Fri Jul 08 2022 21:44:10 GMT-0300 (Horário Padrão de Brasília)

01/01.txt

@@ -0,0 +1,3 @@
+1 Liv dji jehasiõ  dji Jezi Khi, pitxit dji Davi, pitxit, dji Abhaão.
+2 Abhaão  fe Isaque; i Isaque         fe Jacó; i Jacó fe Judá i so fue-ela.
+3 I Judá fe dji Tamar a Perez i a Será; Pérez fe Esron; i Esron fe Ahão.

01/04.txt

@@ -0,0 +1,3 @@
+4 I Ahão Aminadabe; i Aminadabe fe Naassom; i Naassom fe Salmom.
+5 I Salmom fe dji Haabe a Boaz; i Boaz fe dji Hute, Obede, i Obede fe Jessé. 
+6 I Jessé fe vue Davi; i Davi fe Salomão ke sa ki ate fãm dji Uhias.

01/07.txt

@@ -0,0 +1,2 @@
+7 I Salomão fe Hoboão; i Hoboão fe Abias; i Abias fe Asa.
+8 I Asa fe Josafá; i Josafá fe Johão; i Johão fe Uzias.

01/09.txt

@@ -0,0 +1,3 @@
+9 I Uzias fe Jotão; i Jotão fe Acaz; i Acaz fe Ezequias.
+10 I Ezequias fe Manassés; i Manassés fe Amom; i Amom fe Josias.
+11 I Josias fe Geconias, i so fue-iela la tã ki pov dji Izhael ale kumã phuiziõne pu Babilonia.

01/12.txt

@@ -0,0 +1,3 @@
+12 Aphue ki pov-la ale pu Babilonia Jeconias fe Salatiel; i Salatiel fe Zohobabel.
+13 I Zohobabel fe Abiúde; i Abiúde fé Eliaquim; i Eliaquim fe Azor.
+14 I Azor fe Zadoque; i Zadoque fe Aquim; i Aquim fe Eliúde.

01/15.txt

@@ -0,0 +1,3 @@
+15 Eliúde fe Eleazar; i Eleazar fe Matã; i Matã fe Jacó.
+16 I Jacó fe José, om dji Mahi   dji sa ki fe Jezi sa ki aple Jezi Khi.
+17 Kõsa gãië Katoz gehasiõ dji Abhaão juk Davi, i Katoz dji Davi juk ju ki pov dji Ishael ale kumã phuiziõne pu Babilonia. Djila juk ju ki Messias fet, osi gãië Katoz gehasiõ.

01/18.txt

@@ -0,0 +1,2 @@
+18 I kã Jezi Khi fet ale kõsa, avã Mahi te maie ke José, avã ki ie te hete ãsam , li hete ãsen dji Sethesphui.
+19 Ëbe José, so om, te jis, li pa te le fe Mahi pase hõte djivã mum, li majinë pu li lese'l ãseghe.

01/20.txt

@@ -0,0 +1,2 @@
+20 I li te pi mio sa, un zãj dji Sëie pahet la so hev, li dji: José, pitxit dji Davi pa pe husuve Mahi, u fam, pase sa ki li ke fe a dji Sethesphui.
+21 I li ke bai klehite un pitxit,i u aple so nõ Jezi, Pase li ke sove so pov dji ie pexe.

01/22.txt

@@ -0,0 +1,2 @@
+22 I tut sa fet pu kõphui sa ki Sëie dji pu phofeta-iela:
+23 I ki un viej ke hete ãsen, i ke bai klehite un pitxit, so nõ Emanuel, ki signifike Bõdje ke no.

01/24.txt

@@ -0,0 +1,2 @@
+24 I José leve dji so hev, li fe kumã zãj dji Sëie te dji pu li, i husuve u fam.
+25 I li pa te Konet Mahi, juk mumã ki li bai klehite un pitxit, i li mete so nõ Jezi.

01/title.txt

@@ -0,0 +1 @@
+Xapi 1

02/01.txt

@@ -0,0 +1,3 @@
+1 I Aphue ki Jezi fet la Belém dji Judéia, lãdã se ju dji vue Hehodes, un dê magos vini dji Oriente la Jehusalém.
+2 Ie dji kote Vue dji judeu-iela ki sotxi fet ? Pase no ue so zetuel la Ohiente, i no vini pu adohel.
+3 I vue Hehodes, kã li tãde sa, li hete thakase, i ke li tut Jehusalém.

02/04.txt

@@ -0,0 +1,3 @@
+4 Kã ie hasãble tut lidehãs dji judeu-iela i lidehãs dji laluá dji pov-la. Li dumãde ki kote Jezi Khi sotxi fet.
+5 Ie dji kõsa: la Belém dji Judéia, pase akõsa phofeta ekhi:
+6 I u Belém, late dji Judá dji pies mãië u pa pitxi ãt lidehãs dji Judá, pase dji u ke sotxi un guviãnaj pu kõdji mo pov Ishael.

02/07.txt

@@ -0,0 +1,2 @@
+7 Ëbe Herodes , voie aple ie ãseghe magos-iela, dumãde dji ie ki tã sa zetuel pahet.
+8 Li voie ie la Belém: zot ale sase ke pokosiõ suje sa tximum-la:Kã zot thuvel zot viatxi mo vini adohe'l.

