BCS-BIBLE_IndianStandardVersion-Nagamese-NT/Stage 1/67REVIRVNag.SFM

\id REV - Indian Revised Version (IRV) Nagamese \s5
\c 1
\p
\v 1 Eitu Jisu Krista laga jonai diya kotha ahse Isor hai tai laga sewak khan ke eitu kotha dise ki tu joldi pura hobole ahse eitu kotha khan tai laga sworgodut ke John usorte pothai kena junibole dise.
\v 2 John Isor laga kotha tu gawah dise aru Jisu Krista ki kam korise eitu laga gawahi bhi dise, eitu khan tai sob dekhaise.
\v 3 Asirbad ahse jun eitu kotha puray aru eitu kotha laga prophecy huney aru ki likha ase eitu mani thake, kelemane homoi tu usor ahi ase.
\v 4 John, Asia te saata girja thaka khan ke koi ase. Isor laga daya tumi khan logote thakibole dibi aru tai laga shanti jun ase, aru thakise, aru jun ahibole ase, aru sathta atma jun tai laga sinhasan usorte ase,
\v 5 Aru Jisu Krista pora, ekjon bisas te thaka gawahi, mora para pohila ekjon jonom luwa, aru duniya laga raja khan ke cholai kena thaka aru ekjon kun moi khan ke morom kore aru tai laga khun pora moi khan laga sob pap tu maph kori dise.
\v 6 Tai moi khan ke ekta raijo bonai dise, Isor aru baba laga ekta moha purohit tai laga mohima aru takot hodai nimite hobole dibi. Amen.
\v 7 Sabi, Tai badal logote ahi ase; Sob suku para tai ke dikhibo, jun manu Tai ke marise tai khan be eitu dikhibo. Duniyate jiman jat ahse eitu khan sob Tai nimite kandibo. Hoi, Amen.
\v 8 "Moi hai Alpha aru moi hai Omega ahse," Probhu Isor hai koise," Jun etiya dhse, aru pohila para thakise, aru kun ahibole ahse, sob pora mahan."
\v 9 Moi, John- apunikhan laga bhai aru ekjon jun Tai laga raijo nimite eke logote mili kena dukh korise, aru nomro kori kena Jisu nimite sob kam korise- Moi Patmos laga ekta samundar majote ekta jaga te thakise kelemane Isor laga kotha aru Jisu laga gawahi nimite.
\v 10 Moi atma te thakise Probhu laga din te, aru moi laga pecha para ekta trumpet nisina jor awaz hunise.
\v 11 Aru koise,"Tumi ki dikhi ahse eitu kitab te likhibi, aru sathta girja te pothai dibi. Ephesus para, Smyrna, Pergamum para, Thyatira, Sardis para, Philadelphia, aru Laodiceab tok.
\v 12 Moi pichete ghuri kena kun para moi ke kotha kori ahse eitu saise, aru jitiya moi ghuri kena saise tate sathta suna laga mombati rakha laga saman dikhise.
\v 13 Aru eitu lampstand laga majote ekjon manu laga bacha nisina thakise, tai lagai kena tkaha kapra tai laga paw niche tak thakise aru suna laga ekta kapur chati te lagai kena thakise.
\v 14 Tai laga matha aru chuli ekta norom kapur bona rusi nisina boga thakise aru borop nisina boga thakise aru tal laga chuku juie ulai thaka nisina thakise.
\v 15 Tai laga paw bhal para sapha kori kena thaka ekta pitol nisina thakise,juie pora pitol ke bonai diya nisina,aru tai laga awaz nodi te pani jai thaka laga awaz nisina thakise.
\v 16 Tai laga dyna hath te sathta tara thakise aru ekta talwar jun tu dui phale para dhar ahse eitu tai laga mukh para ulai thakise. Tai laga chehera suraj nisina ujala di thakise.
\v 17 Jitiya moi tai ke dekhise, Moi Tai laga paw nichete ekta mora manu giri juwa nisina giri jaise. Tai laga dyna hath moi uporte rakhise, Aru koise," Tumi bhoi nokoribi. Moi hai suru aru moi hai kothom ahse,
\v 18 Aru etiya moi zinda ahse. Moi mori jaisile ,kintu sabi ,moi hodai aru hodai nimite zinda ahse! Aru moi logote mora aru eitu prithibi nichete thaka atma khan laga chabi ahse.
\v 19 Eitu nimite tumi ke dekhai ahse eitu sob likhi lobi aru etiya ki ahise aru ki tu pichete hobole ahse.
\v 20 Eitu sathta tara aru sathta suna laga lampstand laga lukai kena thaka matlab, jun tu tumi moi laga dyna hath te dekhise: Eitu sathta tara tu sathta girja laga sworgadut ahse aru eitu sathta lampstand tu sathta girja ahse."
\c 2
\p
\v 1 "Ephesus girja laga sworgadut nimite likhibi: Eitu jun manu laga dyna hath te sathta tara dhori ahse aru kun eitu sathta suna laga lampstand uporte berai ahse, enika koi ahse:
\v 2 "Moi jani ahse tumi khan laga kam aru dukh kori thaka tu aru tumi khan nomro para dukh uthai kena thaka tu, aru tumi beya kam kori thaka manu khan ke bhal napai. Tumi, khan bhal kori kena sai kun manu tai apostle ahse koi kena tumi khan usorte ahe kintu tai khan nohoi, aru tai khan misa koi ahse koi kena tumi khan jani loi.
\v 3 Moi jame tumi khan nomro para sob dukh khan uthai thaka, aru tumi khan moi laga nam nimite bisi dukh paise, kintu tumi khan kora nai.
\v 4 Kintu moi tumi khan ke birot kori ahse kelemane tumi khan laga pohila morom tu pahori kena chari jaise.
\v 5 Kintu eitu yad koribi kuntu jaga para tumi khan girise. Mon ghurabi aru ki kam pohila kori thakise eitu koribi. Kintu enika niohoi koile, Moi ahibo aru tumi khan laga jaga pora eitu lampstand tu hatai dibo- jodi tumi khan mon naghorai.
\v 6 Kintu eitu tumi logote ahse: Tumi khan Nicolaitans, khan para kam kora tu ghin kora, moi bhi eitu bhal napai.
\v 7 Jun manu logote kan ahse, humibi kitu atma para koi ahse eitu girja khan ke kun manu sob tu pari kena jitiloi tai ke moi jibon laga ghas para khabole nimite dibo aru eitu Isor laga paradise te ahse.""
\v 8 "Smyrna girja laga sworgadut khan ke likhibi: 'Eitu ekjon kun pohila aru kothom ahnse, jun mori jaisile aru kun mora para jinda hoi jaise, enika koi ahse:
\v 9 "Moi jani ahse tumi khan dukh pai kena thaka tu(kintu tumi khan dhoni ahse) aru moi jani kun manu misa koi kena moi Jews ahse kintu tai nohoi kintu tai khan Satan laga synagogue ahse.
\v 10 Bhoi nokoribi dukh pabole thaka nimite. Sabhi! Satan para tumi khan kunba ke jail te phelai dibole ahse tumi khan laga mon tu sabole nimite, aru tumi khan dosdin tak dukh pabo. Nomora tak bisasi hoi thakibi, aru titiya moi tumi khan ke jibon laga mukut dibo.
\v 11 Kun manu logote kan ahse, huni lobi atma para girja khan ke koi ahse. Kun manu sob tu pai kena jiti loi tai aru duibar dukh pai kena nomoribo.""
\v 12 "Pergamum girja laga sworgadut khan ke likhibi: Eitu ekjon kun logote dui phale dhar thaka talwar ahse enika koi ahse.
\v 13 "Moi jane tumi kote thaki ahse, jun jaga te Satan laga sinhasan ahse tate. Holebhi tumi khan moi laga nam tu loi thake aru tumi khan moi uporte bisas kori thaka tu bhi chara nai. Moi laga gawah kori kena thaka Antipas laga homoi te bhi, moi laga ekjon bisasi, tumi khan majote mori dise, jun jaga te Satan thake.
\v 14 Kintu moi tumi khan laga birot te ahse: Tumi khan majote balaam laga shikai diya kotha eitiya bhi kunba dhori kena ahse, kun para Balak ke Israel laga bacha khan usorte dukh digdar anibole nimite dise, tai khan ke murti puja kori kena diya laga khan khilai kena beya kam koribole dibo nimite.
\v 15 Eitu nimite, tumi khan majote bhi eneka dhori kena ahse, eitu nisina, Nicolaitanskhan para shikai diya nisina.
\v 16 Mon ghurabi, eitu nimite! Kintu jodi tumi khan eneka nokore, moi tumi khan usorte joldi ahibo aru moi laga mukh te talwar thaka loi kena tumi khan logote larai koribo.
\v 17 Kun manu logote kan ahse, Hunibi kintu atma para girja khan ke koi ahse kun manu sob kori kena jiti loi, moi lukai kena rakhi thaka manna tai khan ke dibo, aru moi taike ekta boka pathor dibo aru tate ekta nutun nam pathor likhi kena thakibo, eitu nam kun para bhi najanibo khali kun ke eitu nam dise tai para hai janibo."" \s5
\p
\v 18 Thyatira girja laga sworgadut khan ke likhibi:
\p "Isor laga Putro, kun laga chuku juie juli thaka nisina ahse, aru tai laga paw sapha kori kena rakhi thaka tekta pitol nisina ahse, enika koi ahse:
\v 19 "Moi tumi khan laga kam jani ahse, tumi khan laga morom, tumi khan laga bisas, tumi khan laga kam, aru nomro para sob dukh loi kena thaka. Tumi khan pohila te kora kam para etiya kori thaka kam hai dangor ahse.
\v 20 Kintu moi tumi khan logote eitu birot kori ahse: Tumi khan mon beya paile bhi Jezebel ke eku kuwanai, tai nizor ke ekta bhawabadi koi. Tai para shikai diya kotha khan moi laga sewak khan ke beya kam koribole dibo nimite chalak kore aru murti ke puja kori kena khana kha luwa khan anikena tai khan ke khabole diya.
\v 21 Moi tai ke mon ghurabole nimite homoi dise, kintu tai laga beya kam tu chari kena mon ghurabole nimite echa nai.
\v 22 Sabi! Moi tai ke bimar laga bisna te phelai dibo, aru kun manu tai logote mili kena beya kam korie tai khan laga pap aru beya para mon noghurai.
\v 23 Moi tai laga bacha khan ke mari kena morai dibo, aru sob girja khan janibo moi hai ekjon ahse kun manu laga bhabna aru mon tu bisare. Aru moi tumi khan laga kam hisab te tumi khan ke dibo.
\v 24 Kintu jiman manu Thyatira te ahse aru manu khan jun eitu kotha khan mani kena nathake, aru kiman manu Satan laga bhitor kotha aru kam khan najane- Tumi khan ke moi koi ahse, 'Moi tumi khan uporte aru dusra bhar nadhalibo.'
\v 25 Kintu moi naha tak bhal kori kena sob kotha khan mani kena thakibi.
\v 26 Kun manu last tak sob kam te jiti kena thake, aru kun manu moi laga kam khotom nahuwa tak kore, tai ke moi desh khan uporte adhikar dibo.
\v 27 'Tai loha laga rod para tai khan uporte raj koribo, mati para bonai diya jar nisina, tai eitu sob tukra kori kena bhangai divo.'
\v 28 Jeneka maoi laga baba para moi paise, moi bhi tai ke phujur laga tara bibo.
\v 29 Kun manu logote kan ahse, hunibhi kitu atma para girja khan ke koi ahse.""
