Tue Dec 07 2021 11:45:00 GMT+0100 (Paris, Madrid)

01/01.txt

@@ -0,0 +1 @@
+\v 1 Pɔ̀lù, Yesu kristo yǝ́mǝdɔdɔ tó Mawu yɔ́ jiji nu, kidǝ́ Tomote mian nɔnvi nǝ́ Mawu hà kǝlǝ korɛntià kidé nɔ́ xɔ̀sǝ̀tɔ́ kǝlǝ Achai yǝ́ nútomǝ wó \v 2 Mawu mian dadá kidǝ mián xótɔ́ yesu kristo yǝ́ mǝnúvǝ́vǝ́ kidé yǝ́ ŋúntifáfá na nɔn mianji.

01/03.txt

@@ -0,0 +1 @@
+\v 3 Wóá káfú Mawu mián xótɔ́ yesu kristo yǝ́ dadá yǝ́ inyi adɔnukpɔ́kpɔ́ kidé ǝ̀jifáfá yǝ́ Mawu \v 4 Mawu fánǝ́ji nǝ̀ mi lǝ mián ranmǝ kúkú wómǝ, càgbǝ mián cáwó́ mián tǝ́ŋún fáji nǝ amǝ karanmǝ kúwé mi fánǝ́ ji nǝ amǝɖèá wókidé jifáfá kǝ Mawu zán nǝ́ i safanǝ́ ji nǝ̀ miánwó cá.

01/05.txt

@@ -0,0 +1 @@
+\v 5 Sigbǝ Yesu yǝ́ yaɖuɖuwó sùgbɔ càgbǝ miántɔ̀áá, nɛ̀nɛ́nkǝ́ mián jifáfá sugbɔ́ tó Yesu ji nɛn \v 6 Vɔ nɛ́ń rànmǝ̀ kú mian ́cagbǝ̀ mián jifáfá kiɖǝ́ miún xɔ́xɔ́ i; i nǝ́wó fáji nɛmi án, cagbǝ̀ mián jifáfá i, mián jifáfá lǝ̀ wɔdɔ̀ ŋ́táŋtá i, nɛ́n inyitǝ́ milǝ́ mán àyàɖùɖù ɖǝ́kɛ́ɛ̀ an wo lǝ̀ blɛwu wɔ̀wɔ̀mɛ̀n \v 7 I mián kàkádǝ́ miànji nyi ŋ́táŋtá.Minyábǝ́ sigbǝ̀ miɖunɛn àyàɖóèà, miɖóá xɔ̀ jifafa.

01/08.txt

@@ -0,0 +1 @@
+\v 8 Ɖó miŋ́ jibǝ́ miàn nɔ̀n mànyá nànyámǝ̀ o, nɔ̀nviwó, có xaxákǝ̀mǝ̀ mitóváyi lǝ̀ Asia à.Misǝ̀vǝ́vǝ́ tó́mǝ̀ vayi man nɔnù, kǝ́kǝ́ miŋ́ nyábǝ́ miànɔ̀n agbǝo \v 9 Nyàwó ɖǝ́cá mijǝ̀ nɛn ǝkù yǝ́tódɔ̀ndɔ̀n vɔa cagbǝnɛ́n miŋ́káa kádǝ́ miáɖǝ́kiwó jio, vɔa dǝ́ Mawu kǝ̀ fɔ́nǝ́ amǝ̀có àmǝ̀kúkú womǝ̀àn ji. \v 10 ǝ́ɖǝ̀ mi lǝ̀̀ kpnɔamǝ yi kúmǝ́ i kpɔ̀tɔ̀gbǝ̀lǝ̀ xɔ́nǝ́mi.Mi kadéji bǝ́ àgbǝ̀vá xɔ̀ nǝ́mikǝ́.

01/11.txt

@@ -0,0 +1 @@
+\v 11 A wɔ̀̀nɔ́ gakǝ̀ mǝ̀ miànwò̀̀ cá milǝ̀ kpǝ́́dǝ́ miánŋún lǝ̀ ɖǝxòxò mǝ̀àn. Ga ŋ̀nàn mǝ̀ àmǝ̀ sugbɔ̀ lá vá dáakpǝ́ dǝ́ mián tà̀ cagbǝ̀ àmǝ̀nùvǝvǝ yǝ dɔmǝ nyɔ́nyɔ̀n kǝ̀ wò wɔ̀ nɛmi tó àmǝ̀sugbɔwò ɖǝ̀xòxò ji

01/12.txt

@@ -0,0 +1 @@
+\v 12 Ayǝtɛmi ilà ŋùn mian sǝ̀sǝ̀ lɔ jimǝ.ɖó ǝɖǝcɔ́lǝmǝ kidǝ̀ vǝvǝ̀dǝ̀dǝǝnu kǝ cù Mawu gbɔ̀ i misǝ̀ kprɔ̀ miaɖɔviwo lǝ xixǝamǝ.Mi wɔ ilá kidé mi koŋù-ŋnyi kidé anyi gbanji yǝ̀ ŋúnùnyanyawo vɔa tó Mawu yǝ́ mǝ̀núvǝ́vǝ́ mǝ́ \v 13 Mi ŋlà ŋrɔn ǝnubù nǝ̀mi sǝ́ wù kǝ̀ miantǝŋù hrǝ̀ mian tǝnsǝa o.ŋbuibǝ̀ mian va i sǝ gɔ́mǝao sǝman gɔmǝ krǝ́ɖé. \v 14 Sigbǝ mi lǝ ŋnya bǝ mi káa vá sǝ̀gɔ̀mǝ̀ kvǝ́dǝ́ sǝ mián gɔ̀mǝ̀ xoxo déɖoo ǝnǝ̀ kǝ́ lǝ̀ mián xótɔ̀ Yesu yéŋùkǝ́kǝ̀jia mian vá nyin mian yétitɛ́, sigbɔ̀ nɛn mian zùn miantɔ̀ ǝ̀nǝ̀

01/15.txt

@@ -0,0 +1 @@
+\v 15 Ǝ̀nùkə̀̀ jɔá ŋkádə́ ǝnùŋnàji, ŋ̀ jibǝ́ man va mia gbɔ kélékélé cagbǝ̀ mian xɔ̀ àmǝjikpɔ yə̀ nunyɔɛn. \v 16 ŋ̀ɖòèdɛ bɔ̀ mán jimikpɔ́ nə̀ ŋ̀ yikɔ̀ Masədoni ica ŋ̀gbə̀ jibə̀ man jimikpɔ̀ nə̀ ŋ̀̀trɔ̀cò Masədoni, i də̀ ina ŋ́ŋ̀gbə́à mian kprɔ̄ŋ yi yudéya.

01/17.txt

@@ -0,0 +1 @@
+\v 17 Kə̀̀ ŋlə̀ bu tàmə̀ cò ŋnà ŋù an, ŋ̀ləxoèkpɔ i a? ŋwɔ̀ ɖoɖó də̀ ənù wò ji sigbə̀ àmə̀ yə̀ nù matrɔ̀ matrɔ̀ ə̀nə̀, nə̀ matəŋù nùbə̀«ɛ̀ɛ̀n,ɛ̀ɛ̀n» kidə́«oo,oo» lə̀ gaxoxo ɖəká mə̀an? \v 18 Vɔ kə̀ inyinbə́ Mawu nyi ə̀nudódó wɔ́tɔ́ á, mi ŋ́ nù də́ gaxoxo ɖəkámə̀ bə́«ɛ̀ɛ̀n» nɔmi «oo»o.

01/19.txt

@@ -0,0 +1 @@
+\v 19 Ɖó Yesu kristo Mawu vi kǝ silivɛn Timóte kidǝ́ nyǝ́cá mi nù lǝ miàmǝ̀, ŋ́ nyi «ɛ̀ɛ̀n»kidǝ́ «oo»o. hun ǝ́ nyinǝ́ «ɛ́ɛ́n» tɛgbɛɛ. \v 20 Ɖó ǝ́núkǝ̀ jɔ̀á Mawu yǝ́ zǝ́dǝ́dǝ́ ɖǝsiaɖǝ̀ nyinǝ̀«ɛɛn» lɔ̀ yáámǝ̀. hùn ŋ́ nyi nǝ́ tó yááji i mi nùnǝ̀ bǝ́«ácɛ̀» dǝ́ Mawu yǝ́ ŋùti kɔ̀kɔ̀ mǝ̀

01/21.txt

@@ -0,0 +1 @@
+\v 21 Ifià Mawu i ɖóokpǝ́ mikidǝ mián ji lǝ̀ Yesu mǝ̀ i i tùfɛn nǝ̀mi \v 22 I icɔ̀ yé dǝ̀sidó dǝ̀ miánŋú i i nami gbɔngbɔn dǝ miánji wó mǝ́ sǝ́ ɖóokpǝ́ ǝnù kǝ́ ikaáva námi ǝcɔ̀à ji

01/23.txt

@@ -0,0 +1 @@
+\v 23 ŋ̀tǝ́jù, cɔ̀ Mawu wɔ̀ ǝ̀nùtoho kpɔ́tɔ́ bǝ́ ǝ̀nùkǝ̀ jɔ̀ i nyǝ̀ ŋ̀ và korɛnti à inyi bǝ̀ mán ɖǝ̀mi jii, \v 24 I ilá ŋ́ nyi bǝ́ milǝ́ tǝ̀kpɔ̀ bǝ́ mian dó ǝ̀nù kǝ̀ mián xɔ̀sǝ̀ á nyi vayià kpɔ̀ i o, hùn milǝ̀ wɔdɔ̀ kidǝ̀ mi nǝ̀ mian yétitɛ i, ɖò mi lǝ́ xɔsǝa mǝ̀ dàasi.

02/01.txt

@@ -0,0 +1 @@
+\v 1 Cagbǝ̀ ìnàtɔ̀ íŋ̀ ɖóǝ̀ bǝ́ nyǝ̀ ŋ́ ná gbǝ̀ trɔ́vá mìàn gbɔ́ lǝ́ vǝvǝ́ sǝ̀sǝ̀wó nɔ̀nɔ̀n mǝ̀ o. \v 2 Nɛ́ i nyibǝ́ ŋ̀ dáyà nɛ́mì, mɛ̀ɛ́n lá dóogàn ŋ̀, kǝ́ ámǝ̀ kǝ̀ ŋ̀ dákpà ŋú án ía?

02/03.txt

@@ -0,0 +1 @@
+\v 3 ŋ̀ ŋrɔ̀nú sìgbǝ̀ ŋ̀ wɔ̀ɛ̀ cagbǝ̀ nǝ̀ ŋ̀ trɔ́ vá mìàgbɔ́, mì ŋ́ káà xɔ akpà tó àmǝ̀ kǝ̀ ɖó lá nàŋ̀ ayǝtítɛ́ ji o. ŋ̀ kádǝ́ mìàn jí bǝ́ tiŋ́ yǝ̀títɛ́ lǝ̀ sìgbǝ̀ mìàtɔ̀. \v 4 Ɖó ŋ̀ ŋrɔ̀n nú kídǝ́ rànmǝ̀ kúkú gánŋ́gán, kídǝ́ ǝji gbàngbàn kídǝ́ aɖaci. Nyǝ̀ ŋ́ jí bǝ́ má dáyá nǝ́ mì o. Tóvo nǝ̀ inà ǹ jí bǝ́ mìàn nyá ganŋgán mǝ̀ kǝ̀ lǝ̀ rɔnrɔn kǝ̀ ŋɖo nǝ̀ míán si.

