Fri May 03 2024 10:22:11 GMT+0300 (Восточная Европа, летнее время)

01/01.txt

@@ -0,0 +1 @@
+\v 1 Па́вло, слуґа́ Дэвлэ́ско, и апо́столо Христо́ско, апо́столо савэ́с приджиндэ́ мануша́ дэ патябэ́н, савэ́н выкэдыя́ Дэвэ́л, и ка́й тэˍґалёва́с чячибэ́н сы́р тэˍджива́с пи́р Лэ́ско Ла́в, \v 2 саво́ лыджя́л кэ ве́чно джиипэ́н, па́л саво́ ракирэ́лас гара́ Дэвэ́л, а Ёв наˍхохавэ́л, \v 3 и сы́р явья́ одова́ дэвэ́с, то откэрдя́ Пэ́скиро Ла́в саво́ мэ лыджя́в манушэ́нґэ, ка́й пхэндя́ ма́нґэ амаро́ Спаси́телё Дэвэ́л,

01/04.txt

@@ -0,0 +1 @@
+\v 4 Тито́скэ, чячюнэ́ чявэ́скэ дэ патябэ́н: ба́х и ми́ро Дэвлэ́стыр Дадэ́стыр и Иисусо́стыр Христо́стыр, амарэ́ Спасителёстыр. \v 5 Ва́ш адава́ ачядё́м ту́т дэ Кри́то, ка́й ту тэˍдокэрэ́с буты́ и тэˍчивэ́с дэ фо́ры пхурэдырэ́н пшалэ́н, сы́р мэ ту́кэ припхэндё́м:

01/06.txt

@@ -0,0 +1 @@
+\v 6 сы́р исы́н одова́ пша́л саво́ бидоша́киро, екхэ́ ромня́ко ро́м, чяворэ́ лэ́стэ кандунэ́, нанэ́ шундо́ па́л лэ́ндэ дылыно́ ла́в. \v 7 Па́л одова́ со пхурэды́р пша́л трэ́би тэˍявэ́л бидоша́киро, сы́р дэ Дэвлэ́скиро кхэ́р хула́й, ёв наˍсыкавэ́л холы́, нанэ́ матима́рё, наˍкошэ́лпэ манушэ́нса, и народэ́л, сы́р тэˍхохавэ́л манушэ́н,

01/08.txt

@@ -0,0 +1 @@
+\v 8 нэ ёв илэ́са прилэ́л манушэ́н, камэ́л тэˍкэрэ́л ку́ч, ґодяви́р, патывало́, чячюно́, пхирэ́л анґи́л Дэвлэ́стыр, рикирэ́л пэ́с до васта́, \v 9 пририкирэ́лпэ чячюно́ ла́в, саво́ ракирэ́л Дэвэ́л, со́б тэˍявэ́л зо́р тэˍсыклякирэ́л адя́кэ сы́р трэ́би манушэ́н, и тэˍвракирэ́л одолэ́н савэ́ наˍприлэ́н ла́в.

01/10.txt

@@ -0,0 +1 @@
+\v 10 Адя́кэ сы́р бу́т исы́н манушэ́н савэ́ наˍкамэ́н тэˍшунэ́н, ракирэ́н бу́т, хоханэ́, буты́р сарэ́ндыр ада́ иуде́и обчиндэ́, \v 11 савэ́нґэ трэ́би тэˍзакэрэ́ му́й, па́л одова́, со ёнэ́ улыджя́н се́мьи Дэвлэ́стыр, сыклякирэ́н одова́, со наˍтрэ́би, ёнэ́ закэрэ́н пэ адава́ и наˍладжя́н.

