See in Reader
705 lines
85 KiB
Plaintext
705 lines
85 KiB
Plaintext
\id MRK - Indian Revised Version (IRV) Nagamese
|
|
\c 1
|
|
\p
|
|
\v 1 Isor laga chokra Jisu christa laga su-samachar suru kora.
|
|
\p
|
|
\v 2 Jeneka Isaiah prophet laga kitab te likhi kena ahse,
|
|
\q ''Sabi, Moi laga doot ke tumi khan laga chehera ahge te pothai ahse,
|
|
\q Eitu ekjon kun tumi khan nimite rasta tayar kori dibo.
|
|
\q
|
|
\v 3 Ekta awaz jongol para mati ahse,
|
|
\q 'Probhu nimite rasta tu tayar koribi;
|
|
\q Aru Tai laga jaga sidha rakhi bhi.''' \s5
|
|
\p
|
|
\v 4 John ahise,jongol para baptisma di kena aru mon ghurai kena pap para maph mangi kena baptisma luwa laga prochar kori kena.
|
|
\v 5 Judia laga sob desh aru Jerusalem laga manu khan tai logote jaise. Taikhan ke jordan nodi te loi jai kena tai para baptisma dise,aru pap para maph mangi bole dise.
|
|
\v 6 John uth laga chamra para bona kapur lagai kena thakise aru chamra laga belttai laga komor te bhandi kena thakise,aru tai jongol laga puka aru honey khai thakise.
|
|
\v 7 Tai prochar korise,aru koise,''ekjon ahi bole ahse aru Tai moi para bhi bisi takot ahse,aru moi niche kori kena Tai laga sandal bandhi bole bhi laik nai.
|
|
\v 8 Moi tumi khan ke pani para vaptisma di ahse,kintu Tai tumi khan ke pobitro atma para baptisma dibo.''
|
|
\v 9 Etiya eneka hoise olop din pichete Jisu nazareth para galilee te ahise,aru John para Tai ke baptisma dise.
|
|
\v 10 Aru eitu homoi te,jetiya Jisu pani para ulai kena ahise,tai dekhise sworgo khuli jaise aru Isor laga atma ekta kopu chiriya nisina Tai uporte ahi thakise.
|
|
\v 11 Tetiya sworgo para ekta awaaz ahise, "Tumi moi laga morom Putro ahse, Moi Tumi upor te bisi khusi ase."
|
|
\v 12 Eitu homoi te,atma para Tai ke jongol te jai jabole nimite koise.
|
|
\v 13 Aru Tai jongol te chalis din tak thakise,aru Tai ke Saitan para porikha korise. Tai jungli janwar khan logote thakise, aru sworgodut khan Tai ke sewa kori thakise.
|
|
\v 14 Jetiya John ke dhori loise, Jisu Galilee te ahi kene Isor laga samachar prochar korise.
|
|
\v 15 Tai koise, ''eitu homoi pura hoise,aru Isor laga raijo usor hoise. Mon ghurabi aru Isor laga kotha bisas koribi.
|
|
\v 16 Jetiya Tai Galilee laga samundar kinar te berai thakise,Tai Simon aru Andrew Simon laga bhai ke samundar te jal phelai thaka dekhise, kelemane tai khan mas dhora manu thakise.
|
|
\v 17 Tetiya Jisu taikhan ke koise, "Ahibi, moi laga pichete,aru moi tumikhan ke manu dhoribole bonai dibo."
|
|
\v 18 Eitu homoi te tai khan sob chari kena Tai laga pichete jaise.
|
|
\v 19 Aru jetiya Jisu olop ahgete berai thakise,Tai James Zebedee laga chokora aru John tai laga bhai ke dekhise;tai khan naw te tai khan laga jal milai tahkise.
|
|
\v 20 Aru tetiya,Jisu tai khan ke matise aru tai khan nijor laga baba aru kam kora sewak ke naw te chari kena, Tai laga pichete jaise.
|
|
\v 21 Tetia taikhan Capernaum te ahise, aru achanak Isor laga din te,Jisu synagogue te jai kene shikaise.
|
|
\v 22 Tai khan Jisu para shikai diya kotha huni kene asurit hoise, kelemane Tai niyom jani kena thaka manu nisina nohoi kena adhikar thaka ekjon nisina shikai thakise.
|
|
\v 23 Eitu homoi te synagogue te ekjon manu beya atma para bhorta kori kena thakise,aru tai hala kori kena kandise,
|
|
\v 24 Aru koise,''Apuni moi khan logote ki kam ahse, Nazareth laga Jisu? Apuni moi khan ke khotom koribole ahise niki? Moi jane apuni kun ahse-Isor laga pobitro ekjon!''
|
|
\v 25 Kintu Jisu taike gali di kena koise, "chup thakibi, aru tai para ulaai jabi!"
|
|
\v 26 Tetiya beya atma taike nichete phelai dise aru tai laga gau para ulai jaise aru jor para hala kori kena kandise.
|
|
\v 27 Tetiya sob manu khan eotu dekhi kena asurit lagise,tetiya tai khan ekjon-ekjon ke hudise,aru koise,''eitu ki ahse? Ekta nutun adhikar para shikai diya! Tai beya atma ke bhi hukum diye aru tai khan eitu kotha mane!''
|
|
\v 28 Aru eitu laka khobor Galilee laga sob jaga te joldi para ponchi jaise.
|
|
\v 29 Aru Tai joldi synagogue para ulaai kene ahi juwa pichete,tai khan Simon aru Andrew laga ghor te ahise,aru tai khan logote James aru John bhi thakise.
|
|
\v 30 Eitu homoi te Simon laga maiki laga ama bukhar para ghumai thakise,aru tai khan joldi para jai kena eitu Jisu ke koi dise.
|
|
\v 31 Tetiya Tai ahise,aru tai laga hath dhorise,aru tai ke uthai dise. Titia bukhar tai para jai jaise,aru eitu pichete tai khan ke sewa korise.
|
|
\v 32 Jetiya sam hoi jaise,aru suraj namija pichete, taikhan bimar thaka manu aru saitan atma para dhori kena thaka sob Tai usorte loi anise.
|
|
\v 33 Aru pura city te thaka manu khan sob ahi dorja usor te joma hoise.
|
|
\v 34 Aru Tai alak kisim laga bimar thaka manu khan ke bhal korise,aru bisi beya atma para dhori kena thaka atma ke khedai dise,kintu Tai demons khan ke kotha kobole diya nai kelemane tai khan jane Tai kun ahse.
|
|
\v 35 Aru phujur nahua agate Tai joldi huti jaise,Tai ekla shanti jaga te jai kene tate prathana kori thakise.
|
|
\v 36 Tetia Simon aru jun Tar logotee thakisele, taikhan Taike bisari ahise.
|
|
\v 37 Jetia taikhan Taike log paise koise, "Sob manu Apuni ke bisari asele."
|
|
\v 38 Kintu Tai taikhan ke koise, "Ahhibi moikhan dusra bosti te jai jabo, tate bhi Moi prosar koribo. Kelemane Moi eitu karone ahise.
|
|
\v 39 Aru Tai Galilee sob jagah te jai kene taikhan laga synagogue te prosar korise aru bhoot ulaai thakise.
|
|
\v 40 Tetia leprosy ekjon Tar logotee ahi kene kneel down kori anurudh korise, aru Taike koise, "Jodi Apuni echa hoile, moike sapha koribo pare."
|
|
\v 41 Tetia Jisu morom lagi kene Tar hath uthai taike chui kene koise, Ami echa ase. Sapha hoi jabi."
|
|
\v 42 Aru tetia Tai koa loge-loge leprosy thaka taike chhari jaise, aru sapha hoi jaise.
|
|
\v 43 Aru Jisu taike bhal para kathor samjai kene taike jabo dise.
|
|
\v 44 Aru taike koise, sabi tumi kunu ke bhi eku no kobi, kintu jabi, tumar nijor purohit khan ke dikhai dibi, aru tumar sapha hoa laga dikhai kene Moses laga niyom kori taikhan ke sakhi hobole dibi.
|
|
\v 45 Kintu tai jai kene eitu kotha bisi manu ke koi dise, aru Jisu khula-khula nogor te jabole na para hoise, kintu bahar alag jagah te thakise, aru manu khan ephale-uphale para Tar logotee ahise.
|
|
\c 2
|
|
\p
|
|
\v 1 A ru olop din pasotee Jisu Capernaum te ahise, aru Tai ghor te ase koikene manu khan jani kene ahi joma hoi jaise.
|
|
\v 2 Aru joldi bisi manu joma hoi jaise, tetia dorja te bhi jagah napa hoise, aru Jisu taikhan ke kotha sikhai thakise.
|
|
\v 3 Aru taikhan paralyzed ekjon ke chari-jon para uthai kene Tar logotee anise,
|
|
\v 4 Kintu jetia taikhan, manu bisi hua karone Tar usor te ponchibo napa hoise, tetia taikhan Tai jun jagah te asele, tate ghor upor te khuli kene paralyzed ke bisna para thik Tai thaka jagah niche te girai rakhi dise.
|
|
\v 5 Aru jetia Jisu taikhan laga biswas dekhise to Tai paralyzed ke koise, bacha tumar sob paap maph kori dise.
|
|
\v 6 Aru scribes khan kunuba tate bohi thakisele, aru taikhan eitu huni kene mon te kotha ulaise.
|
|
\v 7 "Kele eitu manu eneka koi ase? Tai hinsa koriase! kun he paap to map koribo paribo kintu Isor he?"
|
|
\v 8 Kintu joldi Jisu nijor Atma para taikhan laga mon bhabna ke jani kene. Tai taikhan ke koise, "Tumi khan kele mon te eneka bhabna kori ase?
|
|
\v 9 Kuntu asan ase kobole paralyzed manu ke, 'tumar paap to maph kori dise, aru uthi kene tumar bisna uthai kene berai jabi
|
|
\v 10 Kintu tumi khan ke manu laga bacha prithivi te paap maph koribole adhikar ase eitu janibo dibole," tai paralyzed ke koise.
|
|
\v 11 "Moi tumi ke koi ase, uthikene, nijor bisna, loi ghor te jai jabi."
|
|
\v 12 Aru tai joldi uthi kene tai laga bisna uthai kene sob manu laga usor para ulaai jaise. Karone, taikhan sob asurit hoise aru Isor ke mahima kori, aru koise "Amikhan eneka ketia bhi dekhanai."
|
|
\v 13 Tai aru samundar kinar te jai asele, tetia bisi manu Tar logote ahise, aru tai taikhan ke sikhai dise.
|
|
\v 14 Aru Tai joa somoi, Alphaeus laga bacha Levi tax loa laga tambu te boha dekhi sele, aru taike koise, "Amar piche te ahibe." Tetia tai uthi kene Tar piche jaise.
|
|
\v 15 Aru eneka hoise Jisu Levi ghor te khabole bohi asele, tate tax loa aru paapi manu Jisu aru Tar chela khan logote khabole bohi jaise, kelemane tate bisi manu asele aru taikhan Tar piche te ahi thakise.
|
|
\v 16 Aru jetia scribes, jun khan Pharisees thakise, Tai tax loa manu aru paapi khan logote khai thaka dekhi kene, Tar chela khan ke koise, "kele Tai tax loa manu aru paapi khan logote bohi kene khoa-loa kori ase?"
|
|
\v 17 Jetia Jisu eitu hunise, taikhan ke koise, "bhal thaka manu nimite bhal kora manu na lage, kintu jun manu bemar ase tai khan ke lage. Moi bhal khan ke mati bole ahha nohoi, kintu paapi khan ke mon ghurabo dibole ahise."
|
|
\v 18 Etia John laga chela khan aru Pharisee khan fasting loi thakise, aru tai khan ahi kene Jisu ke hudise, kele John laga chela khan aru Pharisees khan fasting rakhe, kintu Tumar chela khan fasting na rakhe?
|
|
\v 19 Aru Jisu taikhan ke koise, sadi te aha manu khan, jetia tok sadi koribole thaka mota thakibo tetia tar shati khan fasting koribo paribo? Jetia tok sadhi koribole mota taikhan logote thakibo fasting nokoribo.
|
|
\v 20 Kintu jetia somoi ahibo, taikhan para sadi koribole thaka mota ke loi jabo tetia taikhan heitu din para fasting rakhibo.
|
|
\v 21 Kunu bhi purana kapur te bhal kapur loi kene selai nadae, jodi teneka korile, bhal kapur para purana kapur ke bisi phatai dibo.
|
|
\v 22 Aru kunu bhi notun angur-ross loi purana mashko te na rakhe jodi. Teneka korile mashko phati jabo, aru angur-ross khotom hoi jabo aru mashko bhi nost hoi jabo. kintu, notun angur-ross loi notun mashko te he rakhe."
|
|
\v 23 Aru eneka hoise, Tai bisram din te dhaan kheti, hoi kene jai asele, Tar chela khan joa somoi te dhaan laga upor te thaka bhangai khai jai asele.
|
|
\v 24 Aru Pharisees khan taike koise, "sabi, kele junto kam bisram din te koribo na lage heitu taikhan kori ase?"
|
|
\v 25 Kintu Tai taikhan ke koise, jetia David bhuk- lagia somoi te tai aru tar sathi khan ki korisele, eitu tumikhan porhia nai tai aru manu jun tai logote thakise-
|
|
\v 26 Tai keneka Isor laga ghor te jaise jetia Abiathar maha purohit thakise tate jai kene daan dia roti khaise, aru tar saathi khan ke bhi dise? tai khabole na pare, kintu purohit khan to khabo pare.
|
|
\v 27 Aru Tai taikhan ke koise, "Bisram din manu karone bonai dise, kintu bisram din karone manu bona nohoi.
|
|
\v 28 Karone Manu laga Putro to bisram din uporte bhi Probhu ase.
|
|
\c 3
|
|
\v 1 Aru Tai synagogue te jaise tate hath beya thaka ekjon asele.
|
|
\v 2 Tetia taikhan Taike golti lagabo karone Tai bisram din te taike bhal kori dibo na nai sai asele.
|
|
\v 3 Aru Tai hath beya ke koise, "Uthi kene age ahibi."
|
|
\v 4 Tetia Tai taikhan ke hudise, "bisram din te bhal kam koribo lage na beya kam koribo lage, jeevon bachabo na morabo?" Kintu taikhan chup-chap thakise.
|
|
\v 5 Tetia Tai taikhan laga mon tan hua karone khong paai kene,taikhan ke ghuri saise, aru Tai heitu manu ke koise, "Tumar hath uthai dibi." Tai hath uthai dise, aru bhal hoi jaise.
|
|
\v 6 Tetia Pharisees khan ulaai kene joldi Herodian khan logote milli kene Tar birudh te, keneka korile Taike morai dibo koi kene kotha motase.