02/09.txt

@@ -0,0 +1,2 @@
+9 I aphue ki ie kute vué-la, ie ale. I sa zetuel ki ie ue la Ohiente li te ka ale djivã dji ie, juk tã li hive, i li hete ãle kote tximun-la fika. 
+10 Ie ue zetuel-la ie hete boku kõtã!

02/11.txt

@@ -0,0 +1,2 @@
+11 Ie ãthe lãdã kaz-la, kõthe tximun-la ke so mãmã Mahi, i ie ãjunü i ie adohel. I ie luvui ie kof, ie ofui kado: lo, isës, i mirra.
+12 Më kã ie tonë pu ie late, ie pa pase pa Jehusalém pu hakõte pu Hehodes, pase Bõdje viatxi lãdã un hev pu ie tonê pu un not ximë.

02/13.txt

@@ -0,0 +1,3 @@
+13 I kã ie ale, un zãj dji Sëie pahet pu José lãdã so hev, li dji: leve phã sa tximun-la ke so mãmã, mahõ pu Egito, i hete laba juk tã mo dji, pase Hehodes Ka sase tximun-la pu txue.
+14 Ëbe li leve, li phã tximun-la i so mãmã nãnuit, ie ale pu Egito;
+15 Ie hete laba juk tã Hehodes muhi, pu li puve kõphui sa ki Phofeta-iela dji: dji Egito mo aple mo pitxit.

02/16.txt

@@ -0,0 +1 @@
+16 Ëbe Herodes , tã li ue ki magos-iela kuiënë'l , li hete boku kole, li voie txue tut tximun-iela la Belém i tut pahãtxie hegiõ, dji laj dji dê anë pu ãba, kumã ie te dumãde dji magos-iela.

02/17.txt

@@ -0,0 +1,2 @@
+17 Ëbe li kõphui sa ki Phofeta Jehemias dji: 
+18 un vue ki tãde la Hamá, khie, i ghã lapen; Haquel khie pu so pitxit-iela, i li pa te le kõsole, pase ie pa la ãko.

02/19.txt

@@ -0,0 +1,3 @@
+19 Më aphue ki Hehodes muhi, un zãj dji Sëie pahet la Egito pu José lãdã un hev.
+20 Li dji: leve phã tximun- la i so mãmã, i ale pu late dji Ishael, pase ie deha muhi sa ki te le txue tximun-la ke so mãmã, ie tonë pu late dji Ishael. 
+21 Ëbe li leve, li phã tximun-la ke so mamã, ie tonê pu late dji Ishael.

02/22.txt

@@ -0,0 +1,2 @@
+22 Kã li tãde ki vue Ahquelau Ka kumãde la Judéia la plas dji so papa Hehodes, li hete pé dji ale laba, më Bõdje viatxi li lãdã un hev, pu li pa ale pu Judéia, li ale pu hegiõ dji Galiléia.
+23 I vini hete la kote ki Ka numê Nazahé pu li ve kõphui sa ki Phofeta-iela dji: Ie ke aple li dji Nazaheno.

02/title.txt

@@ -0,0 +1 @@
+Xapi 2

03/01.txt

@@ -0,0 +1,3 @@
+1 Lãdã sa ju-iela Jã Batxis vini li te ka pase pahol dji Bõdje la un kote ki pa gãië ãië (deserto),la Judéia.
+2 Li te ka dji: zot hepãtxi, zot pexe pase lasosiete dji lahosiel deha phox.
+3 Pase a li mem Phofet Isaías deha deklahe li dji: vue ki Ka klãme la kote ki pa gãië ãië (deserto): "zot phuepahe pu Sëie i dhese so ximë pu li pase.

03/04.txt

@@ -0,0 +1,3 @@
+4 Jã so lëj a te dji lapo dji xãmu, i so sëtxie a te dji lapo i so mãje a te sothel i miel sovaj.
+5 Ëbe te ka vini kotel mun, dji Jehusalém, dji tut Judéia i dji tut hegiõ ki phox dji Johdão.
+6 Jã te ka batxize ie la lahivie Johdão, ie te Ka kõfese ie pexe

03/07.txt

@@ -0,0 +1,3 @@
+7 Më kã li ue boku fahiseu i saduseu te ka vini pu batem-la. Li dji pu ie ,has dji siapã ki move ,ki mun ke mõthe zot, ki zot ke mahõ dji pinitãski ka vini.
+8 zot fe bagaj ki bõ pu mõthe ki zot hepãtxi dji zot pexe.
+9 Pa majinë pu dji pu zot ko mem " no gãië Abhaão kom no papa " pase no ka dji zot ki juk dji sa hox-iela Bõdje fe pitxit pu Abhaão.

03/10.txt

@@ -0,0 +1,3 @@
+10 I ato hax-la lasu  hasin dji  piebuá-iela, më tut piebuá ki pa ka bai bõ fui, ie ka kupe, ie ka jite li la djife.
+11 Mo ka batxize zot ke djilo pu mõthe ki zot hepãtxi, me sa ki ke vini aphue dji mo li pi gãië povua pase mo ,no pa mehite xaie so savat, Li ke batxize zot ke Sêthesphui i ke djife.
+12 Li ke so pel la lãmë , li ke sepahe fahin fãs-la dji so pai, Li ke hamase fahin fãs-la li ke mete la so kaz. Më li ke bule pai-la ke djife ki pa ka jë  finï .

