See in Reader
112 lines
16 KiB
Plaintext
112 lines
16 KiB
Plaintext
\id 1JN - Indian Revised Version (IRV) Nagamese
|
|
\c 1
|
|
\v 1 Kuntu suru pora thakise-moi khan ki hunise,aru chuku pora ki dekhise,moi khan ki tu saise,aru moi khan laga hath pora dhorise-eitu khan sob jibon laga kotha ahse.
|
|
\v 2 Aru, eitu jibon moi khan ke janibole dise,aru moi khan dekhise,aru eitu laga moi khan gawahi ahse.Moi apuni khan ke ananta jibon laga kotha kuwa nai,kun tu Baba Isor logote ahse,aru eitu kotha moi khan ke janibole nimite dise.
|
|
\v 3 Moi khan ki hunise aru dekhise eitu sob apuni khan ke koi di ahse,eitu pora moi khan sob mili kena morom kori thakibo.Aru,moi khan laga morom Baba Isor aru Teo laga chokora, Jisu Krista logote ahse
|
|
\v 4 Aru,moi khan apuni khan nimite eitu kotha khan likhi ahse eitu pora apuni khan khusi kori thaka tu pura hoi jabo.
|
|
\v 5 Eitu kotha khan Teo logote pora hunise aru apuni khan ke koi ahse:Isor tu puhor ahse,aru Teo logote eku andhera tu nai.
|
|
\v 6 Jodi moi khan Teo ke morom ahse koi aru andhar laga rasta te berai jai,moi khan misa koi ahse aru hosa laga kotha khan mani kena thakanai.
|
|
\v 7 Kintu jodi moi khan ujala te berai jeneka Teo ujala te thake,moi khan ekjon -ekjon logote morom ahse,aru Teo laga chokora Jisu laga kun pora moi khan laga sob pap tu sapha kori dise.
|
|
\v 8 Jodi moi khan pap nai koi,moi khan nijor ke thokai ahse,aru hosa tu moi khan logote nai.
|
|
\v 9 Kintu jodi moi khan pap tu maph mangi loi,Teo bhal ahse aru moi khan laga pap pora maph kori dibo aru sob beya kam khan pora sapha kori dibo.
|
|
\v 10 Jodi moi khan pap koranai koi,moi khan Teo ke misa bonai di ahse,aru Teo laga kotha moi khan logote nai.
|
|
\c 2
|
|
\v 1 Moi laga bacha khan,Moi apuni khan ke eitu likhi ahse kelemane apuni khan pap nokoribo.Kintu jodi kunba pap kore,moi khan laga Baba Isor logote kotha kori diya ekjon ahse,Jisu Krista,eitu ekjon kun dharmic ahse.
|
|
\v 2 Teo moi khan laga pap maph kori diya ekjon ahse,aru khali moi khan nimite nohoi,kintu pura prithibi nimite.
|
|
\v 3 Eitu pora moi khan Teo ke jani loise,jodi moi khan Teo laga kotha mani kena thake.
|
|
\v 4 Kun manu koi,''Moi Isor ke jane,''kintu kotha mani kena nathake,tai misa kuwa manu ahse,aru hosa tu tai logote nai.
|
|
\v 5 Kintu kun manu kotha tu mani kena thake,Isor laga morom hosa pora tai logote thake aru tai ke sob phale pora bhal bonai dise.Eitu pora moi khan jane moi khan Teo logote ahse:
|
|
\v 6 Kun manu koi tai Isor logote ahse Teo kenaka beraise eitu nisina hai berabole lage.
|
|
\v 7 Morom laga bhai khan,Moi apuni khan ke nutun niyom likha nai,kintu pura niyom kun tu apuni khan logote suru pora ahse.Eitu purana niyom hai apuni khan huni thaka laga kotha ahse.
|
|
\v 8 Moi apuni khan nimite nutun niyom likhi di ahse,Teo aru apuni usorte hosa ahse,kelemane andhera tu jai ahse,aru hosa laga puhor tu ujala di ahse.
|
|
\v 9 Kun manu koi tai ujala te ahse koi kena aru nijor laga bhai ke morom nokore tai etiya bhi andhera te ahse.
|
|
\v 10 Kun manu tai laga bhai ke morom kore tai ujala te ahsearu tai ketiya bhi beya rasta te nigiribo.
|
|
\v 11 Kintu kun manu tai laga bhai ke ghin kore tai andhera te ahse aru andhera te berai ahse.Tai kote jai ahse tai nijor bhi najane,kelemane andhera pora tai laga chuku andha kori dise.
