See in Reader
Wed Dec 06 2023 10:04:01 GMT-0400 (hora de Venezuela)
This commit is contained in:
commit
51959a42a1
|
|
@ -0,0 +1 @@
|
|||
\v 1 Acab hua'ö icuinö o'co'a Moabmä Israel ttö̧ja̧cu̧ örohuähua pä'ö amocuädinödo. \v 2 Ja̧hua̧nö̧ ja̧'a̧nä̧ Ocozíasmä Samaria'ra̧'a̧ kode ojusodettö ä̧'o̧ca huä̧mȩttö̧ päte'önä toäcuähuatenä mo̧'ä̧chi̧nö̧ idepänä rö̧ä̧nä̧ toe'önä. Ja̧hua̧nö̧ jä̧cu̧ huȩnȩ jiäcuähuä ttö̧ja̧rö̧ hue'ö kä̧nö̧, jahuätörö pä'inö: "'Chä̧nö̧ jä'epäjätucui Ecrón ötahuiyä ttö̧ja̧ ttö̧ä̧nä̧hua̧ dios Baal Zebubrö, pi̧yȩ na̧dä̧chö̧ttö̧ chö̧'i̧pä̧cua̧'a̧ ja̧ pä'ö."
|
||||
|
|
@ -0,0 +1 @@
|
|||
\v 3 Ja̧jua̧nö̧ ja̧'a̧ Dios huȩ'ä̧hua̧ Angel'i̧sa̧ ucuocu pä'inö Elías tisbita ttö̧ja̧ i̧sa̧rö̧: Samaria ttö̧ja̧ ttu̧ru̧hua̧ huȩä̧jä̧u̧ru̧ cu̧'o̧cui̧'a̧ ä̧rä̧mi̧'ö̧ täi, jahuätörö jäcuepaja: '¿Israel ttö̧ja̧ tti̧rȩjä̧nä̧ Diosmä toa'a tä̧ji̧, Ecron ttö̧ja̧ ttö̧ä̧nä̧hua̧ dios Baal Zebub'rötä jä'epö cui̧'chä̧tu̧cu̧nä̧? \v 4 Ja̧hua̧nö̧ ja̧'a̧nä̧ pa̧'a̧nö̧ pä'äji chu̧ru̧hua̧ Diosmä: "Cu̧'ä̧ppä̧ttö̧mä̧ ucumä cuä̧rä̧mi̧yä̧cua̧jä̧, ja̧hua̧nö̧ jo̧ca̧'a̧ juhuorötä hua'ö cuicuome jobö." Ja̧hua̧nö̧ pä'ipötä Elíasmä i̧hui̧nö̧.
|
||||
|
|
@ -0,0 +1 @@
|
|||
\v 5 Hue'ähuotö päjätö ru̧hua̧ ö̧ja̧'a̧cu̧ ppa̧ttä̧cho̧mȩnä̧, jä'epö ä̧ju̧cui̧nä̧u̧: ¿Tta̧'a̧nö̧ pä'ö ppa̧cu̧huä̧chä̧tu̧cuä̧ttö̧? \v 6 Jahuätö ädätö pättinä̧cu̧: "Ya̧tȩ Dios u̧mu̧huä̧ya̧ ujuturu po̧cui̧pö̧ pa̧'a̧nö̧ pä̧ä̧u̧jä̧: Tätucui jahuata'anö hue'äji ru̧hua̧rö̧tä ppa̧'ä̧chö̧ pa̧'a̧nö̧ ji'ähuätucuirö: "Diosmä pa̧'a̧nö̧ pä'äji pä'ö: ¿Israel rȩjȩnä̧mä̧ Dios toa'a tä̧ji̧, Ecrom ttö̧ja̧ ttö̧ä̧nä̧hua̧ dios Baal Zebub'rötä jättepiyacu pä'ö huecunä? Ja̧hua̧nö̧ ja̧'a̧nä̧ cu̧'ä̧ppä̧nä̧ cu̧'o̧mȩttö̧mä̧ cuä̧rä̧mi̧yä̧cua̧jä̧, iso päi'önä̧ ju̧huä̧ppä̧nä̧ cu̧'o̧mȩttö̧tä̧ hua'ö cui̧cuä̧cua̧jä̧."
|
||||
|
|
@ -0,0 +1 @@
|
|||
\v 7 Ja̧hua̧nö̧ ja̧'a̧ ja̧u̧ ru̧hua̧ pä̧i̧nä̧u̧: "¿Tta̧'a̧nö̧ hua̧ ja̧'a̧cuä̧ttö̧ ja̧u̧ Dios u̧mu̧huä̧ya̧ tocu'äjätucuäcumä, ucuturu pö̧cui̧pö̧ i̧mi̧cu̧nä̧ jö̧ huȩnȩ ji'ähuäjimä?" \v 8 Ja̧hua̧nö̧ pä̧u̧ jahuätö ttädätinä̧cu̧: "Ja̧u̧ Dios u̧mu̧huä̧ya̧mä̧ i̧sa̧ uhuo'chettö adicua'a 'ca̧tä̧huä̧ji̧, juhua'a jö̧ ta̧'a̧nö̧ äcänä kärocuächönä i̧sa̧ i̧jȩta̧ttö̧ adicua'a rö̧nä̧rä̧ji̧ jö̧nä̧." Ja̧hua̧nö̧ pättäcu ru̧hua̧ ädätinä̧u̧: "Ja̧u̧mä̧ Elías tisbita ttö̧ja̧'i̧sa̧ ja̧'a̧."
|
||||
|
|
@ -0,0 +1 @@
|
|||
\v 9 Ja̧u̧nu̧ o'ca'a ru̧hua̧mä̧ hue'inö su̧ro̧da̧u̧ ttu̧ru̧hua̧rö̧'i̧nä̧, u̧mu̧huäyotö 50nö huotöcu Elías ö̧ja̧'a tti̧'cha̧ pä'ö. Ja̧u̧ su̧ro̧da̧u̧ ttu̧ru̧hua̧mä̧ huä̧mi̧pi̧nö̧ Elías ö̧jo̧mȩ möä'ca ju'tä. Ja̧hua̧nö̧ ja̧'a̧ su̧ro̧da̧u̧ ttu̧ru̧hua̧ pä'inö ja̧u̧ru̧: "Dios u̧mu̧huä̧ya̧, ru̧hua̧mä̧ hue'äji cui̧mȩyȩhua̧ pä'ö." \v 10 Ja̧hua̧nö̧ päcu Elíasmä ädätö pä'inö su̧ro̧da̧u̧ ttu̧ru̧hua̧rö̧: "Iso päi'önä Dios u̧mu̧huä̧ya̧ chö̧ttömä, ocurä mo̧ro̧jä̧ra̧ttö̧ mȩyȩhui̧'i̧, jahuata'anö 50nö huotö su̧ro̧da̧u̧ru'i̧nä̧, ttu̧ru̧hua̧rö̧'i̧nä̧ cui'i'i." Ja̧hua̧nö̧ päö ji̧yȩnä̧tä̧ ocurä mo̧ro̧jä̧ra̧'a̧ttö̧ mȩyȩhui̧'ö̧ chutä su̧ro̧da̧u̧ ttu̧ru̧hua̧rö̧'i̧nä̧, 50nö huotö u̧mu̧huäyotörö'i̧nä̧ cui'i'ina̧'a̧.
|
||||
|
|
@ -0,0 +1 @@
|
|||
\v 11 Ja̧hua̧nö̧ ja̧'a̧ ru̧hua̧ Ocozíasmä pä'äji ta̧'a̧nö̧ ppa̧'ä̧dö̧ ka̧ra̧ su̧ro̧da̧u̧ ttu̧ru̧hua̧rö̧ hue'inö u̧mu̧huäyotö 50nö huotöcu Elías ö̧ja̧'a̧ tti̧'cha̧ pä'ö: Ja̧hua̧nö̧ ja̧'a̧ su̧ro̧da̧u̧ ttu̧ru̧hua̧mä̧ ucuocu pä'inö Elíasrö: "Dios u̧mu̧huä̧ya̧, ru̧hua̧mä̧ pa̧'a̧nö̧ pä'äji: 'Jurunä̧nö̧ i̧mȩyȩhuä̧cha̧ ji'ähuätucuirö jö̧nä̧."' \v 12 Ja̧hua̧nö̧ ja̧'a̧ Elías ädätö pä'inö jahuätörö: Iso päi'önä Dios u̧mu̧huä̧ya̧ chöttömä,ocurä mo̧ro̧jä̧ra̧ttö̧ mȩyȩhui̧'i̧, jahuata'anö 50nö huotö su̧ro̧da̧u̧ru̧'i̧nä̧, ttu̧ru̧hua̧rö̧'i̧nä̧ cui'i'i." Ja̧hua̧nö̧ päö ji̧yȩnä̧tä̧ pä'äji ta'anö mo̧ro̧jä̧ra̧'a̧ttö̧ Diosttö ocurä mȩyȩhui̧'ö̧ cui'i'ina̧'a̧ chutä su̧ro̧da̧u̧ ttu̧ru̧hua̧rö̧'i̧nä̧, u̧mu̧huäyotö 50nö huotörö'i̧nä̧.
