BCS-BIBLE_IndianStandardVersion-Nagamese-NT/Stage 1/551TIIRVNag.SFM

\id 1TI - Indian Revised Version (IRV) Nagamese
\c 1
\p
\v 1 Paul, Khrista Jisu laga ekjon apostle Iswor laga hukum para aru Jisu Khrist amikhan laga asha,
\v 2 Timothy ke, biswas laga hosa chokara; Kirpa, daya, aru santi baba Isor aru Jisu Khrista amikhan laga asha Prabhu parahe paise. \s5
\p
\v 3 Moi Macedonia-te jabole homoi te moi tumake ji koribole koisile etia be moi koi ase tumi Ephesus te thaki kena manu khan ke hukum debi taikhan dusra kotha nehikabo
\v 4 Nohoilebhi taikhan dusara laga kahanikhan aru khotom nahua khandan laga kahani khanke mon nadibi, juntu kotha khan para jhagar-he ulai aru ulta etukhan kotha para Isor oporte biswastu komjur hoijai. \s5
\v 5 Etia hukum dia laga asol kotha tu ase sapha mon para morom, ekta bhal bhabona, aru emandari biswas.
\v 6 Juntu pora kunba ulaikena misa-misi kotha phale ghuri jaise.
\v 7 Taikhan laga niom laga teacher hobole mon jai, nabuji kena taikhan ki koiase, najane taikhan ki kuri ase.
\v 8 Kintu amikhan jane ki Isor laga niom-tu bhal ase. \s5
\v 9 Amikhan eitu jani ase eitu niom ekta hosate thakia manu nimite banai dia nohoi, hoilebi, eitu niom nathakia aru kotha namana eitu nimite, Isor ke namana nimite, aru papi khan nimite moila, letera nimite baba khan aru ama khan morai dia aru manu khan nimite,
\v 10 Byabichari manu khan ke bikri kuridia, misa koa khan, Isor laga nam para misa-misi kosom kora manu.
\v 11 Eitu sob kam Isor para moike dia tu asis aru mahima laga susamachar ase. Aru eitu sob kotha , Iswar laga nam gaurav ,prosonsa houk suchamasar ba teneka kiba kotha thakile heitu khan jani kena niom solile eituhe bhal ase \s5
\p
\v 12 Moi Jisu Khrista amikhan laga prabhuke dhoniabad dise, Amike tagot dia karone, tai moike biswas aru Tai laga kaam karone moike mati loise.
\v 13 Pohilate, moi ekta Isorke bodnam kuria, aru ekta dikdar dia aru gusa huwa manu, kintu ami morom paise kelekoile moi etu najanikena biswas nathakia pora kurise.
\v 14 Kintu amikhan laga prabhu laga morom bisi dangor ase, biswas aru morom logote juntu khrista Jisu te ase. \s5
\v 15 Eitu tu hosa aru manibo laga kotha ase, ki Jisu Khrista papikhan ke bachabole ahise aru moi eitu papikhan majote moi sob para bea ase(Maha papi).
\v 16 Kintu eitu karne moi morom paise, moi bhitorte, Jisu Khrista dikhabole paribo sob dukh-digdar taikhanke bujabole nimite Jisu eitia pora biswas koribo taike ketiabi khotom nahua jibon tak.(Ananta jibon)
\v 17 Etia etu hodai thaka raja ketiabi namoria dikhibole napa ekta Isor sonman aru raja laga takot hobi aru hodai aru hodai nimite. Amen \s5
\p
\v 18 Apunike hukum di ase, Timothy, moilaga bacha, utu prophecy khan hisabte juntu apuni nimite dise, tetia apuni etu khan para ekta biswas laga larai koribole paribo,
\v 19 biswaske dhurikena aru ekta bhal bhabana hoikena koribi, juntu kunuba manukhan charidise aru taikhan laga biswastu panite dubai dise.
\v 20 Eitukhan tu Hymenaeus aru Alexander ase, junkhan ke moi satan laga haat te di-dise tetia tai khan hikibo Isor nam-te gulti nokoribole. \s5
\c 2
\p Prothomote, Eitu nimite ami tumi khan ke binti koriase je sob manu khan nimite Ami khanIswar logote parthona kori ase
\v 2 Raja khan nimite aru sob solauta khan nimite, tetia amikhan ekta shanti aru bhal jibon cholabole paribo sob bhal aru hosa para.