\c 3
\p
\v 1 "Sardes girja laga swargodut khan ke likhibi: Eitu ekjon kun Isor laga sathta atma dhore kena ahse aru sathta tara dhori kena ahse eneka koi ahse:" Moi tumi khan laga kam jane. Tumi khan jinda ahse koi kena bhal nam para thaki ahse, kintu tumi khan mora ahse.
\v 2 Uthibi aru ki tu bachi kena ahse eitu ke takot kori lobi kun tu moribole ahse, kelemane moi laga Isor laga chuku usorte tumi khan laga kam pura kori kena thaka dikha nai.
\v 3 Yad koribi, eitu karone, tumi khan ki paise aru hunise. Mani thakibi, aru mon ghurabi. Kintu tumi khan ghumai thaka para nouthile, moi chor nisina ahibo, aru tumi khan najanibo moi kuntu homoi te tumi khan laga birote te ahibo.
\v 4 Kintu kunba manu Sardis te ahse tai khan laga kapra letra koranai, aru tai khan moi logote berabo, boga kapur lagabo, kelemane tai khan eitu pabole nimite kam korise.
\v 5 Kun manu tai khan nisina sob kotha tu mani kena jiti loi tai khan bhi boga kapur lagai dibo, aru tai laga nam tu ketiya bhi Jibon laga Kitab para hatai nidibo, aru tai laga nam moi Baba usorte lobo, aru tai laga pobitro sworgadut majote kobo.
\v 6 Kun manu logote kan ahse, hunibi ki tu atma para girja khan ke koi ahse.""
\v 7 "Philadelphia girja laga sworgadut khan ke likhibi: Pobitro ekjon, hosa ekjon David, laga chabi dhori kena thaka ekjon, Tai para khulile aru kun para bhi bon nokore, aru jetiya tai bon kori diye kun para bhi aru nukhule, Tai hai eneka koi ahse:
\v 8 "Moi tumi khan laga kam jani ahse. Sabi, Moi tumi khan usorte ekta khula dorja khuli kena rakhi di ahse kun para bhi eitu bon koribole naparibo. Kelemane tumi khan logote takot komti ahse, hoilibi tumi khan moi laga kotha mani kena thakise aru moi laga nam kobole charanai.
\v 9 Sabi! Moi Satan laga synagogus uporte bichar koribo tai khan koi Jewes ahse koi. Hoilebi tai khan nahoi, kintu, tai khan mesa kewa manu ahse- Sabi, moi taikhan tumi khan laga paw nichete ahi kena tumi khan ke pranam koribole dibo, titiya tai khan janibo moi tumi khan ke kiman morom korise.
\v 10 Tumi khan moi laga kotha nomro hoi kena mani thaka nimite, Moi bhi tumi khan ke bichar kora laga homoi para bachai kena rakhibo kuntu puraprithibi nimite ahibole ahse, kun manu dunya te thaki ahse tai khan ke porikha koribole nimite.
\v 11 Moi joldi ahi ahse. Tumi khan logote ki ahse eitu dhori kena rakhibo kun para bhi tumi laga mukut tu loi najabole nimite.
\v 12 Kun manu sob mani kena jiti loi, moi taike Isor laga ghor te ekta bhal post bonai kena rakhibo. Aru eitu jaga para tai ketiya bhi bahar te ulai kena najabo, aru tai uporte moi Isor laga nam likhi dibo, moi laga Isor laga desh nam tu likhidibo(Nutun jerusalem, kuntu nichite ahe. Sworgo para aru moi laga Isor para) aru moi laga nutun man.
\v 13 Kun logote kan ahse, hunibi kitu atma para girja khan ke koi ahse.""
\v 14 "Laodicea girja laga sworgadut khan nimite likhibi: 'Hosa ekjon bisasi aru ekta hosa te thaka manu, sob ke suru para cholai kena loi jewa Isor hai eneka koi ahse:
\v 15 "Moi tumi khan laga kam jani ahse, aru tumi khan gorom bhi nahoi aru thanda bhi nahoi. Moi echa kore ke tumi khan duita bhitorte ekta hoi kena thaka tu bhal ahse!
\v 16 Eitu karone tumi khan olop gorom ahse- ekdom gorom aru ekdom thanda bhi nohoi- Moi laga mukh para tumi khan ke ulti kori kena phelai dibole ahse moi laga mukh para.
\v 17 Kelemane tumi khan koise,' Moi dhoni ahse moi logote bisi dhan sampati ahse, aru moi ke eku dorkar nai, kintu tumi khan nizor najane ki halat te tumi khan thaki ahse, tumi khan sobse gorib, bechera, andha aru dukh te thaka manu ahse.
\v 18 Moi tumi khan ke juie para mari kena bonai rakha suna kini bole nimite koise aru eitu para tumi khan dhoni hobole nimite, aru ekdom bhal sapha boga kapur nizor lagai kena tumi khan laga sorom tu manu ke nedikha bole nimite koisile, aru suku sapha kori kena dikhi bole nimite bhal molim lobole korisile.
\v 19 Moi morom kora manu khan ke bhal rasta te anibole nimite shikai diye. Eitu karone, hosa para mon ghurabi.
\v 20 Sabi, Moi dorja usorte khara kori kena knock kori ahse. Jodi kunba moi laga awaz tu huni kena dorja tu khule, Moi tai logote ahibo, aru tai logote khabo, aru tai bhi moi logote thakibo.
\v 21 Kun manu sob tu mani kena jiti loi, Moi laga sinhasan usorte bohibole nimite adhikar dibo, Moi Baba laga sinhasan te bohibole nimite moi bhi sob tu mani kena jiti loise.
\v 22 Kun manu logote kan ashe, hunibi kitu atma para girja khan ke koi ahse.''''
\c 4
\p
\v 1 Eitu sob hewa pichete moi saise, aru sabi- sworgo te ekta khula dorja! Juntu pohila awaz moi hunise moi logote trumpet nisina kotha koi thakise, aru koise," Yate uporte ahibi, aru moi tumi ke eitu pichete ki hobole ahse eitu sobtu dikhai dibo."
\v 2 Eitu homoi te moi atma te thakise aru sabi- ekta sinhasan swargo te rakhi dise! Aru kunba ekjon eitu sinhasan te bohi thakise.
\v 3 Eitu ekjon kun tate bhoi thakise tai ekta ujala diya pathor nisina dekhi thakise. Tai laga sinhasan usorte rainbow thakise kun tu sabole alak-alak rong laga pathor para bonai kena rakha nisina dikhise.
\v 4 Aru eitu sinhasanusorte aru bhi twenty-four sinhasan thakise, aru eitu sinhasan te twenty hour dangor cholawta kahn bohi thakise boga kapur lagai kena bohi thakise, aru tai khan laga matha te suna laga mukut lagai kena thakise.
\v 5 Aru eitu sinhasan para ujala ulai thakise, awaz di kena, aru thunder nisina dangor awaz ulai thakise. Sathta juie laga diya tai khan laga sinhasan usorte jolai thakise, eitu khan Isor laga sathta atma thakise.
\v 6 Aru eitu sihasan ahgete shisa laga samundar sisina thakise, sundur pathor nisina. Aru eitu sinhasan majote aru eitu sinhasan usorte charte jinda janwar thakise, aghe pichete suku para bhirta hoi kena thaka dekhise.
\v 7 Pohila jinda thaka janwar loin nisina thajise, dusra jinda thaka janwar chutu goru laga bacha nisina thakise, third jinda janwar manu laga chehera nisina thakise aru forth jinda thaka janwar uri thaka eagle chiriya nisina thakise.
\v 8 Forth jinda thaka janwar laga choita pankha thakise, tai laga upor aru bhirto te bhi suku para bhorta thakise. Rati aru din tai khan eitu koi kena nurukhe, "Pobitro, pobitro, pobitro Probhu Isor mahan ahse, Tai thakise, Tai ahse, aru kun ahibole ahse."
\v 9 Jitiya jinda thaka janwar khan para tai ke mohima diya, adar, aru dhanyabad ekjon kun sinhasan te bohi ahse tai ke diye, ekjon kun jinda ahse hodai aru hodai nimite.
\v 10 Aru twenty-four chalowta khan ekjon sinhasan te bohi thaka usore giri jai, aru Tai ke aradhana kore kun hodai aru hodai nimite jinda ahse, tai khan laga mukut ulai kena Tai laga sinhasan usorte rakhi kena koi thake,
\v 11 Sob mohima apuni laga ahse, moi khan laga Probhu aru Isor, sob adhar, aru mohima aru takot, Apuni sob tu bonai dise, aru Apuni laga echa para sob tu hoise aru bonai dise."
\c 5
\p
\v 1 Titiya moi dikhise ekjon sinhasan te bohi kena tai laga dyna hath te kitab likhi kena thakise aghe aru pichete, sathta china para chin di kena thakise.
\v 2 Aru moi dikhise ekta takot sworgadut dangor awaz para koi thakise," Kun eitu kitab laga chin tu bhangi bole nimite yogi ahse?"
\v 3 Kintu kunbhi Sworgo aru prithibi aru prithibi laga nichete eitu kitab tu khuli kena puri bole napare.
\v 4 Titiya moi bisi mon dukh kori kena kandise kelemane kun manu bhi eneka thaka nai eitu khuli kena puri bole nimite.
\v 5 Kintu ekjon cholawta moi ke koise," Tumi nakan dibi. Sabi! Judah jat laga lion, David laga jor, Tai hai eitu sob tu jiti loise. Tai hai eitu kitab tu kulibole para aru tate lagai kena thaka sathta chin Tai hai khuli bole pare."
\v 6 Titiya moi ekta memna dekhise sinhasan laga majote khara hoi kena thakise aru charta jinda thaka janwar khan majote khara hoi thakise aru cholawta khan majote thakise, Tai ke morai diya nisina dikhise. Tai laga sathta singh thakise aru sathta suku aru eitu sathta atma Isor laga kun tu prithibi laga sob jaga te pothai dise.
\v 7 Tai jai kena ekjon sinhasan te bohi kena thaka laga dyna hath para eitu kitab tu loise.
\v 8 Jitiya Tai eitu kitab tu loise, charta jinda thaka janwar aru twenty-four cholawta mamna usorte giri jaise. Tai khan logote nizor laga bajmna aru suna laga bati scent para bhorta hoi kena thaka dhakise, eitu dharmic manu khan laga prathna thakise.
\v 9 Tai khan nutun gana korise,
\q "Apuni eitu kitab tu lobole nimite yoge ahse
\q2 Aru tate chin mari kena thaka khuli bole nimite takot ahse.
\q Kelemane apuni ke morai disele aru apuni laga khun para Isor manu khan ke kini loise.
\q2 Aru sob jati laga kotha, manu, aru desh.
\q
\v 10 Apuni tai khan ke ekta raijo aru Isor laga purohit bonai dise,
\q2 Aru tai khan duniyate raj koribo." \s5
\m
\v 11 Titiya moi saise aru bisi sworgadut laga awaz hunise tai khan eitu sinhasan usorte thakise aru jinda thaka janwar aru cholawta khan, sob mili kena dos hazar aru hazar hazar-hazar thakise
\v 12 Tai khan dangor awaz pora koise, "Eitu memna yoge ahse kun manu para morai dise takot aru sob dhun pabole nimite aru gyan takot adhar aru mohan pabole nimite."
