BCS-BIBLE_IndianStandardVersion-Nagamese-NT/Stage 1/L234_1 Corinthians_1.SFM

\id 1CO - Indian Revised Version (IRV) Nagamese
\c 1
\p
\v 1 Paul, Khrista Jisu para Tai laga apostle hobole nimite junke Isor laga icha para hey chuni loise, aru amikhan laga bhai Sosthenes, duijon para,
\v 2 Corinth te thaka Isor laga girja te, jun khan ke Khrista Jisu para sapa kuri dise, jun ke pobitro hobo nimite mati se, aru tai logote thaka sob manukhan jun Christa Jisu ami aru apunikhan laga Prabhu laga nam ke bisas kuri loise.
\v 3 Amikhan laga Isor, Baba, aru Prabhu Jisu Khrista laga nam para Asis aru shanti apunikhan oprte thakibo dibi. \s5
\p
\v 4 Moi hodai apunikhan nimite moi laga Isor ke dhonianabad de, kile mane Isor laga asis juntu apunikhan oporte Jisu Khrista para hey dise.
\v 5 Kile koile sobte apunikhan ke Tai para dhoni bonai dise, sob kotha kura khan te aru sob gyan te bi,
\v 6 jeneka amikhan para apunikhan majote Khrista laga gawahi koidisele, etu tu hosa hoise koikena amikhan jani loise.
\v 7 Etu karone, apunkhan logote Isor laga sob pobitro verdan tu di kena ase, jitia apunikhan ke Prabhu Jisu Khrista para dikhai dibole nimite rukhi ase.
\v 8 Tai para apunikhan ke somoi khotom nahua tok takot kuri dibo, eneka hoile amikhan laga Prabhu Jisu laga dinte apunikhan ekubi bodnam hoikena nathakibo.
\v 9 Isor tu hosa ase, jun para apunikhan ke Tai laga Chokora, Jisu Khrista amikhan laga Prabhu laga (usorte/mondoli) te jama kuri bole matise. \s5
\p
\v 10 Etia, moi apunikhan ke hudi ase, bhai-kokai khan, Prabhu Jisu Khrsita laga nam te, apunikhan sob mon milai lobi, aru tate apunikhan majote alak nahobi, kintu apunikhan eke logote bhabona aru ekta kam te mili kena thakibi.
\v 11 Kile koile bhai-kokai khan, Chloe laga kunba manukhan ami ke koise, apunikhan majote kotha aru mon namili kena ase.
\v 12 Etia moi laga matlab etu ase, apunikhan sob ekjon-ekjon koi, "Moi tu Paul logote ase," nohoilebi "Moi Apollos logote ase," nohoilebi, "Moi Cephas logote ase," nohoilebi "Moi Khrista logote ase."
\v 13 Khrista tu alak-alak bhag hoise naki? Paul tu apunikhan nimite krus te morise? Nahoilebi apunikhan Paul laga nam para baptisma loise?
\v 14 Moi Isor ke dhaniabad diase kile mane moi apunikhan kunke bi baptisman dia nai, khali Crispus aru Gaius ke,
\v 15 tetia kunbi apunike moi laga nam para baptisma dise koikena nakobo.
\v 16 Moi bi Stephanas laga ghor manukhan ke baptisma tu dise. Kintu etu para dusara kunba khan ke moi para baptisma dia tu moi yad nai.
\v 17 Kile koile Khrista tu ami ke baptisma kuribole patha nohoi, kintu Tai laga susamachar tu prochar kuribole- moi ke Tai laga kotha tu chalak kotha para kobole patha nohoi, nohoile Khrista laga krus te hokti thaka tu sob kam nathaka hoi jabo. \s5
\p
\v 18 Kile koile harai ja manukhan nimite krus laga kotha tu ekubi matlab nai, kintu amikhan jun ke bachai loise, etu tu Isor laga hokti ase.
\v 19 Kile mane eneka likhi kena ase,
\q "Moi gyani manukhan laga gyan tu khotom kuri dibo,
\q Aru Moi buddi manu khan ke bujibo napara kuri dibo." \s5
\m
\v 20 Kotey ase gyani manu tu? Kotey ase pandit khan? Kotey ase etu prithibi laga kotha bisi kura manukhan? Isor para etu prithibi laga gyan sob okora te ulta kuri dise naki?
\v 21 Kile koile etu prithibi tu taikhan nijor buddhi para Isor ke pa nohoi, kintu Isor tu jun manukhan Tai laga okora kotha porchar kura khan ke biswas kure, etu khan ke bachabole icha thakise.
\v 22 Etu nimite Jehudi khan khali Tai laga dikhai dia asorit kam khan hey bisare aru dusara jati khan Tai laga buddhiman hey bisare.
\v 23 Kintu amikhan Khrista ke krus te mari dia hey prochar kure, etu kotha khan Jehudi khan nimite digtar ase aru dusara jat khan nimite okora kotha ase.
\v 24 Kintu utu khan jun ke mati loise, Jehudi aru Greeks duita jat bi, Khrista tu Isor laga hokti aru buddhiman ase.
\v 25 Kile koile Isor laga okora kotha khan tu manukhan para bi buddhi ase, aru Isor laga komzori tu manukhan para bi tagra ase. \s5
\p
\v 26 Bhai-kohai khan Isor para mati lu tu loi lobi, kile koile bisi manukhan apunikhan majote mangso hisab te buddhi thaka nai, apunikhna bisi bhak tu hokti thaka nai, aru apunikhan bisi bhak tu jonom para gyani thaka nai.
\v 27 Kintu Isor para hey etu prithibi laga okora khan ke chuni loise eneka hoile buddhi khan ke sorom khelai dibole nimite.
\v 28 Isor para juntu sobse niche khan aru etu prithibi para ghin kura khan ke chuni loise, aru kam nathaka khan ke Isor para etu khan ke chuni kena, etu prithibi te bisi kam thaka khan ke khotm kuri dibo nimite,
\v 29 tetia eneka hoile mangso te thaka khan Isor ke phutani kuribo naparibo.
\v 30 Kintu Tai nimite, apunikhan Jisu Khrista logote ase, junke amikhan nimite Isor laga buddhiman bonai dise, ekta dharmikta aru sapha bi kuri dise aru pap para bachai loise.
\v 31 Etu karone, eneka likhi kena ase, "Jun manu phutani kuri ase, tai ke Prabhu logote phutani kuribo dibi."
\c 2
\p
\v 1 Jitia moi apunikhan logote ahise, bhai-kokai khan, moi tu chalak laga kotha khan nohoilebi Isor laga nabuja buddhi kotha khan para prochar kuri kena aha nohoi.
\v 2 Kile koile Moi nijor icha para apunikhan laga ki hoilebi janibole mon thaka nai khali Jisu Khrista aru Tai ke krus te morai dia laga hey.
\v 3 Moi apunikhan logote komzor, aru kapi kena bhoi te thaki se.
\v 4 Moi laga kotha khan aru prochar khan thika buddhi laga kotha para nohoi, kintu Isor laga Atma aru hokti para kuri kena dikhai dia para hey,
\v 5 eneka hoi kena apunikhan laga bisas tu mangso laga buddhi para nohoi, kintu Isor laga hokti para. \s5
\p
\v 6 Etia amikhan buddhi kotha kua khan tu buja manukhan majote kure, kintu etu zamana laga gyan nohoi, nohoilebi etu zamana laga solawta khan laga, jun khan etu prithibi chari kena jai thakise.
\v 7 Hoilebi, amikhan Isor laga buddhiman tu bujibole napara kotha nisena lukai kena koi, juntu Isor tai laga kam nimite amikhan laga prithibi nabona agey para chuni kena taiyar kuri loise
\v 8 Etu zamana laga solawta khan kunbi bujibole para nai, kile koile jodi taikhan etu buji loi, tinehoile taikhan asis laga Prabhu ke krus te mari dibole thaka nai.
\v 9 Kintu jineka eneka likhi kena ase,
\q "Ki suku para dikha nai,
\q1 Aru kan para huni panai,
\q Aru manukhan khan laga monte zinda hua nai,
\q1 Etu khan sob Isor para utu khan nimite taiyari kuri kena ase jun Tai ke morom kure." \s5
\m
\v 10 Kile koile Isor para etu khan sob Tai laga Atma para hey dikhai dise. Kile koile Atma tu sob bisari loi, Isor laga ekdom bhitor kotha khan bi.
\v 11 Kile mane kun para ekta manu laga bhabona janibole pare, tai laga atma jun tai laga bhitor te ase etu ke chari kena?Thik etu nisena, kun manu bi Isor laga bhabona janibo napare khali Tai laga bhitor te thaka Atma para hey jane.
\v 12 Kintu amikhan etu prithibi laga atma ke lua nai, hoilebi Isor laga Atma junke Tai para amikhan ke dise, tetia juntu saman Isor para amikhan ke eku dam naloi kena dise etu khan ke janilobo.
\v 13 Aru amikhan manu laga gyan para hikai dia kotha khan nakoi, Atma para sikai dia kotha khan hey koi, juntu kotha khan Atma para amikhan ke koi, etu kotha khan atma te thaka manukhan ke bujai de.
\v 14 Kintu ekta sadharan manu tu Isor laga Atma laga kam khan lobole naparibo, kile koile etu khan tai nimite okora kotha ase. Tai khan etu khan nabuje kile mane taikhan ke bujai dibole atma tu najane.
\v 15 Kintu jun manu Atma te ase taikhan etu khan sob bujibo pare, hoilebi jun atma te nai, taikhan amikhan ke bujibole naparibo.
\q
\v 16 "Kile koile kun para Prabhu laga bhabona janey?
\q1 Kun para Tai ke bujai dibole pare?
\m Kintu amikhan logote Khrista laga bhabona ase.
\c 3
\p
\v 1 Bhai-kokai khan, Moi apunikhan ke ekjon Atma laga manu nisena kotha kobole naparibo, kintu ekjon mangso te thaka manu nisena kobole lagibo, kile koile apunikhan Khrista te etia bi ekta chutu bacha nisena ase.
