Sun Sep 05 2021 18:19:38 GMT+0200 (Central Africa Time)

04/01.txt

@@ -0,0 +1 @@
+\c 4 \v 1 Pamurandu shi twakara no ghu minisiteri, no thika di twa tambura neke, mbadi tuna kukasha. \v 2 Mudyango dyo, twa shwena mandhira ghoghudhindo no ghothihonyi. Mbadi tuna kuyenda mughumbango, no mbadi tuna kupemukitha nando dhaNyambi. Mukuneghedhitha ghushemwa, tuna kukushupera twathinda kuyighayara ya kehe yuno mu meho ghaNyambi.

04/03.txt

@@ -0,0 +1 @@
+\v 3 Ene ngeshi mbudhi dhetu dhodhiwa ne hadhifika, kwadhifika ngenyu ko wa hana kufa. \v 4 Mumwagho keho, Nyambi ghokaye kano ne ghafika maghano ghawo ghokupira kutawa. Yitunda mo keho ne, mbadi hana kukona kumona thishe thombudhi dhodhiwa tho ghurwedhima waKristusi, oyu gha kara eshi yo thishwi thaNyambi.

04/05.txt

@@ -0,0 +1 @@
+\v 5 Atwe ne mbadi twa thinda tuna kuyuvithanga, ene Kristusi Jesusi eshi Fumu, no twathinda eshi twa pikenu pamurandu waJesusi. \v 6 Nyambi ne yoghaghambire eshi, ''Thishe mbo thina muneka mudikokore.'' Gha muneka mumitjima dhetu gha tape thishe thoghudimuki thofumwa dhaNyambi mumakarero ghaJesusi Kristusi.

04/07.txt

@@ -0,0 +1 @@
+\v 7 Atwe twakara noghushwi ghuno mutundimbe toghuma, podiyo eshi yina keni eshi ngcamu dhokupitakanena ne dhahatera kwaNyambi no mbadi kukwetu. \v 8 Tuna kunyanda mukehe ndhira, ene mbadi tuna tovoha. Tuna pambana, ene mbadi tuna tovoha. \v 9 Hana kutukutha-kutha ene mbadi gha tu mwagha, kutuwithera pamuve ene mbadi kutudhongonona; \v 10 kehe pano twe kushimba muyirama yetu yifa yaJesusi, podiyo eshi ghuparo waJesusi ne ngo ghupwe kuneghedha muyirama yetu.

04/11.txt

@@ -0,0 +1 @@
+\v 11 Atwe twayumi ne kehe pano kututapa kuyifa pamurandu waJesusi, podiyo eshi ghuparo waJesusi ne ngo ghu kuneghe muyirama yetu yokufa. \v 12 Yifa keho ne kuna kurughana mumwetu, ene moyo ne kuna kurughana mumwenu.

04/13.txt

@@ -0,0 +1 @@
+\v 13 Ene twakara nomupepo ghofotji ghomakurupero kukutha koyi ha tjangire: ''Na tawa, no naghambire.'' Natwe karo twatawa, no tuna kughamba, \v 14 yoyishi twa dimuka eshi oyu gha tumine Fumu Jesusi ne mbo ghana tu tumuna pofotji naJesusi no ka tureta nenu mumakarero ghendi. \v 15 Yoyihe ne pamurandu wenu, podiyo eshi thineke thi thina kuwana huna ho hengi ne ngo thitendithe matapero ghondangi ghakuwedherere kufumwa dhaNyambi.

04/16.txt

@@ -0,0 +1 @@
+\v 16 Podiyo tuna kupira kutovoha. Ngambi kenge tuna kuyonda panunda, mwishi ne kuna kututendurura kehe diyuwa. \v 17 Poruno ruvedhe, yinyanda yi ne kuna kuturoyithera yinu yofumwa yokuroruheya eyi ya piterera yimetithera yoyihe. \v 18 Atwe mbadi tuna kukambedheka yinu yokumona, ene ko yinu yokupira kumona. Yinu yokumona ne yopopano ngenyu, ene yokupira kumona ne yokuroruheya.

