Tue May 28 2024 02:30:16 GMT-0700 (Pacific Daylight Time)

01/01.txt

@@ -0,0 +1 @@
+\c 1 \v 1 Ngokuti vanhu vazhinji vakaedza kurongedza tsamba ngendaa yezviro zvakaitika pakati pedu, \v 2 kudai ngezvezvakapuwa kwetiri ngaavo kubvira pakutanga vaiya zvapupu zvakaona ngemadziso nevashandi veizwi, \v 3 kwakandinakira ininiwo, apo ndaiya ndanasa kuringisisa ngokwakaperera zviro zveshe kubvira pakutanga, kuti ndinyore ngokuteererana kwomuri, imwimwi makosi Theofirusi, \v 4 kuti muzie gwinyiso remazwi awo emwakadzidziswa.

01/05.txt

@@ -0,0 +1 @@
+\v 6 Ngamazuva aHerodhi, mambo weJudhia, waiyapo mupristi waizwi ndiZekharia, webingo raAbhia, waiya nomukadzi wake waiya mukunda weverudzi rwaAroni, nezina rake raiya Erizabhethi. \v 5 Navo veshe vaiya vakarurama pamberi paMwari, vechingwarira mipango nezviemeso zveshe zvaMambo Mwari vasina ndaa., \v 7 Navo vaiya vasina mwana, ngokuti Erizabhethi waiya ngomwa, navo vaiya vakura yaamho veshe.

01/08.txt

@@ -0,0 +1 @@
+\v 8 Zvino achaita mushando woupristi pamberi paMwari ngokuteererana kwebingo rake, \v 9 kudai ngomushuma woupristi, bingo rake raiya rokupotera muTemperi raMambo Mwari nokupisha mutombo unegwema rakanaka., \v 10 Nembungano yeshe yevanhu yaikumbira kubanze ngeawa rokupisha mutombo unegwema rakanaka.

01/11.txt

@@ -0,0 +1 @@
+\v 11 Kwakaoneka kwaari ngirosi yaMambo Mwari yakaema ngokumuryo wearita rokupishira mutombo unegwema rakanaka. \v 12 Zekharia wakatambudzika ngokuiona, nokutya kwakamugumira. \v 13 Asi ngirosi yakati kwaari, “Usatya, Zekharia, ngokuti kukumbira kwako kwakazwika, nomukadzi wako Erizabhethi unozokubarira mukororo, newe unozodudza zina rake kuti Johani.

01/14.txt

@@ -0,0 +1 @@
+\v 14 Newe unozodakara nokudakadzwa, navazhinji vanozodakara ngokubarwa kwake;, \v 15 ngokuti iye unozoita mukuru mukuona kwaMambo Mwari, naye aazomwi vhini nokuti zvinoradzisa, naye unozozadzwa ngoMweya Wakachena, eya kubvira mundani yamai ake.

01/16.txt

@@ -0,0 +1 @@
+\v 16 Naye unozotenderudzira vazhinji vevana vaIsuraeri kunaMambo Mwari wavo, \v 17 naye unozohamba pamberi pehope yake ngomweya nesimba raErija, kutenderudzira mwoyo yemadzibaba kunevana, nevasikapurutani kuti vahambe mukungwara kwevakarurama, kunasirira vanhu kuti vaite vakanasirirwa Mambo Mwari”.

01/18.txt

@@ -0,0 +1 @@
+\v 18 NaZekharia wakati kunengirosi, “Ndinozozia ngenyi ichi? Ngokuti ndakura yaamho nomukadzi wangu wakura yaamho”. \v 19 Nengirosi yakamupingura yechiti kwaari, “Ndiri Gabhurieri, uwo unoema pamberi paMwari, neni ndatumwa kuti ndierekete kwouri nokukuunzira aya mashoko akanaka. \v 20 Penya, unozoita chimbungumbungu usikakoni kuereketa metsa rigume zuva iro rezvinozoitika izvi, ngokuti auzi kugonda mazwi angu, awo anozoitika ngenguva yawo”.

01/21.txt

@@ -0,0 +1 @@
+\v 21 Nevanhu vechigarira Zekharia vakashamiswa ngokunonoka kwake muTemperi. \v 22 Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu. \v 23 Naapo mazuva okushanda kwake apera, wakaenda kanyi kwake.

01/24.txt

@@ -0,0 +1 @@
+\v 24 Naapo abuda, waiya asikachakoni kuereketa kwavari, navo vakazia kuti iye waiya aona chioniso ari muTemperi; naye wakaereketa kwavari ngenyara, akagara ari chimbungumbungu., \v 25 “Ndizvo Mambo Mwari wakaita ichi kwendiri ngamazuva awo aakandiringira ndiwo, kuti aduse chimene changu pakati pevanhu”.

01/26.txt

@@ -0,0 +1 @@
+\v 26 Ngomwedzi wechitanhatu ngirosi Gabhurieri yakatumwa kubva kunaMwari kuenda kudhorobha reGarire raizwi Nazaretha, \v 27 kumhandara yaiya yakaemeserwa munhu zina rake raizwi ndiJosefa, worudzi rwaDhavhidha, nezina remhandara iyo raizwi Maria. \v 28 Nayo yakapotera kwaari ikati, “Mwauya, iwewe waona nyasha, Mambo Mwari unewe!”. \v 29 Asi iye wakatambudzika kakurutu ngokuereketa kwayo, akapinimidza kuti uku kuchingamidza kunoronzenyi.