\v 2 Moi apunikhan ke dood hey khilai ase, aru bhat khan khela nohoi, kile koile apunikhan chabai kena bhat khabole naparibo. Hoilebi, etia tok bi apunikhan etu nimite somoi puncha nai.
\v 3 Kile koile apunikhan etia bi mangso te ase. Apunikhan ekjon-ekjon ke suku juli thake, aru apunikhan khali kotha para jagara kuri thake. Apunikhan mangso te ase nohoi, aru apunikhan ekta sadharan manu nisena berai?
\v 4 Kunba para kobi, 'Moi Pual logote ase," aru dusara para kobi, "Moi Apollos logote ase," apunikhan tu mangso laga kam ase nohoi?
\v 5 Apollos tu kun ase? Aru Paul tu kun ase? Amikhan tu Isor laga naokor khan hey ase, jun para hey apunikhan biswas kuri se, aru ami duijon tu Isor para dia kam hey kuri sey.
\v 6 Moi bhijon hali sey, aru Apollos para pani dhali sey, kintu Isor para hey etu ghas ke dangor hobole dise.
\v 7 Tinehoile, jun bhijon hali sey aru jun pani dhali sey etu tu dorkar nai, kintu Isor jun para etu ghas ke dangor hoble dise Tai hey dorkar ase.
\v 8 Etia, jun bhijon hali sey aru jun pani dhali sey etu duijon laga kam tu ekey ase, aru duijon bi taikhan laga kam hisab tey enam pabo.
\v 9 Kile koile amikhan Isor laga kam kura manu ase. Apunikhan tu Tai laga kheti kura manu ase, aru Tai laga ghor ase. \s5
\p
\v 10 Isor laga kirpa hisab te juntu Tai para ami ke ekta paka ghor bona mistiri hobole dise, Moi para ekta bhal ghor bonai kena suru kuri dise aru dusara khan tu etu ghor oporte bonai ase. Kintu taikhan ke hosiar para ghor tu uthabole dibi.
\v 11 Kile koile juntu ghor agey para bonai kena ase, etu uporte aru notun ekta ghor bonabole naparibo, aru etu tu Jisu Khrista ase.
\v 12 Etiya, jodi kunba manu etu ghor laga asol pathor uporte suna, chandi, dami pathor, khuri, nohoilebi kher laga ghor khan bonai koile,
\v 13 etu kam khan laga sob bichar hobo, kile koile din laga ujala te sob dikhibo, kile mane etu tu jui para hey dikhai dibo. Jui nijor para hey etu khan ke julai kena bhal-bia kam khan sob dikhai dibo.
\v 14 Jun manu laga kam tu jui para jula nai koile, etu manu ke tai laga kam nimite enam pabo;
\v 15 kintu jun manu laga kam tu jui para julai dey koile, tai laga kam khan sob nuksan hobo, hoilebi tai tu bachi jabo, jeneka ekjon manu jui julia para polai kena bachi jai. \s5
\p
\v 16 Apunikhan najane naki apunikhan tu Isor laga ghor ase aru tate Tai laga Atma thake?
\v 17 Jun manu Isor laga ghor ke bia kuri dey koile, Isor etu manu ke khotom kuri dibo. Kile koile Isor laga ghor tu pobitro ase, juntu apuni hey ase. \s5
\p
\v 18 Kun bi nijeke nijor para nathokabi. Jun etu zamana te apunkhan majote nijor ke buddhi thaka manu bhabe koile, tai ke "okora" hobole dibi titia tai buddhi thaka manu hoi jabo.
\v 19 Kile koile etu prithibi laga buddhiman khan Isor nimite okorakhan ase. Kile mane Isor kotha te likhi kena ase,
\q "Tai para buddhi khan ke taikhan laga nijor chal te phasai dey,"
\m
\v 20 Arubi eneka likhi kena ase,
\q "Prabhu tu buddhi manukhan laga bhabona khan janey, aru etu khan sob hawa hey ase." \s5
\m
\v 21 Etu karone, etu prithibi laga manukhan ke phutani kuribole nadibo. Kile koile etu khan sob apunikhan laga hey ase,
\v 22 Paul hoilebi, Apollos hoilebi, Cephas hoilebi, nohoilebi etu prithibi, aru jibon hoilebi, nohilebi mora, etu somoi te thaka khan, nohoile ahibole thaka somoite. Etu khan sob apunikhan laga hey ase,
\v 23 aru apunikhan tu Khrista laga ase, aru Khrista tu Isor laga ase.
\c 4
\p
\v 1 Manukhan para apunikhan ke Khrista laga sevak kura manu bhabibo lagey, aru maukhan ke Isor laga bujibole napara kam khan bujai dia manu ase.
\v 2 Etia, eneka kam kura manukhan para ki icha ase koile, taikhan ke ekta biswas te thik thaka pabo lage.
\v 3 Kintu ami nimite apunikhan para moike bichar kura tu moi nimite bisi mamuli kotha ase, nohoilebi etu prithibi laga fesla para. Kile koile moi nijor ke nije para bi bichar nakure.
\v 4 Kile mane moi nijor jani ase ami laga eku golti nai, kintu etu khan para ami ke bichar kuribole naparibo. Hoilebi Prabhu hey ekjon ase jun hey ami ke bichar kuribo.
\v 5 Etu karone Prabhu laga somoi naha agey te bichar nakuribi. Tai para hey andhar laga kam khan aru mon laga bhabona duita ke bi ujala te sob dikhai dibo. Etu pichete Isor laga stuti ekjon-ekjon uporte ahibo. \s5
\p
\v 6 Etia, Bhai-kokai khan, Etu kam khan moi aru Apollos para apunikhan nimite hey kuri kena ashise, eneka hoile amikhan para hey apunikhan sikhi jabo:
\q "Ji likha ase, khali etu hey kuribi,"
\m Tetia eneka hoile hey ekjon para ekjon ke dangor-chutu ase koikena nasabo
\v 7 Kile koile apunikhan nijor ke kile dangor bhabe? Apunikhan logote ki ase juntu apunikhan diya nai? Tinehoile jodi apunikhan ke sob dikena ase koile, kile apunikhan nijor para paise koikena phutani kuri ase?
\v 8 Etia para hey apunikhan sob ase koikena khusi ase! Etia para hey apunikhan nijor ke dhoni ase bhabi ase! Apunikhan amikhan ke chari kena nijor ke raja bhabi ase, aru ami laga icha tu apuni hosa para bi raja hoile bhal, eneka hoile hey amikhan bi apuni logote raj kuribo.
\v 9 Kile mane moi hisab te Isor para amikhan ke sob para niche apostles koi kena manu khan ke dikhai dise, jeneka ekta manu ke mora laga sazai dia nisena. Kile koile amikhan tu etu prithibi te dikhai dia saman nisena hoi jaise- duth aru manukhan duijon ke bi.
\v 10 Amikhan Khrista karone okora ase, kintu apunikhan tu buddhi ase Khrista te. Amikhan tu komzor ase, kintu apunikhan tagra ase. Apunikhan tu sonman pai, kintu amikhan tu sonman napai.
\v 11 Etia laga somoi tok bi amikhan sob piyas aru bhok lagi ase, aru amikhan ekdom bia kapur lagai kena ase, aru amikhan ke bia para marise, aru amikhan laga thakibole ghor bi nai.
\v 12 Amikhan bisi dukh para kam kurey, amikhan nijor laga haat para kurey. Jetia manukhan para amikhan ke hinsa kurey, amikhan taikhan ke asis kurey. Jetia amikhan uporte Isor kam nimite dukh-digtar pai, aru amikhan etu khan loi.
\v 13 Jetia manukhan amikhan laga bia kotha koi, amikhan taikhan bhal kotha para jawab dey. Kintu manukhan amikhan ke etia tak bi etu prithibi laga letera jabara nisena bhabe. \s5
\p
\v 14 Moi etu khan apunikhan ke sorom khilabole nimite likha nohoi, kintu apunikhan ke moi laga morom thaka bacha khan nisena sikhai ase.
\v 15 Kile koile jodi apunikhan logote dos hazar sai dia-sipahi Khrista te thakilebi, apunikhan logote bisi baba nathakibo. Kile koile moi apunikhan laga baba hoise juntu Khrista Jisu laga susamachar para hey hoise.
\v 16 Etu karone moi apunikhan ke moi nisena kuribi koi kena mangi ase.
\v 17 Kile koile etu nimite, moi Timothy ke apunikhan logote pathai se, jun moi laga morom thaka aru bisas tey thik thaka bacha ase Prabhu te. Tai apunikhan ke Khrista Jisu logote mili kena ami ki niom khan chulai ase, aru girja khan te ami ki hikai thake etu khan sob koidibo.
\v 18 Etia, apunikhan bhitor te kunba tu bisi phutani hoi ase, moi kitia bhi apunikhan logote nahibo nisena.
\v 19 Kintu moi apunikhan logote joldi ahibo, jodi etu Prabhu laga icha hoile. Etu pichete moi utu phutani manikhan ke ahi kena sabo, jodi taikhan logote khali kotha para phutani ase, na dusara hokti bi ase koikena.
\v 20 Kile koile Isor laga raijo tu khali kotha para nohoi kintu hokti para ase.
\v 21 Apunikhan ki lage? Moi apunikhan ke luha laga lathi loikena na morom aru norom atma loikena ahibo?
\c 5
\p
\v 1 Ami hunibole pai ase tate kunba khan ase junkhan bebichar laga kam apunikhan majote kuri ase, aru eneka bia kam khan juntu Gentiles khan majote kitia bi huna nai- jeneka ekta manu tai laga baba laga maiki ke loikena ase.
\v 2 Aru eneka hoikena bi apunikhan eman phutani ase! Asol tu apunikhan mondukh hobole lagey, eneka hoile jun manu eneka kam kuri ase taikhan ke apunikhan laga samaj para ulai dibi.
