BCS-BIBLE_IndianStandardVersion-Nagamese-NT/Stage 1/L234_Hebrews_1.SFM

\id HEB - Indian Revised Version (IRV) Nagamese
\c 1
\v 1 Pohila te Isor pora ami khan baba laga khandan khan logote alag-alag prophet khan pora kotha koise.
\v 2 Kintu eitu ses laga din te,Isor hai Teo laga chokora pora hai moi khan logote kotha korise,Teo ke sob saman uporte raj chola bole nimite bachi loise.teo pora hai,pura sristi bonai dise.
\v 3Teo Isor laga ekta mohima pora ujala kora ekjon ahse aru Teo keneka ahse eitu dekhai diya ekjon ahse.Teo laga kotha laga takot pora sob tu dhori kena rakhe.Jetiya Teo pap khan sapha kori dise,Teo jai kena Isor laga dhyna hath te bohise.
\v 4 Sworgodut khan pora bhi Teo sob se ucha hoi jaise aru tai khan laga nam pora bhi Teo laga nam sob se bhal hoise.
\v 5 Kun tu sworgodut ke Isor pora eneka koise,''Tumi moi laga chokora ahse,ahji Moi tumi laga baba hoi jaise''?arubhi,''Moi tai laga baba hobo,aru tai moi laga ekjon chokora hobo''?
\v 6 Kintu aru,jetiya Isor polila jonom kora bacha ke duniya te ahne,Teo koi,''Sob Isor laga doot khan Teo ke mahima koribi.''
\v 7 Aru sworgodut khan ke Teo pora koi,''Teo hai ekjon ahse kun hai sworgodut laga atma khan ke bonai,aru Teo laga sewak khan ke juie laga agh ke bonai.''
\v 8 Kintu Teo laga chokora ke koi,''Tumi laga sinhasan'Isor,hodai nimite ahse.Apuni laga raijo tu dramic ahse aru apuni thik niyom pora hai manu khan ke bichar kore.
\v 9 Apuni bhal kam hai khusi pai aru beya kam ke ghin kore.Eitu nimite Isor,apuni laga Isor,apuni ke khusi laga tail dhali kena bachi loise aru eitu apuni logote thaka khan pora bhi bisi dangor ahse.''
\v 10 ''Suru te,Probhu,apuni prithibi bonai se.Aru sworgo tu apuni laga hath laga kam ahse.
\v 11Tai khan harai jabo,kintu apuni hodai thakibo.Tai khan sob beya kapur phelai diya nisina hai hoi jabo.
\v 12 Apuni tai khan ke kapur bandhi diya nisina kori dibo,aru tai khan kapur bodli kori kena rakhi deya nisina taki jabo.Kintu apuni eke ahse,aru apuni laga din aru sal ketiya bhi nohobo.''
\v 13 Kintu kun tu homoi te Isor Teo laga dut khan ke eneka koisile,''Moi laga dyna hath te bohibi jetiya tak moi tumi laga dusman khan ke tumi laga paw nichete narakhe''?
\v 14 Kiman dut ahse kun sewa kore tai khan atma nohoi, manu khan ke atma laga jibon pabole aru tai khan sai dibole nimite pothai dise?
\c 2
\v 1 Eitu nimite moi khan ki hunise eitu bhal pora buji lobole lage,eneka korile moi khan beya rasta te najabo.
\v 2 Jodi eitu kotha khan kun tu sworgodut pora moi khan ke koise eitu kotha khan sob thik ahse koi kena jane,aru kun manu beya rasta jai aru kotha namane tai khan sajai pabo koi kena jane,
\v 3 tetiya hoi le jibon tu harai dile eitu sajai pora kena ka polabo?Eitu jibon laga kotha tu pohila Probhu pora moi khan ke janai dise aru kun manu hunise eitu thik ahse koi kena moi khan ke jani bole dise.
\v 4 Isor bhi eitu kotha khan laga sob gawahi dise,asurit kam pora,aru Teo laga echa hisabte sob ke alak- alak pobithro atma laga vardan di kena.
\v 5 Isor pora sworgodut khan ke prithibi te ki hobole ahse eitu khan kuwa nai,eitu kun tu kotha moi khan koi ahse.
\v 6 Kintu,kunba pora kunba jagate gawahi dise aru koise,''Manu ki ahse,Teo nimite apuni eman bhabna kori ahse?aru manu laga bacha,apuni Teo nimite eman chinta kori ahse?
\v 7 Apuni manu ke sworgodut pora olop hai niche kori dise;apuni tai ke mahima aru saman lga mukut lagai dise.
\v 8 Apuni Teo laga paw nichete sob kam khan rakhi dise.''aru sob Teo laga nichete thaki jaise,Isor pora Teo laga nichete rakhi nediya eku nai.Kintu moi khan eitiya bhi bisi kam Teo laga nichete ahi kena nai koi kena dekha nai.
\v 9 Kintu moi khan Jisu ke dekhise,kun ke sworgodut laga nichete olop din nimite rakhise,mahima aru saman laga mukut lagai dise kelemane tai dukh pai kena mora pora zinda hoise,aru Isor laga morom pora Teo sob nimite moribo aru dukh pabo.
\v 10 Kelemane Teo nimite eitu thik ahse, Teo nimite sob ahse aru Teo pora hai sob tu thakibo,aru bisi bacha khan ke Isor laga mahima te anibole nimte,Teo pora dukh pa nimite tai khan laga ananta jibon laga cholawta bonai dibo
\v 11 Kelemane kun pora sapha kori diye aru kun sapha hoi jai tai khan sob tu eke ahse.Eitu nimite,Teo pora tai khan ke bhai mati bole nimite sorom nakhai.
\v 12 Teo koi,''Moi tumi khan laga nam bhai khan majote koi dibo,Moi manu majo pora tumi khan nimite gana koribo.''
\v 13 Arubi,''Moi tai ke bisas koribo.''Arubi,''Sabi,moi yate ahse aru moi laga bacha khan bhi ahse kun ke Isor pora moi ke dise.''
\v 14 Eitu nimite,bacha khan kun moi laga gaw aru khun te bhag loise,tai moi lagaote bhag ahse,eitu pora tai mora ke jiti lobo rau Teo laga mora pora zinda huwa laga takot te bhag thakibo,aru, saitan ke harai dibo.
\v 15 Aru eitu khan sob tu mora laga bhoi pora tai khan laga pura jibon bandhi kena thakise eitu manu khan ke azad kori dibo.
\v 16 Teo sworgo te thaka dut khan nimite chita kora nai ;kintu,Abraham laga bacha khan nimite chita ahse.
\v 17 Eitu karone sob kam te teo laga bhai khan nisina hobole nimite dorkar thakise,aru eitu pora Teo ekjon dayalu aru bisasi moha purohit hobo aru Isor laga ki kam ahse eitu sob pura koribo,aru manu laga sob pap tu sapha kori dibo.
\v 18 Aru kelemane Teo nijor bhi dukh paise aru porikha korise,Teo kun manu porikha te giri ahse tai ke madot koribole paribo.
\c 3
\v 1 Eitu nimite,pobitro bhai khan,apuni khan sworgo pora matiya laga ekta bhag ahse.Jisu ke bhabibi,moi khan pora shikar kora laga apostle aru moha purohit
\v 2Teo ke kun pora bachi loise kam koribole nimite teo hodai bisas pora kotha mani kena thakise ,eitu nisina Moses pora Isor laga ghor te hodai bisasi hoi kena thakise.
\v 3 Kelemane Moses pora bhi dangor saman aru mahimaTeo laga ahse,jeneka ekta ghor pora bhi eitu ghor bona manu laga bisi sanman aru mahima thake.
