BCS-BIBLE_IndianStandardVersion-Nagamese-NT/Stage 1/L234_Galatians_1.SFM

\id GAL - Indian Revised Version (IRV) Nagamese
\c 1
\v 1 Paul,ekjon apostle-manu pora nohoi aru manu laga echa pora nohoi,kintu Jisu Krista aru Baba Isor pora,kun hai Teo ke mora pora zinda kori dise-
\v 2 aru moi logote thaka sob bhai khan,Galatia laga girja khan ke:
\v 3 Baba Isor laga anugrah aru Jisu Krista laga morom apuni khan logote hodai thaki bole dibo,
\v 4 moi khan ke pap laga kam pora bacha bole nimite Teo nijor laga jibon di dise,moi khan laga Baba Isor laga echa nimite,
\v 5 sob mohima Teo laga hai hobole dibi hodai aru hodai nimite.Amen.
\v 6 Moi asurit hoi jaise apuni khan eman joldi dusra manu khan pora prochar kora laga kotha te jai ahse aru Krista kun apuni khan ke morom pora matise Teo pora dur hoi kena alak phale jai ahse.
\v 7 aru bhi dusra prochar kora laga kotha ahse koi kena nohoi,kintu kunba manu dikdar kori bole mon thaka bhi ahse aru Krista laga kotha ke ulta kori diya manu lhan bhi ahse.
\v 8 Kintu jodi kunba swargodut aru moi khan hoilebi kunba apuni khan ke Isor laga kotha chari kena dusra kotha pora prochar kore,tai ke curs kori dibi.
\v 9 Moi khan pohila te kuwa nisina,aru bhi ekbar moi koi ahse,''Jodi kunba apuni ke Isor laga kotha chari kena dusra phale pora prochar kore,tai ke curs kori dibi.''
\v 10 Moi etiya manu laga echa koribole bisari ahse na Isor laga echa koribole bisari ahse?Moi manu ke khusi kori bole bisari ahse niki?Jodi moi etiya bhi manu ke khusi koribole bisari ahse koile,moi Krista laga ekta sewak nohoi.
\v 11 Moi apuni khan ke jani bole dibo mon ahse,moi ki prochar kori ahse eitu manu pora kuwa kotha nohoi.
\v 12 Kelemane moi eitu kun manu pora bhi pa nohoi,aru kun bhi moi ke shika nai.Kintu,Jisu Krista pora hai moi ke sob dekhai dise.
\v 13 Apuni khan moi pohila judaism te keneka thakise eitu jane,moi kena kori kena Isor laga girja khan ke kobole napara laga dukh di thakise aru pura khotom kori dibole nimite bisarise.
\v 14 Moi judaism te bisi bhal thakise aru moi pora bhi dangor manu khan pora bhi moi ahge thakise,moi nijor manu khan majo pora.Moi laga baba khan laga niyo khan bhal kori kena rakhi bole nimite moi hodai tayar thakise.
\v 15 Kintu jetiya Isor,kun moi ke ama laga pat te thaka homoi pora alak kori dise,aru kun moi ke Teo laga anugrah te matise,Teo khusi paise
\v 16 moi ke Teo laga bacha dekhai dibole nimite,eitu pora moi Teo laga kotha dusra jat manu khan ke kobole nimite,moi joldi pora khun aru gaw mangso te thaka khan logote eitu huda nai.
\v 17 Moi Jerusalem te kun moi laga ahgete apostle hoi kena thakise tai khan nimite janai.Kintu,moi Arabia te jaise aru Damascas te wapas ahi jaise.
\v 18 Tetiya moi tin sal pichete Jerusalem te jaise aru tate Cephas ke lok paise aru moi tai logote pondro din tak thakise.
\v 19 Kintu moi James chari kena dusra apostle kun ke bhi dekha nai,Probhu laga bhai.
\v 20 Kintu moi ki apuni khan ke likhise,moi Isor laga nam pora koi ahse,moi apuni khan ke misa kotha kuwa nai.
\v 21 Tetiya moi Syria aru Cilicia laga jaga te jaise.
\v 22 Judea laga girja kun Krista logote ahse tai khan ke moi bhal pora najane.
