Fri Jul 08 2022 21:16:07 GMT-0300 (Horário Padrão de Brasília)

01/01.txt

@@ -0,0 +1,4 @@
+\c 1 \v 1 Lãdã phõmië liv ki mo ekhi, u, Teofilo, tut sa ki Jezi fe i mõthe djipi kumasmã dji so thavai
+\v 2 juk ju ki li ale pu lahosiel. Ãvã li ale pu lahosiel, li bai zod, pu povua dji Sëtesphui, pu om-iela ki li te xuezi kumã *apostolo-iela.
+\v 3 Aphue dji so lamo, Jezi pahet pu ie dji boku mãië, dehãtxi kahãt ju, li mõthe boku laphuev bië kle ki li te viv.
+Apostolo-iela ue Jezi, i li te ka koze ke ie a hespek dji *lasosiete dji Bõdje.

01/04.txt

@@ -0,0 +1,2 @@
+\v 4 Un ju, kã li te ke so djisip-iela, Jezi bai pu ie sa zod-la: _hete la Jehuzalem i ãtan juk kã papa-la bai pu zot sa ki li phomet, kõfom mo dji pu zot.
+\v 5 Jã batxize ke djilo, më aphue djila ke un de ju zot ke batxize ke Sëtesphui.

01/06.txt

@@ -0,0 +1,3 @@
+\v 6 Ëbe, apostolo-iela ki te ke Jezi ie dumãde'l: _ato ki u ke hãde lasosiete-la pu pov dji Ishael?
+\v 7 Jezi hepon: pa buëzë zot save lokasiõ o ju ki papa-la make ke so phop otohite,
+\v 8 kã Sëtesphui ke desan lasu zot, zot ke husuve povua i zot ke sa mo tëmuë, lãdã tut Judeia, i Samaria, i juk lãdã kote plis luë dji late-la.

01/09.txt

@@ -0,0 +1,4 @@
+\v 9 Aphue ki li pale sa, Jezi ale pu lahosiel djivã ie. Ëbe, un nuaj khuvui'l, i ie pa ue'l ãko.
+\v 10 Ie te ka gade tuju pu lahosiel, ëkãt Jezi te ka mõte, kã de om dji lëj blã pahet phox dji ie 
+\v 11 zãj-iela dji:_om-iela dji Galileia, Pukisa zot ka gade pu lahosiel ?
+Sa Jezi ki te ke zot i ki ale pu lahosiel ke hutonë dji mem mãië zot ue li mõte.

01/12.txt

@@ -0,0 +1,4 @@
+\v 12 Ëbe apostolo-iela desan dji mõtãi dji Oliveira i ie tonë pu Jehuzalem  (mõtãi-la te ka hete un djistãs dji un kilomet dji pei-la).
+\v 13 Kã, ie hive lãdã pei-la, ie ale juk lãdã lasal, dji Dezem etaj dji kaz kote ie te ka hete.
+Apostolo-iela a te: Pie, Jã, Txiag, Ãdhe, Filip, Tome, Bahtolomeu, Matxie, Txiag, pitxit dji Alfeu, Simõ,  publican-la i Judas, pitxit dji Txiag.
+\v 14 Ie tut te ka hasãble pu phuie ãsam ke fam-iela, mãmã dji Jezi, i so fue-iela.

01/15.txt

@@ -0,0 +1,2 @@
+\v 15 Lãdã un dji sa ju-iela ki ie te hasãble, te gãië phox dji sã vë mun ki te ka suiv Jezi. Lãdã sa heuniõ-la Pie djibut i li dji:
+\v 16 "Mo fue-iela, te gãië pu hive, sa ki Sëtesphui te dji pu Davi, lãdã *Pahol Së-la  a hespek dji Judas ki a te siavito dji sa mun-iela ki phui Jezi.

01/17.txt

@@ -0,0 +1,3 @@
+\v 17 Judas a te dji no patxizã i li te ka thavai ãsam ke no.
+\v 18 (ke lajã ki te husuve palakos dji so khim, Judas axte un tehë. Lãdã sa tehë-la li tõbe ke so tet, so ko pataje lamitã, i so thip sotxi pu deho.
+\v 19 Tut mun ki te ka hete la Jehuzalem, hete save djisa. Pu sa ie bai pu tehë-la un nõ ki a "Aceldama", ki lãdã ie lãg, a " tehë dji djisã")

01/20.txt

@@ -0,0 +1,2 @@
+\v 20 I Pie kõtxinë: Sa a ki ekhi lãdã liv dji Salmo: ("ki so kaz hete ãbãdõnë,  i pies mun pa ke hete lãdã'l" )
+I osi li dji: "ki uot mun fe thavai ki li te ka fe!"

01/21.txt

@@ -0,0 +1,3 @@
+\v 21 "Ato no djivet xuezi uot om, dji lamitã om-iela ki te ãsam ke no dehãtxi tut sa tã ki Sëie Jezi maxe ãt no,
+\v 22 djipi mumã ki Jã batxize, juk ju ki li ale pu lahosiel. Sa mun ki ie xuezi ke hete ãsam ke no, kumã un tëmuë dji hesuheisiõ"
+\v 23 ie phuezãte de om: Joze, ki ie k'aple Bahsabas, ie te ka aple'l osi Jis, i Matxias .

01/24.txt

@@ -0,0 +1,3 @@
+\v 24 Aphue ie phuie, ie dji: Sëie, u konet txo dji tut. Mõthe ato dji ie de akiles u xuezi
+\v 25 pu thavai ke no kumã un apostolo, pase Judas ãbãdõnë sa thavai-la i li ale pu un kote ki li te mehite.
+\v 26 Ëbe, ie txihe xãs, i xãs-la tõbe lasu Matxias; djisa mãië-la li hete ãsam ke patxizã dji õz apostolo-iela.

01/title.txt

@@ -0,0 +1 @@
+Xapi 1

02/01.txt

@@ -0,0 +1,4 @@
+\v 1 Kã hive ju dji lapëtkot, tut mun-iela te hasãble selmã un kote. 
+\v 2 Djinku vinï dji lahosiel un thë sãble un vã ki boku fo sa thë-la plë tut kaz-la kote ie te asi.
+\v 3 Ie tut ue un bagaj sãble labhues djife, ki te ka kate kumã lãg dji djife lasu ie xakë un mun te ka koze un lãg.  
+\v 4 Tut mun hete plë ke Sëtesphui ie kumase koze uot lãg sosulõ sa ki Sëtesphui te ka bai pu xakë un mun.