\v 13 Titiya moi hunise sob bonai diya saman jun tu sworgo aru prithibi te thakise, aru prithibi laga bhitorte thakise, aru samundar te aru kiman saman tate thakise, tai khan koi thakise, "Eitu ekjon kun sinhasan te bohi ahse aru eitu mamna Mohan aru adhar aru prasansa aru raj koribole takot thaka ekjon, hodai aru hodai nimite.
\v 14 Aru charta jinda thaka janwar para koise," Amen! Aru titiya cholawta khan giri kena Tai ke aradhana korise.
\c 6
\p
\v 1 Titiya moi saise jitiya menma para eitu sathta chin tu khulise, aru moi hunise ekjon charta jinda thaka janwar majote para dangor thunder laga awaz nisina para koise," Ahibi!
\v 2 Titiya moi saise aru tate ekta boga ghora thakise! Aru aitu uporte bohi thaka ekjon para jathi nisina dhori thakise, aru tai ke ekta mukut di kena thakise. Tai ekta jiti luwa manu nisina jiti bole jaise.
\v 3 Jetiya memna para second chin tu khulise, moi hunise dusra jinda thaka janwar para koise," Ahibi!"
\v 4 Titiya aru ekta ghora ulai kena ahise-juie nisina lal kori kena juli thaka ekta. Aru eitu uporte bohi thaka ke prithibi para shanti uthai loi jabole nimite takot dise, eitu para manu khan ekon-ekjon ke morai dibole nimite. Eitu ghora chola ke dangor ekta talwar dise.
\v 5 Jitiya eitu memna para third chin tu khulise, Moi jinda janwar para kowa hunise," Ahibi!" Moi saise aru tate ekta kala ghora dekhise! Aru eitu ghora uporte bohi thaka ekjon scale nisina tai laga hath te dhori thakise.
\v 6 Titiya moi hunise eitu charta jinda thaka janwar khan majote para kowa hunise,
\v 7 Aru jetiya memna para fourth chin tu khulise, Moi charta jinda thaka janwar para koi thaka hunise," Ahibi!"
\v 8 Titiya moi saise, aru tate komjor ghora ekta thakise! Aru eitu uporte bohi thaka laga nam tu mora thakise, aru mora atma khan tai laga pichete jai thakise. Prithibi laga char bhag tu tai ke adikhar dise, talwar para morai dibole nimite, aru akal para, aru bimar para, aru jongol te thaka janwar khan para morai dibole nimite.
\v 9 Aru jitiya memna para fifth chin tu khulise moi dekhise kiman manu Isor laga kotha aru kam kora nimite morai dise tai khan laga atma eitu alter nichete thakise.
\v 10 Tai khan awaz dangor para kandi kena, koise," Kiman deri, sob uporte raj kora ekjon Pobitro aru hosa, ketiya prithibi te thaka khan uporte bichar koribo, aru ketiya moi khan laga khun ula laga tai khan ke sajai dibo?"
\v 11 Titiya tai khan sob ke boga kapur dise, aru tai khan ke aru olop deri rukhibole koise jetiya tak aru bhi bhai kokai khan tai khan nisina morai nidiye, jeneka tai khan ke morai dise.
\v 12 Jetiya memna para sixth chin tu khulise. Moi dekhise aru titiya dangor mati hilise. Sun tu chuli para bonai diya bosta nisina kala hoi jaise, aru moon tu khun nisina lal hoi jaise.
\v 13 Aru Sworgo te thaka tara khan prithibi te giri jaise, ekta ghas te napaki kena thaka phol jetiya gangor hawa pani marile giri jai eitu nisina tara khan giri jaise.
\v 14 Aru Akash tu ekta kitab ke fold kori diya nisina harai jaise. Sob pahar aru samundar usorte thaks mati khan alak-alak hoi jaise.
\v 15 Tetiya duniya laga raja aru dangor manu khan, aru sahab khan, dhoni manu khan, aru takot para thaka khan, aru sob manu, sewak aru free para thaka khan, tai khan nizor ke pahar nichete aru pathor nichete lukaise.
\v 16 Tai khan eitu pahar aru pathor khan ke koise," Moi khan uporte giribi! Lukai dibi tai laga chehera usor para eitu ekjon kun sinhasan te bohi ahse aru memna laga khong para.
\v 17 Kelemane tai khan uporte eitu dangor khong tu ahi jaise, aru kun manu eitu usorte khara koribole pare?"
\c 7
\p
\v 1 Eitu pichete moi charta sworgadut ke prithibi laga charta kunar te khara kori thaka dekhise, duniya laga charta hawa jor para dhori thakise kelemane eitu hawa para duniya tu urai kena loi najai, samundar ke nourabole nimite, aru ghas khan ke urai lai najabole nimite.
\v 2 Titiya moi aru ekta sworgadut ke east para ahi thaka dekhise tai logote jinda Isor laga chin thakise. Tai kandi kena dangor awaz para charta Sworgadut kun ke prithibi aru samundar te dukh dibole nimite permision dise,
\v 3 Koise," Prithibi ke dukh nidibi, aru samundar ke bhi, aru ghas khan ke bhi jetiya tak moi khan Isor laga sewak khan ke matha te chin nidiya."
\v 4 Titiya moi hunise kun manu khan ke eitu chin tu dise: 144,000, kiman Israel laga bacha khan laga ahse eitu chin dise.
\v 5 Baro hazar Judah laga jat ke chin dise, Baro hazar Reuben laga jat ke, Gad laga Baro hazar jat ke chin dise,
\v 6 Asher laga baro hazar jat ke chin dise, Baro hazra Naphtali, Baro hazra manasseh laga jat ke,
\v 7 Simeon laga Baro hazar jat ke chin dise, baro hazar Levi laga jat ke, baro hazar Issachar laga jat ke chin dise,
\v 8 baro hazar Zebulun laga jat ke dise, Joseph laga baro hazar jat ke chin dise, aru baro hazar Benjamin laga jat ke chin mari dise.
\v 9 Eitu khan sob huwa pichate moi saise, aru tate bisi manu thakise tai khan ke gonti koribole nari thakise- Sob desh, jat, manu, aru alak kotha kuwa manu thakise- Sinhasan aru usorte khara kori thakise. Tai khan boga kapur pindi kena thakise aru khajur laga pata hath te loi kena thakise,
\v 10 Aru tai khan dangor awazpara mati kena koise," Ananta jibon moi khan Isor laga ahse, eitu ekjon kun sinhasan te bohi ahse, aru eitu memna ke!"
\v 11 Aru sob sworgadut sinhasan usorte khara kori thakise, aru cholawta usorte charta jinda thaka janwar khan thakise, aru tai khan laga chehera nichete giri kena sinhasan usorte Isor ke aradhana kori thakise,
\v 12 Aru koise,"Amen! Adar aru mahima aru gyan aru dhanyabad aru prasansa aru hokti aru takot hodai aru hodainimite moi khan laga Isor ke hobo dibi! Amen!
\v 13 Titiya ekjon cholawta moikehudise, aru koise," Eitu khan kun ahse, kun boga kapur lagai kena ahse, aru tai khan kote para ahse?"
\v 14 Titiya moi tai ke koise," Moi laga Probhu, Apuni jane." Titiya tai moi ke koise," Eitu khan sob se dangor dukh para ulai kena aha khan ahse. Tai khan laga kapur dhulai loise aru memna laga khun para boga kori loise.
\v 15 Eitu nimite, tai khan Isor laga sinhasan usorte khara kori ahse aru Tai laga ghorte din aru rati tai ke mohima di ahse Tai laga tambu khuli kena tai khan uporte lagai dibo.
\v 16 Tai khan aru ketiya bhi bhuka nathakibo, aru ketiya bhi piyas nalagibo, aru sun laga gorom tai khan uporte kitiya bhi naligibo.
\v 17 Eitu memna kun sinhasan laga majote bohi ahse tai khan ke cholai kena loi jabo aru tai khan ke jinda pani usorte thakibole dibo, aru Isor hai tai khan laga sob suku pani musai dibo."
\c 8
\p
\v 1 Aru jetiya Memna para seventh chin tu khulise pura sworgote adha gonta tak ekdom chup thakise.
\v 2 Tetiya moi dekhise sathta sworgadut kun Isor usorte khara hoi thakise, aru sathta trumoet tai khan ke dise.
\v 3 Dusra ekjon sworgadut ahise, tai suna laga bati scent para bhorta kori kena thaka dhori thakise, aru alter usorte khara hoi kena thakise. Bisi scent tai ke dise kelemane tai prathna para eitu dhan koribo sob dharmic khan nimite kuntu sinhasan usorte suna laga alter ahse eitu jagate.
\v 4 Eitu scent laga duwa, sworgadut laga hath para uthi kena Isor usor para jaise.
\v 5 Titiya sworgadut eitu scent laga bati loi kena alter laga juie para bhorta kori loise. Tai prithibi te eitu phelai dise, aru tetiya thunder nisina dangor awaz ulaise, ujala marise aru mati khan hilise.
\v 6 Titiya sathta sworgadut kun ke sathta trumpet dise awaz koribole nimite tayari korise.
\v 7 Pohila ekta sworgadut para tai laga trumpet bajaise, aru titiya pathor aru khun logote juie milai kena ulaise. Titiya eitu ke prithibi te phelai dise, aru prithibi laga tin bhag juli jasie, aru tin bhag laga ghas khan juli jaise, aru jiman bhi green grass khan ahse eitu sob juli jaise.
\v 8 Tetiya dusara sworgadut para tai laga trumpet bojaise, aru kiba ekta dangor pahar juie para juli thaka nisina samundar te phelai dise. Aru tin bhag laga samundar khun hoi jaise,
\v 9 Aru tin bhag samundar te jinda thaka janwar khan sob mori jaise, aru tin bhag jahas khan sob khotom hoi jaise.
\v 10 Titiya third sworgadut para tai laga trumpet bajaise, aru dangor ekta tara akash para girise, ujala kori kena ahse, aru eitu tin bhag laga nodi te girise aru sapha pani te giri jaise.
\v 11 Eitu tara laga nam tu Wormwood thakise. Aru eitu laga tin bhag pani pura tita hoi jaise, aru bisi manu mori jaise kelemane pani tita hoi jaise.
\v 12 Titiya fourth sworgadut tai laga trumpet bojaise, aru sun laga tin bhag te lagi jaise, aru moon laga tin bhag enika hoise aru tara khan laga tin bhag bhi enika hoi jaise, eitu para tin bhag pura andhara hoi jaise. Dintu aru ujala nidiya hoise, aru eitu nisina rati bhi eneka hoi jaise.
\v 13 Titiya moi saise, aru moi eagle chiriya laga awaz hunise tai matha uporte uri kena dangor awaz para mati kena koi thakise, "Oh, oh jun manu prithibi te thaki ahse, kelemane aru bhi tin ta sworgadut laga trumpet tu bajabole ahse."
\c 9
\p
\v 1 Titiya fifth sworgadut tai laga trumpet bajaise aru moi dekhise sworgo para ekta tara prithibi te giri jaise. Eitu tara ke ketiya bhi kotom nokora mati niche laga chabi di dise.
\v 2 Jetiya tai eitu prithibi niche laga dorja khulise, tate laga dhuwa upor phale dangor juie nisina uthi jaise. Sun aru hawa eitu laga dhuwa para andhar hoi jaise.
\v 3 Titiya eitu dhuwa para puka khan prithibi te ahise, aru tai khan ke bichoo ke jenika di kena eitu nisina puka khan ke bhi prithibi te takot dise.
\v 4 Aru tai khan ke koi dise prithibi laga ghas aru phul khan eku nuksan nokoribo nimite, kintu kun manu tai khan laga matha aghe te china laga nai tai khan ke hai nuksan koribo.