\v 23 Kintu tai khan eneka koi thaka tu hai hunise,''Eitu manu kun pohila te moi khan ke dukh dise aru sob tu khotom kori bole bisarise tai eitu bisas laga kotha moi khan ke prochar kori ahse.''
\v 24 Eitu pora tai khan moi nimite Isor ke mohima dise.
\c 2
\v 1 Tetiya moi chalis sal pichete Barnabas ke loi kena Jerusalem te jaise,aru Titus ke bhi moi logote loi jaise.
\v 2 Kintu moi jaise kelemane Isor laga kotha pora moi ke dusra jat manu khan logote prochar kori bole nimite koise.Moi kun bisi dorkar ahse tai khan logote lukai kena kotha korise,kelemane moi nopolabo-aru polabole nalagibo-aru ki kam kori ahse eitu ene khali naja bole nimite nijor ke bhal kori kena sai thakise.
\v 3 Kintu khali Titus hai nohoi,kun moi logote thakise aru tai ekjon Greek manu thakise,tai ke bhi jobor jost sapha kori bole nimite dise.
\v 4 Kintu eitu sob tu misa kuwa bhai khan kun lukai kena ahise tai nimite eneka hoise.Tai khan lukai kena ahise aru moi khan Jisu krista logote bhal kori thaka pora hatai kena nokor koribole dibo nimite korise.
\v 5 kintu moi khan olop homoi nimite thaki bole karone eitu kam kora nai,kintu Isor laga kotha apuni khan logote hodai thaki bole nimite korise.
\v 6 Kintu kun manu bisi bhal ahse koi kena dekhe(tai khan keneka thakile bhi moi nimite eku matlab nai,Isor manu laga bahar tu nasai)-kintu,kun manu bhal nisina dekhe tai khan moi nimite eku nai.
\v 7 Eitu nisina,moi sapha nokori kena thaka manu khan logote kam kori bole nimite bachi loise koi kena dekhise,jeneka Peter ke sapha thaka manu khan ke prochar kori bole nimite bachi loise.
\v 8 Kelemane Isor,kun Peter ke sapha manu majote kam kori bole nimite bachi loise,dusra jat manu majote kam kori bole nimite moi ke bhi bachi loise.
\v 9 Jetiya James,Cephas aru John,kun ke ekta pillar nisina manise,moi ke anugrah diya tu bujise,tai khan moi aru Barnabas ke tai khan laga dyaina hath khuli kena sob dise.Moi khan dusra jat logote jabole paribo nimite tai khan eneka korise,aru tai khan bhi kun sapha ahse tai khan logote jabole paribo nimite eneka korise.
\v 10 Tai khan khali gorib khan ke yad koribole nimite anuroth korise,aru moi bhi eitu koribole nimite bisi mon thakise.
\v 11 Kintu jetiya Cephas Antioch te ahise,Moi tai laga chehera usrorte mana kori dise kelemane tai golti kam korise.
\v 12 Kintu, James logote kun ba manu khan naha ahgete,Cephas dusra jat manu khan logote bohi kena khai thakise.Kintu jetiya eitu manu khan ahise,tai nijor ke dusra jat manu khan ke chari kena tai khan pora alak hoi jaise.Mnu khan pora sapha thaka khan ke bisara nimite tai bhoi lagise.
\v 13 Dusra jehudi manu khan bhi tai logote misa pora thaki ahse,eitu nimite Branabas bhi tai khan laga misa kam te phasi jaise.
\v 14 Kintu jetiya moi tai khan ke hosa laga kotha namani kena thaka dekhise,Moi Cephas ke tai khan sob laga majote koise,''Apuni jodi Jehudi ahse hoile bhi dusra jat manu nisina thaki ahse aru jehudi manu nisina thaka nai,tetiya hoile apuni dusra jat manu khan ke apuni nisina thaki bole keneka kobole paribo?''