|
||||
|
|
@ -0,0 +1 @@
|
|||
\v 13 Ju̧huȩnȩ yabonö ru̧hua̧mä̧ hue'inö huäbodäcuänä päi'önä 50nö huotö su̧ro̧da̧u̧ru̧. Pide su̧ro̧da̧u̧ ttu̧ru̧hua̧mä̧ Elías ö̧jo̧mȩ 'chä̧nö̧ ä'ca jo̧mȩ ihue'quiyunä.pä̧mä̧dö̧ jä'epö pä'inö: "Dios u̧mu̧huä̧ya̧, jädepäcujä, ja̧'a̧tä̧ topi ttö cha̧'cua̧rö̧'i̧nä̧, pitö cu̧mu̧huäyotö 50nö huotö tta̧'cua̧rö̧'i̧nä̧ rö̧ä̧nä̧ adihua pä'ö ucu cuä'ca jo̧mȩttö̧. \v 14 Iso päi'önä̧tä̧, ocurämä mo̧ro̧jä̧ra̧'a̧ttö̧ mȩyȩhui̧'ö̧ äcuo̧mȩnä̧ ta̧ju̧ru̧ su̧ro̧da̧u̧ tturuhuotörö ttu̧mö̧huäyotöcutä cui'i'ina̧'a̧. Ja̧hua̧nö̧ ja̧'a̧nä̧ jitämä ja̧'a̧tä̧ topi ttö chö̧jö̧ adihua pä'ö ucu cuä'ca jo̧mȩttö̧."
|
||||
|
|
@ -0,0 +1 @@
|
|||
\v 15 Dios u̧mu̧huä̧ya̧ angel i̧sa̧ Elíasrö pä'inö: "Mȩyȩu̧ ja̧u̧cu̧tä̧ täi. Yecuecuä ja̧u̧ru̧mä̧." Ja̧hua̧nö̧ ja̧'a̧ Elíasmä̧ ä̧rä̧mi̧'ö̧ ja̧u̧cu̧ 'chi̧nö̧ ru̧hua̧ ö̧ja̧'a̧cu̧. \v 16 Ja̧hua̧nö̧ ja̧'a̧ Elíasmä Ocozíasrö pä'inö: "Pi̧yȩtä̧ ja̧'a̧ chu̧ru̧hua̧ Dios pääjimä: Baal Zebub Ecron ttö̧ja̧ ttö̧ä̧nä̧hua̧ diosrötä jättepäjiyacu pä'ö huȩnȩ jiäcuähuä ttö̧ja̧rö̧ hue'äjijä. Ja̧hua̧nö̧ ja̧'a̧nä̧, ¿Israel rȩjȩnä̧ Diosmä toa'a tä̧ji̧ ucu jäcuepö'anö hua̧mä̧? Ja̧hua̧nö̧ jȩcu̧'a̧ja̧'a̧ttö̧ cu̧'ä̧ppä̧ttö̧mä̧ cuä̧rä̧mi̧yä̧cua̧jä̧, ja̧hua̧nö̧ jo̧ca̧'a̧ iso päi'önä̧tä̧ ju̧huä̧ppä̧ttö̧tä̧ hua'ö cui̧cuä̧cua̧jä̧."
|
||||
|
|
@ -0,0 +1 @@
|
|||
\v 17 Ja̧hua̧nö̧ ja̧'a̧ ru̧hua̧ Ocozíasmä Dios Elíasnä ucuocuinö̧ta̧'a̧nö̧tä̧ 'coruju'ächinö. Ocozíasmä i̧tti̧ to'inö. Ja̧hua̧nö̧ ja̧'a̧ttö̧ hueä'ijomemä Joramtä ruhuonä huea pä'ö kä̧mä̧di̧nö̧. Todäre a̧'ȩ päi'ina̧'a̧ Judá ttö̧ja̧ ttu̧ru̧hua̧ Josafat i̧tti̧ Joram huea'amä. \v 18 Ocozías koro jȩi̧nö̧mä̧, ¿huȩyu̧cua̧'a̧ ko̧ca̧'a̧ tä̧ji̧ Israel ttö̧ja̧ tturuhuotö jȩtti̧nö̧ huȩyu̧tu̧ ku̧nä̧huä̧ cuyäru'tänä̧mä̧?
|
||||
|
|
@ -0,0 +1 @@
|
|||
OCOZÍAS HUA'Ö ICUINÖ
|
||||
|
|
@ -0,0 +1 @@
|
|||
\v 1 Pa̧'a̧nö̧ ji̧na̧'a̧ tu̧ru̧hua̧ Dios Elíasrö isoppa kärähuoppanä mo̧ro̧jä̧ra̧'a̧ cäepäcua'a ä'canä, Elíasmä 'chi̧nö̧ Eliseocu Gilgalttö rä'opö. \v 2 Elías pä'inö Eliseorö: "Pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Betelra̧'a̧ chi̧'cha̧ pä'ö." Ja̧hua̧nö̧ päcu Eliseo ädätinö: "Iso päi'önä chu̧ru̧hua̧mä̧ kö̧, ucu cu̧jö̧ ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ ta̧ju̧cuäyotö 'chi̧nätö̧ Betelra̧'a̧.
|
||||
|
|
@ -0,0 +1 @@
|
|||
\v 3 Dios päji huȩnȩ jiäcuähuä ttö̧ja̧ tti̧tti̧mö̧ ju̧huȩnȩ Betelnä ka̧cuä̧tö̧mä̧ Eliseo ö̧jo̧mȩ 'chä̧nö̧ pa̧'a̧nö̧ pä'inä̧tö̧: "¿Ucumä huo̧jua̧jä̧ tä̧ji̧ jitä pi̧yȩ mo̧ro̧ tu̧ru̧hua̧ Dios ucu cu̧ru̧hua̧rö̧ ȩmi̧pä̧cua̧'a̧mä̧? Ja̧hua̧nö̧ pättäcu Eliseo ädätinö: "A̧'a̧, huo̧jua̧sä̧, ja̧hua̧nö̧ ja̧'a̧nä̧ cucuocuätucuä ja̧u̧ juäimä." \v 4 Elías pä'inö Eliseorö: "Eliseo, pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Jericó'ra̧'a̧ chi̧'cha̧ pä'ö." Ja̧hua̧nö̧ päcu Eliseo ädätinö: "Iso päi'önä chu̧ru̧hua̧mä̧ kö̧, ucu cujö̧ ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ jahuätö 'chi̧nä̧tö̧ Jericó'ra̧'a̧.
|
||||
|
|
@ -0,0 +1 @@
|
|||
\v 5 Ja̧hua̧nö̧ ja̧'a̧ Dios päji huȩnȩ jiäcuähuä ttö̧ja̧ tti̧tti̧mö̧ ju̧huä̧nȩ Jericónä̧ ka̧cuä̧tö̧mä̧ Eliseo ö̧jo̧mȩ ichö pä'inätö: "¿Ucumä huo̧jua̧jä̧ tä̧ji̧ jitä pi̧yȩ mo̧ro̧ tu̧ru̧hua̧ Dios ucu cu̧ru̧hua̧rö̧ ȩmi̧pä̧cua̧'a̧mä̧?" Eliseo ädätinö: "A̧'a̧, huo̧jua̧sä̧, ja̧hua̧nö̧ ja̧'a̧nä̧ ja̧u̧ juäimä cucuocuätucuättö päinä̧u̧." \v 6 Ja̧hua̧nö̧ jä̧ji̧ o'ca'a Elías pä'inö̧ Eliseorö: Pi̧nȩtä̧ ki̧'i̧pi̧, ttömä chu̧ru̧hua̧ hueäjäcusä Jordán'ra̧'a̧ chi̧'cha̧ pä'ö." Ja̧hua̧nö̧ päcu Eliseo adätinö: "Iso päi'önä chu̧ru̧hua̧mä̧ kö̧, ucu cu̧ju̧ta̧'a̧nö̧, ja̧hua̧nö̧ ja̧'a̧nä̧ ucurumä icuipocösä." Ja̧hua̧nö̧ ja̧'a̧ttö̧ ta̧ju̧cuäyotö 'chi̧nä̧tö̧.
|
||||
|
|
@ -0,0 +1 @@
|
|||
\v 7 Ja̧hua̧nö̧ jä̧ji̧ o'ca'a cincuentanö̧ huotö Dios päji huȩnȩ jiäcuähuä ttö̧ja̧ tti̧tti̧mö̧'i̧nä̧ 'chä̧nö̧ jahuätö ttä'ca jo̧mȩ otonänö ka̧cuä̧mi̧pi̧nä̧tö̧; jahuätö ta̧ju̧ huotö Jordán aje jäyoto ttö̧ja̧cuä̧ma̧'a̧nä̧. \v 8 Elías ö̧'ca̧tä̧huä̧ta̧ huä̧mȩ i̧sä̧ta̧ ȩmo̧po̧'ö̧ to̧rä̧dä̧ji̧'ca̧ ajenä cuä'inö. Ja̧hua̧nö̧ cuäomenä ajemä kä'cotonä 'toi'ina̧'a̧ kara'anä'i̧nä̧, kara'anä'i̧nä̧ jö̧nä̧, ja̧hua̧nö̧ ja̧'a̧ jahuätö ta̧ju̧cuäyotö rȩjȩ aje jo̧ä̧jä̧nä̧ 'cuä'opinätö.
