BCS-BIBLE_IndianStandardVersion-Nagamese-NT/Stage 1/57TITIRVNag.SFM

\id TIT - Indian Revised Version (IRV) Nagamese
\c 1
\p
\v 1 Paul Isor laga ekjon sevak Jisu krista laga shala,aru bisas pora Isor bassi loua hosa gyan thaka manu ase,
\v 2 Probhu ketia bhi missa nokoi Isor logote ananto jibon ase suru pora asha rakhi dise.
\v 3 kintu thik somoe te Teu Nijor kotha Pora ami khan ke dekhai dise, Teu he amar Udhar Korta Isor laga niom pora smoike dise
\v 4 Titus Ekjon ami khan laga bisas te thaka asol lora Pitri Isor amar Udhar Korta Prabhu Jisu Khrista te anughara aru santi hoi thakibo
\v 5 Moi eitu karone apuni ke Crete te chari jaise,manuh khan ke thik koribole,sobnogor te bura khan ke girja laga solawta kori rakhi dibole pothaise.
\v 6 Aru solawta khan to golti nathaka hobo lage,aru ekta maiki laga mota,aru bacha khan bhi adat beya aru kotha namana eneka nohobo lage.
\v 7 kelemane girja laga solawta Isor laga ghor sua karone nirdos hobo lage,tar nijor khusi te jai thaka,aru joldi khong kora, aru misha kotha,aru jhagara kora, aru lalchi nohobo lage,
\v 8 kintu tai to,bhalkam kori thaka,dhorjo aru ,sidha mon,pobitro,nije ke rukhabo para hobo lage.
\v 9 Tai hosa biswas kotha ke thik dhori thaka, aru manu ke Iswar laga kothatu bhal para bujhai debo para, kotha namania khan ke thik rastadekhabo para dekhabo para hobo lage
\v 10 karone bisi manu khan, missa koi thogi thaka, aru heitu khan sunnot kora khan ke ase
\v 11 Heitu khan laga mukh bondho kori debo lage,heitu khan he sorom laga kamai pabo bhabi kena ji nuhua kotha koi aru sikhai kena ghor ghor ke nimila kore thake.
\v 12 Taikhan te ekjon prophets asele koi rekhise,Cretans manu to sabdin missa koi thaka aru satan laga janwar aru alsi khakua ase
\v 13 Eitu gawahi hossa ase,karone taikhan ke kara pora koi thakibi je taikhan biswas te thik thakibole
\v 14 Aru taikhan ke yahudi laga khota khissa aru hossa ke namine kene ghuri joa khan laga pichhe jabo nidibe
\v 15 Sapha khan nimitte hole sob bostu sapha ase,kintu sapha-nathaka aru biswas nokora khan nimite hole eku be sapha nohoi,taikhan laga dimak aru bhabona te bhi sob letra ase.
\v 16 Taikhan Isor ke jane koi,kintu kaam te hole Taike nohobo koi kelemane ,taikhan kotha nahuna aru namana aru bhal kam karone thik nohoi .
\c 2
\p
\v 1 Kintu apuni, ki kotha koi itu tu biswas laga kotha hobo lage.
\v 2 Bura manu ke gusa na-uthi kena, biswas morom namro para thakibole sikhai dibi.
\v 3 Buri maki khan Isor ke kenika mani thakibo, golti nathaka aru modu nakhai kene aru ke tu bhal ase heitu sikhabo aru Isor ke sanman kuribo.
\v 4 Eitu nishena jawan maki ke tai laga mota aru bacha ke keneka morom kuribo eitu sikhai dibi,
\v 5 Aru nijor mota laga kotha mani thakibo, sapa hoi nijor ghor kam te bhal thaka ,tenehloe Isor kotha hinsa nohobo.
\v 6 Aru eitu nishina jawan manu ke bhal kam kuribole samjai debe.
