\v 1Eto Bada Iesu amo David ta ohihi, eto David amo Abraham ta ohihi ra, eto enana ta ohihi ta jajavo pepa ta kakajekari amore evira. \v 2 Eto Abraham amo Isaac ta mama ra, eto Isaac amo Jacob ta mama ra, eto Jacob amo Judah te amita namei kamei te amita mama ra. \v 3 Eto Judah amo Perez te Zerah te amita mama, eto enana ta e amo Tamar ra, Perez amo Hezron ta mama ra, eto Hezron amo Ram ta mama ra.
\v 4 Eto Ram amo Amminadab ta mama ra, Amminadab amo Nahshon ta mama, eto Nahshon amo Salmon ta mama ra. \v 5 Salmon te Rahab te amo Boaz ta e mamo ra, Boaz te Ruth te amo Obed ta e mamo ra, eto Obed amo Jesse ta mama ra. \v 6 Jesse amo Israel ta tihi jigari embo pajire David amita mama ra, David te Uriah ta ae amite amo Solomon ta e mamo ra.
\v 7 Eto Solomon amo Rehoboam ta mama ra, Rehoboam amo Abijah ta mama, eto Abijah amo Asa ta mama ra. \v 8 Eto Asa amo Jehoshaphat ta mama ra, Jehoshaphat amo Joram ta mama, eto Joram amo Uzziah ta epe ra.
\v 9 Eto Uzziah amo Jotham ta mama ra, Jotham amo Ahaz ta mama, eto Ahaz amo Hezekiah ta mama ra. \v 10 Eto Hezekiah amo Manasseh ta mama ra, Manasseh amo Amon ta mama, eto Amon amo Josiah ta mama ra. \v 11 Josiah amo Jechoniah te amita namei kamei amiga umbuto Babylon enda ta tipura pahuera iji amite ta epe ra.
\v 12 Eto Babylon enda ta tipura umbuto pato ikihara amita ambota, Jechoniah amo Shealtiel ta mama ra, eto Shealtiel amo Zerubbabel ta epe ra. \v 13 Eto Zerubbabel amo Abiud ta mama ra, Abiud amo Eliakim ta mama, eto Eliakim amo Azor ta mama ra. \v 14 Eto Azor amo Zadok ta mama ra, Zadok amo Achim ta mama, eto Achim amo Eliud ta mama ra.
\v 15 Eto Eliud amo Eleazar ta mama ra, Eleazar amo Matthan ta mama, eto Matthan amo Jacob ta mama ra. \v 16 Eto Jacob amo pamone Mary ta ivu Joseph amita mama ra, eto pamone amina Bada ingenu embo na mei amita javo Iesu ke ijera. \v 17 Avoeto ohihi peae Abraham ta igoi te eto puto David ta igoi na kane ena amo ohihi tapa potin (14) ra, David igoi te eto puto Babylon enda ta tipura umbuto pahuera amo ainge ohihi tapa potin (14), eto Babylon enda ta tipura mihere kevuja ai eto puto Iesu e na ingena iji amite vahi amo ohihi tapa potin (14) ra.
\v 18 Eto Bada Iesu ta ingari avo dei einge ta ijekihaja. Amo kakara Mary avo Bada Iesu ta e aisuja mihei avo pamone be avo e mamo na embo javo Joseph amiga jimbaja kerihara, rate enana avo puto vahita evae mihei pamone be avo mahu Ahihi Otohu ta sovera na enu urete ena avo keguera. \v 19 Rate Joseph pamone amita ivu amo embo javotoho avoeto pamone avo embo peae ta tihi ta ari me kiari avo uje ae eto, enana jimbara kerari avo embo kiae be isimbata toasi hotembihaja.
\v 20 Eto ke peae erevi Joseph na hotembihe mihei, Mama Otohu ta anera na ehure ta embo amita dei puto, ke einge ijija, Joseph, David ta ohihi, pamone Mary no ae umbari avo mane joru aisoa, amita be amo mei evi pamone emita jota irerembiha amo Ahihi Otohu na ehi urete ere ua. \v 21 Eto pamone emo mei singa ingasuja, eto inena mei emita javo amo Bada ikejo, amita be avo mei emina tohota embomei avo enana ta ari vasiri sasamuna ta orekasuja.
\v 22 Eto pure peae be erevi ijekihaja amo do Mama Otohu na harika embo Isaiah ta dei enu mahu kajari avo be ua, amo ke einge ijija, \v 23 "eto keisi keisi evujo, kakara eha embo ga evae avo urete asuja eto mei singa ingasuja, eto enana na mei amita javo amo Immanuel ikasora." Eto javo Immanuel amita ke be amo " Mama Otohu ungotena moga mihia."
\v 24 Eto Joseph amita evo ta ereto Mama Otohu ta anera na pure do embo amina aja ena avo uija amo Joseph na pamone avo amita ae ainge jimbuna. \v 25 Rate embo avo pamone amiga evae hoi kakane eto mihinu pamone avo mei singa ingihaja. Ainge enu Joseph na mei amita javo Bada ikihaja.