\v 4 Kelemane ghor tu kunba pora bonai kena thake,kintu eitu ekjon kun sob bonaise Teo Isor ahse.
\v 5 Moses bhi Isor laga pura ghor te bisasi ekjon sewak thakise,eitu kotha laga gawahi khan kun tu ahi bole laga din te hobole ahse eitu kobole nimite.
\v 6 Kintu krista ekta bisasi chokora ahse kun Isor laga ghor tu pura sai ahse.Moi khan Teo laga ghor ahse aru jodi moi khan fasting aru prathana kori kene ki ahsa ahse eitu nimite phutani kori kena mon dangor pora thaki ahse koile.
\v 7 Eitu nimite,pobithro atma pora bhi eneka koise:''Aji jodi apuni Teo laga awaz hune
\v 8 mon tan nokoribi aru beya kam nokoribi,jongol te thaka homoi te porikha kori kena sa nisina.
\v 9 Tumi khan laga baba pora moi ke porikha kori kena kotha mana nai,tai khan moi ki kam korise eitu sob dekhise
\v 10 chalis sal tak.eitu nimite moi manu khan uporte khusi thaka nai.Moi koise,'Tai khan hodai mon pora beya kam kori kena jai,aru tai khan moi pora bhal rasta dikhai diya tu najane.'
\v 11 Moi laga ghusa pora kosom kha nisina:'Moi thaka aru aram kora jaga te tai khan ketiya bhi jabo naparibo.''
\v 12 Hosiyar hoi jabi,bhai khan,apuni khan laga mon te bisas nokora laga beya bhabana nahibole nimite,kun tu pora apuni ke zinda Isor pora dur loi jai.
\v 13 Kintu,hodai ekjon-ekjon laga mon dangor kori dibi,jiman din tak matibo ''ahji,''eitu pora apuni khan kun laga mon tu pap laga beya kam pora thokai nidibole nimite.
\v 14 Kelemane moi khan Krista laga kam te sathi hoi jaise jodi moi khan suru pora last tak Teo logote bisasi hoi kena thake.
\v 15 Eitu khan nimite koi dise,jodi apuni Teo laga awaz hune,apuni laga mon tan nokoribi,aru beya rasta te najabi.''
\v 16 Kelemane kun huni kena kotha mananai? tai khan sob ke Moses pora hai Egypt pora ulai kena ahnanai niki?
\v 17 Aru kun logote Teo chalis sal tak khong uthi kena thakise?pap kora manu khan logote nohoi niki,kun laga mora gaw tu jongol te giri kene thakise?
\v 18 Aru kun logote Teo kosom khai sile tai khan Teo laga aram kora jaga te ghusi bole naparibo koi kena,kun manu kotha namani kena ahse tai khan ke nohoile aru eitu kotha kun ke koi sile?
\v 19 Moi khan dekhise bisas nathaka nimite tai khan tate ghusi bole paranai.
\c 4
\v 1 Eitu nimite,moi khan bhoi kori kena thakibo aru jetiya tak Isor laga kosom moi khan logote ahse aram laga jaga te ghusi bole paribo nimite,jodi kun ba manu tate ponchibole napara hoise koi kena janise.
\v 2 Kelemane tai khan ke koi diya nisina moi khan ke bhi bhal khobor tu koi dise.Kintu ki kotha koi dise eitu pora tai khan nimite eku lab huwa nai,kelemane kun manu bisas pora hunise tai khan logote mon mili kena thaka nai.
\v 3 Kelemane moi khan kun bisas korise aram laga jaga te ghusi bole parise,Teo pora kuwa nisina,''Moi lga ghusa te kosom kha nisina,Tai khan moi laga aram jaga te ketiya bhi ghusibole naparibo.''Aru jodi bhi ,duniya suru kora homoi pora Teo laga kam sob pura kori dise.
\v 4 Kelemane Teo kunba jaga te sath din laga kotha tu koi dise:''Aru Isor bhi sob kam kori kena sath din te aram kori sile.''
\v 5 Aru bhi eneka likha ahse,''Tai khan moi laga aram kora jaga te ghusi bole naparibo.''
\v 6 Eitu karone,tate ghusi bole para kunba aru bhi ahse,aru kunba manu bhal kotha tu hunise hoilebi tai khan kotha namana nimite tate ghusi bole paranai.
\v 7 Isor pora aru mata laga ekta din eneka rakhi dise''Ahji.''Bisi din pichete,Teo David logote kotha korise,pohila te kuwa nisina,''Ahji jodi tumi Teo laga awaz hunile,apuni laga mon tan nokoribi.''
\v 8 Aru jodi Joshua pora tai khan ke aram dise koile, eitu pichete Isor pora aru bhi alak din laga kotha nokobole thakise.
\v 9 Eitu nimite ahji bhi Isor laga manu khan nimite Teo laga din mani bole karone rakhi dise.
\v 10 Kelemane kun Teo laga aram jaga te ghusi bole parise tai nijor ke sob kam pora aram pai loise, jeneka Isor Teo laga kam pora aram loi sile.
\v 11 Eitu karone moi khan bhi aram laga jaga te ghusi bole nimite tayar koribo,aru moi khan kun bhi pohila te manu khan pora kotha namani kena giri ja nisina nohobo.
\v 12 Kelemane Isor laga kotha tu zinda ahse aru duie phale dhar thakar talwar nisina kam kore.Duita atma aru gaw bhitorte bhi ghusi kena hardi khan te mari bole pare,aru manu laga mon te ki bhabna kori ahse eitu bhi sabole pare.
\v 13 Isor pora ki bonai dise eitu khan lukabole napare.Kintu,sob khula ahse aru dekhi jai kun hai eitu sob bonaise aru Teo ke eitu laga sob hisab dibole lagibo.
\v 14 Eitu nimite,moi khan logote dangor moha purohit ahse kun sworgo tu par kori kena ahise,Jisu Isor laga bacha,eitu nimite moi khan laga bisas tu dhori kena rakhibo.
\v 15 Kelemane moi khan laga komjor bujibole napara laga moha purohit nai,kintu moi pora dukh pa nisina ekjon ahse kun ke porikha korisile,Teo laga eku pap nathakilebi.
\v 16 Eitu nimite moi khan Teo laga sinhasan usorte morom aru bisas pora jabo,eneka korile moi khan dukh homoi te Teo logo pora morom aru asurit pabo.
\c 5
\v 1 Kelemane sob moha purohit,manu khan majote pora hai bachi loi,Isor laga kotha aru kam khan koi kena janai dibole nimite bachi loi,eitu pora Teo tai khan ke asirbad dibo aru pap laga bolidan dibo.
\v 2 Kun manu najani kena thaki ahse aur beya rasta te berai ahse tai khan ke morom pora loi kena ahni bole nimite.
\v 3 Eitu nimite,Teo pap laga bolidan dise,Teo manu khan nimite kore, aru nijor nimite bhi korise.
\v 4 Teo nijor nimite kunba ke eitu sanman lobole diya nai.Kintu Teo ke Isor pora mati loise,jeneka Aaron ke mati loisile.
\v 5 Thik eitu nisina,Krista pora Teo nijor ke moha purohit bonai kena sanman kora nai.Kintu,eitu ekjon kun kotha korise Teo pora koise,''Tumi moi laga chokora ahse;ahji moi tumi laga baba hoise.''
\v 6 Eitu nisina dusra jga te bhi koi kena ahse,''Tumi hodai nimite purohit ahse Melchizedek laga pichete te.''
\v 7 Gaw mangso pora thaka homoi te,Kristapora Teo lga prathna aru binti kandi kena aru chuku pani ulai kena Teo ke bacha bole para ekjon ke mora para bachai dibole nimite koise,aru Teo laga prathna hunise kelemane Teo bhal jibon thakise.