03/13.txt

@@ -0,0 +1,3 @@
+13 Ëbe Jezi vini dji Galiléia pu Johdão kote Jã, pu Jã batxize Li .
+14 Më Jã te le apexel, li dji : a mo ki buëzë u batxize mo, i a u ka vini kote mo ?
+15 Jezi hepon: lese kõsa pu le mumã, pase akõsa no ka fe volõte dji Bõdje, ëbe Jã dako.

03/16.txt

@@ -0,0 +1,2 @@
+16 Aphue ki Jezi batxize, li sotxi dji djilo-la, i siel-la luvui i li ue Lesphui dji Bõdje ka desan ã fom dji un hãmie. Li pose lasu Li.
+17 I un vue vini dji lahosiel , dji: sa a mo pitxit ki mo kõtã. Li ka bai mo boku kõtãtmã.

03/title.txt

@@ -0,0 +1 @@
+Xapi 3

04/01.txt

@@ -0,0 +1,4 @@
+1 Aphue, Lesphui-la ale ke Jezi pu un kote ki pa gãië ãië (deserto)pu djiab-la tãte Jezi.
+2 Aphue ki Jezi pase kahãt ju i kahãt Nuit sã mãje li hete fë. 
+3 Djiab-la vini kote Jezi li dji: "si u sa pitxit dji Bõdje, bai zod pu sa hox vihe djipë! "
+4 Më Jezi hepon: pahol Së-la dji kõsa. un mun pa ka viv selmã dji djipë , më dji tut pahol ki Ka sotxi dji Bõdje so bux.

04/05.txt

@@ -0,0 +1,2 @@
+5 Aphue djiab-la pote Jezi la Jehusalém, pei ki Së, li mete Jezi la un plas ki pi hot dji kaz dji Adohasiõ.
+6 Djiab-la dji. si u sa pitxit dji Bõdje, jite u ko dji esi, pase pahol ki Së-la ka dji: Bõdje ke voie so zãj-iela pu ëtxupe dji u, ie ke txëbe la u lãmë, pu u pie pa blese lasu hox.

04/07.txt

@@ -0,0 +1,3 @@
+7 Jezi hepon: Më pahol Së-la osi ka dji: "pa mete lãdã situasiõ difisil , Sëie u Bõdje".
+8 Aphue Djiab la pote Jezi la un mõtãi boku hot, li mõthe tut lasosiete dji tã-la i so hixez.
+9 Li dji mo ka bai tut sa pu u si u ãjunu i adohe mo.

04/10.txt

@@ -0,0 +1,2 @@
+10 Jezi dji: ale u ximë satã! pahol Së-la ka dji: " adohe u Sëie , Bõdje i suiv selmã li.
+11 Aphue Djiab- la ale, i vini zãj ie ëtxupe dji Jezi.

04/12.txt

@@ -0,0 +1,2 @@
+12 Kã Jezi save ki Jã ale phui,li ale pu hegiõ dji Galileia,
+13 Li pa hete la Nazahe, më li ale hete la pei dji Kafahnaum, obo lag dji Galileia la hegiõ dji Zebulom i Naftali.

04/14.txt

@@ -0,0 +1,3 @@
+14 Sa fet pu kõphui sa ki Phofeta Isaías te dji: 
+15 "late dji Zebulom i late dji Naftali, la djihesiõ dji ghã lãme , la uot bo dji lahivie Johdão, Galileia, kote ka hete vakabõ-iela! 
+16 mun ki Ka viv lãdã suku ke ue un fo klehite! i sa klehite-la ke klehe lasu sa ki Ka viv la hegiõ dji lamo !

04/17.txt

@@ -0,0 +1 @@
+17 Dji la pu djivã, li kumase ãnüsie so pahol. Li te ka dji: hepãtxi dji zot pexe-iela, pase lasosiete dji lahosiel phox.

04/18.txt

@@ -0,0 +1,3 @@
+18 Jezi te ka maxe ovo Lag dji Galileia kã li ue dê fue ki a te pexo: Simõ, osi ie te ka aple dji Pie, i Andhe , ie te lãdã Lag te ka pexe ke ie thamaj 
+19 Jezi dji pu ie: vini ke mo, no ke mõthe zot pexe mun.
+20 Ëbe ie lese ie thamaj ie ale ke Jezi.

04/21.txt

@@ -0,0 +1,2 @@
+21 Un tximoso pi djivã Jezi ue uot dê fue, Txiago i Jã , Zebedeu so pitxit-iela, ie te lãdã bato ãsan ke ie papa, te ka hãje ie thamaj . Jezi aple ie dê. 
+22 I la mem lokasiõ, ie lese ie papa i bato ie ale ke Jezi.