04/title.txt

@@ -0,0 +1 @@
+Thikurumingwa 4

05/01.txt

@@ -0,0 +1 @@
+\c 5 \v 1 Twa dimuka eshi ngeshi mandhugho ghetu ghopakaye ne ghana yipa, twa kara nondhugho dho kwaNyambi. Adho ne ndhugho dhi ha pira kutenda nonyara dhamunu, ene ndhugho dhokuroruheya, dhomudiwiru. \v 2 Mundhughodhi twe ne kudira, kurura kutuvateka nomatungo ghetu ghomudiwiru. \v 3 Atwe kurura yi yoyishi ne pakughavata mbadi ha kutuwana nyara-nyara.

05/04.txt

@@ -0,0 +1 @@
+\v 4 Paghushemwa, oku shime  mumandhugho tudi, atwe kudira, mukutupa yoyingi. Mbadi tuna shana ha tu shuture. Ene, tuna shana kutuvateka, podiyo eshi yo kupira kundhiyama ne mbo yipwe kuyimina po moyo. \v 5 Oyu ghaturoghitherire ku yinu yi ne Nyambi, oyu gha tupire mupepo eshi thineghedhitho tho yi yakwiya.

05/06.txt

@@ -0,0 +1 @@
+\v 6 Podiyo kehe pano keho mutjimape. Mudimuke eshi ngeshi kudighumbo tudi muyirama ne, kayenda naNyambi tudi. \v 7 Atwe kuyenda pamatawero, ene mbadi pakumona. \v 8 Tudi keho noghutjima. Hasha tu kare kayenda no yirama no kudimbo tukare naFumu.

05/09.txt

@@ -0,0 +1 @@
+\v 9 Atwe kutenda yi yikare thitambo thetu, yikare shi kudighumbo tudi endi mbadi kudimbo, tu mushambererithe. \v 10 Twahe twa kona kamoneka kudipuna dyondhango dyaKristusi, podiyo eshi kehe yuno gha ka wane eyi ya muroghera kukutha kuyinu yi gha tenda panyama, yikare shi yiwa endi yimango.

05/11.txt

@@ -0,0 +1 @@
+\v 11 Podiyo, kudimuka woma ghokwaFumu, kuhongaghura twe hanu. Nyambi ne kutumona dyodi twa kara, no mukuruperere eshi yina keni karo muyighayara yenu. \v 12 Mbadi tuna kumuhongaghura eshi mutumone shi twa roghera. Ene, ko tuna kumupa thitambo mukuyuve fumwa kukwetu, podiyo eshi ngo mbo mukara nodihuthero ko wa hana kukununeka pamurandu ghoyivata ene mbadi shi eyi yidi mumutjima.

05/13.txt

@@ -0,0 +1 @@
+\v 13 Ngeshi atwe ne mbadi tuna kughayara thiwana, yaNyambi; no ngeshi eyi tughayara thiwana ne, pamurandu wenu. \v 14 Ruhakitho rwaKristusi ne kuturaghura, yoyishi twa tawa yi eshi: Munu ghofotji ghaferere waheya, podiyo keho shi wahe hafire. \v 15 Gha fererire waheya, podiyo eshi awa ha para ne mbadi hapare karo hathinda, ene oyu ghawafererire no ghamutumunine.

05/16.txt

@@ -0,0 +1 @@
+\v 16 Pathitambo thi, kutunda pano mbadi tuna kupangura kehe yu kukutha kudhimuragho dhawanu, ngambi kenge eshi dyotwa pangurire Kristusi kenge. Ene pano keho ne mbadi tuna kupangura kehe yu mundhira dhi. \v 17 Podigho, ngeshi kehe yu gha kare mwaKristusi, aye ne thivareka thothipya keho. Yinu yokare ne yina piti.Mone, yina kara yipya.

05/18.txt

@@ -0,0 +1 @@
+\v 18 Yinu yoyihe yi ne kwaNyambi yashwagha. Ghatughambwerera kukwendi kupirera mwaKristusi noghatupa ghuminisiteri ghoghughambwereri. \v 19 Ayo ne, mwaKristusi Nyambi ne kuna kughambwerera kaye kukwendi thinda, ghupira kutara maharwero ghawo ghokukwendi. Aye ghana kunu kurupera mukutupa mbudhi dhokukughambwera.