\v 5 Aru tai khan ke manu ke morai dibole nimite kuwa nai, kintu khali tai khan ke pach mohina tak dukh dibole koise. Aru tai khan laga duk toh hoile jetiya ekta bichoo para kamure aru bekhai eneka hai tai khan duk pabo.
\v 6 Aru eitu laga din te manu khan mori bole mon jabo, kintu moribole naparibo. Tai khan mori jabole nimite echa koribo, kintu mora tai khan para polai jabo.
\v 7 Aru eitu puka aha tu hoile larai te jabole ghora te tayari kora nisina ahse. Aru tai khan laga matha te suna laga mukut lagai kena thaka nisina ahse, aru tai khan laga chehera manu laga chehera nisina ahse.
\v 8 Aru tai khan laga chuli maiki manu laga chuli nisina ahse, aru tai khan laga dath loin laga dath nisina hai thakise.
\v 9 Tai khan laga chati te laga thali khan loha laga thali nisina ahse, aru tai khan laga pankha laga awaz larai te polai kena jai thaka ghora khan nisina thakise.
\v 10 Aru tai khan laga puchur bichoo para sting mari bole nimite thaka nisina tai khan laga puchur te bhi thakise, aru tai khan laga puchur te manu khan ke panch mohina tak duk dibole nimite takot thakise.
\v 11
\v 12 Pohila duk tu par korise. Sabi! Eitu pichate aru bhi duita duk ahibole baki ahse.
\v 13 Titiya sixth sworgadut tai laga trumpet bajaise, aru moi ekta awaz horn para ahi thaka hunise kun tu Isor laga usorte ekta suna para bona alter te thakise.
\v 14 Titiya eitu awaz para sixth sworgadut ke koise kun logote trumpet tu thakise, "Eitu charta sworgadut Euphrates laga nodi te bandhi kena rakha khan ke chari dibi."
\v 15 Eitu karone charta sworgadut kun eitu din nimite tayari kori thakise, eitu din, eitu mohina, aru eitu sal, tai khan ke chari dise kelemane tai khan jai kena tin bhag manu jat khan ke morai dibole nimite.
\v 16 Ghora pichete thaka siphai khan sob mili kena 200,000,000 thakise. Moi tai khan laga number hunise.
\v 17
\v 18 Tin bhag manu khan eitu laga tinta duk para mori jaise: Juie para, dhuwa para aru tai khan laga mukh para ula juie para adha manu mori jaise.
\v 19 Kelemane eitu ghora laga takot tu tai laga mukh te aru puchur te thakise- Kelemane tai khan laga puchur tu hoile sap para matha thaka nisina, aru eitu para tai khan manu ke jokhom diye.
\v 20 Kun manu eitu sob duk para nomori kena bachi jaise, tai khan laga hath para ki pap kam korise eitu para mon ghuranai, tai khan ke satan aru suna, chandi, pitol, pathor aru khuri para bonai diya murti ke puja nikoribole nimite- Eitu khan eku dikhibole napare, aru hunibole bhi napare, aru tai khan bera bole napare.
\v 21 Aru, tai khan manu ke morai diya para mon ghura nai, aru jadu kora para bhi ghuranai, beya letra kam, aru chor kori kena aha para bhi tai khan mon ghuranai.
\c 10
\p
\v 1 Titiya moi aru ekta sworgadut ke dekhaise sworga para ahi thaka. Tai badal para bon kori kena thakise, aru tai laga matha uporte rainbow thakise. Tai laga chehera sun nisina aru Tai laga paw khan juie juli thaka pillar nisina thakise.
\v 2 Tai ekta chutu kitab dhori thakis, aru eitu tai laga hath te khulise. Tai laga dyna paw samundar te rakhise aru tai baya paw mati te rakhise.
\v 3 Titiya Tai lion para hala kora nisina dangor awaz para hala korise. Jitiya tai hala korise, sathta thunder nizor laga awaz te kotha kobole suru hoise.
\v 4 Jitiya sathta satta thunder kotha koise, moi likhibole thakise, kintu moi sworgo para ekta awaz hunise aru koise," Sathta thunder para ki koise eitu lukai kena rakhibi. Eitu kitab te nilikhibi. \s5
\v 5 Aru moi kuntu sworgadut samundar aru prithibi te khara hoi thaka dikhise tai laga dayna hath tu sworgo te uthaise.
\v 6 Aru Tai kun hodai aru hodai nimite jinda ase Tai laga nam kosom khaise, aru kun hai eitu sob aru tate thaka sob saman bonaise, eitu prithibi aru sob saman khan, aru samundar te ki ahse, "Aru olop bhi deri nahobo.
\v 7 Kintu sathta sworgadut laga awaz din te, jetiya Tai laga trumpet tu bajabo, titiya Isor laga asurit kam tu pura hoi jabo, keneka kori kena Tai laga sewak aru prophet khan ke eitu bhal kotha tu koi disele."
\v 8 Titiya kun tu awaz moi ke sworgo para kotha korise aru moike koise:" Jabi, Sworgadut kun samundar aru mati te khara kori ahse Tai laga hath para eitu kitab tu lobi."
\v 9 Titiya moi logote jai kena moi ke eitu kitab tu dibole nimite koise. Tai moike koise, "Lobi aru khai lobi. Eitu para tumi laga peth tu tita koribo, kintu tumi laga mukh honey nisina mitha kori dibo." \s5
\v 10 Titiya moi sworgadut lga hath para eitu kitab tu loi kena khai loise. Aru moi laga mukh tu honey nisina mitha hoi jaise, kintu moi jetiya eitu khaise, moi laga peth tita hoi jaise.
\v 11 Titiya kunba para moi ke koise," Tumi aru bisi manu ke eitu prophesy kobo, desh khan ke, alak bhasa kuwa manu khan ke, aru raja khan ke."
\c 11
\p
\v 1 Titiya ekta patla lathi nisina moi ke nap koribole nimite dise. Moi ke koise," Uthibi aru Isor laga ghor aru alter tu nap lobi, aru kun manu tate aradhana kore tai khan laga bhi nap lobi.
\v 2 Kintu bahar laga jaga tu nap nolobi, kelemane eitu tu Isor najana manu khan ke di dise. Tai khan eitu pobitro city forty-two mohina tak paw para chipabo.
\v 3 Aru moi laga duita gawha khan khan ke adhikar dibo, aru tai khan 1,260 din tak prophesy kobo, bosta laga kapur lagai kena."
\v 4 Eitu duita olive ghas aru duita lampstand prithibi laga Prabhu usorte khara ahse.
\v 5 Kunba manu eitu ke nuksan koribole bisarile, tai khan laga mukh para juie ulai kena dusman khan ke khotom kori dibo.
\v 6 Tai khan logote akash tu bon kori dibole nimite adhikar ahse kelemane jetiya tai khan prophesy kobo eitu homoi te pani nigiribo tai khan logote pani ke khun bonai dibole nimite takot ahse aru eitu prithibi te alak kisim laga duk para bhorta koribole nimite tai khan logote adhikar ahse.
\v 7 Jetiya tai khan laga gawahi kora tu khotom hobo, eitu mati nichate thaka janwar tai khan uporte larai koribo. Tai khan ke morai di kena sob jiti lobo.
\v 8 Tai khan laga mora gaw tu dangor city laga rasta te giri thakibo(Kuntu ke Sodom aru Egypt koi) Jun jaga te tai khan laga Probhu ke Crus te mari disele.
\v 9 Aru tin din adha tak sob jat, desh aru alak kotha kuwa manu khan tai khan laga mora gaw tu sabo aru tai khan laga gaw tu kobor te dhali bole nimite nidibo.
\v 10 Aru kiman manu eitu prithibi te ahse tai khan eitu dekhi kena khusi koribo. Tai khan ekjon-ekjon ke tofa di kena duita prophet kun duniya te thakise eitu nam para khusi koribo.
\v 11 Kintu tin din adha pichate Isor laga sas tu tai khan uporte di dibo, aru tai khan laga paw te khara hobo aru kun manu eitu dekhibo tai khan bisi bhoi koribo.
\v 12 Titiya sworgo para dangor awaz para tai khan ke koi thaka hunibo, Yate uporte ahibe!" Titiya tai khan badal para sworgote jai jabo, aru tai khan laga dusman khan sai thakibo.
\v 13 Eitu homoi te dangor mati hilibo, aru city laga dos bhag khotom hoi jabo. Satha hazar manu eitu homoi te moribo, aru kun manu bachi jai tai khan bhoi lagibo aru eitu dekhi kena Isor ke mohima dibo.
\v 14 Aru second kotha bhi par hoise. Sabi! Tinta kotha tu joldi ahi ahse.
\v 15 Tetiya seventh sworgadut para tai laga trumpet tu bajaise, aru Sworgo te dangor awaz para koise," Eitu duniya laga raijo tu Prabhu aru Krista laga raijo hoise, aru Tai hodai nimite raj koribo.
\v 16 Titiya twenty-four cholawta, kun Isor laga usorte sinhasan te bohi ahse tai khan laga chehera girikena Isor ke aradhana koribo.
\v 17 Tai khan koise," Moi khan apani ke dhanyabad di ahse, Mohan Probhu Isor, kun thakise, aru hodai ahse, kelemane apani dangor takot tu loi loise aru raj korise.
\v 18 Eitu desh khan khong uthise, kintu apani laga homoi tu ahise, aru mora manu khan ke bichar koribole nimite, aru apani laga sewak khan ke enam dibole nimite, aru kun manu apani laga nam te bhoi kori kena thake, chutu aru dangor, aru kun manu eitu prithibi tu khotom kore tai khan ke khotom kori dibole nimite."
\v 19 Titiya Isor laga ghor sworgadut thaka tu khuli jaise aru Probhu para ke kosom dise eitu sob tai laga ghor te dekhise. Eitu homoi te dangor ujala ahise hala kori kena aru mati hili aru dangor pathor khan girise.
\c 12
\p
\v 1 Titiya ekta dangor sign sworgote ulaise: ekta maiki sun laga kapur para lagai kena, aru moon tai laga paw nichete, aru barota tara laga mukut tai laga mathate.
\v 2 Tai bacha bhuki thakise aru bacha pai thaka laga bikha para kandi thakise, aru bacha ulai dibole nimite duk pai thakise.
\v 3 Tetiya aru dusra ekta chinah sworgote ulaise: Sabi, ekta dangor dragon tai laga dosta matha aru dosta singh, aru sathta mukut tai laga matha te ahse.
\v 4 Aru tai laga puchur para tin bhag tara sworgo te jhari kena hatai dise aru prithibi phale phelai dise. Aru eitu dragon bacha pabole thaka maiki usorte khara kori thakise, kelemane jitiya tai bacha pabo, eitu dragon para eitu maiki laga bacha tu khai dibo.
\v 5 Titiya eitu maiki para ekta mota bacha jonom dise, aru tai eitu desh ke loha laga rod para raj cholabole thakise. Tai laga bacha ke Isor aru sinhasan usorte chingi kena loi jaise,
\v 6 Aru eitu maiki jongol te polai jaise, tai nimite Isor para ekta jaga tayari kori kena rakhi dise, kelemane tai ke 1,260 din tak bhal kori kena sai dibole.
\v 7 Etiya sworgo te dangor larai hoise. Michael aru tai laga sworgadut khan eitu dragon logote larai korise; aru eitu dragon logote larai korise; aru eitu dragon bhi tai laga duth khan ke loi kena larai korise.
