Sat Dec 30 2023 00:50:22 GMT-0400 (hora de Venezuela)

08/18.txt

@@ -1 +1 @@
-\v 18 \v 19 Joram'mä̧ Israel ruhuotö huettinö ta̧'a̧nö̧ hue'inö, jahuätöttömä Acab jȩi̧nö̧ ta̧'a̧nö̧. Ja̧u̧tä̧ Acab ittijuru irecua päi'önä ȩmi̧nö̧, ja̧hua̧nö̧ ja̧'a̧nä̧ Dios ä'ca jo̧mȩttö̧ suronä jȩpi̧nö̧.
+\v 18 Joram'mä̧ Israel ruhuotö huettinö ta̧'a̧nö̧ hue'inö, jahuätöttömä Acab jȩi̧nö̧ ta̧'a̧nö̧. Ja̧u̧tä̧ Acab ittijuru irecua päi'önä ȩmi̧nö̧, ja̧hua̧nö̧ ja̧'a̧nä̧ Dios ä'ca jo̧mȩttö̧ suronä jȩpi̧nö̧. \v 19 Ja̧hua̧nö̧ ja̧'a̧nä̧ Diosmä Juda ttö̧ja̧rö̧ jȩpö̧ icua pä'ocö pinö, David minärö amoecuädö, ja̧u̧ru̧ ji'äcu u̧ju̧ni̧na̧'a̧ ji̧na̧'a̧ ucu cuahuaruhuämä 'cuäopönätä̧ lampara tejäda'a pä'inö'anä tȩjä̧dä̧rö̧nä̧ ttö̧ja̧cuä̧cuo̧tö̧ pä'ö.

08/20.txt

@@ -0,0 +1 @@
+\v 20 Joram ö̧ji̧nö̧ pä̧nä̧, Edom ttö̧ja̧mä̧ Juda ttö̧ja̧ ttu̧ru̧hua̧rö̧ ttöjö'quiyönä jä̧u̧, jitötä i̧sa̧rö̧ ttu̧ru̧hua̧ pä'iönä ku̧ni̧nä̧tö̧. \v 21 Ja̧u̧nu̧ o'ca'a Joramä umuhuäyotö su̧ro̧da̧u̧ tturuhuotörö'inä o'ca juiyönä caruquiyä'inä ȩmi̧pö̧ 'chi̧nö̧; ja̧hua̧nö̧ ja̧'a̧ ji̧nä̧ yodonä jä̧i̧ Edom ttö̧ja̧mä̧.

08/title.txt

@@ -1 +1 @@
-SUNAMITA ISAJU KI̧RȨJÄ̧ PPA̧JÄ̧DI̧NÖ̧
+Capitulo 8

11/01.txt

@@ -0,0 +1 @@
+\c 11 \v 1 Ocazias a̧ju̧ Ataliamä ki̧tti̧ 'corupäia'a topinäju̧do ja̧ju̧mä̧ yotäcu ä̧rä̧mi̧ö̧ ru̧hua̧ juȩi̧pa̧ i̧tti̧mu̧rö̧ cuä'u icuinäjö̧. \v 2 Ja̧hua̧nö̧ ja̧'a̧ Josabamä Joram ittiju ji̧na̧'a̧, Ocazia ö̧ja̧huaju, Ocazias i̧tti̧ Joasrö ȩmo̧po̧'ö̧ icuinäcu ruhuotö jueipätö cuä'ö tticuomȩtä̧ päi'a'a ä̧'ä̧huo̧ca̧ jacuä dajö icuinö däjö icuinö, ja̧hua̧nö̧ ja̧'a̧ttö̧ cuä'ö icuocotö pi̧nä̧tö̧. \v 3 Joasmä Josabacutä Dios ojusode jacuä dajähuächinätö̧ 'cotö ki̧nä̧tö̧ ji̧mö̧tȩttö̧ yautenö a̧'ȩ jo̧mȩnä̧ juäjattö ruhuaju Atalia huejö pänä ji̧na̧'a̧.

11/04.txt

@@ -0,0 +1 @@
+\v 4 Ji̧mö̧tȩ koromotönö todärenö  päiomenä Joiadamä hueinö jittähuaja pä'ö, cienö jo̧mȩnä̧ tturuhuotörö'inä, hueähuä ttö̧ja̧rö̧'i̧nä̧, to̧ä̧rä̧cuä̧huä̧ ttö̧ja̧rö̧'i̧nä̧ o'catoinärö doädinö Dios ojusode jacuä, jatucu pa'anötä̧ ja̧cua̧'a̧ pä'ö ku̧ni̧nö̧, Dios ojusode jacuättö isonö ucuocuähuänätä̧ pä'ähuinätö̧. Ja̧u̧nö̧ o'comenä ru̧hua̧ i̧tti̧rö̧ i̧jȩpi̧nä̧u̧. \v 5 Ja̧u̧mä̧ hueönö pä'inä̧u̧, "pi̧yȩ ja̧'a̧t'ó jȩcuä̧tu̧cuä̧cuä̧mä̧. ucutu huäbodäcuänä 'que'ecuotöttömä sabado mo̧ro̧ petecuächatömä ru̧hua̧ hueode tta̧cuä̧rä̧cuo̧tö̧jä̧. \v 6 Korotö huäbodäcuänä 'que'ocuo̧tö̧mä̧ apate dȩa̧'a̧cy kä̧tȩmä̧ cu̧jä̧tu̧cua̧. Korotö huäbodäcuänä 'quȩ'ȩcuo̧tö̧mä̧ tta̧huä̧rä̧cuä̧huä̧ ttö̧ja̧ ttojusode abodenä to̧cuä̧rä̧cuo̧tö̧jä̧.

11/07.txt

@@ -0,0 +1 @@
+\v 7 Korotö todäre jo̧mȩ 'cä̧'ȩcuo̧tö̧mä̧ sabado mo̧ro̧ aditocotömä, ru̧hua̧cu̧tä̧ Dios ojusode tta̧tta̧rä̧cuo̧tö̧. \v 8 Korotömä ru̧hua̧ ippeyenä sobucuächönä cu̧jä̧tu̧cua̧, cu̧mu̧tu̧cu̧nä̧mä̧ cu'upä o'cä chu̧huä̧rä̧nö̧, ka̧ra̧rö̧'i̧nä̧ isahuänä doächörömä, cuä'ö cuicuätucuaja, ru̧hua̧ doächomenä'inä, rä'epomenä'inä ja̧u̧cu̧tä̧ cujä̧tu̧cua̧ja̧.