\v 3 Ami apunikhan majote gao para alak thakile bi, ami laga atma tu apunikhan logote ase. Moi pohila para utu manu laga kam khan nimite bichar kuri dise, jeneka ami nijor tate thaka nisena.
\v 4 Jitia apunikhan Prabhu Jisu Khrista laga nam para jama hoise, aru ami laga atma apunikhan logote ase, amikhan laga Prabhu Jisu Khrista laga shakti para,
\v 5 etu manu ke Satan laga haat tai laga gao ke khotom kuri dibo nimite dise, eneka hoile tai laha atma tu bachai lobo Jisu aha somoite.
\v 6 Apunikhan phutani dikhai thaka tu bhal nohoi. Apunikhan najaney naki, ekta chutu khomier tu pura ata ke phulai de nohoi?
\v 7 Purana khomier ke ulai dibi eneka hoile apunikhan ekta nutun ruti bonabole laga ata hoi jabo. Kile koile Khrista, amikhan (Passover) khusi din mana laga bhera tu balidan hoi jaise.
\v 8 Etu nimite ahibi amikhan khusi laga din ke manibo, purana khomier logote nohoi, nohoilebi bia adot aru bodmas kam laga khomier para nohoi, kintu hosa aru sachchae laga ekta naphula ruti para ase. \s5
\p
\v 9 Ami pohila laga chitthi tey bi likhi se, biyobichar kura manukhan logote namibilibi.
\v 10 Ami laga chitthi tey, etu prithibi laga bebichar, nohoilebi lalchi thaka, nohoilebi thokai dia manu, nohoilebi murti puja kura khan logote milikena thakibi kua nohoi, eneka hoile apunikhan etu prithibi para baharte jabole lagibo
\v 11 Kintu etia ami apunikhan ke likha tu, utu manukhan logote namilibi jun tai nijor ke ekta bhai nisena koi kintu jun biyobichar, nohoiebi lalchi ase, nohoilebi ekjon murti puja kura, nohoilebi kotha para bia gali kura, nohoilebi sarabi, nohoilebi manu ke thokai dia. Eneka manu logote kha-lua bi nakuribi.
\v 12 Ki kuribole ami bahar te thaka manu ke bichar kuribo? Apunikhan tu bhitor tey thaka khan ke bichar kuribo lagey nohoi?
\v 13 Kintu Isor tu jun khan bahar te ase etu khan ke bichar kurey.
\q "Utu bia manu ke apunikhan laga majo para ulai dibi." \s5
\m
\c 6
\p
\v 1 Jitia apunikhan majote kunba ekjon para ekjon ke sabole mon nathakile, taikhan dharmik nathaka ukil khan logote fesela kuribole jai, kintu gyani dharmik manukhan logote kile najai?
\v 2 Nohoilebi apunikhan najane gyani dharmik manukhan hey etu prithibi ke bichar kuribo koikena? Aru jodi etu prithibi ke apunikhan para bichar kuribo koile, apunikhan tu chutu kotha khan ke bichar kuribo lage nohoi?
\v 3 Apunikhan najaney amikhan hey duth khan ke bichar kuribole ase? Tinehoile etu para jarooree kotha aru ki hobo?
\v 4 Tinehoile, apunikhan majote namila kotha thakile, kile apunikhan dusara manukhan ke bichar kuribole de junkhan girja logote eku rista nai?
\v 5 Moi apunikhan sorom khilabole koi ase. Apunikhan majote kunbi gyani manu nai naki, jun para etu bhai-kokai majote kotha khan fesela kuri dibole?
\v 6 Kintu ekta biwasi para tai laga bhai ke kort tey loi jai, aru ekta biwas nathaka manu ke bichar kuribole dey!
\v 7 Etu karone, apunikhan tu agey para pura hari jaise, kile koile apunikhan nijor uporte bichar kuri ase. Etu para tu manukhan para apunikhan ke doshi dia hey bhal nohoi? Nohoilebi etu para tu manukhan para apunikhan ke thokai dia hey bhal nohoi?
\v 8 Kintu apunikhan nijor golti aru thoka-baji kurey, aru etu bi nijor bhai-kokai khan ke!
\v 9 Nohoilebi apunikhan najane naki dharmik nathaka manukhan tu Isor laga raijo te jabole naparibo koikena? Apunikhan dhoka nakhabi; letera kam khan, nohoilebi murti puja, nohoilebi byabichari, nohoilebi nijor gao ke bikiri kura khan, nohoile mota-mota aru maiki-maiki bia kam kura khan,
\v 10 nohoilebi chor, nohoilebi lalchi, nohoilebi nisa kha khan, nohoilebi badanam kura khan, nohoilebi manuke thokai dia kam khan, eneka kam kura khan kunbi Isor laga raijo sabole naparibo.
\v 11 Apunikhan pohila tey eneka thaki sele. Kintu apunikhan ke dholai kena sapa kuri dise, apunikhan ke pobitro kuri dise, apunikhan ke Prabhu Jisu Khrista laga nam aru sor laga Atma, para sapa kuri dise. \s5
\p
\v 12 "Ami nimite sob khan tu thik ase," kintu sob khan tu lap nohoi. "Ami nimite sob khan tu thik ase," kintu eku para bi ami laga malik hobole nadibo
\v 13 "Khalua khan tu pet nimite ase, aru pet tu khalua nimite ase," kintu Isor para duita bi khotom kuri dibo. Gao tu bia pap kam nimite nohoi, kintu Prabhu laga ase, aru Prabhu tu gao laga ase.
\v 14 Etia Isor tu hosaparabi Prabhu ke uthai dise, aru amikhan ke Tai laga hokti para uthai dibo.
\v 15 Apunikhan najaney naki apunikhan laga gao tu Khrista laga bhag ase koikena? Tinehoile moi Khrista laga bhag ke ulai dibo aru pap kam laga bhag bonai dibo? Eneka tu kitia bi nahobi!
\v 16 Nohoilebi apunikhan najane naki jitia ekjon byabichar maiki logote bia kam kurile ekta gao hoijai koikena? Kile koile Isor kotha tey eneka likhi kena ase, "Duijon tu ekta gao hoi jabo."
\v 17 Kintu jun prabhu lagote mili kena ase tai tu Tai logote ekta Atma hoi jai.
\v 18 Byabichar kam khan para dur polai jabi! Sob alak pap khan juntu ekjon manu para kura khan tu gao para bahar tey kura khan ase, kintu mota-maiki byabichar kura khan nijor gao ke pap kuri dey.
\v 19 Nohoilebi apunikhan najaney naki apunikhan laga gao tu Pobitro Atma laga girja ase, jun apuni bhitor tey ase, junke Isor para apunikhan ke dise? Apunikhan tu nijor laga nohoi,
\v 20 kile koile apunikhan ke tu dam dikena kini loise. Etu karone Isor ke apunikhan laga gao tey mahima dibi.
\c 7
\p
\v 1
\v 2
\v 3
\v 4
\v 5
\v 6
\v 7
\v 8
\v 9
\v 10
\v 11
\v 12
\v 13
\v 14
\v 15
\v 16
\v 17
\v 18
\v 19
\v 20
\v 21
\v 22
\v 23
\v 24
\v 25 \s5
\p
\v 26
\v 27
\v 28
\v 29
\v 30
\v 31
\v 32
\v 33
\v 34
\v 35
\v 36
\v 37
\v 38
\v 39
\v 40
\c 8
\p
\v 1 Etia moi murti khan ke khalua para bolidan dia laga kotha likhibo: Amikhan jani ase amikhan sob logote gyan ase. Kintu gyan tu manu ke phutani kuri dey, hoilebi morom tu manukhan ke tagot banai dey.
\v 2 Jodi kunba ekjon kiba jani asey koikena bhabey, tai asolte janibole thaka tu ekubi jana nai.
\v 3 Kintu jun Isor ke morom kurey, etu manu ke Isor para jani ase
\v 4 Tinehoile, murti ke bolidan dia khalua khan khaile: Amikhan jani ase etu prithibi te murti tu ekunai aru amikhan jani ase khali ekta Isor hey ase.
\v 5 Kilekoile tate ineka thakilebi junkhanke isorkhan koikene matiase, swargte hoilebi nahoile prithibite hoilebi, (jineka tate bisi isorkhan ase, bisi malik-khan ase,)
\v 6 hoilebi amikhan nimite tu ekta Baba Isor hey ase, sob tu Tai para hey ahise aru Tai nimite amikhan zinda asey, aru ekta Prabhu Jisu Khrista, jun karone hey sob khan ase, aru jun karone amikhan ase. \s5
\p
\v 7 Kineka hoilebi, etu raijo tu sob jon bhitor tey nohoi. Hoilebi, kunba tu pohila tey murti khan ke bisi mani kena thaki sey, etu nimite taikhan murti ke bolidan dia laga khalua asey koi kena khai dey; etu nimite taikhan laga bhabona etu bi komzor aru letera hoi kena ase.
\v 8 Kintu khalua para amikhan ke Isor agetey dikhai nadibo. Amikhan nakhai ley bia nohoi koikena nohoi, nohoilebi khai ley bhal asey koi kena nohoi.
\v 9 Kintu hosiar hoikena thakibi apuni laga etu azadi nimite dusara manukhan karone komzor kuridia porikha hobole nadibi.
\v 10 Kile koile jodi kunba manu gyan thaka manu ke murti ke dia laga khalua khai thaka dikhey koile, utu dimak komzor thaka manu gyan manu ke bolidan dia khalu khai thaka dikhi kena, tai bi sikhi lobo nohoi?
\v 11 Etu nimite ekjon jun komzor ase, utu bhai nimite jun Khrista jibon di disey, apuni laga kam dikhi kena tai nosto hoi jaise.
\v 12 Etu karone, jetia apunikhan bhai-kokai khan laga agete pap kam kurikena taikhan laga komzor bhabona ke ghao kuri dey, apunikhan tu Khrista agete pap hoisey.