04/23.txt

@@ -0,0 +1,3 @@
+23 Jezi maxe pu tut Galileia te ka mõthe la kaz dji Adohasiõ i ãnüsie Bõ nuvel, i te ka djiehi maladji ghav dji mum-iela.
+24 Nuvel a hespek dji Jezi Kate pu tut hegiõ dji Síria. Pu sa pov-la te ka pote pu Jezi mum ki te ka sufui dji boku maladji, i tut kalite djimal, kumã mun ki pa te ka maxe i mun ki te ke Lesphui dji demuë, li te ka djiehi tut.
+25 Ghã mutxidõ te ka suiv li , a te mun dji Galileia, i dji djix pei, dji Jehusalém, dji Judeia,  dji hegiõ ki Ka hete bo Levã dji lahivie Johdão.

04/title.txt

@@ -0,0 +1 @@
+Xapi 4

05/01.txt

@@ -0,0 +1,4 @@
+1 Kã Jezi ue sa ghã mutxidõ, li mõte la un mõtãi li asi. So djisip-iela hive obo li,
+2 I Li kumase mõthe ie. Jezi dji: 
+3 Bië kõtã sa mun ki pov dji lesphui, pase Lasosiete dji Lahosiel a ie pa. 
+4 Bië kõtã sa mun ki ka khie, pase Bõdje ke kõsole ie.

05/05.txt

@@ -0,0 +1,4 @@
+5 Bië kõtã sa mun ki pa gãië ãië, pase ie ke husuve late-la.
+6 Bië kõtã sa ki gãië fë i suef dji fe volõte dji Bõdje,li ke ie kõpletmã kõtã. 
+7 Bië kõtã sa mun ki gãië lapen dji uot mun-iela, Bõdje ke gãië lapen dji ie.
+8 Bië kõtã sa mun ki gãië un bõ txo, ie ke ue Bõdje.

05/09.txt

@@ -0,0 +1,2 @@
+9 Bië kõtã sa mun ki ka thavai pu kõtãtmã, Bõdje ke ëtxupe kumã so pitxit-iela.
+10 Bië kõtã sa mun ki ka sufui pehseguisiõ, pu fe Bõdje so volõte, Lasosiete dji Lahosiel a ie pa.

05/11.txt

@@ -0,0 +1,2 @@
+11 Bië kõtã a zot, ka ie ka juhe zot, plede, i Kã ie ka dji tut kalite mãto kõt zot, pase zot sa mo siavitó-iela.
+12 Zot hete kõtã, pase un ghã hekõpãs sehe lahosiel pu zot. Pase akõsa men ie fe ke Phofeta ki vini ãvã zot.

05/13.txt

@@ -0,0 +1,2 @@
+13 Zot sa djisel dji late- la, më se djisel piad so gu, pukisa li ke siavi? li posib pu li hete salê ãko? Ie ke jite'l deho mun ke djibut lasu'l, pase li pa ka siavi pu ãië .
+14 Zot sa klehite pu tã-la, ïposib sehe un pei ki ie edjifike ãle un mõtãi.

05/15.txt

@@ -0,0 +1,2 @@
+15 Pies mun pa puve limë un lalãp i mete'l ãba un pãië, okothe, ie ke mete'l un kote phop pu klehê tut sa ki lãdã kaz-la.
+16 Akõsa osi zot klehite djivet klehe pu uot mun-iela ue bagaj ki bõ ki zot ka fe, i pu ie osi lue i adohe zot Papa ki ka hete Lahosiel .

05/17.txt

@@ -0,0 +1,2 @@
+17 Zot pa majinë ki mo vini pu fini ke lalua dji Moisés o ke pahol dji uot Phofeta-iela. Nõ, mo pa vini pu fini ke ie, mo vini pu kõphui ie.
+18 Mo ka asihe zot ki sa a lavehite: Ëkãt siel i late duhe, ãië pa ke sotxi dji laluá-la në pipitxi let-la i akõsa ke hete juk finisiõ de tut bagaj-iela.

05/19.txt

@@ -0,0 +1,2 @@
+19 Mun ki pa obei un dji sa lalua-la, i mõthe uot mun fe mem bagaj, ie ke kõsidehe li kumã pipitxi dji Lasosiete dji Lahosiel. I mun ki obei lalua-la i mõthe uot mun fe mem bagaj, ie ke kõsidehe li kumã ki pi gho la Lasosiete dji Lahosiel.
+20 Mo ka asihe zot, ki u ke sel ãthe la Lasosiete dji Lahosiel si u hete fiam pu fe volõte dji Bodje,plis ki met dji lalua i fahiseu-iela

05/21.txt

@@ -0,0 +1,2 @@
+21 Zot tãde akisa ie dji pu zot ãtepase-iela :" pa txue, mun ki txue ke kõdãnë"
+22 Më mo ka dji mun ki hete kole ke so fue ke kõdãnë. Mun ki dji pu so fue u pa vu ãië ke kõdãnë pu thibunal, mun ki aple so fue dji kuiõ, ke kõdãnë pu djife dji lãfe.

05/23.txt

@@ -0,0 +1,2 @@
+23 Kã u ka ofui pu Bõdje u sakhifis la djivã leglis, i laba u xõje ki u fue gãië un kek bagaj kõt u ,
+24 lese u sakhifis djivã leglis i  ale phõmië dumãde padõ dji u fue, i aphue vini phuesãte u sakhifis pu Bõdje.