01/30.txt

@@ -0,0 +1 @@
+\v 30 Nengirosi yakati kwaari, “Usatya, Maria, ngokuti iwewe waona nyasha kunaMwari., \v 31 Penya, unozoita mimba newe unozobara mukororo, unozodudza zina rake kuti Jesu., \v 32 Naye unozoita mukuru, unozozwi Mukororo woUwo Uripadera pazveshe; naMambo Mwari unozomupa dendemaro rababa ake Dhavhidha, \v 33 naye unozotonga padera pemhatso yaJakobe mhera nariini; noumambo hwake ahutongozoa nemagumo”.

01/34.txt

@@ -0,0 +1 @@
+\v 34 Maria wakati kunengirosi, “Ichi chingaita maitikirenyi ndisina mwamuna?” \v 35 Ngirosi yakapingura, ikati kwaari, “Mweya Wakachena unozouya padera pako, ndizvo uwo unozobarwa unozozwi wakachena, Mukororo waMwari.

01/36.txt

@@ -0,0 +1 @@
+\v 36 Penya, Erizabhethi hama yako unemimba yomukororo, akura yaamho; nouyu waamwedzi wechitanhatu kwaari uwo waizwi ingomwa. \v 37 Ngokuti kunaMwari apana chinokorereka”. \v 38 NaMaria wakati, “Penya, ndiri murandakadzi waMambo Mwari; ngakuitike kwendiri kudai ngeizwi rako.” Nengirosi yakabva kwaari.

01/39.txt

@@ -0,0 +1 @@
+\v 39 NaMaria wakamiruka ngaawo mazuva, wakaenda ngokukasira kunyika yezvimitunhu, kuguta reJudhia, \v 40 naye wakapotera mumhatso yaZekharia, akachingamidza Erizabhethi. \v 41 Kwakaitika apo Erizabhethi azwa kuchingamidza kwaMaria, mwana wakanyanduka mundani mwake; naErizabhethi wakazadzwa ndiMweya Wakachena.

01/42.txt

@@ -0,0 +1 @@
+\v 42 naye wakadaidzira ngeizwi guru echiti, “Unomuchena iwewe pakati pevakadzi. Unomuchena uwo unozobarwa mundani mwako \v 43 :Chaitika ngenyi ichi kwendiri, kuti mai aMambo wangu auye kwendiri? \v 44 RNgokuti penya, apo izwi rokuchingamidza kwako razwika munzee dzangu, mwana wakanyanduka mundani mwangu ngokudakara. \v 45 :Unomuchena uwo wakatenda kuti kunozoapo kuitika kweizvo zvakaereketwa kwaari zvechibva kunaMambo Mwari”.

01/46.txt

@@ -0,0 +1 @@
+\v 46 Maria wakati, “Mweya wangu unokurisa Mambo, \v 47 nomweya wangu unodakara kukurutu kuna Mwari, Muponesi wangu,

01/48.txt

@@ -0,0 +1 @@
+\v 48 ngokuti iye wakaringira upashi hwomurandakadzi wake. Ngokuti ringira, kubvira zvinopano yeshe mibarirwana inozondierenga kuti ndinomuchena. \v 49 ngokuti uwo unesimba wakaita zvikuru kwendiri, nezina rake riri rakachena.

01/50.txt

@@ -0,0 +1 @@
+\v 50 Nenyasha dzake dziri padera pavo vanomutya kubvira kumubarirwana kuenda kumubarirwana. \v 51 Iye wakaonisa simba rake ngomuoko wake, wakaparadza avo vanodzikudza ngokupinimidza kwomwoyo yavo.

01/52.txt

@@ -0,0 +1 @@
+\v 52 Wakadzasa pashi vane simba kubva pamadendemaro avo, akakurisa avo varipashi, \v 53 wakagutisa avo vanenzara ngezvakanaka, akaendesa makurudza asina chiro.

01/54.txt

@@ -0,0 +1 @@
+\v 54 Wakadetsera muranda wake Isuraeri, kuti akarakadze nyasha dzake, \v 55 kudai ngezvaakaereketa kunemadzibaba edu, kunaAbrahama nokurudzi rwake mhera nariini”.

01/56.txt

@@ -0,0 +1 @@
+\v 56 NaMaria wakagara naye kwaida kuita mwedzi mitatu, naye wakapetuka kanyi kwake. \v 57 Zvinopano mukuwo waErizabhethi wakasvika wokuti abare, naye wakabara mukororo. \v 58 Nevaakirwana vake nehama dzake vakazwa kuti Mambo Mwari waiya akurisa nyasha dzake kwaari, navo vakadakara pamwepo naye.

01/59.txt

@@ -0,0 +1 @@
+\v 59 Kwakaitika ngezuva rechisere kuti vakauya kuzocheka mwana, navo vaida kumududza zina rake kuti ndiZekharia, kudai ngezina rababa ake., \v 60 Asi mai ake vakapingura vakati, “Haiwa; asi unozodudzwa kuti Johani”. \v 61 Navo vakati kwaari, “Apana naumwe wehama dzenyu wakambodudzwa ngeiro zina”.

