BCS-BIBLE_IndianStandardVersion-Nagamese-NT/Stage 1/542THIRVNag.SFM

\id 2TH - Indian Revised Version (IRV) Nagamese
\c 1
\p
\v 1 Paul, aru Silvanus aru Timothy, Thessalonians laga girjake juntu Isor baba aru Prabhu Jisu Khrista.
\v 2 Asis aru shanti apnikhan oporte thakibi Isor baba aru Prabhu Jisu Khrista para. \s5
\p
\v 3 Amikhan hodai apnikhan nimite Isor-ke dhonyabad dibo lage, bhai-kokaikhan. Etu thik ase, kilekoile apnikhan laga biswas bisi uthai ase, aru apnikhan sob ekjon ekjon nimite morom thakatu bisi hoi ase.
\v 4 Etu nimite amikhan nijor pura mon khusi para apnikhan laga kotha Isor laga girja-khanke koi. Apnikhanke dukh dia somoite kinika apnikhan rukhibole aru biswas-te thakibo para laga kothakhan koi. Apnikhan digdarkhan lobo paratu amikhan koi thake.
\v 5 Etu Isor laga dharmik bisaria karone saboot ase, kilekoile Isor para tai laga des karone apnike chuni loise, juntu nimite apnikhan bi dukh pai ase. \s5
\v 6 Kilemane, Isor logote itu thik ase, taikhanke dikdar dibole junkhan apnikhanke dikdar diase,
\v 7 aru apnikhan junkhan dikdar-te ase amikhan logote aram kuribi. Jitia Prabhu Jisu tai laga takot sworgoduth logote akas-te ahibo, titia etu somoite amikhan etu koribo.
\v 8 Jui-julia somoite junkhan Isor-ke najane aru prabhu jisu laga kotha khan namane taikhan oporte Isor laga sajai ahibo. \s5
\v 9 Taikhanke hodai nimite khotom (nohua) laga sajai dibo, Isor laga osor aru tailaga asis laga tagot para.
\v 10 Tai etukhan koribo, jitia tai aha homoite tailaga pobitro manukhan para tailaga nam-tu uncha kuridibo aru tailaga biswasi manukhan saikena asorit hobo utu dinte. Kilekoile amikhan laga kotha apnikhan majot biswas kurise. \s5
\v 11 Etu nimite amikhan hodai apnikhan karone prathana kuri thake titia amikhan laga Isor apnikhanke bhal ase koikena apnikhanke chunibo. Amikhan etuhe prathana kure je apnikhan laga bhal kam laga sob icha kuribole aru biswas laga kamkhan pura shakti para hobe.
\v 12 Amikhan etuhe prathana kore amikhan laga Prabhu Jisu laga nam apnikhan para uncha kuribo aru tai parabi apnikhan laga nam uncha kuribo, kilekoile amikhan laga Isor aru prabhu Jisu Khrista laga morom-asis-te. \s5
\c 2
\p
\v 1 Bhai-kokaikhan etia prabhu Jisu aru ahibole kotha janai dibole mon ase, amikhan taike lok kuribole jama kora nisena,
\v 2 Prabhu din ahise koikena apnikhan mon ulta polta nabhabibi, aru mon dukh nohoile manu laga kotha para nohoile aatma laga kotha nohoile chithi nimite apnikhan laga mon dukh nakuribi. \s5
\v 3 Kunkebi etu kotha para apnikhanke tokhabo nadibi, kilekoile utu din nahibo jitia tak sob girja khan laga din nahe, aru manukhan laga paap dikhai nadia tak.
\v 4 Etu tai ase jun dusara ke bia koi thake aru manukhan junke Isor koikena mane tai etu manukhan laga Isor prabhi nijeke uthai. \s5
\v 5 Apnikhan monte nai-naki, jitia ami apnikhan thakia somoite etu kotha khan koi dise nohoi?.
\v 6 Tai para thik somoite etu dikhai dibo nimite ki para taike rukhai ase apnikhan jani ase.
\v 7 Kilekoile bujibo naparalaga bia-kamkhan age para suru hoise, khali tate ekjon ase junhe taike etia rukhaikena ase jitia tak taike rasta para ulai nade. \s5
\v 8 Titia bia kam kurakhanke dikhai dibo, junke Prabhu Jisu para tai khanke tailaga sas para mori dibo aru prabhu laga asorit aha din para taike khotom kuridibo,
\v 9 Etu bia kamkhan aha-tu sob saitan laga bia kam khan ase, tai para kisim-kisim shakti para asorit kamtu misa para dikhai dibo,
\v 10 aru sob misa laga letera kam para etu manikhan khotom hoi ase. Kilekoile taikhan hosa laga morom para bachi jabole tai khan loa nai. \s5
\v 11 Etu karne Isor para taikhan ke misa laga biswas pathai dise, titia tai khan ekta misake biswas kuribo.