\v 8 Aru jodi bhi Teo Isor laga bacha thakise,Teo laga dukh pora Teo shikise.
\v 9 Teo sob pora bhal hoi jaise,arukun manu Teo laga kotha mani kena thake ,tai khan nimite sworgo te jabole laga rasta hoi jaise.
\v 10 Teo ke Isor pora moha purohit bonai dise Melchizedek pora kuwa nisina.
\v 11 Moi khan eitu nimite aru bisi kobole ahse,kintu sob bujai dibole nimite tan ahse kelemane eitu kotha khan sob huni kena bhi tumi khan nuhuna manu nisina hoi jaise.
\v 12 Kelemane etiya laga homoi te tumi khan shikai diya manu hobole lagise,hoilebi tumi khan ke Isor laga ki kotha ahse eitu khan shikai dibole lagai ahse.Tumi khan tan bhat khabo nohoi kena,etiya bhi buth hai khai ahse!
\v 13 Kelemane kun etiya bhi duth khai ahse tai Isor laga dramic kotha te komjor ahse,kelemane tai etiya bhi chutu bacha ahse.
\v 14 Kintu tan bhat tu dangor manu khan nimite ahse,kelemane tai khan bhal aru beya tu ki ahse eitu khan sob bhal pora jani kena shiki loise.
\c 6
\v 1 Eitu nimite,moi khan suru te ki kotha krista nimite koisile eitu chari kena asol gyan laga kotha te ahge jabo.Moi khan laga mora kam aru purana niyom pora Isor logote thaka nisina aru bhi eneka nokoribo,
\v 2 baptism laga kotha shikai diya nisina,manu uporte hath rakha khan,mora pora aru zinda hoi ja,aru ananta bichar laga kotha khan.
\v 3 Moi khan bhi eneka koribo jodi Isor pora eitu koribole nimite moi khan ke koi.
\v 4 Kelemane kun manu pohila te eitu khan pora khusi paisile tai khan eneka koribole naparibo,kun sworgo laga asirbad tu paise,aru kun pobitro atma laga bhag ahse,
\v 5 aru kun Isor laga bhal kam tu jani ahse aru ahibole bole takot tu jani ahse,
\v 6 hoile bhi kun jiri jaise-tai khan laga aru bhi mon ghura bole nimite tan ahse.Kelemane tai khan nijor nimite aru bhi Isor laga chokora ke crus te morai dise,aru Teo ke manu usorte sorom khelai dise.
\v 7 Kelemane eitu mati pani gira homoi te pani tu khai loi,aru eitu mati para bhal kheti ulai,aru eitu pora Isor laga bhal asirbad tu pai loi.
\v 8 Kintu kun tu mati te kata aru jongol ulai jai eitu mati kam nai aru tai te chari deye.Aru tai ke jolabole nimite hai hoi jai.
\v 9 Kintu moi khan apuni khan nimite bhal kam koribole nimite bhabna chinta kori ahse ,morom te thaka khan,ananta jibon laga ki kotha ahsejodi bhi moi khan eneka pora koi ahse.
\v 10 Kelemane Teo morom nathaka Isor nohoi,apuni laga kam kora khan aru Teo laga nam pora morom kora tu pahori najabo,apuni Teo laga dramic manu khan ke sewa kora aru etiya bhi tai khan laga sewa kori thaka nisina.
\v 11 Moi khan laga eitu hai sob pora dangor echa ahse apuni last tak eneka kori thakibo,eitu pora apuni laga asha thik rakhibole nimite.
\v 12 Eitu khan sob tu apuni alchi nokoribole nimite ahse,kintu atma te thaka manu khan laga bisas aru mon chutu kori kena thaka tu sai kena apuni bhi Isor pora ki kosom dise eitu laga bhag hobo.
\v 13 Jetiya Isor pora Abraham logote kosom disele,Teo nijor ke loi kena kosom dise,kelemane Teo pora upor te thaka laga kosom khabole nimite aru kun bhi nai.
\v 14 Teo koise,''Moi tumi ke asirbad koribo,aru moi tumi ke bisi dangor bonai dibo.''
\v 15 Eitu nisina ,Abraham chutu kori kaena roki thaka nisina Isor pora tai ke ki kosom disele eitu tai paise
\v 16 Kelemane jetiya manu pora kosom diye tai dusra dangor ekjon laga nam loi kena hai kosom diye.Eitu pora hai tai khan majote mon nimili kena thaka tu khotom hoi jai,kosom diya tu hoile ekjon uporte bharosa kori bole nimite kuwa nisina ahse.
\v 17 Jetiya Isor pora Teo laga manu khan nimite ki kosom dise eitu sapha pora dekhai dibole nimite korise,Teo kosom di kena tai khan ke vada korise.
\v 18 Teo duita bodli koribole napara laga kam pora eneka korise-Isor tu ketiya bhi misa kotha nokoi-moi khan,kun lukabole nimite polai jaisile,Teo pora moi khan laga ahge te mon dangor kora laga kam aru asha pora takot hoi kena thakibole nimite.
\v 19 Moi khan eitu asha thaka tu moi khan laga atma aru jibon bhal kori kena rakhibole nimite ahse,kun tu kapur laga bhitor jaga te bhi ghusi bole pare,
\v 20 Jetiya Jisu,kun moi khan laga ahge te jaise,Teo moi khan laga bodli eitu jaga te jaise.Teo ekta moha purohit hoi jaise hodai nimite Melchizedek purohit pora kuwa nisina.
\c 7
\v 1 Eitu nimite Melchizedek,Salem laga raja,mohan Isor laga purohit,jetiya Abraham raja khan ke khotom kuri kena ahi thakise tai ke lok paise aru asirbad korise
\v 2 Abraham bhi tai laga dus bhag sob tu tai ke di dise.Tai laga pohila nam laga matlab tu hoile''dharmic laga raja,''aru bhi ''Salem laga raja,''eitu matlub tu hoile,''shanti laga raja.''
\v 3 Tai laga baba thaka nai, aru ama bhi nai,tai laga eku khandan nai,tai nimite din laga suru aru jibon laga anth bhi nai.Kintu,Isor laga bacha nisina bonai dise,tai hodai nimite ekta purohit thakise.
\v 4 Kintu sabi eitu manu kiman dangor thakise,Abraham pora larai kori kena ki jitise aru loi loise eitu laga dus bhag tai ke di dise.
\v 5 Aru levi laga chokora khan kun ke purohit kori bole nimite bachi loise tai khan ke kanun laga niyom hisab te jai kena manu khan logotedan aru dus bhag utha bole nimite dise,eitu hoile,tai khan laga bhai khan logote,jodi bhi tai khan Abraham laga gaw pora ahise.
\v 6 Kintu Melchizedek,tai laga khandan tai khan pora bisari kena panai,hoilebi Abraham pora tai te dus bhag dise,aru kun manu kosom di kena thakise tai ke asirbad dise.
\v 7 Kintu eku kotha nokori kena,ekjon chutu manu ke dangor manu pora asirbat deye.
\v 8 Eiyu karone,zinda thaka manu dus bhag pai,kintu eitu pora tai zinda thaki ahse koi kena gawahi deye.
\v 9 Aru, kotha kori thaka nisina,Levi,kun dus bhag tu paise,tai bhi jai kena Abraham ke dus bhag tu di dise,
\v 10 kelemane Levi eitu hoimoi te tai laga khandan laga nam pora thakise jetiya Melchizedek Abraham ke lok paisile.
