gux-x-gourmantche_num_text_reg/13/17.txt

\v 17 Moyiisi den sɔni ba ke ban ban kpaagi, ki gɔndi Kanana diema, ki yedi ba, "Yin tɔgni niganu po, ki kua mi diema nni, ki gedi, ki do hali a juana diema nni. \v 18 Yin kpaagi mi diema tinfanma ń tie maama, yin diidi mi niba yaaba n kua mi niinni ń tie maama, bi tie paatieba bii, talginba i, bi yabi bii bi waa i. \v 19 Yin kpaagi ki diidi li dogu ń tie maama, li diema ŋani bii maa ŋani i. Bi dogi tie ledi i? Li dogi tie jondi bii, i pia a bilinguona i? \v 20 Yin diidi li diema tinga ya kpiagi bu kpaabu po, ki diidi i tiidi ye mi niinni bii yii ye i. Yin paani i pala ki guani ne yeni li diema bonluonkaali." Li yognu den tie a bonkpiala kpaangu taama i.