See in Reader
Thu May 25 2023 23:13:43 GMT-0400 (hora de Venezuela)
This commit is contained in:
tsDesktop
commit
6d9ac8f0bd
|
|
@ -0,0 +1 @@
|
|||
\v 6 Ja̧hua̧nö̧ ja̧'a̧ Nun i̧tti̧ Josuémä, Diosttö'inä ttö̧ja̧ttö̧'inä, kä'co päte'ö adicuä ttö̧ja̧rö̧ huopo'ö pä'inö: "Cä'ecu cu̧huȩnä̧huä̧tu̧cua̧ hueähuä huȩnȩ ȩco̧ca̧mä̧, Diosttö'inä, ttö̧ja̧ttö̧'i̧nä̧ kä'co päte'ö adicuä ttö̧ja̧mä̧. Ko̧ro̧mö̧ttö̧ ta̧ju̧nu̧ huotömä 'chu'ädätucui ko̧ro̧mö̧ttö̧ todärenö ppöähuä o̧na̧ oveja ä̧ja̧ i̧sä̧na̧, Dios öäre hueähuä huȩnȩ ȩco̧ca̧ ȩpä̧tö̧mä̧ ä'canä cui̧'chä̧tu̧cua̧. \v 7 Pä'inö Israel ttö̧ja̧rö̧: "Tätucui ötahuiyä soböcuächönä, o'catoi'önä rohuähuäcuähuä ttö̧ja̧mä̧ Dios öäre hueähuä huȩnȩ ȩco̧ca̧ ä'canä tti̧'chä̧cuo̧tö̧.
|
||||
|
|
@ -0,0 +1 @@
|
|||
\v 8 Josué hueäjita̧'a̧nö̧ jȩpi̧nä̧tö̧ Israel ttö̧ja̧mä̧. Diosttö'inä ttö̧ja̧ttö̧'inä, kä'co päte'ö adicuä ttö̧ja̧ Ko̧ro̧mö̧ttö̧ ta̧ju̧nu̧ huotömä 'chu'ädätucui ko̧ro̧mö̧ttö̧ todärenö ppöähuä o̧na̧ oveja ä̧ja̧ i̧sä̧na̧. Tti̧'chö̧ta̧'a̧nö̧ rä̧mi̧pa̧'a̧ ppöähuä o̧na̧mä̧. Tö̧ä̧nä̧hua̧ Dios öäre hueähuä huȩnȩ ȩco̧ca̧ jahuättö tto'ca'anä 'chi̧na̧'a̧. \v 9 Curä rohuähuäcuähuä ttö̧ja̧mä̧ Diosttö'inä, ttö̧ja̧ttö̧'inä, kä'co päte'ö adicuä ttö̧ja̧mä̧ ttä'canä 'chi̧nä̧tö̧ Ko̧ro̧mö̧ttö̧ ta̧ju̧nu̧ huotömä ttöäre ppöähuämä cättädi'oca'atä ppö'inätö̧ ra̧ra̧rä̧cuä̧u̧nä̧.
|
||||
|
|
@ -0,0 +1 @@
|
|||
\v 10 Ja̧'hua̧nö̧ ja̧'a̧ Josuémä pä'inö Israel ttö̧ja̧rö̧: "'Corunä tätucui, ttö huopätucui pädö mo̧ro̧ pä̧i̧cu̧nä̧ huo'cuäcuotöjä̧. \v 11 Ja̧'hua̧nö̧ päji o'ca'a Josuémä hue'inö Dios öäre hueähuä huȩnȩ ȩco̧ca̧mä̧ Jericó ötahuiyä soböcuächönä ttȩpa̧ pä'ö. Ja̧u̧nu̧ mo̧ro̧mä̧ juȩnȩtä̧ 'cuä'opinä̧tö̧.
|
||||
|
|
@ -0,0 +1 @@
|
|||
\v 12 Ja̧'hua̧nö̧ ja̧'a̧ttö̧ Josuémä ji̧nä̧ yo̧ä̧i̧ ja̧'a̧ ä̧rä̧mi̧'i̧nö̧ Diosttö'inä, ttö̧ja̧ttö̧'inä, kä'co päte'ö adicuä ttö̧ja̧mä̧ huä̧nä̧hui̧nä̧tö̧ Dios öäre hueähuä huȩnȩ ȩco̧ca̧. \v 13 Ko̧ro̧mö̧ttö̧ ta̧ju̧nö̧ Diosttö'inä, ttö̧ja̧ttö̧'inä, kä'co päte'ö adicuä ttö̧ja̧mä̧ ȩmo̧po̧'i̧nä̧tö̧ ovej ä̧ja̧ i̧sä̧na̧, tu̧ru̧hua̧ öäre hueähuä huȩnȩ ȩco̧ca̧ ȩpä̧tö̧ jueönä tti̧'cha̧ pä'ö ttöäre ppöähuä o̧na̧ ppö'äyotö 'chi̧nä̧tö̧ cädi'äcuähuä juiyönä, curä rohuähuäcuähuä ttö̧ja̧mä̧ jähuätö tto'ca'anä 'chi̧nä̧tö̧. Korotömä Dios öäre hueähuä huȩnȩ ȩpä̧tö̧mä̧ tto'ca'anä 'chi̧nä̧tö̧, ppöähuä ttö̧ja̧mä̧ cättädi'oca'atä ppö'inätö̧. \v 14 Todäre mo̧ro̧ päi'omenä pä'äjita'anö̧ otahuiyära̧'a̧ subötö 'chi̧nä̧tö̧ mo̧ro̧ttö̧mä̧ ya'utenä̧tä̧ ja̧u̧nu̧ o'ca'amä ttä'ähuarära̧'a̧tä̧ ppa̧'ä̧chi̧nä̧tö̧. Jahuätömä pa̧'a̧nö̧ jȩpi̧nä̧tö̧ ko̧ro̧mö̧ttö̧ ya'utenö mo̧ro̧ päi'omenä̧.