\v 1 Eto mei Jesus avo Mary na da Bethlehem dei Judea amita jota ta mihia eto tihi jigari embo Herod amita iji te avo ingena, eto ainge enu, avo kuro ehekari embomei iji bihari hena ta iriora amina tohota kuro bihina avo kito avo Jerusalem putuhara, eto ke etoingari einge uera, \v 2 ''Jews ta jihi jigari mei ingehera amo davore? Amita be amo nango tohota kuro iji bihari hena ta bihei kehera, eto nango embo be avo jakeka aisi ije puvera.'' \v 3 Eto ke erevi tihi jigari embo Herod na ingina , amo embo be amo osaga ena, eto embomei peae Jerusalem aita mihera amo bara osaga uera.
\v 4 Ainge eto avo Herod na giu pari tihi jigirikari embo pepeni te avotari ke pepeni kakajeokari embo pepeni peae avo umbunu puto vahita uera, eto avo enana etoingari einge ena,''Iesu mo dei daige hena ta ingara ke ari re avo ungona na be ke avo keisi erena?'' \v 5 Ainge ehei avo enana na Herod hena ke einge ijera,''Da Bethlehem dei Judea amita jota ingasora, amita be amo Godi ta kiane embo na iji ku beta ke einge kajena, \v 6 'Rate ungo da Bethlehem embomei enda Judah amita jota miheva, amo Judah ta da pepeni mihera avo inono ra, amita be amo ungo hena eto avo tihi jigari embo purusuja amina nau embomei Israel re simba aisuja.'''
\v 7 Ainge eto avo Herod na kuro ehekari embomei avo embo kiae onjikari ta iji deina kuro amo bihinu avo etoingari ena. \v 8 Eto avo enana be amo Bethlehem ikenu pahore, avo ke einge ena,''Pambuto kito amo mei Jesus avo etokogobe eto ahe evujo. Eto mei avo hambuto kito, amo na ke ikevujo purou ingito, avo na bara pambuto mei be amo jakeka ane.''
\v 9 Eto Herod na ke ehei ingito amita ambota, amo enana be amo pahuera, eto pahuera amita jota, amo kuro enana ta da mihere bihunu kegara amina kihi enu kegue hae eto pahore pato mei Jesus mihia aita heteto jamo ena. \v 10 Eto enana na kuro avo pato hetenu kegara, amo enana amo hanana uve osa pajire be uera.
\v 11 Aingeto avore enana amo bande jota horeto avo mei Jesus amite tohota eh Mary ga kegara. Eto mei amo paunge tetereto avo jakeka uvera. Eto enana ta donda hande ikasi hambeka ta umputuhara amo peseto avo donda gold na ari, frankincense, eto myrrh avo hande ikihara. \v 12 Eto enana be avo mume te ai evere avo Godi ta arnera ehure ta puto enana avo mane Herod hena egerembara ke enu ingito , avo dei ohu neita tiuketo avo enana ta da ta pauhera.
\v 13 Eto enana avo pauhera amita ambota, avo Joseph mume te evei avo Godi ta arnera na ehureta puto ke einge ena, Joseph umo ere, ereto mei Jesus te tohota eh ga umba, eto avo da Egypt pambujo. Eto ai mihijo avo nane dei avo toae ano avo toasoa, amita be amo Herod re mei avo jombure eto tau sari aja ije uva ro.'' \v 14 Aingeto avo mume amite avo, Joseph be amo ereto mei te eh te umbuto avo da Egypt aita pahera. \v 15 Eto enana be amo da Egypt ai irisi mihere Herod amo sari ena. Eto pure emore do Godi na tohota kiane embo na ke einge aja enu ena aravo be ijekena,'' Nane da Egypt ai eto nau mei aravo jage ehena.''
\v 16 Eto Herod be amo embomei iji bihari hena ta eto putuhara amina embo be avo urumba ehera ainge avo kina, eto embo be amo hini kambari samuna be ena. Eto aingeto avo mei hatira singa peaebe Bethlehem ta eto da engihita peambe ai mihera jua tahavo nei eto amita huta behija avo tohota isoro embomei ikenu pato tetekehere sasari uvera, iji do kuro kegara amina inono beta ehere ingina ai heteto ena.
\v 17 Eto kiane embo Jeremiah na iji ku beta ke do ari mihia avo be ijeekena, eto ke amore einge ari ra, \v 18'' Da Ramah aita haveve pajire be avo ingihera, eto haveve amore si erera eto sorara pajire ra, eto Rachael na tohota mei hatira embo si eria, eto pamone be amo kekota aro amo uje ae uva, amita be amo enana re peaesasari ehera.''