|
||||
|
|
@ -0,0 +1 @@
|
|||
\v 9 Ja̧hua̧nö̧ 'cuättopäji o'ca'a, Elías pä'inö Eliseorö: "Jä'epittö däje jȩchä̧cua̧'a̧ ja̧ pä'ö ucuttu 'quä̧dȩcuä̧chä̧cua̧'a̧ ä'canä." Ja̧hua̧nö̧ päcu Eliseo ädätinö: "Ucuotönö jädepäcujä cua̧'cua̧ru̧hua̧ ucunä kä̧'i̧ji̧mä̧ ttönä ö̧jä̧mä̧dö̧nä̧ cuiyattö pä'ö." \v 10 Elías ädätinö: "Juiyo 'quiyome päte'ö jäcuepäcusä. Ja̧hua̧nö̧ ja̧'a̧nä̧ iso päi'önä ttömä ucucu chö̧jä̧'i̧jo̧mȩttö̧ 'cä̧di̧pä̧cho̧mȩnä̧, jäcuepäjimä 'cuäopäcua'a, ja̧hua̧nö̧ ja̧'a̧nä̧ jo̧ca̧'a̧ jö̧ttö̧mä̧ ji̧yä̧cua̧'a̧."
|
||||
|
|
@ -0,0 +1 @@
|
|||
\v 11 Ja̧hua̧nö̧ ucuocuäyotö tti̧'cha̧'a̧nä̧ carucä ocurä cuoäcä cahuayu̧tu̧ dottäcä i̧jȩcuä̧chi̧na̧'a̧, ja̧hua̧nö̧ päi'omȩnä̧ ta̧ju̧cuäyotö ttö̧ja̧cuä̧'i̧jo̧mȩttö̧ 'cä̧'ȩcuä̧chi̧nä̧tö̧ ya̧cu̧ pö̧nä̧, ja̧hua̧nö̧ ja̧'a̧ Elíasmä isoppa kärähuoppanä mo̧ro̧jä̧ra̧'a̧ cä'ecuächinö. \v 12 Ja̧hua̧nö̧ ja̧'a̧ topö Eliseo pä̧icu̧nä̧ huopö pä'inö: "¡Cha̧mo̧nä̧ chä'o, cha̧mo̧nä̧ chä'o, Israel ttö̧ja̧ ttöcaruquiyä'i̧nä̧, ttö̧ja̧'i̧nä̧ ttä̧ji̧mö̧ ca̧hua̧yu̧tu̧'i̧nä̧!" jö̧nä̧. Ja̧u̧mä̧ juhua'a yabo topocö pinö Elíasrömä. Ja̧hua̧nö̧ ja̧'a̧ chutä ö̧'ca̧tä̧huä̧ta̧ ko̧'ä̧dä̧cuä̧u̧ icu seropö icuinö to̧ta̧rȩnä̧ päi'önä.
|
||||
|
|
@ -0,0 +1 @@
|
|||
\v 13 Ja̧hua̧nö̧ jȩpä̧ji̧'ca̧ Elías ö̧'ca̧tä̧huä̧ta̧ huä̧mȩ i̧sä̧ta̧ mo̧ä̧cho̧mȩttö̧ ȩmi̧pö̧, o'ca'acu ppa̧'ä̧chö̧ Jordán aje jäyoto 'chä̧hui̧'ö̧ kä̧mä̧di̧nö̧. \v 14 Elías ö̧'ca̧tä̧huä̧ta̧ huä̧mȩ i̧sä̧ta̧ mo̧ä̧cho̧mȩttö̧ ȩmä̧ta̧ jä̧ta̧nä̧ ajenä cuä'ö kä̧nö̧ pä'inö: "¿To ö̧jä̧ chu̧ru̧hua̧, Elías ö̧ä̧nä̧hua̧ Dios'mä?. Ja̧hua̧nö̧ pä'ö kä̧nö̧ ajenä cuäomenä, ajemä kä'conä 'to'i'ö bahuecuächina̧'a̧, ja̧hua̧nö̧ ja̧'a̧ Eliseo 'cuä'opinö ya̧nä̧jijä̧ra̧'a̧.
|
||||
|
|
@ -0,0 +1 @@
|
|||
\v 15 Dios päji huȩnȩ jiäcuähuä ttö̧ja̧ tti̧tti̧mö̧ Jericónä ka̧cuä̧tö̧mä̧ aje ya̧nä̧ji̧jä̧nä̧ kä̧nö̧ ja̧hua̧nö̧ jȩa̧'a̧ topö̧, pä'inä̧tö̧: "¡Iso päi'önä Elías a̧'cua̧ru̧hua̧ pä'ijimä Eliseonä kö̧ jitämä!" Ja̧hua̧nö̧ ja̧'a̧ tö'cönä̧nö̧ 'chä̧hui̧'ö̧ tti'ä rȩjȩ becuächönä jȩpö̧ ucuotö jȩpi̧nä̧tö̧ ja̧u̧ru̧. \v 16 Jahuätö pä'inä̧tö̧ ja̧u̧ru̧: "Topi, ucu cu̧mö̧huäyotö juruhuätö ka̧cuä̧tö̧ pi̧nȩmä̧ cincuentanö̧ huotö. Jätepäcujä, ja̧'a̧tä̧ tocu'atö pä'ö ucu cu̧ru̧hua̧ Elíasrö usu ti̧'cha̧'a̧nä̧, Dios a̧'cua̧ru̧hua̧mä̧ Elíasrö ȩmi̧pö̧ möä'cara̧'a̧ jö̧ttö̧'i̧nä̧ meje'cara̧'a̧ jö̧ttö̧'i̧nä̧ icuipäji a̧'cua̧ra̧'a̧. Ja̧hua̧nö̧ pättäcu Eliseo ädätinö: "Isocö, tti̧'cha̧ pä'ö huecuhuätucuätö."
|
||||
|
|
@ -0,0 +1 @@
|
|||
\v 17 Ja̧hua̧nö̧ ja̧'a̧nä̧ jahuätömä juhua'a yabocutä jä̧ttȩpä̧rä̧cu̧, Eliseo pä̧i̧nä̧u̧: "Ja̧hua̧nö̧ jö̧ttö̧mä̧ hue'ätucuitö tti̧'cha̧." Ja̧hua̧nö̧ pä̧u̧ jahuätö hue'inä̧tö̧ cincuentanö huotö u̧mä̧tö̧rö̧ Elíasrö usu tti̧'cha̧ pä'ö, huäbodäcuä mo̧ro̧ ttusa'anä po̧cui̧po̧co̧tö̧ pinätö. \v 18 Jahuätö ppa̧'ä̧chi̧nä̧tö̧ Eliseo ö̧ja̧'a̧ Jericó ötahuiyära̧'a̧, ja̧hua̧nö̧ ja̧'a̧ jahuätörö pä'inö: ¿Uturumä ji'ähuocö päjisä tä̧ji̧: cui'chä̧tu̧cuä̧ pä'ömä?".
|
||||
|
|
@ -0,0 +1 @@
|
|||
\v 19 Ötahuiyä ttö̧ja̧mä̧ Eliseorö ji'ähuinä̧tö̧: "Topi, jitämä pi̧yȩ jitähuäcujä iso päi'önä ötahuiyämä adiu aditö ku̧nä̧hua̧'a̧ ka̧'a̧ tocu'omȩnä̧mä̧, ja̧hua̧nö̧ ja̧'a̧nä̧ ajiyamä suraja'a, rȩjȩ'i̧nä̧ cuähuä ppuruhuoca'a. Ja̧hua̧nö̧ pättäcu \v 20 Eliseo ädätinö: Ja̧hua̧nö̧ jö̧ttö̧mä̧ 'cächätucui i̧so̧'ta̧ ja̧rȩo̧'ta̧, 'cäruhuäbö'i̧nä̧ ju̧huo̧'ta̧nä̧ ȩca̧'a̧nä̧," ja̧hua̧nö̧ ja̧'a̧ chutä päji ta̧'a̧nö̧ 'cächö ttiyinäcu̧.