02/05.txt

@@ -0,0 +1 @@
+\v 5 Nǝ́ àmǝ̀ɖǝ́ dáyà ǝnǝ́ amǝ án, ŋ̀wɛ̀ɛ̀ nǝ́ nyǝ̀ ɖékɛ́n o, vɔa nǝ̀ mí ná wɔ̀ ŋ́ɖǝ́ tómǝ̀dí àá, mìàn wó séé tɔ̀í. \v 6 Àmǝ̀ ŋ̀nàn yǝ́ to dɔ̀ndɔ̀n lǝ̀ gbɔ̀sùsù mǝ̀ ǝ́ sún. \v 7 Có ǝ́gbà ji, sǝwú ǝtó dɔ̀ndɔ̀n án, mìɖó á sǝ́ kǝ̀ǝ̀ í dóogɛ̀ɛ̀n. Mì wɛ̀ɛ̀nǝ́ cagbǝ nǝ́ xòmǝ̀fíɛ́n ŋ́káa wìì o.

02/08.txt

@@ -0,0 +1 @@
+\v 8 Ifìà, ŋ̀ lǝ̀ dóogàn mì bǝ̀ mìàn ɖǝ̀ rɔnrɔn ̀blìbò díisá nɛ̀n. \v 9 Ìlá í ná í ŋ̀ lǝ̀ ŋrɔ̀nú, nǝ́ má dómìkpɔ́ í nǝ̀ mán nyán nǝ́ mì kpɔ́ nǝ́ àmǝ̀si lǝ̀ núɖǝsíaɖǝ̀ mǝ̀.

02/10.txt

@@ -0,0 +1 @@
+\v 10 Nǝ́ mìsǝ́ kǝ̀ àmǝ̀ɖǝ́ á, nyɛ̀ncá maán sǝ́kǝ̀ǝ̀. Ǝ̀nú kǝ̀ ŋ̀sǝ́ kǝ̀ á (nǝ́ ŋ̀cɔ́ ǝ̀núɖǝ́ sǝ́ kǝ̀á), ǝ́kpɔ́ cɔcɔ́kǝ̀ cagbǝ̀ mìàntɔ̀ Kristo lǝ̀ kɔ̀. \v 11 Cagbǝ̀ nǝ́ Sátana ŋ́ káa ɖù miàn ji o, ɖóó mí ŋ́ gbǝ̀ dán yǝ́ tòtòmǝ̀ wó o.

02/12.txt

@@ -0,0 +1 @@
+\v 12 Àxotɔ́á hùn agbò ɖɛ́ŋ̀ kǝ̀ ŋ̀ vá Tròás dùà mǝ̀ bǝ́ mán kaka Kristo yǝ́ nyɔ̀n nyɔŋ́gbìn án. \v 13 Í cáá nyǝ̀ŋ́ ɖǝ̀jí lǝ̀ gbɔngbɔn mǝ̀ o ǝ́nú kǝ̀ jɔ̀á nyǝ̀ ŋ́ kpɔ́ tìŋ́ nɔ̀nví Títo lǝ́ŋ́nà o. Ga ŋ̀nà mǝ̀ án,ŋ̀có gbǝ̀ wó ɖɛ́ í trɔ́yì Masǝdónia.

02/14.txt

@@ -0,0 +1 @@
+\v 14 Vɔa wá cɔ́ ŋ́tíkɔ̀kɔ̀ nǝ́ Mawu, kǝ̀ tó Yesu ji kprɔ̀nǝ̀ mí tɛgbɛɛ lǝ jìɖùɖù mǝ̀. Tó míán jí á, ǝ́kàkànǝ̀ yǝ́ ŋ̀ùnúnyányán yǝ́ hɔ́nhɔ́n lǝ̀ afísíafi. \v 15 Ɖó, mí nyí Yesu yǝ́ hɔnɔ́n nyɔŋ̀gbìn nǝ́ Mawu lǝ̀ àmǝ̀ kǝ̀ kpɔ́ xɔxɔwò mǝ̀ ícó àmǝ̀ kǝ̀ lǝ̀ crɔ́n wómǝ̀.

02/16.txt

@@ -0,0 +1 @@
+\v 16 Nǝ́ àmǝ̀kǝ̀ lǝ̀ crɔ́n wó á, ǝ́nyín ǝkú yǝ́ hɔ́nhɔ́n nǝ́ ǝkú. Nǝ́ àmǝ̀ kǝ̀ wóá kpɔ́ xɔxɔ wo á, ǝ́nyí agbǝ yǝ́ hɔ́nhɔ́n nǝ́ agbǝ. Mɛ̀én í jǝ̀ nǝ̀ nǝ̀nǝ̀ núwó? \v 17 Ɖó mí ŋ́ nyí àmǝ̀kǝ̀ wó sànà Mawu nyɔ̀ cagbǝ̀ ǝgòmǝ̀ kpɔ́kpɔ́ tɔ̀. Tóvo nǝ̀ ŋ̀ nà án, kídǝ̀ ǝ̀ŋùnɖɔ̀ɖɔ̀ ŋ́tá-ŋ́tá, nú xònǝ̀nù lǝ̀ Kristo mǝ̀ sigbǝ̀ Mawu yǝ́ mǝ̀dɔ́dɔ́ lǝ̀ yǝ́ ŋ̀kúví mǝ̀.

03/01.txt

@@ -0,0 +1 @@
+\v 1 Mi tɔ̀ji ilǝ̀ kafù miànŋ̀tàwò ɖǝ̀kiwó kǝ́a? Miŋ hinyán àmǝ̀dɔ́dɔ́ yǝ́ wóéman ɖóɖá nɔmi có miàngbɔ́, sigbǝ̀ àmǝ̀ɖoó nɔmi? \v 2 Miàn wò, mi nyi miàn wóéma dɔ́dɔ́, kǝ̀ wò ŋrɔ̄n dǝ̀ mián ji wó ji; kǝ̀ wò hnɛ̀n ùlǝ̀ nya nyámǝ̀ nǝ́ ámǝ̀siámǝ̀. \v 3 I milǝ̀ ɖǝ̀ diisá bǝ́ yòwóé i nyi Kristo yǝ́ wóémàn ɖǝ́ká, kǝ̀ có miángbɔ́. Wó ŋrɔ̀ɛ̀n kidǝ̀ ǝ̀nù ŋrɔ̀ci ɖǝɖǝ̀ o vɔ̀à kidǝ́ Mawu kǝ̀lǝ̀ agbǝa yé gbɔ̀ngbɔ̀n.Wóŋ́ ŋrɔ̀ɛ̀n dǝ̀ ǝ̀nùŋrɔ̀nkpǝ́ ji ɖǝɖǝ́ o, vɔa dǝ́ àmǝ̀yǝ́ nùŋrɔ̀nkpǝ́ ji.

03/04.txt

@@ -0,0 +1 @@
+\v 4 I mikpɔ́ kakádǝ́ji kǝ̀ mi wɔ̀ɖɛ́ lǝ̀ Mawu mǝ̀ tó Kristo ji \v 5 Miánŋ́tá wó mùŋ jǝ̀ nǝ́ mian tǝ́ŋùn biɔ́ ǝ̀ŋ́ɖǝ́ cɔ́ mián ŋ́táó gbɔ́ o kǝ́ mián jǝ̀jǝ̀nɔ́n có Mawu gbɔ́ \v 6 Mawu i wɔ̀ɛ̀ bǝ́ mitǝ́ŋ́ nyi ǝkàdǝ́dǝ́ yǝ́yǝ́á yǝ́ dɔcɔ́vi wó.Ilá nyi ǝkàd́ǝ́dǝ́ kàŋ có ŋɔŋrɔn gbɔ̀o vɔa kà có gbɔngbɔn gbɔ̀; ɖó ǝ̀nù ŋɔ̀ŋrɔ̀n wùnǝ̀ nù, vɔa gbɔngbɔn yà nánǝ́ agbǝ

03/07.txt

@@ -0,0 +1 @@
+\v 7 Ifià ǝdò kà jinǝ̀ àkúá kà wó ŋrɔ̀n dǝ́ ǝkpǝ́ wóji- có ŋùnti kɔ̀kɔ̀ mǝ̀ kǝ̀ wòɛ̀ bǝ́ Israéli viwó nún tǝ́ŋún kpɔ́ Moósǝ yǝ́ ŋkúvimǝ ganan-ganan o .Ilá cagbǝ̀ yǝ́ ŋ̀kúvimǝ̀ yǝ́ŋtikɔ̀kɔ̀, ŋ́tikɔ̀kɔ̀ kà vá yinɔ̀àn. \v 8 Kèéé, mànà nyi ǝdɔ̀ kǝ̀ gbɔngbɔn an wɔ̀nɔ̀n àn?

03/09.txt

@@ -0,0 +1 @@
+\v 9 Kǝ́nǝ́ nǝ́ ǝkúfiɔ̀ cōcō yǝ́dɔ́ kǝ̀ lǝ̀ kɔkɔà, zǝnǝ̀nǝ̀, jɔjɔ nyinyi ǝ́dɔ́ nán sugbɔ̀ nú kǝ̀ǝ́ jɔ̀'n ǝ̀nyɔ̀n jɔ̀jɔ̀ dɔ́ ŋ́ nán lǝ̀ ŋ́tikɔ̀kɔ̀ mǝ̀ o. \v 10 Cáá, ǝnù kǝ ŋún wó kɔ zàɖàkáá ŋ́gbǝ lǝ kɔ̀kɔ̀ ò, càgbǝ ŋ́tikɔkɔ kǝ xòta nɛ́ɛan. \v 11 Ɖó nǝ́ ǝmúkǝ dinǝ́ vá yi wɔ ŋ́tikɔkɔɖɛ́á hùun ǝnúkǝ lɛnǝ ɖɛ́ tɛ̀gbɛ̀ yǝ́ tɔ láwú.á gángán wù

03/12.txt

@@ -0,0 +1 @@
+\v 12 Nǝ́ mi wɔ kàkàɖǝ́ji ŋnan mɔnkùi ɖɛ́á hùun mi dóji din. \v 13 Mi ŋ́ lǝ sigbǝ Moose ǝnǝ́ o, kǝ́ cɔ́ ǝnù cɔ́n ɖǝ́ǝkia yǝ́ ŋkùvi mǝ, cágbǝ Isràèli vió ŋ́ káatéŋún kpɔ́ yǝ́ ŋkùvimǝ gànàngànàn lǝ ŋ́ti kɔkɔ kǝ va yinǝ yǝ́ vɔxó.

03/14.txt

@@ -0,0 +1 @@
+\v 14 Vɔ̀à wó ŋunù nyányá ŋ́ hun ò kǝ́kǝ́ váná ǝ́gbacá, ǝnù cɔ́ɔnú ɖǝ́kɛ́n an gbǝ lɛ ɖɛ́ lǝ ǝkadǝ́dǝ́ xóxó tɔa yǝ nù kpɔ́kpɔ́ nu .ŋ́hun ò ǝnú kǝ jɔa lǝ Kristo mǝ ɖǝ́kɛ́n i ibùnɔ́n lǝ \v 15 Vɔà ǝ́gbacá, gàsiágàmǝ̀ kǝ wó lǝ hrɛn Moose ,ǝnúcɔ́nnú dǝ́kákpɔtɔ cɔ́n wó ji wó ɖɛ́. \v 16 Vɔ̀à nǝ́ amǝɖǝ́ká trɔ́ jimǝ̀ và àxótɔ́á gbɔ́á, ǝnúcɔ́nnú án ɖǝjú.