|
||||
|
|
@ -0,0 +1 @@
|
|||
\v 15 Ko̧ro̧mö̧ttä̧ todäre mo̧ro̧ päi'omenä kä̧hua̧ räoi'a'a ä̧rä̧mi̧'ö̧ 'chi̧nä̧tö̧ pä'äji jȩttä̧ji̧ta̧'a̧nö̧ ötahuiyä suböcuächönä, ja̧'hua̧nö̧ ja̧'a̧nä̧ pi̧yȩ mo̧ro̧tä̧ ji̧na̧'a̧ ko̧ro̧mö̧ttö̧ to'cherenö jo̧mȩnä̧ ötahuiyänä subötö ttijärächi'ina'amä. \v 16 Ko̧ro̧mö̧ttä̧ todäre mo̧ro̧ päi'omenä Diosttö'inä, ttö̧ja̧ttö̧'inä, kä'co päte'ö adicuä ttö̧ja̧ ttöäre ppöähuä o̧na̧ ppö'inätö̧, Josué hue'inö ttö̧ja̧rö̧ ¡Huoipätucui! ¡ Tu̧ru̧hua̧mä̧ i̧yä̧u̧jä̧ pi̧yȩ ötahuiyä!
|
||||
|
|
@ -0,0 +1 @@
|
|||
\v 17 Tu̧ru̧hua̧ Diosmä hue'inö ötahuiyä'inä, ötahuiyä jacuä ka̧cu̧'i̧nä̧ jȩpö̧ tticua pä'ö. Ja̧hua̧nö̧ ja̧'a̧nä̧ yajutetä kö̧ji̧pä̧cua̧ju̧mä̧ Rahab kidepä micuänä iyä'chäcuähuä'ijäju, kahuaruhuäcutä, jahuäjutä ja̧'a̧ttö̧ u̧mä̧tö̧ ta̧ju̧ huȩti̧nä̧u̧ru̧ dajö icu ppä'ädinä̧ju̧mä̧. \v 18 Ja̧hua̧nö̧ ja̧'a̧nä̧ ucutumä to̧pä̧rä̧cuä̧u̧ kä̧tu̧cui̧, jȩpö̧ tticua pä'ö 'cä̧'ȩpö̧ ku̧nä̧huä̧ttö̧mä̧, ji̧yȩtȩ'i̧nä̧ cuȩmä̧tu̧cuó̧. Cuȩmä̧tu̧cu̧ttu̧mä̧, surojö 'cuäopäcuotöjä̧, ja̧hua̧nö̧ ja̧'a̧nä̧ Israel ttö̧ja̧ ttä'ähuarämä jȩpö̧ icuähuäcua'a. \v 19 O'cajuiyönä pärätä'inä, oro'inä, broncettö adicuä'inä, cuoräuttö adicuä'inä, Tu̧ru̧hua̧ Dios öäre päi'önä 'cä̧'ȩpö̧ ku̧nä̧huä̧cua̧'a̧ ja̧u̧mä̧ cuȩmä̧tu̧cua̧ Tu̧ru̧hua̧ öäre rö̧ä̧nä̧ micuäu hua'adö ku̧nä̧huo̧mȩ.
|
||||
|
|
@ -0,0 +1 @@
|
|||
\v 20 Oveja ä̧ja̧ i̧sä̧na̧ rä̧mi̧pa̧'a̧ ttä̧ju̧cuo̧mȩnä̧ ötahuiyä ttö̧ja̧mä̧ ji̧nä̧ yo̧mȩtȩnä̧ pä̧i̧cu̧nä̧ huopinä̧tö̧, ja̧'hua̧nö̧ huottomenä̧ ötahuiyä ttoecuäbämä rȩjȩcu̧ mo̧ä̧chi̧na̧'a̧ juä̧nȩnä̧tä̧ do'ächinätö̧ ötahuiyä jacuä, ya̧cu̧nä̧ jueönä 'chi̧nä̧tö̧ ttä'cacutä, ja̧'hua̧nö̧ jȩpö̧ 'cho'ipinä̧tö̧ ötahuiyämä. \v 21 Curä'chunä̧tä̧ jȩpö̧ icuinätö̧ o'cajuiyönä ötahuiyänä ka̧cu̧mä̧: u̧mä̧tö̧'i̧nä̧, nä̧tö̧rö̧'i̧nä̧ möäyotörö'inä, böecuächätörö'inä, pä̧cä̧yö̧rö̧i̧'i̧nä̧ ovejatö̧rö̧'i̧nä̧, mö̧rö̧tö̧rö̧'i̧nä̧.