\v 8 Kintu eitu dragon aru tai laga duk khan takot thakanai aaru tai khan nimite Sworgo te thakibole jaga bhi thakanai.
\v 9 Eitu karone ke nichete phelai dise- purana ekta saph, tai ke beya atma aru satan koi, tai pura duniya ke ttokai diye- tai ke prithibi te phelai dise, aru tai laga duk khan bhi tai logote phelai dise.
\v 10 Titiya moi sworgo para dangor awaz te koi thaka hunise,
\q "Etiya moikhan laga poritran aru takot
\q2 Aru Isor laga raijo tu ahise,
\q2 Aru tai laga Krista laga adhikar ahse.
\q Kelemane moi laga bhai khan ke duk diya ekjon ke nichete phelai dise,
\q2 Kun para Isor usorte din aru rati tai khan ke duk dise. \s5
\q
\v 11 Tai khan Memna laga khun aru gawahi para sob tu jiti loise,
\q Kelemane mori bole thaka homoi te bhi tai khan nizor laga jibon tu morom koranai.
\q
\v 12 Eitu nimite sworgo khan khusi koribi, aru
\q Kiman manu tate thaki ahse! Kintu woe prithibi aru samnudar,
\q2 Kelemane satan tu umi khan majote ahse! Tai pura khong para bhorta hoi ahse kelemane tai jani ahse tai logote olop homoi hai bachi kena ahse! \s5
\p
\v 13 Aru jetiya dragon tu janise tai ke prithibi niche te phelai dise, tai jai kena eitu maiki ke digdar dise kun hai mota bacha ekjon ke jonom dise.
\v 14 Kintu eitu maiki ke duita eagle chiriya laga pankha nisina dise, kelemanetai eitu loi kena jongol phale tai laga jaga te polao jabo nimite, eitu jaga te tai ke olop din nimite bhal kori kena sai dibo, homoi, aru olop homoi nimite- eitu sap laga chehera aghe para dur te thakibole.
\v 15 Eitu nimite sap para tai laga mukh para nodi nisina pani eitu maiki laga pichete jabo dise, kelemane eitu pani maiki ke loi jabole nimite.
\v 16 Kintu eitu prithibi para maili ke modot korise. Eitu prithibi para mukh khuli kena sob pani tu khai loise kun tu dragon laga mukh para ulaisile maiki ke loi jabole nimite.
\v 17 Titiya eitu maiki uporte bisi khong uthise aru eitu maiki laga khandan khan uporte larai koribole nimite jaise, kun manu Isor laga kotha mani thakise aru Jisu laga gawahi dhori kena thakise tai khan ke khotom koribole nimite larai korise.
\v 18 Titiya tai samundar usorte khara korise.
\c 13
\p
\v 1 Titiya moi ekta janwar samundar para ulai kena aha dekhise tai laga dosta singh aru dosta matha thakise. Aru matha khan ke dosta mukut thakise, aru ekta-ekta matha uporte manu ke thokai diya nam thakise.
\v 2 Aru etiya kuntu janwar maoi dekhise eitu sabole nimite ekta leopard nisina thakise tai laga thang khan bear laga thang nisina thakise, aru tai laga mukh ekta lion laga mukh nisina thakise. Dragon para tai ke takot dise aru tai laga sinhasan, aru sob adhikar khan manu ke raj cholabole nimite.
\v 3 Ekta janwar laga matha tu morai diya nisina dekhise, kintu tai laga bahar jokhom khan bhal hoi jaise. Pura prithibi laga pechete jaise.
\v 4 Tai khan eitu dragon ke puja korise, kelemane tai laga adhikar eitu janwar ke bhi puja korise, aru koi thakise," Eitu janwar nisina aru kun ahse?" Aru "kun hai tai logote larai koribole paribo?"
\v 5 Eitu janwar ke phutani laga kotha khan kobole nimite mukh dise, aru fourty-two mohina eitu sob kam khan koribole nimite adhikar dise.
\v 6 Tetiya eitu janwar tai laga mukh khuli kena Isor laga beya kotha koise, Tai laga nam tu sorom khelai dise, aru Tai kun jaga te thake eitu beya koribole nimite, aru jiman manu sworgo te thake tai khan laga beya kobole.
\v 7 Aru eitu janwar ke bisasi aru purohit manu khan uporte larai koribole nimite aru tai khan uporte jiti lobole nimite takot dise. Aru, sob jat, desh, aru manu khan uporte adhikar dise.
\v 8 Aru jimn manu prithibi te thake tai khan sob tai ke puja koribo aru kun manu laga nam kitab te likha nai, duniya bona laga suru para, jibon laga kitab te kuntu memna laga ahse, kun ke morai disele.
\v 9 Kunba manu kan ahse koile, tai huni lobi.
\v 10 Kunba manu ke bandhi kena loi jabole mon thakile, tai ke eneka hai loi jabo, kunba manu ke talwar para moribole mon jaile, eitu talwar para hai tai moribo. Yate nomro aru duk kosto aru Isor manu khan laga bisas ahse.
\v 11 Titiya moi aru bhi ekta janwar prithibi para ulai kena ahi thaka dekhise, aru tai dragon nisina kotha koi.
\v 12 Tai laga usorte pohila ulai aha janwar laga kiman adhikar ahse sob tu dekhai dise, aru eitu prithibi aru tate thaka kiman manu ahse sob ke eitu pohila janwar ke puja koribole nimite dise- eitu ekjon kun laga bahar laga kokhom tu bhal hoi jaisile.
\v 13 Bisi dangor asurit kam khan korise, aru tai manu usorte sworgo para juie prithibi te bhi ahi bole dise aru manu khan ke dekhai dise.
\v 14 Aru eitu sob chinah khan janwar laga usorte koribole nimite monjur die, jiman manu prithibi te ahse tai khan ke thokai dibole nimite. Aru tai khan ke janwar laga bona bole nimite koise kun logote talwar laga jokom ahse, kintu jinda ahse.
\v 15 Aru eitu janwar laga murti ke sas dibole nimite monjuri dise, kelemane eitu janwar laga murti kotha kobole paribo, aru kun manu eitu janwar laga murti ke puja nokoribo tai ke morai dibo.
\v 16 Tai khan joborjost korise, chutu aru dangor, dhani aru garib, sewak aru aram para thaka manu, tai khan laga matha aghate nohoile dhyna hath te chin maribole nimite.
\v 17 Aru eitu karone, kun manu bhi eitu chin nathakile eku bhi bikiri aru kinibole naparibo jetiya tak tai khan logote eitu laga chin nathakibo- eitu janwar laga nam, nohoile tai laga nam laga number
\v 18 Yate gyan ahse: kun manu buji bole pare tai eitu janwar laga number tu ginti kori lobi kelemane eitu manu laga number ahse, aru number tu hoile 666.
\c 14
\p
\v 1 Titiya moi saise aru Mount Zion te Memna ke khara kori thaka dekhise. Tai logote 144,000 kun logote tai laga nam thakise aru Tai laga baba laga nam tai khan laga matha aghe te likhi kena thakise.
\v 2 Aru moi dangor thunder aru pani laga awaz nisina sworgo para ahi thaka hunise. Aru moi huna tu hoile ekta baja bajai thaka laga awaz nisina hunise.
\v 3 Aru tai khan cholawta aru charta jinda thaka janwar aru sinhasan usorte nutun gana kori kena gai thakise. Kun para bhi eitu gana kori bole najane khali 144,000 kun ke prithibi para ahnise tai khan hai eitu gana koribole pare.
\v 4 Aru tai khan maiki logote nizor ke pap te girai kena aha manu nahoi, kelemane tai khan ekdom sapha ahse. Aru tai khan kun jaga te Memna jai tai laga piche jai thaka khan ahse. Tai khan ke manu laga majo para bachai kena loi ahna ahse Isor laga pohila bacha khan aru Memna nimite.
\v 5 Tai khan laga mukh te eku misa kotha panai, kelemane tai khan ekdom sapha ahse.
\v 6 Titiya moi aru ekta sworgadut ke hawa te uri thaka dekhise, aru tai logoteprithibi manu khan nimite kitayabhi khotom nokora gospel tu thakise sob manu, ajt, aru desh, nimite.
\v 7 Tai dangor awaz para matise," Isor ke bhoi koribi aru Tai ke Mohima dibi. Kelemane bichar kora laga homoi ahise, kun para sapha pani, sworgo, prithibi aru samundar bonaise."
\v 8 Aru ekta sworgadut- ekta second sworgadut pichate ahise, aru koise, "Girise, dangor Babylon tu girise, kun hai desh ke moot tu khai kena tai logote beya kam koribole dise."
\v 9 Aru sworgadut ekta third sworgadut tai khan laga piche korise, aru dangor awaz para koise, "Kunba manu eitu janwar aru tai laga murti ke puja korile, aru jodi tai laga chinah matha aru deyna hath te loile.
\v 10 Tai bhi Isor laga khong tu dekhibo, eitu ros Tai laga khong laga cup te dhali dise. Tai ke Memna aru Tai laga sworgadut usorte ketiyabhi khotom nokora laga juie te phalai kena duk dibo.
\v 11 Aru tai khan kaga duk pa laga dhuwa uporte hodai nimite jabo aru tai khan din aru rati aram napabo eitu janwar aru murti ouja kora manu khan, aru kun many eitu laga nam laga chin tu loi.
\v 12 Yate bisari aru purohit khan para duk kosto aru nomro kori kena thaka, kun manu Isor laga kotha maney aru Jisu uporte bisas kori kena thake."
\v 13 Titiya moi sworgo para ekta awaz koi thaka hunise," Eitu likhibi: Asirbad ahse eitu mora manu khan kun etiya para Probhu nimite moribole ahse." "Hoi," Atma para koi ahse," Kelemane tai khan laga duk para aram pabo, kelemane tai khan ki kam korise eitu tai khan laga pichate ahibo."
\v 14 Titiya moi saise aru tate ekta boga badal thakise. Badal te bohi thaka ekjon manu laga bacha nisina thakise. Tai laga hath te ekta dhar lathi thakise aaru Tai laga matha te suna laga mukut thakise.
\v 15 Titiya alak sworgadut temple para ulai kena ahi badal te bohi thaka ke dangor awaz para koise. "Tumi laga lathi lobi aru katibole suru koribi, kelemane kata laga homoi ahise, prithibi laga dhan tu paki jaise."
\v 16 Tiyiya badal te bohi thaka para tai laga lathi ulai kena prithibi te hila bole suru korise aru titiya prithibi laga kata homoi pura hoise.
\v 17 Titiya aru ekta sworgadut sworgo laga temple para ulai kena ahise, tai logote bhi dhar lathi thakise.
\v 18 Aru dusra ekta sworgadut juli thaka alter para ulai kena ahise tai logote juie laga adhikar thakise. Tai dangor awaz para kun laga hath te dhar lathi ahse tai ke matise, aru koise, "Tumi laga dhar lathi lobi aru prithibi para angur khan jama koribi, kelemane tai khan laha angur khan sob pakise."
\v 19 Titiya eitu sworgadut tai laga lathi loi kena prithibi te kiman angur paki kena ahse eitu khan ke uthabole nimite jaise. Tai Isor laga khong usorte angur rose khan ke phelai dise.
\v 20
\c 15
\p
\v 1 Titiya aru bhi moi fangor aru asurit chin sworgo te dekhie: Sathta sworgadut sathat duk loi kena- khotom laga duk, eitu para Isor laga khong pura hoi jabo.