\v 3 Ami khan ke bachilua Iswar usorte eitu ekta mani lua aru bhal kotha ase
\v 4 Isware sob manu khan ke bachaboloi, aru hosa gyan diboloi icha kore \s5
\v 5 Kelekoile tate ekjon Isor ase, aru Iswar aru manu majete ekjon ase aruTeu Jisu khisto
\v 6 Tai sob manu khan nimite thik time te nijor jibon tu di dise Ekta testimony nimite
\v 7Iaswaor aru manukhan majote Etu nimite, moike ekta hikai dia aru ekta appostle kobole bachi loise. Moi hosa koise aru misa kua nai, aru gentile khan laga ekta teacher, biswas aru hosa te. \s5
\p
\v 8 Eitu nimite,Moi ischa kore !manukhan sob jaga te , probitro haat uthaikena gussa, aru jhagra nokorikena parthona koribo lage.
\v 9 Thik eitu nisena, ami bisare maikikhan bhal para kapor lagabo lage, sundor aru nomro hobo lage. Taikhan chuli bhal para rakhibo lage aru suna, aru moti, nohoilebi dami kapur khan dikha bole nalage,
\v 10 Holevi, Maiki manuh khan Iswar ke jana aru Tai khan laga bhal kam para, Iswar ke bhoi kori kena sola ,phira kore eituhe niom laga kotha ase . \s5
\v 11 maiki manuh !shanti,nomro aru,mon di kena shikibo lage
\v 12 kintu moi koi ase maiki manuh bilak Mota manuh khan nisete thaki kena seva koribo. \s5
\v 13 Kelemane Adam kehe Iswar pohila banaise pisete Eve ke.
\v 14 Adam para pap kora nai Eve he pohila pap korile.
\v 15 Hoilebi, Eve bacha jonom di kena roikha pabo biswas, morom,pobitro jibon bitai thakile aru niom mani thakile. \s5
\c 3
\b p
\v 1 Etu kotha tu hosa ase; Kunba solawta hobole mon thakile, tai ekta bhal kam kuribole mon hobo lage.
\v 2 Itu karne, ekta solawnta-tu galti nathaka hobo lage, tai ekta maiki laga mota hobo lage, hisab-te thaka manu, demak thaka, bhal adat, aru ghor-te aha manukhan logote bhal thaki bole, sikhai dibole para manu,
\v 3 modu bisi khabole adat nohobolage, jhagara nakura manu, kintu tai tu nomro, shanti thaka, poisa pichete naja manu. \s5
\v 4 Tai tu nijor ghor manu khan ke bhal para cholabo janibo lage, tai laga bachakhan kotha manibo lage, aru taike hodai respect koribo lage.
\v 5 Kilekoile ekta manu tai laga nijor ghor manukhan ke thik para cholabo najanile, kineka tai nijor laga Church sabole paribo? \s5
\v 6 Tai ekta noutun biswasi nohobo lage, tai phutani para vorta hobo nalage aru tai saitan laga ,rastate najabo lage.
\v 7 Tai samaj vitorte aru baharte vi ekjhon bhal nam thaka hobo lage etu hoile tai sorom nahobo aruS raitan laga jal-te nagiribo. \s5
\v 8 Thik teneka, Deacon khan, duita kotha kura hobo nalage, modhu kuwa manuh hobo-nalage, aru lalchi hobo nalage,
\v 9 tai khan mon sapha para hosa laga biswashi hobo lage.
\v 10 Tai khanke bhal para solibo lage, aru taikhan thik ase koile taikhan ke etu kam kuribo dibi. \s5
\v 11 Thik etu nisiena maiki khanbi mann thaka hobo lage, chukuli nakuribo lage, hisab-te thaka maiki, aru sobte biswashi hobo lage.
\v 12 Girja laga deacon khan ekta maiki laga mota hobo lage, bacha khanke aru ghor manukhan sob ke bhal para cholabo jani bo lage.