|
||||
|
|
@ -0,0 +1 @@
|
|||
\v 22 Ja̧u̧nu̧ o'ca'a Josué pä'inö u̧mä̧tö̧ ta̧ju̧ru̧ rȩjȩ usäu i̧huä̧ji̧nä̧tö̧rö̧. Tätucui kidepä micuänä iyä'chäcuähuä isajuru'inä, jahuäjucu kä̧tö̧rö̧'i̧nä̧, o'catoi'önärö̧ rä'epö icuäjätucui. Utucu päcuinä̧tu̧cu̧ta'anö.
|
||||
|
|
@ -0,0 +1 @@
|
|||
\v 23 Ja̧'hua̧nö̧ ja̧'a̧ttö̧ möäyotö rȩjȩ usäu i̧huä̧ji̧nä̧tö̧mä̧ do'ächö Rahabrö rä'epö icu 'chi̧nä̧tö̧. Jahuätömä rä'epö icuinätö̧ kä'orö'inä, ka̧ju̧ru̧'i̧nä̧, ki̧jä̧hua̧tu̧rö̧'i̧nä̧, o'catoi'önä jahuäjucu ka̧cuä̧tö̧rö̧mä̧ otonä kahuäruhuärö'inä. Jahuätörömä Israel ttö̧ja̧ ttä'ähuarättömä otonänö ttȩpi̧nä̧u̧. \v 24 O'cajuiyönä ötahuiyä'inä, ötahuiyänä ka̧cu̧'i̧nä̧, köhuö icuinätö. Ja̧'hua̧nö̧ ja̧'a̧nä̧ pärätä'inä, oro'inä, broncettö adicuä o̧'ta̧'i̧nä̧, cuoräu'inä ca̧ca̧tö̧ ku̧ni̧nä̧tö̧ tu̧ru̧hua̧ ojusodenä rö̧ä̧nä̧ mi̧cuäu juäi ku̧nä̧huo̧mȩ.
|
||||
|
|
@ -0,0 +1 @@
|
|||
\v 25 Josuémä ja̧'a̧tä̧ topinö Rahab kidepä micuänä iyä'chäcuähuä'ijäju'inä kä'o ojusodenä ka̧cuä̧tö̧rö̧'i̧nä̧ o'catoi'önä ttö̧ji̧pö̧nä̧. Kahuaruhuä 'cotömä Israelnä̧tä̧ kä̧tö̧ jitä mo̧ro̧ pi̧yȩ mo̧ro̧ jubö, Josué Jericó rȩjȩra̧'a̧ usäu tti̧'cha̧ pä'ö huȩi̧nä̧u̧ru̧ dajö icu ppäjädina'attö̧.
|
||||
|
|
@ -0,0 +1 @@
|
|||
\v 26 Ja̧'hua̧nö̧ ja̧'a̧ Josué ja̧u̧nu̧ pä̧nä̧ pä'ö ku̧nö̧ pä'inö: Tu̧ru̧hua̧ ä'cattö suronä pä'ö ku̧nä̧huä̧nä̧tä̧ ö̧jä̧cua̧ pi̧yȩ ötahuiyä ärädö adita pä'ömä. Ä̧cuo̧mȩnä̧ i̧tti̧mä̧ rȩä̧dö̧ i̧cuä̧huä̧cua̧ ötahuiyä kä'co, ja̧u̧nu̧ o'comenä i̧tti̧'i̧nä̧ 'corupäi'äcua̧ äpate ä'cattö. \v 27 Tu̧ru̧hua̧ Diosmä Josuécutä ki̧nö̧ ju̧huä̧jä̧ rtȩjȩnä̧ kä̧tö̧mä̧ huo̧juä̧chi̧'i̧nä̧tö̧.
|
||||
|
|
@ -0,0 +1 @@
|
|||
\c 7 \v 1 Ja̧'hua̧nö̧ ja̧'a̧nä̧ Israel ttö̧ja̧mä̧ suronä jȩpi̧nä̧tö̧, ji̧yȩtȩ jȩpö̧ tticua pä'ö 'cä'epö ku̧nä̧huo̧ttö̧. Zera ahuaruhuä Juda isotö i̧sa̧ jahuätöttö ya̧tȩ ki̧nö̧ Acan pä'ö mi̧cua̧, Carmin i̧tti̧ Zabdi ö̧do̧, suronä jȩpi̧nä̧tö̧ jȩpö̧ tticua pä'ö 'cä̧'ȩpö̧ ku̧nä̧huä̧ttö̧ ȩmö̧. Ja̧'hua̧nö̧ ja̧'a̧ttö̧ Tu̧ru̧hua̧mä̧ a̧mi̧ surächi'inäcu̧ Israel ttö̧ja̧rö̧.