\v 15 Moi khan jonom pora jehudi ahse aru moi khan pap laga dusra jat khan nohoi;
\v 16 moi khan jane kun manu bhi niyom kanun laga kam kori kena nijor ke bhal kori bole napare kintu khale Jisu Krista logote bisas thakile hai pare.Niyom kanun mani kena nohoi kintu Jisu Krista logote bisas kori kena moi khan bhal hobole paribo.Kelemane kanun laga kam pora moi khan laga gaw tu bhal kori bole napare.
\v 17 Kintu jodi,moi khan Krista usote bhal hobole bisarile,moi khan nijor,moi khan bhi ekta papi manu ahse koi kena hai pabo,tetiya hoile Krista pap kori bole nimite diye?Ketiya bhi nohoi!
\v 18 Jodi moi kuntu tu pohila te bhangai dise eitu bona bole bisarile,Moi nijor ke ekta kanun bhangai diya manu ahse kobo.
\v 19 Moi kanun te thaka nimite kanun pora hai morise,eitu pora moi Isor logote zinda thaki bole paribo.Moi bhi Krista logote crus te morise.
\v 20 Moi bhi Krista logote crus te morise aru moi nijor pora zinda thaka nai,kintu Krista moi logote zinda ahse.Kintu moi bisas pora gaw te zinda thaki ahse-Isor laga bacha logote bisas pora,Teo moi ke morom kora nimite nijor ke bolidan kori dise.
\v 21 Moi Isor laga anugrah alak kori kena rakhi nediye,jodi dharmic tu kanun pora hai pabole parile,tetiya hoile Krista moi khan nimite mora tu eku kam nai!
\c 3
\v 1 Galatians laga okora manu khan!Kun pora apuni khan uporte jadu kori dise?Apuni khan laga chuku usorte Jisu Krista ke cros te mari kena dekhai dise.
\v 2 Moi eitu kotha apuni khan pora jani bole mon ahse:Apuni khan Atma laga asirbat niyom kanun pora paise na bisas pora huni kena paise?
\v 3 Apuni eman okora ahse?Atma pora suru korise,aru etiya apuni gaw mangso pora khotom koribole ahse?
\v 4 Apuni khan matlab nathaka laga kam nimite dukh paise-jodi eitu eku kam nimite thaka nai koile?
\v 5 Eitu karone,Teo kun apuni khan ke atma dise aru ahsurit kam kori kena dikhai dise Teo niyom kanun pora kore niki,aru bisas tu huni kena kore?
\v 6 Abraham pora Isor ke biusas kora nisina''Isor hai tai ekta dharmic manu ahse koise,''
\v 7 eitu nisina,buji lobi,kun manu bisas te ahse,tai khan Abraham laga bacha khan ahse.
\v 8 Kintu Isor laga kotha pora koi dise,Isor hai dusra jat manu khan ke bisas laga hisab te bichar koribo,Abraham ke pohila pora eitu Isor laga kotha tu prochar kori dise,aru koise,''Tumi pora hai pura desh tu asirbat pabo.''
\v 9 tetiya hoile,kun manu logote bisas ahse tai bhi Abraham logote asirbat ahse,bisas te thaka manu ekjon.
\v 10 Eitu nimite ,kun manu niyom kanun laga kam te hai bharosa kori kena thake tai khan pap te giri ahse;aru eitu karone eneka likhi kena ahse,''Kun manu eitu niyom laga kitab te likhi kena thaka khan namani kena thake tai khan pap te giri kena ahse,aru kun eitu nokore tai khan bhi pap te ahse.''
\v 11 Etiya eitu sapha hoi jaise kun manu bhi kanun laga niyom hisab te bichar nokoribo,kelemane''dharmic manu bisas pora hai jinda thakibo.''
\v 12 Kintu niyom kanun khan disas pora nohoi,hoilebi,''Kun manu kanun laga kam kore tai eitu hisab te hai thaki bole lage.''
\v 13 Krista moi khan ke pap laga kanun te giri kena thaka pora bachai loise Teo nijor ke eitu pap te girai dise-eneka likhi kena ahse,''Kun manu eitu ghas te hang kore tai letra ahse''-
\v 14 eitu pora Abraham laga asirbat dusra jat manu khan logote Jisu Krista hoi kena ahibo,aru bisas pora moi khan atma laga asirbat tu pabo.