02/05.txt

@@ -0,0 +1,3 @@
+\v 5 Te ka hete laba la jehuzalem judeu ki te vinï dji boku nasiõ dji tã-la.
+\v 6 Kã ie tãde sa thë-la, boku dji ie patxizã hasãble, i ie tut hete susphan, pase xakë un te puve kõphan la ie phop lãg sa ki djisip-iela dji Jezi te ka koze.
+\v 7 Mun-iela hete susphan ie te ka koze: _sa mun-iela ki ka koze Kõsa ie sa dji Galileia!

02/08.txt

@@ -0,0 +1,5 @@
+\v 8 Kumã xak un dji no ka tãde ie ka koze la no phop lãg?
+\v 9 No sa mun dji Pahtxia, dji Medjia, dji Elão, dji Mezopotamia, dji Judeia, dji kapadosia, dji Azia, 
+\v 10 dji Fhijia, dji Pãfilia, dji Ejito, i dji hejiõ dji Libia ki ka hete obo Sirene. Un de sa dji Homa.
+\v 11 Gãië ki sa judeu, i uot ki a patxizã dji (judaismo).
+Gãië ki sa dji Kheta, i uot dji Ahabia. I kumã no tut ka kute kumã sa mun-iela ka koze la no phop lãg a hespek  djisa ghã bagaj ki Bõdje te fe?

02/12.txt

@@ -0,0 +1,4 @@
+\v 12 Ie tut hete susphan sã save akisa pu ie majinë, ie te ka dumãde un dji uot.  
+_akisa sa ka signifike?
+\v 13 Më gãië uot ki te ka futan, ie te ka dji :
+_sa mun-iela su!

02/14.txt

@@ -0,0 +1,3 @@
+\v 14 Ëbe Pie djibut, obo õz *apostolo-iela li kumase koze fo pu mun-iela :
+_ãtësiõ mo kamahad-iela judeu i zot tut ki ka hete la Jehuzalem, zot kute sa ki mo ke dji pu zot.
+\v 15_Sa mun-iela pa su kumã zot ka majinë, li selmã neve dji bõmãtë.

02/16.txt

@@ -0,0 +1,4 @@
+\v 16 Sa ki ka hive esi a sa ki phofet Joel te dji.
+\v 17 "A sa ki mo ke fe lãdã diãië ju-iela_ Bõdje dji: _Mo ke devide mo Lesphui lasu tut mun. 
+Zot pitxit-iela ke phofetxize; 
+jon-iela ke gãië viziõ i ghã-mun-iela ke heve

02/18.txt

@@ -0,0 +1,2 @@
+\v 18 _ui, mo ke devide mo Lesphui lasu mo pitxit-iela, i lãdã sa ju-iela ie ke ãnüsie mo pahol osi.
+\v 19 Mo ke fe pahet ghã bagaj lahosiel, i ghã mihak lasu late, ke gãië djife , djisã i gho nuaj dji lafimë;

02/20.txt

@@ -0,0 +1,2 @@
+\v 20 Solei-la ke hete suku i lalin-la pa ke bai so klehite, ãvã hive sa ghã ju dji Sëie.
+\v 21 Ëbe tut sa ki dumãde pu  Bõdje ide ie ke puve sove".

02/22.txt

@@ -0,0 +1,5 @@
+\v 22 Pie kõtxinë:
+_Om-iela dji Izhael, zot kute sa ki mo ke dji.
+Bõdje mõthe pu zot ki Jezi dji nazare  a te un Om ki li kõtã. Pase, palakos dji Jezi, Bõdje fe ghã mihak i ghã bagaj ki joli la zot mitã, kumã zot bië save. 
+\v 23 Bõdje, pu so phop volõte i ïtelijãs li te deha deside ki li te ke  hãde Jezi Khi la zot lãmë. I zot mem txue'l pu lãmë dji om ki mixã-iela, ki klue'l lãdã lakhue.
+\v 24 Më Bõdje hesusite Jezi, li delivue'l dji povua dji lamo-la, pase te ïposib pu lamo-la te dominë'l.

02/25.txt

@@ -0,0 +1,3 @@
+\v 25 Davi te koze a hespek dji Jezi Kõsa: 
+"Mo te ka ue Bõdje tut tã ke mo, pase li te la mo go adhet, pu ãië pa te sukuie mo.
+\v 26 A pu sa mo txo kõtã i mo pahol-iela a dji kõtãtmã; i mo un mun ki ka muhi, mo ke ale poze plë ke espehãs.

02/27.txt

@@ -0,0 +1,2 @@
+\v 27 Pase u Sëie, pa ke ãbãdõnë mo la tã dji mun muhi-iela. Mo siavi u vuemã pu sa u pa ke lese mo puhi lãdã mo tom.
+\v 28 U mõthe mo ximë ki ka pote pu lavi, i u phuezãs ke plë mo ke kõtãtmã.

02/29.txt

@@ -0,0 +1,5 @@
+\v 29 Pie dji ãko: 
+_Mo fue-iela,  Mo buëzë pale bië kle ke zot a hespek dji Davi. Sa ghã lidehãs-la muhi i li ãtehe, i so tom la juk jodla.
+\v 30 Li te sa phofet, li te save ki Bõdje te phomet ki un dji so pitxit-iela te ke sa vue.
+\v 31 Davi te save, ki Bõdje te ke fe, a pu sa li kose a hespek dji hesuheisiõ dji *Messias.
+Davi dji: "Li pa hete ãbãdõnë lãdã tã dji mun muhi-iela, i so ko pa puhi lãdã tom-la ".

02/32.txt

@@ -0,0 +1,2 @@
+\v 32 Bõdje hesusite sa Jezi-la, i no tut sa tëmuë djisã.
+\v 33 Pase Jezi ale pu asi bo adhet dji Bõdje, so papa, sa ki bai Sëtesphui, kumã li te phomet. I Jezi devide lasu no sa Lesphui-la, kofom zot ka ue tãde ato.

02/34.txt

@@ -0,0 +1,4 @@
+\v 34 Pase Davi pa mõte pu lahosiel, më li mem afihmë: 
+"Sëie Bõdje dji pu mo Sëie: asi la mo bo adhet,
+\v 35 juk kã mo mete u elmi-iela, ãba u pie-iela".
+\v 36 Tut pov dji Ishael djivet, hete bië save, ki sa Jezi ki zot klue lãdã lakhue a li ki Bõdje tonë Sëie i Messias.