|
||||
|
|
@ -0,0 +1 @@
|
|||
\v 21 Eliseo ajiya adihuoya ȩmi̧pö̧ u̧mi̧ rä'opächö 'cäruhuäbö ȩni̧nö̧ juhuoyanä, ja̧hua̧nö̧ ja̧'a̧ pä'inö: "Chu̧ru̧hua̧mä̧ pa̧'a̧nö̧ pä'ö: 'Ttötä poya ajiya aditö icusä. Jitä poröttö kä̧mä̧dö̧ juhua'a̧ yabocumä hua'are'inä̧ juiyäcua'a̧, rȩjȩttö̧mä̧ pä'äji jä̧'i̧ji̧'a̧nö̧ cuähuä u̧huä̧ju̧ huä̧jö̧ juiyä'iji'anömä ji̧yä̧cua̧'a̧." \v 22 Ja̧u̧nu̧ pä̧nä̧ Eliseo ucuocuinomȩttö̧ kä̧mä̧dö̧ jitä pi̧yȩ mo̧ro̧ jobu ajiyamä aditö icuähuoyatä päi'inoya.
|
||||
|
|
@ -0,0 +1 @@
|
|||
\v 23 Ja̧u̧nu̧ o'ca'a juhuoröttö rä'opächö Eliseomä 'chi̧nö̧ Betel'ra̧'a̧. Mä̧nä̧nä̧ i̧'chomȩnä̧ korotö ju̧huä̧nȩ ötahuiyä möäyotö rä'opö suronä pä'ö ya̧'ä̧huä̧'chi̧nä̧tö̧ ja̧u̧ru̧; jahuätö pä'inätö: "¡Topätucui, böo'i̧sa̧ uhuo'che jui̧'a̧rö̧,-topätucui böo'i̧sa̧ uhuo'che jui̧'a̧rö̧,! jö̧nä̧. \v 24 Ja̧hua̧nö̧ pättä'chäcu o'ca'acu kärächi'ö ni̧'ä̧chi̧pö̧ topinö: Ja̧hua̧nö̧ topö kä̧nö̧ suronä pähuä pä'inö u̧ru̧hua̧ Dios i̧mi̧nä̧. Ja̧hua̧nö̧ ja̧'a̧ osotö̧ nä̧tö̧ ta̧ju̧ de'attö rä'oi'ö jahuätö möäyotö 42 nö̧ huotörö yö̧yö̧pö̧ icuinätö. \v 25 Ja̧hua̧nö̧ jä̧ji̧ o'ca'a, juhuoröttö rä'opö Eliseo 'chi̧nö̧ Carmelo möä'cara̧'a̧, juhuoröttö täcö ppa̧'ä̧chi̧nö̧ Samaria rȩjȩra̧'a̧.
|
||||
|
|
@ -0,0 +1 @@
|
|||
\v 1 Yajute recua hue'ähuotö tti̧tti̧mö̧ttö̧ ya̧tȩ irecua o'cajumä ajuäunu ichi'ö pä'inä̧ju̧ Eliseorö: "Ucu cu̧mu̧huä̧ya̧ ttö chirecuomä täcö hua'ö icuäji, ucumä täcö huo̧jua̧jä̧ ja̧u̧ cu̧mö̧huä̧ya̧mä̧ u̧ru̧hua̧rö̧ ye'ecunu kä̧'i̧ji̧ pä'ö. Ja̧hua̧nö̧ ja̧'a̧ jitämä ya̧tȩ ujutu timippotä'ijäcu ichäji, ja̧u̧mä̧ chi̧tti̧mö̧ ta̧ju̧ru̧ ȩmi̧pä̧ji̧ chutä hueö adicuä ttö̧ja̧ pätti'önä huea pä'ö." \v 2 Eliseomä jahuäjuru pa̧'a̧nö̧ pä'inö: ¿Ucurumä däje jȩchäcua̧'a̧ jä̧ttö̧?, ¿Ji'ähuittö cuojusodera̧'a̧mä̧ däjetä ka̧'a̧ jä̧ttö̧? päcua, jahuäju ädätinä̧ju̧: "Cu̧mu̧huäyaju kojusodenämä yorö'isotä juiya'a, ja̧hua̧nö̧ jo̧ca̧'a̧ cuäcuähuä a̧dȩ acuäbattömä jibatetä ka̧'a̧, päjinäcu.
|
||||
|
|
@ -0,0 +1 @@
|
|||
\v 3 Ja̧hua̧nö̧ päjäcu Eliseo päinäcua: U̧mi̧cu̧ täi cu̧jo̧mȩ ippeyenä ka̧cuä̧tö̧ttö̧ jä'epö 'carähuä oba cuȩma̧. Ja̧u̧ obamä iso päi'önä cu̧'o̧cui̧'ö̧'a̧nö̧ ja̧'a̧. \v 4 Ja̧u̧nu̧ o'ca̧'a̧mä cui̧tti̧mö̧cu̧ cuojusode jacuä do'ächi'ömä äpate mö̧cuȩpa̧ja̧, ja̧hua̧nö̧ jȩpö̧ o'ca juiyö̧nä joö oba jä̧ji̧nä̧mä̧ a̧dȩja cu'caraja; ja̧hua̧nö̧ cu'caromȩnä̧ suhuädi'ö obamä i̧mi̧cu̧nä̧ cu̧ju̧na̧ja̧.
|
||||
|
|
@ -0,0 +1 @@
|
|||
\v 5 Ja̧u̧nu̧tä̧ pä̧nä̧ jahuäjumä Eliseorö jaropi'ö rä'opächinä̧ju̧, ja̧hua̧nö̧ ja̧'a̧ ki̧tti̧mö̧cu̧ isode jacuä do'ächi'ö äpate mö̧'ȩpi̧nä̧ju̧. Ja̧hua̧nö̧ ja̧'a̧ ki̧tti̧mö̧ tti̧yo̧pä̧ra̧'a̧nä̧ 'carähuä joö obanä a̧dȩmä̧ 'carinä̧ju̧. \v 6 Ja̧hua̧nö̧ ja̧'a̧ täcö o'ca juiyönä suhuädi'iyäcua ki̧tti̧mö̧ttö̧ ya̧tȩrö̧ jä'epinä̧ju̧ koroba joäba iyaju pä'ö, ja̧u̧mä̧ ädätinö joäbamä täcö juiya'a̧ pä'ö." Ja̧hua̧nö̧ ädätö ji̧yȩnä̧tä̧ a̧dȩmä̧ täcö juböpächi'ö joächi'ina̧'a̧.
|
||||
|
|
@ -0,0 +1 @@
|
|||
Ja̧hua̧nö̧ ja̧'a̧ jahuäjumä ichi'ö Dios u̧mu̧huä̧ya̧rö̧ ji'ähuinä̧ju̧. Ja̧hua̧nö̧ jijähuäcu päinä̧cua̧: "Täi, a̧dȩmä̧ micuänä iyä'chö icu cui̧mi̧ppotä'ijimä mitäu icui, ja̧hua̧nö̧ ja̧'a̧nä̧ ka̧cui̧pö̧mä̧ cui̧tti̧mö̧cu̧tä̧ cuä̧nö̧ cu̧jä̧cua̧ju̧jä̧.
|
||||
|
|
@ -0,0 +1 @@
|
|||
\v 8 Eliseomä ya'ute mo̧ro̧ 'chi̧nö̧ Sunemra̧'a̧cu̧, ju̧huȩnȩmä̧ isaju yajute ucuo isaju ki̧nä̧ju̧; Jahuäju ojipinä̧cu̧ u̧cuä̧ ucua pä'ö. Ja̧hua̧nö̧ ja̧'a̧ttö̧ Eliseomä ju̧huä̧nȩnä̧ 'cuäopö jö̧ a̧'u̧cuä̧ ucuä̧mä̧ juhuoröttötä cuä̧nö̧ kä̧'chi̧nö̧. \v 9 Ja̧hua̧nö̧ ja̧'a̧ isajumä pä'inä̧ju̧ kirecuorö: "Jitämä topi, ttömä huo̧juä̧chi̧'ä̧ju̧sä̧ pide ubomä surojö jui̧'a̧ Diostä u̧mu̧huä̧ya̧ ja̧'a̧ pä'ö, ja̧u̧mä̧ pȩnȩnä̧tä̧ 'chö̧ 'cuäopönä̧tä̧.
|
||||
|
|
@ -0,0 +1 @@
|
|||
\v 10 Ja̧hua̧nö̧ ja̧'a̧ttö̧ jitämä Eliseorö amocuädö ä̧'ä̧huo̧ca̧ a̧'u̧cu̧nä̧nö̧ jo̧ca̧ taditö'anö ja̧'a̧, ju̧huo̧ca̧nä̧mä̧ tu̧ju̧nu̧'a̧na̧ pä'ö ä̧'ä̧huä̧ppä̧'i̧nä̧, ttu̧cuä̧ rutu cuäcuähuodä'i̧nä̧, tejähuore'i̧nä̧. Ja̧hua̧nö̧ ja̧'a̧ ujuturu topö ichomȩnä̧ ja̧u̧mä̧ ju̧huȩnȩtä̧ i̧rȩbȩhuä̧cua̧'a̧nö̧. \v 11 Eliseomä pä'äji ta'anö i̧'cho̧mȩnä̧mä̧ täcö ju̧huȩnȩtä̧ rȩbȩu̧, ja̧u̧mä̧ ju̧huo̧ca̧ ä̧'ä̧huo̧ca̧nä̧tä̧ pä̧mä̧dö̧ ä'inö.