01/62.txt

@@ -0,0 +1 @@
+\v 62 Navo vakakopera kunababa ake, kuti vazwe kuti ungada kuti adudzwe kutinyi. \v 63 Naye wakakumbira pokunyorerapo, wakanyora kuti, “Zina rake ndiJohani.” Navo veshe vakashamiswa.

01/64.txt

@@ -0,0 +1 @@
+\v 65 Paripo muromo wake wakabeurwa norurimi rwake rwakasunhurwa, naye wakaereketa, echikudza Mwari \v 64 .  Nokutya kwakagumira avo veshe vaigara pasinde pavo. Nemashoko eizvi akashumirwa munyika yeshe yezvimitunhu zveJudhia, \v 66 navo veshe vakazvizwa vakazvingwarira mumwoyo yavo vechiti, “Uyu unozoita mwana wakaitawani?” Ngokuti nyara yaMambo Mwari yaiya naye.

01/67.txt

@@ -0,0 +1 @@
+\v 67 Nababa ake Zekharia wakazadzwa ndiMweya Wakachena, naye wakaprofeta echiti. \v 68 “Unomuchena Mambo Mwari waIsuraeri, ngokuti iye wakahambira nokuripira vanhu vake.

01/69.txt

@@ -0,0 +1 @@
+\v 69 naye wakatimirudzira runyanga rworuponeso mumhatso yomuranda wake Dhavhidha, \v 70 kudai ngezvaakaereketa ngomuromo wevaprofeti vakacheneswa vake vekaretu, \v 71 kuponeswa kubva kumagaa edu nokubva kunyara yaavo veshe vanotinyenya.

01/72.txt

@@ -0,0 +1 @@
+\v 72 kuonisa nyasha kunemadzibaba edu, nokukarakadza chitenderano chake chakachena,, \v 73 mhiko iyo yaakapika kunababa edu Abrahama, \v 74 yokuti isusu, techinunurwa kubva munyara yemagaa edu, timushandire tisina chokutya, \v 75 mukucheneswa nomukururama pamberi pake mazuva eshe okurarama kwedu.

01/76.txt

@@ -0,0 +1 @@
+\v 76 Iwewe, mwana, unozozwi muprofeti woUwo Uripadera pazveshe; ngokuti iwewe unozohamba pamberi pehope yaMambo Mwari kunasirira njira dzake, \v 77 kupa ruziyo rworuponeso kuvanhu vake ngokurekererwa kwezvishaishi zvavo.

01/78.txt

@@ -0,0 +1 @@
+\v 78 Ngendaa yokupfaa kwenyasha dzaMwari wedu, naapo kuedza kwezuva kunobva mudenga kunozotihambira, \v 79 kujeka padera paavo vanogara muchidima nomubvute rokufa, kutungamirira tsoka dzedu munjira yokunyarara''.

01/80.txt

@@ -0,0 +1 @@
+\v 80 Mwana wakakura, wakagwinya mumweya, waiya mushango metsa rorooguma zuva rokuoniswa kwake kunevaIsuraeri.

01/title.txt

@@ -0,0 +1 @@
+Ndima 1

02/01.txt

@@ -0,0 +1 @@
+\c 2 \v 1 Ngaawo mazuva chakabuda chironzo chechibva kunaSiza Agustusi kuti nyika yeshe inyorwe mazita. \v 2 Nouku kunyorwa kwaiya kwokutanga kwakaitika apo Kureniusi ari mutongi weSiria. \v 3 Navo veshe vakaenda koonyorwa, munhu weshe kudhorobha raakabarirwa.

02/04.txt

@@ -0,0 +1 @@
+\v 4 NaJosefawo wakakwira echibva Garire, mudhorobha reNazaretha, akaenda Judhia, kudhorobha raDhavhidha raizwi Bhetherehema, ngokuti iye waiya wemhuri norudzi rwaDhavhidha,, \v 5 kuti anyorwe pamwepo naMaria, uwo waiya chigango chake, akurirwa ngemimba.

02/06.txt

@@ -0,0 +1 @@
+\v 6 Naapo vechiguma  kuBele, mazuva akakwana okuti Maria abereke. \v 7 Naye wakabara dangwe rake romukororo, naye wakamuputira ngejira, akamuradzika muchidziyo chen'ombe, ngokuti kwaiya kusina ndau yavo mumhatso yevaeni.

02/08.txt

@@ -0,0 +1 @@
+\v 8 Kwaiya nevaushi munyikeyo, vaigara mushango vechingwarira makwai avo usiku. \v 9 Nengirosi yaMambo Mwari yakaoneka kwavari, noumambo hwaMambo Mwari hwakajeka kuvatendenedza, navo vakatya kakurutu.

02/10.txt

@@ -0,0 +1 @@
+\v 10 Nengirosi yakati kwavari, “Musatya; ngokuti penyai, ndinomuunzira mashoko akanaka, anodakadza kakurutu awo ari evanhu veshe. \v 11 ngokuti mwaberekerwa nyamashi mudhorobha raDhavhidha Muponesi, ndiye Kristu Mambo. \v 12 RNeichi chinozoita chioniso kwomuri; kuti munozoona mwana akaputirwa ngejira akaradzikwa muchidziyo chen'ombe''.

02/13.txt

@@ -0,0 +1 @@
+\v 13 Paripo yaiyapo nengirosi mbungano huru yehondo yomudenga yechikudza Mwari yechiti, \v 14 “Ngaakudzwe Mwari mudengadenga, nokunyarara munyika pakati pevanhu, avo vaanonasa kudakara ndivo”.