11/09.txt

@@ -0,0 +1 @@
+\v 9 Ja̧hua̧nö̧ ja̧'a̧ cienö pö̧nä̧ hueähuä ttö̧ja̧ päjätömä Dios i̧huȩ jiäcuähuä'i̧sa̧ hueäjita'anö jȩpi̧nä̧tö̧. Tttömuhuäyotö pönärö̧ ȩmi̧nä̧tö̧, adicuocö mo̧ro̧ ttaditacuotörö'inä, adicuäcä mo̧ro̧ ttaditiyäcuptörö'inä, o'catoinä Joida ä'ca jo̧mȩ 'chä̧hui̧'i̧nä̧tö̧. \v 10 Ja̧u̧nö̧ o'comenä, Dios i̧huȩn jiäcuähuä i̧sa̧ Joidamä, cienö pö̧nä̧rö̧ hueähuä ttö̧ja̧ päjätörö, dacuodiyä'inä curä obi'inä, David mi̧nä̧ iäre ji̧nö̧ Dios ojusodenä dajö icuinö iyächinö.

11/11.txt

@@ -0,0 +1 @@
+\v 11 Tta̧hua̧rä̧cuä̧huä̧ ttö̧ja̧ päjätömä, ttu̧mu̧nä̧ curä rohuäcuahuä 'chuä̧rä̧nö̧mru̧hua̧ ojusode sobucuächönä, ku icu iyähuome tö'cöhuächönä isähuänä ka̧cuä̧mi̧nä̧tö̧, ttuhuo̧ ja̧'a̧cu̧'i̧nä̧, ttö'ohue ja̧'a̧cu̧'i̧nä̧. \v 12 Ja̧u̧nö̧ o'comenä Joidamä; ru̧hua̧ Joas i̧tti̧rö̧ o'ö chi̧nö̧, ja̧u̧ru̧mä̧ coronä isobö'inä iyinäcu. Ja̧u̧nu̧ o'comenä unä a̧dȩja̧ uhuäninäcu, ru̧hua̧ ö̧ja̧ pä'ö, o'catoinä ttu̧mu̧ 'pȩ'ö̧ esehuinätö̧ pa̧'a̧nö̧ pä'ö kä̧nö̧ ¡iacuarä kä̧hui̧ ru̧hua̧!

11/13.txt

@@ -0,0 +1 @@
+\v 13 Ataliamä ttahuäräcuähuä̧ ttö̧ja̧'i̧nä̧ ötahuiyä ttö̧ja̧'i̧nä̧ pä̧i̧cu̧nä̧ huotta'a ä̧ju̧cu̧, Dios ojusodera'acu 'chä̧hui̧'i̧nä̧ju̧. Toja pä'ö. \v 14 Ja̧rȩpa̧ ru̧hua̧rö̧ ttö̧hua̧na̧'a̧ tojomenä 'chiecuäca jäyä ö̧ja̧'a̧ topinäju̧, ihueye jȩttä̧i̧jä̧nö̧tä̧, tta̧huä̧rä̧cuä̧huä̧ tturuhuotö'inä, trompeta ppö'ähuä ttö̧ja̧'i̧nä̧ ru̧hua̧ ippeyenä ka̧cui̧nä̧tö̧. O'catoinä ttö̧ja̧ juäjänä kä̧tö̧mä̧ ri̧ä̧nä̧ esehuinätö̧, trompetiyu'inä ppö'inätö̧ ja̧u̧nö̧ o'comenp Ataliamä kö̧'ca̧ta̧hua̧tä̧ sȩro̧cu̧ icu huopö kä̧nö̧ pä'inäju. ¡Suronä jȩcuä̧tu̧cuä̧cu̧sä̧ suronä jȩcuä̧tu̧cuä̧cu̧sä̧!

11/15.txt

@@ -0,0 +1 @@
+\v 15 Ja̧u̧nu̧ o'comenä Dios i̧huȩnȩ jiäcuähuä i̧sa̧ Joidamä Dios ojusode  jacuättö cuä'ö ttticuiyarö pä'ömä ku'cocö pinö, tta̧hua̧rä̧cuä̧huä̧ ttö̧ja̧ tturuhuotörö juene ka̧cuä̧tö̧rö̧ hueinö cumuhuäyotö tohuärenä kä̧nö̧ tta̧'a̧rä̧tö̧ru̧mä̧ rä'opö icuätucui juoröttö ya̧tȩ ruäreö ö̧jö̧ttö̧mä̧ curodänä cuä'ö cuicuätucuäröja. \v 16 Ja̧hua̧nnö̧ ja̧'a̧ chuädo poö ru̧hua̧ ojusodecu cahuäyotönä rättepäijätecuttö cuä'ö tticuinäcuä̧.

11/17.txt

@@ -0,0 +1 @@
+\v 17 Ja̧u̧nu̧ o'comenä, Joidamä iso jö̧nä̧ pä'ö ku̧na̧hua̧nä̧ Dios ä'ca jo̧mȩttö̧ pinö, ru̧hua̧'i̧nä̧, ttö̧ja̧'i̧nä̧ Dios umuhuäyotö ja̧ pä'ö, ja̧hua̧ta̧nö̧, ru̧hua̧ ä'cattö'inä ttö̧ja̧ ttäcattö'inä iso jö̧nä̧ ucuocuähuänä pä'inö. \v 18 Ja̧hua̧nö̧ ja̧'a̧ttö̧, o'catoinä ttö̧ja̧mä̧ dios baal ojusodera'a 'chänö jȩpö̧ icuinätö̧ ja̧hua̧ta̧'nö̧ dios baalrö ku icu iyähuä o'ca'inä, a̧'cua̧jui̧yä̧ tätö, ku̧nä̧huä̧ o'ca'inä cuäcuäpö jȩpö̧ icuinätö̧, Matánrö dios baal pä'ö huȩnȩ jiäcuähuä i̧sa̧rö̧'i̧nä̧ cuä'ö icuinätö̧ ku icu iyähuä ä'ca jo̧mȩttö̧, ja̧u̧nö̧ o'comenä Joidamä.

11/19.txt

@@ -0,0 +1 @@
+\v 19 Joidamä ötahuiyä ttö̧ja̧rö̧'i̧nä̧ cienö pö̧nä̧rö̧ hueähuä ttö̧ja̧rö̧'i̧nä̧, tta̧huä̧rä̧cuä̧huä̧ ttö̧ja̧rö̧'i̧nä̧, jahuätö o'catoinä ru̧hua̧rö̧ o'ipö 'chi̧nä̧tö̧ Dios ojusodettö, tta̧huä̧rä̧cuä̧huä̧ ttö̧ja̧ ttojusode ä'canätä cuä'oiö ru̧hua̧ ojusodera'a 'chi̧nä̧tö̧. Jua'attö Joamä ruhuottö ttö̧i̧nä̧'ca̧nä̧ pä̧mä̧di̧nö̧. \v 20 O'catoinä ötahuiyä ttö̧ja̧mä̧ esehuinätö̧, ötahuiyämä a̧'cua̧ttä̧ jö̧nä̧tä̧ ji̧na̧'a̧. Ataliarö ru̧hua̧ ojusodera'attö curodänä cuä'ö tticuaja'attö.