\v 11 Jodi sob bhal kam khan Livitical laga purohit khan pora hai hoisele(eitu pora manu khan niyom aru kanun paise),tetiya hoile kele aru dusra ekjon purohit ahibole nimite kam thakise Melchizedek laga niyom hisabte,aru Aaron laga niyom kanun te matibole dorkar nai?
\v 12 Jetiya ekta purohit bodli hoi jai, tetiya kanun aru niyom khan bhi bodli hoi jai.
\v 13 Eitu kotha khan kun ekjon nimite koi ahse tai dusra jat laga ahse,kun manu bhi jai kena eitu bolidan diya jaga te sewa koranai.
\v 14 Moi khan laga prabhu Judah laga khandan pora ahise koi kena sapha pora jani loise,aru Moses pora bhi eitu purohit laga jat nimite eku kotha kora nai.
\v 15 Aru eitu bisi sapha hoi jaise,jodi kunba aru ekta purohit Melchizedek nisana ulai jai.
\v 16 Tai ekta purohit hoise,ki laga khandan pora ahise eitu laga niyom kanun sai kena nohoi,kintu tai laga takot aru ketiya bhi bhangai dibole napara jibon sai kena tai ke purohit bonai se.
\v 17 Kelemane Isor laga kotha te bhi eneka koi ahse:''Tumi hoidai nimite purohit ahse Melchizedek laga niyom hisabte.''
\v 18 Purana niyom aru kam kha hatai dise kelemane eitu khan komjor aru eku kam laga nai,
\v 19 (niyom aru kanun pora eku kam tu bhal bonai dibole napare),aru bhal asha laga kotha tu manu khan ke koi dise,eitu pora moi khan Isor usorte ahe.
\v 20 Aru eitu kam kosom khai kena koranai!kelemane kosom noloi kena hai tai khan purohit hoi jaise,
\v 21 kintu Jisu kosom khai kena hai purohit hoise,Isor pora Teo ke koise,''Probhu pora kosom khaise aru Teo mon bodli nokoribo:'Tumi hodai nimite purohit ahse.'''
\v 22 Eitu nisina,Jisu pora moi khan nimite bhal kam koribole nimite rasta khuli dise.
\v 23 Pohila laga purohit khan bisi manu thakise,kintu mori ja nimite tai khan laga ginti nathaka hoise.
\v 24 Kintu Jisu hodai nimite zinda ahse,Teo upor pora purohit laga nam tu utai kena ketiya bhi loi jabole naparibo.
\v 25 Eitu karone kun manu Teo usorte Isor ke pabole nimite bisari kena ahe tai khan ke bacha bole pare,kelemane Teo tai khan nimite manu aru Isor laga majote hodai kotha kori diye.
\v 26 Eneka moha purohit thaka tu moi nimite bhal ahse.Teo pobitro ahse,eku golti nai,sapha,papi manu khan pora alak,aru sworgo pora bhi ucha hoi jaise.
\v 27 Teo laga eku dorkar nai,ekta purohit hisab te hodai bolidan bibole nimite,pohila tai nijor laga pap pora,eitu pichete manu laga papa pora.Kelemane Teo ekbar pora hai sob kam tu kori dise,jetiya Teo nijor ke bolidan kori dise.
\v 28 Kelemane kanun apora komjor manu khan nimite moha purohit ke bachi loi.Kintu kosom laga kotha,kun tu kanun pora ahise,chokora ekjon ke bachi loise,kun ke sob phale pora bhal bonai dise.
\c 8
\v 1 Etiya moi khan ki kobole mon ahse eitu laga matlab tu hoile eneka ahse: Moi khan logote moha purohit ahse kun sinhasan laga dyna hath te sworgo laga mahan asutit jaga te bohi ahse.
\v 2 Teo pobitro jaga laga ekjon sewak ahse aru probhu laga hosa pora aradhana kora jaga ahse,manu pora nohoi.
\v 3 Kelemane sob moha purohit khan ke tofa aru bolidan dibole nimite bachi loise.Eitu nimite eneka koribole dorkar ahse kiba ekta tai pora bolida dibole nimite.
\v 4 Etiya jodi Krista prithibi te ahse koile,Teo ekta purohit nohobole thakise,kanun laga niyom hisabte bolidan dibole nimite tate manu khan thakise.
\v 5 Tai khan sworgo laga saya pora ki dekhi ahse eitu sai kena sewa kori ahse,jeneka Moses ke Isor pora mana korise jetiya tai aradhana kora laga jaga bona bole thakise.Isor hai koise,''Sabi tumi ke pahar uporte loi jai kena kenaka dekhai dise eitu nisina hai bonabi.''
\v 6 Kintu etiya Krista bhal ministry tu paise,jeneka Teo manu aru Isor laga majote ekta kotha kori kena milai diya manu hoisekun tu aha laga bhal din nimite kori dise.
\v 7 Jodi pohila laga niyom te eku golti nai koile,tetiya hoile aru dusra niyom dibole nimite eku dorkar nai.
\v 8 Jetiya Isor hai manu khan uporte golti dekhise,Teo koise,''Sabi , eneka din ahi ahse-probhu pora koise-jetiya moi ekta nutun niyom bonai dibo Isreal laga ghor pora aru Judah laga ghor pora.
\v 9 Aru tai khan laga baba khan logote niyom bonai diya nisina nohobo eitu din te jetiya tai khan laga hath dhori kena Egypt pora ulai kena loi ahnise.Kintu tai khan moi laga niyom tu mani kena thaka nai,aru moi tai khan uporte khusi pa nai-eneka probhu pora koise.
\v 10 Eitu laga din pichete moi Isreal laga ghor manu khan logote niyom bonabo-probhu pora koi ahse.Moi laga kanun tai khan laga bhabna te rakhi dibo,aru tai khan laga mon te likhi dibo.Moi tai khan laga Isor hobo,aru tai khan moi laga manu hobo.
\v 11 Tai khan ketiya bhi nijor laga ghor usor thaka manu aru kokai bhai khan ke nisikabo,aru kobo,'Probhu ke janibi.'Kelemane tai khan moi ke janibo,sob se chutu pora loi kena sob se dangor tak.
\v 12 kelemane tai khan beya kam kori kena thakise koile bhi moi tai khan uporte morom thakibo,aru tai khan laga pap moi aru ketiya bhi yad nokoribo.''
\v 13 Eitu niyom ke ''nutun mata nisina,''Teo pora pohila niyom tu bodli kori dise,aru kun tu purana aru eku kam laga nathake eitu joldi pora harai jai.
\c 9
\v 1 Eitu nisina pohila laga niyom te bhi prithibi te mohima koribole nimite kanun thakise
\v 2 Tetiya aradhana koribole laga jaga tayar korise.Ekta pohila kamra,kun jaga te diya bati rakhi kena thakise,ekta table,aru dekhai kena rakha laga ruti,kun tu ke pobitro koi.
\v 3 Kapra laga pichete aru bhi ekta kamra thakise,aru eitu ke pobitro pora bhi bisi pobitro koi.
\v 4 Eitu laga bhitorte suna pora bonai kena thaka ekta aradhana kora table thakise.Eitu laga bhitorte manna ke dhori kena thaka laga suna pora bona jar ekta thakise,Aaron laga lathi nutun pora ulai thakise,aru niyom rakha laga jaga.
\v 5 Aru eitu dangor niyom laga uporte,ekta sabole sundur aru mohima pora bhorta kori kena thaka nisina sapha kori diya laga dhakana pora bon kori kena thakise,kintu etiya eitu kotha khan bhal pora koi dibole nimite homoi huwanai.