\v 19 Eto eha Herod avo sari ehei, avo pure einge uvera, Joseph Egypt mihei avo Godi ta arnera naehure ta putuhaja, eto puto ke einge ena, \v 20 '' Umo ereto avo mei te eh te umbuto avo Israel embo ta enda ai pambujo, amita be amo mei amo evi taro sari aja ije uvera embomei amo mahu sari ehera.'' \v 21 Aingeto arnera na ke ainge enu avo Joseph be amo ereto, mei te eh te uhaja, eto avo Israel embomei ta enda ta puto horihaja.
\v 22 Rate Joseph na ke ingina amo Archalaus avo tohota mamo ta besi avo amina umbuto avo da Judea avo simba uva, eto embo be avo ai pambari avo joru be ena. Eto amita ambota Godi na ehure ta embo be avo ke enu inginu, avo embo be amo da avo toto Galilee pahuija \v 23 eto pato da pajire javo Nazareth ai mihaihija. Eto pure erevi ari amore do Godi ta kione embomei na iji ku beta Jesus avo javo Nazarene ke ara ari mihia aravo be puto ijekehija.
\v 1 Eto Iesu na embomei puto horukihara avo kina, amo embo be amo heti bende ta bihito pato arumbenu avo tohota ambotane amo embo be avo hena iyera. \v 2 Eto enana avo imihe puvere, avo Iesu na ahepoeakari ke eingego avo ijija, \v 3 ''Javotoho amo ahihi ta ivo ambupu uve mihera amita ra, amita be amo uhuta hotari amo ta ra. \v 4 Eto osasa amo amina sorara ta mihera ra, amita be amo Godi na enana re simba re aisuja.
\v 5 Eto jamotoho amo amina enana jamo eto mihera amita ra, amita be amo Godi na enana ta enda ikau irisora. \v 6 Eto javohoto be eto irari ta beuje eto hauje avo euja amita ra, amita be amo Godi na enana do uje ora amore ikaisuja. \v 7 Eto osasa avo jamojamo ga mihera, amita be amo Godi na enana hena jamojamo ikau umbaisora. \v 8 Eto javohoto amo amina jo upoga ojogo be ga mihera amita ra, amita be amo enana na Godi re keisora.
\v 9 Eto javotoho amo embomei amina peka umbuto puvuora amita ra, amita be amo Godi na enana re tohota mei undi ke aisuja. \v 10 Eto javotoho amo emnomei amina pure javotoho ore embo enana sisihiukihera amita ra, amita be uhuta hotari amo enana ta ra.
\v 11 '' Eto javotoho amo ungo embomei amina na keije ove embomei na ungo hena ke ingari jajai mane eto memega ikeora, ke sasamuna keite kainte ke sokovana ere mihia amita ra. \v 12 Eto osa uve hanahana pajire be evujo, amita be amo uhuta no kogombari mihia amore pajire be ra. Eto Godi ta kione embomei iji kubeta mihaehera amore embomei na ari wasiri einge dombo avo enana hena ari ra.
\v 13 ''13 Eto ungo re haso ainge amina enda emita jota miheva. Rate haso ta gamo irae aisuja kito, amo daingeto aro haso ta gamo mo ahako purou? Amita jigama ahako javotoho aisora re irae ra ambote umbuto deitambu ta gosikaro avo embomei na utu na haito ima huma ururu jasasuja. \v 14 Eto ungo re embomei enda emita jota mihera amita usasa ra. Eto ungo re da heti ibeta ikari amita usasa mume te onjikari haite mane eto pingi pingi euja ainge ra.
\v 15 O embomei na harimo ijimbeto ovu huta mane ikeora, rate tohota i kohu ta ikeore, avo peambe oro jota amo usasa ijeija. \v 16 Eto ungota usasa avo embomei ta dei tovujo avo piriri piriri ururu avo enana na ungota ari wasiri javotoho avo keuge avo ungota Mama uhu toho avo jakeka are.
\v 1 Eto Iesu na ke einge ena; eto ungo pure jajavotoho ari embo na ungo pure jajavotoho do ere ova avo mane embo ta tihi ta avo enana ungo kito osa ara mane aisova, eto ungo ainge aisova amo ungota javotoho mine ungota Mama uhu ta mihia amina mane ikau umbasova. \v 2 Avoeto ungo donda irae embomei ta dei hande do ikasi ue kito amo embo mane ikavo ungo kihi umbuto pahue huin hukihe embo ta jo umbasi inono tihi poembari embo na gui pari ari bande jo ta eto dei tambu ta embo na kiora ahemba eora ainge avojo, eto hande dei einge ta eora embo amo embomei na enana osa ara ijie eora. Eto nane ungota dei ke be erena enana ta pure jajavotoho ta mine mahu umbere irae ehija avoeto Mama Otohu na hande nei mane ikau umbasora.
\v 3 Rate ungo donda irae embomei ta dei hande ikasi ue kito amo embo nei no egihi ta avo kioro ojiketo kiae ikevujo, \v 4 ainge aisoa kito avo no hande amo ojikari ta ikeha. Eto ungota pure javotoho do ere ova avo ungota Mama na ungo ojikari ta kito ungota pure ta javotoho mine ikasuja.