11/21.txt

@@ -0,0 +1 @@
+\v 21 Joa hueö ö̧jä̧mä̧di̧nö̧ pä̧nä̧mä̧ ttö̧jä̧pö̧ttö̧nö̧ todärenö a̧'ȩtä̧ ku̧nä̧ri̧nö̧

11/title.txt

@@ -0,0 +1 @@
+Capitulo 11

13/01.txt

@@ -0,0 +1 @@
+\c 13 \v 1 Veinti tresnö duo päinomenä ruhuonä huea'a Joas Ocazias i̧tti̧ Juda rȩjȩ ru̧hua̧, Joacaz Jehú i̧tti̧ ruhuonä huea pä'ö rötädinö Israel rȩjȩnä̧ Samariattö, ja̧hua̧nö̧ ja̧'a̧ diecisietesnö duo jo̧mȩnä̧tä̧ ruhuonä hue'inö. \v 2 Jaa̧u̧mä̧ suronätä̧ jȩpi̧nö̧ Dios ä'ca jo̧mȩttö̧, Jeroboam Natal i̧tti̧ suronä jȩi̧nö̧nä̧tä̧ chi̧nö̧, Israel ttö̧ja̧ suronä jȩttö̧nä̧ jȩpi̧nö̧ ja̧u̧mä̧; ja̧hua̧nö̧ ja̧'a̧ jahuätömä pporächi'ocö pinö.

13/03.txt

@@ -0,0 +1 @@
+\v 3 Ja̧hua̧ta̧'a̧nö̧ Dios Israel ttö̧ja̧rö̧ Siria ru̧hua̧ Hazael u̧mö̧nä̧tä̧ iyö icuinäu̧, Hazae i̧tti̧ Ben-adad u̧mö̧nä̧'i̧nä̧ iyö icuinä̧u̧ jahuätötä huetta'anä recuo ttö̧ja̧ pä'ö. \v 4 Ja̧hua̧nö̧ ja̧'a̧nä̧ Joacazmä Dios ppädiyarö pä'ötä jä̧'ȩpä̧ri̧nö̧. Diosmä ä̧ju̧cui̧nä̧cu̧, Israel ttö̧ja̧ usurä ttȩmä̧hua̧'a̧ toa'attö. Siria rȩjȩ ru̧hua̧'i̧nä̧ a̧cua̧tta̧nö̧ ji̧nä̧cu̧. \v 5 Ja̧hua̧nö̧ ja̧'a̧ Diosmä Israel ttö̧ja̧rö̧ ppädäcuähuä i̧sa̧rö̧ iyinö, ja̧hua̧nö̧ ja̧'a̧ Sirios ttö̧ja̧ 'quiyönä chö̧ttä̧ro̧mȩttö̧ rä'opächinätö̧, ja̧hua̧nö̧ ja̧'a̧ttö̧ Israel i̧tti̧mö̧mä̧ pä'äji ttö̧ji̧'ä̧nö̧ta̧'a̧nö̧tä̧ ki̧nä̧tö̧, ttoju odehuiyänätä̧.

13/06.txt

@@ -0,0 +1 @@
+\v 6 Pi̧yȩ o'ca juiyönä 'cuäopa'anä'inä surojöttömä Jeroboam ojusode ttömä pporächi'ocotö pinätö̧, suronä jȩttö̧nä̧ jȩi̧na̧'a̧nä̧'i̧nä̧, jahuätucutä cue'ächinätö̧; juhua'a jö̧ ta̧'a̧nö̧ ttö̧ä̧nä̧hua̧ju Asera ka̧u̧ca̧juȩtä̧ ki̧na̧'a̧ Samarianämä. \v 7 Joacazcumä ttö̧ja̧ recuätömä ki̧'i̧po̧co̧tö̧ pi̧nä̧tö̧, ja̧hua̧nö̧ jo̧ca̧'a̧ caballönä cue'ächätö ttömä cicuentanö huotötä ka̧cui̧pi̧nä̧tö̧, cäruquiyättömä tomörenö jahuä ocätä ki̧'i̧pi̧na̧'a̧, juhua'a jö̧ta̧'a̧nö̧ u̧mä̧tö̧ttö̧mä̧ diezmil jo̧mȩnä̧tä̧ ki̧'i̧pi̧nä̧tö̧; Siria rȩjȩ ru̧hua̧ jȩpö̧ icua ja̧'a̧ttö̧, rȩba̧'cuȩcu̧tti̧cua̧ba̧ jä̧i̧nö̧'a̧nö̧tä̧ ku̧ni̧pi̧nö̧.

13/08.txt

@@ -0,0 +1 @@
+\v 8 Joacaz aditinö ki̧'i̧pi̧nö̧ttö̧, o'ca juiyönä jȩi̧nö̧'i̧nä̧, ujuruhuinö'inä ¿huȩyu̧tu̧ ku̧nä̧hua̧'a̧ ko̧ca̧'a̧ tä̧ji̧ Israel ttö̧ja̧ tturuhuotö jȩtti̧nö̧ ta̧'a̧nö̧ huȩyu̧tu̧ ku̧nä̧huä̧ cuyäru'tänämä? \v 9 Ja̧hua̧nö̧ ja̧'a̧ Joacaz jä̧'o̧tö̧mi̧nä̧ 'corujuöttächinöta'anötä̧ korujuo'ächinö, ja̧hua̧nö̧, ja̧hua̧nö̧ ja̧'a̧ Samaria rȩjȩnä̧tä̧ 'turu tticuinäcu̧, ja̧hua̧nö̧ ja̧'a̧ttö̧ ja̧u̧ ruhuonä hueäi jomemä i̧tti̧ Joastä ruhuonä hueinö.

13/10.txt

@@ -0,0 +1 @@
+\v 10 Treinta siestenö duo u̧ju̧nä̧rö̧mȩnä̧ Joas Juda ttö̧ja̧ ttu̧ru̧hua̧, ruhuonä huea pä'ö rötädinö Joas Joacaz i̧tti̧ Israel ttö̧ja̧rö̧ Samarianä, ja̧hua̧nö̧ ja̧'a̧ diez y seisnö duo jo̧mȩnä̧ hueinö. \v 11 Ja̧hua̧nö̧ ja̧'a̧nä̧ Dios ä'ca jo̧mȩttö̧mä̧ suronätä̧ jȩpi̧nö̧. Nabat i̧tti̧ Jeroboam o'ca juiyönä suronä jȩi̧nö̧ttö̧mä̧ ji̧yȩtȩ'i̧nä̧ ku̧ni̧po̧cö̧ pinö, Israel ttö̧ja̧ suronä jȩttö̧nä̧ jȩpo̧nö̧ ja̧u̧mä̧, jahuätucutä cue'ächinö.