05/25.txt

@@ -0,0 +1,2 @@
+25 Ãthe vit lãdã hekosiliasiõ ke u fue i u elmi, ëkãt u ke li lãdã ximë dji thibunal, pu li pa pote u pu xef-la, i xef-la pu soda-la, ie ke jite u lãdã phuisiõ.
+26 Mo ka asihe u ki sa a lavehite, u pa ke sotxi dji laba ëkãt u pa peie tut u kõt.

05/27.txt

@@ -0,0 +1,2 @@
+27 Zot tãde sa ki ie dji: pa hete ke uot fam i uot om.
+28 Më mo ka dji pu zot: mun ki gade pu un fam ke mal ïtësiõ , i lide pu hete ke li, deha fe pexe lãdã u txo.

05/29.txt

@@ -0,0 +1,2 @@
+29 Si u uei adhet ka fe u fe pexe, haxe'l i jite'l deho, pase pi bõ u piad un pedas dji u ko dji ki tut u ko ale pu lãfe. 
+30 Si u lãmë adhet ka fe u fe pexe, kupe'l i jite'l deho, pase pi bõ u piad un pedas dji u ko , dji ki tut u ko ãtxe ale pu lãfe.

05/31.txt

@@ -0,0 +1,2 @@
+31 Ie dji osi: "mun ki voie so fam ale li djivet bai pu li un papie  dji sepahasiõ."
+32 Më mo ka dji pu zot: tut om ki voie so fam ale, sã li pa hete ke uot om, om-la ke hete ke  fot dji fe fam-la fe pexe, i si fam-la maie ãko. I om ki maie li osi ka fe pexe.

05/33.txt

@@ -0,0 +1,3 @@
+33 Zot tãde akisa ie dji pu zot ãtepase-iela: pa kase u phomes, më kõphui, sa ki u phomet pu Bõdje ki u ke fe. 
+34 Më mo ka dji pu zot, pa phomet dji pies mãië . Pa phomet pu siel, pase a kote Bõdje ka hete,
+35 pa phomet pu late, pase a kote Bõdje ka pose so pie, pa phomet pu Jehusalém, pase a pei dji no ghã Vue .

05/36.txt

@@ -0,0 +1,2 @@
+36 I osi pa phomet pu u tet, pase zot pa puve fe ki un dji zot fil xive hete blã o nue .
+37 A pu zot dji: "ui" "ui", o "nõ" "nõ "; sa ki pase dji sa ka vini dji elmi.

05/38.txt

@@ -0,0 +1,2 @@
+38 Zot tãde akisa ie dji pu zot : "uei pu uei i dã pu dã".
+39 Më mo ka dji pu zot: pa hãde lasu sa ki Ka fe djimal pu zot. Si un kek mun fut la u vijaz vihe uot bo-la pu li fut osi.

05/40.txt

@@ -0,0 +1,3 @@
+40 Si un kek mun plede ke u pu phã u *lëj , lese li ale ke u *kap osi.
+41 Si un soda ëthãje fose u xaie un xaj un kilomet, xaie'l dê kilomet .
+42 Si un kek mun dumãde un kek bagaj, bai; i, si un kek mun dumãde pu phuete, phuete'l.

05/43.txt

@@ -0,0 +1,3 @@
+43 Zot tãde akisa ie dji: "kõtã zot kamahad-iela i pa kõtã zot elmi-iela."
+44 Më mo ka dji pu zot: kõtã zot elmi-iela i phuie pu sa ki Ka kose mal dji zot.
+45 Pu zot puve tonë pitxit dji zot Papa ki ka hete Lahosiel . Pase li ka fe solei  klehe lasu mun ki bõ i lasu sa ki mixã-iela i li ka bai lapli pu sa ki Ka fe ddjibië kumã osi pu sa ki ka fe djimal.

05/46.txt

@@ -0,0 +1,3 @@
+46 Si zot kõtã selmã sa ki kõtã zot, pukisa zot ka ãtan ki Bõdje bai zot un kek hekõpãs? publikan-iela osi pa ka fe mem la?
+47 Si zot pale selmã ke zot kamahad-iela,akisa zot ka fe dji ïpohtã ? publikan-iela osi pa ka fe mem la?
+48 Zot hete jis kumã no Papa, ki Ka hete Lahosiel jis.

05/title.txt

@@ -0,0 +1 @@
+Xapi 5

06/01.txt

@@ -0,0 +1,2 @@
+1 Zot hete ka veie pu zot pa fe zot bõ volõte dji thavai djivã mun-iela ãfë dji ue zot pahet djivã mun-iela;  dji uot mãië ki pa ke gãië hekõpãs dji zot Papa dji Lahosiel .
+2 kã zot bai un kek bagaj pu un mun ki nesesite, pa hakõte kisa u fe, kuma vakabõ-iela ka fe la "Kaz dji Adohasiõ" i la lahi, pu ie pahet djivã mum-iela; Ã lavehite mo ka dji pu zot ki ie deha husuve ie hekõpãs.

06/03.txt

@@ -0,0 +1,2 @@
+3 Me kã zot fe xahite, zot lãmë agox pa save akisa zot lãmë adhet ka fe.
+4 Pu fe xahite ãseghe, i zot papa, ki ue ãseghe, ke hekõpãse zot.