\v 12 Aru titia taikhan sobke khotom kuridibo junkhan hosake biswas nakurikena misa-misi kamke khusi pai, taikhan sobke galti dibo. \s5
\p
\v 13 Isor para morom kura bhai-kokaikhan, amikhan apnikhan nimite Isor ke hodai dhoniabad dithakibo lage. Kilekoile apnikhanke aatma para sapa kori-lua aru hosa biswas kuri-lua karne Isor apni khanke poritran dibole bachi loise.
\v 14 Tai amikhan koidia Isor kotha para apnikhanke mati loise, apnikhanke prabhu Jisu khrista laga mahima dikhabo nimite.
\v 15 Etu nimite bhai-kokaikhan thik para thakibi, aru kotha para nohoilebi amikhan laga chithi para nohoi lebi ki sikai dise etu bhal para dhurikena thakibi, \s5
\p
\v 16 Etia amikhan laga prabhu Jisu Khrista nije aru Isor amikhan laga baba jun amikhanke morom kurise, aru tai laga kripa para amikhanke hodai thakia mon-shanti aru bhal asha dise,
\v 17 Nijor laga mon-ke bhal kotha para uthai thakibi aru sob bhal kam aru kotha khan-te takot thakibi. \s5
\c 3
\p
\v 1 Aru seste, bhai-kokaikhan, amikhan nimite prathana kuribi, titia prabhu laga kothatu sob jagate joldi pungchi bole aru nam-uncha kuribi, jineka apnikhan logote hodai hoi ase.
\v 2 Prathana kuri dibi titia amikhan bodmas aru bia manukhan opor bachai lobole, kilekoile biswas tu sob logote nai.
\v 3 Kintu prabhu biswasi ase, jun apnikhanke bhal banabo aru sob bia-khan para bachai lobo. \s5
\v 4 Kintu amikhan prabhu oporte apnikhan nimite pura biswas ase, apnikhan juntu kam kuriase aru hodai kuri thakibi.
\v 5 Aru prabhu-he apni laga mon-tu Isor laga morom-te cholabo aru Khrista-ke mon para rukhi thakibo. \s5
\p
\v 6 Etia amikhan hukum diase apnikhanke , bhai-kokaikhan, prabhu Jisu Khrista laga nam-te apnikhan dur thakibi jun bhai-kokaikhan alsi jibon-te thake aru jun amikhan sikai dia niom namania kan para.
\v 7 Kilekoile amikhan nije jani ase kineka apnikhan amikhan pichete ahibole lage, kilekoile amikhan nije misa-misi niom chola nai apnikhan majote.
\v 8 Amikhan kunlagabi poisa nadikena bhat kha nai. Hoilebi amikhan din-rat dukh pai kena kam kurise, kilekoile amikhan apnikhan oporte dukh dibole icha nai.
\v 9 Amikhan logote takot nai etu karne nohoi, hoilebi nijehe kurikena apnikhanke bujabole kurise, kilekoile apnikhan amikhan nisena kuribo. \s5
\v 10 Kilekoile jitia amikhan apnikhan logote thakisele, amikhan apnikhanke etu koisele, "Jun manu kam kuribole mon nai, etu manuke bhat khabole nadibi."
\v 11 Kilekoile amikhan huni ase tate kunba apnikhan majote ekubi kam nakori kena, misa-misi kotha koikena birai thake.
\v 12 Etu manukhanke prabhu Jisu Khrista laga nam para nijor laga kam kurikena thik para thakibole mon uthai diase. \s5
\v 13 Hoilebi bhai-kokaikhan, ki bhal kam ase etu kuribole alsi nohobi.
\v 14 Kintu jodi kunba manu chithi-te koidia kotha khan namanile, tai-ke bhal para sai thakibi aru tai logote namilibi, titia tai sorom lagibo.
\v 15 Kintu taike dusman nisena nabha-bi-bi, hoilebi ekta bhai nisena samjai dibi, \s5
\p
\v 16 Jitia shanti laga prabhu tai nije apnikhanke shanti dibo sob somoi-te. sob rasta-te Prabhu apnikhan sob logote thakibi.
\v 17 Etu ami laga salam ase, moi Paul, moi nije haat para likhi ase, juntu ami para sob chithi-te dagi dise. Ineka-he moi likhe.
\v 18 Amikhan laga prabhu Jisu Khrista laga morom sob logote hodai thakibo dibi.