13/12.txt

@@ -0,0 +1 @@
+\v 12 Joas koro jȩi̧nö̧mä̧, o'ca juiyönä aditinö'inä, Juda ttö̧ja̧ ttu̧ru̧hua̧ Amazsiascu rohuähuö ujuruhuinö'inä, ¿Huȩyu̧tu̧ ku̧nä̧hua̧'a̧ ko̧ca̧'a̧ tä̧ji̧ Israelttö ruhuotö pinätö̧ jȩtti̧nö̧ ta̧'a̧nö̧ huȩyu̧tu̧ ku̧nä̧huä̧tö̧nö̧mä̧? \v 13 Ja̧hua̧nö̧ ja̧'a̧ Joas jä̧'o̧tö̧mi̧nä̧ 'corujuottächinö ta'anötä̧ 'coruhuo'ächinö, ja̧hua̧nö̧ ja̧'a̧ttö̧ ruhuonä hueä'ijomenä Jeroboamtä pä̧mä̧di̧nö̧: Joasmä Samarianätä̧ ttu'turinäcu̧ Israel ttö̧ja̧ tturuhuotö mi̧nä̧cu̧tä̧.

13/14.txt

@@ -0,0 +1 @@
+\v 14 Eliseomä na̧'a̧chi̧nö̧ 'coripäiäcue märicheittötä. Ja̧hua̧nö̧ ja̧'a̧ Joas Israel ttö̧ja̧ ttu̧ru̧hua̧mä̧ ja̧u̧ ö̧ja̧'a̧cu̧ mȩyȩhui̧nö̧, ja̧hua̧nö̧ ja̧'a̧ ja̧u̧ ä'ca jo̧mȩttö̧ ajuähuö kä̧nö̧ pä'inö: "Ttö chä'o, ttö chä'o, Israel öcäruquiyä'inä caballönä cue'ächätö'inä ttȩmi̧pä̧cu̧jä̧. \v 15 Ja̧hua̧nö̧ ja̧'a̧ Eliseo pä'inäcu̧: 'po'obö'inä 'po̧ä̧hua̧ri̧'i̧nä̧ ȩmi̧. Ja̧hua̧nö̧ ja̧'a̧ ja̧u̧mä̧ bo'obö'inä 'po̧ä̧huri̧'i̧nä̧ ȩmö̧ po'inö. \v 16 Ja̧u̧nu̧ o'comenä Eliseo pä'inö: po'obö huä̧mȩ cumö huä̧ni̧, ja̧hua̧nö̧ ja̧'a̧ ja̧u̧mä̧ u̧mö̧ po'obö huä̧mȩ hu̧äni̧nö̧. Juhua'a jö̧ ta̧'a̧nö̧ Eliseo'inä u̧mö̧pi̧yä̧ huä̧ni̧nö̧ ru̧hua̧ u̧mö̧pi̧yä̧ huä̧mȩ.

13/17.txt

@@ -0,0 +1 @@
+\v 17 Ja̧hua̧nä̧ ja̧'a̧ pä'inö: Päteönä toäcuähuate kä̧hua̧ räopa'acu kate baepi. Ja̧hua̧nö̧ ja̧'a̧ ja̧u̧ pahuepomenä, Eliseo pä'inö: Dios öäre 'poähuä i̧sa̧ri̧ ki̧'i̧cuä̧ i̧sa̧ri̧, Siria ttöjattö'inä ttö̧ji̧pä̧cua̧ri̧; Sirio ttö̧ja̧rö̧ cuä'ö i̧cuä̧cua̧ri̧ Afecttö'inä bettipächome jubö päiönätä̧. \v 18 Ja̧hua̧nö̧ ja̧'a̧ pä'äjita'anö ppä'ädö pä'inö: 'po̧ä̧hua̧ri̧ ȩmu̧. Ja̧u̧nu̧ o'comenä Israel ttö̧ja̧ ttu̧ru̧hua̧ ȩmä̧ji̧ o'comenä, pä'inö: rȩjȩ cuä'i. Ja̧hua̧nö̧ ja̧'a̧ ja̧u̧ huäbodäcuä jo̧mȩnä̧ cuä'ö cä'ädinö. \v 19 Ja̧hua̧nö̧ ja̧'a̧ Dios umöhuäya̧mä̧, ja̧u̧ru̧ ru̧hua̧rö̧ pä'inö: ji̧mö̧tȩnö̧ttö̧'i̧nä̧ koromö̧ttö̧ yochetenö jö̧ttö̧'i̧nä̧ cuäcuhuäjittömä, Siria ttö̧ja̧ttö̧mä̧ ya̧tȩ'i̧nä̧ ö̧ji̧pö̧ juiyönätä̧ jȩpö̧ cuicu'anö ja̧'a̧; ja̧hua̧nö̧ ja̧'a̧nä̧ jitämä huäbodäcuä jo̧mȩnä̧tä̧ cujuruhuacua̧jä̧ Siria ttö̧ja̧rö̧mä̧.

13/20.txt

@@ -0,0 +1 @@
+\v 20 Ja̧hua̧nö̧ ja̧'a̧ Eliseo 'corupäi'inö jahuätötä 'turu tticuinäcu̧: Järeö duo päiomenä ju̧huä̧jä̧ rȩjȩra̧'a̧ Moab ttö̧ja̧ cuorä ru̧hua̧ dodepinätö̧. \v 21 Ja̧hua̧nö̧ ja̧'a̧ ya̧tȩ hua'ö icuäjirö ttu'turomenä 'cuä'opina'a, jeruhua'ara'a tä topinätö̧ Moab ttö̧ja̧ curä ru̧hua̧rö̧ ja̧hua̧nö̧ ja̧'a̧ 'coruopä'i'äjirö icuinätö̧ Eliseo huahuorä jacuä, 'corupäi'äji päji Eliseo ihue'quiyucu mȩä̧huä̧cho̧mȩnä̧, tto'ächipö ö̧jä̧pi̧yä̧nä̧ ä̧rä̧mi̧'i̧nö̧.

