni Tai ke loi jaise koile Taike kote rakhi dise moike koi dibi tenehole moi Taike loi jabo."
|
|
\v 16 Jisu tarke koise, "Mary," tar pichhe ghuri kene Taike koise Hebrew pora koise, "Rabboni" (mane Sikha manu").
|
|
\v 17 Jisu taike koise, Moike na chubi, kelemane Moi etia loike upor Pitri logote joa nai kintu Amar bhai khan logote jai koi dibi, Moi Amar Pitri aru tumar Isor bhi ase, Tar logote uporte jai ase."
|
|
\v 18 Mary Magdalene ahhi kene chela khan ke koise, "Moi Probhu," ke dekhise, aru Tai he moike eitu sob kotha koi dise.
|
|
\v 19 Karone, saptah laga prothom din saam te chela khan jote joma thakisele, taikhan Yahudi khan ke bhoi pora dorja bond kori rakhise, Jisu ahi taikhan majote khara hoise, aru taikhan ke koise, "Santi hobi tumikhan."
|
|
\v 20 Aru eitu koa pasote Tai hath aru Tar panjar taikhan ke dikhai dise, tetia taikhan Probhu ke dekhi anondo korise.
|
|
\v 21 Tetia Jisu koise, "Santi hobi tumikhan. Jeneka Pitri he Moike pothaise teneka Moi tumikhan ke pothai ase.
|
|
\v 22 Aru jetia Jisu eitu koi dise, Tai phuki dise, aru koise,Tumar khan "Pobitro Aatma loi lobi.
|
|
\v 23 Jodi tumikhan paap khyama kori dise, eitu khyama hoise aru jun laga paap rakhi dibo to thaki jabo."
|
|
\v 24 Kintu Jisu taikhan logote aha somoi Thomas Deduma bhi koa eitu chela tate thaka nai.
|
|
\v 25 Dusra chela koise taike, "Amikhan Probhu ke dekhise, "Kintu tai taikhan ke koise, "Jetia loike moi Tar hath te gojal daag ne dekhibo, aru nijor anguli pora gojal laga chenda te hat na dalibo, moi biswas no koribo."
|
|
\v 26 Aru ath din pasote Tar chela khan ghor te joma thakisele, aru Thomas bhi taikhan logote thakise. Jisu ahise aru dorja bond asele, aru taikhan majote khara thaki jaise, aru koise, "Santi hobi tumikhan."
|
|
\v 27 Tetia Tai Thomas ke koise, "Tumar anguli yate loi anibi aru Amar hath sabi. Aru tumar hath loi yate ani, aru Amar panjar te halibi aru obiswas nohobi, kintu biswas koribi."
|
|
\v 28 Aru Thomas Taike koise, "Amar Probhu aru amar Isor."
|
|
\v 29 Jisu taike koise, "Kelemane tumi Moike dekhi kene biswas korise. Dhoinyo ase jun khan dekhi nai, aru biswas kori loise.
|
|
\v 30 Jisu aru bhi bisi chinha Tar chela khan usor pora kori dia, eitu kitab te na likha aru bhi bisi ase.
|
|
\v 31 Kintu eitu sob likhi rakha kelemane, Jisu he Isor laga Putro ase eitu biswas koribole, aru biswas pora Tar naam te jeevon paabo karone ase.Amen.
|
|
\c 21
|
|
\v 1 Eitu hoa pasote Jisu Tar nije chelakhan ke dikhai dise Tiberias laga samundar kinar te aru dekhai dia eneka ase;
|
|
\v 2 Taikhan Simon Peter aru Didymus koa Thomas, aru Galilee Cana laga Nathanial aru Zebedee laga duijon Putro aru Tar chela khan kunuba bhi logote asele.
|
|
\v 3 Simon Peter taikhan ke koise, "Moi mas dhoribole jai ase." Taikhan taike koise amikhan bhi apuni logote jabo, tetia taikhan joldi jai kene ekta nao te bohhi jaise, kintu eitu rati taikhan eku bhi paa nai.
|
|
\v 4 Tetia, jetia phujur hoise, Jisu samundar kinar te khara asele, hoile bhi chela khan eitu Jisu ase koikene jania nai.
|
|
\v 5 Karone Jisu taikhan ke koise, jawan khan khabole kiba ase?" Taikhan Taike koise, "nai."
|
|
\v 6 Tetia Tai taikhan ke koise, nao laga dahina phale tumar jal hali dibi tetia tumikhan kiba pabo, tetia "Taikhan jal hali dise, to mas bisi dhori loa karone tanibo parise nai.