\v 15 Bhai khan,manu laga hisab te hai moi kotha koribo.Manu pora bonai diya kagos,kun pora phi nijor khusi pora bodli aru hatai dibole naparibo,jetiya eitu kanun laga niyom te bonai loi.
\v 16 Etiya eitu kosom Abraham aru tai laga manu khan logote koi dise.Tate eneka kuwa nai,''khandan khan ke,''bisi manu ke kuwa nisina,kintu khali ekjon ke hai koise,''aru tumi laga manu khan ke,''kun Krista ahse.
\v 17 Etiya moi kobole thaka tu hoile:Eitu kanun,kun tu 430 sal pichete ahise,Isor pora kun tu kosom pohila te dise eitu hatai nediye aru ki kam nimite dise eitu bhi hatai diya nai.
\v 18 Jodi niyom kanun pora hai moi khan Isor logote thakibole pare koile,tetiya hoile eitu kosom diya pora aha nai.Kintu Isor hai Abraham ke kosom pora dise.
\v 19 Tetiya,hoile,niyom kanun laga ki matlab ahse?Eitu tu hoile manu khan khusi thaka nimite bonai dise,jetiya tak Abraham laga khandan pora kosom diya laga ekjon nahe,Eitu niyom kanun khan sworgodut khan ke jobor jost dhali dise.
\v 20 Etiya manu laga majote kotha milai diya manu ekjon pora bhi bisi thake,kintu Isor tu ekta hai ahse.
\v 21 Isor laga kosom tu niyom pora bhi dangor ahse niki?Eneka nohoi!Kelemane jodi kanun pora hai jibon pabole parise koile,tetiya hoile dharmic bhi niyom kanun pora hai ahibole thakise.
\v 22 Kintu Isor laga kotha pora sob pap tu nichete ahni loise.Isor pora eneka korise kelemane kun manu bisas kore tai khan ke kosom diya nisina Jisu Krista pora bachai dibo.
\v 23 Etiya bisas naha ahgote,moi khan ke kanun pora dhori kena rakhi thakise,jetiya tak bisas tu dekhai diya nai.
\v 24 Kanun pora hai moi khan ke sai thakise jetiya tak Jisu Krista moi khan logote aha nai,eitu nimite bisas pora hai moi khan ke bichar koribo.
\v 25 Kintu etiya bisas tu ahi jaise,moi khan dusra manu laga nichete nai.
\v 26 Kelemane apuni khan Isor laga bacha khan ahse bisas pora aru Jisu Krista logote.
\v 27 Kiman manu Krista logote baptisma loise tai khan sob Krista laga kapra pora nijor ke lagai loise.
\v 28 Tate aru Jehudi aru Greek nai,tate aru sewa kora aru nokora manu nai,tate mota aru maiki nai,apuni khan sob Jisu Krista logote ekta ahse.
\v 29 Kintu jodi apuni Krista laga ahse,tetiya hoile apuni Abraham laga khandan ahse,aru kosom di kena thaka laga bacha khan ahse.
\c 4
\v 1 Kintu moi bacha khan ke koi ahse,jetiya tak tai ekta chutu bacha ahse,tai manu laga sewa kora manu nisina hai ahse,tai nijor laga mati bari bisi thakile bhi.
\v 2 Kintu bacha khan ke manu khan pora sai dibo jetiya tak Teo laga Baba pora thik homoi tu nediye.
\v 3 Eitru karone,jetiya moi khan bacha thakise,moi khan prithibi laga niyom hisab te chule kena sewa kori thakise.
\v 4 Kintu jetiya eitu pura hoi jabole nimite homoi tu ahise,Isor hai Teo laga chokora ke pothaise,ekta maiki pora jonom kora,kanun niyom pora jonom korise.
\v 5 Teo kun kanun nichete dabi kena ahse tai khan ke bacha bole nimite korise,eitu pora moi khan bhi Teo laga bacha hoi jabole nimite.
\v 6 Kelemane apuni khan bacha ahse,Isor hai Teo laga chokora laga atma tu moi khan laga mon te pothai dise,kun hai ,''Sworgote thaka Baba, koi kena mate.''