01/12.txt

@@ -0,0 +1 @@
+\v 12 Варико́н лэ́ндыр савэ́с ёнэ́ ґинэ́н пророко́са пхэндя́, со критя́ни исы́н хоханэ́, захалэ́ сы́р джюкэла́, наˍкамэ́н тэˍкэрэ́ буты́. \v 13 И ада́ ла́в исы́н чячибэ́н. Па́л адава́ ра́кир лэ́нґэ на́дар, со́б ёнэ́ тэˍпатя́н,

01/14.txt

@@ -0,0 +1 @@
+\v 14 на́ˍшун иуде́йска ба́сни и со припхэнэ́н мануша́, савэ́ отґинэ́ чячибна́стыр.

01/15.txt

@@ -0,0 +1 @@
+\v 15 Ко́н жужо́ илэ́са, ва́ш лэ́нґэ саро́ жужо́, а ко́н джювэ́л до бэзэха́ и наˍпатя́н, ва́ш лэ́нґэ саро́ нанэ́ лачё́, па́л одова́, со лэ́ндэ нанэ́ ни ла́ч, ни паты́в. \v 16 Ёнэ́ ракирэ́н со джинэ́н Дэвлэ́с, а кокорэ́ на́ˍлаче и лэ́нґиро джиипэ́н ракирэ́л ави́р, со ёнэ́ наˍджинэ́н и наˍкандэ́н Дэвлэ́с, и лачипэ́н тэˍкэрэ́ лэ́ндэ адава́ нанэ́.

02/01.txt

@@ -0,0 +1 @@
+\v 1 А ту ра́кир манушэ́нґэ одова́, со чиндо́ до Ла́в Дэвлэ́ско, \v 2 со́б пхурэды́р пшала́ тэˍавэ́н ґодяви́р, патывалэ́, тэˍрикирэ́н пэ́с до васта́, адя́кэ сы́р трэ́би тэˍпатя́н дэ Дэвлэ́ско Ла́в, до камлыпэ́н, тэˍрикирэ́нпэ сы́р лэ́нґэ пхаро́.

02/03.txt

@@ -0,0 +1 @@
+\v 3 Адя́кэ и пхурэды́р пхэня́ – тэˍдживэ́н сы́р свэ́нта мануша́: тэˍна́ˍхохавэн, тэˍна́ˍпридчюрдэнпэ кэ ви́но, а тэˍсыклякирэ́н лачипэ́н, \v 4 и тэˍдэ́н ґоды́ тэрнэнґэ́ пхэненґэ́, со́б ёнэ́ тэˍкамэ́н пэ́скирэн ромэ́н и пэ́скирэн чяворэ́н, \v 5 тэˍзрикирэ́н пэ́с, тэˍна́ˍкэрэн бэзэ́х, и тэˍдыкхэ́н палэ́ кхэ́р, тэˍавэ́н ковлэ́, тэˍкандэ́н пэ́скирэн ромэ́н, со́б ни ко́н тэˍна́ˍпхэнэл дылныпэ́н пэ Дэвлэ́скиро Ла́в.

02/06.txt

@@ -0,0 +1 @@
+\v 6 Адя́кэ и тэрнэ́н чявэ́н сыкля́кир тэˍрикирэ́н пэ́с до васта́. \v 7 Кокоро́ сыка́в дэ саро́ сы́р трэ́би тэˍлыджя́ пэ́с: сы́р сыклякирэ́с кэ́р ада́ адя́кэ, со́б тэˍявэ́л пи́р Дэвлэ́скиро Ла́в, патыва́са, \v 8 и тэˍавэ́л дэ саро́ ла́в здра́во и ада́саво сы́р трэ́би, со́б одова́ ко́н на́ˍлачэстыр тэˍавэ́л ладжя́кирдо, ка́й лэ́скэ тэˍна́ˍявэл со тэˍпхэнэ́л па́л амэ́ндэ нисо́ на́ˍлачё.

