nyu-ml-nyungwe_1th_text_reg/05/08.txt

\v 8 Soma pakuti ifepano tili wa ku masikati, nampodi tiledzere ndipo tikhale nachikhulupiliro na chikondi ninga chakubvala cha pakadedema, na chapewu cha chiyembekezero cha chipulumutso. \v 9 Nakuti Mulungu alibe kutisankhula kuti tikayeruziwe soma kuti tikapulumusiwe mwa Mbuya wathu Yesu Khilistu, \v 10 ngumweyo ndiye adafa thangwe la ifepano, kuti penu tinamoyo pinango tafa, tikakhale pabodzi na iye. \v 11 Tsono chenjezanani na kumangirilana munthu na namwanzache, ninga moda mukuchitayi.