|
|
\v 12 Moi apuni khan ke likhi ahse,morom laga bacha khan,kelemane Teo laga nam pora apuni khan laga pap tu maph hoise.
|
|
\v 13 Moi apuni khan ke likhi ahse,baba khan,kelemane apuni khan jane eitu ekjon ke kun suru pora ahse.Moi apuni khan nimite likhi ahse,juwan manu khan,kelemane apuni khan beya ekjon logote jiti loise.
|
|
\v 14 Moi apuni khan ke likhi dise,chutu bacha khan,kelemane apuni khan Baba Isor ke jane.Moi eitu apuni khan ke likhise,baba khan,kelemane apuni khan jane eitu ekjon ke kun suru pora ahse.Moi apuni khan ke likhise,juwan manu khan,kelemane apuni khan takot ahse,aru Isor laga kotha apuni khan logote ahse,aru apuni khan beya uporte jiti loise.
|
|
\v 15 Eitu prithibi ke morom nokoribi aru eitu prithibi te thaka saman khan ke morom nokoribi.Jodi kunba manu eitu prithibi ke morom kore,Baba Isor laga morom tai logote nai.
|
|
\v 16 Kelemane ki tu eitu prithibi te ahse-mangso laga echa,aru chuku laga echa,aru jibon laga phutani-eitu Baba Isor pora nohoi kintu prithibi laga ahse.
|
|
\v 17 Eitu prithibi laga echa khan jai ahse.Kintu kun manu Isor laga echa pora thake tai hodai thakibo.
|
|
\v 18 Chutu bacha khan,eitu khotom laga homoi ahse.Apuni khan anti Krista tu ahi ahse koi kena hunise,aru etiya bisi anti Krista khan ahise.Eitu pora moi khan jane khotom laga homoi tu ahise.
|
|
\v 19 Tai khan moi khan pora ulai kena jaise,kintu tai khan moi khan laga nohoi.Jodi tai khan moi khan laga ahse koile moi khan logote thakibo.Kintu jetiya tai khan ulai kena jaise,eitu pora janise tai khan tai khan kun bhi moi khan logote nai.
|
|
\v 20 Kintu apuni khan Pobitro ekjon pora asirbat paise,aru apuni khan sob hosa tu jane.
|
|
\v 21 Moi apuni khan hosa tu najane koi kena eitu likha nai,kintu apuni khan jane aru hosa te eku misa nai.
|
|
\v 22 Kun misa koi ahse kintu tai ekjon kun Jisu hai Krista ahse koi kena mana kore?Eitu manu anti Krista ahse,kelemane tai Baba laga chokora Jisu ke mana kore.
|
|
\v 23 Kun manu Jisu ke mana kore tai logote Baba Isor nai.Kun manu Jisu ke loi tai logote Isor ahse.
|
|
\v 24 Aru apuni khan nimite,suru pora ki kotha hunise eitu apuni khan logote thakibole dibi.Jodi apuni khan suru pora ki hunise eitu mon te rakhe,apuni khan hodai Baba laga chokora Jisu logote thakibo.
|
|
\v 25 Eitu kosom Teo pora moi khan ke dise-ananta jibon laga kotha.
|
|
\v 26 Moi eitu kotha apuni khan nimite likhi ahse utu manu karone kun apuni khan ke beya rasta te loi jabo.
|
|
\v 27 Aru apuni khan nimite,ki tu asirbat apuni khan Teo pora paise eitu apuni khan logote thakibo,aru apuni khan ke manu pora shikai dibole nimite dorkar nai.Kintu Teo laga asirbat pora ki shikai dise eitu hosa ahse aru misa nohoi,aru apuni khan ke shikai diya nisina,Teo logote thakibi.
|
|
\v 28 Etiya ,bacha khan,Teo logote thakibi,jetiya Teo ahibo,moi khan mon dangor koribo aru Teo aha homoi te sorom nakhabo.
|
|
\v 29 Jodi apuni jane Teo dharmic ahse koi kena,tetiya hoile apuni khan eitu bhi jani takibo kun manu thik kam kore tai Isor pora jonom hoise.
|
|
\c 3
|
|
\v 1 Sabi kena morom Isor pora moi khan ke dise,moi khan Isor laga bacha ahse kobole nimite,aru moi khan eitu hai ahse .Eitu karone,prithibi pora moi khan ke najane,kelemane tai khan Isor ke najane.