02/09.txt

@@ -0,0 +1 @@
+\v 9 Бутярнэ́нґэ припхэ́н тэˍавэ́н кандунэ́ пэ́скирэ хулае́нґэ, тэˍкэрэ́н саро́ сы́р ёнэ́ камэ́н и тэˍна́ˍобракирэнпэ лэ́нса, \v 10 тэˍна́ˍчорэн кэ ёнэ́, нэ адя́кэ сы́р трэ́би тэˍкэрэ́н буты́, со́б дэ саро́ тэˍявэ́л душло́ ґожыпэ́н Дэвлэ́ско сы́р сыклякирэ́л амэ́н Спаси́телё Дэвэ́л.

02/11.txt

@@ -0,0 +1 @@
+\v 11 Па́л одова́ ка́й явья́ Дэвлэ́скири ба́х, сави́ зракхэ́л сарэ́н манушэ́н \v 12 и сыклякирэ́л амэ́н, со́б амэ́ тэˍачява́с бэзэха́, и со камэ́л адава́ свэ́то и тэˍджива́с дадэвэ́с ґодяви́р, пра́ведно и дэ да́р Дэвлэ́ски \v 13 и тэˍдожакира́с ба́х Дэвлэ́ски, сави́ явэ́ла сы́ґо, сави́ Ёв сыкавэ́ла дэ бари́ Дэвлэ́скири и Спасителёскири Христо́скири сла́ва.

02/14.txt

@@ -0,0 +1 @@
+\v 14 Ёв отдыя́ Пэ́с па́л амэ́ндэ, со́б тэˍвыкинэ́л амэ́н сарэ́ндыр бэзэхэ́ндыр и тэˍвыморэ́л амэ́н ва́ш Пэ́скэ, со́б тэˍкэрэ́л амэ́н авирэ́нса манушэ́нса, савэ́ дрыва́н камэ́н тэˍкэрэ́н лачипэ́н.

02/15.txt

@@ -0,0 +1 @@
+\v 15 Ра́кир адава́, прикха́р кэ адава́ и ра́кир па́л одова́, со кэрэ́н нанэ́ адя́кэ, ра́кир на́дарпэ яв му́рш, со́б ёнэ́ тэˍкандэ́н ту́т.

03/01.txt

@@ -0,0 +1 @@
+\v 1 Ра́кир лэ́нґэ ка́й тэˍавэ́н кандунэ́ пэ́скирэ власте́нґэ и начяльникэ́нґэ, со́б дэ саро́ тэˍкэрэ́н лачипэ́н, \v 2 никонэ́с тэˍна́ˍкошэн, тэˍявэ́н ми́рна и кро́тка сарэ́нса манушэ́нса.

03/03.txt

@@ -0,0 +1 @@
+\v 3 Па́л одова́ ка́й и амэ́ гара́ исы́с нанэ́ ґодяви́р, нанэ́ кандунэ́, наˍпола́сас нисо́, кэра́сас со камэ́ласпэ и со амэ́нґэ чялё́лас, джива́сас дэ хохаибэ́н и дэ холы́, исы́с якхалэ́ пэ чю́жо, е́кх екхэ́с наˍкамнэ́ тэˍдыкха́с.

03/04.txt

@@ -0,0 +1 @@
+\v 4 Нэ сы́р явья́ лачипэ́н и камлыпэ́н амарэ́ Спасителёско Дэвлэ́ско, \v 5 Ёв зракхья́ амэ́н нанэ́ па́л амарэ́ лачипэ́н, саво́ амэ́ кэра́сас, нэ пи́р Пэ́скири ми́лость, вымордя́ амэ́н Свэнтонэ́ Духо́са и бияндя́ амэ́н нэвэ́ манушэ́нса,

03/06.txt

@@ -0,0 +1 @@
+\v 6 Духо́са Савэ́с Ёв вычюдя́ бу́т пэ амэ́нґэ пи́р Иисусо́стэ Христо́стэ, амарэ́ Спасителёстэ, \v 7 со́б Лэ́скири ми́лость тэˍзлэ́л амэ́ндэр банґипэ́н, и со́б амэ́ па́л одова́ ка́й патя́с, тэˍява́с наследникэ́нса дэ ве́чно джиипэ́н.

