pid_ezk_text_reg/16/53.txt

\v 53 Ja̧hua̧nö̧  ja̧'a̧ttö̧, TTO ppa̧da̧cua̧sä̧ pä'äji ta'anö̧ cuiäre micuäu juei cu̧ju̧nä̧rö̧nä̧ o'catoi'önä̧  ppeyänä̧ ka̧cuä̧tö̧rö̧'inä̧, ja̧hua̧ta̧'a̧nö̧ Samaria'inä̧ ppeyänä̧ ka̧cuä̧tö̧rö̧'inä̧; Ja'huätö jö̧ ta̧'a̧nö̧ cuiäre micuäu juei cu̧ju̧nä̧rö̧nä̧ jȩchä̧cua̧jä̧. \v 54 Ja̧hua̧nö̧ ji̧nomenä̧ cua̧monä̧tä̧ dä'ä ttu̧cuä̧cua̧jä̧; Ja̧hua̧nö̧ jȩcui̧na̧'a̧ttö̧ pätetö pä'ähuajutä cu̧jä̧cua̧jujä̧, ja̧hua̧nö̧ cusurähua'a toputä tta̧'cua̧ tȩmä̧cuo̧tö̧. \v 55 Ja̧hua̧nö̧ ja̧'a̧ttö̧ cuijähuaju Sodomamä̧ ki̧tti̧mucu̧ pä'äji kö̧jinö̧ta'nö̧tä̧ adicuaju päji'äcuaju,  ja̧hua̧ta̧'a̧nö̧ Samaria'inä̧ ki̧tti̧mucu̧mä̧ täbocu kö̧tä̧muttö̧ iyähuäji̧nö̧ ppa̧'a̧dä̧cuä̧hua̧ju̧ käcuaju. Ja̧hua̧nö̧ jo̧menä̧tä̧ ucu cui̧tti̧mucu̧mä̧ pä'äji ttö̧ji̧nö̧tä̧'a̧nö̧tä̧ pätti'äcuotö.