BCS-BIBLE_IndianStandardVersion-Nagamese-NT/Stage 1/531THIRVNag.SFM

\id 1TH - Indian Revised Version (IRV) Nagamese
\c 1
\p
\v 1 Paul, Silvanus aru Timothy para Thessalonians laga girja manu-ke Baba Isor aru Prabhu Jisu Khrista laga morom aru shanti thakibo. \s5
\p
\v 2 amikhan hodai apnikhan nimite isor ke dhonyabad di thake, aru apunikhan nimite prathana te yad kori thake.
\v 3 apunikhan Baba Isor ke bisas para aru morom para kaam kora aru Prabhu Jisu Khrista ke asha para dhorjo thakake bhabi kena mon t \s5
\v 4 Isor para morom kori thaka bhai-kokai khan tai he apuni khan ke basi loise,
\v 5 kilemane Isor para sekai diya kotha khan khali kotha para ahia nai, hoilebi shakti para pobitro aatma aru pura hosa para janaidiase. Etu nisena apunikhan-bhi jani ase amikhan keneka manu thakisele nimite.
\v 6 Apnikhan ami khan laga aru Isor laga niom cholai ase aru jiman dukh palebi apunikhan pobitro aatma laga kothake ekdom khusi para loise.
\v 7 Eneka huwa nimite apnikhan Macedonia aru Achaia laga manukhanke dikhai dise.
\v 8 Apunikhan nimite-he Isor laga kotha-tu baharte hunai dise aru khali Macedonia aru Achaia-te nohoi, hoilebi apnikhan laga bisas Isoriorte thaka tu sob jaga Eitu karone amikhan eku kobo nasslage.
\v 9 Kilekoile taikhan nije amikhan ke janaidise, amikhan kineka kori apnikhan logote ahibo parise, aru kineka para murti puja para ghurikena jinda aru hosa Isor-ke biwas kurise,
\v 10 aru koise Isor laga bacha-ke sworgote rukhi ase. Junke tai mora para uthai dise- Jisu junhe amikhan oporte ahibo thaka khong para bachaidise.
\c 2
\p
\v 1 Bhai-kokai-khan, apunikhan jani ase amikhan apunikhan logote ahatu ene misa-misi para nohoi.
\v 2 Hoilebi, apunikhan nije jani ase, amikhan poilabi dukh paise aru sorom chilaise Philippi te, amikhan Isor logote mon dangor korikena besi dukh para Isor laga kotha prosar korise.
\v 3 Kelekole amikhan para sikhai diakhan galti para nahoi, moila para vi nahoi, nohoilebi thogabole nahoi,
\v 4 hoilebi jeneka amikhan ke Isor para bisas kurikena teu laga kotha dise, ineka he amikhan vi koithake, manu khanke khusi koribole, hoilebi Isor amikhan laga mon sai ase.
\v 5 Amikhan manukhanke phusla bole aru thogabole aha nai apunikhan janiase Isor he , amikhan laga witness ase.
\v 6 amikhan manukhan para mahima bisara nai, apunikhan parabi aru dusara khan paravi.
\v 7 amikhan apnikhan majote Jisu laga shela hoikena ahisile kintu amikhan batsha nisina hoi gol aru ama para jeneka batsha khan ke morom kore.
\v 8 eitu nisena amikhan apunikhanke bisi morom kure, khali Isor laga kothahe nohoikena hoilebi nijor jibon bi dibole tayar ase. Kilemane apunikhanke bisi morom ase.
\v 9 Kilekoile apunikhan jani ase bhai-kokaikhan, amikhan dukh kam kura-tu. Amikhan Isor laga kotha apnikhanke kuwa somoite, apnikhanke dukh-dikdar nadibo nimite amikhan din-raat kam kurise.
\v 10 Apnikhan aru Isor-bi jane, amikhan laga niomtu bisasi khan agete kiman pobitro aru dharmik nathaka-tu.