02/15.txt

@@ -0,0 +1 @@
+\v 15 Naapo ngirosi dzaenda mudenga kubva kwavari, vaushi vakati umwe kunoumweni, “Ngatiende Bhetherehema, toona ichi chaitika, chaaziisa Mambo kwetiri'. \v 16 Navo vakaenda ngokukasira, vakavaona veshe Maria naJosefa, nomwana akaradzikwa muchidziyo chen'ombe.

02/17.txt

@@ -0,0 +1 @@
+\v 17 Naapo vechimuona vakaziisa mashoko awo akaronzwa kwavari ngendaa yemwana uyu. \v 18 navo veshe vakazwa vakashamiswa ngeizvo zvevakaronzerwa ngavaushi. \v 19 Asi Maria wakangwarira izvi zveshe, echizvitsengesesa mumwoyo mwake. \v 20 Nevaushi vakahwirira, vechikurisa nokukudza Mwari ngeizvo zveshe zvevakazwa nezvevakaona, kudai ngezvezvakaronzwa kwavari.

02/21.txt

@@ -0,0 +1 @@
+\v 21 Naapo mazuva masere apera okuti achekwe, vakadudza zina rake kuti Jesu, iro rakadudzwa ngengirosi isati yaapo mimba yake.

02/22.txt

@@ -0,0 +1 @@
+\v 22 Naapo apera mazuva okucheneswa kwavo, kudai ngeMipango yaMosi, vakakwira naye Jerusarema kuti vamupire kunaMambo Mwari. \v 23 Kudai ngezvezvakanyorwa muMipango yaMambo Mwari kuti, “Vanakomana veshe varimatangwe vanozozwi vakachena kunaMambo Mwari'. \v 24 nokupira mudiro kudai ngezvezvakaronzwa muMipango yaMambo Mwari, “Wemagora mairi nokuti mabwipwi mairi enjia'.

02/25.txt

@@ -0,0 +1 @@
+\v 25 Penya, kwaiyapo munhu muJerusarema zina rake raizwi ndiSimeoni, nomunhu uyu waiya akarurama nowaidira Mwari, echigarira kuembedzerwa kwaIsuraeri, noMweya Wakachena waiya padera pake. \v 26 Nakwo kwakaoniswa kwaari ngoMweya Wakachena kuti aatongozofi asati aona Kristu waMambo Mwari.

02/27.txt

@@ -0,0 +1 @@
+\v 27 Echikweiwa ndiMweya wakauya muTemperi; naapo vabari vaunza mwana Jesu, kuti vaite kwaari kudai ngomushuma weMipango,, \v 28 Simione wakaashira Jesu, akakudza Mwari echiti; \v 29 Mambo Mwari, zvinopano tendera kuti muranda wako aende ngokunyarara, kudai ngeizwi rako.

02/30.txt

@@ -0,0 +1 @@
+\v 30 Ngokuti madziso angu aona ruponeso rwako, \v 31 urwo rwewakanasirira pamberi pehope yevanhu veshe; \v 32 Kujeka ukwo kunovhenekera vemadzinza, kuri uthendezve kuvanhu vako Isuraeri'.

02/33.txt

@@ -0,0 +1 @@
+\v 33 Baba ake namai ake vakashamiswa ngeizvo zvakaereketwa ngepamusoro pake. \v 34 NaSimeoni wakavafumisa, akati kunamai ake Maria, “Penya, mwana uyu wakaemeserwa kuwa nokumuka kwevazhinji muIsuraeri, nokuitazve chioniso chinozorambwa \v 35 (eya neshoti inozobayawo mweya wako) kuti mipinimidzo yomwoyo mizhinji ioniswe.

02/36.txt

@@ -0,0 +1 @@
+\v 36 Kwaiyapozve Ana muprofeti womukadzi, mwanasikana waFanueri wedzinza raAsha. Waiya aamusharuka, iye waiya akagara nemwamuna wake makore manomwe sure kwousikana hwake. \v 37 Naye wakaita shirikadzi makore makumi masere namarongomuna. Aazi kutongobuda kubva muTemperi, echidira nokuera kudya nokukumbira usiku nemasikati. \v 38 Naye echiuya ngeiro awa wakabonga Mwari, wakaereketa ndiye kwavari veshe vaigarira kuripirwa kweJerusarema.

02/39.txt

@@ -0,0 +1 @@
+\v 39 Naapo vapedza kuita zviro zveshe kudai ngezvaidiwa ngeMipango yaMambo Mwari, vakahwirira Garire, kudhorobha ravo Nazaretha. \v 40 Nomwana wakakura, akagwinya, aneungwaru; nenyasha dzaMwari dzaiya padera pake.

02/41.txt

@@ -0,0 +1 @@
+\v 41 Nevabereki vake vakagara vechindoenda makore nemakore Jerusarema kumushongano wokurya wePhasika. \v 42 Naapo Jesu aanemakore gumi namairi, vakakwira kudai ngomushuma wokuenda kumushongano wokudya. \v 43 Naapo vapedza mazuva awo voopetuka, murumbwana Jesu wakasara sure muJerusarema. Nevabari vake avazi kuzvizia. \v 44 Asi vechipinimidza kuti uri mukati mwembungano, vakahamba muhambo wezuva rimwe, navo vakamutsvaka mukati mwehama dzavo neshamwari dzavo.

