tn_1sa_text_reg/14/24.txt

\v 24 \v 25 \v 26 Mo letsatsing leo banna ba Iseraele ba ne ba patikesegile gonne Saulo o ne a tsentse batho ka fa tlase ga maikano mme a re, ''Go hutsegile monna yo o jang sejo sepe go fitlha maitseboa ke ise ke ipusolosetse mo babeng ba me.'' Jalo ga se ka ga nna ope wa masole yo o tsenyang sejo mo ganong. Foo batho botlhe ba tsena mo sekgweng, mme ga bo go na le tswine fa fatshe. Fa batho ba tsena mo sekgweng, tswine ya elela, mme ga se ka ga nna ope yo o isang seatla sa gagwe kwa ganong gonne batho ba ne ba boifa maikano.