03/17.txt

@@ -0,0 +1 @@
+\v 17 Áxótɔ́á nyi gbɔngbɔn.Fiàxótɔ́á yǝ́ gbɔngbɔn lǝá, vóvó lɛ. \v 18 Mián wóséé, kidǝ́ ŋkùvi wó hunhun mǝ mián kpɔ́ áxótɔ́á yǝ́ ŋti kɔkɔ. Wó lǝ trɔ́ mi lǝ ŋ́ti kɔkɔ.ɖǝ́ká rɔkpa mǝ, có ŋ́ti kɔkɔ yǝ́ gángán mǝ yi dǝ́ ǝ̀bu mǝ, sigbǝ kǝ có.axótɔ́ kǝ nyi gbɔ́ngbɔ́nàn gbɔ ǝnǝ́.

04/01.txt

@@ -0,0 +1 @@
+\v 1 Í cāgbǝ kǝ míxɔ ǝ̀dɔ ŋna í kǝ ìlǝ sigbǝ míxɔ amǝnúvə́və́á, ǝ̀jì ŋɖǝ le míán xo ò. \v 2 Càgbǝ ŋnatɔ, mígbə́ ŋkpɛn mɔ̃nwó kídə́ ǝnyɔn wawrawó. Mí ŋlǝ nɔn agbǝ lǝ ŋunú nyányán mǝ ò, í míŋ trɔ̃ Mawu nyɔan ò. Vɔ̃à lǝ àdòdo núnúma án, mí cɔ̃ núán ɖákíwó nán amǝwó jimǝnyɔn nyányán lǝ Mawu yá ŋkúví mǝ.

04/03.txt

@@ -0,0 +1 @@
+\v 3 Vɔ̃à náwó cɔ̃n míán nyɔn nyɔ̃ŋgbian jíá, wó cɔ̃nji ɖǝ̀ɖǝ nə́ amǝ kǝlǝ kúwóí. \v 4 Lǝ wótɔmǝán, xíxə́ámǝ yə́ Mawu cɔ̃ɔnú cɔ̃n amǝ maxɔse wó gbɔngbɔn jí. Ǝ̀vɔɛntɔá, wó ŋ' táŋ' kpɔ̃ ǝnyɔn nyɔ̃ŋgbian yə́ ŋúntíkɔkɔ kǝ nyí Mawu yá nɔnɔnmǝ an ò.

04/05.txt

@@ -0,0 +1 @@
+\v 5 Í míŋlǝ nú Mawu nyɔn ná míán ɖákíwó á, vɔ̃à Kristo Yesu sigbǝ Àxótɔ̃, í míán ŋtáwó sigbǝ míán dɔcɔ̃víó nə́ Yesu yə́ rɔnrɔn. \v 6 Ɖó Mawu ɖə́kɛn í núbə́: «kanŋɖé lává kɔ lǝ zùubruwó mǝ,» í ə́kɔ lǝ míán jíwó ma, nə́ àna kɔ̃kɔ̃ Mawu yǝŋtíkɔkɔ yǝ ŋùnú nyányán, lǝ Yesu ŋkɔ.

04/07.txt

@@ -0,0 +1 @@
+\v 7 Vɔ̃à míwɔ núxɔ̃àfi ina ɖɛ lǝ ǝ̀cugbán wó mǝ, nə́ yə́mǝ nákɔ bə́ ŋúnsɛn kǝlǝ gánŋgán də́jíá nyí Mawu tɔ vɔ̃à ŋ'nyí míán tɔ ò. \v 8 Ranmǝ kúmílǝ ǝmɔ̃nsíamɔ̃n nu, vɔ̃à míŋ cáká ò.Ǝ́dáya nə́mí vɔ̃ mɔ̃nkpɔ̃kpɔ̃ kídə́ jíɖǝ̀ làmàxò o . \v 9 Wó tí míán yomǝ nàna wo ŋ'gbə́míɖɛ ò. Wó zín mí də́ anyígbán vɔ̃à wóŋ crɔ̃n míó. \v 10 Mí xɔnǝ Yesu yə́ kú gàsíágàmǝ̀ dǝ míán ranmǝ, kə́ŋ gbɔxó Yesu yə́gbǝ nán wɔ̃dɔ lǝ míán ranmǝ.

04/11.txt

@@ -0,0 +1 @@
+\v 11 Míán wó kǝ lǝ àgbǝ̀ wó á, wá cɔ̃mí nə́ ǝ̀kú gàsíágàmǝ̀ də́ Yesu yə́ rɔnrɔn ta gbɔ̃xó nə́ Yesu yə́ gbǝ ná zə́ lǝ gótòran wó mǝ. \v 12 Càgbǝ inan tɔ, ǝ̀kú lǝ dɔ̃jí lǝ míán mǝ, vɔ̃à lǝ dɔ̃jí lǝ wó mǝ.

04/13.txt

@@ -0,0 +1 @@
+\v 13 Vɔ̃à míwɔ xɔ̃sǝ̀ yə́ gbɔngbɔn ɖǝ̀ká rɔkpa ɖɛ sigbǝ wó ŋrɔɛn ɖɛ bə́ :« ŋxɔɛsǝ, í nǝnə́ kə́ ŋ lǝ xonu nǝ̀.» Mí xɔɛsǝ cá, í nǝnə́ kə́ milǝ xonu nǝ̀. \v 14 Mí nyán bə́ amǝ kǝ ƒɔ̃n Àxótɔ̃ Yesu a á vá ƒɔ̃n míán wó cá kídə́ Yesu. Mí nyán bə́ á kprɔ mí kídə́ mí yi ɖǝ̀ǝkia gblɔ. \v 15 Núsíanú lɛ càgbǝ míán tɔ kə́ŋ' gbɔ̃xó, sigbǝ amǝnúvə́və́ á ɖíɖí na amǝ sùgbɔ̃ á, àkpə́də́də́ vɔsáwó á lǝ ji də́jí lǝ Mawu yə́ ŋtíkɔkɔ mǝ.

04/16.txt

@@ -0,0 +1 @@
+\v 16 Kǝí lǝǝnǝán, ǝ̀jì ŋ dó á ɖǝ lǝ̀ xo nə́mí ó. Nə́ í nyìbə́ lǝ gòtòramǝ cá wó crɔ̃n míán, lǝ ə́mǝ- ə́mǝ án, wó trɔ̃ mí ŋkǝkǝ yi ŋkǝkǝ jí. \v 17 Ɖó ranmǝ kúkú hɔɛɖə́ká gà ɖǝ̀ wómǝ tɔa jranǝ mí dó lǝ ŋtíkɔkɔ mavɔ yə́ kpɛnkpɛn mǝ kǝ xòta nə́ ɖǝsíàɖǝ mǝ . \v 18 Ɖó míŋ' lǝ kpɔ̃ ǝnúkǝ zə́ ɖɛá wó ò, vɔ̃à mí lǝ kpɔ̃ ǝnú mazémazé ó. Ǝnú kǝ zénɔ̃n wó ŋ'nɛnɔn diŋdi ó í ǝnú kǝ ŋ'zénɔ̃n oá nɛnɛn ɖɛ yi ma.

05/01.txt

@@ -0,0 +1 @@
+\v 1 Mí nyábə́ nə́ míán nyígbán kǝ jí mí lǝ àgbǝ̀ lǝa crɔ̃n án, mí wɔ Mawu yə́ nɔnxó ɖɛ. Ama yə́lɔ ŋ'tu àxó ŋnan ò, vɔ̃à ə́nyí àxó mavɔa ɖə́ lǝ jiŋkorí. \v 2 Ɖó lǝ àzàvà ŋna gɔmǝ án gbánɔ̃n hɛnhɛn i, lǝ hùùn ɖə́ɖǝmǝ bə́ wó cɔ̃n jiŋkorí xɔ nə́mi. \v 3 Mí lǝ jíü, ɖó nə́mí doeá, wó ná kpɔ̃mí lǝ amáamán ò.

05/04.txt

@@ -0,0 +1 @@
+\v 4 Ɖó lǝ adòdó mǝan, nə́ mílǝ azava ŋna gɔmǝ án, mí gbánɔ̃n hɛnhɛn, milǝ sǝ vǝ̀və́ gánŋ'gán. Mí ŋjí bə́ míán nɔn amáamán ò. Kə́, mí jí bə́ míán dóonu, gbɔ̃xó nə́ agbǝ na mi ǝnú kǝ kúnɔ̃n án. \v 5 Amǝ kǝlǝ jramídó nə́ nǝnə́nú wóá í nyí Mawu, kǝ nánɔ̃n gbɔngbɔn kɔ̃kɔ̃ mí sigbǝ ǝ̀zǝ̀ də́də́ kǝ á vá váá ə́nə́.

05/06.txt

@@ -0,0 +1 @@
+\v 6 Hùun, míán lǝ nɔn kàkádə́jí mǝ gàsíágàmǝ̀, míán nyɛɛn bə́ nə́ mílǝ ŋúntíranmǝ án, mí díŋsin də́ Mawu gbɔ̃. \v 7 Ɖo, mí lǝ zɔn lǝ xɔ̃sǝ̀ mǝí vɔ̃à ŋ'nyí ǝnúkpɔ̃kpɔ̃ mǝ ò. \v 8 Kə́ǝnə́, mí kádə́jí. Mí jíbə́ míán diŋdin də́ ŋúntíran í míán nɛn kídə́ Àxótɔá.

05/09.txt

@@ -0,0 +1 @@
+\v 9 Í mícɔ̃ ŋna sə́ wɔ míán taɖójínú, nə́ ì nyì bə́ milǝ ŋúntíran ŋna mǝ nɔ̃nmí àfíbú, nə́ míán nyɔ̃n nɛn. \v 10 Ɖó míán wó sééé míán vá Cristo yə́ kojó zinkpin an ŋkɔ, gbɔ̃xó nə́ amǝ síámǝ ná tə́ŋún xɔ ǝnúkǝ wó jradódɛ lǝ ŋúntíramǝ nə́ ǝ̀nyɔɛn nɔ̃mí ǝ̀vɔɛn.

05/11.txt

@@ -0,0 +1 @@
+\v 11 Í, sigbǝ ì nya sìsí nə́ Àxótɔ̃ ɖóe a, mí nyíán ŋtaŋta, íŋ'jí bə́ yə́mə́ nákɔ lǝ míán jímǝnyányá wó mǝ. \v 12 Mí ŋ'lǝ tǝǝkpɔ̃ bə́ míán zíndə́ mían jí zǝ̀ɖǝ̀ká dǝjí ò bǝ wóá cɔɔ̃ɖǝ lǝmǝ nə́mí və́və́ɖə́ ò. Kə́ boŋ' mí námi ǝnyɔn jɔjɔ bǝ ǝ̀jì na lǝ jɔmi də́ míán ŋún, bə́ nə́ mían wɔ ɖòŋ'tí ɖɛ nə́ amǝkǝ kíkə́nə́ wó ɖə́kiwó càgbǝ ǝnú kǝ nɔnɔn gànàgànà wo,vɔ̃à ŋ'nyí də́ ǝnú kǝ lǝ jìmǝ̀wò ŋún í ò.