02/45.txt

@@ -0,0 +1 @@
+\v 45 Naapo vasikamuwoni, vakapetuka Jerusarma veimutsaka. \v 46 Ngesure kwemazuva matatu vakamuona ari muTemperi, akagara mukati mwevadzidzisi, echivazwa nokuvabvunza mibvunzo. \v 47 Navo veshe vakamuzwa vakashamiswa ngokuzia kwake nokupingura kwake.

02/48.txt

@@ -0,0 +1 @@
+\v 48 Naapo vakati vechimuona vakahahairwa; namai ake vakati kwaari, “Mwana, watiitira zvakadai ngenyi? Penya, baba ako neni taikutsvaka techitambudzika”. \v 49 Naye wakati kwavari, “Mwainditsvaka ngenyi? Musaizia here kuti kunosisira kuti ndiwe mumhatso yaBaba angu?”. \v 50 Navo avazi kuzwisisa izwi iro raakaereketa kwavari.

02/51.txt

@@ -0,0 +1 @@
+\v 51 Naye wakadzaka navo, akaguma Nazaretha, wakavapurutana. Namai ake vakangwarira mazwi eshe aya mumwoyo mwavo. \v 52 NaJesu wakakura muungwaru nomuiri, nomukudiwa ndiMwari nevanhu.

02/title.txt

@@ -0,0 +1 @@
+Ndima 2

03/01.txt

@@ -0,0 +1 @@
+\c 3 \v 1 Ngegore regumi namashanu rokutonga kwaThibheriusi Siza, Phontiusi Piratu mutongi weJudhia, naHerodhi sadunhu weGarire, nomunun'una wake Firipu sadunhu wenyika yeIturia neyeTrakhonitisi, naRusaniasi sadunhu weAbhirene, \v 2 Anasi naKaiafasi, vari vapristi vakuru, izwi raMwari rakauya kuna Johani mukororo waZekharia ari mushango.

03/03.txt

@@ -0,0 +1 @@
+\v 3 Naye wakauya kunyika yeshe inotendenedza Jorodhani, echichumaira rubhabhatidzo rwokutenderuka kwokurekererwa kwezvishaishi.

03/04.txt

@@ -0,0 +1 @@
+\v 4 Kudai ngezvezvakanyorwa mubhuku remazwi aIsaya muprofeti kuti, “Izwi rounodaidzira mushango kuti: Nasirirai njira yaMambo Mwari, ruramisai makwara ake.

03/05.txt

@@ -0,0 +1 @@
+\v 5 Mabani eshe anozozadzwa, nemitunhu yeshe nezvimitunhu zvinozodzaswa pashi, nenjira dzakabenda dzichazo thobwa, nenjira dzakaita marindi dzinozoserereswa;, \v 6 nevanhu veshe vanozoona ruponeso rwaMwari”.

03/07.txt

@@ -0,0 +1 @@
+\v 7 Ndizvo Johan wakati kuvazhinji avo vakabuda kuuya kuzobhabhatidzwa ndiye, “Imwimwi vana vemabuura! Ndiani wakamunyowedza kuti mutize ushungu hunouya?

03/08.txt

@@ -0,0 +1 @@
+\v 8 Ndizvo mwechibara michero inoonisa kutenderuka, musatanga kukarakadza mukati mwenyu kuti, tina Abrahama baba edu, ngokuti ndinoti kwomuri, Mwari unesimba kumusira vana kunaAbrahama ngaaya mapuwe.

03/09.txt

@@ -0,0 +1 @@
+\v 9 Sandho ratoiswa panzinde dzemiti; ndizvo muti weshe usikabari michero yakanaka unotemerwa pashi nokukandirwa mumwoto''.

03/10.txt

@@ -0,0 +1 @@
+\v 10 Nembungano yakamubvunza yechiti, “Ndizvo tinozoitenyi? \v 11 Naye wakapingura, akati kwavari, “Uwo unemabhachi mairi, ngaakowane nousina; nouwo unezvokudya ngaaitewo kudaro”.

03/12.txt

@@ -0,0 +1 @@
+\v 12 Nevabhadarisi vemuthero vakauyawo kuti vazobhabhatidzwa, vakati kwaari, “Mudzidzisi, isusu tinozoitenyi?” \v 13 Wakati kwavari, “Musapamba zviro zvinopinda izvo zvakaemeserwa kwomuri”.

03/14.txt

@@ -0,0 +1 @@
+\v 14 Masojdja nawo akamubvunzawo, akati, “Nesuwo tinozoitenyi?” Naye wakati kwavari, “Musazotorera munhu chiro ngesimba nokuti musazoitira munhu ndaa yokunyepa, asi mwechigutiswa ngekuhola kwenyu”.

03/15.txt

@@ -0,0 +1 @@
+\v 15 Naapo vanhu vachakarira, navo veshe vaidzibvunza mumwoyo ngendaa yaJohani, kuti pamweni ndiye Kristu. \v 16 Johani wakapingura echiti kwavari veshe, “Inini ndinomubhabhatidza ngemvura, asi unouya uwo unondipinda ngesimba, uwo wendisikasisiri nokusunhura rusinga rwemagwada ake. Unozomubhabhatidza ndiMweya Wakachena nemwoto.