02/37.txt

@@ -0,0 +1,4 @@
+\v 37 Kã ie tãde sa, ie tut hete thakase i ie dumãde dji Pie i uot djisip-iela :
+_fue-iela, akisa no djivet fe?
+\v 38 Pie hepon: zot hepãtxi, i xakë un dji zot batxize lasu nõ dji Jezi Khi, pu zot pexe-iela puve padõnë, i zot ke husuve dji Bõdje Sëtesphui.
+\v 39 Pase sa phomes-la a pu zot, pu zot pitxit-iela i pu tut sa ki luë-iela, pu tut sa ki Sëie, no Bõdje, aple.

02/40.txt

@@ -0,0 +1,3 @@
+\v 40 Pie kõtxinë bai so tëmuë, i ke boku uot esplikasiõ, li te ka dji pu ie: Sotxi dji lamitã dji lamitã dji sa mun ki mixã-iela, i zot sove zot ko!
+\v 41 Boku khe lasu mësaj dji Pie i ie batxize. Lãdã sa ju-la phox thoa mil mun batxize, i ie hasãble ãsam ke Jezi so djisip-iela .
+\v 42 I ie tut kõtxinë fiam, ie te ka suiv sa ki djisip-iela te ka mõthe, ie te ka viv lãdã kõtãtmã i kumuniõ dji Jezi, kã ie te ka pataje djipë i ka ie te ka phuie.

02/43.txt

@@ -0,0 +1,3 @@
+\v 43 I djisip-iela te ka fe boku mihak, i boku bagaj ki joli, pu sa tut mun-iela te plë ke kõtãtmã. 
+\v 44 Tut ki te ka khe-iela te ãsam, i ie te ka pataje un ke uot sa ki ie te gãië.
+\v 45 Ie te ka vãde ie hixez-iela i uot bagaj i ie te ka pataje ie lajã ke tut, sosulõ nesesite dji xakë un.

02/46.txt

@@ -0,0 +1,3 @@
+\v 46 Tut ju-iela, ie te ka kõtxinë hasãble obo "kaz dji Adohasiõ ".
+Ie te ka pataje djipë lãdã ie kaz-iela, i ãsam ie te ka mãje, ke kõtãtmã lãdã ie txo.
+\v 47 Ie te ka lue Bõdje pu tut, i tut pov-la te kõtã ie. I xak ju Sëie-la te ka pote pu patxizã-la mun ki te ke sove-iela.

02/title.txt

@@ -0,0 +1 @@
+Xapi 2

03/01.txt

@@ -0,0 +1,3 @@
+\v 1 Un ju, Pie i Jã te ka ale pu Kaz dji Adohasio pu phuie thoaze dji asue.
+\v 2 Te laba un om ki te fet ïvalid, tut ju-iela ie te ka pote'l laba phox dji lapot dji Kaz dji Adohasiõ ki ie te k'aple "Formosa", pu li dumãde lajã dji mun-iela ki te ka ãthe lãdã Kaz-la.
+\v 3 Kã, om ïvalid-la ue Pie i Jã te ka ãthe li dumãde lajã.

03/04.txt

@@ -0,0 +1,3 @@
+\v 4 Ie gade kote li, i Pie dji: _gade pu no!
+\v 5 Om-la gade pu ie, li ãtan husuve un kek bagaj.
+\v 6 Ëbe Pie dji: No pa gãië pies lajã, më sa ki mo gãië mo ka bai pu u: pu povua dji nõ dji Jezi Khi, dji Nazare, djibut i maxe.

03/07.txt

@@ -0,0 +1,2 @@
+\v 7 Aphue Pie txëbe la lãmë adhet dji om-la  li ide'l leve djibut. Lãdã mem lokasiõ so pie-iela, i so junü-iela hete fiam.
+\v 8 Ëbe li vole, i li hete djibut i li kumase maxe. Aphue li ãthe lãdã Kaz-la ke ie, ka maxe i vole i ka humiasi Bõdje.

03/09.txt

@@ -0,0 +1,2 @@
+\v 9 Tut ban mun-iela ue om-la te ka vole i adohe Bõdje.
+\v 10 Kã, ie piasuve, ki sa om-la a te ïvalid-la ki te Ka hete asi phox obo lapot "Formosa" dji Kaz dji Adohasiõ-la, ie hete susphan i pe, ke sa ki te fet.

03/11.txt

@@ -0,0 +1,4 @@
+\v 11 Om ki te djiehi-la, suiv Pie i Jã. Tut mun-iela te hete susphan, ie kuhi pu un pedas dji Kaz dji Adohasiõ-la ki ie k'aple *Alpendre(plas ki hix) dji Salomão, kote ie te fika.
+\v 12 Kã, Pie ue sa, li dji pu mun-iela:
+Pov dji Ishael, pukisa zot hete susphan?
+Pukisa zot ka gade pu no, komsi a no ki fe sa om-la maxe palakos dji no phop povua, o palakos dji no dedjikasiõ pu Bõdje.

03/13.txt

@@ -0,0 +1,2 @@
+\v 13 Bõdje dji no ãtepase-iela, Bõdje dji Abhaão, Bõdje dji Izake, i Bõdje dji Jako, a li ki bai "Gloria pu so *siavito Jezi, më zot hãde'l, i kuiënë'l djivã Pilatos, i kã li te deside libiate Jezi, zot pa te le.
+\v 14 Jezi te bõ, li te ka dedjike pu Bõdje, pu zot te dumãde pu ie libiate'l, zot dumãde pu Pilatos un bãdji.

03/15.txt

@@ -0,0 +1,2 @@
+\v 15 Kõsa, zot txue sa ki fe lavi-la;  më Bõdje hesusite'l ãko, i no sa tëmuë djisã.
+\v 16 A povua dji nõ dji Jezi ki bai fos pu sa om-la. Sa ki zot ka ue i save fet palakos dji espua lasu nõ dji Jezi, a espua lasu Jezi ki djiehi sa om-la djivã zot tut.

03/17.txt

@@ -0,0 +1,2 @@
+\v 17 Ato, mo fue-iela, mo save akisa zot, i zot lidehãs-iela fe ke Jezi, zot pa te save akisa zot ka fe.
+\v 18 Më, Bõdje kõphui kõsa ki li te ãnüsie boku tã pu phofet-iela, ki * Messias, ki li te xuezi, te gãië pu sufui.

