gux-x-gourmantche_num_text_reg/07/01.txt

\v 1 Moyiisi ń den tieni li gbandieli ki gbeni ya daali, o den wuli mi gagdiŋanma kpama, ki gagdi ki ŋanbi lani yeni li tuonsɔntiadi kuli O Diedo po. O go den tieni yeni i, ki gagdi ki ŋanbi li padbinbindli yeni limo ya tuonsɔntiadi kuli. O den gagdi ki ŋanbi lankuli O Diedo po. \v 2 Li daali, Israyeli buoli yudanba, bi cancannikpelba den puni u paabu salga po. Lanya niba n den sedi bi buoli yeni bi cuga yaaba po. Bani n den todi ke bi tieni i buoli kuli niba cɔli. \v 3 Bi den cua yeni bi paabu O Diedo nintuali. Bi den cua yeni turdi bontiluoba, ke ti pia a bonlibda yeni piiga n nee lie. yudanba lie den cua yeni turlibdigu, ke yudaano kuli pia naatonli. Bi den cua yeni lankuli, ki waani li gbandieli kani.