05/20.txt

@@ -0,0 +1 @@
+\v 20 Hatutorora mukukara twa kareri waKristusi, yira kuna kutenda Nyambi manonekero kupitera mumwetu. Tuna kumukanderera, pamurandu waJesusi: ''Mukughambwere kwaNyambi!'' \v 21 Gha tendire Kristusi ghakare muyambo ghomaharwero. Yodiye gha pirire kuharura. Gha tendire yi podiyo eshi twakukare twahungami waNyambi mumwendi.

05/title.txt

@@ -0,0 +1 @@
+Thikurumingwa 5

09/01.txt

@@ -0,0 +1 @@
+\c 9 \v 1 Yo kuhatera kuyirughana yo hanu waNyambi hokupongoka, mbadi mudyo kukwange eshi ni mu tjangere. \v 2 Na dimuka yokuhatera kuyirumbera yenu, eyi na kutanawere kwawanu ho muMesadoniya. Nawa tongwerire eshi Akaye ne ghana kuroyitheranga kutunda mwaka ghuya ghuna kapita. Ghu hima wenu watjokedhire hengi ha rughane.

09/03.txt

@@ -0,0 +1 @@
+\v 3 Pano na tumu hayendhetu podiyo eshi yi kutanaghura yange yo kukwenu ne mbadi yi kare yanyara-nyara, no podiyo eshi mukuroyithere, thika di na ghambire eshi dyo mwa kukara. \v 4 Shimengwa, ngeshi kehe yuno mukaMesadoniya gheye nange no kuna kuma ne shime mbadi mwakuroyithera ne, ngo nanyi twa kuna fe honyi-Ame mbadiko na kughamba yo kukwenu-mumakurupero ghange mumwenu. \v 5 Na ghayarire eshi mudyo mukutjokedha hayendha mukwiya kukwenu no kuna royitha yoyiheya kuthitapa thi mwakuruperithire. Oyi ne podiyo eshi ngo yiroghe eshi matungekero, no mbadi yira thinu thimweya thokuthiyeneka.

09/06.txt

@@ -0,0 +1 @@
+\v 6 Thitambo ne thi; Oyu gho kukuna ghupu ne mbo ghana pokora ghupu, no yu ghokukuna pamurandu ghomatungekero ne mbo ghana pokora matungekero. \v 7 NInge kehe yu gha tape thika di ghana yi rongeka mumutjima wendi, mbadi mumathineneko endi muyitokota, Nyambi ne gha haka yu ghokutapa muruhafo.

09/08.txt

@@ -0,0 +1 @@
+\v 8 No Nyambi kukona gha tendithe fumwa dhidhihe dhi muvurere, podiyo eshi, kehe pano, mu kehe yinu, mu wane yoyihe eyi mwa nyanda. Oyi yina kukara kemo podiyo eshi mwingipithe kehe yino yirughana yoyiwa. \v 9 Kemo yidi thika di ha yi tjanga: ''Gha taperire ghushwi wendi no kughutapa kwawahepwe. Ghuhungami wendi ne ghokuroruheya.''

09/10.txt

@@ -0,0 +1 @@
+\v 10 Oyu gha tapa mbuto kwamundjimi oyu gha kuna no ghuroto ghokudya mbo ghana tapa no kuwedherera muyangu ghoghuhungami wenu. \v 11 Mbo muna pu kutungeka mukehe ndhira podiyo eshi mwakukare ghutapi. Oyi ne mbo yina reta matapero ghomatumero kwaNyambi kupiterera mumwenu.

09/12.txt

@@ -0,0 +1 @@
+\v 12 Mukerughana yinu yi ne mbadi ngenyu yina kukumutatha mo yo hanu waNyambi ho kupongoka, ene nayo kuna kukuwedherera muyirughana yo yingi yomatapero ghondangi kwaNyambi. \v 13 Pamurandu gho kumuyereka no kumutawedhera pathirughana thi, mbo muna kughu Nyambi mughutawedhi kumanongweneno ghenu ghombudhi dhodhiwa dhaKristusi. Mbo muna kughu karo Nyambi paghutapedhi wenu kukwagho no kwa kehe yuno. \v 14 Awo kuna kumurura, no kuna kumuraperitha. Awo kutenda yi pamurandu ghithineke thothikuru thaNyambu ethi thidi papenu. \v 15 Ngo matumero gha kare kwaNyambi kuyitapa yendi yoyikuru.