13/22.txt

@@ -0,0 +1 @@
+\v 22 Hazael, Siria ttö̧ja̧ ttu̧ru̧hua̧mä̧, a̧cua̧tta̧nö̧ ji̧nä̧cu̧ Israel ttö̧ja̧rö̧ Joacaz ru̧hua̧ ö̧ji̧nö̧ pä̧nä̧mä̧. \v 23 Ju̧huȩttö̧'i̧nä̧ abonänö Diosmä re topinö jahuätörö. Juahua'a jö̧ ta̧'a̧nö̧ a̧'u̧ru̧ju̧nä̧nö̧ toinäu, Abrahamcu, Isacu Jacobcu adiunä pä'ö u̧ju̧ni̧na̧'a̧ttö̧, Ja̧hua̧nö̧ ja̧'a̧ttö̧ to'odejipö icua jo̧mȩttö̧mä̧ ya'opö icua päocou pi̧nä̧tö̧ jitä pi̧yȩ mo̧ro̧ jubö päiönätä̧. \v 24 Ja̧hua̧nö̧ ja̧'a̧ Siria ttö̧ja̧ ttu̧ru̧hua̧ Hazael 'corupäi'inö, ja̧hua̧nö̧ ja̧'a̧tö̧ ruhuonä hueä'i jo̧mȩmä̧ i̧tti̧ Ben-adadtä ruhuonä hue'inö. \v 25 Ja̧hua̧nö̧ ja̧'a̧nä̧ Joacaz i̧tti̧ Joas pä'äjita'anö ppa̧'a̧chö̧ Hazael i̧tti̧ Ben-adad u̧mö̧ttö̧ ötahuiyä 'cho'ipinö ja̧u̧tä̧ cuorä rohuäu icu jä'o Joacazrö choipinö ji̧nö̧mä̧. Joasmä̧ huabodäcuä jo̧mȩnä̧ cuorä rohuähuö juruhuinö, ja̧hua̧nö̧ jȩpö̧ pä'äjita'anö ötahuiyä ppa̧'a̧dö̧ iyinö Israel ttö̧ja̧rö̧.

13/title.txt

@@ -0,0 +1 @@
+Capitulo 13

17/01.txt

@@ -0,0 +1 @@
+\c 17 \v 1 To̧mä̧rȩttö̧ todärenö a̧'ȩ Acaz Juda ttö̧ja̧rö̧ hueinö pänä, Ela i̧tti̧ Oseamä ruhuo huea pä'ö kä̧mä̧di̧nö̧. \v 2 Ja̧u̧mä̧ hueinö samarianä'inä, Israelnämä ji̧mu̧trttö̧ pä̧ja̧cuä̧nö̧ jo̧mȩnä̧. Ja̧u̧mä̧ Dios ä'ca jo̧mȩttö̧ suronä jȩpi̧nö̧, ja̧u̧ ä'canä ruhuonä hueinätö jȩtti̧nö̧ a̧nö̧mä̧cö̧. \v 3 Asiria ru̧hua̧ Salmanasarmä, Oseacu ru̧hua̧ hui̧nö̧ ja̧u̧mä̧ umuhuäyotö juepinäcu imippotötä mitähuinö.

17/04.txt

@@ -0,0 +1 @@
+\v 4 Asiria ru̧hua̧mä̧ Osea suronä ucuocuächa' huo̧juä̧chi̧'i̧nö̧, Osea Egipto ru̧hua̧ Sorö jȩpi̧nö̧ ujurucu hueomettö̧ ppä̧dä̧ra̧ pä'ö; ja̧u̧nä̧ Asiria ru̧hua̧rö̧ kä̧hua̧ jö̧ a̧u̧cuä̧ imitähua ijanömä mitähuocö pinö ja̧hua̧nö̧ ja̧'a̧ttö̧ Asiria ru̧hua̧ ujurucu pä̧i̧cu̧nä̧ jȩpö̧ chuädö cärenä rutu icuinäcu. \v 5 Ja̧u̧nö̧ o'comenämä Asiria ru̧hua̧mä̧ o'cajuiyönä ötahuiyä rohuäu cho'ipinö, Samaria'inä 'cho'inpinö huäbodäcuä a̧'ȩ ki̧nö̧ juȩnȩmä̧. \v 6 Ji̧mö̧tȩttö̧ pa̧ja̧cuä̧nö̧ a̧'ȩ Osea hueomenä, Asiria ru̧hua̧mä̧ Samaria'inä 'choipinö; Israel ttö̧ja̧rö̧mä̧ Asiria'acu Halahrȩjȩnä̧ u̧ju̧ni̧nä̧u̧ Habor ajenämä, Gozan'inä medo ttötahuiyä'inä ki̧na̧'a̧.

17/07.txt

@@ -0,0 +1 @@
+\v 7 O'cajuiyönä pi̧yȩ cuä'opina'a Israel ttö̧ja̧ Ttö̧ä̧nä̧hua̧ Diosrö suronä jȩtti̧na̧'a̧ttö̧, epgipto ru̧hua̧ Faraón 'chu̧huä̧ro̧mȩttö̧ ja̧u̧nu̧mä̧ korotö ttö̧ä̧nä̧hua̧rö̧ esetinätö̧. \v 8 Juä̧jä̧ rȩjȩ Diosrö esetocotö jȩttö̧'a̧nö̧tä̧ jȩpö̧ ki̧nä̧tö̧ Dios rä'opö icuinö o'ca'amä, ji̧yȩmä̧ Israelttö ruhuotä jȩttä̧cuä̧ dottäri̧nö̧ ji̧na̧'a̧.

17/09.txt

@@ -0,0 +1 @@
+\v 9 Israel ttö̧ja̧mä̧ Ttu̧ru̧hua̧ Dios öjö'cocö yä̧huȩi̧nä̧ jȩpi̧nä̧tö̧ jueinä jo̧cö̧. Ötahuiyä jö̧ a̧u̧cuä̧ tätähuä o'ca aditächö ku̧ni̧nä̧tö̧ to̧pä̧rä̧tö̧ ttö̧jo̧mȩ jutä'inä ötahuiyä ttoecuä'ca 'quiyä'ca huä̧mȩ'i̧nä̧. \v 10 Möä'quiyö ju'tä'inä, Dauhuiyä dea'anä'inä ttö̧ä̧nä̧hua̧ ju̧ Asera ka̧cuä̧jui̧yä̧'i̧nä̧ o'quittö adicuä'a ärädächä ku̧ni̧nä̧tö̧.

17/11.txt

@@ -0,0 +1 @@
+\v 11 Ja̧u̧ o'canä incienso pähuä ku icu iyä'chinätö̧ juä̧jä̧ ttö̧ja̧ Dios ȩpi̧nä̧u̧ ttö̧ju̧'a̧nö̧tä̧ jȩpi̧nä̧tö̧. Diosröämä ö'ä'inä ö̧jö̧nä̧ ri̧ä̧nä̧tä̧ suronä jȩpi̧nä̧tö̧. \v 12 Juatömä tätähuä o'catä ucuo teähuinätö̧ Diosmä päina'a ji̧na̧'a̧. "Pi̧yȩmä̧ jȩ'cuä̧tu̧cuä̧".