|
|
\v 7 Karone eitu chela jun ke Jisu morom kore eitu Peter ke koise, "Eitu Prabhu ase. "Jetia Simon Peter eitu kotha hunise eitu Probhu he ase koikene, tetia tai tar bahar (kapara khan ulaai kene), samundar te jaise.
|
|
\v 8 Kintu dusra chela khan to choto nao te ahise(kelemane taikhan kinar te jabole bisi dur nohoi, dui-sou hat lamba hat nisina he ase)aru taikhan mas bhorta thaka- jal ke tani ani loise.
|
|
\v 9 Jetia taikhan joldi mati te ahi jaise, to taikhan koila laga jui te mas rakhi thaka, aru roti dekhise.
|
|
\v 10 Jisu taikhan ke koise, "Anibi tumikhan eitia dhori loa pora olop mas.
|
|
\v 11 Simon Peter nao te jai kene bhorta mas dangor-dangor thaka jal ke mati te tani anise; tate bisi thaikise hoile bhi jal to phatia nai.
|
|
\v 12 Jisu taikhan ke koise, "Ahibi aru nashta kori lobi. "Kintu chela te kunu bhi Taike," Apuni kun ase?" Hudibo mon dangor kora nai, kelemane Tai he Probhu koikene taikhan na jani loa karne.
|
|
\v 13 Jisu ahi roti loi kene taikhan ke di dise, aru mas ke bhi.
|
|
\v 14 Eitu tisra bar asele Jisu Tai mori pora je uthia pasote chela khan ke dikhai dia.
|
|
\v 15 Jetia nashta kori loise, Jisu Simon Peter ke koise, "Simon Peter Jonah laga chakara, tumi eitu khan pora bhi Moike bisi morom kore? Peter Tai koise, "Hoi Probhu moi Apuni ke morom kora, Apuni jane. "Jisu taike koise, "Amar mer powali khan ke khelabi."
|
|
\v 16 Tai taike aru koise dusra bar, "Simon Jonah laga chokara, tumi Moike morom kore? "Peter Taike koise, "Hoi Probhu, Apuni he jane moi Apuni ke morom kore," Jisu taike. koise, "Amar mer ke roikhya koribi."
|
|
\v 17 Tai taike koise tisra bar, "Simon Jonah laga chokara, tumi Moike morom kore? "Peter udaas hoise kelemane Jisu taike tinpar koa karone, "Moi ke morom kore? Tai Tarke koise, "Probhu, Apuni he sob jane, moi Apuni ke morom kore. "Jisu taike koise, "Amar mer khan ke khelabi.
|
|
\v 18 Hosa, hosa, Moi tumi ke kobo, tumi jawan somoi te tumi nijor kommor bandi jote jabole mon kore tate jai thakisele, kintu jitia tumi burha hoi jabo tetia hath uthai kene dusra pora tumar kommor bandi loi tumi jot jabole mon nokore tate loijabo."
|
|
\v 19 Tetia Jisu eitu koa motlob Peter keneka kori mori kene Isor ke mohima koribole ase, eitu ke dekhai dibole koa hoise, aru Tai taike koise, Amar pichha koribi.
|
|
\v 20 Tetia Peter ghuri pichhe sai sele, to jun ke Jisu morom kore eitu chela jun bhoj kora somoi thik Jisu chati usor te jhuki kene hudise, "Probhu, kun Apuni ke dhoribole ase, koa eitu ahhi thakase?"
|
|
\v 21 Karone Peter taike dekhi Jisu ke koise, "Kintu Probhu, eitu manu keneka hobo?"
|
|
\v 22 Jisu taike koise, "Jodi Moi kobo Moi aru naha tok, taike thakibole dibo mon korile to tumi ki hoise? tumi Amar pichha koribi."
|
|
\v 23 Karone eitu chela no moribo koikene bhai khan majote kotha kori thakise, kintu Jisu taike eitu chela no moribo koa nai kintu, "Jodi Moi aru nahha tok taike thakibole dibo mon korile, tumi ki hoise?
|
|
\v 24 Heitu chela to jun he eitu kotha ke gawahi dise, aru eitu kotha ke likhi dia hoise, aru tar laga gawahi hosa ase, eitu amikhan jani ase.
|
|
\v 25 Kintu aru bhi bisi kaam ase, Jisu kori dia ke jodi eitu sob kotha ekta-ekta kori likhi jabo koile, amar bhabna te kitab likhibole eitu duniya te jagah na paabo. Amen.
|