03/19.txt

@@ -0,0 +1,2 @@
+\v 19 Zot, hepãtxi i tonë pu Bõdje, pu li padõnë zot pexe-iela. 
+\v 20 I osi pu nov tã i nov fos dji Lesphui, vinï dji Sëie, i li ke voie Jezi, ki li te xuezi pu sa zot Messias.

03/21.txt

@@ -0,0 +1,3 @@
+\v 21 Jezi buëzë hete lahosiel, juk kã hive tã, pu tut bagaj-iela hete nov, kumã Bõdje ãnüsie boku tã, pu so phofet-iela.
+\v 22 Moises dji: "Dji lamitã dji zot Sëie Bõdje ke xuezi i li ke voie pu zot un phofet, kõsa kumã li voie mo. Zot obei tut sa ki li ke dji pu zot.
+\v 23 Mun ki pa obei, ie ke hete  sepahe dji pov dji Bõdje i ie ke hete dethi.

03/24.txt

@@ -0,0 +1,3 @@
+\v 24 Samuel i tut phofet-iela ki vinï aphue dji li, ie pale a hespek dji sa ju-iela.
+\v 25 Phomes-iela ki Bõdje fe palakos dji phofet-iela, a pu zot, i zot ka fe pedas dji sa kõtha, ki Bõdje fe ke zot ãtepase-iela, kã li dji pu Abhaão: palakos dji u pitxit-iela mo ke bënï tut nasiõ-iela dji tã-la.
+\v 26 Kõsa Bõdje xuezi so Siavito, i li voie'l phõmië pu zot, pu bënï zot i pu xakë un dji zot ãbãdõnë zot pexe-iela.

03/title.txt

@@ -0,0 +1 @@
+Xapi 3

04/01.txt

@@ -0,0 +1,4 @@
+\v 1 Pie i Jã te ka koze ke pov-la tuju, kã hive un de sasedotxi, xef ki te ka veie Kaz dji Adohasiõ-la I un de *saduceus*.
+\v 2 Ie hete boku ãhaj, pase ki de apostolo-iela te ka dji pu pov-la ki Jezi hesusite, i sa   te ka fe  laphuev ki mun ki muhi-iela ke hesusite.
+\v 3 Ëbe ie mete de-iela lãdã phuiziõ,pu ie hete laba juk uot ju-la, pase te deha ka suku.
+\v 4 Më, sa mun-iela ki tãde mësaj-la ie khe, i sa om ki khe-iela phox ki sëk mil.

04/05.txt

@@ -0,0 +1,3 @@
+\v 5 Lãdã uot ju-la hasãble la Jehuzalem otohite dji judeu-iela, lidehãs-iela dji pov-la i met dji lalua-iela. 
+\v 6 Lãdã heuniõ te laba osi, Anas, ki a te ghã sasedotxi-la, Caifas, Jã, Alixan i uot-iela ki a te dji lafãmi dji ghã sasedotxi-la.
+\v 7 Otohite-iela mete apostolo-iela djivã ie, i ie dumãde: ke ki povua o lasu nõ dji kimun zot ka fe sa?

04/08.txt

@@ -0,0 +1,4 @@
+\v 8 Ëbe Pie, plë ke Sëtesphui, hepon:
+_Otohite-iela i lidehãs-iela dji pov-la. 
+\v 9 Zot ka dumãde dji no jodla suje djibië ki no fe pu sa om-la i kumã li hete djiehi.
+\v 10 Ëbe, ki zot i tut pov dji Ishael hete save ki sa om-la ki esi, li kõpletmã djiehi pu povua dji nõ dji Jezi Khi, dji Nazare __sa ki zot klue lãdã lakhue i ki Bõdje hesusite.

04/11.txt

@@ -0,0 +1,3 @@
+\v 11 Jezi a sa ki Pahol Së-la te dji: "hox ki zot, mun-iela jite deho vinï tonë plis ïpohtã dji tut."
+\v 12 Pa gãië salvasiõ lãdã pies uot!
+Pa gãië pies uot nõ ãba dji siel-la, i lãdã tut tã-la, ki puve sove no.

04/13.txt

@@ -0,0 +1,2 @@
+\v 13 Kõseie-iela ki pi ïpohtã-iela, hete susphan ke kohaj dji Pie i Jã, pase ie te save ki de-iela te sa om sëp, i sã ïsthusiõ. I ie hukonet ki ie de te ke Jezi.
+\v 14 Më ie pa te puve dji ãië kõt, de-iela, pase om ki ie te djiehi-la te djibut laba, ãsam ke ie.

04/15.txt

@@ -0,0 +1,4 @@
+\v 15 I aphue ie voie ki Pie i Jã sotxi dji lasal dji kõsei-la i ie kumase djiskite.
+\v 16 Ie te ka dji: __akisa no ke fe ke sa om-iela? Pase tut mun ki ka hete la Jehusalem save ki ie fe un ghã mihak, i no pa puve dji a mãto.
+\v 17 Më, pu no pa lese sa nuvel-la Kate pi boku ãt pov-la, ãnü ãpexe ie, pu ie jë pale ke pies mun a hespek dji Jezi.
+\v 18 Ëbe ie aple de-iela ãko i ie bai zod, pu  ie pa jë pale, në mõthe ãië a hespek dji Jezi.

04/19.txt

@@ -0,0 +1,2 @@
+\v 19 Më Pie i Jã hepon: "zot ka khe ki Bõdje le no obei zot, i nõ li?
+\v 20 No pa puve lese dji pale dji sa ki no ue i no tãde."

04/21.txt

@@ -0,0 +1,2 @@
+\v 21 Kõseie-iela ki pi ïpohtã-iela ãpexe ãko, më,  lãdã finisiõ ie libiate de-iela. Kõseie-iela pa te puve bai pinitãs,  pase ki tut pov-la te ka adohe Bõdje palakos dji sa ki te fet.
+\v 22 Sa om-la ki te djiehi, pu sa mihak-la te gãië plis ki kahãt ãnë.