\v 13 Etu karone, jodi khalua nimite bhai-kokai khan porikha tey giri jai, tinehoile ami mangso bi nakhabo, titia ami para moi laga bhai-kokai khan ke porikha tey giribole nadibo.
\c 9
\p
\v 1 Moi azad nohoi naki? Moi Jisu para chuni lua das nohoi naki? Moi amikhan laga Prabhu Jisu ke dikhai nai naki? Apunikhan ami logote Prabhu nimite kam kura manukhan nohoi naki?
\v 2 Jodi ami dusara khan nimite Jisu para chuni lua das nohoi koilebi, apunikhan nimite tu ase nohoi. Kile koile Prabhu laga das kam kura khan tu apunikhan hey ami laga gavahee asey.
\v 3 Etu hey ami laga raksha ase jun khan para amike sai thakey:
\v 4 Khalua kura khan tu ami laga adhikar nohoi naki?
\v 5 Amikhan ekta bisasi maiki ke sadi kuribole amikhan laga adhikar nohoi naki, aru dusara Khrista laga das khan bi, aru Prabhu laga bhai-kokai khan, aru Cephas khan bi?
\v 6 Nohoile, khali Barnabas aru moi hey kam kuri kena khabo lagey?
\v 7 Kun ekta sipahi kam kuri kena nijor key tankha dey? Kun ekta bagan kura manu bagan kuri kena nijor bagan laga guti khabole adhikar nai? Nohoilebi kun ekta bhera saa manu nijor laga bhera khan ke sai kena taikhan laga dood nakhai?
\v 8 Etu khan kua tu ami manukhan laga adhikar hisab tey kua nohoi naki? Nohoile Isor laga kanoon tey eneka asey nohoi?
\v 9 Kile koile Moses laga kanoon tey eneka likhi kena ase, "Goru laga mukh tey rusi para bandhi kena bon kuri nadibi jitia tai dhan khan ke theng para chipai kena ghuri thaka homoite."
\v 10 Naa, Mooses tu khanli amikhan nimite koi ase? Kile maney etu manikhan nimite likhi kena asey, kile jun kheti khundey aru kun dhan guti key alak kurey, tai duijon bi hajira pabo lagey.
\v 11 Jodi amikhan atama laga bhijon khan apunikhan majote phelai, tinehoile apunikhan amikhan ke dhunia laga guti bi dibole naparey naki?
\v 12 Jodi dusara khan apuni oporte kiba pabole adhikar asey koile, apunikhan bi taikhan oporte paboley adhikar asey nohoi? Kintu amikhan etu adhikar tu loboley para nai. Ulta Khrista laga susamachar kam tey digtar nohobole nimite taikhane ke khusi kuriboley dey.
\v 13 Apunikhan najaney, jun mandir nimite kam kurey, tai tu mandir lag sam khan hey khai; aru jun Isor ghor tey khalua khan sai, tai tu Isor ghor laga khalua hey khai?
\v 14 Thik etu nisena, Prabhu para hukum disey jun Khrista laga susamachar koi dia kam kurey tai laga hajira tu susamachar para hey pabo.
\v 15 Kintu moi etu adhikar khan eku bi lua nai. Kile koile ami etu likha tu kiba pabole nimite likha nohoi, kile koile etu likhi kena phutani kura para tu ami nimite mori ja tu hey bhal hobo.
\v 16 Kile koile jitia moi susamachar prochar kurey, etu tey ami eku phutani dikhabole matlab nai, kile maney etu tu ami laga zimedari hey asey. Aru ami uporte dukh hoboley dibi jodi ami susamachar tu prochar nakurey!
\v 17 Kile koile jodi ami nijor icha para prochar kurile, moi nimite enam ase. Kintu jodi icha nathakey, juntu kam ami oporte zimedari kuri dise Tai laga kam nimite.
\v 18 Tinehoile ami laga enam tu ki ase? Ami jitia susamachar tu prochar kure ami eku bi dan naloi, eneka hoile hey ami susamachar laga nama para khusi-khusi kuribole sesta nakuribo.
\v 19 Kile koile ami tu sob para hoikena thakilebi, ami nijor ke dusara khan laga naokor bonai disey, eneka hoile ami aru bi bisi pabo.
\v 20 Jew jati khan nimite ami bi Jew hoi jaise, eneka hoile Jew jati khan ke jiti lobo. Aru ami nijor bi niom bhitor te thaka nai, kintu jun khan niom bhitor te asey, tai khan uporte jiti bo nimite ami nijor ke niom bhitor te thaka ekjon kuri loise.
\v 21 Aru jun khan niom bahar tey asey, ami nijor ke niom bahara tey thaka ekjon hoi jaise eneka hoile niom bahara tey thaka khan ke jiti lobo (asol tey ami Isor laga niom bahara tey nohoi, kintu Khrista laga kanoon bhitor tey asey).
\v 22 Komzor khan nimite ami bi komzor hoi jaisey, eneka hoile komzor khan ke jiti lobo. Moi sob khan nimite sob hoi jaise, eneka hoile ami keneka hoilebi kunba khan ke bhacha boley paribo.
\v 23 Ami etu khan sob tu susamchar nimite hey kuri ase, eneka hoile ami bi etu laga ekta bhag hobo.
\v 24 Apunikhan najaney, polabole laga khela tey sob khilari khan polai, kintu khali ekjon hey inam loi? Etu nimite eneka para polabi jeneka para apuni etu jiti lobo.
\v 25 Jun khan etu khela tey bhag loi, tai khan tu ekdom bhal para nijor ke taiyari kurey. Tai khan etu kura tu prithibi laga inam pabole nimite kurey, kintu amikhan tu kitia bi khotom nahua inaam nimite kurey.
\v 26 Etu karone moi polai, ekjon eku matlab natha ki kena nohoi; Moi larai kurey, ekjon hawa tey mari thaka nisena nohoi.
\v 27 Kintu ami nijor gao ke dhuri loi aru moi laga daas bonai loi, eneka hoile jitia ami dusara khan ke prochar kura pichetey, ami nijor ke haribole nadibo.
\c 10
\p
\v 1 Kile koile ami apunikhan ke najana nisena hobole nadibo, bhai-kokai khan, amikhan laga baba khan jitia badal para loi jai thakise, tai khan samundar par kuribole parise.
\v 2 Tai khan sob Moses logote badal aru samundar para baptisma loise,
\v 3 aru tai khan sob eke atma laga khalua kuri se.
\v 4 Taikhan sob eke atam laga pani khai sey, kile koile taikhan atma laga pathor jun taikhan pichey ahise etu para hey khai se, aru etu pathor tu Khrista thaki se.
\v 5 Kintu Isor tu taikhan kunba uporte tey khusi thaka nai, aru etu nimite taikhan ke balu laga pahar tey morai dise.
\v 6 Etia etu khan sob tu amikhan nimite ekta sai kena bujibole kotha ase, eneka hoile amikhan bia ginis khan tey icha nahobo, jeneka taikhan icha kuri sele.
\v 7 Murti puja kura manukhan nahobi, jeneka taikhan majote kunba thaki sele; eneka likhi kena ase, "Manukhan bohi kena khalua kuri thakise, aru khilibole uthi loise."
\v 8 Bybichar kam khan nakuribi, jeneka taikhan bisi manu bybichar kuri sey, aru etu nimite teis hazar (twentry-three thousand) manu utu din tey muri jaise.
\v 9 Khrista key kitia bi pareeksha nakuribi, jeneka taikhan bisi manu Tai ke kura nisena, aru etu nimite taikhan ke saap para khotom kuri dise.
\v 10 Khong uthi kena shikayat nakuribi, jeneka bisi manu kuri se, aru etu nimite taikhan ke khotom kuri dia khan para khotom kuri dise.
\v 11 Etia etu khan sob tu amikhan nimite ekta sai kena bujibole kotha ase. Kile koile etu likha khan tu amikhan hosiar hobo nimite ase, jun tu khotom hua din tu amikhan laga somoite ahibo.
\v 12 Etu karone jun manukhan taikhan tagoth asey bhabi kena khara ase, taikhan ke nagiribole nimite hosiar kuri dibi.
\v 13 Eku porikha bi apuni ke girabole para nai, khali mamuli porikha jun tu sob manukhan ke hoi. Kintu, Isor ke bisas thakibi. Tai kitia bi bukhibole napara porikha apuni ke nadibo, kintu jitia apuni porikha pabo, Tai apuni ke etu porikha para bichabole nimite rasta bi dibo, titia apuni lobole paribo. \s5
\p
\v 14 Etu karone, moi laga morom thaka khan, murti puja khan para dur thakibi.
\v 15 Moi buja manukhan ke koi ase. Moi ki koi ase etu para apunikhan nijor ke bichar kuribi.
\v 16 Amikhan jun asirbad laga kap para asis kurey, etu tu Khrista laga khoon bhag kuri kena khai nohoi? Aru juntu ruti amikhan bhangai kena bhag kuri kena khai, etu tu Khrista laga gao asey nohoi?
\v 17 Kile nimite tate khali ekta lof laga ruti asey, etu nimite amikhan bisi asey kintu ekta gao hey asey, kile koile amikhan sob tu ekta lof para hey bhag kurey.
\v 18 Israel laga manukhan ke sabi. Jitia taikhan balidaan dia janwar khan ke khai, taikhan ekta hoikena juntu Isor ke balidaan dise, etu bhag kuri kena khai nohoi?
\v 19 Tinehoile ami ki koi ase? Ji khalu murti khan ke balidaan kure koie ki bi hoi jabo? Nohoile ekta murti tu ki bi asey?
\v 20 Hoilebi, ami laga matlab tu jitu gantiles khan para balidaan dey, taikhan Isor ke nohoi kena saitan khan ke bolidan dey. Kintu moi apunikhan ke saitan laga bhag hobole dibo mon nai!
\v 21 Apunikhan Isor laga kap aru saitan laga kap para khabole naparibo. Apunikhan Prabhu laga khalua aru saitan laga khalua tey bhag loboley naparibo.