09/title.txt

@@ -0,0 +1 @@
+Thikurumingwa 9

11/01.txt

@@ -0,0 +1 @@
+\c 11 \v 1 Ame na himi ngo muniture kukwange mughuthuta. Ene yoghushemwa muna kunitura nange. Ame ne difupa kukwenu. \v 2 Na kara no difupa dyoghunyambi kukwenu,  kutunda pa namukuruperithire muyiyeka kwakatughuru ghofotji. Na kuruperithire mukumutapa mukare mwane ghokupira kukara rumwe panyama na kehe yu kwaKristusi.

11/03.txt

@@ -0,0 +1 @@
+\v 3 Ene nayapa eshi pamwe, thika di thangere thiyoka Eva noghundondoro watho, yighayara yoye ne kukona hayitware yiyemburuke kughushemwa no kuthirughana thokukushuka thaKristusi. \v 4 Ngo ngeshi ghumwe gheye no kuna kuvitha Jesusi ghumwe mbadi yu twa yuvitha twe. Endi tuninge shi ghutambure mupepo ghumwe mbadi ghu twatambura. Endi ghutambure mbudhi dhimwe mbadi dhi watamburire. Amwe kukupakerera noyinu yi thiwana.

11/05.txt

@@ -0,0 +1 @@
+\v 5 Ame na kughayara eshi nomumbiru wo wa hedha eshi ngo ho ha apostoli. \v 6 Ene ngambi kenge shi mbadi hani deghura mughamba, Ame ne hani deghura mughudimuki. Mukehe ndhira no mukehe yino ne twa yi mudimukitha yi.

11/07.txt

@@ -0,0 +1 @@
+\v 7 Naharurire pakukumbirupitha noyhinda podiyo eshi ngo mupwe kuyerura ndi? Ame ne nayuvithire mbudhi dhodhiwa kukwenu nyara-nyara. \v 8 Nedhire mangirishe ghamweya mukutambura maghamweno kukwagho podiyo eshi ni mughamwene. \v 9 Apa na karire nenu no natjandire thinu, mbadi napire ghumweya rupokotwa. Yinyanda yange ne hayi kumithire mo hayendhange awa ha tunderire kuMesadoniya. Mukehe yino nakushwayithire ko nothinda podiyo eshi mbadi ni kare mupango kukwenu, no nanyi ni twikere kutenda kemo.

11/10.txt

@@ -0,0 +1 @@
+\v 10 Thika di ghudi ghushemwa waKristusi mumwange, yikununeka yange ne mbadi mbo hayiporeritha kudhimutara dhaAkayiya. \v 11 Pamurandu munye? Yoyishi mbadi namuhaka ndi? Nyambi ghayidimuka.

11/12.txt

@@ -0,0 +1 @@
+\v 12 \v 13 No oyi natendanga ne nanyi ni twikere kuyitenda, podiyo eshi ngo ni shwayithepo yi ghamba yo kunisherera no yighamba eyi hana kushana kukununeka-eshi  ghawa wananga hana kutenda yirughana yofotji noyi twakutenda. Hanu ho kenge wa ne haapostoli hombango no harughani hoghumbango. Kukutura hathinda eshi haapostoli waKristusi.

11/14.txt

@@ -0,0 +1 @@
+\v 14 Ethi ne mbadi thitetu, ngambi Satani thinda ghakuneya yira muengeli ghomunyenge. \v 15 Mbadi thitetu thothikuru ngeshi hapikendi hakuneghe nagho yira hapika gho ghuhungami. Ndjambi dhagho ne mbo dhina kara yoyi yaroghera yitenda yagho.

