\c 12 \v 1 Pe uYesu ahanda ukumanyisya muviholanio. Ahati, ''pali woka umuntu avyaye umugunda wamampensya, nuluvaga ahazenga, ninchelenje iya kufinyila mumo amampensya ahabana. Ningazya ahazenga ahavaleshela avahalima mampensya. pe ashula. \v 2 Ilelo lwe hafisile ahavalilizyo, pe ahamutuma umu vomvi uwa kuvala kumusendela zimo insanga zya mampensya kuvahalima. \v 3 Avene vahamulema, vahamuhoma, vahamushimbizya lwe vatamupiye nashimo.