04/23.txt

@@ -0,0 +1,5 @@
+\v 23 Kã Pie i Jã hete lib, ie tonë pu ie patxizã i ie hakõte tut sa ki xef dji sasedotxi-iela i lidehãs-iela dji pov-la te dji.
+\v 24 Kã ie tãde tut sa, ie phuie tut ãsam pu Bõdje, ie dji:
+__Sëie, u sa met dji siel i late, dji ghã lãme, i dji tut ki gãië lãdã ie!
+\v 25 U pale boku tã deie pu Sëtesphui,  lãdã Pahol dji no ãtepase Davi, u siavito, kã li dji: "Pukisa nasiõ-iela hete kole boku?
+Pukisa pov-iela majinë bagaj sã vale?

04/26.txt

@@ -0,0 +1 @@
+\v 26 Zot vue-iela phuepahe, i zot guvelmã-iela hasãble kõt Sëie Bõdje i kõt Messias, ki li xuezi".

04/27.txt

@@ -0,0 +1,2 @@
+\v 27 Vuemã, Herodes i Pilatos hasãble esi lãdã sa pei-la, ke nõ-judeu-iela i ke pov dji Ishael,  kõt Jezi, u siavito Së ki u xuezi pu tonë Messias.
+\v 28 Ie hasãble pu fe tut sa ki, pu u povua i pu u volõte,  te deha dji ki te ke hive.

04/29.txt

@@ -0,0 +1,3 @@
+\v 29 Ato Sëie, gade pu phomes dji pinitãs, pu ie. Bai pu u siavito-iela kohaj pu ãnüsie u pahol.
+\v 30 Lõje u lãmë pu djiehi, ãfë dji ki, pu povua dji nõ dji u siavito Së Jezi, mihak i boku uot bagaj fet.
+\v 31 Kã ie Finï dji phuie, kote-la thãble, kote ie te hasãble. Ëbe tut hete plë ke Sëtesphui i ie kumase ãnüsie ke kohaj pahol dji Bõdje.

04/32.txt

@@ -0,0 +1,2 @@
+\v 32 Tut sa ki khe-iela te ka majinë i sãtxi dji mem mãië. Pies mun pa te ka dji ki sa bagaj ki ie te gãië a te selmã ie pa, më ie tut te ka pataje un ke uot tut sa ki ie te gãië.
+\v 33 Ke ghã povua, apostolo-iela te ka bai tëmuë dji hesuheisiõ dji Sëie Jezi, i Bõdje te ka devide boku usiõ lasu ie tut.

04/34.txt

@@ -0,0 +1,2 @@
+\v 34 Pa te gãië ãt ie, pies mun ki te ka pase mize, pase tut sa ki ie te gãië, late, kaz ie vãde,
+\v 35 ie te ka pote lajã-la pu apostolo-iela. I xakë un mun te ka husuve un moso, sosulõ ie nesesite.

04/36.txt

@@ -0,0 +1,2 @@
+\v 36 Apostolo-iela bai un nõ pu Jose ki a Barnabe , ki signifike "Pitxit dji kohaj" li te sa dji thib dji Levi, i li te fet lãdã zile dji Chipre.
+\v 37 Li vãde un tehë ki li te gãië, i li pote lajã-la pu apostolo-iela.

04/title.txt

@@ -0,0 +1 @@
+Xapi 4

05/01.txt

@@ -0,0 +1,2 @@
+\v 1 Më, un om ki ie k'aple Ananias, ki maie ke un fam ki ie te k'aple *Safira, vãde un tehë,
+\v 2 li bai selmã un tximoso dji lajã-la pu apostolo-iela, li hete ke lahextã. I Safira te save djisa.

05/03.txt

@@ -0,0 +1,4 @@
+\v 3 Ëbe Pie dji pu Ananias: __Pukisa u lese djiab-la dominë u txo? _Pukisa u fe mãto pu Sëtesphui? _Pukisa u hete ke lahextã dji lajã-la dji tehë ki u vãde?
+\v 4 Ãvã u te vãde'l a te, upa, i, aphue dji vãde'l lajã-la, osi a te  upa. Ëbe, pukisa u fe sa? U pa fe mãto pu mun-iela, më u fe mãto pu Bõdje!
+\v 5 Kã, li tãde sa, Ananias tõbe ate i li muhi; i tut sa ki save djisa ki hive, tut hete boku pe.
+\v 6 Ëbe vinï un de Jon mun, ie khuvui ko dji Ananias ke un dha, ie ale ke so ko pu deho i ie ãtehe'l.

05/07.txt

@@ -0,0 +1,3 @@
+\v 7 Fam dji Ananias hive ke thoa le dji tã aphue, li pa te save, akisa ki te fet ke so om.
+\v 8 Pie dumãde'l: Dji pu mo! A pu sa phui-la zot vãde sa tehë-la?
+_Li hepon:  ui!

05/09.txt

@@ -0,0 +1,3 @@
+\v 9 Ëbe Pie dji: _Pukisa zot Kõbinë pu mete lãdã laphuev Lesphui dji Sëie? Jon mun-iela ki finï dji ãtehe u om ie deha lãdã lapot-la i ato ie ke ale ke u osi.
+\v 10 Lãdã mem lokasiõ fam-la tõbe ate, i li muhi. Jon mun-iela ãthe, ie ue ki li te muhi, ie ale ke so ko, i ie ãtehe'l phox dji so om.
+\v 11 I tut legliz-la i tut sa ki save djisa, hete pe.

05/12.txt

@@ -0,0 +1,2 @@
+\v 12 Apostolo-iela te ka fe boku mihak i boku bagaj ki joli ãt pov-la, i sa ki te ka suiv Jezi ie hasãble lãdã * Alpendre (plas ki pi hix) dji Salomão.
+\v 13 Pies mun dji deho, pa te gãië kohaj dji hasãble lãdã ie patxizã, më pov-la te ka koze bië dji ie.

05/14.txt

@@ -0,0 +1,3 @@
+\v 14 Un ban mun om i fam khe osi lasu Sëie i patxizã-la vinï hete plis boku.
+\v 15 Palakos dji mihak-iela ki apostolo-iela te ka fe, mun-iela te ka mete mun malad-iela lãdã lahi-iela, lasu ie lit-iela. Ie te ka sa, pu kã Pie te pase, pu mem so lom te khuvui un de dji ie.
+\v 16 Ban mun-iela te ka vinï dji vil-iela ki phox dji Jehuzalem, ie te ka pote ie mun malad-iela, i sa ki te ke lesphui djimal, i ie tut te ka djiehi.