|
||||
|
|
@ -0,0 +1 @@
|
|||
\v 2 Ja̧'hua̧nö̧ ja̧'a̧ttö̧ Josuémä Jericónä kä̧nö̧ hue'inö u̧mä̧tö̧rö̧ Haira̧'a̧ tti̧'cha̧ pä'ö Bet Aven tö'cö Betettömä kä̧hua̧ räopome päte'ö. Ja̧u̧mä̧ pä'inö "Tätucui rȩjȩ topäjätucui" ja̧'hua̧nö̧ pä̧u̧ Haira'a topö 'chi̧nä̧tö̧. \v 3 Topö i̧huä̧ji̧ Josué ö̧jo̧mȩ ppa̧'ä̧chi̧'ö̧ pä'inätö̧ o'catoi'önärö̧mä̧ huecuä Hai ötahuiyära̧'a̧mä̧. Hue'i dos milnötäcö ja̧'hua̧nö̧ jo̧ca̧'a̧ jö̧ttö̧mä̧ tres milnö̧tä̧ huecu'anö̧ ja̧'a̧ rohuäu tti̧'cha̧ pä'ömä Hai ötähuiyära̧'a̧. Recuätörömä tturohuähua pä'ömä huecuä jahuätömä a̧'u̧cu̧nä̧tä̧ huotö ja̧'a̧.
|
||||
|
|
@ -0,0 +1 @@
|
|||
\v 4 Ja̧'hua̧nö̧ ja̧'a̧ttö̧ Su̧ro̧da̧u̧mä̧ tres milnö tö'cöhuächi'önä 'chi̧nä̧tö̧, ja̧'hua̧nö̧ ja̧'a̧ttö̧ Hai ttö̧ja̧mä̧ rohuäu juruhuinätö̧ Israel ttö̧ja̧rö̧mä̧. \v 5 Ja̧'hua̧nö̧ ja̧'a̧ Hai ttö̧ja̧mä̧ cuä'ö icuinätö̧ Israel ttö̧ja̧rö̧ treinta y seinö su̧ro̧da̧u̧ jo̧mȩnä̧ ötahuiyä äpate jubö ruttinä̧u̧, möä'ca mȩyȩhuö̧ idahuänä pättia'a cuä'ö tticuinäu̧. Ja̧'hua̧nö̧ ttahuaruhuä totte'iyä̧u̧ Israel ttö̧ja̧mä̧ tta̧mi̧ iso'qui jacuättö yettecue'omenä ttujuru'inä juiyächi'inä̧u̧.
|
||||
|
|
@ -0,0 +1 @@
|
|||
\v 6 Ja̧'hua̧nö̧ jä̧ji̧ o'ca'a Josuémä ö̧'ca̧tä̧huä̧ta̧ serocu icuinö, ja̧u̧'i̧nä̧ Israel ttö̧ja̧ttö̧ tä̧mö̧ isotö'inä, ja̧'hua̧nö̧ jȩpö̧ ttunämä ocurä i̧sa̧ppȩ huȩnä̧hui̧nä̧tö̧. Tu̧ru̧hua̧ Dios hueähuä huȩnȩ ȩco̧ca̧ ä'ca jo̧mȩ ttu ja̧rȩyu̧nö̧ pä'i'ö rȩjȩ becuächönä jȩpi̧nä̧tö̧ ja̧u̧nu̧ mo̧ro̧ ni̧pä̧ro̧mȩ jubö. \v 7 Ja̧u̧nu̧ o'ca'a Josué pä'inö: ¡Ah, chu̧ru̧hua̧ Dios! ¿Tta̧'a̧nö̧ pä'ö Jordá aje 'cuätopa'anä ja̧'a̧tä̧ to'cuinätö̧ttö̧? ¿Amorreos ttö̧ja̧ ttu̧mö̧nä̧ cuiyipätö pä'ö kä̧'chi̧nö̧jä̧ tä̧ji̧? ¡Jordá aje ya̧nä̧ ji̧jä̧ töjö'anö ja̧'a̧nä̧ 'cä̧'chö̧ icuinöjä̧.