05/13.txt

@@ -0,0 +1 @@
+\v 13 Í nə́ì nyì bə́ ǝ̀tagbɔ̃ ŋ' sɔgbǝ̀ nǝ̀mí án, Mawu tɔí; í nə́ ǝ̀tagbɔ̃ lǝ wɔ̃dɔ̃ nə́ míán,mían tɔí. \v 14 Ɖó Kristo yə́ lɔnlɔn lǝ tutu mí, ǝnú kǝ náán míkádə́ ǝnúŋna jí; bə́ amǝ ɖə́ká kú də́ amǝsíámǝ ta í, càgbǝ ŋna tɔ, amǝsíámǝ kú \v 15 Í Kristo kú də́ amǝsíámǝ ta,kǝ̀ǝ̀ nyi ǝnə́ án amǝ kǝ lagbǝ̀ wòá ŋɖólá gbǝnɔn agbǝ nǝ wóŋtáwó ò, vɔ̃à nə́ amǝ kǝ kú í trɔ̃ fɔ̃n án.

05/16.txt

@@ -0,0 +1 @@
+\v 16 Càgbǝ ŋna tɔá, có ə́gbají, míŋ' lǝ cɔ̃ nyɔn də́ amǝdə́ ŋún ò càgbǝ amǝ wó ŋunú nyányán mayi ŋkɔtɔ, có ɖə́cá xóxó mí kpɔ̃ Kristo dǝ arɔkpa ŋnan jí. Vɔ̃à, ífia míŋ lǝ cɔ̃nyɔn də́ amǝdə́ jí tó arɔkpa ŋna jí ò. \v 17 Kə́, nə́ amǝɖə́ lǝ Kristo mǝ án ə́ trɔ̃ zun ǝnú wɔwɔ yéyé. Ǝnú xóxó wó vá yí; kpɔ̃; wó trɔ zún nú yéyé.

05/18.txt

@@ -0,0 +1 @@
+\v 18 Ǝnú ŋna wó kə́ŋkə́ŋ co Mawu gbɔ, ə́cɔ̃mí sə́ wɔ ɖǝ̀ká kidə́ yə́ ŋ'tá tó Kristo jí, íi n'a mí ɖǝ̀ká wɔwɔ yə́ dɔ. \v 19 Yə́ gɔmǝ í nyí bə́, Mawu lə́ cɔ̃ xíxə́á wɔ ɖǝ̀ká kidə́ ɖǝ̀ǝkía, kǝ ŋ' gbǝ lǝ cɔ̃ ǝ̀ɖǝ lǝ wó núvɔ̃ɛen wó jí ò. Ǝ́cɔ̃ ɖǝ̀ká wɔwɔ yə́ gbǝdáasí nə́mí.

05/20.txt

@@ -0,0 +1 @@
+\v 20 Kə́ wó cán mí sigbǝ Kristo yə́ tohó nɔntɔ̃ wó ǝnə́, sigbǝ Mawu lǝ wɔ yə́ yɔyɔ̃ tó míán jí ǝnə́. Mílǝ ɖǝ kúkú nə́ mí càgbǝ Kristo yə́ rɔnrɔn an tɔ, "mi wɔ ɖǝ̀ká kidə́ Mawu," \v 21 ə́cɔ̃ Kristo sə́ wɔ vɔ̃sá də́ míán núvɔ̃ɛn wó ta. Yə́ í nyí amǝ kǝ ŋ'wɔ núvɔɛn kpɔ̃á ò, ə́ wɔnə́ càgbǝ míán trɔ̃ zun Mawu yə́ sə́wɔwɔ lǝ yə́ŋ'tá mǝ.

06/01.txt

@@ -0,0 +1 @@
+\v 1 Kǝ ì nyìbə́ mí lǝ wɔ̃dɔ də́ǝ̀dua, mílǝ bíɔ̃ bə́ míŋ' kú xɔ Mawu yə́ mǝnúvə́və́ gbàale ò. \v 2 Ɖó ə́lǝ núbə́ :«Gàxòxò və́və́ɖə́á mǝán, ŋɖóòtó wo, í lǝ ɖǝ̀ɖǝ̀ kpɔ̃kpɔ̃ yə́ ŋkǝkǝ jíá, ŋ kpə́də́ ǝŋúwo.» Kpɔ gàxòxò və́və́ɖə́á kǝ̀, ɖǝ̀ɖǝ̀ kpɔ̃kpɔ̃ yə́ŋkǝkǝa kǝ̀, \v 3 míŋ' lǝ cɔ̃ àfɔkrǝnú ɖə́kɛn də́ ŋkɔ nə́mí ò, ɖó míŋ' jí bə́ wóá ɖìgbɔ̃ míán dɔ̃ú ò.

06/04.txt

@@ -0,0 +1 @@
+\v 4 Í vɔ̃à, lǝ mɔ̃síamɔ̃ nù, mí ɖǝ díìsá bə́ mí nyí Mawu yə́ dɔcɔ̃ví ŋtáŋtá, lə́ vǝ̀və́ də́də́ ǝnú mǝ, lǝ ramǝ kúkú mǝ, lǝ gbɔ̃jɔ̃gbɔ̃jɔ̃ mǝ, lǝ dòdókpɔ̃ wó mǝ, lǝ amǝxoxo mǝ, \v 5 lǝ amǝ lə́lə́tú wómə́, lǝ còcódə́ amǝ ŋún wó mǝ, lǝ ǝ̀dɔ sɛnŋún sɛnŋún wó mǝ, lǝ ǝ̀zàndó madɔ̃n arɔn wó mǝ, lǝ fifə́ mǝ, \v 6 lǝ kɔ̃kɔ̃ nyí nyí mǝ, lǝ ǝnúnyányán mǝ, lǝ jìgbɔ̃ngbɔ̃n blɛù mǝ, lǝ amǝ wɔwɔ mǝ, lǝ gbɔ̃ngbɔ̃n kɔ̃kɔ̃ mǝ, lǝ rɔ̃nrɔ̃n ŋ'táŋ'tá mǝ. \v 7 Mí nyí yə́ dɔcɔví wó lǝ ǝnyɔdodóá mǝ, lǝ Mawu yə́ ŋúnsɛn mǝ, lǝ ǝ̀sə́jí yǝ huawɔnúwó wɔwɔɖɛ mǝ nǝ alɔɖunu kídə́ alɔmíɔn.

06/08.txt

@@ -0,0 +1 @@
+\v 8 Mí lǝ wɔ̃dɔ lǝ dòdóɖə́ǝ̀jí mǝ kídə́ ŋunkpɛn mǝ, lǝ amǝnyɔn vɔ̃ɛn núnú mǝ í kídǝ kàfùkáfú mǝ. Wó nú də́ míán ŋún bə́ mí nyí amǝ brǝtɔ̃wó vɔ̃à gànŋkə́ mí nyí àdòdó nútɔ̃ wó. \v 9 Mí wɔ̃nǝ̀ dɔ sigbǝ amǝ manyán-manyán wó ǝnə́, vɔ̃à wó dǝsi mí dín; sigbǝ amǝ kǝlǝ kú wó ǝnə́ vɔ̃à mílǝ àgbǝ̀; sigbǝ amǝ kǝ wó dɔ̃ntó nə́ wó ǝnə́ càgbǝ míán núvɔ̃ɛn wó tɔ kǝ wóŋ' còkúƒiɔ nóó ǝnə́. \v 10 Milǝ wɔ̃dɔkídə́ ramǝ kúkú vɔ̃à lǝ jìjɔ̃ mǝ gàsíágàmǝ̀; sigbǝ wɔamǝnɔn wó ǝnə́ vɔ̃à mí wɔ amǝ súgbɔ̃ nyí hɔ̃tɔ̃nɔn, sigbǝ amǝ ma wɔnú ɖɛ tɔ̃wó ǝnə́ vɔ̃à mí wɔ̃nú wó kə́únkə́ún ɖɛ.

06/11.txt

@@ -0,0 +1 @@
+\v 11 Kòrɛntítɔ̃ wó, mí nú àdòdó wó sééé nə́mí, í míán jí wó hunɖɛ gánŋgán. \v 12 Ŋ nyí míán wó í tú míán jí wó ò, vɔ̃à mían ŋ'táwó í xáxá lǝ mían ɖə́kiwó mǝ tó mían ŋ'táwó sǝsǝ lǝ ranmǝ jí. \v 13 Ífia, lǝ̀ ɖɔ̃rìɖɔ̃rì ŋtáŋtá mǝán,( ŋlǝ xonu sigbǝ ɖóɖá ɖǝ̀vìwó ǝnə́) mí hun mian ji wó gánŋgán.

06/14.txt

@@ -0,0 +1 @@
+\v 14 Míŋ' ká wɔ ɖǝ̀ká kidə́ amǝ ma xɔsa wó ò. Ɖó, ɖǝ̀ká wɔwɔ kǝə́ lǝ ǝnú jɔjɔ wɔwɔ kídə́ ǝnú majɔmajɔ wɔwɔ mǝ? Í ǝ̀kadódó kǝə́ lǝ ǝnú kɔkɔ kídə́ zùubru domǝ? \v 15 Ɖǝ̀ká wɔwɔ kǝə́ lǝ Bélial kídə́ Kristo domǝ? \v 16 Ǝnú wɔ də́ǝ̀du kǝə́ lǝ amǝ maxɔsǝ kídə́ amǝ kǝ xɔsǝ domǝ? Ɖǝ̀ká wɔwɔ kǝə́ lǝ Mawu yə́ ɖǝxoxo kídə́ vòdúwó domǝ? Ɖó mí nyí Mawu lǝàgbǝ̀yə́ ɖǝxoxo, sigbǝ Mawu nú bə́: «màán nɔn womǝ, í màán zɔn lǝ wó doŋdomǝ; màán nyí wó Mawu, í wóá nyí ǝ̀vinyǝ wó.

06/17.txt

@@ -0,0 +1 @@
+\v 17 Càgbǝ ŋna tɔ: mí do lǝ wó mǝ, í mian má.» Áxótɔ̃ í núi: «Miŋ' káa tɔ̃alɔ ǝnú kǝ ŋ'kɔa ò, í màán xɔmi, \v 18 Màán nyí dàdà nǝmi, í míán nyí ǝ̀vìwó ŋ», Àxótɔ̃ ŋúnsɛntɔ̃ í núi.

07/01.txt

@@ -0,0 +1 @@
+\v 1 Rɔ̃nrɔ̃n tɔ̃wó, kǝnyíbə́ míwɔ ǝ̀zǝ̀də́də́ ŋnan wó dɛá, míán kɔ míán ɖə́kiwó ŋún lǝ núsíanú kǝ xònǝ̀ɖu míán ŋúntíran kídə́ míán gbɔngbɔn. Míán lǝ kprɔ kɔ̃kɔ̃ do lǝ vɔ̃nvɔ̃n nə́ Mawu mǝ.

07/02.txt

@@ -0,0 +1 @@
+\v 2 Mí kpɔ̃ tohó ɖə́ká nə́ mí! Mí ŋ' jíiguǝ lǝ amǝ ɖə́kɛn ŋún ò. Mí ŋ' dákpa amǝ ɖə́kɛn ŋún gbo míán kpɔɔ̃gomǝ lǝ amǝɖə́ŋún ò. \v 3 Ŋ nyí nə́ wá cò kúfio nə́ mí í wɔɛ bə́ ŋ lǝ nú ilá ò. Ɖó ŋnú váyi va bǝ mi ɖó tohó ɖə́ lǝ míán jí wó mǝ; bə́ nə́ míán nɔn àgbǝ nɔ̃nmí míán kú də́ǝ̀du. \v 4 Ŋ kádə́ míán jí sùgbɔ í ǝ̀jì lǝ jɔŋ də́ míán ŋún sùgbɔ ǝ̀jí lǝ jɔŋ tómǝ nə́ í gbǝ nyí míán ranmǝ kúkú wó mǝ cá.