17/13.txt

@@ -0,0 +1 @@
+\v 13 Diosmä jiähua'iaja'a ji̧na̧' Israel ttö̧ja̧rö̧'i̧nä̧ Judas ttö̧ja̧rö̧'i̧nä̧ i̧huȩnȩ jiäcuähuä ttö̧ja̧nä̧ o'cajuiyönä 'cuäopäcuämä pa'anö pä'inö: suronä jȩpö̧ cu̧jä̧tu̧cuä̧mä̧ttö̧mä̧ ppa̧'a̧chä̧tu̧cui̧, ttö huȩyu̧tö̧ huedinötä̧, jȩpä̧tu̧cui̧, ucuotönö cuä'otöminä jȩtti̧nö̧'a̧nö̧tä̧. Ttömä chumuhuäyotö chi̧huȩnȩ jiäcuähuä ttö̧ja̧rö̧tä̧ hueinösä̧.

17/14.txt

@@ -0,0 +1 @@
+\v 14 Ja̧hua̧nö̧ ja̧'a̧nä̧ jätömä ä̧ju̧cuo̧co̧tö̧pi̧nä̧tö̧ ttä̧'o̧tö̧ mi̧na̧'a̧nö̧tä̧ 'qui'inätö̧ Diosrö tteseta pä'ömä. \v 15 Ttä'otö mi̧nä̧rö̧ ucuocu huȩyu̧tö̧ jueö pähuänä ucuocuinömä esetocotö pinätö̧. Juätömä esetocotö jȩttö̧tä̧ jȩpi̧nä̧tö̧, juätö'anötä̧ juo'ächinätö̧; ttippeyenä kä̧tö̧ jȩttö̧tä̧ jȩpi̧nä̧tö̧ jȩcuä̧tö̧cuo̧ pä'inömä jarodinätö̧.

17/16.txt

@@ -0,0 +1 @@
+\v 16 Ttö̧ä̧nä̧hua̧ Dios hueipinömä jaropi'inätö̧do, curäuttö päcäyä i̧tti̧mö̧ tta̧u̧cuä̧ aditinätödo ja̧hua̧ta̧'a̧nö̧ Asera ka̧cuä̧jä̧'i̧nä̧ aditinätödo ja̧hua̧ta̧'a̧nö̧ Asera ka̧cuä̧jä̧'i̧nä̧ aditinätödo ucuotö jȩpi̧nä̧tö̧do mo̧ro̧jä̧ttö̧ si̧ri̧'cö̧i̧nä̧, ja̧hua̧ta̧'a̧nö̧ baalrö'inä esetinätö̧do. \v 17 Ja̧hua̧ta̧'a̧nö̧ tti̧tti̧mö̧ u̧mä̧tö̧rö̧'i̧nä̧, nä̧tö̧rö̧'i̧nä̧, ocuränä kuicu iyähuä jȩpi̧nä̧tö̧, juei jiäcuähuä i̧sa̧rö̧'i̧nä̧, ttu̧mä̧ri̧tö̧rö̧'i̧nä̧, ku̧nä̧ri̧nä̧tö̧ suroju adita'anä ättäpäyotötä iyähuinätö̧ Dios ö̧'ä̧i̧tä̧ uhuäbeö ku̧ni̧nä̧tö̧. \v 18 ja̧hua̧nö̧ ja̧'a̧ Israel ttö̧ja̧rö̧ rö̧ä̧nä̧ öjö'coca'attö to̧ä̧rä̧i̧jo̧mȩttö̧mä̧ siepö icuinäu̧, ja̧hua̧nö̧ jo̧'ca̧'a̧ Judas ttö̧ja̧tp ki̧'i̧pi̧nä̧tö̧.

17/19.txt

@@ -0,0 +1 @@
+\v 19 Ja̧hua̧nö̧ ja̧'a̧nä̧ Judas ttö̧ja̧'i̧nä̧ Ttö̧ä̧nä̧hua̧ Dios hueinömä jȩpo̧co̧tö̧ pi̧nä̧tö̧, Diosrä esetocotö Israel ttö̧ja̧ jȩtti̧nö̧'a̧nö̧tä̧ jȩpi̧nä̧tö̧. \v 20 Ja̧hua̧nö̧ ja̧'a̧ttö̧ o'catoinä Israel ttö̧ja̧ tti̧tti̧mö̧  'cotörö'inä icuipinäu̧, ja̧u̧mä̧ ro̧'ȩpö̧nö̧ ttaboiyotörötä iyipinä̧u̧ toö juiyönätä.

17/21.txt

@@ -0,0 +1 @@
+\v 21 David uruhuo ji̧nö̧mä̧, Diosmä Israel ttö̧ja̧rö̧ 'choipomenämä, Jeroboam Nabat i̧tti̧rö̧tä̧ tu̧ru̧hua̧ ru̧hua̧ jö̧nä̧tä̧ ku̧ni̧nä̧tö̧, ja̧u̧mä̧ Israel ttö̧ja̧rö̧ jö̧nä̧tä̧ ku̧ni̧nä̧tö̧, ja̧u̧mä̧ israel ttö̧ja̧rö̧ Diosttö 'quȩ'ȩpö̧ icuinö ja̧hua̧nö̧ jȩo̧mȩnä̧ Dios ä'cattö rö̧ä̧nä̧ suronä jȩpi̧nö̧. \v 22 Israel ttö̧ja̧mä̧ Jeroboan su̧rä̧jä̧mä̧nä̧ oipa'acutä 'chi̧nä̧tö̧, suronä jȩttö̧mä̧ icuipocotö pi̧nä̧tö̧. \v 23 Röjinä, Diosmä Israek ttö̧ja̧ttö̧mä̧ 'quȩ'i̧pä̧chi̧nö̧, Dios i̧huȩnȩ jiäcuähuä ttö̧ja̧nä̧ ucuocuinö'a̧nö̧tä̧, ja̧hua̧nö̧ ja̧'a̧ttö̧ Israel ttö̧ja̧mä̧ jitötä tti̧rȩja̧'a̧ ttȩmi̧pi̧nä̧u̧ Asiriara'a, jitä mo̧ro̧ jubötä jua'atä kä̧tö̧.

