BCS-BIBLE_IndianStandardVersion-Nagamese-NT/Stage 1/L234_Colossians_1.SFM

\id COL - Indian Revised Version (IRV) Nagamese
\c 1
\v 1 Paul,Isor laga echa pora Krista Jisu laga ekjon apostle,aru Timothy moi khan laga bhai,
\v 2 bisasi manu khan aru Krista laga bisasi bhai khan kun Colossae te thaki ahse.Apuni khan logote asirbad thakibole dibo,aru Baba Isor aru probhu Jisu Krista laga shanti.
\v 3 Moi khan Isor ke dhanyabat di ahse,probhu Jisu Krista Laga Baba Isor,aru moi khan hodai apuni khan nimite prathana kori ahse.
\v 4 Apuni khan Jisu Krista logote bisas thaka tu moi khan huni loise aru eitu manu khan nimite morom thaka tu kun Isor pora alak hoi kena ahse.
\v 5 Apuni logote eitu morom ahse kelemane sworgote apuni nimite asha rakhi kena ahse.
\v 6 kun tu apuni khan logote ahise.Eitu Isor laga kotha pora bisi phol ulai kena prithibi te aru bhi dangor hoi thaka nisina,eitu apuni khan majote kori thakise kun tu di pora apuni hunise aru shikise Isor laga anugrah aru hosa laga kotha.
\v 7 Eitu Isor laga kotha apuni khan Epaphras pora shiki bole parise,moi khan laga morom sewak khan,moi khan laga bodli te Krista laga bisasi sewak.
\v 8 Epaphras pora apuni khan atma te morom thaka tu moi khan ke jani bole dise.
\v 9 Eitu morom thaka nimite,jetiya pora eitu hunise moi khan apuni khan nimite prathna koribole rukha nai.Apuni khan ke Teo laga gyan aru aeha pora atma laga kotha khan buji bole paribole nimite mangi thakise.
\v 10 Moi khan prathna kori ahse apuni khan Probhu ke khusi kori kena bhal rasta te berai kena jabo aru sob kam mon di kena kori thakibo.Moi khan prathna kori ahse apuni khan sob bhal pora bhal phol ulabo aru Isor laga gyan te aru bhi bisi dangor hoi thakibo.
\v 11 Moi prathna kore apuni khan sob kam khan koribole nimite takot pabo Teo laga mohima aru takot pora aru sob kam te nomro aru khusi pora cholai kena loi jabo.
\v 12 Moi prathna kore apuni khan Baba Isor ke dhanyabat dibo,kun pora apuni ujala laga dharmic manu hoi kena Teo laga raijo te thakibole nimite jaga dise.
\v 13 Teo moi khan ke andhera laga raijo pora bachai loise aruTeo laga chokora laga raijo te ahni loise,
\v 14 aru Teo pora hai mukti pai,aru sob pap pora maph kori diye.
\v 15 Teo nedikha Isor laga ekta chavi ahse,bonai diya laga pohila jonom.
\v 16 Teo pora hai sob saman khan ke bonaise,sworgo te aru eitu prithibi te,dekha aru nidikha saman khan.Sinhasan aru raijo cholawta aru adhikar,sob tu Teo pora hai bonaise aru Teo nimite hai bonaise.
\v 17 Teo nijor sob saman ahge te ahse,aru Teo logote hai sob saman khan eke logote dhori kena ahse.
\v 18 Teo gaw laga matha ahse,eitu girja khan.Teo hai suru ahse aru mora khan majote pohila jonom kora ahse,eitu nimite sob saman pora bhi Teo ahge jaga te ahse.
\v 19 Kelemane Teo khusi paise aru sob manu Teo laga ki ahse eitu pura loi kena Teo logote thakibole lage,
\v 20 aru Teo logote mon mili kena thakibole nimite Jisu pora hai sob kam tu kori dise.Isor pora Jisu laga khun kuntu crus te ulaise eitu pora shanti bonai dise.Teo pora,Isor pora sob ke milai dise eitu prithibi te aru sworgo te sob saman thaka khan logote.
\v 21 Ekta homoi te,apuni bhi Isor usorte alak manu thakise bhabna aru beya kam pora Teo laga dusman thakise.
\v 22 Kintu etiya Teo nijor gaw aru mora nimite apuni logote mon milise.Teo apunike Isor usorte pobitro aru sapha pora dibole nimite korise.