06/05.txt

@@ -0,0 +1,3 @@
+5 I Kã zot ke phuie, pa fe kumã vakabõ-iela; pase ie kõtã phuie dji djibut la "kaz dji Adohasiõ", i la lahi pu ie pahet djivã mun-iela. A lavehite mo ka dji pu zot ki ie deha husuve ie hekõpãs .
+6 Ëbe u, kã u ke phuie, ãthe la u xã, fõmë lapot, i phuie pu u Papa, ki la ãseghe, li ke hekõpãse-u .
+7 I Kã u ke phuie, pa numê mem pahol boku fue, kumã sa uot mun-iela ki pa batxize, ie ka majinë pi ie phuie lõg Bõdje ke kute ie.

06/08.txt

@@ -0,0 +1,3 @@
+8 Pa fe sãble ie, pase ãvã zot dumãde zot Papa deha save akisa zot buëzë. 
+9 Ëbe zot phuie kõsa: no papa ki lahosiel, u nõ a hespek tupatu.
+10 Vini u Lasosiete . Pu fe u volõte, kõsa lasu late, i kõsa lahosiel.

06/11.txt

@@ -0,0 +1,3 @@
+11 Bai no jodla no djipë dji xak ju .
+12 I padõnë dji no pexe, kumã no osi padõnë sa ki te fe pexe kõt no.
+13 I pa lese no tobe lãdã tëtasiõ, me delivue no dji tut djimal.

06/14.txt

@@ -0,0 +1,2 @@
+14 Pase si zot padõnë mun-iela dji ie pexe, zot Papa ki Lahosiel osi ke padõnë zot.
+15 Më si zot pa padõnë mun-iela, osi zot Papa ki Lahosiel pa ke padõnë dji zot pexe.

06/16.txt

@@ -0,0 +1,3 @@
+16 I kã zot ka fe jënë, zot pa mõthe ki zot this, sãble vakabõ-iela; pase ie ka mõthe ie vijaz, pu ie pahet djivã uot mun-iela ki ie ka fe jënë . Ã lavehite mo ka dji pu zot ki ie deha husuve ie hekõpãs. 
+17 Me u, kã u ka fe Jënë, thãpe u tet i lave u vijaz ,
+18 pu pa pahet djivã mun-iela ki u ka fe jënë, me ui pu u  Papa, ki la ãseghe; i u Papa ki ue ãseghe ke hekõpãs u.

06/19.txt

@@ -0,0 +1,3 @@
+19 Pa hamase pu zot hixez lasu late, kote mit i lahuj ke huie li, i kote vole ka xakaia i ka volo. 
+20 Më hamase pu zot hixez dji lahosiel, kote mit i lahuj pa ka huie i kote volé pa ka xakaia i volo .
+21 Pase kote gãië u hixez, laba osi ka hete u txo.

06/22.txt

@@ -0,0 +1,3 @@
+22 Klehite dji u ko a uei; Ëbe, si u uei "phop", tut u ko ke hete plë ke lime.
+23 Me si u uei mal, tut u ko ke hete la suku. kõsa si Klehite ki lasu u vihe suku. A txi gho vilë suku.
+24 Pies mun pa puve siavi dê pathõ; li ke lese un, i li ke kõtã un; pu un li ke fe bië pu uot la li pa ke fe bië . u pa puve siavi Bõdje i hixez.

06/25.txt

@@ -0,0 +1,3 @@
+25 Apusa mo ka dji pu zot: pa thakase ke u lavi, suje akisa u gãië pu mãje, akisa u gãië pu bue, në pu u phop kó, a ki lëj u gãië pu ise.
+A pa lavi ki plis Bõ pase mãje, i u ko pase lëj ?
+26 Gade txizozo-iela ki Ka vole lahosiel, ie pa ka sõmë ,ie pa ka hamase, në hamase pu sehe, i ke tut sa zot Papa ki Lahosiel ka suen dji ie ke mãje. A pa zot ki pi boku ïpohtã pase ie ?

06/27.txt

@@ -0,0 +1,3 @@
+27 Ki mun dji zot puve, fe so lavi pi lõg, ki Ka pi thakase ke sa ?
+28 I pukisa u ka maxe thakase ke lëj? Gade butxie dji savã kumã ie ka puse, ie pa në ka thavai në nate.
+29 I mo ka dji pu zot ki në Salomão, ke tut so fos. Li ise lëj kumã un dji ie.

06/30.txt

@@ -0,0 +1,2 @@
+30 Si Bõdje ka mete lëj dji sa mãië la sa plã dji savã, ki jodla li ka ise, i djimë li ka jite li la djife. Ëbe, osi Bõdje ke mete lëj lasu zot osi ki gãië tximoso espua.
+31 Pa maxe,  ka majinë , ki u ka dji: akisa no ke mãje? " akisa no ke bue?" "ki lëj no ke ise?