|
||||
|
|
@ -0,0 +1 @@
|
|||
\v 12 Eliseomä u̧mu̧huä̧ya̧ Giezi'rö pä'inö: "Sunamita ttö̧ja̧'isaju päjäjuru huopi." Ja̧hua̧nö̧ päcu huoomȩnä̧, jahuäjumä chutä ä'ca jo̧mȩ ichi'ö kä̧mä̧di̧nä̧ju̧. \v 13 Eliseo u̧mu̧huä̧ya̧rö̧ pä'inö: "Ji'ähui jahuäjurumä;¡Ujuturu ppäcuhuäda pä'ömä ucumä rö̧ä̧nä̧tä̧ usurä ȩmä̧huä̧jä̧jujä̧dí pä'ö! ¿Däjetä jȩtö̧'a̧nö̧ jä̧ttö̧ ucurumä? ¿Ucu cutö'cömä ru̧hua̧rö̧ tucuocu'anöcö̧, ja̧hua̧nö̧ jo̧ca̧'a̧ jö̧ttö̧mä̧ curä ruhuä ttu̧ru̧hua̧rö̧ tucuocu'anöcö̧?" Ja̧hua̧nö̧ päcua jahuäju ädätinä̧ju̧: "Ttömä kä̧ju̧sä̧ ttötä chahuaruhuä ttö̧'quȩtȩtä̧."
|
||||
|
|
@ -0,0 +1 @@
|
|||
\v 14 Ja̧hua̧nö̧ ja̧'a̧ Eliseomä pä'inö:¿Ja̧hua̧nö̧ jö̧ttö̧mä̧ däjetä jȩtö̧'a̧nö̧ jä̧ttö̧ jahuäjurumä? "Giezi ädätinö:" Jȩtö̧'a̧nö̧ jö̧mä̧, jahuäjumä ki̧tti̧mö̧ to'aju, kirecuomä juiyo bö̧o̧'i̧sa ja̧'a̧ täcö. \v 15 "Ja̧hua̧nö̧ ja̧'a̧ Eliseo hue'inö: "Huopiju." Ja̧u̧ huoäcua jahuäjumä äpate ä'ca jo̧mȩ ichi'ö kä̧mä̧di̧nä̧ju̧. \v 16 Eliseomä pä'inö: "Pi̧yȩtä̧ juäi'isome du'onä, ya'ute du'o päi'omȩnä̧ ucumä cui̧tti̧rö̧ 'chu̧cu̧huä̧rä̧cua̧ju̧jä̧. Ja̧hua̧nö̧ päcua jahuäjumä ädätinä̧ju̧: "Isocö ttö chu̧ru̧hua̧ Dios u̧mu̧huä̧ya̧, cu̧mu̧huäyaju huajurumä yaparemä jicuhuähuättö."
|
||||
|
|
@ -0,0 +1 @@
|
|||
\v 17 Ja̧u̧nu̧ o'ca'a isajumä täcö möchaju pä'i'inä̧ju̧, ki̧tti̧ ji̧'qui̧cha̧hua̧rö̧ uhuäbecuinä̧ju̧ ja̧u̧nu̧tä̧ juäi'isome ja̧'a̧nä̧ koro du'onä, Eliseo jahuäjuru päinö̧ta̧'a̧nö̧ iso päi'önä jö̧nä̧ pätecuächina̧'a̧. \v 18 Ji̧yȩnö̧ pä̧nä̧ ji̧'qui̧cha̧hua̧ böo juhuomenä, ja̧u̧mä̧ ya'ute mo̧ro̧ u̧mi̧cu̧ rä'opinö jä'orö toa pä'ö isä'cua 'cui'ö aditätöcu ö̧ja̧'a̧. \v 19 Ja̧u̧mä̧ jä'orö pä'inö: "Ttö chu'isäyuhue, ttö chu'isäyuhue." Ja̧hua̧nö̧ päiyäcu Jä'omä u̧mu̧huä̧ya̧rö̧ pä'inö: "Ja̧ju̧ kö̧ja̧'a̧ ȩmi̧pi̧rö̧. \v 20 "Ja̧hua̧nö̧ päcu ja̧u̧ u̧mu̧huä̧ya̧mä̧ ji̧'qui̧cha̧hua̧rö̧ ȩmi̧pö̧ ja̧ju̧ru̧tä̧ iyinä̧cu̧, ji̧'qui̧cha̧hua̧mä̧ ja̧ju̧ köjahuiyä ju'tä pi̧nö̧ mo̧ro̧ kä'co tö'cöhuächi'ome jobö. Ja̧hua̧nö̧ ja̧'a̧ ji̧'qui̧cha̧hua̧mä̧ ja̧u̧tä̧ pä̧nä̧ täcö 'corupä'i'inö.
|
||||
|
|
@ -0,0 +1 @@
|
|||
\v 21 Ja̧hua̧nö̧ ja̧'a̧ttö̧ isajumä ä̧rä̧mi̧'ö̧ ji̧'qui̧cha̧hua̧rö̧ rötinä̧ju̧ Dios u̧mu̧huä̧ya̧ ä̧'ä̧'i̧jä̧ppä̧nä̧, ja̧hua̧nö̧ rötipö rä'opächö kä̧nö̧mä̧ äpate mö̧'ȩpö̧ icuinä̧ju̧. \v 22 Jahuäjumä kirecuorö huopo'ö pä'inä̧ju̧: 'Quȩtȩnä̧ mä̧cuä̧ cu̧mu̧huäyotöttö ya̧tȩrö̧ hue'ittö, jua'a jö̧ ta̧'a̧nö̧ mörö isajuru'i̧nä̧ hue'ittö jurunänö 'chä̧hui̧'ö̧ Dios u̧mu̧huä̧ya̧rö̧ tochopo'aja pä'ö.
|
||||
|
|
@ -0,0 +1 @@
|
|||
\v 23 Kirecuomä päinä̧cua̧: "¿Tta̧'a̧nö̧ pä'ö ucumä ja̧u̧ru̧ topö cui̧'cha̧ päcuhua'a jä̧ttö̧ jitä pi̧yȩ mo̧ro̧mä̧? Kä̧hua̧ ja̧rȩpa̧'i̧nä̧ jo̧ca̧'a̧nä̧, sábado mo̧ro̧'i̧nä̧ jo̧ca̧'a̧nä̧. Ja̧hua̧nö̧ päcua jahuäjumä ädätinä̧ju̧: "O'ca juiyönä adihuäcua'a, jö̧nä̧tä̧." \v 24 Ja̧hua̧nö̧ ja̧'a̧ jahuäjumä mörörö jo̧mȩnö̧ jȩpä̧jä̧ju̧ 'caju ku̧mu̧huä̧ya̧ ppä̧dä̧rä̧cuä̧huä̧ i̧sa̧rö̧ pä'inä̧ju̧: "Ti̧'cha̧ täi jurunänö; kä̧mä̧dä̧cuä̧huä̧'i̧nä̧ juiyönä ucuru ttötä jidähuome jobö.
|
||||
|
|
@ -0,0 +1 @@
|
|||
\v 25 Jahuäjumä ja̧hua̧nö̧tä̧ jö̧nä̧ rä'opächö 'chä̧jä̧ju̧'caju rȩbȩhui̧nä̧ju̧ de'a jo̧mȩ Carmelo pä'ö micuome Dios u̧mu̧huä̧ya̧ Eliseo ö̧jo̧mȩ. Ja̧u̧mä̧ oto kicha'a topö pä'inö u̧mu̧huä̧ya̧ Giezi'rö: \v 26 "Topihuä, Sunamita ttö̧ja̧ isaju ju̧huȩnȩ kicha'a. Jopächö täi, te'äunu jäcuepaju: '¿Tta̧'a̧nö̧ ja̧ pä'ö jahuäjurumä, kirecuorö'i̧nä̧, ji̧'qui̧cha̧hua̧rö̧'i̧nä̧?" Ja̧hua̧nö̧ ja̧'a̧ jahuäjumä ädätinä̧ju̧: "O'ca juiyönä adihua'a, jö̧nä̧tä̧."
|
||||
|
|
@ -0,0 +1 @@
|
|||
Ja̧hua̧nö̧ ja̧'a̧ de'a jo̧mȩ 'chä̧hui'ö̧mä̧ Dios u̧mu̧huä̧ya̧ Eliseo ö̧jä̧pi̧yä̧nä̧ hua'ädi'inä̧ju̧. Ja̧hua̧nö̧ jȩji̧yä̧cu̧ Giezi'mä 'chä̧hui̧'i̧nö̧ 'quȩ'ȩpö̧ icuaju pä'ö, ja̧hua̧nö̧ ja̧'a̧nä̧ Dios u̧mu̧huä̧ya̧ päinä̧cu̧: "Ja̧'a̧tä̧ topiju, juiyo rö̧ä̧nä̧ ka̧'cua̧ tta̧'ȩcuä̧ju̧, pi̧yȩ 'cuäopömä chu̧ru̧hua̧mä̧ jiähuococu päjisä.