\v 2 Titiya moi dekhise shisa laga samundar juie te milai kena kun manu eitu janwar aru murti ke jiti loise, aru tai laga nam laga number uporte jiti loise, tai khan eitu shisa laga samundatr te khara hoi thakise, Isor para diya baja laga saman loi kena khara hoi thakise.
\v 3 Tai khan Moses para kura gana gai thakise, Isor laga sewak aru Memna laga gana aru koi thakise," Dangor aru asurit ahse apani laga kam Probhu Isor, sob se Mahan Apani laga rasta bhal aru hosa ahse, oh dharmic manu laga raja.
\v 4 Kun manu apanike bhoi nokaribo, Probhu, aru apani laga nam ke mohima nidibo? Kelemane apani pobitro ahse. Sob desh khan ahibo aru apani usorte mohima koribo kelemane apani laga bhal kam khan sob dekhai dise."
\v 5 Eitu sob huwa pichate moi saise, aru temple te gawah khan laga tambu sworgo te khuli jaise.
\v 6 Aru temple bahar te ulai ahi kena sathta sworgadut sathta suk dhori kena thakise tai khan laga kapur sapha thakise ujala kapur aru tai khan laga chati te suna para bonai kena thaka lagai kena thakise.
\v 7 Charta jinda thaka janwar majote para ekjon hai sathta sworgadut ke sathta bati Isor laga khong para bhorta thaka tai khan ke dise, Tai hodai aru hodai nimite jinda ahse.
\v 8 Titiya Isor laga Mohima aru takot para temple tu dhuwa para bhorta hiu jaise. Kun bhi tate jabole napare jitiya taksathta duk sathta sworgadut khan para pura nokare.
\c 16
\p
\v 1 Titiya moi hunise ekta dangor awaz temple para sathta sworgadut khan ke koi thaka, "Jabi aru sathta bati para Isor laga khong tu prithibi te dhali dibo."
\v 2 Titiya pohila sworgadut jai kena tai laga bati para prithibi te dhali dise. Titiya beya aru bekhai thaka ghow kun manu khan janwar laga chin loi kena thakise tai khan uporte ahise aru kun manu eitu murti ke puja kori thakise tai khan uporte ahise.
\v 3 Aru dusra sworgadut para tai laga bati para samundar te dhali dise. Eitu khun hoi jaise, ekta mora manu laga khun misia, aru kiman jinda saman samundar te thakise sob mori jaise.
\v 4 Titiya third sworgadut tai laga bati sapha pani aru nodi dhali dise aru eitu khun hoi jaise.
\v 5 Aru moi pani laga dut para koi thaka hunise, "Apani dharmic ahse-Ekjon kun ahse aru kun thakise, Pobitro ekjon- kelemane apani eitu sob bichar korise.
\v 6 Kelemane tai khan prophets aru dharic khan laga khun dhali dise. Apani tai khan ke khun khabole nimite dise; tai khan eitu pabole nimite yoge ahse."
\v 7 Titiya moi alter para koi thaka hunise, "Hoi, Mohan Probhu Isor, Apani laga bishar kora aru dharmic ahse."
\v 8 Titiya fourth sworgadut tai laga bati sun te dhali dise, aru manu khn ke juie para jolai dibole nimite koise.
\v 9 Eitu para manu kobo naoara gorom para julise, aru tai khan Isor laga nam tu beya koise, kun sob duk uporte adhikar ahse, tai khan mon ghuranai aru Tai ke Mohima diya nai.
\v 10 Titiya fifth sworgadut para tai laga bati loi kena janwar laga sinhasan te dhali dise, aru eitu para tai laga raijo andhar hoi jaise tai khan bikhai kena nizor laga jiba kamribole suru hoise.
\v 11 Eitu para tai khan Sworgo te thaka Isor ke beya koise kelemane tai khan laga bikhai thaka aru ghow nimite, kintu eneka korilebhi tai khan laga beya kam para mon dhura nai.
\v 12 Titiya sixth sworgadut para tai laga bati dangor nodi te dhali dise, eitu Euphrates tate laga pani suki jaise east para ahibole tayari kori thaka raja khan nimite.
\v 13 Titiya moi tinta letera atma dekhise dragon laga mukh para bang ulai taka nisina thakise, aru dragon laga mukh para, aru misa kuwa prophet khan laga mukh para ulai kena thaka nisina.
\v 14 Tai khan demon laga atma thakise asurit chin dekhise. Mohan Isor laga dangor din te larai koribole nimite duniya laga raja khan ke jama kori thakise.
\v 15 ("Sabi! Moi chor nisina ahi ahse! Asirbad ahse eitu manu kun tai laga kapur lagai kena sai ahse aru rukhi ahse, kelemane tai khan kapur nalagai kena berai nathakibo aru tai khan laga sorom khan tu nadikhibo.")
\v 16 Titiya tai khan sob ke eke logote ahnise ekta jaga Armagdeeon Hebrw te koi kena.
\v 17 Titiya seventh sworgadut tai laga bati hawa te dhali dise. Titiya temple laga bahar para dangor ekta awa ulaise, Eitu sinhasan para koise, "Eitu sob hoise!"
\v 18 Titiya tate dangor light marise, awaz dise, aru thunder korise, aru dangor mati hilise eneka ketiya bhi huwa nai jun tu din para manu ke prithibi te bonaise, eitu mati hila bisi dangor thakise, ekdom dangor thaksie.
\v 19 Dangor city tintabhag hoi jaise, aru desh laga city khan khotom hoi jaise. Titiya dangor Babylon Isor usorte yad korise, aru tai laga khong laga cup tai ke dise.
\v 20 Titiya sob island khan polaise, aru pahar khan aru tate panai.
\v 21 Aru manu khan uporte dangor pathor, ekdom bhari, sworgo para ahi kena tai khan uporte girise. Titiya manu khan Isor laga nam tu beya koise kelemane eitu pathor khan tai khan uporte girise, kelemane eitu duk bisi beya thakise.
\c 17
\p
\v 1 Titiya ekta seventh sworgadut kun laga hath te sathta bati thakise ahi kena moi ke kotha korise, aru koise," Ahibi, Moi tumi ke dikhai dibo eitu dangor letera kam kora khan laga khotom huwa din kun bisi pani te bhoi ahse.
\v 2 Eitu duniya laga raja khan tai logotr beya kam korise, aru eitu prithibi te thaka khan ke tai laga letera kam laga ros tu khabole dise."
\v 3 Titiya sworgadut para moi ke ata para ekta jongol te loi jaise, aru moi dikhise ekta maiki janwar kun laga nam misa para bhorta ahse tai uporte bohi thakise. Eitu janwar laga satha matha aru dosta singh thakise.
\v 4 Eitu maiki purple kapur lagai kena thakise aru moti, suna aru dam laga pathor lagai kena sabole sundur dekhi thakise tai laga hath te suna laga cup beya kam para bhorta hoi kena thaka dhori thakise.
\v 5 Aru tai laga matha aghe te man likhi kena thakise, beyibole napara: "Dangor Babylon beyobichar laga ama aru prithibi ke kothom kori diya ekjon."
\v 6 Moi dekhise eitu maiki bisasi dharmic aru Jisu laga gawah khan laga khun khai kena thakise. Jitiya moi taike dekhise, moi asurit hoise, aru dangor chinta lagise.
\v 7 Kintu sworgadut para moike koise," Kele tumi asurit lagi ahse? Moi eitu maiki laga likai thaka khan kobo aru eitu janwar kun tai ke dhori ahse, eitu janwar kun laga sathta matha aru dosta singh ahse.
\v 8 Eitu janwar tumi para dekha tu hoile jinda thakise, Tai etiya jinda nai, kintu tai aru bhi mati neche para ulai kena ahibole ahse. Titiya eitu para pura khotom kori debo. Kun manu eitu prithibi te thaki ahse, kun manu laga nam puniya bona homoi para jobon laga kitab te nam likha nai-tai khan eitu janwar ke dekhi kena asurit lagibo, kelemane tai pohila te thakise, aru etiya nai, hoilibi tai ahibole ahse.
\v 9 Eitu gyan thaka khan nimite bhabna koribole laga ahse: Eitu sathta matha sathta pahar ahse kun jaga te maiki bohi ahse, tai khan sathta raja bhi ahse:
\v 10 Panchta raja giri jaise, ekjon ahse dusra ekjon ahanai. Kintu jetiya tai ahibo, tai olop din nimite hai thakibole lagibo.
\v 11 Eitu janwar kun thakise, kintu etiya nai tai nizor bhi ath number laga raja thakise; kintu tai bhi sathta raja majote ekjon thakise, aru tai pura khotom kori dibole nimite jai ahse.
\v 12 Dosta singh tkaha tu hoile dosta raja ahse kintu tai khan ek ghonta janwar logote raja hobole nimite adhikar pabo.
\v 13 Eitu khan sob ekta bhawana ahse, aru tai khan laga adjikar aru takot sob janwar ke dibo.
\v 14 Tai khan Memna logote larai koribo. Kintu Memna para tai khan uporte jiti lobo, tai hai Probhu laga Probhu aaru raja laga raja ahse- Ru Tai logotr thaka khan ke, bachi luwa koi, aru biswasi."
\v 15 Titiya sworgadut para moi ke koise, "Eitu pani kuntu tumi dekhise, kun jaga te beyobichari khan bohe, eitu khan manu desh aru alak kotha kewa manu khan ahse.
\v 16 Tumi kuntu dosta singh aru janwar dikhie- tai khan beyobichari khan ke ghin koribo tai khan para tai laga kapur khuli kena sorom kelai debo, tai laga gaw mangso bhi tanibo, aru juie para tai ke pura julai debo.
\v 17 Kelemane Isor para tai khan laga monte eneka koribole koi dise, aru ekta kam hai koribole dise, aru tai khan laga raijo janwar ke de dibole nimite jitiya tak Isor laga kotha tu pura nahoi.
\v 18 Etiya kun tu maiki prithibi laga raja aru dangor city te raj cholai thaka dekhise."
\c 18
\p
\v 1 Eitu pichete moi aru ekta swargodut ke sworgo para ahi thaka dekhise. Tai logote adhikar thakise, aru pura prithibi Tai laga Mohima para bhorta hoi jaise.
\v 2 Tai kandi kena dangor awaz para, koise,
\q "Dangor Babylon giri jaise!
\q2 Tai satan khan laga thaka jaga loi jaise,
\q Sob beya atma laga ghor,
\q2 Aru sob beya aru letera chiriya laga bhor.
\q
\v 3 Sob desh lhan tai laga beya kam laga roa khaise.
\q2 Prithibi laga raja khan tai logote beya kam korise.
\q Prithibi laga dhoni manu khan tai takot aru thaka mela sai kena dhun hoise." \s5
\q
\v 4 Titiya moi sworgo para aru ekta awaz koi thaka hunise,
\q2 "Tai lago para ulai kena ahibi, moi laga manu khan tumi khan tai laga pap te bhag nalobole nimite aru eitu para tai pabole thaka duk tumi uporte nahibo.
\q
\v 5 Kelemane tai laga pap khan sworgo tak punchise,
\q2 Aru Isor para tai laga pap kam khan sob yad kori ahse.
\q
\v 6 Tai ki dise eitu wapas tai ke di dibi
\q2 Aru tai laga kam sai kena tai ke aru bisi dibi;
\q2 Aru bisi milai kena tai ke di dibi. \s5
\q
\v 7 Kelemane tai nizor ke dangor kori kena aram para thakise,
\q2 Tai ke bisi duk chinta dibi.