\v 6 Jetiya eit khan sob tayar kori kena rakhi dise,tetiya purohit hodai ghusi kena bahar laga kamra pora tambu te jai aru tate ki kam koeibole lage tai khan jai kena kore.
\v 7 Kintu khali moha purohit hai dusra kamra te ghuse eitu bhi sal te khali ek bar, tai pora bolida diya laga khun pora aru manu khan najani kena pap kori kena rakha laga dan pora nohoi.
\v 8 Pobitro atma pora pobitro jaga te jabole nimite rasta tu dekhai diya nai jetiya tak pohila laga tambu tate khara kori ahse.
\v 9 Etiya laga homoi nimite eitu ekta chin ahse,eitu nimite tofa aru bolidan di kena manu khan laga aradhana kun tu sapha nai eitu khan di kena bhal bonai dibole bisare.
\v 10 Tai khan khali kha luwa aru nijor gaw ke sapha rakhibole laga niyom khan nimite chinta kori thake,jetiya tak nutun niyom laga homoi tu ahi najai.
\v 11 Kintu Krista ekta moha purohit nisina bhal kam koribole nimite ahise.Teo sob se dangor aru bhal tambu te jaise kun tu manu laga hath pora bona nohoi,ekjon kun eitu prithibi laga nohoi.
\v 12 Teo sob pora pobitro jaga te jaise,saguli aru guru laga bacha khun pora nohoi,kintu Teo nijor laga khun pora,manu ke ananta pap laga jibon pora bachai dise.
\v 13 Kelemane jodi shaguli aru ekta mota goru laga khun aru bacha napa goru laga chai pora kun pap te giri kena letra hoi ahse tai kha uporte dhali dile Isor usorte pap pora maph pai koile,
\v 14 tetiya hoile Krista laga khun tu aru bhi kiman bhal hobo,Teo ananta atma pora nijor ke Isor usorte eku golti nokori kena Teo laga jibon tu bolidan kori dise,apuni ke sapha kori dise aru mora laga kam pora bachai kena zinda Isor ke sewa koribole nimite dise?
\v 15 Eitu karone,Teo manu aru Isor majote nutun niyom ahse,eitu pora kun ke mati loise tai khan ananta jibon laga asirbad pabo,suru laga niyom te pap pora maph pabole nimite ki niyom thakise eitu hatai kena Teo manu khan ke pap pora bachai dibole nimite nijor ke mori bole dise.
\v 16 Kelemane kun jaga te echa ahse,kun manu eitu nimite morise tai hosa ahse koi kena dekhai dibole lagibo.
\v 17 Kelemane jun jaga te echa koribole mon thake tate mora bhi thake,kelemane jetiya tak kun manu eitu eha suru korise tai jinda thake tate manu khan nijor echa koribole napare.
\v 18 Eitu nimite suru laga niyom bhi khun loi kena suru kori diya nai.
\v 19 Jetiya Moses pora manu khan logote niyom laga hukum khan koi dise,tai saguli aru goru laga khun loise,pani pora,lal shuta,aru dawai bona laga pata loi kena,duita likhi kena rakha niyom laga kitab te aru manu khan uporte dhali dise.
\v 20 Tetiya tai koise,''Eitu Isor laga niyom mana laga khun ahse aru eitu apuni khan mani kena thakibole nimite hukum di ahse.''
\v 21 Eitu nisina,tai tambu uporte khun dhali dise aru tate chola laga kiman saman thakise eitu khan te bhi dhali dise.
\v 22 Niyom laga hisab te sob tu khun pora sapha kori dise,aru khun ulai kena nediya tak pap pora maph napabo.
\v 23 Eitu nimite eneka koribole dorkar ahse aru sworgote bhi kiman saman ahse eitu khan ke bhi eneka pora hai sapha koribole lage.Hoilebi,sworgo te thaka saman khan ke eitu pora bhi bhal bolidan pora sapha kori bole lage.
\v 24 Kelemane Krista bhi hath pora bonai kena rakha dangor pobitro jaga te ghusa nai,eitu hosa ekjon ke dekhai diya nisina ahse.Kintu Teo nijor pora hai sworgote ghusise,aru Isor laga usorte moi khan karone jaga bonabole nimite.
\v 25 Teo tate aru nijor ke dan dibole nimite ghusanai,moha purohit khan pora kora nisina,kun sal te ekbar pobitro jaga te khun laga bolidan loi kena ekjon-ekjon nimite ghusi thakise.
\v 26 Jodi eneka hai ahse koile,Teo prithibi laga suru pora bar -bar jai kena nijor ke dukh pabole nimite dibole thakise .Kintu Teo nijor pora ahi kena eitu last homoi te nijor jibon tu manu khan nimite bolidan kori dise.
\v 27 Jeneka manu bhi ekbar moribole lage,aru eitu pichete bichar kora laga homoi ahibo,
\v 28 eitu nisina ,Krista ke bhi manu laga pap bukhibole nimite dise,aru ekbar ahibole ahse kun manu Teo nimite mon pora rukhi ahse,aru pap tu bukhibole nimite nohoi,kintu ananta jibon dibole nimite.
\c 10
\v 1 Kelemane niyom khan tu hoile ki bhal ahibole ahseeitu khan hai dekhai dibole nimite ahse,
\v 2
\v 3
\v 4 Kelemane saguli aru goru laga khun pora pap tu sapha kori dibole napare.
\v 5 Eitu nimite jetiya Krista prithibi te ahise,Teo koise,''Bolidan aru dan khan apuni echa nokore,kintu ekta gaw moi nimite tayar kori diya tu eitu hai echa kore;
\v 6 jolai kena dan kora aru pap laga dan diya pora apuni khusi napai.
\v 7 Tetiya moi koise,'Sabi moi yate ahse-moi nimite kitab te likha nisina-apuni laga kam koribole nimite ,O Isor.'''
\v 8 Teo uporte kuwa nisina,''Bolidan,aru dan,arujolai kena diya dan,aru pap laga dan apuni echa nokore.Aru eneka manu pora kori thakile bhi apuni khusi napai''(niyom hisabte dan di kena kori thaka khan),
\v 9 tetiya Teo koise,''sabimoi yate apuni laga echa koribole nimite ahse.''Teo suru te ki niyom kori thakise eitu hatai kena dusra nutun niyom suru kori dise.
\v 10 Eitu laga echa pora,moi khan ke Jisu Krista laga gaw dan diya karone pap pora hodai nimite sapha kori dise.
\v 11 Aru sob purohit khara kori kena hodai din Isor usorte tai laga niyom kori thake.Tai bolidan kori thaka laga dan tu bar-bar kori thake-kintu eitu bolidan kori thakile bhi pap tu ketiya bhi harai najai.
\v 12 Kintu jetiya Krista pora sob pap laga bolidan ekbar pora dise,Teo Isor laga dyna hath te bohise.
\v 13 Eitu homoi pora, Teo rukhi ahse ketiya Teo laga dusman khan ke paw nichete jirai dibo.
\v 14 Ekta bolidan diya pora Teo sob ke pap pora hodai nimite sapha kori dise.
\v 15 Aru pobitro atma pora bhi moi khan ke eitu gawhi deye.Teo pora koise,
\v 16 ''Eitu laga din pichete moi laga niyom tai khan logate bonabo,probhu pora koise.Moi laga kanun tai khan laga mon te rakhibo,aru tai khan laga bhabna te likhi dibo.''
\v 17 Aru tetiya,''Tai khan laga pap aru beya kam khan aru moi yad nokoribo.''
\v 18 Jun jaga te eitu khan pora maph pabo,tate aru pap laga bolidan dibole nimite dorkar nai.
\v 19 Eitu karone, bhai khan,Jisu laga khun pora moi khan pobitro jaga te jabole nimite pura asha ahse.