|
||||
|
|
@ -0,0 +1 @@
|
|||
\v 28 Ja̧hua̧nö̧ ja̧'a̧ jahuäjumä pä'inä̧ju̧: ¿Chu̧ru̧hua̧ ttömä jä'epinä̧ju̧sä̧ tä̧ji̧ chi̧tti̧rö̧? Ttömä pä'ocoju pinäju̧sä̧ tä̧ji̧; Yapare jicuhuähuättö pä'ömä?" \v 29 Ja̧hua̧nö̧ ja̧'a̧ Eliseomä u̧mu̧huä̧ya̧ Giezi'rö pä'inö: 'Ca̧tä̧huo̧po̧'i̧ cui̧'cha̧, chötta'ca'i̧nä̧ cu̧mu̧nä̧ ȩpi̧. Ja̧hua̧nö̧ ja̧'a̧nä̧ isodera̧'a̧ttö̧ ya̧tȩrö̧ tocu'äcuäuttumä tecuhuähuärö, juhua'a jö̧ ta̧'a̧nö̧ ya̧tȩ ucuru teäuttu'i̧nä̧ cuädätärö. Chötta'camä ji̧'qui̧cha̧hua̧ ö'ä huä̧mȩ cu̧huä̧na̧rö̧ja̧.
|
||||
|
|
@ -0,0 +1 @@
|
|||
\v 30 Ja̧hua̧nö̧ ja̧'a̧nä̧ ji̧'qui̧cha̧hua̧ ja̧ju̧mä̧ pä'inä̧ju̧: "Pa̧'a̧nö̧tä̧ jö̧nä̧ chu̧ru̧hua̧ ö̧jö̧'a̧nö̧ jö̧nä̧, ucu'i̧nä̧ ji̧nä̧ cu̧ja̧'a̧nä̧mä̧ ttömä chi̧cui̧pi̧yä̧cua̧jä̧." Ja̧hua̧nö̧ ja̧'a̧ttö̧ Eliseomä ä̧rä̧mi̧'ö̧ jahuäjucutä 'chi̧nö̧. \v 31 Giezi'mä jahuätö ttä'canä 'chä̧nö̧ rȩbȩhuä̧ji̧'ca̧ ji̧'qui̧cha̧hua̧ ö'ä huä̧mȩ rötinö ötta'camä, ja̧hua̧nö̧ ja̧'a̧nä̧ ji̧'qui̧cha̧hua̧mä̧ ucuocu'i̧nä̧ ucuocuocö pinö, ä̧ju̧cu̧'i̧nä̧ ä̧ju̧cuo̧cö̧ pinö. Ja̧hua̧nö̧ ja̧'a̧ Giezi'mä o'ca'acu ppa̧'ä̧chö̧ Eliseorö pätecu ji'ähuinö: "Ji̧'qui̧cha̧hua̧mä̧ ji̧nä̧ tto'ächocö, pä'ö."
|
||||
|
|
@ -0,0 +1 @@
|
|||
\v 32 Eliseomä isodera̧'a̧ i̧rȩbȩhuo̧mȩnä̧ po̧cui̧pi̧nö̧ ji̧'qui̧cha̧hua̧mä̧ 'coruju'ächäjirötä ä'ö pä̧cuä̧huä̧ppä̧nä̧ rö̧tä̧hua̧ ö̧'a̧'a̧. \v 33 Ja̧hua̧nö̧ ja̧'a̧ Eliseomä ä̧'ä̧huo̧ca̧nä̧ do'ächi'ö äpate mö̧'ȩpö̧ i̧cuä̧ji̧'ca̧ u̧ru̧hua̧cu̧ ucuocuinö. \v 34 Ja̧u̧nu̧ o'ca'a ä'ö pä̧cuä̧huä̧ppä̧nä̧ 'cha'ächi'ö ji̧'qui̧cha̧hua̧ u̧huä̧mȩ huä̧mä̧di̧nö̧; ämä ji̧'qui̧cha̧hua̧ äcu päi'önä, ö'äriyämä ö'äriyäcu päi'önä, u̧mu̧pi̧yä̧mä̧ u̧mu̧pi̧yä̧cu̧ jö̧nä̧. Ji̧'qui̧cha̧hua̧ idepä du̧'o̧sȩnö̧ päi'önä tejädi'ome jobö.
|
||||
|
|
@ -0,0 +1 @@
|
|||
\v 35 Ja̧hua̧nö̧ ja̧'a̧ Eliseomä ä̧rä̧mi̧'ö̧ ä̧'ä̧huo̧ca̧ soböcuächönä cue'ächinö, ja̧u̧nu̧ o'comȩnä̧ pä'äji ta̧'a̧nö̧ ji̧'qui̧cha̧hua̧rö̧ 'cha'ächi'ö huä̧mä̧di̧nö̧. Ja̧hua̧nö̧ ja̧'a̧ ji̧'qui̧cha̧hua̧mä̧ 7nö̧ jo̧mȩnä̧ dö'quinö, ja̧u̧nu̧ o'ca'a ö'äriyä ye'ädö topinö. \v 36 Ja̧hua̧nö̧ ja̧'a̧ Eliseomä Giezi'rö huopo'ö pä'inö: "Huopi sunamita isajuru." Giezi'mä ja̧hua̧nö̧ päcu huopinö, ja̧hua̧nö̧ huoäcua jahuäju ä̧'ä̧huo̧ca̧nä̧ dojächi'omȩnä̧ Eliseo päinä̧cua̧: "Ȩmi̧ cui̧tti̧rö̧." \v 37 Ja̧hua̧nö̧ ja̧'a̧ jahuäjumä do'ächi'ö Eliseo ö̧jä̧pi̧yä̧nä̧ hua'ädi'ö rȩjȩcu̧ ja̧rȩyu̧nu̧ pä'i'ö mo̧'ä̧mi̧nä̧ju̧, ja̧hua̧nö̧ jȩpi̧'i̧pö̧ ki̧tti̧rö̧ ȩmi̧pö̧ rä'opächinä̧ju̧.
|
||||
|
|
@ -0,0 +1 @@
|
|||
\v 38 Ja̧hua̧nö̧ ja̧'a̧ Eliseomä pä'äji ta'anö Gilgal'ra̧'a̧cu̧tä̧ ppa̧'ä̧chi̧nö̧. Ju̧huä̧jä̧ rȩjȩnä̧mä̧ ppäi rö̧ä̧nä̧ 'cuäopina̧'a̧, Diosttö hue'ähuotö tti̧tti̧mö̧mä̧ ja̧u̧tä̧ ä'ca jo̧mȩ pȩji̧nä̧tö̧. Jahuätörö u̧cuo̧cuä̧ji̧'ca̧ u̧mu̧huä̧ya̧rö̧ hue'inö: Uriba röäbattö ocuränä ku̧nä̧di̧, hue'ähuotö ttu̧cuä̧ nö̧'ȩpö̧ dacuhua. \v 39 Jahuätöttö ya̧tȩ de'ara̧'a̧cu̧ rä'opächinö dauhuiyä u̧huä̧ju̧ ȩma̧ pä'ö. Juhuoröttömä po̧cui̧pi̧nö̧ jite cuäcuähuä dau, u̧huä̧ju̧mä̧ rö̧ä̧nä̧ 'to'inö ö̧'ca̧tä̧huä̧ta̧ huä̧mȩ i̧sä̧ta̧'i̧nä̧ suhuädi'önä. Ja̧hua̧nö̧ ja̧'a̧ jahuätömä ppo̧u̧cu̧ pö̧nä̧ 'cui'ö ȩni̧nä̧tö̧ nö̧'ȩpö̧ dahuähuäba jacuä, ti̧yȩ juäijó pä'ömä ttieruhua'anä̧tä̧.
|
||||
|
|
@ -0,0 +1 @@
|
|||
\v 40 huähuä jä̧ji̧ tti̧yi̧nä̧u̧ ja̧hua̧nö̧ ja̧'a̧nä̧ jahuätö ttucua pä'ö ttö̧jä̧mä̧dö̧ ji̧yȩnä̧tä̧ huopi'ö pättinä̧u̧: "¡Dios u̧mu̧huä̧ya̧ pi̧yȩmä̧ ni̧yȩcuä̧ ja̧'a̧ pä'ö.!" Ja̧hua̧nö̧ ja̧'a̧ttö̧ cuä̧nö̧mä̧ cuocotö pinätö̧. \v 41 Ja̧hua̧nö̧ ja̧'a̧ Eliseo pä'inö: "A̧'u̧cu̧nä̧ harina i̧sa̧ppä̧ iyätucuittö." Ja̧hua̧nö̧ ttiyäcu i̧sa̧ppä̧ ȩnä̧ji̧'ca̧ pä'inö: Ttö̧ja̧ ttucua iyätucuitö, täcö surojömä juiya'a uribanämä.