\q Kelemane tai nizor laga mon te koi,
\q2 'Moi rani nisina bhoi ahse;
\q Moi mota mori juwa maiki nohoi,
\q2 aru moi ketiyabi kanda nidikhibo.'
\q
\v 8 Eitu karone ekdin tai laga duk ahibo:
\q2 mora, kanda, aru khabo napara ahibo
\q Tai ke juie para khai dibo,
\q2 Kelemane Probhu Isor Mahan ahse, aru Tai laga bacha joldi ahi ahse." \s5
\m
\v 9 Prithibi laga raja kun tai laga pichate jai kena sob beya kam khan korise tai logotr jai kena kandibo aru tai juli kena dhuwa ulai thaka tu dekhi kena hala koribo.
\v 10 Tai khan dur te khara koribo, aru tai laga duk patu dekhi keana kobo,
\q "Oh, oh dangor city,
\q2 Babylon takot thaka ekta city!
\q Kelemane bisi deri nahoi kena tumi laga bichar ahi jaise." \s5
\m
\v 11 Titiya prithibi laga dhun manu khan tai ke sai kena kandise, kelemane tai laga saman lhan kun bhi nikina hoise-
\v 12 Bahar para anah suna, chandi, dam laga pathor, moti, sundar saman, purple kapur silk, dam laga kapur, sob kisim laga bhal khuri bhal para bona bati khan pitol, luha, aru marble,
\v 13 Masala khan ghun thaka scent, angur ros tail, sapha kori kena rakha ata dhan, saguli aru goru, ghora aru ghora gari, sewak aru manu laga atma.
\v 14 Tumi laga paki juwa phol, tumi laga atma laga echa, sob tumi para jai jaise. Sob aram aru dikhawa tumi para jai jaise, aru eitu ketiya bhi wapa napabo.
\v 15 Eitu saman laga malik khan kun tai ke sai kena dhoni hoisile etiya tai para dur hoi jaise kelemane tai laga duk pai kena thaki thaka tu sai kena bhoi lagise aru dur te jai kena khara hoi jaise.
\v 16 Tai khan kobo,
\q "Oh, oh eitu dangor city
\q2 Kun bhal kapur lagai kena thakise,
\q3 Purple te, aru sundar saman lagai kena thakise,
\q2 Aru suna para bhorta hoi kena thakise,
\q3 Dam laga hera, aru moti khan!
\q2
\v 17 Ek ghonta bhitorte tai laga sob dhan tu khotom hoi jaise."
\m Sob jahas laga captain khan tate sawari kora khan, aru cholai thaka aru kiman manu eitu samundar para kamai thakise, dur te khara hoi jaise. \s5
\m
\v 18 Tai khan kandise jetiya tai juli thaka laga dhuwa tu dekhise. Tai khan koise, "Dangor city nisina aru kuntu city ahse?"
\v 19 Tai khan laga matha para letera phelaise, aru jor para kandise, kandi kena duk korise, aru koise,
\q "Oh, oh eitu dangor city
\q2 Kun logote tai khan laga jahas ahse
\q2 Samundar te tai laga dhun para dhoni hoise
\q Kelemane ek ghonta te tai ke khotom kori dise."
\q
\v 20 Tai uporte khusi koribi, O sworgo,
\q2 Aru dramic khan apostles aru prophets aru khan,
\q Kelemane Isor para tumi khan laga bichar tai uporte kori dise!" \s5
\p
\v 21 Titiya ekta takot thaka sworgadut dangor pathor uthai kena samundar te phelai dise aru, Koise,
\q "Eitu nisina, Babylon, dangor city ke bhi
\q2 Duk te phelai dibo
\q2 Aru tai ke ketiyabhi nedikha hobo.
\q
\v 22 Gana, baja manu khan,
\q3 Aru trumpet baja manu khan laga gana aru
\q2 Tumi ketiya bhi nahunibo.
\q Bhal saman bona manu aru tumi
\q2 Khan ketiyabhi napabo
\q Dhan khunda laga awaz aru
\q2 Tumi khan ketiyabi nuhunibo. \s5
\q
\v 23 Lamp laga ujala
\q2 Tumi khan ke ketiya bhi ujala nidibo.
\q Shadi kora maiki aru mota laga awaz aru
\q2 Ketiyabi nuhunibo,
\q Kekemane tumi khan laga prithibi laga raja bhal saman thakise,
\q2 Aru pura desh tumi khan laga jadu montor para thokai dise.
\q
\v 24 Prophets aru darmic manu khan laga kun tumi khan uporte paise,
\q2 Aru kun manu eitu prithibi te morai dise tai laga uporte paise." \s5
\c 19
\p
\v 1 Eitu pichete sworgo para manu bisi dangor awaz para koi thaka hunise aru koi thakise, "Hallelujah. Poritran, mohima, aru takot moi khan laga Isor ke.
\v 2 Tai laga bichar hosa aru bhal ahse kelemane Tai dangor beyobichar kora khan ke bichar korise kun beya kam korikena prithibi ke letera kori dise. Tai laga sewak khan laga khun ulai diye ke badal loise, tai laga hath para."
\v 3 Titiya tai khan aru dusra bar hala korise: "Hallelujah! Tai para ulai thaka dhuwa hodai aru hodai nimite thakibo."
\v 4 Titiya twenty-four cholawta aru charta jinda thaka janwar nichate giri kena kun sinhasan te bohi thakise Teo ke mohima dise, aru koise, "Amen. Hallelujah!"
\v 5 Tetiya sinhasan para ekta awaz ahi kena, koise. "Moi khan laga Isor ke dhanybad ahse, Teo laga sob sewak, aru kun Teo ke bhoi kore, sob chutu aru dangor."
\v 6 Tetiya moi bisi manu laga awaz nisina hunise, aru nodi te pani jai thaka nisina, aru akash te thundr mara nisina aru koise, Hallelujah! Moi khan laga Mohan Probhu Isor raj kore.
\v 7 Moi khan nam ucha uthai kena khusi koribo aru Teo ke mohima dibo kelemane Memna laga shadi te kora homoi ahse, aru Teo ke rukhi thaka shadi koribole khan tayari hoi kena rukhi ahse.
\q
\v 8 Nizor ke tayari kori kena thakibole koi dise ujala aru sapha kapur lagai kena."
\q (Kelemane sapha kapur lagai kena thaka tu hoile tai khan laga bhal kam khan ahse). \s5
\p
\v 9 Tetiya sworgadut para moi ke koise, "Eitu likhibi: Asirbad ahse kun ke Memna laga sadhi te matise, "Tai eneka aru moi ke koise, "Eitu khan sob Isor laga hosa kotha khan ahse."
\v 10 Tetiya moi Teo laga paw te giri kena aradhana korise, kintu tai moi ke koise, "Kneka nokoribi! Moi bhi tumi nisina ekta sewak ahse tumi aru sathi bhai khan logote Jisu laga dawahi dhori kena ahse Isor ke mohima dibi kelemane Jisu laga gawahi atma laga prohesy ahse."
\v 11 Tetiya moi sworgo khula dekhise, aru tate ekta boga ghora thakise, aru eitu uporte bhoi thaka ke bhal aru hosa matise, aru Tai bichar kore aru dharmic para larai kore.
\v 12 Teo laga chuku juli thaka jui nisina ahse, aru Tai laga matha te bisi mukut thakise. Tai laga nam likha thakise aru eitu nam kun bhi najane khali tai para hai jane.
\v 13 Tai lagai thaka kapur khun te dhali kena thaka nisina ahse, aru tai laga nam tu Isor laga kotha ahse.
\v 14 Sworgo laga siphai khan sob boga ghora te uthi kena tai laga pichete jai thakise, aru tai khan sundur, aru sapha boga kapur lagai kena thakise.
\v 15 Aru tai laga mukh para dhar lalwar ulai kena jai thakise, eitu para desh khan ke mari dibo, aru saguli rukha manu para tai laga bhera khan ke lathi para mara nisina tai khan ke bhi eneka koribo. Tai angur laga ros uporte chipai diya nisina nohan Isor laga khong bhi tai khan uporte ahibo.
\v 16 Tai laga kapur aru tai laga te tai laga nam likhi kena ahse: "Raja laga raja aru Probhu laga Probhu."
\v 17 Tetiya moi ekta sworgadut ke sun te khara hoi thaka dekhise. Tai jor awaz para matise, kiman chiriya akash te uri thakise tai khan koise, "Ahibi! Isor laga kha luwa kora din nimite sob eke logote jama kori lobi,
\v 18 Tumi khan raja laga mangso khabole nimite, gangor sahap khan laga mangso khabole nimite, aru takot thaka manu khan aga mangso ghora aru kun tai laga uporte bhoi ahse tai khan laga mangso khabole nimite, aru sob manu laga mangso, kuli kena berai thaka aru sewak khan laga, chutu aru dangor khan laga mangso khabole nimite."
\v 19 Tetiya moi janwar aru prithibi laga raja khan ke dekhise aru tai khan laga siphai khan ke tai khan ghora te bohi kena thaka uporte aru tai laga siphai khan logote larai koribole nimite jama kori thakise.
\v 20 Titiya janwar ke dhori losise, aru tai logote kiman misa kuwa prophets kun tai usorte chinah khan dekhayai thakise, eneka kori kena tai bisi ke thokai dise kun janwar laga chin loise aru kun murti ke puja korise. Duijon ke jinda para juli thaka juie te phelai dise kun tu ketiya bhi khotom nahoi.
\v 21 Aru kiman manu bachi kena thakise tai khan sob talwar para morai dise kun ghora te bohi thakise, kun tu tai laga mukh para ulaise aru pura chiriya tai khan laga mangso para bhorta hoi jaise.
\c 20
\p
\v 1 Tetiya moi ekta sworgadut sworgo para ahi thaka dekhise. Tai logote mati niche laga chabi thakise, aru tai laga hath te dangor chabi thakise.
\v 2 Tai dragon ke dhori loise, pohila para thaka saph ke, kun tu devil, aru Satan ahse, aru hazar sal tak tai bhandi loise.
\v 3 Tetiya tai ke mati nechete phalai dise, aru bon kori kena tai uporte chin mari dise, aru eitu para tai uporte chin mari dise, aru eitu para tai hazra sal khotom nahuwa tak aeu desh khan ke thokai nedibole nimite. Eitu pichete, tai ke olop homoi nimite chari dibo.
\v 4 Tetiya moi sinhsan khan dekhise. Tate tai khan bohise- sob atma khan kun laga matha khan Jisu laga gawahi aru kotha nimite kati dese, aru kun manu janwar aru tai laga murti ke puja kuranai aru matha aghate aru hath te tai laga chin luwanai- tai khan ke bichar korise tai khan jinda hoise, aru Krista logote hazar sal tak rak korise.
\v 5 (Aru dusra khan jimda huwanai aru jibon panai jetiya tak hazar sal tu pura huwanai) eitu pohila resurrection ahse.
\v 6 Eitu manu ahsirbad aru pobitro ahse kun poila resurrection te bhag ahse! Eitu te dusra bar mora laga eku takot nai, kintu tai khan Isor aru Krista laga purohit hobo, aru Tai logote hazar sal raj koribo.
\v 7 Kintu jetiya sal pura hoi jabo, Satan ke tai laga para chari debo.
\v 8 Aru Tai prithibi laga charta kunar laga desh te jai kena bisi manu khan ke thokai dibo- manu khan aru tai khan laga jaga te- aru tai khan ke larai koribole nimite jama koribo. Aru tai khan balu aru samundar nisina bisi manu thakibo.