\v 23 jodi apuni bisas te chuli thakile,bhal kori kena khara kore aru hati najai eitu asha laga kotha pora kun tu apuni hunise.Eitu kotha sob manu ke prochar kori dise kun ke sworgo laga nichete bonaie.Eitu kotha nimite moi,Paul,ekta sewak hoi jaise.
\v 24 Etiya moi apuni khan nimite duk kori thaka tu khusi pai ahse, aru moi laga gaw mangso te ki komti ahse aru Krista pora duk pa nisina eitu Teo laga gaw nimite kori ahse,kun tu girja ahse.
\v 25 Moi eitu girja laga ekjon sewak ahse,Isor pora moi ke eitu zimidari apuni khan upote diya nisina,Isor laga kotha tu pura koribole nimite.
\v 26 Eitu asurit kotha khan pohila homoi pora manu khan nimite lukai kena rakhise.Kintu etiya kun Teo ke bisas kore tai khan ke dekhai dise.
\v 27 Eitu tai khan nimite ahse Isor laga hosa kotha aru Teo laga sob dhan aru mohima dusra jat manu khan ke jonai dibole mon ahse,kun tu Krista tumi khan logote ahse,mohima laga asha.
\v 28 Eitu Teo ahse kun nimite moi khan prochar kori ahse.Moi khan sob manu ke koi i ahse, aru moi khan sob manu ke gyan pora shikai di ahse,eitu pora sob manu khan ke Krista laga usorte pura kori kena loi anibole paribo
\v 29 Eitu nimite moi kam kori ahse aru Teo laga takot loi kena thaki ahseeitu moi logote takot pora kam kori ahse.
\c 2
\v 1 Moi kiman dukh korise apuni khan nimite eitu janibole dibo karone mon ahse,aru Laodicea te thaka khan,aru kun manu moi laga gaw aru chehera dekha nai.
\v 2 Moi tai khan laga mon dangor kori dibole nimite kam kore aru morom pora eke logote ani kena sob gyan laga dhan pora bhorta kori dibole nimite,Isor laga kotha lukai kena rakhi thaka khan bujibole nimite,eitu hoile,Krista ahse.
\v 3 Teo logote hai sob gyan aru budhi laga dhan khan lukai kena ahse.
\v 4 Moi apuni khan ke eitu koi ahse kelemane kun pora bhi chalak laga kotha khan kori kena apuni khan ke thokai nidibo.
\v 5 Moi apuni khan logote gaw pora nathakilebi,moi apuni khan logote atma pora ahse.Moi apuni khan laga takot aru Krista uporte bisas aru bhal kam khan kori thaka khan sai kena khusi kori ahse.
\v 6 Eitu nimite,apuni Probhu Jisu Krista ke luwa nisina,Teo logote berabi.
\v 7 Ghas laga jor thaka nisina nijor ke Teo logote bonai lobi,aru apuni ke shikai diya nisisna hoidai bisas te thakibi,aru dhanyabad di thakibi.
\v 8 Sabi kun manu pora bhi apuni ke misa laga kotha khan koi kena dhori rakhi bole nidibi,manu khan laga niyom hisabte,aru eitu prithibi laga saman khan te khusi pai kena,aru Krista ke khusi nokori kena prithibi laga echa te najabi.
\v 9 Kelemane Teo pora hai Isor laga ki echa ahse eitu khan pura manu khan logote thakibole diye.
\v 10 Apuni khan Teo logote bhorta hoi jaise,kun eitu sob takot aru adhikar laga matha ahse.
\v 11 Teo pora apuni ke bhi sapha kori dise aru gaw mangso laga chamara kati kena nohoikint Jisu Krista laga khun pora sapha kori dise.
\v 12 Teo logote baptisma pora apuni ke kobor te dise,bisas aru Isor laga takot pora Teo apuni ke zinda kori dise,kun hai Teo ke mora pora zinda korisile.
\v 13 Jetiya apuni khan laga gaw mangso laga echa aru pap khan pora mori kena thakise,Teo logote apuni khan ke zinda kori dise aru moi khan laga kiman pap khan ahse eitu sob maph koridise.
\v 14 Moi khan laga uporte ilzam lagai kena thaka khan sob Teo pora hatai dise,kun tu moi khan uporte dhali disele,Teo crus te gojal mari kena moi khan ora eitu loi jaise.
\v 15 Teo tai khan laga takot aru adhikar khan ke komjor kori di kena manu khan laga usorte dekhai dise,Crus uporte mori kena tai khan uporte jiti loise.