07/05.txt

@@ -0,0 +1 @@
+\v 5 Kǝ mí yi Màsǝ̀dónì ɖǝ̀cáá , mí ŋ' gbɔn lǝ míán ɖə́kiwó mǝ ò. Tóvò nǝ ŋna, mí lǝ tó àhùà wo mǝ lǝ gbaŋgba kídə́ vɔ̃nvɔ̃n lǝ jìmǝ̀. \v 6 Vɔ̃à Mawu kǝ dónɔ̃n ǝ̀gan amǝkǝ ranmǝ kúwóá ǝ̀dóògan mí tó Títò yə́ vává mǝ. \v 7 Ŋ nyí tó yə́ vává mǝ ɖǝ̀ɖǝ̀ í Mawu dóogan mí ò. Ǝ́có Títò cá yə́ gándóámǝ kǝ í xɔ có míán gbɔ̃á gbɔ̃. Ǝ́ xonu nǝ̀mí có míán rɔnrɔn ŋún, kídə́ míán xomǝfíɛn ŋún kídə́ míán ɖə́cɔ̃ lǝ̀ ɖǝmǝ gánŋgán ŋ an. Càgbǝ ŋnan tɔ̃á, ǝ̀ vívíŋ sùgbɔ.

07/08.txt

@@ -0,0 +1 @@
+\v 8 Kǝ ì nyìbə́ tiŋ' wóéma kú ranmǝ nə́míán, nya ŋ'cɔɔ̃ɖǝ lǝ jí ò. Vɔ̃à ŋ sǝ vǝ̀və́ yá kǝ̀nyìbə́ ə́cɔ̃ ranmǝ kú mí an. Vɔ̃à ranmǝ kú mí nə́ gàmǝ̀ ɖǝ̀í. \v 9 Ífia, ǝ̀jì lǝ jɔŋ. vɔ̃à ŋ' nyí càgbǝ kǝ ranmǝ kú mí taɖóí ó, vɔ̃à càgbǝ kǝ míán ranmǝ kúkú á ná míán jímǝ tɔ̃trɔ̃í . Mí wo xomǝfíɛn kɔkɔ kǝ í nyínə́án, miŋ' wɔnú gúgú ɖə́kɛn càgbǝ míán tɔ ò. \v 10 Ɖó xomǝfíɛn kɔkɔ hɛnǝ jìmǝ̀ tɔ̃trɔ̃ kǝ kprɔnǝ amǝ yidə́ ɖǝ̀ɖǝ̀ kpɔ̃kpɔ̃ kǝ wóŋ' sǝnǝ vǝvə́ də́ta í. Gàɖǝ̀ó mǝán, xíxə́ámǝ yə́ xomǝfíɛn hɛnǝ ǝ̀kú vá.

07/11.txt

@@ -0,0 +1 @@
+\v 11 Mí kpɔ̃ càncán gánŋgán kǝ xomǝfíɛn nyɔ̃nŋ'gbin wo lǝ mian mǝ an. Míán cancán góŋ'góŋ' án gánŋgán í ɖǝdíìsá bə́ minyí amǝ man nyáàɖǝ̀wó. Míán makádə́jí, míán bibi yéŋ'yéŋ' kídə́ míán jijí wó gánŋgán bə́ míán kpɔ̃ bə́ ǝnyɔn jɔjɔ ná vámǝ! Lǝ núsíanú mǝ án, mian ŋ'táwó mí ɖóòkpə́jí bə́ mí nyí ǝ̀dǝmanyán tɔ̃wó lǝ ǝnyɔn ŋna mǝ. \v 12 Tógbɔ̃ bə́ ŋ ŋrɔnú nə́mí án, nyɛn ŋ' ŋrɔɛn càgbǝ amǝ kǝ ŋ' wɔ baɖa ò, nɔ̃nmí càgbǝ amǝ kǝ ɖu núvoɛn yə́ ya ò. Ŋ ŋrɔn nú càgbǝ míán vǝvə́ də́də́ ǝnú nə́ míán ná zé lǝ̀ Mawu yə́ ŋkɔ.

07/13.txt

@@ -0,0 +1 @@
+\v 13 Càgbǝ ŋnatɔ í mí xɔ ŋúnsɛn dódó. Gbǝ sə́ kpə́, míán ŋ'táwó gán dóámǝ wóá, mígbǝ lǝ kpɔ̃ jíjɔ̃ dǝ̀jí càgbǝ Títò yə́ jijɔ ta, ɖó yə́ gbɔngbɔn xɔ fafá tó mian wo séé jí. \v 14 Ɖó nə́ ŋ có mí sə́ ɖə́ àbɔ̃ á, ŋkpɛn ŋ' ɖibrə́ ŋ ò. Tóvò a, sigbǝ núsíanú kǝ mí nú nə́ mí an nyí àdòdó á, míán ɖə́ki dódó déèji nə́ mí lǝ Títò gbɔ̃á zun ŋ'táŋ'tá.

07/15.txt

@@ -0,0 +1 @@
+\v 15 Yə́ rɔnrɔn nə́ mí gbǝ gánŋ'gán kə́, nə́ í ɖoŋun míán mǝ bubu í sigbǝ mi xɔɛ dó kídə́ vɔ̃nvɔ̃n kídə́ hùn hùn tìtìtì. \v 16 Ǝ́lǝ víví ŋ` dóŋ kádə́ mian jí sùgbɔ.

08/01.txt

@@ -0,0 +1 @@
+\v 1 Nɔnvíwó, mí jí bə́ mian ŋyáanú, có Mawu yə́ mǝnúvə́və́ kǝ lǝ wɔ̃dɔ lǝ Màsǝ̀dónì yə́ hámǝ wó ŋún. \v 2 Lǝ wó ranmǝ kúkú wó dodókpɔ̃ gánŋgán wó gamǝán, wó jijɔ gbàngo kídə́ wó yaɖuɖu sùgbɔ vá ji àdɔ̃nmǝ̀ nyɔɛn sùgbɔ.

08/03.txt

@@ -0,0 +1 @@
+\v 3 Ŋkpɔ̃ yə́ tohó ɖó wó cɔ̃ wó ŋúnsɛnwó sə́ ná, í kǝgbǝ wúùgan wó ŋúnsɛnwó cá. Í tó wóŋ'táwó jijí nu, \v 4 kídə́ kúkú ɖǝɖǝ sùgbɔ̃á, wó bíɔ̃ có míán gbɔ̃ bə́ míán ná yǝó ǝmɔ̃nnu kpɔ̃kpɔ̃ bə́ yǝó cá yǝó á kpɔ̃ ǝ̀gomǝ lǝ xɔ̃sǝ̀tɔ̃wó dɔ̃á mǝ . \v 5 Ílá ŋ' vámǝ sigbǝ mí bui ɖóá ó, vɔ̃à, kélékélé á wó ŋ'táwó cɔ̃ wó ɖə́kiwó ná Àxótɔ̃á, kídə́ míán wó cá sigbǝ Mawu jíi ɖóá.

08/06.txt

@@ -0,0 +1 @@
+\v 6 Kə́, mí bíɔ̃ Títò bə́ ná wɔ àdɔ̃nmǝ̀ nyɔ̃nyɔ̃n yə́ dzi lǝ mian gbɔ̃ sigbǝ í tɔ̃jí ǝnə́. \v 7 Vɔ̃à sigbǝ mí wɔnǝ núsíanú lǝ xɔ̃sǝ̀ mǝ, lǝ nuxó mǝ, lǝ ǝnú nyányán mǝ, lǝ vǝ̀və́də́də́ ǝnú mǝ í lǝ míán rɔnrɔn kǝ mí ɖó nə́ míán, mían nɔnŋun cá í yiŋkɔ lǝ ǝnú nyɔ̃ɛn wɔwɔ dɔ̃ inan mǝ.

08/08.txt

@@ -0,0 +1 @@
+\v 8 Nyǝ ŋ'lǝ zín də́ mian jí ò, vɔ̃à , ŋlǝ núulá í sə́ lǝ ɖó  ǝ̀kpə́ míán rɔnrɔn yə́ vǝvə́də́də́ jí í sə́ lǝ sɔ kídə́ amǝ ɖǝ̀á wó vǝvə́də́də́ǝnú . \v 9 Í cá, minyán míán xótɔ̃ Yesu Kristo yə́ mǝnúvə́və́. Nə́ ìgbǝ nyí hòtɔ̃nɔn cáá, ə́cɔ̃ ɖǝ̀ǝkia sə́ wɔ wɔamǝnɔn í tó yə́ wɔamǝnɔn nyínyíán jíá mian zun hòtɔ̃nɔn.

08/10.txt

@@ -0,0 +1 @@
+\v 10 Tó ŋuna jíá, màán vá xòtóɖó nə́mi nə́ má kpə́də́ mian ŋún . Ǝ̀xo ɖə́ká kǝ̀, ŋ' nyí ɖǝ̀ɖǝ̀ bə́ mí tɔ̃ ǝŋ'ɖə́ wɔwɔ ò vɔ̃à mí ɖó rɔnrɔn kídə́ jijí bə́ yǝwó á wɔɛ, mian wó cá mí vá lǝ yə́ vɔxó sigbǝ míán tə́ŋún án. \v 11 .....A... \v 12 Nə́ mí ɖó jìjí bə́ yǝó á wɔ̃dɔ̃á, ǝnú jíjí kídə́ ǝnú nyɔ̃ŋ'gbin í. Ǝ́ɖóá nɔn ǝnú kǝ amǝ ɖə́ká wɔɖɛá jí í ŋ'kàá nyí kǝ ŋ' wɔɖɛá jí ò.

08/13.txt

@@ -0,0 +1 @@
+\v 13 Ǝ̀dɔɔlá ŋ'nyíbə́ wá sə́ wɔ̃ nyɔ̃ɛn nə́ amǝ dòó í cɔ̃ àgbàn dǝ mian jí ò, vɔ̃à kə́ ǝnú wó ná sɔ. \v 14 Mian jidə́jí gàalámǝtɔ ná wɔ míán jijí wó. Də́ǝ̀dùá, nə́ càgbǝ wó jidə́jí ná tə́ŋún wɔ míán jijí wó í nə́ sɔ̃sɔ̃ na lɛ. \v 15 Sigbǝ wó ŋrɔɛɖɛ bə́: «Amǝ kǝ wɔɖɛ sùgbɔ ŋ' wɔ ǝŋɖə́ ɖɛ kə́kə́ ò; í amǝ kǝ wɔ hɔ̃ɛɖǝ̀káɖɛ á ŋ' jínə́ ŋ'ɖə́ də́kpin ò.»

08/16.txt

@@ -0,0 +1 @@
+\v 16 Wɔ̃dɔ̃ í míán dó nə́ Mawu kǝ cɔ̃ rɔnrɔn fàà kǝ ŋ jí nə́mi də́ Títò yə́ jimǝ. \v 17 Ŋ nyí bə́ ŋ' rɔn míán biɔbíɔ̃ ɖǝ̀ɖǝ̀ í ò kə́ ə́ ɖó jìjí gánŋgán nə́ asə́ wɔɛ. Ǝ́ vá mian gbɔ̃ tó yə́ŋtá yə́ nújró mǝ.

08/18.txt

@@ -0,0 +1 @@
+\v 18 Mídɔ̃ɛ kídə́ nɔví kǝ Mawu yə́ háwó lǝ káfú nə́ Mawu nyɔn núnú án. \v 19 Kǝgbǝ wúá, Mawu yə́ háwó í cɛɛn bə́ ná zɔnmɔ̃n kídə́ mí nə́ àwɔ àdɔ̃nmǝ̀ nyɔɛ yə́ dɔ̃ ŋna. Ìlá nə́ Axótɔ̃ ŋtá yə́ ŋtí kɔkɔ, kídə́ míán jijí nə́ kpǝ̀kpə́ŋún.