\v 5 Eto Iesu na ke einge ena; ungo pari aisi ue kito inono tihi poembari embo na pari ado na eora ainge avojo,eto enana amo embomei na kito osa ara Mama Otohu jakeka ari bande jo ta eto dei tambu kaja ta arahe tambu ta ereto heteto pari asi ujeje eora eto ari einge eora amita mine amo embo na kito osa eora. Avoeto nane ungota dei ta ke be erena, enana ta pure ta javotoho mine amo mahu umbere irae ehija. \v 6 Rate ungo Mama Otohu ta dei pari aisi ue kito amo ungota bande rum jo ta horeto, bekuri ahuruketo ungota Mama ta dei ojikari na pari evujo. Eto ungota Mama na ungo ojikari ta do eheva avo kija amina javotoho mine ikau umbasova. \v 7 Eto ungo pari ue kito, amo inono tihi poembari embo na pari vahi mahu eora avo ehako mahuko pari ue ke sio sao ijie koso be gorumbeto pambuora, eto enana hotembeora avo enana ta mama godi sokova amina ingisuja amita be avo enana ta pari ke isamane be na eora aingeko avojo.
\v 8 Avoeto, enana Mama Otohu kiae embomei emina eora ainge avojo. Eto ungota Mama Godi na ungo donda deirami uje ova amo mahu kegoi ungore ambota penunu re ereva. \v 9 Avoeto pari ta ke einge ijie pari evujo: Mama nangota uhu ta irioa, javo no otohu avo otohu aisora. \v 10 Uhu ta tihi jigioa uje no eora ainge dombo enda ta ikejo puroi.
\v 11 Nangota indari iji hekeri ikejo.\v 12 Eto embomei na nangota dei ta ari sasamuna do eora avo hotembeto to ora ainge dombo nangota ari sasamuna inena hotembeto tojo. \v 13 Nango engekari ta umbuto pambaojo, eto samuna ta nango oreke.' ( Eto no tihi jigari te sovera te usasa te daroho irisora avora.)
\v 14 Eto ari sasamuna hotembeto toari amo eingera, eto ungo na embo ta ari sasamuna hotembeto toasova ainge dombo ungota Mama uhu toho amina ungota ari sasamuna amo hotembeto toasuja. \v 15 Rate ungo na embo ta ari sasamuna hotembeto toae amo ainge dombo ungota Mama uhu ta iriuja amina ungota ari sasamuna mane hotembeto toasuja." Iesu na ainge ahepoekena.
\v 16 Eto Iesu na ke nei einge ena, eto ungo indari toto kito amo tihi poembari embo na indari toto osaga tombu ue iriora ainge avojo. Eto enana tombu pe umo kuhahe eto aku kajae ainge eora amo embo na kito enana indari toto mihera avo otohu ara eora ainge avojo. Eto nane ungo ga ke be erena amo enana ainge eora amo enana ta ari javotoho mine amo mahu umbere ra. \v 17 Rate ungo indari toto mihie kito amo u seha na aku ta jigito umo na tombu pe egeto \v 18 ainge aisoa kito na avo embo nei na ungo indari toto miheva amita hajire mane keisora, rate ungota Mama amina pere ojikari na kito eto ungota Mama na ojikari na do eheva kegua amina ungota pure ta javotoho mine ikau umbasova.
\v 19 Eto ungo enda donda umbuto birihu ue iketo irovojo, amita be amo ungota hajae bajae amo kakorosi na jirembasuja ain pijeja bihisuja eto pegene embo na bande pejeto horeto pegene asora. \v 20 Rate Mama Otohu ta irari besi ai ta ungota hajae bajae avo tahavo ta ikevujo, eto kakorosi te ain pijeja te mane aro samuna aisuja, eto pegene embo na mane bande pejeto horeto pegene aisora. \v 21 Eto no donda irari besi ai ta no jo hotembari te ga peae ai irisuja.
\v 22 Eto no tihi amo no ado uhu ta usasa ra. Avoeto no tihi avo javotoho amo no ado uhu peae amo usasa pere aisuja. \v 23 Rate no tihi avo samuna aisuja amo no ado uhu peae amo mume pere aisuja. Avoeto, usasa jo no ta amite vahi amo mume kamba kamba aisuja, eto mume kamba kamba amita pajirari heka amo do ihokore. \v 24 Eto vahi damina embo herijo ke agi ari haite manera . Eto nei tumo ue eto nei vahi tunga umbasuja, o ainge embo nei amita ke agi ue nei amita ke uje ae aisuja. Ainge dombo, inena Mama Otohu ta ke te mani te inono ta tunga umbari haite manera.