|
||||
|
|
@ -0,0 +1 @@
|
|||
\v 42 Ya̧tȩ ubomä Baal Saalisattö rä'opö ichinö Dios u̧mu̧huä̧ya̧rö̧ ä̧cuo̧mȩnä̧ u̧ju̧nä̧huä̧ u̧huä̧ju̧ttu̧ iya pä'ö, 20nö̧ o̧si̧ cebadattö adicuä'inä, jua'a jö̧ ta̧'a̧nö̧ u̧huä̧ju̧ o̧cha̧'i̧nä̧ jareönä 'toähuättö 'cächö iyinä̧cu̧. Ja̧hua̧nö̧ iyäcu Eliseomä u̧mu̧huä̧ya̧rö̧ pä'inö: "Ttucua iyä'chi ttö̧ja̧rö̧." \v 43 U̧mu̧huä̧ya̧mä̧ pä'inö: ¿Tta̧'a̧nö̧ jö̧nä̧ chucuäje'äcua'a jä̧ttö̧ 100nö̧ huotö ja̧'a̧mä̧? Ja̧hua̧nö̧ ja̧'a̧ Eliseo päinä̧cu̧: Pi̧yȩmä̧ ttö̧ja̧rö̧ iyä'chi ttucua pä'ö, tu̧ru̧hua̧mä̧ ja̧hua̧nö̧tä̧ pä'ö. "Jahuätömä ttucuäcuotö, ja̧hua̧nö̧ ttucua'anä̧'i̧nä̧ ji̧nä̧ ka̧cui̧pä̧cua̧'a̧. \v 44 Ja̧hua̧nö̧ ja̧'a̧ u̧mu̧huä̧ya̧mä̧ jahuätörö iyä'chinö; i̧yä̧'chä̧u̧ ttucua'anä'i̧nä̧ ji̧nä̧ ka̧cui̧pi̧na̧'a̧, Tu̧ru̧hua̧ i̧huȩnȩ ucuocu päinö̧ta̧'a̧nö̧ jö̧nä̧.
|
||||
|
|
@ -0,0 +1 @@
|
|||
RECUA KU̧CUÄ̧ A̧DȨ
|
||||
|
|
@ -0,0 +1 @@
|
|||
\v 1 Ja̧u̧nu̧ pä̧nä̧ Eliseomä isaju ki̧tti̧ 'corujuhuächa'a ttoädiyinäcua̧rö̧ ucuocu pä'inö: "Ä̧rä̧mi̧'ö̧ tö'ipächi porö cuahuaruhuä cuojusodenä̧ ka̧cuä̧tö̧ o'ca toi'önä̧cu̧, korome cu̧ju̧'anö jo̧mȩ cu̧ja̧ pä'ö, chu̧ru̧hua̧ Diosmä pi̧jä̧ rȩjenä̧ ppäi huȩä̧cua̧ ttu̧mö̧ ko̧ro̧mö̧ttö̧ ta'cherenö̧ a̧'ȩ jo̧mȩnä̧. \v 2 Ja̧hua̧nö̧ ja̧'a̧ttö̧ jahuäjumä Dios päji huȩnȩ jiäcuähuä'i̧sa̧ i̧huȩnȩ esetö juhuoröttö rä'opächö i̧hui̧nä̧ju̧ Filisteos ttö̧ja̧ tti̧rȩjä̧ra̧'a̧ kö̧ja̧ pä'ö̧ ttu̧mö̧ ko̧ro̧muttö ta'cherenö a̧'ȩ jo̧mȩnä.
|
||||
|
|
@ -0,0 +1 @@
|
|||
\v 3 Täcö ttu̧mö̧ ko̧ro̧mö̧ttö̧ ta'cherenö a̧'ȩ 'cuäoi'omȩnä̧ Filisteo ttö̧ja̧ tti̧rȩjä̧ra̧'a̧ kö̧jä̧'iyomettö̧ jahuäjumä ppa̧'ä̧chi̧näju, ja̧hua̧nö̧ ja̧'a̧ ru̧hua̧ ö̧jo̧mȩ 'chä̧nö̧ jä'epinä̧ju̧ kojusode jinode'i̧nä̧, ki̧rȩjä̧ ji̧nä̧jä̧'i̧nä̧ ppa̧huä̧da̧ju̧ pä'ö. \v 4 Ja̧hua̧nö̧ ja̧'a̧ ru̧hua̧mä̧ Dios päji huȩnȩ jiäcuähuä i̧sa̧ u̧mu̧huä̧ya̧ Giezicu ucuocu pä'inö̧: "O'ca juiyönä Eliseo jȩi̧nö ji'ähuittö." '
|
||||
|
|
@ -0,0 +1 @@
|
|||
\v 5 Ja̧hua̧nö̧ jäepäcu Giezimä ru̧hua̧rö̧ ji'ähuinö ji̧'qui̧cha̧hua̧ 'corupä'i'äjirö Eliseo ttoädinö ötö'cö, ja̧hua̧nö̧ jiähua'anä jahuäju isaju ki̧tti̧rö̧ 'coruju'ächa'a̧ ttoädiyinä̧cua̧mä̧ ru̧hua̧ ö̧jo̧mȩ ichi'ö jä'epinä̧ju̧ kojusode jinode'i̧nä̧, ki̧rȩjä̧ ji̧nä̧jä̧'i̧nä̧. Ja̧hua̧nö̧ ja̧'a̧ Giezi pä'inö: "Chu̧ru̧hua̧, paju ja̧'a̧ jahuäju isajumä, ki̧tti̧ 'coruju'ächäjirö Eliseo ttoädiyinä̧cua̧mä̧." \v 6 Ja̧hua̧nö̧ ja̧'a̧ ru̧hua̧mä̧ jahuäjuru jä'epinö ki̧tti̧rö̧ 'cuäopinö ötö'cö. Jahuäju o'ca juiyönä 'cuäopinö jijähuinä̧cu̧. Ja̧hua̧nö̧ ja̧'a̧ ru̧hua̧mä̧ u̧mu̧huä̧ya̧rö̧ hue'ö pa̧'a̧nö̧ pä'inö: "O'ca juiyönä kiäre ji̧nö̧mä̧ ppa̧'ä̧dä̧tu̧cui̧ju̧, juhua'a jö̧ ta̧'a̧nö̧ ä̧cuo̧mȩnä̧ räjopinomȩttö̧ kä̧mä̧dö̧ jitä pi̧yȩ mo̧ro̧ jobö ki̧rȩjä̧ttö̧ aditö cuȩmä̧tu̧cuä̧'i̧jö̧'i̧nä̧ ppa̧'ä̧dä̧tu̧cui̧ju̧."
|
||||
|
|
@ -0,0 +1 @@
|
|||
\v 7 Eliseomä̧ Damasco ötahuiyära̧ 'chi̧nö̧, juhua'amä ki̧nö̧ Aram ru̧hua̧ Ben Jadad, ja̧u̧mä̧ na̧'ä̧chi̧nö̧. Ja̧hua̧nö̧ ja̧'a̧ jittähuinä̧cu̧ Dios u̧mu̧huä̧ya̧mä̧ pi̧nȩtä̧ ichäji pä'ö." \v 8 Ja̧hua̧nö̧ jittähuäcu ru̧hua̧mä̧ pä'inö Jazaelrö: "Mipponä iyähuä ȩmi̧pö̧ täi Dios u̧mu̧huä̧ya̧ ö̧ja̧'a̧, U̧ru̧hua̧ Diosrö jä'epi'ipö jiähuattö: ¿Pi̧yȩ märicheittö chö̧'i̧pä̧cua̧'a̧ ja̧ pä'ö?" \v 9 Ja̧hua̧nö̧ ja̧'a̧ Jazaelmä Eliseo ö̧ja̧'a̧ 'chi̧nö̧ mipponä iyähuä adihuä juäi Damasco ötahuiyänä ka̧cu̧ ȩmi̧pö̧ 40nö huotö cameyu̧tu̧ ttȩpa̧'a̧nä̧. Ja̧hua̧nö̧ ja̧'a̧ Jazaelmä Eliseo ö̧jo̧mȩ pä̧tȩcuä̧nö̧ 'chä̧hui̧'ö̧ kä̧mä̧dö̧ pä'inö: "Ucu Ben Hadad i̧tti̧, Aram ru̧hua̧mä̧ pa̧'a̧nö̧ hue'äji ucuru jädepiyarö pä'ö: '¿Pi̧yȩ märicheittö chö̧'i̧pä̧cua̧'a̧ tä̧ji̧, jö̧nä̧?