\v 13 Kelekoile ekta deacon jun laga kam thik para korise tai nijor nimite ekta bhal sonman thaka nam hobo aru biswate bisi mon dangor hobo juntu Jisu Khrista-te ase. \s5
\p
\v 14 Ami etukhan apunikhanke likhi ase, aru apnikhan logote joldi ahibole bhabi ase,
\v 15 hoilebi ami ahibole deri hoise koile, etu likha-khan para apni janibo Isor laga ghorte manukhan keneka niom manibo lage, juntu jinda Isor laga ghor ase, heitu \s5
\v 16 Eku ulta-bhabona nathakikena, Isor manu laga hosa tu dangor para dekhaise:
\q "Tai ke mangso-te dekhai dise,
\q aatma para bujai dise,
\q swargo-dut khan para dekhi se,
\q desh majote sob ke janai dise,
\q prithibi-te biswas korise,
\q aru mahima para uporte loi-jaise " \s5
\c 4
\p
\v 1 Etia aatma bhal para koidi ase olop pichete manukhan biswas para alak hoijabo, aru saitan khan laga niom khan sikhi jabo,
\v 2 aru misa kotha sikai dia ke biswas kuribo, taikhan laga njior bhabona ke jui para sukha nisena sukhai dibo. \s5
\v 3 Eneka manukhan sadi kura tu pap ase kobo aru kalua khan khali pap hobo hoilebi etu khalua khan sob Isor para banaise aru junkhan biswas kure aru hosa ke buje, taikhan etu khanke dhoniabad dikena khabo lage.
\v 4 Kilekoile ki saman Isor para bana-tu sob bhal ase, aru ji-tu amikhan Isor ke dhoniabad dikena lobo napare etu khan nalobo lage,
\v 5 kilekoile etukhan Isor laga kotha aru prathana para sapa kuri dise. \s5
\p
\v 6 Etu kotha khan bhai-kokai ke janibo dise koile apni Jisu Khrista laga ekta bhal kam kuri nokor hobo, apni etu biswas laga kothakhan ke aru bhal sikhikena apni jai thake.
\v 7 kintu juntu buri maikikhan dhunia laga kahanikhan bhal pai etu khani khan para dur thakibi. Kintu, nijeke Isor laga jibon-te tayari kuribi.
\v 8 Kilekoile nijor gau-ke mon dile olop-he laap hoi, kintu Isor laga jibon ke mon dile sob phale laap hoi, etutu etia laga aru ahibole thaka jibon te asis thakibo. \s5
\v 9 Etu koidia kotha khan biswas kuribo pare aru manibole nimite thik ase.
\v 10 Etu nimite , amikhan kambi kuri thake aru dukh bi paithake kilekoile amikhan zinda Isor oporte asha ase, junhe sob manu laga udhar-korta ase, asol-tu biswasi khan karne ase. \s5
\v 11 Etu khan koidibi aru sikhai dibi.
\v 12 Apni laga jawani-ke kun para bi niche kuribo nadibi, hoilebi taikhanke apni laga kotha para, kam para, morom para, biswas para, aru pobitro para dikhai dibi jun biswas kure.
\v 13 Jitia tak ami nahe, mon dikena scripture puri thaki bi, manukhan ke uthai dibi aru taikhan ke hikai dibi. \s5
\v 14 Juntu bardan apni bhitorte ase etu ke nacharibi, juntu bura manukhan apni oporte haat dikena prophecy koise.
\v 15 Etu khan puri thakibi; etu khan te bhorta thakibi, titia apni laga bhal kam laga lap sob manu dikhibole pabo.
\v 16 Nijeke hosiar rakhibi, aru hikai diakhan kebi. Etu khan sob kuri thakibi, kilekoile eneka kurise koile, apni nijor aru huna manukhan ke bachabole paribo. \s5
\c 5
\p
\v 1 Bura(umar besi) manuke gali nadibi, hoilebi nijor baba nisena kotha koribi; jawan maukhanke bhai-kokai nisena,
\v 2 buri(besiumar) maiki khanke nijor ama nisena, aru jawan maiki khanke nijor didi-bhoini nisena, pura sapa para bhabibi. \s5
\v 3 Mota nathaka maiki khanke sonman koribi.