\v 25 Eto Iesu na ke einge ena, '' Avoeto nane ungota dei erena amo ungota irari umbari ta osaga avojo, ungo do indito evisova eto do asuketo hembasova avo hotembu hotembu avojo, eto vasiri no pajire ra amo indari pere mane eto ado no pajire ra amo asukari pere manera. \v 26 Eto di uhu ita eora avo kivu. Eto enana donda be kokoveketo be ei tureto umbuto horoma ta mane ikeora, rate ungota Mama uhu toho amina enana ta indari ikihei indiora. Rate ungo amo moha be hambo hoave ainge Mama Otohu ta sage tambu ta rate di avo manera.
\v 27 Eto ungo embo nei amina osaga na au amita enda irari jua nei hamo ta tembao iji koso mane aisuja. Avoeto donda umo uje oa avo hotembihe osaga aojo. \v 28 ungo iribo deirami asukaeheve amita mane osaga keisova te i enda ta ereuja buji hari nei te nei rate pejeto mihera avo kegue hotembevujo. Eto enana pure mane eora eto enana iribo mane kembuora. \v 29 Rate nane ungota dei ta erena, Israel ta tihi jigari pajire donda embo be Solomon amita iribo asukari amo i buji emita kiari sago javotoho amiga inono ae ra.
\v 30 Eto Mama Otohu na daingeto i buji enda mihera amita dei iribo asukari javotoho ikeoi asukeuja eto iji oroho irisuja eto iji nei amo karau eto enda beasora, rate ungo i buji ainge mane ungo embo avoeto Mama Otohu na ungota dei iribo mane ikau asukavote? Eto ungo Mama Otohu kebe jo be na ae eova embomei ra. \v 31 Avoeto osaga kegue nango do indie kuhihe aro eto nango do ohue asihe aro ainge avojo.
\v 32 \v Eto ke ainge amo Mama Otohu kebe jo na ae embomei na pere donda peae erevi ahe eora rate no Mama uhu toho na donda peae erevi ujeje oa amo mahu kiuja. \v 33 Rate kihi be kihi amo Mama Otohu ta javotoho tihi jigari avo ahe evujo eto amina ungota indari donda te asukari donda te peae be emore ungota dei ta ikasuja. \v 34 Avoeto evito ta osaga do puvuruja avo mane hotembasova. Evito ta osaga do puvuruja amo iji amite aro tambu aisuja. Eto iji hekeri amita osaga amo emahe inono ra.
\v 1 Eto Iesu na ke einge ena, umo embo nei ta ari samuna kito mane aisoa, eto umo ainge aisoa amo ainge dombo Mama Otohu na umote vahi kasasuja. \v 2 Eto embo nei ta ari samuna kito ihi tirihea ainge dombo avo Mama Otohu na ari no avo embo nei hu umbea amita heka inono be ai ta umo kasasuja.
\v 3 Eto ungota namei ta vasiri samuna isapa i ta momoru ainge tihi ta mihia avo ere kegova rate ungota vasiri samuna pajire be amo i uhu ainge ungota tihi mihia avo do eto kiae ere ove? \v 4 Eto namei ta dei no tihi ta i momoru mihia avo kojikasi?' ungona ke ainge ereva te ungota tihi i uhu pajire na peikehija mihia avoeto daingeto avo? \v 5 Ungo ari samuna hatihe ke sokova ari embomei eto ungota ari samuna i uhu ainge tihi ta mihia avo kihi umbuto gosuketo arahe au jai eto kegue namei ta ari samuna isapa i momoru ainge tithi ta mihia avo umbuto gosukevu.
\v 6 Eto Mama Otohu ta ke amo otohu avoeto Mama Otohu ta ke ingito ke be ae embomei amita dei ikavojo, ainge aisova te enana amo ino o ainge hotembari tuhaupa te avoeto enda ikaro beau utu na hatiroro samuna ururu hapereketo kambuto heveto memeni ari embomei ra.
\v 7 Eto Iesu na ke ijie einge ena, penunu ijiro ikau umbasoa, ahe ururo ikau keisoa, poporo ururo Mama Otohu na bekuri umo embo hirikasuja. \v 8 Amita be amo embo amina penunu aisuja amita dei Mama Otohu na ikau umbasuja, ahe aisuja embo amina hambasuja, eto embo amina poporo aisuja amo Mama Otohu na bekuri hirikau embo amo horasuja. \v 9 O ungo embo nei uhoho amo mei hatira te ra. Eto no mei na no dei ta indari penunu aisuja amo karu amita dei mane ikasoa. \v 10 Eto mei na umo o penunu aisuja amo koso o embo amita mane ikasoa.
\v 11 Avoeto ungo embo sasamuna rate daingeto ungota mei hatira ta dei hande javotoho ikasova amo ungo kiarira. Eto ungota Mama uhu ta mihia amo hande embo be avoeto embo amina penunu amita dei au donda isamane javotoho pere avo ikasuja. \v 12 Eto Mose ta avotari ke pepeni peae te harika embo te ta ahe poekari peae amita ke susu be amo erevi ra. Eto pure peae be amita jota embo na no dei ta do ara ujeje oa ainge avo inena embo nei ta dei kihi ejo kioi.