\v 7 Apuni laga sob kam te bhal he dikhai dibi. Aru apuni ki sikhai ase eitu hosa aru safa para kua kotha hobo lage.
\v 8 Ke hosa kotha ase juntu beya kobo napare, kun khan upnar ke digdar dia taikhan sorom hobo, karone amikhan ke eku bhi beya kobo na paribo.
\v 9 Sob kam te malik laga kotha nomro aru khushi para mani thakibole sikhai debe,
\v 10 Nizor malik laga eku chor nokoribi aru sab bhal kam tu biswas para dikhai dibole nimetey shikai dibi,eneka korile Isor usorte apuni mahima pabo
\v 11 Kelemane Isor pora aha anughara to sob manu laga poritran nimite ase.
\v 12 Eitu amikhan ke sekhai sae, ji bia ase eitu nakuribe, duniya manu para ke icha kore eitu na bhabibe, junto hodai bhal thakibo eitu he kuribe.
\v 13 kele koile amikhan eitu asis laga din nimite rukhiase jitia sob para dangor Isor aru Prabhu Jisu Khrista pura takot loikene ahibo.
\v 14 Jisu Tai nijor jan amikhan nimitte di dise aru nyom banai kene thaka sob para bachai lobole ,probitro kori kene nijor nimitte eneka ekta jati bonai dibole .
\v 15 Eitu kotha kobi aru manu sob ke sikhai dibi Isor laga takot para. Eneka hoile manu apuni ke sorom nakhelabo.
\b
\c 3
\p
\v 1 Tai khan ke janai dibi solawta aru dangor khan laga niche thakibi,taikhan laga kotha manibi,aru hodai bhal kam nimitte taiyar thakibi,
\v 2 Kun kebi bodnam nakoribi aru jhagra kuribole mon nohobi aru sob logote nomro thakibi aru bhal manu hoikene dikhai dibi.
\v 3 Kele-koile amikhan bi ekta somoi te chinta bhabana aru khota namania thakise. aru thokai kena nejor laga bhabana te, bia kori kena ekjun-ekjun ke ghin kori thaki sele
\v 4 Hoile bi jetia amikhan Udhar-Korta Isor laga morom manu upor te dikhai dise
\v 5 Etu moikhan laga kam aru dhormikota para nohoi, tai laga morom para bachai dise Pobitro Aatma pora notun bonai dia he ase
\v 6 Tai amar Udhar-Korta jisu Khrista karone Pobitro Aatma amikhan ke bhorta haali dise
\v 7 Heitu to Tai anugrah karone amikhan ke dhormik bonai kene anondho jeevan laga asha te Tai waris bonai dibo karone
\v 8 Eitu kotha tu biswas koribo laga ase, aru Isor ke biswas kora khan nimitte,taikhan para bhal kaam te mon di kene kori thakile moi bhal paabo,eitu khota tu sob karne bhal ase .
\v 9 kintu misa-mishi khota koi thaka tu charidibi,aru khandan khan ,aru jhagra kora, aru niyom namana khan kile koile eitu khan eku labh nai.
\v 10 kunuba kotha namania manu ke ekbar-duibar samjhai kene alag koridibi,
\v 11 Eitu jani kene kun manu bhaal raasta para chari kene aru paap kori thake, aru nijake golti kori thake.
\v 12 Moi kitiya Artemas nohoile Tychicus ke tumar logote pathabo, joldi Nicopolis te ahibi,kilemane moi tate thanda din te thakibole bhabna kori loishe .
\v 13 Para tok Zenas ukil aru Apollos ke pathai dibi, kilemane tai khan eku bhi komti nohobo.
\v 14 Aru ami laga manu khan bhi bhaal kaam koribole hikibo lage aru ki dorkar ase, aru eku komti nohobo.
\v 15 Ami logote thaka sob ke salam janai ase. Salam di ase kun manu khan biswas para moikhan ke morom kori ase. Anugrah tu apuni khan ke sob logote thakibo dibi.