\v 4 Kintu kunba mota nathakia maiki laga bacha nohoile bacha laga bacha ase koile, taikhanke pohila nijor ghorte bhal niom dikhabole karne sikhibo dibi, aru baba-amake wapas sabo, kilekoile etu Isor ke khusi kore. \s5
\v 5 Kintu tai jun para mota nathakia maiki ase aru sob charikena tailaga pura asha tu Isor logote rakhidie, aru din-rat binti,Aru hodai parthana kori thake.
\v 6 Kintu, jun tai nijor khusi te thake, tai zinda thakilebi mora-nisina ase. \s5
\v 7 Etu kotha khanbi taikhanke koi dibi, tetia taikhan laga galti nathakibo.
\v 8 Kintu jun manu nijor khandanke nasai aru asol koikena tai laga nijor ghor manuke, tai laga biswas tu harise, aru taitu dhorom namana khan parabi bea ase. \s5
\v 9 Jun mota nathakia maiki sixty saal para oporte ase, tai laga namhe likhibi, ekta mota laga maikihe hobo lage,
\v 10 tailaga bhal kam laga nam thakibo lage, tai bacha khanke palia-te, tai nachina manukhanke bhal para sai dise, tai Isor manu khan laga theng dhulai koile tai dukh-pa khan ke aram dise koile, bhal kam kuria etukhan sob manise koile. \s5
\v 11 Kintu jawan mota-nathakia-maiki khan laga nam nalikhibi, kilekoile jitia Khrista laga icha namanikena nijor laga icha koribole mon hoi jai, taikhan sadi koribole mon hoijai,
\v 12 eneka hoikena taikhan age laga kotha charikena galti te thaki jai.
\v 13 Kintu etu somoi te taikhan ekta ghor para-ekta ghorte jaikena alsi hobole sikhi jai. Etu ekla nohoikena, taikhan khali alsi nohoi, hoilebi misa-misi kotha kra aru bisi kam kora nisena dekhai, nakobole laga kotha khan koi thake. \s5
\v 14 Etu nimite moi jawan mota nathakia maki khanke sadi kuri lobi koi ase, bacha khan bukhi lobi, taikhan laga ghor manuke sabi, aru dusman khanke amikhan laga bia kobole somoi nadibi.
\v 15 Kelekoile kunba khan poilapara saitan phane girise.
\v 16 Kunba maiki taikhan ghorte mota-nathakia maiki ase koile taikhanke modot koribi. Etu kamte girja oporte nadibi, eneka hoile taikhan asol mota-nathkia maiki khanke sai lobo. \s5
\p
\v 17 Utu solawta jun cholai ase tai khanke bisi sonman kuribi, asol kuri kena junkhan Isor kotha te ase aru sikhai thake.
\v 18 Kilekoile pobitro kitab-te koiase, "apunikhan goru laga mukh bon nokuribi jetia tai dhan oporte morona marikena berai" aru "kamkura khanke dukh laga enam pabo lage." \s5
\v 19 Duijon nohoile tinjon gawahi nathakile dangor manukhan oporte bia kam laga galti nadibi.
\v 20 Jun manu pap kuriase, taike sop manu laga osorte galti hunaidibi titia dusar khan bi bhoi lagibo. \s5
\v 21 Ami hukum diase Isor aru Khrista Jisu chuni lua sworgo duth agete, apnikhanke juntu kotha koi dise apnikhan eki logote mani bi aru alak-alak namanibi.
\v 22 Kunkebi joldi haat nauthabi. Taikhan laga pap logote nughusibisibi, nijorke pobitro rakhibi. \s5
\v 23 Khali pani ekla khai nathakibi, hoilebi angur-ros bi olop khabi apnilaga pet karone kitiaba bimar hoithakia karne.
\v 24 Kunba laga paptu khula khuli dikhi jai, bichar din naha agete. Kintu kunba laga paptu pichete ulai jai.