\v 13 Avoeto, dei tambu pe isapa ai ta horeto pambuvujo. Amita be avo dei tambu pe pajire pambari amo embomei pahue sari eora dei tambu ai pambavojo, eto embomei isamane be na dei ai ta ere pahora. \v 14 Rate dei tambu pe isapa pambari haiteko mane gaiha avo ahe eto kito ai ta itito hututo ue pambavojo. Amita tutumo ta irari javotoho daroho umbasova, eto embomei heriso be na hambu ora.
\v 15 Eto harika embo be mane amina Mama Otohu ta ke hande ue ahe poekari sokova aisora avoeto keisi keisi ue irivujo. Eto ungo amo Mama Otohu ta undurari o sipi aingera. Eto enana undurari o sipi ta hoga avo asuketo ungota dei puvurusora rate enana ta jo ta amo apu isoro ino ra. \v 16 Eto (inena) i na be eto mihei kioa ainge avo harika embo sokova amita ahe ivo na enana deire avo harikau keisova ke amita be amo eingera. esi saese ai ta hamesi mane be eto mihei bujeora eto i koriri ai ta oga mane be eto mihei imbuora. \v 17 Hajire vahi einge ta, i javotoho na be javotoho euja rate i samuna na be samuna euja.
\v 18 Eto nei i javotoho na mane be indahu aisuja, ainge dombo indahu i na mane indari be javotoho aisuja. \v 19 Eto indahu i mane be javotoho eora kito peae jaro beau i ta gosukaro evekasuja. \v 20 Avoeto, enana indahu eto indari i amita be na enana deire amo harikeoi kiora ainge dombo enana Mama Otohu ta ke sokova ari embomei ta vasiri na harikau enana deire avo ungo be keisova.
\v 21 Eto embomei peae nau ta Bada, Bada ke eora amina mane Mama Otohu ta tihi jigari besi ai ta horasora, rate embomei amina nau Mama uhu ta iriuja amita uje eora amina pere horasora. \v 22 Eto vasiri kasari iji amite embomei isamane be na nau dei ta ke einge aisora, Bada, Bada nango javo no ta Mama Otohu ta duru hande eora, ahihi sasamuna kurumbeora eto javo no ai ta javotoho ikari nei te nei te ere ovora, ke ainge aro ingito \v 23 enana ta dei ke mine einge aisona. 'Na ungo kiaera. Ungo ari sasamuna embomei avoeto nau ke ambo ae eova toto beto pambuvu irae ai, ke ainge aisona.
\v 24 Avoeto embo amina ke nau ingito ke avo agi aisuja embo amo inono uha embo na amita bande karu ado ta ihinu \v 25 eto ga beto jai buenga putuhunu pisara pajire puto bande amita hamo ta tena rate koheketo beae ra amita be avo bande amo karu ado ta iharira.
\v 26 Rate embo amina ke nau ingito eto ke avo ambo ae au embo amo inono hotembari irae embo na amita bande horasa ta ihinu \v 27 eto ga beto jai buenga putuhunu pisara pajire puvuto bande mimikenu benu jai na umbuto irae pambuna." ahe poekari ainge Iesu na ena.
\v 28 Eto Iesu na ke erevi peae enu puvuto irae enu embomei peae heti areto mihija amina ahe poekari erevi ingito mani mini ea, \v 29 amita be amo Iesu na enana ahe poekena amo enana ta avotari ke pepeni kiari embomei ta ke ainge mane tihi jigari embo be na ahe poekihia ainge ijie ra.
\v 4 \v 5 \v 6 \v 3 Da Judea embomei ta Moses ta avotari ke pepeni ahe poekari embo na Bada na embo popora ta dei do uija amita duru avo ingito ungo eonga mine ara einge ijera, ''embo emo Mama Otohu na pere pure emo aisuja te amina aisi ke ijie Mama Otohu eso eria'' ainge ijio,''
\v 3 Da Judea embomei ta Moses ta avotari ke pepeni ahe poekari embo na Bada na embo popora ta dei do uija amita duru avo ingito ungo eonga mine ara einge ijera, ''embo emo Mama Otohu na pere pure emo aisuja te amina aisi ke ijie Mama Otohu eso eria'' ainge ijio.'' \v 4 Bada na enana ta hotembari do ere hotembihera avo kito enana ta dei ke einge ena,''ungota hotembari ta hotembari sasamuna do eto ere ove? \v 5 Eto pure suruha mo davore, embo na no ari sasamuna ere hotembeto toruhona aisuja amo ari ngaiha rete mo, ainge embo na umo kojeto ereto pambu aisuja amo ari haiteko mane re? \v 6 Rate ungo kebe ae ere ova avoeto Mama Otohu na Embo ta Mei ta dei enda ta avora ari sovera ikari amina embomei ta ari sasamuna hotembeto touja avo ungo kebe kiova ava pure erevi aisona,'' ainge enana ta dei eto bajiriketo embo utu popora ari amita dei Bada na ke einge ijija; ''ereto, no evari besi umbuto, no bande ta pambujo,'' ainge enu;
\v 7 Embo amo ereto tohota bande ta pambuna. \v 8 Eto embomei ai ta mihera amina pure erevi embo utu popora ari amita dei uija avo kito, enana osa eto Mama Otohu jakeka uera, amita be avo embo amina sovera erevi embomei ta dei ikihaja. \v 9 Eto Bada, dei avo toto pahue enda ta tihi jigirikari ta mani sirikari embo javo Matthew avo tohota pure ari bande ta arumbeto mihinu kito, ''umo na ambo e ainge enu, Matthew ereto Bada ambo ambo ena.