\v 16 Eitu nimite,apuni kha luwa kora tu bichar koribole nidibi,aru nutun moon ula homoi te kha luwa kora khan manu ke bichar koribile nidibi,aru Isor laga din bhi bichar koribole nidibi.
\v 17 Eitu ahibole thaka laga chaya ahse,kinyu bhitor laga kotha tu Krista hai ahse.
\v 18
\v 19 Teo matha tu dhori nathake.Eitu matha pora hai pura gaw laga kam khan eke logote dhori kena rakhe;eitu Isor pora diya para hai dangor hoi.
\v 20 Jodi apuni Krista logote eitu prithibi laga sob saman khan chari morise,tetiya hoile aru bhi eitu prithibi laga echa te thaka nisina kele thaki ahse:
\v 21 ''Apuni nodhuribi,aru khai kena nasabi,aru nuchobi!''
\v 22 eitu khan sob tu harai jai ahse,manu khan pora kuwa aru shikai diya nisina?
\v 23 Eitu khan niyom kanun ahse nijor laga gyan pora bonai diya dhorom aru misa laga manu khan aru nijor laga gaw ke sai kena narakhe.Kintu tai khan laga gaw mangso laga kam khan ananta jijon nimite eku kam nai.
\c 3
\v 1 Jodi Isor pora apuni ke Krista logote uthai dise,tetiya hoile uporte thaka saman ke hai bisaribi,kun tu jaga te Krista Isor laga dhyna hath te bohi ahse.
\v 2 Uporte thaka saman khan ke bhabibi,aru eitu prithibi laga saman khan ke nohoi.
\v 3 Kelemane apuni mori jaise,aru apuni laga jibon Isor pora Krista logote lukai kena ahse.
\v 4 Jetiya Krista ahibo,kun apuni laga jibon ahse,tetiya apuni bhi Teo laga mohima te ahibo.
\v 5 Eitu khan morai dibi,etiya,prithibi te thaka kam khan-bewobichari,sapha nathaka,pap laga kam,beya laga echa,aru lalchi kora,kun tu murti puja ahse.
\v 6 Eitu kam khan nimite Isor laga khong tu ahi ahse.
\v 7 Ekta homoi te apuni khan eitu kam khan kori kena zinda thakise.
\v 8 Kintu etiya apuni khan sob purana kam khan chari dibole lage-gusa ,khong,beya bhabana,sorom khelai diya,aru apuni laga mukh pora beya kotha ula khan.
\v 9 Ekjon -ekjon logote misa kotha nokoribi,kelemane apuni khan logote purana manu aru purana kam kori thaka khan sob ulai kena phelai dise,
\v 10 aru apuni khan nutun manu hoi jaise kun pora apuni ke bonaise Teo laga gyan pora nutun hoi jaise.
\v 11 Eitu jaga te Greek aru jehudi nai,sapha aru sapha nathaka nai,dusra jat aru desh laga manu nai,tate scythian manu nai,sewak,aru azad pora thaka manu nai,kintu khali Krista hai ahse,aru Teo hai sob ahse.
\v 12 Eitu nimite,Isor pora bachi luwa manu nisina,pobitro aru morom thaka khan,morom,ekta bhal manu,beya kam nokora,shanti pora thaka,aru nomro laga mon bukhi lobi.
\v 13 Ekjon -ekjon logote nomro aru morom kori kena thakibi.Jodi kunba manu dusra laga birot kori ahse,Probhu pora apuni ke maph kori diya nisina,tai khan ke bhi maph kori dibi.
\v 14 Eitu sob kotha khan pora bhi,morom thakibi,eitu pora hai sob tu bhal bonai dibo.
\v 15 Krista laga shanti apuni khan laga mon te raj kori bole dibi.Eitu shanti nimite apuni khan ke ekta gaw hoi kena matise.Aru dhanyabat dibole janibi.
\v 16 Krista laga kotha apuni khan logote bhorta hoi kena rakhibi.Atma laga gana kori kena ekjon-ekjon ke gyan pora shikai dibi.Apuni laga mon te Isor ke dhanyabat di kena gana kori thakibi.
\v 17 Apuni khan ki kore,kotha aru kam pora,probhu Jisu laga nam te hai koribi.Teo nimite Baba Isor ke dhanyabat dibi.
\v 18 Maiki manu khan,nijor mota logote bhal kori kena thakibi,probhu eitu khan ke hai khusi pai.
\v 19 Mota manu khan,nijor laga maiki ke morom koribi,aru tai khan logote mon tita kori kena nathakibi.
\v 20 Bacha khan,sob kotha te ama baba khan laga kotha mani kena thakibi,kelemane Probhu eitu hai khusi pai.
