gux-x-gourmantche_num_text_reg/15/14.txt

\v 14 Li ya tie ke nilamo kua i siiga, bii ya nilamo n ye i siiga, ke li waagi, li buali ke wan bobni bu paabu, li padjuukaali po, ki puni O Diedo ya nuulmanu n ba mangi o pali. O mo ba cɔlni yin tiendi maama i. \v 15 Ti yikodi baa tie yenma i, bi dogtieba po yeni ya nilanba n ye yeni yi kuli po, li baa tie  ya yikodi n bili i kuli po, ke nifiima ń tuu nifiima kuli, baa cɔlni ya yogu ń tuu ya yogu kuli. Yi ye maama yeni, ya nilanba n tie sanpenda, ki cani yi mo ba ŋɔdi lanya yema i. Yin tiendi maama, O Diedo nintuali, bani mo baa tiendi yeni i. \v 16 Yiko yenli yeni ñɔbonyenli n baa ye ipo yeni ya nilanba n kaa i siiga nni po.'"