03/08.txt

@@ -0,0 +1 @@
+\v 8 Ла́в адава́ чячюно́, и мэ кама́в, со́б ту ла́в адава́ тэˍракирэ́с, со́б одолэ́ ко́н патя́н дэ Дэвлэ́стэ тэˍавэ́н патывалэ́ дэ лачипэ́н, саво́ камэ́н тэˍкэрэ́, па́л одова́ ка́й ада́ ку́ч и трэ́би ва́ш манушэ́нґэ.

03/09.txt

@@ -0,0 +1 @@
+\v 9 А нанэ́ ґодяви́р ракирибна́стыр, па́л одова́ ко́н савэ́ родо́стыр и кошыбэ́н палэ́ зако́но кэ сканда́ло, ада́ ту́кэ наˍтрэ́би, уджя́ адалэ́стыр, ада́ нисо́ лачё́ наˍдэ́л. \v 10 Ману́ш саво́ ракирэ́л нанэ́ чячё́ ла́в, е́кхвар ави́р мо́ло лэ́скэ припхэ́н, а тэ́нче отджя́ лэ́стыр, \v 11 джи́н, со ада́саво ману́ш кэрдя́пэ на́ˍлачё, кэрэ́л бэзэ́х и ёв ужэ́ сындякирдо́ кокоро́ дэ пэ́стэ.

03/12.txt

@@ -0,0 +1 @@
+\v 12 Сы́р бичява́ва кэ ту Артемо́с чи Тихико́с сыґэды́р яв кэ мэ дэ Ни́кополё, адя́кэ сы́р мэ кама́в тэˍпролыджя́в одо́й мра́зы. \v 13 Дыкх тэˍпролыджя́с джинґлэ́с дэ зако́но Зина́с и Аполосо́с адя́кэ, со́б лэ́ндэ саро́ тэˍухтылэ́л.

03/14.txt

@@ -0,0 +1 @@
+\v 14 Мэ́к и амарэ́ сыклё́н тэˍкэрэ́н лачипэ́н, со́б тэˍподрикирэ́н е́кх екхэ́с сы́р пхаро́, со́б ёнэ́ тэˍна́ˍдживэн йивья́.

03/15.txt

@@ -0,0 +1 @@
+\v 15 Приве́тствуют ту́т сарэ́ ко́н ма́нса. Приве́тствуй одолэ́н ко́н амэ́н полэ́л дэ патябэ́н. Тэˍавэ́л сарэ́нса тумэ́нса Дэвлэ́скири ба́х.

LICENSE.md

@@ -0,0 +1,7 @@
+# License
+
+This work is made available under the Creative Commons Attribution-ShareAlike 4.0 International License (CC BY-SA). To view a copy of this license, visit [http://creativecommons.org/licenses/by-sa/4.0/](http://creativecommons.org/licenses/by-sa/4.0/) or send a letter to Creative Commons, PO Box 1866, Mountain View, CA 94042, USA.
+
+If you would like to notify unfoldingWord regarding your translation of this work, please contact us at [https://unfoldingword.org/contact/](https://unfoldingword.org/contact/).
+
+This PDF was generated using Prince (https://www.princexml.com/).

front/title.txt

@@ -0,0 +1 @@
+Павли́скиро Лы́л Тито́скэ

manifest.json

@@ -0,0 +1,29 @@
+{
+	"package_version": 7,
+	"format": "usfm",
+	"generator": {
+		"name": "ts-desktop",
+		"build": "148"
+	},
+	"target_language": {
+		"id": "rml",
+		"name": "Baltic Romani",
+		"direction": "ltr"
+	},
+	"project": {
+		"id": "tit",
+		"name": "Titus"
+	},
+	"type": {
+		"id": "text",
+		"name": "Text"
+	},
+	"resource": {
+		"id": "udb",
+		"name": "Unlocked Dynamic Bible"
+	},
+	"source_translations": [],
+	"parent_draft": {},
+	"translators": [],
+	"finished_chunks": []
+}