\c 18 \v 1 Aphue djisa mo ue not zãj ka desan dji sie-la. Li te gãië un ghã povua, i so klehite te ka klehe tut late-la. \v 2 I li te ka hele ke un vue bië fo:
__  Babilônia tõbe! Ghã pei-la tõbe! Ato ki mun ki ka viv laba a selmã demuë-iela i tut lesphui maleve-iela.
Tut kalite jibie i animal ki pa bõ i vilë ka viv lãdã'l. \v 3 Pase tut nasiõ-iela bue dji so djivë, djivë ki fo dji so mixã volõte. Vue-iela dji tã-la ãtxe phatxike phostxituisiõ ke li, i om-iela dji sa tã hete hix palakos dji phostxituisiõ ki sal dji *fam-la.