\c 26 \v 1 Boy nagyadi hen nayade ni Apo Hesus ya kaganawan nin haw habe hatsi, hinabi na ha taw tagahunol na, \v 2 "Tanda moyo ya nagdahan ta luway al-lon nilumateng paskua, boy hay Anak nin Tawoy maeden, ipako ha kudos".
\v 3 Boy paw punon-pade boy hay naw nangatua ya taw tawo ay nitsi-tsipun ha padasyo nin pinaka-punon-pade ya nag-ngalan nin Caifas. \v 4 Napilako hilan Apo Hesus nin limid taen patsin. \v 5 Kabay hinabe la, "Alwan ha allo nin pista, taen ahe magkamaen nin kagulowan ya taw tawo.
\v 6 Hapaeg, hi Apo Hesus ay Atsi ha Betania ha bale ni Simon ya maen ketongen, \v 7 habang hiya ay naka-unhaleg ha lamesahan maen babaye ya nagdane ya maen gitan nin hilag alasbastro ya pabango, boy imbul-log naya ha ulo na. \v 8 Noag hen nahilek nin taw tagahunol nay hatse, hilay hinulok boy hinabe, "Hinoy kapukatan nin panyahayang la? \v 9 Maade-ade daye ya ilako nin malhay ya alaga boy ipangede ha maw ma-erap."
\v 10 Noag hi Apo Hesus , ya ampakamula nin hatse hinabe na henta an abalaen moyoy babaye ya hatse? Kabay ampangawa ya nin nakahampat ya bagay kungko. \v 11 Atsi komoyo pirme ya maidap, no agmoyo kon mapagkalamo pirme.
\v 12 Kabay hen imbol-log nay hatse ya pabango ha lawine ko, dinyag nay emen ha pay-elbing kungko. \v 13 Peteg hay hatsi ya anhabyen ko komoyo, atoman itudo ya maganday balita ha babon-luta, hay dinyag nin babaye ya hatse ay ma-ehepan ya et."
\v 14 Boy miha ha labinluwa ya nagngalang Judas Iscariote ay naglako ha punon pade, \v 15 boy hinabe, "Hino ya labay moyon iden kongko, taen hiyay iden ko komoyo?" Boy nanimbang hila nin tatlumpoy pirason pilak pada kuna. \v 16 Ubat nin panaon hayto nanikap ya nin pagkakaon taen iden ya konla.
\v 17 Hapaeg ha unan al-lo nin chinapay ya ayen lebadura, nagdane ya taw tagahunol na kune Apo Hesus boy naghabe, "Ato mon labay hikatamo ay maydaya taen kawentamoy maekan ha Paskaw?" \v 18 Hinabe na, "Maglako kaw ha matag-ay ya banwa maen mihay tawo baydo boy habyen moyo kona, 'Hinabe nin Gudo, "Hay panaon ko ay madane hana, ganapen koy Paskwa ha bale mo kalamon taw tagahunol ko." \v 19 "Dinyag nin taw tagahunol na no hino ya an ipag-uto ni Apo Hesus konla, boy indaya lay pamangan ha Paswa.
\v 20 Hin madedigleman hana nin yabe, nikno ya taen mangan kalamo la nin labin luway tagahunol. \v 21 Habang hilay ampangan hinabe na, "Peteg ya hatsi ya anhabyen ko komoyo ya hikoy ipakadawak nin miha komoyo." \v 22 Hilay nilumele boy nangumpisan mamastang, "Alwan hiko Apo Hesus?"
\v 23 Tinumbay ya , "Hay hinuman ya kasabay kon magsawsaw nin gamet na ay hiya magpakadawak kongko. \v 24 Hay Anak nin Tawo ay mag-ale, emen nin inhulat bana kona. Noag napada bat ha lalaki ya haytoy maypakadawak kungko ha Anak nin Tawo! Mas mahampat et ha lalake'y ya hayto ya ahe in-anak. \v 25 Hi Judas, ya maypakadawak kungko ya naghabe, "Hiko ba Gudo? hinabe na kuna "Hikay na mismo ya naghabe."
\v 26 Haban hilay ampangan, nangwa hi Apo Hesus nin tsinapay, ipinagpahalamat hay hatsi boy pinuto-puto, Inden nayaý hatse ha taw tagahunol boy hinabe "Kuwen moyo, kanen moyo, hatse ay lawene ko."
\v 27 Nangwa ya nin kopa boy nagpahalamat boy inden hatse konla boy hinabe "Inemen moyoy hatsi kganawan. \v 28 Kabay hatse ay daya nin napihabyan ya imbul-log pada ha kalak-an boy paypagpapakatanad nin kaw kahalanan. \v 29 Noag anhabiyen ko komoyo, ubat hapaeg ahe hake nan minem nin tagey nin uban anggan ha al-lo nin hiko minem nin bayo kalamo moyo ha kaadian nin Bapa ko."