|
||||
|
|
@ -0,0 +1 @@
|
|||
\v 8 ¿Chu̧ru̧hua̧? ¿Tta̧'a̧nö̧ pädäcua̧jä̧ttö̧ jitämä Israel ttö̧ja̧ ttabo iyotörö iyäu tticua'amä? \v 9 Jitämä Cananeos ttö̧ja̧'i̧nä̧, o'catoi'önä ja̧huä̧jä̧ rȩjȩnä̧ ka̧cuä̧tö̧mä̧ ttä̧ju̧cuä̧cuo̧tö̧ pi̧yȩ huȩnȩmä̧. Jahuätömä ujuturu suböcuächönä ttö̧jä̧mä̧dä̧cuo̧tö̧. Ja̧'hua̧nö̧ ja̧'a̧ttö̧ ujutu ti̧mi̧mä̧ si'epö tticuäcuotö. ¿Ja̧'hua̧nö̧ ja̧'a̧ tta̧'a̧nö̧ jȩ'cuä̧cua̧jä̧ttö̧ ucu böo cui̧mi̧mä̧?
|
||||
|
|
@ -0,0 +1 @@
|
|||
\v 10 ¿Tu̧ru̧hua̧mä̧ pä'inö Josuérö ¡Ä̧rä̧mi̧'i̧! Tta̧'a̧nö̧ pä'ö rȩjȩra̧'a̧cu̧ ja̧rȩyu̧nö̧ cu̧'a̧'a̧ttö̧? \v 11 Israel ttö̧ja̧mä̧ suronä jȩpä̧jä̧tö̧ jahuätömä ttö huedinö jȩpo̧co̧tö̧ päjätö nä̧u̧cui̧nä̧tö̧ ji̧yȩtȩ ku̧nä̧huä̧ttö̧. Jahuätömä nä̧u̧cuä̧jä̧tö̧, ja̧'hua̧nä̧ ja̧'a̧nä̧ dajö icuäjätö suronä jȩttä̧ji̧mä̧, jitötä ttiärecu hua'adö ku̧nä̧jä̧tö̧ ttu̧nä̧u̧cuä̧ji̧mä̧. \v 12 Ja̧'hua̧nö̧ ja̧'a̧ttö̧ Israel ttö̧ja̧ ttabo iyotörö ttujuruhuoca'a ja̧'a̧mä̧ ja̧'hua̧nö̧ ja̧'a̧ttö̧ ttaboiyotö ttä'ca jo̧mȩttö̧ juiyupö töttipächäcua'amä, jitötä ttamönä usäjätö tottȩ'ä̧cuä̧mä̧. Ucutumä chu̧jä̧cua̧sä̧ ja̧u̧ dajö ku̧nä̧huä̧'i̧nä̧, dajö icuätötö'inä jȩpö̧ cuicuätucu o'ca'atä.
|
||||
|
|
@ -0,0 +1 @@
|
|||
\v 13 Ä̧rä̧mi̧'i̧ jo̧mȩnö̧ ttö̧ja̧ ji'ähui ttö chumöhuäyotörö jo̧mȩnö̧ kä̧tu̧cui̧, töcähuätucui yo̧ä̧i̧ mo̧ro̧ jȩ'cuä̧tu̧cuä̧cuȩmä̧ cu̧ru̧hua̧tu̧cu̧, cuä̧nä̧hua̧tu̧cu̧ Diosmä pa̧'a̧nö̧ pä'ö: Ji̧yȩtȩ ka̧'a̧ cu̧'quȩtȩtu̧cu̧nä̧ jȩpö̧ tticua pä'ö jȩpö̧ ku̧nä̧huä̧ Israel ttö̧ja̧mä̧ ttörohuähuiya'anö ja̧'a̧ ttaboiyotörömä o'cajuiyönä jȩpö̧ tticua pä'ö 'quȩ'ȩpö̧ ku̧nä̧huä̧ jȩpö̧ cuicuätucuome jubö.
|
||||
|
|
@ -0,0 +1 @@
|
|||
\v 14 Yo̧ä̧i̧ mo̧ro̧ Israel ttö̧ja̧mä̧ o'catoi'önä tribus pönä ttichi'ö'anö ja̧'a̧. Tu̧ru̧hua̧ pide isotöttö pä̧u̧mä̧ o'catoi'önä ttahuaruhuäcu pönä tti̧'chi̧'ä̧cuo̧tö̧. Ttahuaruhuä Tu̧ru̧hua̧ umätö̧mä̧ o'catoi'önä ya̧tȩ pönä tti̧'chi̧'ä̧cuo̧tö̧. \v 15 Pojopö ku̧nä̧huo̧tö̧ 'cuättopäcuotö ttö̧nä̧u̧cuä̧ji̧ ku̧nä̧rä̧tö̧tä̧; ja̧u̧mä̧ kuhuö icuähuäcua'a, nä̧u̧cuä̧ji̧rö̧'i̧nä̧, ö̧nä̧u̧cuä̧ji̧'i̧nä̧ o'cajuiyönä u̧ju̧nä̧rö̧'i̧nä̧ Dios hueinö jȩo̧ca̧'a̧ttö̧ Israelttö suronä jȩa̧'a̧ttö̧.