03/17.txt

@@ -0,0 +1 @@
+\v 17 Ena unefochoro  munyara dzake, kuti anase kutsvaira mbuwa yake nokuunganidza koroni mudura rake; asi makoto unozoapisha ngomwoto usikadzimi.

03/18.txt

@@ -0,0 +1 @@
+\v 18 Ndizvo wakachumaira mashoko akanaka nezviro zvimweni zvakawanda kuvanhu echivapanga. \v 19 Asi Herodhi sadunhu, arambidzwa ndiye ngendaa yaHerodhiasi, mukadzi womunun'una wake, zve ngendaa yezveshe zvakashata zvaaiya akaita Herodhi, \v 20 wakatutsira ichi chiro padera pazvo zveshe, kuti wakakonyera Johani mutirongo.

03/21.txt

@@ -0,0 +1 @@
+\v 21 Naapo vanhu veshe veibhabhatidzwa ndi johani, na Jesu wakabhabhatidzwawo, achakumbira, denga rakabeurwa, \v 22 noMweya Wakachena, wairingirika wakadai ngenjia, wakadzaka padera pake, neizwi rakauya rechibva mudenga rechiti, “Iwewe uri Mukororo wangu, unodikanwa, ndinonasa kudakara ndiwe''.

03/23.txt

@@ -0,0 +1 @@
+\v 23 Jesu wsakatanga kudzidzisa anemakore anoda kuita makumi matatu, ari mukororo waJosefa, mukuona kwevanhu, uwo waiya mukororo waHeri,, \v 24 mwana waMathati, mwana waRevhi, mwana waMereki, mwana waJanai, mwana waJosefa.

03/25.txt

@@ -0,0 +1 @@
+\v 25 mwana waMatatiasi, mwana waAmosi, mwana waNahumi, mwana waEsiri, mwana waNagai, \v 26 mwana waMaathi, mwana waMatathiasi, mwana waSemeini, mwana waJoseki, mwana waJodha.

03/27.txt

@@ -0,0 +1 @@
+\v 27 mwana waJohanani, mwana waResa, mwana waZerubhabheri, mwana weShearatieri, mwana waNeri, \v 28 mwana waMereki, mwana waAdhi, mwana waKhosami, mwana waEramadhamu, mwana waEri, \v 29 mwana waJoshua, mwana waErieza, mwana waJorimu, mwana waMathati, mwana waRevhi.

03/30.txt

@@ -0,0 +1 @@
+\v 30 mwana waSimeoni, mwana  waJudha, mwana waJosefa, mwana waJonamu, mwana waEriakimu, \v 31 mwana waMerea, mwana  waMena, mwana waMatatha, mwana waNathani, mwana waDhavhidha, \v 32 mwana waJesi, mwana waObhedhi, mwana waBhoazi, mwana waSara, mwana waNashoni.

03/33.txt

@@ -0,0 +1 @@
+\v 33 mwana waAminadhabhi, mwana waAdhimini, mwana waArni, mwana waHezironi, mwana waPerezi, mwana waJudha, \v 34 mwana  waJakobe, mwana waIsaka, mwanma waAbrahama, mwana waThera, mwana waNahori, \v 35 mwana waSerugi, mwana  waReu, mwana waPheregi, mwana waEbha, mwana waShera,

03/36.txt

@@ -0,0 +1 @@
+\v 36 muwana waKhenani, mwana waArifakisadhi, mwana waShemu, mwana waNoa, mwana waRameki, \v 37 mwana waMethusera, mwana waEnokhi, mwana waJaredhi, mwana waMaharareri, mwana waKhenani, \v 38 mwana waEnosi, mwana waSethi, mwana waAdhamu, mwana waMwari.

03/title.txt

@@ -0,0 +1 @@
+Ndima 3

04/01.txt

@@ -0,0 +1 @@
+\c 4 \v 1 NaJesu, azadzwa ndiMweya Wakachena, wakahwirira kubva Jorodhani, wakasundwa ndiMweya kuenda kushango. \v 2 Wakapedza mazuva makumi marongomuna mushango echiedzwa ndiDhiabhorosi. Naye aazi kudya chiro ngaawo mazuva; naapo apera, wakafukama.

04/03.txt

@@ -0,0 +1 @@
+\v 3 Dhiabhorosi wakati kwaari, “Kudai uri Mukororo waMwari, panga buwe iri kuti riite chingwa”. \v 4 Jesu wakamupingura akati, “Kwakanyorwa kuti, ‘Munhu aazoponi ngechingwa chega''.

04/05.txt

@@ -0,0 +1 @@
+\v 5 Dhiabhorosi wakamukwidza pamutunhu, akamupangidzira umambo hweshe ngekamukuwo kadoko, \v 6 naye wakati kwaari, “Ndinozopa kwouri iri simba reshe nouthende hwazvo, ngokuti rakapuwa kwendiri, kunyazwi ngouri wendinoda ndinozomupa. \v 7 Ndizvo kudai iwewe wechizondidira zveshe zvinozoita zvako”.

04/08.txt

@@ -0,0 +1 @@
+\v 8 NaJesu wakamupingura akati kwaari, “Kwakanyorwa kuti, ‘Unozodira Mambo Mwari wako, umushandire iye ega''.