\v 11 Etu nisena amikhan jani ase, ekjon-ekjon logote amikhan keneka thake, jeneka ekta baba tailaga nijor bacha logote thakia nisena,
\v 12 apnike mon uthaidia, mon dangor koridia aru, hodai sikai thake, kineka kurile Isor ke khusi kuribo paribo, jun apnikhanke tailaga desh aru asis-te matise.
\v 13 Etu nimite amikhan bi amikhan Isor-ke hodai dhaniabad-de jitia apnikhan Isor luwa somoite juntu amikhan para hunaise, apnikhan eituke manu laga kotha ase nohoikena, kintu jineka hosa ase Isor laga kotha, jun bisas kore etukhan logote kam kuribole hoise.
\v 14 Apnikhan nimite, bhai-kokai-khan, Isor laga girja laga chela hoise juntu Judea-te Khrista Jisu ase. Kilekoile etu nisena taikhan bi dukh paise, apnikhan kebi apnikhan laga nijor manukhan para digdar dise, jineka taikhan ke Jew jatikhan para dise,
\v 15 junkhan prabhu Jisu aru tailaga prophet khan ke morai dise, aru jun amikhan ke khedai dise. Taikhan tu Isor ke khusi koridibole napare. Ulta, taikhan manu khan logote dusman hoijai .
\v 16 Taikhan amikhanke gentile khan logote jaikena bachai dia laga kotha rukhai thake, etu khan nijor laga paapke arubi bisi kuride, kintu ses dinte Isor laga khong taikhan oporte ahibo. \s5
\p
\v 17 Kintu amikhan, bhai kokai khan olopdin karne amikhanke apunikhan para alak koridise, gao para hoise, mon para nohoi. Amikhan apunikhanke beisi sabole mon jaisele.
\v 18 Kilekoile amikhanke apnikhan ke log koribole besi icha thakise, moi nije Paul, ek-duibar nohoilebi. Kintu saitan para amikhanke rukhaide.
\v 19 Kilekoile amikhan laga icha tu ki ase, nohoilebi khusi laga mukut, prabhu Jisu laga agete tai aha homoite? Etu tu apnikhan nohoi?
\v 20 Kelekoile apunikhanhe amikhan laga mahima aru khusi ase. \s5
\c 3
\p
\v 1 Etu karne, jetia amikhan ekdom rokhibo napara hoise, amikhan bhabise Athens-te ekla charidile bhal hobo,
\v 2 aru amikhan Timothy-ke pothaise jun amikhan laga bhai aru Khristo laga susamachar karne Isor laga das ase, apnikhan laga biswas tagot aru aram kori dibole ase,
\v 3 Tetia jun manu bhi eitu dukh para apnikhan ke hilabo naparibo. Kelekoile apunikhan nije jani ase eitu karne amikhan ke bashi loise. \s5
\v 4 Kelekoile jetia amikhan apunikhan logote thakisele amikhan apnikhan ke pohila para dukh pabo koikena janai dise aru eitu honsa hoise, aru apunikhan jani ase.
\v 5 Etu nimite jetia ami rukhibole napara nimite amikhan laga kam-tu misa-misi nahobo karne aru porikha-te apunikhanke girabole bhoi huwa karone aru apunikhan laga biswas janibole moi manuh pathai dise. \s5
\v 6 Kintu itea apunikhan logote para Timothy amikhan logote ahise aru bhal khobor apnikhan laga biswas aru morom anise. Tai koise apnikhan amikhan nimite hodai bhal bhabona korithake, aru jeneka amikhan apunikhan ke lok koribole mon ase apunikhanbi amikhan ke log koribole mon hoi.
\v 7 Etu nimite, amilaga bhal kokai khan dukh pailebi, mondukh hoilebi apunikhan laga biswas nimite amikhan laga mon aram korise.
\v 8 Itia amikhan jinda ase jodi apnikhan Isor logote thik thakile .
\v 9 Kenkeka para amikhan Isor-ke dhoniabad dibole lagibo apunikhan karone, kelekoile amikhan laga khusi apnikhan uporte keneka para Isor-para apunikhan uporte.