\v 30 Boy pagkanta la nin mihay imno, naglako hila ha Babo nin Olibo. \v 32 Boy hinabe ni Apo Hesus konla, "Kaganawan kaw ay mag-ale hapaeg nin yabe bana kungko, ta hatsi ay nakahulat, 'Pahpahen ko ay pastol nin tupa boy hay taw tupa nin kawain ay napiwawatak.' \v 31 Noag pamakayade nin pagkabiyay ko nauna hako ha Galilea."
\v 33 Noag hinabe ni Pedro kona, "Masken hay kaganawan ay mag-ale kungko, hiko ay ahe nin mag-ale kona." \v 34 Hinabe ni Apo Hesus peteg ya hatse ay anhabiyen ko komoyo, ha yabe ya hatse bayo magtanoy ya pagkatse tandang, ipakadeng-ey moko nin tatlo'y beses. \v 35 Hinabe ni Pedro kona, "Masken hiko ay matse, ahe kata ipakadeng-ey." Imabaydo ko et itaman hinabe nin kaganawan nin tagahunol na.
\v 36 Pamakayade, naglako hi Apo Hesus kalamo hila ha mihay lugal ya an-engaten nin Getsemani boy hinabe na ha taw tagahunol na, \v 37 "Mikno ka bayde haban hiko ay palako baydo boy manalangin." Ipinakilako na hi Pedro boy hay luway anak ni Zebedeo boy nangumpisa yon halele boy napudugan. \v 38 Boy hinabi na konla, "Hay kailwa ko ay sobran ang kamegmeg masken ha kamatiyan. Manugil kaw mamantay kalamo ko."
\v 39 Nagbita ya nin amo, padayo boy nagduko, boy nagduroro. Hinabe na, "Bapa ko, no maade, paulayan mo ya tasa'y hatsi ay milampas kungko. Imabaydo man, ahe ha labay ko no alwan bana ha labay mo." \v 40 Nagdane ya taw tagahunol na boy nalatengan nan hila ay angkabilew boy hinabi na kay Pedro, "Hino, ahe moyo ban kaya mamantay kalamo ko nin mihambat ya odas? \v 41 Mamantay kaw boy manduroro taen ahe kaw matukho. Hay espiritu ay malabay noag hay laman ay nakipay."
\v 42 Nag-ale hiya ha pangalawa'y pagkataon boyhay nanduroro, boy naghabi, "Bapa ko, no ahe maadi maligpason maliban no inumen ko, hay kalabayan mo ay mangyade." \v 43 Boy hiyaý mag-udong uman boy nahelek nan angkabelen hila, kabay nabyat hina ha mata la. \v 44 Boy uman nan ibanlag boy hiyay nag-ale. Nanduroro ya ha ikatlo'y pagkakataon boy hinabi na ya imbaydo et ya pagkahabe.
\v 45 Pamakayade, nagdane hi Apo Hesus ha taw tagahunol na boy hinabi na konla, "Angkabilen kaw et boy ampama-enghan? hilken moyo, Madane hanay odas boy boy hay Anak nin Tawo ay igwa ha gaw gamet nin maw makahalanan. \v 46 Tumpel kaw, mag-ale kitamoy na. Hilken moyo, madane hanay may pakadawak kungko.
\v 47 Habang hiyay ampakahabe, hi Judas ya miha ha labin luway nilumateng. Kalamo nay napakalabe ya tawo ya ubat ha paw punun-pade boy taw tawo. Nilumateng hila ya maen gitan nin espada boy pangasok. \v 48 Hapaeg hay tawo yay maypakadawak kune Apo Hesus ay may Iden nin patudo konla ya ampayhabe nin, "No hino man ya maado ko ay hiyay nay hayto."
\v 49 Hay paran nagdane kune Apo Hesus boy hinabe na ambaten kata, Gudo" Boy tinake naya. \v 50 Hinabi ni Apo Hesus konla "Patel, gaw-en mo no hinoy nilako mo bayde." Pamakayade, Naglatengan hila boy tinalan hi Apo Hesus boy tinalan ya.
\v 51 Hilken hatsi, hay miha ha kalamo ni Apo Hesus ay in-unat ya mihay gamet boy inugot hay espada na boy tinapyasan hay mihay tagahunol nin pinakapunon-pade boy tinagpas ya tehelek na. \v 52 Pamakayade, hinabe ni Apo Hesus kona, "Iudong mo ya espada ha guma , ta hay kaganawan nin manggamet nin espada ay mipalako bana et ha espada. \v 53 Kaihipen moyo ba ya ahe kon kaya mang-engat ha Bapa ko, boy pagtanan na kon higit et ha labin-luway gurupo nin aw anghel? \v 54 Noag emen mangyade ya kaw kahulatan ya , daye ay mangyade?"