\v 10 Eto Bada, Matthew ga amita bande ta pambuto arumbeto indari indisi unu, avore, mani sirikari embomei nei uhoho isamane be amite eto ari sasamuna embomei isamane be aingeto puvuto Bada te amita ambotane te ga peae arumbeto indari indie mihio, \v 11 avore, enana Moses ta avotari ke pepeni simba ari embomei na Bada na ari sasamuna embomei ga indie mihia avo kito amita ambotane ta dei eto ingari einge uera, ''do eto ungota ahe poekari embo na ari sasamuna embomei ga vahi ta ere indei?''
\v 12 Eto Bada na Moses ta avotari ke pepeni simba ari embomei na ari sasamuna embomei ga indari keije ke ijera avo ingito, enana ta ke mine einge ena, ''embo amina ando bisita korere irae amo mane sivo ikari embo ujeje euja, rate embo korere ua amina pere sivo ikari embo ujeje re euja. \v 13 Eto Mama Otohu ta ke kajari aita amo einge mihia, ungota o kaeto peneha pata tembari avo na uje ae rate ungo embomei memega ta mihera avo kito jojoga ava uje ere ona; eto ke emita be amo deire avo pambuto ungo eonga eheketo kivujo. Eto na putahana amo embo jajavotoho jage ano enana ta samuna kusijara purae rate embo sasamuna avo ano kokonjeketo Mama Otohu ta dei purora oru ue ere ona.
\v 14 Eto John ta ambotane na Iesu ta dei puvuto ke einge ijera, ''enana Moses ta avotari ke pepeni simba ari embomei te nango te ungotenau ari mahu avoeto mahainge indari toto eora, rate do avoeto ambotane No na indari kusijae mahainge indari indie iriore? ainge eo \v 15 Bada na enana ta ke mine einge ijija, eto jimbari embo avo pambae enana ga mihiru embomei jimbari pondo ta oru ehere puvera amo indari indae osaga kegue si ijie iroro te? Rate iji ere putuhua amikote jimbari embo avo embo na enana ta pondo jo ta umbuto pamhuroro avore enana osaga kegue si ijie indari kusijasora.
\v 16 Eto irari mahu kihi ta ari amo inono bo mahu ainge papasekari ra. Eto embo na mane bo eha ta ipiki na bo mahu perara ari aita mane iketo ihirasuja, amo ipiki eha bo mahu ta iketo kajehija amo perara eto pambuto samuna be aisuja.
\v 17 Eto nei amo embo na jai higi mahu aita jai mane timbu ora. Eto enana ainge aisora, amo jai higi amo gahihiru jai jojeketo beto pambu irae aisuja. Rate, enana na jai higi eha aita jai eha timbasora kito avo jai higi te jai te avo peae orekasora.
\v 18 Eto Bada na ke erevi enana ga ijie mihinu avore, Judea ta tihi jigari embo vahi na puvuto amita dei paunge teteri eto embo amina ke einge ijija, ''Nau iae avo eha oroho ambija, rate umo pambuto ingeni amita ando ta tembao pamone avo ereto vasiri umbaja ere putoho na.'' Ainge nu \v 19 Bada amita ambotane ga soueto ereto Judea tihi jigari embo amiga pambua.
\v 20 Eto dei ta pahuo pamone vahi amo jua 12 ainge avo sasaga pojihe mihahija amina Bada kito \v 21 avo pamone amina umo eonga na ke einge ena, ''eto na Embo omita bo ta hame aisona, amo na kojasona.'' Ainge hotembihe kuta puvuto Bada ta gara ipiki ta hame unu \v 22 Bada hapereketo pamone avo kito, ke einge ena, '' kakara, tunga javotoho ejo. Eto umo Na kebe ere oa avoeto kojasoa,'' ainge ijinu iji amikote pamone amo kojena.
\v 23 Eto Bada na Judea ta tihi jigari embo ta bande ta puvuto horenu bija puri ta paku kambari embomei te eto pusuta puvuto mihera embomei amite aingeto sisi sasi ijie mihio kito.\v 24 Bada na ke einge ena, ''ungo pambuvu irae ai, kakara emo amburae, rate teho evo ue mihia,'' ainge enu enana ai mihia na ke avo ingito Bada urumbihe ganini ijera.