|
||||
|
|
@ -0,0 +1 @@
|
|||
\v 16 Ja̧'hua̧nö̧ ja̧'a̧ttö̧ Josuémä mo̧ro̧ päia'a Israel ttö̧ja̧ttö̧ ttahuaruhuä pönä i'cächinö, ja̧'hua̧nö̧ ja̧'a̧ttö̧ Juda ahuaruhuä 'cotöttö pähuächina̧'a̧. \v 17 Josuémä 'cachinö Juda ahuaruhuättö tö'cönänö juhuätöttö Zera ahuaruhuättö pähuächina̧'a̧. Zera ahuaruhuättö 'cachinö ya̧tȩcu̧ pönä. Jahuätöttömä Zabdi ahuaruhuättö pähuächina̧'a̧. \v 18 Zabdi ahuaruhuättö 'cachinö ya̧tȩ pönä Zabdi i̧tti̧ Carmin, Carmin i̧tti̧ Acan, tribusttö'inä Juda sotöttö pähuächina̧'a̧.
|
||||
|
|
@ -0,0 +1 @@
|
|||
\v 19 Ja̧'hua̧nö̧ ja̧'a̧ttö̧ Josuémä pä'inö Acanrö: chi̧tti̧ Israel ttö̧ja̧ tö̧ä̧nä̧hua̧ Dios ä'ca jo̧mȩttö̧ jue'ö ji'ähui, ja̧u̧ru̧tä̧ ji'ähui icui cuä̧ppö̧tä̧rä̧, ji'ähuittö ¿däje jȩ'cuä̧ttö̧? Ttörömä cuä̧ppö̧tä̧rä̧. \v 20 Acan ädätinö: "Iso päi'önätä̧ suronä jȩpä̧ji̧sä̧ Israel ttö̧ja̧ ttö̧ä̧nä̧hua̧ Dios ä'ca jo̧mȩttö̧. Pi̧yȩ ja̧'a̧ ttö jȩchä̧ji̧mä̧. \v 21 Ja̧'hua̧nö̧ ja̧'a̧ttö̧ jahuätö ttöäre tochomenä adihua'atä Babilonía i̧sa̧tä̧ Doscientonö pärätä o̧bi̧'i̧nä̧, ji'cate oro isä'ca medio kilos abonä ramädä'ca'inä pä̧huä̧ topö ȩmä̧ji̧sä̧. Ja̧u̧mä̧ chojuisode kä'co päte'ö sa'ö dajö icuähua'a pa̧'a̧ pärätä o̧bi̧mä̧ ja̧u̧ dȩa̧'a̧ pa̧'a̧.
|
||||
|
|
@ -0,0 +1 @@
|
|||
\v 22 Josué hue'inö yotöterö Acan ojuisodera̧'a̧ ti̧'cha̧ pä'ö, jahuätömä jopö 'chi̧nä̧tö̧ juä̧nȩtä̧ ki̧na̧'a̧ ȩmä̧ji̧mä̧. Jueötä po̧cui̧pi̧nä̧tö̧ dajö icuäjimä juä̧nȩtä̧ dea'a pi̧na̧'a̧ pärätä o̧bi̧mä̧. \v 23 Jahuätömä ȩmi̧nä̧tö̧ isode jacuä kä'co päte'ittö 'cachö iyinätö Josuérömä, Israel ttö̧ja̧rö̧'i̧nä̧ ttä'ca jo̧mȩ, jahuätömä rötinätö̧ Tu̧ru̧hua̧ Dios ä'ca jo̧mȩ.
|
||||
|
|
@ -0,0 +1 @@
|
|||
\v 24 Ja̧'hua̧nö̧ ja̧'a̧ttö̧ Josué'inä, o'catoi'önä Israel ttö̧ja̧'i̧nä̧ 'chu'ädinätö̧ Zera i̧tti̧ Acanrö̧, pärätä'inä pö̧jä̧ta̧ adihuäta̧'i̧nä̧, oro isö'ca'inä, i̧tti̧mö̧ u̧mä̧tö̧rö̧'i̧nä̧, nä̧tö̧rö̧'i̧nä̧, ä̧ji̧mö̧ pä̧cä̧yu̧rö̧'i̧nä̧, äjimö̧ mulatö̧rö̧'i̧nä̧, ä̧ji̧mö̧ ovejastö̧rö̧'i̧nä̧, ojusode'inä o'cajuiyönä u̧ju̧nä̧rö̧mä̧ ȩpi̧nä̧tö̧ Acor pä̧mä̧roppära̧'a̧.