\v 22 Naa amikhan Prabhu ke mon julabole dikhai ase naki? Amikhan Prabhu para bi hokti ase naki? \s5
\p
\v 23 Apunikhan koi, "Sob tu kuriboley niom asey," kintu sob tu laap nohoi. "Sob tu kuriboley niom asey," kintu sob tu manukhan ke thik bonai nadey.
\v 24 Kun bi nijor laga bhaal nimite bisaribo nalagey, kintu dusara khan laga bhal hey.
\v 25 Apunikhan juntu bazar tey kiney etu khan sob tu khabole paribo parey, nijor laga bhabona ke nahudi kena.
\v 26 Kile koile "prithibi aru tai bhitor tey sob tu Prabhu laga ase."
\v 27 Jodi kunba biswas nakura manu apuni ke bhat khabole matey, aru apuni jabole mon hoi, tai ki apunike khabole dey etu khan sob apuni laga bhabona ke nahudi kena khai lobi.
\v 28 Kintu jodi kunba apuni ke koi, "Etu puja kura laga asey," etu tu nakhabi, kile koile manukhan laga bhabona hisab tey etu thik nai kun para apuni ke khobor dise, tai laga bhal nimite.
\v 29 Etia ami laga matlab tu, apunikhan nijor laga bhabona ke nohoi, kintu dusara laga bhabona ke koi ase. Kile koile ami laga azadi tu kile dusara khan laga bhabona para bichar hobole dibo?
\v 30 Jodi ami khalua laga bhag tey sonman para loi, tinehoile kile ami ke apmaan kuri ase juntu ami dhoniabad dikena khai se?
\v 31 Etu karone, ji khalua hoilebi, nahoile apuni ji kurey, sob tu Isor laga mahima nimite kuribi
\v 32 Jehudi aru Greek jati khan ke bia nakuribi, nahoilebi Isor laga girja ke,
\v 33 jeneka moi bi manukhan ke sob saman tey khusi kuridibole kosis kurey. Ami nijor laap hobole nimite nabisarey, kintu dusara khan nimite bisarey, eneka kuri taikhan ke bachabo karney.
\c 11
\nb
\v 1 Moi nisena thakibi, jineka moi bi Khrista nisena asey.
\p
\v 2 Etia moi apunikhan ke prashansa kuri ase kile koile apunikhan moi nimite sobtu yaad kure, aru apuni laga jati laga niom khan tagot para durey, jineka moi apunikhan ke tai laga hath tey punchai dise.
\v 3 Etia moi apunikhan ke bujai dibole mon thaka tu Khrista tu mota manukhan laga matha asey, aru mota khan tu maiki manu khan laga matha asey, aru Isor tu Khrista laga matha asey.
\v 4 Sob manu jun prathana aru prophesies khan kurey, matha tey kiba saman thaki kena, tai tu tai laga matha key apmaan kuri sey.
\v 5 Kintu sob maiki jun prathana aru prophesies khan matha dhakikena nakurey, tai laga matha ke apmaan kurey. Kile koile etu tu ekey kotha nisena asey jineka ekta maiki tai chuli takulu kuri loi.
\v 6 Kile koile jodi ekta maiki tai laga matha ke nadhakey, tinehoile taikhan laga chuli bi katibole dibi. Kintu jodi maiki khan taikhan laga chuli katiboley nahoilebi matha takulu kuribole apmaan lagey koile, taikhan ke taikhan laga matha dhakibole kobi.
\v 7 Kile koile ekjon mota matha dhaka tu thik nohoi, ekta noksa aru Isor laga mahima hoikena. Kintu ekta maiki tu tai laga mota laga mahima asey.
\v 8 Kile koile mota manu tu maiki manu para nahoi. Ulta, ekta maiki tu mota manu para hey asey.
\v 9 Kile koile mota manu to maiki khan nimite bona nohoi, kintu maiki manu tu mota manu nimite.
\v 10 Etu nimite maiki manukhan tu tai laga matha dhaki kena rakhibo lagey eneka hoile manukhan jani bo tai mota laga adhikar tey ase koi kena, aru tai etu khan kura tu duth khan nimite ase.
\v 11 Hoilebi, Prabhu logote tu, maiki manu mota manu para azad asey, nohoilebi mota manu maiki manu para azad asey.
\v 12 Kile koile maiki manu tu mota manu para asey, aru mota manu bi maiki para hey asey: kintu sob tu Isor para hey asey.
\v 13 Nijor para bichar kuri sabi: ekta maiki manu tai laga matha nadhaki kena Isor ke prathna kura tu thik asey naki?
\v 14 Etu prithibi laga niom nijor para hey apunikhan ke sikai, jodi ekjon mota manu chuli lamba kurey, etu tu tai nimite sorom asey nohoi?
\v 15 Kintu jodi ekta maiki manu chuli lamba asey, etu tai laga mahima asey? Kile koile tai ke lamba chuli dia tu tai ke dhakibole nimite dise.
\v 16 Kintu jodi kunba manu etu kotha khan para mon khusi nai, amikhan logote etu para alak dusara niom nai, nohoilebi Isor laga girja tey. \s5
\p
\v 17 Kintu etia moi koboley thaka adesh khan, moi apunikhan ke prashansa kura nohoi, apunikhan eke logote aha tu, bhal hobole nohoi, kintu bisi bia nimite.
\v 18 Kile koile pohila, moi etu huniboley paise jitia apunikhan girja tey eke logote jama hoi, apunikhan majote mon namili kena alak thake, aru etu kotha ke bisas kuribole tan nai.
\v 19 Kile maney kunba biswasi khan nijor dimak cholai kena kun hey asol biswasi asey koikena sabole, alak mondoli suru kuribole bhabey.
\v 20 Kile maney jitia apunikhan ekta jaga tey eke logote ahey, etu tu Prabhu laga khalua kuribole nahey.
\v 21 Kile koile jitia khalua kura somoi hobo, sob manu nijor laga khalua tu pohila khai loi; kunba tu khabole napai kena bhuka thake, aru kunba tu bisi khai kena nesa hoikena thakey.
\v 22 Kile koile apunikhan khalua kuribole nimite nijor ghor nai naki? Naa apunikhan Isor laga girja ke ghin kurey aru gorib manu khan ke sorom khelai.
\v 23 Kile koile moi ke Prabhu para ki disey etu moi apunikhan ke di ase, Prabhu Jisu hey, utu rati juntu din Tai ke thokai dia rati tey, ruti loise,
\v 24 aru jitia tai dhoniabad di loisey. Tai bhangai kena koise, "Etu moi laga khoon asey, juntu apunikhan nimite asey. Moi ke yaad kuribole nimite etu khan kuribi."
\v 25 Thik etu nisena, Tai bi khalua kura pichete kap tu loise, eneka koi kena, "Etu kap tu ami laga khoon tey ekta notun vachan ase. Jitia apunikhan etu khai, hodai ami ke yaad kuribo."
\v 26 Kile koile hodai jitia apunikhan etu roti aru etu kap para khabo, apunikhan Prabhu mora laga khobor tu prochar kuri thakibo jitia tak Tai wapas nahey.
\v 27 Etu karone, jun hoilebi, prabhu laga ruti nohoilebi etu kap para bia niom para khai, tai tu Prabhu laga gao aru Tai laga khoon agete te golti hobo.
\v 28 Kintu ekta manu tai nijor ke pohila sai lobole dibi, aru etu nisena tai ke ruti para khabole dibi aru kap para pani.
\v 29 Kile koile jun manu tai nijor gao ke bhal para nasai kena khalua kurey, tinehoile tai tu nijor ke bichar kura laga khalua kurey.
\v 30 Etu nimite apunikhan majotey bisi manu komzor aru bimar asey, aru bisi manu ghumai kena asey.
\v 31 Kintu jitia amikhan nijor ke sai, amikhan ke bichar nahobo.
\v 32 Kintu jitia amikhan ke Prabhu para bichar kurey, amikhan ke thik kurai dey, eneka hoile amikhan ke uporte badnaam nohobo etu prithibi nimite.
\v 33 Etu karone, moi laga bhai-kokai khan, jitia apunikhan eke logote khabole ahey, ekjon-ekjon nimite rukhi bi.
\v 34 Jodi kunda ekjon bhuk lagi thakile, tai ke ghor tey khabole dibi, eneka hoile apuni duijon Isor laga bichar tey eke logote nahibo nimite. Aru apunikhan para dusara kiba likha khan tu, moi aha pichete apunikhan ke dikhai dibo.
\c 12
\p
\v 1 Etia, bhai-kokai khan moi atma laga verdan laga kotha koi dibo, moi apunikhan ke najana nisena kuribole dibo mon nai.
\v 2 Apunikhan jani asey jitia apunikhan biswasi manu nathaka somoite, apunikhan nijor key ulta rasta loi jaisey aru jibon nathaka murti khan ke pooja kuri thaki sey.
\v 3 Etu karone moi apunikhan ke janai di asey, kun bi Isor laga Atma para eneka koboley naparibo, "Jisu ke shraap hobi," aru kun bi Pobitro Atma nathaki kena eneka kobole naparibo, "Jisu tu Prabhu asey."
\v 4 Etia, etu tey bisi kisim laga verdan khan asey, kintu ekta Atma hey asey.
\v 5 Aru etu tey alak-alak mantri khan asey, kintu ekta Prabhu hey asey.
\v 6 Aru etu tey alak-alak kisim laga kam khan asey, kintu Isor tu ekta asey jun para kam khan sob lotey kuri asey.
\v 7 Etia ekjon-ekjon logote Atma laga chehara dikena asey, titia taikhan ekjon-ekjon ke modot kuribo paribo.