\v 25 Amita ambo ta orope na embomei peae avo eo irae arahe ta pahuo kakara besi ta hembereketo mihina rumu ai Bada na horeto amita ingeni ta jiginu, kakara amo besi toto soueto vasiri erena. \v 26 Eto pure erevi ena amita duru avo dei amita embomei peae ta hande eo avo ingia.
\v 27 Eto Bada dei avo toto pahunu, tihi poa ari embo heriso amina ke ingito amita ambo ta putuhe gagahe ijie ke einge ijera, ''David ta ohihi, nango ta dei jojoga e.'' Ainge ijio \v 28 Bada pambuto bande jo ta horenu tihi poa ari embo heriso amo ambota puto horeo. Bada na enana ta dei ke einge ena, '' eto nane ungota tihi ano hirikasuja amo ungo kebe ove?'' Ainge enu, enana na Bada ta dei ke mine einge ea, ''Avora, Iesu nango kebe ere ora, ine na nango e tihi hirikai'' ke ainge eo
\v 29 Bada na enana ta tihi ta hame ue ke einge ena, ''nane ungo kebe do ere ova ainge aisona,'' Ainge ijinu \v 30 eto enana ta tihi hirikenu kia. Aingeto Bada na enana ta dei ke ngaiha einge ena, ''Eto nane ungota tihi ehene hirikehija ainge mane embo nei uhoho ta dei avo ingorojo.'' Ainge ena. \v 31 Rate embo heriso amo Bada ta ke peive eto pambuto enana ta dei pure do ijekihaja amita duru avo embomei peae dei amita mihera avo eo ingia.
\v 32 Eto embo heriso tihi hirikena avo pahore, avore, embo vahi ke ambu mihahija amita be avo ahihi samuna na andirari avo embomei na umbuto Bada ta dei puvuo. \v 33 Bada na ahihi samuna kurumbenu pahuo, embo ke ambu amo ke enu embomei na kito mani mini eto ke einge ijera, ''Nango pure einge Israel enda ta kia kihi ta pure erevi ere kegora,'' Ainge ea. \v 34 Rate enana Moses ta avotari ke pepeni simba ari embomei na pure evi kito ungo eonga na pure ainge ahera avo Bada na ua avoeto enana Bada ga hini kambari ue ke einge ea, ''Amo ahihi sasamuna ta tihi jigari na amita dei sovera ikeuja avoeto, ahihi sasamuna ere kurumbiha.''
\v 35 Eto Bada na da pepeni memeni peae ai ta hehue, Judea embomei ta giu pari ari bande jo ta ahe poekihe, duru javotoho Mama Otohu umo eonga na amo embo ta tihi jigari embo avo ahemba ue eto embomei ta memega korere neite neite peae be avo irae enu kokojekea. \v 36 Eto embomei isamane be avo bouka memega na haito haito uei osaga kegue mihahera avo Bada na kina, rate inono o sipi ainge simba ari embo irae kito jojoga umbuna.
\v 37 Avoeto Bada na amita ambotane ta dei ke einge ena, ''I be na taherembeto sari ere ua, rate bujeto umbari embo avo heriso ra. \v 38 Avoeto i be Mamo ta dei sasau be pari evujo pure embomei nei uhoho ikau pambuto i be bujare.'' Ainge Bada na ena.
\v 1 Bada na tohota ambotane 12 ainge avo jage enu puto vahita eo enana ta dei ahihi sasamuna kurumbari pambari amite eto bouka memega korere neite kainte peae avo ari kokojekari amita sovera avo tohota ambotane ta dei ikena.
\c 10 \v 1 Bada na tohota ambotane 12 ainge avo jage enu puto vahita eo enana ta dei ahihi sasamuna kurumbari pambari amite eto bouka memega korere neite kainte peae avo ari kokojekari amita sovera avo tohota ambotane ta dei ikena.
\v 9 Eto Bada koni uru jo ta mihija avo toto pambuto enana ta giu ari bande otohu amita jo ta horinu. \v 10 Avore embo vahi ingeni popora ari avo bande otohu amita pe ai heteto mihina avo Moses ta avotari ke pepeni simba ari embomei na iketo kito Bada ta dei enana na eto ingari einge ea
\v 9 Eto Bada koni uru jo ta mihija avo toto pambuto enana ta giu ari bande otohu amita jo ta horinu. \v 10 Avore embo vahi ingeni popora ari avo bande otohu amita pe ai heteto mihina avo Moses ta avotari ke pepeni simba ari embomei na iketo kito Bada ta dei enana na eto ingari einge ea, ''eto Moses ta avotari ke pepeni aita embo na embo nei Mama Otohu ta Jango indari iji amite javotoho ari ikaja ari kajari mihei te?''