nyu-ml-nyungwe_luk_text_reg/07/06.txt

\v 6 Yesu adapitiriza ulendo kuyenda nao. Soma pomwe adafendera pafupi na nyumba ire, kenturiyo adaatuma anzace kukamuuza kuti, ''Mbuya, nampodi kubziboneresa,  thangwe ndikuthemera lini kuti imwe mungabwere mnyumba mwangu. \v 7 Na thangwe limweri ndikuthemera lini kubwera kuna imwe, soma tondosewerani na mafala yokha apo nyabasa wanguyo anilimba basi. \v 8 Nakuti ine ndina mpandombo wakutonga, ndina achikunda wa nkhondo wakuwanyang'anira. Ningati kwa wina, 'Ndoko,' apo ambayenda, na kuna winango, 'Bwera,' achibwera, na kuna kapolo wangu, Chita ichi,' ambachita.''