\v 8 Kile koile Atma para kunba ke budhi laga kotha dise, aru etu eke Atma para kunba ke gyaan laga kotha dise,
\v 9 eke Atma para kunba ke biswas dise, aru etu eke Atma para bhal kuri dia verdan dise,
\v 10 aru kunba ke bhal kam kura laga hokti dise, kunba ke prophecy, kunba ke bhal-bia atma bujibole para, kunba ke alak kisim laga bhaasha, aru kunba ke alak kisim laga bhaasha ke bujai dibo para khan laga verdan dise.
\v 11 Kintu ekta aru eke Atma para etu sob kam khan kuri asey, aru Tai laga icha hisab tey ekjon-ekjon ke bhag kuri kena dey.
\v 12 Kile koile manu laga khali ekta gao hey asey hoilebi alak-alak kam hisab tey bhag asey, kintu jiman bhag hoilebi gao tu ekta hey asey; thik etu nisena Khrista bi eneka asey.
\v 13 Kile koile ekta Atma para hey amikhan sob ke baptisma dikena ekta gao banai dise, Jehudi hoilebi Grek jati hoilebi, bandi kena thaka nohoilebi azad thakilebi, amikhan sob ke ekta Atma hey khabole dise.
\v 14 Kile koile gao tu khali ekta bhag hey nohoi, kintu bisi asey.
\v 15 Jodi theng para koi, "Ami tu hath nohoi, etu nimite ami tu gao laga bhag nohoi," eneka koilebi tai etu gao laga ekta bhag hye asey.
\v 16 Aru jodi kaan para eneka koi, "Kile mane moi tu sukhu nohoi, etu nimite moi etu gao laga bhag nohoi," eneka koilebi tai etu gao laga ekta bhag hye asey.
\v 17 Jodi pura gao tu sukhu asey koi, tinehoile kotey para hunibole paribo? Jodi pura gao tu kaan asey koi, tinehoile kotey para gundha bole paribo?
\v 18 Kintu Isor para Tai laga icha hisab tey alak-alak bhag ke ekjon-ekjon laga gao tey rakhi dise.
\v 19 Kintu jodi taikhan sob eke bhag asey koi, tinehoile etu gao tu kotey hobo?
\v 20 Etu nimite tatey bisi bhag asey, hoilebi ekta gao hey asey.
\v 21 Sukhu para haat ke eneka kobole naparibo, "Ami apuni ke nalage." Nohoilebi aru, matha para theng ke koi, "Ami apuni ke nalage."
\v 22 Hoilebi asol kotha tu, gao laga bhag khan jun tu bisi komzor dikhe, taikhan hey asol kam laga bhag asey,
\v 23 aru juntu gao laga bhag ke amikhan kam nai koikena bhabe, etu bhag ke amikhan bisi bhal para sai, aru juntu bhag ke dikhabole napare etu bhag ke amikhan bisi bhal para sai.
\v 24 Hoilebi amikhan laga dikha bole para sundor bhag ke bisi bhal para nasai lebi hobo. Kintu Isor para sob bhag ke ekta gao tey eke logote milai dise, eneka hoile sob bhag ke eke sonman pabo,
\v 25 etu nimite gao majote kun bi alak-alak bhag nahobo, kintu utu bhag tu ekjon-ekjon ke eke mon para sabo.
\v 26 Eneka hoile, jitia ekta bhag dukh pabo, sob bhag ke bi dukh hoi jabo; aru jitia ekta bhag ke sonman pabo, sob bhag bi etu logote khusi kuribo.
\v 27 Etia apunikhan sob Khrista laga gao asey, aru ekjon-ekjon Tai laga bhag khan asey.
\v 28 Aru hosa para bi Isor para kunba ke girja te sabole rakhi sey, pohila jaga tu Tai laga chuni lua chela khan hobo, dusara tu prophets khan, tesara tu sikhai dia manu khan, etu pichete asorit kam kura khan, pichete bhal kuri dia laga verdan, modot kura khan, bhal para cholai kena jaa, aru alak kisim laga bhaasha khan.
\v 29 Sob tu chuni lua chela khan asey naki? Sob tu prophets khan asey naki? Sob tu sikhai dia manu asey naki? Sob tu asorit kam kura manu asey naki?
\v 30 Sob logote bhal kuri dia verdan asey naki? Sob tu alak bhaasha kobole paraey naki? Sob tu alak bhaasha khan ke bujai dibole parey naki?
\v 31 Kintu juntu sob para dangor verdan key mon dikena lobi. Aru etia, ami apunikhan ke sob para bhal rasta dikhai dibo.
\c 13
\p
\v 1 5Jodi moi manu aru duth laga bhaasha para koi, kintu moi logote morom nai koile, ami ekta hala kuri thaka tena nisena asey nohoilebi ekta awaz di thaka thali nisena asey.
\v 2 Aru jodi moi logote prophecy laga verdan aru buji bole napara kotha aru gyaan khan buji jaa khan asey koile, aru jodi moi logote pahar ke hatabole para laga biswas asey koi, kintu jodi ami logote morom tu nai, tinehoile ami tu eku kam nai.
\v 3 Aru jodi ami laga dhonsompoti khan sob bhag kuri dey, aru jodi moi moilaga gao ke bolidan nimite daan didey, kintu ami logote morom nai koile, moi eku bi laap nohobo.
\v 4 Morom tu rukhi bole parey aru norom asey; morom tu shuku najule; morom tu phutani nadhikai, tai tu khong nohoi.
\v 5 Tai tu khechera nakure, tai tu nijor nimite nabisare, tai tu joldi gussa nauthe, tai tu golti khan ke mon tey narakhe.
\v 6 Tai tu bia kam khan tey khusi nakure, hoilebi hosa tey khusi kurey.
\v 7 Tai sob ke dhuribole pare, sob saman ke biswas kurey, sob saman ke asha rakhe, dukh-digtar ke dhuri kena rakhibole pare.
\v 8 Morom kitia bi khotom nahoi. Kintu atma laga verdan khan sob khotom hoi jabo: prophecies laga verdan khan bi; alak kisim laga bhaasha kuribole para laga verdan bi, gyan laga verdan bi, etu khan sob khatom hoi jabo.
\v 9 Kile koile amikhan etu prophesy aru gyan khan pura bhal para najaney.
\v 10 Kintu jitia pura thik tu ahibo, juntu khan pura nohoi etu khan sob khotom hoi jabo.
\v 11 Jitia moi bacha thaki sele, moi bacha nisena kotha kuri sey, moi bacha nisena bhabona kuri sey, moi bacha nisena kam kuri thaki sey. Jitia moi dangor manu hoise, moi bacha laga kam khan sob charidise.
\v 12 Kile koile etia amikhan aina tey bhal para sabole napare, kintu pichete usor para ekjon-ekjon chehera sabole paribo. Etia moi olop bhag hey janey, kintu pichete moi pura jani jabo, jeneka Isor para ami ke pura janikena ase.
\v 13 Kintu etu tinta tu thakibo: biswas, asha aru morom. Kintu etu khan majotey sob para dangor tu morom asey.
\c 14
\p
\v 1 Morom laga pichey kuribi aru atma laga verdan karone mon julibi, kintu asol verdan apunikhan bhal para janibo laga tu prophesy asey.
\v 2 Kile koile jun ekjon bhaasha alak para kotha koi tai tu manu nimite nakoi kintu Isor nimite; kile mane kun bi nabuje, hoilebi tai atma tey nabuja kotha khan koi.
\v 3 Kintu ekjon kun prophesie khan koi, taikhan manukhan ke bisas tey dangor kurey, aru taikhan manukhan laga mon aram aru dangor kuri dey.
\v 4 Jun alak bhaasha laga kotha khan koi, taikhan tu nijor laga biswas ke dangor kurey, kintu jun prophesies khan kurey taikhan tu girja khan laga biswas ke dangor kurey.
\v 5 Etia moi laga icha tu apunikhan sob bi alak bhaasha tey kotha kuribo lage, kintu etu para bi prophesy kura tu hey bisi icha asey. Kile koile jun prophesies kurey taikhan tu alak bhaasha kura khan para bi dangor asey.
\v 6 Kintu bhai-kokai khan, jodi moi apunikhan ke alak bhaasha para kotha kurikena ahey, apunikhan laga ki fida hobo, jitia tak moi etu bhaasha laga asol motlab, nohoilebi tai laga gyaan, nohoilebi prophecy tey, nohoilebi sikhai dibole, apunikhan ke koi nade koile?
\v 7 Etu hosa asey utu jibon nathaka bajana khan juntu awaz khan ulai- baasuri hoilebi taar laga bajana hoilebi- jodi taikhan alak-alak awaz khan nadey koile, tinehoile kineka para etu khan ke janibo, baasuri para ki bajai asey nohoilebi taar laga bajana para ki bajai asey koikena?
\v 8 Kile koile jodi turi bajana para ekdon alak awaz dey koile, kun para larai karna taiyari kuribo?
\v 9 Thik eneka apunikhan bi eke asey. Jitia tak apunikhan bujibole para bhaasha nakoi, tinehoile keneka para apunikhan laga kotha janbo? Kile koile apunikhan tu hawa ke kotha kura nisena hobo.
\v 10 Etu prithibi tey bisi kisim bhaasha asey kua tu hosa asey, aru ekta bhaasha bi matlab nathaka tu nai.
\v 11 Jodi moi etu bhaasha laga matlab tu najaney koile, moi tu utu kotha kura manu nimite paradeshe nisena lagibo, aru ekjon jun ami ke kotha kuri asey tai be ami nimite paradeshe lagibo.
\v 12 Etu nimite apunikhan jun atma laga verdan bisi lobole icha kuri thaki asey, taikhan utu verdan lobi juntu girja khan laga biswas bisi dangor kuri dibo.
\v 13 Eneka hoile jun ekjon alak bhaasha para kotha kurey, tai etu bhaasha bujabo paribole nimite prathana kuribo lage.
\v 14 Jodi moi alak bhaasha para prathana kurey, moi laga atma bi prathana kurey, kintu ami laga bhabona tu ekubi nakure.