11/16.txt

@@ -0,0 +1 @@
+\v 16 Ame kuna kughamba karo: Mbadiko yu shogha ghayare eshi ame ne nomuyero. Ene ngeshi mughayare kemo, munitambure kenge podiyo eshi nikutanaghure kamanana. \v 17 Eyi nakughamba nokukununeka noghutjima-mbadi na kughamba kenge gha ghambanga Fumu-Ame kuna kughamba yira nomuyero. \v 18 Kenge yidi shi hanu hohengi hakutanaghura kukutha kunyama, name mbo na kutanaghura.

11/19.txt

@@ -0,0 +1 @@
+\v 19 Amwe ne kukutura ghushamberera nohayero. Amwe mwathinda ne mwanyanyami! \v 20 Kukutura na ghumweya ngeshi ha mutendi mwapika wendi, ngeshi hamumini, ngeshi ha wana maghuwa mumwenu, ngeshi ha kukengi thinda shi hasha kupiterera mwe, endi ngeshi gha kupumure murupara. \v 21 Mbo naghamba kuhonyi dhetu eshi twa karire twakashu mukuyitenda. Ene ngeshi ghumwe ghakutanaghura-Ame keho ne kuna kughamba yira muyero-Name mbona kutanaghura.

11/22.txt

@@ -0,0 +1 @@
+\v 22 Awo ne haHeburayi ndi? Name karo. Awo ne hakaIsragheli ndi? Name karo. Hanahoka waAbrahamu ndi? Name karo. \v 23 Hapika waKristusi ndi? (Ame kughamba yira napira maghano.) Name karo. Na kara muyirughana yoyikuru kupiterera yenu, mumanotwa ghomengi, muyipuma yokupeterera, mukukuwanekera no ma ghukukutu ghomengi ghoyifa.

11/24.txt

@@ -0,0 +1 @@
+\v 24 KwawaJuda ne nawanine muyendero kwoko gho ''matjupa makumi mane kutundithamo dhofotji.'' \v 25 Ruhatu hani pumurire nomburo. Pamwe ghani fukumine no mawe. Paruhatu na rowere nothikepa. Na kara diyuwa dyofotji noghuthiku ghofotji kudikuruviya. \v 26 Na kara mumaruyendo kehe pano, mughukukutu kumarware, mughukukututu kwawamatjotji, mughukukutu kwawanu wanu, mughukukutu kwawa kupira haJuda, mughukukutu mumbara, mughukukutuku mumamboreya, mughukukutu kudikuruviya, mughukukutu kwawayendha hombango.

11/27.txt

@@ -0,0 +1 @@
+\v 27 Na karire nothiruwana thothikuru no mumaghukukutu, mumaghuthiku ghomengi ghokupira kurara, mundhara nodinota, rorwingi mumadhidhimekero, mumepo nothiheha. \v 28 Kutundithako yoyihe, koyidi yikudhekera yange yo kehe diyuwa yomangirishe. \v 29 Yidye gha kasha, Ame ne mbadi na kasha ndi? Yidye yu ha tendithire gha putunde, no mbadiko kupya?

11/30.txt

@@ -0,0 +1 @@
+\v 30 Ngeshi nikutanaghure, nanyi nikutanaghure koyi yaneghedhanga ghukashu wange. \v 31 Nyambi noWiha waFumu Jesusi, oyu hakugha kuroruheya, gha dimuka shi Ame mbadi nakughamba ghumbango.

11/32.txt

@@ -0,0 +1 @@
+\v 32 KuDamasikusi, nguvuru yu gha karire kwishi dhaFumu Aretasi naye ghakungire mbara dhaDamasikusi gha ni kwate. \v 33 Ene hani ghurumuthere muthikote kupiterera padikende dyomudikuma, no naparire mumoko ghendi.

11/title.txt

@@ -0,0 +1 @@
+Thikurumingwa 11

12/01.txt

@@ -0,0 +1 @@
+\c 12 \v 1 Na kona kukununeka, ene mbadiko meghero mo. Ene nanyi ni yende kuyimonekera noyihokora yo kwaFumu. \v 2 Na dimuka katughuru waKristusi oyu mumyaka makumi dikumi nodhine dhina kapita gha-yikare muyirama endi mbadi muyirama, mbadi shonidimuke, Nyambi ghayidimuka-hamutwarire kudiwiru dyoghuhatu.