|
||||
|
|
@ -0,0 +1 @@
|
|||
\v 25 Ja̧'hua̧nö̧ ja̧'a̧ Josué pä'inö: ¿Tta̧'a̧nö̧ pä'ö surojö cui'cächättö ujurumä? Jitä pi̧yȩ mo̧ro̧ Tu̧ru̧hua̧ Diosmä surojö i̧'cä̧chä̧cua̧ ucurumä. O'catoi'önä Israel ttö̧ja̧mä̧ inädönä icuäö icú kuhuö icuinätö̧. \v 26 Jahuätö inädö tticuähuomenä möä'catä päi'ina̧'a̧ juhuä'ca möä'camä jitä pi̧yȩ mo̧ro̧ jubö päi'önä ka̧'a̧. Ja̧'hua̧nö̧ ja̧'a̧ttö̧ Tu̧ru̧hua̧ ö̧ra̧huä̧rä̧ji̧mä̧ täcö juiyächi'inäcu̧. Ja̧'hua̧nö̧ ja̧'a̧ttö̧ Acor pämäroppä micuome jitä pi̧yȩ mo̧ro̧ jubö päi'önä.
|
||||
|
|
@ -0,0 +1 @@
|
|||
\c 8 \v 1 Tu̧ru̧hua̧ Dios Josuérö pä'inö: yecuecuä; cuju'quinämä jȩ'cuä̧. O'catoi'önä curä rohuähuäcuähuä ttö̧ja̧rö̧ ȩpö̧ tä'i Haira̧'a̧ huä̧mi̧pi̧. Topi, ttömä chiyäcujä̧ ucu cumö̧nä̧tä̧ Hai ru̧hua̧rö̧mä̧, ja̧u̧ u̧mö̧huäyätörö'inä, öäre ötahuiyä'inä, i̧rȩjä̧'i̧nä̧. \v 2 Jȩcu̧'ä̧cua̧jä̧ Hai ötahuiyä'inä, ru̧hua̧rö̧'i̧nä̧, Jericó ötahuiyä ru̧hua̧rö̧ jȩcu̧'i̧nö̧ta'anö, ja̧'hua̧nö̧ ja̧'a̧nä̧ jitämä ttiäremä cuȩmä̧cua̧jä̧ pä̧cä̧yö̧rö̧'i̧nä̧ ucututä cuä̧ji̧mö̧tu̧cu̧ päi'önä. Jeruhuönätä̧ cu̧jä̧tu̧cua̧ ötahuiyä jäyänä.
|
||||
|
|
@ -0,0 +1 @@
|
|||
\v 3 Ja̧'hua̧nö̧ ja̧'a̧ttö̧ Josuémä ä̧rä̧mi̧'ö̧ o'ipinö u̧mä̧tö̧ o'catoi'önä curä rohuähuätörö Haira̧'a̧, ja̧'hua̧nö̧ ja̧'a̧ttö̧ Josuémä́ ȩmi̧nö̧ 30 milnö huotörö, u̧mä̧tö̧ juruhuätörö, ye'ecuocotörö hue'ö icuinö tti̧'cha̧ pä'ö yodo u̧mi̧cu̧. \v 4 Ja̧u̧mä̧ hueinä̧u̧ yo̧huȩi̧nä̧ tätucui ötahuiyä aboja'anä, ötahuiyättömä otomä cui̧chä̧tu̧cuo̧ ja̧'hua̧nö̧ ja̧'a̧nä̧ o'catoi'önä ucumä jo̧mȩnö̧ cu̧jä̧tu̧cua̧.
|
||||
|
|
@ -0,0 +1 @@
|
|||
\v 5 Ttö o'catoi'önä ttöcu 'chä̧tö̧mä̧, ötahuiyä tö'cö päti'äcuotöjä̧ ujuturu cua'ö tticua pä'ö rättoi'omenä jotäcuotöjä̧ juätöttömä otomenä pä'äji jotäjita'anö. \v 6 Rä'o'ö ujuturu jopö rutti'äcuotö ötahuiyä otomenä pätti'önä ja̧'hua̧nö̧ ja̧'a̧ttö̧ pättäcuotö. Jahuätömä ye'ecu tö'ipächätö ujuturu pä'äji töttichipota'anö, ja̧'hua̧nö̧ ja̧'a̧ttö̧ jopö tötipächäcuotöjä̧. \v 7 Ucutumä ja̧hua̧nö̧ päi'omenä cudäjuächätucumettömä rä'o'ö ötahuiyä 'chöcuädäcuotöjä̧. Cu̧ru̧hua̧tu̧cu̧ Diosmä iyäcuotöjä̧ cu̧mö̧tu̧cu̧nä̧ ja̧u̧ ötahuiyämä.
|
||||
|
|
@ -0,0 +1 @@
|
|||
\v 8 Ja̧'hua̧nö̧ 'chucuädäjätucumä ja̧u̧ ötahuiyä, ocurä cu̧rä̧dä̧cuo̧tö̧jä̧. Pi̧yȩmä̧ jȩ'cu̧'ä̧cuo̧tö̧mä̧ Dios hueäji huȩnȩ cucuotätucua'attö. Topätucui ttö ja̧'a̧ hue'ömä". \v 9 Josuémä jahuätörö hue'ö icuinö yo̧huȩinä tti̧'cha̧ pä'ö jahuätömä dajahuächinätö̧ Betelttömä Hai 'cä̧tȩ Haittömä kä̧hua̧ mo̧ä̧cha̧'a̧cu̧. Ja̧'hua̧nö̧ ja̧'a̧nä̧ Josuémä ä'inö ja̧u̧nu̧ yodomä jahuätötäcu.