\v 9 Tai khan prithibi laga dangor aru plain jaga te jabo aru dharmic manu aru tai khan laga morom city ke ghari lobo. Kintu sworgo para juie ahi kena tai khan ke khotom kori dibo.
\v 10 Tetiya Satan hai, kun tai khan ke thokai dise, juie laga nodi te phelai dise, kun jaga te janwar aru tai laga misa bhwawadi khan ahse, tai khan ke din aru rati hodai nimite duk dibo.
\v 11 Tetiya moi dangor boga sinhasan dekhise aru tate bhoi thaka ekjon, Tai laga usor para prithibi aru sworgo poila jai, kintu tai khan nimite kotebhi jaga panai.
\v 12 Aru tetiya moi mora dekhise- sob chutu aru dangor- sinhasan usorte khara kori thakise, aru kitab khan khuli jaise. Tetiya aru dusra kitab ekta khulise, kun tu jibon laga kitab ahse. Mora khan ke kitab te ki likha ahse eitu para bichar korise, tai khan laga kam hisabte.
\v 13 Samundar bithorte mori kena thaka khan bhi uthise. Mora aru beya atma khan majote mori kena thaka khan bhi uthise, aru sob manu khan ke tai khan laga kam hisab te bichar korise,
\v 14 Tetiya mora aru beya atma khan ke juie laga nodi te phelai dise. Eitu dusra bar mora ahse- juie laga nodi.
\v 15 Kun laga nam jibon laga kitab te likha nai, tai ke juie laga nodi te phelai dise.
\c 21
\p
\v 1 Tetiya moi nutun sworgo aru nutun prithibi dekhise, pohila prithibi aru pohila sworgo tu harai jaise, aru samundar khan sathaka hoi jaise.
\v 2 Aru moi pobitro city dekhise, nutun Jerusalem Isor laga sworgo para ahi thakise, ekta shadi kora maiki tai laga mota ke tayari kori kena lok pabole aha nisina.
\v 3 Aru tetiya moi dangor awaz sinhasan para koi thaka hunise, "Sabi! Isor laga ghor manu khan logote ahse, aru Teo tai khan logote thakibo. Tai khan Teo laga manu hobo, aru Isor Tai nizor bhi tai khan logote thakibo.
\v 4 Teo tai khan laga suku para kandi thaka musi dibo, aru tate mora nathikibo, aru tate mora nathakibo, aru mon duk nokoribo, nakandibo, nibikhabo. Eitu khan aru ketiya bhi nahobo kelemane pohila laga sob tu harai jabo.
\v 5 Tetiya ekjon kun senhasan te bohi thakise Tai koise, "Sabi! Moi sob tu notun kori dise." Tai moike koise, "Eitu likhibi kelemane eitu koyha khan sob hossa aru bisa kora ahse."
\v 6 Tai aru bhi moike koise, "Eitu sob kam pura hoise! Moi alpha aru omaga ahse, suru aru khotom. Kun manu piyas lagi ahse moi tai ke eku dam noloi kena sapha jibon laga pani dibo.
\v 7 Kun manu sob jiti lobo tai eitu sob pai jabo moi laga Isor hobo, aru tai moi laga bacha hobo.
\v 8 Kintu chalak kora khan, bisas nathaka khan aru mon beya khan, manu ke morai deya khan, beya kam kori thaka manu jadu montar kora manu, murti puja kora manu, misa koi thaka khan, tai khan laga jaga jui para hodai juli thaka nodi te hobo. Eitu dusra bar mora ahse."
\v 9 Tetiya sathta majote ekjon sworgadut moi usorte ahise, eitu ekjon kun logote sathta bati te last plague para bhorta kori kena dhori thakise, aru tai moi logote kotha korise, aru koise, "Yate ahibi. Moi tumi ke shadi kora maiki ke dekhai dibo, Memna laga maiki."
\v 10 Tetiya tai moi uthai kena atma para dangor aru ucha pahar te loi jaise aru moi ke pobitro Jerusalem city Isor laga sworgo para ahi thaka dekhise.
\v 11 Isor laga mohima tate thakise, aru eitu laga sundur bisi bhal thakise, ekta dam aru sapha sundur pathor nisina.
\v 12 Aru tate dangor, ucha wall aru barota gate thakise, aru barota sworgadut gate te thakise. Gate te nam khan lilhi kena thakise, aru eitu nam khan Israel laga barota chokara laga jat laga nam thakise.
\v 13 East te tinta gate thakise, aru north te tinta gate thakise, south te tinta gate, aru west te tinta gate.
\v 14 Aru city laga wall te barota majbut foundation thakise, aru eitu khan te Memna laga barota apostle khan laga nam thakise.
\v 15 Kun para moi logote kotha korise tai logote nad luwa laga rod suna para bona laga thakise aru eitu para city,aru tai laga gate, aru wall khan nab koribole nimite.
\v 16 Eitu city laga jaga bisi dangor thakise; tai laga lamba aru jora eke thakise. Tai nab kora laga rod para nab korise. Baro hazar laga size te dangor thakise (Lamb, dangor, aru ucha sob eke thakise.)
\v 17 Tai wall khan bhi nab loise, 144 manu laga nab hisab te thakise (aru eitu sworgadut khan laga nab te thakise)
\v 18 Eitu laga wall khan dam laga pathor para bonaise aru city ahsli suna laga thakise, saoha suna nisina.
\v 19 Aru eitu city laga wall khan bisi sundur aru sob kisim laga dam pathor para bonai kena rakhise, dusra sapphire laga thakise, tisra agate, aru fourth emerald laga thakise,
\v 20 Fourth onyx, sixth tu carnelin, seventh tu hoile chrysolite laga thakise, eight tu hoile beryl, ninth tu topaz, tenth tu hoile chrysoprase, eleventh tu hoile jacinth aru twelfth tu hoile amethyst.
\v 21 Aru barota dorja tu hoile barota moti laga thakise, ekta dorja khan ekta moti para bonai kena thakise. City laga rasta khan ahsli suna laga thakise, ekdom sapha suna nisina.
\v 22 Aru moi eitu city te ekta bhi temple dekha nai, kelemane mohan Probhu Isor aru Memna hai tate laga temple ahse.
\v 23 Eitu city te sun aru moon laga ujala eku dorkar thaka nai. Kelemane isor laga mohima tate ujala deyai, aru Memna hai lamp ahse.
\v 24 Aru desh khan eitu city laga ujala te berabo, aru prithibi laga raja khan sob mohima tate hai nai kena dibo.
\v 25 Aru tate gate khan din te ketiya bhi bon nohobo, tate aru rati ketiya bhi nathakibo.
\v 26 Tai khan sob desh laga adhar aru mohima tate hai anibo,
\v 27 Kintu eku letera saman tate jabole naparibo, aru kun manu chalak aru beya kam korise tate jabo naparibo, kintu khali kun laga nam Memna laga jibon lga kitab te likhi kena ahse tai hai tate jabole paribo.
\c 22
\p
\v 1 Tetiya sworgadut para moike jibon laga pani dekhai dise, sisa nisina sapha. Aru eitu Isor laga sinhasan aru Memna laga sinhasan para giri thakise.
\v 2 City laga rasta majote para aru nodi laga duita kunar te jibon laga ghas thakise, aru eitu ghas te barota alak-alak phol ulai thakise. Aru ghas laga pata khan desh ke changai koribole lagai kena thakise.
\v 3 Aru tate eku beya pap khan nai. Tate Isor aru Memna laga sinhasan eitu city te thakibo, aru tai laga sewak khan tai ke sewa koribo.
\v 4 Tai khan Teo laga chehera dekhibo, aru Teo laga nam tai khan laga matha aghe te likhibo.
\v 5 Tate aru rati ketiya bhi nohobo, aru tai khan lamp laga ujala aru sun laga puhor nalagibo kelemane Isor hai tai khan ke ujala dibo, aru tai khan Isor logote hodai aru hodai nimite raj koribo.
\v 6 Tetiya sworgadut para moike koise, "Eitu sob kotha khan hosa aru bisas koribole laga ahse. Eitu Probhu atma khn aru bhawadi laga Isor, Teo laga sworgadut ke tai laga sewak usorte pothai dise aru dekhai dise kitu joldi hobole ahse."
\v 7 Sabi! Moi joldi ahi ahse! Asirbad ahse eitu manu kun eitu kitab laga prophesy aru kotha mani kena thake."
\v 8 Moi, John eitu sob kotha dekhise aru ki hobole ahse eitu sob maoi hunise. Jetiya moi eitu hunise aru dekhise, Moi nichete aradhana koriobole nimite girise eitu sworgodut usorte kun hai moike eitu sob tu dekhai thakise.
\v 9 Kintu Tai moike koise, "Tumi eneka nokoribi! Moi bhi tumi nisina ekta sewak ahse, tumi laga bhai prophet khan nisina aru tai khan kun eitu kitab laga kotha mani thake. Isor ke mohima dibi!"
\v 10 Tetiya Tai moike ke koise, "Eitu kitab laga prophesy aru kotha bon kori nidibi, kelemane homoi tu usorte ahi ahse.
\v 11 Kun manu beya para thaki ahse, tai ke eneka hai beya para thakibole dibo. Kun manu mon letera kori kena thaki ahse, tai ke eneka hai thakibole dibi. Kun manu bhal para thaki ahse, tai aru bhi bisi bhal para thakibi. Aru kum manu pobitro hoi kena ahse, tai aru bhi bisi pobitro hoi kena thakibi."
\v 12 Sabi! Moi joldi ahi ahse, aru moi laga enam moi laga hath te ahse, kun ki kam korise eitu hisab te dibole nimite.
\v 13 Moi hai alpha aru omega ahse, pohila aru last bhi moi hai ahse, suru aru khotom bhi moi ahse.
\v 14 Asirbad ahse kun tai laga kapur dhulai kena raki ahse eitu para tai khan moi logote jibon laga ghas khabole paribo aru eitu city te dorja para ghusibole paribo
\v 15 Bahar te kuta khan ahse, jadu kora manu khan, beya kam kora khan, manu morai deya khan, murti puja kora manu, aru sobmanu kun misa tu mani kena morom kori kena thake.
\v 16 Moi, Jisu moi laga sworgadut khan ke eitu kotha khan kobole nimite aru gawahi dibole nimite girja khan te pothai dise. Moi jor ahse aru David laga khandan, ujala morning laga tara."
\v 17 Atma aru shadi koribole thaka para koi, "Ahibi!" Eitu nimite kun huni ahse kobi, "Ahibi!" Kun piyas lagi ahse, tai ke ahibole dibi kun echa kori ahse, tai khusi para eitu jibon laga pani lobole dibi.
\v 18 Moi eitu kitab laga prophesy sob manu kun eitu kotha hunibo tai khan ke gawahi di ahse: Jodi kunba eitu kotha te aru bisi koyha dhale, isor hai tai uporte sob duk khan dhali dibo kun tu eitu kitab te likhi kena ahse.
\v 19 Aru jodi kunba prophesy laga kitab te ki likhi kena ahse eitu hatai deyai, Isor hai jibon laga ghas para tai laga bhag aru eitu pobitrio city para loi lobo kun tu eitu kitab te likhi kena ashe.
\v 20 Kun manu eitu sob kotha laga gawahi dibo kobi, "Hoi! Moi joldi hi ahse. "Amen! Ahibi, Probhu Jisu!
\v 21 Probhu Jisu laga anugrah Tai laga dharmic manu khan logote thakibole dibi. Amen.