See in Reader
66 lines
10 KiB
Plaintext
66 lines
10 KiB
Plaintext
\id 2PE - Indian Revised Version (IRV) Nagamese
|
|
\c 1
|
|
\v 1 Simon Peter,ekjon sewak aru Jisu Krista laga apostle,eitu manu khan nimite kun moi khan nisina eke bisas tu paise,Isor laga dharmic bisa pora aru jibonbachai diya Jisu Krista nam te.
|
|
\v 2 Asirbat aru shanti apuni khan logote bisi hobole dibi Probhu Jisu au Isor laga gyan pora.
|
|
\v 3 Kelemane Teo laga mahan takot aru jibonlaga bhal kam khan moi khan ke dise aru eitu sob Isor laga gyan pora hai hoise.Teo laga mohima aru asirbat pora moi khan ke mati loise.
|
|
\v 4 Eitu pora,Teo moi khan ke ahsol aru dangor kosom dise,eitu nimite tai khan sai kena moi khan sai kena moi khan bhi Isor laga bhal kam te bhag lobo,prithibi laga beya kam pora polai kena aha nisina kun tu pap laga beya echa pora hoi.
|
|
\v 5 Kintu eoitu khan nimite,apuni laga bisas te sob bhal kam tu hai ahnibole bisaribi;aru bhal kam te gyan bhi dhali kena cholabi;
|
|
\v 6 gyan pora nijor ke thik pora rakhibi;aru beya kam pora thik rakhibole nimite nomro hoi kena thakibi;aru nomro hoi kena bhal rasta te jabi.
|
|
\v 7 bhal kam kori kena nijor bhai ke bhi morom koribi;aru bhal rasta bhai khan ke morom pora dekhai dibi.
|
|
\v 8 Jodi eitu khan apuni laga bhitor te thake apuni probhu Jisu Krista laga gyan te ketiya bhi khali nathakibo.
|
|
\v 9 Kintu kun manu logote eitu khan nai tai ekta andha manu nisina hai ahse tai chuku komjor thaka nisina ahse,tai pahori jaise tai laga pohila pap kam kori kena thaka sob tu maph kori disele.
|
|
\v 10 Eitu nimite,bhai khan,apunike ki nimite matise aru bachi loiseeitu bhal pora sai lobi ,jodi apuni khan eitu kore,apuni ketiya bhi nigiribo.
|
|
\v 11 Eitu pora apuni laga jibon bachai diya probhu Jisu Krista laga ananta raijo te dhan pora bhorta hoi kena jabole paribo.
|
|
\v 12 Eitu karone moi apuni khan ke eitu kotha khan kobole nimite hodai tayar thakibo,apuni khan eitu janilebi,aru etiya thaka nisina bisas te thakilebi.
|
|
\v 13 Moi apuni khan ke eitu koi diya tu bhal ahse,moi jiman din tak eitu jaga te thakibo,eitu kotha khan koi kena apuni ke bhabana koribole dibo.
|
|
\v 14 Kelemane moi jani ahse bisi joldi moi eitu jaga tu chari bole lagibo,moi ke probhu Jisu Krista pora eitu khan sob tu dekhai dise.
|
|
\v 15 Kintu moi naja ahgete apuni khan sob mon te eitu kotha khan rakhi thakibole nimite sob kam tu bhal pora sai lobo.
|
|
\v 16 Kelemane moi khan chalak pora eitu kotha khan kuwa naijetiya moi khan pora apuni khan ke probhu Jisu Krista aru ahibole laga kotha janibole dise,Kintu moi khan Teo laga mohan kam kori diya laga gawah ahse .
|
|
\v 17 Kelemane Teo Baba Isor pora sanman aru mohima paise jetiya Teo logote ekta awaz ahi kena mohima pora koise,''Eitu moi laga morom chokora ahse,Teo uporte moi bisi khusi ahse.''
|
|
\v 18 Moi khan nijor hunise eitu awaz sworgo pora ahi thaka jetiya moi khan Teo logote eitu pobitro pahar te thakise.
|
|
\v 19 Kelemane eitu Isor laga kotha moi khan nimite aru bhi bhal bonai dise,
|
|
\v 20 Eitu sob pora bhi upor,apuni khan janibole lage Isor kotha tu kunba manu laga nijor echa pora nokoi.
|
|
\v 21 Kelemane Isor laga kotha khan manu laga echa pora ana nai,kintu Isor hai manu khan ke koise jetiya tai khan pobitro atma pora bhorta thakise.
|
|
\c 2
|
|
\v 1 Kintu misa laga bhawadi khan bhi manu khan logote ahise,aru eitu misa laga bhawadi khan apuni logote bhi ahibo.Tai khan lukai kenabeya kam khan tai kahan logote anibo,aru tai khan hosa malik ke mana koribo kun pora tai khan ke ahnise.Tai khan nijor uporte bhi dukh khan ahni ahse.