\v 15 Etu karone, ami ki kuribo lagibo? Moi nijor laga atma logote prathana kuribo, kintu moi nijorlaga bhabona logotey bi prathana kuribo. Moi nijor laga atma logote gana kuribo, aru moi nijor laga bhabona laogote bi gana kuribo.
\v 16 Nohoile, jodi apuni atma para Isor ke dhoniaba kure, kintu ekjon nabuja manu kineka apuni laga dhoniabad laga pratha ke "Amen" kobo, kile koile apuni ki koi asey tai ekubi nabuje?
\v 17 Apuni tu pura mon para dhoniabad di thakibo parey, kintu dusara manu tu ekubi kuribo napare.
\v 18 Ami Isor ke dhoniabad dey kile koile moi apunikhan para bi bisi alak bhaasha tey kotha kure.
\v 19 Kintu girja tey dos hazar alak bhaasha laga kotha kura para tu juntu pansta kotha ami laga bhabona para dusara khan ke bujabole para khan ke kobo.
\p
\v 20 Bhai-kokai khan, apunikhan laga bhabona tey bacha nisena nahobi. Etu para tu, bacha nisena bodmas hobi, hoilebi bhabona tey dangor manu nisena thakibi.
\v 21 Niom laga kitab tey eneka likhikena asey,
\q "Alak bhaasha kura manukhan aru alak kotha kua manukhan ke loikena
\q1 Moi etu manukhan ke kotha kuribo,
\q Kintu eneka kurilebi taikhan moi ke nahunibo,"
\m Prabhu hey koise. \s5
\v 22 Etu nimite, alak bhaasha kura khan tu eta chin ase, biswasi khan karone nohoi, kintu unbiswasi khan nimite; hoilebi prophesy kura khan tu unbiswasi khan nimite nahoi, kintu biswasi khan nimite asey.
\v 23 Jodi, etu karone, pura biswasi khan eke logote ekta jagate jama hoi aru taikhan sob alak bhaasha tey kotha kuribole suru hoijai, kintu kunba unbiswasi aru verdan nathaka manukhan ahey, taikhan dikhi kena apunikhan pagala hoise nakobo naki?
\v 24 Kintu jodi apunikhan sob prophesi kuri thaki sey, kintu kunba verdan natha nohoilebi unbiswasi apunikhan logote ahey, tai khan laga pap khan sob apunikhan para koidibo aru apunikhan laga kotha para taikhan ke bichar kuribo,
\v 25 Mon te lukaikene taka janaidibo aru tai atukarikene isor ke aradhana kuribo, janaidibo, "isor hosabi amikan laga majot te ase."
\v 26 Moilaga bhai-kokaikhan apni khan ki kuribo lage koile? Jitya apni khan eki logote joma kore ekjon gana kore, ekjon sikhai, ekjon isor laga khota koi, ekjon alak basha koi nahoile alak basha laga mobtab bujaide. Etu khan sob tu ekta Girja age jabo nimite
\v 27 Jitya ekjon alak basha para khota koi, bishi hoilebi duijun nahoile tinjun hai kubole lage, aru ekjon tu etu laga motlab kubo lage
\v 28 Hoilebi jitya motlab kuidibole manu nathakile, etu manu ke chup kurai dibi girja te, etu para tu tai nijur ke aru isor logote khuta kuribole dibi
\v 29 Duijun nahoile tinjon prophets ke kobole dibi, aru etu ki koise dushra ke phasla kuri bole dibi
\v 30 Kintu jodi ekta kotha Isor para dusara bohi thaka ekjon ke dey, tinehoile ageula ke chup hobole dibi.
\v 31 Kile koile apunikhan sob ekta pichey ekta prophesy kuribo lage, titia sob khan bujibole paribo aru sob bi mon dangor hobo.
\v 32 Hosa prabi prophets khan laga atma tu prophets taikhan nijor laga nichete kam kure.
\v 33 Kile koile Isor tu ulta-polti laga Isor nohoi, kintu shanti laga ase.
\p Sob Isor laga khas manukhan laga girja tey,
\v 34 maiki manu khan ke girja bhitor tey chup thakibole dibi. Kile koile taikhan ke kotha kuribole ijazat nai, kintu taikhan adhikar thaka manu nichete thakibo lage, Moses laga niom hisab tey koise.
\v 35 Kintu jodi taikhan sikhi bole icha hoile, tinehoile taikhan laga nijor mota ke ghor tey hudibole dibi, kile koile ekta maiki manu girja ghor tey kotha kura tu sorom laga kotha ase.
\v 36 Naa Isor laga kotha tu apunikhan laga para hey ulaise? Naa khali apunikhan hey paisey?
\p
\v 37 Jodi kunba manu nijor ke prophet nohoilebi verdan paikena asey koikena bhabe, tinehoile moi apunikhan ke likhi khan sob tu Isor laga hukum asey koikena bujibo lagey.
\v 38 Kintu jodi kunba manu okora nisena thake, tai ke okora hey thakibole dibi.
\p
\v 39 Etu nimite, bhai-koikai khan, prophesy kura tey pura mon dibi, aru kunke bi alak bhaasha kuribole narukhabi.
\v 40 Kintu sob kam tu bhal aru thik niom para kuribo lage.
\c 15
\p
\v 1 Bhai-kokai khan, etia moi Bhal Khobor apunikhan ke koi dia tu yaad rakhibole diase, juntu apunikhan bi pai loise, aru juntu tey apunikhan khara asey,
\v 2 juntu para apunikhan ke bachai loise, hoilebi apunikhan ami prochar kura kotha tu thik para dhurikena thakibo lagey, nohoile apunikhan ji biswas kuri loise etu ekubi kam nahobo.
\v 3 Kile koile moi ki paisey etu apunikhan ke didise, moi pohila asol hosa kotha tu koise- Isor kotha hisab tey, Khrist amikhan laga pap nimte morise,
\v 4 aru Tai ke mati bhitor tey dabai disey, aru Tai teesara din tey zinda hoise, Isor kotha hisab tey,
\v 5 aru Tai Peter ke dikhai disey, aru etu pichete Tai laga barota chela ke.
\v 6 Etu pichete Tai ekbar tey panch saw upor bhai-kokai khan ke dikhai dise. Kunba tu etia bi zinda asey, kintu kunba tu mori jaise.
\v 7 Etu pichete Tai James ke dikhai disey, etu pichete Tai laga sob das khan ke.
\v 8 Aru sob se ant tey, Tai moi ke dikhai dise, jeneka ekta bacha homoi napuchi kena jonom hua nisena.
\v 9 Kile koile Isor laga das majote moi hey sob para chutu asey, moi eneka koi asey kile koile moi Isor laga girja khan ke dukh-digtar disey, etu karone moi Tai laga das hobole yogy nohoi.
\v 10 Kintu aji moi ki asey sob Isor laga kripa para hey asey, aru juntu kripa moi logote thaki sey etu eney khali para nahoi. Hoilebi, dusara khan para bhi moi hey bisi kam kuri sey, kintu asol tey moi laga hokti para kam kura nohoi, hoilebi Isor laga kripa ami logote thaka nimite.
\v 11 Etu karone, ami hoilebi taikhan hoilebi, ami khan sob ekta khobor hey prochar kuri asey aru etu nimite apunikhan biswas kuri sey.
\p
\v 12 Etia jodi Khrista ke amikhan Tai mora para zinda uthi jaise koikena prochar kurey, tinehoile kunba apunikhan majote kile mora manukhan mori kena zinda nohoi koikena dusara ke koi?
\v 13 Kintu jodi tatey mora manukhan mori kena zinda nohoi, tinehoile Khrista bi mora para zinda hua nai;
\v 14 aru jodi Khrista ke zinda uthai dia nai, tinehoile amikhan laga prochar tu sob misa-misi asey, aru apunikhan laga biswas tu misa-misi asey.
\v 15 Arubi, ami khan tu Isor laga misa gawahi prochar kuri asey koikena pabo, kile maney amikhan Isor laga gawahi kua tu Tai hey Jisu ke zinda kurai disey, aru jodi kun kebi mora para zinda kuri dia nai, tinehoile Isor para Khrista key bi zinda kuri dia nai.
\v 16 Kile koile jodi moria khan zinda hunai, tinehoile Khrista bi zinda hua nai;
\v 17 aru jodi Khrista zinda huanai, tinehoile apunikhan laga biswas tu misa-misi asey; aru apunikhan etia pap tey asey.
\v 18 Aru jun khan Khrista nimite mori se, taikhan sob harai jaise.
\v 19 Jodi etu prithibi tey amikhan laga jibon tu Khrista laga asha tey zinda thake, tinehoile etu prithibi tey sob para mondukh manu khan tu amikhan hey hobo.
\p
\v 20 Kintu asol tey Khrista ke mora para zinda uthai dise, aru morija khan bhitor tey sob para agey Tai hey pohila zinda uthai dia guti asey.
\v 21 Kile koile mora tu pohila manu logote ahise, aru mora para zinda hua bi manu logote pohila ahi sey.
\v 22 Kile koile Adam tey sob tu mori jai, etu nisena Khrista tey sob tu zinda hoi.
\v 23 Kintu sob tu thik hisab tey hobo: Khrista hey pohila mora para zinda hoisey, etu pichete jun Khrista nimite morise, taikhan ke Khrista aha homoite mora para uthai dibo
\v 24 Etu pichete ses somoi tu ahibo, jitia Khrista etu prithibi laga sob solawtha, adhikari manu, aru sob hokti khan ke khotom kuri dibo. Etu pichete Tai para Baba Isor ke raijo tu didibo.
\v 25 Kile koile Khrista hey raj kuribo jitia tak Isor para Tai laga dusman khan ke Tai laga theng nichete narakhe.
\v 26 Mora tu hey sob para antim dusman hobo jun ke Isor para khotom kuridibo.
\v 27 Pobitro kitab tey koise, "Isor sob saman ke Tai laga theng nichete rakhey." Kintu jitia eneka koi ase "Tai sob saman ke rakhi sey," etu bhal para buji asey Isor tu sob saman ke Tai laga nichete rakha tu Tai nijor ke milai kena kua nohoi.