|
|
\v 2 Morom thaka bhai khan,moi khan etiya Isor laga bacha ahsearu moi khan ki hobo etiya bhi eitu dekhai diya nai.Moi khan jane jetiya Krista ahibo,moi khan Teo nisina hoi jabo,kelemane Teo keneka ahse eitu nisina moi khan Teo ke dekhibo.
|
|
\v 3 Kun manu Teo uporte asha kori kena thake Teo sapha thaka nisina tai khan nijor ke sapha kori loi.
|
|
\v 4 Kun pap kam kori ahse tai niyom kanun khan mani kena thaka nai,kelemane pap te niyom kanun nai.
|
|
\v 5 Apuni jane Krista ke dekhai dise eitu pap khan hatai dibole nimite,aru Teo logote eku pap khan nai.
|
|
\v 6 Kun manu Teo logote thake tai aru pap kam kori nathake.Aru kun manu pap kam kore tai Isor ke dekha nai,aru Teo ke janibole para nai.
|
|
\v 7 Morom laga bacha khan,kun pora bhi apuni ke biya rasta te loi jabole nidibi.kun manu bhal kam kore tai dharmic ahse,Krista dharmic thaka nisina.
|
|
\v 8 Kun manu pap kore tai Saitan laga ahse, kelemane Saitan bhi suru pora pap kam kori kena ahise.Eitu nimite Isor laga chokora ke dekhai dise,aru Teo Saitan laga kam khan khotom kori dibo.
|
|
\v 9 Kun manu Isor pora jonom loise tai beya kam kori kena nathake kelemane Isor laga bijon tai logote ahse.Tai pap kori kena thakibole napare kelemane tai Isor pora jonom hoise.
|
|
\v 10 Eitu pora Isor laga bacha aru Saitan laga bacha khan ke dekhai diye:Kun manu dharmic kam nokore tai Isor laga nohoi,aru kun manu tai nijor laga bhai ke morom nokore tai bhi Isor laga nohoi.
|
|
\v 11 Kelemane apuni khan suru pora eitu kotha huni kena ahise,moi khan ekjon-ekjon ke morom koribole lage.
|
|
\v 12 Moi khan Cain nisina nohobole lage,kun beya ekjon pora thakise aru nijor bhai ke morai dise.Ki nimite tai ke morai dise?Kelemane tai laga kam khan beya thakise aru tai laga bhai Abel ekjon dharmic manu thakise.
|
|
\v 13 Apuni khan asurit nalagibi,moi laga bhai khan jodi apuni ke eitu prithibi pora ghin kore.
|
|
\v 14 Moi khan jane mora pora ulai kena jibon paise,kelemane moi khan bhai ke morom kore.Kun manu morom te nathake tai mori kena ahse.
|
|
\v 15 Kun manu nijor bhai ke morom nokore tai manu morai diya manu ahse.Apuni jane manu morai diya manu ketiya bhi ananta jibon Teo logote thakibole naparibo.
|
|
\v 16 Eitu pora moi khan morom tu jane,kelemane Krista moi khan nimite Teo laga jibon tu dise.Moi khan bhi nijor laga bhai khan nimite jibon tu dibole lage.
|
|
\v 17 Kintu kun manu logote prithibi laga sob saman ahse,aru tai laga bhai dukh te ahse koi kena,kintu bhai nimite mon tu bon kori kena rakhe,tetiya hoile tai logote Isor laga morom tu kote ahse?
|
|
\v 18 Moi laga morom bacha khan,moi khan khali kotha aru mukh pora morom nokoribo,kintu kam aru hosa pora.
|
|
\v 19 Eitu pora jane moi khan hosa te ahse koi kena,aru moi khan laga mon Teo usorte rakhi diye.
|
|
\v 20 Jodi moi khan laga mon pora moi khan ke biya ahse koi,Isor tu moi khan laga mon pora bhi dangor ahse,aru Teo sob kotha tu jane.
|
|
\v 21 Morom bhai khan,jodi moi khan laga nijor mon pora moi khan ke biya nokoi,moi khan Isor uporte bharosa ahse.
|
|
\v 22 Moi khan ki mange eitu pai jabo,kelemane moi khan Teo laga kotha mani kena thake aru Teo ki khusi pai eitu khan kora nimite.
|
|
\v 23 Eitu Teo laga kotha khan ahse:moi khan Teo laga chokora Jisu Krista ke bisas koribo aru ekjon-ekjon ke morom koribo,Teo pora eitu kotha moi khan ke diya nisina.