|
|
\v 7 Kintu Jisu Tar chela khan ke loi samundar phale jaise, aru Galilee para aru Judia para bisi manu Tar pichete ahi jaise
|
|
\v 8 aru Jerusalem aru Idumea para aru Jordan paar para aru Tyre aru Sidon. Laga usor phale para Tai dangor asorit kaam kori dia, huni kene Tar logote bisi manu ahi jaise.
|
|
\v 9 Aru Tai Tar chela khan ke koise, Tar karone ekta chutu nao bisari rakhibi koise, kelemane bisi manu khan Taike chippai nidibo karone.
|
|
\v 10 Kelemane Tai bisi manu ke bhal kora karone jiman bemar ase sob Taike chubole kosis kori thakisele.
|
|
\v 11 Aru sapha nathaka atma khan jetia Taike dikhise to Tar age te giri kene hala kori Taike koise, "Apuni Isor laga Putro ase."
|
|
\v 12 Kintu Tai taikhan ke jur para koi dise, Taike kun ase janibo nidibi koikene.
|
|
\v 13 Aru Tai pahar te jaise, aru jun manu ke Tai lage heitu ke Tar usor te matise, aru taikhan Tar usor te ahise.
|
|
\v 14 Tetia Tai Tar logote thaki-bole baro jon ke basi loise, je taikhan ke bahar te prosar kori bole pothai dibo karone.
|
|
\v 15 Aru bemar khan ke bhal kori dibole aru bhoot khan ke ulaai dibole hokti dise.
|
|
\v 16 Aru Tai baro jon ke basi loise: Simon jun laga naam Tai Peter rakhise.
|
|
\v 17 Zebedee laga Putro James aru tar bhai John jun laga nam Tai Boanergas rakhi sele, motlab ase bejili laga putro.
|
|
\v 18 Andrew, Philip, Bartholomew Mathew, Thomas, aru Alphaeus laga Putro James, Thaddaeus, Simon Cananite.
|
|
\v 19 Iscariot Judas, jun Taike thokai dise.
|
|
\v 20 Tetia tai ekta ghor te gusise, aru bisi manu ahi joma hoi jaise, eitu karone taikhan roti bhi khabole na para hoi jaise.
|
|
\v 21 Kintu jetia Tar nijor ghor manu khan eitu kotha hunise to taikhan Tai ke dhori loi jabole bhabise, kelemane taikhan koise "Tai laga dimak beya hoi jaise."
|
|
\v 22 Aru Jerusalem para aha purohit khan koise, "Tar logote Beelzebul ase" aru "Tai bhoot laga adhikar para bhoot ke khedai ulaai ase.
|
|
\v 23 Karone Tai taikhan ke usor te mati ani kene parable para koise, "Keneka kori Soitan he Soitan ke khedai ulaai dibo paribo?
|
|
\v 24 Jodi ekta raijyo to nijor bhitor te namili kene bhag hoile, heitu raijyo khara koribo na paribo.
|
|
\v 25 Jodi ekta ghor te namili hoi kene bhag hoile, heitu ghor bhi khara koribo na paribo
|
|
\v 26 Aru Jodi Soitan bhi nijor bithor te namila hoi kene alag hoile, tai thakibo na paribo, kintu tar khotom hobo.
|
|
\v 27 Kunu bhi takot manu laga ghor te ghusi kene tar saman chor koribo na paribo, jetia tok takot manu ke bandhi no lobo, aru tetia he tar saman chor koribo paribo.
|
|
\v 28 Moi tumikhan ke hosa kobo, manu laga bacha paap kora aru Isor ke hinsa kori kwa bhi maph kori dibo.
|
|
\v 29 Kintu jun bhi Pobitro Atma upor te beya ekta kotha koile, heitu ke maph nidibo, kintu ketia bhi khotom nahua golti kori dibo.
|
|
\v 30 Kelemane taikhan koi ase, "Tar logote sapha nathaka atma ase."
|
|
\v 31 Tetia Tar bhai aru Tar ama bhi bahar te thakise, aru Taike matibole manu pothai dise.
|
|
\v 32 Aru bisi manu Tar usor te asele, aru taikhan Taike koise, "sabi! Turmar ama aru Tumar bhai khan bahar te ahi kene Tuma ke bisari ase."
|
|
\v 33 Kintu Tai jawab di koise, "kun Amar ama aru bhai ase?"
|
|
\v 34 Tetia Tai ghuri kene bohi thaka khan ke sai kene koise, sabi, eitu khan he Amar bhai aru ama ase.
|
|
\v 35 Kelemane jun Isor ichha ke koribo heitu khan he Amar bhai, bohini aru ama ase."
|
|
\c 4
|
|
\v 1 Aru Tai samundar kinar te shikhabole hoise, aru bisi Tar usor te joma hoi jaise, tetia Tai ekta nao para sanumdar te bohi jaise, aru bisi thaka khan samundar kinar sukha jaga te khara thakise.
|
|
\v 2 Tetia Tai taikhan ke drishtant para bisi kotha sikhai dise, aru Tar updesh te taikhan ke eneka koise.
|
|
\v 3 "Hunibi! bijon dia manu ekjon bijon halibole jaise.
|
|
\v 4 Aru eneka hoise, Tai bijon phelai dise, kunuba bijon rasta kinar te giri jaise, aru cheria khan ahi khai loise.
|
|
\v 5 Kunuba, olop mati thaka pathor te giri jaise, tate matti bisi na thaka karone joldi uthi jaise.
|
|
\v 6 Kintu jetia suraj upor te uthise aru gham dise to taikhan laga jaar na thaka karone sukhi jaise.
|
|
\v 7 Aru kunuba bijon kata thaka jaga te giri jaise, aru kata uthi kene bijon ke dabai loise, eitu karone guti dhoribo para nai.
|
|
\v 8 Kintu baki bijon bhal matti te girise, aru taikhan uthi jaise, aru bhal hoi kene guti dhorise, aru kunuba tis guna kunuba saath aru kunuba sou guna dise.
|
|
\v 9 Aru Tai taikhan ke koise, jun laga hunibole kaan ase, tai ke hunibo dibi!"
|
|
\v 10 Kintu jetia Tai ekla hoi jaise, tetia Tar chela aru Tar logote thaka khan Taike eitu drishtant laga matlob hudise.
|
|
\v 11 Aru Tai taikhan ke koise, "Tumi khan ke to Isor raijyo laga lukai thaka kotha janibole dise. Kintu bahar manu khan ke, to drishtant para koi ase.
|
|
\v 12 Kelemane taikhan sa to, sai thakibo kintu nedekhibo, aru taikhan huna to huni thakibo kintu nu bujhibo, eneka nohobo lage, je taikhan ghuri ahi taikhan laga paap khyama paai jabo."
|
|
\v 13 Aru Tai taikhan ke koise, "Kele tumikhan eitu drishtant nu bujhe? tenehole tumikhan sob drishtant keneka bujhibo paribo.
|
|
\v 14 Kheti kora manu to Isor laga kotha ke dhali dia ase.
|
|
\v 15 Jun rasta kinar te ase, jote kotha hali dise, heitu khan ase jetia taikhan kotha hunise, tetia Soitan joldi ahi heitu kotha taikhan mon te thaka loi jaise.
|
|
\v 16 Teneka jun pathor thaka jaga te hali dia hoise, jun, jetia taikhan eitu kotha hunise, khusi para joldi mani loise.
|
|
\v 17 Kintu tar jaar na thaka karone olop din karone he thakibo parise. Heitu pasotee kotha karone dukh, kosto ahise, tetia joldi taikhan giri jaise
|
|
\v 18 Aru kata te dhali dia to. Jun manu kotha ke to huni loi
|
|
\v 19 Aru duniya laga chinta, aru dhon laga thoka baji, aru kisim kisim jinis laga lalos taikhan mon te jai kene baiko ke dabai di guti dibo na para hoi jai.
|
|
\v 20 Kintu bhal mati te, dhali dia, heitu khan ase, jun baiko ke huni kene mani loi, aru guti ulaabo pare, kunuba tis guna kunuba saath guna aru kunuba sou guna dia."
|
|
\v 21 Aru Tai taikhan ke koise, kele saaki loi rakha jaga te na rakhi kene tokri nohole bisina niche te rakhe?
|
|
\v 22 Kelemane yate lukai rakhibole eku bhi nai, ulai jobo nimite, aru eku bhi nai najana rakhibole, kelemane puhor te ahibole he ase.
|
|
\v 23 Jodi kunuba hunibole kaan ase, taike hunibo dibi!"
|
|
\v 24 Tetia Tai taikhan ke koise, Tumikhan bhal para hunibi, ji naap tumi naapi dise, heitu para tuma ke bhi naapi dibo, aru heitu para bhi bisi di dibo.
|
|
\v 25 Kelemane jun logote kiba ase, taike aru di dibo, kintu jun logote eku bhi nai tai para olop thaka ke bhi loi jabo.
|
|
\v 26 Aru Tai koise,lsor laga raijyo to kunuba mati te bijon dhali dia nisina ase.
|
|
\v 27 Aru tai ghumai kene rati aru din te uthi thake, aru bijon to kene dangor hoi thake, kintu tai najane keneka para dangor hoi.
|
|
\v 28 Mati nijor gaja para ghas ulai aru guti dai: pohila to phul dai aru hawa khai eitu pichete dangor hoi kene dhan dai .
|
|
\v 29 Kintu jetia dhan paki jai, tetia tai joldi dhan kata manu khan ke pathai kelemane kattibo somoi hoa karone.
|
|
\v 30 Tetia Tai koise, "keneka para moikhan Isor laga raijyo ke bujhai dibo? Nohole ki para drishtant kori dikhai dibo?
|
|
\v 31 Eitu to sorso guti nisina ase, jetia heitu matti te hali dise, heitu somoi mati te sob para choto guti asele.
|
|
\v 32 Kintu, jetia dhali dia hoise, aru uthi jaise, to sob kheti te thaka patta para bhi dangor hoi thake, aru tar dal dangor hoi aru akaas laga cheria bhi chaya te ghor bonai thake.
|
|
\v 33 Aru Tai drishtant para eneka bisi kotha taikhan ke bujhi bole para koi dise.
|
|
\v 34 kintu drishtant nohoi kene taikhan ke eku bhi kwa nai. Aru jetia Tai ekla hoise, Tai chela khan ke sob kotha koi dise.
|
|
\v 35 Eitu din jetia sam hoise to Tai taikhan ke koise, "Ahibi amikhan eitu jaga te jabo.
|
|
\v 36 Aru taikhan jetia bisi thaka khan ke chhari nao te, jeneka Tai thakise, teneka Tar logote jai asele. Aru dusra nao bhi Tar logote asele.
|
|
\v 37 Tetia dangor hawa ahise, aru tufan para nao ke mari thaka karone pani nao te bhorta hoi jaise.
|
|
\v 38 Kintu Jisu ekta kinar te asele tate Tai ghumai thakise. Aru taikhan Taike uthai dise, aru Taike koise, "Sikha manu, amikhan khotom hobole ase Apuni chinta nai?"
|
|
\v 39 Tetia Tai uthi kene andhi ke galise aru samundar ke koise, "chup thakijabi!" aru hawa rukhi jaise aru sob shanti hoi jaise.
|
|
\v 40 Kintu Tai Taikhan ke koise, "Kele tumikhan kele bhoi korise? tumikhan eitia bhi biswas nokore?
|
|
\v 41 Aru taikhan bisi bhoi hoi kene nijor majote kotha korise, "Heitu kun ase? hawa aru samundar bhi tai laga kotha mane
|
|
\c 5
|
|
\v 1 Aru taikhan samundar laga dusra jaga, Garasenes des te ahise.
|
|
\v 2 Aru jetia Jisu nao para ulaai ahise ekjon jun sapha nathaka atma dhori asele, joldi kobor para ulaai ahi kene Taike log paise.
|
|
\v 3 Tai kobor te he thake, aru kunu bhi chain para taike bandhi rakhibole na para thakise.
|
|
\v 4 Kelemane agote taike bar-bar thang te berri para aru chain para bandhi rakhi sele, kintu tai chain aru berri khan ke bhi bhangai di kene ephale-uphale kori dia, aru tate kunu bhi takot thaka nai, taike dhori kene rakhibo para laga.
|
|
\v 5 Tai raati, din hoile bhi hodai pahar te aru kobor te he thake, aru kandi kene tai dhar pathor para nijor ke jokhom kori thake.
|
|
\v 6 Jetia tai dur para Jisu ke dekhise, to polai ahi kene Taike salam korise.
|
|
\v 7 Aru tai jor awaz te kandi kene, koise, Jisu, Porom Prodhan Isor laga Putro? Apuni amar logote ki kam ase? Ami Isor nam para Apuni ke bhig mangi ase, amike dukh nadibi
|
|
\v 8 Kelemane Tai taike koisele, "sapha nathaka atma, eitu manu para ulai jabi."
|
|
\v 9 Tetia Tai taike hudise, "Tumar ki naam ase?" Aru tai koise, "Amar nam legion ase, kelemane amikhan bisi ase.
|
|
\v 10 Aru tai Jisu ke anurudh kori koise, amikhan ke eitu des para bahar no pothabi.
|
|
\v 11 Aru Tate pahar te gahori khan joma hoi kene kiba khai thakisele,
|
|
\v 12 aru bhoot khan Tar logote binti korise je, "moikhan ke gahori laga bhitor te ghusibole jabo dibi."
|
|
\v 13 Karone Tai taikhan ke jabole koi dise, tetia sapha nathaka atma to ulai kene gahori te ghusi jaise, heitu sob dui-hazar nisina gahori asele, rang-khang para polai ahi kene samundar te giri dubi jaise.
|
|
\v 14 Tetia jun manu gahori ke khelai thakisele, taikhan polai ahi kene nogor te aru bosti te thaka sob ke koi dise, aru ki hoise koikene manu khan sabole ulai ahise.
|
|
\v 15 Tetia taikhan Jisu logote ahise, aru jun logote legion thakisele, bhal hoi kapur lagai thaka pai kene taikhan bhoi khaise.
|
|
\v 16 Aru eitu sob dekha manu jun logote bhoot thakisele, heitu laga kotha aru gahori laga kotha ke loi kene manu khan ke koi dise.
|
|
\v 17 Tetia taikhan Jisu ke koise itu des para jai jabi.
|
|
\v 18 Aru jetia Tai nao te uthi jaise, jun manu logote bhoot thaki sele, tai Jisu logote jabole binti korise.
|
|
\v 19 Hoilebhi Jisu taike Tar logote jabo dia nai kintu koise, tumi nijor ghor jabi, aru jai kene tumar sathi khan ke kobi, tumar Probhu tumi ke kiman morom kori eneka dangor kam kori dise eitu sob taikhan ke koi dibi,
|
|
\v 20 Aru tai jai kene Decapolis te Jisu taike ki-ki kori dise sob koi dise, aru sob khan assorit hoise.