12/03.txt

@@ -0,0 +1 @@
+\v 3 No nadimuka eshi oyu katughuru-yikare eshi muyirama, endi ghashwayire muyirama, Nyambi ghayidimuka- \v 4 ha mutwarire kuparadishi no ghakayuvire yinu yo kuyapa kehe yuno kutongora. \v 5 Mudyango dyo munu ghokenge ne nyanyi nikutanaghure. Ene mudyango dyange nothinda mbadi shonikutanaghure, shimengwa yoghukashu wange.

12/06.txt

@@ -0,0 +1 @@
+\v 6 Ngeshi nitorore yikutaghura, mbadi shonikare nomuyero, yoyishi ngo ghushemwa shonighambe. Ene mbadi shomikununeke, podiyo eshi mbadiko oyu shoghaghayare thikuma yokukwange kupiterera eyi gha mona mumwange endi ghayuva kukwange. \v 7 Mukunishaghekitha kukutanaghura pamurandu ghokupitakana ghukuru ghoyihokora, munga muthirama hani pire, mutumi waShatani ghani nyandeke-podiyo eshi mbadi nikuyeyure nothinda.

12/08.txt

@@ -0,0 +1 @@
+\v 8 Paruhatu na kumberere kwaFumu ko yi, podiyo eshi ngo ghayi ni tundithe. \v 9 Ene ghani huthire eshi, ''Thineke thange ne thakurikanya, ngcamu ne dhapwa kuroyitherera mughukashu.'' Hasha nikutanaghure mughukashu wange, podiyo eshi ngcamu dhaKristusi ngo dhi tunge pamwange. \v 10 Podiyo narikanya pamurandu waKristusi mughukashu, mumatuka, mumaghukukutu, mumakuthakuthero no muyikudhekera. Kehe pano ghokukasha me ne, na tanara.

12/11.txt

@@ -0,0 +1 @@
+\v 11 Na kara keho nomuyero! Mwa ni thiyenekire ko yi, ngo mwa ni tanaghure. Mbadi nakutjakire nowa mwatoya eshi haspostle, ngambi shi ame ne mbadiko yange. \v 12 Yineghedhitho yoshemwa yaapostoli ne yana pwire kuna rughana mukatji kenu noghudhughutjima ghokuyara, yineghedhitho noyitetukitho no yirughana yongcamu. \v 13 Ngepi di mwakarire eshi mbadi mudyo yira mangirishe ghomaheya, kutundithako shi mbadi nakarire mupango kukwenu? Munithiyerere po kughumango ghu!

12/14.txt

@@ -0,0 +1 @@
+\v 14 Mumone! Nakuroyithera niye karo kukwenu roghuhatu. Mbadi nakuna kara mupango kukwenu, mbadi nakushana me yinu yenu. Nashana yamwe. Hana ne mbadi ha kona kuturekera hakuru wawo. Ene, hakuru ne hosho hatureke hana wo. \v 15 Nanyi nakunatape noyishamberera nokuni tapa kumidhimu dhenu. Ngeshi namuhaka thikuma ne, ame ne kunihaka kamanana?

12/16.txt

@@ -0,0 +1 @@
+\v 16 Ene thika di yidi, mbadi namupire mupango. Ene kenge yidi shi nomuringi-ringi. Yame na muhongaghurire. \v 17 Namurughanithire mowa namutumene ndi? \v 18 Na kumberire Titusi gheye kukwenu, no natumine muyendhetu ghumwe nendi. Ghana murughanithire Titusi? Mbadi napo twayendire twahe mundhira dhofotji? Mbadi twayendire twahe mumanutu ghofotji?

12/19.txt

@@ -0,0 +1 @@
+\v 19 Muna kughayara shi ruvedhe roruhe ru ne ko tuna kukughamwena twathinda kukwenu? Mumeho ghaNyambi, kwa ghambanga twe yoyihe mwaKristusi tu mutanarithe.