|
|
\v 24 Kun manu kotha khan mani kena thake Teo logote ahse,aru Teo bhi tai khan logote ahse.Eitu pora jane Teo moi khan logote ahse,eitu atma pora kun ke moi khan nimite dise.
|
|
\c 4
|
|
\v 1 Morom laga bhai khan,sob atma ke bisas nokoribi.Kintu,kuntu tu atma Isor pora ahse eitu bhal pora sai lobi,kelemane bisi misa laga bhawadi khan prithibi te ulai kena ahse.
|
|
\v 2 Eitu pora apuni khan Isor laga atma tu janibo-kun manu Jisu Krista mangso te Isor pora ahise koi kena shikar kore,
|
|
\v 3 aru kun atma Jisu Isor pora ahse koi kena shikar nokore.Eitu anti krista laga atma ahse,kun tu apuni khan ahi thaka tu hunise,aru etiya tai prithibi te ahse.
|
|
\v 4 Apuni khan Isor pora ahse,morom laga bacha khan,aru tai khan ke jiti loise,kelemane eitu ekjon kun apuni logote ahse Teo eitu prithibi te thaka ekjon pora bhi sob se dangor ahse.
|
|
\v 5 Tai khan prithibi laga ahse;eitu nimite tai khan ki koi eitu prithibi laga hai ahse,aru prithibi laga manu khan tai khan laga kotha hai hune.
|
|
\v 6 Moi khan Isor pora ahse.Kun manu Isor ke jane moi khan laga kotha hune.Aru kun manu Isor pora nohoi moi khan laga kotha nuhune.Eitu pora moi khan jane hosa laga atma aru misa laga atma.
|
|
\v 7 Morom laga bhai khan,moi khan ekjon- ekjon ke morom koribo,kelemane morom tu Isor pora hai ahe,aru kun manu morom kore tai Isor pora jonom loise,kelemane Isor tu morom ahse
|
|
\v 8 Kun manu morom koribole najane tai Isor ke najane,kelemane Isor tu morom ahse.
|
|
\v 9 Kelemane Isor laga eitu morom moi khan ke dekhai diya nimite, Isor pora Teo laga ekta bacha ke prithibi te pothai dise aru eitu pora moi khan sob Teo logote zinda hoi jabo.
|
|
\v 10 Eitu morom te,moi khan pora morom kora laga nohoi,kintu Teo pora morom kora laga ahse,aru Teo laga ekta bacha ke pothai se moi khan ke pap pora bacha bole nimite.
|
|
\v 11 Morom laga bhai khan,jodi Isor pora moi khan ke eman morom korise,tetiya hoile moi khan bhi ekjon-ekjon ke morom koribole lage.
|
|
\v 12 Kun manu bhi Isor ke ketiya bhi dekha nai.Jodi moi khan ekjon-ekjon ke morom kore,Isor moi khan logote ahse,aru Teo laga morom moi khan ke bhal bonai dise.
|
|
\v 13 Eitu pora Teo moi khan logote ahse koi kena jane,kelemane Teo laga atma moi khan ke dise.
|
|
\v 14 Aru,moi khan dekhise aru eitu laga gawahi ahse Baba Isor pora Teo laga chokora ke eitu prithibi te pothaise pap pora bacha bole nimite.
|
|
\v 15 Kun manu nijor mukh pora shikar koreJisu hai Isor laga bacha koi kena,Isor tai logote ahse aru tai bhi Isor logote ahse.
|
|
\v 16 Aru,Isor pora moi khan ke morom kora tu janise aru bisas korise.Isor tu morom ahse,aru kun manu eitu morom te thake tai Isor logote ahse,aru Isor bhi tai logote ahse.
|
|
\v 17 Eitu nimite,morom tu moi khan laga majote bhal bonai dise,eitu pora moi khan bichar kora laga din te bharosa kori kena thakibo,kelemane Teo thaka nisina,jeneka moi khan eitu prithibi te thaki ahse
|
|
\v 18 Morom te eku bhoi nai.Kintu ,hosa morom sob bhoi tu phelai diye,kelemane bhoi tu sajai pabole nimite ahse.Kintu kun manu bhoi kore morom tu tai logote nai.
|
|
\v 19 Moi khan morom kore kelemane Isor pora pohila moi khan ke morom korise.
|
|
\v 20 Jodi kunba manu koi,''Moi Isor ke morom kore''kintu nijor laga bhai ke ghin kore,tai misa koi ahse.Kun manu tai laga nijor bhai ke morom nokore,kun tai dekhise,Isor ke ketiya bhi morom koribole naparibo ,kun ke tai dekha nai.