\v 25 Etu nisena bhal kamtu khula para dekhi jai, jun manu bia kamte ase lukabo naparibo. \s5
\c 6
\p
\v 1 Junkhan nokor ase nijor malikke sonman kuribi tinehoile kunbi Isor laga namke aru amikhanke ki hikaise etu khan bia nokobo.
\v 2 Kintu nokorkhan malik logote dukh thaka para bia pabo nalage kilekoile taikhanbe bhai-kokaiase. Kintu taikhanke arubi bhal para seva kuribo lage, kilekoile juntu malik ke seva kure etu malik bi biswasi aru Isor morom ase. \s5
\p
\v 3 Jun manu ulta hikai ase koile aru amikhan laga prabhu Jisu Khrista laga kotha aru Ior laga kotha hikai dia nimite manjur nohoi,
\v 4 taitu phutani aru ekubi najane kintu misa-misi kotha loikena jhagara kuribole bisi mon hoi. Etu khan para sukhu julia, jhagara, hinsa kura, bia-bhabona khan ulai,
\v 5 aru bia bhabana hoikena taikhan majote monjur nathaka kure. Taikhan logote hosatu nai, aru Isor laga sevate dhun hoi. \s5
\v 6 Kintu Isor logote khusi hoikena thakile etuhe lab ase.
\v 7 Kilekoile amikhan ekubi ananai, aru etu prithibi te eku loijabo naparibo.
\v 8 Kintu khalua, aru kapur thakile, etu para amikhan khusi thakibo. \s5
\v 9 Etia jun manu dhoni hoble mon jai taikhan porikhat-te girijai, aru jaal te, aru sob okora jokhom laga lalchite, aru juntu bia kamte manukhan ke bia aru khotom kuride.
\v 10 Kilekoile poisa laga morom tu sob bia laga bhijon ase, etu nimite kunba manu khan etu te bisi icha hoikena biswas para dur hoijai aru bisi dukh khan nijorke jokhom kurise. \s5
\p
\v 11 Kintu apnikhan, Isor laga manu, etu khan para dur thakibi. Etu para tu, dharmicta, Isor te biswas thaka, morom, rukhibole para, aru norom thaka etu sob laga piche jabi.
\v 12 Biswas laga bhal larai-ke laribi. Kitiabi khotom nahobole laga jibon ke dhurikena thakibi, etu nimite apnike matise aru bisi manu laga agete apnike bhal biswasi ase koikena apni janai dise. \s5
\v 13 Isor agete moi apnike koi ase, jun sobke jibon-de, aru Khrista Jisu laga agete jun Pontius Pilate agete bhal para janaidise.
\v 14 Etu hukumkhan dagi aru badnam nohoikena manibi jitia taka amikhan laga Prabhu Jisu Khrista naha tak. \s5
\v 15 Isor-he Khrista ke thik somoite dikhai dibo, jun asis aru ekta-he raja khan laga raja aru prabhukhan laga Prabhu.
\v 16 Khali tai logote-he khotom nahua laga jibon ase. Aru kunbi sabo napara ujala-te thake. Kun manubi taike dikhanai aru kunbe taike sabo naparibo. Tai logote sonman aru khotom nahua hokti thakibi. Amen. \s5
\p
\v 17 Taikhanke koi dibi jun manu etia laga zamanate dhoni ase, taikhan ke phutani nakuribole, kintu taikhan laga pura mon etu harai jabole laga dhunte asha nadikena Isorke dibole, jun amikhanke sob khusi kuribole dithake.
\v 18 Taikhanke koi dibi, bhal kam kurate dhoni hobi, mon khulikena dibole aru sob logote bhak kuribole,
\v 19 Eneka kurile ekdom bhal para piche nimite dhun zama kuribole paribo, aru taikhan eneka ekta jibon pabo, juntu hosa laga jibon ase. \s5
\p
\v 20 Timothy, apnike ki jimedarri dise, etu bhal para bachai kena rakhibi, dusara dhorom para dur thakibi, misa-misi kotha khan napatibi, aru misa laga gyan khan para dur thakibi.
\v 21 Kunba manukhan nijor ke bisi jane koi, etu nimite taikhan laga biswastu nai. Morom laga daya apnikhan oporte thakibi.