|
||||
|
|
@ -0,0 +1 @@
|
|||
\v 10 Josuémä yoönä jä̧i̧ mo̧ro̧ päia'a ä̧rä̧mi̧'i̧nö̧ umöhuäyotö su̧ro̧da̧u̧ jo̧mȩnö̧ ttö̧ja̧ pä'ö toa pä'ö, ja̧'hua̧nö̧ ja̧'a̧ttö̧ Josué'inä Israel ttö̧ja̧ tä̧mö̧ sotö'inä, rohuähuö kä̧mä̧di̧nä̧tö̧ Hai ötahuiyä ttö̧ja̧rö̧ \v 11 O'catoi'önä curä rohuähuäcuähuä ttö̧ja̧ ja̧u̧cu̧ kä̧jä̧tö̧mä̧ ä̧rä̧mi̧'ö̧ ötahuiyä tö'cö päi'önä 'chä̧hui̧'i̧nä̧tö̧. Jahuätömä ötahuiyä tö'cö pȩjä̧mi̧nä̧tö̧ Hai ötahguiyättömä kä̧hua̧ u̧huo̧jua̧'a̧cu̧. Ju̧huȩnȩmä̧ ya'ute pämäroppä ki̧na̧'a̧ jahuätö ttö̧jo̧mȩcu̧ Hai ötahuiyäcu 'cä̧tȩ jo̧mȩnä̧. \v 12 Ja̧u̧mä̧ cinco milnö jo̧mȩnö̧ ȩmi̧nö̧ yo̧huȩi̧nä̧ dajahuächö ttö̧ja̧cua̧ pä'ö Betel'inä Hai ötahuiyättömä kä̧hua̧ mo̧ä̧cha̧'a̧cu̧ päte'ö ka̧cui̧nä̧tö̧.
|
||||
|
|
@ -0,0 +1 @@
|
|||
\v 13 O'catoi'änä umöhuäyotö curä tturohuähuäcuotömä pa̧'a̧nö̧ hue'ö ku̧ni̧nö̧, su̧ro̧da̧u̧ jue'ipotörömä ötahuiyättömä kä̧hua̧ u̧huo̧jua̧'a̧cu̧ hue'ö ku̧ni̧nö̧. Josué ja̧u̧nu̧ yodomä juȩnȩ pä̧mä̧roppänätä 'cuä'opinö. \v 14 Ja̧'hua̧ta̧'a̧nö̧ Hai ötahuiyä ru̧hua̧mä̧ topinö, ja̧u̧'i̧nä̧ umöhuäyotö su̧ro̧da̧u̧'i̧nä̧ yo̧ä̧sa̧ ja̧'a̧nä̧ ä̧rä̧mi̧'i̧nä̧tö̧ rohuähuö tti̧'cha̧ pä'ö Israel ttö̧ja̧rö̧ Jordan aje jäyoto pämäroppänä. Ja̧u̧mä̧ jerupinö ötahuiyä aboja'anö ya̧tȩ'i̧nä̧ tta̧ttä̧ra̧'a̧nä̧ ötahuiyä jȩpö̧ ticua pä'ö.
|
||||
|
|
@ -0,0 +1 @@
|
|||
\v 15 Josué'inä o'catoi'önä Israel ttö̧ja̧mä̧ juiyätö jä̧'i̧nö̧'ä̧nö̧ jȩpi̧nö̧tö̧ pä'äji ( ) jȩti̧nö̧ta'anö de'a jui̧yä̧jä̧ra̧'a̧cu̧, tö'ichinätö. \v 16 O'catoi'önä ötahuiyämä ka̧cuä̧tö̧rö̧ huopinätö̧ rutti'a pä'ö ötahuiyättömä oto päi'önä ru'i'inätö̧ Josué o'ca'anä. \v 17 Ya̧tȩ'i̧nä̧ ki̧'i̧po̧cö̧ pinö Hai ötahuiyättö'inä Betel ötahuiyättö'inä Israel ttö̧ja̧ tto'ca'anä ru'i'ocömä, ötahuiyämä toönätä̧ rä'opächinätö̧ äpate'inä bahuecuänötä ku̧ni̧pinätö̧ Israel ttö̧ja̧rö̧ ru'i'ömä.
|
||||
|
|
@ -36,7 +36,8 @@
|
|||
"Piaroa",
|
||||
"Alexandri_Cardozo",
|
||||
"Favio Alexandri Cardozo Gonzalez",
|
||||
"paria"
|
||||
"paria",
|
||||
"redä'ca teä'ca"
|
||||
],
|
||||
"finished_chunks": [
|
||||
"front-title",
|
||||
|
|
|
|||
Loading…
Reference in New Issue