05/17.txt

@@ -0,0 +1,2 @@
+\v 17 Ëbe ghã sasedotxi-la i so kõpãië-iela, ki a te dji patxizã dji saduseu-iela, ie hete ke jaluzi lasu apostolo-iela ie deside fe un kek bagaj.
+\v 18 Ie phui apostolo-iela lãdã phuiziõ.

05/19.txt

@@ -0,0 +1,4 @@
+\v 19 Më lãdã sa nuit-la un zãj dji Sëie, luvui lapot-iela dji phuiziõ-la, li pote apostolo-iela pu deho i li dji:
+\v 20 __Zot ale pu Kaz dji Adohasiõ-la i ãnüsie pu pov-la tut a hespek djisa nov lavi-la. 
+\v 21 Apostolo-iela obei i lãdã uot ju-la, bië bono bõmãtë, ie ãthe lãdã Kaz-la i ie kumase mõthe. 
+Ëbe ghã-sasedotxi-la i so kõpãië-iela,  aple lidehãs-iela dji pov-la pu un heuniõ dji "Kõsei-la". Aphue ie voie un de soda dji Kaz dji Adohasiõ-la sase apostolo-iela la phuiziõ.

05/22.txt

@@ -0,0 +1,2 @@
+\v 22 Kã, soda-iela hive laba, ie pa kõthe apostolo-iela. Ëbe ie tonë pu kote kõsei-la te hasãble.
+\v 23 Ie dji: __No ale juk laba, i no kõthe phuiziõ-la bië fõmë, i soda-iela ka veie lapot-iela;  më, kã no luvui lapot-iela, no pa thuve pies mun laba ãdjidã.

05/24.txt

@@ -0,0 +1,2 @@
+\v 24 Kã xef dji sasedotxi-iela i xef dji soda-iela dji Kaz dji Adohasiõ-la, tãde sa, ie hete sã save akisa pu ie majinë, suje sa ki fet ke apostolo-iela.
+\v 25 Lãdã sa mumã-la hive un mun, li dji: zot kute! Sa om-iela ki zot te mete lãdã phuiziõ ie laba lãdã Kaz-la Kã mõthe pov-la

05/26.txt

@@ -0,0 +1,3 @@
+\v 26 Ëbe xef dji soda-iela dji Kaz-la, i so soda-iela sotxi i ie pote apostolo-iela. Më ie pa malthete apostolo-iela, pase ki ie te hete pe veie pov-la te jite hox lasu ie.
+\v 27 Aphue ie mete apostolo-iela djivã Kõsei-la. I ghã sasedotxi-la dji:
+\v 28 "No bai zod ki zot pa mõthe ãië a hespek djisa om-la. I akisa ki zot fe? Zot kate sa nuvel-la pu tut pei dji Jehuzalem i zot le tuju mete fot lasu no, pu so lamo!

05/29.txt

@@ -0,0 +1,4 @@
+\v 29 Ëbe Pie i uot apostolo-iela hepon: No djivet obei Bõdje i nõ mun-iela. 
+\v 30 Zot klue Jezi lãdã lakhue, më Bõdje dji no ãtepase-iela hesusite'l.
+\v 31 I Bõdje mete'l la so bo adhet kumã Lidehãs i mun pu sove, pu bai pu pov dji Ishael opohtunite pu hepãtxi i husuve padõ dji so pexe-iela.
+\v 32 No sa tëmuë dji tut sa, no i Sëtesphui, ki Bõdje ka bai pu sa ki ka obei'l.

05/33.txt

@@ -0,0 +1,2 @@
+\v 33 Kã mun-iela dji Kõsei-la tãde sa, ie hete boku ãhaj, ie deside txue apostolo-iela.
+\v 34 Më leve un mun dji Kõsei-la, un fahiseu ki ie k'aple Gamaliel, ki a te un met dji lalua, ki tut te Ka hespete. Li voie apostolo-iela sotxi pu un mumã.

05/35.txt

@@ -0,0 +1,3 @@
+\v 35 Ëbe li dji pu Kõsei-la: Om-iela dji Ishael, ãtãsiõ ke Kisa zot ke fe ke sa om-iela.
+\v 36 Un de tã deie pahet un om ki ie k'aple Teudas, ki te ka afihmë ki li sa un mun boku ïpohtã,  i ke sa li hesi hasãble katsã mun pu suiv li. Më ie txue'l, tut so mun-iela ki te ka suiv li, ie Kate, i so muhmã finï.
+\v 37 Aphue djisa pahet Judas, dji Galileia, lãdã sezõ ki ie ka kõte kãtxite dji mun-iela ki gãië . Sa osi hesi hasãble boku mun, më li muhi, i tut so mun-iela hete Kate.

05/38.txt

@@ -0,0 +1,3 @@
+\v 38 Lãdã sa lokasiõ-la,  zot pa fe ãië kõt sa om-iela. Zot lese ie ale, pase ki, si sa thavai ki ie ka fe, ka vinï dji om-iela li ke djispahet.
+\v 39 Më, si ka vinï dji Bõdje, zot pa puve dethi'l. Puve juk hive dji zot, bhuiga kõt Bõdje. 
+I Kõsei-la asekte lide dji Gamaliel.

05/40.txt

@@ -0,0 +1,3 @@
+\v 40 Ëbe ie aple apostolo-iela i ie fut ie; ie bai zod pu ie pa jë koze ãië a hespek dji Jezi. Aphue Kõsei-la libehe ie.
+\v 41 Apostolo-iela sotxi dji Kõsei-la boku kõtã, pase ki Bõdje te kõsidehe ie jis dji sufui umiliasiõ pu no dji Jezi.
+\v 42 I tut ju-iela, lãdã Kaz dji Adohasiõ-la i dji kaz ã kaz, ie te ka kõtxinë mõthe i ãnüsie bõ nuvel a hespek dji Jezi.

05/title.txt

@@ -0,0 +1 @@
+Xapi 5

06/01.txt

@@ -0,0 +1 @@
+\v 1 Un de tã aphue, lemeho dji judeu-iela ki te ka suiv Jezi hete boku, i sa ki leve deho dji late dji Ishael kumase heklãmë djisa ki leve lãdã Ishael. Ie te ka heklãmë, pase fam ki ie om muhi-iela dji ie patxizã ie te ka blie sa fam-iela lãdã djisthibuisiõ dji lajã dji xak ju.

