tn_gen_text_reg/48/14.txt

\v 14 Iseraele a otlolola seatla sa gagwe sa moja mme a se baya mo tlhogong ya ga Iforeimi, yo monnye, mme seatla sa gagwe sa molema a se baya mo tlhogong ya ga Manase. O ne a fapaanya matsogo a gagwe, gonne Manase e ne e le motsalwapele. \v 15 Iseraele a segofatsa Josefa, a re, ''Modimo yo borre Aborahamo le Isaka ba tsamaileng fa pele ga gagwe, Modimo yo o ntlhokometseng go fitlha mo letsatsing le, \v 16 moengele yo o ntshireleditseng mo tshenyegong yotlhe, a a segofatse basimane ba. A leina la me le umakwe mo go bone, le leina la borre Aborahamo le Isaka. A ba gole go nna matshwititshwiti a batho mo lefatsheng.''