\v 20 Teo laga jibon ami khan nimite di diya korone aru porda tu khuli diya nimite, moi khan ,nutun pora jinda thakibole paribo.
\v 21 Kelemane moi khan logote dangor purohit Isor laga ghor te ahse,
\v 22 moi khan sapha mon aru pura bisas pora Teo logote ahibo,pap laga letera kam pora sapha kori kena aru sapha pani pora nijor laga gaw tu dhulai lobo.
\v 23 Moi khan ahsa pora pap tu shikar kori kena thaka tu hili bole nedikena jor pora dhori lobo,kelemane Isor ,kun kosom dise,Teo hosa aru bhal ahse.
\v 24 Aru moi khan ekjon -ekjon ke bhal kam kori kena morom pora thakibole nimite mon dangor kori dibo.
\v 25 Moi khan ekjon -ekjon ke lok kori thakibole nimite bon nokoribo,kelemane kunba manu khan eneka kore.Hoilebi,moi khan ekjon -ekjon ke mon dangor kori dibo,aru apuni khan din tu usor ahi ja tu dekhibo.
\v 26 Jodi moi khan hosa kotha tu jani kena pichete bhi pap kam kori kena jai thakile,tetiya hoile pap pora apuni nimite bolidan diya tu hoile eku kam nohobo
\v 27 Kintu,bichar laga din te ki hobole ahse eitu bhoi kori kena thakibole nimite olop hai bhabna kori kena ahse,aru Isor laga dusman khan ke juie pora julai dibo.
\v 28 Kun manu Moses laga kanun namani kena thake tai kan mori jai duijon tinjon laga gawahi pora.
\v 29 Kun manu Isor laga bacha ke paw nichete rakhi dise tai laga sajai tu kiman dangor hobo,aru nutun niyom hobole nimite khun ulai diya ke hisab nokorile-eitu khun pora moi khan ke sapha kori dise-aru morom laga atma ke sorom khelai dise?
\v 30 Kelemane moi khan jani ahse eitu kun pora koise,''Badla tu moi laga ahse;moi tai khan ki korise eitu wapas dibo.''Aru bhi,''Probhu pora tai laga manu khan ke bichar koribo.''
\v 31 Zinda Isor laga hath te giri bole nimite bhoi ahse!
\v 32 Kintu pohila laga din tu yad koribi,jetiya,apuni ke khusi kori diya pichete,tumi laga jibon te dangor dukh ahe.
\v 33 Apuni ke mnau usorte ketiyaba sorom khelai kena dukh pabole deye,aru kunba hoimoi te kun dukh paisile tai khan logotesathi kori kena thaki jai.
\v 34 Kelemane apuni jail te thaka manu khan nimite morom hoi jai,aru apuni khusi pora eitu khan loi.Apuni jane apuni nimite eitu pora bhi bhal ketiya bhi khotom nokora laga dhan rakhi kena ahse.
\v 35 Eitu nimite apuni laga bharosa ketiya bhi harabole nidibi,kelemane eitu te hai apuni laga danngor enam rakhi kena ahse.
\v 36 Kelemane apuni khan nomro hoi kena thakibole lagibo,eitu pora apuni asirbad pabo,apuni Isor laga echa kori luwa pichete.
\v 37 ''Kelemane olop homoi te,ekjon kun ahibole ahse Teo deri nohoi kena ahi jabo.
\v 38 Kintu moi laga dharmic khan bisas pora zinda thakibo,aru jodi tai pichete jai kena giri jai,moi laga atmatai uporte ketiya bhi khusi napabo.''
\v 39 Kintu moi beya kam pora giri kena pichete ja manu nohoi.Kintu ,moi khanbisas pora atma tu bachai kena rakha manu ahse.
\c 11
\v 1 Bisas mane ki tu asha kore eitu nedekhile bhi pabole ahse koi kena jane.
\v 2 Aru eitu nimite hai baba khan ke Isor pora bachi loise.
\v 3 Bisa pora hai eitu pura duniya tu Isor laga hukum pora bonai dise koi kena moi khan jane,eitu nimite ki saman dekhi ahse eitu khan nedekha laga saman pora bonanai.
\v 4 Bisas pora Abel hai Cain pora bhi bhal dan di kena Isor ke bali dise,eitu pora tai ke dharmic bonai dise,aru Isor pora tai laga dan dekhi kena bhal kotha koise,aru bisas pora hai ahji tak Abel kotha kore,jodi bhi tai mori jaise.
\v 5 Bisas pora hai Enoch ke sworgote utai kena loi jaise aru tai mora tu dekhanai,tai Isor ke khusi korise koi kena gawahi dise.
\v 6 Etiya bisas nathakile Isor ke khusi koribole naparibo.Kelemane kun Isor usorte ahe Teo zinda ahse koi kena bisas koribole lagearu kun manu Teo ke bisare tai khan ke enam dibo.
\v 7 Bisas pora Noah ke,ki tu dekhanai eitu laga kotha khan janibole dise,Isor ke bhoi korine thaka nimite tai laga ghor manu khan ke bachai lobole nimite pani laga jahas bonabole nimite dise.Eitu kori kena, tai ptithibi ke girai dise aru bisas pora dharmic korta laga ekjon manu hoi jaise.
\v 8 Bisas pora Abraham,jetiya tai ke matise,kotha mani kena eitu jaga te jaise kuntu jaga tai pabole nimite thakise.Tai ulai kena jaise,kun jaga te jabo lage eitu bhi najani kena jaise.
\v 9 Bisas pora tai Isor pora kosom deya laga jaga te jai kena dusra jat laga manu nisina thakise.
\v 10 Kelemane tai ekta bhal pora bona laga city ke sai thakise,aru kun eitu bonaise tai tu hoile Isor ahse.
\v 11 Bisas pora,Sarah bhi bacha bukhibole parise,tai buri hoi jaile bhi,kelemane Isor pora ki kosom dise eitu uporte bisas korise.
\v 12 Eitu nimite,ekjon manu pora-aru tai moribole thakise-akash te gonti koribole napara tara nisina tai laga khandan khan jonom hoise,aru samundar kinar te balu thaka nisina gonti koribole napara laga thakise.
\v 13 Bisas pora tai khan sob mori jaise eitu kosom tu napai kena,kintu tai khan ke dur pora dekhi kena salam dise,aru koise tai khan dusra manu laga desh te thaki ahse aru prithibi te nijor manu pora dur hoi kena ahse.
\v 14 Kelemane kun manu khan eneka kotha kore tai khan nijor laga ghor bonabole bisari ahse.
\v 15 Jodi tai khan kun tu desh pora ulai kena jaise eith bhabi ahsekoile,tai khan tate aru bhi wapas jabole paribo thakise.
\v 16 Kintu,tai khan eitu pora bhi bhal desh nimite echa korise,eitu hoile,sworgote thaka ekjon.Eitu nimite Isor tu sorom nokore tai khan laga Isor ahse kobole nimite ,aru Teo tai khan nimite ekta desh bonai kena rakhisess
\v 17 Bisas pora Abraham ke ,jetiya porikha korise,Isaac ke bolidan dibole nimite.Jodi bhi tai Isor pora asirbad paise tai laga ekta morom bacha ke bolidan koribole nimite thakise.
\v 18 Tai ke eneka koisile,''Isaac laga nam pora hai tumi laga khandan laga nam matibo.''
\v 19 Abraham jani thakise Isor pora Issac ke mora pora zinda koribole paribo,aru bhabna kori kena koise nisina,tai Isaac ke eitu jaga pora wapas pai loise.
\v 20 Bisas pora hai,ki tu ahibole ahasee eitu nimite,Isaac pora Jacob aru Esau ke asirbad korise.