08/20.txt

@@ -0,0 +1 @@
+\v 20 Mí lǝ gbə́ǝnú lǝ ŋúntə́tə́ gbe, kǝ amǝ ɖə́ á dɔnnyɔn kídə́ mí də́ ǝnú nánán fàà kǝ mí lǝ jɔa ŋún. \v 21 Mí jínə́ kòkò bǝ míán wɔnú kǝ ɖó búbúà , ŋ'nyí ɖǝ̀ɖǝ̀ lǝ Ahótɔ̃á yə́ ŋkɔ ò, kə́ vɔ̃à lǝ amǝó cá ŋkɔ.

08/22.txt

@@ -0,0 +1 @@
+\v 22 Mí dɔ̃ nɔnví bú cá kídə́wó. Mí dóe kpɔ̃ í mí kpɔ̃ɛ bə́ àfi xɔxɔ ɖə́ lǝŋún lǝ ǝ̀dɔ ɖǝ̀síàɖǝ mǝ. Í ífia, ə́yinǝ mɔ̃njí sùgbɔ çàgbǝ kàkáɖə́jí gánŋgán kǝ̀ǝ̀ɖo nə́ míán. \v 23 Títò yàá, ə́ nyí tiŋ' vǝatɔ̃ í nyí tiŋ' kpə́də́ŋún tɔ̃ lǝ̀ dɔmǝ nə́ mí. Míán Nɔnvíwó yáá, Mawu yə́ hámǝ wó í dɔ̃wó. Wó nyí ǝnú dó amǝ də́ǝ̀ji nə́ Kristo. \v 24 Hùun mí míán díìsá míán jijɔ kpɔ̃kpɔ̃ yə́ taɖójínú nə́mi nə́ Mawu yə́ hámǝ wó.

09/01.txt

@@ -0,0 +1 @@
+\v 1 Kudə́ amǝkɔkɔ wó kpǝkpə́də́ŋún hácoco ŋúán, ə́lǝ və́və́ɖə́ŋ sùgbɔ̃ bə́ mán ŋrɔnú nə́mí. \v 2 Ɖó, ŋ nyán míán rɔnrɔn fàà kǝ ŋ sə́ kɔ̃nə́ ɖǝ̀ǝkinyɛn də́ǝ̀ji lǝ Màkèdóni tɔ̃wó gblɔ. Ŋ núnə́wó bə́ Àcáyì sɔgbǝ̀ có kə́kə́ kɔ̃nmɛn í míán bíbí í tutu amǝ sùgbɔ lǝ wómǝ bə́ wóá wo ŋ'ɖə́.

09/03.txt

@@ -0,0 +1 @@
+\v 3 Ŋtájú dɔ̃ nɔnvíwó bə́ kàfùkáfú kǝ mí cɔ̃nə́ mí ŋ'káa nyí gbàalǝ ò í nə́ mian nɔn gbǝ̀sɔ̃sɔ̃, sigbǝ ŋ níú xóxó ǝnə́. \v 4 Mə́ǝnə́ ò, á nyí ŋkpɛn nə́mí, nə́ ŋvá kídə́ míán nɔnví Màkèdónì tɔ̃wó, ( nyǝŋ' lǝ nú ǝnyɔn ɖǝ̀ có mian ŋún ò) miŋ' sɔgbǝ̀ɖɛ ò. \v 5 Càgbǝ ŋuna tɔá, ŋ kpɔ̃bə́ ə́lǝ və́və́ɖə́ bə́ wóá dɔ̃ nɔnvíwó ɖíɖá mí bə́ wóá kpə́də́ mian ŋún nə́ mian kpaɖí ǝnúnáná kǝ yə́ zə́ miɖə́ nə́míwóá; bə́ nə́ ǝnú náná ŋunawó wá sɔgbǝ̀, lǝ jòjró nyɔ̃nŋgbin mǝ vɔ̃à ŋ'nyí amǝjí zínzín í ò.

09/06.txt

@@ -0,0 +1 @@
+\v 6 Mí nyɛɛn bə́: amǝ kǝ dóonú hɔɛɖə́ká á ŋə́ǝnú hɔɛ ɖə́ká, í amǝ kǝ dóonú sùgbɔ̃á á ŋə́ǝnú sùgbɔ. \v 7 Hùun amǝsíámǝ ná ná ǝnú sigbǝ yə́ ji xonu nɛɛ mɔ̃n. Kə́ amǝɖə́ ŋ' káa náanú kídə́ vǝ̀və́sǝsǝ kídə́ zìnzín də́ amǝ jí ò. Ɖó Mawu rɔn nǝ amǝ kǝ nánə́ǝnú kídə́ jìjɔ̃à.

09/08.txt

@@ -0,0 +1 @@
+\v 8 Í Mawu yə́ mǝnúvə́və́wó á gban kɔdə́ mian jí, càgbǝ lǝ ǝnú ɖǝ̀síàɖǝ mǝán, ǝnúwó nálǝ sùgbɔ lǝ mian sí nə́ ǝ̀dɔ nyɔ̃nŋgbin wɔwɔ. \v 9 Sigbǝ wó ŋrɔɛɖɛ bə́: «Ǝ́ mán yə́ dɔkuwó í ná wɔamǝnɔn wó.» Yə́ jɔjɔnyínyí lɛɖɛ tɛgbɛɛ.

09/10.txt

@@ -0,0 +1 @@
+\v 10 Amǝ kǝ nán ǝnúkúdódó yə́ dótɔ̃á kídə́ kpɔ̃nnɔ̃n kǝ à ɖua, á vá ná í wɔɛ bə́ ǝnúkú á jí də́jí . Á jí míán jɔjɔnyínyí yə́ núkú də́jí. \v 11 Á wɔ míán ji də́jí lǝ ǝmɔ̃n ɖǝ̀síàɖǝ nu càgbǝ mian yiŋkɔ lǝ míán núnyɔ̃ɛn wɔwɔ wó mǝ̀, í nə́ amǝ sùgbɔ ná dáàkpə́ nə́ Mawu.

09/12.txt

@@ -0,0 +1 @@
+\v 12 Ɖó ǝ̀dɔŋnan ŋnán xɔ̃sǝ̀tɔ̃wó hinyán wó ɖǝ̀ɖǝ ò. Í cáá ə́gbǝ nyínə́ jijɔ kídə́ àkpə́də́də́ vɔsá nə́ Mawu . \v 13 Sigbǝ amǝwó káfúmi ɖóeá, mian vá dó Mawu yə́ŋkɔ̃ də́ǝ̀ji tó míán bubu də́də́  Kristo yə́ nyɔn ŋún. Míán gbǝvá dó Mawu yə́ ŋkɔ cà də́ǝ̀ji tó míán dɔnmǝ nyɔ̃nŋgbin yə́ nú náná jí nə́wó kídə́ amǝ ɖə́káɖə́ká . \v 14 Lǝ rɔ̃nrɔ̃n gànŋgán kǝ wó ɖó nə́míán , wólǝ xoɖǝ̀ nǝmi. Wó lǝ wɔ ìlá càgbǝ Mawu yə́ mǝnúvə́və́ gánŋgán kǝ lǝ mian jíá. \v 15 Wá káfú Mawu yə́ ŋkɔ̃ càgbǝ yə́ nú náná manyán nùnú.

10/01.txt

@@ -0,0 +1 @@
+\v 1 Ǝnyǝ, pɔ̃lù, ŋlǝ kpráanú mí, tó Kristo yə́ ɖə́ki bubɔ kídə́ yə́ ɖɔnmǝ fáfá jí. Ŋnyínə́ amǝfáfá nə́ ŋlɛ kídə́ mí, vɔ̃à ŋwɔnǝ càncàn də́ mian ŋún nə́ ŋ diŋdin də́mi. \v 2 Ŋɖǝnǝ kúkú nə́mi, nə́ ŋlɛ ɖɛ lǝ mian domǝ, nyǝ ŋ ɖólá hínyán ŋúnsɛn dódó kàkádéjí tɔ ò. Vɔ̃à ŋ bui bə́ nàán vá hínyán bə́ wóá dó ŋúnsɛn nə́ ŋ də́ ŋkɔ amǝ kǝ lǝ bui bə́ mí lǝ nɔn àgbǝ̀ lǝ ŋúntíranmǝ wó.

10/03.txt

@@ -0,0 +1 @@
+\v 3 Kǝ̀ǝ̀ nyìbə́ mílǝ zɔn lǝ ŋúntíranmǝ íá, míŋ ɖólá wɔ àhùà lǝ ŋúntíranmǝ ò. \v 4 Ɖó àhùàwɔnú kǝ mí sə́lǝ wɔ ahuaa ŋ'nyín ŋúntírantɔ í ò. Kə́, wó wɔ Mawu yə́ ŋúnsɛn ɖə́káɖɛ bə́ wá sə́ crɔ̃n gbɔ̃ngbɔ̃n mǝ ŋúnsɛn gánŋ'gan wó. Wó kpɔ̃nə́ ǝ̀gàn ɖə́ vìxò nyɔn dadə́ ŋkɔwó jí.

10/05.txt

@@ -0,0 +1 @@
+\v 5 Mílǝ crɔ̃n ŋúnsɛn ɖə́síàɖǝ kǝ cónə́ də́ Mawu nyányán ŋún cá. Mí cɔ̃nə́ tamǝ bubu ɖǝ̀síàɖǝ kǝ á có də́ Kristo yə́ bubu ŋúán. \v 6 Í mí sɔgbǝ̀ bǝ míán dɔ̃ntó nə́ amǝ mabu yə́ nú wɔwɔ ɖǝ̀síàɖǝ kpɔ̃ wó, zǝ̀ɖǝ̀ká nə́ míán mǝbubua nyɔ̃n séé.

10/07.txt

@@ -0,0 +1 @@
+\v 7 Mí kpɔ̃ ŋunú nyɔ̃nŋgbín krékré có ǝnú kǝ lǝ ŋkɔ nə́ mian ŋún. Nə́ amǝɖə́ nyɛɛn bə́ yǝ lɛ nə́ Kristo a, ná ɖó ŋuín bə́ kǝ yǝ lɛ nə́ Kristo a, míán cáwó mí lɛ nyɛɛn. \v 8 Ɖó nə́ í gbǝ nyín bə́ ŋ dónə́ ɖǝ̀ǝkinyǝ də́ǝ̀ji hɔɛɖə́ká ɖóɖo có míán cɛ kpakpa, kǝ míán xótɔ̃ námí bə́ míán sə́ tu mí ɖóá í ŋ'kàá nyín nə́ míán sə́ crɔ̃n mí ò a, nyǝ ŋ'kàá ɖu ŋunkpɛn ò.

10/09.txt

@@ -0,0 +1 @@
+\v 9 Nyǝ ŋ' lǝ jí bə́ inan ná nɔn sigbǝ bə́ ŋlǝ zín də́ mian jí tó tíŋ' nú ŋɔŋrɔn wó ŋún ò. \v 10 Ɖó amǝ ɖǝ wó lǝ nú bə́: «wéma wránɖíɖá ina wó lǝ və́və́ɖə́ í kpɔɔ̃gan . Vɔ̃à lǝ gòtàa, ə́ nyín gbɔ̃jɔ̃gbɔ̃jɔ̃tɔ í yə́ nyɔn wó ŋ' jǝ bə́ wóá sǝ ò.»