|
||||
|
|
@ -0,0 +1 @@
|
|||
\v 10 Eliseo ädätinö ja̧u̧ru̧: " 'Chä̧nö̧ Ben Hadad'rö ji'ähuirö, cumäricheittömä cu̧'i̧pä̧cua̧'a̧tä̧ ja̧'a̧ pä'ö, ja̧hua̧nö̧ ja̧'a̧nä̧ Chu̧ru̧hua̧mä̧ i̧jȩpä̧jä̧cu̧sä̧ ja̧u̧mä̧ iso päi'önä̧tä̧ 'corujuhuä̧chä̧cua̧ pä'inö̧. \v 11 Ja̧u̧nu̧ o'ca'a Eliseomä Hazael'rö ni̧'ä̧chö̧ topö, ajuähuinö. \v 12 Ja̧hua̧nö̧ ja̧'a̧ öjö'quiyonä päi'äcu jä'epö ä̧ju̧cui̧nö̧ Hazael'mä: "¿Tta̧'a̧nö̧ jä̧cu̧ cuajuähuä chu̧ru̧hua̧? Ja̧hua̧nö̧ jäepäcu ädätinö: "Huo̧jua̧sä̧ ucumä Israel ttö̧ja̧rö̧ suronä jȩcu̧'ä̧cua̧jä̧. Ttoju odehuiyä'i̧nä̧ kuhuä'chö cui̧cuä̧cua̧jä̧, tti̧tti̧mö̧ möäyotorö cuä'ä'chö cui̧cuä̧cua̧jä̧ curä'chunä, modunä ka̧cuä̧tö̧rö̧ 'cä'ä'chö'icu ppo̧'ä̧tö̧rö̧ ppo̧u̧cu̧ pö̧nä̧ jȩpä̧'chö̧ cui̧cuä̧cua̧jä̧."
|
||||
|
|
@ -0,0 +1 @@
|
|||
\v 13 Ja̧hua̧nö̧ päcu Jazael ädätinö: "¿Tide ju̧'a̧ jä̧ttö̧ cu̧mu̧huä̧ya̧, ja̧u̧ juäi rö̧ä̧nä̧ jȩö̧'a̧nö̧ hua̧mä̧? Ja̧u̧mä̧ ähuiritä hua̧." Eliseo ädätinä̧cu̧: Chu̧ru̧hua̧ Dios i̧jȩpä̧jä̧cu̧sä̧ ucumä Aram ru̧hua̧ cu̧jä̧cua̧jä̧." \v 14 Ja̧u̧nu̧ o'ca'a Jazael Eliseo ö̧jo̧mȩttö̧ rä'opächö u̧ru̧hua̧ ö̧ja̧'a̧ 'chä̧hui̧'i̧nö̧, ja̧hua̧nö̧ ja̧'a̧ jäepinä̧cu̧: "¿Tta̧'a̧nö̧ pättö Eliseomä ucuru? Ja̧u̧ ädätinö: "Ucumä cumäricheittö cu̧'i̧pä̧cua̧jä̧, ja̧hua̧nö̧ pä'äji Eliseomä." \v 15 Ja̧u̧nu̧ o'ca'a koro mo̧ro̧, Jazaelmä pö̧jä̧ta̧ ȩmo̧po̧'ö̧ ajiyanä 'cuä'ädä̧ji̧'ca̧ Ben Hadad i'änä setädö huä̧ni̧nö̧, ja̧hua̧nö̧ jȩä̧cu̧ 'corupä'i'inö. Ja̧u̧nu̧ o'ca'a Jazaelmä ja̧u̧ hueä'ijome huea pä'ö ru̧hua̧ pä'i'inö.
|
||||
|
|
@ -0,0 +1 @@
|
|||
\v 16 ̧mö̧tȩ jähuä du'o päi'ina̧'a̧ Israel ttö̧ja̧ ttu̧ru̧hua̧ Acab i̧tti̧ Joram ruhuo huea pä'ö ö̧jä̧mä̧di̧na̧'a̧ttö̧mä̧. Ja̧u̧mä̧ Judá ttö̧ja̧ ttu̧ru̧hua̧ Josafat i̧tti̧ ji̧na̧'a̧. Ja̧u̧ ruhuo huea pä'ö ö̧jä̧mä̧di̧nö̧ pä̧nä̧mä̧, Josafatmä Judá ttö̧ja̧ tti̧rȩjä̧nä̧ ru̧hua̧ ki̧nö̧. \v 17 Joram ruhuo huea pä'ö ö̧jä̧mä̧di̧nö̧ pä̧nä̧mä̧ 32nö du'o jo̧mȩnä̧ ku̧nä̧ri̧nö̧, ja̧hua̧nö̧ ja̧'a̧ Jerusalen ötahuiyänä 8nö du'o jo̧mȩnä̧ hue'inö.
|
||||
|
|
@ -0,0 +1 @@
|
|||
\v 18 \v 19 Joram'mä̧ Israel ruhuotö huettinö ta̧'a̧nö̧ hue'inö, jahuätöttömä Acab jȩi̧nö̧ ta̧'a̧nö̧. Ja̧u̧tä̧ Acab ittijuru irecua päi'önä ȩmi̧nö̧, ja̧hua̧nö̧ ja̧'a̧nä̧ Dios ä'ca jo̧mȩttö̧ suronä jȩpi̧nö̧.
|
||||
|
|
@ -0,0 +1 @@
|
|||
SUNAMITA ISAJU KI̧RȨJÄ̧ PPA̧JÄ̧DI̧NÖ̧
|
||||
31
LICENSE.md
31
LICENSE.md
|
|
@ -1,4 +1,5 @@
|
|||
|
||||
<<<<<<< HEAD
|
||||
## Creative Commons Attribution-ShareAlike 4.0 International
|
||||
|
||||
### Human-Readable Summary
|
||||
|
|
@ -36,4 +37,32 @@ http://creativecommons.org/licenses/by-sa/4.0/.
|
|||
|
||||
|
||||
|
||||
This PDF was generated using Prince (https://www.princexml.com/).
|
||||
This PDF was generated using Prince (https://www.princexml.com/).
|
||||
=======
|
||||
# License
|
||||
## Creative Commons Attribution-ShareAlike 4.0 International (CC BY-SA 4.0)
|
||||
|
||||
This is a human-readable summary of (and not a substitute for) the [license](http://creativecommons.org/licenses/by-sa/4.0/).
|
||||
|
||||
### You are free to:
|
||||
|
||||
* **Share** — copy and redistribute the material in any medium or format
|
||||
* **Adapt** — remix, transform, and build upon the material
|
||||
|
||||
for any purpose, even commercially.
|
||||
|
||||
The licensor cannot revoke these freedoms as long as you follow the license terms.
|
||||
|
||||
### Under the following conditions:
|
||||
|
||||
* **Attribution** — You must attribute the work as follows: "Original work available at https://door43.org/." Attribution statements in derivative works should not in any way suggest that we endorse you or your use of this work.
|
||||
* **ShareAlike** — If you remix, transform, or build upon the material, you must distribute your contributions under the same license as the original.
|
||||
|
||||
**No additional restrictions** — You may not apply legal terms or technological measures that legally restrict others from doing anything the license permits.
|
||||
|
||||
### Notices:
|
||||
|
||||
You do not have to comply with the license for elements of the material in the public domain or where your use is permitted by an applicable exception or limitation.
|
||||
|
||||
No warranties are given. The license may not give you all of the permissions necessary for your intended use. For example, other rights such as publicity, privacy, or moral rights may limit how you use the material.
|
||||
>>>>>>> d85503a674effd98a98a6bad3fb76a5231a29fd6
|
||||
|
|
|
|||
|
|
@ -32,6 +32,59 @@
|
|||
}
|
||||
],
|
||||
"parent_draft": {},
|
||||
"translators": [],
|
||||
"finished_chunks": []
|
||||
"translators": [
|
||||
"Gonzalez"
|
||||
],
|
||||
"finished_chunks": [
|
||||
"02-01",
|
||||
"02-03",
|
||||
"02-05",
|
||||
"02-07",
|
||||
"02-09",
|
||||
"02-11",
|
||||
"02-13",
|
||||
"02-15",
|
||||
"02-17",
|
||||
"02-23",
|
||||
"01-title",
|
||||
"02-21",
|
||||
"04-title",
|
||||
"04-01",
|
||||
"04-03",
|
||||
"04-05",
|
||||
"04-07",
|
||||
"04-08",
|
||||
"04-10",
|
||||
"04-12",
|
||||
"04-14",
|
||||
"04-17",
|
||||
"04-21",
|
||||
"04-23",
|
||||
"04-25",
|
||||
"04-27",
|
||||
"04-28",
|
||||
"04-30",
|
||||
"04-32",
|
||||
"04-35",
|
||||
"04-38",
|
||||
"04-40",
|
||||
"04-42",
|
||||
"02-19",
|
||||
"01-01",
|
||||
"01-03",
|
||||
"01-05",
|
||||
"01-07",
|
||||
"01-11",
|
||||
"01-13",
|
||||
"01-15",
|
||||
"01-17",
|
||||
"08-title",
|
||||
"08-01",
|
||||
"08-03",
|
||||
"08-05",
|
||||
"08-07",
|
||||
"08-10",
|
||||
"08-13",
|
||||
"08-16"
|
||||
]
|
||||
}
|
||||
Loading…
Reference in New Issue