\v 7 Eitu nimite apuni khan aru sewa kora manu nohoi,kintu ekta chokora,aru jodi ekta chokora,tetiya hoile apuni bhi Isor laga bacha ahse.
\v 8 Kintu eitu homoi te,jetiya apuni Isor ke jana nai,apuni khan kun Isor ke najane tai khan ke sewa korise,apuni laga kam pora,aru tai khan isor nohoi.
\v 9 Kintu etiya apuni khan Isor ke jani loise,aru Isor pora bhi apuni khan ke jani loise,tetiya hoile kele apuni khan komjor aru beya rasta phale jai ahse?Apuni khan aru bhi tai khan laga nichete sewa koribole mon ahse?
\v 10 Apuni khan nutun din nutun moon aru nutun sal aru mohina khan sai thake!
\v 11 Moi bhoi lagi ahse apuni khan nimite ki kam kori dise eitu eku lab nohoile.
\v 12 Moi apuni khan ke anurot kori ahse,bhai khan,moi nisina hoi jabi,kelemane moi apuni khan nisina hoi jaise.Apuni khan moi ke eku biya kam kori diya nai.
\v 13 Kintu apuni khan jane moi gaw pora bimar thaka nimite eitu bhal kotha khan apuni khan ke pohila pora prochar kori dise.
\v 14 Moi laga gaw sai kena apuni khan dukh pai ahse,hoile bhi apuni khan moi ke chara nai.Aru apuni khan moi ke Isor laga sworgodut thaka nisina bhal kori kena moi ke saise,Jisu Krista tu moi hai thaka nisina.
\v 15 Tetiya, hoile,apuni laga asirbad tu etiya kote ahse?moi apuni khan ke eitu gawahi di ahse,jodi pare,apuni khan laga chuku tu ulai kena moi ke dibole thakise.
\v 16 Eitu nimite,moi apuni khan ke hosa kotha tu koi diya nimite apuni laga dusman hoi jaise?
\v 17 Tai khan apuni ke jiti lobole nimite chuku joli ahse,kintu bhal nimite nohoi.Tai khan apuni ke chup korai dibole mon ahse,eitu pora apuni tai khan uporte chuku joli thakibo.
\v 18 Kintu hodai bhal kam koribole nimite chuku jola tu bhal ahse,aru khali moi apuni khan logote thaka homoi te nohoi.
\v 19 Moi laga chutu bacha khan jetiya tak Jisu Krista apuni khan bhitor te jonom noloi tetiya tak moi ekta maiki pora bacha pabole nimite dukh pa nisina pai thakibo.
\v 20 Kintu moi echa kore apuni khan logote thaki kena moi kotha kora laga adat tu bodli kori bole nimite,kelemane moi apuni khan nimite bisi chinta ahse.
\v 21 Moi ke kobi,apuni khan kun kanun laga nichete thakibole mon ahse,apuni khan kanun tu mani kena nathake niki?
\v 22 Eneka likha ahse Abraham laga duita bacha thakise,ekjon tu sewa kora maiki laga bacha aru ekjon tu bhal maiki laga bacha.
\v 23 Kintu ekjon sewa kora maiki gaw pora jonom loise,aru ekjon tu kosom diya nisina bhal maiki pora jonom loise.
\v 24 Eitu khan sob tu ekta kahani nisina koi dibole nimite,kelemane eitu maiki khan duita kosom loi kena ahse.Ekjon tu hoile mount Sinai pora ahse aru tai sewa kora bacha khan ke jonom dise.Tai Hagar ahse.
\v 25 Etiya Hagar mount sinai Arabia te moi khan sob nimite thaki ahse;aru tai etiya laga Jerusalem tu sai ahse,kelemane tai laga bacha khan ke loi kena sewa kori kena thaki ahse.
\v 26 Kintu Jerusalem kun tu uporte ahse tai free ahse,aru tai moi khan laga ama ahse.
\v 27 Kelemane eneka likha ahse,''Khusi koribi,kun bacha jonom koribole napare;hala kori kena khusi pora kandibi,apuni khan kun bacha jonom kora laga dukh panai;kelemane motha thaka laga maiki pora bhi bisi bacha mota nathaka maiki khan laga ahse.''