10/11.txt

@@ -0,0 +1 @@
+\v 11 Kə́ amǝ ŋuna wó mɔnkúí ná lǝ sǝ ǝnú kǝ mí nú də́ míán wéma kǝ mí ŋrɔn ɖíɖá wó gɔmǝ kǝ mí ŋ'lɛ cáò ,ǝnú ŋnan í míán wɔ kǝ mí lɛa. \v 12 Mí ŋ'yi bə́ wá wɔ mí də́ ɖòɖó nu nɔ̃nmí wá cɔ̃ mí sə́ sɔ kídə́ amǝ kǝ kánə́fú wóɖə́ki wó ò. Vɔ̃à nə́ wó lǝ cɔ̃ amǝɖə́ jrə́ də́ amǝ ɖèá ŋún í lǝ cɔ̃ amǝ ɖə́ sɔ kídə́ amǝ ɖǝ̀áá, wóŋ' wɔ ŋunúnyányán ɖɛ ò.

10/13.txt

@@ -0,0 +1 @@
+\v 13 Gàsíágàmǝ̀ an, mí ná lǝ kíkə́ míán ɖə́kiwó də́ǝ̀ji zɛn lǝŋún ò. Tóvò nǝ ŋuna án, míán nɔn ríxo kǝjí Mawu cɔ̃ mí dóá, ríxo kǝ diŋdin bóó də́ míán. \v 14 Cáá, mí ŋ' yi míán rího wó ŋgbə́ ò, kǝ mí kǝdə́ mian ŋúán. Mí nyín amǝ kə́lə́kə́lə́ tɔwó í vá kǝ dinŋdin də́ mí í kǝmí wɔ Kristo yə́ nyɔn dɛá.

10/15.txt

@@ -0,0 +1 @@
+\v 15 Míŋ' dó míán ɖə́kiwó də́ǝ̀ji tó ríxoa ŋún có amǝ ɖǝ̀áwó dɔŋún ò. Tóvòà, kǝ í nyì bə́ míán xɔsǝ lǝ cin də́jíá, mí lǝ kpɔ̃ɔmɔn, míán ŋtáwó bo dɔ̃ lǝ kǝkǝ də́jí í lá gbǝ nɔn yə́ ŋtáŋtá yə́ ríxowó mǝ. \v 16 Mí lǝ nɔ̃nta kpɔ̃ ŋna càgbǝ míán tə́ŋún lǝ kaka Mawu nyɔn nə́ ə́gbǝ nyí nútomǝ kǝ lǝ àkpáɖə́ká nə́ mí ò. Mí ná vá lǝ dó míán ɖə́kiwó də́ǝ̀ji də́ ǝ̀dɔ kǝ mí wɔ lǝ amǝbúwó nyígbánjí.

10/17.txt

@@ -0,0 +1 @@
+\v 17 «Vɔ̃ nə́ amǝ kǝ á dó ɖǝ̀ǝkia də́ǝ̀ji, ná dó ɖǝ̀ǝkia də́ǝ̀ji lǝ Axótɔ̃á mǝ.» \v 18 Ɖó ŋ'nyí amǝ kǝ lǝ dɔɔ̃dɔ ɖǝ̀ǝkia í wó dókpɔ̃ ò. Gànŋkə́, yéé nyí amǝ kǝ Axótɔ̃á lǝ dɔ̃á.

11/01.txt

@@ -0,0 +1 @@
+\v 1 Ŋjí bə́ mian xɔ cukú ɖòó lǝ tiŋ' kónŋta mǝ. Vɔ̃à milǝ xɔŋ ŋtáŋtá. \v 2 Ɖóá ŋlǝ huanŋún də́ mian nu. Ŋwɔ Mawu yə́ ŋúnhuan ɖɛ nə́mi, ɖó ŋcɔ̃ àgɔ̃ mí nə́ ŋúncu ɖə́ká. Ŋdə́ǝ̀zǝ̀ bə́ mán cɔ̃mi díìsá nə́ Kristo sigbǝ amǝ lǝ alɔjí ŋtáŋtá

11/03.txt

@@ -0,0 +1 @@
+\v 3 Vɔ̃à ŋlǝ vɔ̃nvɔ̃n nə́mi də́ ɖǝ̀kárɔkpa, sigbǝnə́ ǝ̀dàn brǝ Évà tó yə́ yǝ wɔ wɔ mǝ ǝnə́, mian tamǝ bubu wó .Ŋkáa trɔ̃ lǝ Kristo yə́ nyɔn və́və́ kǝ nyí ǝ̀cimatɔ̃á yə́ yomǝ ò. \v 4 Míán cɔ̃ɛ bə́ amǝɖə́ vá lǝ nú Yesu bu yə́ nyɔ nə́mi sə́ wú Yesu kǝ yə́ nyɔ mí nú nə́ mí ǝnə́. Nɔ̃nmí míán cɔ̃ɛ bə́ milǝ xɔ gbɔ̃ngbɔ̃n kǝ tóvò nǝ kǝ mí xɔa. Nɔ̃nmi míán gbǝ cɔ̃ɛ bə́ mi xɔ Mawu ǝnə́, nyɔn bú kǝ tóvò nǝ kǝ míxɔa. Mí lǝ dɔ̃n ǝnú ŋuna wójí kə́kə́.

11/05.txt

@@ -0,0 +1 @@
+\v 5 Hùun, ŋ lǝ bui bə́ nyǝ ŋ' nyín gɔ̃mǝ̀ nɔntɔ̃ nə́ amǝ kǝ wó bui bə́ wó nyí Yesu yə́ dɔ̃kprávi nyɔ̃nŋgbian wó. \v 6 Vɔ̃à nə́ nyǝŋ' nyányɔn dòó cáaá, ə́ɖi Mawu nyɔn yá ŋ nyɛɛn. Lǝ núsíanú mǝ kídə́ nɔ̃nɔ̃nmǝ̀ ɖǝ̀síàɖǝ mǝán, mí ná mi

11/07.txt

@@ -0,0 +1 @@
+\v 7 Kǝŋ bubɔ ɖǝ̀ǝɖkinyǝ bə́ má dóo də́ǝ̀jí ɖə́ǝ ŋjagɔ̃ia? Ɖó ŋ nú Mawu nyɔn nə́ mí fàà. \v 8 Ŋfi Mawu há ɖóo í cɔ̃ wó kpǝkpə́də́ amǝŋún sə́ wɔ nə́ mi. Kǝ ŋ lǝ hìnyán mǝ lǝ mian domǝ án, nyǝ ŋ'nyín àgbàn nǝ amǝ ɖə́kɛn ò. \v 9 Ɖó nɔnví Màkèdónì tɔ̃wó í wɔnǝ tiŋ' hínyán wó. Lǝ núsíanú mǝán, nyǝŋ' jí bə́ mán nyín àgbàn nǝmi ò, í mán lǝ wɔɛ nyɛɛn ǝnə́ tɛgbɛɛ.

11/10.txt

@@ -0,0 +1 @@
+\v 10 Sigbǝ Kristo yə́ nyɔn dodó lǝ mǝnyǝán, wó ŋ'káa jí amǝ dódó də́ǝ̀ji də́kpin lǝ Àcáyi nútowó mǝ ò. \v 11 Í càgbǝ núkeé tɔ? Nyǝŋ' rɔn míán nyɔngbɔ̃ íà? Mawu nyɛɛn.

11/12.txt

@@ -0,0 +1 @@
+\v 12 Í ǝnú kǝ ŋlǝ wɔa ɖə́ǝ, màán yijí í lǝ wɔɛà, càgbǝ má ɖǝ tiŋ' kakádə́jí jíi bə́ wá xonu có ǝŋũnyǝàn kídə́ kakádə́jí càgbǝ kǝ wá kɔ̃ wó ɖə́ki wó də́ǝjìá ( càgbǝ wóá cɔ̃ wó sigbǝ ǝ̀dɔ ɖə́ká wɔtɔ̃ kídə́mí ǝnə́). \v 13 Ɖó amǝ ŋnan wó mɔnkúí wó nyín Yesu yə́ vixo yə́ núkprátɔ̃wó, ǝ̀dɔ wɔtɔ̃ kǝ brǝnǝ amǝ wó. Wó cɔ̃nə́ wó ɖə́ki wó trɔ̃nə́ Yesu yə́ Póstòló wó.

11/14.txt

@@ -0,0 +1 @@
+\v 14 Í ŋ'fíán ò, dó sátànà ŋtá trɔ̃nə́ zun dɔ̃lá kɔkɔ. \v 15 Ŋ nyí ǝnú fíán mǝ gánŋgán ɖə́ í ò nə́ yə́ súbɔ̃víwó cá lǝ trɔ̃ zun súbɔ̃ví dodó wó. Wó vɔvɔmǝ ácó wódɔ̃ wɔwɔ wó gbe.

11/16.txt

@@ -0,0 +1 @@
+\v 16 Ŋtrɔ̃ lǝ núi, amǝɖə́ ŋkáa bui bə́ yiŋ' tagbɔ̃ ŋlǝ wɔ̃dɔ ò, vɔ̃à nə́ ì nyin ǝnə́án, mí xɔŋ sigbǝ amǝ ma wɔ̃tagbɔ̃ɖɛ ǝnə́ càgbǝ mán tə́ŋ' dó ɖǝ̀ǝkinya də́ǝ̀ji hɔɛɖə́ká. \v 17 Ǝnú kǝ ŋ lǝ nú də́ kàkádə́jí kǝ dòdó də́ǝ̀ji lǝ̀mǝ̀ ŋúán, Axótɔ̃á ŋ' sə́ kǝò, vɔ̃à ŋlǝ xonu sigbǝ amǝ ma wɔ̃ tagbɔ̃ɖɛ ǝnə́. \v 18 Ɖó amǝ sùgbɔ dónə́ ɖǝ̀ǝkia də́ǝ̀jí càgbǝ ŋúntíran tɔ, nyǝ cá mán dó ɖǝ̀ǝkinyǝ də́ǝ̀ji.

11/19.txt

@@ -0,0 +1 @@
+\v 19 Ɖóá mixɔnǝ amǝ ma wɔ̃ tagbɔ̃ɖɛ wó kídə́ jìjɔ̃. Mian ŋtáwó mi cin lǝ ŋunú nyányán mǝ. \v 20 Ɖó mixɔnǝ amǝ kǝ cɔ̃nə́ mi, sə́ wɔnǝ yə́ mǝ xǝxǝrǝ, nə́ ìlǝ zán mi, nə́ ìlǝ kpɔ̃ bə́ yǝ wúugan mí, nɔ̃mí nə́ ìlǝ xòtómǝ nə́mi. \v 21 Ǝŋun lǝ kpɛnŋ bə́ má nú bə́ mi nyín amǝ gbɔ̃jɔ̃ wó sùgbɔ bə́ míán wɔnə́. ɛɛɛn, nə́ amǝ ɖə́ lǝ kíkə́ ɖǝ̀ǝkia də́ǝ̀ji (ŋlǝ xonu sigbǝ cukúnɔn ǝnə́), nyǝcá màán kíkə́ ɖǝ̀ǝkinyǝ də́ǝ̀ji.

