gux_jos_text_reg/19/08.txt

\v 8 Ki taani leni ya koajaana n den ye laa gaanma, ki yaa caa hali Baalati-Beli dogu yu n go tie nuganu ya Lamati. \v 9 Likuli den tie Simeyono buolu yaaba yaa biinu. Bi den ñani Juda buolu yaaba ya diema nne Simeyono buolu yaaba ya biinu, kelima Juda buolu yaaba n den baa ya diema den yaba ki kandi bi po. Lani yaapo yo ke Simeyono buolu ya diema den ye ban Juda buolu yaaba ya yaama siiga.