\v 28 Kintu apuni,bhai khan,Isaac nisina,kosom diya laga bacha ahse.
\v 29 Kintu ekta homoi te kun gaw mangso pora jonom loise atma pora jonom luwa ekjon ke dukh dise.Eitiya bhi eneka ahse.
\v 30 Kintu Isor kotha pora ki koi ahse?''Sewa kora laga maiki aru tai laga bacha ke pothai dibi.Kelemane sewa kora maiki laga bacha aru ekta bhal thaka maiki laga bacha eke logote thakibole naparibo.''
\v 31 Eitu nimite ,bhai khan,moi khan sewa kora maiki laga bacha nohoi,kintu ekta bhal maiki laga bacha ahse.
\c 5
\v 1 Kelemane krista pora moi khan ke free kori dise.Thik pora khara hoi jabi,eitu nimite,aru bhi pap laga kam ke sewa nokoribi.
\v 2 Sabi,Moi,Paul,apuni khan ke koi ahse jodi apuni khan nijor ke sapha kori loi ,tetiya Krista apuni khan ke eku rasta pora bhi bon kori nidibo.
\v 3 Kintu moi sob manu khan ke eitu gawahi di ahse kun manu nijor ke sapha kori loise tai pura niyom kanun khan mani kena thakibole lage.
\v 4 Apuni khan Krista usor pora kati dise,apuni khan ke kanun laga niyom pora hai bichar koribo;apuni khan Teo laga anugrah pora giri jaise.
\v 5 Kelemane atma pora,aru bisas pora,moi khan dharmic nimite ahsa kori kena rukhi ahse
\v 6 Kelemane Jisu Krista laga usorte sapha thaka aru sapha nathaka laga eku motlob nai,kintu morom pora hai bisas tu kam kore.
\v 7 Apuni bhal pora polai thakise.Kun pora apuni ke hosa laga kotha mani kena thakibole nimite rukhai kena rakhise?
\v 8 Kun pora apuni ke matise Teo pora dukh tu ahni nidiye!
\v 9 Ekta chutu guti pora pura roti tu dangor phuli bole diye.
\v 10 Moi apuni khan uporte probhu laga nam te pura bharosa ahse apuni khan dusra phale nasabo.Kintu,kun manu apuni ke dikdar kori ahse tai sajai pabo,tai kun hoile bhi.
\v 11 Kintu bhai khan,jodi moi etiya bhi apuni khan ke sapha hoi jabole laga kotha koi ahse,tetiya hoile moi kele dukh pai ahse?Eneka ahse koile cros usorte ahibole laga rasta bon kori kena thaka tu hatai dise.
\v 12 Kun manu apuni khan ke dikdar kori ahse,moi echa kori ahse tai khan nijor hai harai jabo!
\v 13 Kelemane apuni khan ke bhal pora thakibole nimite mati loise,bhai khan.Kintu apuni khan ke ki nimite matise eitu beya aru pap laga kam pora nocholabi,hoilebi,morom pora ekjon-ekjon ke cholabi.
\v 14 Kelemane pura kanun tu ekta hukum pora hai pura kori kena ahse,eitu hoile,''Apuni nijor ke morom kora nisina apuni laga ghor usor manu ke bhi morom koribi.''
\v 15 Kintu jodi apuni khan ekjon-ekjon logote beya koribole bisare,tetiya hoile sai lobi apuni khan ekjon -ekjon logote dusman hoi jabo.
\v 16 Kintu moi koi ahse,atma pora berabi tetiya apuni pap laga kam aru echa khan nobukhibo.
\v 17 Kelemane pap laga kam khan atma logote nemile,aru atma laga kam khan pap laga kam ke birot kore.Kelemane eitu duita ekjon-ekjon logote nimile,eitu pora apuni ki koribole mon jai eitu koribole napare.
\v 18 Kintu jodi apuni ke atma pora cholai kena loi jaiapuni kanun laga nichete nai.