|
|
\v 2 Bisi manu tai khan laga beya kam te piche koribo,aru eitu pora hosa laga kotha khan ke misa bonai dibo.
|
|
\v 3 Tia khan laga nijor lab nimite misa kotha koi kena thokai dibo.Bisi din pora tai khan laga alchi kam kahn khotom huwanai,aru tai khan laga beya kam pora ghumai janai.
|
|
\v 4 Kelemane kun sworgodut Teo laga kotha mananai tai khan ke bhi charanai.Kintu tai khan ke Tartarus laga niche te phelai dise aru chain pora andhera jaga te bandhi bise jetiya tak bichar laga din nahibo.
|
|
\v 5 Aru,Teo pohila laga duniya ke bhi chara nai.Kintu,Teo Noah ke bachai kena rakhise,tai ekta dharmic manu thakise,aru tai logote sath jon thakise,jetiya Isor pora bisas nokora manu khan uporte dangor flood ahnise.
|
|
\v 6 Isor bhi Sodom aru Gomorah laga desh tu jui pora jolai kena khotom kori dise,aru manu khan ke jani bole dise jodi tai khan Isor laga kotha namani kena thake dharmic nathaka manu khan logote bhi eneka hai hobo.
|
|
\v 7 Kntu Teo dharmic Lot ke bachai loise,kun ke manu laga beya kam aru bhabna pora dukh disele.
|
|
\v 8 Aru dharmic manu khan,kun tai khan laga majote bisi din pora thaki ahse,tai khan laga beya kam khan huni kena aru dekhi kena tai khan laga dharmic atma te dukh pai thakise.
|
|
\v 9 Probhu jane bhal manu khan ke keneka kori kena dukh pora ulai anibo,aru bisas nokora manu khan ke bichar kora laga din te ki sajai dibo.
|
|
\v 10 Kintu eitu khan sob tu hosa ahse kun beya kam kori kena thake tai khan mangso laga echa pora Isor laga adhikar tu noloi.Mon dangor aru nijor-echa pora thaka,tai khanmohima te thaka Isor laga beya kotha kobole nimite bhoi nokore.
|
|
\v 11 Kintu sworgodut kun logote dangor takot ahse aru tai khan uporte sorom khilai diya laga bichar Probhu logote ahibole nediye.
|
|
\v 12 Kintu eitu khan,gyan nathaka janwar nisina ahse,tai khan ke dhori kena khotom kori dibole nimite hai bonaise.Aru,tai khan ki nubuje eitu ke hai sorom khelai ahse.Tai khan laga beya te hai tai khan ke khotom kori dibo.
|
|
\v 13 Tai khan ki beya kam korise eitu laga enam pabo.Tai khan bhabe din te ki aram pai ahse eitu hai bhal ahse.Tai khan misa kuwa aru daghi thaka manu ahse.Tai khan manu ke thokai di kena khusi pai jetiya tai khan apuni logote bohi thake.
|
|
\v 14 Tai khan chuku ahse hoilebi beya pora bhorta hoi kena ahse,aru tai khan kiman pap kori thakile bhi eitu pora bhorta nohoi.Tai khan atma komjor thaka manu khan ke beya kam koribole nimite mate,aru tai khan laga mon tu beya kam khan koribole nimite hai shikai deye.Tai khan sraph thaka bacha khan ahse!
|
|
\v 15 Tai khan bhal rasta tu ghari kena Balaam Beor laga chokra laga pichete jaise,kun dharmic nathaka laga lab tu lobole bhal pai.
|
|
\v 16 Kintu tai nijor laga pap porasajai paise-ekta kotha koribole napara gadha manu laga awaz te kotha korile demak thik nathaka bhawadi ke rukhai diya nisina ahse.
|
|
\v 17 Eitu manu khan pani nathaka laga khali saman nisina hai ahse aru jetiya dangor hawa ahe dhuwa ke urai kena loi ja manu khan nisina hai ahse.Aru dukh laga andhera pora tai khan ke bandhi loi .
|
|
\v 18 Kelemane tai khan matlab nathaka laga kotha kore.Tai khan gaw mangso laga echa pora manu khan ke mate.Tai khan kun manu beya aru dukh pora polabole mon kore tai khan ke prithibi laga echa khan dekhai kena mate.
|
|
\v 19 Tai khan kosom dise tai khan ke beya pora azad koribole nimite,kintu tai khan nijor bhi beya kam laga sewak khan ahse.Ki pora manu khan ke bachai lobole parise,eitu nimite tai pap laga sewak hoi jaise.
|
|
\v 20 Jodi tai khan Probhu Jisu Krista laga gyan pora eitu prithibi laga beya kam khan pora polai jabole pare,kintu arubhi eitu laga pap te phasi kena giri jai,tai khan laga pohila te ki dukh paise eitu pora bhi bisi beya hobo.