|
|
\v 21 Aru jetia Jisu nao para eitu pahar hoi kene jaise, tetia bisi manu tar logote joma hoi jaise, aru tai samundar kinar te thakise
|
|
\v 22 Aru sabi, jairus nam synagogue laga solawta ekjon ahi Taike dekhi Tar bhori te giri jaise.
|
|
\v 23 Aru Tar logote binti kori, koise, "Amar choto swali moribole ase. Tai bhal hoi kene zinda thakibole ahibi tar upor te Tumar hath dibi.
|
|
\v 24 Tetia Jisu tar logote jaise, aru bisi joma thaka khan Tar logote ahise, aru dhaka-dhaki kori kene jai thakise.
|
|
\v 25 Aru maiki ekjon baroh saal para khun giri thaka tate asele.
|
|
\v 26 Aru bhal kora manu khan logote bisi dukh kori toka poisa sob kharcha kori saise, hoilebhi bhal nohoi, kintu aru bisi beya hoi thakise.
|
|
\v 27 Jetia tai Jisu ke kurise hunise, tai joma thaka majot para ahi kene Jisu laga kapur chuise.
|
|
\v 28 Kelemane tai bhabi sele, "Jodi moi Tar laga kapur khali chubo parise koile, moi bhal hoi jabo.
|
|
\v 29 Tektai joldi tar khun giri thaka sukhi jaise, aru tai laga gaw te janise parise, je tar bemar bhal hoi jaise.
|
|
\v 30 Aru Jisu Tar para hokti ullai ja joldi jani loise. Aru Tai ghuri kene ephale-uphale manu khan ke sai hudise, "Kun para Amar kapur ke chuise?"
|
|
\v 31 Kintu Tar chela khan Taike koise, "Sabi manu bisi Apuni ke dhaka-dhaki kori jai ase eitu dekhi kene bhi, Apuni koise, 'Kun Moike chuise?"
|
|
\v 32 Aru Tai ghuri kene saise, kun eneka korise.
|
|
\v 33 Kintu heitu maiki tar upor te kiba hoise jani kene bisi bhoi para Tar bhori te giri kene Tar logote ki-ki hoise sob hosa koi dise.
|
|
\v 34 Aru Tai taike koise, "Chukri, tumar biswas he tumi ke bhal Korise, santi para jabi, aru eitu bemari para bhal hoi thakibi."
|
|
\v 35 Jetia Tai eitu kotha koi asele, kunuba synagogue solawta ghor para ahi koise, "Tumar sowali mori jaise. Eitia Sikha manu ke kele aru dukh dibo?"
|
|
\v 36 Ji kotha taikhan koi asele, eitu Jisu huni kene Tai synagogue laga solawta ke koise, "Bhoi nokoribi. Biswas he rakhibi.
|
|
\v 37 Aru Tai Peter aru James aru James laga bhai John eitu khan ke chari kunu ke bhi Tar logote jabo dia nai.
|
|
\v 38 Aru tetia Tai synagogue solawta laga ghor te ahise, tate manu khan kanda-kandi aru jor para halaa kori thaka dekhi paise.
|
|
\v 39 Tetia Tai bhitor te ahise, Tai taikhan ke koise, tumikhan kele dook hoi kene kandi ase? bacha to mora nohoi kintu ghumai ase.
|
|
\v 40 Aru taikhan Taike hasi dise, kintu Tai taikhan ke bahar te ulaai di kene bacha laga baba aru ama aru jun manu Tar logote asele, loi bhitor te bacha thaka jaga te jaise.
|
|
\v 41 Tetia Tai bacha laga hath dhori kene koise, 'Talitha Koum!" heitu motlob ase: "Choto sowali, Moi tumi ke koi ase, uthibi."
|
|
\v 42 Aru joldi sowali to uthi kene berabole hoise, kelemane tai baroh saal asele, aru taikhan sob bisi assorit hoi jaise.
|
|
\v 43 Kintu Tai kunu manu ke bhi janibo nidibi koikene taikhan ke mana korise aru taike kiba khabole dibo lage koise.
|
|
\c 6
|
|
\v 1 Tetia Tai tate para ulaai kene nijor des te ahise, aru Tar chela khan Tar logote ahise.
|
|
\v 2 Aru jetia bisram din ahise,Tai synagogue te shikhai thakise, aru bisi manu Tar kotha huni asurit hoise, aru koise eitu manu kot para eitu kotha sob jani paise, aru Taike dia eitu ki laga gyan ase? Aru keneka sokti laga kam eitu manu laga hath para asurit kam hoi?
|
|
\v 3 Kele, eitu khuri mimaiki nohoi? Mary laga Pacha, aru James Joses, Judas, aru Simon laga bhai nohoi? Aru Tar bohini khan yate amikhan logote thaka nohoi? karone taikhan Tar bikhoi te thokar khaise.
|
|
\v 4 Kintu Jisu Taikhan ke koise, nijor des, aru nijor manu aru nijor ghor manu khan he nohole kunu bhi bhabobadi ke niradar no kore.
|
|
\v 5 Aru Tai tate kiba samarthia kam koribo para nai khali Tai kunuba bemar ke hath lagai kene bhal kori dia he hoise.
|
|
\v 6 Aru taikhan biswas no kora karone Tai asurit hoise, tetia Tai bosti te ghuri sikhaidia di berai thakise.
|
|
\v 7 Aru Tai baroh jon chela khan Tar usor te mati ani taikhan ke dui-duijon kori pothai dise, aru taikhan ke beya Atma ulaai dibole adhikaar dise.
|
|
\v 8 Aru Tai taikhan ke sikhai dise safar joa te, eku bhi no lobi matro ekta nol lathi he lobi, jhola no lobi, roti no lobi, aru poisa laga petti te poisa bhi no lobi.
|
|
\v 9 Kintu sandal lagai lobi, aru dui kurta na lagabi.
|
|
\v 10 Aru Tai taikhan ke koise, jetia tumikhan kunuba ghor te ghusibo, to jetia loike tumikhan ulaai na joa tok tate thakibi.
|
|
\v 11 Aru kun bhi tumikhan ke grohon no kore,aru kotha nuhunila, to tate para joa somoi tumar bhori te thaka dhuli jhari dibi, taikhan para sakhi hobo karone, Moi tumikhan ke hosa kobo, bichar din te heitu nogor laga bhal para Sodom aru Gomorah des laga dukh para bhi bisi hobo.
|
|
\v 12 Karone taikhan jai kene manu khan ke mon ghurabole prosar kori dise.
|
|
\v 13 Aru taikhan bisi bhoot ke ulaai khedai dise, aru bimari ke tel malis kori kene taikhan ke bhal kori dise.
|
|
\v 14 Jetia Herod raja Tar eitu khan hunise, kelemane Jisu' nam to bhal para sob jani jaise, aru tai koise, John baptizma dia manu mora para jee uthi jaise, aru eitu karone tai para eneka dangor kam kori ase
|
|
\v 15 Dusra koise, "Tai Elijah ase, "Kintu dusra khan koise, "Tai prophet ase, nohole poila te prophet thaka to."
|
|
\v 16 Kintu Herod eitu huni kene tai koise, "John Jun ke moi he tar matha katti disele, tai mora para jee uthi jaise."
|
|
\v 17 Kelemane Herod nijor bhai Philip laga maiki Herodia nimite jun ke tai sadi korise, manu pothai kene John ke dhori bon kori thaka jaga te rakhi disele.
|
|
\v 18 Kelemane John, Herod ke koise, tumi nijor bhai laga maiki ke loa thik nyom nohoi.
|
|
\v 19 Karone Herodias bhi John ke beya paai kene taike morai dibo bhabi sele, kintu paranai.
|
|
\v 20 kelemane Herod, John dhormik aru pobitro manu koi jani kene taike bhoi para bachai thake, aru tar kotha hunile bisi bhoi hoi, aru khusi para huni thake.
|
|
\v 21 Aru jetia bhal din ahise, tetia Herod tar jonom din te tar senamota aru dangor manu, aru Galilee laga solawta khan ke raati te khoa-lua dise.
|
|
\v 22 Aru Herodias laga chukri ahi nachi kene Herod aru tate boha sob ke khush kori dise, tetia raja laga sowali ke koise, "Mangibi moi para ki lage, moi tumi ke dibo."
|
|
\v 23 Aru tai sowali usor te kosom khai koise, "Tumi ji mangibo, Moi adha raijyo mangi lebhi tumi ke dibo."
|
|
\v 24 Karone sowali jai kene tar ama ke hudise, "Moi ki mangibo?" Tetia tar ama koise "John baptizma dia manu laga matha".
|
|
\v 25 Tai joldi raja logote ahi koise, "Moi mangi ase apuni eitia, John baptizma dia manu laga matha ekta thali para moike di dibi, eitu he amar icha ase."
|
|
\v 26 Tetia raja laga mon bisi duk hoise, kintu tai kosom dia karone aru Tar logote boha khan karone tai sowali ke nohobo kobo napara hoise.
|
|
\v 27 Aru raja joldi ekta sipahi ke, John laga matha katti kene anibole hukum dise. Aru tai bon kori rakha thaka te jai kene tar matha katti loise.
|
|
\v 28 Aru ekta thali para ani heitu sowali ke di dise, aru sowali bhi loi ani tar ama ke di dise.
|
|
\v 29 Jetia tar chela khan eitu hunise, to taikhan ahi kene tar gou to uthai ekta kobor te rakhidise.
|
|
\v 30 Tetia apostle khan Jisu logote ahi joma hoise, aru ji kam taikhan korise, aru sikhai dise, sob Taike koi dise.
|
|
\v 31 Aru Tai taikhan ke koise, "tumikhan nije alag sunsan jagah te jai kene olop somoi aram kori lobi." kelemane tate bisi manu aha-joa kori asele, karone taikhan khabole somoi bhi napa hoi jaise.
|
|
\v 32 Aru taikhan nao para ekta alag sunsan jagah te jai jaise.
|
|
\v 33 Kintu bisi manu taikhan jai thaka dekhi kene sob nogor para polai ahi taikhan usor te ponchi jaise, aru Tar logote ahi jaise.
|
|
\v 34 Aru Jisu jetia bahar ulaise, aru bisi manu ke dekhise, to taikhan ke morom lagise, kelemane taikhan to ekta shagoli ke saa manu nathaka nisina thaka karone, Aru Tai bisi kotha taikhan ke sikhai dise.
|
|
\v 35 Jetia somoi bisi dari hoi jaise, tar chela khan Tar logote ahi koise, "Yate to sunsan jagah ase, aru homoe to deri hoi jaise.
|
|
\v 36 Taikhan ke pothai dibi, taikhan ephale-uphale usor bosti te jai kene nijor karone roti kinibo dibi, kelemane taikhan khabole eku nathaka hoise."
|
|
\v 37 Kintu Tai taikhan ke jawab di koise, tumikhan he taikhan ke kiba khabole dibi." Aru taikhan Tai ke koise, "amikhan he jai kene dui-sou dinarii laga roti kini ani kene taikhan ke khabole dibo?"
|
|
\v 38 Kintu Tai taikhan ke koise, "Tumi khan logote kiman roti ase? jai kene sabi, "Aru jetia taikhan paise to koise, "Pansta roti aru duita mas."
|
|
\v 39 Tetia Tai sob manu ke niche ghas te joma hoikene bohibole koise.
|
|
\v 40 Tetia taikhan ke eksou-eksou aru panchas-panchas kori kene alag-alag jaga te bohibole koi dise.
|
|
\v 41 Tetia Tai pansta roti aru duita mas ke loi sorgote sai kene dhanyabad dise, aru roti bhangai kene Tar chela khan ke di thakise, je taikhan ke dibole, aru Tai duita mas ke bhi taikhan sob logote bhag kori dise.
|
|
\v 42 Tetia Taikhan sob khai loise pet bhorta nahua tok.
|
|
\v 43 Aru taikhan barota tokri uthai kene tukra rooti aru mas khan bhorta korise
|
|
\v 44 Tate taikhan roti kha pans hazaar manu thakisele.
|
|
\v 45 Tetia Tai manu khan ke pothai dibo karone tar chela khan ke nao para joldi uphale Bethsaida te jabi koi dise.
|
|
\v 46 Aru taikhan jetia jaise. Tai prathna koribole pahar te jai jaise.
|
|
\v 47 Jetia sam ahise nao to samundar majote thaki sele, aru Tai ekla he mati te asele.
|
|
\v 48 Tetia hawa taikhan ke ulta para mari thaka karone, nao ke agete loi jabole bisi digdar hua Tai dekhise. Aru choutha paher nisina Tai samundar te khuj-kari taikhan logote ahise, aru taikhan para age ulaai jabole hoise.
|
|
\v 49 Kintu jetia Tai samundar te khuj-kari aha dekhise Taike bhoot bhabi kene bisi hala korise.
|
|
\v 50 Kelemane taikhan sob Taike dekhi kene bisi hairan hoise, kintu Tai joldi taikhan logote kotha korise aru koise, "Mon dangor koribi, Moi he ase! Bhoi no koribi!"
|
|
\v 51 Tetia taikhan logote nao te ahise, aru hawa rukhi jaise, aru taikhan bisi assorit hoise.
|
|
\v 52 Kelemane taikhan heitu roti laga motlob bhi buja nai. Kintu, taikhan laga mon tan hoi thakise.
|
|
\v 53 Jetia taikhan par kori ahise taikhan Gennesaret te ahi kene nao ke tate lagai rakhise.
|
|
\v 54 Aru jetia taikhan nao para ulaai ahise, manu khan Taike joldi jani loise.
|
|
\v 55 Aru usor te thaka bosti khan sob polai ahise aru bemari khan ke bisina para loi, jun jagah te Tai thaka hunisele tate loi ani thakise.
|
|
\v 56 Aru jun jagah hobi, bosti, nogor hobi aru des te jetia Tai jai sob jagah te bemari khan ke bazaar te bhi rakhi kene Tar laga kapur olop chubole binti kori thakise, aru jiman manu Taike chubo parise sob bhal hoi jai.
|
|
\c 7
|
|
\v 1 Tetia Jerusalem para aha Pharisees aru kunuba likha khan Tar logote ahi joma hoise.
|
|
\v 2 Aru taikhan Jisu laga chela khan kunuba ke letra hath nudhui kene roti khowa dekhise.
|
|
\v 3 Kelemane Pharisees aru Yahudi khan purana niyom ke mani choli thakisele, taikhan hath nudhui kene eku bhi na khai.
|
|
\v 4 Jetia bazaar para ahibo, golos no korile eku bhi na khai, aru teneka bisi kotha ase: ji to taikhan mani thake, gilas, thali, tamba laga borton, dhua aru sapha kora.)
|
|
\v 5 Tetia Pharisees aru likha khan taike hudise, "Kele Tumar chela khan poila laga niyom na mani kene choli thake, aru hath nudholai kene roti khai thake?"