17/24.txt

@@ -0,0 +1 @@
+\v 24 Asiria ru̧hua̧mä̧ Babiloniara'attö̧'i̧nä̧, Cutara'attö'inä, Ava ra'attä'inä, ttamat'ttöinä, Sefarvainttö'inä, ttö̧ja̧rö̧ 'cächinö, juätörö Israel ttö̧ja̧ ttötahuiyä Samarianä ku̧ni̧nö̧ juätömä ttidepiyötä juepö, juȩnȩ ötahuiyänätä̧ ka̧cui̧nä̧tö̧. \v 25 A̧cuo̧mȩnä̧ji̧ juä̧nȩ ttö̧ja̧ pä'ö tti̧rȩbȩhuo̧mȩnä̧mä̧ Diosmä esetocotö pi̧nä̧tö̧. Ja̧hua̧nö̧ ja̧'a̧ttö̧ Diosmä mö̧yä̧hui̧tö̧rö̧ hueinö, juätömä yotucunärö cuä'ö icuinätö̧. \v 26 Ja̧hua̧nö̧ ja̧u̧ juätömä Asiria ru̧hua̧rö̧ ucuocu pä'inätö̧. Ötahuiyä u̧mi̧ttö̧ i'cächö Samarianä cu̧ju̧ni̧nä̧u̧ pi̧nä̧tö̧mä̧, Dios pi̧jä̧ttö̧ jȩpö̧ ttö̧ja̧ pä'ö hueinömä jerupätö. Ja̧hua̧nö̧ ttieruhua'attö ttö̧'cä̧tȩnä̧ mö̧yä̧hui̧tö̧rö̧ huea'a topöjä. Juätö mö̧yä̧hui̧tö̧mä̧ ttö̧ja̧rö̧ cuä'ö icuätö, Dios pi̧jä̧ttö̧ hueinö jȩpö̧ ttö̧jo̧ca̧'a̧ttö̧.

17/27.txt

@@ -0,0 +1 @@
+\v 27 Asiria ru̧hua̧nä̧ hueönö päinäu̧: Samaria ra'attö Dios i̧huȩnȩ jiäcuähuä ttö̧ja̧, jua'attö cui'cächatucuarumä, jua'atä ttö̧ja̧ oipätucuitö, jua'attötä juä̧jä̧ttö̧ Dios päinö huȩnȩ jitähuäcuotö. \v 28 Samariattä ttȩmi̧pi̧nä̧u̧ Dios i̧huȩnȩ jiäcuähuä ttö̧ja̧ttö̧ ya̧tȩ, ichö Betelnä ki̧nö̧, juȩnȩtä̧ kä̧nö̧ Di̧osrö tteseta pä'ö jiähuinö.

17/29.txt

@@ -0,0 +1 @@
+\v 29 Ja̧hua̧nö̧ ja̧'a̧nä̧ ko̧ro̧jä̧ttö̧ ichäcuähuotömä ttö̧ä̧nä̧hua̧tö̧rö̧tä̧ tätö ku̧nu̧ aditinätö̧ juätörömä Samaria ttö̧ja̧ ttaditinö ode ju'tä ku̧ni̧nä̧tö̧, ttö̧jo̧mȩ pö̧nä̧. \v 30 Babilonia ttö̧ja̧mä̧ dios negalrö aditinätö̧, Hamat ttö̧ja̧mä̧ dios Asimarö aditinätö̧. \v 31 Aveo ttö̧ja̧mä̧ dios Nibhazrö'inä - Tartac'rö'inä aditinätö̧. Serfaditamä tti̧tti̧mu̧rö̧ ku icu iyinätö̧ Adramelec'rö'inä - Anamelec'röinä, jätömä Serfarain ttö̧ä̧nä̧huo̧ttö̧ ji̧na̧'a̧.

17/32.txt

@@ -0,0 +1 @@
+\v 32 Järeunä ichätömä Diosrö'inä esetinätö̧ jätömä pä̧huä̧rö̧ja̧'a̧nö̧ huotörö Dios päö huȩnȩ jiäcuähuä ttö̧ja̧ jö̧nä̧ ku̧ni̧nä̧tö̧ pä̧huä̧rö̧ ja̧'a̧nö̧ ttiya pä'ömä. \v 33 Diosrö'inä teseta'anö yitö ttö̧ä̧nä̧hua̧rö̧ esetinätö̧ korome ttö̧ja̧  jȩttö̧'a̧nö̧tä̧ jȩpi̧nä̧tö̧.

17/34.txt

@@ -0,0 +1 @@
+\v 34 Jitö pi̧yȩ mo̧ro̧ jubötä, ttä̧do̧tö̧mi̧nä̧'i̧nä̧ jȩtti̧nö̧'a̧nö̧tä̧ jȩpö̧ ka̧cuä̧tö̧, Diosrö'inä esetocotö hueinö'anömä jȩpo̧ci̧tö̧. Javobmi̧nä̧ ahuaruhuä 'cotörömä jȩttä̧cuä̧'i̧nä̧ huȩyu̧tö̧ ku̧ni̧nö̧, i̧mi̧mä̧ pärotö icuinäcu Israel jö̧nä̧tä̧. \v 35 Israel ttö̧ja̧cu̧ jueönä ucuocu ku̧nä̧huä̧nä̧ pä'inö korotö ttö̧ä̧nä̧hua̧tö̧rö̧ ucuotö jȩtta̧i̧a̧nö̧mä̧ jȩcuä̧tu̧cuä̧ ä'cattö jä̧rȩyö̧ päiö'inä jȩcuä̧tu̧cuä̧, ku icu iyähuä'inä jȩcuä̧tu̧cuä̧.

17/36.txt

@@ -0,0 +1 @@
+\v 36 Diosrötä esetätucui. Egiptottö ujurucu rä'opö icuinörö̧tä̧, ja̧u̧ Chuä̧cua̧rö̧tä̧ esetö cuiäre iyähuä'inä iyätucui. \v 37 Ucuotönö ttö̧huȩcuä̧nä̧ Dios hueipinömä jȩpä̧tu̧cui̧, hueähuä huȩnȩ'i̧nä̧ huȩyu̧tö̧ iyinö, korotörumä cuesetätucuo. \v 38 Dios ucutucu jueö pähuänä ucuocu u̧ju̧ni̧nö̧mä̧ cunichiätucuo ja̧hua̧nö̧ jö̧ttö̧ ka̧ra̧ diosrömä cuesetätucuó.