|
|
\v 21 Kelemane tai khan nimite dramic laga rasta najani kena thaka tu hai bhal thakise tai khan ke pobitro niyom laga kotha khan koi diya pichete bhi namani kena ja pora tu tai khan najan tu hai bhal ahse. jani kena bhi
|
|
\v 22 Eitu hosa kotha tu tai khan logote hoise:''Ekta kuta nijor laga vomit khai loi,aru dhulai kena rakha gahori aru bhi mati te jai.''
|
|
\c 3
|
|
\v 1 Morom laga bhai khan,eitu moi laga dusra chithi apuni khan ke likhi ahse;aru eitu duita te bhi apuni khan laga bhal bhabna khan uthai dibole nimite likhi ahse,
|
|
\v 2 Probhu aru jibon diya Isor pora Teo laga apostle aru pobitro bhawadi khan ke ki hukum dise aru kotha khan koise apuni khan sob eitu khan mon te rakhi kena thakibi.
|
|
\v 3 Eitu pohila jani lobi,misa kuwa manu khan sash laga din te ahibo.Tai khan sorom khilabo aru tai khan nijor laga echa hisab te chuli kena jabo.
|
|
\v 4 Tai khan kobo,''Teo ahibole kuwa laga kosom tu kote ahse?Eitu kotha tu rukhi kena moi khan laga baba khan bhi mori jaise,sob yu eke hoi kena ahse,eitu prithibi bonai kena suru homoi pora.''
|
|
\v 5 Kelemane tai khan nijor echa pora eitu pahori jaise,pohila te sworgob tu thakise koi kena,aru prithibi tu pani pora hai bonaise aru pani tu Isor laga kotha pora hai bonaise,
|
|
\v 6 aru eitu kam khan pora,pohila laga duniya tu khotom kori dise,dangor pani ahi kena.
|
|
\v 7 Kintu etiya sworgo aru prithibi ke juie pora Teo laga hukum pora hai bachai kena rakhi ahse.Tai khan ke Isor najani kena thaka manu aru bichar kora laga din nimite hai bachai kena rakhi ahse.
|
|
\v 8 Kintu eitu ekta kotha apuni khan napahoribo lage,morom bhai khan,Probhu nimite ek di tu hazar sal nisina hai ahse ,aru hazar sal tu ek din nisina hai ahse.
|
|
\v 9 Probhu pora ki kosom dise eitu ahste pora loi najai,kunba manu bisi ahste ahse koi kena koi thake.Kintu, Teo apuni uporte morom thaka nimite.Teo apuni khan kun bi harai najabo nimite bhabna kore,aru sob manu mon ghurai kena thakibole nimite echa ahse.
|
|
\v 10 Kintu sabi,probhu aha laga din tu ekta chor aha nisina hobo,aru tetiya sworgo pora dangor awaz khan ulabo.Kintu sob saman khan juie pora julai dibo,aru prithibi te ki kam korise eitu khan sob tu dekhai dibo.
|
|
\v 11 Eitu khan sob tu eneka hai khotom hoi jabo,apuni kena laga manu hobo?pobitro hoi kena aru bhal kam kori kena,
|
|
\v 12 Isor aha laga din tu mon khuli kena rukhi thakibi,kelemane sworgo khan bhi juie pora julai kena khotom kori dibo,aru sob saman khan juie laga gorom pora goli jabo.
|
|
\v 13 Kintu Teo pora kosom diya nisina,moi khan nutun sworgo aru nutun prithibi nimite rukhi ahse,,kun jaga te khali dharmic khan hai thakibo.
|
|
\v 14 Eitu nimite,morom laga bhai khan,apuni khan eitu sob tu rukhi thaka nisina,shanti pora Teo laga usorte dhag nathaki kena aru beya kam pora dur hoi kena bhal kam, kori thakibi.
|
|
\v 15 Aru, probhu lga morom aru dhorjo moi laga ananta jibon pabole nimite ahse koi kena bhabibi,jeneka moi khan laga morom laga bhai Paul pora apuni khan ke likhise,gyan di kena likhibole diya nisina,
|
|
\v 16 aru tai laga sob chiti te likha nisina,eitu kotha khan tai khan logote koi ahse.Eitu kotha khan majote kunba kotha khan bujibole dikdar ahsegyan nathaka aru beya manu khan pora ulta rasta te loi jai,eitu nisina tai khan Isor laga kotha bhi eneka kore,tai khan nijor dukh pabole nimite.
|
|
\v 17 Eitu nimite,bhai khan,apuni khan eitu sob tu ahge pora jani loise,nijor ke bhal pora sai lobi aru beya manu khan laga misa kotha khan pora pap laga rasta te najabi aru apuni khan laga bisas tu ketiya bhi harabole nidibi.
|
|
\v 18 Kintu probhu aru bachai diya Jisu Krista laga morom aru gyan te dangor hoi kena thakibi.Sob mohima Teo laga hobole dibi etiya pora loikena hoidai tak.Amen.
|