\v 22 Pie kõtxinẽ:
_Om-iela dji Izhael, zot kute sa ki mo ke dji.
Bõdje mõthe pu zot ki Jezi dji nazare  a te un Om ki li kõtã. Pase, palakos dji Jezi, Bõdje fe ghã mihak i ghã bagaj ki joli la zot mitã, kumã zot biẽ save. 
\v 23 Bõdje, pu so phop volõte i ïtelijãs li te deha deside ki li te ke  hãde Jezi Khi la zot lãmẽ. I zot mem txue'l pu lãmẽ dji om ki mixã-iela, ki klue'l lãdã lakhue.
\v 24 Mẽ Bõdje hesusite Jezi, li delivue'l dji povua dji lamo-la, pase te ïposib pu lamo-la te dominẽ'l.