|
|
\v 6 Tai taikhan ke jawab di koise, Isaiah he tumi mon bia khan laga kotha prophesied thik koise. Eneka likha ase, eitu khan muk para to Moike sonman kore, kintu taikhan mon to Moi para dur thake.
|
|
\v 7 Aru taikhan misa-mise te Moi ke aradhana kori thake, kelemane manu para bona niyom loi sikhai thake.
|
|
\v 8 Kelemane tumi khan Isor dia niyom chari kene manu bona niyom he mani thake.
|
|
\v 9 Tai taikhan ke koise, tumikhan manu he bona niyom mani kene, Isor dia bhal niyom khan chhari dise.
|
|
\v 10 Kelemane Moses koisele, tumi tumar baba aru ama ke "Sonman koribi,' aru, 'jun tar nijor baba, ama ke beya kobo, tai jehoilabi moribo.'
|
|
\v 11 Kintu tumi khan koi, jodi ekjon tar nijor baba, ama ke koi, moi para apuni ji modod pabole ase, heitu sob Isor logote Corban"', (mane, 'Isor ke di dise').
|
|
\v 12 aru tumikhan heitu manu ke tar baba aru ama ke eku bhi modot koribole nidia.
|
|
\v 13 Aru tumi khan Isor laga kotha beya kori thake tumar niyom para. aru bisi mili thaka nisina kam kori thake.
|
|
\v 14 Aru tetia Tai manu khan ke Tar usor te mati ani taikhan ke koise, "Amar kotha hunibi, aru bujhi lobi.
|
|
\v 15 Eneka jinis to nai, bahar para manu bithor te jai kene letra kori dia, kintu ji jinis bithor para ulaai heitu he taike letra kori dia.
|
|
\v 16 Jodi kunuba hunibole kan ase to taike hunibo dibi.
|
|
\v 17 Jetia Tai bisi thaka manu majot para ula khan Taike eitu dristant laga motlob hudise.
|
|
\v 18 Aru Tai taikhan ke koise, kele, "Tumikhan bhi eneka nabuja ase? Bahaar para manu bhitor te joa to manu ke letra no kore.
|
|
\v 19 kelemane eitu tar mon para nohoi, kintu pet te jai kene aru ulai thake, kelekoile sob kha-lua sapha ase.
|
|
\v 20 Aru Tai koise, ji mon para ulai, heitu he manu ke letra kori dia.
|
|
\v 21 Kelemane manu laga mon para beya bhabna, byabichar, chor kora aru morai dia,
|
|
\v 22 lalos, beya kam kora, thokai dia, beya niyom thaka, suku jola, hinsa kora, khusi-khusi phutini kora.
|
|
\v 23 Eitu sob beya bostu mon para ahi manu ke letra kori dia
|
|
\v 24 Tate para Tai uthi kene Tyre aru Sidon laga des phale ahi jaise, aru ekta ghor te jaise, aru kunu ke bhi janibo nidibo bhabisele, kintu Tai Iukabole para nai.
|
|
\v 25 Kintu tate ekjon maiki jun laga choto soali ke beya atma asele, tai Tar kotha hunise, aru ahi Tar bhori te giri jaise.
|
|
\v 26 Aru heitu maiki Yunani aru Syrophoenician jaati asele, aru eitu maiki Tar logote binti korise, je amar soali para beya atma ulai dibi koikene.
|
|
\v 27 Kintu Jisu taike koise, "Prothom te bacha ke khabole dibi. Kelemane bacha laga roti loi kene kukur khan ke dia thik nohoi."
|
|
\v 28 Aru tai jawab di kene, koise "Hoi, Probhu, kintu choto kukur bhi bacha khan laga roti tukra table niche te giri thaka khabole pai.
|
|
\v 29 Tetia Tai taike koise, "Eitu kotha karone tumi, jabi, bhoot tumar soali para ulai jaise."
|
|
\v 30 Aru tai jetia ghorte ahise, tai tar soali bisina te ghumai thaka aru bhoot ulai ja pai loise.
|
|
\v 31 Tetia Tai aru bhi Sidon laga des para ulaai Decapolis laga des te hoi Galilee phale ahi jaise.
|
|
\v 32 Tetia kunuba ekjon kan nahuna jun kotha kobo duk pa bhi asele, Tar logote ani heitu upor te Tar hath rakhi dibi koi binti korise.
|
|
\v 33 Aru Tai taike bisi thaka manu para alag loi jai kene tar kan te anguli ghusai dise, aru thuk di kene tar jibha te chui dise.
|
|
\v 34 Tetia Tai sorgo phale sai dukh pa nisina awaz para koise, "Ephphatha!" (motlob ase "Khuli jabi!")
|
|
\v 35 Tetia joldi tar kan khuli jaise, aru tar jibha bandi thaka bhi khuli jaise, aru tai sapha para kotha koribole parise.
|
|
\v 36 Tetia Tai taikhan kunu ke bhi nokobi koi mana kori dise kintu Tai taikhan ke jiman mana koribo eiman taikhan bisi kobole hoi jai.
|
|
\v 37 Aru taikhan bisi assorit hoi koise, "Tai jiman bhi korise sob thik korise. Tai kan nahuna ke bhi hunibole dise, aru kobo napara ke bhi kotha kobole takot dise.
|
|
\c 8
|
|
\v 1 Heitu din te aru bisi manu joma hoi jaise, aru taikhan logote khabole eku thaka nai, Jisu Tar chela khan ke mati ani taikhan ke koise.
|
|
\v 2 Moi eitu bisi thaka manu khan ke morom lagi ase, kelemane taikhan tin din para Amar logote thaki ase, aru taikhan khabole eku thaka nai,
|
|
\v 3 Jodi Moi taikhan ke bhukha ghor pothai dile, taikhan rasta te behosh hobo pare, kelemane kunuba to dur para ahise."
|
|
\v 4 Tetia Tar chela khan Taike jawab dise, "Kote para kunuba yate jungle te eman roti ani eitu khan ke khelai bhorta koribo paribo?"
|
|
\v 5 Tai taikhan ke hudise, tumikhan logote "kiman ta roti tumikhan logote ase?" Taikhan koise, "Saat-ta."
|
|
\v 6 Tetia Tai taikhan ke matti te bohi bole hukum dise, aru Tai saat- ta roti loi Isor ke dhanyabad dise, aru bhangai kene Tar chela khan ke di dise, manu khan ke dibole, aru taikhan loi sob ke di dise.
|
|
\v 7 Taikhan olop choto mas bhi asele, to Tai heitu bhi loi dhanyabad di kene taikhan ke dibole koise.
|
|
\v 8 Tetia taikhan khai kene aram pai loise, aru bachi thaka saa-ta tokri bhorta uthai loise.
|
|
\v 9 Aru jun khaisele, heitu khan chari hazaar nisina asele, aru Tai taikhan ke jabo dise.
|
|
\v 10 Aru Tai joldi nijor chela khan ke nao te uthi kene Dalmanutha laga des phale jaise.
|
|
\v 11 Tetia Pharisees khan ahi Taike hudise aru porikha kori. Taike sorgo para ekta chinha taikhan ke dikhabole koise.
|
|
\v 12 Kintu Tai nijor Atma te dukh paa nisina lamba sans loi koise, kele eitu yug khan chinha bisari thake? Moi tumikhan ke hosa kobo, eitu yug khan ke eku chinha ni dibo.
|
|
\v 13 Aru Tai taikhan ke chari kene, nao te uthi jaise, aru uphale paar kori jai jaise.
|
|
\v 14 Tetia Tar chela khan roti lobole pahorise, aru nao te taikhan logote etka roti para bisi thakanai.
|
|
\v 15 Tetia Jisu taikhan ke koise, "Sai rukhi thakabi Herod laga khomir aru Pharisees laga khomir para hoshiar thakibi."
|
|
\v 16 Taikhan apaste kotha korise, kelemane amikhan logote roti na thaka hoise.
|
|
\v 17 Kintu Jisu eitu jani kene taikhan ke koise, tumikhan roti na thaka karone kele, kotha kori ase? Kele eitia bhi najane? tumar mon tan hoi thaki ase?
|
|
\v 18 Soku thaki lebhi, ne dekhi? kan thaki lebhi tumikhan nuhuni? Aru tumi khan yadh nathake?
|
|
\v 19 Jetia Moi pans-hazar karone pansta roti bhangai disele? Aru tumikhan kiman tokri tukra khan uthaise?" Taikhan koise "Baroh."
|
|
\v 20 "Aru jetia Moi char hazaar karone saat-ta roti bhangai sele, to tumikhan tukra khan kiman tokri bhorta kori uthaise?" Taikhan koise, "saat-ta."
|
|
\v 21 Tetia Tai taikhan ke koise, "Kele, tumikhan eitia bhi nubujhe?"
|
|
\v 22 Tetia Tai Bethsaida te ahi jaise, aru taikhan suku nidikha manu ekjon Tar logote loi anise, aru Taike chubole binti korise.
|
|
\v 23 Eitu karone Tai chuku nidikha manu laga hath dhori heitu bosti bahar te jaise, aru tar soku te thuki kene, Tar hath para taike chuise aru taike hudise, tumi kiba dekhi ase?
|
|
\v 24 Aru tai upor sai koise, moi gas nisina manu jai thaka dekhi ase.
|
|
\v 25 Tetia Tai Tar hath ekbar aru tar soku te chuise, aru tai bhal para sai sele to sapha para sob dekhibo parise.
|
|
\v 26 Tetia Jisu taike ghor te pothai dise aru koise, "Nogor te na jabi."
|
|
\v 27 Titia Jisu aru Tar chela khan Caesarea Philippi laga nogor te jai jaise, to Tai rasta te jai somoi Tar chela khan hudise, "Manu khan Moike kun ase koi?
|
|
\v 28 Tetia taikhan taike jawab di, koise, "John baptizma dia, aru kunuba koi, 'Elijah,' aru kunuba koi, 'Ekta prophet ase.'"
|
|
\v 29 Tai taikhan ke koise, "Kintu tumikhan Moike ki koi ase? Peter jawab di koise, "Apuni Khrista ase."
|
|
\v 30 Tetia Tai taikhan ke Tar bikhoi kunu ke bhi nokobi koise.
|
|
\v 31 Aru Tai taikhan ke hikabole suru korise, Manu laga Putro bisi dukh koribo lagibo, bura khan aru prodhan purohit aru likha khan Tai ke namanibo aru morai dibo, aru Tai tin din pasotee jee uthi jabo.
|
|
\v 32 Tai taikhan ke eitu kotha saph para koi dise, Peter Taike alag loi jai kene Taike hala korise.
|
|
\v 33 Kintu Tai ghuri Tar chela khan ke saise aru Tai Peter ke galise aru koise, soitan! "Amar usor para dur hobi, kelemane tumi Isor laga kotha te nohoi, kintu manu lapa bhabna te he thake
|
|
\v 34 Jetia Tai bisi manu thaka aru logote Tar chela khan ke mati Tar usor te ani, taikhan ke koise, "Jodi kunuba Amar piche koribo mon hoile, tai nijor ke namana kori aru nijor cross uthai loi Amar pichete ahibi.
|
|
\v 35 Kelemane jun nijor jeevan bachabole mon koribo, tai jeevan herai dibo, kintu jun Moi karone, aru su-samachar karone nijor jeevan herai dibo tai bachibo
|
|
\v 36 Karone kunuba manu sob prithibi pai loi kene tar nijor jeevan harai dile, to tai ki labh hobo?
|
|
\v 37 karone manu nijor jeevan bodli te ki dibo paribo?
|
|
\v 38 Jun bhi eitu byabichari aru papi yug manu para, Amar kotha te aru Moi para sorom koribo, Manu laga Putro bhi jetia Tai Pobitro doot aru Pritri laga mohima te ahibo, Tai bhi tar kotha kobole sorom koribo.
|
|
\c 9
|
|
\v 1 Aru Tai taikhan ke koise, "Hosa para Moi tumi khan ke kobo, yate khara thaka kunuba jetia tok Isor raijyo laga takot aha ke nedekhi bo, tetia tok mora laga swad na pabo.
|
|
\v 2 Tetia Choi-din pasotee Jisu Peter aru James aru John ke loi ekta uncha pahar te jaise, Tetia taikhan sai thaka te Tar gau alag hoijaise.
|
|
\v 3 Tar kapur borof nisina bisi boga hoi jaise, eitu dunya te kunu dhobi bhi teneka boga koribole na para nisina.
|
|
\v 4 Tetia Moses aru Elijah ahi dekhai dise, aru taikhan Jisu logote kotha kori thakise.
|
|
\v 5 Tetia Peter Jisu ke koise, hai "Rabbi, amikhan yate thakile bhal hobo, amikhan ke tin-ta thakibole jaga bonabo dibi, ekta Tumar nimite, ekta Moses nimite, ekta Elijah nimite.
|
|
\v 6 (Kelemane taikhan bisi bhoi kha karone ki kobo lage najani kene koi thakise.)
|
|
\v 7 Tetia ekta baadol ahi taikhan ke dhaki loise, aru baadol para ekta kotha ahise, "Eitu Amar morom thaka Putro ase. Tai ke hunibi.
|
|
\v 8 Tetia taikhan achanak ephale- uphale saise to Jisu he taikhan logote thaka paise, aru kunu ke bhi panai
|
|
\v 9 Tetia taikhan pahar para niche ahi asele tetia Jisu taikhan ke hukum dise jetia tok Manu laga Putro mora para jee nu-uthia tok tumi khan ki dekhise heitu kunu ke bhi no kobi koise.
|
|
\v 10 Taikhan eitu kotha Iukaai rakhi dises aru "mora para jee uthia tok" ki matlab ase koikene kotha kori thakise.
|
|
\v 11 Aru taikhan Tai ke hudise, "Kele, likha khan Elijah he pohila ahibo lage koi.
|
|
\v 12 Tetia Tai taikhan ke jawab de koise, hosa ase Elijah pohila ahibo lage, aru sob thik thak kori dibo, eitu hosa ase, kintu Manu laga Putro laga kotha te Tai bisi dukh koribo aru Taike ghin hobo eitu kele likhi rakhise?
|
|
\v 13 Kintu Moi tumikhan ke koi dibo Elijah ahi jaisele, aru taikhan taike ki kori bole monn ase kori dise jeneka Tar kotha likhi rakhise.
|
|
\v 14 Aru jetia Tai Tar chela khan logote ahise, to bisi manu taikhan laga age piche te thakise, aru likha khan taikhan logote kotha lagi thakise.
|
|
\v 15 Aru manu khan jetia, Taike dekhise asurit hoi Tar logote polai ahi Taike salam dise.
|
|
\v 16 Aru Tai Tar chela khan ke hudise, tumikhan taikhan logote ki kotha te lagi ase?
|
|
\v 17 Ekjon bisi manu thaka jaga para Taike jawab di koise, "Sikha manu moi amar chokra loi ani ase jun logote gunga atma ase.