\v 21 Bisas pora, jetiya Jacob mori bole thakise,Joseph laga sob bacha khan ke tai asirbad dise,aru mohima korise,tai laga lathi uporte khara kori kena.
\v 22 Bisas pora Joseph,jetiya tai mori bole thakise,tai laga chokora khan ke koise aru tai mora pichete Egupt pora tai laga hardi khan loi kena Isreal te rakhibole nimite koise.
\v 23 Bisas pora Moses ,jetiya jonom loisele,tai laga baba ama pora tin mohina tak tai ke lukai kena rakhise kelemane tai bisi sundur ahse koi kena tai khan dekhise,aru raja pora ki hukum dise eitu nimite tai khan bhoi koranai.
\v 24 Bisas pora Moses, jetiya tai dangor hoi jaise,tai nijor ke Pharoah laga chukuri laga bacha kobole nimite mana korise.
\v 25 Kintu ,tai nijor ke Isor manu khan karone dukh pabole nimite bachi loise,pap laga kam pora khusi diya khan sob chari kena Isor ke sewa korise.
\v 26 Tai eneka koise Jisu Krista laga dhan tu Egypt laga dhan pora bhi bisi dangor ahse.Kelemane tai laga chuku tu eitu enam pabole nimite sai thakise.
\v 27 Bisas pora Moses Egypt chari kena jaise.Tai raja laga ghusa keeku hisab kora nai,tai dukh pai thakise kun ba ekjon ke dekhi thaka nisina.
\v 28 Bisas pora tai Isreal manu khan ke Egypt pora ulai kena aha laga khusi kora di mani kena thake aru khun dhali diya din,eitu pora pohila jonom kora bacha khan ke morai diya laga atma ahi kena tai khan ke nuchubo.
\v 29 Bisas pora tai khan dangor samundar tu ekta sukha mati te jai thaka nisina par koribole parise .Jetiya Egyptian khan eneka koribole bisarise,tai khan ke pani pora khai loise.
\v 30 Bisas pora Jericho laga wall khan giri jaise,jetiya tai khan sath din tak tate churi kena thakise.
\v 31 Bisas pora Rahab ekta beyobichari tai dusra beya kam kori kena thaka manu kha nisina mora nai,kelemane tai shanti laga ekjon kam kora manu hoi ja nimite.
\v 32 Eitu pora aru moi bisi ki kobo?Jodi moi Gideon,Barak,Samson,Jephtath,David,Samuel aru dusra bhawadi khan laga kotha kore tetiya hoile homoi pora eitu khan laga sob kotha koribole naponchibo.
\v 33 Bisas pora tai khan raijo tu jiti loise,bhal kam kori kena ,aru asirbad paise.Tai khan bagh laga mukh bhi bon kori dise,
\v 34 juie laga takot tu jani lobi,aru talwar laga dhar pora polai jabi,bimar pora bhal hoi jaise,larai kora homoi te takot hoi jabi,aru dusra desh laga sepahi khan ke harai dibi.
\v 35 Maiki khan mora pora jibon tu pai loise.kintu dusra khan ke dukh dise,aru tai khan ke chari dibo koi kena asha thaka nai,aru eitu pora tai aru bhi bhal jibon tu pabo.
\v 36
\v 37 Tai khan ke pathor marise,aru tai khan ke kati kena diuta bonai dise,tai khan ke porikha korise,aru tai khan ke talwar pora morai dise.Tai khan saguli aru bhera laga chamra aru lagai kena jaise,aru bisi gorib hoi jaise,chinta bhabna bisi hoi jaise ,aru manu khan pora tai khan ke beya pora sai thakise.
\v 38 Eitu duniya tai khan nimite eku lab laga thaka nai.Tai khan jongol aru pahar khan te berai thakise,aru mati laga nichete jai kena thakise.
\v 39 Tai khan laga bisas nimite manu khan pora mohima dise,hoilebi tai khan asirbad panai.
\v 40 Isor hai moi khan nimite kiba ekta bhal bhabna kori kena ahse,aru moi khan nohoile,eitu khan sob tu bhal kori dibole napare.
\c 12
\v 1 Eitu karone,moi khan logote gawahi laga dadal churi kena ahse,moi khan laga uporte pap lagi kena thaka aru pap pora bhari hoi kena thaka khan pichete chari dibo.Moi khan nimite ki rakhi kena ahse eitu ke sai kena polabo.
\v 2 Moi khan Jisu laga kotha hunibo,bisas suru kora aru bhal kori diya ekjon.Kelemane kun tu khusi Teo laga ahge te rakhi disele,Teo crus tu loise,manu khan pora Teo ke beya pai kena sorom khelai dise,aru Isor laga sinhasan usorte Teo dyna hath te bohi ahse.
\v 3 Eitu nimite Teo ke bhabibi,Teo ekjon kun nijor uporte pap laga sob beya kam khan bukhise,eitu nimite apuni ketiya bhi mon te dukh napabo aru chari nidibo.
\v 4 Tumi khan eitu khun tu pai kena bhi beya kam khan charibole paranai,aru pap logote larai kori ahse.
\v 5 Aru apuni khan ke bacha ahse koi kena mon dangor kori diya tu pahori jaise:''Moi laga bacha,Probhu para ki bhal rasta te jabole nimite shikai ahse eitu ke dhamali nabhabibi,aru jetiya Teo apuni ke bhal rasta te jabole nimite shikai tetiya alchi nokoribi.
\v 6 Kelemane Isor kun ke morom kore tai ke bhal rasta te jabole nimite shikai,aru kun chokora Teo pai tai ke sajai deye.
\v 7 Dukh pai thaka tu hoile bhal rasta te jabole nimite ahse.Isor pora apuni logote Teo nijor laga bacha nisina hai sai.Eneka kun chokora ahse tai laga baba pora bhal rasta te jabole nimite nishikai?
\v 8 Jodi apuni khan ke bhal rasta tu shikai diya nai,jeneka sob manu eitu nishika laga kam te bhag loi kena ahse,tetiya hoile apuni bhal niyom pora jonom nokora bacha ahse aru apuni Isor laga bacha nohoi.
\v 9 Eitu nisina,prithibi laga baba pora shikai diya kotha tu moi kha bisi ahdar kore aru tai ke saman deye.Tetiya hoile atma te thaka baba ke moi khan sai kena kiman ahdar kori kena thakibole lage?
\v 10 Moi khan laga prithibi te thaka pora kiman tak shikabole pare tai shikai deye.Kintu Isor moi khan bhal hobole nimite shikai deye,eitu pora moi khan bhi tai laga pobitro te thakibo.
\v 11 Sob homoi te bhal rasta te jabole nimite shikai diya tu khusi laga nohobo bi pare,kintu dukh pai.Kintu pichete shanti laga bhal phol aru dharmic hoi jabole hoijai kun manu ke eitu nimite shikai kena rakhi dise.
\v 12 Eitu nimite apuni laga hath giri kena thaka tu takot kori lobi aru apuni laga komjor paw bhi takot kori lobi.
\v 13 Apuni laga paw nimite rasta tu shida bonai lobi,eitu pora apuni berabole napari kena bikhai thaka tu bhal hoi jabo.
\v 14 Sob manu logote shanti pora thakibi,aru pobitro hoi kena thakibi eitu nohoile kun bhi Probhu ke dekhibole naparibo.
\v 15 Sabi Isor laga morom pora kun bhi komti hoi kena nathake,aru tita laga ghas kun logote bhi ulai kena digdar koribo nalage,eitu pora bisi manu letera hoi jabole pare.