04/09.txt

@@ -0,0 +1 @@
+\v 9 Diabhurosi wakatora Jesu kuenda Jerusarema, akamuisa padera pechachungu cheTemperi, akati kwaari, “Kudai uri Mwana waMwari, dzikandire pashi kubva panapa, \v 10 ngokuti kwakanyorwa kuti, ‘Iye unozopanga ngirosi dzake ngepamusoro pako, kuti dzikungwarire. \v 11 Nomunyara dzadzo dzinozokubata, kuti kunyazwi ngouri mukuwo usapumhunwa tsoka yako pabuwe''.

04/12.txt

@@ -0,0 +1 @@
+\v 12 NaJesu wakapingura akati kwaari, “Kwakanyorwa kuti, ‘Usazoedza Mambo Mwari, Mwari wako”. \v 13 Naapo Dhiabhorosi aiya apedza zviedzo zveshe, wakabva kwaari kwekamukuwo.,

04/14.txt

@@ -0,0 +1 @@
+\v 14 Jesu wakahwirira Garire ari musimba roMweya, nembiri yakateketeswa ngendaa yake munyika dzeshe dzinotendenedza. \v 15 Naye wakadzidzisa mumhatso dzavo dzokudira, echikudzwa ngevanhu veshe.

04/16.txt

@@ -0,0 +1 @@
+\v 16 Naye wakauya Nazaretha, padhoroba raakakurira; ena wakangena mumhatso. ngezuwa reSabhatha, apapo wakamuruka kuti aerenge zvinyorwa. \v 17 Kwakapuwa kwaari bhuku romuprofeti Isaya. Naye wakabeura bhuku, akaona apo pakanyorwa kuti,

04/18.txt

@@ -0,0 +1 @@
+\v 18 “Mweya waMambo Mwari uri padera pangu, ngokuti iye wakandidzodza kuchumaira vhangeri kuvarombo. Wakandituma kuteketesa kusunhurwa kumabhanditi nokusvinurwa madziso emapofu, kusunhura avo vakatsikirirwa, \v 19 kuteketesa gore rinoashirika raMambo Mwari”.

04/20.txt

@@ -0,0 +1 @@
+\v 20 Naye wakakonya bhuku, akarihwirinza kunemuranda, akagara pashi. Nemadziso eavo veshe vaiya mumhatso  akamuringira. \v 21 Naye wakatanga kuereketa kwavari kuti, “Nyamashi ichi chinyorwa chazadzisika munzee dzenyu” \v 22 Veshe vakamupupurira zvakanaka, vakashamiswa ngemazwi enyasha akabva kumuromo wake; navo vakati, “Uyu andiyepi ere mwana waJosefa?”.

04/23.txt

@@ -0,0 +1 @@
+\v 23 Naye wakati kwavari, “Ngegwinyiso munozoti kwendiri ngeichi chisana kuti ‘N'anga dziponese iwewe. Izvo zvetakazwa kuti wakazviita muKhapernaume, chizviitazve panapa munyika yekwako ”. \v 24 Wakati, “Ngegwinyiso ndinoti kwomuri, akuna muprofeti unoashirika munyika yake.

04/25.txt

@@ -0,0 +1 @@
+\v 25 Asi ngegwinyiso ndinoti kwomuri, vaiya vazhinji vaiya shirikadzi muIsuraeri ngemazuva aErija, apo denga rakakonywa makore matatu nemwedzi mitanhatu, kwakaita nzara huru padera penyika yeshe. \v 26 Asi Erija aazi kutumwa kunoumwe wavo, asi kwega kuZarefathi, munyika yeSidhoni, kunedzimai raiya shirikadzi. \v 27 Panguwa yamuprofita Erisha, Vaiyapo vazhinji vaiya namapere muIsuraeri, asi umwe ndiye akarapwa, Naamani ega muSiria”.

04/28.txt

@@ -0,0 +1 @@
+\v 28 Navo vakazara veshe ngoushungu vaiya mumhatso yokudira, apo vazwa izvi zviro. \v 29 Navo vakamuruka, vakamubudisa kubanze kwedhorobha, vakamukweyera kuruwere rwomutunhu apo paiya pakaakiwa dhorobha ravo, kuti vamukandire pashi. \v 30 Asi iye wakahamba ngepakati pavo akaenda.

04/31.txt

@@ -0,0 +1 @@
+\v 31 Naye wakadzaka Khapernaume, dhorobha reGarire. Waivadzidzisa ngezuva reSabatha., \v 32 Navo vakashamiswa ngokudzidzisa kwake, ngokuti mazwi ake aiya nesimba.,

04/33.txt

@@ -0,0 +1 @@
+\v 33 Mumhatso kwaiyapo munhu unemweya wedhimoni unetsvina.  Naye waka daidza ngeizwiguru, \v 34 Tinenyi isusu newe, iwewe Jesu weNazaretha? Wauya here kutiuraya? Ndinokuzia kuti urianani, ndiwe Wakachena waMwari”.

04/35.txt

@@ -0,0 +1 @@
+\v 36 \v 35 Asi Jesu wakadaira dhimoni akati, “Nyarara, buda kubva kwaari!” Naapo dhimoni rakamukandira pashi pakati pavo, rakabuda kwaari, risikazi kumuremadza.v 36 Vakashamiswa veshe navo vakaereketa umwe noumweni vechiti, “Izwi iri rinoronzenyi? Ngokuti unopanga mweya ine tsvina ngesimba, nayo inobuda”. \v 37 Mbiri yake yakateketeswa munyika dzeshe dzakatendenedza.