|
|
\v 21 Aru,eitu hai shikai diya kotha ahse kun tu moi khan Teo nimite rakhise.,kun manu Isor ke morom kore tai nijor laga bhai ke bhi morom koribole lage.
|
|
\c 5
|
|
\v 1 Kun manu Jisu hai Krista ahse koi kena bisas kore tai Isor pora jonom loise,aru kun manu Baba Isor ke morom kore Teo pora jonom kora bacha ke bhi morom kore.
|
|
\v 2 Eitu pora jane moi khan Isor laga bacha khan ke morom kore.
|
|
\v 3 Kelemane eitu hai Isor nimite morom ahse:moi khan Teo laga kotha mani kena thaka tu.Teo laga kotha khan bhari nohoi.
|
|
\v 4 Kun manu Isor pora jonom loise tai prithibi ke jiti loise.Eitu pora moi khan prithibi te jiti loise,aru moi khan laga bisas bhi.
|
|
\v 5 Kelemane kun Isor pora ahise tai prithibi tu jiti loise,tetiya hoile eitu ekjon ke kun bisas kore Teo Isor laga bacha Jisu ahse koi kena.
|
|
\v 6 Eitu ekjon ahse kun pani aru khun pora ahise:JisuKrista.Teo khali pani pora aha nai,kintu pani aru khun pora ahise.Eitu atma pora hai gawahi disekelemane atma tu hosa ahse.
|
|
\v 7 Kelemane tate tinjon ahse kun eitu laga gawah ahse:
|
|
\v 8 eitu atma,aru pani,aru khun.Eitu tinta eke logote mili kena ahse.
|
|
\v 9 Jodi moi khan manu laga gawahi loi,Isor laga gwahi eitu pora bhi dangor ahse.Kelemane Isor laga gawahi eneka ahse,Teo laga chokora Jisu laga gawahi dise.
|
|
\v 10 Kun manu Isor laga bacha ke bisas kore tai nijor laga gawahi ahse.Kun manu Isor ke bisas nokore Teo ke misa bonai dise,kelemane tai Isor pora Teo laga chokora laga gawahi diya tu bisas kora nai.
|
|
\v 11 Eitu gawahi ahse:Isor moi khan ke ananta jibon dise,aru eitu jibon Teo laga chokora Jisu logote ahse.
|
|
\v 12 Kun manu logote Jisu ahse tai jibon paise.Kintu kun manu logote Isor laga chokora Jisu nai tai jibon panai.
|
|
\v 13 Moi apuni khan ke eitu kotha khan likhi ahse eitu pora apuni khan ananta jibon ahse koi kena janibo-apuni khan kun Isor laga chokora Jisu Krista laga nam te bisas kore.
|
|
\v 14 Aru,eitu bharosa moi khan Teo logote ahse koi kena jane,jodi Teo laga echa hisab te moi khan mange,Teo moi khan ke hunibo.
|
|
\v 15 Aru, jodi Teo moi khan ke hune koi kena jane-moi khan Teo logote ki mangibo-Teo logote moi khan ki mangise eitu sob paise koi kena jane.
|
|
\v 16 Jodi kunba manu tai laga bhai ke pap kam kori thaka dekhe aru eitu pora mora nai koile,tai prathna koribole lage,aru Isor pora tai ke jibon dibo.Moi eitu khan ke koi ahse kun pap kori kena mora tu dekha nai.Kunba pap tu mora dekhi pai;Moi eitu nimite prathna koribole lage koi kena kuwa nai.
|
|
\v 17 So drarmic nathaka kam khan pap ahse,kintu kunba pap khan mora laga sajai pabole nimite hakdar nohoi.
|
|
\v 18 Moi khan jane kun manu Isor pora jonom hoise tai pap nokore.Kintu Teo ekjon kun Isor pora jonom hoise Teo ke bachai kena rakhe,aru saitan pora Teo ke dukh dibole naparibo.
|
|
\v 19 Moi khan Isor pora ahse koi kena jane,aru moi khan jane pura prithibi saitan laga misa te ahse.
|
|
\v 20 Kintu moi khan jane Isor laga bacha ahi kena moi khan ke gyan dise,eitu pora Teo hosa ahse koi kena moi khan janibo.Aru,moi khan Teo logote ahse kun hosa ahse,Teo laga bacha Jisu Krista.Eitu ekjon hosa Isor aru ananta jibon ahse.
|
|
\v 21 Bacha khan,nijor ke murti khan pora bachai kena rakhibi.
|