|
|
\v 18 Aru jote bhi taike dhorile, tate phekai dia aru tar muh para phen ulaai, aru daat kamuri thake, aru sukhi kene tan hoi thake, aru moi Tumar chela ke koisele, eitu ulai dibole, kintu taikhan paranai."
|
|
\v 19 Tai taike jawab di koise, "Tumi biswas nakora jati khan, Moi kitia tok tumikhan logote thakibo? Ketia tok Moi tumikhan ke sai thakibo? Taike Moi logotte loi anibi."
|
|
\v 20 Aru taikhan Tar logote anise, aru jetia tai Jisu ke dekhise, joldi heitu gunga atma taike dukh dise, aru tai matti te giri jaise, aru muh para phen ulai thaki jaise.
|
|
\v 21 Eitu karone Tai tar baba ke hudise, tar bemar ketia para ase? Aru tai koise, bacha homoi para ase.
|
|
\v 22 Aru tai bar-bar taike khotom koribole ketiba jui te aru ketiba pani te gerai di thake, kintu Apuni hey kiba koribo parile, morom para amikhan ke modod koribi."
|
|
\v 23 Aru Jisu taike koise, jodi tumi biswas korile biswas manu khan karone bhi sob koribo paribo.
|
|
\v 24 Joldi chokra laga baba kandi kene koise, hei Probhu moi biswas ase, amar biswas laga upai kori dibi.
|
|
\v 25 Jetia taikhan polai ahi thaka bisi manu Jisu he dekhise, tetia Tai sapha nathaka atma ke galise, aru koise, "Tumi na-huna aru gunga atma, Moi tumi ke hukum di ase, tar para ulai jabi, aru ketia bhi tar bitor te aru nahibi."
|
|
\v 26 Tetia tai hala kori aru taike bisi dukh di kene ulai jaise, aru chokra to mora nisina hoise, karone bisi manu koise "Tai mori jaise.
|
|
\v 27 Kintu Jisu tar hath dhori kene taike uthai dise aru tai khara hoi jaise.
|
|
\v 28 Aru jetia Tai ghor bhitor ahise, to Tar chela khan akag para Taike hudise, amikhan bhi kele khedabo na pare?
|
|
\v 29 Eitu karone Tai taikhan ke koise, eitu sob prarthna aru upvaas para he koribo paribo.
|
|
\v 30 Tetia taikhan tate para ulai kene Galilee par kori jai asele, aru Tai kunu manu ke bhi janibo dibole icha kora nai.
|
|
\v 31 Kelemane Tai nijor chela khan ke sikhai aru koi thakise, Manu laga Putro ke manu hath te dhori dibo, aru taikhan Taike morai dibo; aru tin din pasotee Tai jee uthi jabo,
|
|
\v 32 Kintu taikhan eitu kotha laga motlob bujhibo para nai, aru Taike hudibole bhi bhoi lagi thakise.
|
|
\v 33 Tetia Tai Capernaum te ahise, aru jetia Tai ghor bhitor te asele Tai taikhan ke hudise, "Tumikhan rasta te ki kotha loi huda-hudi kori asele?"
|
|
\v 34 Kintu taikhan eku bhi koa nai. Kelemane taikhan rasta te ekjon ekjon logote kun he dangor hobo, heitu khota loi huda-hudi kori asele.
|
|
\v 35 Aru bohi kene, Tai Tar chela baroh-jon ke mati ani koise, "Jodi kunuba age hobole mon korile tai sob para piche hobi, aru sob laga nokor hobi."
|
|
\v 36 Tetia Tai ekta choto bacha loi taikhan majote rakhi aru bacha ke Tar upor uthai loi taikhan ke koise.
|
|
\v 37 "Jun Amar nam te eneka haat loi bacha ke grohon koribo, tai Moike grohon kori loise, aru jun Moike grohon koribo, tai Moi he nohoi kintu Moike jun pothai se tai ke grohon kori loise.
|
|
\v 38 John Tai ke koise "Sikha manu, kunuba ejkon Tumar nam te bhoot ulai thaka paisele, aru moikhan taike mana kori dise, kelemane tai moikhan logote naha karone.
|
|
\v 39 Kintu Jisu koise, "Taike mana no koribi, kelemane eneka kun bhi nai, jun Amar nam te asurit kam koribo, aru pichete Moike beya nokobo.
|
|
\v 40 Kelemane jun bhi moikhan ke hinsa no kore tai Amar phale ase.
|
|
\v 41 Kelemane jun bhi tumikhan ke Khrista laga koikene amar nam para ekta gilas pani bhi khelaile, Moi tumikhan ke hosa kobo, tai tar pabo thaka na harabo.
|
|
\v 42 Kintu jun bhi, Moike biswas kora choto ekjon ke bhi beya kori dile, tai karone chakki pissi thaka dangor pathor loi tar gola te bandi kene samundar te phekai dia he bhal hobo.
|
|
\v 43 Jodi tumar hath tumi ke paap koribo di thake, heitu hath katti phekai dibi, tumar duita hath loi norok te ketia bhi nabhuta jui te joa para tumi hath nathaki jeevon te joa he bhal hobo.
|
|
\v 44 Tate taikhan laga puka nomore aru jui bhi ketia bhi nubhutibo.
|
|
\v 45 Aru jodi tumar bhori tumi ke paap koribo di thake, heitu ke katti phekai dibi, tumar duita bhori loi norok te ketia bhi bhutibo napara jui te joa para tumi langra hoi jeevon te joa hai bhal hobo.
|
|
\v 46 Tate taikhan laga puka nomore aru jui bhi ketia bhi nubhutibo.
|
|
\v 47 Aru jodi tumar suku karone tumi ke paap koribo di thake ulaai phekai dibi, tumar dui-ta 'soku loi norok te joa para ekta soku loi Isor laga raijyo te joa he bhal hobo.
|
|
\v 48 Tate taikhan laga puka nomore aru jui bhi ketia bhi nubhutibo.
|
|
\v 49 Karone sob jui para nemokia kori dibo.
|
|
\v 50 Nemok to bhal ase, kintu jodi nemok bhi tar swad herai jaile tumi ki para heitu ke swadist koribo? tumi nijor ke nemok nisina rakhibi, aru shanti para ek-dusra logote thakibi.
|
|
\c 10
|
|
\v 1 Tetia Tai tate para uthi kene Jordan river par kori Judia des phale ahi jaise, aru bisi manu Tar logote ahi joma hoise, aru Tai taikhan ke Tar nijor nyom para sikhai di thakise.
|
|
\v 2 Tetia Pharisees khan ahi Taike porikha kori kiba hudise, "Kiba karone mota tar maiki ke chari dibole nyom ase?"
|
|
\v 3 Aru Tai taikhan ke jawab di koise, "Moses tumikhan ke ki hukum disele?"
|
|
\v 4 Taikhan koise, "Moses koisele chari bole laga kagas likhi kene taike chari dibole hukum dise."
|
|
\v 5 Aru Jisu taikhan ke koise, tumar mon tan karone tai tumikhan ke eitu hukum dise.
|
|
\v 6 Kintu srishti laga suru para Isor he mota aru maiki bonai dise.
|
|
\v 7 Karone mota to nijor ama aru baba chari kene tar nijor maiki logote milli jabo.
|
|
\v 8 Aru tai duijon ekke mongso' hoi jabo, karone taikhan duijon nohoi kintu ekta mongso hoi jabo.
|
|
\v 9 Karone ji Isor para milai dise, heitu ke manu para alag no koribi.
|
|
\v 10 Jetia taikhan ghor te thakise Tar chela khan Tai ke aru heitu kotha hudise.
|
|
\v 11 Karone Tai taikhan ke koise, jun bhi tar maiki ke chari di kene aru dusra ke sadhi korile tai tar maiki laga birudh te byabichar kora ase.
|
|
\v 12 Aru jodi maiki bhi nijor mota chari kene dusra logote sadhi korile tai bhi byabichar kora ase.
|
|
\v 13 Tetia taikhan bacha khan ke loi Tar usor anise, taikhan laga matha te Tar hath rakhi dibole, kintu chela khan jun bacha anise heitu khan ke mana korise
|
|
\v 14 Kintu jetia Jisu eitu dhekise to tai khong hoi kene taikhan ke koise, "Bacha khan ke moi logote ahibo dibi taikhan ke narukhabi, kelemene Isor laga rijyo to eneka khan laga he ase.
|
|
\v 15 Moi tumikhan ke hosa kobo jun bhi nije ke eitu bacha khan nisina no korile Isor laga raijyo te gusibo na paabo.
|
|
\v 16 Aru Tai Tar hath para uthai kene taikhan ke ashribad dise.
|
|
\v 17 Aru Tai jetia rasta te jai asele, ekjon polai ahi, aru Tar samne athu-kari kene Taike hudise, hai "Bhal Sikha manu, anonto jeevon pabole moi ke koribo lagibo?"
|
|
\v 18 Tetia Jisu taike koise tumi Moike kele! Bhal koise? Isor he nohole kunu bhi bhal nohoi.
|
|
\v 19 Tumi nyom khan to jani ase, tumi manu no nomora bhi, hyabichar no korib! chori no konbi, missa gawah dibi manu ke no-thokabi, tumar baba amaa ke sonman koribi.
|
|
\v 20 Aru tai jawab di Taike koise, "Sikha manu, moi eitu sob jawan thaka somoi para mani ahise."
|
|
\v 21 Tetia Jisu taike morom para sai kene taike koise, tumi ekta kaam he ponchia nai, jabi aru ji tumar ase sob bikai kene dukhia khan ke di dibi, aru tumi sorgote dhon pai jabo, aru ahi Amar piche kori lobi.
|
|
\v 22 Kintu tai eitu kotha para dukh hoise, aru mon beya hoi kene jai jaise, kelemane tai bisi dhoni asele.
|
|
\v 23 Tetia Jisu Tar age piche sai kene Tar chela khan ke koise, dhoni manu Isor raijyo te gusibole bisi kiman bhi digdar hobo!
|
|
\v 24 Aru chela khan Tar kotha para asurit hoise. Kintu Jisu taikhan ke aru koise, "Bacha khan, Isor raijyo te gusibole kiman bhi digdar ase!
|
|
\v 25 Isor laga raijyo te dhoni manu gusibole kora para sui laga nake te unt he ulaai joa to asan hobo.
|
|
\v 26 Aru taikhan ekdom assorit hoi kene ekjon-ekjon logote kotha korise, Tenehole kun poritran paabo?"
|
|
\v 27 Kintu Jisu taikhan ke sai kene koise, "Manu para hoile heitu na paribo, kintu Isor to paribo. Kelemane Isor to sob pare ase."
|
|
\v 28 Tetia Peter Taike koise, sabi amikhan to sob chari kene Tumar piche kori ase.
|
|
\v 29 Tetia Jisu koise, "Moi tumikhan ke hosa kobo, kunu bhi Moi karone aru suesamaehar karone Tar ghor nohole bhai aru bohini nohole ama nohole baba nohole maiki nohole nijor bacha nohole Teti mati barri chhaci dile.
|
|
\v 30 Jun bhi bisi napabo eneka eku bhi nai ek-sau guna para bhi: ghor aru Bhai aru bohini aru ama aru bacha aru kheti baari khan, aru ahha yug te anonto jeevon bhi pabo,
|
|
\v 31 Kintu bisi manu jun age asele piche hoi jabo,' aru jun piche asele age hoi jabo.
|
|
\v 32 Tetia taikhan Jerusalem te joa somoi rasta te Jisu taikhan age jai asele, taikhan asurit hoise, aru jun Tar piche ahi asele, bhoi khai asele, tetia Tai ekbar aru baroh-jon ke kinar te loi jai kene Tar upor te ki ahibole ase taikhan ke koise.
|
|
\v 33 Sabi, moikhan Jerusalem te jai ase, aru Manu laga Putro ke dhori prothon porohit aru likha manu khan laga hath te dibo, aru taikhan Taike golti dibo aru Taike morai dibo, Taike loi biswas nakora laga hath te di morai dibo
|
|
\v 34 Aru taikhan Taike dhamali kori maribo, aru, Tar upor te thukibo, aru morai dibo kintutisra din te zinda hoi jabo."
|
|
\v 35 Tetia Zebedee laga putro James aru John duijon Tar logote ahi "Sikha manu, ami duijon kiba mangibo heitu ke kori dibi koise.
|
|
\v 36 Tai duijon ke koise, duijon ki lage, Moi tumar karne kori dibo.
|
|
\v 37 Duijon Taike koise, "Apuni mohima aha te ekjon ke Tumar dahina hath aru dusra ke Tumar baya hath bohibo dibi."
|
|
\v 38 Kintu Jisu taikhan ke koise, tumi duijon ki mangi ase? najani kene mangi ase, duijon Moi khabole thaka cup para tumikhan khabo paribo? Aru Moi ki baptizmna para baptiz lobole ase?
|
|
\v 39 Duijon Taike koise, ami pare, tetia Jise taikhan ke koise, duijon Amar khabole thaka cup para khabole to hosa ase, aru Moi ki baptizma para baptiz koribole ase, heitu bhi.
|
|
\v 40 Kintu Amar dahina baya phale bohhibole to Moi dibo napare, kintu heitu to kun ke dibole rakhi ase heitu he pabo.
|
|
\v 41 Aru jetia dos-jon khan heitu kotha hunise to James aru John duijon ke bisi khong korise.
|
|
\v 42 Kintu Jisu taikhan ke mati ani koise, tumikhan jani ase, Isor najana khan to sahab khan he taikhan laga upor te bhagwan kore aru tar khan upor te adhikar kori thake.
|
|
\v 43 Kintu tumar majote to teneka na nohobi, kintu jun dangor hobole mon kore tai tumar nokor hobo dibi.
|
|
\v 44 Aru jun age hobole mon kore taike sob laga dass hobo dibi.
|
|
\v 45 Kelemane Manu laga Putro bhi seva lobole aha nohoi, kintu seva koribole aru bisi manu ke bacha bole nijor jan dibole ahise.
|
|
\v 46 Tetia taikhan Jerico te ahise, Tai aru Tar chela khan aru bisi manu logote Jerico para ulai ja somoi Timaeus laga chokra nam Bartimaeus koikene andha ejon rasta kinar te bohi bhikh mangi asele.
|
|
\v 47 Aru jetia tai eitu hunise, eitu Nazareth Jisu ase koikene, to tai hala kori koise, "Jisu, David laga Putro, moike doya koribi.
|
|
\v 48 Tetia bisi manu tai ke chup thakibi koikene gali di chup kori dise. kintu tai aru bhi bisi hala kori koise, "Jisu David laga Putro, moike doya koribi!"
|
|
\v 49 Tetia Jisu khara hoi kene taike mati dibi koisey tetia taikhan andha manu ke koise anand hobi, uthibi Tai tuma ke mati ase.