\v 55 Ha odas nin hayto hi Apo Hesus ay naghabi ha malabe ya tawo, "Maglako kaw bayde gitan gitan moyo ya espada boy pangasok taen dakpin koy kapadeho nin mihay tulisan? Al-lo Al-lo ay naka iknu hati ha templo ay ampanudo boy ahe moyo kon dinakep. \v 56 Noag kaganawan ng hatsi ay kailangan nangyade taen hay nin inhulat nin paw propeta ay mangyade." Boy imbalag ya nin kaganawan nin taw tagahunol na boy hila ay nuwayo.
\v 57 Hay naw nandakep kune Apo Hesus ay nangton kuna ha pinakapunon-pade ya hi Caifas, No aton ha aw eskriba boy taw tawo ay nitsi-tsipun. Noag hinumuno hi Pedro kona ya maen nin kadayuan anggan ha patyo nin pinakapunon pade. \v 58 Naglako ya ha loob boy nikno kalamo nin maw mamantay taen mahelek ya mangyade.
\v 59 Hapaeg, hay paw punon-pade, boy buon konseho ay ampanikap nin mali ya kahabiyanin bana kuni Apo Hesus Taen hiyay maipapatsi la. \v 60 Noag ayen hilan matsikap ya masken hino, Bagamat malake ya male ya naw naka hehelek ay dinumane. Noag ame-amehan naen luway nagdane \v 61 boy "Hinabe nia tawoy hatsi, 'Kaya na kanon hidaen ya templo ni Apo Nakapanyag boy umanen nan ipaeding ha loob nin tatloy al-lo."
\v 62 Nideng ya pinakapunun-pade boy hinabe na kona, "Ayen ka ban ihabe? hinoy Hatse ya an ipakahabe la bana kumo? \v 63 Noag hi Hesus ay naka-imengmen bat. Hinabe nin pinakapunon-pade kuna, an-itudo kata bana kune Apo Nakapanyag ya nabiyay, habyen mo kon nawen no hino laya hi Cristo, ya anak ni Apo Nakapayag. \v 64 Hi Apo Hesus ay tinumbay kona hikay na mismon naghabe. Noag anhabyen ko komoyo, ubat hapaeg ay mahilek moyoy Anak ni Tawo ya nakaikno ha kapakan gamet nin kapangyadihan boy lumateng hinay atsi ha gihin ha langit."
\v 65 Boy gininiet nin pinakapunon-pade ya baro boy hinabe na, "Hiya ay naghabe nin ayin-galeng! Henta kailangan tamo et ya mamatunay? Hapaeg nalange moyoy na ya ayin-galeng. \v 66 Hino ha hilek moyo? "Tinumbay hila boy hinabe, "Hiyay daye ay natse."
\v 67 Boy dinul-an la ya ha lupa boy pinagbubuntal boy pinaghahampal \v 68 boy hinabe, "itudo mo kon nawen, hika hi Kristo. Hino kon-nawen ya nangampa kuno?"
\v 69 Hapaeg hi Pedro ay nakaikno ha labas nin patyo boy mihay pan-itutudo ya babaye nagdane kuna boy hinabe, kalamo ka et ni Apo Hesus ya taga-Galilea." \v 70 Noag ing kadeng-ey naya ha arapan nin kaganawan, ya anhabyen na, "Agkon make angkamulahan no hinoy anhabyen mo."
\v 71 Hen hiya ay nag-awa ha mihay pulta, miha et ya pan-itutudo ya babaye ya nakahelek kona boy hinabi ha aw atsi baydo "Hay tawoy hatse ay kalamo ni Apo Hesus ya Taga- Nazaret." \v 72 Boy uman nan ingkakadeng-ey ya maen nin payhumpa, "Agkon balay ya lalake ya habaen."
\v 73 Boy hen nilumagpas bana uybon bat ay nagdane kune Pedro ya naw naka edeng baydo boy hinabe la, "Hika et ay miha konla kaya ang kahalata ka ha pagkahabe mo. \v 74 Pamakayade hatsi, nangumpisan nin nadawak boy nanhumpa nin, "Agko yan balay ya lalake ya habaen," boy nangapuran nangkatse ya tandang. \v 75 Boy naehepan ni Pedro ya haw habe ni Apo Hesus ya, "Bayo nangkatse ya tandang ay ikadeng-ey mo ko nin tatlon uman." Boy hiyay nag-awa boy sobran nanange.
See in Reader
ChristineBrion