12/20.txt

@@ -0,0 +1 @@
+\v 20 Na kuyapa eshi apa mbo niya ne mbadi nakuna muwana thika di nakuyihima. Na kuyapa eshi mbadi mwakuna niwana thika di muna kuyihima. Na kuyapa shi kukona pakukare yikughambera, nya, matumukero ghoghupata, ghungwenya kughungwenya, kukurundera, kukuhopa, ndhino, nokupira makuyuvero. \v 21 Na kuyapa eshi apa mbo niya, Nyambi mbo ghana ni mbirupitha kughutho wenu. Na kuyapa eshi mbo hana niguvitha wa kunyima kate popano no mbadi hapiruka kuyinu yokupira kukena norungu nodidovo edi hatendire.

12/title.txt

@@ -0,0 +1 @@
+Thikurumingwa 12

13/01.txt

@@ -0,0 +1 @@
+\c 13 \v 1 Oru ne roghuhatu nakwiya kwenu. ''kehe ghuno kukukutu twakona kughuturapo paghushupi  ghohawadi endi hahatu.'' \v 2 Na ghambire kare kowa haharurire kare no kwawaheya apa nanakarire ko roghuwadi, no nakuyighamba karo eshi: Apa mbo niya, mbadi mbo no niwa thiyerera.

13/03.txt

@@ -0,0 +1 @@
+\v 3 Ame na kumutongwera yinu yi yoyishi muna shana ghushupi eshi Kristusi ne kuna kughamba kupiterera mumwange. Aye ne mbadi mukashu kukwenu. Ene, ghatanara mumwenu. \v 4 Aye ne hamupamarerire mughukashu, ene muyumi pangcamu dhaNyambi. Atwe natwe ne twakashu mumwendi, ene mbo tuna para nendi pangcamu dhaNyambi mumwenu.

13/05.txt

@@ -0,0 +1 @@
+\v 5 Mukukengurure mwathinda, mumone eshi mumatawero mudi. Mukukonakone mwathinda. Mbadi muna kuyi nongonona yi mwathinda, eshi Jesusi ne mumwenu ndi?-shimengwa, yashemwa, mwawa makonakono. \v 6 No nakurupera eshi mbo muna nongonona eshi mbadi twawa makonakono.

13/07.txt

@@ -0,0 +1 @@
+\v 7 Pano twakurapera kwaNyambi eshi ngo mbadi mutende ghuyi. Mbadi nakurapera eshi ngo tumoneke yira tuna piti makonakono. Ene, Na kurapera eshi ngo mutende eyi yahungama, ngambi tu moneke yira tuna ghu makonakono. \v 8 Atwe ne mbadiko yokutenda yokwimanganyena muragho, ene yoghushemwa vene.

13/09.txt

@@ -0,0 +1 @@
+\v 9 Atwe ne kushamberera ngeshi tuna kasha nomuna tanara. Tuna kurapera karo eshi ngo hamutende mukumenenemo. \v 10 Na kutjanga yinu yi oku me ne kayenda nenu podiyo eshi ngeshi nenu nidi ne mbadi nimutokomene thikuma mumarughanithero ghoghuraghuri wange- oghu ghani pire Fumu podiyo eshi ngo ni mutendurure, ene mbadi nimughurumune.

13/11.txt

@@ -0,0 +1 @@
+\v 11 Paghuhura, mwayendha, mushamberere! Murughanene marughuthwero, mupwe kutjokedha, mukutawitheko, mupare muthiraro. NoNyambi ghoruhakitho nothiraro nanyi ghakare nenu. \v 12 Mukumorore nodirumeritho dyokupongoka.

13/13.txt

@@ -0,0 +1 @@
+\v 13 Hanu waNyambi wahe hokupongoka hana mumorora. \v 14 Neke dhaFumu Jesusi Kristusi, ruhakitho rwaNyambi, no makupakerero ghaMupepo Ghokupongoka ghakare nenu.

13/title.txt

@@ -0,0 +1 @@
+Thikurumingwa 13

manifest.json

@@ -48,6 +48,16 @@
 		"02-14",
 		"02-16",
 		"03-title",
+		"04-title",
+		"04-01",
+		"04-03",
+		"04-05",
+		"04-07",
+		"04-11",
+		"04-13",
+		"04-16",
+		"05-title",
+		"05-01",
 		"07-title",
 		"07-01",
 		"07-02",