11/22.txt

@@ -0,0 +1 @@
+\v 22 Wó nyí Hébrùì tɔ̃wó íà? Nyɛn cá. Wó nyín Ísràɛl vì wóà? Nyɛn cá. Wó nyín Abràhàm yə́ jijimǝ ví wóà? Nyɛn cá. \v 23 Wó nyín Kristo yə́ súbɔ̃ví wóà? (Ŋlǝ xonu sigbǝ amǝ ma wɔ̃ tagbɔ̃ɖɛ ǝnə́.) Ŋnyíi sə́ wú. Ŋ nɔn ǝ̀dɔ sɛɛnŋún- sɛɛnŋún wó mǝ, lǝ gàkpáwó sùgbɔ mǝ, lǝ xòxò kǝ tóŋún dí wó mǝ, í ŋdónə́ǝ̀go ǝ̀kú fɔkú sùgbɔ.

11/24.txt

@@ -0,0 +1 @@
+\v 24 Lǝ Yúdà tɔ̃wó gbɔ̃á, ŋxɔ «Hòoka ə́di dǝ̀ká wó.» Zǝ̀àtɔ̃n . \v 25 Wó xɔŋ zǝ̀tɔn kídə́ àtí. Wó dàkpə́ŋ zǝ̀ɖǝ̀ká. Ŋbú kídə́ tɔjí hún zǝ̀tɔn. Ŋwɔ ǝ̀zan ɖə́ká kídə́ ŋkǝkǝ ɖə́ká lǝ àxu yə́ doŋdomǝ. \v 26 Ŋwɔ mɔ̃nzɔnzɔn wó də́nu, ŋ nɔn àfɔkú mǝ lə́ ciwó mǝ, lǝ àfɔkú mǝ tó frafitɔ̃wó jí, lǝ àfɔkú mǝ tó nyǝ ŋtá yə́ dumǝ tɔ̃wó jí, lǝ àfɔkú mǝ tó amǝ ma xɔsǝ tɔ̃wó jí, lǝ àfɔkú mǝ lǝ dùgan mǝ, lǝ áƒɔkú mǝ lǝ zògbǝ̀ nyígbán jí, lǝ àfɔkú mǝ lǝ àxu jí, lǝ àfɔkú mǝ tó vìxò nɔnví wó jí.

11/27.txt

@@ -0,0 +1 @@
+\v 27 Ŋtó ǝ̀dɔ̃ sɛɛnŋún- sɛɛnŋún kídə́ ayaɖuɖuwó mǝ,  í lǝ ǝ̀zan sùgbɔmǝ arɔn mandón- mandón, lǝ fifé kídə́ cikɔmǝ mǝ , gàsíágàmǝ̀ lǝ nubábrá mǝ , lǝ vùvɔ̃ kídə́ amán- amán nɔnɔn mǝ . \v 28 Í, lǝ ŋunan wó sééé ŋgbə́á ŋkǝŋkǝ wó zínnə́ də́ǝ̀jinyǝ nə́ tiŋ jiɖǝɖǝ də́ Mawu ha ɖǝ̀síàɖǝ ŋún. \v 29 Mɛɛn í gbɔ̃jɔ̃, í ŋ'nyín nyǝ ò? Mɛɛn tutu amǝ bú də́ ǝnúvɔ̃ɛn mǝ, í nyǝ ŋ'tɔ̃ɛ zò ò?

11/30.txt

@@ -0,0 +1 @@
+\v 30 Nə́ ŋɖóá kɔ̃ ɖə́ǝ̀kinyǝ də́ǝ̀jiá, màán vá kɔ̃ ɖə́ǝ̀kinyǝ də́ǝ̀ji càgbǝ tiŋ' gbɔjɔgbɔ̃jɔ̃ wó ta. \v 31 Mawu kǝ nyín dàdà nǝ Àxótɔ̃ Yesu Kristo, amǝ kǝ wó dó də́ǝ̀ji sə́ yi mavɔa, nyán bə́ nyǝ ŋ' lǝ xovì ò.

11/32.txt

@@ -0,0 +1 @@
+\v 32 Lǝ̀ Dàmásì a, ǝ̀fiɔ Arétas yə́ du dɔ̃ nu nɔn tɔ̃ nán wó lǝ cɔ̃ Dàmàsìtɔ̃ wó dua càgbǝ nə́ wá lə́ŋ. \v 33 Vɔ̃à wó cɔ̃ŋ də́ kisi ɖə́ká mǝ í ɖiŋ tó fɛtɛri nu lǝ ǝ̀grì gɔmǝ, í ŋ ɖǝ lǝ yə́ sí wó mǝ.

12/01.txt

@@ -0,0 +1 @@
+\v 1 Màán tə́ŋ' kíkə́ ɖǝ̀ǝkinyǝ də́ǝ̀jí, vɔ̃à nyǝ ŋ' lǝ ɖu ǝŋɖə́kɛn lǝ mǝ nə́ ŋ lǝ wɔɛ ò. Vɔ̃à màán vá vá ǝŋunvǝ̀ kídə́ ɖǝ̀ɖǝ̀diìsá wó kǝ có Àxótɔ̃á gbɔ̃á gbɔ̃. \v 2 Ŋdǝsi ŋíncu ɖə́ká lǝ Kristo mǝ kǝ, ǝ̀xo wíinǝ sɔ̃nŋ' kǝ̀, ǝ̀jì jɔɛ nə́ jìŋkorí ámǝ̀tɔantɔ̃, nə́ í nyín yə́ kídə́ yə́ mǝtíá nɔ̃mí tóvò nǝ yə́ mǝtíá í, nyǝ ŋ' nyán ò, Mawu yá nyán.

12/03.txt

@@ -0,0 +1 @@
+\v 3 Í ŋ nyán bə́ ŋúncu ŋunnan (Nɔ̃mí yə́ mǝtíá nɔnmí tóvò nǝ yə́ mǝtíá í, nyǝ ŋ'nyá ò, Mawu nyán) \v 4 wó cɔ̃ɛ yi pàràdísò mǝ í ì lǝ sǝ gbɔ̃ngbɔ̃n mǝ nú gánŋgán wó càgbǝ  nə́ amǝ ɖǝ̀síàɖǝ ná tə́ŋún núi. \v 5 Ŋlǝ kídə́ ɖǝ̀ǝkinyǝ, càgbǝ amǝ ŋúnan mɔnkúí. Vɔ̃à nyǝ ŋ' kàá kíkə́ ɖǝ̀ǝkinyǝ càgbǝ nyǝŋúntá tɔ ò, nə́ə́gbə́ càgbǝ tiŋ' gbɔjɔgbɔ̃jɔ̃ wó ta ɖó í.

12/06.txt

@@ -0,0 +1 @@
+\v 6 Nə́ ŋ jíbə́ má kíkə́ ɖǝ̀ǝkinyǝ də́ǝ̀jìá, nyǝ ŋ'ɖóá nyí tagbɔ̃ kúkú tɔ̃ ò; ɖó màán kǝ nú àdòdó. Vɔ̃à màán kǝ cɔ̃ɛ də́ ɖǝ̀ǝkinyǝ jí í nyǝ nán kíkə́ ɖǝ̀ǝkinyǝ də́ǝ̀jiò, bə́ nə́ amǝ ɖə́kin ŋ' káa ɖó xɔ̃sǝ̀ baɖa də́ ŋkɔ nə́ ǝnú kǝ wó kpɔ̃nə́ də́ ǝŋúnǝ nɔ̃nmí kǝ wó sǝsǝ có ǝŋúnyǝan. \v 7 Màán kpɔ̃ ɖǝ̀ǝkinyǝ bə́ nyǝ ŋ' ká gbǝ kíkə́ ɖǝ̀ǝkinyǝ də́ǝ̀ji càgbǝ ɖǝ̀ɖǝ̀ diìsá wó nɔnɔnmǝ man nyán tanə́ wó. Kə́ǝnə́án, nyǝ ná ɖɔ̃ kídə́ amǝ ɖə́ki dódó də́ǝ̀ji ò, ɖó wó náŋ aŋunja ɖə́ká də́ ranmǝ, sátànà yə́ mǝ dɔ̃dɔ̃ nə́ àvà cáká ŋ, nə́ nyǝ ŋ' ká vá zun amǝ kǝ kíkə́nə́ ɖǝ̀ǝkia də́ǝ̀ji ɖóɖo ò.

12/08.txt

@@ -0,0 +1 @@
+\v 8 Ŋɖǝ̀ kúkú nə́ Ahótɔ̃á zǝ̀tɔ̃n càgbǝ ŋnan tɔ, bə́ nə́ wá gboe yi lǝ̀ gbɔnyǝ. \v 9 Vɔ̃à ə́ núŋ bə́, <tiŋ' mǝnúvə́və́ sùgbɔ nóo, ɖó wó ná í tiŋ ŋúnsɛn trɔ̃ nyón séé lǝ gbɔ̃jɔ̃gbɔ̃jɔ̃ mǝ.>> Gà ŋunan mǝ màán téŋún wɔ àkɔ̃ sùgbɔ də́ tiŋ' gbɔjɔgbɔ̃jɔ̃ jí, càgbǝ Kristo yə́ ŋúnsɛn nán nɔn mǝnyǝ. \v 10 Kə́ ǝ̀jì lǝ jɔŋ, lǝ tiŋ' gbɔjɔgbɔ̃jɔ̃ wó mǝ, lǝ ǝ̀zùwo mǝ, lǝ càkàcákáwó lǝ tǝ̀tǝ̀kpɔ̃wó mǝ kídə́ lǝ ǝnúxaxawó mǝ, nə́ Kristo; ɖó gàkǝmǝ ŋ gbɔ̃jɔ̃á, gaŋuna mǝ í ŋ kpɔ̃nə́ ǝ̀gan.

12/11.txt

@@ -0,0 +1 @@
+\v 11 Ŋtrɔ̃ zun amǝ ǝ̀tagbɔ̃ manɔnsítɔ̃! Mí zín də́ǝ̀jinyǝ í, ɖó mianwó í dó lá kǝ dɔ̃ŋ. Nyǝ ŋ'lǝ àgɔ̃mǝ̀ nǝ Àpóstòlò xɔ̃àfi ŋunawó ò, vɔ̃ gànŋkə́ nyǝ ŋ'nyín ǝŋɖə́ ò. \v 12 Àpóstòlò yə́ dǝsi ŋtáŋtáwó zə́ lǝ mian mǝ lǝ jìgbɔ̃ɖɛ mǝ, tó dǝ̀sìwò, ǝnú jíiŋún kídə́ àmlìmànu wó jí. \v 13 Ɖó, lǝ nú kǝə́ wó mǝ í mi ŋ' lǝ və́və́ɖə́ lǝ sigbǝ Mawu há ɖǝ̀áwó ǝnə́, tóvò bǝ nyǝ ŋ' nyín àgbàn nǝ míán? Mí cɔ̃ àgɔ̃jǝjǝ ŋnan sə́ kǝŋ.

12/14.txt

@@ -0,0 +1 @@
+\v 14 Kpɔ̃! Ŋ lǝ gbǝ̀sɔ̃sɔ̃ á yi mian gbɔ̃ zǝ̀tɔn antɔ̃. Í nyǝ ná vá nyín àgbàn nǝ mi ò, ɖó ŋ' nyín míán nú nɔn amǝsí í ŋ lǝ jí ò, mian ŋtáwó í ŋ lǝ jí. Ɖó, ɖǝ̀vìwó ŋ' ɖóá jɔnú nə́ wó jitɔ̃wó ò; kə́ tóvòa, àjìtɔ̃wó í ɖóá jɔnú nə́ wó xiwó. \v 15 Màán zán ǝnú fàà, í màán zán ɖǝ̀ǝkinyǝ nə́ míán kpɔrí wó. Nə́ ŋ rɔn mi sùgbɔ̃á, míán rɔnŋ hɔɛɖə́káà?