\v 21 Baba khan,apuni laga bacha khan ke beya kotha nikoribi,eitu pora tai khan laga mon dukh nokori bole nimite.
\v 22 Sewak kora manu khan,gaw pora ki pare eitu loi kena apuni malik laga kotha mani kena thakibi,manu ki chukhu pora dekhi kena khusi pai eitu pora nohoi,kintu bhal mon loi kena.Probhu ke bhoi koribi.
\v 23 Apuni ki kori ahse,atma nimite kam aru probhu nimite koribi aru manu khan nimite nohoi.
\v 24 Apuni jane probhu laga ananta jibon laga enam apuni pabo.Eitu probhu Krista ahse kun ke apuni khan sewa kori ahse.
\v 25 Kun manu beya kam khan kore tai beya kam kora laga hisab te hai sajai pabo, aru tate eku morom nathakibo.
\c 4
\v 1 Malik khan,ki bhal aru hosa ahse eitu hai sewak khan ke deye.Apuni bhi jane sworgote ekjon malik ahse.
\v 2 Mon di kena prathna kori thakibi.Dhanyabat di kena ki kori ahse eitu te thik pora thakibi.
\v 3 Mili kena moi khan nimite bhi prathna koribi,Teo laga kotha kobole nimite Isor pora dorja khuli dibole,Krista laga hosa kotha khan kobole nimite.Eitu nimite,moi ke bhi chain pora bhandi kena ahse.
\v 4 Prathna koribi moi apuni khan ke sapha pora koi dibole nimite,moi kobole thaka kotha khan.
\v 5 Bahar te thaka manu khan logote gyan pora berabi,aru homoi tu usor ahse eitu janibi.
\v 6 Apuni khan hodai morom pora hai kotha koribi.Nimok dhali kena mitha kori diya nisina hobole dibi,eitu pora apuni khan manu logote ki kobole lage eitu janibo.
\v 7 Moi sob kotha khan bhabi thaka tu,Tychicus pora apuni khan ke jonai dibo.Tai ekjon morom laga bhai ahse,aru ekta bisasi sewak,aru Probhu nimite kam kora manu.
\v 8 Moi tai khan ke eitu karone hai pothaise,moi khan ki kori ahse eitu khan janibole nimite,aru tai apuni khan laga mon tu dangor kori dibole nimite.
\v 9 Moi tai khan ke Onesimus logote pothaise,ekta bisasi aru morom laga bhai,tai bhi apuni khan nisina hai ahse.Tai khan yate ki hoise eitu sob apuni khan ke koi dibo.
\v 10 Aristarchus, moi logote jail te thaka ekjon sathi,apuni khan ke salam di ahse,aru Mark bhi apuni khan ke salam di ahse,Barnabas laga bhai(kun nimite apuni order paisile;jodi tai apuni khan logote ahe,tai ke bhal kori kena sabi),
\v 11 aru Jisu kun ke Justus bhi mate.Eitu moi laga olop manu khan ahse kun Isor laga rijo nimite kam kori ahse aru tai khan ke sapha kori dise,aru tai khan moi logote mon mili kena mon shanti pora kam kore.
\v 12 Epaphras apuni khan ke salam di ahse.Tai bhi apuni khan nisina ekjon ahse aru Jisu Krista laga sewak.Tai hodai apuni khan nimite prathna kori thake,eitu pora apuni khan Isor laga echa pora bhal kori kena bisas te khara thakibole paribo.
\v 13 Kelemane moi tai laga gawahi di ahse ,tai apuni khan nimite mon di kena kam kori ahse,aru Laodicea te thaka khan,aru Hierapolis te thaka khan bhi.
\v 14 Luke bimar manu sai diya morom laga bhai ekjon aru Demas bhi apuni khan ke salam di ahse.
\v 15 Laodicea laga bhai khan ke salam dibi,aru Nympha,aru girja ke kun tu tai laga ghor te ahse.
\v 16 Jetiya eitu chithi apuni khan majote poribo,Laodiceans laga girja te bhi puri kena hunai dibi,aru apuni kahan bhi Laodiceans pora potha chithi sai kena poribi.
\v 17 Archippus ke kobi,''Probhu pora pa laga ministy sai lobi,eitu apuni pura koribole lage.''
\v 18 Eitu salam moi nijor laga hath pora likhise-Paul.moi chain pora bandhi kena thaka tu yad koribi.Teo laga anugrah apuni khan logote thakibole dibo.