\v 19 Eitya pap laga kam khan eneka ahse,kun tu:bewobichari ahse,sapha nathaka kam,aru manu logote chalak nokoribi,
\v 20 murti puja kora,jadu montor kora,hinsa kora,chuku jola,khong uthi thaka,manu pora bhi bisi bhal koribole mon juwa,aru,alak-alak kori diya,
\v 21 dusman,nisa hoi thaka,nisa te khusi kora,aru eitu kam khan.Apuni khan ke eitu kam pora warn kori ahse,moi pohila te bhi apuni khan ke koi dise,kun manu eitu kam khan kori thake tai khan Isor laga raijo te jabole naparibo.
\v 22 Kintu atma laga phol khan morom,khusi,shanti,dhorjo,bhal,aru bisas ahse,
\v 23 nomro pora,aru nijor ke beya kam pora rukhai kena rakhe;eitu khan nimite eku kanun nai.
\v 24 Kintu,kun manu Jisu Krista logote sob pap laga echa khan loi kena crus te morise.
\v 25 Jodi moi khan atma te thake,tetiya hoile moi khan bhi atma te bera bole lage.
\v 26 sMoi khan nijor uporte phutani nokoribo,dusra ke beya nokobo,aru ekjon-ekjon logote dusman nokoribo
\c 6
\v 1 Bhai khan,jodi kunba ke beya kam kori kena dhure,apuni khan kun atma te ahse tai khan ke atma laga nomro pora uthai lobi.
\v 2 Ek dusra laga bhar tu utai lobi,aru Krista laga niyom kanun ki ahse eitu pura koribi.
\v 3 Kunba manu tai bhal nohoile bhi nijor ke bhal bhabe,tai nijor ke thokai di ahse.
\v 4 Sob manu nijor laga kam tu bhal pora sai lobi,eitu pora tai nijor ke sai kena phutani koribole paribo kintu dusra ke sai kena nohoi.
\v 5 Kelemane nijor laga bhar tu nijor hai bukhi bole lage.
\v 6 Kun manu Isor laga kotha tu shikai tai shikai diya manu logote mili kena sob bhal kam khan koribole lage.
\v 7 Nijor ke nothokabi.Isor ke sorom khela bole napare,ekjon manu pora ki kam kore,tai eitu hisab te hai pabo.
\v 8 Kun manu tai nijor laga pap laga bijon dhale,eitu pap pora hai tai khotom hoi jabo..Kintu kun manu atma laga bijon dhale,eitu atma pora hai tai ananta jibon pabo.
\v 9 Kintu moi khan bhal kam koribole nimite alchi nokoribo,kelemane thik homoi te moi khan kheti katibo,jodi moi khan alchi nokore.
\v 10 Eitu nimte,moi khan koribole para homoi te,moi khan sob manu nimite bhal kam koribo,aru tai khan nimite kun bisas laga ghor te thaki ahse.
\v 11 Sabi moi nijor laga hath pora eman dangor chithi likhi dise.
\v 12 Kun manu gaw mangso pora bhal dikhabole mon ahse tai khan apuni khan ke sapha kori dibole mon ahse.Tai khan Jisu Krista laga cross te dukh napabole nimite eneka kori ahse.
\v 13 Kun manu tai nijor ke sapha kori loise tai khan bhi niyom kanun mani kena nathake,kintu tai khan apuni ke sapha kori dibole mon ahse kelemane tai khan apuni laga gaw loi kena phutani koribole nimite.
\v 14 Moi khali Jisu Krista laga cross te hai phutani koribo,eitu pora pura prithibi moi logote bolidan hoise,aru moi eitu prithibi logote.
\v 15 Kelemane sapha thaka aru sapha nathaka manu logote eku gonti nokore,kintu ki gonti kore koile ekta nutun bonai diya manu.
\v 16 Kun manu bhal pora thaki ahse,shanti aru morom apuni khan logote thakibole dibi,Isreal laga Isor logote bhi thakibole dibi.
\v 17 Etiya pora moi ke kun bhi dikdar nokoribi,kelemane moi Jisu laga dagi moi laga gaw te loi kena ahse.
\v 18 Probhu Jisu Krista laga anugrah apuni khan laga atma logote thakibole dibi,bhai khan.Amen.