17/39.txt

@@ -0,0 +1 @@
+\v 39 Dios Chuä̧cua̧rö̧tä̧ ja̧u̧tä̧ ja̧'a̧ ta̧bo̧cha̧ ujuruttö tö̧ji̧pö̧nä̧ jȩä̧cua̧mä̧. \v 40 Ja̧hua̧nö̧ ja̧'a̧nä̧ esetocotö pinätö̧; ttä̧do̧tö̧mi̧nä̧ jȩtti̧nö̧'a̧nö̧tä̧ jȩpi̧nä̧tö̧. \v 41 ja̧hua̧nö̧tä̧, jareönä ka̧cuä̧tö̧mä̧ Diosrötä  esetinätö̧, tteseta'anäi̧nä̧ jitötä ttö̧ä̧nä̧hua̧rö̧'i̧nä̧ esetinätö̧, jitä pi̧yȩ mo̧ro̧ jubötä tti̧tti̧mö̧ 'cotö'inä ja̧hua̧nö̧tä̧ jȩpi̧nä̧tö̧.

17/title.txt

@@ -0,0 +1 @@
+Capitulo 17

18/36.txt

@@ -0,0 +1 @@
+\v 36 'Corunätä ka̧cui̧nä̧tö̧ ttö̧ja̧mä̧ ja̧hua̧ta̧'a̧nö̧ ädätocotö pinätö̧, jo̧mȩnö̧tä̧ jȩpö̧ u̧ju̧na̧'a̧ttö̧: "ädätäcuähuä'inä juiyunätä". \v 37 Eliaquimä, Hilcias i̧tti̧ ji̧na̧'a̧, ojusodenä ki̧nö̧ ji̧na̧'a̧, Sebnamä huȩyu̧cuä̧'i̧sa̧, Ezequiasrö ichicuipinätö̧ cronista ttö̧ja̧ tto̧ca̧ta̧hui̧yu̧mä̧ rä̧'chȩnö̧ jö̧nä̧ ja̧hua̧ta̧'a̧nö̧ jiähuinätö̧ ja̧u̧rö̧ so̧ro̧da̧u̧ ttu̧ru̧hua̧ juȩi̧pa̧ i̧huȩnȩ'i̧nä̧.

25/04.txt

@@ -0,0 +1 @@
+\v 4 \v 5

25/11.txt

@@ -0,0 +1 @@
+\v 11 Ja̧hua̧ta̧'a̧nö̧ ötahuiyä ttö̧ja̧ ki̧nä̧tö̧mä̧ juȩnȩ ötahuiyänä, Babilonia ru̧hua̧cu̧ ji̧nä̧ yo̧mȩtȩ pä'i'inätö̧do, ja̧hua̧ta̧'a̧nö̧ Vulganä ca̧ca̧cui̧pi̧nä̧tö̧ pi̧nä̧tö̧mä̧ Nabusarada, ttö̧ja̧rö̧ tta̧huä̧rä̧cuä̧huotö ttu̧ru̧hua̧ ji̧na̧'a̧ ȩmi̧pi̧nä̧u̧do dajö hua'adö ku̧nä̧huo̧tö pä'i'inätö̧do ja̧u̧ u̧mu̧nä̧. \v 12 Tta̧huä̧rä̧cuä̧huä̧ ttö̧ja̧ ttu̧ru̧hua̧mä̧ ja̧huä̧jä̧ rȩjȩnä̧ ka̧cuä̧tö̧ ttö̧ja̧ usurä isotörömä ja̧'a̧tä̧ topinödo uva pättiyu ttaditäcuotö pä'ö amucuäda'attö ja̧hua̧jä̧ rȩjȩ adicuä ttö̧ja̧ pättiäcua'attö.

25/13.txt

@@ -0,0 +1 @@
+\v 13 Ja̧hua̧ta̧'a̧nö̧ Caldeo ttö̧ja̧mä̧ ttu̧ru̧hua̧ tö̧ä̧nä̧hua̧ ojusode jacuä ka̧cu̧ broncettö adicuä o'ca yu̧ȩpa̧rö̧nä̧ ka̧cu̧mä̧ cuäö tȩ'chä̧rö̧ icuinätödo ja̧hua̧ta̧'a̧nö̧ rȩjȩnä̧ 'quiyönä ppaepu rötähuäjä ajiya räba kiyönära päö kiädäcuähuä 'quiyumä Ttu̧ru̧hua̧ ttö̧ä̧nä̧hua̧ oju isodenä ka̧cuä̧i̧jö̧mä̧ ppoäsätä päiönä jȩpu̧ icuinätö̧do ja̧u̧nu̧ o'comenämä bronce cuoräumä ȩpi̧nä̧tödo Babiloniara̧'a̧. \v 14 Ja̧hua̧ta̧'a̧nö̧ ȩmi̧pi̧nä̧tö̧do bäreu öribiyu'inä pala oya'inä, lampariyu'inä huȩ'chä̧qui̧yu̧'i̧nä̧, o'cajuiyönä daö juäopu jȩä̧cuä̧huä̧ broncettö̧ adicuä Dios i̧huȩnȩ jiäcuähuä ttö̧ja̧ daö juattopäijö'inä ttihuiroaijö'inä Dios ö̧jo̧de jacuättö, Caldeos ttö̧ja̧mä̧ na̧u̧cu̧ ȩmi̧pi̧nä̧tö̧do. \v 15

25/title.txt

@@ -0,0 +1 @@
+Capitulo 25

manifest.json

@@ -44,6 +44,7 @@
 		"01-03",
 		"01-05",
 		"01-07",
+		"01-09",
 		"01-11",
 		"01-13",
 		"01-15",
@@ -111,6 +112,19 @@
 		"08-10",
 		"08-13",
 		"08-16",
+		"08-18",
+		"08-20",
+		"11-title",
+		"11-01",
+		"11-04",
+		"11-07",
+		"11-09",
+		"11-11",
+		"11-13",
+		"11-15",
+		"11-17",
+		"11-19",
+		"11-21",
 		"12-title",
 		"12-01",
 		"12-04",
@@ -121,6 +135,35 @@
 		"12-15",
 		"12-17",
 		"12-19",
+		"13-title",
+		"13-01",
+		"13-03",
+		"13-06",
+		"13-08",
+		"13-10",
+		"13-12",
+		"13-14",
+		"13-17",
+		"13-20",
+		"13-22",
+		"17-title",
+		"17-01",
+		"17-04",
+		"17-07",
+		"17-09",
+		"17-11",
+		"17-13",
+		"17-14",
+		"17-16",
+		"17-19",
+		"17-21",
+		"17-24",
+		"17-27",
+		"17-29",
+		"17-32",
+		"17-34",
+		"17-36",
+		"17-39",
 		"18-title",
 		"18-01",
 		"18-04",
@@ -136,6 +179,7 @@
 		"18-28",
 		"18-31",
 		"18-33",
+		"18-36",
 		"19-title",
 		"19-01",
 		"19-03",
@@ -154,6 +198,7 @@
 		"23-17",
 		"23-19",
 		"23-21",
-		"23-24"
+		"23-24",
+		"25-11"
 	]
 }