06/02.txt

@@ -0,0 +1,4 @@
+\v 2 Ëbe duz apostolo-iela hasãble tut patxizã dji sa ki ka suiv-iela ie dji: 
+_Li pa jis no lese dji ãnüsie pahol dji Bõdje pu ëtxupe dji djisthibuisiõ dji lajã.
+\v 3 Pu sa, fue-iela zot xuezi ãt zot set om dji kõfiãs, plë dji Lesplui Së i dji konetmã, i no ke bai sa thavai-la pu ie.
+\v 4 Kõsa no ke puve kõtxinë  ize tut no tã, lãdã phuie i lãdã thavai dji ãnüsie pahol dji Bõdje.

06/05.txt

@@ -0,0 +1,2 @@
+\v 5 Ie tut dako kumã apostolo-iela te dji; Ëbe ie xuezi Estevão, un om plë ke espua i Sëtesphui, i osi Filip, Procoro, Nicanor, Timom, Parmenas i Nicolau dji Antioquia, un nõ-judeu ki ãvã li te asekte helijiõ dji judeu-iela.
+\v 6 Ie pote sa om-iela pu apostolo-iela, ki ie phuie i poze ie lãmë-iela lasu ie tet.

06/07.txt

@@ -0,0 +1 @@
+\v 7 I pahol dji Bõdje te ka kõtxinë kate, la jehuzalem lemeho dji mun ki te ka suiv Jezi te ka boku, xak fue plis, i boku sasedotxi te ka asekte espua lasu Jezi.

06/08.txt

@@ -0,0 +1,2 @@
+\v 8 Estevão, un om ki Bõdje te bënï boku i plë ke povua, te ka fe bagaj ki joli i boku mihak ãt  pov-la.
+\v 9 Më hete kõt li un de mun dji "Sinagog dji om lib-iela", ki a te Sinagog dji judeu-iela ki te vinï dji vil dji Cirene i Alexandria. Sa-iela i uot judeu-iela dji hejiõ i dji pei dji Azia kumase djiskite ke Estevão.

06/10.txt

@@ -0,0 +1,2 @@
+\v 10 Më, Lesphui dji Bõdje te ka bai boku konetmã pu Estevão, ki li te ka gãië tut djiskusiõ-iela.
+\v 11 Ëbe ie phã un de mun pu dji: No tãde sa om-la ka koze mal kõt Moises i kõt Bõdje.!

06/12.txt

@@ -0,0 +1,5 @@
+\v 12 Djisa mãië-la ie mete pov-la kõt li, lidehãs-iela i met dji lalua-iela. Aphue ie phui Estevão, ie pote'l pu Kõsei dji lidehãs dji pov-iela.
+\v 13 Ëbe ie phã un de om pu dji mãto a hespek dji li.
+Sa mun-iela afihmë Kõsa: _Sa om-la pa ka hete dji pale kõt no Kaz Së i kõt Lalua dji Moises.
+\v 14 No tãde kã li te ka dji ki sa Jezi dji nazare ke dethi Kaz dji Adohasiõ-la i xãje tut labitxuid ki Moises bai pu no.
+\v 15 Lãdã sa mumã tut mun dji Kõsei-la gade pu Estevão i ue so vijaz te sãble vijaz dji un zãj.

06/title.txt

@@ -0,0 +1 @@
+Xapi 6

07/01.txt

@@ -0,0 +1,3 @@
+\v 1 Ghã sasedotxi-la dumãde dji Estevão: Sa ki mun-iela ka dji a lavehite?
+\v 2 Estevão hepon: Fue-iela i papa-iela, kute! Bõdje dji *Gloria pahet pu no ãtepase Abhaão kã li te ka hete la hejiõ dji Mezopotamia, ãvã li te ale hete la vil dji Harã.
+\v 3 I Bõdje dji pu li: "sotxi dji u late, i dji lamitã dji u lafãmi i ale pu un late ki mo ke mõthe pu u".

07/04.txt

@@ -0,0 +1,2 @@
+\v 4 Ëbe Abhaão sotxi dji late dji caldeu-iela li ale hete la Harã. Aphue ki so papa muhi, Bõdje pote Abhaão pu sa late kote zot ato ka hete.
+\v 5 I Bõdje pa bai pu Abhaão hixez lãdã sa late-la, në un thas dji un pie, më li phomet ki li te ke bai pu Abhaão tut sa late-la, i ki aphue late-la te ke sa dji so pitxit-iela. Kã Bõdje fe sa phomes-la Abhaão pa te ãko gãië pitxit.

07/06.txt

@@ -0,0 +1,3 @@
+\v 6 Li dji pu Abhaão: "u pitxit-iela ke viv kumã ëthãje lãdã uot late. Laba ie ke sa esklav mun-iela ke malthete ie dehãtxi katsã ãnë".
+\v 7 I Bõdje dji ãko: "Mo ke bai pinitãs pu nasiõ ki fe ie kumã esklav. Aphue djisa ie ke hutonë dji sa late-la i ie ke adohe mo lãdã sa kote-la".
+\v 8 Bõdje bai pu Abhaão un kõtha dji xathe (circuncisão). Kõsa kã so pitxit Izaque fet, li xathe'l lãdã uitzem ju. Izaque so pitxit Jako, i Jako fe mem bagaj ke so duz pitxit-iela, ki  ghã xef-iela i no ãtepase-iela.

07/09.txt

@@ -0,0 +1,2 @@
+\v 9 Estevão kõtxinë: Joze so fue-iela te jaluzi'l i ie vãde'l pu sa esklav la Egito. Më Bõdje te ke li
+\v 10 i Bõdje delivue'l dji tut so aflisiõ-iela. Kã Joze pahet djivã Farao, vue dji Egito, Bõdje bai pu li konetmã i mãië ki bõ dji viv. I Farao fe li tonë guvelmã dji Egito, i dji ghã Kaz dji vue-la.

07/11.txt

@@ -0,0 +1,3 @@
+\v 11 Aphue hive ghã fë, i boku sufãs la Egito i Canaã, i no ãtepase-iela pa te gãië akisa pu mãje.
+\v 12 Jako te save ki te gãië tuju fahin-fãs la Egito li voie so pitxit-iela, no ãtepase-iela pu axte mãje.
+\v 13 Lãdã dezem fue ki ie ale, Joze hakõte pu so fue-iela akimun li te sa, i Farao hete save dji lafãmi dji Joze.