|
|
\v 50 Tetia tai tar kapur phekai dise aru uthi kene Jisu logote ahi jaise.
|
|
\v 51 Tetia Jisu tai ke koise, tumi ki lage, Moi tumar karone kori- dibo, andha manu Taike koise, he "Rabbi, moike dekhi pabo dibi.
|
|
\v 52 Tetia Jisu taike koise, jai jabi, tumar biswas he tumi ke bhal kori dise, aru tai joldi dekhibo parise, aru Jisu piche-piche rasta te jai thakise.
|
|
\c 11
|
|
\v 1 Aru jetia taikhan Jerusalem usor Olive pahar kinar Bethphage aru Bethany te ahise JisuTar duijon chela ke bahar pothai dise
|
|
\v 2 Aru Tai taikhan ke koise, "Jabi samne bosti te, aru tumi tate poncha loge-loge gadha powali upor te kunu bhi na-boha bandhi thaka pabo heitu ke khuli loi anibi.
|
|
\v 3 Aru jodi kunuba tuma ke kele eneka kori ase koile? Kobi Probhu he eitu lagi ase, tetia tai joldi pothai dibo.
|
|
\v 4 Karone taikhan jaise aru heitu gadha powali ke dorja bahar rasta te bandha paise, aru taikhan khuli loi anise.
|
|
\v 5 Kintu kunuba tate khara asele, taikhan ke hudise, eitu ki kori ase, gadha powali ke, kele khuli ase?
|
|
\v 6 Aru taikhan Jisu jeneka koise teneka taikhan ke koise, tetia taikhan jabole dise.
|
|
\v 7 Tetia taikhan gadha powali loi anise, aru taikhan nijor kapur heitu upor te bechai dise, aru Tai heitu upor te bohi jaise.
|
|
\v 8 Aru bisi manu nijor kapur rasta te bechai dise, aru dusra khan gos laga dal katti ani rasta te bechai dise.
|
|
\v 9 Tetia jun Tar age-age jai asele, aru jun Tar piche-piche ahi asele taikhan sob hala kori koise, "Hosanna dhoinyo ase jun Probhu laga nam te ahise.
|
|
\v 10 Probhu nam para amar baba David laga raijyo loi aha ke dhoinyo, Hosanna Tar naam uncha koribi,
|
|
\v 11 Aru Jisu Jerusalem te ahi kene girja te jaise, aru Tai ghuri kene sob saise, aru bisi deri hua karone, Tar baroh-jon ke loi Bethany te ahi jaise.
|
|
\v 12 Aru dusra din jetia taikhan Bethany para ulai joa somoi te Tai bhuk lagise.
|
|
\v 13 Aru tai dur para ekta dimoru gas patta thaka dikhi kene usor jaise, ki jane tate kiba pabo bhabi kene, jetia Tai tate ahise, tar patta he paise aru eku paa nai, kelemane heitu somoi dimoru guti dibole somoi nohoi,
|
|
\v 14 Tetia Jisu koise, "Eitia para kun bhi Tumar guti aru na khabo aru Tar chela khan heitu kotha koa hunise.
|
|
\v 15 Tetia taikhan Jerusalem ahise aru Jisu girja te jaise, aru tate lenden kori thaka khan ke bahar ulaai dise, aru toka-poisa bodla-bodli kori thaka laga mez bhi ultai dise aru kabotar bikri kori thaka khan laga chowki bhi ultai dise.
|
|
\v 16 aru Tai kunu ke bhi eku jinis girja bhitor te loi aha-joa koribole dia nai.
|
|
\v 17 Tetia tai sekhai di koise, 'Amar ghor prathana ghor hobo sob jaati khan karone eneka likha nohoi? kintu tumikhan eitu ke chor dakoit laga ghor bonai dise.
|
|
\v 18 Aru likha manu aru prodhon purohit khan eitu hunise to taikhan Taike khotom koribo bisarise, kelemane taikhan Taike bhoi korise, manu sob Tar kotha huni asurit hoi thaka karone.
|
|
\v 19 Aru jetia sam ahise to Tai nogor para bahar ulai jaise.
|
|
\v 20 Aru phujur jetia taikhan jai asele, tetia heitu dimoru gas laga jar tok sukhi ja dekhise.
|
|
\v 21 Aru Peter ke mon te ahise, aru tai Jisu ke hudise, "Rabbi, sabi! Dimoru gas jun ke Apuni srap disele heitu sukhi jaise,
|
|
\v 22 Karone Jisu taikhan ke koise, Isor ke biswas rakhibi.
|
|
\v 23 Kelemane Moi tumikhan ke hosa kobo, jun bhi eitu pahar ke yate para ulai samundar te dubi jabi eneka monte chinta no kori, tai ki koise heitu hoi jabo koikene biswas thakile heitu bhi hoi jabo.
|
|
\v 24 Karone Moi tumikhan ke kobo, tumikhan prathana te ji mangise, heitu sob paise, koikene biswas korile heitu pabo.
|
|
\v 25 Aru jetia tumikhan prathana koribole hoi, jodi tumar mon te kunuba ke beya pai thakile, taike maap kori dibi eneka korise koile tumar sorgo te thaka Priti bhi tumar golti maap kori dibo.
|
|
\v 26 kintu jodi tumikhan manu ke maap nidile? Tumar sorgo Pitri bhi tumar goldi maap nidibo.
|
|
\v 27 Jetia taikhan aru Jerusalem te ahise, aru tai girja te berai asele, prodhan purohit aru likha manu aru bura khan tar logote ahise.
|
|
\v 28 Aru taikhan Taike koise, Apuni ki hokti para eitu sob kori ase Aru kun Tumar ke eitu koribole dise?
|
|
\v 29 Kintu Jisu taikhan ke jawab di koise, "Moi bhi tumikhan ke ekta kotha hudibo. Moike kobi, aru Moi bhi tumikhan kobo Moi ke takot para eitu khan kori ase.
|
|
\v 30 John baptizma dia manu Sorgo para ahise, na manu para? Moike jawab dibi."
|
|
\v 31 Tetia taikhan majote kotha patise, jodi amikhan sorgo para ase koile, Tai kobo tumikhan kele taike biswas kora nai.
|
|
\v 32 Kintu jodi amikhan 'Manu para koile,'....." taikhan bisi manu ke bhoi asele kelemane sob John ke prophet mani thake.
|
|
\v 33 Karone taikhan Jisu ke koise, "Amikhan na jane." korone Jisu taikhan ke koise, "Moi bhi tumikhan ke Moi ki laga takot para eitu sob kaam kori ase nokobo."
|
|
\c 12
|
|
\v 1 Tetia Tai drishtant para taikhan ke koise, ekjon draikha-baari ekta bonaise, aru chari kona phale bera lagai dise, aru ros kundh bonaise, aru machang bonai kene kunuba kam kora manu ke theka de kene aru dur pardes te jai jaise.
|
|
\v 2 Jetia ros ulabole somoi ahise tar noukor ekjon ke tate kiba guti pabo pare bhabi kene draikha-baari te kam kora manu khan logote pothaise.
|
|
\v 3 Aru taikhan taike dhori kene taike pektai dise, aru taike khali hath pothai dise.
|
|
\v 4 Tetia tai aru dusra ekjon noukor ke pothaise, taikhan pathor para tar matha mari jokhom kori dise aru sorom khelai kene taike pothai dise.
|
|
\v 5 Aru tai dusra ekjon ke pothaise taikhan taike morai dise, Tai bisi manu ke pothai sele, to kunuba ke pittai dise, aru dusra khan ke morai dise.
|
|
\v 6 Tai khali ekjon he thakise phota bole, ekta morom chokra. koise, 'Taikhan bhi amar chokra ke to morom koribo koikene pothai dise.'
|
|
\v 7 Kintu kam kora manu tar khan bithor te kotha korise, 'Itu to malik ase, ahibi amikhan taike morai dibo, tetia tar laga to amar khan laga hoi jabo.
|
|
\v 8 Aru taikhan taike loi jai kene mari dise, aru taike draikha-baari bahar te phekai disea
|
|
\v 9 Karone draikha-baari laga malik ki koribo? Tai ahi kene kam kora manu khan ke khotom kori dibo, aru draikha-baari to dusra ke di dibo.
|
|
\v 10 Raj mimaiki khan chari die pathor to Kona te thaka heitu he dangor pathor hoi jaise, eneka likhi takha tumikhan Isor kotha te paranai?
|
|
\v 11 Eitu Probhu para he hoise, aru eitu asurit, amar soku para sabole.
|
|
\v 12 Aru taikhan taike dhoribole bhabisele, kelemene taikhan bhujise, je taikhan birudh te eitu drishtant koa karone, kintu bisi manu ke bhoi para chari dise aru jai jaise.
|
|
\v 13 Tetia taikhan Tar kotha para Taike dhoribole kunuba Pharisees aru Herodians khan ke Tar logote pothaise.
|
|
\v 14 Aru taikhan koise, Sikha manu amikhan jane Apuni hosa ase, aru kunu ke bhi bhoi nokore, kelemane Apuni manu mukh sai kotha nokore, kintu Isor laga hosa rasta he sikhai, karone Caesar laga kar dia thik hobo na nai? "Moi khan dibo lage na nedibo?
|
|
\v 15 Kintu Tai taikhan laga chalak jani kene koise kele Moike porikha kori ase? Ekta denarius Moike sabole anibi.
|
|
\v 16 Karone taikhan anise, aru Tai taikhan ke koise, Eitu kun laga cheraha aru naam ase?" Taikhan koise, "Caesar laga ase."
|
|
\v 17 Aru Jisu taikhan ke jawab di koise, jito Caesar laga jinis ase, Caesar kedi dibi, aru ji jinis Isor laga ase, heitu Isor ke dibi, eitu karone." Taikhan assorit hoise.
|
|
\v 18 Tetia mora manu jun jee nu uthibo koa Sadducees, khan Tar logote ahi Taike hudise aru koise,
|
|
\v 19 "Sikha manu, Moses he amikhan ke likhi disele, jodi kunuba bhai bacha na thaki kene mori jaise, aru tar maiki thaki jaise koile, to tar bhai he tar maiki ke lobo aru tar bhai laga naam ulaai dibole koise.
|
|
\v 20 Tenehole agote sat-ta bhai asele, prothom bhai sadi kori kene bina bacha hoi mori jaise.
|
|
\v 21 Aru dusra bhai heitu ke loise aru heitu bhi bacha nahoi nohoi mori jaise, aru tisra bar bhi teneka hoise.
|
|
\v 22 Aru sat-ta bhai sob taike loise aru bina santan sob mori jaise, ant sob pasotee heitu maiki bhi mori jaise.
|
|
\v 23 Karone jee uthia pasotee heitu kun laga maiki hobo? kelemane tai sat-ta bhai sob laga maiki thakisele.
|
|
\v 24 Jisu taikhan ke koise, "tumikhan pobitro kitab aru Tar laga takot najana karone golti kori na thake?
|
|
\v 25 Kelemane jetia taikhan mora para jee uthibo taikhan saadi no koribo, kintu sorgo te Isor laga doot nisina thaki jabo.
|
|
\v 26 Kintu mora para jee uthia kotha tumikhan kele Moses laga kitab joli thaka jhari heitu te likhi thaka ke porhia nai? keneka Isor he taike koisele, 'Moi Abraham laga Isor' Isaac laga Isor, aru Jacob laga Isor?
|
|
\v 27 Tai to mora khan laga Isor nohoi, kintu jinda khan laga Isor ase eitu karone tumikhan bisi dangor golti kori thake.
|
|
\v 28 Tetia ekjon likha manu ahi taikhan bichar kori thaka hunise, aru Tai taikhan ke kiba thik jawab dia huni kene, Taike hudise "Sob para prothom hukum to ki ase?"
|
|
\v 29 Jisu taike koise, "Sob se pohila, 'Hunibi Isreal, sob para prothom hukum to ase, Probhu he Isor ase, aru ekta he Probhu ase.
|
|
\v 30 Aru tumi tumar pura mon aru tumar pura atma, tumar pura dimak, aru tumar pura takot loi tumar Isor ke morom koribi, Eitu he prothom hukum ase.
|
|
\v 31 Aru dusra eitu kwa nisina, tumi tumar usor suboria khan ke nijor nisina morom koribi, eitu duita para dusra dongor hukum aru nai.
|
|
\v 32 Karone likha manu Taike koise, "Bhal, Sikha manu Apuni hosa para koi dise, kelemane ekta he Isor ase, aru Taike chari dusra kunu nai.
|
|
\v 33 Aru pura mon para, aru pura dimak para, aru pura atma para, aru pura takot para tumar Isor ke morom koribi, aru tumar usor suboria ke nije nisina morom koribole to daan kora aru bolidaan dia para bhi bisi dangor ase.
|
|
\v 34 Jetia Jisu, tai bhal jawab dia dekhi kene taike koise, "Tumi Isor laga raijyo para dur nohoi." Eitu pasote, kunu bhi Jisu ke aru kiba hudibole mon dangor kora nai.
|
|
\v 35 Tetia Jisu girja te sekhai thaka somoi, Tai hudi kene koise, Keneka likha manu Jisu to David laga chokra koi thake?
|
|
\v 36 Kelemane David tai Pobitro Aatma te thaka te koisele, 'Probhu he amar Probhu ke koise, moi jetia tok Tumar dusmon ke Tumar bhori niche nidibo tetia tok "Amar dahina hath phale bohi thakibi,
|
|
\v 37 David tai nije Taike 'Probhu' koise, to David laga chokra Tai keneka hobo? Aru bisi manu khan Tar kotha ke shanti para huni asele.
|
|
\v 38 TetiaTai sekhai thaka somoi te taikhan ke koise, likha manu khan para hoshiar thakibi, jun kapur lamba kori lagai berai thake, aru bazar te salam dia bhal paa khan para.
|
|
\v 39 Synagogue te bhal jaga, anr kha-lua te bhal jaga bisara khan para.
|
|
\v 40 Taikhan mota nathaka khan laga ghor to hajam kori dia, aru bahana para lamba prarthna kori thake, heitu khan bisi dangor sazaj pabo.
|
|
\v 41 Tetia Jisu girja laga dan laga daba usor bohi kene sai thakisele taikhan keneka kori daba te poisa haali ase, dhoni khan bisi-bisi di thakise.
|
|
\v 42 Tetia dukhia vidhva ekjoni ahi dui damri, eitu ekta paisa nisina ase dise,
|
|
\v 43 Tetia Tai Tar chela khan ke mati ani taikhan ke koise, "Moi tumikhan ke hosa kobo. manu khan daba te daan dia te ditu dukhia mota nathaka he sob para bisi dise.
|
|
\v 44 Kelemane sob manu taikhan nijor dhan bisi thaka para dise. Kintu tai to na thaka para bhi ji tar logote asle eitu dise, motlob tar zinda thakibo laga sob di dise.