\v 28 Etia, jitia sob tu Tai laga nichete asey, tinehoile Khrista nijor bi Isor laga nichete asey jun para sob ke nichete rakhi kena ase, eneka hoile Isor hey sob ke raj kuribo.
\p
\v 29 Nohoile, dusara khan ki kuribo jun khan mora nimite baptisma loiase koikena? Jodi mora khan kitia bi zinda nahoi, tinehoile taikhan kile mora nimite baptisma loi asey?
\v 30 Aru amikhan nimite kineka? Amikhan kile amikhan nijor ke sob somoite khatara tey rakhe?
\v 31 Ami hodai din mora ke lok pai thake! Moi hosa para koi asey, bhai-koikai khan, jenka hosa asey etia apunikhan khrista karone ki hoise, etu nimite ami bisi khusi para phutani kure.
\v 32 Moi Ephesus te jongli janwar logote larai kuri sey, manukhan laga khusi hisab nimite, kintu moi nimite ki laap hoise? Jodi mor khan ke zinda kura nai koile, "Ahibi ami khan khalua kuribo, kile koile amikhan kali moribo."
\v 33 Dhoka nakhabi: "Bia sathi khan para bhal adot ke bia kuri dey."
\v 34 Nisena nohoikena thakibi! Dharmik jibon tey thakibi! Pap kam kuri nathakibi. Kile koile apunikhan kunba Isor ke bhal para najaney- moi etu khan kua tu apunikhan ke sorom khabole nimite koi asey.
\p
\v 35 Kintu kunba tu hudibo, "Mora khan kineka zinda hoi, aru taikhan ki kisim laga gao tey ahibo?"
\v 36 Apunikhan bisi okora asey! Jitia apuni kiba bhijon mati tey rupai, etu bhijon agey muri jabo lage etu pichete tai zinda hoi kena uthibo.
\v 37 Aru jodi apuni kiba bhijon rupai, apuni ji bhijon rupai sey etu laga eke ghas nisena naulabo, kintu apuni rupa tu khali tai laga bhijon hey asey- kijaney dhan guti nohoilebi kiba ekta ghuti bi hobo parey.
\v 38 Kintu Isor laga icha hisab tey etu bhijon ke gao dibo, aru ekta-ekta bhijon ke, taikhan nijor laga gao dibo.
\v 39 Sob mangso tu eke nohoi. Kintu, sob manu laga mangso tu eke asey, aru sob janwar laga mangso eke asey, aru sob chiria laga bi eke asey, aru sob maas laga bi eke asey.
\v 40 Tate sorgo laga gao khan asey aru prithibi laga gao khan bi asey. Kintu sorgo laga gao tu ekta gao asey, aru prithibi laga gao tu alak asey.
\v 41 Tate suraj laga ekta gao asey, aru chand laga alak ekta gao asey, aru tara khan laga alak ekta gao asey. Aru sob tara tu taikhan nijor hisab tey sundor asey.
\v 42 Etu nisena morija khan laga mora para zinda hua bi eneka asey. Ji gao tu mati tey rupai dise etu tu sukhi kena puchi jabo, kintu etu ke zinda uthai dibo juntu kitia bi khotom nahobo.
\v 43 Etu ke eku sonman nathaki kena rupa sey; kintu mahima hoikena uthey. Etu ke kamzori para rupai sey; kintu hokti hoike uthey.
\v 44 Etu ke mangso laga gao hoikena rupai; kintu atma laga gao hoikena uthey. Jodi tate mangso laga gao thake, tinehoile atma laga gao bi thake.
\v 45 Isor laga kotha tey likhi kena asey, "Pohila manu, Adam, ekta zinda jibo hoisey." Kintu antim Adam tu jibon dia atma hoisey.
\v 46 Kintu atma hey pohila aha nohoi hoilebi mangso hey ahise, aru etu pichete atma.
\v 47 Pohila manu prithibi tey bona tu mati para bonai sey. Kintu dusara manu tu sorgo para asey.
\v 48 Jineka pohila ekjon prithibi laga thakisey, thik eneka dusara khan bi prithbi laga asey; aru jeneka sorgo laga thakise, etu nisena dusara khan bi sorgo laga asey.
\v 49 Aru jeneka amikhan prithibi laga bacha nisena jonom hoise, etu nisena amikhan sorgo laga bacha nisena bi hobo.
\p
\v 50 Etia ami tu koi asey, bhai-kokai khan, mangso aru khoon para Isor laga raijo tey lobole naparibo. Nohoilebi morija khan namura khan ke lobole naparibo.
\v 51 Sabi! Ami apni khanke ekta lukai kena thakia khuta kuidibo: Amikhan sob nahumai kintu amikhan sob bodli huijabo
\v 52 Ekbar te, sukhu bon korikena khulia porabi joldi, antim somoi laga hala te. Etu hala tu awaj ulabo, aru murakhan tu uthibo kitya bi namuribole nimite jinda hobo, aru amikhan sob bodli hoijabo
\v 53 Kile koile juntu muribole thakhia laga gau tu kitya bi namuribole thakia laga gao logote lagi kena thakibi, aru etu khotom hobole laga gao tu kitya bi namuribole laga gao logote lagi kena thakibi
\v 54 Kintu jitia etu harai ja gao tu kitia bi nahara kiba ekta pindhi loi, aru jitia etu morija gao tu kitia bi namora kiba ekta pindhi loi, etu hua pichete pobitro kitab tey likhi kena thaka tu hosa hobo,
\q "Mora ke harai dise aru pura jiti jaise."
\q
\v 55 ''Mora, tumi laga jit tu kote asey?
\q Mora, tumi laga kata kote ase?''
\m
\v 56 Hoilebi muria laga jokom tu pap ase, aru pap laga hokti tu niam ase
\v 57 Hoilebi Isor ke dhuniabad ase, jun amikhan ke jitaide Prabu Jisu Crista para
\v 58 Etu nimite ami laga bhai bhuini khan thik para duri kena thakibi, nahili kena, hudai mun dikena Prabu laga kam kuri thakibi, etu jani kena thakibi ki apni Prabu karne kam kura tu misa misi nahobo.
\c 16
\p
\v 1 Etia pobitro manu khan karne poisa jama kurise, ami Galatia laga girjate koa nishna, apni khan bi enika kuribi.
\v 2 Hodai hafta laga suru dinde, apni khan alak jama kurilobi, apni khan laga kamai para jama kurikena thakibi, kile mane jitia moi ahibo, apni khan jama kuri nathakibo.
\v 3 Etu pichete jitia moi punchi bo, junke hoilebi apunikhan chinkena asey, moi taikhan ke apunikhan laga daan logote chithi likhi kena Jerusalem des tey pathai dibo.
\v 4 Aru judi moibi jabo parise koile, taikhan moi logote jabo
\v 5 Hoilebi moi apni khan logote ahibo Macedonia te ja pichete. Kilekoile ami Macedonia jai ase.
\v 6 Ami apni khan logote thakibo parise koile thanda din tak thakibo,etu hoile ami dushra kun jaga khante jabole ase etu nimite apnikhan amike modot kuribole paribo.
\v 7 Kile mane moi apni khanke kali par huikena dikhia hai nahoi kena, ami akha kure apni khan logote thakibole alop somoi karne, Prabu laga isha hoile.
\v 8 Kintu moi Ephesus te thakibo Pentecost napuncha tak
\v 9 Kilemane ekta dangor dorja ami karne khula ase, aru tade dushman khan bi bishi ase
\v 10 Etia judi Timothy aheile, sabi ki tai apni ke bhui khai, kilemane tai Prabhu laga kam kure, moi nishna.
\v 11 Kunbi taike chutu nabhabibi, hoilebi tai kote berabole jabole ase shanti pora itu nimite taike modot koridibi, itu karne inika para tai moi logote ahibo, kilekoile ami bhabona koriase, amilaga bhai-kukai khan logote taibi ahibo koikena
\v 12 Etia amikhan laga bhai Apollos laga kotha tu, Moi tai ke apunikhan logote jabole nimite bisi mon dangor kuri disele. Kintu apunikhan logote etia ahibole nimite tai laga icha thaka nai. Hoilebi tai jitia bhal somoi pabo titia tai ahibo.
\v 13 Hosiar thakibi; biswaste thik para thakibi; mon dangor thakibi; takot thakibi
\v 14 Ji kam kurilebi morom para kuribi
\v 15 Apni khan jani ase, bhai-kukaikhan, Stephanas laga ghor manu khan, tai khantu Achaia laga suru bijon ase, aru taikhantu Isor laga kam kura manu khan nimite bhal para kam kuriase. Moi apni khanke koi ase,
\v 16 taikhan nisena solawnta manukhan aru dusara junkhan mon dikena tai logote mili kena seva kuri asey etu khan laga pichete jabi,
\v 17 Moi kushi ase Stephanas aru Fortunatus, aru Achaicus ahia nimite, kilemane taikhan apni khan ki napuncha thakise etu punchai dise
\v 18 Taikhan moi laga aru apni laga atma ke kushi kuridise. Etu karne, apnikhan enika manuke jani kena thakibi
\v 19 Asia laga girjakhan apnikhan ke salam janai di ase.Aquila aru Priscilla apnikkhan Prabu laga nam para salam janai di ase, taikhan laga ghor la girja te.
\v 20 Sob bhai-kukaikhan apnike salam di ase. Ekjun-ekjun ke sapha laga chuma dibi.
\v 21 Amilaga nijor hath para salam dialaga likhi ase-Paul.
\v 22 Jun Prabhu ke morom nai, tai shrap bhitor tey thakibole dibi. Amikhan laga Prabhu. Ahibi!
\v 23 Prabhu Jisu laga kripa apni khan logote thakibo
\v 24 Moi laga morom aru Prabhu Jisu laga morom apni khan logote thakibole dibi. Amen.