07/14.txt

@@ -0,0 +1,3 @@
+\v 14 Ëbe Joze voie sase so papa Jako i tut so lafãmi-iela, pu ie ale pu Egito; a te soasãt këz mun pu tut ki ale.
+\v 15 Jako ale pu Egito, i laba li i no ãtepase-iela hete juk ju dji ie lamo.
+\v 16 Ie ko-iela ale pu Siquem ie ãtehe lãdã tom ki Abhaão te axte pu un phui dji pitxit dji Hamor.

07/17.txt

@@ -0,0 +1,3 @@
+\v 17 Kã te ka hive tã dji Bõdje kõphui phomes ki li te fe pu Abhaão, no pov te boku la Egito.
+\v 18 Ëbe un vue, ki pa te save ãië a hespek dji Joze kumase kumãde Egito.
+\v 19 Sa vue-la kuiënë i malthete no ãtepase-iela, li oblije papa-iela lese ie pitxit-iela ki fet, pu ie muhi.

07/20.txt

@@ -0,0 +1,2 @@
+\v 20 Lãdã sa tã-la fet Moises, ki a te un joli tximun, i dehãtxi thoa mua so papa-iela ëtxupe dji li.
+\v 21 Kã ie te buëzë ãbãdõnë'l, pitxit fam dji vue-la phã li i leve'l kumã so phop pitxit.

07/22.txt

@@ -0,0 +1,4 @@
+\v 22 Kõsa Moises ãphan tut, konetmã dji egipcio-iela li tonë un om ki te ka pale i thavai ke otohite.
+\v 23 Estevão dji ãko: Kã Moises te ke kahãt ãnë, li deside ale ue so mun-iela pov dji Ishael.
+\v 24 Laba li ue un egipcio ki te ka malthete un om dji so pov. Ëbe li defie ishaelita-la i li txue egipcio-la.
+\v 25 Moises, te ka majinë ki so fue ishaelita-iela te ke kõphan ki Bõdje voie'l pu libiate ie, më ie pa kophan.

07/26.txt

@@ -0,0 +1,3 @@
+\v 26 Lãdã uot ju-la Moises ue de om dji Ishael ka bhuiga. I li seie sepahe ie pu ie pa bhuiga, li dji pu ie: "om-iela,  Zot kute! zot sa fue ; pukisa zot ka bhuiga?"
+\v 27 Më sa ki te ka malthete uot-la puse Moises i li dji: "akimun ki mete u kumã no xef, i mun pu kõdãnë no?
+\v 28 U le txue mo kumã u txue egipcio-la aie?"

07/29.txt

@@ -0,0 +1,2 @@
+\v 29 Kã Moises tãde sa, li mahõ dji Egito i li ale hete la late dji Midiã, laba fet so de pitxit-iela.
+\v 30 Kahãt ãnë aphue, kã Moises te la "kote ki pa gãië ãië" (deserto) phox dji mõtãi Sinai, un zãj pahet pu li, lamitã dji djife dji un "piebua" (sarça) ki te ka bule.

07/31.txt

@@ -0,0 +1,2 @@
+\v 31 Kã Moises ue sa li hete susphan, li ale phox pu li gade pi bië. Ëbe li tãde vue dji Sëie, ki dji kosa:
+\v 32 " Mo sa Bõdje dji u ãtepase-iela, Bõdje dji Abhaão, Bõdje dji Isaque i Bõdje dji Jako". Moises te ka thãble dji pe, li pa te gãië kohaj pu gade.

07/33.txt

@@ -0,0 +1,2 @@
+\v 33 Ëbe Sëie dji: " tihe savat-iela dji u pie, pase u ka djibut lãdã un late Së.
+\v 34 Mo ue kumã mo pov ka sufui la Egito; mo tãde ie phuie i mo desan pu libiate ie. Ato mo ke voie u pu Egito".

07/35.txt

@@ -0,0 +1,3 @@
+\v 35 I Estêvão kõtxinë: sa mem Moises ki ie nephuize, kã ie dji: "akimun ki mete u kumã no xef i mun pu kõdãnë no?" . Bõdje voie sa Moises-la kumã un lidehãs i un mun pu libiate, pu lãmë dji zãj-la ki pahet lãdã *piebua (sarça ) ki te ka bule-la. 
+\v 36 A li ki txihe pov dji Ishael dji Egito, kã li fe mihak i bagaj ki Joli la late dji Egito, la  *ghã lãme huj, (mar vermelho), i la *kote ki pa gãië ãië (deserto) dehãtxi kahãt ãnë.
+\v 37 A sa mem Moises ki dji pu pov dji Ishael: "dji lamitã dji zot Bõdje ke xuezi i ke  voie pu zot un *phofet, kõsa kumã li voie mo".

07/38.txt

@@ -0,0 +1,3 @@
+\v 38 A Moises ki te ke pov dji Ishael ãsam la "kote ki pa gãië ãië" (deserto); li te laba ke no ãtepase-iela i ke zãj ki te pale ke li la mõtãi Sinai. A Moises ki husuve i bai pu no pahol vivã dji Bõdje.
+\v 39 No ãtepase-iela pa te le obei Moises, më ie nephuize'l i ie te le hutonë pu Egito.
+\v 40 Ie dji pu Arão: "fe pu no un ban bõdje pu ale djivã dji no. Pase no pa save akisa ki hive ke sa Moises ki txihe no dji late dji Egito.

07/41.txt

@@ -0,0 +1,2 @@
+\v 41 Ëbe ie fe un imaj ã fom dji un bef i ie txue betaj-iela pu ofui kumã sakhifis pu imaj-la. I aphue ie fe un lafet pu imaj ki ie fe.
+\v 42 Ëbe Bõdje sotxi dji ie phuezãs, li lese ie pu adohe zetuel-iela dji siel-la, kumã li ekhi lãdã liv dji phofet-iela : pov dji Ishael, a pa pu mo ki zot txue i ofui betaj-iela kumã sakhifis dehãtxi kahãt ãnë la "kote ki pa gãië ãië (deserto).

07/43.txt

@@ -0,0 +1,2 @@
+\v 43 Zot xaie bahak dji bõdje *Moloque i osi imaj dji zetuel dji Raifã, zot bõdje.
+Sa-iela a te bõdje ki zot te fe pu zot adohe. Pu sa mo ke voie zot pu plis luë dji Babilônia.