|
|
\c 13
|
|
\v 1 Tetia Jisu girja para ulai ja te Tar chela ekjon Taike koise, Sikha manu sabi, keneka asurit pathor ase eitu, aru keneka asurit ghor ase yate?
|
|
\v 2 Aru Jisu jawab di taike koise, tumi eitu, dangor ghor dekhi ase? Eitu sob pathor niche nephekai kene ekta para ekta upor te thakibole naparibo.
|
|
\v 3 Tetia Tai girja samne Olive pahar te bohi asele, tetia Peter, James, John aru Andrew taikhan alag para ahi Taike hudise.
|
|
\v 4 Eitu sob kotha ketia hobo, eitu amikhan ke koi dibi, aru ketia eitu sob kotha pura hobole hoi, heitu laga chinha keneka hobo.
|
|
\v 5 Aru Jisu taikhan ke jawab di koise, hoshiar hobi, kunu para bhi tumikhan ke thokabo nidibi.
|
|
\v 6 Kelemane bisi manu Amar nam loi ahi kobo, Moi he heitu ase koi bisi manu thokai loi jabo.
|
|
\v 7 Kintu jetia larai aru mara- mari hunibo, tetia chita nokoribi, kelemane eneka hobole ase, kintu heitu bhi hekh somoi nohoi,
|
|
\v 8 Kelemane jati para jati ke birudh koribo, raijyo para raijyo birudh hobo, aru jaga-jaga te bhukomp ahibo, aru tetia akaal hobo, eitu sob to dukh laga suru he ase.
|
|
\v 9 Kintu tumi hoshiar hoi thakabi, kelemane tuma ke dhori kene sabha te dibo, aru synagogue te maribo pettibo, aru Amar karone tumi ke solawta aru raja khan usor loi jabo, kelemane taikhan ke bhi gawahi hobole.
|
|
\v 10 Kintu prothom su-samachar sob jaati ke prochar kori dibo lagibo,
|
|
\v 11 Jetia taikhan tumikhan ke dhori manu ke dibo, to tumikhan ki kobo, bhabi chinta no koribi, kintu heitu somoi tumikhan ke ki kobole dise heitu he koi dibi, kelemane Tumikhan he koa nohoi, kintu Pobitro Atma he kobo.
|
|
\v 12 Tetia bhai para bhai ke dhori morai dibo, aru baba, bacha ke dhori morai dibole dibo, bacha nijor ama, baba laga virudh hoi morai dibole dibo.
|
|
\v 13 Aru Amar karone sob tumikhan ke ghin koribo, kintu sess tok jun nomrow thakibo paribo heitu poritran paabo.
|
|
\v 14 Kintu jetia luksan kora, aru ghin bostu tumikhan dekhibo, heitu jun jagah te thik nohoi tate khara dekhile (kun poribo paray taike bujhibole dibi tetia jun Judia te ase, pahar te polai jabi.
|
|
\v 15 Jun ghor upor te thakise, 'tai ke niche ghor bitor te kiba lobole najabi.
|
|
\v 16 aru jun kheti te thakise, taike nijor kapur lobole ghuri nahibi.
|
|
\v 17 Kintu Hay! eitu din te jun maiki pet te bacha bhukise, aru jun bacha doot khelai thakise, heitu khan.
|
|
\v 18 Eitu sob thanda din te nohobo nimite prathana kori thakibi.
|
|
\v 19 Kelemane heitu din eneka dukh laga din hobo, jetia para dunya ke arambho te Isor bonai dia duny, tetia para teneka hoa nai, aru ketia bhi nohobo
|
|
\v 20 Aru jodi Probhu he heitu din to komti kori nidile kunu bhi bachibole nohoi, kintu bassi loa khan karone Tai din ke komti kori dise.
|
|
\v 21 Aru tetia jodi kunuba tumikhan ke kobo, 'Sabi, Khrista yate ase nohole,'Sabi Tai tate ase, koile bhi biswas no koribi.
|
|
\v 22 Kelemane missa khrista aru missa prophet ahibo, aru chinha aru asurit dikhabo, aru jodi parile bassi loa khan ke bhi thokai loi jabo.
|
|
\v 23 Kintu hoshiar thakibi, sabi Moi age para tumikhan ke koi ase.
|
|
\v 24 Kintu heitu duk din laga pasotee suraj andhera hoi jabo, aru chandro bhi ujala nidibo.
|
|
\v 25 Tetia akas laga tara bhi giri jabo, aru akas laga hokti hilli jabo
|
|
\v 26 Tetia Manu laga Putro dangor hokti aru mohima hoi baadol para ahha taikhan dekhibo.
|
|
\v 27 Tetia Tai Tar doot khan ke pothai kene pvithivi laga kona para akas laga kona tok, chari phale hawa para Tar bassi loa sob ke jomo kori lobo.
|
|
\v 28 Tetia dimoru gos para drishtant Sikhi lobe, jetia tar laga daal komol hoi, aru patta ulabole hoi jai, to tumikhan eitu gorom din usor hoise koikene jani jae.
|
|
\v 29 Heitu karone jetia eitu. sob hoi thaka dekhile jani lobi Tai dorja usorte ahi jaise koikene.
|
|
\v 30 Moi tumikhan ke hosa kobo, jetia tok eitu sob kotha pura nohobo, tetia tok eitu yug laga manu khan na harabo.
|
|
\v 31 Akas aru prithivi harai jabo, kintu Amar kotha khan ketia bhi na harabo.
|
|
\v 32 Kintu heitu din aru heitu somoi kunu bhi najane, sorgo-doot khan bhi, aru Putro bhi na jane, kintu khali Pitri he jane.
|
|
\v 33 Sabi, uthi kene prathana kori thakibi kelemane tumikhan najane heitu somoi ketia ahibo.
|
|
\v 34 Heitu to jun dusra jaga joa somoi nijor noukor khan ke adhikaar di kene jai jaise, aru sob ke kam di kene chokidar ke sai thakibole hukum di kene jai jaise.
|
|
\v 35 Karone hosiar thakibi, kelemane tumikhan na jane, malik ketia ghor te ahibo, sam te hobo, na adha raati te hobo, na murga hala kora homoi te hobo, nohole phujur te hobo.
|
|
\v 36 Tai achanak ahi tumikhan ghumai thaka paai jabo pare.
|
|
\v 37 Aru Moi tumikhan ke-ke koise, sob ke koi ase, hosiar hoi kene rukhi thakibi!"
|
|
\c 14
|
|
\v 1 Dui din pasotee khomir na thaka roti laga Purb hobole asele, aru prodhan purohit aru likha manu khan keneka kori Taike thokai di kene dhori morai dibo bisari asele.
|
|
\v 2 Kintu taikhan koise, purb din te eneka hobo nalage, je manu majote gondogul kori beya kora.
|
|
\v 3 Jetia Tai Bethany te Simon korhi ghor te khoa-loa koribole bohhi asele, to ekjon maiki ekta botol alabaster bisi dam abhishek laga sudh tel loi anise, Aru tai heitu khuli kene Jisu laga matha te hali dise.
|
|
\v 4 Kintu kunuba beya paai kene ekjon-ekjon te kotha korise, koise, kele eitu abhishek tel barbad kori ase?
|
|
\v 5 Kelemane eitu tel bikri korile tin-sou dinar para bhi bisi pabo, aru loi kene dukhia khan ke dibo pare, eneka hoi kene taikhan tar birudh te kotha korise
|
|
\v 6 Kintu Jisu koise, "Taike chhari- dibi, tumikhan kele taike digdar kori ase? Tai Moi karone bhal kam korise
|
|
\v 7 Dukhia, khan hodai tumar logote thakibo, aru jetia icha hoi, taikhan ke bhal kam koribo pare, kintu Moi hodai tumar khan logote na thakibo.
|
|
\v 8 Ji kaam tai koribo pare kori dise. Tai Moike matti te moidam dia agote tel loi Amar gao te haali kene abhishek kori dise.
|
|
\v 9 Moi tumikhan ke hosa kobo, pura dunya te su-samachar prochar kori joa te eitu maiki kori dia laga kotha bhi taike yaad thakibo karne kobo.
|
|
\v 10 Tetia Iscariot Judas baroh te ekjon asele, Jisu ke dhori dibole, prodhan purohit khan logote jaise.
|
|
\v 11 Aru eitu huni taikhan bisi khusi hoi kene taike poisa dibole koi dise, karone tai heitu somoi para Taike dhori dibole bhal somoi sai thakise.
|
|
\v 12 Khomir na thaka Roti Purbb laga prothom din, jetia taikhan Nistar laga shagoli ke bolidaan di thake,Tar chela khan Taike hudise, kun jagah te amikhan Nistar joma korile Tumar icha hobo?
|
|
\v 13 Aru Tai Tar duita chela pothai kene koise, nogor te jabi, aru ekjon ekta kolsi te pani loi joa paai jabo, tar pichhe-pichhe jabi,
|
|
\v 14 Aru kote tai jabo tate tumi bhi jabi, aru jai kene ghor malik ke kobi, Sikha manu koise, aloohi khan karone jagah kote ase? Ami Amar chela khan loi Nistar khabo?
|
|
\v 15 Tetia tai sapha kori rakhi thaka upor te ekta kamra dekhai dibo, tate amikhan karone tayar kori kene rakhise.
|
|
\v 16 Tetia tar chela khan nogor te ahise, aru jeneka Tai taikhan ke koise teneka thik paise aru taikhan Nistar tayar kori rakhise.
|
|
\v 17 Jetia sam hoise, Jisu tar baro jon ke loi ahi jaise.
|
|
\v 18 Jetia taikhan khali asele tetia Jisu koise, "Moi tumikhan ke hosa kobo, tumar majote ekjon jun Moi logot kha-lua kori ase, Moike dhori dibo.
|
|
\v 19 Aru taikhan bisi mon duk hoise, aru Taikhan ekjon ekjon kori sob Taike hudise, heitu moi ase? Aru dusra bhi koise heitu moi ase?
|
|
\v 20 Tai taikhan ke jawab di koise, heitu baroh jon te ekjon ase, jun Moi lagot ekke logote thali te hath rakhi thake.
|
|
\v 21 Manu laga Putro ke to jeneka Tar kotha likhi rakhise, teneka hoi ase kintu heitu manu to hay, jun para Manu laga Putro ke dhori dise. jodi heitu ke jonom nohole tar nimite bhal hobo asele."
|
|
\v 22 Aru jetia taikhan khai asele, tetia Jisu roti loi aru asis mangi kene bhangaise, aru taikhan ke di koise, lobi aru khabi eitu Amar gao ase.
|
|
\v 23 Tetia Tai gilas bhi loi kene dhanyabad dise aru taikhan ke dise. aru taikhan sob heitu khai loise.
|
|
\v 24 Aru Tai taikhan ke koise, eitu bisi manu karone ulai dia Amar khun notun vacha ase.
|
|
\v 25 Moi tumikhan ke hosa kobo, heitu din tok Moi ketia bhi draikha ross aru na khabo, jetia tok Isor raijyo te notun ross nakha tok.
|
|
\v 26 Aru tetia taikhan gana gaai kene olive pahar te jai jaise.
|
|
\v 27 Tetia Jisu taikhan ke koise, tumikhan aji rati Moike chari kene sob jai jabo, kelemane likha ase, je Moi roikhya ke maribo aru mer khan ephale-uphale hoi jabo.
|
|
\v 28 Kintu Moi jee uthi pasote tumar para age Galilee te jai jabo.
|
|
\v 29 Peter Taike koise," jodi sob manu girilabi moi to nohobo.
|
|
\v 30 Jisu tai ke koise, Moi tumi ke hosa kobo, aji raati murga dui bar hala nokora agete tumi tin bar Moike najana kobo.
|
|
\v 31 Kintu tai aru jor para koise, jodi Apunar logote moribo koile bhi, "Moi Apuni ke najana nokobo, aru sob chela khan bhi teneka koise.
|
|
\v 32 Tetia taikhan Gethsemane nam ekta jaga te ahise, aru Jisu Tar chela khan ke koise, "Moi prathna kori thaka somoi te yate bohibi."
|
|
\v 33 Aru Tar Peter, James aru John ke loi tar logote jaise, aru Tai bisi duk aru chinta bhabna hoise.
|
|
\v 34 Tetia Tai taikhan ke koise, "Amar mon bisi duk hoi kene moribole hoi ase, tumikhan naghumai kene yate rukhi thakibi."
|
|
\v 35 Aru tai olop dur jai kene Tar muk niche kori koise, jodi parile eitu somoi ke Tai para dur kori dibi koikene prathna korise.
|
|
\v 36 Aru Tai koise, "Abba, Pitri Apunar to sob koribo pare. Moi para eitu gilas hatai dibi. Hoilabi Amar ichha te nohoi kintu jeneka Apunar ichha ase koribi.
|
|
\v 37 Tetia Tai ahi kene taikhan ghumai thaka paise aru Peter ke koise, hei Peter tumi ghumai jaise? Tumi ek-ghanta bhi rukhibo na pare?
|
|
\v 38 Tumikhan porikhya te ni giribo karone na ghumai kene prathan kori thakibi, Atma to taiyar ase kintu mangso to komzor ase.
|
|
\v 39 Aru Tai jai kene agote koa nisina koi kene prarthan korise.
|
|
\v 40 Aru jetia Tai ahise taikhan ghumai thaka paise kelemane taikhan laga soku nin para bhorta asele, aru Taike ki jawab dibo na jana hoi thakise.
|
|
\v 41 Tetia tin-bar ahi kene taikhan ke koise, tumikhan etia bhi aram para ghumai ase? Hoise! Somoi ponchise. Sabi! Manu laga Putro ke dhori kene paapi khan laga hath te di dibo.
|
|
\v 42 Uthibi, amikhan jai jabo, sabi, Moike thoka manu usor ase."
|
|
\v 43 Aru tai eitu kotha koi thaka somoi te, Judas baroh jon te ekjon asele, tai prodhan purohit, likha manu aru bura khan para pothai dia talwar, lathi aru bisi manu loi ahise.
|
|
\v 44 Taike thokai dia manu taikhan ke ekta chinha disele, "Jun ke moi chuma dibo, heitu ase, Taike dhori lobi, aru bachai kene loi jabi,
|
|
\v 45 Aru jetia Judas ahise, tai joldi ahi Jisu ke koise, "Rabbi," koikene Taike chuma khai dise.
|
|
\v 46 Tetia taikhan ahi kene hath para Taike dhori loise.
|
|
\v 47 Aru tate usor te khara thaka ekjon tar talwar ulai kene maha purohit laga nokor upor te cholai dise, aru tar kan katti dise.
|
|
\v 48 Tetia Jisu taikhan ke koise, tumikhan Moike daku bhabi kene Moike dhori bole talwar aru lathi loi ahise?