\v 10 Din-raat amikhan besi jor partona korithake kile mane amikhan apnikhan laga chehera tu sabo nimite, aru ki para apunikhan laga bisas-te punchanai eituke modot koribole. \s5
\p
\v 11 Kintu amikhan laga Isor aru baba tai nijor, aru amikhan laga Prabhu Jisu para amikhan laga rasta apunikhan ke dikhai kena ahibole dibi.
\v 12 Arubi Isor-he apnikhan ke uthai dibi aru ekjon ekjon aru sob manu logote morom-te thakibo dibi, jineka amikhanke kora nisena.
\v 13 Titia tai-he apnikhan laga pobitirta-tu galti nohobole apnikhan laga mon-te tagot dibo amikhan laga Isor aru baba agete, jetia amikhan laga Prabhu Jisu tailaga sorgo manukhan logot aha somoite. Amen!
\c 4
\p
\v 1 Tenehoile bhai-kokaikhan Prabhu Jisu laga namte apunikhanke mon dangor koridiase, Isor-ke kineka khusi koribo aru bhal rasta-te berabo etu amikhan para apnikhan sikise aru eneka besi kurijai thakibi.
\v kelekoile apunikhan janise ki niom moi apnikhanke dise Prabhu Jisu namte. \s5
\v 3 Aru etu-he sobs icha ase byebichari para sapa aru dur-te thaki bole nimite,
\v 4 apnikhan nijor laga sonman aru pobitro-ta dhurikena rakhibi,
\v 5 Isor najania manukhan nisena mangso icha-te nathakibi.
\v 6 Kun manubi nijor bhai-kokai-khanke bia aru galti para bodnam nadibi. Kilekoile moikhan laga Isor-tu badla lua Isor ase, sob kotha-tu apnikhanke poila para janai dise. \s5
\v 7 Kilemane Isor-tu amikhan litera hoikena thakibole mata nai, kintu pobitro thakibole nimite matise.
\v 8 Itu nimite etu kotha-tu charide tai manuke nohoi kintu Isor kehe charidia. Jun-he tailaga pobitro atmatu moikhan nimite dise. \s5
\p
\v 9 Kokai-bhai morom kora nisena apnikhan nimite kunba para bi likhidibole eku kam nai, apuni nimite aru nijor-ke morom kuribole Isor-he shikai dise.
\v 10 Macedonia-te jiman bhai-kokaikhan ase etu sob tu taikhan nimite kori ase, kintu aru bisi kuribole bhai-kokaikhan apnikhanke aru mon damgor kuri diase.
\v 11 Aunikhan shanti aru bhal para thakibole nimite mon dangor kuridiase, aru nijor laga kikam ase eitu khan sob bhalke cholai loijabi aru nijor para ki kam pare eituke sikhai dise enekahe kurithakibi,
\v 12 Eitu nimite apnikhan bahar manu osorte bhal para berabi, eneka thakile eku komti hoi nathakibo. \s5
\p
\v 13 Bhaikhan, apnikhanke eku najania nisena thakibo dibo mon nai, akha nathaka manu nisena, mondukh korikena atma-te humai nathakibi.
\v 14 Amikhan jani se jisu murikena aru jinda hoise, etu nimite jun khrista-ke bisas kurikena morise, tai khanke Isor wapas loi anibo.
\v 15 Etia apnikhan ki hikaise etu sob laga kotha ase etiya amikhan jinda ase Isor aha dinte jun manu murijaise taikhan para age nahobo. \s5
\v 16 Aru Isor nije sworgo para ahibo, titia bisi jor para hala hobo. Isor laga turi aru sworgodut laga awaz loikena ahibo, jun khrista-ke bisas kurikena taikhan poila jinda hobo.
\v 17 Etu somoite jinda thakakhan, Isor-ke taikhan logote milikena badal para uthai loijabo aru tate amikhan Isor logote hodai thakijabo.