04/38.txt

@@ -0,0 +1 @@
+\v 38 Naye wakamuruka kubuda mumhatso, akapotera mumhatso yaSimoni. Ambuya vaSimoni vaiya nokudziyamuiri kukuru, navo vakamupota ngepamusoro pavo. \v 39 Jesu wakakotama ngedera kwakewakanyaradza kudziya muiri, kungadarika. Paripo wakamuruka, akavashandira.

04/40.txt

@@ -0,0 +1 @@
+\v 40 Naapo zuva roopota, avo veshe vaiya nevanorwara ngenhenda dzakaparadzana, vakavaunza kwaari; naye wakaisa nyara dzake padera poumwe ngaumwe wavo, akavaponesa. \v 41 Nemadhimoni akabudawo kubva kuvazhinji, echizhambarara echiti, “Iwewe uri Mukororo waMwari!” Asi wakaakaraidza, aazi kuatendera kuti aerekete, ngokuti aimuzia kuti ndiKristu.

04/42.txt

@@ -0,0 +1 @@
+\v 42 Naapo kwaedza iye wakabuda, akaenda murubaya musina vanhu. Vanhu vakamutsvaka, vakauya kwaari vechida kumubatiridza kuti asabva kwavari. \v 43 asi wakati kwavari, “Kunosisira kuti ndichumaire vhangeri roumambo hwaMwari mumadhorobha amweniwo, ngokuti icho ndicho chendakatumirwa”. \v 44 Naye waichumaira mumhatso dzokudira dzeJudhia.

04/title.txt

@@ -0,0 +1 @@
+Ndima 4

05/01.txt

@@ -0,0 +1 @@
+\c 5 \v 1 Naapo mbungano yakamanikana kuti izwe izwi raMwari, iye wakaema pagandwa reGenesareta. \v 2 Naye wakaona ngarava mbiri dzakaema pagandwa, asi vabati vehove vaiya vabuda mungarava vechisuka nhaa dzavo. \v 3 Naye wakakwira kuneimweni yengarava, yaiya yaSimoni, wakamukumbira kuti aisundire mugandwa kadodoko kubva pahumbikumbi. Naye wakagara pashi, akadzidzisa mbungano ari mungarava.

05/04.txt

@@ -0,0 +1 @@
+\v 4 Naapo apedza kudzidzisa, wakati kunaSimoni, “Sundira kwakadzama mwechidzasa nhaa dzenyu koobata hove”. \v 5 Simoni wakapingura akati, “Mambo, tashanda usiku hweshe, atizi kubata chiro! Asi ngeizwi rako ndinozodzasa nhaa”. \v 6 Naapo vaita kudaro, vakatendenedza hove zhinji, nenhaa dzavo dzaibauka. \v 7 Vakakopera vamweni vavo vaiya mungarava imweni kuti vauye vavadetsere. Navo vakauya, vakazadza ngarava dzeshe mbiri, nadzo dzakatanga kunyura.

05/08.txt

@@ -0,0 +1 @@
+\v 8 Asi Simoni Petro aona wakadzirigira pashi pamabvi aJesu echiti, “Mambo, ibva kwendiri, ngokuti ndiri munhu wakashata”. \v 9 Ngokuti iye wakashamiswa, naavo veshe vaiya naye ngokuwanda kwehove dzevaiya vabata. \v 10 Ndizvo zvakaitikawo kunaJakobe naJohani, vakororo vaZebhedhi, avo vaiya shamwari dzaSimoni. NaJesu wakati kunaSimoni, “Usatya; kubvira zvinopano unozobata vanhu”. \v 11 Naapo vaunza ngarava dzavo kuhumbikumbi, vakasiya zveshe, vakamuteera.

05/12.txt

@@ -0,0 +1 @@
+\v 12 Naapo ari munerimwe remadhorobha, penya, kwakauya munhu waiya nemapere muiri wake weshe; naapo aona Jesu, wakawa pashi ngehope yake, akamupota echiti, “Mambo, kudai wechida, ungandimhodyosa”. \v 13 Jesu wakatambanudza nyara yake, akamubata, akati, “ichi ndicho chidochangu.” Paripo mapere akapera.

05/14.txt

@@ -0,0 +1 @@
+\v 14 Naye wakamupanga kuti asazoronzera munhu naumwe; asi wakati, “Enda, udzipangidzire kumupristi, upe mubairo ngendaa yokumhodyoswa kwako, kudai ngezvaakapanga Mosi, kuita chapupu kwavari”.

05/15.txt

@@ -0,0 +1 @@
+\v 15 Asi mbiri yake yakaangirira kuteketeswa. Nembungano huru yakaungana pamwepo kuzwa nokuponeswa nhenda dzayo. \v 16 Asi iye wakadzipaura kuenda murubaya kookumbira.

05/17.txt

@@ -0,0 +1 @@
+\v 17 Ngerimweni remazuva awo, Jesu echidzidzisa, vaiyapo vaFarisi nevadzidzisi veMipango vakagarapo, avo vaiya vakauya kubva kumaguta eshe eGarire, Judhia neJerusarema; nesimba raMambo Mwari rokuponesa raiya naye.