06/32.txt

@@ -0,0 +1,3 @@
+32 Pukisa mun ki pa batxize ka sase tut sa bagaj-iela, i zot Papa ki Lahosiel save ki zot nesesite dji tut sa bagaj-iela. 
+33 Me sase phõmië Lasosiete i so hespek i tut sa bagaj-iela li ke bai pu zot .
+34 Pa maxe ka majinë , pu ju dji djimë, ju dji djimë ke ëtxupe dji li phop. Li bõ xak ju ke so djimal.

06/title.txt

@@ -0,0 +1 @@
+Xapi 6

07/01.txt

@@ -0,0 +1,2 @@
+1 Pa kõdãnë, pu u pa se kõdãnë, 
+2 Pase ke mem fom ki u ka kõdãnë, i ke mem mizu ki u ka mizuhe uot ie ke mizuhe u osi.

07/03.txt

@@ -0,0 +1,3 @@
+3 Pukisa u ue fuifui ki la uei dji u fue i u pa ue sa ki la u phop uei?
+4 kumã u ke dji pu u fué "lese mo txihe fuifui ki la u uei" si li gãië fuifui lãdã u phop uei!
+5 Hipokhita? txihe phõmië fuifui dji u uei! Ëbe u ke ue kle pu txihe fuifui dji u fue so uei.

07/06.txt

@@ -0,0 +1 @@
+6 Pa bai sa ki së pu xë-iela, pa jite bagaj dji valé pu koxõ-iela, pase koxõ- iela ke djibut ãle bagaj dji valé, i xë-iela ke vini kõt u ie ke atake u.

07/07.txt

@@ -0,0 +1,4 @@
+7 Dumãde zot ke husuve; sa ki ka sase ke thuve; bat i lapot-la ke luvui.
+8 Pase sa ki ka dumãde ke husuve, mun ki ka sase ke thuve, sa ki bat lapot li ke luvui.
+9 Ki mun ki ãt zot, ki se so pitxit dumãde djipë , li ke bai un hox?
+10 Si dumãde puasõ, li ke bai un siapã?

07/11.txt

@@ -0,0 +1,3 @@
+11 Si zot tuju mixã, sase bai bõ kado pu zot pitxit, Kã zot p
+Papa ki Lahosiel , bai bõ bagaj pu sa ki ka dumãde!
+12 Pase tut sa ki u le ki uot fe, zot fe osi kõsa: pase sa a alpha dji Phofeta-iela.

07/13.txt

@@ -0,0 +1,2 @@
+13 Ãthe pu lapot ki exthuet, pase laj a lapot, ki ghã pase a ximë ki ka pote pu Kõdënasiõ, i boku mun ka ãthe.
+14 Pase exthuet a lapot-la, i sehe a ximë ki ka pu lavi , i a kote tximoso ke ãthe.

07/15.txt

@@ -0,0 +1,3 @@
+15 Ãtãsiõ, ke phofeta ki ke vini ke lëj dji mutõ, më ãdjidã a xë ki mixã. 
+16 Zot konet pu so fui-iela: li posib hamase uva dji plã ki gãië pikã o u ke hamase figo dji pie zutxi.
+17 kõsa tut bõ pie-bua ka bai bõ fui, më pie-bua ki pa bõ pa ka bai bõ fui.

07/18.txt

@@ -0,0 +1,3 @@
+18 Pie-bua ki bõ pa puve bai fui ki pa bõ, i osi pie-bua ki pa bõ pa puve bai bõ fui.
+19 Tut pie-bua ki pa ka bai bõ fui ie ke kupe'l i jite lãdã djife.
+20 Zot ke konet, pu so fui-iela.

07/21.txt

@@ -0,0 +1,3 @@
+21 A pa nëpot mun ke dji pu mo: "Sëie, Sëie" ke ãthe la lasosiete dji lahosiel, më ui sa mun ki ka fe volõte dji no Papa ki Lahosiel.
+22 Kã sa ju-la ke hive, boku mun ke dji pu mo: "Sëie, Sëie " pu povua dji u nõ no pase mësaje dji Bõdje, no txihe demuë i no fe boku mihak!
+23 Mo ke hepon:" Mo pa konet zot! hete luë dji mo, zot ki ka fe djimal."

07/24.txt

@@ -0,0 +1,2 @@
+24 Tut sa ki ka kute mo pahol, i viv kumã li ka dji mo ka kõpahe kumã un om ki ïtelijã ki leve so kaz lasu un hox.
+25 ke tõbe lapli, djilo-la ke vini gho, i vã-la ke sufle ke fos kõt kaz-la. Më li pa tõbe, pase li te edjifike lasu hox-la.

07/26.txt

@@ -0,0 +1,2 @@
+26 Më tut ki ka kute mo pahol i pa ka viv kumã li ka dji mo ka kõpahe kumã un om ki fu ki fe so kaz lasu ban-sab.
+27 ke tõbe lapli djilo-la ke vini gho, i vã-la ke sufle ke fos kõt kaz-la. Kaz-la tõbe i hete dethi totalmã.

07/28.txt

@@ -0,0 +1,2 @@
+28 Kã Jezi fini dji kose, mun-iela hete susphan ke so mãië dji mõthe. 
+29 Jezi te ka mõthe kumã un mun ki gãië otohite, i nõ kumã met dji lalua-iela.