\v 18 Etu nimite ekjon-ekjonke etu kotha para mon aram aru mon dangor kurikena thakibi. \s5
\c 5
\p
\v Etia, bhai-kokaikhan, juntu din aru juntu somoi-te hobo, etu amikhan apnikhanke nalikhilebi hobo.
\v 2 Aru apnikhan bhalke saikena ase Prabhu aha laga dintu chor-manu rati-te aha nisena ahibo.
\v 3 Jetia thaikhan kobo,"shanti aru aram," tetia achanak para taikhan oporte dukh aru nosto ahibo. Aru ekla maiki bacha pabole duk pa nisena hobo. Aru kun bhi polabo naparibo. \s5
\v 4 Kintu, bhai-sapunikhan andhar-te thaka nohoi. Aru tailaga aha dinte apunikhanke chor nisena bhoi nakhilabo.
\v 5 Kelekoile apnikhan sob ujala aru din laga bacha khan ase. Amikhan rati nohoilebi andhar tethakia laga bachakhan nohoi.
\v 6 Etu nimite, amikhan dusara khan nisena humai nathakibo. Hoilebi hosiar para janikena thakibo.
\v 7 Kilekoile, junkhan humai rati te humai, aru junkhan nisa hoi ratite nisa hoi. \s5
\v 8 Kintu amikhan din laga manu ase, amikhan nisa nohoikena bisas aru morom-tu chati-laga-loha nisena lagabi, aru poritran laga asha tu loha- tupi nisena lagabi.
\v 9 Kelekole, Isor-tu tailaga khong karne rakhia nohoi, kintu amikhan laga prabhu Jisu Khrista parahe poritran rakhise.
\v 10 Amikhan sob nimite morise, titia amikhan uthi kena thakilebi nohoile humaikena thakilebi amikhan tailogote milikena thakibo lage.
\v 11 Eitu nimite ekjon-ekjon laga mon aram aru uthai thakibi, jineka apnikhan kuri thakise enekahe kuri thakibi. \s5
\p
\v 1 kura aru apunikhan para uporte thaka khanke Prabhu Jisu laga nam para ki koiase etuke manibi.
\v 13 Apunikhan taikhan laga kam karone taikhanke besi sonman dibi. Apunikhan milikena thakibi.
\v 14 Kintu amikhan apnikhan laga mon uthai ase, bhai-kokaikhan: kotha-namania khanke hosiar koridibi, mon bia hoikena thakia khanke mon dangor kuridibi, komjor khanke modot kuribi aru sob logote dhorjo thakibi. \s5
\v 15 Sabi, tate kunbi kunba manuke bia kam nimite bia wapas dibole nadibi, kintu hodai, juntu bhal ase etuhe kuribi, nijor nimitebi arusob nimitebi.
\v 16 Hodai khusi thakibi.
\v 17 Prathana-tu narukhikena kuri thakibi.
\v 18 Sob-te hodai dhaniabad dibi. Kilekoile apnikhan nimite Khrista Jisu bhitorte etu Isor laga icha ase.
\v 19 Aatma-ke bon nakiribi.
\v 20 Prophecies khan-ke niche nakuribi.
\v 21 Sob samanke bhal para bujibi. Ki bhal ase etu dhurikena thakibi.
\v 22 Sob bea kam para dur te thakibi. \s5
\p
\v 23 Shanti laga Isor tainijor para apunikhanke pura pobitro kuribo dibi. Isor naha tak apnikhan laga aatma jibon aru pura gau galti nathaki kena rukhibo dibi.
\v 24 Hosa-te thaka tai ase jun etu bi kuridibo. \s5
\p
\v 25 Bhai-kokaikhan, amikhan karnebi parthana koribi.
\p
\v 26 Sob bhai-kokai-khanke ekta pobitro chumma para salam koribi.
\v 27 Moi apnikhanke prabhu laga namte koi ase etu chithi sob pobitro bhai-kokai-khanke puri dibi.
\p
\v 28 Amikhan laga prabhu Jisu Khrista laga asis apnikhan logote thakibo Amen .