\v 16 Sabi Esau nisina bewobichari aru beya kam kora manu nai,kun ekbar laga khana nimite tai nijor laga nam tu bikiri kori dise.
\v 17 Apuni khan jane eit pichete bhi ,jetiya tai asirbad pabole nimite echa korisile,tai ke hatai dise,kelemane tai mon ghurabole nimite aru homoi panai,tai kandi kena suku pani ulai le bhi eku panai.
\v 18 Apuni khan kiba ekta chobole para laga usorte aha nai,joli thaka juie,andhera,eku nedikha hoi ja,aru tufan,
\v 19 aru ekbar trumpet bojai diya homoite,aru eitu awaz kuntu kotha koi kun hunise tai khan bhig mangise aru ekta kotha bhi tai khan ke nokobole nimite koise.
\v 20 Kelemane tai khan ke ki hukum disele eitu mani kena thakibole paranai:''Jodi ekta janwar eitu pahar tu chui diye,eitu pathor hoi jabo.''
\v 21 Eitu dekhi kena bhoi lagise aru Moses pora koise,''Moi bhoi lagi ahse aru moi bhoi pora kapi ahse.''
\v 22 Hoilebhi , tumi mount Zion te aru Isor laga desh te ahise,sworgo laga Jerusalem,aru dus hazar sworgodut khan khusi kori thaka jaga te,
\v 23 aru pohila bacha jonom kori kena manu khan jama kora jaga te,aru Isor logote,sob ke bichar kora ekjon,aru dharmic manu laga atma khan logote kun ke bhal bonai dise,
\v 24 aru Jisu ,manu aru Isor majote nutun niyom pora kotha kori diya ekjon,aru ulai kena dhali deya khun kun tu Abel laga khun pora bhi bhal ahse.
\v 25 Sabi apuni logote kun pora kotha kori ahse Teo ke mana nokoribi.Kelemane tai khan polabole paranai jetiya tai khan Isor ke mana korise kun eitu prithibi te tai khan ke beya rasta te najabole koise,tetiya hoile moi khan Teo kun sworgo pora koi ahse Teo laga usor pora keneka polabole paribo.
\v 26 Ekta homoi te,Teo laga awaz pora prithibi tu hilai dise.Kintu etiya kosom khai kena koise,''Aru ekbar khali eitu prithibi tu hai nohoi,kintu sworgo bhi hilai dibo.''
\v 27 Kintu eitu kotha khan,''aru ekbar,''laga matlabki tu hilaise eitu hatai dibole nimite,aru eitu hoile,ki tu bonai disele,kun tu hilai diya nai eitu thakibo.
\v 28 Eitu nimite,moi khan ketiya bhi hilabole napara laga raijo tu pai ahse,moi khan eitu ke mani kena thakibo,eitu pora moi khan Isor ke aradhana kori kena Teo ke khusi koribo,saman aru ahdat di kena
\v 29 Moi khan laga Isor tu hoile pura bhorta kori kena sai diya laga juie ahse.
\c 13
\v 1 Bhai kokai laga morom hodai thakibole dibi.
\v 2 Manu ke bhal pora sai dibole nimite napahoribi,eitu pora,kunba manu najani kena sworgodut khan ke bhi sai dise.
\v 3 Jail te thaka manu khan ke yad koribi,tai khan logote thaka nisina.Kun manu ke bhal pora sanai tai ke bhi yad koribi,apuni tai laga gaw bhitor te thaka nisina.
\v 4 Manu pora bhal kori kena shadi korile ahdar koribi,aru shadi laga bisna tu sapha rakhibi,kelemane Isor pora bewobichari kam kora manu khan ke bichar koribo.
\v 5 Moi khan poisa laga morom pora dur hoi kena thakibo.Apuni logote ki ahse eitu pora khusi hoi kena thakibi,kelemane Isor Teo nijor pora koise,''Moi tumi khan ke ketiya bhi nacharibo,aru moi tumi khan ke ketiya bhi beya napabo.''
\v 6 Eitu nimite moi khan bisas pora koi,''Moi khan ke modot kura probhu ahse;moi bhi nokoribo.Manu pora moi ke ki koribole paribo?''
\v 7 Apuni laga cholawta khan ke mani kena thakibi,kun apuni khan ke Isor laga kotha tu koi diye,aru tai khan apuni logote keneka thake eitu sai lobi,aru tai khan bisas te thaka nisina thakibi.
\v 8 Jisu Krista kali,ahji aru hodai nimite eke ahse.
\v 9 Apuni khan ke alak niyom aru kanun pora shikai diya kotha khan huni kena harai najabi.Kelemane apuni laga mon tu morom pora takot kori kena rakha tu hai bhal ahse,kun manu kha luwa laga pichete jai tai khan eitu pora madot napabo.
\v 10 Moi khan laga ekta eneka jaga ahse kun manu ke sewa kore tai khan tate khabole naparibo.
\v 11 Pap pora maph pabole nimite janwar ke moraise aru tai laga khun loi kena moha purohit khan pobitro jaga te jaise,kintu tai khan laga gaw tu bahar te loi jai kena jolai dise.
\v 12 Jisu bhi city laga gate bahar te jai kena dukh pisile,Teo laga khun pora manu khan ke sapha kori dibole nimite.
\v 13 Eitu nimite moi khan ghor pora bahar te ulai kena Teo logote jabo,Teo nimite kam koribole karone.
\v 14 Kelemane moi khan hodai thakibole laga eitu desh nohoi.Kintu,moi ki tu ahibole ahse eitu nimite sai kena rukhi ahse.
\v 15 Jisu laga nam loi kena,moi khan mohima laga dan di kena Isor ke aradhana koribo.
\v 16 Kintu moi khan manu nimite bhal kam koribole nimite alchi nokoribo,kelemane Isor eneka kora laga bolidan diya tu hai khusi pai.
\v 17 Apuni khan laga cholawta pora ke koi ahse eitu mani kena thakibi,kelemane tai khan apuni beya rasta te najabole nimite apuni laga atma tu sai kena thaki ahse,aru eitu laga sob hisab tu dibole lagibo.Apuni laga cholawta khan khusi pora eitu kam koribole nimite tai khan laga kotha mani kena thakibi,tai khan ke beya napabi,kelemane apuni eneka korile apuni laga eku lab nohobo
\v 18 Moi khan nimite prathana koribi,kelemane moi khan sapha mon loi kena sob bhal kam kori thaki kena zinda thakibole nimite echa kori ahse .
\v 19 Kintu moi apuni khan ke eitu pora bhi bisi koribole nimite mon dangor kori di ahse,eitu pora moi bhi apuni khan logote joldi ahibole paribo.
\v 20 Etiya Isor laga shanti,kun ke mora pora loi kena manu khan nimite ahnise,moi khan laga probhu Jisu,ketiya bhi khotom nokora nutun niyom laga khun pora,
\v 21 sob bhal kam pora Teo laga kam koribole nimite apuni khan ke tayar kori di ahse,moi khan logote kam kori kena Teo ke khusi koribole nimite,Jisu Krista laga nam pora,Teo laga mohima hodai nimite thakibole dibo.Amen.
\v 22 Etiya moi apuni khan laga mon dangor kori di ahse,bhai khan,mon dangor kora laga kotha khan loi kena thakibi,olop kotha pora hai moi apuni khan ke likhi di ahse.
\v 23 Moi khan laga bhai ke chari dise koi kena janise,tai ke loi kena moi apuni khan ke joldi sabole ahibo.
\v 24 Apuni khan laga cholawta aru sob dharmic manu khan ke salamdibi.Aru kun Italy pora ahse tai khan ke bhi salam dibi.
\v 25 Apuni khan logote asirbad thakibole dibo.