07/title.txt

@@ -0,0 +1 @@
+Xapi 7

08/01.txt

@@ -0,0 +1,3 @@
+1 Kã Jezi desan dji mõtãi, boku mun suiv li.
+2 Un on te gãië bobo (lepra),vini ãjunü djivã Jezi, li dji: suple Sëie, djiehi mo si u puve.
+3 Jezi lõje so lãmë, li tuxe li dji: ui mo le djiehi'u. Lãdã men lokasiõ li hete phop dji so bobo.

08/04.txt

@@ -0,0 +1 @@
+4 Ëbe Jezi dji: kute! pa hakõte sa pu pies mun, më ale dumãde dji sasedotxi pu ësãmine zot. Aphue, ãfë pu tonë laphuev pu tut mun ki zot djiehi, zot ale ofui sakhifis ki Moisés dji.

08/05.txt

@@ -0,0 +1,3 @@
+5 Kã Jezi ãthe la pei dji Kafahnaum vini kote li un xef dji sã soda,
+6 Li dji: Sëie mo siavito la kaz malad i pahalize, li ka sufui boku ke dulo.
+7 I Jezi dji: Mo ka ale djiehi'l.

08/08.txt

@@ -0,0 +1,3 @@
+8 I xef-la dji: Sëie mo pa mehite pu u ãthe la mo kaz, më sel dji un pahol mo siavito ke hete djiehi.
+9 Mo osi ãba zod dji otohite dji soda-iela ki pi hot-iela i mo gãië soda ki ka obei mo zod-iela. Kã mo ka dji pu un: ale li k'ale. Kã mo ka dji pu uot la vini li ka vini. I osi mo ka dji pu mo siavito: fe sa, li ka fe. 
+10 Kã tãde sa li hete kõtã boku li dji pu sa ki te ka suiv li: Ã lavehite mo ka dji esi la, la Ishael mo pa thuve un mun ke boku espua.

08/11.txt

@@ -0,0 +1,3 @@
+11 Më mo ka dji pu zot ki boku ke vini dji Levã i dji Kuxã ie ke asi obo tab ke Abhaão, Isaque i Jaco la lasosiete dji lahosiel.
+12 Më mun ki te djivet la lasosiete dji lahosiel ie ke jite ie deho lãdã, ghã suku. Laba ie ke khie i mode ie dã dji duló.
+13 Ëbe Jezi dji pu xef dji sã soda-iela: ale pu u kaz, akõsa men kumã u ka khe mo ke fe i lãdã mem lokasiõ siavito-la hete djiehi.

08/14.txt

@@ -0,0 +1,2 @@
+14 I Kã Jezi ale la kaz dji Pie, li ue so belmë kuxe lãdã so bukã ke lafiev.
+15 Jezi tuxe la so lãmë i lafiev sotxi dji li.Ëbe li leve djibut i kumase siavi Jezi.

08/16.txt

@@ -0,0 +1,2 @@
+16 Kã hive nãnuit, pov-la pote  kote Jezi boku mun ki te gãië move lesphui. I Jezi sel ke un pahol li tihe tut move lesphui i djiehi tut mun ki te malad-iela.
+17 Jezi fe sa pu kõphui sa ki Phofet Isaías te dji: "li ale ke tut no maladji-iela i xaie tut no ïfehmite-iela.

08/18.txt

@@ -0,0 +1,3 @@
+18 Jezi ue ban mun-iela kõhõne'l li voie so djisip-iela ale uot bo dji lag-la.
+19 Un met dji lalua hive phox dji li: Met, no ke suiv u kote u k'ale!
+20 Jezi hepon: hapoz-iela gãië ie thu, i txisoso-iela gãië ie nik. Më, Pitxit dji Om pa gãië kote pu li pose so tet.

08/21.txt

@@ -0,0 +1,2 @@
+21 I uot ki ate djisip dji Jezi dji: _Sëie, phõmië lese mo tone ale ãtehe mo papa.
+22 Jezi hepon: vini ke mo lese  mun muhi ãtehe ie mun muhi-iela.

08/23.txt

@@ -0,0 +1,3 @@
+23 Jezi ãthe lãdã bato-la i so djisip-iela ale ke li.
+24 Leve un vilë lapli ke gho vã, ki lag fe gho lãme  dji un mãië ki gho lame te ka khuvui bato-la. Jezi te ka dhõmi.
+25 Djisip-iela ale leve Jezi ie dji: Sëie sove no! no ke muhi.

08/26.txt

@@ -0,0 +1,2 @@
+26 Jezi hepon: pukisa zot pe, om dji pitxi espua? Ëbe li leve le babie vã-la i lãme-la i tut hete this.
+27 Ëbe ie tut hete susphan i ie dji: a ki om sa ki ka kumãde juk vã i lãme?

08/28.txt

@@ -0,0 +1,2 @@
+28 Kã Jezi hive la hegiõ dji Gadaha, la bo Levã dji lag dji Galileia, ale kõthe ke li dë om ki te ke Lesphui dji demuë. Ie te ka vini dji semitxe, kote ie te ka hete. Ie te boku move ki pies mun pa te ka pase laba lãdã sa hegiõ-la.
+29 Ie kumase hele: Pitxit dji Bõdje akisa u le ke no? U vini esi pu bai pinitãs ãvã tã-la?