|
|
\v 49 Moi sob din girja te tumar logote bohi prosar kori thakise, aru tumikhan Moike dhora nai, kintu pobitro kitab te likha pura hobo karone eneka hoise.
|
|
\v 50 Tetia taikhan sob Taike chari kene polai jaise.
|
|
\v 51 Aru kunuba ekta jawan chokara tar lengta sorir te ekta linen kapur orri kene eine Tar pichete kori ahi asele, tetia manu khan taike dhori loise.
|
|
\v 52 Aru tai tar linen kapur chari kene lengta hoi polai jaise.
|
|
\v 53 Aru taikhan Jisu ke loi maha purohit logote jaise, aru tate prodhan purohit aru likha manu aru bura khan sob joma hoise.
|
|
\v 54 Kintu Peter dur hoi kene Tar pichhe-pichhe ahi mahaa purohit laga varanda te noukor khan logote jui thapi thakise
|
|
\v 55 Tetia prodhan purohit aru sob maha sabha Taike morai dibole Jisu laga birudh missa kotha bisarise kintu eku paa nai.
|
|
\v 56 Kelemane bisi manu Tar birudh te missa kotha koi dise, kintu taikhan laga kotha thik mila nai.
|
|
\v 57 Tetia kunuba Tar birudh te missa kotha di koise.
|
|
\v 58 Tai eneka koa amikhan hunise, je Moi manu hath para bonai rakha eitu girja ke bhangai di kene, aru tin din te dursra hath para nohoi kene bonai dibo.
|
|
\v 59 Kintu tetia bhi taikhan laga kotha thik milaabo para nai.
|
|
\v 60 Aru maha purohit taikhan majote uthi kene Jisu ke hudise, "Apuni eku bhi nokobo? manu khan Apuni birudh te ki-ki koi ase
|
|
\v 61 kintu Tai ekdom chup thakise. aru eku javhab dri nai. Aru maha purohit Taike hudi koise. "Apuni Ekta dhoinyo laga Putro Khrista ase?"
|
|
\v 62 Jisu koise hoi, "Moi he ase; aru tumikhan khan dhekibo Manu laga Putro jetia tai takot para diana haat phale bohibo aru akash laga badal para ahi thaka dhekibo
|
|
\v 63 Tetia maha purohit tar nijor kapra phatai kene koise etia amikhan ki gawa dibo lage?
|
|
\v 64 Apuni khan bhi Isor laga misa koa hunise? Apuni khan ki bhabi ase aru taikhan sob morabole kiba ase koise.
|
|
\v 65 Tetia kunuba Tar upor te Thuki se aru tai mukh bon kori Taike koise "Bhobokti!" kobi, Aru solawta khan bhi Taike loise aru thapor marise.
|
|
\v 66 Tetia Peter niche te bohi asele to maha purohit laga nouko-rani tate ahise.
|
|
\v 67 Aru taike koise, "Tumi bhi Nazareth Jisu logote asele?
|
|
\v 68 Kintu tai nohoi koise moi najane, tumi ki koi ase moi bujhi pa nai, aru tai bahaar ulai jaise.
|
|
\v 69 Aru heitu noukorani taike aru dekhi kene usor thaka khan ke koise, eitu manu bhi taikhan te ekjon ase.
|
|
\v 70 Kintu tai nohoi koi dise, aru olop, pasotee jun tate khara asele Peter ke koise, hosa ase apuni bhi taikhan majote ekjon ase, kelemane apuni bhi Galilee manu ase.
|
|
\v 71 Tetia Tai srap di kosom khai koise, apuni jun laga kotha koi ase moi heitu manu ke najane
|
|
\v 72 Aru tetia dusra bar murga hala kurise, titia Peter Jisu koa kotha bhabona ahise, je murga dui bar hala kura agete tumi Moike tin-bar najane kobo, tetia tai heitu kotha bhabi kene kandise.
|
|
\c 15
|
|
\v 1 Phujur hoa loge-loge prodhan purohit likha manu aru bura khan aru sabha manu sob kotha melai kene Jisu ke bandi Pilate laga hath te di dise.
|
|
\v 2 Pilate Taike hudise, "Tumi yahudi laga raja ase?" Tai jawab di taike koise, "Apuni koa to ase."
|
|
\v 3 Aru prodhan purohit khan Taike bisi kotha te bodnam lagai asele.
|
|
\v 4 Tetia Pilate Taike koise, Apuni eku jawab nidibo? Sabi taikhan Tumar birudh te ki-ki bodnam lagai ase?
|
|
\v 5 Kintu Jisu eku koa nai, karone Pilate bisi asurit hoise.
|
|
\v 6 Aru eitu purbb somoi ekta manu bondi te thaka ke ulaai dibole niyom asele, kun ke taikhan icha ase.
|
|
\v 7 Aru tate Barabbas nam ekjon manu morai dia tai khan logote bondi te asele aru jun he vidroh kora te manu morai disele.
|
|
\v 8 Tetia bisi thaka manu binti korise jeneka apuni amikhan karone kori ahise teneka kori dibi koikene jor para hala kori koise.
|
|
\v 9 Kintu Pilate taikhan ke jawab di koise, moi tumar nimitte Yahudi laga Raja ke chari dile tumar icha hobo?
|
|
\v 10 Kelemane tai jani asele prodhan Purohit khan he Taike suku joli kene dhori taike di dise.
|
|
\v 11 Kintu prodhan purohit khan he manu khan ke chukuli kori disele Barabbas ke taikhan ke dibi koikene.
|
|
\v 12 Aru Pilate koise, tenehole moi tumar Yahudi laga Raja Tai ke ki kori dibo?
|
|
\v 13 Eitu karone taikhan aru hala kori koise "Taike Cross te maridibi!"
|
|
\v 14 Tetia pilate taikhan ke koise kele, Taike bia kam korise? Kintu taikhan aru bisi jor para hala korise "Taike ke Cross te Maridibi."
|
|
\v 15 Karone Pilate bisi manu ke khusi kori dibo ichha para Barabbas ke taikhan nimitte chari dise, aru Jisu ke chabuk mari kene Taike Cross te maribole di dise.
|
|
\v 16 Tetia sipahi khan Taike raja darbar jote Praetorium) koi tate loi jaise aru pura platon ani joma kori loise.
|
|
\v 17 Aru taikhan bai-gni rang kapur Taike pindhai dise, aru taikhan katta mukut bonai kene Tar matha te rakhi dise.
|
|
\v 18 Aru hei "Yahudi laga Raja!" koi kene Taike salam kori thakise.
|
|
\v 19 Tetia taikhan ekta lathi loi Tar matha te mari, aru Tar upor thuk phelai se aru athu kari kene taike sonman kora nisina kori thakise.
|
|
\v 20 Aru taikhan Taike dhemali korise aru taikhan Tar para beigni rang kapur ulaai kene Tar nijor kapur lagai dise, aru Tike cross te mari dibole bahaar te loi jaise.
|
|
\v 21 Tetia taikhan Alexander, aru Rufus laga baba nam Simon Cyrene ekjon tate bosti para ahi asele, taikhan taike jobor josti Jisu laga cross ke loi jabole dhori loise.
|
|
\v 22 Aru taikhan Taike Golgotha nam motlob ase "Matha hardi laga jaga" tate loi anise.
|
|
\v 23 Tetia taikhan tita pani draikha-ross te melai kene Taike khabo dibole bisarise, kintu Tai heitu nai.
|
|
\v 24 Aru jetia taikhan Taike cross te mari dise, taikhan lottery kori kene Tar kapur bhag kori loise kun ki pabo koikene.
|
|
\v 25 Aru tisra ghanta somoi te taikhan Taike cross te mari dise.
|
|
\v 26 Aru Tar matha upor teTar golti likhi dise, YAHUDI KHAN LAGA RAJA koikene.
|
|
\v 27 Aru taikhan duita chor bhi cross te mari dise ejkon Tar dahina phale, aru dusra Tar bayaa phale.
|
|
\v 28 Aru Taike golti thaka khan logote gonti kori loise koikene pobitro kitab te likhi dia kotha pura hoise.
|
|
\v 29 Aru rasta te aha joa sob matha hilai-hele kori kene hinsa korise, "Aha! Tumi girja ke bhangai di kene, aru tin din te bonai dibo koa manu.
|
|
\v 30 Cross para niche nami ahi aru Apuni nije ke bachai lobi.
|
|
\v 31 Teneka prodhan purohit khan bhi likha manu khan logote mele Taike hinsa kori koise, Tai dusra ke to bachai thake, kintu Tai nije ke bachabo napare.
|
|
\v 32 Israel laga Raja Khrista etia cross para niche namibi, je amikhan bhi dekhi kene biswas koribole," aru jun ke Tar logote cross te disele taikhan bhi Taike ninda korise.
|
|
\v 33 Aru tetia choi ghanta somoi hoise, tate pura des te nou ghanta tok andhera hoi jaise.
|
|
\v 34 Aru nou ghanta somoi te Jisu jor para hala kori koise, "Eloi, Eloi lama sabachthani?" Motlob ase, "Amar Isor, Amar Isor kele Apuni Ami ke chhari dise?
|
|
\v 35 Jun manu usor te khara asele, taikhan eitu huni kene koise, "Sabi Tai Elijah ke mati ase."
|
|
\v 36 Tetia kunuba ekjon polai spanj jinis ani loi tenga pani te bhijai kene ekta nol para Taike khabole dise, aru koise rukhibi aru sabi, Elijah ahi Taike ulai dibo, na nai sabo?
|
|
\v 37 Aru Jisu jor para hala koriTar jeevon di dise.
|
|
\v 38 Tetia girja laga porda upor para niche tok phati kene dui tukra hoise.
|
|
\v 39 Tetia centurion Tar samne khara thakisele, jetia Tai jor para hala kori Tar jeevon dise, eitu dekhi kene koise, hosa ase, eitu manu he Isor laga Putro ase
|
|
\v 40 Tate kunuba maiki khan asele jun dur para sai asele, Mary magdaline aru choto James aru Joses laga amaa Mary aru Salome bhi asele.
|
|
\v 41 JetiaTai Galilee te asele to heitu khan Tar piche-piche ahi Tai ke seva kori thakisele, aru bisi maiki khan bhi asele, jun he Jerusalem para Tar logote ahhi thakisele.
|
|
\v 42 Jetia sam hoise, eitu bisram din age din, taiyari din asele.
|
|
\v 43 Joseph Arimathea te thaka manu naam asele, tai sabha laga dangor manu asele, tai Isor laga raijyo aha ruki thaka manu asele, tai mon dangor para Pilate logote jai kene Jisu laga gao mangise.
|
|
\v 44 Pilate asurit hoise, je Tai joldi morise koikene, aru centurion ke mati ani hudise, Tai mori jaise?
|
|
\v 45 Jetia tai centurion para jani loise, to goa Joseph ke dibole koi dise.
|
|
\v 46 Tetia Joseph Jisu laga goa namai kene bhal linen kapur para bandi kene chatan para bonai rakha ekta kobor te rakhi dise, aru kobor laga dorja te ekta pathor para bond kori dise.
|
|
\v 47 Aru Mary-Magdaline aru Joses laga ama Mary bhi Jisu laga goa kote rakhi ase sai asele.
|
|
\c 16
|
|
\v 1 Jetia bisram din jaise, Mary-Magdaline, James aru Salome ama Mary taikhan sugandhi bostu anise, taikhan Jisu ke abhishek kori dibole.
|
|
\v 2 Aru hapta laga prothom din ekdom phujur te suraj ula loge-loge taikhan kobor te ahise.
|
|
\v 3 Aru taikhan kun kobor laga dorja para pathor ke hatai kene amikhan ke dibo? Eitu kotha kori ahhi asele.
|
|
\v 4 Kintu jetia taikhan soku uthai sai sele, to pathor to hati kene thaka paise, kelemane eitu bisi dangor asele.
|
|
\v 5 Aru kobor bhitor te jai kene taikhan jawan manu ekjon lamba boga kapur pindhi kene dahina phale boha paise, tetia taikhan bisi bhoi khaise.
|
|
\v 6 Kintu tai taikhan ke koise, "Bhoi no koribi. Tumikhan Nazareth Jisu ke bisari ase, jun ke cross te mari disele. Tai jee uthi jaise. Tai yate nai. Taike kote rakhise heitu jagah sabi.
|
|
\v 7 Kintu tumikhan jai kene tar chela khan aru Peter ke koi dibi, Tai tumar age Galilee te ponchi ase, tate tumikhan Taike paai jabo, jeneka Tai tumikhan ke koisele.
|
|
\v 8 Karone taikhan kobor para ulaai kene polai jaise, kelemane taikhan kappi aru hairan hoise, taikhan kunu ke bhi eku koa nai kelemane taikhan bhoi lagisele.
|
|
\v 9 Tetia hapta laga prothom din joldi Tai jee uthi jaise, aru sob para age Mary Magdaline jun para Tai saat-ta bhoot ulaai disele, heitu ke dikhai dise.
|
|
\v 10 Tai jai kene jun manu tar logote kandi aru duk kori thaka khan ke koi dise.
|
|
\v 11 Aru jetia taikhan eitu hunise, je tai jinda hoise, aru taike dekhise, kintu taikhan biswas kora nai.
|
|
\v 12 Eitu pasote taikhan para duijon manu dusra bosti phale jai thaka te Tai alag chera hoi duijon ke dekhai dise.
|
|
\v 13 Tai duijon bhi jai kene taikhan ke koise, kintu taikhan duijon ke bhi biswas kora nai.
|
|
\v 14 Pasote jetia egroh jon khan khabole bohi asele, taikhan ke dikhai dise, aru Tai taikhan mon tan aru biswas nakora karone taikhan ke galise, kelemane Tai jee uthia pasotee jun Taike dekhise aru taikhan ke koise kintu biswas no kora karone.
|
|
\v 15 Aru Jisu taikhan ke koise, tumikhan prithivi sob te jai kene sob sristi khan ke eitu su-samachar jonai dibi.
|
|
\v 16 Jun manu biswas kori baptizma lobo, taikhan bachibo kintu jun biswas nokoribo taike nosto koridibo.
|
|
\v 17 Aru biswas kora khan logote eitu china thakibo, taikhan Moi laga nam te bhoot khan ke khedai dibo aru taikhan alag-alag basha te kobo
|
|
\v 18 Taikhan saap ke uthai lobo, aru taikhan Jodi zahar khai lebhi eku beya nohobo, taikhan bemar manu upor te hath rakhile heitu khan bhal hoijabo.
|
|
\v 19 Tetia Probhu Jisu taikhan logote kotha koa pasotee Taike sorgote uthai loi jaise, aru Isor laga dahina hath te bohi jaise.
|
|
\v 20 Aru taikhan jai kene sob jagah te prosar kori jaise, aru Probhu taikhan logote kaam kori aru vachan dia ke loi praman kori jai thakise. Amen.
|